దసరా జోకట్లు
1-పెళ్లి అయిన మొదటి ఏడాది మొగుడు మాట్లాడితే పెళ్ళాం వింటుంది .రెండో ఏడు పెళ్ళాం మాట్లాడితే మొగుడు తలాడిస్తూ వింటాడు .మూడో ఏడు ఇద్దరూ మాట్లాడుకొంటే బయటివాళ్ళు వింటారు .
2-అబ్బాయిలు ఎప్పుడూ అమ్మాయి చేతినే ఎందుకు అడుగుతారు ?
ఆమె చేతులకేగా బంగారు గాజులు ఉంగరాలు ,వాచీ వగైరాలుండేది .అందుకే .
3-సైకిల్ పోగొట్టుకొన్న ఒక రోమియో పోలీస్ స్టేషన్ లో కంప్లైంట్ ఇచ్చాడు .వివరాలు చెప్పమని ఇన్స్పెక్టర్ అడిగితె అన్నీ చెప్పాడు .చాలదు ,స్పెసిఫిక్ గా చెప్పాలన్నాడు .అప్పుడా రోమియో ‘’నా సైకిల్ ఎక్కడ ఉంటె అక్కడ ఎవరైనా అమ్మాయి సైకిల్ పార్క్ చేసి ఉంటుంది అదే గుర్తు ‘’అన్నాడు అవాక్కయ్యాడు ఆఫీసర్ .
4-‘’నేను ఒకప్పుడు ఫ్రెంచ్ ,స్పానిష్ ఇంగ్లీష్ మాట్లాడేవాడిని ‘’గప్పాల రావు
‘’ ఎప్పుడు ‘’?డౌటేశ్వర రావు
‘’ఏడాది లోపు పిల్లాణ్ణి గా ఉన్నప్పుడు ‘’
5-స్త్రీలు మూడురకాలు –ఒకటో రకం –ఆమె లేకపోతె బతకలేం –రెండో రకం –ఉంటె బతకలేం- మూడు- చచ్చినట్లు ఆవిడతోనే బతకాలి .
6-నెలంతా కస్టపడితే వచ్చే ముష్టి –సెలవు అన్నాడొక ఉద్యోగి .
7-యూని వర్సిటికి స్పోర్ట్స్ కోటాలో ఒకడు సాహిత్య విభాగం లో ఇంటర్వ్యు కు వచ్చాడు
‘’షేక్స్పియర్ తెలుసా?’’ప్రొఫెసర్
‘’నాకు అంతబాగా తెలీదు .మా తమ్ముడికి బెస్ట్ ఫ్రెండు’’
బుర్ర తిరిగిన ‘’పప్పేసరు’’ ‘’నాలుగు వందల ఏళ్ళ కిందట చనిపోయిన వాడు నీ తమ్ముడికి ఫ్రెండా?”
‘’అయ్యో పాపం చచ్చిపోయాడా .మా తమ్ముడికి ఈ విషయం దయ చేసి చెప్పకండి సార్’.బాగా ఇదైపోతాడు బాధతో ‘’
8-కరెంట్ పోయిన రాత్రి తండ్రి కొడుకుతో ‘’భయమేస్తోందా?””
‘’లేదు ‘’అన్నాడు సుపుత్రుడు
చీకట్లో దేవుడు మనకు తోడుగా ఉంటాడు చిన్నా ‘’తండ్రి
‘’ఇద్దరు ఇప్పుడే నన్ను కుట్టారు నాన్నా ‘’
9-ఒక స్త్రీ మాట్లాడితే ‘’మోనోలాగ్ ‘’అంటారు .ఇద్దరు మాట్లాడితే ‘’కేటలాగ్ ‘’అంటారని ఒక విశ్లేషకుడి తీర్పు .
10-ఒక లాయర్ కు జేబుల్లెకుండా కోటు కుట్టాడు దర్జీ .అదేమిటి అని అడిగితె –‘’మీకు పాకేట్లున్నా అందులోకి మీ చేతులు పోవుకదా సార్. క్లెయింట్ లకు జేబులుంటే చాలు మీరు ఖాళీ చెయ్యటానికి .దర్జీ దర్జా జవాబు .
11-ఫ్రెంచ్ వాడు స్విస్ వాడితో –‘’స్విస్ వాళ్ళు ఎప్పుడూ డబ్బుకోసం పోట్లాడుతారు .ఫెంచ్ వాడు గౌరవంకోసం పోట్లాడుతాడు ‘’అన్నాడు .స్విస్ వాడు కూల్ గా ‘’ఇద్దరూ తమకు లేని దానికోసమే పోట్లాడుతారు బ్రదర్ ‘’అన్నాడు
12’’-పెళ్లి చేసుకొన్నందుకు కంగ్రాట్స్.తెలివైంది అని విన్నాను ‘’అన్నాడొక ఫ్రెండ్
‘’నిజమే –హోమ్ సైన్స్ ,కామర్స్ ,ఆర్ట్స్ లో చాలా చొరవున్నవిడ –కానీ’’ –అన్నాడు ఫ్రెండు
‘’ఎప్పుడూ ఇంట్లో ఉండదు అంతే ‘’అని సన్నగా చెప్పాడు .
సేకరణ
మీ- గబ్బిట -దుర్గా ప్రసాద్ -26-9-14-ఉయ్యూరు
సరసభారతి ఉయ్యూరు 