అనంత పద్మనాభుడి నుండి అరుణా చలేశ్వరుని దాకా -2

  అనంత పద్మనాభుడి నుండి అరుణా చలేశ్వరుని దాకా -2

కన్యా కుమారి ట్రిప్

కన్యా కుమారి ఎక్స్ప్రెస్ ఫిబ్రవరి ఏడవ తేదీ శుక్రవారం ఉదయం తొమ్మిదిన్నరకు త్రివేండ్రం నుండి బయల్దేరి మధ్యాహ్నం పన్నెండుకు కన్యాకుమారి స్టేషన్ చేరింది

.అంతకు ముందే చంద్ర శేఖర్ మాకు అక్కడి నుండి తన బి.ఎస్.యెన్ ఎల్ .ఆఫీసు లో అక్కడ పని చేస్తున్న మణికంఠ రాజన్ అనే స్వంత టాక్సీ డ్రైవర్ ను ఏర్పాటు చేశాడు అతను స్టేషన్ కు వచ్చాడు సామాన్లను  కారు లో పెట్టి మమ్మల్ని శరవణ భవ హోటల్ కు తీసుకు వెళ్ళాడు అక్కడ నేను మా ఆవిడా రాం బాబూ భోజనం చేశాం .పొద్దుటి నుండి నాకెందుకో కొంచెం వామిటింగ్ సెన్సేషన్ ఉంది .తిన బుద్ధి కాకపోయినా ఏదో కతికాను. మల్లిక గారు ఇడ్లీ తిన్నారు .అక్కడి నుంచి సముద్రం దగ్గరకు తీసుకు వెళ్ళాడు సామాను కారు లోనే ఉంచి వివేకానంద రాక్ మెమోరియల్ కు టికెట్లు తీసుకొన్నాం.

మనిషికి ముప్ఫై రూపాయలు రాను పోను ఎక్కిన తర్వాతా లైఫ్ సేవింగ్ జాకెట్స్ వేసుకోన్నాం .ఎక్కడ బోట్  ఎక్కినా ఈ తతంగం తప్పదు .బాక్ వాటర్ డ్రైవ్ లోనూ త్రివేండ్రం లో ఇలాగే చేశాం .పది నిమిషాల్లో మెమోరియల్ చేరాం .అరేబియా సముద్రం బంగాళా ఖాతం  సముద్రాలూ ఇక్కడ కలిసి ఉండి నీలం ,రంగులోను ,కొంచెం తెల్లగా స్పష్టం గా కానీ పిస్తాయి .బోట్లోంచి బయటకు వచ్చి మెమోరియల్ చూశాం .మల్లికగారు రాంబాబూ తిరిగి చూసి వచ్చారు. మేము ఇదివరకు ఒక సారి చూశాం కనుక వెళ్ళలేదు .రాం బాబుకు ఇది మొదటి సారి  .మల్లిక గారు ఒక సారి చూశారు .అక్కడి నుండి మళ్ళీ బోట్లో తిరువల్లువార్ స్తూపం చేరాం .చాలా భారీ విగ్రహం .తమిళ నాడు ప్రభుత్వం కరుణా నిధి ఆధ్వర్యం లో ఏర్పాటు చేశాడు

.అపూర్వం గా ఉంటుంది .ఇందుకు కరుణానిధి ని అభినందించాలి తమిళ తోలి కవికి ఇచ్చిన అరుదైన గౌరవం .మన రాష్ట్ర ప్రభుత్వం ఏ కవికీ ఇలాంటి గౌరవం కల్పించక పోవటం దురదృష్టం. తిరువల్లువార్ సూక్తులను ‘’తిరుక్కురళ్ ‘’నుంచి ఏరి తమిళనాడు బస్సుల్లో రాయించి మరీ ప్రాచుర్యం కల్పిస్తున్నారు .

అక్కడి నుండి మేము కారు లో గాంధీ స్తూపం చేరాం .గాంధీగారి అస్థికలను ఇక్కడ ఉంచి సముద్రం లో కలిపారు .మంచి స్మారక భవనమే కట్టారు. లోపల రాట్నం వాడికే ఏర్పాట్లున్న రెండస్తుల భవనం ఇది .ఇక్కడే సునామీ మెమోరియల్ కూడా ఉంది .ఆది శంకరాచార్యుల గుడి కూడా ఉంది .అక్కడ నుంచి నడిచి సముద్రం వెంట కన్యాకుమారి అమ్మవారి దర్శనం చేశాం .నాలుగింటికి దర్శనం .పైన చొక్కా లేకుండా దర్శించాలి .అలానే చేశాం .శుక్ర వారం అమ్మ వారి దర్శనం పరమ పవిత్రం .సూర్యాస్తమయాన్ని చూడాలని కాచుకు కూచున్నాం .సరిగ్గా సాయంత్రం ఆరు గంటల ఇరవై నిమిషాలకు సూర్యాస్తమయాన్ని కళ్ళు ఆర్పకుండా తనివి తీరా చూశాం .ఇక్కడే హిందూ మహాసముద్రం బంగాళా ఖాతం అరేబియా సముద్రం మూడు సముద్రాలు కలుస్తాయి.’’త్రిసాగర సంగమం ‘’అన్న మాట . పూర్వం వచ్చినప్పుడు సూర్యోదయాన్ని మబ్బులు కమ్మటం వలన చూడ లేక నిరాశ చెందాం .ఇవాళ ఆ  అదృష్టం మాకు కలిగింది .అంతకు ముందు అరగంట క్రితం నేను ఒక్కడినే అక్కడ తిరుగుతూంటే పెద్ద వాంతి  అయి తిన్నది సగం వెళ్లి పోయింది .వాటర్ బాటిల్ కొని నోరు కడుక్కున్నాను .వీళ్ళకు చెబితే కంగారు పడుతారని చెప్పలేదు .ఇంకో పది నిమిషాలకు అస్తమయం అవుతుందనగా మళ్ళీ వీళ్ళ ఎదుటే పెద్ద వాంతి అయి అంతా ఖాళీ అయింది .అప్పుడు వీళ్ళు చూసి కంగారు పడ్డారు .నేను నిబ్బరం గానే ఉన్నాను .నోరు కడుక్కుని అస్తమయ సూర్యుడిని చూస్తూ ఫోటోలు తీస్తూనే ఉన్నాను .

కన్యాకుమారి లో పావు తక్కువ ఏడుకు బయల్దేరి పన్నెండు కిలో మీటర్ల దూరం లో ఉన్న సుచీన్ద్రానికి తీసుకెళ్ళాడు రాజన్ .అక్కడ గుడి మూసే సమయం అవుతోంది కంగారు గా లోపలి వెళ్లి త్రిమూర్త్యాత్మక శివుడిని దర్శించాం .అక్కడ నాకు వామిటింగ్ ఆవ బోతే బలవంతం గా ఆపుకోన్నాను .అక్కడే ఉన్న భారీ ఆంజనేయ స్వామి విగ్రహాన్ని సందర్శించాం . ఈ ప్రదేశం లోనే ఇంద్రుడు తన కు ఒళ్లంతా ఉన్న కళ్ళను శివుడిని అర్చించి పోగుట్టుకొన్నాడు .ఇంద్రుడు శుచి అయిన ప్రదేశం కనుక సుచీన్ద్రం అయింది. ఇక్కడే అనసూయా దేవి త్రిమూర్తులను పసి  పాపాలను చేసి ఆడించింది .మేము ఇదివరకు చూసిన దే.ఇక్కడి సరస్సు చాలా పెద్దది .

సుచీన్ద్రం నుండి నాగర్ కోయిల్ కు బయల్దేరుతుండగా మూడవ సారి పెద్ద వాంతి కారులో కూర్చున్డగానే అయింది .నోరు కడుక్కొని డైజిన్ టాబ్లెట్లు వాంతి నిరోధక మందులు రాం బాబు తో మెడికల్ షాప్ నుంచి తెప్పించి వేసుకోవటం మొదలు పెట్టాను .కొంత కంట్రోల్ అయింది .నాగర్ కోయిల్ చేరాం ‘’ నాగరాజ కోవెల’’ నాగర్ కోయిల్ గా మారింది .ఇది పెద్ద ఓడ రేవు .ఇక్కడి నాగ రాజ స్వామి ని తనివారా దర్శించాం .అక్కడి నుండి మణి  మమ్మల్ని నాగర్ కోయిల్ స్టేషన్ లో దిగ బెట్టాడు .అతనికి పన్నెండు వందల రూపాయలు ఇచ్చాం ఏ.సి.కారు ,సామానుకు భద్రతా చంద్ర శేఖర్ ఆఫీసు మనిషి .మంచి నమ్మకం ఉన్న వాడు .ట్రెయిన్ 6127గురవాయూర్ ఎక్స్ప్రెస్ లో S3 లో 17,18,19,20బెర్తులను చేరి పడుకోన్నాం .

గురవాయూర్

8-2-14- శనివారం ఉదయం ఆరు గంటలకు గురవాయూర్ స్టేషన్ చేరుకొన్నాం .అక్కడి నుండి ట్రాలీ లో లగేజ్ చేర్చి ప్రభావతిని కూడా దానిలో కూర్చో బెట్టి స్టేషన్ బయటికి వచ్చి ,ఆటో లో అరవై రూపాయలిచ్చి మేము బుక్ చేసుకొన్నా గోకుల్ రిసార్ట్స్ కు పది నిమిషాల్లో చేరాం .అప్పటికే ఆ హోటల్ వాళ్ళు రెండు సార్లు ఫోన్ చేశారు. ఒకే రూమ్ లో నాలుగు మంచాలున్న రూమ్ .పదమూడు వందల అరవై రెంటుకట్టాం .ముందుగా కాఫీ తెప్పించుకు తాగి స్నానాలకు ఉపక్రమించాం .అన్నీ పూర్తీ చేసి నా సంధ్య ,పూజా, పారాయణ పూర్తీ చేశాను .మిగిలిన వాళ్ళూ రెడీ అయ్యారు .అంతా ఆటోలో నలభై ఇచ్చి గురవాయూర్ దేవాలయం చేరాం .నేను కులశేఖర ఆల్వార్ అనే మహా రాజు కవి రాసిన ‘ముకుందమాల ‘’పుస్తకం వెంట తెచ్చుకొని వీలైనప్పుడల్లా చదువుతూ ఉన్నాను DSCN5218గురుఅవాయూర్ లో .లుంగీ ,పై పంచె తోనే దర్శనం .రూమ్ నుండి అలానే బయల్దేరాం .జనం బాగా ఉన్నారు .ఆడవాళ్ళకు ప్రత్యెక క్యూ ఉంది. వీల్లిద్దరిని అందులో నుంచో బెట్టి మేమిద్దరం వెనక ఉన్న క్యూ లో చేరాం. కెమెరా సెల్ అక్కడ క్లోక్ రూమ్ లో ఇచ్చే వచ్చాం .దాదాపు గంటన్నర పట్టింది గురవాయూరాప్ప దర్శనానికి .జీవితం ధన్య మైన దర్శనం ఇది .ఎన్నో ఏళ్ళుగా ఎదురు చూసింది .విగ్రహం చిన్నదే DSCN5224 DSCN5227 DSCN5229అయినా మహా మహిమాన్వితమైనది .సాక్షాత్తూ శ్రీ కృష్ణుడే అందులో తనను తానూ ఆవిష్కరించుకొన్న విగ్రహం .శ్రీకృష్ణుని రూపం లో శ్రీ మహా విష్ణువు అర్చన జరగటం ఇక్కడి విశేషం .ద్వారక మునిగి పోయేటప్పుడు ఈ విగ్రహాన్ని తానాకు అత్యంత ఆప్తుడైన ఉద్ధవుడికి శ్రీకృష్ణుడు విగ్రహాన్ని ఇచ్చి అక్కడి నుండి వెళ్లి పోయి తగిన ప్రదేశం లో ప్రతిష్ట చేయమని ఆనతిచ్చాడు .ఆయన కు దేవాగురువు బృహస్పతి వాయుదేవుడు ,పరశు రాముడు కలిసి ప్రదేశాన్ కోసం వెతికి ఇక్కడికి అంటే మలబార్ తీరానికి వచ్చారు .శివుడు కూడా ఇక్కడే కృష్ణ విగ్రహాన్ని ప్రతిస్తిన్చామన్నాడు .అప్పుడు ఇక్కడ ప్రతిష్టించారు ..’’గురువు వాయువు ల ఊరు ‘’.కనుక ఇది ‘’గురవాయూర్ ‘’అయింది .పాతాలాన్జన శీల అనే ‘’యాంటి మని ‘’అనబడే అయస్కాంత శిలా విగ్రహం ఇది .అందుకే అంత శక్తి .దక్షిణ ద్వారక అంటారు గురవాయూర్ ను .ఎందరెందరో మహాను భావులు దర్శించిన దేవాలయం ఇది .తరించిన దివ్య క్షేత్రం ఇది .దర్శనం పూర్తీ అయిన తర్వాతా ఫోటోలు కొని ,తీసుకొని ఆటోలో రూమ్ చేరాం .తెచ్చుకున్న బిస్కట్లు పళ్ళు తిన్నాం భోజనం చేయలేదు కేరళ లో బాయిల్డ్ రైస్ తో అన్నం వండుతారు .మనం తిన లేము .కాసేపు విశ్రమించాం .మధ్యాహ్నం రెండు గంటలకు కారు లో బయల్దేరి శ్రీ ఆదిశంకరాచార్యుల జనంక్షేత్రం ‘’కాలడి గ్రామానికి’’ వెళ్ళటానికి హోటల్ వాళ్ళ తో కారు ను ఏర్పాటు చేసుకోన్నాం. రాను పోను నూట యాభై కిలో మీటర్లు .రెండు వేల రెండువందల రూపాయలు .

కాలడి లో ఆది శంకర జన్మ క్షేత్ర దర్శనం

సరిగ్గా రెండు గంటలకు ఏ.సి.ఇండికా కారు వచ్చింది .ఎక్కి కూర్చున్నాం .రోడ్డు మీద విపరీత మైన ట్రాఫిక్ మెలికల రోడ్లు పల్లె టూరి వాతావరణం .అందుకని గంటకు ఇరవై పాతిక కిలో మీటర్ల వేగమే .ఈ విషయం నెట్ ద్వారా ముందే తెలుసుకొన్నాం .DSCN5241 DSCN5242రాత్రి తొమ్మిదింటికి మేము మద్రాస్ ట్రెయిన్ ఎక్కాలి కూడా .దారిలో ఎక్కడ చూసినా పల్లెటూరి కేరళ దర్శనమే కలిగింది. ప్రశాంత వాతావరణం. ఇళ్ళల్లో కొబ్బరి చెట్లు వరి చేలు ఫల వృక్షాలు ముచ్చటగా ఉంది కాలడి చేరే దాకా మన కోన సీమ అందాలు కన్పించాయిక్కడ .పవిత్రత గోచరమైంది పులకించే ప్రకృతి ఆహ్లాదాన్ని చేకూర్చింది ఇదే తీరు మధ్యలో ఒక పెద్ద సిటీ ఉంది .కాలడికి అయిదింటికి చేరాం .అక్కడ శ్రీ శంకర భగవత్పాదుల జన్మ స్థలాన్ని వారి తల్లి గారైన ఆర్యాంబ ను దహనం చేసి న ప్రదేశాన్ని అక్కడే ఏర్పాటు చేసిన ఆమె స్మారకాన్ని ఆమె కోసం ఏర్పాటు చేసిన నిరంతరం వెలిగే జ్యోతిని దర్శించి సాష్టాంగ నమస్కారం చేసి పులకించి పోయాను .ఎప్పుడెప్పుడా అని ఎదురు చూసిన క్షణం రానే వచ్చింది .నా జన్మ ధన్యమయింది

.నిరుడు ఫిబ్రవరి లో త్యాగరాజ స్వామి గారి తిరువయ్యార్ వెళ్లి త్యాగరాజ స్వామి నిర్యాణం చెందిన ప్రదేశాన్ని ఆయన వర్ధంతి నాడు పంచ రత్న కీర్తనలను గాయకులందరూ గానం చేసే  సంగీత సభ జరిగే ప్రదేశాన్ని చూసి తరించాం మేమిద్దరం మా మనవడు సంకల్ప్ .ఈ ఫిబ్రవరి లో శ్రీ శంకరుల దివ్య క్షేత్ర సందర్శనం .ఈ జీవితానికిది చాలు అని పించింది .అందరం ఏంతో  ఆనందించాం .దీన్ని శ్రీ శృంగేరి మఠం కట్టించింది .ఇక్కడ నేను అయిదు వందల రూపాయలు నిధి సమర్పించాను. మల్లిక గారూ అంతే .రాం బాబు వంద కట్టాడని జ్ఞాపకం .ప్రసాదం ఇరవై రూపాయలు కొన్నాం .

దీనికి దగ్గరే తల్లి ఆర్యాంబ కోసం శం

కరులు పూర్ణా నదిని మళ్లించిన ప్రదేశం ,తల్లికోసం నది ఒడ్డునశ్రీ  కృష్ణ విగ్రహాన్ని ప్రతిష్టించిన గుడిని చూశాం .గుడి మూసే ఉంది .పూర్ణా నది లో దిగి కాళ్ళు కడుక్కుని పవిత్ర జలాలను శిరసున చల్లుకోన్నాం .కాలడి మొదట్లో కంచి సంకర మఠం ఎనిమిది అంతస్తుల స్మృతి గోపురం ఉంది బయటి నుంచే చూశాం ఎక్కి అంతా తిరిగి చూచే ఏర్పాటు ఉంది శ్రీ శంకరుల జీవిత చరిత్ర అంతా అందులో చిత్ర రూపం లో దర్శించ వచ్చు పై అంతస్తునుంచి చూస్తె చాలా గొప్పగా ఉంటుందిట .శంకరులు నడిలోదిగి మొసలి పట్టుకొన్న ప్రదేశం ను ‘’క్రోకడైల్ ఘాట్ ‘’అంటారు అదీ చూడలేదు మేము .కట్టించిన అక్కడి నుండి బయల్దేరి రాత్రి ఎనిమిది గంటలకు గోకుల్ రిసార్ట్ కు చేరుకొన్నాం .టిఫిన్ తెప్పించుకొని పార్సెల్ చేస్యించుకొని ఆటో ఎక్కి స్టేషన్ చేరుకొన్నాం .రాత్రి 6128చెన్నై ట్రెయిన్ లో S4  లో 17,18,19,20 బెర్తులు చేరుకొన్నాం .రాత్రి తొమ్మిదిం బావుకు ట్రెయిన్ చెన్నై కి బయల్దేరింది .

కేరళ లో ఎక్కడా ప్లాస్టిక్ వాడకం లేదు .రోడ్లు స్టేషన్లు పరి శుభ్రం గా ఉన్నాయి .క్రమ శిక్షణ తో జనం ఉండటం చాలా ఆనందాన్ని కల్గించింది .రైలు స్టేషన్ ల లోనే కాదు రైలు పట్టాల మీదా ఫినాయిల్ చల్లటం ఇక్కడి ప్రత్యేకత .చెత్త ఎక్కడా కని  పించదు .మగపిల్లలు కాని ఆడపిల్లలు కాని ఎక్కడా అసభ్యం గా ప్రవర్తించటం చూడ లేదు అందరూ ప్రశాంతం గా ఉన్నట్లే కని  పించారు .ఈవ్ టీజింగ్ కని  పించలేదు .దేవాలయాలలో లంచాలు లేవు .అందరూ సమానమే .దేవాలయాల్లో దళారీలు కని  పించలేదు .దేవుని పై అచంచల విశ్వాసం కని  పించింది .భిక్ష గాళ్ళు కూడా ఎక్కడా కని  పించలేదు .ఎక్కడ చూసినా ప్రశాంత త గోచరించింది .మనసు ఆనంద పడింది .మర్యాదగా అందరూ ప్రవర్తించారు హోటల్ వాళ్ళూ చాలా ఆదరణా మర్యాదా చూపారు .ఇదొక అపూర్వమైన అనుభవం గా మిగిలి పోయింది. ఏంతో సంతృప్తి తో కేరళ ను వదిలి వెళ్ళాము .దీనికి బాధ్యులైన వారందరూ అభినంద  నీయులే .

స్తూలం గా పర్యటన విషయాలే రాస్తున్నాను .క్షేత్ర విశేషాలు వివరం గా తర్వాత రాస్తాను

చిదంబరం విశేషాలు తర్వాత తెలియ జేస్తాను

అనంత పద్మనాభుడి నుండి అరుణా చలేశ్వరుని దాకా -4(చివరి భాగం )

అనంత పద్మనాభుడి నుండి అరుణా చలేశ్వరుని దాకా -3

 

అనంత పద్మ నాభుడి నుండి అరుణాచలేశ్వరుని దాకా -1

మీ –గబ్బిట దుర్గా ప్రసాద్ – 15-2-14-ఉయ్యూరు

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA
This entry was posted in అనంత పద్మ నాభుడి నుండి అరుణాచలేశ్వరుని దాకా, నేను చూసినవ ప్రదేశాలు and tagged . Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్ చిత్రం

You are commenting using your Google account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

Connecting to %s

స్పామును తగ్గించడానికి ఈ సైటు అకిస్మెట్‌ను వాడుతుంది. మీ వ్యాఖ్యల డేటా ఎలా ప్రాసెస్ చేయబడుతుందో తెలుసుకోండి.