రా’’చ’’ కీయ ద్విప్లేట్స్ -9

1-అశోకుడి పరాజయం

   కిరణుడి నిష్క్రమణం .

2-కే.సి.ఆర్ .దే ఘన విజయం

 అనుకొన్నది సాధించిన వైనం .

3-రెండు కళ్ళు పోయే నారాయణా

 కుళ్ళబొడి చారయ్య నారాయణా.

4- కమలం లో రేకుల మధ్య వైరం

   భలేగా సృష్టించి చేరింది బిల్లు తీరం  .

5- ఆంధ్రులు ఆరంభ శూరులు

  అని మళ్ళీ రుజూ చేసిన భీరులు .

6-అన్నీ అమ్మ ఇష్టం అని జుట్టు చేతికిచ్చి బీరాలు పోయి

 ఇప్పుడేడిస్తే ఏముంది ముందు  నూయి వెనక గోయి .

7-తెలిసీ తెలియని తొలి ప్రసంగం

 చేసి ‘’చిరు’’ చిన్న బోయాడు అంతా గరం గరం .

8-ఎవరిచ్చారో ఎవరు తీసుకొన్నారో’’ మూటలు ‘’

 ఆరోపణలతో కోట(కోట్లు)లు దాటాయి మాటలు .

9-ఈ ఆవేశం ముందు నుంచీ ఉంటే వెంకయ్యా !

 ఇంతదాకా ముంచు కోచ్చేది కాదు కదరా అయ్యా ..

10-పెద్దమ్మా చిన్నమ్మా  కూడ బలుక్కుని  ఒక్కటయ్యారు

   సీమాంద్రు మునిగిపోయామని  లబో దిబో మంటున్నారు .

11-అయిదు రోజులు నుంచొని ప్లకార్డు చూపించాడు కే .వి.పి.

 పాపం సొమ్మసిల్లి పడిపోయినా ఎవరూ చూపలేదు’’ పిటీ’’

12-ఇరవై తొమ్మిదో రాష్ట్రం ఎవరికి ఆమోదం మోదం ?

  ఈ పరంపర  ఆగక  అరవై  తొమ్మిదయి ఇస్తుందా ఖేదం ?

13-తెల్లోళ్ళ విభజించు –పాలించు కు మళ్ళీ విజయమా ?

  ఇన్నేళ్ళ స్వతంత్ర వృక్షం  కాసిన చేదు ఫలమా  లేక పరిహాసమా  ?

14-విభజించటం మాట ఏమో కాని’’ భజించటమే’’ ఉభయ సభల్లోనూ జరిగింది

  రాజ్యాంగం పట్టపగలు  నిలువునా  ‘’రేప్’’ చెయ్య బడిందనే ఆరోపణ మాత్రం మిగిలింది .

15-తెలుగు జాతి మళ్ళీ అయింది రెండు  రాష్ట్రాలు

   నాయకులయ్యారు ఇసుకలో తల దూర్చిన ఉస్ట్రాలు .

16-మనుషులు విడిపోయినా కలిసి ఉండాలి మనసులు

 ఇరువైపులా అభి వృద్ధి చెందితేనే తేలికవుతాయి  మనసులు .

17-ఇప్పటిదాకా కాట్ల కుక్కల్లావీధిన పడి కాట్లాడు కౌన్నాం .

 అన్నీ మరిచి పోట్ల గిత్తల్లా ముందు కెడదాం అనుకొందాం .

18-ఎక్కడున్నా ఉండాలి తెలుగు జాతి సజీవం

 అన్నదమ్ముల ఐక్యతే ఆంద్ర జాతికి జవం జీవం .

అంతర్జాతీయ మాతృభాషా దినోత్సవ శుభా కాంక్షల తో

  మీ –గబ్బిట దుర్గా ప్రసాద్ -21-2-14-ఉయ్యూరు