ఫ్రెంచ్ అస్తిత్వవాద మేధావి ,మహిళోద్యమ నాయకురాలు –సైమన్ డీ బోవర్ -గబ్బిట దుర్గా ప్రసాద్-విహంగ -మహిళా వెబ్ మాసపత్రిక -జనవరి 2020

ఫ్రెంచ్ అస్తిత్వవాద మేధావి ,మహిళోద్యమ నాయకురాలు –సైమన్ డీ బోవర్ -గబ్బిట దుర్గా ప్రసాద్-విహంగ -మహిళా వెబ్ మాసపత్రిక -జనవరి 2020

నన్ కావాలనుకొని నాస్తికురాలైంది:

సైమన్ డీ బోవర్ 9-1-1909న బోర్జువాస్ పారిసన్ కుటుంబంలో ఫ్రాన్స్లోనిపారిస్ లో జన్మించింది.తండ్రి జార్జెస్ బెర్ట్రాండ్ డీబోవార్ లీగల్ సెక్రెటరి .తల్లి ఫ్రాంకాయిస్ డీ బోవర్ కేధలిక్ మతస్తురాలు .మొదటి ప్రపంచ యుద్ధం అయిపోగానే కుటు బానికికున్న ఆస్తిపాస్తులన్నీ కోల్పోయి పూట గడవటమే కష్టమైంది .సైమన్ నూ చెల్లెలు హెలీన్ ను కాన్వెంట్ స్కూల్ లో చేర్పించారు .మత విశ్వాసం అధికంగా ఉన్న సైమన్ ,చిన్నప్పుడు సన్యాసిని అవాలనుకొని తర్వాత ఆలోచనమార్చుకొని జీవితాంతం నాస్తికురాలిగానే గడిపింది .తన తెలివి తేటలతో తండ్రిని మెప్పించేది .ఆయన తనకూతురు మగాడిలా ఆలోచిస్తుందనే వాడు .కట్నం ఇచ్చి పెళ్లి చేసే సత్తా తలిదండ్రులకు లేదని గ్రహించి తనమార్గాన్ని తానే ఎన్నుకొన్నది .

మేధావి:

1925లో గణితం ,ఫిలాసఫీ పరీక్షలురాసి ఇన్ ష్టి ట్యూట్ ఆఫ్ కేధలిక్ డీ పారిస్ లో గణితం ,,సాహిత్యాన్ని ఇన్ ష్టిట్యూట్ సెయింట్ మేరీలో చదివి ,సార్బోర్న్ లో ఫిలాసఫీ చదివి 1928లో డిగ్రీ పొందాక ఎం.ఏ .కు సమానమైన థీసిస్ ను ‘’లీబ్నేజ్ భావన ‘’అనే అంశం పై రాసింది .ఆకాలం లో సార్బోర్న్ నుంచి డిగ్రీ తీసుకొన్న 9వ మహిళగా డీబోవర్ గుర్తింపు పొందింది .కారణం అంతకు కొద్దికాలం నుంచే మహిళలకు ఉన్నత విద్యకు అవకాశం కలిపించటమే .మొదట్లో ఆమె మారిస్ మేరియా పొంటీ ,క్లాడ్ లెవి స్ట్రాస్ లవద్ద పని చేసింది .తర్వాత ఈకోల్ నార్మల్ సుపీరియర్ లో ఫిలాసఫీలో పోస్ట్ గ్రాడ్యుయేట్ కోర్స్ చేసింది .ఇక్కడే జీన్ పాల్ సాత్రే ,పాల్ నిజాన్ ,రీనీ మాధ్యు లు విద్యార్ధులుగా ఉండేవారు .బోవార్ కు ఇవ్వాల్సిన ఫస్ట్ రాంక్ ను కొద్ది మార్కుల తేడాతో సాత్రేకు ఇచ్చి,21ఏళ్ళ ఆమెకు సెకండ్ రాంక్ ఇచ్చింది పరీక్షల జూరీ .ఆ పరిక్ష అంత చిన్న వయసులో ఆడిగ్రీ పాసయినది అప్పటికి బోవార్ ఒక్కరు మాత్రమే . కనుక మేధావిగా గుర్తి౦పుపొందింది .

ఆత్మ భాగస్వామ్యం:

తన ఆత్మకథ’’డ్యూటిఫుల్ డాటర్ ‘’లో డీబోవర్ తనతండ్రి భావాలకు, తల్లి మనోభావాలకు చాలా వ్యత్యాసం ఉందని, ఈ రెండూ సమతుల్యం చేసి తాను మేదావినయ్యాయనని రాసింది .1929నుంచి 43వరకు 14ఏళ్ళు లైసీ లెవెల్ యూనిట్ లో ఫిలాసఫీ బోధిస్తూ ,తన రచనలద్వారా డబ్బు సంపాదిస్తూ గడిపింది .1929అక్టోబర్ లో సాత్రే ఆమెను పెళ్లి చేసుకొంటానని చెప్పి రెండేళ్ళు ఇద్దరూ కలిసి ఉండటానిక్ బాండ్ పై సంతకాలు చేద్దామని చెప్పాడు .వివాహం అంటే ఆమె ఇష్టపడలేదు కాని ఆజంట జీవితాంతం ‘’ఆత్మ భాగ స్వాములు ‘’(సోల్ పార్టనర్ షిప్ )గా ఉండిపోయారు . డీబోవర్ ఓపెన్ రిలేషన్ షిప్ వలన ఒక్కోసారి ఆమె విద్యా సంబంధాలపై నీడగా మారేది .హార్వర్డ్ ప్రేక్షకుల సమక్షంలో వచ్చినప్రశ్నలన్నీ సాత్రే రచనలపై వస్తే ,బోవర్ ను ఆమె వ్యక్తిగత విషయాలపై ప్రశ్నలు అడిగేవారు .వీరిద్దరి సోల్ రిలేషన్ షిప్ 1929లో మొదలై ,1980లో సాత్రే మరణందాకా 51ఏళ్ళు ఉంది.

ఇద్దరూ ప్రభావ శీలురే:

సాత్రే, బోవర్ లు ఇద్దరూ ఒకరి పుస్తకాలోకరు చదివి విషయాలపై చర్చించుకొనేవారు .సాత్రే రాసిన ‘’బీయింగ్ అండ్ నతింగ్ నెస్’’,బోలవర్ రాసిన ‘’షి కేమ్ టు స్టే’’,ఫెనోమనాలజి ‘’,ఇన్టెంట్ ‘’పుస్తకాలలో ఎవరిపై ఎవరిప్రభావం ఎంతో ఈనాటికీ చర్చగానే ఉన్నది .బోవార్ రచనలపై సాత్రే కాక ఇతర ఫిలాసఫర్లు హెగెల్ ,లీబ్నిజ్ ల ప్రభావం ఎక్కువ .1930లో ‘’నియో హేగేలియన్ రివైవల్ ‘’ను అలేక్జాండర్ కోజీవ్ ,జెన్ హేప్పోలైట్ లు తీవ్రతరం చేసి ఒక తర౦ ఫ్రెంచ్ ఆలోచనాపరులను విపరీతంగా ప్రభావితం చేశారు .ఆప్రభావం బోవర్ మీదా కూడా ఎక్కువే .

నవ ప్రేమికుడు ఆల్గ్రెన్:

ఆమెకు పెళ్లి చేసుకోవాలని పిల్లల్ని కనాలని ఆలోచన ఉండేదికాదు .అ౦దుకని రాజకీయాలలో ,విద్యావ్యాసంగం లో రచనలలో బోధనలో ,ప్రేమికులతో గడిపింది .1947లో చికాగో లో అమెరికన్ రచయిత నెల్సన్ ఆల్గ్రెన్ ను కలిశాక ముఖ్య ప్రేమికుడయ్యాడు .ఈ ప్రేమపై ఆమె ‘’మై బిలవ్డ్ హస్బండ్ ‘’అనే రచన చేసి అట్లాంటిక్ తీర పాఠకులను ఉత్తేజపరచింది.ఆల్గ్రెన్ కు’’దిమాన్ విత్ ది గోల్డెన్ ఆరం ‘’పుస్తకానికి 1950లో నేషనల్ బుక్ అవార్డ్ వస్తే ,బోవర్ కు 1954లోఆల్గ్రెన్ హీరో గా ఉన్న ‘’ది మ౦డరిన్స్ ‘’పుస్తకానికి ప్రతిష్టాత్మక సాహిత్య పురస్కారం ‘’ఫ్రాన్సిస్ ‘’పొందింది .వీరిద్దరిమధ్య ఉన్న అన్యోన్యాన్ని బహిర్గతం చేసినందుకు అతడు తిరస్కరించాడు .కొన్నేళ్ళకు ఇద్దరూ విడిపోయినా ఆమె చనిపోయాక అతడు పెట్టిన సిల్వర్ రింగ్ తోనే ఖననం చేశారు .

ప్రిస్టేజియస్ అవార్డ్ వెనక్కి:

ఆమె సెక్స్ విషయాలు శిష్యులు ,కొందరు ప్రముఖులు తర్వాత బయట పెట్టారు. తన స్టూడెంట్ 17ఏళ్ళ విద్యార్ధి సోరోకిన్ ను 1939లో మోహించి ఆకర్షించి చెడగొట్టిందన్న అభియోగం రుజువై బోవర్ ను బోధన ఉద్యోగంనుంచి సస్పెండ్ చేశారు .1977లో ఆమెకిచ్చిన ప్రిస్టేజియస్ అవార్డ్ ‘’ఫ్రాన్సిస్ ‘’ను వెనక్కి లాగేసుకొన్నారు .

అస్తిత్వవాద రచన:

1944లో బోవర్ తనమొదటి ఫిలాసఫీ వ్యాసం ‘’అస్తిత్వవాదనీతి ‘’పై రాసింది 1947లో కొనసాగిస్తూ ‘’ది ఎథిక్స్ ఆఫ్ ఆమ్బిగ్యుటి’’రాసింది .ఇదే ఫ్రెంచ్ అస్తిత్వవాదానికి దారి చూపింది .ఆమె ‘’సంపూర్ణ స్వేచ్చ ‘’(ఆబ్సల్యూట్ ఫ్రీడం )సమర్ధించింది .రెండవ ప్రపంచయుద్ధం చివరలో సాత్రే ,బోవర్ కలిసి ‘’లెస్ టెమ్ప్ మోడర్ నెస్’’అనే రాజకీయ పత్రిక నడిపారు .అందులో బోవర్ రచనలు చాలా చోటు చేసుకొన్నాయి .చనిపోయేదాకా ఆమె దాని ఎడిటర్ గా ఉంది

స్త్రీవాది:

.’’వన్ ఈజ్ నాట్ బార్న్ బట్ బికమ్స్ ఎ వుమన్ ‘’అనేది ఆమె సిద్ధాంతం .సెక్స్ జెండర్ వ్యత్యాసాన్ని ఖండించింది .. మహిళ మగాడికి సంబంధించింది కనుక ఆమెను సెకండ్ సెక్స్ ‘’అని నిర్వచిస్తున్నారన్నది .ఈ అభిప్రాయాలతో ‘’సెకండ్ సెక్స్ ‘’రచన చేసింది .మగాళ్ళు ఆడవారిని వాళ్ళ చుట్టూ ఉన్న ఆకర్షణగా చూశారన్నది .ఈ భావాలతో మహిళా ఉద్యమాన్ని ,ముఖ్యంగా ఫ్రెంచ్ మహిళా విమోచన ఉద్యమాన్ని నడిపింది .మహిళా సాధికారత, సమాన విద్య ,ఆర్ధిక స్వేచ్చ లకోసం తీవ్ర పోరాటం చేసినా ,తాను ’’ ఫెమినిస్ట్’’ ను కాను అనేది .అనేక ఉద్యమాలు నడిపి 1972లో తాను ఫెమినిస్ట్(స్త్రీవాది ) నే అని బహిరంగంగా ప్రకటించింది. 1970లో ఫ్రాన్స్ స్త్రీ విముక్తిఉద్యమ౦ లో తీవ్రంగా పాల్గొన్నది .’’అబార్షన్ హక్కు’’పై నినదించే మహిళలల తరఫున సంతకాలు సేకరించి ప్రభుత్వానికందించింది .అనేక ఉద్యమాల ఫలితంగా 1974ఈ హక్కు చట్టం అమల్లోకి వచ్చింది .

రచనా సర్వస్వం:

ఆమె రాసిన పుస్తకాలన్నీ స్వదస్తూరితో రాసినవే .తర్వాతే టైప్ చేయటం జరిగేది .1954లో ఆమె రచించిన ‘’ది మాన్డరిన్స్’’కు ప్రసిద్ధ ‘’ప్రిక్స్ గొన్ కోర్ట్ ‘’అవార్డ్ వచ్చింది .అందులో సాత్రేకు, తనకు ఉన్న మిత్రుల శ్రేయోభిలాషుల ,ఫిలాసఫార్ల జీవిత విశేషాలున్నాయి .దీన్ని తన అమెరికన్ లవర్ ‘’ఆల్గ్రెన్ ‘’కు అంకిత మివ్వగా అగ్గిమీద గుగ్గిలమయ్యాడు .అమెరికా,చైనాలలో గడిపిన రోజులు యాత్రా విశేషాలన్నీ ‘’ట్రావెల్ డైరీ ‘’లుగా 1950నుంచి 60దాకా రాసింది ..’’ది వుమన్ డెస్ట్రా యడ్’’వంటి చిన్నకథలు కూడా రాసింది.1980లో ‘’వెన్ థింగ్స్ ఆఫ్ స్పిరిట్ కం ఫస్ట్’’ పేరిట తనబాల్యం లోని ముఖ్య మహిళలపై కథలు రాసింది .తన జీవిత చరిత్రను నాలుగు భాగాలుగా ‘’మెమాయిర్స్ ఆఫ్ ఎ డ్యూటిఫుల్ డాటర్ ‘’గా రచించింది .1964లో ‘’ఎ వెరి ఈజీ డెత్ ‘’పేరుతొ ఒక నవెల్లాను ,ముసలితనంలో కేన్సర్ తో చనిపోతున్న తల్లిని చూడటానికి వెళ్లి రాసి ప్రచురించింది .ఇందులో డాక్టర్ –పేషెంట్ లమధ్య ఉండాల్సిన నైతిక ,సత్య విషయాలను చర్చించింది

.1981లో ‘’ఎ ఫేర్ వెల్ టు సాత్రే ‘’పుస్తకం రాసింది .ఇందులో సాత్రే గడిపిన చివరి రోజుల విషాదమంతా కళ్ళకు కట్టించింది .1984లో వచ్చిన యా౦థాలజి ‘’ఫెమినిజం అలైవ్ అండ్ ఇన్ కాన్స్టంట్ డేంజర్ ‘’కు బోవర్ ‘’సిస్టర్ హుడ్ గ్లోబల్ ‘’,ది ఇంటర్నేషనల్ మువ్ మెంట్ యాంథాలజి ‘’రాసింది .దీనికి రాబిన్ మోర్గాన్ ఎడిటర్ . దాదాపు 30 రచనలు చేసింది’
ఉత్తరాలపర్వం

సాత్రే మరణం తర్వాత బోవర్ సాత్రే తనకు రాసిన ఉత్తరాలన్నీ కొంత ఎడిట్ చేసి ప్రచురించింది .సాత్రే ,బోవర్ లు తమ సాహిత్య వారసురాలిగా ఆర్లేట్ ఎల్కై మ్ ను దత్తత చేసుకొన్నారు .బోవర్ సాహితీ దత్త పుత్రిక సిల్వీ లీ బాన్ బోవర్ చనిపోయాక ఆమెవీ ,సాత్రే వి ,ఆల్గ్రెన్ వి ఎడిట్ చేయని ఉత్తరాల నన్నిటినీ ప్రచురించింది .

పురస్కార బోవర్:

బోవర్ ప్రిక్స్ కాన్కోర్ట్ ప్రైజ్ ,జెరూసలెం ప్రైజ్ ,యూరోపియన్ సాహిత్యానికి ఆస్ట్రియన్ స్టేట్ ప్రైజ్ లను అందుకొన్నది.

మరణం

అస్తిత్వవాద మార్గదర్శి సైమన్ డీ బోవర్ 78 వ ఏట 14-4-1986 న్యుమోనియా తో పారిస్ లో మరణించింది .పారిస్ లోని మాంట్ పర్నాస్ సేమిటరి లో సాత్రే ప్రక్కనే ఆమెను ఖననం చేశారు .ఆధునిక యూరోపియన్ సాహిత్య రచయితలపై బోవర్ ప్రభావం చాలా ఎక్కువే ..ఆమెపై వచ్చిన పుస్తకాలూ చాలా ఉన్నాయి .

-గబ్బిట దుర్గా ప్రసాద్ 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

image.png

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA Wiki : https://te.wikipedia.org/wiki/%E0%B0%97%E0%B0%AC%E0%B1%8D%E0%B0%AC%E0%B0%BF%E0%B0%9F_%E0%B0%A6%E0%B1%81%E0%B0%B0%E0%B1%8D%E0%B0%97%E0%B0%BE%E0%B0%AA%E0%B1%8D%E0%B0%B0%E0%B0%B8%E0%B0%BE%E0%B0%A6%E0%B1%8D
This entry was posted in వార్తా పత్రికలో and tagged . Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్ చిత్రం

You are commenting using your Google account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

Connecting to %s

స్పామును తగ్గించడానికి ఈ సైటు అకిస్మెట్‌ను వాడుతుంది. మీ వ్యాఖ్యల డేటా ఎలా ప్రాసెస్ చేయబడుతుందో తెలుసుకోండి.