వీక్లీ అమెరికా -28 (2-10-17 నుండి 8-10-17 వరకు )-మొదటిభాగం 

 వీక్లీ అమెరికా -28 (2-10-17 నుండి 8-10-17 వరకు )-మొదటిభాగం
           ”  సఫల షార్లెట్ యాత్ర ”వారం -మొదటి భాగం
2-10-17 -సోమవారం -మహాత్మా గాంధీజీ జయంతి .మా అల్లుడు కంపెనీ పనిపై లీడ్ పాత్ర పోషిస్తూ ఫిలడెల్ఫీయా వెళ్ళాడు ..మా ఇద్దరు బుడ్డి  మనళ్ళు చి ఆశుతోష్ ,పీయూష్ ఆదివారం కార్యక్రమానికి అలసి సొలసి జలుబు తో బాధపడి స్కూల్ కు డుమ్మా కొట్టారు . పెద్ద వాడు చి శ్రీకేత్ వెళ్ళాడు
 వీక్లీ అమెరికా 27  రెండు భాగాలు రాశాను . శ్రీ డొక్కా రామ్ గారు చదివి చాలా సంతోషించి మెయిల్” మొయిలు ”(మేఘం )సందేశం పంపారు .అందులో వారు సరసభారతి కి ఎప్పుడు ఏరకమైన సహాయ సహకారాలు కావాల్సి వచ్చినా  చేయటానికి సిద్ధంగా ఉన్నానమని తెలియ జేశారు  సమాధానంగా ధన్యవాదాలు చెప్పి సరసభారతి కార్యక్రమాలకోసం  ఎవరినీ  డబ్బు అడగదని చందాలు వసూలు చెయ్యం  అని రసీదు పుస్తకాలు లేవని ,ఎవరైనా సరసభారతి చేసే కార్యక్రమాలు బాగున్నాయని భావించి విరాళం ఇస్తే దానిని లేక శ్రీ సువర్చలాంజ నేయ స్వామికి ”భక్తిగా సమర్పించినదానిని మేము ముద్రించే పుస్తకాలలో ”సరసభారతి  ముద్రిస్తున్న గ్రంధాలకు విరాళాలు అందజేసిన వదాన్యులకు కృతజ్ఞతలు ”అని రాసి వారి పేరు, ఊరు ,సమర్పించిన ధనం రాస్తామని తెలియ జేశాను .అలాగే వారు అర అన్నపూర్ణ నిరతాన్నదాత  గోదావరి డెల్టా ఆపద్బాంధవి వారి కులదైవంకీ శే శ్రీమతి డొక్కా సీతమ్మ గారిపై కార్యక్రమం పెడితే ,పేద విద్యార్థులకు స్కాలర్షిప్ లు ఇవ్వటానికి సిద్ధంగా ఉన్నామని తెలపగా  ఇంతవరకు ఆ ఆలోచనలో లేము అని వారు పూనుకొని నిర్వహించమంటే తప్పక చేస్తామని అప్పుడు పారితోషికాలు అందజేయవచ్చునని తెలియ జేశాను వారు మా ప్రయాణం ఫలప్రదం కావాలని ఆకాంక్షించగా  కృతజ్ఞతలు తెలియ జేశాను .వారికి ”గీర్వాణకవుల కవితా గీర్వాణం -2 ”ఈ శనివారం పోస్ట్ లో పంపిస్తున్నామని తెలియ జేశాను . వారి సౌజన్య వదాన్యతలకు, సంస్కారానికి జేజేలు .
  చలపాక ప్రకాష్ గారు ”ఆధునిక ప్రపంచ నిర్మాతలు -జీవితాలలో చీకటి వెలుగులు ”గ్రంథం లో డిటిపి చేసిన 201-పేజీ నుండి 250 పేజీ ల వరకు పంపినవాటిలో   తప్పులు సరిచేసి మెయిల్ లో పంపాను .
   రాత్రి మా అమ్మాయి విజ్జి మా లగేజ్ అంతా జాగ్రత్తగా ఉండాల్సిన బరువు కు కొద్దిగా అటూ ఇటూ గా సర్దేసింది .సాయి పవన్ మన షార్లెట్ కార్యక్రమాలను ”గొట్టం  ”లో పెట్టి లింక్ పంపాడు మా అబ్బాయి రమణ అందరికి దీన్ని మెయిల్ ద్వారా తెలియ జేశాడు .
 3-10-17 మంగళవారం -నిత్య సంధ్యావందనం ,పూజాదికాలు అయ్యేసరికి ఉదయం 9 అయింది .
   ఉదయం నా  ఆత్మీయులు సరసభారతి శ్రేయోభిలాషి శ్రీ మైనేని గోపాల కృష్ణగారికి ,గీర్వాణం -3 అంకితం అందుకో బోతున్న డా శ్రీ బండారు రాధాకృష్ణమూర్తి ,శ్రీమతి డా సులోచన దంపతులకు ,దీనికి స్పాన్సర్ అయిన  సులోచన గారి అన్నగారు డా శ్రీ ఎల్లాప్రగడ రామమోహనరావు గారికీ ఫోన్ చేసి రేపే మా ఇండియా ప్రయాణం అని చెప్పాను వారు సుఖ ప్రయాణం అంటూ దీవించారు .వీరు నా కంటే ”ముదుళ్ళు ” అంటే ముదుసలులు అంటే పెద్దవారు.అందుకే దీవించారు అన్నాను .  తర్వాత నా అడ్డాడ  శిష్యురాలు 12 ఏళ్లుగా అమెరికాలో భర్త  సంతానం తో ఉంటూ ప్రస్తుతం ఒహాయో లో ఉంటున్న శ్రీమతి కోడూరి పావనికి ఫోన్ చేసి ప్రయాణం  విషయం చెప్పగా అప్పుడే తానూ నాకు ఫోన్  చేద్దామని అనుకొంటున్నట్లు చెప్పింది .మన బ్లాగ్ ను బాగా ఫాలో అవుతుందీపావని . నేను గర్వంగా చెప్పుకొనే శిష్యురాలు పావని  .
మధ్యాహ్నం” నాటికి నేడు శిష్యురాలు”శ్రీమతి పసుమర్తి (కూచిభొట్ల )లక్ష్మి ఫోన్ చేసి మా ప్రయాణం సుఖప్రదంగా జరగాలని కోరుతూ పసుమర్తి భగవంతం మా అమ్మాయి ఫోన్ నంబర్ అడిగితె ఇచ్చానని కాసేపట్లో ఫోన్ చేస్తాడని చెప్పటం ,అలాగే అతను  మాట్లాడటం ఆతర్వాత అతని చెల్లెలు శ్రీమతి దుర్గ ఫోన్ చేయటం వగైరా  అంతా ”ఏ నాటి అనుబంధమో  “” లో పూర్తిగా ”వాయించిన ”సంగతి గుర్తుందిగా . .
 మధ్యాహ్నం లంచ్ బ్రేక్ లో మా ఇంటికి వచ్చింది మా అమ్మాయి ఆత్మీయ స్నేహితురాలు శ్రీమతి సురేఖ .”షార్లెట్ సరసభారతి -సాహితీ మిత్రులు ”అందించిన దానికి తోడుగా తానూ కొంత ధనం  మా శ్రీ సువర్చలాన్జనేయస్వామికి కొంతధనం భక్తిగా సమర్పించింది .సాయంత్రం కన్నడం అమ్మాయి శ్రీమతి వేణి వచ్చి చాలా ఆత్మీయంగా సరస భారతికి కానుక ఇచ్చింది  మా అమ్మాయి విజ్జి షార్లెట్ సరసభారతి బృంద సభ్యురాలిగా కొంత .మా దేవాలయానికి కొంత ముట్ట చెప్పింది .
   రాత్రి వేలూరి పవన్ శ్రీమతి రాధా దంపతులు వచ్చి ఒక అరగంట సేపు కూర్చుని మాట్లాడారు . పవన్ ”అంకుల్ ”అని పిలవడు బంధువులం కనుక .  ఇది నాకు బాగా నచ్చిన విషయం .  రాధమాత్రం ”అంకుల్ ”అంటుంది .మిగతా వాళ్ళూ అలానే అంటారు .దీన్ని కాదనలేను .”అంకుల్ ఆంటీ హవా”ప్రవాహ వేగం లోకొట్టుకు పోతున్నాం
.సరే .నేనెవరినీ గురువుగారూ  ”అని పిలవను నన్ను అలా ఎవరు పిలిచినా రాసినా ఇష్టపడను మొదట్లో సాయిపవన్ ”గురువుగారు ”అని మెయిల్ రాశాడు .వెంటనే నేను జవాబు రాస్తూ ”ఆ పిలుపు నేను పిలవను ఎవరుపిల్చినా ఇష్టపడను .బాబాయ్ గారనో అన్నయ్యగారనో ప్రసాద్ గారు అనో  ఎలాగూ నేను మాస్టర్   హెడ్ మాస్టార్ నూ  కనుక ”మాస్టారూ ”అనో సంబోధించు ఇంకా చనువుగా పిలవాలని ఉంటె ”ఒరేయ్ ”అని పిలువు, రాయిఇంకా సంతోషిస్తా .  అని రాశా అతనికే కాదు ఎవరు అలా రాసినా పిలిచినా నా సమాధానాలం అదే .అంతే అప్పటి నుంచి మళ్ళీ ”గురూ ”దూరం అయింది .ఈమధ్యే రాంకీ కూడా ”గురువుగారు ”అని మెయిల్ లో సంభాషణల్లో అంటున్నాడు .బాహుశా ఇది చూసి దాన్ని విరమిస్తాడని భావిస్తా . నేనే కాదు మా నాన్న గారికీ ఇలా అనటం  ఇష్టం ఉండేదికాదు .గురుత్వానికి తగిన అర్హత మాట ఏమోకానీ నాకు అది ”కంపరం ”గా ఉంటుందని గ్రహించ”మనవి”  .కొంచెం హార్స్ గా రాశానని అనుకొంటే మన్నించండి .
   రాత్రి 9-30 కు శ్రీమతి గోసు(ఊసు )కొండ  అరుణ” రైట్ అంకుల్ ”అని తరచుగా అనే  నేను పేరుపెట్టిన  ”రైట్ అరుణ” దంపతులు వచ్చి ఉడతాభక్తిగా శ్రీ సువర్చలాన్జనేయ స్వామి సేవాకార్యక్రమాలకు భక్తిగా కొంత అమౌంట్ ఇచ్చి వెళ్లారు .
  4-10-17 బుధవారం -షార్లెట్ లో చివరి రోజు
ఉదయమే లేచి స్నానాదులతర్వాత సంధ్యావందనం ,పూజా పూర్తి చేసేసరికి 8 అయింది .రాత్రి 12-3- కు మా అల్లుడు ఫిలడెల్ఫీయా నుంచి వచ్చాడు .షార్లెట్ లో చివరి రోజు కనుక కొబ్బరికాయ కొట్టి నైవేద్యం పెటా ఫలాలతో బాటు . దేవుడి పూజా విగ్రహాలను పుస్తకాలనూ సర్దేశా .అల్లుడు అవధాని ఎప్పుడు ఆఫీస్ కు వెళ్ళాడో తెలియదు .
  మేము 11-30 కే భోజనాలు చేసి సిద్ధంగా ఉన్నాం.  దారిలోఆరాగా ఆరాగా ”మేయటానికి”  మా శ్రీమతి పులిహోర పెరుగన్నంతయారు చేసి  చిన్న చిన్న డబ్బాలలో సిద్ధం చేసింది .  , చిన్న చిన్న చపాతీలుకారట్  ఆకుకూర వగైరాలతో కలిపి  ఒత్తి  జిప్  లాగ్ లలో బంధించింది .
మా అమ్మాయి మధ్యాహ్నం 1-30 కే  వచ్చేసింది మధ్యాహ్నం సెలవు పెట్టింది .అంతకు ముందే మా అమ్మాయి కి మంచి స్నేహితురాలు సర్వ సమర్ధురాలు మా అమ్మాయిగారింట్లో ప్రతి ఆదివారం ,తెలుగు తరగతులుబోధించే ఉపాధ్యాయిని ,మాంచి సేవాభావం ఉన్న మా ఆంజనేయ స్వామి భక్తురాలు  శ్రీమతి రావి ఉష ఎయిర్ పోర్ట్ లో మాకు సహాయం చేయటానికి వచ్చింది . ఆమె కూడా ”షార్లెట్ సరసభారతి ”తరఫున కార్యక్రమాలకు పేద విద్యార్థుల సహాయానికి కొంత నిధిని ,మా” స్వామి ”సేవకు,  8 వ తేదీ ఆదివారం వాళ్ళమ్మాయి అబ్బాయిల పుట్టిన రోజు నాడు వారి పేరిట మా శ్రీ సువర్చలాన్జనేయ స్వామికి ప్రత్యేక పూజ చేయించటానికి కొంత నిధిని అందించింది .ఇలా షార్లెట్ విరాళాల వెల్లువ ”మా ప్రయాణం లో చివరి నిమిషం దాకా సాగటం ఆనందాన్ని వారికి సరసభారతి పట్ల ఉన్న అనురాగం మా స్వామి పట్ల ఉన్న అకుంఠిత భక్తి కి విశ్వాసానికి  మాపై ఉన్న అపార మైన నమ్మకానికి  నిదర్శనంగా నిలిచి పోయింది .
   ఈ ఉష తో పాటు ఆఉషా, రాధా పద్మశ్రీ  రాంకీ ,జంట పవన్ లు ఎల్లా విజయ మొదలైనవారందరూ ”అంకుల్ మళ్ళీ ఎప్పుడొస్తారు వేసవికి వచ్చేయండి .మళ్ళీ మనపూజలు అభిషేకాలు,సరసభారతి కార్యక్రమాలు  సరదాగా మీ ఆధ్వర్యం లో చేసుకొందాం ”అని చాలా సార్లు అంటూ తమ ఆప్యాయతను ప్రకటించారు .నేను మాత్రం అందరికీ ”ఇది సభా ప్రసూతి ,వైరాగ్యాల వంటిది . ఎవరు ఉన్నా లేకపోయినా ఎవరు వచ్చినా రాకపోయినా కార్యక్రమాలు చేయండి మంచిని పెంచండి రుద్రం చదివిన వారు నేర్పేవారు నేర్చుకొనే ”క్షుద్ర ఆలోచనలు ”దూరం చేసుకోండి భార్యా పిల్లలతో స్నేహితులతో మంచిగా మర్యాదగా ప్రవర్తించండి మనసు విశాలమవటానికిప్రయత్నించండి ఇరుకు మురికి ఆలోచనలకు సంకుచిత భావాలకు స్వస్తి పలకండి .  మనమెవరమో తెలుసుకోవటానికి ”ఉపనిషత్తులు ”చదవండి ”అనే చెప్పాను . రావి ఉష ఇవాళ ఉపనిషత్తుల విషయం ప్రస్తావించి అవి ఎక్కడ దొరుకుతాయో అడిగి తెలుసుకున్నది నాకు ఇది మంచి సంతృప్తి నిచ్చిన విషయం .
   ఇంకొక పావు గంటకు బయల్దేరుతామను కొంటుంటే మా అమ్మాయి  వాళ్ళ ప్రక్కింట్లో ఉన్న రవి తలిదండ్రులు (హైదరాబాద్ వాస్తవ్యులు -5 ఏళ్ళ క్రితం ఇక్కడే పరిచయం అయిన  వారు )శ్రీ రాఘవేంద్రరావు గారు శ్రీమతి సుగుణ కామాక్షి దంపతులు  ,వారింట్లో ఉన్న నృత్య దర్శకులు 8 వ తేదీ ఆదివారం ”కీచక వద్ద ”కూచిపూడి నృత్యనాటకం దర్శకులు కీచకపాత్ర దారి శ్రీ పసుమర్తి వెంకటేశ్వర శర్మగారు ,ఎల్లా విజయకూడా వచ్చి మాకు వీడ్కోలు పలికారు అందరం కాఫీ తాగి ఫోటోలు దిగాం మా అమ్మాయి సెల్ లో ఫోటోలు తీశారు అందరికి పంపే ఉంటుంది .ఇంత సందడి  ,సరదా వాతావరణం లో సరిగ్గా మధ్యాహ్నం 3 -15 గంటలకు మా అమ్మాయి కారులో నేనూ మాశ్రీమతి ప్రభావతి శ్రీమతి రావి ఉషా షార్లెట్ విమానాశ్రయానికి బయల్దేరి  3-35 కు ఎయిర్ పోర్ట్ చేరాం .మా అమ్మాయి కారు పార్క్ చేసి వచ్చేసరికి మేము చెకిన్ లో నుంచుని బాగేజ్ ఇచ్చాం కొద్దిగా బరువు ఎక్కువైతే ఎయిర్ పోర్ట్ఆవిడే వాటిని మా   హాండ్ లగేజి లో సర్దేసి ఫ్లయిట్ లో సిబ్బందికి ఇస్తే టాగ్ వే సి తీసుకొని   దిగేటప్పుడు ఇస్తారని చెప్పింది ఉష  సర్దుతుండగా మా అమ్మాయి కూడా వచ్చి సాయం చేసి అంతా సరిపోయేట్లు సర్దింది .ఏది తీయాలో ఏది పెట్టాలో దానికే తెలుసు మేమిద్దరం” ఉత్త ”ఉత్స విగ్రహాలమే” ” ,అంతా అయేసరికిటైం  ఇంకా 3-50 .నా శాంసంగ్ మొబైల్ లో ఉష ఎయిర్ పోర్ట్ వై ఫై కనెక్ట్ చేసి రెడీ చేసి ఇచ్చింది దీనితో మెసేజెస్ హాయిగా పంపుకోవటానికి వీలు చేసింది . సరే వాళ్లిద్దరూ మాకు బై చెప్పి వెళ్లిపోయారు ..”తోపుడు బళ్ల వాళ్ళు ”(వీల్ చైర్ వాళ్ళు రెడ్డెగా వచ్చి మమ్మల్ని కూర్చోబెట్టి తోసుకొంటూ  కస్టమ్స్ చెకింగ్ చేయించి ఏ ఇబ్బందీ లేకుండా విమానం ఎక్కించారు. సరిగ్గా సాయంత్రం 6 గంటలకు ఫ్లయిట్ బయల్దేరింది  .ఇక్కడినుంచి బోస్టన్ ,అక్కడి నుంచి ఎమిరేట్స్ ఫ్లయిట్ లో దుబాయ్ ,అక్కడి నుంచి హైదరాబాద్ . మిగిలిన విషయాలు తర్వాత రాస్తా -ఏప్రిల్ 6 న షార్లెట్ చేరి 6 నెలల తర్వాత అక్టోబర్ 6 న మళ్ళీ ఐడియా చేరుతున్నాం .
నిద్ర పట్టక రాత్రి 1-30 కి లేచి కూర్చుని ఈ వీక్లీ మొదటి భాగం రాసి మెయిల్ చేసేసరికి టైం తెల్లవారుఝాము 5 గంటలయింది . నిద్ర బదులు ”ఈ రుద్దుడు ”.  .
  సశేషం
   మీ- గబ్బిట దుర్గా ప్రసాద్ -7-10-17 -కాంప్-మల్లాపూర్ -హైదరాబాద్

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA
This entry was posted in అమెరికా లో and tagged . Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s