వీరి సంస్కృతిని ”నార్డిక్ కల్చర్ ‘అంటారు . ఈ ప్రజలు యుద్ధ వీరులు వ్యవసాయ దారులు ,సముద్ర  దొంగలు ,అన్వేషకులు .మంచి వాణిజ్య నిపుణులు . జంతు రోమాలు అంటే ఫర్ అమ్మకాలతో కుబేరులయ్యారు .వాల్రస్ చేపల దంతాలు ,ద్రువపు ఎలుగుబంటి చర్మాలను రాజులకు అమ్మి పిచ్చగా సంపన్నులయ్యారు .వీరిది స్వతంత్ర ప్రవ్రుత్తి .ఎవరివద్దా బానిసలుగా కానీ పని కానీ చేసేవారుకాదు . గ్రామాలకు గ్రామాలనే  బందీ చేసి ప్రజలను బానిసలను చేసి అమ్మటం వీరి ప్రత్యేకత .బంగారం వెండి రాయి కలప లతో అద్భుత సృజనాత్మక  వస్తువులు చేసేవారు .ఇప్పటికీ ఇవి సజీవంగా ఉన్నాయి అయితే ఆడవారికి రాజకీయా ,న్యాయ విషయాలలో ప్రవేశం లేదు .వాళ్ళు పొలం పనులు చేపల పరిశ్రమ కే  పరిమితం భర్తలు వారాలు నెలలు సంవత్సరాలతరబడి ఇంటికి దూరంగా ఉంటె కుటుంబ బాధ్యత స్త్రీలదే ..కథలు చెప్పటం వీరిలో తరతరాలుగా వర్ధిల్లిన కళ ..నోర్సే  పురాణ గాధలను వీరుల చరిత్రలను కంఠతా వచ్చి తర్వాత తరాలకు ఆకధలను చెప్పి స్ఫూర్తి కలిగించేవారు . 13 శతాబ్దం దాకా వారికీ  లిఖిత సాహిత్యం లేదు .కధలు గాధలు కవితాత్మకం గా  చెప్పే వారంటే వారికి పరమ ఇష్టం .వీరిని ”స్కాల్డ్స్ ”అంటారు .వీళ్ళు పురాణ గాధల్ని ,హీరోల చరిత్రలను రాసి పాడి వినిపించేవారు

  నోర్సే  గాడ్స్ అంటే దేవుళ్ళు అందమైన ” ఆస్కార్డ్ ”అనే బంగారు భవంతులలో ఉంటారు . వీరిలో” ఓడిన్ ”దేవుడు ముఖ్యుడు  దీన్ని వేరేరకంగా చెప్పాలంటే నోర్సే పాంథియన్ లలో(దేవతా గణం  ) ఓడిన్ ముఖ్య అధిపతి ,అతని కొడుకు ”ధార్ ”ఉరుముల దేవుడు ”.ఫ్రే”  సంతానోత్పత్తి దేవత ఫ్రే కవల సోదరి  ఫ్రేయ  .పోడియం కు జంతు మానవ బలి ఇష్టం .ఇతని భార్య ఫ్రిగ్గా ” ముఖ్య దేవతా రాణి .ఈమె కొడుకు బాల్డర్ మంచితనం కాంతులకు దేవుడు కవిత్వానికి దేవత బ్రాగి .యుద్ధ దేవత ”టైర్ ”దేవతల దూత  ”వాలియంట్ హెర్మోడ్ ”..నోర్సే లు పాతాళ లోకం ఉందని దాన్ని  క్రూర రాక్షసులు పాలిస్తారని ,వారిలో ”లోకి ”చాలా ప్రమాదకరమమైన వాడని అతని కూతురు” హెల్ ”  చనిపోయిన  గౌరవం లేని చీకటి రాజ్య0 ” నిఫ్తీమ్” కు రాణి అని నమ్ముతారు . నోర్సే  దేవతలకు,  సాధారణ మానవులకు ”ఈవిల్  ఫ్రాస్ట్ జయింట్స్ ”నిరంతరం భయం బాధ కలిగిస్తారని భావిస్తారు  .ఇదంతా మన పురాణాలకథలే .పేర్లు తేడా అని పిస్తుంది .

  ఈ పురాణ గాధలకు ఆధారం పొయెటిక్ ఎడ్డా లేక ఎల్డర్ యెడ్డా.ఇందులోని కథలు సిగార్డ్  లేక్ సీగ్  ఫ్రెడ్ అనే  డ్రాగన్ కిల్లర్ అయినవీరుని   సాహస గాధలు . ఎల్డర్  ఎడ్డా లో విశ్వం పుట్టుక ,సకల గోల్డెన్ ఆస్కార్డ్ దేవతలు మరణించే డూమ్స్ డే వర్ణనా  ఉన్నాయి . అదే మన ప్రళయం లాంటిది .ఈ గాధాలహరి 1000 -1100 కాలం లో రాయబడింది .ఇదికాక మరో లిఖిత గ్రంధం ”యంగర్  ఎడ్డా ”ను 1200 లో కవి ,చరిత్రకారుడు ,రాజాస్థానం లో ఉన్న స్నోర్రి స్ట్ర ర్లు సన్ రాశాడు . దీన్ని వచన ఎడ్డా అని కూడా అంటారు ..ఇందులో కవులకు కావలసిన చిట్కాలతోపాటు ముఖ్య దేవతల వర్ణన వుంది . ఈ కాలం లో నోర్సే దేవతలైన ఓడిన్ ,ధార్ ,మొదలైన వారి కధలను వైకింగ్ లతో జోడించి చెబుతున్నారు .

  911 లో వైకింగ్ చీఫ్  హ్రాల్ఫ్ కు ఫ్రెంచ్ రాజు కొంత ప్రాంతాన్ని ఇచ్చేశాడు అదే నార్మండి  ..తర్వాత ఇంగ్లాన్డ్ ను ,ఇటలీ లో కొంత భాగాన్ని జయించాడు .. యుద్ధం లో చనిపోయిన నోర్సే  వీరులు దేవతాధిపతి ఓడిన్ కు ”వల్ల హల్లా ”లో అతిధులుగా ఉంటారని నమ్ముతారు ..ఇదే వారి  అమర వీరుల స్వ ర్గం .మనకూ ఇదే కద ఉన్నది కదా . ఇక్కడ అమర వీరులకు సకల సౌకర్యాలు ,”విందు ,మందు పొందు” లభిస్తాయి   .ఐస్ ల్యాండ్ లో 130 అగ్నిపర్వతాలున్నాయి 2010 లో ఒక వాల్కనో బ్రద్దలైతే దాని పొగయూరప్ దాకా  ఆకాశమంతా కమ్మేసి అనేక వారాలు విమాన ప్రయాణాలు రద్దయినాయి .నోర్సి మైథాలజీ ఇలాంటి భయోత్పాతాలవలన ప్రభావితమైనదే ..ఇంగిలీషు నిఘంటువులో వీళ్ళ మాటలు ఎన్నో చేరాయి .Enthral అంటే అతి నిశ్శబ్దంగా ఉండటం.లేక సంభ్రమంలో బందీ అవటం  .ఇది ఓల్డ్ నోర్సే పదం ”త్రాల్” అంటే బానిస నుంచి వచ్చిందే   వైకింగ్ ల డ్రాగన్ షిప్ లంటే శత్రువులకు టెర్రర్ ..వైకింగ్ లు మహా నావికులు . 1984 లో నార్వేజియన్ రెగ్నార్  దోర్ సేత్ తన కుటుంబం తో వెయ్యేళ్ళ నాటి” వైకింగ్ నార్  ”అనే నౌకలో గంటకు 16 కిలోమీటర్ల వేగం తో ప్రపంచాన్ని అంతటిని 2 ఏళ్లలో చుట్టి  వచ్చాడు  .    వారానికి ఆంగ్లం లో ఉన్న ట్యూస్  డే  వెన్స్ డే దర్స డే ఫ్రై  డే రోజులు కూడా నోర్సే  దేవ భాషా జన్యాలే -టైర్(టియు )ఓడిన్ (వోడేన్ ) ధార్ ,ఫ్రిగ్గా లకు సాంకేతికాలు టైర్ యుద్ధ దేవత ,ఓడిన్ దేవాధిరాజు ,ఇతనికొడుకు ధార్  ఫ్రిగ్గా  ఓడిన్ భార్య క్వీన్ ఆఫ్ గాడ్స్ .ధార్ ప్రజా దేవత వైకింగ్ వీరుల ఆరాధ్య దేవత .ఒక గాధ ప్రకారం హాటిల్దా  ది హన్ ఒక నది ఒడ్డున 434 లో టైర్ దేవత యొక్క  భూమిలో పాతబడి ఉన్న ఖడ్గాన్ని  గుర్తించి  బయటికి తీశాడు . రోమన్ ,గాల్  అంటే నేటి ఫ్రాన్స్ సామ్రా జ్యాలకు హాటిల్దా  అతని బార్బేరియన్ గుంపు అంటే సింహస్వప్నం ..

  స్కాండినేవియాలో రాత్రివేళల్లో ఆకాశం ప్రకాశమానంగా ఉన్నప్పుడు ఫ్రిగ్గా దేవత రాట్నాన్ని నక్షత్రాలలో చూడవచ్చు నని చెబుతారు .దీన్నే గ్రీకులు ఓరియన్ బెల్ట్ నక్షత్ర సముదాయం అన్నారు ..ఓరియన్ అంటే గ్రీకు పురాణ వీరుడు .యితడు చంద్ర దేవత  ఆర్టిమెస్ చేత  చంపబడ్డాడు  . 1903 లో ఒక నార్వేజియన్ రైతు పొలం లో ఓక్ తో చేయబడ్డ వైకింగ్ షిప్ ఓస్ బెర్గ్ భూమిలో లోతుగా తవ్వితే బయట పడింది . ఆ షిప్ లో అందంగా వస్త్రాలంకరణ చేసుకొన్న ఇద్దరు యువతుల శవాలు కొన్ని విలువైన వస్తువులు ఒక బకెట్ నిండా ఆపిల్ పళ్ళు కనిపించాయి ఆపిల్ పళ్ళు సంతానానికి చిరాయువుకు చిహ్నాలు  .ఓడిన్ దేవతకు” స్వస్తికా ”చిహ్నానికి సంబంధం ఉంది ఈ చిహ్నం డెన్మార్క్ లో ఆంగ్లో సాక్షం రాజుల ఖడ్గాలపిడి పై కనిపించింది .ఈ చిహ్నం ఉంటె యుద్ధం లో విజయం తధ్యమని నమ్మిక .20  వ శతాబ్దం లో జర్మనీ నాజీలు స్వస్తికా ను తమ జండా చిహ్నంగా స్వంతం   చేసుకొన్నారు

  నార్డిక్ ప్రజలు దేవతలకు గుర్రాలను బలి ఇచ్చేవారు ..రోమ్ లో పూర్వం రథాల పోటీ ఫీల్డ్ ఆఫ్ మార్స్ అనే చోట ప్రతి అక్టోబర్ లో జరిగేది .గెలిచిన టీమ్ రైట్ హాండ్ హార్స్ ను మార్స్ దేవతకు  మంచి పంట కోసం బలి ఇచ్చేవారు .ఇక్కడ ఒక తమాషా విషయం జ్ఞాపకానికి వచ్చింది .ఈ మధ్య  మైనేని గారు పంపిన హారీ .జి ఫ్రాంక్ఫర్ట్ రాసిన ”రీజన్స్ ఆఫ్ లవ్ ”చదువుతుంటే అందులోగ్రీకు తత్వవేత్త గణిత శాస్త్రజ్ఞుడు అరిస్టాటిల్” 2 కు వర్గమూలం రేషనల్ నంబర్ కాదు”అని తాను రుజువు చేసినందుకు అమితానందపడి ఆయన మత క్రియలను బాగా ఆచరించేవాడుకానుక వెంటనె తన అను అనుచరుల్ని 100 ఎద్దులను దేవతకు బలి ఇప్పించాడని ,ఆతర్వాత అప్పటినుంచి ఏ శాస్త్రజ్ఞుడు కొత్త విషయాన్ని కనిపెట్టినా  తమ ప్రాణాలు అన0త  వాయువుల్లో కలిసిపోతాయేమోనని ఎద్దులు వణికి పోయే వని  చమత్కరించాడు రచయిత..ఇందులోనే మరో విషయం ప్రముఖ శాస్త్ర వేత్త నీల్స్ బోర్ చెప్పిన ట్లు ప్రచారం లో ఉన్న  ”  one should never speak more clearly than one can think ” సూక్తి నచ్చింది

 అడవి పంది  అంటే పూర్వ నోర్సేలకు మహా గౌరవం .అది చాలా ప్రమాదకర ,కపట జంతువు . దాని వాడియైన దంతాలు మనుషుల్ని ,కుక్కల్ని గుర్రాల్ని చీల్చిపారేస్తాయి .అడవి పంది  తలకాయను నార్థన్ కింగ్స్ ,వీరులు టోపీ గా పెట్టుకునేవారు .అది వీరత్వానికి ఘనమైన చిహ్నం  . danelawఅనే పదం ఒకప్పుడు బ్రిటిష్ ఐ ల్స్  లో వైకింగ్ లున్న ప్రాంతాలకు గుర్తుగా వాడేవారు .తర్వాత కాలాంతరం లో స్కాండినేవియన్ శబ్దజాలం లో  law, bylaw ,outlaw పదాలు ఏర్పడి  అవే  ఇంగ్లీష్    పదాలుగా వాడబడుతున్నాయి  .కెనడాలో నోర్సే కాలనీ స్థాపించిన ప్రముఖులలో” ఫోర్బ్ జర్నర్న దొట్టిర్”ఒకామె . 11 శతాబ్ది మధ్యలో ఆమె రోమ్ పర్యటన చేసి0ది  పోప్ తో సెటిల్ మెంట్ గురించి మాట్లాడి ఉంటుంది అంటారు .కనుకనే తర్వాత కేథలిక్ బిషప్ నుగ్రీన్ ల్యాండ్ లో ఏర్పాటు చేశారని ఆయన కింద ఐస్ లాండ్  లోఅప్పటికి  పేరు పెట్టని ప్రదేశాలు కూడా ఉన్నాయని భావిస్తారు . ప్రపంచం లో ”లౌడెస్ట్  బాండ్ ”   వైకింగ్ ఫ్లైర్ గా గిన్నెస్ బుక్ లో చోటు చేసుకొన్నది.వారి  ” సన్  ఆఫ్ ఓడియన్  ఆల్బమ్”   ను 2006 లో,గాడ్స్ ఆఫ్ వార్ ఆల్బమ్ 2007 లో విడుదలయ్యాయి

  సాహిత్యం లో హేన్రి రైడర్ హెగ్గర్డ్ ప్రసిద్ధ రచయిత.అతని కింగ్ సా ల్మన్ మైన్స్,షి నవలలు గొప్ప పేరుపొందాయి .జె ఆర్ ఆర్ టోల్ కెన్ అనే బ్రిటిష్ రచయితతన హాబీబిట్ ,లార్డ్ ఆఫ్ రింగ్స్ నవలలో నోర్సే కధలకు అందమైన రూపం ఇచ్చాడు .కాలిఫోర్నియాలో లేక్ టాహో వద్ద ”వైకింగ్స్ హోల్మ్ కాజల్ ఉంది దీన్ని 1929 లో స్వీడెన్   ఆర్కిటెక్ట్   లోరానైట్ నిర్మించాడు  నీల్ గయమన్అనే అమెరికన్ రచయిత రాసిన అవార్డు నిన్నర్  రచన ”అమెరికన్ గాడ్స్ ”లో పాత్రలందరూ పాత నోర్సే  దేవతలకు ఆధునిక పెర్సనానిఫికేషన్స్   నోర్సే  దేవతలైన  ధార్  ,మొదలైన వారి పేర్లు ఇప్పుడు వీడియో గేమ్స్ ,కామిక్స్ ,టివి షో లలో దర్శన మిస్తూ .నోర్సే  దేవతలను చిరంజీవులు చేస్తున్నారు ..లాంగ్ లివ్ నోర్సే  గాడ్స్ ”

. 

   మీ –  గబ్బిట దుర్గాప్రసాద్ -23-5-17- కాంప్-షార్లెట్ -అమెరికా