విరాట పర్వం లో తిక్కన విరాట్ స్వరూపం

“హృదయాహ్లాది చతుర్ధ మూర్జిత   ఖదోపెతంబు ,నానా రాసాభ్యుదయోల్లస్సి విరాటపర్వము”  అని తిక్కన విరాట పర్వ ప్రబంధ రచనకు అనుకూలం అనే విషయాన్నీ ముందే చెప్పాడు.  ఇందులోని కధ మన జీవితానికి చాల దగ్గర. వీర, శృంగార రస పోషణకు వీలు .అందుకే హృదయాహ్లాది అయింది .అనేక సన్నీ వేసాల్లో ,వ్యక్తుల ప్రవర్తన ,నిజ స్వరూపం ,శీలం ,స్వభావం ఇందులో బాగా వ్యక్తమవుతాయి .లౌకిక జీవితం సంపూర్ణంగా ప్రతిబింబించింది .కీచక వధ ,ఉత్తర గోగ్రహణం అభిమన్యు వివాహం దీనిలో ముఖ్య ఘట్టాలు .మొదటి దానిలో వీర, రౌద్రాలు ,రెండవ దానిలో వీర,హాస్యాలు చివరిలో లలిత   శృంగారం  వర్ణించాడు .   .
కీచక వధను ప్రబంధం గా తిక్కన రాసాడు .అసహాయ స్థితిలోని స్త్రీకి జరిగే అవమానం ,శీల రక్షణ కై ఆమె చేసే ప్రయత్నం దాని ద్వార వివిధ పరిణామాలు లోక సామాన్యమయినవి కనుక ఇతివృత్తం సహజ ఆకర్షణ పొందింది .పరులను ఆశ్రయించటం ,రాజాశ్రయం లోని కష్టాలు పాండవుల విరాట్ నగర జీవితానికి నిలువు అద్దం పట్టాయి .విరాటుని వినోదం కోసం భీముడు మల్లుల తోనే కాక ,సింహలతోను పోరాడ వలసి రావటం దాసి కనుక రాణి సుధేష్ణ చెప్పినట్లు చేయ వలసిన  దీన స్థితి లో  ద్రౌపది వుండటం ,తన అభిప్రాయాన్ని కాదన్నాడని ధర్మ రాజుని విరాటరాజు పాచికలతో కొట్టి అవమానించటం ,పాండవుల మీద మనకు సానుభూతి కలుగుతుంది ,.దీనికి అంతటికి కారణం ధర్మరాజు  జ్యుతం దాని ఫలితంగా పొందిన దాస్యం .అందుకే బలవంతులయిన పాండవులకు నిస్సహాయ స్థితి కల్గింది .సామాన్య మానవా జీవితం లో కనిపించే స్త్రీ లోలత కీచాకునిలో ప్రతిబింబించాయి .యుక్తాయుక్త విజ్ఞత లోపిస్తే కలిగే పరిణామం ఇదే నని మనందరికీ హెచ్చ్చారిక కామా,క్రోధాలు కీచక వృత్తంత విషయం కానుక తిక్కన దీన్ని ప్రబంధ విధానం గా నడిపి మనస్సులను ఆకర్షించాడు .ఉద్యానవన ,సూర్యోదయ అస్తమయ వర్ణనలు తరు వాత వచ్చ్చే ప్రబంధ యుగానికి తోలి మెట్లు .,మార్గదర్శకం కూడా .వీటిని ఎర్రన ,నాచనా సోమన గ్రహించారు.   శ్రీనాధుడు స్వీకరించి పోషించారు .కృష్ణ దేవరాయల కాలం లో పరిపక్వ స్థితి పొందింది.

ఈ భావాలూ మీకు నచ్చితే  వరసగా తరువాత మరి కొన్ని తిక్కన మహా కవిస్వరుని భావాలను ఆవిష్కరిస్తాను.