బ్రజిల్ ప్రధమ మహిళాధ్యక్షురాలు –దిల్మా వానా రౌసెల్ (వ్యాసం )- గబ్బిట దుర్గా ప్రసాద్

బ్రజిల్ ప్రధమ మహిళాధ్యక్షురాలు –దిల్మా వానా రౌసెల్ (వ్యాసం )- గబ్బిట దుర్గా ప్రసాద్

బ్రజిల్ దేశపు మొట్టమొదటి మహిళాధ్యక్షురాలు గా గుర్తింపు పొందిన దిల్మావానా రౌసెల్ 14-12-1947 జన్మించింది . ఆర్ధిక ,రాజకీయ వేత్తగా ప్రసిద్ధి చెందిన ఆమె బ్రజిల్ దేశపు 36 వ ప్రెసిడెంట్ అయింది .అంతేకాదు .ప్రజాస్వామ్య యుతంగా ఎన్నికైన బ్రజిల్ దేశపు తొలి మహిళా ప్రెసిడెంట్ గా రికార్డ్ సృష్టించింది..2011 లో ఎన్నిక కాబడి 2016 వరకు దేశాధ్యక్షురాలుగా పాలించింది .

బల్గేరియన్ ప్రవాస దంపతులకు జన్మించిన దిల్మా, బేలో హారిజాంటి లోని ఎగువ మధ్యతరగతి కుటుంబానికి చెందినమహిళ.యవ్వనం లో సోషలిస్ట్ భావాలతో ఉన్న ఈమె ,1964కుట్ర తర్వాత ,వామ పక్ష భావాలకు ఆకర్షితురాలై సైనిక నియంతృత్వాన్నిఎదిరించి పోరాడే మార్క్సిస్ట్ అర్బన్ గెరిల్లా గ్రూప్స్ లో చేరింది .1970 లో అరెస్ట్ కాబడి 1972 వరకు జైలు లో నిర్బంధించ బడి అనేక చిత్ర హింసలకు గురైంది .జైలు నుండి విడుదల అయ్యాక కారియోస్ అరాజో ను పెళ్లి చేసుకుని 30 ఏళ్ళు వైవాహిక జీవితాన్ని సుఖమయంగా పోర్టో అలిగ్రే లో గడిపింది .భార్యాభర్తలిద్దరూ కలిసి రియోగ్రాండి డో సుల్ లో ‘’డెమోక్రాటిక్ లేబర్ పార్టీ ‘’ స్థాపించారు .పార్టీ తరఫున చాలా ఎన్నిక ప్రచారాలు నిర్వహించారు .పోర్టో అలేగ్రే కు దిల్మా, ఆల్సు కోలారిస్ ప్రభుత్వం లో ట్రెజరీ సెక్రెటరి గా పని చేసింది .తర్వాత రియో గ్రాండి డో సుల్ కు కొల్లారేస్ ,ఒలీవియో దుత్రా ల ప్రభుత్వం లో సెక్రెటరి ఆఫ్ ఎనర్జీ గా సేవలు అందించింది .2000 సంవత్సరం లో దుత్రా ప్రభుత్వం లో ఆంతరంగిక తగాదాలు ఏర్పడటం తో ఆమె డెమోక్రాటిక్ పార్టీని వదిలేసి వర్కర్స్ పార్టీ లో చేరింది .అప్పటికే ఆమె ప్రసంగాలతో ,కార్య దీక్ష తో ప్రజా హృదయాలను ఆకట్టు కున్నది .మహిళా రాజకీయ వేత్తగా సుస్థిర స్థానం సంపాదించుకున్నది .

2002 లో బ్రజిల్ ప్రెసిడెంట్ అభ్యర్ధి అయిన లూయిస్ ఇనాషియో డా సిల్వా కు సలహాదారై ,బలమైన శక్తి యుక్తులతో సహాయం చేసింది .డా సిల్వా ప్రెసిడెంట్ గా ఎన్నికైన వెంటనే దిల్మా వానా రౌసెల్ ను మంత్రి వర్గం లోకి ఆహ్వానించి మినిస్టర్ ఆఫ్ ఎనర్జీ శాఖను అప్పగించాడు .సమర్ధతతో పని చేసి సత్తా చూపించింది .2005లో చీఫ్ ఆఫ్ స్టాఫ్ గా ఉన్న జోస్ దిరిస్యు అవినీతి కుంభ కోణం ఎదుర్కొని రాజీనామా చేశాడు .ప్రెసిడెంట్ డా సిల్వా వెంటనే దిల్మాకు చీఫ్ ఆఫ్ స్టాఫ్ పదవి నిచ్చాడు .ఈ పదవిలో2010 మార్చి 31 వరకు అయిదేళ్ళు పని చేసింది . తానె ప్రెసిడెంట్ అభ్యర్ధిగా పోటీ చేయాలన్న నిర్ణయం తో ఆమె తన పదవికి రాజీ నామా చేసి ఎన్నికలలో పోటీ చేసింది .

.2010 అక్టోబర్31 ఎన్నికలలో ఆమె ప్రెసిడెంట్ గా ఎన్నికైనది .ఈ ఎన్నికలో ఆమె బ్రజిలియాన్ సోషల్ డెమోక్రసీ పార్టీ అభ్యర్ధి జోస్ సేర్రాను ఓడించింది .20 14 అక్టోబర్ 26 న ఆమె అతి తక్కువ మేజార్టి తో రెండవ సారి ఎన్నికలో డెమోక్రాటిక్ అభ్యర్ధి ఏసియో నేవేస్ ను ఓడించి ప్రెసిడెంట్ గా ఎన్నికైంది .ఇది చారిత్రాత్మక విజయం .బ్రజిల్ దేశపు తొలి మహిళా ప్రెసిడెంట్ గా రౌసెల్ చరిత్ర సృష్టించింది .

అయితే ఆమె పై ఇంపీచ్ మెంట్ కేసును ‘’చేంబర్ ఆఫ్ డేప్యూటీస్’’ పెట్టి 3-12- 20 15 విచారించారు .12-5-20 16 న బ్రజిల్ సెనేట్ ,ప్రెసిడెంట్ దిల్మా వానా రౌసెల్ ను సస్పెండ్ చేసి ఆమె అధికారాలను విధులను ఆరునెలలపాటు తొలగించింది .వైస్ ప్రెసిడెంట్ మైకేల్ టేమర్ కు యాక్టింగ్ ప్రెసిడెంట్ బాధ్యతలు అప్పగించింది .2016 ఆగస్ట్ 31 న సెనేట్ 61-20 మెజార్టీతో రౌసెల్ నేరస్తురాలని ,చట్టాలను తన చేతిలోకి తీసుకున్నదని ఆరోపించి రుజువైన కారణంగా శాశ్వతంగా ప్రెసిడెంట్ పదవి నుంచి తొలగించింది .

‘’అందరికి విద్యుత్తు ‘’అనే నినాదం తో రౌసెల్ గ్రామీణ విద్యుదీకరణ కు అత్యధిక ప్రాధాన్యమిచ్చి ,పూర్తి చేయటానికి సమయాన్ని నిర్ధారించి సఫలీకృతురాలైంది .అంతకు ముందు చీఫ్ ఆఫ్ స్టాఫ్ గా తన సాంకేతిక విజ్ఞానాన్ని చొరవ ను జోడించి ఆ శాఖకే నూతన జవ జీవాలు చేకూర్చింది.ప్రజాసేవలో ఆమె కృతకృ త్యురాలై అత్యధిక ప్రజల మద్దత్తు అభిమానం సంపాదించింది .ఫెడరల్ టాక్స్ తగ్గించి ,ఎనర్జీ బిల్లులను తగ్గించి ప్రజాభిమానం పొందింది .నిత్యావసర వస్తువులపై సుంకం గణ నీయంగా తగ్గించి గృహిణుల అభిమానం పొందింది .అయితే 2015 నుంచి ఆమె పాప్యులారిటీ క్రమగా తగ్గి పోయింది .అనేక అభియోగాలను ఎదుర్కున్నది .కానీ రస్సౌల్ అంతర్జాతీయంగా మంచి గుర్తింపు పొందింది. సమర్దురాలైన దేశాధినేతగా అందరూ మెచ్చుకున్నారు .

-గబ్బిట దుర్గా ప్రసాద్

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA
This entry was posted in రచనలు and tagged . Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్+ చిత్రం

You are commenting using your Google+ account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

w

Connecting to %s

This site uses Akismet to reduce spam. Learn how your comment data is processed.