ఇది చైనా వారికే కాక ఆసియా  వారంతా గర్వించ దగిన వార్త   .చైనా దేశపు జానపద సాహిత్యానికి లభించిన కీర్తి కిరీటంఇది .జాన పదాన్ని ,భ్రాంతి పూర్వక వాస్తవం తో జోడించిన రచనలను ఆయన చేసినందుకు లభించిన పురస్కారం .దీని తో చైనా ఒక్క సారి గా ప్రపంచ సాహిత్య పటం  మీద చోటు దక్కించు కొన్నది .
-ఆయన అసలు పేరు గువాన్ మోయే.అయితే కలం పేరుగా ఆయన” మో యాన్” అనే పేరు ను ఎన్ను కొన్నారు .ఆ మాటకు చైనా లో అర్ధం -”మాట్లాడను(కు) ”అని . మన ”మౌనం ”- అనే మాట కు అది సరైన  పదమేమో ?అంతే కాక చైనా లో రచయిత ల,కళా కారులపై  పై నిర్బంధం,ఆంక్షలు సెన్సార్లు  కూడా కారణం కావచ్చు .అది కావాలని ఎన్నుకొన్నమాట అన్న మాట .

                  చైనా లో షాన్ డాంగ్ కు ఈశాన్య ప్రాంతపు గ్రామీణ వాతా వరణం లో యాన్ చిన్న నాటి జీవితాన్ని ,కల్లోల పరిస్తితులను తన రచన ల లో ప్రతి బిమ్బింప జేశాడు .ఆయన పన్నేండవ  ఏటనే స్కూలు జీవితానికి బల వంతం గా స్వస్తి  చెప్ప వలసి వచ్చింది .ఆయనేమీ ఆగర్భ శ్రీ మంతుడు కాదు .కటిక దరిద్రాన్ని అనుభ వించిన వాడు .కడుపు నింపు కోవటానికి తిండి దొరక్క పోతే కలుపు మొక్కలను ,చెట్టు బెరడు లను తిని బతికిన వాడు .చిన్న తనం లో గొడ్లను కాసి బతికాడు .బియ్యం ఎలా ఉంటాయో తెలీని దుర్భర దారిద్ర్యాన్ని అనుభ వించాడు .ఆయనకు పన్నెండేళ్ళ వయసు లో మావో గారి సాంస్కృతిక విప్లవం ఆరంభ మైంది .దాని వల్ల  గ్రామీణ జీవిత విభాగం ఎంత అల్లా కల్లోలానికి లోను అయిందో ఆయన రచనల లో ఆవిష్క రించాడు .వాటి నన్నిటిని యాన్ తాను రాసిన ”రెడ్  సొర్ఘం  ”పుస్తకం లో అద్దం  పట్టాడు .అది సినిమా గా వచ్చింది .చైనా దేశపు ప్రఖ్యాత సినీ దర్శకుడు ఝాంగ్ యిమౌవ్ ఆ నవలను అద్భుతం గా తెరకు ఎక్కించాడు .అది అవార్డులను గెల్చుకోన్నది .

              యాన్ నవల ల లో ఇరవై వ శతాబ్దపు చైనా లోని కల్లోల పరిస్తులను ,,సాంస్కృతిక విప్లవం తెచ్చిన సంక్షోభాన్ని, బల వంత ,కుటుంబ నియంత్రణ లో చూపిన రాక్షస విధానాలను  శక్తి వంత మైన పద జాలం తో ఎండ గట్టాడు .మూడేళ్ళ క్రితం ఆయన రాసిన ”ఫ్రాగ్  ”అనే రచన లో బల వంతపు భ్రూణ హత్యలకు ,వరుస గర్భ స్రావాలకు ప్రోత్సహించ టానికి సాక్షీ భూత మైన ఒక మిడ్ వైఫ్ జీవితాన్ని వర్ణించాడు , .