వాయువీరుడు చార్లెస్ లిండ్ బెర్గ్

  వాయువీరుడు చార్లెస్ లిండ్ బెర్గ్

          సాహసమే పూపిరిగా ,ధైర్యమే భూషణం గా ఉన్న వారు చరిత్ర ను సృష్టిస్తారు .తర తరాలకు ఆదర్శ ప్రాయు లవుతారు .స్వంత విమానం లో అమెరికా లోని న్యుయ్యార్ నగరం నుండి ,ఫ్రాన్స్ దేశం లోని పారిస్ నగరానికి నాన్ స్టాప్ గా అట్లాంటిక్ సముద్రం మీద ప్రయాణం చేసి’’ వాయువీరుడు’’ అని పించుకొన్నాడు చార్లెస్ లిండ్ బెర్గ్ –అతని చరిత్ర సాహసులకు ప్రేరరణ .1927 may 20న ఇరవైయిదేల్ల లిండ్ బెర్గ్ ఈ సాహసం చేశాడు .

                                                                          పుట్టుక –విద్య

            1902 లో ఫిబ్రవరి నాలుగున మిచిగాన్ లోని డెట్రాయిట లో జన్మించాడు .తండ్రి ఆగస్టస్ స్విద్జేర్లాండ్ ఇమ్మిగ్రంట్ ..కుటుంబం మిన్న సోటా  కు మారింది .తండ్రి120 ఎకరాల స్థలం కొన్నాడు .చార్లెస్ నాలుగేళ్ల వరకు బయటే తిరిగాడు .స్వంత ఇల్లు కట్టే డబ్బు తండ్రికి లేదు .తలిదండ్రులు చాలా ముభావులు .తండ్రి అమెరికా house of representativ అయాడు .అందుకని భార్యకు విడా కులివ్వకుండా దూరం గా ఉంచాడు కొడుకుతో .1909 లో వాషింగ్టన్లో గ్రామర్  స్కూల్ లో చేరాడు .  1912 లో వర్జీనియా లో జరిగిన air plane exhibition కు తండ్రి తో  వెళ్లాడు . తండ్రి మొదల టి.ఫోర్డ్ కారు కొంటె ,అది చాలా కష్టపడి తొక్కితే నే కాని స్టార్ట్ అయేది కాదు .తానే నడపటం నేర్చాడు చార్లెస్ .ఈ బాధ పడలేక తండ్రి కొత్త కారు కొన్నాడు .అమ్మమ్మ ఇంటికి చేరి అక్కడి వ్యవసాయం చూసు కొంటు ,తల్లిని సేవిస్తూ గడిపాడు .గ్రాడ్యు ఎషణ్  అవగానే ఆర్మీ లో చేరాలను కొన్నాడు .చదువు కంటే అడవులు ,లోయలు ,సరస్సులు అతన్ని బాగా ఆకర్షించాయి .

          reserve officer training corps లో చేరాడు .విస్కాన్సిస్ వర్సిటి లో రైఫిల్ పిష్తల్ స్క్వాడ్ లో చేరాడు .ఇంగ్లీష లో తప్పాడు .నిరాశ చెంది ఇంగ్లీష తనకు అచ్చి రాదనీ గ్రహించాడు .విమాన పైలట్ అవాలని ప్రగాఢ మైన కోరిక ఉండేది .లింకన్ లోని నెబ్రాస్కా వర్సిటి లో చేరాడు .అక్కడ అతనొక్కడే అప్పుడు స్టూడెంట్ .దాని నిర్వాహకుడు’’ రే పేజి’’ తో కలిసి అన్ని పనులు చేశాడు .క్లాసులు ప్రారంభమైనాయి .ట్రైనింగ్ పూర్తీ అవగానే స్వంత విమానం కొనాలని ప్లాన్ లో ఉన్నాడు .తల్లి మిచిగాన్ చేరింది .1923 లో రెండవ ప్రపంచ యుద్ధం లో వాడిన విమానాలను వేలం వేస్తుంటే ‘’జెన్ని ‘’అనే విమానాన్ని వెయ్యి డాలర్లు పెట్టి కొన్నాడు .కల నిజం చేసు కొన్నాడు .దాన్ని విజయ వంతం గా నడి  పాడు .సెయింట్ లూయీస్ అనే బాగా రద్దీ గా ఉండే విమానాశ్రయానికి సురక్షితం గా చేరాడు .

                                                                               పోటీలు

international air race లలో పాల్గొన్నాడు .కొత్త రకమైన విమానాలను అధ్యయనం చేశాడు .u.s.army air service reserve cadetగా చేరాడు .ట్రైనింగ్ చాలా కష్టం గా ఉండేది .25 అతి కష్టమైన సబ్జెక్టులు చదవాల్సి వచ్చింది .అవకాశం మళ్ళీ రాదు అని తెలుసు కొని క్షణం తీరిక లేకుండా చదివి ఉత్తీర్ణుడై అందరి ప్రశంసలను పొందాడు బెర్గ్ .క్లాస్ లో ఫస్ట్ .1926 ఏప్రిల్ పదిహేనున మొదటి సారిగా సెయింట్ లూయిస్ నుండి ఇలినాయిస్ కు air mail delivery ని మొదటి సారిగా చేసి శేహబాష అని పించుకొన్నాడు .

                                                                    ట్రాన్స్ అట్లాంటిక్ ఏవియేషన్ పోటీ

             ఫ్రాన్సు దేశానికి చెందినా అమెరికా హోటల్  ఓనర్ ‘’రిమాండ్ ఆర్తీగ్ ‘’తన పేరు తో ఒక పోటీ ని నిర్వహించ దలచాడు .అట్లాంటిక్ సముద్రం మీదుగా న్యూయార్క్ నుండి ,పారిస్ కు ఒకే ఒక ప్లేన్ లో నాన్ స్టాప్ గా ప్రయాణించాలి అదీ పోటీ .లిండ్  ఈ వార్త విన్నాడు .అప్పటికే ఫ్రెంచ్ కెప్టెన్ ‘’రిని ‘’ప్రయత్నించి విఫలుడైనాడు .ఒంటరి ప్రయాణం .నిద్ర ఉండదు .దాదాపు 24గంటలు నాన్ స్టాప్ గా ప్రయాణం చేయటం సాహసమే ..ఏమైనా సాహసుడు కనుక పాల్గొని గెలవాలి అని నిర్ణయానికి వచ్చాడు ..ప్రయాణానికి తనకు తగిన విమానం తయారు చేసు కోవాలి .దానికి ఖర్చు పది వేల డా లర్లవుతుంది .తన చేతి లో రెండు వేలే ఉన్నాయి .స్నేహితులు ,ఇలాంటి సాహసాన్ని ఉత్సాహ పరిచే వారు తగిన ధనాన్ని సమ కూర్చి పెట్టారు .

             ryon air craft అనే తనకు కావాల్సిన విమానాన్ని కావలసిన హంగులతో తయారు చేసిస్తామని ఆ కంపెని హామీ ఇచ్చింది .కాలిఫోర్నియా లో ఉంది 36గంటలు నిద్ర లేకుండా దాని పని చూశాడు .ప్రయాణానికి అవసర మైన వివ రాలన్ని సేకరిన్చుకొన్నాడు .1927 కు విమానం సర్వ హంగులతో తయారైంది .దాని బరువు 2,150 పౌండ్లు .ఇంధనం నింపితే 5,180 పౌండ్లు .450 గాలన్ల పెట్రోల గాస్ నింపాలి ఆ విమానానికి ఏమి పేరు పెట్టాలని అలోచించి చివరికి ‘’spirit of saint louis ‘’అని తనకు సాయం చేసిన వారందరికి కృతజ్ఞత గా ఆ పేరు పెట్టాడు .డజన్ల కోద్దె సార్లు దాన్ని తెస్త చేసి నడిపాడు .

                                                                                 పోటీ కి ఏర్పాట్లు

         1927 మే 12న సాన్ డీగో లోని నార్త్ ఐలాండ్ నావల్ స్టేషన్ నుంచి మధ్యాహ్నం 3-55కు సెయింట్ లూయిస్ లోని లామ్బాస్ట్ ఫీల్డ్ కు బయల్దేరాడు .రెండు ఆర్మీ విమానాలు రక్షణ గా అనుసరించాయి .విమానం తయారు చేసిన రైయాన్ వాళ్ల ప్లేన్ కూడా అనుసరించింది .నాలుగు విమానాలు ryon air craft ఫాక్టరి చుట్టూ ప్రదక్షిణం చేసి ,12000 అడుగుల ఎత్తున ఎగురుతూ మర్నాడు ,ఉదయం 8-20 కు సెయింట్ లూయిస్ చేరారు .14 గంటల్లో1550 మైళ్ళ ప్రయాణం చేశాడు . వెంటనే బయల్దేరి మర్నాడు ఉదయం ఏడు గంటలు ప్రయాణం చేసి  న్యూయార్క్ చేరాడు .ఇది కూడా రికార్డే .మే 12న 1927  న్యూయార్క్ చేరే సరికి ఈ సాహస వీరునికి వేలాది మంది చేరి శుభా కాంక్షలు అంద జేశారు ..ఒక వారం న్యూయార్క్ లో గడి పాడు .

                                                                            పోటీ రోజు

         1927 may 20న ‘’లిన్దెర్బెర్ఘ్ ‘’విమానం ఉదయం 7-54 కు న్యూయార్క్ నుండి పారిస్ బయల్దేరింది .ముందుగా అట్లాంటిక్ సముద్రం పై 150 అడుగుల ఎత్తున నడిపాడు .ఎప్పటికప్పుడు కంట్రోల్ రూం తో సంప్రదిస్తూనే ఉన్నాడు .కళ్ళు మూసుకు పోతున్నాయి .చార్టులు తిరగేస్తున్నాడు .అలసట పెరిగి పోయింది .ఎనిమిది గంటల తర్వాతా భూమి కని పించింది .అది అమెరికా ఉత్తరాన ఉన్న ‘’నోవా స్కాటియా’’మొదటి రోజు రాత్రి 10,500అడుగుల ఎత్తున తుఫాను కన్పించింది .వెనక్కి తిరిగి వెళ్ళాల్సి వస్తుందేమో నని భయ పడ్డాడు ..విమానం పై మంచు దుప్పటి లాగా పరుచుకోండి .రెక్కల పై మంచు చేరితే ప్రమాదం .వెంటనే విమానం తిప్పి దూరం గా వెళ్లి ఊపిరి పీల్చుకొన్నాడు .

                    మగత కమ్ముతోంది .అలసట పెరిగింది .దగ్గర్లో దీవులు కని పిస్తున్నాయి .అవి ఎండ మావులని తెలిసింది . 27 గంటల ప్రయాణం తర్వాతా కిందికి చూస్తె వస్తువులు కని పించాయి .కిందికి దింపి ఎగిరాడు .ఐర్లాండ్ కు దారెటు అని వాల్లనడి గితే జవాబు రాలేదు .గంట తర్వాతా ఐర్లాండ్ దక్షిణ తీరం కన్పించింది .అలసట పోయింది .ఇంకో గంట తర్వాతా ఇంగ్లాండ్ మీదుగా ఎగిరాడు .ఇంతకీ అతని ఆహారం ఏమిటో తెలుసా /’’అయిదు సాండ్ విచులు’’ మాత్రమే .అందులో ఒకదాన్ని తిన్నాడు . 9-52  కు పారిస్ లోని ‘’ఈఫిల్ టవర్ ‘’కన్పించింది .10-24 p.m. కు అంటే 21-5—27 న పారిస్ లోని le-borget విమానాశ్రయాన్ని చేరాడు .అశేష జనం స్వాగతం పలికారు .ఫ్రాన్స్ ప్రభుత్వం గౌరవ పురస్కారం అందించింది .అమెరికా ప్రభుత్వం శుభా కాన్క్షలను తెలియ జేశింది ..ప్రపంచం జేజేలు పలికింది .అనుకున్న లక్ష్యా న్ని సాధించాడు .

                                                                       అమెరికా చేరిక

    1927 జూన్ 10న అమెరికా చేరాడు లిండ్ బెర్గ్ .i my self symbolize ing avation ‘’అని జనం భావించారని సంబర పడ్డాడు .అమెరికా ప్రభుత్వం తరఫున 48 గంgoodwill tour చేశాడు .బెర్గ్ ను ‘’ambassador of the air ‘’అన్నారు .december 13న తన విమానం లో బయల్దేరి ఇరవై ఏడు గంటలు ప్రయాణం చేసి మెక్సికో సిటి చేరాడు .అక్కడి నుంచి ఆరు వారాలు లాటిన్ అమెరికా దేశాల్లో పర్య తించాడు .’’సెలెబ్రిటి ‘’గా ఉండటానికి అసలు ఇష్ట పద లేదు .కమ్మర్శియాల్ ఏవియేషన్ కోసం పని చేయాలను కొన్నాడు .1928 లో trans conti nental air trans port ,pan american air ways కు సాంకేతిక సలహా దారుగా ,కన్సల్టంట్ గా ఉన్నాడు .పని చేసి జీతం తీసుకోవాలి అన్నది అతని ఆదర్శం .  ఇలా వాయు వీరుదయాడు లిండ్ బెర్గ్ .ఎయిర్ హీరో అని అందరు కీర్తించారు .           

                                                                       పెళ్లి –తదనంతర జీవితం

            1929లో అన్నే మర్రో తో వివాహమైంది .కొడుకు చార్లెస్ జూనియర్ ను కిడ్నాపర్లు ఎత్తుకు పోయారు .ఎన్ని ప్రయత్నాలు చేసినా దొరక లేదు పాపం .అప్పటికే న్యు జెర్సి లో 450 ఎకరాల స్థలాన్ని కొని వ్యవసాయ క్షేత్రం గా మార్చాడు .అది నిర్జన ప్రదేశం .అందుకే కొడుకు కిడ్నాప్ కు గురి అయాడు .కొంత కాలానికి పిల్లాడి శవం పొదల దగ్గర కని పించింది .ఇక ఇక్కడ ఉంటె క్షేమం కాదని అంతా అమ్మేసి ఇంగ్లండ వెళ్లాడు భార్యతో జర్మనీ నుంచి  t.a.t.కు కన్సల్టంట్ గా పని చేశాడు .నాజీలను సపోర్ట్ చేశాడు .అమెరికా యే యుద్ధానికి కారణం అన్నాడు .హిట్లర్ అనుచరుడు ఇచ్చిన విందు లో పాల్గొని మరీ అమెరికా కు దూరమైనాడు .జర్మని వారిచ్చిన మెడల ను భార్యకు చూపిస్తే ‘’it is like albartos –the bird that symbolized doom ‘’అని భవిష్యత్తు ను బాగా ఊహించి చెప్పింది .నాజీలు యూదులను హిమ్సిస్తుంటే విమర్శించాడు .అమెరికా తమ ‘’వాయు వీరుడు ‘’ను దేశ ద్రోహి అంది .జర్మనీ ఇచ్చిన మెడల ను వాపస్ చేయమని చాలా మంది ఒత్తిడి తెచ్చినా ఇవ్వ లేదు .

                                                                      మళ్ళీ అమెరికా

                  1939లో అమెరికా చేరాడు .అయినా అతను అమెరికా ను విమర్శించటం మాన లేదు .ఇతన్ని సపోర్ట్ చేసే వారూ వేలాదిగా ఉండే వారు .చివరికి యుద్ధం మనమే తెచ్చు కొన్నాం కనుక పోరాడా వలసిందే అన్నాడు .సైన్యం లో చేరి సేవ చేస్తానంటే ప్రెసిడెంట్ రూజ్వెల్ట్ ఒప్పు కోలేదు .అవమానించి ,అవహేళన కూడా చేశాడు .కాని హెన్రీ ఫోర్డ్ తన కన్సల్టంట్ గా తీసుకొన్నాడు ..రాత్రింబగళ్ళు కష్టపడి పని చేశాడు .ఎంత జీతం కావాలన్నా ఇస్తానన్నాడు ఫోర్డ్ .తను రిటైర్ అయినప్పుడు ఎంత జీతం తీసుకోన్నాడో అంతే తీసుకొన్నాడు .666-66డాలర్లు మాత్రమే నెలకు .u.s.air craft corporation కన్సల్టంట్ గా తీసుకోండి .సివిలియన్ అబ్జర్వర్ అయాడు .తెస్త పైలట్ గా కూడా పని చేశాడు .వార్ పైలట్ గా చేయాలన్న కోరిక ఇలా నేర వేరింది .1945 లో జర్మని వెళ్లి హై స్పీడ్ ఎయిర్ క్రాఫ్ట్ కు డిజైన్ చేయటం లో సాయం చేశాడు .అమెరికా హీరో అన్న పేరు క్రమంగా ఇప్పటికే కను మరుగైంది .

                      1960 లో ‘’కన్జర్వేశానిస్ట్ ‘’అయాడు .world wide life fund ,international union for conservation of nature and natural resources కు యేన లేని సేవ చేశాడు .చాలా సార్లు ప్రపంచ పర్యటన చేసి నిధులు సమ కూర్చాడు .species కు కేతలాగింగ్ లో iternational union కు బాగా సాయం చేశాడు . కేన్సర్ వ్యాధి వచ్చింది అయినా 1974లో ఇంగ్లండ చేరి world wild life fund  నిది సేకరణకు సాయ పడ్డాడు .కనెక్టికట్ నుండి న్యూయార్క్ కు కుటుంబం ,మిత్రులతో ప్రయాణం చేశాడు .

                చావు కు దగ్గరయ్యానని తెలుసు కొని చివరి పది రోజులు తన అంత్య క్రియలకు కావలసిన అన్ని ఏర్పాట్లు స్వయం గా చూసుకొన్నాడు .1974 ఆగస్ట్ ఇరవై ఆరున అందరి సమక్షం లో’’ చార్లెస్ లిండ్ బెర్గ్ హంస అనంత ఆకాశాల లోకి యెగిరి పోయింది’’ .అతని మనవడు ఎరిక్ తాత సాధించిన విజయానికి 75వ ప్లాటినం జుబిలీ ని నిర్వహించాడు .అతను 2002 ఏప్రిల్26 న new spirit of saint louis అనే సొంత  విమానాన్ని అమెరికా అన్ని రాష్ట్రాలలో పర్యటించి న్యూయార్క్ చేరాడు .అతని వయసు అప్పుడు ముప్ఫై ఏడు .అతను ఎమచ్యుర్ పైలట్ .తహాతకు తగ్గ మనవడు అని పించుకొన్నాడు ఎరిక్ .

           మీ –గబ్బిట దుర్గా ప్రసాద్ –19-6-12.—కాంప్—అమెరికా

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA Wiki : https://te.wikipedia.org/wiki/%E0%B0%97%E0%B0%AC%E0%B1%8D%E0%B0%AC%E0%B0%BF%E0%B0%9F_%E0%B0%A6%E0%B1%81%E0%B0%B0%E0%B1%8D%E0%B0%97%E0%B0%BE%E0%B0%AA%E0%B1%8D%E0%B0%B0%E0%B0%B8%E0%B0%BE%E0%B0%A6%E0%B1%8D
This entry was posted in అమెరికా లో and tagged . Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్ చిత్రం

You are commenting using your Google account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

Connecting to %s

స్పామును తగ్గించడానికి ఈ సైటు అకిస్మెట్‌ను వాడుతుంది. మీ వ్యాఖ్యల డేటా ఎలా ప్రాసెస్ చేయబడుతుందో తెలుసుకోండి.