నా దారి తీరు -11 రాజకీయం రుచి

  నా దారి తీరు -11

               రాజకీయం రుచి

   ఉయ్యురులో చేరిన తర్వాత క్రమంగా రాజకీయ అవగాహన పెరిగింది ఖాళీ సమయం లో స్టాఫ్ రూమ్ లో చేరినపుడు రాజకీయాల  గురించే మాట్లాడుకొనే వాళ్ళం .అన్నే ఉమా మహేశ్వర రావు అనే లెక్కల మేష్టారు మంచి రాజకీయ పరిజ్ఞానం ఉన్న వారు .ఇండియన్ ఎక్స్ప్రెస్ చదివే వారు .అందులో ఎడిటర్ ఫ్రాంక్ మొరెస్  రాసే సంపాదకీయాలను చదివి నన్ను కూడా చదవమనే వారు చదివే వాడిని అప్పటి నుండి రోజు ఎక్స్ ప్రెస్ చదవటం ఒక హాబీ అయింది నాకు మొదటి నుంచి ఆర్ ఎస్ ఎస్ అంటే అభిమానం .చాలా కాలం దానిలో స్వయం సేవకుడిగా ఉన్నాను .గణ వేషంఅంటే ఖాఖీ నిక్కరు తెల్ల చొక్కా ఇంశార్ట్ వేసుకొని లాఠీతో శివాలయం లో జరిగే శాఖా కు వెళ్ళే వాడిని .దానితో జనసంఘ పార్టి  మీద అభిమానం పెరిగింది .’’ఆర్గనైజర్ ‘’వార పత్రికను రెగ్యులర్ గా తెప్పించి చదివే వాడిని .జాగృతి వార పత్రిక కూడా చదివే వాడిని .మా రెగ్యులర్ దిన పత్రిక ఆంద్ర ప్రభ ఆ తర్వాతా ఆంద్ర జ్యోతి .కాంగ్రెస్ అంటే ఎందుకో ఇష్టం ఉండేది కాదు .అందుకని కాంగ్రెస్ వ్యతిరేక భావం బాగా పెరిగింది .అందులోను దేశ రాజకీయాలలో చాలా మార్పులు వస్తున్నాయి నెహ్రు చని పోయి లాల్బహదూర్ ప్రధాని అయి తాష్కెంట్ లో ఆయన మరణించటం తో సిండికేట్ నాయకులు కామరాజ్ పావులు కదపటం తో ఇందిరా గాంధి ప్రధాని అయింది .ఆమె ఒక్కొక్క ఎత్తు వేస్తూ పార్టీ లో ఎదురు లేకుండా చేసుకోంది .తనదైన శక్తి సామర్ధ్యాలను నిరూపించుకొంది .పరాభవం చెందిన నాయకులంతా ఒక కూటమి అయారు .వీరంతా గ్రాండ్ అలయన్స్ అనే పేర ఎన్నికలకు సిద్ధమయ్యారు ఇందిరకమ్యూనిస్టులను దువ్వి వారి ప్రాపకం సంపాదించింది ఇవన్నీ చదువుతుంటే తమాషా గా ఉండేది .గ్రాండ్ అలయన్స్ ఎన్నికలలో తుస్సు మంది .

                 1967 ఎన్నికలు వచ్చాయి ఉయ్యూరు నియోజక వర్గానికి కాంగ్రే అభ్యర్ధి గా కురువృద్ధులు కాకాని వెంకట రత్నం గార్ని పార్టీ నిర్ణయించింది ఇక్కడి స్థానిక నాయకులు ,లెఫ్ట్ నాయకులు కలిసి లంకపల్లి నివాసి కడియాల వెంకటేశ్వర రావు గారిని స్వతంత్ర అభ్యర్ధి గా నిల బెట్టారు .చాలా హోరాహోరీ గా ఎన్నిక ప్రచారం జరిగింది .కాంగ్రెస్ ప్రతిష్టాత్మకం గా తీసుకొన్నది .మొత్తం నాయకులను మొహరించి ఇంటింటికీ ప్రచారం చేయించింది .కాని ఎందులో అందరికి కడియాల మీద గురి కుదిరింది .ఆయన్నే గెల్పించారు ప్రజలు .కాకాని ఓడిపోయారు మేమందరం కడియాల కే సపోర్ట్ చేశాం .ఇక్కడి కాంగ్రే నాయకులకు నేనంటే గుర్రుగా ఉండేది. .నేనేమీ భయ పడలేదు అప్పుడు పోలగాని రామ లింగం అనే కాంగ్రే నాయకుడు ఉండే వాడు ఖద్దరు బట్టలు టోపీ తో ఉండేవాడు ఆయన కొడుకు నా క్లాస్ మేట్ .రామలింగం కూతురుకృష్ణ కుమారి  నా దగ్గిర ట్యూషన్ కూడా చదివింది డబ్బు ఇచ్చింది లేదు .మా హెడ్ మాస్టారు నరసింహా రావు గారు నన్ను జాగ్రత్తగా ఉండమని హెచ్చరించారు .కాంగ్రే స వాళ్ళు నా మీద పగ బట్టి ట్రాన్స్ ఫర్ కు ప్రయత్నం చేస్తున్నారని రామ లింగాన్ని కలిసి ట్రాన్స్ ఫర్ ఆపమని చెప్పమనిఅన్నారు .నేను ఆయన దగ్గరకు వేల్లనన్నాను .తాను కాకాని దగ్గరకు తీసుకొని వెళ్తానన్నారు నన్ను .నేను రానన్నాను . బదిలీ తప్పదని తేలింది .దేనికనా రెడీ గా ఉన్నానునేను .

                        హెడ్ మాస్టారి వాత్సల్యం

         హెడ్ మాస్టారు నరసింహా రావు గారు నేనంటే చాలా ఇష్టపడే వారు .అప్పుడు పబ్లిక్ పరీక్ష జవాబు పత్రాలను ఇంటికే పంపేవారు ఇంటి దగ్గర వాటిని దిద్ది స్క్రూటినీ కి చీఫ్ కు పంపే వారు .ఆయన ఒకస్పెషల్ అసిస్టంట్ ను పెట్టుకొని ఆ మార్కులను సరి చూసే వారు .అక్కడి నుండి హైదరాబాద్ కు పంపేవారు నరసింహారావు ఇంగ్లిష్ కు చీఫ్ గా చేస్తున్నారు వారు నన్ను ఇంటికి పిలిచి  స్పెషల్ అసిస్టంట్ గా ఉండమని కోరారు .అదినాకు కొత్త అయినా సరే నన్నాను .పేపర్ కు పది పైసలో ఎంతో ఇస్తారు .నేను ఉదయం సాయంత్రం ఆయన దగ్గర ఈ పని చేశాను .నా పని మేస్తారికి నచ్చింది రెండు మూడు సార్లు నన్నే స్పెషల్ అసిస్టంట్ గా చేసుకొన్నారు .నాకూ అప్పటి నుంచే పబ్లిక్ పేపర్లు వాటి వాల్యుయేషన్ వగైరా లు తెలిశాయి .డబ్బూ గిట్టింది మేష్టారు మా ఇంట్లో వడ్ల బస్తాలు కొనేవారు చేతిలో డబ్బున్నప్పుడు ఇచ్చే వారు .ఒక్కో సారి స్కూల్ లో వింతగా ప్రవర్తించే వారు సెలవు కావాలని అడిగితే’’ కుర్రాడివి నీ కెందుకోయ్ సెలవా !ఇవ్వను’’ అనే వారు .నా మొహం మాడి పోయేది కాని రాత్రి ఇంటికి వచ్చి ‘’ప్రసాదూ !ఏదో స్కూల్లో అలా అన్నాను కాని నువ్వు రేపు సెలవు వాడుకో ‘’అనే వాత్సల్యం ఆయనది ఆయన కు చాలా మంది ఆడ పిల్లలు ఒక్కడే కొడుకు ..ఎలా బతుకుతారో అని అందరు అనుకొనే వారు .కాని అందరి కంటే ఆయన ధన్య జీవి అందరి పెళ్ళిళ్ళు చేసి తన బాధ్యత బాగా నిర్వర్తించారు .మంచి మనిషి

                   నరసింహారావు గారు కొంతకాలం జూనియర్ కాలేజి ప్రిన్సిపాల్ గా చేసి రిటైర్ అయారు .అందుకని ఆయన్ను ప్రిన్సిపాల్ నరసింహా రావు అనే వారు .పంచ ఇంశార్ట్ వేసే వారు ,పాంటు షార్ట్ వేసేవారు .ఆయనకు రాని విద్య లేదు కవిత్వం కధ నాటికా ఆట ,పాటా చిత్రలేఖనం అన్నీ వచ్చు .బాపిరాజు గారి శిష్యడాయన .ఎన్నో సాహిత్య సభలకు వెళ్ళేవారని చెప్పేవారు నవ్య సాహిత్య పరిషత్ ను భుజానికేత్తుకొన్నారు .ఆయన తన మాటల్లో ‘’నేను జాక్ ఆఫ్ ఆల్ ట్రేడ్స్ బట్ మాస్టర్ ఆఫ్ నన్ ‘’అని నవ్వుతు అనేవారు .యిట్టె కోపం వచ్చేది అట్టే పోయేది బాద్ మింటన్ ,చెస్ లో మంచి ప్రవేశం ఉంది .వాలీబాల్ బాగా ఆడే వారు .ఒక్కోసారి కోపం వచ్చి కోర్టులో బాట్ విసిరి నేలకేసి కొట్టే వారు .మంచి అఫెన్సు ,డిఫెన్సు ఆడే వారు .వార్షికోత్సవాలను ఘనం గా నిర్వహించే వారు .పిల్లల తో నాటికలు వేయించారు .పాటలు డాన్సులు ఒకటేమిటి అన్నీఆయన తానే అయి చేసేవారు .గలగలా మాట్లాడేవారు ఇంగ్లీష్ లోను మంచి స్పీకర్ .’’పాకీ వాన్నండోవై బాబు పాకీ వాన్నండీ’’అనే పాట రాశారు గొప్ప సామాజిక స్పృహ ఉన్న వారు .ఇప్పుడు పూర్తిగా సాయి భక్తులై ఎన్నో పుస్తకాలు రాసి ప్రచురించారు .తొంభై రెండేళ్ళ వయసులో కొద్ది అనారోగ్యం ఉన్నా సుఖం గా ఉన్నారు .అయన నమేము నిర్వహించే సాహిత్య సభలకు వచ్చి ఆశీర్వదించే వారు

             సాయంత్రాలలో అన్నే ఆయనా, నేను, సైన్సు మేష్టారు ప్రసాద శర్మ గారు సెంటర్ లో ఉన్న జనతా ఫాన్సీ షాప్ దగ్గర కూర్చుని బాతాఖాని చేసే వాళ్ళం ఆ షాప్ ఓనర్ మూసా గారు  చాలా మంచి వారు వాళ్ళ అబ్బాయిలు స్కూల్ లో చదివే వారు .అక్కడా రాజకీయాలే మాట్లాడే వాళ్ళం .సాయిబు గారు కౌలుకు చెరుకు సాగు చేసి మంచి దిగుబడి సాధించే వారు  మా పిల్లల పుస్తకాలూ పెన్నులు వగైరా స్టేషనరి అక్కడే కొనే వాళ్ళం ..

                 ప్రైవేట్

         ఇంటి దగ్గర చాలా మంది విద్యార్ధులు నా దగ్గర ట్యూషన్ చదివే వాళ్ళు ఆడపిల్లలు మా ఇంట్లోనే మా వడ్ల కొట్లోనో సావిడి లోనో పడుకొనే వారు భాగ్య లక్ష్మి ,ఆమె చెల్లెలు విజయ లక్ష్మి, ప్రసన్న ,రోజా అనే క్రిస్టియన్ అమ్మాయి ,కాలని లోని ఇంకో అమ్మాయి నాంచారమ్మ ఆలూరి విజయ లక్ష్మి, కరుణ వగైరా పిల్లలు ఇప్పటికీ జ్ఞాపకం ఉన్నారు కోట శ్రీ రామ మూర్తిగారి అబ్బాయి శ్రీనివాస్ ,ఫైర్మన్ గారి కొడుకులు భాస్కరరావు సోదరులు ఇలా ఎందరో ఉన్నారు ఇక్కడా డిసిప్లిన్ కు ఝడిసే వారు అన్ని సబ్జెక్టులు నేనే చెప్పేవాడిని ఒక పేకాట క్లబ్ యజమాని కూతురు జ్యోత్స్నా రాయ్ ,ఆమె చెల్లెలు మంచి తెలివి తేటలున్న వారు .అప్పుడు ఇంకా డి టేన్షన్ విధానం ఉంది మార్కులు చాలా అవసరం .కస్టపడి చెప్పటం పక్షపాతం లేకుండా వాల్యు చేయటం నాకు నాకు మొదటి నుంచి అలవాటు మేస్టార్ల మీద చాలా ఒత్తిడి తెచ్చేవారు మార్కుల కోసం .కాని నా దగ్గరకు ఎవరు రాలేదు .ఒత్తిడికి లోన్గనని అందరికి తెలుసు .కనుక ఆ ప్రయత్నం ఎవరు చేయలేదు తెల్లవారు ఝామునే పిల్లల్ని లేపి చదివించే వాడిని ఆరింటికల్లా పళ్ళు తోమించి కాలువ స్నానానికి మగపిల్లలను తీసుకొని వెళ్ళే వాడిని అంతకు ముందు ప్రాతస్మరణ చేయించే వాడిని .లెక్కల మేస్టార్ల తో పోటీ పది లెక్కలు చెప్పేవాడిని అన్ని సెక్షన్ల కంటే నేను బోధించే సెక్షను పిల్లకు యావరేజ్ మార్కులు బాగా వచేట్లు కష్టపడే వాడిని పిల్లలతో కస్టపడి చదివించే వాడిని మంచి పోటీ మనస్తత్వం తో పని చేశాను .పిల్లలు కూడా చాలా ఉత్సాహం గా చదివే వారు .వాళ్ళలో కూడా పోటీ భావం పెంచాగాలిగాను కస్టపడి మార్కులు సాధించాలనే తత్త్వం అలవాటు చేశాను చోడవరపు మృత్యుంజయ మూర్తి నా శిష్యుడు ‘’పొట్టి ‘’అని పిలిచే వాడిని .అతను స్టేట్ బాంక్ ఆఫీసర్ గా ట్రేయినింగ్ఆఫీసర్ గా చేసి అమెరికా లో బాంకు లో పని చేశాడు మొదటి సారి మేము అమెరికా వెళ్లి నప్పుడు కాలిఫోర్నియా కు మా మేనల్లుడి దగ్గరకు వెళ్లి నప్పుడు మేము వచ్చామని మా మేనల్లుడి ద్వారా తెలుసుకొని ఇంటికి వచ్చి ఒక ఆదివారం వారింటికి భోజనానికి పిలిచి తన పిల్లలకు ‘’మా మేష్టారు ‘’అని గర్వం గా చెప్పాడు మేస్టరుకు ఇంతకంటే ఆనందం ఏముంది ? .ఇలా చాలా ఆనందం గా మొదటి సారి ఉయ్యూరు   లో ఉద్యోగం గడిచి పోయింది

              సశేషం

            మీ –గబ్బిట దుర్గా ప్రసాద్ -2-3-13 ఉయ్యూరు

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA
This entry was posted in నా దారి తీరు and tagged . Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్ చిత్రం

You are commenting using your Google account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

Connecting to %s

స్పామును తగ్గించడానికి ఈ సైటు అకిస్మెట్‌ను వాడుతుంది. మీ వ్యాఖ్యల డేటా ఎలా ప్రాసెస్ చేయబడుతుందో తెలుసుకోండి.