’కెమోటాలజి పిత’’ కొలచల సీతా రామయ్య ‘32(’  పుల్లేరు నుండి ఓల్గా దాకా ’)(చివరిభాగం )

‘  డాక్టర్ కొలచల సీతారామయ్య గారి జీవితం ,పరిశోధనలు పై  రష్యన్ భాషలో మొదట  సీతారామయ్య గారి పెద్దకూతురు లీలావతి భర్త Ghen Shangin –Berezovsky  రాశారు . దీనిని  ‘’A wreath for Doctor Ramayya ‘’పేరుతొ అచలా జైన్ ,ఎస్.పి.కే .గుప్తా తోకలిసి ఇంగ్లీష్ లోకి అనువదించారు ఈ గ్రంధానికి సంపాదకులుగా ఎస్.పి.కే .గుప్తా వ్యవహరించారు .ఇప్పుడు సంపాదకుని మాటలలో మరింత సమాచారం తెలుసుకొందాం .

వెదక బోయిన తీగ

మొదటి సారిగా కొలచల సీతారామయ్య గారి గురించి 1959 లో బెంగుళూరు ఐ .టి. ఐ .మేగజైన్ ఎడిటర్ .డి.వి.ఏం.రావు తాను  తెలుగు భాగం’’ఐ .టి .ఐ. వాణి –అక్టోబర్ –నవంబర్ సంచిక ‘’లో రామయ్యగారిపై రాసిన వ్యాసం పంపగా గుప్తా తెలుసుకొన్నారు .  డాక్టర్ ఎల్లా ప్రగడ సుబ్బారావు గురించి గుప్తాను సమాచారం పమపమని కోరారు రావు గారు .ఇరవై మూడేళ్ళ తర్వాత 1982లో  ప్రెస్ ట్రస్ట్ ఆఫ్ ఇండియా విలేకరిగా మాస్కో వెళ్ళిన గుప్తా రామయ్యగారి గురించి మరింత సమాచారం తెలుసుకోవాలని అనిపించింది .అక్కడ చాలామంది భారతీయులు ఉన్నా ఎవరికీ రామయ్య గారి గురించిన పూర్తి సమాచారం ఇవ్వలేకపోయారు .1984లో తాష్కెంట్ లో జరిగిన  ఫిలిం ఫెస్టివల్  విశేషాలను రాయటానికి గుప్తా  వేసవిలో ఉజ్బెక్ రాజధానికి మేనెల 31 న వెడుతూంటే ఒక రష్యన్ రచయిత ‘’వ్లాడిమిర్ సుకలోవ్ ‘’గుప్తాను ఆపి కారులో లిఫ్ట్ ఇచ్చి దిగాల్సిన హోటల్ కు చేర్చాడు .ఇద్దరి మధ్య జరిగిన సంభాష ణలో  రామయ్య గారి గురించి ,సోవియట్ లో ఆయన కుటుంబాన్ని గురించి ప్రస్తావన వచ్చింది .సుకలోవ్ తనకు రామయ్య గారి కుటుంబ వివరాలు తెలుసునని ,పెద్దకుమార్తె లీలావతి బాగా పరిచయమేనని చెప్పి ఆమె మాస్కో అడ్రస్ ,ఫోన్ నంబర్ ఇచ్చాడు .వెదక బోయిన తీగ కాలికి తగిలింది గుప్తాకు .గుప్తా కు సుకలోవ్ తో అనుకోకుండా జరిగిన పరిచయం పరిచయం సత్ఫలితాలనిచ్చింది . .సుకలోవ్ తాను రాసిన చిన్ననవల ‘’బర్ఖాన్ ‘’గుప్తాకు కానుకగా ఇచ్చి వెళ్ళిపోయాడు .                దర్శనమివ్వని లీలావతి –గుప్తంగా ఉన్న రామయ్య చరిత్ర ను వెలికి తీసిన గుప్తా

గుప్తా తనకు సుకలోవ్ ఇచ్చిన మాస్కో ఫోన్ నంబర్ కు లీలావతికి చాలా సార్లు ఫోన్ చేశాడు .అక్కడ గుప్తా ఉన్న నాలుగేళ్ళలో ఆమెకు ఎన్ని సార్లు ఫోన్ చేశాడో లెక్కే లేదు .లీలావతి ని రమ్మని, తండ్రి గురించి వివరాలు చెప్పమనీ చాలా  సార్లు  అర్ధించాడు  .నాలుగేళ్ళలో ఒక్కసారికూడా ఆమె వచ్చి గుప్తాను కలవలేదు .కానీ పోస్ట్ లో ఒక సారి ఒకే ఒక పేజీలో రామయ్య గారిపై ఉన్ననోట్ ను మాత్రం పంపింది .తర్వాత రష్యా మేగజైన్ ‘’Zvezda Vostaka’’కు చెందిన రెండు సంచికలు పంపింది .అందులో ‘’A wreath for  Lal Govind  Ramayya ‘’గురించి రాయబడి ఉంది .Ghen Shangin –Berezovsky తన భర్త అని కాని ,కారు లో తనను హోటల్ కు తీసుకొచ్చిన సుకలోవ్ ఈ  ఆర్టికల్స్ తాష్కెంట్ జర్నలో  ముద్రించటానికి ముఖ్య కారకుడనికాని గుప్తాకు తెలియ జేయక పోవటం ఆశ్చర్యంగా ఉంది.ఫోన్ లో గుప్తా రామయ్యగారి గురించి మరిన్ని వివరాలు అడిగితే, రామయ్య గారి అస్తికలు మాస్కో క్రేమేటోరియం చాపెల్ లో భద్రపరచబడి ఉన్నాయని మాత్రం చెప్పింది .గుప్తా కు రామయ్యగారి అస్తికల పాత్ర ను సందర్శించాలని మనసులో ఉండి లీలావతిని కూడా తనతో రమ్మని కోరగా వస్తానని చెప్పింది కాని మనసుమార్చుకొని ,రాలేదు ..మాట నిలబెట్టుకోలేక పోయింది రామయ్యగారి కన్న పెద్ద కూతురు లీలావతి

భారత్ చేరిన రామయ్య గారి పై ప్రచురిత సంచికలు –ప్రొఫైల్ రచన

1988 లో గుప్తా రష్యానుండి ఇండియా వస్తూ రామయ్యగారిపై ప్రచురింపబడిన సంచికలు తనతో ఇండియాకు తెచ్చాడు .సైన్స్ రిపోర్టర్ పత్రిక సంపాదకుడు  జి .పి .ఫోన్ డ్కే-గుప్తాను ‘’Un sung Hero of .Science ‘’ పేరుతొ  రామయ్య గారిపై  రాయమని కోరాడు .అప్పటికే గుప్తా అదే శీర్షిక తో డాక్టర్ ఎల్లాప్రగడ సుబ్బారావు గారి పై ‘’Subba Rao the Conquer of Plague ‘’ ప్రొఫైల్ రాసిఉన్నాడు  .చేతిలో రామయ్యగారి గురించిZvezda Vostoka’’ పత్రిక  ‘’వివరాలు ఉన్నాయి .అచలా జైన్ సహకారంతో గుప్తా బెరేజోవ్ స్కి  రచనను ఆంగ్లం లోకి అనువదించారు . గుప్తా  కుమారుడి మాస్కో క్లాస్ మేట్ అచల .పుష్కిన్ ఇన్ ష్టి ట్యూట్  లో గ్రాడ్యుయేషన్ చేసి ,ఢిల్లీ కి  తిరిగి వచ్చింది .రష్యన్ భాషకు ఇంటర్ ప్రీటర్ గా  ఉంటూ సోవియట్ ను దర్శించే బిజినెస్ గ్రూప్  మొదలైన డెలిగేషన్ వారికి సహాయకారిగా ఉంటోంది .రోజుకు ఒకటి లేక రెండుగంటలు గుప్తా కు సాయపడుతూ 57 సెషన్ లలో 1993 ఏప్రిల్ నుండి ఆగస్ట్ వరకు పని చేసి రామయ్యగారి పుస్తకాన్ని ఆంగ్లం లో అనువాదం చేయటానికి సహకరించింది.చిత్తుప్రతిని ఢిల్లీ ‘’IIT’s ITMMEC ‘’ముఖ్యాధికారి (హెడ్)ప్రొఫెసర్ ఏ.సీతారామయ్య నిర్దుష్టంగా పరిశేలించి రామయ్య గారి కేమోటాలజి  మొదలైన విషయాలపై అనువాదం లో ప్రామాణికత ను  నిర్ధారించాడు  .

  ‘’   ‘’ జోరా పెట్రునిచేవ ‘’రష్యన్ భాషలో 1985 మార్చి –ఏప్రిల్ Asia and Africa today “’లో  రాసిన ‘సోవియట్ ఆంధ్రా ‘’ లోని విషయాలు రామయ్య గారి కుటుంబ నేపధ్యం గురించి తెలుసుకోవటానికి గుప్తాకు సహకరించాయి .ఆసియా ఆఫ్రికా టు డే లో ప్రచురితమైన కొన్ని ఫోటోలు ,సోవియట్ లాండ్ మాస పత్రికలో వచ్చిన ఫోటోలు ‘’kolachala Sita Ramayya –Father of Chemmotology ‘’ప్రొఫైల్ రాయటానికి బాగా ఉపయోగ పడ్డాయి . అచలా తో గుప్తాకలిసి రాసిన ఈ ప్రొఫైల్  సైన్స్ రిపోర్టర్ లో 1993నవంబర్  లో ప్రచురితమైంది .విశేష స్పందన లభించింది .ఎడిటర్ డాక్టర్ ఫోన్ డ్కే  కు ఉత్సాహం రెట్టింపు అయి ‘’Achievements In Anonymity ‘’(Un sung Indian Scientists) పేరిట 12 మంది పై అత్యుత్తమ ప్రోఫైల్స్ రాయించాడు .అందులో ఒక హీరో ‘’రఫ్ రైడర్ ‘’మన సీతా  రామయ్య గారే .ఇవి బ్రహ్మాండంగా విజయవంతమైనాయి .అద్భుతమైన శీర్షిక ,అంతకన్నా అందులో అప్పటివరకు ఎవరికీ తెలియని విషయాల పొందిక ,విశ్లేషణ  విపరీతమైన క్రేజ్ ను తెచ్చి త్వరలోనే కాపీలన్నీ అమ్ముడై ఇప్పుడు ‘’అవుట్ ఆఫ్ ప్రింట్ ‘’గా ఉండిపోయాయి .

న్యు స్వతంత్ర టైమ్స్ లో పునర్ముద్రణ

‘’ ఘెన్ ‘’రాసిన దానికి చేసిన ఇంగ్లీష్ అనువాదం అలమరలలోనే ఉండిపోయింది .జన బాహుళ్యం లోకి రాలేదు .గుప్తా స్నేహితుడు వి .వామన రావు  సైన్స్ రిపోర్టర్ లో వచ్చిన ఆర్టికల్స్ 1997 ఏప్రిల్ –మే నెలలో’’ New Swatantra Times of Hyderabad ‘లో ’రి ప్రింట్ చేసిన తర్వాత  గుప్తాను కలవటానికి ఒక సారెప్పుడో వస్తే ,వాటిని చక్కగా ఎడిట్ చేసి సీరియల్ గా ప్రచురించి ఈతరం వారికి ,పాత తరం వారికీ కూడా ఆంధ్రులకు ,భారతదేశం లో ఇతర ప్రదేశాలలో ఉన్న తెలుగువారికీ తెలియ జేస్తే బాగుంటుంది అని సలహా చెప్పాడు. వామన రావు వెంటనే అంగీకరించాడు .అచల సహకారం తీసుకొని గుప్త మళ్ళీ పనిలో పడ్డాడు .ప్రతినెలా అచలా  ప్రింట్ చేయాల్సిన విషయాన్ని కంప్యూటర్ పేజీలలో పంపటం ,దాన్ని ప్రింటర్ కు పంపటం జరిగేది .కనుక ఇప్పుడు ఇంగ్లీష్ అనువాదం మొత్తం ‘’న్యు స్వంతర టైమ్స్ ‘’లో ప్రచురింపబడింది .1997నవంబర్ సంచికతో ప్రారంభమైన రామయ్యగారిపై ఈ ధారావాహిక 12 సంచికలుగా రూపు దాల్చి1998 నవంబర్ తో పూర్తయింది .

భారత ప్రభుత్వ సాంస్కృతిక శాఖ కార్య దర్శి డాక్టర్ వైద్యనాధఆయ్యర్  రామయ్య గారిపై వచ్చిన సీరియల్ ను ర చదివి మెచ్చి దాన్ని ఇంగ్లీష్, తెలుగు భాషలలో పుస్తకం గా తీసుకు రావాలని ప్రోత్సహించాడు .మాస్కో లోని ‘’రాడుగా ‘’పబ్లిషింగ్ హౌస్ కు ఎన్నో తెలుగు అనువాదాలు చేసిన ప్రిన్సిపాల్   ఆర్. వి. రావు తెలుగులో అనువదించటానికి వెంటనే ఒప్పుకొన్నారు కూడా .

ఉయ్యూరులో సూరి శ్రీరామ మూర్తి నిర్వహించిన  రామయ్య గారి శతజయంతి

‘’న్యు స్వంతంత టైమ్స్’’ ప్రచురించిన రామయ్య సీరియల్  కొలచల వారి కుటుంబానికి  బాగా నచ్చింది .’హైదరాబాద్ లో ఉంటున్న ఉయ్యూరు  వాసి ,’హాం రేడియో’’ అధినేత సూరి శ్రీరామ మూర్తి (సూరి)భార్య కొలచలచల వారి ఆడబడుచు కావటం తో ఉత్సాహం బాగా వచ్చింది .గుప్తా సూచన ప్రకారం శ్రీరామమూర్తి కృష్ణా జిల్లా లోని సూరి  స్వగ్రామం ఉయ్యూరు లో 1997 ఆగస్ట్ 17 నకోలాచల సీతారామయ్య గారి శత జయంతి ఉత్సవం (అసలైన జయంతి తర్వాత నెల రోజులకు )  నిర్వహించాడు .ఆనాటి పార్లమెంట్ సభ్యుడు శ్రీ దాసరి నాగ భూషణ రావు అధ్యక్షత వహించిన సభ కు విశేష సంఖ్యలో అభిమానులు వచ్చి పాల్గొన్నారు . విశాలాంధ్ర పబ్లిషింగ్ హౌస్  వారి చేత రామయ్య గారి  సంక్షిప్త జీవిత చరిత్ర ను  ముద్రింప జేయిస్తానని నాగభూషణం గారు వాగ్దానం చేశారు సభలో .దీన్ని దృష్టిలో పెట్టుకొని ఆర్ .వి .రావు గారు సంక్షిప్త తెలుగు అనువాదమూ చేసి సిద్ధపరిచారు .కాని ఇంతవరకు ప్రచురితం కాకపోవటం ఆంధ్రులుగా మన అలసత్వానికి గొప్ప ఉదాహరణ .

డాక్టర్ రామయ్యకు ఒక  పుష్పహారం

రామయ్యగారి అల్లుడు ‘’  ఘెన్ బెరేజోవ్ స్కి’’ రష్యన్ భాషలో రామయ్యగారిపై రాసిన దానికి చక్కని శైలి తో రాజి నరసింహన్ ,అనస్తేషియా శాంఘినా బెజోవ్ స్క(రామయ్యగారి మనుమరాలు ) ఫినిషింగ్ టచ్ ఇచ్చిన ఇంగ్లీష్ అనువాదం ఇప్పుడు ‘’A wreath for Doctor Ramayya ‘’ గా ప్రచురింప బడింది .రష్యన్ ,ఇంగ్లీష్ భాషలలో ప్రతిభ ఉన్న ద్విభాషా విదుషీమణి అనస్తేషియా కోసం  ఈపుస్తకాన్ని ముద్రించ టానికి ముందు   గుప్తా ప్రయత్నించాడు .

తాతగారి మూలాల వెదుకులాటలో ‘’సీతారామయ్య గారి మనవరాలు ‘’

న్యు స్వతంత్ర టైమ్స్ లో వచ్చిన ధారావాహికలో గుప్తా తన తాతగారు రామయ్యగారి కుటుంబ మూలాలను వెదికి ,శోధించి రాసినందు వలన దాన్ని చదివి  చదివిన అనస్తేషియా తన తాతగారి  కుటుంబ మూలాలను  తెలుసుకో గలిగింది . ఆ మూలాలను , తాత గారుపుట్టిన ఊరు, బంధుగణం లను  సందర్శించి జీవితం ధన్యం చేసుకోవాలని భావించింది .గుప్తా కు మనసులోని కోరిక తెలియ జేసింది .ఆమెను  వెంట బెట్టుకొని   గుప్తా హైదరాబాద్ వచ్చాడు .ఆమెకు కొలచల ,సూరి కుటుంబా ల నుండి అపూర్వ హార్దిక స్వాగతం లభించింది .’’సీతారామయ్య గారి మనవరాలు ‘’వచ్చిందని సంబరపడ్డారు .మీడియా కూడా గొప్పగా స్పందించింది .ఆమెను చూసి తాతగారు రామయ్య గారి శాస్త్రీయ పరిశోధనను మళ్ళీ జ్ఞప్తికి తెచ్చుకొన్నది ఆంద్ర లోకం .1963 లో రామయ్యగారు 42 ఏళ్ళ తర్వాత 42 రోజుల పర్యటన కోసం రష్యానుండి ఉయ్యూరు రావటం గుర్తుకొచ్చింది .ఆమెను తమ అడపడుచుగా ఎంతో  అభిమానంగా ఆత్మీయం గా ఆపేక్షగా ఆహ్వానించి పసుపు కుంకుమ చీరా సారే అందజేసి పూలతో సత్కరించారు .ఆంద్ర సంప్రదాయ పద్ధతిలో అనస్తేషియా చీర జాకెట్ తో ,తలలో  పువ్వులతో చేతులనిండా గాజులతో నుదుట యెర్ర కుంకుమబొట్టు తో   ఉయ్యూరుకు రావటం అందర్నీ ఆశ్చర్య పరచింది .ఆమె యెడల అనిర్వచనీయమైన గౌరవం కలిగింది .స్వంత ఆడపదచును గౌరవించినట్లు గౌరవించింది ఉయ్యూరు గ్రామం .

ఢిల్లీ లో అనస్తేషియా గుప్తా ఇంటివద్ద ఎల్లా కాటేజ్ లో ఉంది .గుప్తా చేసిన అనువాదానికి మెరుగులు దిద్దింది తానూ రాసిన దానికి ఆమె సూచించిన విషయాలతో గొప్ప శోభ కలిగిందని సంతృప్తి చెందాడు గుప్త ..ఈ విష్యం లో రాజ్ నరసింహన్ అనస్తేశియాలకు తానూ ఎంతో   రుణ పడి ఉన్నానన్నాడు గుప్త .1963 లో చేసిన అనువాదానికి అచల సహకరించింది .ఇప్పుడు వచ్చిన పుస్తకానికి బాధ్యతా అంతా గుప్తాదే.

గుప్తా కృతజ్ఞతాభి షేకం

చికాగో యూనివర్సిటి ,కార్నెల్ యూని వర్సిటి ,అమెరికా పేటెంట్ ఆఫీస్ లకు రామయ్య గారి విషయం లో  విలువైన సమాచారాన్ని తనకు అందజేసినందుకు గుప్తా క్రుతజ్ఞతలు తెలియ జేశాడు .రామయ్యగారి కుమార్తె లీలావతి కి తాను అడిగిన ప్రశ్నలన్నిటికి ఓపికగా సమాధానాలు ఫోన్ లో చెప్పిందుకు  , ఫైల్ ఆల్బం నుండి ఫోటోలు తీసి ఇచ్చినందుకు ,రామయ్య గారి  సైంటిఫిక్ సర్వే  పై సూక్ష్మ వివరాలు ఇంగ్లీష్  అందజేసినందుకు క్రుతజ్ఞతలు చెప్పాడు గుప్తా .

1997లో ఐ .టి. ఐ.కి పి .ఆర్. వొ. గా ఉన్న ఆర్ .సుందర రాజన్ 1959 ‘’ఐటి ఐ వాణి’’సంచికలను వెతికి బయటికి తీసి అందజేసినందుకు ,సోవియట్ లాండ్ మంత్లీలో పడిన రామయ్యగారి ఫోటోల నెగటివ్ లను  బ్రోమైడ్లను  ఇచ్చినందుకు కృతజ్ఞతలు ప్రకటించాడు .గుప్తాకు ఆత్మీయ స్నేహితుడు ప్రముఖ ప్రతిభగల ఫోటో జర్నలిస్ట్  సి .నరసింహారావు లీలావతి పంపిన రామయ్యగారి ఫోటో నెగిటివ్ లను డెవలప్ చేసి ఉయ్యూరు లో ప్రదర్శన పెట్టటానికి సహకరించినందుకు కృతజ్ఞత తెలిపాడు .1959ఏ నెల 20 వ తేదీ సోవియట్ లాండ్ సంచికకోసం ఢిల్లీ  ,మద్రాస్ ,మాస్కో లలో యెంత ప్రయత్నించినా దొరకనిది ,గుల్మొహర్ పార్క్ దగ్గరుండే స్నేహితుడు సి. పి. ఐ. కార్యకర్త ఆనంద్ గుప్తా దగ్గర దొరకటం , ప్రపంచం లోనే అదొక్కటే గా ఉన్న ఆఅరుదైన , అపురూప సంచికను ను ఏంతో ఆనందంగా తన కివ్వటం తన అదృష్టం గా భావించాడు గుప్తా .భారత్ సోవియట్ సత్సంబంధాలకు అది స్పూర్తిదాయకం అంటాడు గుప్తా .

ఢిల్లీ ఐ .ఐ .టి. కి చెందిన డాక్టర్ ఏ సీతారామయ్య ,హైదరాబాద్ బి .హెచ్.ఇ .ఎల్ .కు సంబంధించిన డాక్టర్ హర ప్రసాద్ ,డేహ్రా డూన్ ఇండియన్  ఇన్ ష్టి ట్యూ ట్ ఆఫ్ పెట్రోలియం ఉద్యోగి సుదీర్ సింఘాల్ ,ట్రైబాలజిస్ట్ ప్రముఖులు , ,ఇండియాలో  ట్రైబాలజి సొసైటీ ప్రెసిడెంట్ –డాక్టర్  ఏ.కే భట్ నగర్ ,  సెక్రెటరి వి .మార్టిన్ లు ఈగ్రందాన్ని పబ్లిష్ చేయటానికి కొంత బాధ్యత తీసుకొని గుప్తా భారాన్ని తగ్గించినందుకు కృతజ్ఞతలు తెలుపుకొన్నాడు . రామయ్య గారి సమీపబంధువు (నీస్)డాక్టర్ సూరి శ్రీమతి కు ,ఆమె సోదరులకు ఈ పుస్తకం ముద్రణ రూపం పొందటానికి గ్రాంట్ ను విడుదల చేసినందుకు గుప్తా కృతజ్ఞతా పూర్వక అభినందనలు చెప్పాడు .

కంప్యూటర్ ను ఉపయోగించి అచలా  స్క్రిప్ట్  లో చేసిన అనేక మార్పులను కూర్చి , అందంగా ఆకర్షణీయంగా పుస్తకం రూపు దిద్దుకోవటానికి చేసిన సహాయం మరువలేనిదన్నాడు .మొహమ్మద్ యాసిన్ ,సుమన్ కపూర్ ,నంద కిషోర్ సాపరా ,హరీష్ చతుర్వేది ,సుమీత్ సింఘాల్, మంగళం స్వామినాధన్ లు హార్డ్ వేర్ ,సాఫ్ట్ వేర్ లలతో చేసిన సహాయానికి కూడా కృతజ్ఞతలు ప్రకటించాడు .

ఢిల్లీ లోని పార్లమెంట్ లైబ్రరి స్టాఫ్ అందజేసిన సహకారం చిరస్మరణీయం అన్నాడు గుప్తా .’’నీలిమా వారెకర్’’ వేసిన పెయింటింగ్ ను ముఖ చిత్రంగా ఉపయోగించుకోవటానికి ఆమె అంగీకరించినందుకు ధన్యవాదాలు చెప్పాడు .ఇరవై ఏళ్ళ క్రితం గుప్తా పుస్తకానికి వేసిన పెయింటింగ్ ఇది .కాని అప్పటి ప్రింటర్ లకు ఈ పెయింటింగ్ ను ముద్రించే టెక్నాలజీ తెలియక న్యాయం చేయ లేక పోయారని గుప్తా చెప్పాడు .కార్టో లాబ్స్ వాళ్ళు శ్రమించి  నీలిమ వేసిన పెయింటింగ్ కు  గొప్ప డిజైనింగ్ చేసి ఆకర్షణీయం చేశారని చెప్పాడు .

అనస్తేషియా ,ఆమె పరివారం ఏవ్ జెని  శే,షేనిన్ ,యూరీ ఫ్రోలోవ్ ,ఒలేగ్ మావ్ లోవ్ లు   కాలిఫోర్నియా రాష్ట్రం లోని సాన్ ఫ్రాన్సిస్కో   లో ఉన్న  ‘’ఆస్టేరిక్ స్టూడియో’’ లో ఏంతో శ్రమించి ఈ పుస్తకానికి  ఇంకోక కొత్త అందమైన డిజైన్ ను రూపొందించి అందజేసినప్పటికీ దాన్ని వాడకుండా నీలిమ పెయింటింగ్ నే ముఖ చిత్రంగా వేయటానికి చెప్పలేని కారాణాలున్నాయన్నాడు గుప్తా .దీన్ని ద్వితీయ ముద్రణకు ఉపయోగిస్తానని తెలిపాడు .వారి డిజైన్ ,లే అవుట్ లు ఈ గ్రంధ ముద్రణకు గొప్ప ప్రభావం ,ప్రేరణ  కలిగించాయని ఒప్పుకొని ,అందుకు వారికి కృతజ్ఞతలను  వినయంగా గుప్తా ప్రకటించాడు .

ఇదీ ‘’కేమోటాలజీ పిత కొలచల సీతారామయ్య ‘’గారి చరిత్ర .ఇదే ‘’పుల్లేరు నుండి ఓల్గా దాకా ‘’అనే పేరుతోనూ ‘’,ఉయ్యూరునుండి మాస్కో దాకా ‘’శీర్షికతోను నేను రాశాను .దీనికి మూలం  రామయ్య గారి పెద్దల్లుడు ‘’ఘెన్ శాంఘిన్ –బెరేజోవ్ స్కి రష్యన్ భాషలో  రాసిన దానికి  ’’ ఎ రీత్ ఫర్ డాక్టర్ రామయ్య ‘’(రామయ్యగారికొక పుష్పహారం )అచలా జైన్ ,ఎస్.పి.కే .గుప్తాలు అనువదించిన పుస్తకమే ఆధారం . మక్కీకి మక్కీకి అనువాదం కాదు .అను సరణ  అనుకోవచ్చు . అర్ధ వంతమైన శీర్షికలు పెట్టి విషయ ప్రాధాన్యంగా అందరికి తేలికగా అర్ధమయేట్లు రాశాను .దీనికి మా సరసభారతి కి ఆప్తులు శ్రీ మైనేని గోపాల కృష్ణగారు గొప్పగా స్పందించారు చాల బాగా వస్తున్నాయి ఎపిసోడ్ లు అని అభినందించారు .సూరి శ్రీరామ మూర్తి (హాం రేడియో )ఆర్టికల్స్ చదివి గొప్ప ప్రయత్నం అన్నాడు .తెలుగులో ఇంతవరకు ఎవరూ సీతారామయ్య గారిపై ఇలా రాయలేదని మెచ్చుకొన్నాడు .అంటే ఆ అదృష్టం నాకే దక్కింది అన్నమాట .మా ఊరి వారైన శాస్త్ర వేత్త శ్రీ కొలచల సీతారామయ్య గారి గురించి ఇలా 32 ఎపిసోడ్ లు రాయటం నాకు పరమానందంగా ఉంది .ఈ ఇంగ్లీష్ పుస్తకాన్ని నాకు అమెరికా నుండి పంపి నన్ను చదివింప జేసి,  ఇలా రాయటానికి కారణ భూతులైన శ్రీ మైనేని గోపాల కృష్ణ గారికి శతాధిక కృతజ్ఞతలు .

రామయ్య గారి కుటుంబ ఫోటోలు జతచేశాను చూడండి –

సమాప్తం

మీ- గబ్బిట దుర్గా ప్రసాద్ -17-5-15- ఉయ్యూరు

సప్తగిరి ఛానల్ లో – 18,21 తేదీలలో ఉదయం 7గం.30 నిమిషములకు అవకాశం వుంటే చూడండి, ఇంకా ఈనాడు,బెజవాడ టైమ్సు, సీనియర్ సిటిజను వాణి, పెన్షనర్స వాయిస్,,ఆకాశవాణి,  కృష్ణవేణి ఎఫ్.యమ్ ఛానల్,వంటి పత్రికలలోనూ,  ప్రసార మాధ్యమాలలోనూ కనుపించే నా కవితలు, రాజకీయ విశ్లేషణలు, పుస్తక సమీక్షలు, సీనియర్ సిటిజను వాణిలు,పెద్దల మాటలు, ఆరోగ్యానికి ఆధారాలు, ఆచారాలలోని ఆరోగ్య సూత్రాలు —- ఎన్నో మరెన్నో — చూడండి  — చూశామని ఒక్కమాట చెప్పండి , సలహాలను,ఇవ్వండి — ఇది నా విశ్రాంత జీవనంలోని – రెండవ ఇన్నింగ్స్ –, కొన్ని వందల కవితలు, 25 పైన గ్రంధాలు నా అంతరంగములోని తరంగాలకు సాక్ష్యాలు –  మన ఇతిహాస పురాణాలు మానవ జాతి చరిత్రలనే భావనలో  వ్రాసిన పరిశోధనలు అనేకం – చదివినందుకు ధన్యవాదములు – మీ బందా.

పుస్తక పురాణం మరియు పుస్తకానికి పుష్కరాలు – స్వీయ రచనలు – బందా

దర్శనీయ ఆంజనేయ దేవాలయాలు గ్రంధం లో -గ్రంధ స్వీకర్తలు వేలూరివారి కుటుంబం ఫోటోలు

మూడవ ప్రపంచ తెలుగు రచయితల సభలు -నా సమీక్ష -రమ్యభారతి -ఫిబ్రవరి-ఏప్రిల్

శ్రీ హనుమజ్జయంతి  13-5-15 బుధవారం నాడు శ్రీ సువర్చలాన్జనేయ స్వామి దేవాలయం లో ఉదయం అభిషేకం హోమం ,తర్వాత త్సమలపాకు పూజ ,ఆ తర్వాత పూర్ణాహుతి జరిగాయి .తర్వాథ శ్రీ సువర్చలాన్జనేయ స్వామి వారలకు శాంతి కళ్యాణ మహోత్సవం జరిగింది .నేను రాసిన ”దర్శనీయ ఆంజనేయ దేవాలయాలు ”గ్రంధాన్ని శాసన మండలి మాజీ సభ్యులు శ్రీ వై .వి.బి. రాజేంద్రప్రసాద్ ,శ్రీమతి భ్రమరాంబ దంపతులు 500 మంది భక్తుల సమక్షం లో ఆవిష్కరించారు ఇది సరసభారతి 79 వ సమావేశం .ఆతర్వాత దగ్గరే ఉన్న ఆర్య వైష్యకల్యాణ  మండపం లో సుమారు ఏడువందల మంది భక్తులకు అన్నసమారాధన నిర్వహించాం  -దుర్గాప్రసాద్

http://wp.me/p1As8O-1KS

https://plus.google.com/u/0/photos/107563242221333034923/albums/6148321897961192561/6148321903106803762

https://plus.google.com/u/0/115752370674452071762/posts/9GXxb92i5md?pid=6148305944156197138&oid=115752370674452071762
—

’కెమోటాలజి పిత’’ కొలచల సీతా రామయ్య ‘31(’  పుల్లేరు నుండి ఓల్గా దాకా ’)

హైదరాబాద్ చేరుకొన్న రామయ్య

తన తమ్ముడు సీతా రామయ్య 42 ఏళ్ళ తర్వాత మళ్ళీ ఇండియాకు ఉయ్యూరుకు  వస్తున్నందుకు పెద్దన్నగారు అనంత రామ శాస్త్రిగారికి మహదానందం గా ఉంది .ఆయన బంధు వర్గానికీ పరమాందంగా ఉన్నది .అందరూ హైదరాబాద్ విమానాశ్రయం లో ఘన స్వాగతం ఇచ్చారు .అందరిలో ‘’నా అన్నయ్య ‘’ను గుర్తుపట్టి రామయ్యగారు వెంటనే ఆయన దగ్గరకు వెళ్లి పాదాలపై పడి వినమ్రంగా నమస్కరించారు .ఆప్యాయం గా అన్నదమ్ములు కౌగలి౦చుకొన్నారు .అమెరికాలో ఉండగా పంపబడిన శ్రీమతి జ్యోతిష్మతి  ని ఆప్యాయంగా దగ్గరకు తీసుకున్నారు .రామయ్యగారు కమ్మని తెలుగులో మాట్లాడి అందర్నీ ఆశ్చర్య పరచారు ..సూరి వారి కుటుంబానికి రామయ్యగారిని తీసుకొని వెళ్ళారు .లెక్కలేనన్ని పూల దండలు వేసి  రామయ్య గారికి ఆత్మీయ స్వాగతం చెప్పి  అనంతరామయ్యగారి అల్లుడిగారింటికి పెద్ద ఊరేగింపుగా తీసుకొని వెళ్ళారు . నలభై రెండేళ్ళ క్రితం  రామయ్య గారు ఉన్నత చదువులకోసం విదేశాలకు వెళ్లాలని ఉందని చెబితే ,అన్న అనంతరామయ్యగారు ఆయన్ను ఆశీర్వ దించి ,వెళ్ళటానికి అంగీకరించి మద్రాస్ ఓడ రేవుకు వెళ్లి వీడ్కోలు చెప్పారు .ఆనాడు సంప్రదాయ హిందువులు సముద్రం దాటి ఇతర దేశాలకు వెళ్ళటం నిషిద్ధం .మరో అన్నగారు  వెంకటప్పయ్య శర్మగారు రామయ్యగారు విదేశాలకు వెళ్ళటాన్ని ఒప్పుకోలేదు ఆనాడు .అలాంటి పరిస్తితులలో దేశం కానీ దేశానికి వెళ్ళిన రామయ్య ఇప్పుడు మళ్ళీ 42 ఏళ్ళ తర్వాత ,42 రోజులు మాత్రమె ఇండియాలో గడపటానికి  స్వదేశానికి రావటం అందర్నీ సంతోష పరచింది .రామయ్య గారు సంస్కృత శ్లోకాలు అప్పగిస్తున్నారు .సంధ్య వందనం నిర్వహిస్తున్నారు .’’కమ్మకమ్మని ఎర్రెర్రని ఘాటు ఆవకాయ’’ను అన్నం లో కలుపుకొని లాగిస్తున్నారు  .నిజమైన ఆంధ్రుడనే అని మాటలద్వారా ,చేతల ద్వారా రుజువు చేసుకొన్నారు .అందరి మనస్సులో శాశ్వత స్థానాన్ని సంపాదించారు .ఇంటి కోడళ్ళు రామయ్యగారికి నూనె రాసి ,సున్నిపిండి నలుగు పెట్టి కుంకుడుకాయ రసం తో వేడివేడి  నీటి తో తలంటి పోశారు .రామయ్యగారి’’ హోమ్ కమింగ్ ‘’ఒక పండుగలాగా జరిగింది .              హైదరాబాద్ లోప్రాంతీయ రిసెర్చ్ లేబరేటరి,ఉస్మానియా విశ్వ విద్యాలయమ్ ,ఆకాశ వాణి కేంద్రాలను సందర్శించి అక్కడి అభివృద్ధిని అడిగి తెలుసుకొని అభినందించి ఆనందించారు .కోలచల కుటుంబం రామయ్యగారి తిరుపతి ,శ్రీశైల క్షేత్ర దర్శనం ఏర్పాటు చేసింది .ఆ రెండు క్షేత్రాలలో భక్తిగా రామయ్యగారు పూజాదికాలు నిర్వహించి అలౌకికానందాను భూతికి లోనయ్యారు .

రామయ్య గారు హైదరాబాద్ నుండి విజయవాడ వచ్చారు .అక్కడ ప్రముఖ   కమ్యూనిస్ట్ నాయకురాలు ,డాక్టర్ శ్రీమతి అచ్చమాంబ  గారిని సందర్శించారు .

ఉయ్యూరొచ్చిన రామయ్య-పౌరసమ్మానం

విజయవాడ నుంచి స్వగ్రామం ఉయ్యూరు చేరుకొన్నారు .మే నెల 21 వ తేదీన రామయ్యగారికి డాక్టర్ మిక్కిలి నేని సాంబశివ రావు ,ఆధ్వర్యం లో ఉయ్యూరు గ్రామ పంచాయితీ ప్రెసిడెంట్ ,గ్రామ పెద్దలు కలిసి  ఘనమైన పౌరసన్మానం  చేశారు .మే 24 న రామయ్య గారు ఆంద్ర యువకులకు ఒక సందేశాన్ని రికార్డ్ చేశారు .అందులో ఆంద్ర యువత కు సోవియట్ తో స్నేహం తో ఉండటానికి ఇష్ట పడుతున్నందుకు మనసార  అభినందించారు .భారత దేశ భవిష్యత్తు యువత మాత్రమే తీర్చి దిద్దుతుంది అన్నారు .ఇండో సోవియట్ స్నేహం చిరకాలం వర్ధిల్లాలి ‘’అని ఆశాభావం వెలిబుచ్చారు .

గుంటూరులో

గుంటూరులో ఆంద్ర యూత్ ఫెడరేషన్ రామయ్యగారిని ఆప్యాయంగా ఆహ్వానించి గొప్ప పౌర సత్కారం నిర్వహించారు .దీనికి స్థానిక ఇండో -సోవియట్ సాంస్కృతిక సంస్థ సహకరించింది .అందంగా అలంకరింపబడిన విశాలమైన ప్రాంగణం అంతా విపరీతంగా వచ్చి చేరిన యువత తో నిండిపోయి కనుల పండువుగా కనిపించింది. ఉరకలెత్తే యువత ఉత్సాహం రామయ్యగారిని విశేషం గా ఆకర్షించింది .నవభారత నిర్మాణానికి వీరే నిజమైన స్తంభాలు అనుకొన్నారు .లోపల చోటు దొరకక ఏంతో మంది హాలు బయట ఉండిపోయి చూడాల్సి వచ్చింది .ఇంత మందిని ఆకర్షించిన రామయ్యగారు ధన్య జీవులని పించారు . విద్య ,ఉద్యోగం వినోదం వగైరాలు రష్యాలో యువతకు ఎలా అందుబాటులో ఉన్నాయని వేదికపై ఉన్న రామయ్యగారిని వారు ప్రశ్నించారు .అన్ని ప్రశ్నలకు తడుముకోకుండా అనర్గళం గా అచ్చమైన ,మధురమైన తెలుగు పదజాలంతో సమాధానాలు చెప్పి రామయ్య యువతను సంత్రుప్త పరచి వారి హృదయాలలో గొప్ప  శాశ్వత స్థానం  సంపాదించారు .దాదాపు అర్ధ శతాబ్దం ఇండియాకు దూరంగా ఉన్నప్పటికీ ,భారత దేశ సాంస్కృతిక వారసత్వం పై రామయ్యగారికి ఉన్న అవగాహనకు ముక్కు మీద వేలేసుకొన్నారు .

మద్రాస్ లో మధుర సన్నివేశాలు

రామయ్యగారు  బెంగుళూరు యాత్ర నుండి మే 28 న మద్రాస్ చేరుకొన్నారు . .మర్నాడు హిందూ పత్రికకు ఇంటర్వ్యు ఇచ్చారు .మర్నాడే దాన్ని ఆ పత్రిక ప్రచురించింది. అందులో ‘’మన జాతీయ భావన అంటే విశాల దృక్పధం తో మన యువ సైంటిస్ట్ లను ఇతర దేశాలలో నివాసం ఉండేట్లు అంగీకరించి పంపించటమే అవ్వాలి .న్యాయానికి మన దేశానికి శాస్త్రీయ ప్రతిభ ఎక్కడినుంచో రానక్కరలేదు మనకే ఏంటో విజ్ఞానం ఉంది  .కాని ఇతర దేశాలకు మన శాస్త్ర సాంకేతిక జ్ఞానాన్ని అంద జేస్తున్నందుకు  వారి ప్రగతిలో భాగ స్వాములం అవుతున్నందుకు మనం గర్వ పడాలి .సైన్స్ లో ,పరిశ్రమలలో  అభ్యుదయం లో  సోవియట్ యూనియన్  ఉండటం ఇండియాకు సర్వ విధాల అవసరమేకాక చాలా మంచిది కూదా .ఇప్పుడు అందరి ద్రుష్టి ,,ఆలోచన అంతా ‘’సహాయం –తోడ్పడటం ‘’పైనే ఉంది .ఈ  రెండు మాటల మంత్రాన్నే జపిస్తున్నారు  .’’అని రామయ్య గారు చెప్పినట్లు రాసింది.

బొంబాయి –అక్కడినుండి తిరిగి రష్యాకు

రామయ్యగారు  మద్రాస్ నుండి  బొంబాయి కి  జూన్ 1 న బయల్దేరి వెళ్లారు .బొంబాయి  ఆకాశ వాణికి ఒక ప్రసంగం రికార్డ్ చేశారు .అక్కడి నుండి బయల్దేరి మే నెల 5 వ తేదీ కి రష్యాలోని మాస్కో నగరానికి చేరుకొన్నారు .

రామయ్యగారి జీవన సంధ్య

మాస్కో చేరిన కోలచల సీతారామయ్య అనే ‘’కాన్ స్టాన్టిన్ సేర్జియోవిచ్ ‘’జీవిత౦ చివరికాలం లో ‘’సెంట్రల్ సైంటిఫిక్ రిసెర్చ్ ఇన్ ష్టి ట్యూట్ ఆఫ్ ఆటోమొబైల్ అండ్ రోడ్ బిల్డింగ్స్ ‘’సంస్థలో పని చేశారు .ఫిజిక్స్ ,కెమిస్ట్రీ లలో విశేష ప్రతిభా వంతులైన రామయ్యగారు ప్రముఖ ‘’సైంటిఫిక్ అడ్వైజర్ (శాస్త్రీయ సలహాదారు ) గా ను ,అనేక సైంటిఫిక్  కౌన్సిల్స్ కు  సలహాదారుగాను విశేష సేవలు అందజేశారు .

ఆల్బర్ట్ అయిన్ స్టీన్ తో పోలిక

వృద్ధాప్యం మీద పడుతున్నప్పటికీ చివరి రోజుల్లో సైతం రామయ్య గారు ఎంతో సృజన శీలతను ప్రదర్శించారు .మనకు అప్పటిదాకా తెలిసిన మూడు స్తితులు కాక నాలుగో స్తితి ఉందని భావించి ,దేర్మో న్యూక్లియ చర్యలలో’’ ప్లాస్మా ‘’అనేది ఏర్పడుతుందని ఊహించి చెప్పారు .కాని దురదృష్ట వశాత్తు అది రుజువు కాక ముందే రామయ్యగారు కానిపోవటం విచారకరం .ప్రముఖ విజ్ఞాని ,సైంటిస్ట్  ఆల్బర్ట్ అయిన్ స్టీన్ కూడా తాను ఊహించిన చెప్పిన సిద్దా౦తలనన్నిటిని ఒక చోట చేర్చి ఏక సూత్రత సాధించి కొత్త సిద్ధాంతాన్ని ప్రదిపాదించే లోపలే మరణించాడు ఈ ఇద్దరు మేధావి  సైంటిస్ట్  ల జీవితాలలో యాదృచ్చికం గా ఇలా జరగటం  ఆశ్చర్యం గా   ఉంటుంది .మానవ జాతికి మహత్తర విజ్ఞానం అందకుండానే వారిద్దరూ చనిపోవటం విచార కరం .

రామయ్యగారి ‘’ప్లాస్టిక్ ధీరీ ‘’సిద్ధాంతం రామయ్య గారు వదిలి వెళ్ళిన ఉపన్యాస రికార్డులనుండి సేకరించి  సంపూర్ణ స్తితికి తేవాలి .రామయ్య గారు  రష్యన్ భాషా జర్నల్స్ లో రష్యన్ భాషలో రాసిన పత్రాలను సేకరించి ఇంగ్లీష్ భాష లోకి అనువదించాలి .యంత్రాల నిర్మాణం లో రామయ్యగారు అవలంబించిన పద్ధతులనుపయోగించి కొత్త యంత్ర నిర్మాణాన్ని ఇండియా లోను రష్యాలోను ‘’ట్రైబాలజిస్ట్ ‘’లు  రూపొందిస్తున్నారు .

రాం రాం

రామయ్యగారు ఊపిరి తిత్తుల సంబంధ మైన ఉబ్బసవ్యాది (బ్రాన్కైల్ ఆస్తమా )తో చాలాకాలం బాధ పడ్డారు .దీనితో ఊపిరి తిత్తులు ఉబ్బి శ్వాస పీల్చుకోవటం కష్టమైన ‘’ఎ౦ఫిసేమా’’  జబ్బు ఇబ్బంది పెట్టింది .దీనికి తోడూ డబల్ టైఫాయిడ్ వచ్చి మీద పడింది . జీవితం లో ఎన్నో ఒడిదుడుకులను తట్టుకొని ధైర్యం గా నిలబడిన రామయ్యగారి గుండె ఇక తట్టుకోలేక ,కొట్టుకోలేక పోయింది .29-9-1977 న మాస్కో లో రామయ్య గారి హ్రదయ స్పందన ఆగిపోయి శాశ్వతం గా మనకు దూరమైపోయారు .ఆయన చితా భస్మం మాస్కో క్రిమేటోరియం చాపెల్ లో  భద్రపరచారు .

దీనితో మూడు ఫోటోలు జత చేశాను చూడండి

కెమోటాలజి పిత’

సశేషం

మీ-గబ్బిట దుర్గా ప్రసాద్ -9-5-15 –ఉయ్యూరు

’కెమోటాలజి పిత’’ కొలచల సీతా రామయ్య ‘30(’  పుల్లేరు నుండి ఓల్గా దాకా ’)

ఇప్పటిదాకా మనం రామయ్య గారి స్వదేశాగామనాం ,అనుభవాలు అనుభూతులు ఆయన స్వయం గా చెప్పిన మాటలద్వారా విని తెలుసుకొన్నాం .ఆయనలో భవిష్యత్తును దర్శించే దార్శనికుడు కనిపించాడు రెండు దేశాల అభివృద్ధి తపన ,యువతపై ఉన్న అచంచల విశ్వాసం ,ఇండియా ప్రపంచ దేశాలకు దీటుగా ఎదిగి నిలవాలన్న ఆకాంక్ష కనిపించింది .తన జీవితం సార్ధకమే నన్న విశ్వాసం గోచరమైంది .జీవన సంధ్యలో ఉన్నా ఇంకా ఏదో చేయాలనే తపన చూశాం .హార్ట్ పేషెంట్ అనీ తెలుసుకొన్నాం .విశ్వమానవ గీతం గా అయన జీవితాన్ని ఆవిష్కరించిన వైనం కనిపిస్తుంది ..            ‘’  ప్రతిదీ సాపేక్షికమే అని ప్రజలు అంటారు .ఒక రోజు నేను జనసమ్మర్ద మాస్కో వీధుల్లో నడుస్తున్నాను .అకస్మాత్తుగా ఒక మర్యదాపూర్వక మైన ‘’క్షమించండి రామయ్య గారు !’’అనే పిలుపు వినిపించింది .నా ముందు హాషి మోటో నిలబడి ఉన్నాడు .కాలం అతనిలో ఎన్నో మార్పులు తెచ్చి ముసలివాడుగా కనిపిస్తాడు .ముఖం లో విషాదం కనిపిస్తోంది .అతన్ని చూసినందుకు ఆశ్చర్యం సంతోషం కలిగాయి .ఆత్మీయంగా హత్తుకోన్నాను .ఇలా చేయటం జపాన్ సంప్రదాయానికి విరుద్ధం. ఇండియాలోనూ ఇలా ఎవరూ ప్రవర్తించరు .’’నేనే రామయ్యను ‘’అన్నాను అతనితో .’’ఇక్కడికి ఎలా వచ్చావు ?’’అని అడిగాదు  .’’సముద్ర మార్గం ద్వారా ‘’అన్నాను జోక్ చేస్తూ  .’’నువ్వు టూరిస్ట్ లాగా లేవే ?’’అన్నాడు  .’’నేనిక్కడ చాలాకాలం నుంచి పని చేస్తున్నాను’’అన్నాను  .’’నాకు అర్ధమైంది నువ్వు కాంట్రాక్ట్ ఒప్పందం మీద పని చేస్తున్నావు ‘’అన్నాడు .నన్ను అర్ధం చేసుకోలేదు .’’లేదు హషిమోటో! నేనిక్కడే నివశిస్తున్నాను .’’అన్నాను అతనిముఖం లో నమ్మకం కనిపించలేదు .తర్వాత నవ్వేశాడు .’’ఓహో అలా జరిగిందా ?’’అన్నాడు .

రామయ్యగారికి ఒకే సారి రెండు డిగ్రీలు

రామయ్యగారు జీవితకాలం లో–  పనిచేసేటప్పుడు ఇంజన్ లోని  లోహ భాగాలను తినివేసే విషయం ,లూబ్రికంట్స్  కు తగిన ఎడిటివ్స్ ను కలిపే విషయం పైన  70 పేపర్లు  రాశారు. ఆయన చివరి శాస్త్రీయ పరిశోధనా పత్రం ‘’induction period of precipitation –a new index of motor oil quality and effectiveness of additives in them ‘’పరిశోధనా ఫలితాలలో కొన్నిటిని సిద్ధాంత పరంగా లూబ్రికంట్స్  లో నాణ్యత గురించి 1949 లో మోనోగ్రాఫ్ ప్రచురించారు .’’విస్కాసిటి ఎనామలి ఇన్ ఆయిల్ ,’’’’ఎఫెక్ట్ ఆన్ ఫ్రిక్షన్ ఇన్ మెషీన్స్ ‘’ప్రచురించారు మాస్టర్ డిగ్రీ  కోసం దీన్ని రెండేళ్ళ తర్వాత సమర్పించారు .దీన్ని పరిశీలించిన ‘’ఇన్ ష్టి ట్యూట్ ఆఫ్ పెట్రోలియం కమీషన్ ‘’ఆ పరిశోధన డాక్టర్స్ డిగ్రీ పొందటానికి పూర్తిగా అర్హమైనదని తీర్మానించింది .యు .ఎస్ .ఎస్ .ఆర్. కు చెందిన ‘’అకాడేమి ఆఫ్ సైన్స్  సుప్రీం ఎటేస్టేషన్ కమిషన్’’ అంగీకరించింది .వెంటనే రామయ్యగారికి మాస్టర్ అండ్ డాక్టర్ ఆఫ్ టెక్నికల్ సైన్సెస్ డిగ్రీలు రెండూ ఒకే సారి ప్రదానం చేసింది  .

ఫాదర్ ఆఫ్    ట్రైబో కేమిస్ట్రి

రామయ్యగారి శాస్త్రీయ పరిశోధనలు ‘’కేమోటాలజి’’అనే కొత్త శాస్త్రం గా ఆవిర్భవించింది .ఇది మోటార్ ఆయిల్స్ ,ఉపరి తలాలమధ్య స్లైడింగ్  అందులో జరిగే మిశ్రమ రసాయన చర్యల గురించిన శాస్త్రం .పెట్రోలియం ను శుద్ధి చేసిన తర్వాత లభించే బేస్ ఆయిల్స్ లో సరైన , ఎడిటివ్ లను కలపాల్సిన  అవసరాన్ని కేమోటాలజి గుర్తించింది .దీన్ని  పాశ్చాత్య దేశాల వారందరూ అంగీకరించటం తో బాగా ప్రాచుర్యం లోకి వచ్చింది .ఇవాళ కేమోటాలజి ‘’ట్రైబో కెమిస్ట్రీ ‘’పేరుతొ బాగా ప్రసిద్ధమైంది .ఇదంతా రామయ్య గారు వేసిన బీజం .నేడు మహా వృక్షం గా విస్తరించింది .ఈ క్రెడిట్ ఆయనకే దక్కుతుంది .అందుకే రామయ్యగారిని ‘’father of chemmotology ‘’,’’father of tribochemistry ‘’అంటే ‘’కేమోటాలజిపిత ‘’లేక’’ ‘’ట్రైబో కేమిస్ట్రి పిత ‘’గా గౌరవించి చెప్పుకొంటున్నారు .ఈ గౌరవం భారత దేశం లో జన్మించినందుకు మనమూ ,, రష్యా దేశం లో దాన్ని సాధించినందుకు అ దేశప్రజలూ  గర్విస్తారు . .రెండు దేశాల ప్రజలకూ ఇది అత్యంత సంతోషకరమైన విషయమే .

రామయ్య గారి భారత సందర్శనం లో మరికొన్ని విశేషాలు

డాక్టర్ సూరి భగవంతం ప్రకటన

రామయ్య గారు 1963 లో ఏప్రిల్ 22 నుండి జూన్ 5 వరకు సెంటిమెంటల్ టూర్ గా భారత దేశం సందర్శించారు .ఆనాటి రక్షణ శాఖ మంత్రి వి .కే.కృష్ణ మీనన్ కు సైంటిఫిక్ అడ్వైజర్ గా ఉన్న డాక్టర్ సూరి భగవంతం గారు రామయ్య వస్తున్న సంగతి ప్రజలకు మాస్కో ట్రిప్ నుండి రాగానే 1962 లో హైదరాబాద్ లోని ‘’ఆంద్ర సారస్వత భవనం’’ లో తెలియ జేశారు .అక్కడ చేరిన ఔత్సాహకులు సంబరం తో చప్పట్లు కొట్టి ఆనందించారు .రామయ్య గారి సమీప బంధువు శ్రీమతి డాక్టర్ సూరి శ్రీమతి తన చిన్నప్పుడుమూడో క్లాస్ చదువుతుండగా  రామయ్యగారి నుండి రామయ్యగారి అన్నగారు అనంత రామ శాస్త్రి గారికి అంటే తన తాత గారికి శుభాకా౦క్షల టెలిగ్రాం పంపటం,ఈయన అందుకోవటం  జ్ఞాపకం చేసుకొన్నారు . అంటే రామయ్యగారు మాస్కో లో కులాసాగా ఉన్నారని తెలిసి కుటుంబమంతా ఎంతో సంతోషం పొంది పండుగ చేసుకొన్నారు .రామయ్య గారి క్షేమ సమాచారాలు 1936లేక 1938లో కుటుంబానికి ఒక్కసారి  మాత్రమే తెలిసింది .అదికూడా’’ బాంబే క్రానికల్ పేపర్ ‘’లో’’ చాట్ వుడ్ హాల్ ‘’ అనే ఆయన రామయ్య గారి గురించి ఒక ఆర్టికల్ రాస్తూ అయన రష్యాలో ఉన్నాడు అని అందులో తెలిపాడు .అప్పటినుంచి అనంత రామయ్య గారు రష్యా రాయబారి విజయ లక్ష్మీ పండిట్ తో తరచూ సంభాషిస్తూ వివరాలు తెలుసుకొనే వారు .రష్యాకు ఉత్తర ప్రత్యుత్తరాలు జరిపారు .

ఢిల్లీ లో స్వాగత సంరంభం

ఢిల్లీ విమానాశ్రయం కు చేరుకొన్న రామయ్యగారికి  ,పార్లమెంట్ లో కమ్యూనిస్టు ,కాంగ్రెస్ మెంబర్లు ,ప్రముఖ ఆంధ్రప్రదేశ్ ఇంజనీర్  కొద్ది రోజుల్లో కేంద్ర ప్రభుత్వం లో ప్రధాని నెహ్రు కేబినేట్ లో నీటి పారుదల శాఖ మంత్రిగా ప్రమాణ స్వీకారం చేయ బోతున్న డాక్టర్ కే.ఎల్.రావు ,హార్దిక స్వాగతం పలికి పూలహారాలతో ముంచెత్తేశారు .ఆ తర్వాత రామయ్యగారు పార్లమెంట్ హౌస్ కు  వెళ్లి లోక్ సభ పబ్లిక్ గాలరీలో ఆసీనులై ప్రధానమంత్రి జావహర్ లాల్ నెహ్రు  ‘’జాతీయ భాషల ‘’గురించి చేస్తున్న ప్రసంగాన్ని శ్రద్ధ గా విన్నారు .కాట్ర గడ్డ గంగయ్య గారు రామయ్య గారికి ఇష్టమైన ప్రదేశాలను దగ్గరుండి చూపించారు .మొగల్  కళ ,శిల్పకళ ,చరిత్రల మీద పుంఖాను పు౦ఖ౦గా  ప్రశ్నలు  సంధించి అడిగారు .రామయ్య  గారు తన కోసం ప్రత్యేకం గా ఏర్పాటు చేసిన  చారిత్రిక చిత్రం ‘’మహా మంత్రి తిమ్మరుసు ‘తెలుగు ’సినిమా చూశారు .

ప్రముఖ సంస్థల సందర్శన

ఆనాటి కాంగ్రెస్ ప్రెసిడెంట్ శ్రీ దామోదరం సంజీవయ్య ,ఢిల్లీ యూని వర్సిటి వైస్ చాన్సలర్ శ్రీ చింతామణి దేశ్ ముఖ్  పార్లమెంట్ సభ్యులు కే సి పంత్ ,రావి నారాయణ రెడ్డి ,కే ఈశ్వర రెడ్డి ,కుమరన్ ,లక్ష్మీ దాస్ శ్రీమతి విమలాదేవి మొదలైన ప్రముఖులు రామయ్య గారి గౌరవార్ధం కే.ఎల్ రావు గారు ఏర్పాటు చేసిన విందుకు హాజరయ్యారు .మర్నాడు ఉదయం దేశ ముఖ్  గారింట్లో ఉదయం అల్పాహారం ,భార్య శ్రీ మతి దుర్గాబాయ్ దేశ ముఖ్  ఏర్పాటు చేశారు .తర్వాత ఇండియా ఇంటర్నేషనల్ సెంటర్ ,వెంకటేశ్వర కాలేజ్ ,ఆంధ్రా స్కూల్,ఢిల్లీ యూనివర్సిటి లను సందర్శించారు .ప్రముఖ కూచిపూడి నృత్య దర్శకురాలు ఇంద్రాణి రెహ్మాన్ ను కలిసి మాట్లాడారు ఇంద్రాణి తలిదండ్రులు ,బహిష్కరింపబడిన సీతారాం బాపూజీ అనే విప్లవ నాయకుడు రామయ్యగారికి అమెరికాలో సన్నిహిత మిత్రులు .

ఆంద్ర మహా సభ సత్కారం

ప్రొఫెసర్లు ,ఇంజనీర్లు ,సైంటిస్ట్ లు  రచయితలూ ,జర్నలిస్ట్ లు ,పార్లమెంటరీ సభ్యులు మొదలైన వారందరూ కలిసి ‘’ఆంధ్రా  అసోసియేషన్’’ తరఫున జరిగిన సన్మానం లో పాల్గొన్నారు . హైదరాబాద్ రాష్ట్ర మాజీ ముఖ్య మంత్రి శ్రీ బూర్గుల రామ కృష్ణా రావు ,కొత్త లక్ష్మీ రఘురామయ్య లు రామయ్యగారిని భారత దేశం అంతా పర్య టించి ,ఇన్నేళ్ళలో జరిగిన మార్పులను పరిశీలించవలసిందిగా అభ్యర్ధించారు .మిగిలిన వారు ఆ రోజుల్లో చదువులకోసం అందరి ద్రుష్టి ఇంగ్లాండ్ పైన ఉంటె ,దాన్నికాదని రామయ్యగారు వలస వాద సిద్ధాంతాన్ని వ్యతి రేకించి,నాటి బ్రిటిష్ పాలకుల దేశమైన ఇంగ్లాండ్ కు ,అమెరికాకు ఉన్నత విద్య నేర్వటానికి వెళ్ళకుండా  ప్రజా పక్షాన పని చేసృన్న రష్యా వెళ్ళటాన్ని శ్లాఘించారు . విప్లవ కారుడైన బాజ్ పాయ్ తో అమెరికాలో రామయ్యగారికున్న స్నేహాన్ని రష్యాలో వీరేంద్ర నాద చటోపాధ్యాయ తో మిత్రత్వాన్ని  గూర్చి ప్రసంగించారు కొందరు   .రష్యాలో రామయ్య గారు టెక్నికల్ శ్రేణులకు శిక్షణ  నిచ్చిన విధానాన్ని ,సైంటిస్ట్ గా సోషలిస్ట్ సోవియర్ రష్యా పురోగమనానికి  తోద్పడిన వైనాన్ని ప్రశంసి౦చారు .ఇండియా రష్యాలు పరస్పరం అవగాహనకు రావటానికి తోడ్పడటానికి  రామయ్య గారు  తెలుగు రచనలను రష్యన్ భాషలోకి అనువదించటాన్ని ప్రముఖం గా పేర్కొని ఆయన కృషి ఆదర్శ ప్రాయం ఆచరణ సాధ్యం అనుసరణీయం అని మెచ్చుకొన్నారు .

ఎందుకు ఇండియా వచ్చానంటే!

వీటకన్నిటికి సమాధానం గా రామయ్య గారు ముఖ్యం గా   తాను వృద్ధుడైన ‘’తన అన్నగారు అనంత రామయ్య’’(నా అన్నయ్య)  గారిని చూడటానికి ఇండియా వచ్చానని ,స్వంత కనులతో భారతే సీమ అందాన్ని ఇక్కడి నదీ నదాలు పర్వత శ్రేణులు ,పూలూ ,మొక్కలు ప్రక్రుతి అందాలు దర్శింఛి పులకి౦చానని అచ్చతెలుగు మాటలతో అందరికి చెప్పి వారి కరతాళ ధ్వనులకు నిజంగానే పులకించిపోయారు .తన మాతృదేశం ఏ విధంగా రూపు మార్చుకోన్నదో తెలుసుకోవాలన్న ఆరాటం తనను ఇక్కడికి రప్పిం౦దన్నారు.గురజాడ అప్పారావు రాసిన అమర గీత౦ ‘’దేశమంటే మట్టి కాదోయ్ దేశమంటే మనుషులోయ్ ‘’గీతం  పాడి వినిపిచారు  .విభిన్న వర్గాల ప్రజలను కలిసి వారితో సంభాషిం చాలని ఉందన్నారు.అప్పుడే అసలైన భారత దేశ నవీన ముఖం అర్ధమవుతుందని చెప్పారు  తాను  ఇండియా నుండి చాలా తీసుకు వెళ్లానని ,కాని దానికి బదులుగా  చాలా తక్కువ మాత్రమే ఆమెకు ఇవ్వగాలిగానని వినమ్రంగా ప్రకటించారు . రష్యా వెళ్ళిన తర్వాత తాను  దీనిమీదనే ఇక నుంచి ఎక్కువ శ్రద్ధ పెడతానని  వినయ పూర్వకం గా విన్న వించారు .తాను  చేసిన శాస్త్రీయ కృషి ఇండియాలో పెట్రోలియం పరిశ్రమకు తోడ్పడితే తనకంటే ఆనందించే వారు ఉండరని చెప్పారు .తనకు హృదయ పూర్వక స్వాగతం చెప్పిన వారందరికీ ,ఢిల్లీ లో  గడిపిన నాలుగు రోజుల్లో తనపై ప్రత్యెక  దృష్టిని  పెట్టిన వారికి కృతజ్ఞతలు చెప్పారు .వారి మనసులలో ఉన్న సందేహాలన్నిటికీ సంతృప్తికరమైన సమాధానాలు చెప్పి సంశయ విముక్తుల్ని చేశారు రామయ్య .మాతృభూమి తనను ‘’అమృతమయి ‘’గా ‘’అమృతమాయి ‘’గా పుత్ర వాత్సల్యం తో  ఆలింగనం చేసు  కొన్నందుకు మనసారా కృతజ్ఞతలు చెప్పుకొన్నారు .ఇంతటి అనుభూతి మళ్ళీ మళ్ళీ రాదు అన్నారు .ఏప్రిల్ 26 వ తేదీ ఢిల్లీ లోని పాలం విమానాశ్రయానికి విశేష సంఖ్యలో ముఖ్యులు వచ్చి హైదరాబాద్ వెడుతున్న రామయ్య గారికి ఘనమైన వీడ్కోలు పలికారు .

మీ-గబ్బిట దుర్గా ప్రసాద్ –8-5-15 ఉయ్యూరు