గుర్రపు స్వారిలో బంగారుపతకం పొందిన ప్రస్తుత బ్రిటన్ రాణీ అధికారప్రతినిది –రాయల్ ప్రిన్సెస్ అన్నే-(వ్యాసం)– గబ్బిట దుర్గా ప్రసాద్

గుర్రపు స్వారిలో బంగారుపతకం పొందిన ప్రస్తుత బ్రిటన్ రాణీ అధికారప్రతినిది –రాయల్ ప్రిన్సెస్ అన్నే-(వ్యాసం)– గబ్బిట దుర్గా ప్రసాద్

01/08/2021గబ్బిట దుర్గాప్రసాద్

పుట్టుక:

బ్రిటన్ చక్రవర్తి ఆరవ జార్జి పాలనాకాలం లో క్లియరెన్స్ హౌస్ లో 1950 ఆగస్ట్ 15 న డచెస్ ఆఫ్ ఎడింబర్గ్ ప్రిన్సెస్ ఎలిజబెత్ కు , డ్యూక్ ఆఫ్ ఎడింబర్గ్ ఫిలిప్ కు అన్నే జన్మించింది .ఆమె పుట్టిన సమయం లో హైడ్ పార్క్ లో 21 గన్ సాల్యూట్ చేశారు .బకింగ్ హాం పాలెస్ లోని మ్యూజిక్ రూమ్ లో అన్నే అక్టోబర్ 21న క్రైస్తవమత స్వీకారం జరిపారు .బ్రిటిష్ రాజవంశం లో సి౦హాసనాధిపత్యానికి అర్హత కలవారిలో ఆమె తల్లి ప్రిన్సెస్ ఎలిజబెత్ ,అన్న చార్లెస్ తర్వాత అన్నే మూడవ స్థానం లో ఉన్నారు .తల్లికి రాజ్యాదిపత్యం వచ్చాక ఈమెది రెండవ స్థానం అయింది .ఇప్పుడు ఆమె స్థానం 16.

విద్య:

అన్నే పరిరక్షణ,విద్యలకు బాధ్యతను గవర్నెస్ కేధరీన్ పీబుల్స్ కు అప్పగించారు .ఈమె చార్లెస్ కూ గవర్నెస్ గా అంతకు ముందు ఉండేది .ఆరవ జార్జి మరణం తర్వాత తల్లి రెండవ ఎలిజబెత్ 1953జూన్ లో ఇంగ్లాండ్ రాణి అయింది .తల్లి పట్టాభిషేకాన్ని మూడేళ్ళ అన్నే చూడలేదు .గర్ల్స్ గైడ్ కంపెని అనే మొదటి బకింగ్హాం పాలెస్ కంపెని 1963లో ఏర్పడింది .దీనితో తన వయసుపిల్లలతో గడిపే అవకాశం అన్నేకు కలిగింది.1963లో బెనే౦డేన్ స్కూల్ లో చేరి ,1968లో 6GCEO లెవెల్స్ సాధించి మానేసింది .1969లో రాయల్ ఎంగేజ్ మెంట్స్ లో 18ఏళ్లవయసులో పాల్గొనటం ప్రారంభించింది .

విఫల ప్రేమ:

1970లో అన్నే ఆండ్రూ పార్కర్ బోవేల్స్ తో సంబంధాలు పెట్టుకాగా ,ఆతర్వాత అతడు కేమిల్లా స్ట్రా౦డ్ ను పెళ్లాడగా ,ఆతర్వాత ఆమె అతడినివదిలేసి అన్నే అన్నప్రిన్స్ చార్లెస్ ను ద్వితీయం చేసుకొంది.

గుర్రపు స్వారి:

1971లో ప్రిన్స్ అన్నే రషాల్ హార్స్ ట్రయల్స్ లో నాలుగు పూర్తి చేసింది .21ఏళ్ల వయసులో ‘’యూరోపియన్ ఈవెంటింగ్ చాంపియన్ షిప్’’గోల్డ్ మెడల్ తో సాధించి,1971’’ బిబిసి స్పోర్ట్స్ పర్సనాలిటి ‘’గా గుర్తింపు పొందింది . గ్రాండ్ మిలిటరీ స్టీప్లె చేజ్ గుర్రపు పందాలు లో గెలిచింది .వరుసగా అయిదేళ్ళు బ్రిటిష్ ఈవె౦టింగ్ టీం లో పాల్గొని గెలిచింది 1972లో కాలికి దెబ్బతగిలిన తన ప్రియతమగుర్రం’’ డబ్లేట్ ‘’తో ‘’బాడ్మింటన్ హార్స్ ట్రయల్స్’’ లో పాల్గొని టీం తరఫున ,తన స్వంతంగానూ సిల్వర్ మెడల్స్ ను 1975 యూరోపియన్ ఈవెంటింగ్ చాంపియన్ షిప్ పోటీలలో గెలుపొంది సాధించింది .1976 లో మాంట్రియాల్ లో జరిగిన ఒలింపిక్స్ గేమ్స్ లో మెంబర్ ఆఫ్ ది బ్రిటిష్ టీం లో ప్రిన్స్ అన్నేక్వీన్ హార్స్ ‘’గుడ్ విల్ ‘’పై స్వారీ పోటీ లోపాల్గొన్నది .పోటీ మధ్యలో బలమైన దెబ్బతగిలి స్పృహ కోల్పోయింది కానీ ధైర్యంతో మళ్ళీ గుర్రమెక్కి ఈవెంట్ పూర్తి చేసింది .కాని స్పృహలోకి వచ్చాక తాను జంప్స్ ఎలా చేశానో గుర్తుకు రావటం లేదని ఆతర్వాత చెప్పింది .1979 బాడ్ మింటన్ హార్స్ ట్రయల్స్ లో ఆరవ స్థానం పొందింది .1985లో ఎప్సాం డేర్బిలో జరిగిన ‘’చారిటి హార్స్ రేస్’’లో పాల్గొని ఫోర్త్ వచ్చింది .1986నుంచి 94వరకు ‘’ఫెడరేషన్ ఈక్వెస్ట్రి ఇంటర్ నేషనేల్ ‘’కు ప్రిన్స్ అన్నే ప్రెసిడెంట్ గా ఉన్నది .1987 ఫిబ్రవరి 5న’’ ఎ క్వస్చిన్ ఆఫ్ స్పోర్ట్ పై ‘’బిబిసి టెలివిజన్ పానెల్ గేం క్విజ్ షో లో రాజ కుటుంబం లోని మొట్టమొదటి వ్యక్తిగా ప్రిన్స్ అన్నే పాల్గొని చరిత్ర సృష్టించింది .

వివాహం:

ఫస్ట్ క్వీన్స్ డ్రాగన్ గార్డ్స్ లెఫ్టినెంట్ మార్క్ ఫిలిప్స్ 1966లో ఒక పార్టీ లో కలిసి మనసు పారేసుకొంది .1973 నవంబర్ 14న ఇద్దరికీ పెళ్లి ‘’ వెస్ట్ మినిస్టర్ ఆబే ‘’లో టెలివిజన్ సెరిమనిగా 100మిలియన్ల ఆడియెన్స్ చూస్తుండగా వైభవంగా జరిగింది.గేట్ కొమ్బే పార్క్ లో దంపతులు కాపురం పెట్టారు .ఏదోఒక రాజ చిహ్నం లేకపోతె బ్రిటిష్ రాయల్ కుటుంబం లోకి ఆహ్వానం ఉండదుకనుక ఆయనకు ‘’ఎరల్ ‘’టైటిల్ ఇస్తామని రాజకుటుంబం చెప్పినా,ఫిలిప్ మర్యాదగా తిరస్కరించాడు అందుకే వీరిద్దరికీ పుట్టిన పిల్లలు పీటర్ , జారా ఫిలిప్ లకు ఏటైటిల్స్ ఉండవు . అన్నే దంపతులకు అయిదుగురు మనవలు మనవరాండ్రు

రాయల్ ప్రిన్సెస్:

.1989ఆగస్ట్ 31న అన్నే దంపతులు విడిపోతున్నట్లు ప్రకటించారు .పబ్లిక్ లో కలిసి పెద్దగా కనిపించకపోయినా ఒకరిపై మరొకరికి ప్రేమానురాగాలున్నాయి .విడాకులు తీసుకోము అని ముందు ప్రకటించినా రాయల్ పాలెస్ 1992ఏప్రిల్ 13వ అన్నే విడాకులకు నోటీస్ ఇచ్చిందని ప్రకటించి ,పది రోజుల్లో మంజూరు చేసింది .

ఆతర్వాత రాయల్ నేవీలో యాచ్ బ్రిటానికా లో కమాండర్ అయిన టిమోతీ లారెన్స్ ను అన్నే ప్రేమించి 1992 డిసెంబర్ 12న పెళ్లి చేసుకొన్నది. అతన్ని ‘’ఈక్వేర్రీ టుది క్వీన్ ‘’గా అపాయింట్ చేశారు .విక్టోరియా రాణీ మనవరాలు ప్రిన్సెస్ విక్టోరియామెలిటా తర్వాత రాజకుటుంబం లో మళ్ళీ ఒక డైవోర్సీ కి పెళ్లి జరిగింది ఇప్పుడే .

అధికార బాధ్యతలు:

తల్లి ఎలిజబెత్ తరఫున కామన్ వెల్త్ సార్వభౌమాధికారం లో అన్నే అనేక కార్యక్రమాలలో క్షణం తీరికలేకుండా పాల్గొంటుంది .2017 డిసెంబర్ లో ప్రిన్సెస్ రాయల్ అయిన అన్నే తనతల్లి తోపాటు మొత్తం రాజకుటుంబబాధ్యతలను చేబట్టింది .రాణి తరఫున నార్వే, జమైకా జర్మని ,ఆస్ట్రియా న్యూజిలాండ్ ,ఆస్ట్రే లియా దేశాలు సందర్శించింది .1969లో మొదటిసారిగా ఎడ్యుకేషనల్ అండ్ ట్రెయినింగ్ సెంటర్ ను తల్లితరఫున ప్రారంభించి పబ్లిక్ లో కనిపించింది .రెండు వందలకు పైగా చారిటీస్ ,ఆర్గనైజేషన్స్ తో సంబంధాలున్నాయి .సేవ్ ది చిల్డ్రన్ ‘’సంస్థ కు యాభై ఏళ్లుగా అధ్యక్షురాలు .ఆమెసేవలకు నోబెల్ పీస్ ప్రైజ్ కోసం1990 లో జాంబియా ప్రెసిడెంట్ కెన్నెత్ కౌండా ప్రతిపాదించాడు., . ‘’దిప్రిన్సెస్ రాయల్ ట్రస్ట్ ఫర్ కేర్స్,చార్టెడ్ఇన్ ష్టిట్యూట్ ఆఫ్ లాగిస్టిక్స్ అండ్ ట్రాన్స్ పోర్ట్ ,రాయల్ పేట్రన్ ఆఫ్WISE,సెయింట్ జాన్ అంబులెన్స్ ,లండన్ ఆర్గనైజింగ్ కమిటీ ఫర్ ఒలింపిక్స్ ‘’,బ్రిటిష్ యూనివర్సిటి అండ్ కాలేజెస్ ‘’వంటి విశిష్ట సంస్థలను అన్నే సమర్ధంగా నిర్వహిస్తోంది .

యూనివర్సిటి చాన్సలర్ ,ఫెలో:

1981లో క్వీన్ మదర్ రిటైరవ్వగా లండన్ యూనివర్సిటి గ్రాడ్యుయేట్లు అన్నే ను చాన్సెలర్ గా ఎన్నుకోగా అప్పటినుంచి ఆపదవిలో కొనసాగుతోంది .1996నుంచి స్కాట్లాండ్ చర్చ్ కి హైకమిషనర్ గా ఉంది .అకాడెమి ఆఫ్ మెడికల్ సైన్సెస్ కు ఆమె మొదటి రాయల్ ఫెలో .ఎడింబర్గ్ యూనివర్సిటి ఛాన్సలర్ గా ఎన్నుకోబడింది .సిటి అండ్ గిల్డ్స్ అఫ్ లండన్ ఇన్స్టి ట్యూట్ కు ప్రెసిడెంట్ .రష్యాలో 2014లో జరిగిన ఒలింపిక్స్ లో గ్రేట్ బ్రిటన్ కు ప్రతినిధి గా వెళ్ళింది .

అన్నే పొందిన ఫెలోషిప్స్ ఎన్నో –ఫెలో ఆఫ్ ది రాయల్ కాలేజ్ ,రాయల్ ఫెలో ఆఫ్ ది రాయల్ సొసైటీ ,రాయల్ ఫెలో ఆఫ్ ఎడింబర్గ్ ,రాయల్ ఫెలో ఆఫ్ రాయల్ అకాడెమి ఆఫ్ ఇంజినీరింగ్ ,మెడికల్ సర్వీసెస్ ,సర్జెన్స్,వగైరా.

ఫాషన్ ఐకాన్:

.బ్రిటన్ అత్యంత ప్రసిద్ధి చెందిన రాయల్ అనీ ,ఆమె జాతి సంపదఅనీ పేరు పొందింది .బ్రిటిష్ శైలికి ఆమె ఐకాన్ అంటే చిహ్నమనీ ,తామెన్నడూ చూడని తమకు తెలియని ఫాషన్ కు స్థిరమైన రూపమని ప్రజాభిప్రాయం .యునైటెడ్ కింగ్డం ఫాషన్ అండ్ టేక్స్టైల్ అసోసియేషన్ కు అన్నే పాట్రన్.రాజ కుటుంబం లో మిలిటరీ డ్రెస్ లో కనిపించే అరుదైనమహిళకూడా.బ్రూచ్ లేకుండా రాయల్ ఫంక్షన్ కు హాజరుకాదు .ఆమెకున్న 90 స్టైల్స్ లో జాకీ కాప్స్ ,మల్టిపుల్ కలర్స్ ,బోల్డ్ పాటర్న్స్ ఉన్నాయి . రెండవ ఎలిజబెత్ రాణి అవార్డ్ ను బ్రిటిష్ డిజైన్ కు 2020 ఫాషన్ వీక్ లో అన్నే ప్రదానం చేసింది .ఒక్కమాటలో చెప్పాలంటే సింహాసనం పై కూర్చోలేదుకానీ ,తల్లి ఎలిజబెత్ రాణి చేసే పనులన్నీ ప్రిన్సెస్ అన్నే నిర్వహిస్తోంది .

బిరుదులూ గౌరవాలు:

అన్నే పొందిన బిరుదులనేకం .అందులో ‘’హర్ రాయల్ హైనెస్ ప్రిన్సెస్ అన్నే ఆఫ్ ఎడింబర్గ్ ,’’హర్ రాయల్ హైనెస్ ప్రిన్సెస్ అన్నే ,హర్ రాయల్ హైనెస్ ప్రిన్సెస్ అన్నే మిసెస్ మార్క్ ఫిలిప్స్ ,హర్ రాయల్ హై నెస్ ది ప్రిన్సెస్ రాయల్ ఉన్నాయి .

అలాగే పొందిన జాతీయ గౌరవాలూ అనేకమే –రాయల్ ఫామిలి ఆర్డర్ ఆఫ్ క్వీన్ ఎలిజబెత్ 2,డేమ్ గ్రాండ్ క్రాస్ అవార్డ్ , డేమ్ గ్రాండ్ రాయల్ విక్టోరియన్ అవార్డ్ ,రాయల్ నైట్ ఆఫ్ ది మోస్ట్ నోబుల్ ఆర్డర్ ,ఎక్స్ట్రా నైట్ ఆఫ్ ది మోస్ట్ ఏన్షేంట్ అండ్ నోబుల్ ఆర్డర్ ,క్వీన్ ఎలిజబెత్ కారోనేషన్ మెడల్ ,క్వీన్ ఎలిజబెత్ సిల్వర్ జూబిలీ మెడల్ ,గోల్డెన్ జూబిలీ మెడల్ ,డైమండ్ జూబిలీ మెడల్ ,సర్విస్ మెడల్ ఆఫ్ దిఆర్డర్ ఆఫ్ సెయింట్ జాన్ ,

.కామన్ వెల్త్ గౌరవాలలో –కెనడియన్ ఫోర్సెస్ డెకరేషన్ ,ఎక్స్ట్రా కంపానియన్ ఆఫ్ ది క్వీన్స్ సర్విస్ ఆర్డర్ ,కమెమోరేటివ్ మెడల్ ఫర్ ది సెంటెన్నియల్ ఆఫ్ సస్కాచ్ వాన్ ,చీఫ్ గ్రాండ్ కంపానియన్ ఆఫ్ ది ఆర్డర్ ఆఫ్ లోఘు .

అంతర్జాతీయ గౌరవాలు –గ్రాండ్ డెకరేషన్ ఆఫ్ ఆనర్ ఇన్ గోల్డ్ విత్ సాష్ ఫర్ సర్వీసెస్ టు దిపబ్లిక్ ఆఫ్ ఆష్ట్రియా,కమాండర్ గ్రాండ్ క్రాస్ ఆఫ్ ది ఆర్డర్ ఆఫ్ ది వైట్ రోజ్ ఆఫ్ ఫిన్లాండ్ , మెంబర్ ఆఫ్ ఫస్ట్ క్లాస్ ఆఫ్ ది ఆర్డర్ ఆఫ్ యుగోస్లేవ్ ఫ్లాగ్ ,మెడగాస్కర్ ఫ్లాగ్ మొదలైనవి .

సివిల్ –మాస్టర్ వర్షిప్ ఫుల్ కంపని మాస్టర్ ఆఫ్ వర్షిప్ ఫుల్ కంపెని ఆఫ్ వుమెన్ ,ప్రైం వార్డెన్ వర్షిప్ ఫుల్ కంపెని ఆఫ్ ఫ్లాష్ మా౦గర్స్.

లండన్ ఎడింబర్గ్ ,హైలాండ్స్ అండ్ ఐలాండ్స్ హార్పాట్ ఆడమ్స్ యూనివర్సిటీలకు అన్నే చాన్సలర్ .

రేజినా ,మెమోరియల్ ,గ్రాండ్ ఫీల్డ్ ,అబర్దీన్ యూనివర్సిటీలకు డాక్టర్ ఆఫ్ లాస్ .కామన్ వెల్త్ దేశాలన్నీ తమ అత్యుత్తమ పురస్కారాలు అందించి ప్రిన్సెస్ అన్నేను గౌరవించాయి .ఇవికాక మిలిటరీ గౌరవాలకు కొదవే లేదు .2015 ఫిబ్రవరిలో ఈ ప్రిన్సెస్ రాయల్ అన్నే ‘’రాయల్ అండ్ ఏన్షేంట్ గోల్ఫ్ క్లబ్ ఆఫ్ సెయింట్ ఆండ్రూస్ ‘’కు మొదటి గౌరవ మహిళామెంబర్ అయి రికార్డ్ సృష్టించింది .సమర్ధత ,ధైర్యసాహసాలు అంకితభావం సేవా దృక్పధం తో రాయల్ ప్రిన్సెస్ అన్నే ప్రజలందరి హృదయాలలో సుస్థిర స్థానం పొందింది .’’లాంగ్ లివ్ ప్రిన్సెస్ అన్నే’’.

-గబ్బిట దుర్గాప్రసాద్

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

image.png

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA Wiki : https://te.wikipedia.org/wiki/%E0%B0%97%E0%B0%AC%E0%B1%8D%E0%B0%AC%E0%B0%BF%E0%B0%9F_%E0%B0%A6%E0%B1%81%E0%B0%B0%E0%B1%8D%E0%B0%97%E0%B0%BE%E0%B0%AA%E0%B1%8D%E0%B0%B0%E0%B0%B8%E0%B0%BE%E0%B0%A6%E0%B1%8D
This entry was posted in Uncategorized and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.