మా నిడదవోలు పర్యటన

 

మా నిడదవోలు పర్యటన

సరసభారతి శ్రీ శార్వరి ఉగాది వేడుకలలో 22-3-20న మా తలిదండ్రులు కీశే .విద్వాన్ శ్రీ  గబ్బిట మృత్యుంజయ శాస్త్రి  శ్రీమతి భవానమ్మ దంపతులస్మారక ఉగాది పురస్కారాలను కరోనా లాక్ డౌన్ వలనవాయిదా వసి  అందించలేక పోయాం .నిన్నజూన్ 27శనివారం రాత్రి  మా శ్రీ సువర్చలాన్జనేయస్వామి వారి దేవాలయం లోస్థానికంగా ఉన్న వారికి స్వయం సిద్ధ ,శ్రమశక్తి పురస్కారాలు అందజేశాం . మూడు నెలలనుంచీ నిడదవోలు లోని డాశ్రీమతి చర్ల మృదుల డా ,విదుల (చర్ల సిస్టర్స్ )  మా తలిదండ్రుల స్మారక పురస్కారం ఇద్దామనుకోవటం ,లాక్ డౌన్ పొడిగించటం వలన చేయలేకపోయాం  .వారిని పిలవకుండా ముందే చెప్పి ఈ రోజు 28-6-20 ఆదివారం నేనూ మాశ్రీమతి ,మా మూడవకోడలు శ్రీమతి రాణి ,నాల్గవ అబ్బాయి రమణ కారులో ఉదయం  స్నాన సంధ్య పూజాదికాలు టిఫిన్ కాఫీలు అయ్యాక 7-30కు బయల్దేరి ,తాడేపల్లి గూడెం ,ప్రత్తిపాడు మీదుగా నిడదవోలు కు ఉదయం 10-45కు చేరి శ్రీమతి చర్ల సుశీల  వృద్ధాశ్రమానికి చేరగా చర్ల సిస్టర్స్ మాకు పుష్ప గుచ్ఛాలతో ఆత్మీయంగా స్వాగత౦ చెప్పి ,మమ్మల్నిదగ్గరలో ఉన్న  జువ్వలపాలెం లోని శ్రీమతి చర్ల విదుల ,మృదుల మాధురి మినీ ఫంక్షన్ హాల్ కు తీసుకు వెళ్ళారు .ఈ హాల్ ఈమధ్యనే నిర్మాణం పూర్తయిందని ,ఇదే మొదటి కార్యక్రమం అనీ తెలియ జేసి దీన్ని నా పుట్టిన రోజు పండుగగా చేయాలని అనుకొని చేస్తున్నామని చెప్పి ,మమ్మల్ని అవాక్కయేట్లు చేశారు .వారిని  సన్మానించాలని  మేము వెడితే ,నాకు సన్మానం అనటం వింతగా అనిపించి వారి సహృదయతకు ధన్యవాదాలు చెప్పాను .మేము రావటం వారెంతో ఆన౦దంగా భావించారు  .ముందే ప్రభుత్వం పర్మిషన్(50కి మించకుండా ) కూడాతీసుకొని నిర్వహిస్తున్న కార్యక్రమ౦ . సాంఘిక దూరం పాటిస్తూ కుర్చీలు, సానటైజేషన్,మాస్కులు తో పకడ్బందీ గా ఏర్పాటు  చేసి అందరీ  అభినందనలు పొందారు నిర్వాహకులు .వీరికి స్థానిక లయన్స్ క్లబ్ అధ్యక్షురాలు శ్రీమతిమంత్రిప్రగడ మాధవి ,లయన్స్ క్లబ్ చైర్మన్ శ్రీ బండి వెంకటేశ్వరరావు ,స్థానిక సిటీ  కేబుల్ నిర్వాహకులు  మా రమణకు ఫేస్ బుక్ దోస్త్  శ్రీ భాను ,తారకాపురి పత్రిక సంపాదకురాలు, విదుషీమణి అనేక అవార్డ్ ల విన్నర్ ,సంగీత సరస్వతి శ్రీమతి నారుమంచి వాణీ ప్రభాకరి మొదలైనవారు చక్కగా సహకరించారు .మా అందరికి వేడి వేడి ఇడ్లి గారే టిఫిన్ పెట్టి కాఫీ ఇచ్చాక కార్యక్రమం ప్రారంభమైంది .

  ఉదయం 11-30కు ప్రార్ధనతో కార్యక్రమం మొదలైంది .చర్ల సిస్టర్స్ ను ,మా దంపతులను ,మాకోడలు రాణి ని కూడా వేదిక పై ఆహ్వాని౦చారు .అప్పుడు నేను గోదావరిజిల్లా రచయితల సంఘం అధ్యక్షుడు శ్రీ శిస్టు రాజేష్ ,తణుకు నుంచి వచ్చిన శ్రీ మతి ప్రభాకరి గార్లకు స్వయం సిద్ధ పురస్కారాలు ఇవ్వటానికి ముందే ఆహ్వానించి చెప్పానని చెప్పి, వారిద్దరినీ వేదికపైకి సగౌరవంగా ఆహ్వానింప జేశాను .సభకు అధ్యక్షత వహించిన  శ్రీమతి విదుల సభ ఉద్దేశ్యం చెప్పి నాకు ఇక్కడ సన్మానం చేసి ఫంక్షన్ హాల్ ను ప్రారంభం చేయటం తమకందరకు మహదానందంగా ఉందని చెప్పారు .తర్వాతనన్ను మాట్లాడమన్నారు.నేను మాట్లాడుతూ నాకు ఇక్కడ సన్మానం జరుగుతుందని అసలు తెలియదనీ ,కాని ఇంతటి అభిమానం చూపిస్తున్నందుకు తప్పక ఒప్పుకు౦టున్నానని ,సరస్వతీ మూర్తులు,విదుషీమణులు,సేవాపరాయణులు చర్ల సిస్టర్స్ -వారి తండ్రిగారు మహాపండితులు ,భారత రామాయణ వేదోపనిషత్తుల లోతులు తరచి బహు గ్రంథాలురచించిన కళాప్రపూర్ణ ,ఆర్ష విద్యా పరిషత్ స్థాపకులు  బ్రహ్మశ్రీ చర్ల గణపతి శాస్త్రి గారి  సాహిత్య సేవను  ,తమతల్లిగారు శ్రీమతి చర్ల సుశీల గారికి నిరుపేదల ఉన్నతి పై,  వారి ఆహార వసతులకల్పనపై  ఉన్న,అపారమైన దీక్షనూ,ఆమె పేరిట ఏర్పాటు చేసిన వృద్ధాశ్రమాలను సమర్ధవంతంగా నిర్వహిస్తున్నందునవారిని  ఉయ్యూరుకు ఆహ్వానించి సత్కారం చేయాలనుకొన్నామని ,అదికుదరక మేమే వచ్చి ఇక్కడ అభిమానుల సమక్షం లో చేస్తున్నామనీ,అలాగే సంగీత సాహితీ సరస్వతి శ్రీమతి వాణిగారికీ ,గోరసం అధ్యక్షుడు యువ చైతన్యం  రాజేష్ కు ఈ వేదికపై సన్మానించటం సంతోషంగా నదని చెప్పి  ముందుగా మాసన్మానం స్వీకరించి ఆతర్వాత  వారు సన్మానం నాకు చేస్తే సముచితంగా ఉంటుందని నచ్చచెప్పి అలాగే చేశాం .చర్ల సిస్టర్స్ కు ఇద్దరికీ వేర్వేరుగా చీరా,జాకెట్లు  ,జాయంట్ గా శాలువా, జ్ఞాపిక, సరసభారతి ఉగాది ఆవిష్కరణ 3పుస్తకాల తోపాటు మిగిలిన 12పుస్తకాలు ,ఫలాలతో అందించాం .వారిఅకు౦ఠిత సేవకు సరసభారతి 15 వేలరూపాయలు అందజేస్తోందనీ ,మేము ఇస్తున్నామని తెలిసి హైదరాబాద్ లో ఉన్న మా రెండవ బావగారు శ్రీ వేలూరి వివేకానందగారు ,మా అక్కయ్య కీ.శే .శ్రీమతి వేలూరి దుర్గ గారి స్మారకార్ధం 5 వేలరూపాయలు అందించమని చెప్పి దాన్ని మాఅక్కగారి తిథి ‘’చైత్ర బహుళ ద్వాదశి’’ నాడు ఆమెపేర అన్నదానం చేయమని ,ఒకకవర్ లోపెట్టిన ఆడబ్బు ,బావ గారి అడ్రస్ ,ఫోన్ నంబర్  ఉన్నకవర్ ను ,ఆతర్వాత ఈ విషయం తెలిసి మా అబావగారి అన్నగారి అబ్బాయి అమెరికా లో ఉంటున్న శ్రీ వేలూరి పవన్ తమ తండ్రిగారు కీ.శే. వేలూరి ముకు౦ద౦ గారి ‘’తిధి జులై2 ‘’న ఆయనపపేరిట అన్నదానం  నిర్వహించమని నాకు పంపిన 10వేలరూపాయలున్నకవర్ అతని అడ్రస్ ఈమెయిల్ వాట్సాప్ నంబర్ తో సహా రాసి మొత్తం 30వేలరూపాయలు వృద్ధాశ్రమ నిర్వహణకు విరాళంగా చర్ల సిస్టర్స్ కు’’ సరస భారతి’’ ద్వారా  అందజేయగా హర్షధ్వానాలు మిన్ను ముట్టాయి .ఇలా ఇస్తున్నట్లు వేదికపై చెప్పటమే కానీ అంతు ముందు ఎప్పుడూ నేను వారికి తెలియజేయకుండా రహస్యంగా నే ఉంచాను .తర్వాత ప్రభాకరిగారికి చీర జాకెట్ ,పళ్ళు ,జ్ఞాపిక సరసభారతి పుస్తకాల సెట్ ,2వేల రూపాయల నగదు పురస్కారం తో శాలువా కప్పి సత్కరించాం .రాజేష్ కు కూడా మొత్తం పుస్తకాలు జ్ఞాపిక,పాంట్, షర్ట్,పళ్ళు 2వేలరూపాయల నగదు తో శాలువా కప్పి అందించాము .తర్వాత చర్ల సిస్టర్స్ మాదంపతులకు శాలువావగైరాలతో ,మాకోడలికి కూడా అలాగే సన్మానం చేశారు .అందరం ఉచిత రీతిగాసమాధానం చెప్పాం .లయన్స్ క్లబ్ ప్రెసిడెంట్ మాధవి ,చైర్మన్ వెంకటేశ్వరరావు ,సిటీ కేబుల్ నిర్వాహకులు భానుగార్లకు కూడా పుస్తకాలు శాలువా జ్ఞాపికలతో సత్కరించాము .విశాఖ నుంచి ఈకార్యక్రమ చూడటానికి వచ్చిన ఆక్కడి లయన్స్ క్లబ్ ప్రెసిడెంట్ గారికీ ,ఇక్కడే పరిచయమైనా మా ఇంటి పేరువారైన శ్రీ గబ్బిట గోపాలకృష్ణమూర్తిగారికి  పై విధంగానే సరసభారతి సత్కారం చేశాం .

  తర్వాత అందరికి కమ్మని విందు భోజనం ఏర్పాటు చేశారు .భోజనాలయ్యాక  మమ్మల్ని నిడదవోలు ఆశ్రమానికి తీసుకు వెళ్లి చర్ల సిస్టర్స్ అక్కడి ఆశ్రమ వాసుల సమక్షం లో నాపుట్టిన రోజు వేడుక జరిపి ‘’హాపీ బర్త్  డే పాటను ఒక అందురాలితోశ్రావ్యంగా పాడింఛి శాలువాకప్పి అభిమానం చాటారు .ఒకేరోజు రెండు చోట్ల రెండు సన్మానాలు అందుకొన్న అదృష్టవంతుడనయ్యాను  .వీరందరి ఆత్మీయత అనురాగాలు మరచిపోలేనివి .మృదుల గారు ఒక విషయం చెప్పారక్కడ .ఈ ఆశ్రమానికి ఆనుకొని ఉన్న ఖాళీ స్థలం ను యామానితో తమ ఆశ్రమానికి అమ్మమని కోరితే స్పందనలేకపోవటమే కాకు చాలా హెచ్చు రేటు చెబుతున్నారనీ ,కానీ ఇవాళ నేను వచ్చిన వేళా విశేషమేమిటోకానీ  ఆ యజమాని తానే ఫోన్ చేసి అమ్మటానికి రెడీ అన్నారని సంతోషంగా చెప్పారు. శ్రీబండీ వారిని దీనికి డబ్బు ఎలా సమకూరుస్తారు అని అడిగా .ఇంతగొప్ప సేవ చేస్తున్న చర్ల సిస్టర్స్ అంటే అందరికీ  గొప్ప అభిమానం అనీ ,ఎవరో దాతలు వారంతకువారే ముందుకొచ్చి కొని, అందజేస్తారనీ అన్నారు .అలా త్వరలో జరిగి ఆస్థలం ఆశ్రమానికి  దక్కేట్లు చేయమని మనసారా భగవంతుని కోరుతున్నాను.

 అక్కడ నుంచి మమ్మల్ని 20కిలో మీటర్ల దూరం లో ఉన్నమల్లవరం  వృద్ధాశ్రమానికి తీసుకొని వెళ్లి చూపించారు .ఇక్కడికి మహాత్మాగాంధీ 1927న వచ్చారట .అప్పుడు శ్రీ చర్ల గణపతి శాస్త్రిగారు గాంధీకి స్వాగతం చెప్పారట .అందుకే అక్కడ గాంధీగారి విగ్రహం పెట్టారు .నాకు ‘’శ్రీ సీతా రామ  లక్ష్మణ ఆంజనేయసమేత’’ చిన్న విగ్రహాన్ని ఈ ఆశ్రమం లో బహూకరించి అభిమానం చాటారు .  .పచ్చని పంటపొలాలమధ్య ఉన్న ఈఆశ్రమం కనులకు విందు చేస్తుంది .ఇక్కడ ఆశ్రమానికి పొలం కూడా ఉందని వ్యవసాయం చేయించి ఆపంటాను కాయగూరలను పళ్లనూ  ఆశ్రమాలకు వాడుతామని  మృదులగారు చెప్పగా మరింత ఆశ్చర్యమేసింది .అక్కడి ప్రకృతిని చూసి పులకిస్తాం .వృద్ధులకు సగం ఆరోగ్యం ఈ వాతావరణ౦ తోనే బాగు పడుతుంది  అనిపించింది . మృదులగారు ఇక్కడ, విదులగారు నిదదవోలుఆశ్రమ లో ఉంటూ నిర్వహిస్తున్నారు .మీటింగులు ఉంటె కలుస్తూ ఉంటారు .అందరికీ వీడ్కోలు చెప్పి మధ్యాహ్నం 2గంటలకు బయల్దేరి సాయంత్రం 5-15కు ఉయ్యూరు చేరి ,మృదుల,వాణీ గార్లకు ,రాజేష్ కు ఫోన్ చేసి చేరినట్లు చెప్పాను .మృదులగారిని ఆశ్రమ విషయాలు అడిగి తెలుసుకొని నోట్ చేసుకొన్నా .ఆ వివరాలన్నీ ఇప్పుడు సంక్షిప్తంగా మీకు తెలియజేస్తాను .

 శ్రీమతి చర్ల సుశీల వృద్ధాశ్రమం –నిడదవోలు

స్వాతంత్రోద్యమకాలం లో గాంధీ బోధనలకు ఆశయాలకు ప్రభావితులైన శ్రీ చర్ల గణపతి శాస్త్రిగారు 1953లో కస్తూరీబాయి మహిళా సమాజం స్థాపించారు  .శాస్త్రిగారికి భార్య శ్రీమతి సుశీల సేవలు తోడ్పాటు బాగా ఉండేది .కార్యక్రమాలలోనూ , స్త్రీ జనోద్దరణ,,స్వయం ఉపాధికల్పన ,నిరాశ్రయులను ఆదుకోవటం లోనూ  చురుకుగా పాల్గొనేవారు .ఆమె రైల్వే స్టేషన్ కు మిగిలిన చోట్లకు వెళ్లి తిండిలేని నిరుపేదలను ఇంటికి ఆహ్వానించి వారికి కదపు నిండా తిండి పెట్టి పంపేది .ఇది గ్రహించిన  భర్త శాస్త్రిగారు ఆమె సేవకు అందుబాటులో ఉండేట్లు కసూరిబాయి ఆశ్రమాన్ని స్థాపించారు .స్త్రీలకూ కుట్టు పనులలో  ,హిందీ,టైలరింగ్ లో  శిక్షణ ఇస్తూ మహిళలను చైతన్యవంతుల్ని చేశారు కుమార్తెలు చర్ల సిస్టర్స్ .

  చర్ల విదుల ,మృదుల సిస్టర్స్ హిందీ లెక్చరర్స్ గా పని చేసి రిటైరయ్యారు .తండ్రిగారు హిందీలో మహా నిష్ణాతులైన పండితులు .కస్తూరిబాయి మహిళా సమాజం ప్రాంతం లో 2000లో శ్రీమతి చర్ల సుశీల వృద్ధాశ్రమం స్థాపించి సిస్టర్స్ నిరాటంకంగా దాతల, వదాన్యుల సహకారంతో నిర్వహిస్తున్నారు 20ఏళ్ళనుంచి .ప్రస్తుతం 250మందికి పైగా ఆశ్రయం కలిపించి ,దగ్గరలో ఉన్న చాగల్లు ,మల్లవరం ,కొవ్వూరు ,తూగోజి బొబ్బర్లంక ప్రాంతాలలో శాఖలు ఏర్పరచి అన్నిటినీ అత్యంత సమర్ధంగా  నిర్వహిస్తూ  సమాజంలో నిస్వార్ధ సేవకు మంచి పేరు పొందారు.స్థానిక ప్రజలు ,సేవా దృక్పధమున్నవారు శక్తికొలది వీరికి సాయమందిస్తున్నారు .ప్రచార మాధ్యమాలు నిడదవోలు సిటీ కేబుల్ మొదలైన దాతలే కాకుండా,అమెరికాలో ఉంటున్న’’ స్వామిని లలితానంద మాతాజీ ‘’,నేతృత్వంలోని ‘’ఆత్మ విద్యాశ్రమం ,‘ తత్వవిధానంద ‘’ స్వామీజీ మొదలైన మానవీయ మూర్తులు ప్రత్యేక శ్రద్ధ తీసుకొని భూరి విరాళాలను అందజేయటమేకాక అందింప జేస్తున్నారు ,బిల్డింగులు నిర్మించి సాయం చేస్తున్నారు ,నిర్వహణలో ముఖ్యపాత్ర వహిస్తున్నారు  .స్వామీజే ఒక రొం ను తమపూర్వాశ్రమ కుమార్తెకోసం కట్టించారిక్కడ. పరిసర గ్రామ ,మండలాల ప్రజలూ తమవంతు సహాయం చేస్తున్నారు .పుట్టిన రోజులు  ,పెళ్లిరోజులు ,పెద్దల జ్ఞాపకాలను (తిధులు)కూడా ఈ సంస్థద్వారా నిర్వహింప జేసుకొంటున్నారు   .సేవకే అంకితమైన ఈ  సంస్థ అనేక జాతీయ అవార్డులు , సాంస్కృతిక  సంస్థల అవార్డులు అందుకొన్నది .ప్రముఖులు స్వచ్చందంగా వచ్చి సన్మానిస్తున్నారు .

ఆశ్రమ వాసులకే  కాకుండా రోడ్ల ప్రక్కన ,బస్టాండ్ ,రైల్వే స్టేషన్ లోనూ ఉండే వృద్ధులు  ,వికలాంగులకు ఉదయ౦ అల్పాహారం ,రెండు పూటలా భోజనం మొబైల్ వాన్స్ ద్వారా అందించట౦ అత్యంత శ్లాఘనీయం . సేవకు పరాకాష్ట.’’పరమాత్మ కలడందురు దీనులయెడ’’అంటారు . దరిద్ర నారాయణసేవ సేవకంటే ఉత్తమమైనదిలేదు .చర్ల సిస్టర్స్ లయన్స్ క్లబ్ అధ్యక్ష కార్యదర్శులుగా పని చేయటం వలన, లయన్స్ మిత్రులువారి గౌరవార్ధం  ‘’లయన్ డాక్టర్ చర్ల విదుల ,లయన్ డాక్టర్ చర్ల మృదుల లయన్స్  వృద్ధాశ్రమం ‘’ఏర్పాటు చేయటంతో ఈ సంస్థద్వారాకూడా వృద్ధ జనుల సేవ విస్తరణ జరుగుతో౦ది .

  చర్ల వారి వృద్ధాశ్రమం లోగో ‘’ఆర్జించిన ధనానికి దానమే కవచం ‘’చాలా ఆకర్షణీయంగా ప్రేరణాత్మకంగా,స్పూర్తి దాయకంగా ఉంది .వదాన్యులు దీన్ని సద్విని యోగం చేసుకోవాలని మనవి .

   ఈశ్రమాన్ని చూశాక 2012లో మేము అమెరికా నార్త్ కారోలీనా లోని మా అమ్మాయి వాళ్ళు ఉంటున్న షార్లెట్ నగరానికి వెళ్ళినప్పుడు అక్కడ ‘’CARRINGTON CARES’’  అనే వృద్ధాశ్రమాన్ని చూసి  అక్కడి నిర్వాహకుల  సేవాతత్పరతకు చలించి ‘’ఆశోపహతుల పాలిటి హరి విల్లు -’CARRINGTON CARES’’  అనే వ్యాసాన్ని నా అమెరికా డైరీ లో రాసిన విషయం గుర్తుకు వచ్చింది .దీన్నే ‘’షార్లెట్ సాహితీ మైత్రీ బంధం ‘’అనే నేను రాసిన పుస్తకం లో కూడా చేర్చాను .ఈ సంస్థకూడా దానికి దీటైనదే .

  1953లో బాలిక విద్య ఉపాధి కోసమే ఏర్పాటైన  నిడద వోలు సంస్థ క్రమ వికాసం పొంది నేడు వృద్ధులందరికీ ఆశ్రయమయింది .ఇక్కడ ఏ భేదభావమూలేదు..అందరికీ సమ న్యాయం జరుగుతుంది .70,80ఏళ్ళు దాటినా వృద్ధులను ఏ ఆశ్రమం తీసుకోవటం లేదు కాని ఇక్కడ చర్ల సిస్టర్స్  వారినికూడా ఆహ్వానించి డాక్టర్ నర్సు ఏర్పాటు చేసి ఆరోగ్య విషయాలు చూస్తూ అన్ని సదుపాయాలూ కల్పిస్తున్నారని శ్రీ బండి వారు నాతో చెప్పారు  . ఎంతటి ఉత్కృష్ట సేవ చేస్తున్నారో అని అభినందించాను .1976లో మల్లవరం ఆశ్రమం ప్రారంభమైంది .డబున్నవారు తమ పేరిట ఒక రూము కట్టించుకొని  ఉంటున్నారు .భరి౦చగలవారు  రూమును బట్టి  నెల అద్దె చెల్లించి మిగతా సదుపాయాలన్నీపొందవచ్చు .1996లో చాగల్లు ,2010లో బొబ్బర్లంక ,2016లో రామచంద్రాపురం వృద్ధాశ్రమాలు ప్రాంభమై నడుస్తున్నాయి .వీటన్నిటి నిర్వహణకు నెలకు సుమారు 2లక్షల రూపాయలు ఖర్చు అవుతుందని మృదులగారు చెప్పారు .ఇన్ని సంస్థలను 81ఏళ్ళ విదులగారు,ఆమెకంటే కొంచెం చిన్నవారైన మృదుల గారు అనుక్షణ పర్యవేక్షణతో నిర్వహిస్తున్నారు అంటే వారిలో ‘’ఏదో దైవీ శక్తి ‘’ఉన్నదనిపిస్తుంది.విదుల గారికి భగవద్గీత  దానికి, వారినాన్నగారి వ్యాఖ్యానం స్పూర్తి .నిరంతరం ఆ శ్లోకాలు భావాలూఆమె  మాటలలో దొర్లుతుంటాయి .సిస్టర్స్ వేరేకాని ఇద్దరి ఆత్మ ఒక్కటే .ఒకే నాణానికి బొమ్మా బొరుసు వారిద్దరూ .ఇంతటి విశిష్ట సేవానిరతులను ఇవాళ మేము చూసినందుకు మా జీవితాలు ధన్యత చెందాయని భావిస్తున్నాను .చర్ల సోదరీమణులు ‘’మహిళా జాతి మాణిక్యాలు ‘’   .

 మీ- గబ్బిట దుర్గాప్రసాద్ -28-6-20-ఉయ్యూరు

https://wp.me/p1jQnd-cur

 

 

 

 

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA Wiki : https://te.wikipedia.org/wiki/%E0%B0%97%E0%B0%AC%E0%B1%8D%E0%B0%AC%E0%B0%BF%E0%B0%9F_%E0%B0%A6%E0%B1%81%E0%B0%B0%E0%B1%8D%E0%B0%97%E0%B0%BE%E0%B0%AA%E0%B1%8D%E0%B0%B0%E0%B0%B8%E0%B0%BE%E0%B0%A6%E0%B1%8D
This entry was posted in సభలు సమావేశాలు and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.