అమెరికా డైరీ

                                                             raliegh బంధువుల rally

          జూన్ నేల18  సోమ వారం నుంచి 24  ఆదివారం వరకు గడిచిన వారం అంతా మా అమ్మాయి వాళ్ల పెళ్లి రోజు,  విందులు, బంధువులరాక తో గడిచింది .సోమ వారం  సాయంత్రం చక్ర వర్తి  అనిలా దంపతుల గారింట్లో భజనకు వెళ్ళాం .వాళ్ల అప్ స్తైర్స్ లో భజన మందిరం లో అన్ని రకాల దేవుళ్ళు విగ్రహాల రూపం లో ఉంటారు .వాటికి చక్కని అలంకరణ దుస్తులు ఆయన భార్య శ్రద్ధగా చేస్తుంది .చూడ ముచ్చటగా ఉంటుంది మామిడి పనస ముక్కలతో ప్రసాదం పెట్టారు .

          సోమవారం పద్దేనిమిదో  తేది మా అమ్మాయి విజయలక్ష్మి ,అల్లుడు అవధాని ల పెళ్లి రోజు .ఉదయమే పులిహోర చేసింది .సాయంత్రం మినప సున్ని ఉండలు చేసి అందరికి పెట్టింది మా అమ్మాయి .మంగళ వారం లైబ్రరి కితీసుకొని  వెళ్లి ‘’సమ్మర్ రీడింగ్ ‘’లో నన్ను ,పిల్లల్ని సభ్యులనుగా చేసింది . .దీని వల్ల ఎక్కువ గంటలు చదివిన వారికి బహుమతి ,ఏదైనా పుస్తకం ఆలస్యం గా తిరిగిస్తే ఉండే ఫైన్ ఉండవు .నాపేరు మీద కార్డ్ ఇచ్చ్చారు .దాని పై  నాలుగు పుస్తకాలు తెచ్చుకోన్నాను .

ఫొటోస్

This slideshow requires JavaScript.

                                                               రాలీ బంధువుల రాలీ

    అవధాని మేనత్త  లక్ష్మి గారు ,భర్త చీమల పాటి దుర్గా ప్రసాద రావు గార్లు నార్త్ కరోలినా లోని రాలీ లో సుమారు పదహారేళ్ళ నుంచి ఉంటున్నారు .అంతకు ముందు చికాగో, న్యు జెర్సి న్యూయార్క్ వగైరాలలో గత నలభై ఏళ్లుగా ఉంటున్నారు .విజ్జి వాళ్ల పెళ్ళికి వచ్చారు .నార్త్ కరోలినా కు రాజ దాని రాలీ .కాని పెద్ద సిటి శార్లేట్ .అమెరికా రాష్ట్రాలకు ముఖ్య పట్నాలు చిన్న ఊళ్లల్లోనే ఉంటాయి .అది ఇక్కడి వింత .రాలీ నుంచి వాళ్ళిద్దరూ ,వాళ్ల రెండో అమ్మాయి బుచ్చి తో మన ఇంటికి శుక్ర వారం మధ్యాహ్నం వచ్చారు .అందరికి దోసే లు వేసి పెట్టింది విజ్జి .ఆ సాయంత్రం వాళ్ళు పవన్ వాళ్ళింటికి వెళ్లి రాత్రికి ఇక్కడికి వచ్చారు .వాళ్ల అమ్మాయి స్నేహితురాలింటికి వెళ్ళింది .రాత్రి ఇక్కడే వాళ్ళిద్దరూ భోజనం చేసి పడుకొన్నారు .

          శని వారం ఉదయం ఇడ్లి టిఫిన్ చేసింది .నేను ఆయనకు మన హనుమత్ కదానిది   ,అక్కయ్య పుస్తకాలు ఇచ్చాను .చాలా సంతోషించారిద్దరూ .మధ్యాహ్న భోజనం ఇక్కడే .మామిడి కాయ పప్పు తోటకూర పులుసు ,దోసకాయ పచ్చడి ,వంకాయ కూర  కెరట హల్వా తో భోజనం చేశాం .సాయంత్రం ,వాళ్ళిద్దరూ మేమందరం కలిసి ‘’ikea’’  అనే పెద్ద షాపింగ్ కాంప్లెక్స్ కు అరగంట ప్రయాణం చేసి కార్ లో వెళ్ళాం .ముసలి వాళ్ళిద్దరూ నడవ లేరు కనుక చెరో కార్ట తీసుకొని చెరో దాల్లో కూర్చో పెట్టి ఎవరి భార్యల్ని వాళ్ళం తోసుకుంటూ షాపింగ్ మాల్ అంతా తిరిగాం .పైన కూడా ఉంది కాని అప్పటికే అలిసి పోయి పైకి వెళ్ళ లేదు .ఇంటికి కావలసిన వంట పరికరాలు పరుపులు దుప్పట్లు దిండ్లు కొవ్వొత్తులు  ఫర్నిచర్ అన్నీ ఉన్నాయి .లేనిది లేదు .వరైటీ బాగా ఉంటుంది .ప్రభావతి గిమూడు గిన్నేలున్న సెట్టు పది డా లర్ల కు  కొన్నది .వాల్లెవో స్టాండ్స్ ,విజ్జి ఐస్ కప్పులు కొన్నది .ఇక్కడ రిజిస్టర్ చేసుకొన్నా వారందరికి కాఫీ ఫ్రీ .ఇది చూస్తె ఉయ్యుర్లో ‘’సుధీర్ టింబర్ డిపో ‘’జ్ఞాపకం వచ్చింది .అక్కడ ఉదయం పది గంటలకు ఉన్న వారందరికి ఇడ్లి  కాఫీ ఫ్రీ గా పెడతారు .ఎన్ని ఇడ్లీలు తింటే అన్ని .సాయంత్రం ఆరుగంటలకు కూడా అంతే పునుగులు టీ ఫ్రీ .కొనే వారు ఉండాల్సి వస్తే భోజనం ఫ్రీ . అన్నీ  చూసి బేవార్సు కాఫీ అందరం తాగాం .చాలా బాగుంది .ఇంటికి రాత్రి ఏడు గంటలకు వచ్చాం .

         శని వారం రాత్రి పవన్ వాళ్ళింట్లో డిన్నర్ .రాలీ వాళ్ల ఇద్దరమ్మాయిలు మాకంటే ముందే వాళ్ల ఫ్రెండ్ తో పవన్ ఇంటికి చేరారు .మేము ఎనిమిదింటికి వెళ్ళాం .కాకర కాయ సెనగ పిండి పెట్టి కూర విజ్జి చేసి తీసుకొచ్చింది .తోటకూర పులుసు దోస పచ్చడి కెరట్ హల్వా కూడా చేసి తీసుకొచ్చింది .వాళ్ళు వేడి వేడి గారెలు అల్లం చట్నీ ,పుట్నాల చెట్నీ తో పెట్టారు .చాలా తిన్నాం .చాలా బాగున్నాయి గారెలు చట్నీలుకూడా . వంకాయ కూర ఆవకాయ ,కారత్ కూర కంది పొడి అప్పడాలు ,పొట్టు ఒడియాలు ,అన్నం పెరుగు లతో మృష్టాన్న భోజనం .అన్నీ బానే ఉన్నాయి .గారెలు ఎక్కువ తిన్నాను కనుక మిగిలినవి వాసన చూసి నట్లుగా అతికోద్దిగా తిన్నాను .ఆతిధ్యం అదిరింది .వాళ్ల ఆడపిల్లలుబుల్లి బుచ్చి  భోజనం చేసి  స్నేహితురాలితో వెళ్లి పోయారు .వాళ్ళిద్దరూ పాపం వచ్చీ రాని  తెలుగు తో సతమత మవుతున్నా మాట్లాడాలనే తపన ఉన్న వాళ్ళు .మాట్లాడింది కరెక్టేనా అని అడిగి సరి చేయించుకోవటం మెచ్చ దగింది .రాత్రికి రాలీ దంపతులు పవన్ వాళ్ళింట్లోనే పడక శీను .మేము ఇంటికి పదిన్నరకు తిరిగి వచ్చాం .

          ఆది వారం విజ్జి వాళ్ల ప్రక్క ఇంట్లో ఉండే హైదరాబాద్ వాళ్ళు రవి, గాయత్రి దంపతులు రాలీలను మమ్మల్ని ముందే ఉదయం బ్రేక్ ఫాస్ట్ కు ఆహ్వానించారు .అందరం తొమ్మిదిన్నరకు వెళ్ళాం .మళ్ళీ గారెలు రెండు చట్నీలు సంబారు ,తమిళుల పొంగల్ చేశారు .అన్నీ బాగా ఉన్నాయి .జున్ను కూడా చేసి పెట్టారు .బాగా రుచిగా ఉంది .కాఫీ కూడా బాగుంది .రవి గారి అమ్మా ,నాన్న హైదరాబాద్ నుండి కిందటి వారం వచ్చారు .వారి తో పరిచయం అయింది .ఆయన గవర్నమెంట్ ఆఫీసర్ గా చేసి రిటైర్ అయి విజయ నగర కాలని లో స్వంత ఇంట్లో ఉన్నారు .మన కృష్ణ యాజికి వాళ్ళిద్దరూ petients.అతన్ని గురించి చాలా సదభి ప్రాయాన్ని వెలి బుచ్చారు మా లాగానే .ఆడ వాళ్ళు ముగ్గురికి జాకెట్టు పండ్లు వెండి పువ్వు బొట్టు పెట్టి ఇచ్చింది గాయత్రి . రాలీ దంపతులు ఇక్కడున్న రోజులు సరదా గా గడి పారు .విజ్జి కూడా ఆవిడకు తగిన సత్కారం చేసింది .ఆవిడ  మనవాళ్ళకు ముగ్గురికి చేతుల్లో దా లర్లు పెట్టింది .వాళ్ళు కూడా అమ్మమ్మా  తాతయ్యా అంటూ బానే ఉన్నారు .వాళ్ళిద్దరూ మధ్యాహ్నం పదకొండు గంటలకు కార్ లో బయల్దేరారు రాలీ కి .దారిలో తిన టానికి పులిహోర చేసి పాక్ చేసి ఇచ్చింది విజ్జి .ఇలా ఈ వారం సరదాగా ,బంధుజన సందోహం గ గడిచి పోయింది –రాలీ ఇక్కడికి మూడు గంటల ప్రయాణం .సుమారు నూట ఎనభై మైళ్ళు .ఆయన ఆవిడా రాలీ లో దేవాలయాలలో స్వచ్చంద సేవ చేస్తుంటారు .భగవత్ సేవలో జీవితాలను పండించు కొంటున్నారు ‘’దొరకునా ఇటు వంటి సేవా ‘’

  ఈ వారం లో చదివిన పుస్తకాలు –north carolina in american revolution ,,the battles of lexington and concord ,german indians the treaty of paris ,to wake the dead ,the invention of air the navjos ,edgae allan poe

మీ –గబ్బిట దుర్గా ప్రసాద్ –26-6-12.—కాంప్—అమె