గీర్వాణకవుల కవితా గీర్వాణం -3- 40-వెయ్యి శ్లోకాల ‘’చైతన్య నందనం ‘’కావ్య కర్త శ్రీ నిష్ఠల సుబ్రహ్మణ్య శాస్త్రి గారు

గీర్వాణకవుల కవితా గీర్వాణం -3-

40-వెయ్యి శ్లోకాల ‘’చైతన్య నందనం ‘’కావ్య కర్త శ్రీ నిష్ఠల సుబ్రహ్మణ్య శాస్త్రి గారు

మాణిక్యం తాను వెలుగు లోకి రాదు .దానిని మనమే వెతికి వెలుగులను దర్శించాలి .అలాగే కొందరు మహానుభావులు తమ గురించి ప్రచారం చేసుకోరు .ఎవరో వారి ప్రతిభ గురించి చెబితే మనం వారిని కలిసికాని , వారితో పరిచయం ఉన్నవారి ద్వారా వారి ని తెలుసుకొని పరిచయం చేయాలి. వారు ఇలాంటి ఆరాటం ,ఆర్భాటంకోరుకోరు .వారిని గురించి తెలియ జెబితే ఎందరికో వారి చరిత్ర స్పూర్తి దాయకమై ప్రేరణ పొందుతారు .అందుకే నా తపన.నాఈ ఆరాటాన్ని అర్ధం చేసుకొన్నవారు డా.శ్రీ తూములూరు శ్రీ దక్షిణామూర్తి శాస్త్రిగారు . రెండవ గీర్వాణానికి ప్రోత్సాహక ,ప్రోద్బలాలు వారివే. .సంక్రాంతి ముందు వారికి శుభాకాంక్షలను ఫోన్ ద్వారా తెలియ జేస్తుంటే వారు ‘’ప్రసాద్ గారూ !మన రెండవ గీర్వాణ౦ లోనే చోటు చేసుకోవాల్సిన మహా సంస్కృత విద్వాంసులు ,30 ఏళ్ళు నాతో పొన్నూరు సంస్కృత కాలేజి లో సంస్కృత లెక్చరర్ గా పని చేసి రిటైర్ అయిన  వారు ,రోజూ ఉదయం కనీసం అయిదారు గంటలు తపోధ్యానాలతో  నిష్టగా గడిపేవారు  రసానందకావ్యం ,,,నవగ్రహ స్తుతి వంటి గొప్ప సంస్కృత రచనలు చేసిన నా మిత్రులు శ్రీ నిష్ఠల సుబ్రహ్మణ్య శాస్త్రి గారి గురించి మీరు గీర్వాణం -3 లో తప్పకుండా రాయాలి ‘’అని చెప్పి వారి ఫోన్ నంబర్ ఇచ్చి మాట్లాడమన్నారు .నేను శాస్త్రిగారితో మాట్లాడి నా కృషి వివరించి ,వారిని గురించి రాసే అవకాశం నాకు కల్పించమని  వారి  పరిచయం, బయో డేటా ,పుస్తకాలు నాకు పంపమని , .లేదంటే మా పుస్తకాలు వారికి  పంపాక చూసి అప్పుడు పంపమని  ‘’అన్నాను .వారు ‘’సంతోషం .నేనే మీకు ముందు పంపిస్తాను ‘’అన్నారు. సంతోషం వేసింది .ఇవాళే వారి నుంచి 4 పుస్తకాలు వారి బయోడేటా కొరియర్ లో నాకు అందాయి .కనుక 40 వ కవిగా వారిని మూడవ గీర్వాణం లో పరిచయం చేస్తున్నాను .ఈ సందర్భంగా శ్రీ తూములూరు వారికీ ,శ్రీ సుబ్రహ్మణ్య  శాస్త్రి గారికీ కృతజ్ఞతలు అందజేస్తున్నాను .

వంశ చరిత్ర

శ్రీ నిష్ఠల సుబ్రహ్మణ్య శాస్త్రి గారు 17-9-1953 న విజయ నామ సంవత్సర భాద్ర పద శుద్దనవమి నాడు శ్రీమతి కామేశ్వరమ్మ ,శ్రీ సన్యాసి శర్మ దంపతులకు జన్మించారు .విజయనగరం దగ్గర ‘’ఇంగిలాపల్లి ‘’అగ్రహారం వీరి ప్రాచీనుల నివాసం .వీరి మూల పురుషులు శ్రీ వేంకట భట్టు అరికాళ్ళలో శంఖ చక్రాలున్న మహా యోగులు .వీరి కుమారులు శ్రీ అప్పన్న శాస్త్రి గారు కొండా కోనలలో తపస్సు చేసేవారు .ఒక సారి గజపతి నగరం మహా రాజు ఏదో సమస్యతో బాధపడుతూ ఉన్నప్పుడు శ్రీ అప్పన్న యోగి కలలో కన్పించి పరిష్కారం సూచించారు .రాజు సమస్య తీరి ఆనందం తో యోగిగారికి ఒక అగ్రహారం బహూకరించారు .రెండవ కుమారులు శ్రీ కామ శాస్త్రి శ్రీ చక్రార్చనా నిష్ణాతులు.వీరు నిష్టగా అమ్మవారిని పూజించే సమయం లో అమ్మవారు ఘలు ఘల్లున  శబ్దం చేస్తూ అందేలా రవళి వినిపిస్తూ , నడిచి వచ్చేదట .వీరి పెద తాతగారు మహా వైయాకరణులు బ్రహ్మశ్రీ తాతా సుబ్బారాయ శాస్త్రి గారి శిష్యులు ..తాతగారు శ్రీ సింహాచల శాస్త్రి గారు .వీరు ‘’లక్షణాపరిణయం’’ భద్రాచల మహాత్మ్యం మొదలైన 6 గ్రంధాలు రాశారు .వీరు ప్రముఖ ఆయుర్వేద వైద్యులేకాక మహా పౌరాణికులు కూడా .లక్షణా పరిణయానికి శ్రీ కట్టమంచి రామలింగా రెడ్డి గారు పీఠిక వ్రాశారు .ఇది 1955-59 కాలం లో భాషా ప్రవీణ సిలబస్ లో ఉన్నది .

జనన విద్యా –వ్రుత్తి విశేషాలు

సుబ్రహ్మణ్య శాస్త్రి గారి తండ్రి గారు శ్రీ సన్యాసి శర్మగారు .సాహిత్య వేదాంత పండితులు  .సుబ్రహ్మణ్య శాస్త్రి గారు పొన్నూరు ,తెనాలి సంస్కృత కళాశాలలో గీర్వాణ ఆంద్ర సాహిత్యాలు అభ్యసించారు .వీరు తండ్రిగారి వద్దా ,బ్రహ్మశ్రీ సూరి రామ కోటి శాస్త్రి ,శ్రీ పోతుకూచ్చి సుబ్రహ్మణ్య శాస్త్రి ,శ్రీ ముళ్ళపూడి సుబ్రహ్మణ్య శాస్త్రి ,శ్రీమాన్ అప్పన్న ,శ్రీమాన్ వేదా౦తమ్ సీతారామాచార్యులు ,శ్రీమాన్ పరాశరం కృష్ణమాచార్యులు ,శ్రీ ఉప్పల కోటయ్య ,గార్ల వద్ద విద్య నేర్చారు.తెనాలి, పొన్నూరు సంస్కృత కలాశాలలో  సంస్కృతం తెలుగు బోధించారు .సాహిత్య విద్యా ప్రవీణ ,భాషా ప్రవీణ ,వ్యాకరణం లో ఎం. ఏ .దర్శనాలలో ఎం ఏ .అలంకార శాస్స్త్రం లో ఎం ఏ .తెలుగులో ఎం ఏ .,విద్యావారధి ,పి హెచ్ డి.పూనే యూని వర్సిటి ,తిరుపతి యూని వర్సిటీలలో శిక్షణ పొందారు .ఆకాశవాణిలో బహు ప్రసంగాలు చేసిన దిట్ట .

. పొన్నూరు శ్రీ భావనారాయణ స్వామి సంస్కృత పాఠశాలలో సంస్క్రుతపండితులుగా ,చిట్టి గూడూరు శ్రీ నారసింహ సంస్కృత కళాశాలలో సంస్కృత ఉపన్యాసకులుగా ,చెన్నై లో శ్రీ శంకర విద్యాలయం లో సంస్క్రు పండితులుగా పని చేశారు .30 ఏళ్ళు పొన్నూరు శ్రీ భావనారాయణ స్వామి సంస్కృత కళాశాలలో సంస్కృత అధ్యాపకులుగా పని చేశారు

ఉపాసన –జ్యోతిష్యం

శాస్త్రిగారు గొప్ప హనుమత్ ,సుబ్రహ్మణ్య ,దత్తాత్రేయ ,దుర్గా ఉపాసకులు .జాతక ముహూర్తాలు చెప్పటం ఆధ్యాత్మిక ఉపన్యాసాలు చేయటం తో వీరు కాలాన్ని సద్వినియోగం చేస్తున్నారు .శ్రీ ధర్మ స౦వర్దనీ పరిషత్ ను స్థాపించి ధర్మ ప్రచారం చేస్తున్నారు .శాస్త్రి గారు ‘’సాహిత్య శిరోమణి ‘’బిరుదాంకితులు .వాస్తు శాస్త్రం లో ఉద్దండ పండితులు .గుంటూరు ఓంకార క్షేత్రం ,తెనాలి బ్రాహ్మణ సంఘం సమ్మానాలు పొందారు .చెన్నై సంస్కృత కళాశాల అధ్యాపక నియామకం లో ఇంటర్వ్యు మెంబర్ గా ,రాష్ట్రీయ సంస్కృత సంస్థాన్  గ్రంధ ప్రచురణ కు పరిశీలకులు ,రాష్ట్రీయ సంస్కృత సంస్థాన్ విద్యావారిది కి పంపబడే పరిశోధనా గ్రందాల పరిశీలకులుగా శాస్త్రి గారి సేవలను విని యోగించుకు౦టున్నారు .ఆసియన్ అమెరికా వారి ‘’ఎవరెవరు ‘’అనే గ్రంధం మూడవ సంపుటిలో శ్రీ సుబ్రహ్మణ్య శాస్త్రి గారి పేరు చేర్చి వారి భాషా సేవకు గౌరవ స్థానం కల్పించారు .

రచనా శాస్త్రీయం

సుమారు 55 పత్రికలలో సాహిత్య ,ఆధ్యాత్మిక వ్యాసాలు  రాశారు శాస్త్రిగారు .ఆకాశవాణి విజయవాడ కేంద్రం లో సంస్కృత పాఠాలు ,ప్రసంగాలు సుమారు50 దాకా చేశారు .ఎన్నో దేవాలయాలలొఆధ్యాత్మిక ప్రసంగాలు చేశారు .ధర్మ జ్యోతి మాసపత్రికలో ఆధ్యాత్మిక వ్యాసాలూ జ్యోతిష ప్రశ్నావళి నిర్వాహిస్తున్నారు .

1985 లో ‘’సాహితీ మేఖల ‘’తరఫున ‘’రత్నకవి సాహిత్యాను శీలనం ‘’అనే 250పేజీల పరిశోధనా వ్యాసం రాసి ప్రధమ బహుమతి పొంది ,సత్కారం అందుకున్నారు .1986 లో ‘’భాగవతము –అద్వైతం ‘’అనే పరిశోధనా వ్యాసానికి బహుమతి నిచ్చి భీమవరం లో సన్మానం చేశారు .మేఘ సందేశం ,కళ్యాణ చంపువు మొదలైన కావ్యాలకు పీఠికలు చేకూర్చారు .సంస్కృత పత్రికలు  సంవిత్ ,సూర్యోదయః సప్తగిరి,బాలభారతి గైర్వాణిలలోను ,తెలుగు పత్రికలూ రామకృష్ణ ప్రభ ,భారతి ,ఆరాధన ,ముముక్షువు ,పాపయా రాధ్య ,శ్రీ శైల ప్రభ ,వేద పరిషత్ ద్యానమాలిక ,ఆత్మ జ్యోతి ,ధర్మ జ్యోతి ,బ్రహ్మ తేజం లలో లెక్కకు మించి వ్యాసాలూ రాశారు .బ్రహ్మ తేజం పత్రికలో ‘’ధర్మ శాస్త్రాలలో బ్రాహ్మణుడు ‘’సీరియల్ రచన  చేశారు .

శాస్త్రిగారి పరిశోధనా పత్రాలలో ముఖ్యమైనవి –కుజ దోష సర్వస్వం కుజ దోష చర్చ ,స్తానివద్భావం

సంస్కృత గ్రంధ రచన

1-నవ గ్రహ స్తుతి (సంస్కృత –తెలుగు వ్యాఖ్యానం తో )2-రసానందం (ఖండ కావ్యం )3-రత్నకవి సాహిత్యాను శీలనం (రత్న కవి రచనలపై విమర్శనాత్మక గ్రంధం )4- చైతన్య నందనం (1000 శ్లోకాల కావ్యం )5-వీరభద్ర విజయం 6-శ్రీ బాలా త్రిపుర సుందరీ సుప్రభాతం 7- శ్రీ వీరభద్ర కరావలంబ స్తోత్రం 8-శ్రీ త్రిపురాంతకేశ్వర స్తోత్రం 9- కావ్య మంజరి (దత్తాత్రేయ అష్టకం ,శ్రీ దత్త మధుమతీయం (3 సర్గలు )చందన కృష్ణం (15 0శ్లోకాలు )ప్రేమామృత మహా కావ్యం(19సర్గలు )సుందర సుందరం (సుందర కాండ )మొదలైనవి .

తెలుగు రచనలు

వీరభద్ర విజయం ,కవితా మకరందం ,మీరూ సంస్కృతం నేర్చుకోండి ,విజయబాల నాటిక ,జాతక రాజీయం తెలుగు అనువాదం ,పరశు రామాయణం ,శ్రీ కుమార నాగ దేవతా సర్వస్వం ,మంచి-చెడు మహా శక్తి  పూజా విధానం ,భారతీయ సంస్కృతీ మూడుభాగాలు ,మనకోటప్ప ,అయ్యప్పస్వామి వ్రత కల్పం ,దుర్గా సప్తతి తెలుగు అనువాదం భావ కేరళులు –జ్యోతిష గ్రంధం ,ధర్మ గంగ రెండుభాగాలు నవభారతం -300 పద్యాలు ,స్వయంవర కళా స్తోత్రం –శ్రీ దుర్వాసముని స్తోత్రానికి తెలుగు అనువాదం ,పూజాకుసుమాలు .

ఇంతటి విద్యున్మణిశ్రీ నిష్ఠల సుబ్రహ్మణ్య శాస్త్రి గారి గీర్వాణ కవితా గీర్వాణం గురించి తరువాత తెలుసుకొందాం .

శాస్త్రిగారి ఫోటో జత చేశాను చూడండి .

సశేషం

మీ-గబ్బిట  దుర్గా ప్రసాద్ -19-1-17 –ఉయ్యూరు

 

 

nistala

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA
This entry was posted in పుస్తకాలు and tagged . Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్+ చిత్రం

You are commenting using your Google+ account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

w

Connecting to %s

This site uses Akismet to reduce spam. Learn how your comment data is processed.