స్త్రీ విముక్తి పై కధలు రాసిన ఇంగ్లీష్ లెక్చరర్ , రీడర్ ,’’సంపెంగలు సన్నజాజులు’’ నవలా ఫేం.సాహిత్య అకాడెమి పురస్కారగ్రహీత –శ్రీ అవసరాల రామకృష్ణారావు

అవసరాల రామకృష్ణారావు (డిసెంబర్ 21, 1931 – నవంబర్ 28, 2011) కథ, నవల రచయిత.

1931, డిసెంబర్ 21న చెన్నైలో జన్మించిన రామకృష్ణారావు రచనా జీవితానికి షష్టిపూర్తి చేశారు. తన కథలు, నవలల ద్వారా ‘స్ర్తీ-విముక్తి’ ఆవశ్యకతను చాటారు. ‘సంపెంగలూ-సన్నజాజులూ’ నవల ఆయనకు మంచి పేరు తెచ్చింది. భారతీయ సాంస్కృతిక రాయబారిగా అభిమానులు ప్రేమగా పిలుచుకునే చందమామ పత్రిక తొలి సంచికకు 1947లో కేవలం పదహారేళ్ల వయస్సులో “పొట్టి పిచిక కథ” అనే కథను రాసి పంపారు.[2]

అవసరాల రామకృష్ణారావు డిప్యూటీ కలెక్టర్ అవసరాల జగన్నాధరావు పంతులు గారి ఆఖరి కుమారుడు. తుని లో, 1940 దశకంలో తాండవనది పొంగి వచ్చిన వరదలలో మరణించిన డా. అవసరాల రామదాసు గారి తమ్ముడు.

మరణం
2011, నవంబర్ 28 న హైదరాబాదులో స్వర్గస్థులయారు.

జీవితం
· ఈయన తుని ఎస్సార్ ఉన్నత పాఠశాలలో లెక్కలు, సైన్సు బోధించేవారు.

· తరువాత ఒరిస్సాలో ఇంగ్లీషు రీడర్ గా పనిచేసేరు.

· విశాఖపట్నంలో ఇంగ్లీషు లెక్చరర్ గా పనిచేశారు.

· తెలుగులో నవలలు, కథలు గణనీయంగా రాసి వన్నెకెక్కిన కథా రచయితగా పేరు తెచ్చుకున్నారు.

అందుకున్న కొన్ని పురస్కారాలు
· 1. ఆంధ్రప్రదేశ్ సాహిత్య అకాడమీ (1969)

· 2. తెలుగు విశ్వవిద్యాలయం హాశ్యరచయిత పురస్కారం (1994)[3]

· 3. జ్యేష్ఠ లిటరరీ ఎవార్డ్ ( 1998)

· 4. కొలసాని చక్రపాణి ఎవార్డ్ (1999)

· 5. ఢిల్లీ తెలుగు ఎకాడమీ ఉగాది పురస్కారం (2000)

· 6. ఆంధ్రప్రభుత్వం తెలుగు వైభవం పురస్కారం (2004)

ప్రచురించిన కొన్ని పుస్తకాలు
· 1. మనం మనుష్యులం

· 2. సహజీవన సౌభాగ్యం

· 3. ఇంకానా అంతరాలు?

· 4. అడుగో మావయ్య, ఆ వెనకే మేరీ

· 5. సంపెంగలూ, సన్ంజాజులూ

· 6. మేం చేసిన తప్పు మీరూ చేస్తారా?

· 7. అది ప్రశ్న, ఇది జవాబు

· 8. హెడ్మిస్ట్రెస్ హేమలత

· 9. పేకముక్కలు

· 10. కథావాహిన – 6

· 11. గణిత విశారద[4]

· 12. కేటూ, డూప్లికేటూ

· 13. అర్ధమున్న కథలు

· 14. రామచిలుక

· 15. మోహనరాగం

· 16. మేథమేట్రిక్స్-1

· 17. మేథమేట్రిక్స్-2

· 18. మేథమేట్రిక్స్-3

· 19. అంగ్రేజీ మేడీజీ

· 20-25. కథల సంపుటాలు

సమకాలీన రచయితలు
ఈయన సమకాలీయులు, తునిలో పెరిగిన తెలుగు రచయితలు మరి కొందరు

· 1. వేమూరి వేంకట సూర్యనారాయణ

· 2. ఈరంకి వేంకటరావు

· 3. వేమూరి వేంకటేశ్వరరావు

మీ –గబ్బిట దుర్గా ప్రసాద్ -4-10-22-ఉయ్యూరు

image.png