నా దారి తీరు -105 గెలాక్సీ ఆఫ్ హెడ్ మాస్టర్స్ -1

  నా  దారి తీరు -105

             గెలాక్సీ ఆఫ్ హెడ్ మాస్టర్స్ -1
అడ్డాడ హై స్కూల్ లో నా సర్వీస్ గురించి చెప్పటానికి ముందు కృష్ణా జిల్లాలో ప్రసిద్ధులైన జాతి రత్నాలవంటి కొందరు ప్రధానోపాధ్యాయుల గురించి తెలియ జేయటం నా  కర్తవ్యమ్  గా  భావిస్తున్నాను . ఇలాంటి వారి జీవితాలపై  రాయమని కృష్ణా జిల్లా సీనియర్ హెడ్మాస్టర్  రాష్ట్ర ప్రధానోపాధ్యా సంఘానికి అధ్యక్షులు మా లాంటి  వారికి మెంటార్  బాలసాహిత్యాన్ని అద్భుతంగా రాసినవారు రేడియో నాటికల ప్రసిద్ధులు ,హెడ్ మాస్టర్స్ కు కరదీపిక రాసినవారు ”సోమంచి రామం ”అని అందరిచే పిలువబడే  శ్రీ సోంచి శ్రీ రామ చంద్ర మూర్తి గారిని చనువుతో చాలా సార్లు అడిగాను .చూద్దాం అన్నారు కానీ జరగలేదు .వీరి తర్వాత ఇన్ని విషయాలూ తెలిసిన వారు  కృష్ణా జిల్లాటీచర్స్ గిల్డ్ కార్య దర్శి అధ్యక్షపదవులలో రాణించిన గన్నవరం సీనియర్  హిందీపండితులు ,అమెరికా ”తానా ”కు అధ్యక్షులుగా పని చేసిన శ్రీ తోటకూర ప్రసాద్ గారి తండ్రి శ్రీ తోటకూర అప్పారాయ వర్మగారినీ అడిగాను చాలా సార్లు ఫోన్ కూడా చేశాను .కదలలేదు .నేను సర్వీస్ లోకి రాకముందు ఎందరెందరో గొప్ప హెడ్ మాస్టార్ల పేరు వినేవాడిని ,నేను పని చేస్తున్నప్పుడూ పని చేసినవారు చాలా మందిఉన్నారు .వీరిలో కొద్దీ మంది గురించి మాత్రమే కొన్ని విషయాలు విన్నాను కొందరిని ప్రత్యక్షంగా ఎరుగుదును . నిజంగా వీరందరి పూర్వా పరాలు నాకు పూర్తిగా తెలియనే  తెలియవు .అయినా వారిని గురించి చెప్పాలనే తాపత్రయం ఉండటం వలన సాహసం చేస్తున్నాను .వారి పేర్లనైనా స్మరించటం ధర్మం అని ప్రయత్నిస్తున్నాను .  ఇందులో తప్పులు ఉండచ్చు .సరైన సమాచారం ఇవ్వలేక పోవచ్చు  పెద్దమనసుతో మన్నిస్తారని కోరుకుంటున్నాను .మీకు తెలిసినవారెవరైనా ఉన్నా నేను మర్చి పోయిన వారున్నా తెలియ జేయండి . ముఖ్యంగా మునిసిపల్ సర్వీస్ లో ఉన్నవారు ప్రయివేట్ స్కూల  హెడ్ మాస్టర్లలో నాకు తెలిసిన వారు వ్రేళ్లమీద లెక్క పెట్టవచ్చునేమో -ఇది  ఆరంభమే అంతం కాదని తెలియ జేస్తున్నాను  .  ముందుగా శ్రీ వెంపటి పురుషోత్తం గారు ప్రధానోపాధ్యాయులుగా ప్రాతస్మరణీయులు .శాసన మండలికి ఉపాధ్యాయ ప్రటిందీహి గ ఎన్నికై విద్యా సేవ చేశారని విన్నాను . ఆ తర్వాత నేను చదివిన ఉయ్యూరు హై స్కూల్ హెడ్ మాస్టర్స్ గురించి చెప్పాలి .నేను 1953 లో 8 వక్లాస్ లోకి ఎంట్రన్స్ పరీక్ష రాసి చేరాను .అప్పుడు హెడ్ మాస్టారు శ్రీ బులుసు గౌరీపతి  శాస్త్రి గారనిజ్ఞాపక0 .కుదమట్టంగా ముతక ఖద్దరు పంచ లాల్చీ  తో ఉండేవారు వెడల్పు ముఖం . చామన ఛాయ  .అసెంబ్లీలో ఏదైనా పిల్లలకు చెప్పాలంటే ”ఓ చిన్న అనౌన్స్ మెంటోయ్ ”అనేవారు అది వారి ఊతపదం నవ్వు కొనేవాళ్ళం .ఆయనతర్వాత శ్రీ ఆచంట సత్యనారాయణ గారు వచ్చారు మా తొమ్మిదోక్లాస్ లో ఆయన ఎర్రగా గ్లాస్కో పంచ లాల్ఛీ తో నెహ్రూగారి చారల అరకోటు  తో గుబురు మీసాలతో హుందాగా ఉండేవారు  ఇంగ్లీష్  లెక్కలలో దిట్ట .కానీ ఒకసారి ”గోంగూర పాట ”క్లాస్ లో ఆయనపాడితే విద్యార్థినులు చెంప పగలకొట్టారని విన్నా .కటకటాల మేష్టారి ఇంట్లో ఉండేవారు . అసలు ఉయ్యూరు స్కూల్ 1951 లో ప్రారంభించినవారు శ్రీ వై  గోపాలరావు అనే హెడ్మాస్టర్ .ఈయన కమ్యూనిస్ట్ అభిమాని .తర్వాత గొడవర్రు హై స్కూల్ లో పని చేసి అక్కడ  క్వేశ్చిన్ పేపర్ల లీకు లో ఇరుక్కునికి సస్పెండయి  బయట పడ్డారు నాకు బాగా పరిచయం వెడల్పు ముఖం తెల్లని పంచె లాల్చీ తో ఉండేవారు లెక్కలు ఇంగిలీషు లో నిధి అంటారు .చివరికి ఉయ్యూరులోనే చనిపోయారు . వాళ్ళబ్బాయికి కంపాష నేట్ గ్రౌండ్స్ పై జిల్లా పరిషత్ లో గుమాస్తా ఉద్యోగమిస్తే చక్రం తిప్పి దున్నిపారేశాడు ”అన్నివిధాలా”   తర్వాత శ్రీ కె వి ఎస్ ఎల్ నరసింహారావుగారు ఈయనఉన్నప్పుడే నేను ఎనిమిదిలో చేరాను ,ఈయన పెంటపాడు వాస్తవ్యులు .ఈ జిల్లాలో స్థిరపడిపోయారు కవి,నటుడు గాయకుడు నాటక రచయిత నాట్యం చేసేవారుకూడా .అందుకని ”నాట్యాచార్య ”అనేవారు . నేను  తర్వాత మారి గౌరీనాధ శాస్త్రిగారు వచ్చారని గుర్తు . ఆయన రాసిన ”పాకీ వాణ్ణం డోయ్  బాబూ పాకీ వాణ్ణండి ”పాట బాగా పాప్యులర్ వార్షికోత్సవానికి దాన్ని వేషం వేయించి పాడించేవారు .వీరితో కలిసి ఇదే స్కూల్లో పని చేసిన అదృష్టం నాది .జూనియర్ కాలేజీ ఆకునూరులో లెక్చరర్ అయి ప్రిన్సిపాల్ గా రిటైరయ్యారు నేనంటే పిచ్చ అభిమానం .ఆయన నడక నాట్యం చేస్తున్నట్లుండేది భారీగా పొడవుగా మంచి మీస కట్టుతో తెల్ల ఖద్దరు పంచ చొక్కాతో ఉండేవారు నవ్వు ముఖమే .ఆయనే తనగురించి తాను ”జాక్ ఆఫ్ ఆల్ మాస్టర్ ఆఫ్ నన్ ”అని చెప్పుకునేవారు  మాకు ఫామిలీ ఫ్రెండ్ కూడా .గొప్ప సాయి భక్తులు ఎన్నో పుస్తకాలు రాశారు .సాహితీయామండలికి సరసభారతి ఆప్తులు . ఆయన్ను సన్మానించిన అదృష్ట వంతుడిని ..వీరి తోడల్లుడుగారు శ్రీ టి .తరుణీ రావు గారు మంచి పేరున్న హెడ్మాస్టర్ .తాడంకి లో పని చేశారు .తర్వాత జూనియర్ కాలేజీ ప్రిన్సిపాల్ గా  రిటైరయ్యారు .మంచి బాడ్  మింటన్ ,వాలీ బాల్  సెంట్రల్  ప్లేయర్  షాట్ దిగకపోతే కోపంతో బాత్ విరగ్గొట్టేవారు అయితే టీమ్ నడిపించటం లో నేర్పరి
  అవనిగడ్డలో గొప్ప హెడ్మాస్టర్లు పనిచేశారు  వారిలో నా స్నేహితుడు పెద్దిభొట్ల ఆదినారాయణ మామగారి అన్నగాఋ శ్రీ ఏడిద సత్యనారాయణ గారికి  మంచిపేరుండేది  . కూన పులి సుబ్రహ్మణ్యం గారు ఇంగువ కృష్ణ మూర్తిగారు రాయసం సుబ్బారావు గారు కామన్   ఎక్సామినేషన్ బోర్డు సెక్రెటరీ శ్రీ టి వి సుబ్బారావు   పెడన హై  స్కూల్ హెడ్ మాస్టర్  చాలాకాలం కామన్ ఎక్సామినేషన్ బోర్డు సెక్రెటరిగా సమర్ధవంతం గా నిర్వహించిన  శ్రీ విష్ణు వర్ధనరావు  సబ్ జెక్ట్ లోనూ పేరున్నవారు లావుగా వెడల్పు ముఖం తో మల్లుపంచె తెల్ల చొక్కాతో ఉండేవారు సీరియస్ ముఖం ఆయనతో మాట్లాడటం అంటే భయం అనేవారు .
  పామర్రులో చాలా కాలం హెచ్ ఏం గా పని చేసిన శ్రీ రావు సాహెబ్ సుబ్బారావు గారికీ పేరుబాగానే ఉంది .రావు సాహెబ్ అనేది బిరుదేమో !ఆయన గురించి ఒకమాట చెప్పుకొనేవారు .గుమాస్తా ఏదైనా సంతకం కోసం వస్తే ”ఎద్దుచ్చా ?మేక  పెంటికా
“?అని అడిగేవారట .ఎద్దుచ్చ అంటే పొడుగు సంతకమా అని మేక పెంటిక అంటే పొట్టి సంతకమా అని భావం ట .అక్కడే చాలాకాలం పని చేసిన శ్రీ ఆరికపూడి పూర్ణ చంద్ర రావు గారు చెవుల నిండా బొచ్చుతో భారీ పర్సనాలిటీ తో ఖద్దరు వస్త్ర ధారణతో ఆకర్షణీయంగా ఉండేవారు . టీచర్స్ గిల్డ్ ప్రెసిడెంట్ గా చాలాకాలమున్నారు .నేను సర్వీస్ లో చేరిన కొత్తలో . ఆయన ఒంటెత్తు పోకడలు నచ్చక మెజారిటీ టీచర్లు ఆయన్ను వ్యతిరేకించగా గిల్డ్ రెండు గా చీలింది .అప్పుడు శ్రీ తూమాటి కోటేశ్వరరావు గారు ప్రెసిడెంట్ అయ్యారు అప్పటికి ఆయన మోపిదేవి హెడ్మాస్టర్ నా సర్వీస్ సైన్స్ మాస్టర్ గా అక్కడే  ప్రారంభం .  .చక్కని పలువరుసతో ఎత్తుగా తగినంత బలంగా ఖద్దరు పంచె ,లాల్చీ  ఉత్తరీయం చేతిలో తాళం చెవుల గుత్తి తో కనిపించేవారు బోళామనిషి క్షణాలమీద కోపం వచ్చేది .నేనంటే మహా అభిమానం .ఒక ఏడాది అక్కడ పని చేసి ఉయ్యూరుకు ప్రయత్నిస్తుంటే తెలిసి ”మా అమ్మాయి ప్రభావతి ఎస్ ఎస్ ఎల్ సి కి వచ్చింది మీ బోధనా నాకు  అమ్మాయికీ ఇష్టం మీరు వెళ్ళటానికి వీల్లేదు మీరు ప్రయత్నం చేసినా ఆపేస్తా .అనటం తో ఆ అభిమానానికి పులకించి ఉండి పోయా . తర్వాతెప్పుడో కాటూరు హెడ్ మాస్టర్ గా అయన ఉన్నప్పుడు నేను మానికొండలో సైన్స్ టీసీగార్ గా ఉండగా నన్ను కాటూరు వేయించుకోవాలని కమిటీ వారికి చెప్పి ,నర్రా వెంకటరత్నం లాంటి వాళ్ళు అడ్డుపడ్డా   నాకోసం మానికొండ వచ్చి అక్కడ లేనని ఉయ్యూరు వచ్చానని తెలిసి ఉయ్యూరు మా ఇంటికి వచ్చి విషయం చెప్పి రిక్వెస్ట్ రాయించుకొని నాలుగు రోజుల్లో ఆర్డర్ తెప్పించిన ఉన్నత వ్యక్తిత్వం .తర్వాత గజిటెడ్ హెడ్ మాన్స్టర్ గా ప్రొమోషన్ పొందారు .అప్పుడూ ఎక్కడ కనిపించినా రిక్షా దిగి పలకరించిన  సంస్కారం ఆయనది . వాళ్ళమ్మాయి అబ్బాయి ఇద్దరూ మోపిదేవిలో నా శిష్యులే . బి పి  ఉన్నట్లుగా ప్రవర్తించేవారు క్షణిక కోపం . యిట్టె చల్లారేది . తర్వాత చనిపోయారు   ఈయన బంధువే తూమాటి  వెంకటరామయ్య  నల్లగా తెల్ల పంచ చొక్కాతో ముదునూరు,ఘంటసాలలో హెడ్ గా పని చేసిన  వారుండేవారు . లెక్కలు ఇంగ్లీష్ లలో దిట్ట ఎన్నో సెమినార్లలో కలిసేవార0 .సబ్ జెక్ట్లపై అధారిటీ .పెద్దమనిషిగా మంచిపేరు .
   శ్రీ మోచర్ల పూర్ణ చంద్ర రావు పామర్రులో ,నున్నలో చేశారు భారీ పర్సనాలిటీ .తెల్ల ఖద్దరు పంచ లాల్చీ  స్ఫోటకమాచల ముఖం తో   ఉత్తరీయం తో చాలా హుందా గా ఉండేవారు .వీరిదగ్గర పామర్రులో పని చేశాను .మంచి వాలీబాల్  బాడ్  మింటన్       ప్లేయర్ .పంచె మోకాళ్ల    పైకి ఎగకట్టి ఆడేవారు .సరదాగా మాట్లాడేవారు క్రమశిక్షణ బాగా పాటించేవారు .రోజూ బంద రు నుంచే వచ్చినా ఏనాడు లేటుగా వచ్చేవారుకాదు  పామర్రులో పనిచేసిన మరో ప్రసిద్ధ హెడ్ మాస్టర్ శ్రీ వేమూరి రామ కృష్ణయ్యగారు . ఎర్రగా  అంచుప0చ  తెల్ల చొక్కా ఉత్తరీయం తో నవ్వు ముఖం తో ఉండేవారు మహా సహన శీలి . కాశీనాధుని నాగేశ్వరరావు గారి ఎలకుర్రు వాస్తవ్యులు గొప్ప స్థితిపరులు .వారబ్బాయి హర్ష నా దగ్గర పామర్రులో టెన్త్ చదివాడు . వీరికి కోపం అంటే ఏమిటో తెలీదు .ఎవ్వరికీ అపకారం తలపెట్టేవారుకాదు . ఇంగ్లీష్     లో నిధి .స్టాఫ్ మీటింగ్  లు గంటలకు గంటలు పెట్టేవారు .విసుగ్గా ఉండేది ఆయనకు తెలియని విషయం లేదు .పి  శ్రీరామ  మూర్తిగారి అభిమాని కానీ మిగతావారిలా బయట పడేవారుకాదు .ఆయన వ్యక్తిత్వానికి అందరూ జోహారు పలికేవారు . తరవాత ఉయ్యూరు హెడ్ మాస్టర్ గా కూడా పని చేశారు అప్పుడు మా పెద్దబ్బాయి శాస్త్రి టెన్త్ చదివాడు . ధర్మ రాజు అనేవారు రామకృష్ణయ్యగారిని . పామర్రులో పని చేసిన మరో హెడ్మాస్టారు శ్రీ హయగ్రీవంగారు .సబ్జెక్ట్ ఎక్స్ పర్ట్ .రూల్స్ బాగా తెలిసినవారు లౌక్యులు .తెల్లపంచె చొక్కాతో నిండు కుండలాఉండేవారు బెజవాడ కాపురం . ఒకటి రెండుసార్లు నాకోసం ఉయ్యూరువస్తే ఆయనకు గారెలు ఇస్తామని చెబితే మా ఆవిడ వండింది ఇష్టంగా తిన్నారు అందుకని ఆవిడ ”గారెలమాస్టారు ”అనేది
  శ్రీ ఇంగువ కృష్ణ మూర్తి గారు ,శ్రీ పి  .సీతారామ శర్మగారు అంటే నా మిత్రుడు శ్రీ పసుమర్తి ఆంజనేయ శాస్త్రి బావగారు మల్లుపఞ్చ కొక్కాతో ఉండేవారు గొప్ప ఇంగ్లీష్    టీచర్ గా పేరు బందరులో ఉండేవారు  శ్రీ పచ్చళ్ళ శర్మ అనే వారు ఇద్దరు హెడ్ మాస్టర్లు ఉండేవారు ఆరుగొలను ,లో పని చేసిన జ్ఞాపకం .
  మొవ్వ కు చెందిన శ్రీ మొవ్వ వెంకట కృష్ణా రావు గారు ఎప్పుడు ముతక  ఖద్దరు  పంచ లాల్ఛీ ఉత్తరీయంతో ఉండేవారు .దేవుడుమేస్టారు  అనేవారు . నేను మోపిదేవిలో పని చేస్తున్న కొత్తలో ఒక సారి ఆయనమిత్రులైన మా హెడ్మాస్టారు తూమాటి వారిని కలవటానికి వచ్చారు .మా హెచ్ ఏం నా గురించి నా ఎదుటే ఆయనకు చాలామంచిగా పొగుడుతూ చెప్పారు .ఆయన ”కోటేశ్వర రావు ! ఇది పాలపొంగు కొత్త కదా .మొదట్లో బానే పని చేసినట్టే కనిపిస్తారు .తర్వాత ఆపొంగు ఉండదు ”అన్నారు ఏమాత్రం సంకోచం లేకుండా .వెంటనే కోటేశ్వరరావు ”ఇదుగో చెబుతున్నాను చూడు .మా ప్రసాద్ గారు జీవితాంతం ఇదే నిబద్ధతతతో పని చేస్తారని గ్యారంటీ ”అన్నారు నాకు ఆశ్చర్య మేసింది నేను చేరి రెండు నెలలు కూడా దాటి ఉండదు ఇంత నిక్కచ్చిగా ఎలా చెప్పగలిగారు అని ఆశ్చర్య పోయా .కానీ అదే నాకు గొప్ప స్ఫూర్తినిచ్చింది .కొద్దో గొప్పో పేరు తెచ్చుకున్నానంటే ఇదే కారణం .
  మోపిదేవిలో నేను చేరేసరికి సోషల్ మేష్టారు శ్రీ పసుమర్తి సీతారామ శర్మగారు పెదప్రోలు వాసి మంచి ఆస్తిపరులు .తర్వాత కొన్ని నెలలకే ప్రమోషన్ వచ్చి హెడ్ మాస్టారై  వెళ్లిపోయారు   .కానీ కుటుంబం అక్కడే ఉంది ఆతిధ్యానికి పెద్దపేరు నన్ను లెక్కల మేష్టారు శ్రీ జమ్మలమడక రమణారావుగారినీ వారం రోజులు వారింట పెళ్లి భోజనాలవంటి సకల మర్యాదలతో మాకు ఆతిధ్యమిచ్చారు గొప్ప సంస్కారి .నలగని తెల్లని మిల్లు పంచె చొక్కా తో ,పై పంచె తో ఎర్రగా కుది మట్టంగా  ఉండేవారు చతురోక్తులతో అలరించేవారు  .తర్వాత పడమట హెడ్ మాస్టారై  మా అందరి అభ్యర్ధనతో గిల్డ్ ప్రెసిడెంట్ అయి జిల్లాలోనే ఆదర్శ హెడ్ మాస్టర్ గా పేరు తెచ్చుకున్నారు . ఆయన చెల్లెలు తమ్ముడు మోపిదేవిలో నా శిష్యులు . పెదప్రోలు వారే శ్రీ పింగళి ఆంజనేయులు గారు  ఇక్కడినుంచే హెడ్ మాస్టర్ గా ప్రమోషన్ తో వెళ్లారు .అలాగే లెక్కలమేస్టారు బదిలీయై అవనిగడ్డకు వెళ్లిన  శ్రీ నరసింహ మూర్తిగారికి మంచి టీచర్ గా  పేరు తర్వాత హెడ్ మాష్టర్ అయ్యారు చామన చాయగా పంచ చొక్కాతో నవ్వు ముఖం తో ఉండేవారు రెండేళ్ల క్రితం మోపిదేవి హైస్కూల్ పూర్వ విద్యార్థుల సమావేశం లో వారిని చూశాను . పెదప్రోలువాసే వేమూరి  మార్కం డేయులు గారు .ముతక ఖద్దరుపంచె చొక్కాలో ఎర్రగా ఉండేవారు .నూజివీడు హై  స్కూల్ హెడ్ గా రిటరయ్యారు .ఈజీ  గోయింగ్ అనేవారు .గుర్రప్పందాల పిచ్చ ఎక్కువని చెప్పుకొనేవారు .ఉయ్యూరు కాపురం వాళ్ళబ్బాయిలు అమరనాధ్ ,అమ్మాయిలూ మాకు బాగా పరిచయం .మరికొందరి గురించి తర్వాత .
   సశేషం
   మీ-గబ్బిట దుర్గా ప్రసాద్ -18-5-17 -కాంప్-షార్లెట్ -అమెరికా

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA
This entry was posted in నా దారి తీరు and tagged . Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s