పాశ్చాత్య దేశ బాల సాహిత్యం

   పాశ్చాత్య దేశ బాల సాహిత్యం

1848లో మొదటి సారిగా ప్రింటింగ్ ప్రెస్ వచ్చిన తర్వాత’’ ఈసప్ నీతి కధ’’లనుబాలల కోసం  ఇంగ్లాండ్ దేశం లో ముద్రించారు .దీని రచయిత విలియం ‘’కాక్ స్టన్’’.1647లో ‘’ఆర్బిస్ పిక్చర్స్ (illustrated world )అనే మొదటి బొమ్మల పుస్తకాన్ని ‘’జోహాన్ ఆమోస్ కమినాస్’’ రాసి ప్రచురించాడు .1691లో నీతి కధలున్న ను ‘’ఇంగ్లాండ్ ప్రైమర్ ‘’వచ్చింది .1719లో పిల్లలకు యువతకు ఆకర్షణీయం గా ‘’డేనియల్  డీఫో ‘’రాసిన రాబిన్ సన్ క్రూసో అచ్చయింది .దీని తర్వాత ‘’చార్లెస్ పెర్లాట్ ‘’రచించిన ‘’టేల్స్ ఆఫ్ మదర్ గూస్ ‘’అనే మొదటి ‘’-ఫెయిరీ టేల్’’ 1721లో ముద్రణ పొందింది .1736లో వచ్చిన ‘’జోనాధన్ స్విఫ్ట్ ‘’రాసిన ‘’గలివర్స్ ట్రావెల్స్ ‘’అందర్నీ ఆశ్చర్య పరచి ఆకట్టుకుంది .1714లో పిల్లల కోసమే ‘’జాన్ న్యు బెర్రీ ‘’రాసిన ‘’ఏ లిటిల్ ప్రెట్టి పాకెట్ బుక్ ‘’ విడుదలైంది .ఇది వినోదాత్మక రచన గా గుర్తింపు పొందింది .1765లో ‘’ది రినౌనేడ్ హిస్టరీ ఆఫ్ ఎ లిటిల్ గూడీ టు షూస్ ‘’అనే దాన్ని’’ ఆలివర్ గోల్డ్ స్మిత్ ‘’రాయగా ముద్రింప బడి మొదటి పూర్తీ చిన్నపిల్లల నవల గా పేరు పొందింది .

ప్రఖ్యాత కవి విలియం బ్లేక్ రాసిన ‘’సాంగ్స్ ఆఫ్ ఇన్నో సెన్స్ ‘’‘1789లో అచ్చు అయిన మొదటి చిన్న పిల్లల కవితలు  గా గుర్తింపు పొందింది .1823లో’’ విలియం అండ్ జాకబ్ గ్రింలు’’ రాసి ముద్రించిన ‘’గ్రిమ్స్ ఫెయిరీ టేల్స్ ‘’పుస్తకం మొదటి సంప్రదాయ కధలు అని మెప్పు పొందింది .మహా రచయిత ‘’చార్లెస్ డికెన్స్’’ 1843 లో రాసిన ‘’ఎ క్రిస్టమస్ పెరోల్ ‘’గుండెలను తాకే నవలగా కీర్తింప బడింది .’’హెచ్ సి ఆండెర్సన్’’ 1846రాసి ప్రచురించిన ‘’ఫెయిరీ  టేల్స్ ‘కూ పేరొచ్చింది .1865లో’’ లూయీ కరోల్ ‘’రాసిన ‘’ఆలిస్ అడ్వెంచర్స్ ‘’ పుస్తకం బాలల కోసం  మొట్ట మొదటి గొప్ప సంపూర్ణ నవల గా కొని యాడ బడింది . ఇదే బాల సాహిత్యానికి వేయ బడిన గొప్ప పునాది గా గుర్తింపు పొందింది .నిజ జీవితానికి చెందినకద ,పాత్రలతో వచ్చిన బాల సాహిత్యం గా 1867లో ‘’ఏం ఎల్ ఆల్కాట్ ‘’రాసిన ‘’లిటిల్ విమెన్ ‘’పేరు తెచ్చుకొన్నది .1871లో’’ జి మెక్ డోనాల్డ్’’ రాసిన ‘ఏ లిటిల్ బాక్ ఆఫ్ ది నార్త్ విండ్ ‘’కూడా మెప్పు పొందింది .

1876లో ప్రముఖ అమెరికన్ రచయిత ‘’మార్క్ ట్వేన్’’ రాసిన ‘’అడ్వెంచర్స్ ఆఫ్ టాం సాయర్ ‘’అమెరికా రోల్  మోడల్ పాత్రలతో హాస్యం తో అసలైన అమెరికా నవల గా విపరీతం గా పేరు పొందింది  .బొమ్మలతో, కదల తో ‘’కేట్ గ్రీన్ వే’’ రాసిన ‘’అండర్ ది విండో ‘’1778లో వచ్చింది . 1883లో ‘’రాబర్ట్ లూయీ స్టీవెన్సన్’’ రాసిన ‘’ట్రెజర్ ఐలాండ్ ‘’అద్భుత మైన ప్లాట్ ,నాణ్యమైన కూర్పు ,వాస్తవ నేపధ్యం ,పాత్రలతో సంచలనమే సృష్టించింది .’’హ్యూజర్ స్పైరీ’’ రజర్మనీ భాష నుంచి అనువదించిన  ‘’హీడీ ‘’1884లో విడుదలై ప్రపంచం అంతా ఆదరణ పొందింది .చిన్న పిల్లల కోసం ‘’లూయీ స్టీవెన్సన్’’ రాసిన ‘’ఏ చైల్డ్ గార్డెన్ ఆఫ్ వెర్సెస్ ‘’1885 లో ముద్రణ పొంది అలరించింది .

ప్రపంచ ప్రసిద్ధ బాల కధలను’’ఆండ్రూలాంగ్  సేకరించి  1889‘లో ‘’ది బ్లూ ఫెయిర్ బుక్ ‘’పేరిట విడుదల చేశాడు .అదే ఏడాది ‘’రుడ్యార్డ్ కిప్లింగ్’’ రాసిన ‘’ది జంగిల్ బుక్ ‘’,అందులోని ‘’మోగ్లీ’’పాత్ర బాలలను విశేషం గా ఆకర్షించాయి .కుటుంబ ఫాంటసి నవలగా 1899లో ‘’ఎడిత్ నెస్ బిట్ ‘’రాసి ప్రచురించిన ‘’ది స్టోరి ఆఫ్ ది ట్రెజర్ సీకర్స్ ‘’పేరు పొందింది .అమెరికా దేశపు ‘’మొదటి ఫెయిరీ రీ టేల్’’ గా 1900లో’’ ఫ్రాంక్ బ్రాన్’’ రాసి ముద్రించిన ‘’ది విజార్డ్స్ ఆఫ్ ఓజ్’’ప్రసిద్ధి చెందింది ‘’.బ్యూట్రిక్స్  పాటర్’’రాసిన ‘’ది టేల్ ఆఫ్ పీటర్ రాబర్ట్ ‘’1901లో వచ్చింది .1908 లో’’ కే.గ్రహామి ‘’రాసిన ‘’దివిండ్ ఇన్ ది విల్లోస్ ‘’లో సహజ సిద్ధ మైన స్నేహం, ప్రేమ   కని పిస్తాయి .

1919లోఅమెరికా లో  బాల సాహిత్యం కోసమే ‘’మాక్ మిలన్ కంపెని ‘’ఏర్పడి కొత్త ద్వారాలను తెరిచింది .దీనితో బాటు బాల సాహిత్యాన్ని రాసిన వారికి ప్రోత్సాహకరం గా ఉండటానికి 1921లో ‘’ఉత్తమ అమెరికన్ బాల సాహిత్య రచయిత కు ‘’న్యు బెరీ ‘’బంగారు పతాకాన్ని ఏర్పాటు చేశారు .1922లో’’ ఏ.ఏ.మిల్నే’’ రాసిన ‘’విన్నర్ ది పూ ‘’సరదాగా సరళం గా హాస్యం మేళ వించి లయ బద్ధం గా రాసిన వచనం గా పేరు పొందింది .1924బాలల కోసమే ప్రత్యేకం గా ‘’ది హారన్ బుక్ మేగజైన్ ‘’ వచ్చి ఆకర్షించింది .1928లో ‘’వాండా గాగ్ ‘’ రాసిన బొమ్మల పుస్తకం ‘’మిలియన్స్ ఆఫ్ కాట్స్ ‘’ప్రసిద్ధమైంది .’’ఎడ్వర్డ్ స్ట్రాట్  మేయర్’’ రాసిన’’  ది నాన్సీ డ్రు ‘’1930ప్రారంభమై ఇంకా ప్రచురింప బడుతూనే ఉంది .‘’లారా ఇగ్నాల్డ్స్  వైల్డర్ ‘’రాసిన ‘’లిటిల్ హౌస్ ఇన్ ది బిగ్ వుడ్స్ ‘’1932లో వచ్చి గొప్ప పాప్యులర్ సీరియల్ అయింది .

‘’జే ఆర్ ఆర్ టోల్కిన్ ‘’ 1937లో ఒక కొత్త ప్రపంచాన్ని, అందులో అనుసరించాల్సిన నిబంధనలను’’ ది హాబిట్ ‘’నవలలో  సృష్టించి మహా రచయిత గా గుర్తుండి పోయాడు .1938లో ఉత్తమ సంచలనాత్మక బొమ్మల పుస్తకానికి ‘’కాల్దీ కోల్ట్ ‘’పురస్కారాన్ని ఏర్పాటు చేసి అందిస్తున్నారు .చారిత్రాత్మక ఫిక్షన్ పుస్తకం గా ‘’ఈధర్ ఫోర్బ్స్’’ రాసిన ‘జానీ  ట్రెమైన్ ‘’ 1943లో పేరొందింది .’’ ఏం డబ్ల్యు  బ్రౌన్ ‘’రాసిన ‘’గుడ్ నైట్ మూన్ ‘’1947లో ప్రచురింప బడి ‘’ఫస్ట్ బెడ్ టైం స్టోరి ‘’గా గుర్తింపు తెచ్చుకోంది. ‘’సి ఎస్ లూయీస్’’ 1950లో రాసిన ‘’ది లయన్ ,ది రైటర్ ,అండ్ ది వార్డ్ రోబ్ ‘’ను నారియా సిరీస్ లో వచ్చిన ఏడు పుస్తకాలు .వీటిలో ఎలిగేరి ,ఫాంటసి పుష్కలం గా ఉంటాయి . 1952లో ప్రచురింప బడిన ‘’అన్నే ఫ్రాంక్  డైరీ’’నాజీ దురంతాలను కళ్ళకు కట్టి నట్లు చూపించి ప్రపంచ ప్రసిద్ధ మైంది

‘’డాక్టర్ స్యూస్ ‘’1957లో రాసిన ‘’ది కాట్ ఇన్ ది హాట్ ‘’హాయిగా చదివించే విభాగం లో పేరు పొందింది .1962లో వచ్చిన ‘’ఈ .జే కీట్స్’’ రాసిన  ‘’ది స్నో డే ‘’అనే బొమ్మల కదా పుస్తకం బాలల హస్తభూషణం అని పించు కొంది. ‘’ఏం .సేండాక్’’ రాసిన ‘’వేర్ ది .వైల్డ్ థింగ్స్ ఆర్’’పుస్తకం 1963లో విడుదలై పిల్లలలో అంతర్గతం గా ఉన్న భయాలను ఆందోళనలనుతెలియబర్చి మళ్ళీ మామూలు వారిని గా చేసే తమాషా కదల తో ఆకట్టుకొన్నది  .’’ఎస్.ఇ హింటన్’’ అనే రచయిత ’’ది అవుట్ సైడర్స్ ‘’1967లో వెలువరించాడు .ఇది టీనేజర్స్ కు కొత్త నిజాలను ఆవిష్కరించింది .1970లో ‘’జే.బ్లూమ్’’ రాసిన ‘’ఆర్ యు దేర్  గాడ్ ?’’అడాలసెంట్ పుస్తకం గా గుర్తింపు పొందింది .’’ది చాకలేట్ వార్’’పుస్తకాన్ని ‘’ఆర్.కోర్మియర్ ‘’1974లో రాసి జీవితం అంటే ఎప్పుడూ సుఖాంతం గా ఉండదని హెచ్చరించాడు  .’’కే .పాటర్సన్ ‘’‘’బ్రిడ్జ్ టు టేరాలిటియా ‘’1977లో రాసి ప్రచురించాడు .ఇందులో ప్రేమించిన వారిని దూరం చేసుకోవటం లో వచ్చే దుఖం ,బాధలను తెలియ జేస్తూ,వాటిని నయం చేసుకొని మామూలు గా ప్రవర్తించే రీతిని వివరించాడు .1986లో ‘’ది బేబీ సిట్టర్స్ క్లబ్ ‘’ను ‘’యాన్ ఏం మార్టిన్’’ రాసి పేపర్ పాక్ సిరీస్ గా విడుదల చేసింది .1993లో ‘’ఆర్ ఎల్ స్టీన్’’ ‘’గూస్ బంప్స్ ‘’అనే ‘’హారర్’’ పుస్తకం రాశాడు .1998లో ‘’జే కే రౌలింగ్’’ రాసిన సంచలనాత్మక ‘’  హారీ పోటర్ అండ్ ది సోర్సేస్ స్టోన్ ’అన్ని రికార్డులను బద్దలు కొట్టింది .అప్పటి నుంచి ఆ సీరియల్ పుస్తకాలు విడుదల అవుతూనే ఉన్నాయి .దుమారం లేపుతూనే ఉన్నాయి .అత్యంత పాప్యులర్ రచయిత గా రౌలింగ్ నిల బడింది .

‘’అన్నే అండ్ జేం  టైలర్’’  ట్వింకిల్ ట్వింకిల్ ‘’కధలు రాస్తే ‘’లాంబ్ ‘’షేక్స్ పియర్ నాటకాలను కధలుగా మార్చి అందించాడు . ‘’ఎడ్వర్డ్ స్రేట్ మేయర్ ‘’అనే రచయిత ఒక్కడే 20వ శతాబ్దం లో 1300పిల్లల పుస్తకాలు రాసి రికార్డు సృష్టించాడు .అందులో ‘’టోం స్విఫ్ట్ ,’’ది హార్డీ బాయ్స్’’’’ది బాబ్సీ ట్విన్స్ ‘’,ది రోవర్ బాయ్స్ ‘’మొదలైన పుస్తకాలు చిన్న పిల్లల్ని చెడగొట్టే  పేడ దారి పట్టించే ‘’చౌక బారు సాహిత్యం ‘’అంటూ ‘’అమెరికా లైబ్రరి అసోసియేషన్ ‘’వగైరా సంస్థలు ఆ సాహిత్యాన్ని నిషేధించాలని  ఆలోచించి 36,000 పిల్లలపై ‘’ఒపినియన్ పోల్ ‘’నిర్వహిస్తే 98%పిల్లలు ‘’మాకు అవే కావాలని’’ నిక్కచ్చిగా ఖండితం గా చెప్పి వాళ్ళ నోళ్ళు మూయించారు .

‘’ ఎలిజ బెత్ మేడన్ రాబర్ట్స్’’ అనే 7 ఏళ్ళ పిల్ల ‘’ఫైర్ ఫ్లై’’ అనే కవిత రాసింది .ఆ కవిత చదివి ఆనందిద్దాం –

‘’A little light is going by –is going up to see the sky

In ever could had thought of it –To have a little bug all lit

And  made   to go on the wings ‘’.

ఈ చిన్నారి రాసిన ఈ చిట్టి కవితను ప్రసిద్ధ మహా కవి టి ఎస్.ఇలియట్ రాసిన ‘’ఫోర్ క్వార్టర్స్ ‘’అనే ప్రముఖ  కవిత అంత గొప్పది అని మెచ్చారు విమర్శకు లు విశ్లేషకులు .ఇంత గౌరవం పొందింది ఆ చిన్నారి .

‘’Any  one who can write a children’s story without a moral ,had better to do so –childish is some how comic ‘’అంటారు .

‘’స్ట్రేట్ మేయర్ ‘’రాసిన బాల సాహిత్యం పుస్తకాలు 125 మిలియన్ల కాపీలు అమ్ముడు పోయాయి అంటే ముక్కున వేలు వేసుకొని ఆశ్చర్య పోతాం .ఆయన చని పోయిన తర్వాత వేసిన పుస్తకాలు కూడా మిలియన్ల కొద్దీ అమ్ముడవటం మరీ విశేషం .

తెలుగు లో బాల సాహిత్యం వెనక పడింది . అంత ఊపు ఎన్నడూ రాలేదు .రాసినా ఆచ్చు వేయలేక ,వేసినా ,అమ్ముడు అవక ,అయినా చేతికి డబ్బులు రాక బాధ పడిన రచయితలెందరో మనకు తెలుసు .బాల సాహిత్యానికి ఉజ్వల భవిష్యత్తు రావాలని కోరు కొందాం .

16-10-2002 బుధ వారం నాటి నా అమెరికా (హూస్టన్ )డైరీ నుండి

మహా శివ రాత్రి శుభా కాంక్షలతో

మీ –గబ్బిట దుర్గా ప్రసాద్ -26-2-14-ఉయ్యూరు

 

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA Wiki : https://te.wikipedia.org/wiki/%E0%B0%97%E0%B0%AC%E0%B1%8D%E0%B0%AC%E0%B0%BF%E0%B0%9F_%E0%B0%A6%E0%B1%81%E0%B0%B0%E0%B1%8D%E0%B0%97%E0%B0%BE%E0%B0%AA%E0%B1%8D%E0%B0%B0%E0%B0%B8%E0%B0%BE%E0%B0%A6%E0%B1%8D
This entry was posted in రచనలు and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.