Change text alignment

స

సరస్వతీ కటాక్షం తప్ప లక్ష్మీ కటాక్షం లేని ఇంట్లో పుట్టి ,రాత్రి పూట భోజనం ఎరగక, హార్వర్డ్ యూని వర్సిటి తొ సహా అన్ని పరీక్షలు  డిస్టింక్షన్ లో పాసై  ఫార్మసి కంపెనిలో కెన్యాలో లో  నెలకు 25 వేల అత్యధిక జీతం తొ ప్రారంభించి రెండేళ్లలో  190 దేశాలలో బ్రాంచ్ లునెలకొల్పి ఇప్పుడు నెలకు కోటి రూపాయల జీతం తొ సియివో

: శుభ సాయంత్రం మహిళలూ, పురుషులూ. ఇది గర్వంగా చెప్పదగిన రోజు. ఈ రోజు మన భారత గణతంత్ర దినోత్సవం, మనం 73వ గణతంత్ర దినోత్సవాన్ని జరుపుకుంటున్నాం. ఇక్కడ ఎంతోమంది ప్రేమాభిమానాలతో ఉన్న పాత్రికేయులు, మీడియాలో పని చేసే వ్యక్తులు, డాక్టర్లు ఉన్నారు.

డాక్టర్ ఫ్రెడరిక్ గారు, ముఖ్యంగా డాక్టర్ చందికాన్ పండా గారు — ఇంతకుముందు డైరెక్టర్, మానవ వనరుల అభివృద్ధి శాఖ అధిపతి, కమ్యూనిటీ మెడిసిన్ ప్రొఫెసర్‌గా పనిచేశారు. 45 సంవత్సరాలు సేవ చేసిన ఈ మహానుభావుడిని గుర్తు చేసుకోవడం గర్వంగా ఉంది. అలాగే డాక్టర్ సందీప్ మాలిక్ గారు, ఒక ప్రముఖ ఆసుపత్రి వ్యవస్థాపకులుగా, CEO గా ఉన్నారు. మిస్టర్ తివారీ గారు, మీడియా జర్నలిస్టుగా మరియు డబుల్ హీలికల్ అనే మ్యాగజైన్ మరియు పత్రికకి ప్రధాన కార్యనిర్వాహకులు. మిస్టర్ సుభాష్ మాలిక్ గారు, వైమానిక దళం మాజీవేతరన్. డాక్టర్ సుబ్రహ్మణ్య శర్మ గారు — ఆయుర్వేద న్యూస్ ఛానల్ వ్యవస్థాపకులు, ప్రముఖ వార్తా సంపాదకులు, మంచి స్నేహితులు.

డాక్టర్ సుబ్రహ్మణ్య  శర్మ గారు నాకు తమ్ముడు లాంటి వారు. చాలా మందికి తెలియకపోవచ్చు కానీ ఆయన మన మాజీ రాష్ట్రపతి డాక్టర్ ఎస్. రాధాకృష్ణన్ గారి మనవడు , డాక్టర్ వి.వి. గిరి గారి (మరో మాజీ రాష్ట్రపతి) మేనమామగారు. ఒకే వ్యక్తి ఇద్దరు రాష్ట్రపతుల వారసుడు కావడం అరుదైన విషయం. ఆయన అఖిల భారత బ్రాహ్మణ పరిషత్ ఉపాధ్యక్షుడిగా పని చేస్తున్నారు, సోషల్, స్పిరిచ్యువల్ రంగాలలో సేవలు అందిస్తున్నారు. YES న్యూస్ ఛానల్, సుధిక్షా గ్రూప్ ఆఫ్ కంపెనీస్ (ఫార్మా, హెల్త్ కేర్ రంగాలలో) కు నాయకత్వం వహిస్తున్నారు.

ఈ గణతంత్ర దినోత్సవ సందర్భంగా ఇంత గొప్ప వ్యక్తులతో కలిసి మాట్లాడటం, నా తమ్ముడిపై మాట్లాడటం గర్వకారణంగా ఉంది. ఆయన్ను గురించి చెప్పాలంటే, ప్రాథమిక ఆరోగ్యం, విద్య, పౌర సేవలపై అధిక దృష్టి పెడతారు. ఎటువంటి రంగం అయినా ఆయ‌న సేవ‌లు ఉన్నాయనే చెప్పాలి. ఆయన ఒక మెర్క్యూరీ(పాదరసం ) లాంటి వ్యక్తి — ఒకే చోట ఉండరు, ఒకటి కాదు ఎన్నో పనులు చేస్తారు. మేక్ ఇన్ ఇండియా కాన్సెప్ట్ లో  యువతను ప్రేరేపించి, ఉద్యోగ అవకాశాలు కల్పిస్తున్నారు.

సమాజంలో మంచి జరిగితే మనం గొప్పగా మాట్లాడాలి, చెడు జరిగితే నేరుగా వ్యక్తిగతంగా చెప్పాలి. ఇవాళ నా తమ్ముడు డాక్టర్ సుబ్రహ్మన్య శర్మ గారి విజన్, మిషన్ గురించి ఆయన నోటివెంట వినాలని కోరుకుంటున్నాను.

ప్రథమంగా అందరికీ గణతంత్ర దినోత్సవ శుభాకాంక్షలు. డాక్టర్ రఘునందన్ గారికి ఇంత గొప్ప పరిచయం ఇచ్చినందుకు ధన్యవాదాలు. మన దేశ యువత గొప్ప భారతాన్ని కలలు కంటోంది. నేను నా జీవన ప్రయాణాన్ని ప్రారంభించినప్పుడు, గొప్ప భారత్ కోసం కలలు కంటూ విదేశాలకు వెళ్లాను, కానీ దేశానికి తిరిగొచ్చి సేవ చేయడం చాలా సంతోషంగా అనిపించింది.

మన దేశంలో ప్రతీ ఇంటిలోనూ ఉద్యోగ అవసరం ఉంది. ఉద్యోగం ఒక వ్యక్తిని మాత్రమే కాదు, ఒక కుటుంబాన్ని నిలబెడుతుంది. అందుకే మేము ఉద్యోగ అవకాశాలను సృష్టిస్తూ యువతను అభివృద్ధి దిశగా నడిపిస్తున్నాము. ఆరోగ్యరంగంలోనూ సేవలు అందిస్తున్నాము. కోవిడ్ లాంటి మహమ్మారి తర్వాత ఆరోగ్యరంగం అత్యంత ముఖ్యమైనదిగా మారింది. మందులు, హాస్పిటల్ సర్వీసులు, డయాగ్నస్టిక్స్, అంబులెన్స్ సేవలు మొదలైన వాటిలో పెద్ద అవసరం ఉంది. అందుకే మన సేవలను ఒకే యాప్ లేదా కాల్ ద్వారా అందుబాటులోకి తీసుకురావాలని లక్ష్యంగా పెట్టుకున్నాము.

మరొక ముఖ్యమైన విషయం — యువత. దేశ భవిష్యత్తు యువతే. బ్రాహ్మణ యువతను కూడా ప్రధానప్రవాహానికి తేవడానికి ప్రయత్నిస్తున్నాను. దేశ అభివృద్ధికి యువతనే మూలస్తంభం. ప్రతి కార్పొరేట్, ప్రతి వ్యక్తి తమ తోటి పౌరుల అభివృద్ధికి సహకరించాలి.

‘’మెడికల్ 360 డిగ్రీ ‘’అనే కాన్సెప్ట్ ద్వారా ప్రజలకు అందుబాటులో ఉండే మందులు, సేవలు అందిస్తున్నాము. భారతదేశంలో మెడికల్ టూరిజాన్ని ప్రోత్సహించడమే లక్ష్యం. సౌకర్యవంతమైన ఆరోగ్య సేవలను అందించాలన్నది మా ఆశయం.

మీడికల్ రంగంలో 100 రకాల వ్యాక్సిన్లు మార్కెట్‌లో ఉన్నాయి. ప్రజలు ఏది తీసుకోవాలో తెలియక గందరగోళంగా ఉన్నారు. అసలు విషయమేమిటంటే, ప్రతి మందు లక్ష్యం ఒక్కటే. గుణనిల్వ, నాణ్యత, పరిశోధనల పరంగా చూసినప్పుడు ఫైజర్(Pfizer) మొదటగా వచ్చింది. భారత్‌లో కోవాక్సిన్, కోవిషీల్డ్ అత్యంత ప్రభావవంతమైనవి. మూడో వేవ్ పెద్దగా ప్రభావం చూపలేకపోవడం కూడా మనం పూర్తి టీకాలు వేసుకున్నదానికి నిదర్శనం. కాబట్టి కొత్త వ్యాక్సిన్ల గురించి ఆందోళన అవసరం లేదు. ప్రభుత్వం ఇచ్చిన టీకాలు సరిపోతాయి.

చివరగా, డాక్టర్ శర్మ గారికి ధన్యవాదాలు తెలియజేస్తున్నాను. భవిష్యత్తులో ఇంకా గొప్ప పాత్రలు పోషించాలని మనస్ఫూర్తిగా కోరుకుంటున్నాను.

శర్మగారి జీవిత విశేషాలు

శర్మగారి తండ్రి  డిఫెన్స్ లో పని చేసి వచ్చి బాంకింగ్ బిజినెస్  ప్రారంభించారు .కానీ అందులో సక్సెస్ సాధించలేక పోయారు .ఆయన పేరు శేష శర్మ  మళ్లీ ఎన్బి ఎస్సి చేశారు .కొంతకాలం కన్సల్టెన్సి చేశారు .ఏదిచేసినా సక్సెస్ కాలేదు .ఒక రకం గా ఆయన ఫెయిల్యూర్ తండ్రి .

 కొడుకు శర్మగారి జీవితం కూడా ఫెయిల్యూర్ నుంచే మొదలైంది .శర్మగారు తోమ్మిదోక్లాసులో ఉండగా తండ్రి గారి వ్యాపారం కుప్పకూలి పోయింది .జీవితం అంటే ఏమిటో తెలిసే టీన్ ఏజ్ సమయం అది .అప్పుడు వాస్తవాలు ఏమిటో బోధపడ్డాయి .లక్ష్మీ కటాక్షం లేకపోయినా సరస్వతీ కటాక్షం పుష్కలంగా ఉండటం తాతగారు రాధాకృష్ణన్ గారి జీన్స్ వలన చదువులన్నిట్లో నంబర్ వన్ పొజిషన్ సాధించారు .అన్నిట్లో గోల్డ్ మెడల్స్ సాధించిన విద్యామూర్తిశర్మాజీ .పదవ క్లాస్ ఫేజు తర్వాత మరెప్పుడూ ఫీజు కట్టలేదట .అంతా స్కాలర్షిప్ లతోనే చదువు సాగింది చదువులతల్లి పుష్కలంగా ఆశీర్వదించి ము౦దుకు నడిపించింది.హార్వర్డ్ యూనివర్సిటీ లో కూడా ఇలాగే జరిగిందని చెప్పారు శర్మగారు . చదువే ముఖ్య ధ్యేయంగా చేసుకొని తమ విద్యా ప్రయాణం సాగించారు .కష్టపడటం అనేది వెన్నతో పెట్టిన విద్య అయింది .అదే తన ఆర్ధిక విజయాలకు కారణం అయింది అంటారు శర్మ గారు డబ్బుకోసం చిన్నప్పుడు ఇంటింటికి పేపర్లు వేశారు .పాలపాకెట్లు వేశారు మెకానికల్ షాప్ లో చిన్నచిన్న పనులు చేశారు .ఆరోజుల్లో ప్రతి రూపాయి వారి కుటుంబ పోషణకు అవసరమే .ఆయనజీవితం లో ఆకాలం ‘’వెరి వెరిటఫెస్ట్ ఫేజ్ ‘’.శర్మగారికి రెండేళ్లు వచ్చేటప్పటికి రాధాకృష్ణ గారు మరణించారు తాతగారు ఎత్తుకొని బాగా ముద్దు చేసేవారని వాళ్ళ అమ్మగారు చెబితే తెలిసింది .తాతగారి ఆప్యాయతను స్వయంగా అనుభవించిన మనవడు శ్రీ సుబ్రహ్మణ్య శర్మగారు .తర్వాత శర్మగారి ఆర్ధికాభి వృద్ధి గురించి తెలుసు కొందాం .

  సశేషం

మీ -గబ్బిట దుర్గా ప్రసాద్ -13-7-25-ఉయ్యూరు .