నాదారి తీరు –17 నాలుగో స్కూలు –కాటూరు

   నాదారి తీరు –17

         నాలుగో స్కూలు –కాటూరు

మొత్తం మీద శ్రీ తూమాటి కోటేశ్వర రావు గారి మాట నెగ్గింది. నాకు కాటూరు హైస్కూల్ కు ట్రాన్స్ ఫర్ జరిగింది .మానికొండ లో 17-8-1968 సాయంత్రం రిలీవ్ అయి మూడు రోజులు మాత్రమె  ట్రాన్సిట్ వాడుకొని 21-8-68 న కాటూరు హైస్కూల్ లో చేరాను .చాలా చరిత్ర ఉన్న స్కూలు .కడియాల వెంకట్రామయ్య వారి యాజమాన్యం లో ఉన్న స్కూలు .మంచి వాతావరణం .చుట్టూ కొబ్బరి చెట్లు .వ్యవసాయం చేసే పొలమూ ఉంది .కూరగాయలు బాగా పండిస్తారు .వాటిని నాలుగు రోజుల కోసారి వేలం నిర్వహించి ఆ డబ్బు ను స్కూల్ జెనరల్ ఫండ్ లో జమ చేస్తారు .ఆ ధనాన్ని విద్యార్ధుల సంక్షేమం కోసం ఖర్చు చేస్తారు .

           నాకు ఎస్ ఎస్.ఎల్.సి.క్లాసుల సైన్సు సబ్జెక్ట్ పదో తరగతి జెనరల్ లెక్కలు మిగిలిన క్లాస్ లకు సైన్సు ఇచ్చారు .మంచి స్టాఫ్ రూమ్ ఉంది .పీరియడ్లు అనుకూలం గా నేఉన్నాయి .ఖచ్చితం గా రెండో బెల్ కొట్టేసరికి టీచర్లు క్లాసు లకు వెళ్ళాలి .కోటేశ్వర రావుగారి  డిసిప్లిన్ గొప్పది .అందరు రూల్స్ పాటించాల్సిందే .నత్తా నాగేష్  గారు స్టాఫ్ సెక్రెటరి .పంచె కట్టే వారు .సీనియర్ ఉపాధ్యాయులు హరి గౌతమేశ్వర రావు గారు అనే సోషల్ మేష్టారు ఆర్ .ఎస్.ఎస్..సీనియర్ కార్య కర్త .ఆ సంస్థ పై వీరాభిమానం ఉండేది జనసంఘ పార్టీ అంటే ప్రాణం .చాలా నిదానస్తులు .పంచ కట్టుకొని చొక్కా వేసే వారు ఎర్రగా పొడుగ్గా సూటి పెద్ద ముక్కుతో ఉండేవారు .పువ్వుల రామ మోహన రావు గారు సీనియర్ హిందీ పండిట్ .ముదునూరు వారు .రోజు అక్కడి నుండే వచ్చేవారు .పంచకట్టుకొనే వారు .తెలుగు కు ములగలేటి శర్మ గారు సీనియర్  .పొట్టిగా పంచ కట్టుతో నిలువు బొట్టు తో ఉండేవారు స్నేహశీలి గలగలా మాట్లాడే వారు కవి కూడా .మా పెద్ద కోడలు సమతకు దగ్గర బంధువులు ..జూనియర్ తెలుగు పండితులు ఘంట సాల కు చెందిన శివారాధకులు శర్మ గారు నల్ల గా ఉండేవారు ఆయనా పంచాకట్టే .

                  నేనంటే పడని ఒకే ఒక్కడు

 

   లెక్కలకు నర్రా వెంకట రత్నం గారు .అందరు నన్ను పలకరించారు ఆప్యాయం గా .ఈయన మాత్రం ముఖం ముడుచుకొని ఉండేవాడు .ఆయన కళ్ళు చింత నిప్పుల్లా ఉండేవి ఈయన పలకరించక పోవటానికి కారణం గౌతమేశ్వర రావు గారుఆ తర్వాత  చెప్పారు ‘’మీరు ఇక్కడికి రావటం వెంకట రత్నానికి ఇష్టం లేదు .మీరు వస్తే తాను వెళ్లి పోతానని హెడ్ మాస్టర్ ను కమిటీ ని బెదిరించాడట .వాళ్ళు ‘’నువ్వు ఉంటె ఉండు .పోతే పో.దుర్గా ప్రసాద్ గారు ఇక్కడికి రావటం ఖాయం .నీఇష్టం ఏం చేసుకొంటావో చేసుకో ‘’అన్నారట .అందుకని ముఖం చెల్లక పలకరించాలేదట .అదీ ఇక్కడి విషయం .చూసింది అంతా బంగారం  కాదన్న సామెత అర్ధమయింది.‘’ఆల్ ఈజ్ నాట్ వెల్’’అని పించింది . క్రమం గా వెంకట రత్నం స్నేహితుడయ్యాడు బాగా మాట్లాడే వాడు మంచి లెక్కల మేస్టారు అతను .సుబోధకం గా ఉండేది అతని బోధనాపటిమ . .పాంటు ముడ్డి మీదకు జారి పోతు ఉండేది .రంగుల చొక్కా రంగుల పాంటు తో ఉండేవాడు రెండు బాగా నలిగి ఉండేవి గుడివాడ క్లబ్ లో తెల్లార్లు పేకాడి సరాసరి స్కూల్ కు వచ్చేవాడని అనుకొనే వారు .అందుకే కళ్ళు యెర్ర బొగ్గు కణికల్లా  ఉండేవి .నేను చేరిన కొన్ని నెలలకు ఆయన యెవరీ చెప్పకుండా ,సెలవు పెట్ట కుండా ‘’జంప్ జిలాని‘’అయ్యాడు .మద్రాస్ లో పేకాడుతున్నట్లు తర్వాత ఎప్పుడో తెలిసింది .అతని భార్య కాటూరు పి.హెచ్.సి.లో గవర్న మెంట్ నర్సు .చాలా యోగ్యురాలు అని చెప్పుకొనే వారు. పిల్లలున్నారు కాని వెంకటరత్నం ఇవేవీ పట్టించుకోకుండా రికామీ గా తిరుగుతూనే ఉండే వాడు .ఇది ఇక్కడ మొదలు కాదు ప్రతి స్కూల్ లోను ఇదే పరిస్తితి ఆ తర్వాతా నాతో ఉయ్యూరు స్కూల్ లో పని చేశాడు .56 రోజుల స్ట్రైక్ లో ఇద్దరం కలిసి పనిచేశాం ఉయ్యురు  మండలం స్ట్రైక్ కు నేను కన్వీనర్ని అతను నాకు అసిస్టంట్ .చివరికి కాటూరు లో అతన్ని వెదికి తీసుకొని రమ్మనిన హెడ్ మాస్టారు తెలిసిన వారిని పంపించి వేదికించి పట్టుకొని తెప్పించారు .కాని అయన మళ్ళీ అదే ధోరణి .మళ్ళీ జంప్.చివరికి కాటూరు నుంచి పంపించేశారు . ఇదీ వెంకట రత్నం కదా .ఇంకా ఉంది ఇంకో సారి రాస్తా .

   ఇద్దరు డ్రిల్లు మేస్టార్లు ఒక ఎన్డి.ఎస్..ఉదేవారు మంచి గ్రౌండ్ ఉంది .పిల్లలు బాగా ఆడేవారు సుంకర వెంకటేశ్వర రావు అనే ఆ ఊరి వాడే పెద్ద డ్రిల్ మేష్టారు పలుకు బడి ఉన్నవాడు .మునసబు గారికి బంధువు వెంకట రత్నం అనే బెజవాడ అయన యెన్.డి.ఎస్.చాలా మంచి వాడు .చిన్న డ్రిల్లు మేష్టారు శర్మ గారు కుందేరు నివాసి .తర్వాతా లా పాసై రిటైర్ అయిన తర్వాతా లాయర్ గా ప్రాక్టీస్ చేశాడు నాకు మంచి మిత్రుడు శర్మ గారు .పలుకు బడి ఉన్నవాడు ..మునసబు అంటే అందరికి హడలే ఆఊళ్ళో .ఆయన కే మా కాటూరు పొలం శిస్తులు చెల్లించేవాళ్ళం. కాని శిస్తులకు వెడితే చాలా మర్యాదగా నే ఉండేవాడు .పంచ కట్టుడు మనిషి .లావుగా ఉండి గంభీర కంఠంతో మాట్లాడే వాడు .సైన్సు కు నాతోబాటు  ఏ.సూర్య నారాయణ రెడ్డి అనే దావులూరు నేటివ్ ఉండేవాడు సన్నగా రివట గా ఉండేవాడు .నేచురల్ సైన్సు అద్భుతం గా బోధించే వాడు అతను చెబుతుంటే పిల్లలకు అక్కడికక్కడే అర్ధమయ్యేది మా ఇద్దరికీ బోధనా లో పోటీ .లెక్కలకు గుంటూరు వాడు నాగేశ్వర రావు అనే అతనున్నాడు చీటికీ మాటికీ పార్టీలు ఇచ్చేవాడు ఇనుప బీరువా కొన్నందుకు ఉదయం పార్టీ ఇచ్చాడు ఇంటి దగ్గర .బాగా డబ్బు మదించిన వాడు భార్య విజయ లక్ష్మి ఇక్కడే సెకండరి గ్రేడ్ టీచర్ పిల్లలు అమెరికా లో ఉన్నారు మరదలు కస్తూరి గారు కూడా టీచరే ..ఇతను కాటూరు లో వ్యవసాయం చేసేవాడు .వారానికో సారి గుంటూర్ వెళ్లి అక్కడి పొలాలు చూసుకొనే వాడు .సూయా యా పరుడు గా కనీ పిస్తాడు .హెడ్ మాస్తారయ్యాడు .మేమిద్దరం పోట్లాడుకోన్నట్లు గా మాట్లాడుకొనే వాళ్ళం .ఇప్పటికీ అదే విధం గా ఉంటాం .కాటూరు పొలం వెళ్లి నప్పుడల్లా కానీ పించేవాడు .మండవ కోటేశ్వర రావు గారు అనే కాటూరు పెద్ద మనిషి తో అతనికి సాగు స్నేహం నాకూ ఆయన మంచి ఇరుగు పొరుగు చేల సన్నిహిత్వం మంచి సలహా దారు పెద్ద మనిషి కొడుకు కోడలు బెజవాడలో పెద్ద డాక్టర్లు భార్య అనారోగ్యం కాటూరు వదిలి వెల్ల లేదు వ్యవసాయం బాగా చేసే వాడు కోటేశ్వర రావు గారు .గుమాస్తా సుంకర వెంకటేశ్వర రావు అనుకొంటా మంచి పని తెలిసిన వాడు ఆ తర్వాతా జిల్లా పరిషద్ లో ఆఫీస్ సూపరిం టేన్దేంట్ అయాడు భార్య ఇక్కడే సెకండరి టీచర్ ..కడియాల ప్రసాద్ అనే సెకండరి ఉపాధ్యాయుడుందే వాడు మాటకారి లెఫ్ట్ భావాలున్న వాడు సంజీవ రావు గారి అబ్బాయి గా చలా మణి అయేవాడు పంచకట్టు మనిషి .సంజీవరావు గారికి ఊళ్ళో పచారి దుకాణం ఉండేది ఇంకొకరితో భాగస్వామ్యం .మంచి సరుకు దొరికేది .ఉయ్యూరు లో మా గేదెలకు చిట్టూ,తవుడు ఇక్కడే కొని రిక్షా లో తీసుకొని వెళ్ళేవాడిని అప్పు పెట్టి జీతం రాగానే తీర్చటం మామూలు .బియ్యం కూడా  దొరికేవి .ఒక క్రిస్టియన్ టీచర్ కృపా రావు  ఉండేవారు చాలా మంచి టీచర్ .పెద్ద మనిషి .నాకు ఆదర్శం .పంచ కట్టు మనిషే .భార్య ఇక్కడే టీచర్ కొడుకు ,కూతురు ఇక్కడే స్కూల్ లో చదివే వారు .కొడుకు డిగ్రీ పాసై బి.యి.డి.కోసం ప్రయత్నిస్తూ రాకపోతే నా దగ్గరకు ఉయ్యూరు వచ్చి చెప్పారు అప్పుడు నేను కాంతా రావు ,ఆంజనేయశాస్త్రి పిచ్చి బాబు మొదలైన వారందరం కలిసి బందరు వెళ్లి కొల్లూరి కోటేశ్వర రావు గారికి చెప్పాం ఆయన మమ్మల్ని తనతో తీసుకొని వెళ్లి బియి.డి కాలేజి కరస్పాండెంట్ తో మాట్లాడి సీటు వచ్చేట్లు చేశారు .ఇదంతా ఎప్పుడో ఆ తర్వాత చాలా కాలానికి జరిగిన కదా ఇప్పుడే చెప్పేశాను .అంతే ..సరదా గా కాలం గడిచి పోతోంది ..

                 కాటూరు కాపురం విశేషాలు ఆనక రాస్తాను .

   సశేషం –మీ –గబ్బిటదుర్గా ప్రసాద్ –20-3-13-ఉయ్యూరు

 

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA
This entry was posted in నా దారి తీరు and tagged . Bookmark the permalink.

1 Response to నాదారి తీరు –17 నాలుగో స్కూలు –కాటూరు

  1. వంశీ కృష్ణ అంటున్నారు:

    మాష్టారు,
    మా నాన్న గారిది ముదునూరు. మా అమ్మ గారిది కలవపాముల. నా చిన్నప్పుడు వేసవి కాలం సెలవల్లొ ఎక్కువ అక్కడే వుండేవాళ్ళం. కాటూరు కూడ అప్పుడప్పుడు వచ్చి వెళుతుండేవాళ్ళం. నాకు సరదాగా గడిపిన ఆ రోజులు ఇంకా బాగా ఙ్నాపకం వున్నాయి. ఇప్పటికి అక్కడకి వచ్చి వెళుతుండటం సంతోషంగా వుంటుంది. ఆ ప్రాంతంలో మీ అనుభవాలు గూర్చి చదవటం ఆసక్తిగా వుంది.

    ధన్యవాదాలు
    – వంశీ కృష్ణ

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్ చిత్రం

You are commenting using your Google account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

Connecting to %s

స్పామును తగ్గించడానికి ఈ సైటు అకిస్మెట్‌ను వాడుతుంది. మీ వ్యాఖ్యల డేటా ఎలా ప్రాసెస్ చేయబడుతుందో తెలుసుకోండి.