రా’’చ’’కీయ ద్విప్లేట్స్ -18(దూకుళ్ళ సీను  )

1-తన యూ.పియె .తనముందే కూలిపోతుంటే నాయకుడు ‘’సింగు గారు’’

  తననెవరూ పట్టించుకోకుంటే ,అవినీతి పడవ బద్దలౌతుంటే ‘’డంగు తిన్నారు ‘’.

2- కిరణ్ పార్టీ గుర్తు తొడుక్కొనే ‘’చెప్పులు ‘’

  ఇప్పుడిడెం పనని  జనం వాటినే విసిరితే తప్పవు’’ తిప్పలు ‘’.

3-తెలుగు దేశం పార్టీ ఆఫీసులో పెట్టారట ’’  నోవేకెన్సీ’’

  అయినా  ఆశావహులు  చేస్తూనే ఉన్నారు ‘’కన్సల్ టేన్సీ’’ ‘.

4- బిజెపి ,,టి డి.పి తో జగన్ కలిసి ‘’తీన్ మార్ ‘’

   కాంగి గులాబీ ఇక మట్టి కరిచి అవుతారేమో ‘గోల్ మాల్ ‘’.!

5-లగడపాటి కిరణ్ ,హర్ష అరుణ్ లతో’’ శ్రీహరి పబ్బం ‘’

  చివరంటా ఉంటాడా ?లేక ‘’గడుపుకొంటాడా పబ్బం ‘’?

6-లావుపాటి రాయ పాటి’’ లావొక్కింతయు లేక ‘’ అయ్యాడు ‘’జంప్ జిలానీ

  ఇక ఖద్దరు హస్తమూ  వదిలి ,చెబుతాడేమో ‘గుడిశా సైకిల్ కహానీ ‘’.

7-స్వర్ణాంధ్ర ను సాదిస్తాడట యువ ‘’అవినీతి నేత జగన్ ‘’

  కంటికేప్పుడూ  స్వర్ణం ,గనులు ,తప్ప ఇంకేం ‘’లేదా విజన్’’ ?

8-కాశీలో’’ముసలి మనోహర  మురళీ’’ నాదం  

  ‘’బదులు  నమో ‘’నమో’’ పిక్కటిల్లుతోందట ‘’జయకేతన నినాదం ‘’.

9-సెల్లు లో సొల్లు కార్చి అభ్యర్ధుల్ని సూచిన్చాలన్న’’ హైటెక్ బాబు ‘’

 ‘’ పిచ్చి ముదిరితే రోకలి తలకు కట్టు’’ చందమా ‘’చంద్ర బాబు ?’’

10- ఎటు దూకా లో తెలీక ’’కావూరి ‘’అడిగాడు అనుచరుల్ని ‘’బోలో బోలో ‘’

     అన్నారు ‘’గణం’’ దిక్కొక్కటే మీకూ మాకు  ‘’సైకిల్ పై ‘’చలో చలో .

  మీ –గబ్బిట దుర్గా ప్రసాద్ -18-3-14-ఉయ్యూరు