సిద్ధ యోగి పుంగవులు –11 త్రికాల జ్ఞాని మహా యోగి –గోల్లా పిన్ని మల్లికార్జున శాస్త్రి

   సిద్ధ యోగి పుంగవులు –11

                                                త్రికాల జ్ఞాని మహా యోగి –గోల్లా పిన్ని మల్లికార్జున శాస్త్రి

     పాత నిజాం  రాష్ట్రం రాయ చూరు జిల్లా అలుకూరు గ్రామం లో శ్రీ వత్స గోత్రీకులైన గోల్లా పిన్ని అనే ఇంటి పేరున్న వైదిక బ్రాహ్మణులు ఉండే వారు .ఏడు తరాలకు పూర్వం మోట  ప్ప అనే ఈ వంశీకుడికి ‘’పల్లెలాంబ ‘’అనే దేవత ప్రత్యక్షమై ,బంగారు పలకా ,బలపం ఇచ్చి ,ఏడు తరాల వారు ఆ వంశం లో పండితు లౌతారని దీవించింది ..ఆ వంశం లో 18 71 l లో జన్మించిన వాడే మన మల్లికార్జున శాస్త్రి .తండ్రి రామ శాస్త్రి –తల్లి సుబ్బమ్మ .

      నాలుగేళ్ల వయసు లో వీధి బడికి పంపారు శాస్త్రి ని .ఆ సాయంత్రం పంతులు గారు ఈ బాలున్ని ఇంటికి తీసుకొని వచ్చి ,తండ్రికి అప్పగించి తనకు వచ్చిందంతా శాస్త్రి ఒక్క రోజు లో నే నేర్చుకోన్నాడని ఇంకా తాను చెప్పవలసిన్దేమీ లేదని చెప్పాడు .అంతటి ‘’బాల లీలా సరస్వతి ‘’మల్లికార్జున శాస్త్రి .తండ్రి ,పిన తండ్రుల  వద్ద నాటకాంత  సాహిత్యాన్ని ,తత్వ బోధినీ వ్యాఖ్య తో కౌముది  ,న్యాయ వేదాంత శాస్త్రాలు నేర్చాడు .తండ్రి వెంట గద్వాల, వనపర్తి ,ఆత్మకూరు సంస్థానాలు తిరిగి తన విద్యా వైదుష్యాన్ని ప్రదర్శించి ‘’భారతీ బాల లీల స్వరూప’’బిరుదు పొందాడు .జ్యోతిషం ,భాష్యంత వ్యాకరణం ముహూర్త ,జాతక ,సిద్ధాంత రూప స్కంద త్రయ జ్యోతిషం గురుముఖతా నేర్చాడు .ఆ నాటి జ్యోతిష పండితుడు విక్రాల రాఘవాచార్యులు’’ కన్ను  స్వామి’’ అనే మారు పేరు తో indian ephimeriesరాశాడు .ఆయన గారి అనుమతి పొంది మల్లికార్జున శాస్త్రి ‘’10 వేల సంవత్స రాలకు సరి పోయే తిది ,వార ,నక్షత్ర ,యోగ ,కరణ ,ఘటిక,విఘటిక లకు సరైన ప్రమాణం ఉన్న ‘’ఖచర మణిపేటి’’ అనే అత్యద్భుత పంచాంగాన్ని తయారు చేశాడు .గురువు అనుమతి తీసుకొని కాళ హస్తీశ్వరాలయం లో నిష్టగా కూర్చుని ‘’శని అష్ట వర్గు ‘’వేస్తుంటే శనైశ్చరుడు ప్రత్యక్ష మైనాడు .అలుకూరు తిరిగి వచ్చి తాత గార వద్ద వేదాంత అధ్యయనం చేసి మొత్తం చదువు నంతా 21 ఏళ్ళ వయస్సు లోనే సాధించాడు .ఈ యన తమ్ముడు రామ శాస్త్రి గొప్ప సూర్యోపాసకుడు .సూర్యోదయం నుండి మధ్యాహ్నం పన్నెండు గంటల వరకు రెప్ప వాల్చ కుండా సూర్యుని చూస్తూ ధ్యాన నిమగ్నం ఆయె వాడు .మల్లికార్జుని లానే ఈయనా త్రికాల జ్ఞాని .

                  మల్లికార్జున శాస్త్రి కడప ,బళ్ళారి నగరా ల్లో అనేక ‘’శతావధానాలు ‘’చేషారు .అనేక సంస్థానాల్లో తన పాండిత్య ప్రకర్ష చూపి ‘’కవితా సార్వ భౌమ ‘’బిరుదు పొందారు .ఆది శంకరా చార్యుల జనం ఆస్థానం ‘’కాలడి ‘’లో శృంగేరి జగద్గురువులు శ్రీ నృసింహ భారతీ స్వామి ఆహ్వానం పై వెళ్లి జగ్ద్గురువులను ‘’శ్రుత్యంత గీతాల ‘’తో స్తుతిస్తూ  తన్మయం చెందుతూ పాడుతూ ఉంటె వీరి బ్రహ్మాత్మానుభావాన్ని గుర్తించిన భారతీ స్వామి అభి నందించారు .శృంగేరి స్వామి అనుజ్న తో తాను రచించిన ‘’ఖచర మణి’’గ్రంధాన్ని తెచ్చి అందులో నుంచి 2000నాటి  స్వాముల వారు  అడిగిన తిదికి పంచాంగ గణనం చేయమని సభా సదులను కోరారు .చాలా మంది చెప్ప లేమన్నారు .కొందరు మూడు గంటల వ్యవధి కోరారు .మల్లికార్జున శాస్త్రి ఇరవై నిమిషాలలో గణించి సరైన సమాధానం చెప్ప గలిగి తన ప్రజ్ఞా ను  రుజువు చేసుకొన్నారు స్వామి తో సహా అందరు ఆశ్చర్య పోయారు .జగద్గురువులు ‘’పండిత సార్వ భౌమ ‘’బిరుదు ను  ప్రదానం చేశారు .సగౌరవం గా సత్కరించారు .’’ఉపాధి భేదం చేత మీరు అక్కడ ,మేము ఇక్కడ .మీరే మేము ,మేమే మీరు ‘’అని జగద్గురువుల చేత ప్రశంసలు పొందిన మల్లికార్జున శాస్త్రి ధన్య జీవి .

                ఆయన సంస్కృతం లో శ్రీ వాసుదేవా నందం అనే అలంకార శాస్త్రాన్ని ,రాశారు .ఇది చిత్ర విచిత్ర కవితా భాండారం .అనేక కవితా బంధాలు ఉన్నాయి .అందులో బాగా ఆశ్చర్య పరచేది ‘’సహస్ర దళ పద్మ బంధం ‘’1008దళ పద్మా లలో అనేక శ్లోకాలు నిక్షిప్తమైన అపూర్వ సృష్టి .ఇందులో500  శ్లోకాలు ,16 ప్రకరనాలున్నాయి .అయితే ఇందులో నూరు శ్లోకాలున్న గ్రంధమే ముద్రితమైంది .దీన్ని నలభై రోజుల్లో రాశారు .ఇరవై అయిదు వివిధ ఛందస్సులతో పురుషోత్తమ శతకం రాశారు .జ్యోతిశ్శాస్త్ర సుధర్మ సార నిబంధం ,ధర్మ శాస్త్ర రత్నాకరం ,అనే తెలుగు రచన ,రాసినా లభ్యం  కావటం లేదు .పాతంజలి భాష్యార్ధం ,ఖచర మణి పేటి ,10,000  సంవత్సర పంచాంగం వీరి ఇతర రచనలు .

                 శాస్త్రి గారు 15-1-1906 తమ స్వగ్రామం అలుకూరు లో ఒక ఏడాది పాటు ‘’దీర్ఘ బ్రహ్మ సత్ర యాగం ‘’నిర్వ హించారు .వందలాది పండితులు ,రాజులు ,మంత్రులు  ధన వంతులు ,వేలాది మంది పేదలకు కుల  మత భేదం లేకుండా  అన్న సంతర్పణ జరిగింది .అందరిని సత్కరించి పంపిన రాత్రి శ్రీ విరూపాక్ష స్వామి కలలో కన్పించి’’అవబ్రుధ స్నానం ‘’కాశీ లో చేయమని ఆజ్ఞా పించాడు .బంధు జనం తో కాశీ వెళ్లి ఆ కార్యక్రమం సంతృప్తి గా నిర్వహించి ప్రయాగ ,గయాది క్షేత్ర సందర్శనం చేసి ఇంటికి తిరిగి వచ్చారు .

          గద్వాల రాజు రాంభూపాల్ మరనించగా  సంస్థానం పదేళ్లు ‘’కోర్ట్ ఆఫ్ వార్డ్స్ ‘’ లో ఉంది .అప్పుడు వారసుడైన సీతా రాం మల్లి కార్జునుని శరణు వేడాడు .ఈయన ఏడాది గడువు పెట్టి ,హంపీ విరూపాక్షునికి ‘’అగ్ని శ్తోమ ,కోటి బిలార్చన చేయ సంకల్పించి అందరి సహకారం తో ఆ పని పూర్తీ చేశారు .గడువు లోపలే సీతా రాం కు గద్వాల రాజ్యం దక్కింది .

        ఒక సారి యవ్వనం లో శాస్త్రి గారు ఎండలో నడిచి వస్తున్నాడు .ఒక పేద రైతు కనిపించి వర్షాలే లేవని కరువు తో జనం అలమటిస్తున్నారని చెప్పాడు .’’పెద్ద వర్షం వస్తుంది .ఇంటికి పొ ‘’అన్నారు శాస్త్రి .అంతే కుండ పోత గా వర్షం కురిసింది ఇంకో సారి స్వగ్రామం బయట ఏటి ఇసుక లో  ధ్యాన నిష్ఠలో ఉండగా విపరీతం గా వర్షం కురిసి ఇసుకలో కూరుకు పోయాడు .కొన్ని రోజుల తర్వాతా ఆ వాగు ఎండి పోయింది .మంచి నీటి కోసం చలమలు తవ్వు తుంటే శాస్త్రి గారు పద్మాసనం లో అలానే చలించ కుండా కని పించారు .ఏదైనా మహిమ చూప మని ఒక శిష్యులు  అడిగితే ‘’ఒక శివా లయం లో నాలుగు స్తంభాల మద్య శివుడికి ఎదురు గుండా కూర్చొని కనులు మూసు కొని ఒక్క సారిగా శరీరాన్ని గాలి లోకి లేపి, ఆ స్తంభాల మద్య చుట్టూ  వేగం గా గిర గిరా తిరిగి  ,మళ్ళీ కిందికి దిగి శివుని ధ్యానించారు .

         మరో సారి మల్లేశ్వరాలయం లో బావ మరది దోనే కంటి రామయ్య భాగవతం లో ‘’పురంజనో పాఖ్యానం ‘’చదువు తుంటే శాస్త్రి గారు ఆధ్యాత్మ పరం గా వ్యాఖ్యానం చేస్తున్నారు .పూర్తీ అవగానే రామయ్య ‘’అంతేనా బావా?’’అన్నాడు .శాస్త్రి గారు ‘’అంతేరా’’అన్నారు .అంతే- రామయ్య వెంటనే లేచి భుజం పై ఖండువా దులిపి  మళ్ళీ బుజం మీద వేసుకొని అదే పోత పోయాడు .తల్లీ, శాస్త్రి  భార్యా మొట్టుకొన్నా వేను  తిరిగి చూడ లేదు ‘’’’వాడిక రాడు లే అంతే ‘’అని వారికి సమాధానం చెప్పాడు శాస్త్రి .అంటే ఆత్మ బోధ అయిందన్న మాట బావ మరది కి .

            శాస్త్రి గారి లీల ఇంకోటి .గద్వాల రాజు మూడు రోజుల పండిత గోష్టి లో ఉండగా ఒక రోజు   నిజాం  ప్రభువు తాను రాయ చూరు వస్తున్నానని తనను అక్కడ కలుసు కోమనిరాజుకు  ఫర్మానా పంపాడు .ఏమి చేయాలో తోచక శాస్త్రి గారిని అడిగాడు రాజు .కంగారేమీ పడక్కర లేదని నిజాం  రాడనీ  రేపే ఆవిషయం తెలుస్తుందని చెప్పాడు ఇరకాటం లో పడ్డాడు రాజు .అనుకోన్నట్లే నవాబు వాడీ వరకు వచ్చే సరికి కడుపు నొప్పి ఎక్కువై హైదరాబాద్ తిరిగి వెళ్లి పొయ్యి నట్లు మర్నాడు వార్త వచ్చింది .అంతటి వస్య వాక్కు శాస్త్రి గారిది .

          1917 లో అలుకూరు గ్రామం లో ప్లేగు వ్యాధి విపరీతం గా వ్యాపించింది .శాస్త్రి గారు మల్లికార్జున పుష్కరిణి ణి ‘’అష్ట దిగ్బంధం ‘’చేసి .ఆ నీళ్ళు తాగిన వారికి ప్లేగు రాదనీ చెప్పారు .’’మారికా దేవి ‘’ప్రత్యక్షమై అంత కఠోర నియమం పనికి రాదనీ అది తనకే నష్టం అనీ చెప్పింది .అందర్నీ ధర్మ వరం పంపించి ,తానొక్కడే ఆ ఊర్లో ఉండిపోయాడు .గ్రామ ప్రజలందర్నీ బయటికి పంపించే శాడు .తాను కుటుంబం తో తుంగ భద్రా నది ఒడ్డున ఉన్న రామా పురం వెళ్లారు .శాస్త్రి గారికి ప్లేగు సోకింది .కుండ పాతగా వర్షం కురుస్తోంది .ఎవరు బయటకు వచ్చే అవకాశం లేదు .శాస్త్రి గారికి సమయం లో వైద్య సాయం అంద లేదు .అంతే 5-9-1917 నాడు చని పోయారు .ధర్మ వరం లో ఉన్న అల్లుడు శ్రీని వాస శాస్త్రి  టెలిగ్రాం చూసి వచ్చాడు .అప్పటికే ఆలస్య మై పోయిందని శవ దహనం చేశారు .చితా భస్మం వర్షపు నీటిలో అంతా కొట్టుకు పోయింది .చితా భస్మం కూడా మిగుల కుండా చేసి యాభై ఏళ్ళ వయసు లో నే చని పోయిన మహా జ్ఞాని గోల్లా పిన్ని మల్లికార్జున శాస్త్రి గారు .

                    మీ –గబ్బిట దుర్గా ప్రసాద్ –22-6-12.—కాంప్ –అమెరికా

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA Wiki : https://te.wikipedia.org/wiki/%E0%B0%97%E0%B0%AC%E0%B1%8D%E0%B0%AC%E0%B0%BF%E0%B0%9F_%E0%B0%A6%E0%B1%81%E0%B0%B0%E0%B1%8D%E0%B0%97%E0%B0%BE%E0%B0%AA%E0%B1%8D%E0%B0%B0%E0%B0%B8%E0%B0%BE%E0%B0%A6%E0%B1%8D
This entry was posted in మహానుభావులు and tagged . Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్ చిత్రం

You are commenting using your Google account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

Connecting to %s

స్పామును తగ్గించడానికి ఈ సైటు అకిస్మెట్‌ను వాడుతుంది. మీ వ్యాఖ్యల డేటా ఎలా ప్రాసెస్ చేయబడుతుందో తెలుసుకోండి.