నా దారి తీరు -1

            నా దారి తీరు -1

‘’ఊసుల్లో ఉయ్యురు ‘’ఊసుల్లో ఉయ్యూరురాసినప్పటి నుండి మా శ్రీమతి ప్రభావతి ‘’అందరి గురించి రాస్తారు కాని మీ గురించి రాసుకోరా‘’?/అని అడిగింది .నేను ‘’నా గురించి రాసుకోవటానికి ఏముంది ?ఎం పొడిచేశానని ,ఏం సాధించానని రాసుకొను ?’’అనే వాడిని ‘’కాదండీ మీ చదువు ,ఉద్యోగం మీ చదువు చెప్పే విధానం ,మీ మిత్రులు ఆ నాటి హెడ్ మాస్టర్లు వారి పద్ధతులు మీరు చదువు కొన్న కాలేజి అప్పటి చదువులు మీపై మీ లెక్చరర్ల ప్రభావం ,మీరు చూసిన మహా మహులు ,తిరిగిన ఊళ్లు ,విశేషాలు ,పిల్లల్ని పెంచిన విధానం మీ బంధు గణం ,జీవితం లో ఎదుర్కొన్న ఇబ్బందులు ,వాటి లోంచి బయట పడ్డ తీరు ఇలా రాయాలె కాని ఎన్నో ఉంటాయి కదా ..వాటిని రాయండి ‘’అనేది ‘’మన సాధారణ జీవితం లో ఏ ప్రత్యేకతలుంటాయి ?అందరి లా నే మనమూ జీవితం లాగిస్తున్నాం ..దీనికోసం రాసుకోవాలా ‘’?అనే వాడిని .’’అది సరే–మన ఆంజనేయ స్వామి దేవాలయాన్ని జీర్నోర్ధారణం చేయ గలిగాం ,ఎన్నో సాహిత్య సభల్లో పాల్గొన్నారు .జిల్లాలో మంచి సైన్సు మేష్టారు గా ,హెడ్ మాస్టర్ గా గుర్తింపూ పొందారు .సాహిత్య సభలు నిర్వహిస్తున్నారు .ఇవి రాసుకోకూడదా ?’’అనేది ‘’ఇవి అందరు చేసేవే గా .నా ప్రత్యేకత ఏముంది ?ఏదో మన శక్తి  పరిధిలో చేస్తున్నాం .అంత చాటు కోవాల్సిన్దేముంది ?’’అని నీళ్ళు చల్లే వాణ్ని .’’ఇవన్నీ రాసి పుస్తకాలు అచ్చేసి ఊరి మీద పడి అమ్మలేను బాబూ .’’అన్నానొక సారి ‘’.అచ్చేయ్యటం ఎందుకు / ఉందిగా నా సవితి ఒకటి .ఇరవై నాల్గు గంటలు దానితోనే గా మీరు గడపటం ?’’అంది ‘’అంటే కంప్యుటర్ లో ఎప్పుడూ మునిగి తెలుతున్నానై దేప్పుడా ?’’అన్నాను ‘’అంత సీన్ లేదు లెండి మీకు .ఇది ఎవరి  కోసమో కాదండి .మన పిల్లలకి మనవాళ్ళకు తెలియని విశేషాలుంటాయి అవి వాళ్ళు చదివి కొంతైనా తెలుసు కొంటారు ..ఒక ‘’బ్లాగ్ బాగ్ ‘’ను బుజానేసుకొని ఊరేగుతున్నారుగా .అందులో రాయండి చదివే వాళ్ళు చదువుతారు .లేక పోతే అక్షయం గా అక్షరం గా అందులో ఉండి పోతుంది .దీనికేమీ ఖర్చు లేదు కదా .నెట్ డబ్బులు నెల నేలా కడుతూనే వదిలిన్చుకొంటున్నారుగా .ఇదీ ఒక చేతి చమురు భాగోతం అను కొండి ‘’రాయండి ఇక మాటలు కట్టి పెట్టండి ‘’అని హుకుం జారీ చేసి నంత పని చేసింది .

           సరే నని ఈ విషయం పై ఆలోచించ సాగాను .ఏ పేరు పెట్టాలి ?అని మొదటనే వచ్చిన సందేహం .ఎన్నో పేర్లు ఆలోచించాను .ఏదీ నచ్చలేదు .చివరికి రెండు శీర్షికలు ఖరారు చేసుకొన్నాను .ఒకటి ‘’అనంత కాలం లో నేనూ ‘’అనేది .నేనూ అనటం లో కాలం అనంత మైనా నాకూ ఒక ప్రత్యేకత ఉంది అని ధ్వనిస్తుందనే అభిప్రాయం .మరీ డబ్బా కొట్టు కోవటమేమో అని పించి వదిలేశాను .రెండో పేరు ‘’కాల సింధువు లో నేనొక బిందువును ‘’ఇదీ అంత నచ్చ లేదు .ఇవాళ ఇప్పుడే దీన్ని రాస్తున్నప్పుడు ‘’నా దారి తీరు ‘’ అని శీర్షిక బాగుంటుందని అని పించి అదే ఖాయం చేసి మొదలు పెడుతున్నాను .ఊసుల్లో ఉయ్యూరు లో నా స్కూల్ ఫైనల్ వరకు విద్యాభ్యాసం గురించి ,నా చిన్న నాటి స్నేహితుల గురించి ,అప్పటికి నాకు మా ఊర్లో తెలిసిన వారి గురించి యాభై ఎపిసోడులు రాయటం దాన్ని అందరు చదివి అభి నందించటం జరిగింది .కనుక దీన్ని నా కళాశాల విద్య తో ప్రారంభిస్తున్నాను .అంటే సుమారు 56 ఏళ్ళ క్రిందాటి విశేషాలన్న మాట .ఇందులో ఎన్ని గుర్తుకోస్తాయో తెలీదు  జ్ఞాపక శక్తి కూడా కొంత తగ్గింది .డెట్లు సంవత్సరాలు కలవక పొవచ్చు .అందుకని వాటికి ప్రాధాన్యం ఇవ్వకుండా రాయాలను కొంటున్నాను .అప్పటి రాజకీయాలు గుర్తున్నంత వరకు రాస్తాను .సాదా సీదా జీవితమే కనుక సస్పెన్సు, త్రిల్లింగు ఏమీ ఉండవు .సంఘటనల్ని క్రోడీకరిస్తాను .ఒక రకం గా నా జ్ఞాపక శక్తికి పరీక్షే …నాకు చదువు చెప్పిన లెక్చరర్ల పేర్లు ఎన్ని గుర్తుకోస్తాయో ,వారు బోధించిన విషయాలేమిటో స్పశ్టాస్పష్టం  గా ఉండచ్చు .కాని వారిని నేను జ్ఞాపకం చేసుకోవటం నా ధర్మం ,విధి, కృతజ్ఞత .అందుకే ఈ ప్రయత్నం ఇందులో కృత క్రుత్యుడిని కావాలని కోరుకొంటున్నాను .శ్రీ సరస్వతీ దేవి కటాక్షం, మా ఇల వేల్పు శ్రీ ఆంజనేయ స్వామి కరుణా నన్ను ముందుకు నడి పిస్తాయనే బల మైన నమ్మకం తో ఉపక్ర మిస్తున్నాను .

                                ఇంటర్ చదువు

1956 మార్చి లో ఉయ్యూరు జిల్లా బోర్డ్  హైస్కూల్ లో స్కూల్ ఫైనల్ అంటే ఎస్ .ఎస్.ఎల్.సి .పాసయ్యాను .ఎక్కడ చదవాలి అనేది నాకేమీ స్పష్టత లేదు ఇది చదవి ఏదో సాధించాలనే ఆలోచనా లేదు ఉయ్యురులో ప్రభుత్వ పాలిటెక్నిక్ ఉంది అందులో అప్పటికి సివిల్ కు ప్రాదాన్యత ఎక్కువ నాకు చేరాలని ఉన్నా మా అమ్మ ఈ ‘’-సుత్తి కొట్టుడు –బజార్లంట సర్వ్ చేయటాలు ఎందుకురా ?’’అంది నాన్నదీ అదే అభిప్రాయం .సరే నని బెజవాడ ఎస్ ఆర్.అండ్ సి వి.ఆర్ కాలేజీ కి దరఖాస్తు పెట్టాను దానితో బాటు లయోలా కీలేజికీ పంపాను ఏం .పి.సి కి అప్పుడు డిమాండు ఎక్కువ .రెండు చోట్లా సీట్ వచ్చింది .మళ్ళీ ఇందులో దేన్నీ ఎన్ను కోవాలి .మా నాన్న ‘’మన ఉయ్య్రు రాజా గారి కాలేజి లో చదివితే మంచిది .ఆ క్రిస్టియన్ కాలేజి ఎందుకు ?’’అని నిర్ణయించి ఎస్ అర్,ఆర్ .లో చేర్పించారు .

         ఎక్కడ ఉండిచదవాలి అన్న సమస్య ను కూడా మా వాళ్ళే తీర్చారు .బెజవాడ లో మా బుల్లి మామ్మ సౌభాగ్యమ్మ గారు అరండల్ పేట రామ మందిరం వీధిలో ఒక ఇంట్లో అద్దె కున్నది ఆమె మా నాయనమ్మకు స్వయాన చెల్లెలు .ఆమె గారి మనవడు సూరి రాదా కృష్ణ మూర్తి అదే కాలేజీలో బి.కాం.రెండో ఏడు చదువుతున్నాడు .అలాగే మా బుల్లి మామ్మ మనుమలు వేలమకన్ని శోభనాద్రీశ్వర రావు ఇంటర్ రెండో ఏడు ,వాడి తమ్ముడు శ్రీ రామ మూర్తి ఇంటర్ నాతో పాటు మొదటి ఏడాది చదువుతున్నారు మామ్మా వాళ్ళింట్లోనే ఉన్నారు .అందుకని నన్నూ అక్కడే బుల్లి మామ్మ పర్య వేక్షణ లో ఉంచారు .ఒక వంటిల్లు ఒక గది మాత్రేఅమే ఉన్న డాబా ఇల్లు .అలానే మేం నలుగురం అందులోనే ఉండి చదువు కొన్నాం .మామ్మ వంట చేసి పెట్టేది ఉదయాన్నే కాఫీ ఇచ్చేది కాలేజి సమయానికి వంట చేసి రెడీ గా ఉంచేది .తిని కాలేజేకి నడిచి కాని సిటీ బస్ ఎక్కి కాని లేక పోతే రాముడి సైకిల్ మీద వెనక కూర్చుని కాని వెళ్ళే వాడిని తిరిగి వచ్చేటప్పుడు ఎవరి దారి వారిదే .దాదాపు నడిచే వచ్చే వాడిని చుట్టు గుంట వరకు అప్పటికి అంతా నిర్జన ప్రదేశమే .రెండో నంబర్ సిటీ బస్ ను విజయా టాకీస్ దగ్గర ఎక్కి వెళ్ళే వాళ్ళం అప్పుడే కొత్తగా ఎనిమిదో నంబర్ బస్ పడింది .చాలా క్లాస్ గా ఉండేది అది ఎనికే పాడు దాకా వెళ్ళేది .

            మొదటి ,రెండు సంవత్సరాల నా చదువు గురించి ముందుగా తెలియ జేస్తాను .సెక్షన్ కు వంద మంది ఉండే వాళ్ళు .మా ఏం పి.సి. గ్రూప్ కు రెండు సెక్షన్లు .నేను మొదటి సెక్షన్ లో ఉన్నాను .తెలుగు కు శ్రీ పాటి బండ్ల మాధవ శర్మ గారు వచ్చే వారు .ఆయన ‘’ఉదంకో పాఖ్యానం ‘’వ్యాస నిష్కాసనం ‘’పద్య భాగాలు అత్యద్భుతం గా వివరించి చెప్పేవారు .తెల్లని మల్లు పంచా ,మల్లు లాల్చి తో కొంచెం నల్లగా మోటార్ సైకిల్ మీద వచ్చే వారు సిగార్రెట్లు తాగే వారను కొంటాను .అయితేనేమి మహా గొప్పగా బోధనా ఉండేది .తంగిరాల వెంకట సుబ్బా రావు గారు అనే ‘’తెల్ల జుట్టు ‘’ఎర్రటి ఆయన ప్రోజు చెప్పేవారు .ఆయన్ను అందరు ‘’మురిగ్గుంట ‘’అనే వారు .ఎందుకా పేరొచ్చిందో తెలీదు అందరూ అదే పేరుతో నే పిలవటం జరిగేది .దోమా వెంకట స్వామి గుప్తా గారు పొట్టిగా పంచె కట్టుకొని బుష్ షార్ట్ వేసి కాలికి టెన్నిస్ బూట్ల తో బుజాన పంచాంగం ఉన్న సంచీతో నుదుట యెర్రని పెద్ద బొట్టు తో ఉండే వారు .మాట స్పష్టం గా వచ్చేది కాదు అప్పటికే బాగా ముసలి వారు ఆయన గొప్ప పంచాంగ కర్త నాయి చెప్పుకొనే వారు .ధూళి పాళ శ్రీ రామ మూర్తి గారు నాటకం బోధించే వారని గుర్తు .శ్రీ పాద కృష్ణ మూర్తి శాస్త్రి గారి ‘’యజ్న ఫల నాటకం ‘’ఉండేది .మల్లాది వసుంధర రాసిన‘’తంజా వూర్ విజయం ‘’సప్త పర్ని ‘’ఉపవాచకాలు చదివాం .

         దువ్వూరి రామి రెడ్డి గారి పానశాల ఉండేది .దాన్ని ఒక సారి ఎక్ష్ట్రా క్లాస్ కు వచ్చిన శ్రీ విశ్వనాధ సత్య నారాయణ గారు వచ్చి చెప్పారు .చెప్పి నంత సేపు రామి రెడ్డి గారిని విమర్శించటమే సరి పోయింది అందులో కవిత్వం ఆయనకు ‘’ఆని నట్లని పించలేదు ‘’విసుక్కొంటు నే చెప్పారు ‘అలాగే ఇంకోసారి యజ్న ఫల నాటకం చెబుతూ శ్రీ పాద వారి కవిత్వాన్ని చెండాడారు నిజం గా మాకే అందులో స్వారస్యం ఏమీ కనిపించలేదు .మహా కవికి నచ్చుతుందా .?పేరాల భారత శర్మ గారు పొట్టిగా గోచీ పోసి పంచ తో ,పొట్ల పల్లి సీతా రామా రావు గారు తెలుగు బోధించే వారు .వీరందరూ లబ్ధ ప్రతిష్టులైన కవులే విశ్వ నాద వారి అంతే వాసులే విశ్వనాధ వారి ఇల్లు కాలేజి ప్రక్కనే ఉండేది .ఆయన మధ్యాహ్నం ఇంటికి వెళ్లి వచ్చే వారు .పొట్లూరి వారు ఖద్దర్ పంచ ,లాల్చీతో ఉండే వారు .సుబ్బారావు గారు తెల్లని జుట్టు ,బట్టలతో ఉండేవారు ధూళి పాల వార పీలక తో నుదుట కుంకుమ తో పంచ లాల్చీ తో ఉండేవారు .వీరందర్నీ చూస్తేనే కడుపు నిండి పోయేది అందరు జ్ఞాన నిధులే ‘’క్రీం ఆఫ్ ఇంటలిజెన్స్ ‘’అంతా ఈ కాలేజీ లోనే ఉండేది .లయోలా కాలేజి లో ఇలాంటి వారు బాగా తక్కువ .ఫిజిక్స్ కు కృష్ణ రావు గారు ,తెలుగుకు పెద్ది భొట్ల సుబ్బరామయ్య  గారు ,సంస్కృతానికి కేశవ పంతుల నరసింహ శాస్త్రి గారు మాత్రమె ఉండే వారు .అందుకని మేము  మా కాలేజి లో చదువు కొంటున్నందుకు గొప్పగా ఫీలయ్యే వాళ్ళం .విశ్వ నాధ వారు కిళ్ళీ చుట్టించి వేసుకొనే రాముల బడ్డీ కొట్టు రోజూ చూస్తుండే వాళ్ళం ..పాటి బండ్ల వారి ఉదంకో పాఖ్యానం బోధనా పరవశం కలిగేట్లుండేది నాగ స్తుతి ని మాతో బట్టీ పట్టించారు .అలాగే శ్రీనాధుని భీమ ఖండం లోని వ్యాస నిష్కాసనం పద్యాల సోయగాన్నీ  పరమాద్భుతం గా వర్ణించి చెప్పారు అందులో ఉన్న డెబ్భై పైగా పద్యాలూ నాకు నోటికి వచ్చాయి .అదే పరీక్ష రాయటానికి దోహద పడింది .అప్పటికి తెలుగుకు గైడులు లేవు .పుస్తకాలే ఆధారం .కాలేజి స్కాలర్షిప్ కోసం ఒక అది వారం పరీక్ష పెట్టారు నేనూ హాజర్యాను దారుణం గా రాశాన కొన్నాను .రాలేదు .కాలేజి లో మా మేన మామ కూతురు రాజమ్మ భర్త అన్న గారు సూరి రామ చంద్ర మూర్తి ఆఫీస్ లో గుమాస్తా నా క్లాస్ మెట్లు రాదా కృష్ణ మూర్తి ,పెద్ది భొట్ల వీరయ్య గారి,అబ్బాయి .తాడేపల్లి గంగాధర శాస్త్రి   వగైరాలున్నారు ..తెలుగు  టుటర్ గా పెద్ది భొట్ల వారు (మా శిష్యుడు పెద్ది భొట్ల శ్రీ రాములు అన్నగారు )ఉండే వారు అనువాదం ఉండేది వారానికి ఒకటో రెండో క్లాసులు చివరి గంటలో ఉండేవి .సాధారణం గా అందరు ఎగా కొట్టే వారు .నేనెప్పుడూ మానేయ్యలేదు

             సశేషం

          మీ –గబ్బిట దుర్గా ప్రసాద్ -17-2-13 –ఉయ్యూరు

        

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA Wiki : https://te.wikipedia.org/wiki/%E0%B0%97%E0%B0%AC%E0%B1%8D%E0%B0%AC%E0%B0%BF%E0%B0%9F_%E0%B0%A6%E0%B1%81%E0%B0%B0%E0%B1%8D%E0%B0%97%E0%B0%BE%E0%B0%AA%E0%B1%8D%E0%B0%B0%E0%B0%B8%E0%B0%BE%E0%B0%A6%E0%B1%8D
This entry was posted in నా దారి తీరు and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.