చిదంబర శ్రీ నట రాజ దేవాలయం

   చిదంబర శ్రీ నట రాజ దేవాలయం

తమిళ నాడు  లో చిదంబరం లో సుప్రసిద్ధ నటరాజ స్వామి ఆలయాన్ని జీవితం లో ఒక సారైనా సందర్శించక పోతే జీవితం వృధా .అంత చక్కటి గొప్ప ఆలయం ఇది .శిల్పం పరాకాష్ట స్థాయికి తెచ్చిన ఆలాయ నిర్మాణం సంభ్రమాశ్చర్యాలకు గురి చేస్తుంది .దీని శిల్పి ‘’విది  వేల్విదుగు పెరు మతక్కన్ .ఆయన శిల్ప చాతుర్యానికి జోహార్లు .ఆలయాన్ని పల్లవ ,పాండ్య ,విజయ నగర రాజులు వృద్ధి చేసి పోషించారు .ఇక్కడి కంచు శిలా విగ్రహాలు విశేష నాణ్యత చెందినవి .ఒకప్పుడు ఈ ప్రాంతం అంతా చింత చెట్లుతో  బహు దట్టం గా  అరణ్యం గా ఉండేది .ఇప్పుడు కూడాదారి కిరు వైపులా గుత్తులు గుత్తులుగా కాసిన చింత చెట్లు కని పించి ఆనందాన్ని చేకూరుస్తాయి

చిదంబరాలయం

ఆలయ గోపురం బంగారు తాపడం చేయ బడి ఉంటుంది .ముఖ్య దైవం ‘’తిల్లై కూతన్  లేక తిల్లై నట రాజ్ .అంటే నాట్యం చేసే శివుడు అని అర్ధం .ఆయన చేసేది విశ్వ నృత్యం అంటే కాస్మిక్ డాన్స్ .అమ్మవారు శివ కామి .గర్భ గుడిలో స్పాటిక లింగం ఉంటుంది దీన్నే ‘’ఆకాశ లింగం’’ అంటారు ఈధర్ స్పేస్ అని పిలవచ్చు .పంచ భూత శివ లింగాలలో దీనికే ప్రాధాన్యత ఉంది .’51బంగారు బిల్వ దళాల మాల స్వామికి అలంకరణ గా ఉండి శోభాయ మానం గా కని  పిస్తుంది .శివుడు ‘’ఆనంద తాండవ నృత్యం ‘’ చేస్తాడిక్కడ ‘’.పొన్నంబలం’’ అంటే స్వర్ణ ధామం లో నటరాజ స్వామి కొలువై ఉంటాడు .ఆలయం లో భారత నాట్య భంగిమలున్న స్తంభాలు ఆకట్టుకొంటాయి .

ఆలయం లో అయిదు విశాల సభలు ఉన్నాయి .నిరంతరం మూడు వేదాలను పారాయణ చేసే బ్రాహ్మణులు దర్శన మిస్తారు .పాండ్య ,నాయన్ రాజ శిల్ప కళముగ్ధుల్ని చేస్తుంది .ఎన్నో తటాకాలున్నాయి .ఒకటి కాళికా అమ్మ వారైన శివ కామి అమ్మ వారి ఆలయానికి చెందినది .పతంజలి మహర్షి ,పులికాల్ ముని సందర్శించిన క్షేత్రం .275.శివ క్షేత్రాలలో అతి ముఖ్య మైనది చిదంబరం .మధ్య యుగ శైవ సాహిత్యం లో చిదంబరాన్ని అంబరానికి ఎత్తిన ప్రశస్తి కనీ పిస్తుంది .తిరునా ఉక్కరుసు ,తిరు జ్ఞాన సంబందార్ ,సుందరకవి మొదలైన వారంతా నటరాజ స్వామిని తనివి తీరా వర్ణించారు ,దర్శించి తరించారు .రెండవ కులోత్తుంగ చోళుడు నాయనార్ల దివ్య చరిత్రలను వెయ్యి కాళ్ళ మండపం లో చెక్కించాడు కోనేశ్వర (త్రిన్కోమలి) కైలాసాలతో దీన్ని పోలుస్తారు .

    

 

     

 

శివ తాండవం

ఈ సుందర అరణ్య ప్రాంతం లో చింత వృక్షాల నీడన శివుడు హాయిగా భిక్షాటన చేసే వాడు .ఇక్కడ వేలాది మునీశ్వరులు తపస్సు చేసుకొనే వారు .శివుడు సంధ్యా నృత్యం చేస్తుంటే విష్ణువు మోహినీ రూపం లో అనుసరించే వాడు .మునులు ఇబ్బంది గా బాధ పడే వారు .అరణ్యం లో ఉన్న సర్పాలను శివుడి పైకి ఉసి గోల్పారు మునులు .భయ పడి పారి పోతాడను కొన్నారు .కాని వాటిని శరీరం పై అలంకరణ గా దాల్చాడు శివుడు .లాభం లేదని శివుడిపై పులిని ప్రేరేపించి పంపారు .దాన్ని చీల్చి దాన్ని చర్మాన్ని వస్త్రం గా చుట్టుకొని గోళ్ళను ధరించాడు .’’మునులు ‘’మాయ లక ‘’అనే రాక్షసుడికి తమ శక్తులన్నీ ధార పోసి శివుదిపైకి పంపారు .శివుడు చిరు నవ్వుతూ ,ఆ రాక్షసుడి వీపుపై నిల్చుని  ‘’ఆనంద  తాండవం ‘’చేశాడు అదే చిదంబరం లోని నట రాజ విగ్రహం లో మనకు కని పిస్తాయి .ఋషులకు కను విప్పు కలిగింది .శివుని ముందు మంత్రాలు తంత్రాలేవీ పని చేయవని వీటికి ఆయన అతీతుడు అని గ్రహించారు .దాసోహం అన్నారు .శివోహం అని తెలుసు కొన్నారు .

దేవాలయ వైశిష్ట్యం

40 ఎకరాల సువిశాల దేవాలయం చిదంబర నట రాజ ఆలయం .చిత్ అంబరమే చిదంబరం .విమాన గోపురాన్ని907-1014కాలం లో రాజ రాజు ,కులోత్తుంగ చోళుడు అనేక నిర్మాణాలు చేశారు .రాజ రాజ చోలుది కుమార్తె రెండవ కుందవల్లి నిత్య పూజ కు భారీ విరాళాన్ని 1118-1135కాలం లో అంద జేసింది  .శివకామి అమ్మన్ దేవాలయం వద్ద ‘’శివ గంగ తటాకం ‘’ఉంది .ఆలయం లో అయిదు ప్రాకారాలున్నాయి .బయటిది బహిరంగ ప్రాకారం అంటే ఓపెన్ ప్రాకారం .లోపలి ప్రాకారం లో శివుడు ఉంటాడు .ఇంతకీ చిదంబరం అసలు విశిష్టత ఏమిటి ?’’విశ్వ హృదయ పద్మం యొక్క స్థానమే చిదంబరం’’. అంటే విరాట్ హృదయ పద్మ స్థానమే చిదంబరం అని గ్రహించి మనం దర్శించాలి .నట రాజ స్వామి ని ‘’సకల చిరు మేని ‘’అంటారు .

చిదంబర రహస్యం

గర్భ గుడి లో శివుడు మూడు రూపాలలో దర్శన మిస్తాడు .అసలు రూపం నట రాజ మూర్తి .దీన్ని ‘’సకల రూపం ‘’ అంటారు .ప్రక్కనే ఉన్న స్పటిక లింగం ను ‘’సకల నిఖిల రూపం ‘’అంటారు .మూడవది రూప రహిత ఆకాశ రూపం దీనినే ‘’నిష్కల రూపం ‘’అంటారు ఇదే చిదంబర రహస్యం  .ప్రపంచ అయస్కాంత మధ్య గత రేఖ అంటే ‘’మాగ్నటిక్ మెరిడియన్ ‘’చిదంబరం లో ఉంది .అందుకే చిదంబరానికి అంత టి ప్రాధాన్యత వచ్చింది .

.ఐదు పంచ భూత ఆలయాలలో చిదంబరం ఆకాశ లింగం .అరుణా చలం లో అగ్ని లింగం ఉంది .శ్రీ కాళ హస్తి లో  వాయు లింగం ఉంది . కంచి లో ఏకాంబరేశ్వర ఆలయం లో పృథ్వి లింగం ఉంది . జల లింగం తమిళ నాడులోని జంబుకేశ్వరం లో ఉంది (తిరువనైకావల్ )అంటే నాలుగు లింగాలు తమిళ నాడు లోనే ఉన్నాయి ఒక్క వాయు లింగమే ఆంద్ర ప్రదేశ్ లో కాళ హస్తి లో ఉంది .

ఆలయ నిర్మాణం లో నిక్షిప్తమైన ఆధ్యాత్మిక భావనలు

చిదంబర నట రాజ ఆలయానికి తొమ్మిది ద్వారాలున్నాయి .ఇవిమానవ శరీరం లోని నవ రంద్రాలకు  ప్రతీకలు .స్వర్ణ మందిరం లేక చిత్త సభ  లేక గర్భాలయం  మానవ హృదయానికి ప్రతీక . పంచాక్షర పది . చిహ్నం అదే శివాయన మహః .దీనినే ‘’కనక సభ’’అంటారు .చిత్ సభ నాలుగు స్తంభాల పై ఉంటుంది .ఈ స్తంభాలు నాలుగు వేదాలకు ప్రతీకలు .పొన్నాంబలం అనే గర్భాలయం 28స్తంభాలపై ఉంటుంది .ఇవి ఇరవై ఎనిమిది ఆగమ శాస్త్రాలకు ప్రతీకలు .పై కప్పు 64అడ్డ దూలాల తో ఉంటుంది .ఇవి 64కళలకుచిహ్నాలు .మిగిలిన అనేక క్రాస్ బీమ్స్ మానవ శరీరం లోని రక్త నాళాలకు ప్రతీకలు .పై కప్పు 21,600బంగారు ఇటుకల తో నిర్మించ బడింది .వాటి పై శివాయనమః అని రాయ బడి ఉంటుంది .ఇవి మానవుడు జీవిత కాలం లో పీల్చే ఉచ్చ్వాస నిస్స్వాసాలకు ప్రతీక .వీటిని బంధించటానికి ఉపయోగించిన 72 000 బంగారు మేకులు మానవ శరీరం లోని సమస్త నాడులకు ప్రతీకలు .పై కప్పు లోని  9 కలశాలు నవ శక్తులకు చిహ్నాలు .అర్ధ మండలం లోని 6స్తంభాలు ఆరు శాస్త్రాలకు ప్రతీకలు .అర్ధ మండపానికి ఉన్న8 స్తంభాలు ఎనిమిది పురాణాలకు సంకేతం .

ఆలయానికి ఉన్న తొమ్మిది ద్వారాల్లో నాలుగు ద్వారాలపై ఉన్న గోపురాలు ఏడు అంతస్తులు కలవి .ఇవి తూర్పు ముఖం లో ఉన్నాయి .దక్షిణ గోపురాన్ని పాండ్య రాజు ‘’చొక్కా సీయ తిరునవై ‘’నిర్మించాడు .పాండ్య రాజులు రెండు పెద్ద చేపలను నిర్మించారు .పశ్చిమ గోపురం 1150కాలానికి చెందింది .ఇక్కడ దేవత మహిషాసుర మర్దిని అమ్మ వారు. .స్కందుడు నెమలి పై కనీ పిస్తాడు .ఉత్తర గోపురం 1509-15  లో శ్రీ కృష్ణ దేవ రాయలు నిర్మించాడు . తూర్పు గోపురాన్ని పల్లవ రాజు  ‘’కోపెరుం సింగం ‘’1243-79లో నిర్మించాడు .తూర్పు ద్వారం పై 108 భారత నాట్య భంగిమలు భరతుడు రాసిన నాట్య శాస్త్రం ఆధారం గా శిల్పీకరించి చూపరుల దృష్టిని ఆకర్షిస్తాయి .

నట రాజ దేవాలయం లో కనక సభ లోనే పూజాదికాలు నిర్వ హిస్తారు .నృత్య సభలో 56స్తంభాలుంటాయి ముందు ధ్వజ స్థంభం పెద్దది గా ఉంది .ఇక్కడే కాళికా దేవిని నాట్యం లో శివుడు ఓడించాడు .ఆ భంగిమ కని పిస్తుంది .రాజ సభలో వెయ్యి కాళ్ళ మండపం ఉంది .ఇదే సహస్ర దళ పద్మం .సహస్రారానికి ప్రతీక .ఇక్కడే భగవద్దర్శనం లభిస్తుంది .ఈ చక్రమే వెయ్యి రేకుల పద్మానికి గుర్తు .సహస్రార చక్రం పైనే ధ్యాస ఉంచాలి ఇదే భగవద్ సాన్నిధ్యం .ఇదే యోగ రహస్యం .ఉత్సవ రోజుల్లోనే ప్రవేశం .దేవ సభలో పంచ మూర్తులు గణేశుడు ,సోముడు స్కందుడు ,శివానంద నాయకి మురుగన్,చండి కేశ్వరులు ఉంటారు .ఈ విషయాలు ఎవరూ చెప్పరు .నేను ఇవన్నీచదివి తెలుసు కొని  మేము చూసిన అన్ని దేవాలయ విశేషాలను నోటు బుక్ లో రాసుకొని మిగిలిన ముగ్గురికి ఆలయానికి వెళ్ళే ముందే చెప్పి  ఆ  దృష్టితో చూడమని చెప్పాను .వాళ్ళు ఎంతో ఆనందించారు .ఇవన్నీ తెలుసు కొని దర్శిస్తేనే మనకు సంతృప్తి కలుగు తుంది .అంత ఓపికా, తీరికా ఉండాలి .

   శివాలయం లో విష్ణ్వాలయం

చిదంబరాలయం లో శ్రీ గోవింద రాజ స్వామి ఆలయం ఉండటం ప్రత్యేకత ను సంత రించు కొంటుంది శివ కేశవ అభేదానికి తార్కాణ గా నిలుస్తుంది .ఇది 108వైష్ణవి దివ్య క్షేత్రాలలో ఒకటి గా గుర్టింపు పొందింది .మహా రాజ కవి కుల శేఖర ఆల్వార్ దీన్ని తన రామాయణం లో ‘’చిత్ర కూటం ‘’అని పేర్కొన్నారు .ఈ ఆలయం లో మూర్తి అచ్చం గా తిరుపతి లోని గోవింద రాజ స్వామి లాగా ఉంటుంది .ఒకప్పుడు ఇక్కడి ఉత్సవ మూర్తి ని భగవద్ రామానుజులు ఎత్తుకొని తనకు పడిన శిక్ష తప్పించుకోవటానికి పారి పోయారు .1564-1572లో కృష్ణప్ప నాయకుడు మళ్ళీ విగ్రహ ప్రతిష్ట చేశాడు నట రాజు ఆలయం లో విష్ణు మూర్తి ని పెట్టటం ఏమిటని శైవులు అడ్డు పెట్టారు .కాని రాజు ప్రతిష్ట చేసే శాడు .శైవులకు వైష్ణవులకు కోర్టు తగాదాలు చాలా కాలం నడిచాయి .చివరికి కోర్టు వైష్ణవుల పక్షాన్నేఅంటే ఆళ్వారుల పక్షాన్నే  తీర్పు నిచ్చింది .తగాదాలు సమసి పోయాయి

శివ కామి ఆలయం నట రాజ ఆలయానికి వెనక ఉంటుంది .అమ్మ వారు సర్వ శుభ దాయిని .కాళికా మాత అంశ ఆలయం ప్రవేశ మందిరం పై కప్పు మీద శివ పార్వతుల కళ్యాణ ఘట్టాల వర్ణ చిత్రాలు కన్నుల పండువు గా కని పిస్తాయి .

మరొక దేవాలయం లో పునర్దర్శనం చేద్దాం

మీ –గబ్బిట దుర్గా ప్రసాద్ -18-2-14-ఉయ్యూరు

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA
This entry was posted in నేను చూసినవ ప్రదేశాలు and tagged . Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్ చిత్రం

You are commenting using your Google account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

Connecting to %s

స్పామును తగ్గించడానికి ఈ సైటు అకిస్మెట్‌ను వాడుతుంది. మీ వ్యాఖ్యల డేటా ఎలా ప్రాసెస్ చేయబడుతుందో తెలుసుకోండి.