వీక్లీ అమెరికా-25(11-9-17 నుండి-17-9-17 )వరకు  ఇర్మా తుఫాన్  ఉయ్యూరు పెన్షన్ స్కామ్ వారం 

వీక్లీ అమెరికా-25(11-9-17 నుండి-17-9-17 )వరకు

ఇర్మా తుఫాన్  ఉయ్యూరు పెన్షన్ స్కామ్ వారం
11-9-17 సోమవారం -ఇర్మా హరికేన్ క్యూబా ,ఫ్లారిడాలో విలయం సృష్టించి జనాలకు నిలువ నీడ లేకుండా చేసింది . దీనివలన పెట్రోల్ తో సహా నిత్యావసర వస్తువుల ధరలు పెరిగిపోయాయి . షార్లెట్ స్కూళ్లు మామూలుగానే పని చేశాయి ..నిన్నరాత్రి ఫ్లోరిడా నుంచి మా తోడల్లుడు మూర్తిగారి మనవడు రవి ,భార్య శారదా ,కొడుకు అద్రీశ్ లు వచ్చారు . సోమవారం సాయంత్రం ఇక్కడే ఉన్న  రవి డాక్టర్ ఫ్రెండ్ భార్య  శ్రావ్య దంపతుల ఇంటికి వెళ్లి వచ్చారు అప్పటికి వర్షం భీభత్సం గా ఉంది ..రవి ఫోన్ తో మేమూ మూర్తి గారి దంపతులతో మాట్లాడాం .రవి కొడుకు చాలా ముచ్చటగా ,కలుపు కోలుగా నన్ను  తాతగారు అని మా శ్రీమతిని అమ్మమ్మా అని, శారద కూడా  నన్ను తాతయ్య అంటూ ఆమెను అమ్మమ్మా అంటూ చాలా సరదాగా ఉన్నారు
.గీర్వాణం -3 కవుల కేటగిరి ప్రారంభించాను .
12-9-17 మంగళవారం -ఇక్కడ స్కూళ్లు ఇవాళ రెండు గంటలు  ఆలస్యంగా మొదలయ్యాయి . రమణ ఫోన్ చేసి ఉయ్యూరులో మా ఇంట్లో అద్దెకుంటున్న మాస్టారు కుటుంబం అంతా 15 రోజుల రామేశ్వరం మొదలైన తీర్ధ యాత్రకు వెళ్లినట్లు చెప్పాడు .”బడ్డీ  బుడ్డి ”కి ఆపరేషన్ అయి ఇంటికి వచ్చాడట .కాల విభజనలో తల మునకలుగా ఉన్నాను . పవన్ కు వాగ్దానం చేసినట్లు 2012 లో రాసిన వేలూరి వారి డిప్రెషన్ చెంబు కథ నెట్ లో మళ్ళీ అందరికోసం పెట్టాను మంచి రెస్పాన్స్ వచ్చింది ..
  శ్రీ పాలపర్తి శ్యామలానంద ప్రసాద్ అవధాని గారు హూస్టన్ లో శ్రీ వంగూరి చిట్టెన్  రాజు గారింట ఆతిధ్యం లో ఉన్నానని ,తోటలో గోంగూర బాగుందని కవిత్వం రాశారు నేనూ తగిన సమాధానం ఇస్తూ అమెరికాలో హూస్టన్ లో తొలి  తెలుగు సంస్థ ఏర్పాటు చేసిన వారిలో  చిట్టెం రాజు ,శ్రీ వావిలాల కృష్ణ ముఖ్యులని కృష్ణ గారిభార్య శ్రీమతి లక్ష్మి గారు ఉయ్యూరు లోని మా అప్పన్నకొండ మామయ్య కూతురే నని ,2002 లో మొదటిసారి మేము అమెరికా హూస్టన్ కు వచ్చినప్పుడు వారితో బాగా కాలక్షేపం చేశామని ,కృష్ణగారు రాజమండ్రికవిత్రయం లో ఒకరైన వావిలాల వాసుదేవ శాస్త్రి గారి మనవడని  తెలియజేశాను.      

  రవి ఫోన్ చేస్తుంటే వాళ్ళమ్మానాన్న సూర్యం స్వర్ణ దంపతులతో మాట్లాడాం నా ”ముఖ బుక్ ”ను స్వర్ణ బాగా ఫాలో అవుతున్నానని చెప్పింది ”ఇదో ”తుత్తి ”.
 శ్రీమతి మల్లికాంబ గారికి ఫోన్ చేస్తే తాను  ఏజవాడ లో ఉన్నానని 15 రోజులుగా జ్వరం తో బాధ పడుతున్నానని ,ఎస్పీ బాలు పెద్ద చెల్లెలు శ్రీమతి గిరిజ మరణించారని ఆ షాక్ తో అందరం ఉన్నామని చెప్పారు .
 బుధవారం -రవి వాళ్ళు తెల్లవారుజామున 5 గంటలకే  ఫ్లారిడాబయల్దేరి మధ్యాహ్నం 3 కు చేరారు .వాళ్ళతో ఉన్న ఈ రెండు రోజుల్లో వాళ్ళతో ఫోటోలు తీసుకోలేక పోయాం  వెళ్ళాక గుర్తొచ్చింది .పిల్లాడు చాలా సరదాగా గా గడిపాడు . ”కేరీ ”లో హరికోడుకు ”దర్శి ”లాగా మంచిమాటకారి
 గురువారం  రమణ ఫోన్ చేసి ఉయ్యూరు పెన్షనర్ అసోసియేషన్  అధ్యక్షుడు రంగ రామానుజం సుమారు 5 కోట్లప్రభుత్వ డబ్బుకు కు పంగనామం పెట్టాడని  ,తన భార్య చెల్లెలు కూతురు  వగైరా 11 మందికి ,వాళ్ళు ఏ రకమైన ఉద్యోగం చేయకపోయినా సర్వీస్ రిజిస్టర్లు సృష్టించి రిటైరుమెంట్ ఇప్పించి అన్నిరకాల పెన్షన్ సదుపాయాలూ వాళ్లకు కట్టబెట్టి0చి ,  ప్రభుత్వ ఖజానాకు పెద్ద బొక్క పెట్టాడు   దీనిలో ఆయా స్కూళ్ల  హెడ్ మాస్టర్లు ,ఏం యి ఓ లు ,మండల అధ్యక్షులు ,ట్రెజరీ సిబ్బంది ,బాంక్ ఆఫిసర్లు ,విద్యాశాఖాధికారి మొదలైన వారిని ఎలా మాయం చేశాడో ఎలా సాంక్షన్ చేయించాడో ఆశ్చర్య0. జూనియర్ ఏంటి ఆర్ సినిమాలో”అదుర్స్ ”లో  బ్రహ్మానందం డబ్బును రమాప్రభాదులు  ”నాకేశారు’ ‘  అన్నట్లు జుర్రేశాను . అసలు ఈ మిస్టరీ ని బయట పెట్టిందెవరో ,ఎలా తీగ లాగితే డొంకంతా కదిలిందో తమాషాగా ఉంది . పేపర్లలో ఈ వార్తలు బాగా వచ్చాయి . నాకూ పేపర్ కటింగ్ లు రావటం తో కొంత తెలిసింది .అమెరికాలో ”ఇర్మా ”జనాన్ని నాకేస్తే ఉయ్యూరు లో రంగ రామానుజం ”స్కామ్ ఇర్మా తో ”సర్వం నాకేశాడనిపిస్తుంది .
  రాత్రి ”గొట్టం” లో ‘సంసారం లో సంగీతం ”చంద్రమోహన్ విజయశాంతి సినిమా చూసాం సరదాగా ఉంది ”సరదా చిత్రాల ‘రేలంగి ”దర్శకుడు .
 గురువారం -గీర్వాణం 3 కవులను 18 వ శతాబ్ది వరకు  యుగ విభజన చేసిశర్మకు పంపాను  .రేలంగి నరసింహారావు డైరెక్ట్ చేసిన రాజేంద్ర ,యమున నటించిన ”బ్రహ్మచారి మొగుడు ”ఇదివరకు చాలాసార్లు చూసినా మళ్ళీ చూశా .రాఘవులు సంగీతం చాలా బాగుంది అందులో నా నోట్లో ఎప్పుడూ నానే ఇష్టమైన  పాట ”ముత్యాల ముగ్గేయరే -ముగ్గుల్లో ”
15-9-17 శుక్రవారం -ఈ శరన్నవరాత్రులలో మా అమ్మాయి గారింట్లో భగవదనుగ్రహం తో 21-9-17 గురువారం ,25-9-17సోమవారం రుద్రాభి షేకం  22-9-17 శుక్రవారం నుండి 30-9-17 శనివారం వరకు నా 57 వ (షార్లెట్ లో 3 వ ) శ్రీ సుందరకాండ పారాయణ చేయాలని  అనుకొంటున్నాను
  డా శ్రీ ఎల్లాప్రగడ రామ మోహన రావు గారు కేరీ నుంచి ఫోన్ చేసి నేను వారికి పోస్ట్ లో పంపిన 5 పుస్తకాలు అందాయని చెప్పారు  గీర్వాణం -3 ని1 9 శతాబ్దం వరకు కాలక్రమంలో కవులను పెట్టాను .
  రాత్రి ”నలుపు -తెలుపు ”మాయాబజార్ సినిమా ట్యూబ్ లో చూశాను .ఎన్నిసార్లు చూసినా ఆ పరవశం తగ్గదు .ఇంత  గొప్ప సినిమా లేదేమోనని పిస్తుంది .కలర్ లో చూడటం ప్రారంభించి నచ్చక బ్లాక్  అండ్ వైట్ కి షిఫ్టయ్యాను .అల్లుడు రాత్రికి ఇండియానుంచి వచ్చాడు
16-9-17 శనివారం రాత్రి8-30కు  ”Sears”కు వెళ్లి మనవరాళ్లకు ఫాషన్  ఇయర్ రింగ్స్ కొన్నాం .
  17-9-17 -ఆదివారం -గీర్వాణం -3లో 20 వ శతాబ్ది 21 శతాబ్ది కవుల ను తయారు చేసి శర్మకు పంపి ఆప్రకారం కవులను వరుసలో పెట్టి ఫైల్ తయారు చేయమని చెప్పాను . ఇవాళ మాఅమ్మాయి తెలుగు క్లాస్ జరిపింది .
                     తెలుగు తరగతి  .
  వేసవి సెలవుల ముందు తర్వాత  ఇక్కడ మా ఇంట్లో తెలుగు తరగతులు జరిగినా ,నేను ఫోటో తీయటం తప్ప ,క్లాస్ ఎలా జరుగుతోందో చూడలేదు వినటం మాత్రం వింటున్నాను .దాన్ని బట్టి నాకు అర్ధమైంది ఏమిటి అంటే ఇక్కడి తెలుగు తలిదండ్రులు తమ పిల్లలు తెలుగు మర్చిపోకుండా ఉండటానికి చాలా శ్రమ పడుతున్నారు .వాళ్ళే టీచర్స్ గా పేరెంట్స్ గా ఉంటూ సహకరిస్తున్నారు .తెలుగు ఉచ్చారణ,సంభాషణ కోసం చాలా తాపత్రయ పడుతున్నారు . వీళ్లందరినీ మనస్ఫూర్తిగా అభినందిస్తున్నాను .ఇది ఒక రకంగా పేరెంట్స్ తెలుగు మర్చి పోకుండా చేయటానికి బాగా ఉపయోగ పడుతోందని నా విశ్వాసం . పిల్లలు కూడా చాలా హుషారుగా ఉత్సాహంగా నేర్వటానికి వచ్చి నేర్చి అభి వృద్ధి పొందుతున్నారు ఆ చిన్నారులకు మనస్పూర్తి ఆశీస్సులు .ఈ జాగృతి ఇలానే నిలబడాలి .. మనం తెలుగు వారమైనందుకు గర్వపడేట్లు చేయాలి.  తెలుగు సంస్కృతి  ని కూడా పండుగలద్వారా జరిపించి వారిలో పండగల పరమార్ధం ఏమిటో తెలియ జెప్పాలి .అన్ని పండగలు కాకపోయినా సంక్రాంతి ఉగాది సామూహికంగా సాయంత్రాలలో నిర్వహిస్తే బాగుంటుంది .కృష్ణరాయల పద్యం ”తెలుగదేల యన్న దేశంబు తెలుగు -ఏను తెనుగు వల్లభుండ తెలుగొ  కండ -యెల్ల  నృపులు కొలువ యెరుగవే బాసాడి -దేశ భాష లందు తెలుగు లెస్స ”  అందరికి నోటికి వచ్చేట్లు నేర్పాలి .అందరితో అనిపిస్తే అదే వచ్చేస్తుంది కష్ట పడక్కరలేదు
    ఇదికాక మరో ముఖ్య విషయం -పిల్లలు తెలుగు క్లాస్ లో తెలుగు లోనే మాట్లాడటం హర్షించదగిన విషయమే .కానీ మనం మరచి పోతున్న తెలుగు బంధుత్వాలను ఇక్కడ వారికి పరిచయం చేయాలి .పెద్ద వాళ్ళను అంకుల్ ఆంటీ అనకుండా బాబాయ్  పిన్నీ  మామయ్యా, అత్తయ్య అని పిలవమని చెప్పాలి . ఆడపిల్లలు తమ తోటి ఆడపిల్లలను అక్కా, చెల్లీ  అని ,మగ పిల్లలను అన్నా ,తమ్ముడు అని ముసలివారిని తాతగారు ,బామ్మగారు అమ్మమ్మ గారూ పిలిపిస్తే తెలుగుదనం ఉట్టిపడుతుంది . ఇండియాలో స్కూళ్ల లో ఆడ పిల్లలు మగ పిల్లలు అన్నా అక్కా అని చక్కగా పిలుచుకొంటారు. వినటానికి ఎంతో మధురంగా ఉంటుంది . ఆ  సంస్కృతి ఇక్కడి తెలుగు తరగతులలో కూడా ప్రతిబింబించాలి .అమెరికా తెలుగుపిల్లలను  చూసి ఇండియాలోని తెలుగుపిల్లలు గర్వ పడాలి . వీటికి ఇక్కడి తెలుగు తరగతుల ఉపాధ్యాయ ఉపాధ్యాయినులు  వీరి పైన  ఉండి పర్య వేక్షించేవారూ తగిన విధంగా సహకరించి స్పందించాలి  . ఇవన్నీ బయట ఉండి నా బోటి వాళ్ళు చెప్పటం బాగానే ఉంటుంది .ఒడ్డున నిలబడి రాయి విసరటం తేలికే . కానీ దీనిలోని సాధక బాధకాలు  బోధించేవారికి  తలిదండ్రులకుమాత్రమే  తెలుస్తుంది అని నేను నమ్ముతున్నాను
 చివరగా మా ఇంట్లో తెలుగు క్లాసులలో మా అమ్మాయి ,టీచర్లు ,పేరెంట్స్ పడే శ్రమ చూడలేదుకాని వింటున్నాను .పిల్లలు కొందరు ”సుందరకాండ ”సినిమాలో వెంకీ క్లాస్ మేట్  ,విద్యార్థి అయిన బ్రహానందం లాగా  నవ్విస్తున్నారు .సరదా పుట్టిస్తున్నారు .వాళ్ళ వచ్చి  రాని తెలుగుతో వినోదమూ కలిగిస్తున్నారు . బోల్డు హాస్యం సృష్టిస్తున్నారు .ఇవన్నీ ఉంటె నే ,క్లాస్ సరదాగా ఉంటుంది .”కీప్ ఇట్ అప్ తెలుగు విద్యార్థులూ ఉపాధ్యాయులూ తలిదండ్రులూ ;”
  ఈ వీక్లీ ఇంతటి తో సమాప్తం
   మీ-గబ్బిట దుర్గా ప్రసాద్ -17-9-17-కాంప్-షార్లెట్-అమెరికా

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA
This entry was posted in అమెరికా లో and tagged . Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s