పూలదండకు మరణ శిక్షా ? 

కలలు కనమని చెప్పి యువతను తీర్చిదిద్దిన

భారత రత్న అబుల్ కలాం పై నీ ఆరాధనా భావం

అసూయకు దారితీసిందా శివదాసన్ !

కొచ్చీ మెరైన్ డ్రైవ్  వీధిలోనే పడుకుంటూ

నిత్యం కలా౦భాయ్ విగ్రహానికి ఏమీ ఆశించక

నీఖర్చుతో పూలమాల వేసి సంతృప్తి చెందే

నీపైనే అసూయా ? ఎంత దారుణం ?

మనుషులున్న సమాజం లోనే జీవిస్తున్నామా  ?

నువ్వేదో కీర్తి సంపాదిస్తున్నావన్న అసూయ

గూడుకట్టుకొని నిన్నే హత్య చేశాడా ఆ కిరాతకుడు ?

మాటు వేసిదారి కాచి చంపేశాడా?

‘’సమసమాజం వల్లించే’’ పాలనలోనే జరిగిందంటే  

తల్లడిల్లిన మనసుతో తలవంచుకొంటున్నాను

శివ దాసన్ ! నీకు నా  కన్నీటి కైమోడ్పు.

ఆధారం -ఇవాల్టి జ్యోతిలో వార్త చదివాక కలిగిన స్పందన

మీ-గబ్బిట దుర్గా ప్రసాద్ -21-12-20-ఉయ్యూరు

—