మనమరుపు వెనుక మన వెండి తెరమహానుభావులు -346

· 346-నటుడు నిర్మాత దర్శకుడు ,ప్రేమ నగర్ ఫేం,రఘుపతి వెంకటరత్నం అవార్డీ –కే.ఎస్.ప్రకాశరావు

· కోవెలమూడి సూర్యప్రకాశరావు (1914 – 1996) తెలుగు సినిమా దర్శక నిర్మాతలలో ఒకడు. రఘుపతి వెంకయ్య అవార్డు గ్రహీత. ఈయనకుమారుడు కె. రాఘవేంద్రరావు కూడా దర్శక నిర్మాత అయ్యాడు.

తొలి జీవితం
సూర్యప్రకాశరావు 1914వ సంవత్సరం కృష్ణా జిల్లాకు చెందిన కోలవెన్నులో జన్మించాడు. ప్రాథమిక విద్యాభ్యాసము ముగించుకొని ప్రకాశరావు కొన్నాళ్ళు భీమా ఏజెంటుగాను, ఒక బంగారు నగల దుకాణములోను ఉద్యోగం చేశాడు. భారతీయ ప్రజా నాటక సంఘము యొక్క తెలుగు విభాగమైన ప్రజానాట్యమండలితో ప్రకాశరావు పనిచేసేవాడు.

సినీరంగ ప్రవేశం
ప్రకాశరావు సినీజీవితాన్ని నటునిగా 1941లో గూడవల్లి రామబ్రహ్మం తీసిన అపవాదు సినిమాతోనూ, 1940లో నిర్మించినా 1942లో విడుదలైన పత్ని సినిమాతోనూ ప్రారంభించాడు. పత్ని సినిమాలో ఈయన కోవలన్ పాత్ర పోషించాడు. ఈయన 1942లో ఆర్.ఎస్.ప్రకాశ్ తీసిన బభ్రువాహన సినిమాలో కూడా నటించాడు. 1948లో ద్రోహి సినిమాతో సినీ నిర్మాణములో అడుగుపెట్టాడు. ఇందులో నాయకుని పాత్రకూడా ప్రకాశరావే పోషించాడు.నాయకిగా జి.వరలక్ష్మీ గారు నటించారు. స్వతంత్ర పిక్చర్స్ పతాకముపై విడుదలై విజవంతమైన ఈ సినిమాకు ఎల్వీ ప్రసాద్ దర్శకత్వం వహించాడు. ఆ తరువాత 1949లో పతాకము పేరు ప్రకాశ్ ప్రొడక్షన్స్‌గా మార్చి మొదటిరాత్రి, దీక్ష వంటి సినిమాలకు నిర్మించి దర్శకత్వం తానే వహించాడు. దాని తర్వాత ప్రకాశ్ ప్రొడక్షన్స్‌ను ఒక స్టూడియోగా అభివృద్ధి పరచి ప్రకాశ్ స్టూడియోస్‌గా నామకరణం చేశాడు.

1950లో ఈయన తీసిన సినిమాలు చాలామటుకు మెలోడ్రామాలు. ఆ తరువాత కాలములో ప్రేమనగర్ వంటి సైకలాజికల్ ఫాంటసీలను తీశాడు. ఈయన దర్శకత్వం వహించిన ప్రేమనగర్ సినిమా పెద్ద విజయం సాధించింది.

ఈయన పుట్టన్న కణగాళ్ తీసిన నగర హావు (1972) అనే కన్నడ ప్రేమకథా చిత్రాన్ని తెలుగులో కోడెనాగుగా పునర్నిర్మించాడు. 1970వ దశకంలో కన్నడ సినిమాలు కూడా తీశాడు.

కుటుంబం
ఈయన కొడుకు కె.రాఘవేంద్రరావు అత్యంత విజయవంతమైన కమర్షియల్ చిత్రాలను నిర్మించి తెలుగు చలనచిత్రరంగములో బాగా పేరుతెచ్చుకున్నాడు. ఇంకో కుమారుడు, కె.ఎస్.ప్రకాశ్ తెలుగు చిత్రరంగములో పేరొందిన ఛాయాగ్రాహకుడు.ఈయన అన్న కుమారుడు కె. బాపయ్య కూడా ప్రసిద్ధి పొందిన సినిమా దర్శకులు. ప్రముఖ సినీ నటి జి, వరలక్ష్మి గారు వీరి రెండవ భార్య

పురస్కారాలు
1995 సంవత్సరంలో ఆంధ్రప్రదేశ్ ప్రభుత్వం ఈయనకు రఘుపతి వెంకయ్య అవార్డు ఇచ్చి సత్కరించింది.

మరణం
ప్రకాశరావు గారు 1996 సంవత్సరంలో మరణించాడు.

· 347-ఓనమాలు స్క్రీన్ ప్లే రచయితా ,నిర్మాత దర్శకుడు,భరతముని అవార్డీ –క్రా౦తిమాధవ్

క్రాంతి మాధవ్ తెలుగు సినిమా రచయిత, నిర్మాత, దర్శకుడు. ఓనమాలు సినిమాతో దర్శకుడిగా తెలుగు సిజననం – విద్యాభ్యాసం
ఖమ్మంలో జన్మించిన క్రాంతిమాధవ్, వరంగల్లులో పెరిగాడు. మణిపాల్ విశ్వవిద్యాలయంలో మాస్ కమ్యూనికేషన్ చదివాడు.

సినిమారంగం
దర్శకత్వం వహించినవి

1. 2012 – ఓనమాలు (స్క్రీన్ ప్లే, నిర్మాత, దర్శకత్వం)
2. 2015 – మళ్ళీ మళ్ళీ ఇది రాని రోజు (కథ, స్క్రీన్ ప్లే, నిర్మాత, దర్శకత్వం)
3. 2016 – ఉంగరాల రాంబాబు (దర్శకత్వం)
4. 2020 – వరల్డ్ ఫేమస్ లవర్ (దర్శకత్వం)[2]

ఎంపికలు – పురస్కారాలు
· సిని’మా’ అవార్డు – ఉత్తమ తొలిచిత్ర దర్శకుడు

· చెన్నై తెలుగు అకాడమీ అవార్డు – ఉత్తమచిత్రం

· సంతోషం అవార్డు – ఉత్తమచిత్రం

· ఎ.ఎన్.ఆర్. – అభినందన అవార్డు – ఉత్తమ చిత్రం, ఉత్తమ తొలిచిత్ర దర్శకుడు

· భరతముని అవార్డు – ఉత్తమ సందేశాత్మక చిత్రం, ఉత్తమ తొలిచిత్ర దర్శకుడు

· నిమారంగంలోకి ప్రవేశించాడు

· 348-అమృతం సీరియల్ ఫేం ,అమ్మ చెప్పింది నిర్మాత ,జస్ట్ ఎల్లో యజమాని,నిర్మాత దర్శకుడు –గుణ్ణం గంగరాజు

· గుణ్ణం గంగరాజు సినీ రచయిత, నిర్మాత, దర్శకులు. తెలుగు సినిమా, టీవీ రంగాల్లో వీరి పనితనానికి వీరు ప్రసిద్ధులు. వీరికి రెండు జాతీయ సినిమా అవార్డులు అందాయి. ఐతే, బొమ్మలాట సినిమాలకు గానూ ఈ గౌరవం అందింది.[1][2] వీరు అనుకోకుండా ఒక రోజు, అమ్మ చెప్పింది లాంటి విలక్షణ సినిమాలు కూడా నిర్మించారు. తెలుగిళ్ళలో హాస్యపు గిలిగింతలు పుట్టించిన అమృతం ధారావాహిక కార్యక్రమం ఈయన సృష్టే. సినీ నిర్మాణ సంస్థ జస్ట్ యెల్లోకి ఈయన యజమాని.[3]

వ్యక్తిగత జీవితం
గుణ్ణం గంగరాజు కాకినాడలో పుట్టి పెరిగారు. ఆరవ తరగతి వరకూ కాకినాడ సెంట్. జోసఫ్స్ కాన్వెంట్ లో చదువుకున్నారు. ఆ తరువాత ప్రభుత్వ స్కాలర్షిప్పు పొంది హైదరాబాదు పబ్లిక్ స్కూల్ లో చేరారు. స్కూలు విద్య అయ్యాక వైద్య విద్యలో చేరారు, కానీ పూరి అవకుండానే విరమించారు. ఒక సంవత్సర వ్యవధి తరువాత విజయవాడ లోని ఆంధ్ర లోయోల కళాశాలలో బీఏ ఇంగ్లిష్ లో చేరారు. కానీ అందరూ ఆంగ్ల విద్యార్థులూ ఆందోళనకు దిగడంతో కళాశాల నుండి తీసివేయబడ్డారు. ఆపై చదువు మానేసి నవభారత్ సిగారెట్స్ వద్ద డోర్-టు-డోర్ సేల్స్ రెప్రెజెంటేటివ్ గా పనిచేసారు. ఆపై ప్రయివేటులో బీఏ చేసారు. తరువాత ఎంఏ ఆర్ట్స్ పూర్తి చేసారు. అదే సమయంలో ఎస్బీఐ పీఓ పరీక్ష కూడా వ్రాసారు.[4]

సినీ వ్యాసంగం
రచయిత
· లిటిల్ సోల్జర్స్ కథ & సంభాషణలు (1996)

· ఐతే సంభాషణలు (2003)

· అనుకోకుండా ఒక రోజు సంభాషణలు (2005)

· అమ్మ చెప్పింది కథ & సంభాషణలు (2006)

· అమృతం కథ & సంభాషణలు (2007)

· కథ సంభాషణలు (2009)

· లయ టీవీ ధారావాహిక – కథ (2008–2010)

· ఎదురీత టీవీ ధారావాహిక – కథ (2011)

దర్శకత్వం
· లిటిల్ సోల్జర్స్ (1996)

· అమ్మ చెప్పింది (2006)

· అమృతం చందమామలో (2014)

నిర్మాత
· లిటిల్ సోల్జర్స్ (1996)

· ఐతే (2003)

· అనుకోకుండా ఒక రోజు (2005)

· బొమ్మలాట (2006)

· అమ్మ చెప్పింది (2006)

· ఇన్ ఎ డే (2006)

· కథ (2009)

కళా దర్శకత్వం
· లిటిల్ సోల్జర్స్ (1996)

టీవీ ధారావాహికలు
· అమృతం (2001–2007)

313 ఎపిసోడ్లు

· నాన్న (2003–2004)

89 ఎపిసోడ్లు

· రాధా మధు (2006–2008)

450 ఎపిసోడ్లు

· అమ్మమ్మ.కామ్ (2006–2007)

200 ఎపిసోడ్లు

· లయ (2008–2010)

321 ఎపిసోడ్లు

· అడగక ఇచ్చిన మనసు (2011)

60 ఎపిసోడ్లకు ఆగిపోయింది

· ఎదురీత (2011)

· సశేషం

మీ –గబ్బిటదుర్గాప్రసాద్ -2-11-22-ఉయ్యూరు