హైదరాబాద్ లో సోమ, మంగళవారాలు 

హైదరాబాద్ లో సోమ, మంగళవారాలు

8 వ తేదీ ఆదివారం క్షణం తీరిక లేకుండా హైదరాబాద్ లో గడిపిన విశేషాలన్నీ మీకు ఆదివారం అర్ధరాత్రి 2 గంటలకు అంటే తెల్లవారితే సోమవారం  చివరి వీక్లీ లో రాసిన సంగతి జ్ఞాపకం ఉండే ఉంటుంది . ఆహడావిడిలో రెండు పొరబాట్లు దొర్లాయి
-1 నేను ఇంతకు  ముందు అమెరికావచ్చిన నాలుగు సార్లలో చదివిన పుస్తకాలు ట్రిప్ కు సుమారు 300 అని రాసి మొత్తం 1200 అన్నాను .కాదు మొత్తం 16 00 పుస్తకాలు .అలాగే నా నోట్స్ కూడా  ట్రిప్ కు 300 పేజీలు చొప్పున మొత్తంకనీసం  1200 పేజీలు .ఈ నోట్స్ ఆధారంగా ఎన్నో వందల ఆర్టికల్స్ మెయిల్ లో రాయగలిగాను .
2-2012 లో నాలుగవ సారి అమెరికా వచ్చినప్పుడు వారం వారం రాసింది ”అమెరికా వీక్లీ ”అని రాశాను . కాదు దానిపేరు ”అమెరికా డైరీ ”.
   ఆదివారం యిట్టె తెల్లవారి సోమవారం వచ్చింది కంటిమీద కునుకు లేకుండానే .
                       9-10-17 సోమవారం
ఉదయం 6 గంటలకే లేచి స్నానాదులు చేసి  సంధ్యావందనం పూజా మానసికంగా మా అబ్బాయి శర్మా వాళ్ళ ఇంట్లో బాచుపల్లిలో చేశాను .టిఫిన్ చేసి డా శ్రీ రేమెళ్ళ అవధానులు గారు నాకు కానుకగా అందించినవారి రచన  ”జ్యోతిశ్శ్శాస్త్ర   చరిత్ర”బృహద్గ్రంథం మొదటి భాగం చదవటం మొదలు పెట్టాను .  దీన్ని ఒకమరాటీ ఉపాధ్యాయుడు శ్రీ శంకర బాలకృష్ణ దీక్షిత్ మరాఠీ భాషలో రాశాడు . ఎంతో విలువైన సమాచారం సేకరించి ఆయన దాన్ని రెండుభాగాలుగా రాశాడు .మనకెవ్వరికీ తెలియని100 మంది  జ్యోతిష శాస్త్ర వేత్తల రచనలను వారి సిద్ధాంతాలను గణితాన్ని సేకరించి ఎంతో శ్రమ దమాలకు ఓర్చి1890 లో  రాసిన అపూర్వ గ్రంధం . ఆనాడు ఈ రెండు సంపుటాలకు దీక్షిత్ గారికి ప్రభుత్వం మంజూరు చేసిన పారితోషికం 450 రూపాయలు ,1000 రూపాయలు .ఈనాటి లెక్కలలో చూస్తే దానివిలువ 80 ,90 లక్షల రూపాయలకంటే ఎక్కువ అంతటి ఘనమైన నగదు ను బహూకరించారన్నమాట .తర్వాత దీన్ని డా ఆర్ వి వైద్య 1968 ,1981 లలో ఆంగ్లం లోకి అనువదించాడు ఈ మహా గ్రంధాన్ని డా శ్రీ రేమెళ్ళ అవధానులు గారు 6 సంవత్సరాలు ఎంతో కృషి చేసి తిరుపతి తిరుమల దేవస్థానం వారి ఆర్ధిక సాయం తో రెండుభాగాలూ తెలుగులోకి అనువదించి 2014 ,2015 లో ప్రచురించారు .అటు దీక్షిత్ ఇటు వైద్య ,మరియు శ్రీ అవధానులు గారికి భారత జాతి ఎంతో రుణపడి ఉంది అది తీర్చుకోలేని రుణమే . ఈ గ్రంధాలు నాకు బహూకరించినప్పుడు అవధానులుగారితో ”నాకు మీరు మళ్ళీ పని కల్పించారన్నమాట ”అన్నాను ఆయన ముసిముసి నవ్వులు నవ్వుతూ ”నిజమే ”అన్నారు .
  ఇవాళ ఈ గ్న్నగ్రంథా న్ని   చదివినప్పుడు వీరిలో వరాహమిహిరుడు వంటి ఒక పది మందిని తప్ప మిగిలిన వారిని  చరిత్ర గుర్తించి రికార్డ్ చేయలేదని అని పించింది .అయితే అవధానులగారి గ్రంధం గణిత , జ్యోతిషాలలెక్కలెన్నో ఉన్నగ్రంధం .నేను రాయాలంటే ఆ జోలికి పోకుండా ఒడ్డునవుండి వారి  సంక్షిప్త  చరిత్రలు రాయాలి .కనుక ”గీర్వాణ కవుల కవితాగీర్వాణం -4 ”భాగానికి చేతినిండా ”ఉప్పు అందింది ”అన్నమాట .
      మా అబ్బాయి శర్మ కోడలు ఇందిరా దంపతులు మా ఇద్దరికీ కొత్త బట్టలు  పెట్టి ఆశీస్సులందుకొన్నారు
  మధ్యాహ్నం 12-45 కు మా బావమరిది సెక్రెటేరియట్ కాలనీ నుంచి కారులో వచ్చి మా ఇద్దరినీ వాళ్ళ ఇంటికి తీసుకు వెళ్ళాడు .వీళ్ళింట్లోనే భోజనం .బామ్మర్ది ఆనంద్ ,రుక్మిణి దంపతులు మా ఇద్దరికీ బట్టలు పెట్టి ఆశీస్సులు పొందారు . కరెంట్ వస్తూ పోతూ ఇబ్బందిగా ఉంది ఆదివారం రాత్రి, ఈ రోజు సోమవారం రాత్రి రెండుమూడు గంటలు కుంభ వృష్టిగా వర్షం కురిసింది .మా మేనల్లుడు అంటే బామ్మర్దీకొడుకు వంశీ ఆఫీస్ నుంచి వచ్చేసరికి రాత్రి 10 దాటింది . రాత్రి 10 గంటలకు నిద్రపోయా .మామంచి నిద్రపట్టింది .కిందటి బుధవారం అమెరికాలో బయల్దేరినప్పటినుండి ఇప్పటిదాకా నిద్రే లేదు.  ఈ  నిద్రతో కొంత ఉపశమనం కలిగింది ..
       10-10-17 మంగళవారం
ఇవాళ ఆశ్వయుజ బహుళ పంచమి .మా మామగారు శ్రీ సూర్యప్రకాశ శాస్త్రిగారి ఆబ్దీ క0 .ఆయన చనిపోయి 30 ఏళ్ళు అవుతోంది .మా బావమరిది చాలా శ్రద్ధగా తండ్రికి తద్దినం పెడుతూనే ఉన్నాడు . మాకు మధ్యాహ్నం 2 గంటలకు డాక్టర్ అపాయింట్ మెంట్ ఉందని ముందే చెప్పి వంట వాళ్ళను భోక్తలు  మంత్రం వారినీ పెందరాళే  రమ్మనమని చెప్పని ముందే చెప్పాంవాడికి .అలాగే చేశాడు .
  నాస్నాన సంధ్యాదులు మానసికంగా చేసేశాను . ఉదయం 7 గంటలకే వంటాయన వచ్చాడు .ఆయన ఇంటిపేరు జంధ్యాల  బెజవాడవాడే ఇక్కడికొచ్చి 20 ఏళ్ళు అయిందట . బ్రాహ్మణులు ఉదయం 9 గంటలకే వచ్చారు .మా ఇద్దరికీ హోటల్ నుంచి టిఫిన్ ఛేచ్చాడు వంశీ .
అన్ని ఏర్పాట్లు చేసుకొని ఆబ్దీకం   ఉదయం  9-45 కు ప్రారంభించారు మంత్రం చెప్పే ఆయన సర్వ సమర్ధుడు . వీళ్ళింట్లో అన్ని కార్యాలకు ఆయనే బ్రహ్మగారు .ఇవాళ ఆయన తమ్ముడు ఒక భోక్త ,మరొక భీష్మాచార్యుల   లవంటి గడ్డం మీసాల పెద్దాయన మరొక భోక్త .యధా విధిగా కార్యక్రమ0 పూర్తయ్యేసరికి మధ్యాహ్నం 12 -45 అయింది . మా భోజనాలు పూర్తయ్యేసరికి మధ్యాహ్నం 1-30 అయింది .
               శిష్యుడు డా యాజి ఇంట్లో మేము
  వంశీతో కాబ్ బుక్ చేయించి మేమిద్దరం శాంతినగర్ లో ఉన్న డా యాజి స్వ0త అపార్ట్ మెంట్ కు వెళ్లాం .వాళ్ళ చిన్నమ్మాయి కిటికీ తలుపు ఓరగా తీసి చూసి తలుపు తీసి మమ్మల్ని ముచ్చటైన మాటలతో లోపలి ఆహ్వానించి కుర్చీలలో కూర్చుబెట్టి  మంచినీళ్లు ఇచ్చి లోపలి  వెళ్లి వాళ్ళనాన్నకు  మే మొచ్చామని చెప్పింది .అతనికి అమెరికాలో ఉండగానే ఇలా వస్తామని ఒకసారి, ఇండియా చేరగానే మరొక సారి మెయిల్ రాశాను అతను సిద్ధంగానే ఉన్నాడు .భార్య శ్రీమతి అన్నపూర్ణ బజారు వెళ్లి అప్పుడే వచ్చి మమ్మల్ని చూసి పరవశించిపోయింది .యాజి చెల్లెలుడా  శ్రీమతి వల్లి కుమార్తె డాక్టరీ మూడవ ఏడాది చదివే అమ్మాయి కూడా యాజి భార్యతో పాటు వచ్చింది .ఆపిల్లఅచ్చంగా వాళ్ళమ్మ పోలికగానే ఉంది .ఇలా అనుకోకుండా ఈ అమ్మాయిని చూసాం .
        ఇంటికి వచ్చినదగ్గర్నుంచి అన్నపూర్ణ తెగ హడావిడి చేసింది .లడ్డూ ,మరొక స్వీట్ ,కారప్పూస పెట్టి ,పళ్ళ ముక్కలు  దానిమ్మగింజలు తినిపించి మాంచి కాఫీ ఇచ్చింది . మా అబ్బాయి రమణ పెళ్లి 2010 లో గుంటూరులో జరిగితే యాజి కుటుంబంతో సహా వచ్చాడు .అప్పుడే అతని భార్యా ఇద్దరు ఆడపిల్లలను మొదటి సారి చూడటం .ఏడేళ్లు గడిచిపోయాయి .నేను గుర్తుపట్టలేదు .మా శ్రీమతిబాగానే గుర్తుపట్టింది . మేమిద్దరం శనివారం నాడే మల్లాపూర్ లో షుగర్ టెస్ట్ చేయించుకొని రిపోర్ట్ లు తీసుకొని యాజి కి చూపించాం .ఆవిడకు షుగర్ నార్మల్ గానే ఉంది నాకు ”షుగర్ బస్తాల బరువు ”కొంచెం ఎక్కువగానే ఉందని నేను అనుకోగా యాజి ”మీకిది మామూ లేగా మాస్టారూ !అక్కడ స్వీట్ లు జ్యుస్  లు తాగుతారుకదా .కొంచెం ఎక్కువగానే ఉంది .కంగారేమీ లేదు ఉయ్యూరు వెళ్ళాక 15 రోజులతర్వాత మరోసారి టెస్ట్ చేయించి రిపోర్ట్ మెయిల్ చేయండి అప్పటికీ జాస్తీగా ఉంటె మందులు మారుద్దాం ”అన్నాడు .నేను ”అమెరికాలో పంచదార తప్ప అన్నీ చాలా తియ్యగానే ఉంటాయయ్యా  కూరలతోసహా .అదీగాక ఈ మధ్య దసరా పండగలు భోజనాలు మా అమ్మాయి చేసిన మైసూర్ పాక్ లో తెగతిన్నా .ఫ్లయిట్ లో లీటర్ల కొద్దీ జ్యుస్ లు తాగా.ఇంటికి వెళ్లి కాకరకాయ రసం, మెంతిపిండితీసుకొంటాలే ”అన్నాను సంతృప్తి ప్రకటించి బిపి ఇద్దరికీ చూసి నార్మల్ గా ఉందని చెప్పాడు .ఇద్దరికీ మొత్తం మీద ఆరోగ్యం నార్మల్ గానే ఉందని భరోసా ఇచ్చాడు .
             డాక్టర్  శిష్యుడు ,బిటెక్ అర్ధాంగి మాస్టారు  దంపతులకు  చేసినఅపూర్వ సత్కారం ,
  యాజిభార్య మా ఎదురుగా కూర్చుని అనేక ప్రశ్నలు అడుగుతూ సమాధానాలు రాబట్టింది .మనబ్లాక్ లను  క్షుణ్ణంగా చదివి అవగాహన చేసుకొన్నఅమ్మాయి .ఆతను బ్లాగ్ లో విశేషాలు ఎప్పటికప్పుడు ఆమెకు చెబుతూ సంభ్రమానికి గురి చేస్తాడట .యాజి తండ్రి డా కుమారస్వామిగారు మాకు ఉయ్యూరులో ఫామిలీ డాక్టర్ .మా అమ్మకు సుమారు 10 ఏళ్ళు ఆయనే వైద్యం చేశారు .వేరే డాక్టర్ దగ్గరకు తీసుకువెడతానంటే ”నేను అతని చేతుల్లోనే చనిపోతాను నాకు వేరే డాక్టర్ వద్దు .అతడు నాకు కొడుకు లాంటివాడు ”అనేది.  నిజంగా అలానే ఆయన హాస్పిటల్ లోనే నా చేతులమీదుగా మా అమ్మగారు చనిపోయారు .ఇవన్నీ గుర్తుకు తెచ్చుకున్నాం .యాజి గవర్నమెంట్ మెడికల్ కాలేజి లో మెడికల్ ప్రొఫెసర్  గా చేసి తర్వాత బందరులో పనిచేసి తర్వాత ఉత్తరప్రదేశ్ సహజాన్ పూర్ కు చెందిన శ్రీ రామచంద్ర అనే సహజ యోగ మార్గ దర్శి గారి పేరిట హైదరాబాద్ విజయనగర్ కాలనీలో ఉన్న శ్రీ రామచంద్ర సెంటినరీ హాస్పిటల్ లో గత 15 ఏళ్లుగా డాక్టర్గా సేవలు  చేస్తున్నాడు . 6 నెలల క్రితం మా నేసి గుడ్ విల్ హాస్పిటల్ లోడాక్టర్ గా   ఒపి చూస్తున్నాడు సాయంత్రం 5 నుండి రాత్రి 8 వరకు . అతని తండ్రిగారు సుమారు 20 ఏళ్ళక్రితమే చనిపోయారు ఉయ్యూరుదగ్గర కనకవల్లి స్వగ్రామం .ఉయ్యూరు లో మొట్టమొదటగా పిల్లర్లతో బిల్డింగ్ కట్టిన మొదటి వ్యక్తి ఆయనే . యాజి తల్లిగారు మహా భక్తురాలు ఎప్పుడూ తీర్ధయాత్రలు చేస్తూ మానసిక ప్రశాంతత పొందుతూ ఉంటారు ప్రస్తుతం 8 నెలలనుండి ,ఉయ్యూరు వాసి శ్రీమతి పద్మావతిగారితో కాశీలో ఉంటున్నారు ఇంకొక నెల  అంటే 9 నెలల దీక్ష పూర్తి చేసి హైదరాబాద్ కు తిరిగివస్తారట
  యాజి దంపతులు నాకు పట్టుబట్టలు ,మా శ్రీమతికి మంచిచీరె జాకెట్ పెట్టి  బుట్ట నిండా  పళ్ళు పెట్టి  అపూర్వంగా  సత్కరించి నమస్కరించి ఆశీర్వాదం పొందారు అన్నపూర్ణ లో గొప్ప సంస్కారం కనిపిస్తుంది .మా యాజికి తగిన ”బిటెక్ భార్య”.
             ఎన్నేళ్ల అనుబంధమో  అన్నట్లు
 యాజి దంపతుల ఇంటి నుంచి గుమ్మం దాటి బయటకు రాగానే వాళ్ళ పెద్దమ్మాయి అప్పుడే బీగం పేట స్కూల్ నుంచి వచ్చి అమాంతం నా బుజం మీద వాలి పోయింది .ఏనాటి బంధమో ? ఎన్నో ఏళ్లుగా పరిచయం ఉన్నవాడిని అనుకున్నంత చనువుతో నాదగ్గరకు రావటం ఆఅమ్మాయి ముఖం లో వెయ్యి కాండిళ్ల  బల్బులు వెలిగినంత ఆనందం ప్రస్ఫుటంగా కనిపించింది .మా అందరికీ మహదానందంగా అనిపించింది యాజి దంపతులు అపూర్వ ఆనందాన్ని పొందారు . వాళ్ళిద్దరి ముఖం లో అంతటి సంతోషం చూసి మా శ్రీమతి నిండుమనసుతో ఆశీర్వదించింది .అందరం కలిసి ఫోటోలు దిగాం . అన్నపూర్ణ తమకారులో మమ్మల్ని మెహిదీ పట్నం లో ఉన్న మా మేనకోడలు పద్మ ఇంటికి తీసుకు వెళ్లి దింపి ఇంటికి తిరిగి వెళ్ళింది . సౌజన్య సంస్కారాలంటే ఇవే .
                     మేనకోడలు ఇంట్లో
  మేము అమెరికాలో ఉన్నప్పుడు మా అన్నయ్యగారి అబ్బాయి రాంబాబు  కొడుకు కళ్యాణ్  పెళ్ళికి మామేనల్లుడు అశోక్ దంపతులు పద్మా ఉయ్యూరు వచ్చారు . మా ఆవిడ మా మద్రాస్ పెద్ద మేనకోడలు కళకు  పద్మ కూ ఎప్పుడూ చెబుతూ ఉంటుంది ”అమ్మావాళ్లు పెద్దవాళ్లయ్యారు .వాళ్ళు పుట్టింటికి ఉయ్యూరు రాలేక పోతున్నారు .మీకు ఉయ్యూరులో మా ఇంట్లో పుట్టింటి హక్కు ఉంది .వీలైనప్పుడల్లావచ్చి మేం  పెట్టె పుట్టింటి సారె తీసుకొని వెడుతూ ఉండండి ”అని చెబుతుంది .అలాగే ఈపెళ్లికి వచ్చిన కళ ,పద్మా మేము అక్కడ లేకపోయినా ఇంటికి వచ్చి మా కోడళ్ళు శ్రీమతి రాణి ,శ్రీమతి మహేశ్వరి ఇచ్చిన ఆతిధ్యాన్ని పెట్టిన చీరా సారెను తీసుకొని వెళ్లారు .అది ఎంతో గొప్పగా మాకు అమెరికాకు ఫోన్ చేసి చెప్పారు . అదే మేము కోరుకొనేది .అప్పుడే పద్మ మమ్మల్ని హైదరాబాద్ వస్తే వాళ్ళఇంటికి రమ్మని కోరింది .అందుకే వచ్చాము .
   మంచి కాఫీ కావాలని మా ఆవిడ అడిగి పెట్టించుకుని తాగాం .రాత్రి భోజనం కూడా చేసి వెళ్లమన్నారు రామకృష్ణా పద్మా దంపతులు .పెద్దగా తినాలని పించక రెండు చపాతీ లు తిని మజ్జిగ త్రాగా0 . పద్మ దంపతులు మా ఇద్దరికీ బట్టలు పెట్టి ఆశీస్సులు పొందారు పద్మాపిల్లలు ఉద్యోగాలలో ఉన్నారు ప్రస్తుతం 85 ఏళ్ళ పద్మమామగారే పద్మ దంపతులకు పసి పిల్లాడు ఆయన్ను కంటికి రెప్ప లాగా కాపాడుతున్నారు .  ”మా తండ్రిగారు ,తర్వాత మా  అత్తా మామలు అంటే మీ  చిన్నక్కయ్యశ్రీమతి దుర్గ  మీ బావగారుశ్రీ వివేకానంద్ గారు తర్వాత  మీ దంపతులు మాకు పెద్ద వారు .కనుక వీలైనప్పుడల్లా మెహిదీపట్నం మా ఇంటికి వచ్చి మా ఆతిధ్యం తీసుకోండి ”అని” మాటల మాంత్రికుడు” రామకృష్ణమాకు చెప్పాడు .  పద్మ వాళ్ళమ్మాయి రవళి తో మాకు మల్లాపూర్ కు కాబ్ బుక్ చేయించగా ఎక్కి, మేము రాత్రి 8-30 కు మా పెద్దబ్బాయి శాస్త్రి ఇంటికి భూప్రదక్షిణంలాగా చేరాం .ఈ కాబ్ కు మేము డబ్బులు కట్టవద్దని పద్మ ముందే చెప్పింది .కానీ ఖర్చు లేకుండా ఇంటికి వచ్చాము . రాత్రి నిద్ర బాగానే పట్టింది .
       మీ-గబ్బిట దుర్గా ప్రసాద్ -11-10-17 -కాంప్-మల్లాపూర్ -హైదరాబాద్
    

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA
This entry was posted in సమయం - సందర్భం and tagged . Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s