వీక్లీ అమెరికా -8 -ఫయెట్టే విల్ సత్య సాయి రిట్రీట్ వారం -22-5-17 నుంచి 28-5-17 వరకు

వీక్లీ అమెరికా -8 -ఫయెట్టే విల్ సత్య సాయి  రిట్రీట్ వారం  -22-5-17 నుంచి 28-5-17 వరకు

22- సోమవారం -వర్షం బాగా పడింది .సాయంత్రం పుట్టపర్తి లో ఉంటున్న కాకినాడ వాసి శ్రీ అప్పారావు గారు ,అమ్మాయి వచ్చి రిట్రీట్ కు వెళ్లేవిధానం మా అమ్మాయి విజ్జి తో చర్చించి వెళ్లారు ..”మధ్యయుగాల వైద్య విధానం ”పై నెట్ లో రెండు ఎపిసోడ్ లు రాశా .”నోర్సే మైథాలజీ ”చదివా .రాత్రి అమృతం సీరియల్ కాసేపు చూసాం .
మంగళవారం ఉయ్యురు కు ఫోన్ చేసి మా అన్నయ్యగారి అబ్బాయి , రాంబాబు మనవడు   ,కళ్యాణ్ తో మాట్లాడాం .నా ”సుందర కాండ పారాయణ” వీడియో చూశామని చాలా బాగుందని చెప్పారు .” నా దారి తీరు ”లో కృష్ణా జిల్లా హెడ్ మాస్టర్ లను ”గెలాక్సీ ఆఫ్ హెడ్ మాస్టర్స్ ”గా రాసిన రెండు ఎపిసోడ్ లు చదువుతుంటే వాళ్ళను ప్రత్యక్షము గా చూస్తున్న అన్హుభూతి కలిగింది అన్నాడు రామ్ బాబు . మా అబ్బాయి రమణ ఫోన్ చేసి హైదరాబాద్ లో ఉన్న మా మేనకోడలు చి సౌ పద్మకు 3 బాక్సులతో శ్రీ హనుమజ్జయంతి నాడు పూజ చేసిన  మామిడిపళ్ళు సుమారు 200 కు పైగా ట్రావెల్స్ బస్ లో  పంపానని అందినట్లు పద్మ ఫోన్ చేసిందని చెప్పాడు పద్మ నాకు వాట్సాప్ లో పళ్ళు అందాయిమామయ్యా అందరికి ప్రసాదం గా పంచాం అని మెసేజ్ రాసింది సంతోషం అన్నాను ..”వ్యాఖ్యాన చక్రవర్తి మల్లినాథ సూరి -45”ఎపిసోడ్  తోపాటు  ,”నోర్సే  గాడ్స్ ” రాత్రి రాశా ..రాత్రి ”అన్నోన్ ఫాక్టర్స్” లో మిస్టరీ ఆఫ్ ద్వారక, హిమాలయాల్లో స్వర్గం ,పద్మవ్యూహం చూసాం చాలా వివరణాత్మకంగా ఉన్నాయి మైనేనిగారినీ చూడమని మెయిల్ రాశా ..గోపాల కృష్ణగారుపంపిన -మైరా మాక్డొ నాల్డ్ ”రాసిన ”హైట్స్ ఆఫ్ మ్యాడ్నెస్ ”పుస్తక0 అందింది
  బుధవారం యు ట్యూబ్ లో కాదంబరి కిరణ్ ఇంటర్వ్యూ చూస్తుండగా  మధ్యాహ్నం 2 గంటలకు నెట్ పోయింది .వర్షం పడుతూనే ఉంది .నెట్ లేకపోవటం తో” స్వామి రామా”  అంతా ప్రత్యక్షరం చదివి రాత్రికి పూర్తి చేశా.
 గురువారం రాత్రి 7 గంటలకు మళ్ళీ నెట్ వచ్చింది .మధ్యాహ్నం మన ప్రక్కనున్న రవి గారి నాన్నగారు రాఘవేంద్రరావు  సుగుణ కామాక్షి దంపతులతో  వాళ్ళు ఇక్కడికొచ్చిన 3 వారాలకు మాట్లాడా .అయిదేళ్ల క్రితం వాళ్ళు ఇక్కడే పరిచయమయ్యారు .రమణ ఫోన్ చేసి నిన్న ఆర్ ఐ గారి రెండవ అబ్బాయి ఇవాళ కుమారిగారమ్మాయి వడ దెబ్బకు చనిపోయారని ఇద్దరి కుటుంబాలకు డబ్బు అంద  జేశానని చెప్పాడు .. ”యోగి భోగి రోగి ”,యేసు క్రీస్తు కాశ్మిర్ లో కొంతకాలం ఉండి  వెళ్లాడా ?”రెండు ఎపిసోడ్ లు రాశా .గోపాల కృష్ణ గారు పంపిన క్లియరెన్స్ డార్రో రచన ”ది  స్టోరీ ఆఫ్ మై లైఫ్ ”అందింది .
  శ్రీ సత్య  సాయి వార్షిక రిట్రీట్ (సింహావలోకనం )విశేషాలు
 సైన్యం కు శత్రువు భయంకరంగా కనిపించినప్పుడు రిట్రీట్ అవుతుంది అంటే వెనక్కి తగ్గుతుంది .తర్వాత శక్తి యుక్తులు సమకూర్చుకొని మళ్ళీ విజృంభిస్తుంది ఇది రాజనీతి . .సింహం అయిదారు అడుగులకోసారి వెనక్కి తిరిగి చూసుకొంటుంది .ఎందుకంటె తాను మృగరాజు అయినా ఎక్కడినుంచి ఏ ప్రమాదం మీదపడుతుందో ననే సంకోచం .దీన్నే ”సింహావ లోకానాం ”అంటారు . అలాగే ఏ సంస్థ అయినా ఒక ఏడాది పని చేశాక ,తనప్రగతి గురించి సమీక్ష చేసుకొని ,లోటుపాట్లు సరిదిద్దుకొని ,మరింత బలం చేకూర్చుకొని ప్రగతి పదం లో నడిచే ప్రయత్నం చేస్తుంది .ఇదే రిట్రీట్ . .దీనిలో పెద్దలు అనుభవజ్ఞులచేత స్ఫూర్తి పూర్వక ప్రసంగాలు ఉంటాయి . సత్సంగం భజనలు ,పిల్లలకు ఆటాపాటా వారి సృజనకు వేదికగా కార్యక్రమాలు వారి కళా సంస్క్రుతులకు  ఉద్దీపనగా  నాటకాలు ,పాటలు ,ఉంటాయి ఇక్కడ . .అంటే ఒక రకంగా ”రి చార్జి ”చేసుకోవటం మనభాషలో ”పునరంకితం అవటం ”అన్నమాట
 అమెరికా లోని అన్నిప్రాంతాల సత్య సాయి సెంటర్లన్నీప్రతి ఏడాదీ సోమవారం వచ్చే ” మెమోరియల్ డే”ముందు వచ్చే శని ఆదివారాలతోకలిసి మూడు రోజుల సత్యసాయి రిట్రీట్  నిర్వ హిస్తారు  .మెమోరియల్ డే అంటే ”స్మారక దినం ”దేశ స్వాతంత్రానికి ,స్వాతంత్ర రక్షణకు .ప్రజల ధనమాన ప్రాణ సంరక్షణలో అసువువులు బాసిన వారందర్ని స్మరించే రోజు అన్నమాట .మనం మహాత్మా గాంధీజీ అమరవీరుడైన జనవరి 31ను  ”మృతవీరుల సంస్మరణ దినోత్సవం ” జరుపుకొంటాం .అలాగే ఇక్కడ కూడా .ఆ రోజున వారందరి ఆత్మకు శాంతికలగాలని ప్రార్ధిస్తారు దేశం మొత్తం శలవు దినంగా ప్రకటిస్తుంది . ఇలా మూడు రోజులు సెలవలు కలిసి వస్తే ఇక్కడ వీళ్ళు ”లాంగ్ వీకెండ్ ”అంటారు . శుక్రవారం మధ్యాహ్నం  నుంచే ఆఫీసులు వదిలేసి చక్కగా మూడురోజులు ఎంజాయి చేయటానికి టూర్లు వెడతారు కుటుంబాలతో
  సత్య సాయి సెంటర్ ల రీజియన్ 3 అంటే సౌత్ జోన్ లో ఉన్న 7 రాష్ట్రాలు -అలబామా ,నార్త్ కరోలినా ,సౌత్ కరోలినా ,జార్జియా ,.ఫ్లారీడా  ,టెన్నెస్సీ  వర్జిన్ ఐలాండ్స్ రాష్ట్రాల లోని సాయి సెంటర్ల వారందరికీ నార్త్ కరోలినా రాజధాని రాలీలోని సాయి సెంటర్ వారు దానికి ఒక గంట ప్రయాణ దూరం లో”కంబర్లాండ్ కౌంటీ ”లో  ఉన్న ”ఫయెట్టీ విల్ ”అనే చోట 27-5-17 నుండి 29-5-17 వరకు శని ,ఆది సోమవారాలలో వార్షిక రిట్రీట్ నిర్వహించారు . 2012 లో మేము షార్లెట్ కు వచ్చినప్పుడు గ్రీన్ హిల్స్ లో జరిగిన రిట్రీట్ లో పాల్గొన్నాం . ఫయెటీవిల్ నార్త్ కరోలినా లో  అమెరికా ఆర్మీకి నార్త్ వెస్ట్ భాగ0 లోని ”ఫోర్ట్ బ్రాగ్ ”దళానికి ప్రాముఖ్యమున్న చోటు .నేషనల్ సిటీ లీగ్ నుంచి మూడుసార్లు ఫయెట్టే విల్ ”ఆల్ అమెరికన్ సిటీ అవార్డు ”పొందింది .కేప్ ఫియర్ నది దగ్గర్లో సాండ్ హిల్స్ లో ఉన్నప్రాంతమిది . సౌత్ ఈస్టర్న్ నార్త్ కరోలినా లో ఇది పెద్ద మెట్రోపాలిటన్ పట్టణమే కాక  నార్త్  కరోలినా రాష్ట్రం లో 5 వ పెద్ద పట్టణం కూడా .అంతేకాక సియోవన్  నేటివ్ అమెరికన్ల ఆవాస భూమి  .హైలాండ్ స్కాట్స్ ఇక్కడే మొదట స్థిరపడ్డారు .అమెరికా అంతర్యుద్ధకాలం లో ప్రసిద్ధిపొందింది .ఇక్కడి ఎయిర్ బార్న్ స్పెషల్ ఆపరేషన్ మ్యూజియం ,వార్ మెమోరియల్ మ్యూజియం ,పో హౌస్ మొదలైనవి  దర్షింప తగిన ప్రదేశాలు .అందుకనేనేమో రాలీ సెంటర్ వారు ఈ చారిత్రిక ప్రదేశాన్ని రిట్రీట్ కోసం ఎన్నుకొని ఉంటారని పించింది .  ఇక్కడి RAMADAహోటల్ లో రిట్రీట్ ఏర్పాటు చేశారు .చక్కని విశాలమైన ప్రాంతం 250 గదులు ,కింద 400 మంది కూర్చుని భోజనాలు చేసే ఏర్పాట్లు ,పైన 800 మంది కూర్చునే వీలున్న విశాల మైన సభా మందిరం ఉన్నది . రాలీ వాళ్ళు షార్లెట్ లో జరిగిన సాయి ఆరాధనకు వచ్చి నప్పుడు 3 రోజుల రిట్రీట్ కు అందర్నీ ఆహ్వానించారు .
 ఫయెట్టేవిల్ కు మా ప్రయాణం
 మా అమ్మాయి ముందుగానే ఇక్కడ హోటల్ రూమ్ బుక్ చేసింది .. మా మనవళ్లకు26 శుక్ర వారం మధ్యాహ్నం దాకా వార్షిక పరీక్ష ఉన్నందున  పవన్ కారులో మేమిద్దరం వాళ్ళమ్మ మామనవాడు సంకల్ప్ మధ్యాహ్నం  3 గంటలకు బయల్దేరి దారిలో కొత్తగా కట్టబోయే షిర్డీ సాయి మందిరానికి భూమి పూజ జరిగిన చోటు ,మీదుగా హైవే  నుంచి సింగిల్ లైన్ గుండా కొంత దూరం ప్రయాణం చేస్తూ దారిలో రెండు వైపులా పచ్చని జొన్న ,కోతకు సిద్ధమైన గోధుమ పంటలను కోళ్ల ఫారాలను మధ్యలో ఫియర్ నదిని దాటి మళ్ళీ హైవే  పై కొంతదూరం వెళ్లి మళ్ళీ డొంక రోడ్డు మీద ఒక 50 మైళ్ళు ప్రయాణం చేసి 3 గంటల ప్రయాణం తర్వాత సాతంత్రం 6-15 కు” రమడా ”చేరాం .మా అమ్మాయి పవన్ భార్య రాధా వాళ్ళ పిల్లలతో  సాయంత్రం 6 కు బయల్దేరి రాత్రి 9 కి చేరారు .
  మేము చేరే సరికే డిన్నర్ సిద్ధం గా ఉంది .రిజిస్ట్రేషన్ అయ్యాక భోజనం చేశాను .హాలులో టేబుల్స్ వాటి ముందు కుర్చీలతో ఏర్పాటు ఉంది .ర్యాలీ నిర్వాహకులు అందర్నీ చక్కని నవ్వు ముఖాలతో ”సాయిరాం ”  అంటూ పలకరిస్తూ పూరీ కూరా పరవాన్నం పులిహోర ఆవకాయ ,పెరుగన్నం ఆరంజ్ ఆపిల్ ,అరటిపళ్ళతో అడిగి అడిగి మరీ వడ్డించి తినిపించారు .పైన కాసేపు భజన చూసి అందరం మేము బుక్ చేసుకున్న రెడ్ రూఫ్ ఇన్ హోటల్ కు వెళ్లి అక్కడ పడుకున్నాం .
  ఎవరికి వాళ్ళు తమ రూమ్ లను హోటల్ లో స్వంత  ఖర్చులతో బుక్ చేసుకోవాలి .మూడు రోజులకు రెండుపూటలా భోజనం ,టిఫిన్ ,కావాల్సినప్పుడల్లా కాఫీ లకు మనిషికి కేవలం 65 డాలర్లు మాత్రమే కాలేజీ స్టూడెంట్ లకు 25 .పిల్లలకు ఫ్రీ .అంటే దాదాపు ఉచితం గా భోజనం పెట్టినట్లే .సాయి సెంటర్ వాళ్ళు లాభా పేక్ష లేకుండా ”లవ్ ఆల్  సెర్ప్ ఆల్ ”మోటో తో పని చేస్తారు .శుక్రవారం సాయంత్రం ,సోమవారం ఉదయం బ్రేక్ ఫాస్ట్ అంతా నిర్వాహకులే భరిస్తారు  శని ,ఆదివారాలు దగ్గర లోని హోటల్ లో కేటరింగ్ కు ఆర్డర్ ఇచ్చి తెప్పించి తామే పూటకు ఒక సెంటర్ వాళ్ళు వడ్డన లో ఉండేట్లు ఏర్పాటు చేశారు ..చిన్నపిల్లలా దగ్గర్నుంచి 80 ఏళ్ళు దాటినా స్త్రీ  పురుష సాయి భక్తులందరూ మగవారైతే తెల్లని పాంట్ షర్ట్ లతో ఆడవాళ్లు చీర జాకెట్, నిండుగా కప్పుకున్న కొంగులతో అత్యు0త సాంప్రదాయ బద్ధంగా చెదరని చిరునవ్వుతో సాయిరాం పలకరింపులతో ఆప్యాయం గా ఆదరంగా ఆహ్వానించటం కూర్చోబెట్టటం లేవలేనివారికి వారే తీసుకొచ్చి అందించటం ఇంకో పండు తినండి ,ఇంకాసిన పళ్లముక్కలు తినండి పెరుగన్నం మరి కాస్త వేయమంటారా , ఆపిల్ కోసి ఇవ్వమంటారా అంటూ మహా మర్యాద గా చూశారు .వారందరి సేవ మరువ రానిది .ఈ సేవలో పాల్గొన్నవారికి మిగిలిన కార్యక్రమాలు ఎలా జరిగాయో తెలియటం కష్టమేమో అనిపించింది కానీ వారు డ్యూటీ చేస్తూనే వాటిని చూసి ఉంటారు .కాఫీ కలిపి ఇవ్వమ0టారా షుగర్ సరిపోయిందా ,పాలు కాసిని పోయినా అంటూ ఆప్యాయత చాటారు . మూడు రోజులూ రెండు పూట్లా భోజనాలకు టిఫిన్లకు ఇదే పధ్ధతి .ఎవ్వరి ముఖం లోను అలసట కనిపించలేదు కస్టపడి పోయామన్న భావం లేదు సేవలో తరించామన్న సంతృప్తియే గోచరించింది . ఆదివారం రాలీ నిర్వాహకులతో ఒకరైన శ్రీమతి మాధవి ఆలపాటి తో నేను ఈ విషయం చెబితే ఆమె ఎంతో సంతోషించారు ఆమెతో పాటు పని చేసినవారిని నన్ను పరిచయం చేస్తే వారితోనూ ఈమాట అంటే పులకించిపోయారు వారు . మాధవి గారు తన సెల్ లో నేను చెప్పిన ”it is not only retreat ,t is good well done treat  satisfactory  successful  resourceful retreat”మాటలను రికార్డ్ చేసుకొన్నారు .అభిప్రాయం సేకరణ పుస్తకం లోనూ అదే రాశాను
  శనివారం ఉదయం నేనుస్నానం చేసి  సంధ్య ,పూజా చదివి మా హోటల్ వాళ్ళు ఫ్రీ గా మాకు పెట్టిన టిఫిన్ కాఫీ తీసుకొని హోటల్  మారుద్దామని  మాతోపాటు వచ్చిన అప్పారావు గారి అమ్మాయితో వాళ్ళు ఉంటున్న దగ్గర హోటల్ లో రూమ్ బుక్ చేయించి ఇక్కడ చెక్ అవుట్ చేసి మధ్యాహ్నం అక్కడ చెకిన్ చేసాం .రమడా హోటల్ లో మామూలుగా అయితే లాంగ్ వీకెండ్ లో రూమ్ రెంట్ 90 డాలర్లు ఉంటుందట .కానీ ఇక్కడ రిట్రీట్ జరుగుతున్నందున 60 డాలర్లకు కన్సెషన్ రేట్ లో ఇచ్చారట .పవన్ వాళ్ళు ,చాలా మంది ఇక్కడే బుక్ చేసుకున్నారు . . రెండుపూటలా భజన ఉపన్యాసాలు  వర్క్ షాప్ లు జరిగాయి వర్క్ షాప్ లకు నేను వెళ్ళలేదు సాయి గ్రంధాలు అక్కడ పెట్టారు .కావాల్సినవాళ్లు ఉచితంగా తీసుకోవచ్చు నేను 9 పుస్తకాలు-women saints ,life is a game -play it ,Satya sai speaks loving god ,satyam sivam sundaram ,footprints in shirdi and parthi ,the dharmik challenge premavahini ,పుస్తకాలు తీసుకున్నాను . లక్ష్మీదేవి ఫోటోలు కృష్ణుని ఫోటోలు కూడా కావాల్సిన వాళ్ళు తీసుకున్నారు .
  ఆదివారం ఉదయమే లేచి సంధ్య ,పూజా కానిచ్చి షార్లెట్ నుంచి తెచ్చుకున్న ఉప్మా  వేడి చేసుకొని తిని స్టార్  బక్స్ లో కాఫీ  తాగి రమడా కు చేరి ,ఉపన్యాసాలు విని పిల్లల వాక్ చూసి కాసేపు విశ్రాంతి . భోజనాలు తర్వాత  మళ్ళీ గీతా రామ్ ఉ పన్యాసం ,తర్వాత పిల్లలు ఏర్పాటు చేసిన ప్రదర్శన చూసి ,సాయంకాలపు స్నాక్స్ కాఫీ తీసుకొన్నాం .శ్రీమతి గీతారా0 ,,జ్ఞానభాస్కర్ భార్య మా టేబుల్ దగ్గరే కూర్చున్నారు .నన్ను వాళ్లకు పవన్ పరిచయం చేశాడు .నేను గీత గారితో ”అమ్మా మీ నాలుకపై సరస్వతీ దేవి నర్తించి నట్లుంది అంత బాగా మాట్లాడారు ”అన్నాను ఆమెసంతోషించి ”ఈ విషయం బాబా గారికి చెబుతాను అయనఎంతో  సంతోషిస్తారు ”అన్నది .భాస్కర్ భార్య తానూ బందరు లో డిగ్రీ చేశానని ఒక సారి ఫ్రెండ్ ను చూడటానికి ఉయ్యురు వచ్చానని అని పవన్ నా బ్లాగు విషయం చెబితే  అడిగి  తెలుసుకున్నది .శనివారం మధ్యాహ్నం  బాలు అనబడే శ్రీ కరణం  బాలకృష్ణ గారిని పవన్ నా దగ్గరకు తీసుకు వచ్చి పరిచయం చేశాడు ఆయన్ను ఆరాధనా దినోత్సవం నాడు షార్లెట్ లో చూశా కలిసి ఫోటో దిగాం అది జ్ఞాపకం చేసుకొని తానూ బాబాపై ఒక శతకం రాశానని దాన్ని చూసి అభిప్రాయం రాయాలని కోరారు .మహద్భాగ్యం అన్నాను ..రాలీ సెంటర్ ముఖ్య పాత్ర దారిని శ్రీమతి ఆలపాటి మాధవి మెయిల్ ఐడి తీసుకొని  వీక్లీ  అమెరికా పంపిస్తాను చూడమంటే దానికోసం ఎదురు చూస్తాను అన్నారు .ఇంతమంది సజ్జనులతో సాహచర్యం ఆనందాన్నిచ్చింది .పెడన దగ్గర ముంజులూరు ఆయన బెజవాడ  ఆయన  కనిపించి పలక రించారు  . ఒక వీల్ చైర్ లో వచ్చిన ఒక అమ్మాయి మధ్యాహ్నం మా దగ్గర కూర్చున్నప్పుడు స్వామిరామా గురించి అప్పారావు గారితో చెబుతుంటే శ్రద్ధగా విని సాయంత్రం నా దగ్గరకొచ్చి తన తండ్రిగారు బెంగుళూరు లో డాక్టర్ గా ఉన్నప్పుడు స్వామి రామా వచ్చి ట్రీట్ మెంట్ తీసుకున్నారని చెప్పింది భలే సంతోషమేసింది ఈ అమ్మాయి  వాళ్ళు ప్రస్తుతం ఫ్లారిడాలోని మయామి లో ఉంటున్నామని చెప్పింది.
              పోయి దొరికిన ఉంగరం
  శనివారం మధ్యాహ్నం మా శ్రీమతి చేతి ఉంగరం రామడా లో ఎక్కడో జారిపోయింది దాన్ని ఆదివారం మధ్యాహ్నం కానీ పోయిందని తెలుసుకోలేదు .అప్పుడు రాధకు చెబితే తనకే దొరికిందని దాన్ని ఇక్కడి నిర్వాహకుడికి అందజేశామని మైకులో చాలాసార్లు కటించారని చెప్పింది .అప్పుడు విజ్జి ఎవరికి ఇచ్చిందో ఆయన్ను కనుక్కొని  ఆయన జాగ్రత్తగా దాచి ఇస్తే తీసుకు వచ్చింది దానిపై శ్రీ షిర్డీ సాయి బాబా బొమ్మ ఉంది .కనుక మా ఆవిడ నమ్మకం ఆయనే తెప్పించి ఇస్తాడని .అలాగా జరిగింది .
  అసలు కార్యక్రమ వివరాలు ప్రసంగాల సారాంశం తర్వాత భాగం లో తెలియ జేస్తాను
Inline image 1
  సశేషం
   మీ-గబ్బిట దుర్గా ప్రసాద్ -29-5-17-
.


About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA
This entry was posted in అమెరికా లో and tagged . Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్+ చిత్రం

You are commenting using your Google+ account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

Connecting to %s

This site uses Akismet to reduce spam. Learn how your comment data is processed.