చైర్మన్ కోటేశ్వ ర రావు గారు

 చైర్మన్ కోటేశ్వ ర రావు గారు 

కృష్ణా జిల్లా అన్నిటి తో బాటు రాజకీయానికీ పెద్ద కేంద్రమే .ఆ జిల్లాకు ఒక ప్పుడు రాజకీయానికి గొట్టి పాటి బ్రహ్మయ్య ,అయ్యదేవర కాళేశ్వర రావు ,టి.వి.ఎస్ చాల పతి రావు గార్లు పెద్దదిక్కు . ఆ తర్వాత కాకాని వెంకట రత్నం గారి శకం  వచ్చింది ఉక్కు కాకాని అని పేరున్న ఆయన ప్రాజలకు అతి సన్నిహితం గా మెలిగారు .జిల్లా బోర్డు అధ్యక్షుని గా ఆయన ఆ జిల్లాకు విద్యా దానం చేశారు .అడిగిన చోట్ల అల్లా ప్రాధమిక ,ఉన్నత విద్యాలయాలను ఏర్పాటు చేసి కమిటీ లను ఏర్పరచి వారి సహకారము తో వాటిని అభి వృద్ధి చేశారు .ఎన్నో వేలమంది ఉపాధ్యాయులను నియమించిన ఘనత కాకానిది .రైతు బాన్ధవుని గా కూడా పేరొందారు .పాల కేంద్రాలనేర్పరచి ఉద్యోగాలిచ్చారు .ఆయన తర్వాత  మాగంటి అంకినీడు జిల్లా పరిషద్  అధ్యక్షు  లైనారు .ఆయనది అంతా అదో ధోరణి లో నడిచి, ఆ పదవి గౌరవం దెబ్బతింది .కాకాని రాజ కీయ దురంధరుడు. .చాణక్య నీతి తో ప్రతి గ్రామం లోను తన వర్గాన్ని ఏర్పరచుకొన్నారు .శాసన  సభ్యునిగా ,మంత్రిగా తన దక్షత ను నిరూపించుకొన్నారు .విద్యా విప్లవం ,శ్వేత విప్లవాన్ని కృష్ణా జిల్లాకు తెచ్చిన ఘనత కాకాని వారిదే .ఆ తర్వాతా అంతా నీరవం ,నీరసం ఆవ రించింది .
                     చైర్మన్ శ్రీ  పిన్నమ నేని కోటేశ్వర రావు 
అలాంటి శూన్యం లో రుద్ర పాక కుర్ర్రాడు శ్రీ పిన్నమ నేని కోటేశ్వర రావు గారు అందరి దృష్టిని ఆకర్షించారు .సరైన నాయకత్వం కావాలంటే పిన్నమ నేనే అని అందరు భావించారు .నల్లగా వెడల్పు ముఖం తో మల్లె పూల వంటి తెల్ల ఖద్దరు పంచతెల్ల లాల్చీ , ఉత్త రీయం తో ముఖం లో లక్ష్మీ కళతో చూపరులను ఆకర్షించే వారు .ఆయనకు అంకినీడు గారి తర్వాత జిల్లా పరిషత్ అధ్యక్షా పదవి దక్కింది .కాకాని గారి ఆశీస్సులూ పుష్కలం గా ఉండటం తో పని తేలికయినది .ఆ రోజుల్లో  సమితి ప్రెసిడెంట్లు అందరు కలిసి ఎన్నుకొనే పద్ధతి ఉన్నట్లు జ్ఞాపకం .అందరు ఏక గ్రీవం గా వీరినే ఎన్ను కొన్నారు .అప్పటి నుంచి మూడు సార్లు ఆయన దాన్ని నిర్వహించి, రెండు సార్లు శాసన సభ్యులైనా ‘‘చైర్మన్ కోటేశ్వర రావు ”అనే పించుకొన్నారు .క్రమ క్రమంగా తన పని తీరుకు మెరుగులు దిద్దు కొన్నారు .పంచాయతీ రాజ్ వ్యవస్థను కూలం కషం గా అధ్యయనం చేశారు .ప్రజలకు చేరు వయ్యె మార్గాలను అను సరించారు .స్కూల్ కమిటీ అధ్యక్షులమాటకు విలువ నిచ్చి ఆ స్కూల్ లో ఎవరెవరు కావాలో వారి మాట మేరకు నియమించటం, బదిలీ చేయటం చేశారు .కాకాని విద్యాలయాలను శాంక్షన్క్ష చేస్తే వాటి భౌతిక పరిస్తితుల బాగోగు లను పిన్నమ నేని చూశారు కాకాని బ్రహ్మ ,పిన్నమ నేని విష్ణువు. కృష్ణా జిల్లా విద్యా రంగానికి ..కావలసిన అన్ని సౌకర్యాలు కలగ జేశారు ప్రధానో పాద్యాయుని మాటకు విలువ నిచ్చారు .కనుక సిబ్బంది ఆయన మాట వినే ఆవ కాశం ఎక్కువైంది .విద్యా లయాలన్ని కళ కళ లాడాయి .మంచి ఫలితాలు వచ్చేవి .కష్ట పడి బోధించే వారు .సమర్ధు లైన ఉపాధ్యాయులు తమ శక్తి సామార్ధ్యాలను చూపించే వారు .అలాంటి బంగారు కాలం పిన్నమ నేని వారిది .
నేను1963 లో అంకినీడు గారి పాలన లో సైన్స్ అసిస్టంట్ గా మోపి దేవి హైస్కూల్ లో నియమింప బద్దాను ..అంకినీడు గారే మమ్మల్ని  రెగ్యులర్ ఉపాధ్యాయులను చేశారు .అప్పటి దాకా వేసవి శలవల్లో ”హూస్టు” చేసే వారు కాని మా అదృష్టం అంకి నీడు గారు మమ్మల్ని సెలవల్లో తీసేయ కుండా కొనసాగెట్లు చేశారు .అయితే ఆయనకు బదిలీల విషయం లో ఆవ గాహన ఉండేది కాదు .ఒకే వ్యక్తికీ ఒకే రోజు మూడు పూటలా మూడు ఆర్డర్లు మూడు చోట్లకు వచ్చేవి .అర్ధ రాత్రి బదిలీలు .అంతా అస్తవ్యస్తం గా ఉండేది .అప్పుడు పిన్నమ నేని అధ్యక్షు లయారు .నేను రెండేళ్లు మోపి దేవి లో పని చేసి ఉయ్యూరు కు బదిలీకి ప్రయత్నిస్తున్నాను .నా స్నేహితుడు గండి వాసు తనకు కపిలేశ్వర పురం లో  మాజీ శాసన  సభ్యులు శ్రీ కొల్లి పర సూరయ్య గారు బాగా తెలుసు నని ఆయన, నా బదిలీకి సాయం చేస్తారని  చెప్పి నన్ను వారింటికి తీసుకొని వెళ్లాడు .ఆయన అప్పటికే వయో వృద్ధులు పాత తరం కాంగ్రెస్ నాయకులూ .ఆయన నన్ను ”మేష్టారు! కొద్ది రోజుల్లో జిల్లా పరిషద్ చైర్మన్ గా పిన్నమ నేనివస్తున్నాడు. ఆయన కుర్రాడే కాని అన్నీ తెలిసిన వాడు .మీ డైరీలో రాసుకోండి .వేసవి సెలవల తర్వాత మీరు మీ ఉయ్యూరు లో ఉంటారు. బాధ్యత నాది ”అన్నారు .అన్నట్లుగా నే నన్ను ఉయ్యూరు ట్రాన్స్ ఫర్ చేయించారు సూరయ్య గారు . ఆ తర్వాత జిల్లా పరిషద్ అభి వృద్ధి కార్య క్రమాలేన్నిటినో చే బట్టారు. రోడ్లు, భవనాలు ,ప్రైమరి హెల్త్ సెంటర్లు అన్నీ ఆయన చలవే .ఎక్క డా డాక్టర్ల,మందుల కొరత ఉండేది కాదు .అన్నిటినీ స్వయం గా ఆయన తెలుసుకొని చేసే వారు .ప్రధానో పాధ్యాయుల సమావేశాలలో స్పూర్తి నిచ్చే ప్రసంగాలు చేసే వారు .మంచిని మెచ్చే వారు .సరిగ్గా పని చేయని వారిని పిలిచి మంద లించే వారు .అన్నిటి లో ఆయన క్వాలిటీ ని నెలకొల్పారు మేష్టర్లందరూ ఆయనకు తెలుసు .ఆఫీసు సిబ్బందీఆయనకు తెలుసు .ఒక్కత్రాటి మీద జిల్లాను నడిపించిన నాయకుడైనా రు .క్రమం గా కాకాని వర్గం అంతా పిన్నమ నేని వర్గం గా మారి పోయారు .ప్రతి గ్రామం లోను పిన్నమ నేనికి స్వంత గ్రూపు మనుషు లుండె వారు .వారి పేర్లన్నీ ఆయనకు తెలుసు .కనీ పించి నప్పుడు పేరు పెట్టి పిలిచే వారు .ఒక్కో సారి విషయాలను కుండ బద్దలు కొట్టి నట్లు చెప్పే వారు .బాగా పని చేసే వారంటే మహా ఇష్టం. బాగా బోధించే ఉపాధ్యాయులేవ్వరో ఆయనకు గుర్తే .అయన కాంగ్రెస్ అభి మానే .శాశన మండలి ఎన్నికలలో కొల్లూరి కోటేశ్వర రావు గారికి పని చేసి మూడు సార్లు గేలి పించారు .వీరిద్దరి జోడీ గొప్ప గా ఉండేది .కమ్యునిస్టు  మాస్టర్లను బదిలీ చేయ మని అడిగినా ,వారు కొల్లూరికి పని చేయ లేదు పి.శ్రీ రామ మూర్తి గారికి చేశారని ఎవరైనా చెప్పినా ఆ సాకుతో వారిని బదిలీ చేయ లేదు .వారి సమర్ధత ఆయనకు తెలుసు .నా ఎదురుగుండానే ఒక సారి అలాటి ఫిర్యాదు వస్తే ఆయన వారిని మంద లించి ఆ ఉపాధ్యాయులకు అండగా నిలిచారు .
మాకు మా ఉపాధ్యాయ నియోజక వర్గం నుండి ఎన్ని కైన కొల్లూరి గొప్ప అండా దండా .ఆయనా ,పిన్నమ నేని అన్నా తమ్ముడు లాగా పని చేసి ఉపాధ్యాయుల సమస్యలను జిల్లా లోనే పరిష్కరించే వారు .అవసర మైతే శాసన సభ మండలి లో ప్రస్తావింప జేసి, సాధించే వారు .ఉపాధ్యాయులంటే పిన్నమ నేనికి మహా గౌరవం .కనీ పించ గానే ఆయనే ముందు నమస్కరించేవారు .సంస్కారం ఉన్న మనిషి .జిల్లాలో ని నాయకు లంతా ఆయన అంటే ఇష్టం గా ఉండే వారు, గౌరవించే వారు .ఒక సారి  నేను పామర్రు నుండి ఉయ్యురుకు ట్రాన్స్ ఫర్ కు పెట్టుకొన్నాను .మా గాడ్ ఫాదర్  కొల్లూరి . .నేను ఒక సారి కొల్లూరిని కలవ టానికి బందరులోని ఆయన తెలుగు విద్యార్ధి ఆఫీసుకు వెళ్లాను .అప్పుడే పిన్నమ నేని తో మాట్లాడుతున్నారు ”కోటేశ్వర రావు గారూ! మీరు దుర్గా ప్రాసాద్ గారిని ఉయ్యూరు ట్రాన్స్ ఫర్ చేయ క పోతే అక్కడ మీకు, నాకు మంచి నీళ్ళు ఇచ్చే వాళ్ళు కూడా ఉండరు ”అని చెప్పుతున్నారు .అంత అభిమానం ఉండేది కొల్లోరికి  నా మీద .అంతే వారం లో బదిలీ ఉత్తరువులు నాకు అందాయి .అలా కృష్ణార్జునులు లా వారిద్దరూ కృష్ణా జిల్లాలో పని చేసి, దాని ప్రగతిని తీర్చి దిద్దారు .ఆయన పదవి నుండి దిగి పోయిన ప్రతి సారి ఆయన్ను ప్రతి స్కూలు ఘనంగా ఆహ్వానించి సత్కరించేది .అదొక వేడుక గా అందరు జరిపే వారు .ఖద్దరు వస్త్రాలు శాలువాలు దండలు తో ఘనం గా నిర్వ హించే వారు. పార్టీలు భోజనాలు లెక్కే లేవు .సన్మాన పత్రాలు చెప్పనే అక్కర లేదు నేనే చాలా సభల్లో ఆయన పై కవిత్వం రాసి చదివా .అందరి వాడు అని పించుకొన్నారు పిన్నమనేని ”ఉపాధ్యాయ బంధు ”గా ఆయన్ను ఆప్యాయం గా పిలు,చుకొనే వారం .కాకాని వారసత్వాన్ని నిలిపి జిల్లాలో గణ నీయమైన నాయకత్వాన్ని సాధించారు .
బహుశా మూడో సారి ఎన్నికైనపుడు మేమంతా జిల్లా పరిషద్ కార్యా లయం లో ఉన్నాం .కొల్లూరి కూడా మాతో ఉన్నారు .హైదరా బాద్ నుండి ఫోన్ల మీద ఫోన్లు వస్తున్నాయి .ఆయన్ను రాష్ట్ర మంత్రి వర్గం లో చేరమని .ఆయన వాటికి సమాధానం గా ”నాకు జిల్లా పరిషద్ చాలు .నాకంటే సీనియర్ చనుమోలు వెంకట రావు గారున్నారు .వారికిస్తే నాకు ఇచ్చి నట్లే .నన్నిక బల వంతం చేయద్దు ”అని స్పష్టం గా  చెప్పారు .అలా వెంకట్రావు గారు మినిస్టర్ అయారు . జిల్లా పరిషద్ అంటే ఆయనకు వీరాభి మానం .మినిస్ట్రీ ని వద్దనుకొన్న మనీషి పిన్నమ నేని .ఆయనకు రైతు కష్టాలు తెలుసు, టీచర్ల బాధలు తెలుసు .అన్నీ తెలుసుకొని ఆయన పని చేసి అందరికి తృప్తిని కల్గించారు .
1987లో నాకు ప్రధానో పాద్యాయుని గా ప్రమోషన్ వచ్చి” వత్స వాయి” వేశారు .అక్కడి నుండి బయట పడ టానికి నా ప్రయత్నాలు నేను చేస్తూనే శని ఆది వారాలో ఉయ్యూరు వెళ్ళే వాడిని .ఒకసారి ఆ స్కూల్లో ఉపాధ్యాయుల కొరతను రుద్ర పాక వెళ్లి ఆయన దృష్టికి తెచ్చాను .అప్పటికి ఆరు పోస్టులు ఖాళీ గా ఉన్నాయి  .ఆయన నవ్వుతూ ”మేస్టారూ ! అక్కడ  పని చేసిన యే హెడ్ మాస్టారు నన్ను ఇంత వరకు పోస్ట్లు ఫిలప్ చేయమని అడగ లేదు .వాళ్ళు అక్కడి నుండి బయట పడ టానికి మాత్రమె నన్ను కలిసి చెప్పే వారు .మీరే మొదటి సారి దీన్ని నాకు దృష్టికి తెచ్చారు .అక్కడి అన్ని పోస్టుల్ని ఒక పది  హేను రోజుల్లో నిమ్పుతాను .థాంక్ యు ”అన్న సౌజన్య మూర్తి .అన్న మాట నిల బెట్టుకొని అన్ని పోస్టులను నింపారు ,నేను అక్కడి నుంచి   బదిలీ ఆయె సరికి అన్నీ ఫిలప్  అయాయి.” దటీస్ పిన్నమ నేని ”.
కృష్ణా జిల్లా టీచర్సు గిల్డ్ అంటే విపరీత మైన అభి మానం .ఆది కాకాని వారి చలవ అనే వారు .తాను కూడా ఎంతో శ్రద్ధ తీసుకొని గిల్డు కార్య క్రమాలలో పాల్గొనే వారు ముఖ్య మంత్రులను, మంత్రులను ,శాసన సభ్యులను పిలిపించి, వారి సముఖం లో సమస్యలను చెప్పించి పరిష్కరించటానికి సాయం చేసే వారు .కొల్లూరి కృషీ ఇందులో తక్కువేమీ లేదు .”కాకాని టీచర్సు గిల్డ్ హోమ్ ” ను బెజ వాడలో ఆయన పూనిక తోనే కట్ట బడింది .ఆ తర్వాతఉపాద్యాయు లందరూ ఆలో చించి, బందరు లో టీచర్స్ గిల్డ్ ను ”పిన్నమ నేని టీచర్స్ గిల్డ్ ”గా కట్టించి ఆయన సేవా నిరతికి నీరాజనం పట్టారు .అక్కడే ఆనాటి విదేశంగ మంత్రి పి.వి.నరసింహా రావు గారు వచ్చారు .గిల్డు కార్య క్రమం అంటే పిన్నమ నేని, కొల్లూరి  లేకుండా జరగ లేదు .గిల్డు అధ్యక్షులు గా ఎవ రుంటే బాగుంటుందో ఆయన్ను అడిగి తెలుసు కోని చేసే వారు .అంటే ఉపాధ్యాయ ఉద్య మానికి పిన్నమ నేని వెన్ను దన్ను గా నిలి చారు .విద్యాలయాలలో ఉత్తమ ఫలితాలను సాధించిన వాటికి బహు మతులు, సబ్జెక్టులో ఎక్కువ శాతం మార్కులు సాధించిన విద్యార్ధులకు,ఆ సబ్జక్తులను బోధించిన ఉపాధ్యాయులకు సన్మానం  పారి తోషికాలను జిల్లా పరిషత్ సమావేశం లో నొ, ప్రధానో పాధ్యాయుల సమా వేశం లోని ఓ ఇప్పించేగొప్ప ఒరవడికి  పిన్నమ నేని శ్రీ కారం చుట్టారు . అదొక పండుగ లాగా జరిపించే వారు .విద్య మీద ఆయనకు అంత అభిరుచి , తపనా, ఆసక్తీ ఉండేవి .అందుకే ఆయన తర్వాతా ,ముందు ఎందరు చైర్మన్ గా చేసినా” చైర్మన్ అంటే పిన్నమ నేనే ”అని పించుకొన్నారు .అందుకే అందరు చైర్మన్ కోటేశ్వర రావు అనే అంటారు .ఆయన ముద్ర ను ప్రతి దాని లో చూపించిన మార్గ దర్శి పిన్నమ నేని .
పిన్నమ నేనికి పంచాయితీ రాజ్ మీద పూర్తీ అవగాహన ఉంది .అందుకే దేశం లో పంచాయితీ రాజ్ సమావేశం ఎక్కడ జరిగినా పిన్నమనేని ని సంప్రదించి సలహాలను తీసుకొనే వారు .దాని అభి వృద్ధికి ఆయన పడి నంత తపనా ,,చేసి నంత శ్రమ ఎవ్వరూ చేయ లేదు .జిల్లాలో ఒక పెద్ద మనిషి గా ఆయన దాదాపు అర వై సంవత్స రాలు నిలిచి అందరికి తలలోని నాలుక లాగా పని చేశారు .అందర్నీ కలుపుకొని పోయే మనస్తత్వం పిన్నమ నేనిది .నా విషయం  లో నన్ను చాలా సార్లు బదిలీ చేశారు .నేను మళ్ళీ ప్రయత్నించి  రెండు మూడు నెలల్లో నాకు కావలసిన చోటుకు వచ్చే వాడిని .చెప్పింది సంపూర్ణం గా విని యే పనైనా చేసే వారాయన .ముఖం లో మంచి  వర్చస్సు ఉండేది. బొట్టు పెట్టు కొంటె మరీ కళ గా ఉండే వారు .సమయ పాలన బాగా పాటించే వారు .అలంటి దిగ్గజం శ్రీ పిన్నమ నేని కోటేశ్వర రావు గారు అంటే చైర్మన్ కోటేశ్వర రావు గారు 84వ ఏట నిన్న స్వర్గస్తు లయారని తెలిసి ఉపాధ్యాయ లోకం విషాద గ్రస్త మైంది .వారి కి ఆత్మశాంతి కలగా లని కోరుకొంటున్నాను .
మీ–గబ్బిట దుర్గా ప్రసాద్ –27-9-12–కాంప్ –అమెరికా

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA Wiki : https://te.wikipedia.org/wiki/%E0%B0%97%E0%B0%AC%E0%B1%8D%E0%B0%AC%E0%B0%BF%E0%B0%9F_%E0%B0%A6%E0%B1%81%E0%B0%B0%E0%B1%8D%E0%B0%97%E0%B0%BE%E0%B0%AA%E0%B1%8D%E0%B0%B0%E0%B0%B8%E0%B0%BE%E0%B0%A6%E0%B1%8D
This entry was posted in సమయం - సందర్భం and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.