రేడియో ‘’ఉల్లి ‘’-ఇది చాలా ఘాటు గురో (దసరా సరదా)

మా బామర్ది  బ్రహ్మం హడావిడిగా వస్తున్నాడు మాఇంటికి .దాదాపు గుమ్మంలో అడుగు పెట్ట బోతున్నాడు ‘’అదేమిటిరా అంత ఉల్లిపాయ కంపు కొడుతోంది ?’’అన్నాను .దిమ్మ తిరిగి మైండ్ బ్లాంక్ అయి ‘’అదేంటి బావా !నేను రేడియో ఉల్లి పెట్టి నట్లు నీకెలా తెలిసింది ?’’అన్నాడు ఆశ్చర్యం గా .’’నీవాలకమూ వాసనే తెలుపుతున్నాయి ‘’అన్నా .’’సరే కూచో  ఏమిటి నీరేడియో విశేషాలు ?’’అడిగా .’’బా ! ఈ మధ్య వెంకయ్య నాయుడు అడిగిన వాళ్ళందరికీ రేడియో స్టేషనులు టి వి .చానళ్ళు మంజూరు చేస్తున్నాడుగా .దాన్ని ఆధారం గా నేను ఎఫ్ ఏం  రేడియో లైసెన్స్  సంపా దిమ్చా.నువ్వేమీ ఎంతపలుకుబడి ఉన్నామాలాంటి వాళ్ళ కేమీ ‘’చేపవు ‘’కదా .నానా గడ్డీ గఱచి సాధించా ‘’అన్నాడు .’’సరే ఏమిటి నీ స్లోగన్ ?’’అన్నా .’’సింపుల్ బావా !రేడియో ఉల్లి .ఇది చాలా ఘాటు గురో .’’అని ఊదరపెడుతున్నాం .’’ఎలా ఉంది పికప్ ‘’?’’అదిరింది బావా !మొదటి రోజునే మేము  ఉల్లిపాయలు అమ్మి పెడతామేమో నని మా ఊరి రైతులంతా బళ్ళ మీద ఉల్లి బస్తాలు తోలుకొచ్చిరేడియో  స్టేషన్ లో  కుమ్మ రించి పోయారు .డబ్బులు తర్వాత వచ్చి తీసుకెళ్తామని నా మీద భరోసా తో .’’ఇంక నీకు ఖాళీ ఎక్కడేడుస్తుంది బ్రాడ్ కాస్టింగ్ కి ?’’ నాప్రశ్న .’’అదే బావా !అర్ధం కావటం లేదు .ఘాటు మాటేమో కాని కంపు భరించలేకపోతున్నారు మా జాకీలు ..దీనికి తోడూ ఉల్లి తినటానికి ఎలుకల దండు తో చచ్చిపోతున్నాం .’’అన్నాడు బిక్క మొహం తో .

లోపలి వెళ్లి వాళ్ళక్కయ్య చేతి కాఫీ తాగిరమ్మంటే తాగి వచ్చి మళ్ళీ చతికిల పడ్డాడు .’’ఏయే ప్రోగ్రాములు చేస్తున్నారు?’’అడిగా .’’బాల బాగా బిజీ ‘ ఎప్పుడూ  బుకింగు లే’’అనే హస్కీ వాయిస్ తో ఒకటి చేస్తున్నాం .’’అదేమిట్రా నీదుంపప తెగా!అది చాలా అశ్లీలం గా వినిపిస్తోంది కదా’’అన్నాను .’’బావా !నీలాగా మడి కట్టుకొంటే  ఎవడు వింటాడు ?మసాలా దట్టిస్తేనే క్లిక్ అయ్యేది’’ అన్నాడు .’’వంటా వార్పూ కూడా చేర్చావా”’ నా ప్రశ్న ‘’చేయాలిబావా !అవిలేకపోతే రేడియో వాసనకూడా ఎవరూ చూడని స్తితి వచ్చింది .’’ఏయే స్పెషల్ ఐటమ్స్ చెప్పిస్తున్నావు ?’’మళ్ళీ నా లకోటా .’’మొరాకో నుంచి ఉల్లి స్పెషలిస్ట్ ను కొట్టుకొచ్చా .ఆతను ఉల్లి హల్వా ,ఉల్లి మైసూర్ పాక్ ,ఉల్ల్లి లడ్డూ ,ఉల్లి జిలేబి లాంటివాటిల్లో మహా స్పెషల్ .విన్నవాళ్ళు అదిరిపోతారులే ‘’అన్నాడు ‘’అదిరి పోతారో బెదిరి పోతారో రా “”అన్నాను .’’నీవన్నీ వక్ర భాష్యాలే .అందుకే ఎక్కడ వేసిన గొంగళి అక్కడే ఉన్నట్లు ఉండిపోయావు ‘’అన్నాడు దెప్పుతూ .’’ఒరే !నాకేమీఅక్కర్లేదు హాయిగా తృప్తిగా ఉన్నాను .ఉట్టికి ఎగరాలేను .స్వర్గానికీవెళ్ళే పుణ్యాలు చేయలేదు నీ దయ వల్ల మీ అక్క దయ వల్ల ‘’నా జవాబు .’’మధ్యలో మా అక్కయ్య నెందుకు ఇరికిస్తావు ఇందులో .అమాయకురాలు .’’ఆన్నాడు .

.’’సరే వదిలెయ్యి .ఎవరితోనైనా ఇంటర్ వ్యూలు ఉన్నాయా ?’’కాస్త గుక్క తీసుకొని ‘’లేకేం బావా !ఇంకా నీదాకా రాలేదని అసూయగా ఉందా ?వస్తా వస్తా . ముందుకొన్ని రౌండ్లు అవ్వాలి .మరీ ముందే నీతో చేస్తే బంధుప్రీతి అని బాకా ఊదుతున్నాడని ఆడిపోసుకొంటారు .’’రేడియో ఉల్లి ఇది చాలా ఘాటు గురో ‘’అని నాలుక కరచుకొని ‘’సారీ బావా !అలవాటులో పొరబాటు .అదో జగత్ సహోదరులతో ఇంటర్వ్యు లను చేస్తున్నాను .ఇంత వరకు ఎవరూ చేయని స్పెష లిస్ట్ లతో ప్లాన్ చేశా .ముందుగా నాచిన్నప్పటి నుంచి ‘’నాకు తలపని చేసిన మంగయ్య’’ తో మొన్ననే రికార్డ్  చేశా .తర్వాత రైల్వే స్టేషన్ లో నాకెప్పుడూ చెవి గూలి తీసే చవటయ్య తో నెక్స్ట్ ప్రోగ్రాం .’’ బాగుంది .ఆడ వాళ్ళెవరూ లేరా “?అడిగా .’’లేకేం బావా !వీటికి ముందే మావూర్లో నీళ్ళ పంపుదగ్గర అందర్నీ ఎప్పుడూ తోసేసి ముందు నీళ్ళు పట్టుకొనే నీళ్ళ నీలమ్మని ఇంటర్ వ్యూ చేసి ప్రసారం చేశా .బజారులో ఆడాల్లందరూ నీళ్ళు పట్టుకోటం ఆపేసి  అరగంట విన్నారట .ఇంతలో నీళ్ళు అయిపోయాయట .బిందేలేసుకొని మా స్టూడియో మీదకు దండెత్తి వచ్చారు  ‘’అప్పుడేం చేశావ్ ?’’’’ఏం చేస్తాం .వెనక నుంచి జాకీలతో సహా అందరం పరుగో పరుగు .’’నవ్వాపుకోలేక ‘’రేడియో ఉల్లి ఇది చాలా ఘాటు గురో ‘’అన్నా .నెమ్మదిగా జారుకున్నాడు బ్రహ్మం బామ్మర్ది .

మీ –గబ్బిట దుర్గా ప్రసాద్ -28-9-14-ఉయ్యూరు