పద్య కవితా బ్రహ్మోత్సవాలు

                                              శ్రీకాకుళం -17-2-17 ,18-2-17

ముదిమి వయసున ఆటవెలది తో సయ్యాట –

                                         రచన -గబ్బిట దుర్గా ప్రసాద్ –ఉయ్యూరు

1-అలతి అలతి పదము  లల్లిక బిగి చేత

 అలర రాజ నియతి నందమొప్ప

ఇలను ‘మెచ్చ ’యాము’’డింపు గా బల్కెను

పలుకు రాయలదని ప్రణతు లిడుదు .

2-రాయలేలినట్టి రాజ్యమ్ము మనదిరా

రాయ వాచకమ్ము రసన కింపు

రాయ కవన సొంపు ర౦జిల్లు మనసున

రాయ !కృష్ణ రాయ !.రమ్య తేజ .

3-తెలుగు భాషకు గుడి ,తెలుగు భాషపు నుడి

తెలుగు పలుకు తీపి తెలియ జెప్పి

తెలుగు రాయలకును దీటెవ్వ రనగను

తెలుగు కీర్తి జగతి నిండ నిలిపె  .

4-అమ్మ భాష నీవు అబ్బుర పడు రీతి

కమ్మగాను బల్కి కాచి నిల్పు

చెమ్మ దగులు మదికి చేయెత్తి జైకొట్ట

అమ్మ నెపుడు నీవు  ఆదరించు  .

5-ఆట వెలది తోడ ఆట లాడ౦గను

తీట బుట్టె ముదిమి తీరి దేమొ

మాట కదలకుండ మారాము చేసినా

పంచ రత్నములను కొంచ కిచ్చె..

గబ్బిట దుర్గా ప్రసాద్ –అధ్యక్షులు –సరసభారతి ,సాహిత్య సాంస్కృతిక సంస్థ –

2-405 –శివాలయం వీధి -ఉయ్యూరు -5 21 16 5 –కృష్ణా