సైన్స్ ఫిక్షన్ లో మొదటి బహుమతి పొందిన ‘’అమెరికన్ నల్లజాతి నగ’’- ఆక్టేవియా బట్లర్-(వ్యాసం )-గబ్బిట దుర్గాప్రసాద్

సైన్స్ ఫిక్షన్ లో మొదటి బహుమతి పొందిన ‘’అమెరికన్ నల్లజాతి నగ’’- ఆక్టేవియా బట్లర్-(వ్యాసం )-గబ్బిట దుర్గాప్రసాద్

ఆక్టేవియా ఎస్టేల్లా బట్లర్ 1947జూన్ 22 న అమెరికా కాలిఫోర్నియా లోని పస డేనియాలో పుట్టింది .తండ్రి జేమ్స్ బట్లర్ బూట్ పాలిష్ చేసేవాడు .ఏడేళ్ళకే తండ్రి చనిపోతే ,తల్లి ఆక్టేవియా మార్గరెట్ పెంచింది .జాతి వివక్ష తీవ్రంగా ఉండటం తో తల్లి ఆమెను తనవెంట తాను చేసే ఇంటి పనులకు తీసుకు వెళ్ళేది .తల్లిని యజమానులు చేసే అవమానాలను ప్రత్యక్షంగా చూసి అర్ధం చేసుకొన్నది .చిన్నప్పటి నుంచి చాలా సిగ్గు తో ఉండే బట్లర్ ఇతరపిల్లలతో కలిసేదికాదు .త్వరగా అర్ధం చేసుకోలేకపోవటమూ దీనికి తోడైంది .అందుకని పాసడోనియన్ సెంట్రల్ లైబ్రరి లో కూర్చుని పుస్తకాలు చదువుతూ ఎక్కువ కాలం గడిపేది .తనకు తోచిన విషయాలు ‘’బిగ్ పింక్ నోట్ బుక్ ‘’లో టన్నులకొద్దీ పేజీలు రాసింది .మొదట్లో ఫెయిరీ టేల్స్ మీద ఉన్న ఉ త్సాహం క్రమంగా సైన్స్ ఫిక్షన్ మేగజైన్స్ గలాక్సి సైన్స్ ఫిక్షన్ ,ఫాంటసి అండ్ సైన్స్ ఫిక్షన్ పైకి మళ్ళి,జాన్ బ్రన్నర్,జీనా హె౦డేర్సన్,థియోడర్ స్ట్రర్జియన్ లు రాసిన కథలుఅత్యంత ఆసక్తిగా చదివింది .

10వ ఏటనే తల్లిని బ్రతిమాలి రెమింగ్టన్ టైప్ రైటర్ కొనిపించి దానిపై రెండు వ్రేళ్ళతో టైప్ చేస్తూ కథలు రాసింది 12వ ఏట ‘’డెవిల్ గర్ల్ ఫ్రం మార్స్ ‘’టి వి సినిమా చూసి ,అంతకంటే అద్భుత కథ రాయగలను అని నిశ్చయించింది .తన ఆలోచనలను నోట్స్ గా రాసి ఆతర్వాత ‘’పాటర్నిస్ట్ నవలలు ‘’గా రాసింది .నల్లజాతి స్త్రీరచయితలకు ఎన్నో అడ్డ౦కులు౦టాయని తెలియని అమాయకత్వం ఆమెది .ఆంట్ హేజేల్ ‘’నీగ్రోలు రచయితలు కాలేరు ‘’అని చెప్పిన మాటలు ఆమె మనోధైర్యాన్ని ఆపలేకపోయాయి .తన జూనియర్ హైస్కూల్ సైన్స్ టీచర్ మిస్టర్ ఫాఫ్ తో తాను రాసింది టైప్ చేయించి సైన్స్ ఫిక్షన్ మేగజైన్ కు పంపించింది .

1965జాన్ మూర్ హై స్కూల్ నుంచి గ్రాడ్యుయేషన్ అయ్యాక బట్లర్ పగలు ఉద్యోగం చేస్తూ రాత్రి పసాడన్ సిటి కాలేజి లో చదివింది .కాలేజీలో జరిగిన చిన్నకథల పోటీలో గెలిచి,15డాలర్ల ప్రైజ్ మని మొదటి సారి పొంది ఆనందించింది .నవల రాయాలన్న బీజం మనసులో పడి పెరిగి’’కిన్డ్రేడ్ ‘’నవలా రచనకు దారి తీసింది .తన ఆఫ్రో అమెరికన్ క్లాస్ మేట్ నల్లవారు తెల్లవారికి కారణ రహితంగా లొంగి ఉండటాన్ని విమర్శిస్తే ఆమెకు అది ఒక కేటలిస్ట్ గా పని చేసి, వారు అలా లొంగి ఉండటానికి చారిత్రిక నేపధ్యాన్ని అధ్యయనం చేసి ఒక కథ రాసి అది’’ మౌన ధైర్య మనుగడ’’ అనే అర్ధం చెప్పింది .హిస్టరీ లో ఆర్ట్స్ డిగ్రీ 1968లో అందుకొన్నది .

తల్లికి కూతురు స్థిరమైన రాబడి వచ్చే సెక్రెటరి లాంటి ఉద్యోగం చేయాలనిఉన్నా ,కూతురు తక్కువ పని ఉండే అనేక తాత్కాలిక ఉద్యోగాలు చేసి తెల్లవారుజామున రెండు గంటలకే లేచి రచన కొనసాగించింది .లాస్ ఏంజెల్స్ లోని కాలిఫోర్నియా స్టేట్ యూని వర్సిటిలో చేరి వెంటనే ఎక్సేన్షన్ సర్వీసెస్ ద్వారా రైటింగ్ కోర్స్ తీసుకొన్నది .రైటర్స్ గిల్డ్ ఆఫ్ అమెరికా వెస్ట్ వారు మైనారిటి రచయితల కోసం నిర్వహించిన ఓపెన్ డోర్ వర్క్ షాప్ లో బట్లర్ రచనలు టీచర్లను బాగా ఆకర్షించాయి .సైన్స్ ఫిక్షన్ రైటర్ హర్లాన్ ఎరిసన్ ఆమెను ప్రోత్సహించి ‘పెన్సిల్వేనియాలో జరిగే ఆరువారాల’’ క్లారియన్ సైన్స్ ఫిక్షన్ రైటర్స్ వర్క్ షాప్ ‘’లో చేరమని ప్రోత్సహించగా చేరి ,అక్కడ రచయిత సామ్యుల్ డిలని తో స్నేహమేర్పడి జీవితాంతం కొనసాగించింది .తనమొదటి కథా సంపుటి ‘’చైల్డ్ ఫైండర్ ‘’ఆన్దాలజి రచయితఎల్లిసన్ కు అమ్మింది .అప్పటినుంచి అయి దేళ్ళదాకా సీరియల్ గా , సీరియస్ గా నవలలు రాస్తూ ‘’పాటేర్నిస్ట్ సిరీస్ గా పాటేర్నిస్ట్ మాస్టర్ ,మైండ్ ఆఫ్ మై మైండ్ ,సర్వైవర్ నవలలు రాసి కీర్తి గడించింది. తాత్కాలిక ఉద్యోగాలు మానేసి రచన యే జీవికగా చేసుకొని కిన్డ్రేడ్ నవల ,వైల్డ్ సీడ్ సిరీస్ తోపాటు 1984లో ‘’క్లేస్ ఆర్క్ ‘’కూడా రాసింది .

బట్లర్ ప్రాముఖ్యత 1984లో ‘’స్పీచ్ సౌండ్ ‘’కథకు ‘’హ్యూగో అవార్డ్ ‘’రావటం తో పెరిగి మరుసటి ఏడాది ‘’బ్లడ్ చైల్డ్ ‘’కు హ్యూగో అవార్డ్ తోపాటు లోకస్ అవార్డ్ ,సైన్స్ ఫిక్షన్ క్రానికల్ రీడర్ అవార్డ్ లు లభించటం తో దేశ వ్యాప్తమైంది .మధ్యలో అమెజాన్ రైన్ ఫారెస్ట్ యాత్ర ,ఆండర్స్ యాత్ర చేసి తన రిసెర్చ్ వర్క్ పూర్తి చేసి, వాటి ఆధారంగా’’జెనో జెనేసేస్ సిరీస్’’గా డాన్ ,అడల్ట్ హుడ్ రైట్స్ ,ఇమగో ట్రయాలజి రాసింది .ఈ కధలు 2000లో ‘’లిలిత్స్ బ్లడ్ ‘’పేరిట ప్రచురించింది .1990నుంచి నవలామణి బట్లర్ ‘’తిలక్’’ అన్నట్లు ‘’డూప్లికేట్లు క్వాడ్రూప్లికేట్లు’’గా నవలలురాసి తన రచయిత్రి స్థాయిని సుస్థిరం చేసుకొన్నది .పేరబుల్ ఆఫ్ ది టేలెంట్స్ ,పెరబుల్ ఆఫ్ ది సోవర్ ‘’ రాసి జాన్ డి అండ్ కేధరిన్ టి.మేకార్ధర్ ఫౌండేషన్ ఫెలోషిప్’’అవార్డ్ తోపాటు 2లక్షల తొంభై వేల డాలర్ల నగదు పారితోషికం కూడా పొంది ,సైన్స్ ఫిక్షన్ లో ఈ బహుమతి పొందిన తొలి రచయితగా రికార్డ్ కెక్కింది .మొత్తం మీద 20ప్రముఖ అవార్డ్ లను బట్లర్ పొందింది .

1999లో తల్లి చనిపోయాక బట్లర్ వాషింగ్టన్ లోని లేక్ ఫారెస్ట్ కు మారి౦ది .పేరబుల్ ఆఫ్ ది టేలెన్ట్స్’’కు’’ అత్యత్తమ సైన్స్ నవలగా ‘’సైన్స్ ఫిక్షన్ రైటర్స్ ఆఫ్ అమెరికాస్ నెబ్యుల అవార్డ్ ‘’వచ్చింది .మరినాలుగు పేరబుల్ నవలలు –పారబుల్ ఆఫ్ ది ట్రిక్ స్టర్,పారబుల్ ఆఫ్ ది టీచర్ ,పారబుల్ ఆఫ్ కేయాస్ ,పారబుల్ ఆఫ్ క్లే లకు ప్రణాళిక సిద్ధం చేసుకొని ,మొదటిది మొదలుపెట్టి అనేక విఘ్నాలు ఎదురవటంతో ఆసిరీస్ రాయటం ఆపేసింది .దీనికికారణం వాటి రిసెర్చ్ వర్క్ లో తీవ్రంగా మునిగిపోవటంతో డిప్రెషన్ రావటమే అని, కొంచెం తేలికపాటి రచనలు చేయాలనుకున్నానని ఒక ఇంటర్వ్యులో చెప్పింది .2005లో ఆమె రాసిన ‘’ఫీల్ద్జింగ్ ‘’చివరి సైన్స్ ఫిక్షన్ వాంపైర్ నవల .13రకాల సిరీస్ నవలలు ,రెండు స్టాండలోన్ నవలలు ,రెండు చిన్నకథల సంపుటులు ,అయిదు వ్యాసాలూ ఉపన్యాసాల సంపుటులు బట్లర్ జీవితకాలం లో రాసి ప్రసిద్ధి చెందింది .

చివరి రోజుల్లో బట్లర్ ‘’రైటర్స్ బ్లాక్ ‘’తో ,డిప్రెషన్ తో హై బ్లడ్ ప్రెజర్ తో పోరాడి అలసిపోయింది .కాని రాయటం ,క్లారియన్ సైన్స్ ఫిక్షన్ రైటర్స్ వర్క్ షాప్ కు వెళ్లి బోధించటం మాత్రం మానలేదు.ఆమె పేరు ‘’చికాగో స్టేట్ యూనివర్సిటి –ఇంటర్నేషనల్ బ్లాక్ రైటర్స్ హాల్ ఆఫ్ ఫేమ్ ‘’ లో ఘనంగా లిఖి౦ప బడింది .24-2-2006న 59వ యేట ఆక్టేవియా ఎస్టేల్లా బట్లర్ తీవ్ర గుండెపోటుతో మరణించింది .ఆమె రచన లలో సమాజ శ్రేయస్సు ,ఓర్పు ,వైవిధ్యాన్ని అంగీకరించటం ఉన్నాయి .పీడిత జాతి ఒక కస్టం నుంచి మరో దాని భరిస్తూ సహిష్ణుత కు అలవాటు పడ్డారు అంటుంది .విడిగా సంబంధం లేని గ్రూపులమధ్య బంధాలు ఏర్పడాలని, దీనికి ‘’హైబ్రేడిటి’’ the potential root of good family and blessed community life” అని సూచించింది .ఆమెపేర అవార్డ్ లు అందిస్తున్నారు .కార్ల్ బ్రాండన్ సొసైటీపేరిట బట్లర్ స్మారక అవార్డ్ ప్రతియేటా అందజేస్తూ అవార్డ్ పై ఆమె చేతితో రాసిన ‘’ “I will send poor black youngsters to Clarion or other writer’s workshops

“I will help poor black youngsters broaden their horizons

“I will help poor black youngsters go to college”

అన్న మూడు వాక్యాలు చెక్కించి అందజేస్తున్నారు .

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA Wiki : https://te.wikipedia.org/wiki/%E0%B0%97%E0%B0%AC%E0%B1%8D%E0%B0%AC%E0%B0%BF%E0%B0%9F_%E0%B0%A6%E0%B1%81%E0%B0%B0%E0%B1%8D%E0%B0%97%E0%B0%BE%E0%B0%AA%E0%B1%8D%E0%B0%B0%E0%B0%B8%E0%B0%BE%E0%B0%A6%E0%B1%8D
This entry was posted in రచనలు and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.