మన మరుపు వెనుక మన వెండి తెర మహానుభావులు-168

మన మరుపు వెనుక మన వెండి తెర మహానుభావులు-168

· 168-‘’పగిలిన గోడలు’’ నాటకానికి ‘’బహు’’బహుమతులు పొంది,అతితక్కువకాలం లో అత్యధిక చిత్రాలలో నటించిన కరుడుకట్టిన విలన్ ,కారక్టర్ నటుడు –త్యాగరాజు

జీవిత విశేషాలు
ఇతడు 1941లో వరంగల్ జిల్లా హన్మకొండలోన టి.ఆర్‌.నారాయణస్వామి నాయుడు, యతిరాజమ్మ దంపతులకు జన్మించాడు. ఇతని పూర్తి పేరు పగడాల త్యాగరాజు నాయుడు. ఇతని విద్యాభ్యాసం వరంగల్‌, హైదరాబాదు నగరాల్లో జరిగింది. బాల్యం నుండే క్రీడలు, సాంస్కృతిక రంగాల్లో ఆసక్తి కనబరచి కాలేజీ రోజుల్లో క్రీడల్లో ఆల్‌రౌండర్‌గా పేరు పొందాడు. ఇంటర్‌ కాలేజీ క్రీడోత్సవాల్లో పాలు పంచుకుని చాలా బహుమతులు పొందడమే కాక కాలేజీ తరపున క్రికెట్‌ టీముకు కెప్టెన్‌గా వ్యవహరించేవాడు. క్రీడల పట్ల ఎంత శ్రద్ధాసక్తులు ఉండేవో నటన పట్ల కూడా ఇతనికి అంతే ఆసక్తి ఉండేది. మొదటిసారిగా పదేళ్ల వయసులో సికిందరాబాదు గవర్నమెంట్‌ హైస్కూల్‌లో చదువుతున్నప్పుడు పాఠశాల వార్షికోత్సవాల్లో ఒక నాటకంలో ఆడపిల్ల వేషం వేసి అందరినీ ఆశ్చర్యంలో ముంచెత్తాడు. ఈ నాటకాన్ని చూసిన అప్పటి హైదరాబాదు స్టేట్‌ ముఖ్యమంత్రి బూర్గుల రామకృష్ణారావు అభినందిస్తూ ప్రత్యేక బహుమతి అందజేశారు. తరువాత వరంగల్‌ కాలేజీలో చదువుతున్నప్పుడు చాలా నాటకాల్లో నటించి పేరు తెచ్చుకోవడమే గాక చాలా నాటకాలకు దర్శకత్వం వహించి జిల్లా స్థాయి నాటకాల్లో ఉత్తమ నటుడు అవార్డులందుకున్నాడు. కాలేజీలో చదివే రోజుల్లోనే నాటకాలంటే ఇతనికి ఒక వ్యసనంగా మారింది. తన మిత్రులతో కలిసి పగిలిన గోడలు అనే నాటకాన్ని అంతర్‌ విశ్వవిద్యాలయాల నాటకోత్సవాల్లో ప్రదర్శించాలనుకున్నాడు. కానీ ఇంతలో తనకు ఇవ్వవలసిన వేషం వేరొకరికి ఇచ్చి తనను తప్పించారు. అప్పటికే కాలేజీ సాంస్కృతిక విభాగానికి కన్వీనర్‌గా ఉన్న తనకు వేషం లేకపోవడమేమిటని అడగడంతో అదే నాటకంలో ఒక రిక్షావాడి వేషం ఇచ్చారు. ఆంధ్రా యూనివర్సిటీలో జరిగిన ఈ పోటీల్లో, వేంకటేశ్వర, ఉస్మానియా వర్సిటీలు కూడా పాల్గొన్నాయి. ఈ పోటీల్లో ఇతని ‘పగిలిన గోడలు’ నాటకానికి ఉత్తమ నాటకం, ఉత్తమ స్క్రిప్టు, ఉత్తమ నటుడు బహుమతులతో పాటు త్యాగరాజు పోషించిన రిక్షావాడి పాత్రకు ఉత్తమ సహాయనటుడి బహుమతి వచ్చింది. ఒక నాటకానికి అన్ని బహుమతులు రావడం ఆంధ్ర విశ్వవిద్యాలయ చరిత్రలో అదే మొదటిసారి. రిక్షావాడి పాత్ర పోషణను మెచ్చుకుంటూ ఆంధ్రా విశ్వవిద్యాలయం వైస్‌ ఛాన్స్‌లర్‌ టెలిగ్రాం ద్వారా అభినందనలు తెలిపితే, రిజిస్ట్రార్‌ కూర్మా వేణు గోపాలస్వామి నాయుడు ఏకంగా తమ యూనివర్సిటీలోనే ఎం.ఎ.చదవమని అడిగాడు. కానీ త్యాగరాజు మాత్రం ఆ ప్రతిపాదనను సున్నితంగానే తిరస్కరించి ఉస్మానియా విశ్వవిద్యాలయంలోనే ఎం.ఎ., ఎం.ఫిల్‌., ఎల్‌.ఎల్‌.బి. చేశాడు. త్యాగరాజు నాటకాల పట్ల ఉన్న ఆసక్తితో వరంగల్‌లో మిత్రులందరితో కలిసి కాకతీయ కళాసమితి అనే సంస్థను స్థాపించాడు. ఈ సంస్థ పక్షాన చాలా నాటకాలు వేశాడు[1].

సినిమా రంగం
నాటక రంగంలో త్యాగరాజు కృషిని, నటుడిగా ప్రదర్శించే ప్రతిభను గుర్తించి ఇతని స్నేహితులు సినిమాలలో ప్రయత్నించమని ప్రోత్సహించారు. మద్రాసు వెళ్లి దర్శకుడు ప్రత్యగాత్మను కలిసి సినిమాలలో నటించాలనే తన అభిలాషను వ్యక్తం చేశాడు. ప్రత్యగాత్మ తాను దర్శకత్వం వహించిన మంచి మనిషి చిత్రంలో విలన్‌గా అవకాశం ఇచ్చాడు. ఆవిధంగా ఇతనికి 1964లో తొలి సినిమా అదీ ఎన్.టి.ఆర్.తో కలిసి నటించే అవకాశం లభించింది. ఆ వెంటనే గుత్తా రామినీడు ‘పల్నాటి యుద్ధం’ (1966)లో వీరభద్రుడి వేషం, రంగుల రాట్నం (1967)లో వాణిశ్రీ తండ్రి వేషంతో నటుడిగా మంచి గుర్తింపు పొందాడు. ఆ తరువాత ఇతనికి పాతికేళ్లకు పైగా తన సినీజీవితంలో వెనక్కి తిరిగి చూసుకొనే అవసరమే కలుగలేదు. బందిపోటు దొంగ, పోలీస్‌ ఇన్‌స్పెక్టర్‌ వేషాలకు త్యాగరాజు పెట్టింది పేరుగా చలామణి అయ్యాడు. ప్రతినాయక పాత్రలో కరుడుగట్టిన విలన్‌ వేషాలు వేయడంలో తనకు తానే సాటి రాగలడనే పేరు తెచ్చుకున్న త్యాగరాజు ‘పాప కోసం’, ‘శ్రీ షిర్డీ సాయిబాబా మహత్యం’ వంటి చిత్రాల్లో సాత్విక పాతలు ధరించి ప్రేక్షకుల సానుభూతిని పొందాడు కూడా. ఇతడు కౌబాయ్, క్రైమ్‌ చిత్రాలతో పాటు జానపద, పౌరాణిక, సాంఘిక చిత్రాలలో తెలుగు, తమిళ, మలయాళ, హిందీ భాషలలో మొత్తం 400 చిత్రాలకు పైగా నటించాడు[1].

నటించిన సినిమాలు
త్యాగరాజు నటించిన సినిమాల పాక్షిక జాబితా:

  1. ప్రేమ ఖైదీ (1991)
  2. వీరూ దాదా (హిందీ) (1990)
  3. అయ్యప్పస్వామి మహత్యం (1989)
  4. శ్రీరామచంద్రుడు (1989) – ఫణీంద్రరావు
  5. ఊరేగింపు (1988)
  6. నేనే రాజు – నేనే మంత్రి (1987)
  7. విశ్వనాథ నాయకుడు (1987)
  8. తాండ్ర పాపారాయుడు (1986)
  9. ధర్మపీఠం దద్దరిల్లింది (1986)
  10. పరశురాముడు (1986)
  11. శ్రీ షిర్డీ సాయిబాబా మహత్యం (1986)
  12. మేరా జవాబ్ (హిందీ) (1985)
  13. బాబులుగాడి దెబ్బ (1984)
  14. అమాయకుడు కాదు అసాధ్యుడు (1983)
  15. ఆంధ్రకేసరి (1983)
  16. ధర్మ పోరాటం (1983)
  17. పటాలం పాండు (1981)
  18. ధర్మం దారి తప్పితే (1980)
  19. మూగకు మాటొస్తే (1980)
  20. యముడు (1980)
  21. రామ్ రాబర్ట్ రహీమ్ (1980)
  22. శివమెత్తిన సత్యం (1980)
  23. సర్కస్ రాముడు (1980)
  24. సూపర్ మేన్ (1980)
  25. ఆడదంటే అలుసా (1979)
  26. గంగా భవానీ (1979)
  27. గంధర్వ కన్య (1979)
  28. పంచభూతాలు (1979)
  29. మూడు పువ్వులు ఆరు కాయలు (1979)
  30. రాముడే రావణుడైతే (1979)
  31. హేమా హేమీలు (1979)
  32. కరుణామయుడు (1978)
  33. కేడీ నంబర్ 1 (1978)
  34. దొంగల దోపిడీ (1978)
  35. పట్నవాసం (1978)
  36. ముగ్గురూ ముగ్గురే (1978)
  37. లాయర్ విశ్వనాథ్ (1978)
  38. చిల్లర దేవుళ్లు (1977)
  39. జడ్జిగారి కోడలు (1977)
  40. జీవిత నౌక (1977)
  41. మనవడి కోసం (1977)
  42. మనుషులు చేసిన దొంగలు (1977)
  43. ఇద్దరూ ఇద్దరే (1976)
  44. ఈ కాలపు పిల్లలు (1976)
  45. కొల్లేటి కాపురం (1976)
  46. దొరలు దొంగలు (1976)
  47. నా పేరే భగవాన్ (1976)
  48. నిజం నిద్రపోదు (1976)
  49. నేరం నాది కాదు ఆకలిది (1976)
  50. పాడవోయి భారతీయుడా (1976)
  51. భలే దొంగలు (1976)
  52. మా దైవం (1976)
  53. వేములవాడ భీమకవి (1976)
  54. సీతా కళ్యాణం (1976) – పరశురాముడు
  55. అందరూ మంచివారే (1975)
  56. అన్నదమ్ముల అనుబంధం (1975)
  57. ఆస్తికోసం (1975)
  58. నాకూ స్వతంత్రం వచ్చింది (1975)
  59. వయసొచ్చిన పిల్ల (1975)
  60. అల్లూరి సీతారామరాజు (1974) -బాస్టియన్
  61. కన్నవారి కలలు (1974)
  62. రామ్ రహీం (1974)
  63. ఒక నారి – వంద తుపాకులు (1973) – సర్దార్
  64. గాంధీ పుట్టిన దేశం (1973)
  65. జీవన తరంగాలు (1973)
  66. పంజరంలో పసిపాప (1973) – కిల్లర్
  67. మంచివాళ్ళకు మంచివాడు (1973)
  68. విచిత్ర వివాహం (1973)
  69. కలవారి కుటుంబం (1972)
  70. కొరడారాణి (1972)
  71. చిట్టి తల్లి (1972)
  72. నిజం నిరూపిస్తా (1972)
  73. పిల్లా? – పిడుగా? (1972)
  74. బుల్లెమ్మ బుల్లోడు (1972)
  75. భలే మోసగాడు (1972)
  76. మాయింటి వెలుగు (1972)
  77. మావూరి మొనగాళ్ళు(1972)
  78. రాజమహల్ (1972)
  79. శ్రీకృష్ణాంజనేయ యుద్ధం (1972) – నరకాసురుడు
  80. అడవి వీరులు (1971)
  81. అనూరాధ (1971)
  82. కత్తికి కంకణం (1971)
  83. కిలాడి బుల్లోడు (1971)
  84. జాతకరత్న మిడతంభొట్లు (1971)
  85. జేమ్స్ బాండ్ 777 (1971)
  86. దెబ్బకు ఠా దొంగల ముఠా (1971)
  87. నమ్మకద్రోహులు (1971) – రాజా
  88. మాస్టర్ కిలాడి (1971)
  89. మొనగాడొస్తున్నాడు జాగ్రత్త (1971)
  90. మోసగాళ్లకు మోసగాడు (1971)
  91. రివాల్వర్ రాణి (1971)
  92. విక్రమార్క విజయం (1971)
  93. శ్రీకృష్ణసత్య (1971)
  94. కథానాయిక మొల్ల (1970)
  95. కోడలు దిద్దిన కాపురం (1970)
  96. ఖడ్గవీర (1970)
  97. జన్మభూమి (1970)
  98. ద్రోహి (1970)
  99. పగ సాధిస్తా (1970)

100.మాయని మమత (1970)

101.రక్తసింధూరం (1970)

102.రౌడీరాణి (1970)

103.అగ్గి వీరుడు (1969)

104.కదలడు వదలడు (1969) -డిండిమ వర్మ

105.గండర గండడు (1969) – కాలకంఠుడు

106.గండికోట రహస్యం (1969)

107.టక్కరి దొంగ చక్కని చుక్క (1969) – ఇన్‌స్పెక్టర్ కామేశం

108.పంచకల్యాణి దొంగలరాణి(1969)

109.మహాబలుడు (1969)

110.ఎవరు మొనగాడు (1968)

111.దేవకన్య (1968)

112.పాప కోసం (1968) – కిష్టయ్య

113.బంగారు పంజరం (1968)

114.బందిపోటు దొంగలు (1968) – పాపన్న

115.భలే మొనగాడు (1968)

116.మంచి మిత్రులు (1968)

117.చిక్కడు దొరకడు (1967)

118.పట్టుకుంటే పదివేలు (1967)

119.మంచి కుటుంబం (1967)

120.రంగులరాట్నం (1967)

121.రక్తసింధూరం (1967)

122.పల్నాటి యుద్ధం (1966) – వీరభద్రుడు

123.హంతకులొస్తున్నారు జాగర్త (1966)

124.మంచి మనిషి (1964)

మరణం
అతి తక్కువ కాలంలో అత్యధిక చిత్రాలలో నటించిన త్యాగరాజు తన 51వ ఏట 1991 ఫిబ్రవరి 24న హైదరాబాదులోని అశోక్‌నగర్‌లో ఉన్న తన సోదరుని ఇంట్లో హఠాత్తుగా గుండెపోటు రావడంతో ఆసుపత్రికి తరలిస్తుండగానే మార్గమధ్యంలో మృతి చెందాడు[1].

హెచ్ .రమేష్ బాబు తెలియజేసిన విషయాలు –

· ఆర్టిస్టుగా ఎంతకాలం పరిశ్రమలో ఉన్నామనేదే ముఖ్యమని” ఒక సందర్భంలో చెప్పుకున్న త్యాగరాజు నిజంగా మంచి ఆర్టిస్టు. తెలుగు సినీ చరిత్రలో విలక్షణ విలన్‌గా త్యాగరాజు స్థానం సుస్థిరం.
కొత్త పెళ్లి కూతురి భయం

· కొత్త పెళ్లి కూతురి భయం
ఒకసారి ”మున్సబుగారి అల్లుడు” (1985) సినిమా అవుట్‌ డోర్‌ షఉటింగ్‌ జరుపుకుంటున్నప్పుడు ఆ చిత్ర దర్శక నిర్మాత విజరుబాబు స్నేహితుడి ఇంట్లో భోజన వసతులు ఏర్పాటు చేశారు. అందరినీ భోజనానికి ఇంటికి పిలిచినా ఆయన మన వాడిని మాత్రం ఇంటికి రానీయకుండా ఉన్నచోటనే ఉంచి ప్రత్యే కంగా భోజనాలు పంపేవాడు. ఇదేమిటి అనడిగితే ‘సినిమాల్లో మీరు చూపే విలనీ చూసి వాళ్ల అమ్మాయిలు వడ్డించడానికి భయపడుతున్నార’ట అన్నాడాయన. ప్రేక్షకులను అంతలా భయపెట్టే విలనీ వేషాలు వేశారాయన. అలాగే పెళ్లయిన కొత్తలో భార్యను వెంట పెట్టుకుని ”గాంధీ పుట్టిన దేశం” ప్రివ్యూకు వెళ్ళాడు రాజు. చాలా సంతోషంగా ప్రివ్యూ థియేటర్‌లోకి వెళ్లనైతే వెళ్ళారు గానీ తీరా లోపల ఆ చిత్రంలో త్యాగరాజు హీరోయిన్‌ను అత్యా చారం చేసే దృశ్యాలు చూసిన ఆ కొత్త పెళ్లి కూతురు త్యాగరాజును భయంతోనూ, ఆందోళనతోనూ చూసింది. ఇంటికి వచ్చే వరకూ, ఆ తరువాత కూడా ఆమె కొద్ది రోజులు త్యాగరాజును చూసి భయపడేది. అంతలా ఉండేది ఆయన సహజ నటన. ఆ తరువాత తానెప్పుడూ భార్యతో కలిసి తను నటించిన సినిమా చూడటానికి వెళ్ళలేదాయన. ఈ విషయాలన్నీ ఆయనే స్వయంగా చెప్పుకొన్నారొక వ్యాసంలో.
త్యాగరాజు సినిమాలు
ఇంకా త్యాగరాజు నటించిన సినిమాల్లో కొన్ని వరుసగా, ‘హంతకులొస్తున్నారు జాగ్రత్త’ (1966), ‘ఎవరు మొనగాడు’, ‘మంచి కుటుంబం’, ‘మంచి మిత్రులు’ (1968), ‘బందిపోటు దొంగలు’, ‘టక్కరి దొంగ చక్కని చుక్క’, ‘బంగారు పంజరం’ (1969), ‘రౌడీరాణి’, ‘మాయని మమత’, ‘కోడలు దిద్దిన కాపురం’, ‘కథానాయిక మొల్ల’, ‘పగ సాధిస్తా’, ‘కొల్లేటి కాపురం’, ‘పాడవోయి భారతీయుడా’ (1970), ‘పట్టుకుంటే పదివేలు’, ‘నమ్మక ద్రోహులు’, ‘అడవి వీరులు’ (1971), ‘రాజమహల్‌’, ‘అనురాధ’, ‘మాయింటి వెలుగు’, ‘బుల్లెమ్మ బుల్లోడు’, ‘కలవారి కుటుంబం’ (1972), ‘ఒకనారి వంద తుపాకులు’, ‘విచిత్ర వివాహం’, ‘జీవన తరంగాలు’, ‘పంజరంలో పసిపాప’ (1973), ‘కన్నవారి కలలు’ (1974), ‘అందరూ మంచివారే’, ‘వయసొచ్చిన పిల్ల’, ‘అన్నదమ్ముల అనుబంధం’, ‘నాకు స్వాతంత్య్రం వచ్చింది’ (1975), ‘వేములవాడ భీమకవి’, ‘నా పేరే భగవాన్‌’, ‘నేరం నాది కాదు ఆకలిది’, ‘ఇద్దరూ ఇద్దరే’, ‘మా దైవం’ (1976), ‘జడ్జిగారి కోడలు’, ‘చిల్లర దేవుళ్లు’, ‘జీవిత నౌక’ (1977), ‘లాయర్‌ విశ్వనాథ్‌’, ‘ముగ్గురూ ముగ్గురే’, ‘కె.డి.నెం.1’, ‘కరుణామయుడు’, ‘పట్నవాసం’ (1978), ‘మూడు పువ్వులు, ఆరు కాయలు’, ఆడదంటే అలుసా’ (1979), ‘యముడు’, ‘పరశురాముడు’, ‘సూపర్‌మెన్‌’, ‘రాం రాబర్ట్‌ రహీం’, ‘శివమెత్తిన సత్యం’, ‘సర్కస్‌ రాముడు’ (1980), ‘ధర్మ పోరాటం’, ‘ఆంధ్ర కేసరి’ (1983), ‘తాండ్ర పాపారాయుడు’, ‘ధర్మ పీఠం దద్దరిల్లింది’ (1986), ‘విశ్వనాథ నాయకుడు’, ‘నేనే రాజు నేనే మంత్రి’ (1987), ‘అయ్యప్పస్వామి మహత్మ్యం’ (1989) తెలుగు చిత్రాలు, ఇంకా తమిళ, మలయాళ, ‘మేరా జవాబ్‌’ (1985), ‘వీరూదాదా’ (1990) వంటి హిందీ మొత్తం కలిపి 400 సినిమాల్లో నటించాడు త్యాగరాజు. ఆయన కనిపించిన చివరి చిత్రం ‘ప్రేమఖైది’ (1991).
సెల్‌ : 94409 25814

  • హెచ్‌.రమేష్‌బాబు

· విల‌న్ క్యారెక్ట‌ర్ల‌లో ఉన్న‌త స్థాయిలో రాణించి, వాటిపై త‌న‌దైన ప్ర‌త్యేక ముద్ర వేసిన న‌టుడు త్యాగ‌రాజు. సినీ రంగంలో అడుగుపెట్టి తొలి సినిమాలోనే మ‌హాన‌టుడు నంద‌మూరి తార‌క‌రామారావును ఢీకొట్టే విల‌న్ పాత్ర‌ను చేసి, మెప్పించారాయ‌న‌. 1964లో వ‌చ్చిన ఆ సినిమా ‘మంచి మ‌నిషి’. ఆ త‌ర్వాత రెండున్న‌ర ద‌శాబ్దాల కెరీర్‌లో ఎన్నో సాంఘిక‌, జాన‌ప‌ద‌, పౌరాణిక‌, చారిత్ర‌క‌, కౌబాయ్ చిత్రాల్లో ప్రేక్ష‌కుల‌ను భ‌య‌పెట్టే ప్ర‌తినాయ‌క పాత్ర‌ల్లో గొప్ప‌గా రాణించి, వారి హృద‌యాల్లో చెర‌గ‌ని స్థానం సంపాదించారు.

· సశేషం

· మీ –గబ్బిట దుర్గాప్రసాద్ -31-3-22-ఉయ్యూరు

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA Wiki : https://te.wikipedia.org/wiki/%E0%B0%97%E0%B0%AC%E0%B1%8D%E0%B0%AC%E0%B0%BF%E0%B0%9F_%E0%B0%A6%E0%B1%81%E0%B0%B0%E0%B1%8D%E0%B0%97%E0%B0%BE%E0%B0%AA%E0%B1%8D%E0%B0%B0%E0%B0%B8%E0%B0%BE%E0%B0%A6%E0%B1%8D
This entry was posted in సినిమా and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.