నా దారి తీరు -10 రెండవ స్కూల్ –ఉయ్యూరు –మొదటి సారి రాక

                  నా దారి తీరు -10

               రెండవ స్కూల్ –ఉయ్యూరు –మొదటి సారి రాక

   సుమారు మూడు ఏళ్ళు మోపి దేవి లో పని చేసి ఉయ్యూరు కు బదిలీ చేయించుకొన్నాను 27-7-1965సాయంత్రం  మోపిదేవిలో రిలీవ్ అయాను .రిక్వెస్ట్ ట్రాన్స్ఫర్ కనుక మర్నాడే జాయిన్ అవాలి .అంటే జాయినింగ్ టైం ఉండదు . 28-7-1965 ఉదయం ఉయ్యూరు హైస్కూల్ లో చేరాను .అప్పుడు హెడ్ మాస్టర్ శ్రీ రాళ్ళ బండి సత్యనారాయణ గారు .అప్పుడే బండి సుబ్బయ్య గారు అనే హిందీ పండిట్ పని చేసే వారు సరదా గా వీళ్ళిద్దరిలో ఎవర్ని గురించిఅయిన యినా చెప్పేటప్పుడు ‘’ఒట్టి బండా?రాళ్ళ బండా’’అని అనుకొనే వాళ్ళం .హేమా హేమీలున్నారు మేస్తర్లుగా ..నాకు లెక్కల క్లాసులుండేవి ..ఎస్.ఎస్.ఎల్.సి జెనరల్ లెక్కలు చెప్పేవాడిని మా గురువు గారు జంధ్యాల ప్రసాద శర్మ గారు సైన్సు హెడ్ నేనూ, గన్నె వెంకటేశ్వర రావు ,మొదలైన వాళ్ళం సైన్సు చెప్పే వాళ్ళం .వి.రామ కృష్ణా రావు గారు సోషల్ మేష్టారు అన్నే ఉమా మహేశ్వరరావు   ఘంటా కోటేశ్వర రావు లెక్కల మేస్టార్లు .మల్లికాంబ అనే సోషల్ టీచర్ ఉండేది ఆవిడ గురించి నేను వచ్చేసరికి కధలు గాధలుగా చెప్పుకొనె వారు గోడలపైకి కూడా ఎక్కించారు .కాని ఆమె మాతో చాలా స్నేహం గా ఉండేది .సోషల్ గా ఉండేది .అందుకని ఇలా ప్రచారం చేసి ఉంటారు అని పించింది .మంచి టీచర్ .ఆమె చెల్లెలు స్కూల్ లో చదివేది .మంచి క్లెవర్ .అప్పుడు విద్యార్ధులు విద్యార్ధినులు చాలా తెలివిగా ఉండేవారు ,బాగా చదివే వారు .ఎంతో సరదాగా ఉండేది విద్య బోధించటం .చాలా ఇష్టం గా బోధించాను .         

           హెడ్ మాస్టర్ బదిలీ అయి మేము హైస్కూల్ లో ఎనిమిదవ తరగతి లో చేరి నపుడు ఉన్న హెడ్ మాస్టర్ శ్రీ కే.వి.ఎస్.ఎల్ .నరసింహా రావు గారు ఇప్పుడు హెడ్ మాస్టారుగా వచ్చారు నేనంటే బాగా ఇష్టపడే వారు గన్నె మేష్టారు మహా కరుగ్గా ఉండేవారు ఆయనకు బెజవాడ లో లిక్కర్ షాప్ ఉండేదని చెబుతారు కళ్ళు ఎప్పుడూ ఎర్రబడి ఉండేవి  ఆయన తొమ్మిదో తరగతికి క్లాస్ టీచర్ .ఆయన ట్రాన్స్ ఫర్ అయారు ఆ క్లాస్ నాకు ఇచ్చారు .కనుక ఏ మాత్రం రాజీ పడకుండా ఉండాలినేను .పెద్ద ముదుళ్ళు ఉండే వారు .ఎవరి మాటా వినే వాళ్ళు కాదు వీళ్ళని నేనే దారిలో పెట్టగలనని నరసింహా రావు గారు నాకే ఆ క్లాస్ ఇచ్చారు మా అన్నయ్య గారమ్మాయి వేదవల్లి కూడా అదే క్లాస్ బెల్లంకొండ సుశీల ,కాళీ ప్రసాద్ చెల్లెలు లక్ష్మీ కామేశ్వరి .వీళ్ళంతా మా ఇంట్లో ట్యూషన్ చదివే వారు .

                             సైన్సు ఎక్సి బిషన్

              ఉయ్య్రురు లో నేను ,ప్రసాద శర్మ గారు ఆలోచించి హైస్కూల్ లో సైన్సు ఎక్సిబిషన్ నిర్వహించాం .నా శిష్యులు ఎల్లాప్రగడ సాంబశివరావు ,వెంట్రప్రగడ ఉమా మహేశ్వర రావు మొదలైన శిష్యులు గొప్ప కృషి చేశారు  సాంబశివ రావు  తర్వాత డాక్టర్ అయి మంచి పేరు పొందాడు .భలే తెలివి తేటలున్న కుర్రాడు ఉమా కి మంచి ఆలోచనా ఆచరణ ఉన్నాయి .అందుకని ధైర్యం గా రెండు పెద్ద పాకలలో నిర్వహించాము .విద్యార్దులకు ఎలా వివరించాలో తెలియ జేశాం ..పిల్లలు అద్భుతం గా చెప్పారు వేలాది మంది వచ్చి చూశారు చుట్టూ పక్కల స్కూళ్ళ వాళ్ళు కూడా వచ్చారు లెక్కల లోను ఎక్సిబిషన్ పెట్టాము సోషల్లో  కూడా .ఎస్కిమోజీవితం  బాగా పేరొచ్చింది మేముచేసిన  పింగ్పాంగ్ బాల్స్ పిపేట్ నీటి జెట్ పై తిరిగే ఏర్పాటు బాగా ఆకర్షణీయమైంది .హెడ్ మాస్టారు గాగా ప్రోత్సహించారు .అప్పుడు స్వర్గీయ కాకాని వెంకట రత్నం గారు  పాడి పరిశ్రమ ,వ్యవసాయ మంత్రి వారే ఎక్సిబిషన్ ను ప్రారంభించటం మాకు ఎంతో గర్వం గా ఉంది .అందరు మమ్మల్ని మెచ్చ్చుకొన్నారు .మాకు అదొక గొప్ప అనుభవం

                            క్లాస్ టీచర్

          తొమ్మిదో తరగతి డి సెక్షన్ కు నేను క్లాస్ టీచర్ని .ముదుళ్ళున్నారని ముందే చెప్పాను .యాకూబ్ అనే ఒక ముస్లిం విద్యార్ధి చాలా తల బిరుసు గా ఉండే వాడు .వస్తుతహా మంచి వాడు .వాడిని రెచ్చగొట్టి పక్క దారి పట్టించారు .వాడొక సారి క్లాసులో వాడు కొద్దిగా బిరుసు గా ఉంటె పీత కొట్టుడు కోటాను మర్నాటి నుండి వాడు స్కూల్ కి రాలేదు ఆ తర్వాతెప్పుడో పదేళ్లకు నేను నా శ్రీమతి బెజవాడ కనక దుర్గమ్మ దర్శానికి దసరాలలో వెళ్ళినప్పుడు ఒక కాన్స్టేబుల్ నాకు వంగి వంగి నమస్కరించాడు .’’సార్ నీను మీ శిష్యుడిని యాకూబ్ ని మీరు ఆ రోజు అలాస్కూల్లో  కొట్టి ఉండక పోతే ఎందుకూ పనికి రాకుండా  పోయే వాడిని మా వాళ్ళు నా ప్రవర్తనకు విసిగి పోయి వదిలేశారు నేను నెమ్మదిగా కానిస్టేబుల్ ట్రైనింగ్ కు సెలెక్ట్ అయి ఉద్యోగం సాధించి ఇప్పుడు ఇక్కడ డ్యూటీ వేస్తె పని చేస్త్యున్నాను ‘’అన్నాడు‘’అవాక్కయ్యాను ‘’నేను .ఇలా మరీన వారుకూడా ఉన్నారని ఆనందించి అభి నందించాను మా ఇద్దర్ని దగ్గరుండి అమ్మవారి దర్శనం చేయించి వీడ్కోలు పలికాడు యాకూబ్ .అది నేను మరిచి పోలేని సంఘటన .నేను క్లాస్ లో పాఠంచెబుతూ ఉంటె ఎవరు ఎటూ దిక్కులు చూడ టానికి వీలు లేదు వాళ్ళ మనసులు శరీరాలు పాఠం మీదే ఉంచాలి ఎక్కడైనా ఏమాత్రం తేడా వచ్చినా ఊరుకొనే వాడిని కాదు కొట్టటం ప్రారంభిస్తే స్కూల్ అంతా వినపడేట్లు కొట్టేవాడిని వీపు మీద చరిస్తే అంతా విన పడేది అన్నిక్లాసుల వాళ్ళు ఇక్కడేదో జరిగి పోయిందని ద్రుష్టి అంతా మా క్లాస్ పైనే పెట్టె వారు నేను ఏ క్లాస్ కు వెళ్ళినా ఇదే పద్ధతి .కనుక స్కూల్ లో నేను అంటే ఒక రకం గా భయం ఉండేది .ఎవ్వరు ఎదురు తిరిగే సాహసం చెయ్యలేదు .అది నా అదృష్టం అనుకొంటాను .చదువు బాగా చెప్పే వాళ్ళు అంటే విద్యార్ధులు నిజం గా నే ఇష్టపడుతారు .వాళ్ళు కొట్టినా ,తిట్టినా ఏమీ అనరు .తలిదండ్రులు కూడా ఏమీ అనుకోరు .అప్పటి స్తితి అది .ఇది నా సర్వీస్ అంతా అనుసరించాను .క్లాస్ లో పాఠాన్ని వివర గా చెప్పటం ,పిల్లల తో చెప్పించటం ముఖ్య మైన ప్రశ్నలకు సమాధానాలు చెప్పి నోట్సు రాయించటం సైన్సు రికార్డ్ రాయించటం బొమ్మలు వేయించటం మర్నాడు క్లాస్ లో ముందు రోజు చెప్పిన పాఠంపై ప్రశ్నలు వేయిటం ముఖ్యమైన ఒకటి లేక రెండు ప్రశ్నలకు జవాబులు ఇంటి దగ్గర రాయించి నాకు రోజూ చూపించటం చేయించే వాడిని .ఇది దిన చర్య .అన్నిక్లాసులకు ఇదే పద్ధతి ఇంగ్లీష్ అన్నా ,లేక్కలన్నా ఇదే పద్ధతి అనుసరించేవాడిని ఇంగ్లిష్ లో స్పెల్లింగ్ లు రాయిన్చేవాడిని చూచిరాతా కాపీ తప్పని సరి .మోడల్ లెక్కలు చేయిన్చేవాడిని . ప్రతి పాఠానికి ముఖ్య మైన బిట్లు చెప్పి రాయించే వాడిని వాటిలో రెండు బాచీలు చేసి వాళ్ళతో నే అడిగిన్చేవాడిని ముఖ్య మైన ప్రయోగాలు చేయించి చూపెవాడిని సైన్సు క్లాస్ అంటే లాబ్ లోకి పిల్లలు వచ్చేవారు .ప్రతి స్కూల్ లోను లాబరేటరి లో’’మహాకవి  దాశరధి’’ కవితా పంక్తి ‘’మధన పడే మేధావుల చిగురాశలు చిగవురించే రస రాజ్యం ‘’LABORATORY ‘’అని తప్పకుండా రాయించే వాడిని ఈ లైన్ నాకు అమితం గా ఇష్టం

                  సశేషం

               మీ –గబ్బిట దుర్గా ప్రసాద్ –1-3-13-ఉయ్యూరు 

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA
This entry was posted in నా దారి తీరు and tagged . Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్ చిత్రం

You are commenting using your Google account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

Connecting to %s

స్పామును తగ్గించడానికి ఈ సైటు అకిస్మెట్‌ను వాడుతుంది. మీ వ్యాఖ్యల డేటా ఎలా ప్రాసెస్ చేయబడుతుందో తెలుసుకోండి.