ప్రాణాలతో ఆడుకోకండి

బంతి తో పరుగుల వరద పారుతుంది

బాల్ తో వికెట్లు కూలిపోతాయి

బంతి బౌండరీలు దాటు తుంది

బాల్ వికెట్ ను విసిరి గాల్లోకి లేపుతుంది

బంతి బెయిల్స్ ను డాన్సు చేయిస్తుంది

బాల్ స్పిన్ అయి స్పీడై చెలరేగుతుంది

కాని బంతి ప్రాణాలు తోడేస్తుందని అనుకోలేదు

అదే చేసింది బాల్ –‘’ఫిలిప్ హ్యూస్ ‘’ఊపిరాపేసింది

ఆసీస్ యువ క్రికెటర్ ఆశల ఉసురు తీసింది

చేల రేగుతున్న యువ కిశోరాన్ని కబళించేసింది

దానికేం తెలుసు తాను ఏ ఘోరం చేస్తోందో ?

విసిరిన వేటగాడు గాడు చెప్పాలి సమాధానం .

రెండు జట్ల ను సరిగా ఆడించే వాడు అంపైర్

బంతి అవుతుందను కొంటాడా తన పాలిటి ఫైర్ ?

పాపం ఇస్రాయిల్ అంపైర్’’ హిలేన్ ఆస్కార్ ‘’

బాల్  తగిలి బలైపోయాడు గ్రౌండ్ లోనే

క్రికెట్ ఒక క్రీడారంగం గా రాణించాలి కాని

రణ రంగం కాకూడదు ఎన్నటికీ

క్రికెట్ ఆటలో బంతికి బలైన హ్యూస్ ,ఆస్కార్ లు

క్రికెట్ రణ రంగ వీరులై వీర స్వర్గం పొందారు

వారిద్దరి మృతికి గుండె భారం తో కన్నీటి తర్పణమిద్దాం

బంతి తో ఆడుకోండి కాని ప్రాణాలతో కాదని హెచ్చరిద్దాం .

మీ-గబ్బిట దుర్గా ప్రసాద్ -30-1-14-ఉయ్యూరు