మరుగున పడిన మతాలు –మతాచార్యులు -30

క్వేకర్ మతం

పది హేడ వ శతాబ్దం లో క్రైస్తవ మతం లో ఏర్పడిన మతోద్యమమే క్వేకర్ మతం క్వేకర్ అంటే స్నేహితుడు అని అర్ధం .ఈ మత స్తాపకుడు జార్జి ఫాక్స్ .పది హేడవ శతాబ్దానికే ఈ మతం అమెరికా లో బాగా వ్యాపించింది .ఇప్పటికి చాలా దేశాలలో వీరి సభ్యులున్నారు .19 వ శతాబ్దం లో ఈ అమతం అమెరికా లో రెండు శాఖలు గా చీలింది .ఒక తెగ వారిని ‘’హైక్వైట్లు ‘’అని రెండవ తెగ వారిని ‘’విల్బ రైట్లు ‘’అని అంటారు క్వేకర్లను” రిలిజియస్ సొసైటీ ఆఫ్ ఫ్రెండ్స్ ”అంటారు ముందుగా 1640 లో ఇంగ్లాండ్ లో క్వేకర్ మతం పుట్టింది అమెరికాకు తర్వాతా చేరింది . విలియం పెన్ అమెరికా లోని పెన్సిల్వేనియా లో దీన్ని మొత్తందట వ్యాపింప జేశాడు . ఆఫ్రికాలోనూ సుస్తిరమైన్ది

క్వేకర్ మత చిహ్నం                                                  విలియం పెన్

ఆంతరంగిక  ఆధ్యాత్మిక భావానికి క్వేకర్లు ఎక్కువ ప్రాధాన్యత నిచ్చారు .అహింసా పద్ధతిలోనే ప్రభుత్వాన్ని ,మతా దిపతులను లను ఎదిరించారు పీడనాన్ని ఎదుర్కొని నిలిచారు .అవతలి వారు యెంత హింసకు గురి చేసినా  సహిమ్చారే కాని హింసా మార్గాన్ని చేబట్టలేదు క్వేకర్లు .మతా చార్యుల పోషణ కోసం ఏర్పడిన ‘’ti thes ‘’  అంటే వ్యక్తీ సంపాదనలో పదవ వంతు మతా చార్యుల పోషణ కు ఇవ్వాలి అనే శాసనాన్ని క్వేకర్లు బాగా ఎదిరించారు ఇది దారుణం అన్నారు .వ్క్వేకర్లు కూడా తమ మతా చార్యులను జీతాలిచ్చి పోషించ కుండా ఆదర్శం గా నిలిచారు .అలాగే న్యాయ స్తానాలలో ప్రమాణం చేయ టాన్ని నిరాకరించారు .

జార్జి ఫాక్స్

యుద్ధాలను వ్యతిరేకించారు .హింసను ఖండించారు .మానవ హక్కుల కోసం  వర్ణ విచక్షతకు ఎదురు నిలిచారు .ఆపదలో ఉన్న వారికి తక్షణ సాయం చేశారు .వయోజన విద్యా వ్యాప్తి కి ఎన్నో పాఠ శాలలు నిర్మించి నడిపించారు .ప్రాధమిక మత విశ్వాసాలలో సాధారణ క్రైస్తవులకు క్వేకర్ల కు తేడా ఏమీ లేదు .బైబిల్ పఠనం కోసం అమెరికా లో ఒక విద్యాలయాన్ని నెల కోల్పారు .వీరి సంస్కృతీ ,జీవన విధానం ఇప్పటికి గౌరవింప బడుతున్నాయి ఆదర్శ జీవితాలనుగడి పారు .జైళ్ళ సంస్కరణకు ,శిక్షా స్మృతి సంస్కరణ కు ,ఉన్మాద శరణాలయ సంస్కరణ లో వీరి పాత్ర మరువ లేనిది అన్ని మతాల వారిని సోదర ప్రేమ తో చూసి అసలైన క్రైస్తవులని పించు కొన్నారు .

.       క్వేకర్ అనే బిరుదు ఒక ప్యూరిటన్ న్యాయాధికారి వీరికి ఇచ్చాడు .ఆయన అ మాటను వీరిపై అసహ్య భావం తో అన్నప్పటికీ ,వీరి శీలం ప్రవర్తన వల్ల ఆ పదం లో ఆ భావమే లేకుండా పోయింది .’’అంతర్ జ్యోతి ‘’అనే ఆధ్యాత్మిక భావామే క్వేకర్ మతం .ఈ అంతర్ జ్యోతి ననుసరించే క్రీస్తు భూలోకం లో తమ కోసం వచ్చాడని వీరి విశ్వాసం .యేసు క్రీస్తును హృదయం లో నెల కోల్పుకొని జీ వించ టమే  క్వేకర్లకు పరమార్ధం .అందుకని క్వేకర్లకు బయటి ఆడంబరాలు నచ్చవు .

సశేషం

మీ –గబ్బిట దుర్గా ప్రసాద్ -2-10-13- ఉయ్యూరు

రోమ్‌లో ‘రాట్న’ సందేశం – సుధీంద్ర కులకర్ణి

         మరుగున పడిన మతాలు –మతాచార్యులు -29

      బరూక్ స్పినోజా

1632 వంబర్ 24 న బరూక్ స్పినోజా హాలండ్ లో ఆమ్స్టర్ డాం లో జన్మించాడు .ఇరవై ఏళ్ళకే సాహిత్యం లోను దర్శన శాస్త్రం లోను పండితు డైపోయాడు .వయస్సు పరిణత చెందిన తర్వాత తన శక్తి యుక్తులన్నీ దర్శన శాస్త్రానికే అంకితం చేశాడు .చాలా ప్రాశాంతం గా ఆలోచనల తో మునిగి ఉండే వాడు  .బతక టానికి సరి పడ మాత్రమె సంపాదించు కోవాలని సిద్ధాంతం ఉన్న వాడు కళ్ళ జోళ్ళ షాపు నడిపే వాడు .చివరి దశలో వేలాది మంది శిష్యులు స్నేహితులు ఏర్పడ్డారు దేశ విదేశాల నుండి యాత్రికులు ఆయన్ను సందర్శించే వారు .1677 లో ఫిబ్రవరి ఇరవై ఒకటి న నలభై అయిదవ ఏట క్షయ వ్యాధి తో స్పినోజా మరణించాడు .పది హేడవ శతాబ్దపు గొప్ప రేషనలిస్ట్  ఫిలాసఫర్ అని పించుకొన్నాడు

స్పినోజా దర్శనం లో సమాలోచన రీతి భారతీయ దార్శన పద్ధతిలో ఉంటుంది .ఆయన ఆసక్తి కి నైతికత ,ఆధ్యాత్మికత పునాదులు .దేనిని పొందితే శాశ్వత ఆనందం లభిస్తుందో అలాంటి నిజమైన శ్రేయస్సు ను పొందాలి అని ధర్మ శాస్త్రాన్ని సహాయం చేసుకొన్నాడు .

స్పినోజా రాసిన ముఖ్య గ్రంధం  ‘’నీతి శాస్త్రం ‘’తన ఆలోచనా విధానాన్ని ఇందులో పొందు పరాచాడు .ఇది కాక ‘’దేకార్ట్ దర్శన తత్త్వం ,సూక్ష్మ గ్రంధం మన రాజకీయం అనే గ్రంధాలు రాశాడు .నీతి శాస్త్రాన్ని జీవితమంతా ధార పోసి రాశాడు .దీనిని సమీక్షించి సరి చేసుకోవటానికి బతికినా నలభై అయిదేళ్ళలో పది హీను ఏళ్ళు శ్రమించాడు .ఇందులో అయిదు భాగాలున్నాయి .ఈశ్వరుని గురించి, ,మనస్సు స్వభావం పుట్టుక గురించి ,మానసిక ఉద్వేగాల ప్రాదుర్భావం గురించి, బంధాన్ని గురించి, బుద్ధి శక్తి లేక మానవ స్వేచ్చ గురించి, అయిదు భాగాలలో చర్చించాడు స్పినోజా ను  యూదు సమాజంబహిష్కరించింది  స్పినోజా భావనలో ఒకదాని ఆధారం గా సోమర్సెట్ మాం ”ఆఫ్ హ్యూమన్ బాన్దేజ్ ”నవల రాశాడు ఽయిన్స్తీన్ స్పినోజా ను గ్రేటెస్ట్ ఫిలాసఫర్ అన్నాడు

స్పినోజా ప్రతి పాదించిన నీతి శాస్త్రం రేఖా గణిత పద్ధతిలో నడిచింది .ప్రతి భాగం లో ఉపోద్ఘాతం నిర్వచనం స్వంత ప్రమాణాలైన వాక్యాలు ప్రమేయాలు ఉంటాయి .వాక్య పరంపర లో యుక్తి ని గూర్చి చెప్పాడు ప్రతి యుక్తి నిరూపణ సాధ్యమై నదే .పరంపరగా వచ్చిన సెమెటిక్దృక్పధాన్నివ్యతిరేకించాడు .సేమిటి క్ పద్ధతిలో దేవుని విశ్వాతీత స్వభావాన్ని ,విశ్వ ప్రయోజనాన్ని ,ప్రయోజాత్మక లక్షణాలను చెబుతారు దేవుడు విశ్వానికి బయట ఉన్నాడని విశ్వ సృస్తి కర్త అని ,ఒక ప్రయోజనం కోసమే సృష్టి చేశారాని సెమెటిక్ లభావన

స్పి నోజా దృష్టిలో దేవుడు అంటే వస్తువుల్లోకి ప్రవేశించి వాటి పై బయటి నుంచి ప్రభావం కలిగించే వాడు కాదు .ఆయన అంతర్యామి .అంతరంగం లో ఉండే ,పని చేస్తాడు .అన్ని వస్తువులలో ప్రవేశించి ,వాటికి సార్ధకత కల్గిస్తాడు .వస్తు సత్యం దైవ సత్యానికి అధీనం లో ఉంటుంది .దేవుని సత్యాన్ని మించిన సత్యము లేదు స్పినోజా భావం లో దేవుడు విశ్వానికి వెలుపల ఉన్నదన్న భావానికి ,సర్వాంతర్యామి అన్న భావానికి వ్యతి రేకం గా కనీ పిస్తుంది  మానవ భావారోపణను-ఖండించాడు .అరిస్టాటిల్ చెప్పిన అంతిమ కారణాల సిద్ధాంతం లో ఇది కనీ పిస్తుంది .విశ్వానికి ఒక ప్రయోజనం ఉంది అన్న దాన్ని స్పినోజా ఖండించాడు .

అంత మాత్రం చేత  స్పినోజా విశ్వం ఒక యాదృచ్చిక సంఘటన అని కూడా చెప్ప లేదు .ఒక రకమైన నియతి వా(ది దడిటెర్మినిస్ట్ )స్పినోజా.ఆవశ్యకతా నియమం పై నమ్మకం ఉన్న వాడు .ప్రతి వస్తువు ఉనికి అవసరమే అని భావించాడు .ఏది జరిగినా అవసరాన్ని బట్టే జరుగుతున్దంటాడు .చివరి కారణాలని చెప్పే వన్నీ మానవ బుద్ధి లోంచి వచ్చినవే .అన్ని వస్తువులు ,ప్రక్రుతి ఒక నిత్య ఆవశ్యకతా నియమాన్ని అనుసరించే పరి పూర్ణం గా ఉద్భవించాయని చెప్పాడు .

స్పినోజా చెప్పిన అతి భౌతిక ఏక సత్తా వాదం ను ‘’మూల సిద్ధాంత వాదం ‘’అంటారు .అతని దృష్టిలో మూల ద్రవ్యం ఒక్కటే .ఆయనే ఈశ్వరుడు .మనసు ,భౌతిక ధర్మాలు ఆ  మూల ద్రవ్యం యొక్క విశేషణాలు .వీటినే ఆలోచనా ,విస్తృతి అన్నాడు .ఈ రెండిటి వల్లనే ప్రాపంచం లో వివిధ మనస్సులు భౌతిక వస్తువులు ఏర్పడ్డాయి .ఈ రెండు లక్షణాలు అఖండ మూల ద్రవ్య స్వరూపాలు .

ద్రవ్యం స్వతంత్ర ఉనికి గలదిగా ,స్వయం బోధక మైనదిగా ఉంటుంది .మూల ద్రవ్యం తనకు తానే కారణం. అన్నిటిని తనలో ఇముడ్చు కొంటుంది అందువల్ల మూల ద్రవ్యం నిరవధికం, అనంతం ,ఏకం అన్నాడు స్పినోజా .దేవుడికి ప్రక్రుతి తో తాదాత్మ్యం ఉంది ప్రకృతికి దేవుడికి వ్యత్యాసం కల్పించటం అర్ధ రహితం .దివ్య శక్తి ,ప్రక్రుతి శక్తి ఒక్కటే .ప్రక్రుతి నియమాలన్నీ దైవ నియమాలే .ప్రకృతికి వ్యతి రేకం గా దైవ ప్రార్ధన చేయటం తప్పు .

ప్రక్రుతి భావం అంటే ప్రక్రుతి సత్తా సర్వస్వం .ప్రతి విశేషం లో ఏది అసమగ్రం గా ఉందొ ప్రతి పరిమిత విశేషం దేని అసమగ్ర నియత ప్రకారమో అలాంటి సత్తా సర్వస్వమే ..స్పినోజా నైతిక నియతి లో మానవ బంధ భావం స్వేచ్చా భావం అని ఉన్నాయి స్వేచ్చ అంటే అర్ధం లేనిది అన్నాడు .మనం చేసే పనులన్నిటిని మన మనస్సు ప్రేరేపిస్తుంది వాటిని నియంత్రిన్చేదే మనస్సు .స్వతంత్ర కార్యానికి ,ప్రేరేపిత కార్యా నికి ఉన్న భేదం ఏమిటి అని ప్రశ్నించి సమాధానం చెప్పాడు .సంకల్ప కార్యాలలలో మన ప్రేరణ మనకు తెలుస్తుంది .ప్రేరిత కార్యాలలలో ప్రేరణ ఉనికి కాని, వ్యవహారం కాని మనకు తెలియదు అన్నాడు

బాహ్య ప్రేరణల ప్రాబల్యాన్నే స్పినోజా బంధం అన్నాడు .అంతః ప్రేరణ ప్రాబల్యమే స్వతంత్రత .వీటీ నే అయన బౌద్ధిక ప్రేరణలన్నాడు .దేవుని పై బౌద్ధిక ప్రేమ  అత్యంత ఉన్నత మైంది అని  స్పినోజా అభిప్రాయం .విశ్వం యొక్క ఐక్యత ను స్పష్టం గా గ్రహించటం వల్ల  జరిగినప్పుడు  పుట్టిన దైవ భావనే బౌద్ధిక ప్రేమ అన్నాడు .ఇదే  ఆనందం  అంటాడు .. విశ్వ ఐక్య భా వన ,సంపూర్ణత కలిస్తే ఒక అంతరానుభవం అవిచ్చిన్నం గా ఏర్పడుతుంది .ఈ అనుభవాన్ని గ్రహించిన వాడు సత్యాన్ని అనుభవిస్తాడు .ఈశ్వర భావం బాహ్య హేతు వల్ల  తెలుసుకొన్నా అనుభవానికి అందదు .

సశేషం

మీ –గబ్బిట దుర్గా ప్రసాద్ -. 1-10-13- ఉయ్యూరు ..

 మరుగున పడిన మతాలు –మతాచార్యులు -28

హెర్బర్ట్ స్పెన్సర్

హెర్బర్ట్ స్పెన్సర్ బ్రిటన్ దేశం లో 1820 లోఏప్రిల్ ఇరవై ఏడున జన్మించిన మేధావి .పరిణామవాద సిద్ధాంత కర్త .యూని వర్సిటి లో చేరి విద్య నేర్వా లనే కోరిక ఉండేది కాదు కనుక స్వయం గా అన్నీ నేర్చుకోవటం ప్రారంభించాడు .కొద్ది కాలం ఎలిమెంటరి స్కూల్ టీచర్ గా తర్వాతా రైల్వే ఇంజినీర్ గా ఉన్నాడు .పత్రికా రచన ప్రారంభించాడు స్వతం గా గ్రంధ రచన సాగించాడు .పరిణామ సిద్ధాంతాన్ని ఆధారం గా చేసుకొని 36 ఏళ్ళు కష్టించి అన్ని ముఖ్య శాస్త్రాలను క్రోడీకరించి 10సంపుటాలుగా స్వంత దార్శనిక శాస్త్రాన్ని రచించాడు .

స్పెన్సర్ తన భావ జాలానికి ‘’ప్రత్యక్ష జ్ఞాన ప్రాధాన్య వాదం’’ (పాజిటివిజం )అని పేరు పెట్టాడు .పరిణామ సిదద్దం తాన్ని  అన్ని విషయాలకు జోడించిన మొదటి వాడు స్పెన్సర్ .డార్విన్ రాసిన ‘’ఆరిజిన్ ఆఫ్ స్పెసీస్ ‘’చూసిన తర్వాత తన సిద్ధాంతాలను కొంత సవరించుకొన్నాడు జీవము ,మనస్సు ,సమాజం వంటి వాటిని భౌతిక ద్రవ్యం ,గతి శక్తి అనే వాటి ద్వారా వివరించే ప్రయత్నం చేశాడు లోపలి బయటి సంబంధాలకు అనుగుణం గా సమాధాన పరచటం లోనే జీవం యొక్క గొప్ప తనం ఉంది అన్నాడు .సేంద్రియ ప్రపంచం లో పిండ నిర్మాణం,సజాతీయ రూపాల నుంచి విజాతీయ రూపాల వరకు నడిచింది అనే ‘’ఫాన్ బాయర్‘’నియమాన్ని స్పెన్సర్ తన ‘’ప్రధమ తత్వాలు ‘’(ఫస్ట్ ప్రిన్సిపుల్స్)లో విపులంగా రాశాడు

జ్ఞేయ ప్రపంచానికి సంబంధించిన నియమాలలో ఏకత్వాన్ని స్పెన్సర్ సాధించ గలిగాడు .శక్తి నిత్యత్వాన్ని గుర్తించటం ద్వారా దీన్ని సాధించ వచ్చు నని చెప్పాడు .ప్రకృతిలో మార్పులు రెండు రకాలుగా ఉంటాయి .పరిణామ ప్రక్రియ ,విలయవ ప్రక్రియ-(ప్రాసెస్ ఆఫ్ డిస్త్రక్షన్ )లు .సేంద్రియ జీవాలు ,జాతులు ,గ్రహాలూ గ్రహ కుటుంబం ,సమాజ వ్యవస్థ వంటివి ముందుగా ఏర్పడి అభి వృద్ధి చెంది వ్యవస్తితాలైనప్పుడు  పరిణామం  జరుగుతుంది అన్నాడు .ఒక సమూహం అవ్యవస్తితం అయి నాశనం చెందితే విలయం జరుగుతుంది

పరిణామ ప్రక్రియ లో రెండు రూపాలున్నాయన్నాడు స్పెన్సర్ .ప్రధానమైనది , గౌణమైనది .ప్రధాన పరిణామం లో భౌతిక ద్రవ్యాలు వ్యవ స్తీకరణం చెందుతాయి తర్వాత గతి విలయం జరుగుతుంది .సమాజం లో వివిధ మార్పుల వల్ల జరుగు పరిణాం గౌణ పరిణామం .అప్పుడు ఏక రూప స్తితి అనేక రూపాలవుతుంది ప్రవ్రుత్తులలో అభ్యాసాలలో సంకీర్ణత వైవిధ్యం దీని ఫలితాలే .ప్రవర్తన కూడా పరిణామానికి సంబంధించినదే .పరి స్తితులకు అనుగుణం గా మనిషి తన చేస్టలను సవరించుకోవటమే ప్రవర్తన .దీని విలువ ఫలితాన్ని బట్టి నిర్ణయించాలి బ్రిటిష్ అనుభావ వాదుల నైతిక సంప్రదాయమైన’’ఉపయోగితాసుఖ వాదాన్ని‘’స్పెన్సర్ అనుసరించాడు .ఇమాన్య్యాల్ కాంట్ గారి దృశ్య వాదం పైనఆధార పడి  తన ‘’అజ్నేయతా వాదం ‘’నిర్మించాడు స్పెన్సర్ .దీని వల్ల  భౌతిక వా దప్రమాదం తప్పింది .19 శతాబ్దం లో స్పెన్సర్ ప్రభావం అమోఘం .ఎవరి నోట విన్నా స్పెన్సర్ మాటే వచ్చేది అంతగా పాతుకు పోయాడు దార్శనిక హృదయాలలో.కాని ఈ రోజు అయన భావాలు సజీవం గా నిలిచింది మాత్రం అతి తక్కువే .83 ఏళ్ళు జీవించి 1903డిసెంబర్ ఎనిమిది న  స్పెన్సర్ మేధావి మరణించాడునోబెల్ బహుమతికి నామినేట్ అయ్యాడు కాని అందలేదు

సశేషం

మీ –గబ్బిట దుర్గా ప్రసాద్ -30-9-13 ఉయ్యూరు

             మరుగున పడిన మతాలు –మతాచార్యులు -27

ధామస్ హాబ్స్

థామస్ హాబ్స్ డేకార్టు శిష్యులలో మొదటి ఆంగ్లేయుడు 1588 లో ఏప్రిల్ అయిదు న జన్మించాడు .నాలుగవ ఏటనే విద్యా భ్యాసం  మొదలు పెట్టాడు .గ్రీకు ,లాటిన్ భాషల్లో చేయి తిరిగిన వాడని పించు కొన్నాడు .కొద్ది కాలం లోనే ఈ రెండు భాషల్లో పాండిత్యాన్ని కూడా సాధించి అందర్నీ ఆశ్చర్య పరచాడు .పద్నాలుగవ ఏట యూడి పస్ రాసిన ‘’మీడియా ‘’నాట కాన్ని గ్రీకు నుండి లాటిన్ భాష లోకి అనువాదం చేసిన ఘనుడు హాబ్స్ ..పదిహేనవ ఏట ఆక్స్ ఫర్డ్ విశ్వ విద్యాలయం లో చేరాడు .ఇరవయ్యవ ఏట డిగ్రీ సాధించాడు .

1608 -1640 కాలం లో కావెండిష్ రాజు కుటుంబం లో అధ్యాపక వృత్తి చేశాడు రాజ కుమారుడి తో కలిసి యూరప్ పర్యటన చేశాడు .దానితో ముసలి తనం లో ఉన్న గెలిలియోను ,డేకార్టు స్నేహితులతో గొప్ప పరిచయం కలిగింది హాబ్స్ ‘’ప్రాకృతిక రాజకీయ నియమ ప్రవేశం ‘’(the elements of law natural and political )గ్రంధం రచించాడు .ఇందులో నిరంకుశ రాజరికాన్ని సమర్ధించాడు ..ఆ నాటి పార్ల మెంటు లోని స్వతంత్రుల వల్ల  తనకు ప్రాణ హాని ఉందని భావించి ఫ్రాన్స్ దేశానికి పారిపోయాడు ..

‘’లేనియన్’’ అనే మరో గ్రంధాన్ని రాశాడు  లార్డ్ క్రామ్వేల్ కాలం లో బ్రిటిష్ సింహాసనాన్ని అధి స్టిం చటానికి  తోడ్పడ్డాడు .రెండవ చార్లెస్ హక్కుల్ని సమర్ధించాడు  .1651 లో సెయింట్ జర్మేన్ వద్ద ప్రవాసం లో ఉన్న చార్లెస్ సభలో ఈ గ్రంధాన్ని సమర్పించి నప్పుడు సభ నుండి హాబ్స్ బహిష్కరింప బడ్డాడు .హాబ్స్ ను ”ఫాదర్ ఆఫ్మోడరన్  పొలిటికల్ ఫిలాసఫీ ”అంటారు . ఆయన దృష్టిలో మనషులు చలనం ఉన్న వస్తువులే . ఆయన చెప్పిన సోషల్ కాంట్రాక్ట్ అన్ విషయం పొలిటికల్ ఫిలాసఫీకి ఆధారం .జామెట్రీ చరిత్ర దియాలజీ లలోను హాబ్స్ ఘనుడు .

రాజుకున్న సర్వ సత్టాక అధికారాన్ని (సావేరినిటి  )హాబ్స్ సమర్ధించాడు .అతని సిద్ధాంతాలన్నీ కార్టీసియన్ సంప్రదాయానికి దగ్గరగా ఉంటాయి .దివ్య శక్తుల ప్రమేయం లేకుండా ప్రక్రుతి నియమాలకు మాత్రమె లోబడి ఈ విశ్వమంతా పని చేస్తోందన్నాడు .శాస్త్రీయ పద్ధతిలో మనషి విశ్వ రహస్యాలను అర్ధం చేసుకోవాలన్నాడు .రాజకీయం లో స్పినోజా అధిస్టించ లేక పోయిన స్తానాన్ని హాబ్స్ అధిష్టించాడు .మానవ జీవితం మొదట్లో నిస్సహాయం ,దీనం హీనం  అసభ్యం .ఈ ప్రాకృతిక స్తితి లో ఉన్న వారంతా అధికారం కోసం అర్రులు చాస్తారు .ప్రతి వాడు తన పొరుగు వాడికి విరోధి .స్వంత ప్రయోజనాలకోసం మనిషి కక్కుర్తి పడతాడు .హాబ్స్ చెప్పిన ఈ ప్రాకృతిక స్తితి అమెరికా లోని రెడ్ ఇండియాన్ల లో ఉంది. జాతుల మధ్య వైరమే వారిజీవితం .’’లేనియతాన్ ‘’రాస్తున్న సమయం లో బ్రిటన్ లోప్రాజల మధ్య అంతర్యుద్ధం జరిగింది ఇది కూడా  దాని వంటిదే అన్నాడు హాబ్స్ .

ఈ సంగ్రామ స్తితి ఎక్కువ కాలం కోన సాగదని ,మానవుడు ఇది గ్రహించి ఘర్షణ వదిలి సంఘ శక్తి తో నియంత్రణ చేస్తాడ న్నాడు .ప్రతి వాడు తనను తానూ నియమించుకోవటానికి కొంత హక్కు కోల్పోవాలి రాజుకు ఆ హక్కులు సంక్రమింప జేయాలి .దానివల్ల దేశాన్ని శత్రువుల నుండి కాపాడగలుగుతాడు .రాజుకు ప్రజలు పూర్తీ విధేయత తో ఉండాలి.దేశ విదేశాల వ్యవహారాలలో రాజు నిరంకుశుడు .దాన్ని ప్రశ్నించ రాదు .సంధి విషయం లోను రాజు ప్రజాభిప్రాయాన్ని పరిగనించ క్కర్లేదు .వ్యక్తీ స్వేచ్చను రాజుకు కానుక ఇచ్చి అతను ఆడమన్నట్లల్లా ప్రజలు ఆడాలి .రాజ శాసనం దైవ శాసనమే తిరుగు లేనిది .మత  విషయం లో కూడా రాజు నిరంకుశుడే .రాజ శాసనాన్ని ఉల్లంఘించిన మతగురువు ను రాజు నిర్దాక్షిణ్యం గా అదుపు చేయాలి .అని హాబ్స్ పండితుడు అభి ప్రాయ పడ్డాడు .1679 డిసెంబర్ నాలుగున మరణించాడు

సశేషం

మీ—గబ్బిట దుర్గా ప్రసాద్ -29-9-13- ఉయ్యూరు

              మరుగున పడిన మతాలు –మతాచార్యులు -26

హెగెల్

జార్జి విలియం ఫ్రెడరిక్ హెగెల్ 1770 లో  ఆగస్ట్ ఇరవై ఏడు న   జర్మని లోని స్తుడ్ గార్ట్ నగరం లో జన్మించాడు మిత్రుడు షెర్లింగ్ ,కవి హోల్దర్లిస్ ళ తో కలిసి ఈశ్వర మీమాంస శాస్త్రాధ్యయనం చేశాడు .ముగ్గురికి స్వేచ్చ  అంటే మహా ఇష్టం .అదే వీరిని కలిపింది .గ్రీక్ సాంప్రదాయాన్ని అమితం గా వీళ్ళు ప్రేమించారు ఫ్రెంచ్ విప్లవానికి ప్రేరణ కల్గించారు .

హెగెల్ కొంత కాలం ఒక సామంతుని ఇంట్లో ట్యూటర్ గా పని చేశాడు .తర్వాత ఒక వార్తాపత్రికకు సంపాదకుదయ్యాడు .తన విద్యా వ్యాసంగాన్ని ‘’యీనా‘’లో మొదలు పెట్టాడు .హైడల్ బర్గ్ లో కొద్ది కాలం లెక్చరర్ గా పని చేశాడు .తరువాత బెర్లిన్ విశ్వ విద్యాలయానికి ఆహ్వానం పొంది చని పోయే వరకు అక్కడే అధ్యాపక జీవితాన్ని గడిపాడు .1831 లో కలరా వ్యాధి సోకి మరణించాడు .

     హెగెల్ జీవించి ఉండగానే ఆయన కీర్తి జర్మనీ దాటి వ్యాపించి పోయింది .క్లిష్టమైన భాష లో రాసే వాడు .దానితో అతని రచన ల పై వ్యతిరేక వ్యాఖ్యానాలోచ్చాయి .భావ కా ఠిన్యానికి ప్రసిద్ధి చెందిన వాడు హెగెల్ .తనను ఒక్కడే అర్ధం చేసుకోన్నాడని అతను కూడా అపార్ధం చేస్సుకోన్నాడని వాపోయాడు .హెగెల్ మరణానంతరం అతని ఉపన్యాసాలను  మిత్రులు స్నేహితులు కలిసి గ్రంధస్తం చేశారు .

దార్శనిక వ్యవస్థా నిర్మాతగా హెగెల్ ప్రాచుర్యం పొందాడు .సాక్షాత్కార ప్రాబోదాన్ని అంగీకరించ లేదు .అపరోక్ష జ్ఞానానికి పూర్తీ వ్యతిరేకి .జాకోబి వ్యాప్తి చేసిన శ్రద్ధ అనే ఆదర్శాన్ని కూడా హెగెల్ ఒప్పుకోలేదు .జ్ఞానం యొక్క మహత్వం లో అపార నమ్మకం ఉన్న్న వాడు హెగెల్ .జ్ఞానం కంటే గోప్పదనేది లేదు అని బాగా విశ్వాసం గా ఉన్నాడు

షెర్లింగ్ చెప్పిన కేవల ఉదాసీనత భావంమీద కాని  ,స్పినోజా చెప్పిన తటస్థ మూల ద్రవ్య భావం మీద కానిసత్యం యొక్క ఆవిష్కరణ జరగదని అన్నాడు .సత్యమే జ్ఞాత అంటే తెలుసుకో దగినది .జ్ఞానం కేవలం భావాత్మకం .సత్య భావం సత్యానికి పరకీయం కాదన్నాడు .సత్య సాధనకు ఇది బాహ్య సాధనం మాత్రం కాదు .. ఏ విషయం లో సత్యం తనను తాను వ్యక్తం చేసుకొంటుందో ఆ విషయమే భావం అన్నాడు .చైతన్య ము ,వాద తార్కిక పధం లో (దలలిక్తికల్లి ),భావాల విధి నిషేధ ప్రక్రియ ద్వారా తనను తానూ అభి వ్యక్తం చేసుకొంటుంది .భావాలు ఆలోచన యొక్క పదార్దాలే ,కాకుండా ,సత్యం యొక్క పదార్ధం కూడా అదే .

ఈ దృష్టిలో తర్క శాస్త్రం అతి భౌతిక శాస్త్రం రెండు ఒకటే. భావాలు వాద తార్కిక గతి లో స్తిర స్తానాలు కావు  సత్యాన్ని తెలుసు కోవటానికి కొన్ని పరిస్తితులలో జ్ఞానానికి సాధ్యం .సంఘర్షణ ,విరుద్ధత అనేవి సత్య స్వభావం లోనే ఉన్నాయి ప్రతిజ్ఞా(ధీసిస్ ) ,ప్రతి ప్రతిజ్ఞా(యాంటి ధీసిస్ ) తో వ్యతిరేకించాడు .అందులోని వ్యతి రేకామ్శాన్ని తన లో ఇముడ్చు కొంటుంది .జ్ఞానం కేవలం పరోక్షం .భావాత్మకం జ్ఞాన రూప మైన దర్శన శాస్త్రం అన్నిటి కంటే ఉత్కృష్ట మైంది .మతం క,ళ  జ్ఞానం యొక్క కింది దశలు మాత్రమె .దర్శనం ఉపాధి రాహిత సంగ్రాన్ని ఇస్తుంది .హేతు బద్ధమైన దంతా సత్యమే .చైతన్యం యొక్క ఆత్మా వికాసమే ప్రతిజ్ఞా ,ప్రతి ప్రతిజ్ఞా ,సంయోజనం అనే మూడు దశల ద్వారా జరిగి సర్వ సామాన్యసర్వ శూన్య అనే తర్కానికి ఆధారం .

విషయ ,విషయి రూపం లో రూపం లో ఉన్న చైతన్యానికి కేవల చైతన్యానికి గల భేదాన్ని హెగెల్ పూర్తిగా ఆవిష్కరించాడు .దేశం వ్యక్తీ సృష్టి కాదు విషయ చైతన్యం యొక్క స్వతంత్ర మూర్త రూపం .చైతన్య వికాసచివరి దశ కాదు చైతన్య వికాసం లో కల మతం ,విజ్ఞాన శాస్త్రం అనే తరువాతి దశలున్నాయి .రాష్ట్రం అనేది జాతీయ చైతన్యావతారం మాత్రమె .రాష్ట్ర స్తాపన తో ప్రపంచ చరిత్ర ప్రారంభిస్తుంది .చరిత్ర లో జాతులు కొంత కాలం ఉంది వాటి ప్రయోజనం పూర్తికాగానే శాశ్వతం గా అదృశ్య మవుతాయి .చరిత్ర లో పునరుక్తి లేదన్నాదాన్నాడు హెగెల్ .

హెగెల్ దర్శన శాస్త్రం లో మూడు మౌలిక శిక్ణలున్నాయి .సత్యం స్వరూపం భావం మూడు తర్క శాసత్రానికి చర్చా విషయాలు .విషయి లేక వ్యక్తీ చైతన్యం రెండవది శాసనం .నీటి ,రాష్ట్రం చరిత్ర వీటిలో చెప్ప బడిన సత్యం మూడవది కళ  లో వ్యక్తమయ్యే అంతస్స్పురణం .ఉండవలసిన దానికి ఉన్న దానికి మధ్య   అయన దర్శనానికి ఘర్షణ లేదు .నిజానికి దూరమైన ఆదర్శం విషాదం అన్నాడు .హెగెల్ చెప్పిన దాన్ని కొందరు భౌతిక వాద వ్యాఖ్యాన్ని కల్పించారు .కొంత మంది ఈశ్వర వాదం వైపు మళ్ళించారు 1831 నవంబర్ పద్నాలుగు న71 ఏళ్ళు జీవించి మరణించాడు   .

సశేషం

మీ –గబ్బిట  దుర్గా ప్రసాద్ -28-9-13 ఉ-ఉయ్యూరు

సాటి మనిషి సేవలతోనే జీవితానికి సార్థకత

   మరుగున పడిన మతాలు –మతా చార్యులు –22

బెనడేట్తో  క్రోచ్

ఇటలీకి చెందిన బెనదడేట్తో క్రోచ్ 1966 ఫిబ్రవరి 25న  పెస్కాస్సరోలి లో జన్మించాడు .గొప్ప చరిత్రకారుడు ,సాహితీ విమర్శకుడు .నేపిల్స్ లో కేధలిక్ బడి లో చదివాడు .1883 భూ కంపం లో అతని 17వ ఏట తలిదంద్రులిద్దరు మరణించారు .క్రోచ్ కూడా శిధిలాలలో చాలా రోజులు కప్పు బడి ఉన్నాడు .ఒళ్లంతా గాయాల తో చాలా కాలం ఇబ్బంది పడ్డాడు .

రోం నగరం  చేరి బాబాయి దగ్గర కొంతకాలం ఉండి  యూనివర్సిటి లో చేరాడు .కాని విద్య సాగలేదు .మళ్ళీ 1886  నేపిల్స్ కు చేరాడు .చరిత్ర పై చాలా పరిశోధనలు చేశాడు 1893 లో చరిత్ర తీరు ,సాహిత్య విమర్శల పై రెండు వ్యాసాలూ రాశాడు వీటి తో అతని పేరు మారు మోగింది .క్రమంగా మత సిద్ధాంతాల పై ద్రుష్టి పెట్టి రచనా వ్యాసంగం కోన సాగించాడు .1902 లో క్రోచ్ స్వంత భావాలకు ఆవిష్కరణ చేసి దర్శన శాస్త్రం లో అందరి దృష్టినీ ఆకర్షించాడు .సౌందర్యం ,తర్కం ,ప్రవర్తన ,చరిత్ర లేఖనం (హిస్టోరియోగ్రఫీ)అని నాలుగు భాగాలుగా తన దర్శన శాస్త్రాన్ని రాశాడు

1909 లో ‘’విమర్శ ‘’అనే పత్రిక స్తాపించి సాహిత్యం లో ,చరిత్రలో యాభై ఏళ్ళు గా ఇటలీ సాధించిన దాని పై సమీక్ష వ్యాసాలూ రాశాడు 1926 కే 20 గ్రంధాలు రాసి ప్రాముఖ స్తానాన్ని పొందాడు .అతని విద్వత్తు ను గుర్తిచి ఇటలీ రాజ్య సభకు సభ్యత్వాన్ని ప్రసాదించింది ప్రభుత్వం 1920-21 లో విద్యా మంత్రి గా కూడా పని చేశాడు క్రోచ్ దర్శనం ఫ్రాన్సేస్కో డే సాన్క్తిస్ట్ రాసిన సాహిత్య విమర్శ ,జియాం బాటిస్టా ఆలోచనల తో ను నిండి ఉంటుంది వీరి ప్రభావం ఆయన రాసిన సాహిత్యం ,చరిత్ర లో చేసిన పరిశోధనల లో కూడా  కనీ పిస్తుంది .

క్రోచ్ చేసిన గొప్ప పని సౌందర్యానికి చరిత్రకు కొత్త అర్ధాలను చెప్పటం .అందుకే నూతన మత మార్గ దర్శి అని పించుకొన్నాడు .చరిత్ర నిజ స్తితి చూస్తె తనకు ఒక గట్టి సత్యం (కాంక్రీట్ రియాలిటి )కనీ పించింది అన్నాడు .దీన్ని ఆధారం గా చేసుకొనే తన నూతన చరిత్ర ను వ్యాఖ్యానిన్చానని    తెలియ జేశాడు  కనుక చరిత్ర  మూర్త దర్శన శాస్త్రము (కాంక్రీట్ ఫిలాసఫీ )ఒకటే అని బలం గా చెప్పాడు .చరిత్రలో అంతర్గతం గా ఉన్న (ఇమ్మనేంట్ )పద్ధతిని కనుగొని దానికి ఒక రూపం ఇవ్వటమే దర్శన శాస్త్రం యొక్క  పరమార్ధం అన్నాడు

అనుభవాతీత సత్యాలకు  ,మూల తత్వాలకు ,చరమ లక్ష్యాలకు క్రోచ్ తన దర్శన శాస్త్రం లో చోటు కల్పించలేదు .కల్పనలను కూడా వదిలి పెట్టాడు .క్రోచ్ దర్శనాన్ని ‘’ఆత్మ దర్శనం ‘’(ఫిలాసఫీ ఆఫ్ స్పిరిట్ )అని పిలిచాడు .వాస్తవ సంఘటనలే  చరిత్ర ,అలాంటి సంఘటనల ను వ్యాఖ్యానించే చరిత్ర ఒకే చైతన్యం యొక్క పని అని చెప్పాడు .చరిత్రలో ఆత్మ స్వయం గా వ్యక్తమవుతుందని ,చరిత్రనే శరీరం గా చేసుకొని చరిత్ర అన్ని భాగాలలలోను ఆత్మ సంపూర్ణం గా, అఖండం గా క్రియా రూపం లో ప్రత్యక్ష మై ఉంటుందని వివ రించాడు అలాంటి దాని ఉనికి ,ప్రవ్రుత్తి ,మానవ చరిత్రకే పరి మితం కాలేదు అనుభవాల యొక్క చివరి అవధులను కూడా దాటి   ప్రవ్రుత్తి అన్ని వైపులా విస్తరిస్తుంది .

అనుభం లో వ్యాపించి ఉండే ఆత్మ ఏకం ,అఖండం అంటే కాక ఆత్మ ఏకం ,చతుర్ముఖం కూడా అంటాడు బెనదేట్తో .దీనికి స్పష్టం ,నిత్యం ,విభిన్నం ప్రయోజనం ,అనే దశలుంటాయి.వీటి మధ్య ఆత్మా నిరంతరం ఉండి  ముందుకు పోతుంది .ఈ ప్రయాణం లో అది తన అనుభవం తో తనకు తాను పూరించు కొంటుంది .తన అస్తిత్వాన్ని సాఫల్యం చేసు కొంటుంది .ఈ నాలుగు వృత్తులు అనుభవ విషయాలను సృస్టిస్తాయి .ఇవి  సౌందర్యం ,తర్కం ,అర్ధ,నీతిశాస్త్రాలకు చెంది ఉంటాయి .ఇవన్నీ కలిస్తేనే సంపూర్ణ దర్శన శాస్త్రం అని పించు కొంటుంది .

అందరు చెప్పే సత్యం శివం సుందరం లకు ప్రయోజనం అనే నాలుగవ దానిని కొత్తగా క్రోచ్ చేర్చడన్న మాట .జ్ఞానం లో ఆత్మ కళ గా వ్యక్తమవుతుంది .ఇలా తనను తానూ ఆవిష్కరించు కోవటం లోనే దానికి సృజనాత్మకత ఉందని తెలుస్తోంది .జ్ఞానం యొక్క మొదటి దశనే కళ అంటారు ఈ దశ లో  అది ఆక్రుతులలో (ఏమ్బాడి  మెంట్స్ ) లో వ్యక్తమవుతుంది .ఆత్మ జ్ఞానం విషయం సౌందర్య విషయం కూడా దాని ప్రవ్రుత్తి  ఫలితమే . విశిష్ట వ్యక్తిత్వం ఉన్న ప్రతి విషయం లోను ఆత్మ ఆకారాన్ని పొందుతుంది .కనుక అలాంటి విషయం సౌందర్యం అని పించుకొంటుంది .

కళఅంటే భావం లేక రూపం లేక అనుభావాంశం ను అనుసంధానం చేయటమే అని నిర్వచించాడు .అలాంటి అనుసందానాన్నే రూపాభి వ్యక్తీ అని ,భావాల్ని బహిర్గతం చేయటం కేవలం యాంత్రిక శిల్పం అని ఆయన అభిప్రాయ పడ్డాడు .కళా ఖండాలలో ఆవిష్కరింప బడిన భావాలను మళ్ళీ  భావన చేయటం వలన మూల భావం మళ్ళీ ఆవిష్కారమవుతుందని క్రోచ్ చెప్పాడు జ్ఞానం యొక్క రెండవ దశ అయిన తర్కం లేక కేవల అమూర్త దర్శన శాస్త్రం .ఇందులో జ్ఞానం అన్ని విషయాలలోనూ అభి వ్యక్తం అవుతుంది .ఈ సామాన్య విషయాలను అస్తిత్వం లోకి తెచ్చి జ్ఞానం తన దృష్టికి విషయం గా మార్చు కొంటుంది .ఆత్మ యొక్క పై రెండు స్తితులు చరిత్రను వాస్తవ మార్గం లో రూపొందిస్తుంది అని బెనడేట్తో క్రోచ్ ప్రగాఢ విశ్వాసం .86 ఏళ్ళు నిండుగా జీవించి క్రోచ్ 1952 నవంబర్ ఇరవై  న చని పోయాడు .

సశేషం

మీ –గబ్బిట దుర్గా ప్రసాద్ -24-9-13- ఉయ్యూరు

.

            మరుగున పడిన మతాలు –మతా చార్యులు -21

ఆగస్ట్ కొంటే

క్రీ శ.1798 లో 28 జనవరి లో ఫ్రాన్సు దేశం లో మౌంట్ పీల్యాలో కొం ట్ ఆగస్ట్ పుట్టాడు .ఫ్రాన్స్ దేశపు దార్శనికుడు గా ప్రసిద్ధి చెందాడు .విద్యార్ధి గా ఉండగానే ఆ నాటి దర్శనీయ సిద్ధాంతాల ను తీవ్రం గా వ్యతి రేకించాడు 1818 లో సెయింట్ సిమాన్ తో పరిచయం కలిగింది .సీమాన్ ప్రభావం ఆగస్ట్ మీద పడింది .

పోర్టో ఆల్గెరి లో  పాజిటి విస్ట్ దేవాలయం

అన్ని విషయాల లాగానే రాజ కీయ విషయాలను కూడా సూత్రీకరించ వచ్చు అనే అభిప్రాయం ఆయనది .దర్శన శాస్త్రాలన్నీ సమాజానికి సంబంధించి ఉండాలని చెప్పే వాడు .నైతిక ,మత ,రాజ కీయ విధానాలను పునర్వవస్తీక రించటమే దర్శనానికి ముఖ్య విషయం అని చెప్పాడు సీమాన్ చెప్పిన వన్నీ తన సిద్ధాంతాలలో పొందు పరచాడు కౌంట్ .1843 లో దేశం లో రాజకీయ ప్రాధాన్యం ఉన్న కాలం లో కౌంట్ ‘’ప్రత్యక్ష జ్ఞాన ప్రాధాన్య సమాజం (పాజిటివిస్ట్ సొసైటీ) అనే దాన్ని నెల కోల్పాడు .శిష్యులు చాలా మంది ఏర్పడ్డారుఆయన రాసిన పుస్తకమే రెలిజియన్ ఆఫ్ హ్యుమానితి

ఈ యన వాదం ఆయన మొదట కనీ పెట్టిన ‘’త్రిదశా నియమం ‘’(the law of the three )తో ప్రారంభించాడు .మొదటి దశలో మానవుడు ప్రపంచాన్ని మత ద్రుష్టి తో చూడాలి రెండవ దశ లో అతి భౌతిక దృష్టితో వీక్షించాలి మూడవ దశలో ప్రత్యక్షా నుభవం దృష్టితో చూడాలని చెప్పాడు .మొదటి రెండు దశలలో మనిషి సంఘటనలకు కారణం ,వాటి స్వరూపాన్ని అన్వేషిస్తాడన్నాడు .మూడవ దశలో నియమాల తో సంతృప్తి చెందుతాడు అని వివ రించాడు .సమాజానికి కావలసిన వాటిని ఈ మూడవ దశలో చెప్పటం వలన శాస్త్రీయ దృక్పధాన్ని ,పర్య వేక్షణ ను ఇందులో చేర్చాడు .ప్రత్యక్ష జ్ఞానానికి ప్రాధాన్యత నిచ్చాడు కొంట్  .

మూడవ దశలో సామాజిక సంఘటనలను చేర్చటం వల్ల  భౌతిక శాస్త్ర ఆవిర్భావానికి కారణం అయింది .సమాజం లోని భూతాలు వాటి అర్ధాలు పరిస్తితుల మధ్య సంబంధాన్ని గురించి చెప్పేదే ‘’సామాజిక భౌతిక శాస్త్రం ‘’అంటే కొంట్  ఆగస్ట్ ను మొదటి సామాజిక భౌతిక శాస్త్ర వేత్త గా భావించ వచ్చు

1859  సెప్టెంబర్  21  న మరణించాడు

మీ –గబ్బిట దుర్గా ప్రసాద్ -23-9-13 ఉయ్యూరు

రాయల వారు అష్ట దిగ్గజాలతో
నిర్వహించిన ‘భువన విజయం’
రూపకం క్రమక్రమంగా
యువకులు, విద్యార్థులను
ఆకట్టుకుంటోందని ఇటీవల జరిగిన
శతరూప కార్యక్రమాల సందర్భంగా
రుజువయింది.

ఇటీవల రాష్ట్ర రాజధాని నగరంలోని రవీంద్ర భారతిలో నిర్వహించిన ‘భువన విజయం’ రూపకం అమోఘంగా విజయం సాధించింది. ఒకప్పుడు హేమాహేమీ సాహితీవేత్తలు నిర్వహించిన ఈ రూపకానికి ఏమాత్రం వన్నె తగ్గలేదని, ఇది యువ తరాన్ని కూడా ఆకట్టుకుంటోందని సాంస్కృతిక శాఖకు అవగాహన అయింది. ఈ రూపకాన్ని రాష్ట్రంలో మరింత విస్తృతంగా ప్రదర్శించడానికి, అవసరమైతే మెరుగు పరచడానికి చర్యలు తీసుకోవాలని కూడా ఈ శాఖ భావిస్తోంది. ఈ రూపకానికి పెరుగుతున్న ఆదరణ పైనా, ఇతర రూపకాలు, సాంస్కృతిక అంశాలపైనా ఈ శాఖ ప్రస్తుతం దృష్టి కేంద్రీకరిస్తోంది.

రాష్ట్రంలో అవధాన విద్యకు ఎంతో చరిత్ర ఉంది. పూర్తిగా తెలుగువారికే పరిమితమైన ఈ విద్య తెలుగు భాషకు కొత్త అందచందాలను సమకూర్చింది. కొన్ని వందల వేదికల మీద అటువంటి అవధానాలు నిర్వహించడమే కాకుండా, తరతరాల అవధాన విద్యపై సిద్ధాంత గ్రంథంతో డాక్టరేట్ పొందిన రాళ్లబండి కవితా ప్రసాద్ ఈ తరం కవి పండితులనందరినీ సాహిత్య రూపకాలలో పాత్రధారులుగా వేదిక పైకి రప్పించిన తీరు క్రమంగా ప్రేక్షకుల సంఖ్య పెరిగేలా చేసింది. ముఖ్యంగా రాయల ఆస్థానంలోని అష్ట దిగ్గజాలతో నిర్వహించిన ‘భువన విజయం’ రూపకాన్ని ప్రస్తుతం తెలుగునాట పలువురు కవి పండితులు ప్రదర్శిస్తున్న తీరు తెలుగు సాహిత్యాన్ని అనూహ్య స్థాయిలో పరిపుష్టం చేసిందని ఆయన చెప్పారు.

మన సాహిత్య రూపకాలకు ఘనమైన చరిత్ర ఉంది. మన మాజీ ప్రధానమంత్రి, బహు భాషావేత్త పి.వి. నరసింహారావు శ్రీకృష్ణ దేవరాయలుగా వేషం ధరించిన ‘భువన విజయం’ రూపకం సహజంగానే ఆబాలగోపాలాన్నీ ఆకట్టుకుంది. రెండవ ప్రపంచ యుద్ధ కాలం కన్నా ముందు రోజుల్లో మన రాష్ట్రంలోని వివిధ ప్రాంతాలలో అగ్రశ్రేణి సాహితీవేత్తలు ఆ రూపకంపై మక్కువతో వివిధ పాత్రలు పోషించేవారు. తమ ముందు తరాల కవులు తీర్చిదిద్దిన కవిత్వ రూపాలు, చమత్కారాలను వారి వేషభాషల్లోనే ప్రేక్షకులకు పరిచయం చేయటం ప్రతిష్టాత్మకంగా భావించేవారు.

క విసమ్రాట్ విశ్వనాథసత్యనారాయణ వంటివారు పాల్గొనగా గుంటూరు శేషేంద్ర శర్మ వంటి వారు ‘భువన విజయం’లోని అష్ట దిగ్గజాల్లో ఒకరుగా అభినయిస్తూ పద్య వైభవాన్ని అద్భుతంగా చూపించేవారు. ప్రభుత్వ ఆస్థాన విద్వాంసులుగా కీర్తి ప్రతిష్టలు సంపాదించుకున్న కవులు ‘భువన విజయం’లో పాత్రలు ధరించి కమ్మని పద్యాలు ఆలపించడం తెలుగునాట పలువురికి మరచిపోలేని అనుభవం.

నిత్య నూతనం

భువన విజయం రూపకంలో హేమాహేమీలైన అవధానులు తమ పూర్వ కవుల పద్య కవితలతోనే కాక, ఆశు పద్యాలతో, చక్కని చమత్కారాలతో లక్షలాది మంది తెలుగు భాషాభిమానుల్ని పరవశింపజేశారు. ఏకాదండయ్య పంతులు, జమ్మలమడక మాధవరాయ శర్మ వంటివారు తొలి దశలో ‘భువన విజయం’ ప్రదర్శన నమూనాను తీర్చిదిద్దారు. దాశరధిని తెనాలి రామకృషణ పాత్రలో చూసి లక్షలాది మంది మురిసిపోయారు.

ఇక ఉస్మానియా యూనివర్సిటీ తెలుగు శాఖను ప్రతిభావంతుల నెలవుగా మలచిన దివాకర్ల వెంకటావధాని స్క్రిప్టుతో ఒక ఒరవడి వచ్చింది. ఆయనతో కలసి రాష్ట్రంలోని వివిధ ప్రాంతాల్లోనే కాక, ఇతర రాష్ట్రాలలో తెలుగువారు ఎక్కువగా ఉన్న ప్రాంతాలలో పర్యటించిన వారు 16 శతాబ్దపు కవులుగా హావ భావాలు ప్రదర్శించి జేజేలు అందుకున్నారు. చారిత్రక నవలా చక్రవర్తిగా ప్రఖ్యాతులైన ఆచార్య ముదిగొండ శివప్రసాద్ ఈ భువన విజయాన్ని 1100కు పైచిలుకు సంఖ్యలో వేదికలపై ప్రదర్శించారు.

అయితే, 1945లో మొదలైన ఈ రూపకం స్ఫూర్తితో గుంటూరు నుంచి సరికొత్త రూపకాలు ముందుకొచ్చాయి. ప్రస్తుతం కుర్తాళం పీఠాధిపతిగా పూజలందుకుంటున్న ప్రసాదరాయ కులపతి 1960 ప్రాంతంలో ఇంద్ర సభను రూపొందించారు. నాటి తరం కవిపండితులంతా పాత, కొత్త తరం కవుల వేషాలతో కవితలు, పద్యాలతో ప్రేక్షకుల్ని అద్భుతంగా అలరించేవారు. తిరుపతి వెంకటకవులు, బెల్లంకొండ రామదాసుల వివాదం అప్పట్లో బ్రిటిష్ వారి న్యాయస్దానానికి పరీక్ష అయింది. ఒక ప్రశ్నలో వ్యాకరణ దోషం ఉందా, లేదా అన్నది అప్పటి వ్యాజ్యం.

తెలుగురాని న్యాయమూర్తులు తలపట్టుకుని కూర్చోవాల్సి వచ్చింది. వాది, ప్రతివాదులకు అంగీకారమైన మధ్యవర్తిని నియమిస్తామని, ఎవరు కావాలో తేల్చుకుని, ఆ తీర్పును గౌరవించుకోండని చివరికి న్యాయమూర్తులు సూచించారు. అందుకు వాది, ప్రతివాదులు అంగీకరించి మధ్యవర్తిని ఎంచుకున్నారు. ఆ మధ్యవర్తి పల్లెపూర్ణ ప్రఙ్ఞాచార్యులు. అప్పటికాయన వయసు 22 ఏళ్లు మాత్రమే. వయోధిక ఉద్దండుల మధ్య నూనూగు మీసాల యువకుడి పెద్దరికం ఇది. ఆ వాదాలు, వివాదాలు సాహిత్యలోకానికి పాఠాలు. అలాంటివే సాహిత్య రూపకాలలో ముడి సరుకులు.

ఇటువంటి కవిత్వ చమత్కారాలు, సవాళ్లు, ప్రశ్నలు, పరిష్కారాలు, పొగడ్తలు, తెగడ్తలు వగైరాలతో సుమారు 35 రూపకాలను కవితా ప్రసాద్ ఓ జాబితాగా రూపొందించారు. గుంటూరుకు చెందిన డాక్టర్ భూసురపు వెంకటేశ్వర్లు మరింత పొందికగా వాటి వివరాలను గ్రంథస్థం చేశారు. ఈ ఏడాది రాష్ట్ర ప్రభుత్వ ప్రకటనలు, ఆలోచనలకు తగినట్టుగా, వారం రోజుల పాటు ప్రతి సాయంత్రం ప్రసంగం, ఆ తరువాత రూపకం ఉండేలా ఆయన కార్యక్రమాలను రూపొందించారు. పాత రోజుల్లో లాగానే ఇప్పుడు కూడా తెలుగు భాషాభిమానులు ఈ కార్యక్రమాలకు తరలి వచ్చారు. నిజానికి ఈ శతరూప కార్యక్రమాలను తలపెట్టినప్పుడు ప్రేక్షకులు వస్తారా, వాళ్లను ఆకట్టుకోగలమా అన్న సందేహం కలిగిందని, కానీ యాభైౖ రోజుల శతరూపం పూర్తయిన తరువాత మదింపు వేస్తే ప్రామాణికమైన కార్యక్రమాలకు ఇప్పటికీ ఆదరణ తగ్గలేదనే సంగతి నిర్ధారణ అయిందని ఆయన చెప్పారు.

ఈ కార్యక్రమాలను అభినందించడంతో పాటు అనేక సూచనలు కూడా అందాయి. సాహిత్య రూపకాల వేదిక పై వివిధ రూపకాలను చూసిన వారిలో పెద్దలకన్నా నవతరం ఎక్కువ శాతం ఉన్నారు. “ఈ అమూల్యమైన సూచనలను క్రోడీకరించి ఆచరణాత్మక కార్యక్రమాలు రూపొందిస్తున్నాం. పసలేని వాటిని ఇక ప్రోత్సహించదలచుకోలేదు. ఎటువంటి కార్యక్రమాలకు ఆదరణ ఉంటుందో ప్రేక్షకుల తీరును బట్టి అర్థమైపోయింది. ఇటువంటి కార్యక్రమాలను రాజధాని నగరంలో కూడా వేరు వేరు ప్రాంతాలలో అందుబాటులోకి తేవాలన్న ప్రతిపాదనలు వచ్చాయి. వాటిని సానుకూలంగా పరిశీలిస్తున్నాం” అని ఆయన చెప్పారు.

సమూలమైన మార్పులు

ప్రేక్షకుల నుంచి లిఖితపూర్వకంగా సూచనలను, స్పందనలను తీసుకోవడమే కాక, ఆయన ప్రేక్షకుల మధ్య కూర్చుని, వారి స్పందనలను స్వయంగా గమనించారు. ఆ తరువాత ప్రేక్షకుల అభిరుచులకు అనుగుణంగా ప్రభుత్వ కార్యక్రమాలను సమూలంగా మార్చదలచుకున్నారు. ఉత్తమ నాటకాలు, నవలలను కూడా తీసుకుని వాటితో కార్యక్రమాలు రూపొందించి, తెలుగు భాషాభిమానులకు సాంస్కృతిక శాఖ స్ఫూర్తిదాయకం కావాలని ఈ శాఖ భావిస్తోంది. పోటీల్లో విజయం సాధించిన నాటకాలకు కనీసంగా లక్ష రూపాయల బహుమతినివ్వాలని కూడా నిర్ణయం జరిగింది. అన్ని ప్రక్రియలకూ అర్థవ ంతమైన ప్రయోజనం ఉండేలా సరికొత్త వి«ధివిధానాలు రూపొందుతున్నాయి. చిన్న చిన్న కథలను చిరు పుస్తకాలుగా వెలువరించి, విద్యాసంస్థలలో చిన్నారులకు పఠన యోగ్యంగా ఉంచాలన్న ఆదేశాలు జారీ అవుతున్నాయి.

ఆ తరువాత హైస్కూలు స్థాయిలో సాంస్కృతిక పోటీలను పెంచేలా, అవి అద్భుతంగా ఉండేలా ప్రభుత్వ ప్రోత్సాహక పథకాలు రూపుదిద్దుకుంటున్నాయి. “మేము నిర్వహించిన 7 రూపకాల్లో ఒకదాన్ని పూర్తిగా చిన్నారులకు కేటాయించాం. నల్గొండ జిల్లా లోని సర్వేల్ నుంచి ప్రభుత్వ గురుకుల పాఠశాల విద్యార్థులు ఇటీవల తమ పద్యధారతో పండితుల్ని కూడా మెప్పించారు. ఆ విద్యాలయం ప్రిన్సిపాల్ కె.వి.ఎన్. ఆచార్య తమ విద్యార్థి బృందాన్ని ఈ విషయంలో చక్కగా తీర్చిదిద్దారు. ప్రభుత్వానికి ఒక వినతి పత్రం సమర్పిస్తే చాలు, తగిన రీతిలో కార్యక్రమాల నిర్వహణ, అందుకు కావాల్సిన వనరులు మేం సమకూరుస్తాం” అని కవితా ప్రసాద్ వివరించారు. ప్రస్తుతం హైదరాబాదులో జరిగిన కార్యక్రమాలన్నిటినీ ఆన్‌లైన్‌లో ప్రపంచంలోని తెలుగువారందరి ముందూ ఉంచడానికి సాంస్కృతిక శాఖ ఏర్పాట్లు చేస్తోంది. యూట్యూబ్‌లో కూడా ఈ కార్యక్రమాలను చూడవచ్చు. సాంస్కృతిక శాఖకు ప్రత్యేకంగా ఓ వెబ్‌సైట్ ఉంది.

శ్రీకృష్ణ దేవరాయల ఆస్థానంలో జరిగిన కవితాగోష్టిని ‘భువనవిజయం’గా చూపించే ప్రక్రియకు రాయలసీమ కళాకారులు కొత్త సొబగులు సంతరించిపెట్టారు. అసమాన మేధతో అవధాన విద్యలో మేటిగా పేరెన్నికగన్న డోన్ వాస్తవ్యుడు గండ్లూరి దత్తాత్రేయ శర్మ సమన్వయ నిర్వహణలో సరికొత్త రూపకం రసవత్తరంగా సాగింది. కర్నూలు జిల్లా పత్తికొండకు చెందిన రంగస్థల కళాకారులు, కవి పండితులు కలసి ఆ రూపకాన్ని సగటు పద్య నాటకాలకన్నా మిన్నగా మనోరంజకంగా ప్రదర్శించారు.

పెద్దన కవిత్వపు జిగిబిగితో పాటు తెనాలి రామకృష్ణ, భట్టుమూర్తి, రామభద్రుడు వంటి పాత్రలు తమ కవితలతో, పద్యాలతో స్పందించిన తీరు విశేష ప్రశంసలు అందుకుంది. అన్నము -పప్పు-కూర-చారు-పదాలను శ్రీరామచంద్రునికి అన్వయిస్తూ పద్యం చెప్పమని కోరితే, సుగ్రీవుడి మైత్రీబంధాన్ని కలిపి ఆ పదాలతో పద్యాలను పూరించడం శభాష్ అనిపించుకొంది. మరో సందర్భంలో వానెమ్మ-వానెక్క-దానెమ్మ-సవతి -మాటల్ని కలిపి మంచి పద్యం చెప్పమని కోరితే, క్షణాలలో భీష్ముడికి అమ్మ గంగమ్మ అంటూ మొదలుపెట్టి, భూదేవికి సవతి శ్రీదేవిగా వరసల బాంధవ్యాన్ని చెప్పి మెప్పించారు.

వీర నారీ విజయం

సుమారు 125 నిమిషాలపాటు కమ్మని రాగాలు వికటకవి పద్యాల చమక్కులతో ఆ రూపకాన్ని రసప్లావితం చేశారు. తమ భాష పట్ల మక్కువ పెంచుకోవాలన్న ఉపన్యాసాలకన్నా ఆ ఒక్క ప్రదర్శన వెయ్యి రెట్లు ఫలితం ఇస్తుందని ప్రేక్షకులు వ్యాఖ్యానించారు. అతి త్వరలో పుట్టపర్తి నారాయణాచార్యులు రచించిన ‘శివతాండవం’లోని లయ అక్షరాలలోంచి పులకింపచేసే నాద మహత్తును ఇంకో కార్యక్రమం ద్వారా వినిపిస్తామని సంచాలకుడు ప్రకటించారు. ఆ తరువాతి రోజు అమరసీమలో ఇంద్రుడు తమ దగ్గర ఉన్న కవులను ఆహ్వానించి గోష్టిగా నిర్వహించే కార్యక్రమాన్ని రసరమ్యంగా చూపారు. నన్నయ భట్టు, తిక్కన. ఎర్రాప్రగ్గడ, శ్రీనా««థుడు, పోతన, మొల్ల, వేమన, విశ్వనాథ సత్యనారాయణ, దాశరది, జాషువా, శ్రీశ్రీలతో కవిత్వ హొయలు తెలిపేలా నిర్వహించారు.

ఆ మరుసటి రోజున అత్యున్నత విద్యావంతులైన మహిళలతో ‘వీరనారీ విజయం’ ప్రదర్శించారు. భారతమాత ధీర వనితలతో సమావేశం నిర్వహిస్తూ అనుభూతుల్ని పంచుకోవటం ఆ రూపకంలోని సారాంశం. రుద్రమ్మ, ఝూన్సీ, మాంచాల, జిజియాబాయి, సమ్మక్క, సారక్క, చానమ్మ, గౌతమి,నాగమ్మ, మెదక్ ను పాలించిన రాణి శంకరమ్మల వేషాలలో విద్వన్మణులు చక్కగా అభినయించి ప్రశంసలందుకున్నారు. ఆ తరువాతి రూపకంగా విషణ్ణ వదనంతో కనిపిస్తున్న భారత మాతతో జాతీయ ఉద్యమ నేతలు ఒకొరకరుగా మళ్లా పుట్టి, ఈ సీమను చైతన్యవంతం చేస్తామని ఊరడిస్తున్న దృశ్యాలను ప్రదర్శించారు.

ఇందులో వివేకానందుడు, తిలక్, అరవిందుడు, రామతీర్థుడు, బంకించంద్ర, సావర్కార్, మహాత్మా గాం«ధి, సుభాస్ చంద్ర బోస్, సరోజినీ నాయుడు, నివేదిత, జాతీయకవిగా కసిరెడ్డి వెంకటరెడ్డి అభినయించారు. వారు త్యాగమూర్తుల రూపురేఖలతో చూపరులందరినీ ఉత్తేజితుల్ని చేశారు. పద్యలీల-రాగహేల పేరిట చిమ్మపూడి శ్రీరామమూర్తి 52వ సారి రసవత్తర సంగీత ప్రయోగం చేశారు. అయిదుగురు గాయకులు వాద్య సహకారంతో వారు ఆలపించిన పాటలు కీర్తనలు వంటివి. ఒక రాగం నుంచి మరో రాగానికి వెళ్లిపోతూ దీన్ని రాగావధానం తరహాలో నిర్వహించారు. సుమారు రెండు గంటలపాటు స్వరమయ ప్రపంచంలో శ్రోతలందరినీ ఓలలాడించారు.

గణపతి నిమజ్జనం రోజున నవ్వుల నైవేద్యంగా హాస్యవిజయంతో పకపక లు పండించారు. గురజాడ అప్పారావు, చిలకమర్తి, మొక్కపాటి, పానుగంటి, ముళ్లపూడి వెంకట రమణ, భానుమతి వంటివారు సమావేశమై తమ రచనలలోని హాస్యంతో శ్రోతలను ఆహ్లాదంలో ముంచెత్తారు. సప్తాహం చివరి రోజున విద్యార్థులు 16 సారి నిర్వహించిన ‘భువన విజయం’ అందరి దీవనలు అందుకొంది. తొమ్మిదవ తరగతి చదువుతున్న పిల్లలు ధాటీగా ప్రబంధ కవుల పద్యాలను ఆలపిస్తూ, ఛందస్సుల విన్యాసాలు, చమత్కారాలతో కవిత్వపు కవ్వింపులతో మురిపించారు.

శతరూప కార్యక్రమాలు

తెలుగుతనాన్ని అసలు సిసలు పలుకుబడితో పండించే సాహితీ రూపక సప్తాహం పలురుచుల్ని అందించింది. సాంస్కృతిక శాఖ నిర్వహణ లో రాష్ట్ర రాజధానిలోని రవీంద్ర భారతి ప్రాంగణంలో ఇటీవల ఏర్పాటు చేసిన 100 రోజుల సాంస్కృతిక కదంబం శతరూప-2013 లో భాగంగా రసవత్తర సాహితీ రూపక సప్తాహం తెలుగు బిడ్డల సృజనను, తరతరాల వైభవాన్ని అందరి మనసుల్లోనూ కలకాలం మెదిలేలా చేసింది. హైదరాబాదుకు మాత్రమే ఆయా అక్షర పరిమళాలు పరిమితం కాకుండా, తెలుగువారందరికీ చేరేలా ప్రభుత్వం సన్నాహాలు చేస్తోంది. తిరుపతిలో గత ఏడాది డిసెంబరులో నిర్వహించిన ప్రపంచ తెలుగు మహాసభలలో చేసిన తీర్మానం మేరకు ఈ ఏడాదిని ‘తెలుగు భాషా సాంస్కృతిక వికాస సంవత్సరం’గా ప్రభుత్వం ప్రకటించిన దరిమిలా, తెలుగు భాషా వికాసానికి సంబంధించి సరికొత్త కార్యకమాలు వేదికల పైకి వస్తున్నాయి.

ప్రభుత్వం మార్చి 21న తొలిసారిగా ప్రపంచ కవితాదినోత్సవాన్ని నిర్వహించింది. దీనికి 43 మంది కవులను ఆహ్వానించి, వారి కవితలను వినడానికి వచ్చిన శ్రోతలకు అల్పాహారంతో ఆతిథ్యమిచ్చింది. ఆ తరువాత జరిగిన కార్యక్రమంలో ఓ కవితా సంకలనం కూడా వెలువరించింది. పలువురు అగ్రశ్రేణి అవధానులతో వారం రోజుల పాటు రసవత్తరంగా పద్యాల విందును అందించింది. ఆయా కార్యక్రమాల సారాన్ని పుస్తకంగా అందరకి అందిస్తామని కూడా ప్రకటించింది. వాటి కొనసాగింపుగా ఉద్దండ విద్వాంసులతో సాహిత్య లహరి, రూపక సప్తాహం జరిగాయి. ఎల్లలు లేని సృజన పాటవాలకు ప్రత్యేక వేదికగా ప్రభుత్వం శతరూప- 2013ను మలచింది. కొద్ది రోజుల్లోనే ప్రాచీన సాహిత్యం, ఆధునిక కవిత్వం, నవల, కథ, శాసనాలు, నాటకం, పత్రికలు తదితర అంశాలపై వెలువ రించిన ఉపన్యాసాల పరంపర పుస్తకంగా బయటికి వస్తోంది.

ఆ ఘాటు తెనాలిదే!

September 22, 2013

   మరుగున పడిన మతాలు –మతాచార్యులు -19

జాన్ కాల్విన్

స్విట్జర్ లాండ్ లో క్రీ శ1509లో జూలై 10 న జాన్ కాల్విన్ శషికార్టీలో ఉన్న నోయాన్  లో జన్మించాడు  .క్రైస్తవ మతాచార్యుడి గా మంచి గుర్తింపు పొందాడు .హేన్గేస్ట్ డి మౌంట్ మార్.అనే సంపన్నుల ఇంట ఉండి విద్యా భ్యాసం చేశాడు .పారిస్ విశ్వ విద్యాలయం లో చేరి లాటిన్ భాష అభ్యసించాడు .తర్కం దర్శన శాస్త్రాలను అధ్యయనం చేశాడు .బేసేల్ కు వెళ్లి స్తిరం గా ఉండి పోయాడు ఇక్కడే ‘’ఇంష్టి ట్యూట్స్ఆఫ్ క్రిస్టియన్ రెలిజియన్ ‘’అనే క్రైస్తవ మత సంహితలుగ్రంధం రాసి ప్రచురించాడు

ప్రొటెస్టెంట్ మత సిద్దాన్తాలన్నిటిని ఒక చోట చేర్చి సంఘటితం చేసిఆ గ్రంధం లో నిక్షిప్తం చేసిన  ఘనత ఈయనదే ..ఇందులోని మొదటి భాగం లో సృష్టి కర్త అయిన దేవుని గూర్చిన జ్ఞానాన్ని రెండవ భాగం లో విమోచన కారుడు (రిడీమర్ )అయిన భగవంతుని గూర్చి జ్ఞానం ,మూడవ దానిలో పవిత్రాత్మ (హోలీ స్పిర్తిట్ )చేసే పను లను సవివరం గా తెలియ జేశాడు .ఇందులోనే పశ్చాత్తాపం విశ్వాసం సమర్ధనం ,విశ్వాసి యొక్క పవిత్రీకరణ అనే అంశాల గురించి కూడా  రాశాడు చివరగా తన కొత్త సిద్ధాంతాన్ని ప్రతి పాదించాడు .ఈ సిద్ధాంతం లో దేవుడు కొందరిని మోక్షానికి అర్హులైన వారిగా ,మిగిలిన వారిని అర్హత లేని వారిగా చేస్తాడని నిశ్చయం గా చెప్పాడు..ఈ నిర్దేశానికి మార్పు అనేది ఉండదు అని గట్టి గా చెప్పేశాడు నాలుగవ భాగం లో చర్చి నిర్మాణం పరి పాలన ,పవిత్ర కర్మలు .లౌకిక రాజ్యాధి పతి కి ఉన్న అధికారాల పరిమితి అనే అంశాలను చర్చించాడు

కాల్విన్ బోధించిన సెయింట్ పీటర్ కాదేద్రిల్ -జెనీవా

మంచి సంస్కారం తో ప్రపంచం లో ఉన్న అన్ని వస్తువుల విషయాలను స్వరూపాలను అనుగ్రహాన్ని పాత్రత ను సత్తా విషయం లోను ,శీల విషయం లోను ఈశ్వరుని పై పూర్తిగా ఆధార పడి  ఉంటాయి అని ఆయన సిద్ధాంతం లోని సారాంశం .మానవుడు బుద్ధి లో స్వతస్సిద్ధం గానే భగవంతుని గురించి జ్ఞానం ఉంటుంది .ఈ సృష్టి కూడా దేవుని స్వరూప స్వభావా గుణాల   ఆవిష్కరణమే నని అన్నాడు  సృష్టిని చేసి ,పోషించే భగవంతుని పై పూర్తీ విశ్వాసం తో ఉండాలని ఆయన పైనే సృష్టి ఆధార పడిందని కాల్విన్ సిద్ధాంతం .

1559 లో ప్రసిద్ధ మైన జనీవా అకాడెమీ ని స్తాపించాడు .దాని ద్వారా తను సుసంస్క్రుతం చేసిన ఈశ్వర సిద్ధాంతాలను బహుళం గా ప్రచారం చేశాడు . యాభై నాలుగేళ్ళు మాత్రమె జీవించి1564 may 27 న  జాన్ కాల్విన మరణించాడు  .ప్రొటెస్టెంట్ మత విప్లవం లో గొప్ప పాత్ర పోషించి ఫ్రెంచ్ దార్శనికుదని పించుకొన్నాడు పొలెమిక్ అపాలజిస్ట్ రచయిత అని పించుకొన్నాడు క్రిస్టియన్ దియాలజీ లో సుస్తిత స్తానం సంపాదించుకొన్నాడు ఆయన ఆనాడు ప్రవచించిన వాటినే  ఈనాడు ప్రపంచ వ్యాప్తం గా ఆచరిస్తున్నారు సంతానం లేకుండా నే చని పోయాడు రిఫార్మర్ లలో అనైకతను గూర్చి బాధ పడ్డాడు వారిని పిలిచి మాట్లాడి ఐక్యత చేకూర్చాడు

సశేషం

మీ –గబ్బిట దుర్గా ప్రసాద్ -21-9-13 ఉయ్యూరు

దాదాపు నాలుగు దశాబ్దాలుగా విప్లవ సాహితీ సాంస్కృతికోద్యమంలో రాజీలేని నిబద్దతా నిమగ్నతలతో అద్భుతమైన కవిత్వం సృజించాడు ఛాయరాజ్. ‘కేన్సర్’ బాధితుడై 65 ఏళ్ల వయసులో ఈ నెల 20న ఉదయం శ్రీకాకుళం పట్టణంలో ఆయన తుదిశ్వాస వదిలారు. గొప్ప కవిగానే కాకుండా ఉత్తమ ఉపాధ్యాయునిగా, దక్షతగల ప్రధానోపాధ్యాయునిగా, విప్లవ మేధావిగా, ఉపాధ్యాయ ఉద్యమ, విప్లవ సాహిత్యోద్యమ క్రియాశీల కార్యకర్తగా, నాయకుడుగా, స్నేహశీలిగా, ప్రేమ మూర్తిగా ఆయన ఆదర్శప్రాయమైన జీవితం గడిపారు. దశాబ్దకాలంగా జనసాహితి సంస్థ రాష్ట్ర అధ్యక్షుడిగా ఉన్నారు.

ఆయన మరణానికి ముందు రోజునే ఆయన రచనలు ‘శ్రీకాకుళం’ (ఉద్యమ కథాకావ్యం) రెండవ ముద్రణ, కళింగ యుద్ధంపై రచించిన ‘కారువాకి’ నవల శ్రీకాకుళం పట్టణంలో ఆవిష్కరించారు. జనసాహితి ప్రచురణగా ఛాయరాజ్ రచనల సమగ్ర సంపుటి ముద్రణలో ఉంది. ఆయన అనారోగ్యంతో బాధపడుతూ గడిపిన గత ఆరు మాసాలుగా మాత్రమే ఆయన కలం కదలలేదు. ప్రజా ఉద్యమాల్లో పాల్గొనలేక పోతున్నందుకు వేదన చెందేవారు. తీవ్ర అనారోగ్యాలను, శరీర రుగ్మతలను మనోబలంతో జయించిన వ్యక్తులు మనకు తెలుసు. తను కూడా తిరిగి కోలుకుంటానని ప్రజా ఉద్యమాల్లో పాల్గొనే సంతోషాన్ని పొందుతాననీ, ఉద్యమ కవిత్వాన్ని రాస్తూనే వుంటాననీ పలకరించ వచ్చిన వాళ్ళతో ఎంతో నిశ్చయంగా చెప్పేవారు. అది నెరవేరక పోవడం పెద్ద విషాదం.

దాదాపు ఐదు వందల పేజీల కవిత్వాన్ని, మూడు, నాలుగు వందల పేజీల వచనాన్ని (ఒక నవల, ఒక కథా సంపుటి, సాహిత్య వ్యాసాలు) ఆయన రచించారు. 1960, 70లలో సాగిన శ్రీకాకుళ గిరిజన రైతాంగ విప్లవ పోరాటాన్ని ‘శ్రీకాకుళం’ (ఉద్యమ కథాకావ్యం) పేరుతో అపురూపంగా కావ్యీకరించారు. అర్ధవలస, అర్ధ భూస్వామ్య భారత దోపిడీ సామాజికార్థిక రాజకీయ వ్యవస్థను రద్దు పరచే నూతన ప్రజాతంత్ర విప్లవోద్యమ విజయం మాత్రమే పీడిత ప్రజానీకానికి విముక్తిని కలిగిస్తుందన్నదే మార్క్సిస్టు-లెనినిస్టు అవగాహన. ఈ అవగాహనతో సాగిన తొలి దశ శ్రీకాకుళ పోరాట ప్రజాపంథా మార్గం శాస్త్రీయమైనదిగా భావించి ఛాయరాజ్ కావ్యీకరించారు. క్లిష్టమైన ఆ కర్తవ్యాన్ని ఆయన వాస్తవికంగా, అనన్య కవితా శక్తితో సాధించారు.

‘శ్రీకాకుళం’ కావ్యంతో పాటు ఆయన రచించిన ఇతర దీర్ఘ కావ్యాలు తెలుగు కవిత్వంలో ఆయనకు విశిష్ట స్థానాన్ని కల్పించాయి. దీర్ఘ కావ్యాల రచనకు ఛాయరాజ్ ఉద్యమ చిరునామాగా సుప్రసిద్ధులయ్యారు. దర్శని, గుమ్మ, నిరీక్షణ, బుదడు, దుఖ్కేరు, రసస్పర్శ, తొలెరుక దీర్ఘ కావ్యాలు ఆయన మహత్తర కవితా శక్తికి సాక్ష్యాలు.

‘మట్టి నన్ను మవునంగా వుండనీదు’ కవితా సంపుటిలోని కవితలు గాక పుస్తకరూపంలోకి ఇంకా రావాల్సిన వందల కవితలు రాశారు. ఆయన కవితాభివ్యక్తి ప్రత్యేకమైనది. ఎన్ని వందల కవితల మధ్యనైనా ఆయన కవిత్వాన్ని గుర్తుపట్టవచ్చు. శక్తిమంతమైన భాషాప్రయోగాన్ని, శ్రీకాకుళ ప్రాంత పలుకుబడులను తనదైన రీతిలో కవితా ఊహాశక్తితో జోడించి వినూత్న కవితా ఇమేజరీని సృజించుకున్నారు ఛాయరాజ్. కవిత్వ నిర్వహణలో గొప్ప ఉపజ్ఞను ప్రదర్శించారు. దుగ్గేరు ప్రాంతంలో గ్రామీణ వ్యవసాయ కుటుంబాల శ్రమను, సంస్కృతినీ గొప్పగా గానం చేసిన కావ్యం దుఖ్కేరు. కవితామ తల్లిని రసోజ్వలంగా ఆవాహన చేసిన కావ్యం రసస్పర్శ. కవిత్వ ఆదర్శాలను, లక్ష్యాలను మహోన్నతంగా నిర్వచించిన కావ్యం ఇది. శ్రీశ్రీ కవితా! ఓ కవితా గేయానికి మహత్తర కొనసాగింపు.

బుదడు దీర్ఘ కవిత కాల్పనిక సాహిత్యంలో ఒక అద్భుత ప్రయోగం. ఒక నదీ కన్య బిడ్డడుగా పదేళ్ళ అనాథ బాలుడు, అలనాటి గిరిజన యోధుడు బిర్సా ముందా మొదలు శ్రీకాకుళం చినబాబు వరకు పదే పదే ప్రత్యక్షమవుతూ నిరంతరం విప్లవ సంకేతంగా నిలిచాడు ఈ కావ్యంలో. భూగోళ దిగంతాలను ఏకం చేస్తూ ఊగించిన విప్లవ శిశువు గుమ్మ సూర్య మండలం పుట్టుక నుంచి ప్రకృతి పరిణామాన్ని, మానవ పరిణామాన్ని, సమాజ గమనాన్ని, వర్గ పోరాటాలను, స్త్రీ పురుష సంబంధాల గతి తర్కాన్ని, తాత్వీకరించి కవిత్వీకరించారు దర్శని కావ్యంలో ఛాయరాజ్. గొప్ప తాత్విక జిజ్ఞాస, మానవత్వ విలువలు ఈ కావ్యంలో అనుభూతమవుతాయి.

కవి ఛాయరాజ్ మరణం తెలుగు సాహిత్యానికి పూరించలేని లోటు. ఆయన్ను తెలిసిన వాళ్ళకు నాగావళి లేని శ్రీకాకుళాన్ని ఊహించడం ఎంత కష్టమో ఛాయరాజ్ లేని శ్రీకాకుళాన్ని ఊహించడం అంతే కష్టం. ఆయన రాసిన గొప్ప కవిత్వంలో, ఆయన ప్రేమించిన ప్రజా పోరాటాల్లో ఆయన జీవించే వుంటారు.
– బి. సూర్యసాగర్

మరుగున పడిన మతాలు –మతాచార్యులు -18

ఆల్ కిండీ

ఆల్ కిండీ అరబ్బులకు మొదటి దార్శనికుడు .జ్యోతిష్యం బాగా తెలిసిన వాడు .బాగ్దాద్ నగర కాలిఫ్ మామూన్ ఆస్థాన వైద్యుడు .పూర్తీ పేరు అబూ యూసఫ్ యాకూబ్ ఇషాక్ ఆల్ కిండీ .తండ్రి పాలిస్తున్న కూఫా నగరం లో జన్మించాడు .బాస్రా ,బాగ్దాద్ నగరాలలో విద్య నేర్చాడు .దర్శన ,విశ్వ ,ఖగోళ ,జ్యోతిష ,చాక్షుష గణిత వైద్య శాస్త్రాలపై270 గ్రంధాలు రాశాడు .మెటా నక్కీలు పాలించిన కాలం లో ఆయన గ్రంధాలయాన్ని ప్రభుత్వం స్వాధీన పరచుకోందని తెలుస్తోంది .అందువల్ల 20 గ్రంధాలు మాత్రామే లభ్యమవుతున్నాయి సంఖ్యా శాస్త్రాన్ని ఆరబ్ క్రిస్టియన్ దర్శనాలలో ప్రవేశ పెట్టిన వాడు కిండీ  తన కున్న గణిత వైద్య శాస్త్ర జ్ఞానం తో మందులకు పోటెన్సి ని కానీ పెట్టి ఉపయోగించాడు

అరిస్టాటిల్ గ్రంధాలను వ్యాఖ్యానం చేసిన వారిలో కిండీ ఒకడు .ఆరిస్టాటిల్ అను చరుడని దార్శనికు డని పేరొచ్చింది ఈయన పేరు ఆరబ్ దేశం లో మారు మొగి పోయింది . నవీన ప్లేటో సిద్ధాంతాల ,అరిస్టాటిల్ సిద్ధాంతాల మధ్య సమన్వం చేశాడు ఈశ్వరుని పరి శుద్ధ మైన నైతికత్వం ,నిర్వి శేష మైన యేకత్వాలను కిండీ పరిగనించాడు ఈశ్వరుని ప్రభావం మధ్య నున్న పదార్ధాల ద్వారా ప్రపంచం పై పడుతోంది అని చెప్పాడు డు  ఈ పదార్దాలన్నిటి కంటే కింద ఉన్నది మాన వఆత్మ  అని తేల్చాడు .అన్ని దర్శనాలను అధ్యయనం చేసి తనకు అనుకూలం గా ఉన్న వాటిని తీసుకొన్నాడు

మూల స్థానం నుండి ప్రపంచం అంతా వ్యాపించే దివ్య సత్యం యొక్క రూపాన్ని అన్ని చోట్లా కనుక్కొనే ప్రయత్నమే చేశాడు. కిండీ- గ్రీకులు చెప్పిన బుద్ధి (నౌస్ )కి కూడా ప్రాధాన్యత నిచ్చాడు .అన్ని ఆధ్యాత్మిక వస్తువులకు మొదటి స్థానం, స్వరూపమే ఈశ్వరుడు అని చెప్పాడు .ఖగోళం లో కనీ పించే దేవతలు బుద్ధి యొక్క రూపాలే .మానవాత్మ శక్తి అయిన బుద్ధియే .మానవాత్మ ప్రతి క్షణం తన ప్రయోజనం కోసం ప్రపంచం లో అవతరింప జేసే సహజ శక్తుల రూపమే .భావాల మధ్య అవసరమైన సంబంధాలను నిరూపించే ప్రవ్రుత్తి ఉన్నదే బుద్ధి ..అరిస్టాటిల్ అంగీకరించిన పదార్ధాల స్తానం బదులు ఆల్ కిండీ ద్రవ్యం ,ఆకారం ,చలనం ,కాలం అనే వాటిని ప్రవేశ పెట్టాడు కిండీ క్రీ శ  801లో జన్మించి72 వ ఏట 873లో  మరణించి నట్లు తెలుస్తోంది కిందీ సిద్దాన్టలన్నీ ఆ తర్వాత కాలం లో ఆల్ ఫరాబీ సిద్ధాంతాలు కనుమరుగు చేశాయి

సశేషం

మీ –గబ్బిట దుర్గా ప్రసాద్ -20-9-13- ఉయ్యూరు

మన దేశాన్ని భరతుడు పరిపాలించాడు కనుక భరతవర్షమంటారని తెలుసు. మరి అంతకు ముందు మన దేశాన్ని ఏమని పిలిచేవారు?
రాముడి పిల్లలు ఎవరెవరు? బ్రహ్మదేవుడికి ఆలయం లేదెందుకు?
ఇలాంటి ప్రశ్నలన్నిటికీ సమాధానం ఎవరు చెప్పగలరు?
పూర్వమైతే ఇంట్లో ఉండే నానమ్మలో, అమ్మమ్మలో చెప్పేవారు.
“ఇప్పుడు నేను చెబుతాను. అదికూడా అందరికీ నచ్చే అత్యాధునిక పద్ధతుల్లో… వినడం మీవంతు…” అంటున్నారు డాక్టర్ పప్పు జయావేణుగోపాల్. కిందటేడు ఆమె ప్రారంభించిన
‘నానమ్మ డాట్ కో’ అనే వెబ్‌సైట్‌ను ఇప్పటికే ప్రపంచవ్యాప్తంగా ఏడున్నర లక్షల మంది చూశారు!

ఇప్పుడు నానమ్మలూ, అమ్మమ్మలతో పిల్లలు కలిసి ఉండటం లేదు. తల్లిదండ్రులకు వాళ్ల పనులు వాళ్లు చేసుకోవడానికే సరిపోతోంది తప్ప పిల్లలకు కథలు చెప్పేంత తీరిక ఉండదు. ఉన్న కాస్త సమయమూ టీవీ ముందు కూర్చోవడానికే సరిపోతోంది. ఈ పరిస్థితుల్లో మన సంస్కృతి, సంప్రదాయాలు, పురాణాలకు సంబంధించిన కథలు పిల్లలకు ఎవరు చెబుతారు? వాళ్లకు అవి ఎలా తెలుస్తాయి? ఈ ప్రశ్నకు సమాధానం మాటల్లో కాకుండా చేతల్లో చూపించారు జయావేణుగోపాల్. “మాకిద్దరు అబ్బాయిలు. ఒకరు అమెరికాలో, మరొకరు హాంగ్‌కాంగ్‌లో ఉన్నారు. మేం అటూఇటూ తరచూ వెళ్లొస్తూనే ఉంటాం. అలా వెళ్లినప్పుడు నేను సమయమంతా మా మనవలకు కథలు చెబుతూనే గడుపుతాను. ఒకరోజు అలాగే చెబుతుంటే “నానమ్మా, నువ్వు మాకు కథలు చెబుతున్నావు. ఒకవేళ మేం పెద్దయ్యేసరికి మాకివన్నీ గుర్తుండకపోతే? అప్పుడు మా మనవలకేం చెబుతాం? నువ్వు ఇవన్నీ రాసి మాకివ్వొచ్చు కదా” అని అడిగారు వాళ్లు. దాంతో నేను ఆలోచనలో పడ్డాను.

పైగా మన పురాణాలు, ఉపనిషత్తులు, రామాయణ భారతాలు, భాగవతాల నుంచి చిన్న కథలు తెలిసినవాళ్లు రానురాను తగ్గిపోతున్నారు. దాంతో కాలక్రమంలో ఇవన్నీ మరిచిపోయే ప్రమాదముంది. తరతరాలుగా మనం చెప్పుకొంటూ వస్తున్న ఈ కథలు ఇకముందు పుట్టే పిల్లలకు తెలియకపోతే ఎలా అనిపించింది” అని చెప్పారామె.

అనారోగ్యం ఆపగలదా?
ముందు తనకు వచ్చిన కథలన్నిటినీ ఇంగ్లీషులో రాసేశారు జయ. వాటిని మనవలకు పంపిస్తే చాలనుకున్నారు మొదట్లో. కాని తర్వాత ఆలోచిస్తే, అవి అందరికీ అందుబాటులో ఉండాలనిపించింది ఆమెకు. దాంతో ‘నానమ్మ డాట్ కో’ వెబ్‌సైట్‌ను ప్రారంభించాలని నిర్ణయించుకున్నారు. ఈలోగా జయకు వెన్నునొప్పి సమస్య తీవ్రమైంది. కాలు బైటకు పెట్టలేకపోయారు. అలాంటి సమయంలో సైతం ఆమె ఆలోచన ఆగలేదు. చదవగలిగే పిల్లలైతే తాను రాసిన కథలు చదువుకుంటారు. మరి చదవడం రానివాళ్లు? అలాంటి పిల్లల కోసం ఆమె స్వయంగా కూర్చుని వాటిని చెబుతూ వీడియోలుగా మలచారు. ఒకటీ రెండూ కాదు, ఏకంగా 365 వీడియోలు! మొత్తం 1008 కథల పీడీఎఫ్‌లు, 365 వీడియోలతో ఆమె వెబ్‌సైట్ సర్వాంగసుందరంగా తయారయింది. అంటే రోజుకో కథ చొప్పున ఏడాదంతా జయావేణుగోపాల్ చెప్పిన కథలు వినొచ్చు. రోజుకో కథ చొప్పున చదివితే మూడేళ్ల పాటు చదవచ్చు.

అందరికీ ఉచితమే
‘నానమ్మ డాట్ కో’ వెబ్‌సైట్‌లో కథలను ఆధ్యాత్మికం, చరిత్ర, సంస్కృతి అనే మూడు విభాగాలుగా వర్గీకరించారు. ఆధ్యాత్మికంలో మన దేవుళ్లకు సంబంధించిన కథలుంటాయి. చరిత్రలో మన దేశాన్ని పరిపాలించిన వివిధ రాజవంశాలు మొదలుకొని నిన్నామొన్నటి దాకా జరిగిన విషయాల మీద కథలుంటాయి. ఇక సంస్కృతి విభాగంలో మన పండగలు, దర్శనీయ స్థలాలు, నదులు, గురువులు, పూజలు – వ్రతాలు, పాటించాల్సిన విలువల గురించిన కథలు పెట్టారు. వీటిలో మళ్లీ చాలా ఉపవిభాగాలున్నాయి. ఉదాహరణకు చరిత్రలో – మాన్యుమెంట్స్ విభాగంలో దాదాపు 60 చారిత్రక ప్రదేశాల గురించిన వివరణ లభిస్తుంది. అలాగే ‘నాయకులు’ విభాగానికెళితే జాతీయ, అంతర్జాతీయ నాయకులతో పాటు, శాస్త్రవిజ్ఞాన రంగాలను ముందంజ వేయించిన మహామహుల గురించి కూడా వివరంగా ఉంటుంది. ఏ కథైనా సరే, పుక్కిటి పురాణాలుగా తెలిసినవి కాకుండా సరైన ఆధారాలున్నవాటినే తీసుకున్నారు.

ఈ వెబ్‌సైట్‌ను కిందటేడు జూన్ 30న ప్రముఖ నాట్యకళాకారిణి పద్మాసుబ్రమణ్యం ప్రారంభించారు. అప్పటినుంచి నేటికి ప్రపంచవ్యాప్తంగా 73 దేశాల్లోని 535 నగరాల నుంచి 7,50,000 క్లిక్కులు లభించాయి నానమ్మకు. టీవీ కార్టూన్లు, హ్యారీపాటర్లు విజృంభిస్తున్న నేటి కాలంలో పిల్లలను ఆకట్టుకోవడానికి ఉన్న సమయం తక్కువ. ముప్పయ్యేళ్లకు పైగా విద్యారంగంలో పనిచేసిన జయకు ఈ సూత్రం బాగానే తెలుసు. అందుకని తాను రూపొందించిన కథల వీడియోలు పది నిమిషాల నిడివి మించకుండా జాగ్రత్త పడ్డారామె. పిల్లలకని ప్రారంభించినా, ఇందులోని కథలను పెద్దవాళ్లు కూడా చదువుతున్నారని, వింటున్నారని చెప్పారు జయ. ‘మాకు తెలిసిన కొందరు నాట్య కళాకారులు ఈ కథలను తమ ప్రదర్శనల్లో ఉపయోగించుకుంటున్నారు. బడిపిల్లలేమో వ్యాసరచనకు, నాటకాలకు, ఇతర సందర్భాల్లో ఉపయోగిస్తున్నారు… అందరూ వాడుకోవాలన్న నా ఉద్దేశం నెరవేరుతున్నందుకు సంతోషంగా ఉంది’ అని చెప్పారామె.

– అరుణ పప్పు
“మా నాన్న మిలిటరీలో పనిచేశారు. నేను కూడా మిలిటరీలో చేరుదామనే అనుకున్నాను. కానీ అప్పటికి మెడిసిన్ చదివితే తప్ప అలాంటి అవకాశం ఉండేది కాదు. ‘నువ్వు ఏ రంగాన్నెంచుకుంటే అందులోనే మిలిటరీ స్ఫూర్తితో పనిచెయ్యి’ అన్నారు మా నాన్న. దాంతో నేను విద్యారంగాన్నెంచుకున్నాను. చదువెప్పుడూ ఫ్రీగా ఉండాలి. ఫ్రీ అంటే – ఆర్థికంగా ఉచితంగా అందాలి, జ్ఞానపరమైన అర్థంలో మెదడు ఫ్రీగా ఉండాలి. ఇరుకిరుకు తరగతి గదుల్లో మగ్గిపోయే విద్యార్థులు, పుస్తకంలో ఉన్నది తప్ప మరో విషయాన్ని చెప్పలేని టీచర్లు, విద్య గురించి ఏమీ తెలియని యాజమాన్యాలు, చదువుచదువు అంటూ వేధించే తల్లిదండ్రులు – ఈ నాలుగు వర్గాలవారినీ చైతన్యపరిచే బాధ్యతను గడచిన పదిహేనేళ్లుగా నిర్వర్తిస్తున్నాను. ”
ఆకాశ వీధి బడి…
కోయంబత్తూరులోని చిన్మయ రెసిడెన్షియల్ స్కూల్ వంటి ఎన్నో ప్రముఖ విద్యాలయాలకు ప్రిన్సిపాల్‌గా పనిచేసిన అనుభవం ఉంది జయావేణుగోపాల్‌కు. పుస్తకాలు, పరీక్షలు అక్కర్లేని కరిక్యులమ్‌ను రూపొందించి దేశవ్యాప్తంగా ఎంతో పేరు తెచ్చుకున్న ఆమె ఇటు విద్యార్థులకు, అటు ఉపాధ్యాయులకు పనికొచ్చే ఎన్నో కార్యక్రమాలు నిర్వహించారు. ఆ పరిజ్ఞానంతో మొన్న జూన్‌లో ‘డాక్టర్ జయాస్ వర్చువల్ స్కూల్’ అనే మరో వెబ్‌సైట్‌కూ రూపకల్పన చేశారామె. “ప్రస్తుతం స్కూళ్లన్నీ డిజిటల్ బాట పట్టాయి. కానీ ఆ పేరుతో విద్యార్థుల మీద, తల్లిదండ్రుల మీద ఆర్థికభారం పెరుగుతోంది. పాఠాలన్నీ ఉచితంగా అందరికీ ఎందుకు అందుబాటులోకి రాకూడదు… అనుకుని ఆ పనే చేశాను. ప్రస్తుతం ఐదో తరగతి వరకూ అన్ని పాఠాలూ ఈ వెబ్‌సైట్‌లో అందుబాటులో ఉన్నాయి. ఏ విద్యార్థి అయినా ఇంటర్నెట్ సౌకర్యం ఉంటే చాలు, వీటిని చదువుకోవచ్చు. కేవలం పాఠ్య పుస్తకాలకు పరిమితం కాకుండా, తనకు ఇష్టమైనవన్నీ నేర్చుకునే సౌలభ్యాన్ని నేనిందులో కల్పించాను. ఉదాహరణకు ఒకటి రెండు తరగతుల్లో ఓ పది జంతువుల గురించి చెబుతారు క్లాసుల్లో. ఇక తర్వాత ఏ క్లాసులోనైనా జంతువుల గురించి చెబుతారా? లేదు. అందుకే పదో తరగతి పిల్లాడైనా, వాడికి నేర్పే టీచరైనా సరే, జంతువుల పేర్లు చెప్పమంటే పదో పదిహేనో చెప్పి ఊరుకుంటారు. అదేనా లెర్నింగ్ అంటే?” అని సూటిగా ప్రశ్నించే జయ పిల్లలకు ఎన్నెన్నో విషయాలు తెలిసేలా ఈ వెబ్‌సైట్‌ను నిర్వహిస్తున్నారు. మరోవైపు తమను తాము మెరుగుపెట్టుకోవాలనుకునే టీచర్ల కోసం ‘కార్పొరేట్ స్కిల్స్’ అనే వెబ్‌సైట్‌ను కూడా నిర్వహిస్తున్నారు.
www.drjayasvirtualschool.in
www.corporateskills.org

మరుగున పడ్డ మతాలు –మతా చార్యులు -17

ఆరిజన్  అడ మాంటి యస్

క్రీ పూ.185 లో ఈజిప్ట్ దేశం లో ఆరిజన్ అడ మాంటి యాస్ జన్మించాడు అతని తండ్రి దేవుడి పై తనకున్న విశ్వాసం రుజువు చేసుకోవటానికి ప్రాణ త్యాగం చేశాడు .కొడుకుతో చిన్నప్పుడే మత గ్రంధాలన్నీ చదివించాడు .క్రీ .పూ. 200 లేక్ అంటే పదిహేనవ ఏట ‘’డైడా స్కాలియా ‘’అనే మత సంస్థకు అధినేత గా నియమింప బడ్డాడు .అమోనియం సాక్కాస్ అనే గురువు వద్ద దగ్గర ప్లేటో యొక్క కొత్త సిద్ధాంతాలను అధ్యయనం చేశాడు .అప్పటి క్రైస్తవ మతాధికారి కి వ్యతిరేకం గా ఉండటం వల్ల  అలేక్సాన్ద్రియా నగరాన్ని వదిలి పెట్టి వెళ్లి పోవాల్సి వచ్చింది .తర్వాత సేజరీయ పాలస్తీనా లో కొత్త విద్యా సంస్థను నెల కోల్పాడు .డేడియన్ క్రైస్తవుల్ని పీడించే కాలం లో జైలు పాలయ్యాడు జైలు లోనే మరణించాడు .

ఆరిజన్ గొప్ప తపస్సంపంనుడు అని కీర్తి పొందాడు .సన్యాసి జీవితాన్నే గడిపాడు .భగవద్భక్తి తో ఎప్పుడూ పరవశించి ఉండే వాడు . అనేక గ్రంధాలు రాశాడు చివరి రోజుల్లో అతని రచనలను ,  బోధనలను అనేకులు ఖండించటం వలన కాల గర్భం లో కలిసి పోయాయి అతను రాసిన వాటిలో ముఖ్య మైనవి 1–బైబిల్ పాత నిబంధనలపై విమర్శ .ఇందులో క్రైస్తవ మతాన్ని విశ్వ సించె వారికీ ధర్మ సూక్ష్మాలు  రాశాడు  2-నాలుగు సంపుటాల ‘’పెరి ఆర్కాన్ ‘’మౌలిక సిద్ధాంత గ్రంధం రాశాడు ఆ కాలానికి ఈశ్వర శాస్త్ర సిద్ధాంతాలను చెప్పిన మొదటి సిద్ధాంత గ్రంధం .దీని లాటిన్ అను వాదమే ఇప్పుడు లభ్యమవుతోంది ఆత్మల పూర్వ భావ సిద్ధాంతాలనే ఇందులో చెప్పాడు .ఆ పూర్వ అవస్థ పొందటమే మోక్షం అన్నాడు 3- సెల్సస్ సిద్ధాంతాల ప్రతి ఘటన అనే ఎనిమిది సంపుటాల రచన .క్రైస్తవం పై సేల్సస్ చేసిన విపరీత భావాలను ఇందులో ఖండించాడు ఇప్పటికి అర్జన్ వాదాన్నే అందరు అంగీక రిస్తున్నారు

ఆరిజన్ శిష్యుడు యేతి నాసియాస్ ,కైరిల్లాస్ ,డైడమస్ లు   అలేక్సాన్ద్రియా నివాసులే .ఈశ్వర శాస్త్రం లో వీరంతా  ఘటికులే..క్రీసు దివ్యత్వం పై వీళ్ళకు అపార నమ్మకం ఉంది .వీళ్ళు మత గ్రంధాలకు లాక్షణిక వ్యాఖ్యలు రాశారు .

సశేషం –

మీ –గబ్బిట దుర్గా ప్రసాద్ -19-9-13 –ఉయ్యూరు

   సరసభారతి –సాహిత్య సాంస్కృతిక సంస్థ –ఉయ్యూరు

నిరతాన్న దాత ,అపర అన్నపూర్ణ శ్రీమతి డొక్కా సీతమ్మగారిపై

–              51 వ సమావెశం విశేషాలు

‘’అపర అన్న పూర్ణ డొక్కా సీతమ్మ ‘’గారి చరిత్ర

సరసభారతి ఆధ్వర్యం లో 17-9-13 మంగళ వారం సాయంత్రం 6-30 లకు శ్రీ సువర్చలాన్జనేయ స్వామి దేవాలయం లో ‘’శ్రీమతి డొక్కా సీతమ్మ గారి జీవితం అన్నదానంకీర్తి ప్రతిష్టలు  ‘’అనే విషయం పై సమా వేషం జరిగింది సభక సరస భారతి అధ్యక్షులు శ్రీ గబ్బిట దుర్గా ప్రసాద్ అధ్యక్షత వహించగా వి.ఆర్.కే.ఏం హైస్కూల్ ప్రదానో పాద్యాయిని శ్రీమతి ఏం విజయ లక్ష్మి ,కాటూరు ప్రభుత్వ ఆస్పత్రి డాక్టర్ శ్రీమతి జయ ప్రద ,అమరావాణి హైస్కూల్ ప్రిన్సిపాల్ శ్రీనాగ రాజు ఆత్మీయ అతిధులు గా విచ్చేశారు .చి బిందు ప్రార్ధన తో సభ ప్రారంభం కాగా కార్య దర్శి శ్రీమతి మాదిరాజు శివలక్ష్మి కార్య క్రమ నిర్వహణ చేశారు సభలో సేతమ్మ గారి చిత్ర పటాన్ని ఉంచి అందరికి స్పూర్తి కలిగించారు .ఆమె నివశించిన పెంకు టిల్లు ను కూడా అందరికి చూపించారు

దుర్గా ప్రసాద్ డొక్కా సీతమ్మ గారి గురించి ఈ తరం తెలుసుకోవలసిన అవసరం ఎంతైనా ఉందని ఆమె జీవితం ఎందరికో ఆదర్శ ప్రాయం, ప్రేరణ గా నిలిచిందని ఏ వసతులు లేని కాలం లో ఒక గృహిణి కుల మత విచాక్ణత లేకుండా ఎవరు ఏ సమయం లో వచ్చినా అన్నం వండి ఆప్యాయం గా పెట్టి సంతృప్తి పరచే వారని ,అ నాటి బ్రిటిష్ చక్ర వర్తి ఎడ్వర్డ్ జార్జి కలెక్టర్ ద్వారా ఆమె సేవలను తెలుసుకొని ఆమె కు ఒక సర్టిఫికేట్ ను ,బంగారు పతాకాన్ని ,ఆమె ఉంటున్న లంకల గన్నవరం గ్రామానికే పంపి కలెక్టర్ సమక్షం లో అందజేశారని ,ఈ దంపతులు తుప్పలు డొంకలు బాగు చేసి ఆ నాడే మామిడి, కొబ్బరి చెట్లు పెంచిఉద్యాన వన పెంపకానికి దోహదం చేసి  ఈ నాటి కోనసీమ అందాలకు శ్రీకారం చుట్టారని ,మినుము ,పెసర వంటి పంటలు పండించారని ఎన్నో బావులు తవ్వించార’’ పేరూరు’’ లో ఆమె తవ్విన్చిన బావి  ఇప్పటికి ఉందని ,ఎందరికో వివాహ ఉపనయ నాలకు ధన సాయం చేశారని భర్త జోగన్న గారు గొప్ప పశు వైద్యులని ,పశువులకాళ్లకు  వచ్చ్చే‘’గాళ్ళు ‘’వ్యాధిని ఇంటింటికి తిరిగి నయం చేసే వారని ,ఈ వ్యాధి వల్ల  పశువులు నీర సించి పోయేవని వాటిని తమ పచ్చిక బయళ్ళలో మేపించి బలం పుంజుకున్న తర్వాతా పంపించే ఉదారం పరోపకారం ఉన్న వారని ,పిఠాపురం మహా రాజు ఆమె ఆన్నదానాన్ని మెచ్చి ఒక అగ్రహారం రాసిస్తానంటే వద్దని వారిన్చారని ,సేవకు ప్రతి ఫలం ఆశిన్చారాదనే అభిప్రాయం ఆమెది అని చెప్పారు .ఈ ఆదర్శాన్ని సాధ్య మైనంత వరకు ప్రతి గృహిణి ఆచరించి అన్న పూర్ణ అని పించుకోవాలని కోరారు .బ్రిటిష్ రాజు విశాఖ కలెక్టర్ ద్వారా సీతమ్మ గారి ఫోటో తీయించి ఇంగ్లాండ్ తెప్పించుకోన్నారని తన పట్టాభి షేకం రోజున దర్బార్ హాల్ లో ఉంచి గౌరవించారని అన్నారు కాశీ లో అన్న పూర్ణ దేవాలయం లో సీతమ్మ గారి చిత్ర పటంఉందని చెప్పారు .వైనతేయ నది పై బ్రిడ్జిని నిర్మించి ఆమె పేరు పెట్టారని దీనికి ఆనాటి లోక సభ స్పీకర్ బాలయోగి కారణం అని ,అన్నారు

      తర్వాత జిల్లెల్ల మూడి అమ్మ అలాగే అన్నదానానికి ప్రసిద్ధి చెందిందని సుమారు అరవై డెబ్భై ఏళ్ళ క్రితం ఉయ్యూరు లో తమ మేన మామ గుండు గంగయ్య గారింట్లో ఇలాగే అన్న దానం జరిగేదని అది కూడా వేదం చదువు కొనే వారికే నని అర్ధ రాత్రి వచ్చినా మేన మామ భార్య మహా లక్ష్మమ్మ గారు వండి పెట్టెదని ,తమ ఇంట్లో కుల విచక్షణ లేకుండా తమ తండ్రి మృత్యుంజయ శాస్త్రి అమ్మ గారు భవానమ్మ లు భోజనం పెట్టె వారని కమ్మ బ్రాహ్మణులు గౌడ బ్రాహ్మణులు కూడా వచ్చి తినే వారని పాలిటెక్నిక్ విద్యార్ధులకు వారాలిచ్చే వారమని చెప్పారు అలాగే జిల్లా మేజిస్ట్రేట్ గా పని చేసిన వారణాసి సదా శివరావు గారింట్లోను కొల చాల శ్రీ రామ మూర్తి గారింట్లోను బ్రాహ్మణులకు ఎప్పుడొచ్చినా  భోజనం పెట్టె వారని అదంతా ఆతిధ్యానికి వారు వేసిన పెద్ద పీట అని అన్నారు .ఇవాళ తిరుమల, శ్రీ శైలం, అన్నవరం,కాశీ,షిర్డీ  దేవాలయాలలో ఉచితాన్న దానం జరగటం సీతమ్మ గారి స్పూర్తి అని ,పెదముత్తేవి  గ్రామం  లో కూడా ఇలానే ఎవరు ఏకులం వారోచ్చినా భోజనం పెడతారని వివరించారు

           డాక్టర్ జయ ప్రద ఇలాంటి వారి పై ఈ విధ మైన కార్య క్రమం చేబట్టటం ఎంతో సంతోషం గా ఉందన్నారు విజయ లక్ష్మి ఇందులో విద్యార్ధులకు భాగస్వామ్యం కలిపించటం గొప్ప గా ఉందన్నారు నాగరాజు ఇలాంటి ప్రత్యెక కార్యక్రమాలను నిర్వాహించటం సరస భారతి ప్రత్యేకత అని తమను కూడా అందులో పాల్గోనేట్లు చేసినందుకు ధన్యా వాదాలని చెప్పారు

               ఎనిమిది తొమ్మిది పది తరగతి విద్యార్ధులకు అమర వాణి హైస్కూల్ లో సీతమ్మ గారి పై వ్యాస రచన పోటీలు ,ఫ్లోరా స్కూల్ లో వక్తృత్వ పోటీలు వి.ఆర్.కే.ఏం స్కూల్ లో కవితల పోటీలు నిర్వహించి ఈ సభలో ప్రధమ ద్వితీయ తృతీయ స్థానాలు పొందిన వారికి బహుమతులంద జేశారు.అందరికి సరస భారతి ప్రచురించిన దుర్గా ప్రసాద్ రాసిన’’ సిద్ధ యోగి పుంగవులు’’ ‘’,శ్రీ ఆంజనేయ స్వామి మాహాత్మ్యం’’రెండు పుస్తకాలు ,ఒక జ్ఞాపిక తో బాటు ప్రధమ బహుమతికి 120.ద్వితీయానికి 60 ,త్రుతీయానికి 30 రూపాయలు పారితోషికం గా సరసభారతి అంద జేసింది ‘

    యాభై మందికి పైగా మహిళలు పురుషులు విద్యార్ధులు పాల్గొన్న సభ చాలా నిండుగా ఉత్తేజకరం గా సాగింది   .విద్యార్ధులు తమ వ్యాసాలను వాక్త్రుత్వాన్ని కవితలను ఎంతో భావ గర్భితం గా తమదైన భాషలో చాలా స్పష్టం గా ఎంతో స్పూర్తి మంతం గా మాట్లాడి అందరి ప్రశంశలు పొందారు

        చివరగా దుర్గా ప్రసాద్ డొక్కా సీతమ్మ గారి మనవడు శ్రీ డొక్కా రామ తీర్ధ రాసి ,మెయిల్ చేసిన ఆమె’’ స్మృతి పద్యాలు’’ చదివి విని పించారు .రాము గారు అమెరికా నుండి ఫోన్ చేసి ఈ కార్యక్రమం చేబట్టి నందుకు అభినందనలు తెలియ జేశారని ,సీతమ్మ గారి పేరఏదైనా స్కాలర్షిప్పులు అందజేయాలని ఉందని చెప్పారని చెప్పారు .’’ఈ విషయాన్ని సభలో ప్రకటిమచనా’’  అని అడగ గానే’’ సంతోషం గా ప్రకటించమని’’ చెప్పారాణి అన్నారు  .దుర్గా ప్రసాద్ అక్కడకు వచ్చిన మూడు స్కూళ్ళ హెడ్ మాస్టర్లకు తమ స్కూల్ లో పదవ తరగతి చదువుతున్న ఈ సంవత్సరం విద్యార్ధులకు ప్రతిభ కలిగి ,బీద తనం లో ఉన్న వారిని ఒక్కొక్క స్కూల్ కు ఒకరి పేరు రికమెండ్ చేసి  తమకు పంపితే శ్రీ రాము గారికి పంపిస్తానని తెలియ జేశారు .అందరు రాము గారికి హర్ష ధ్వానాలతో అభినందనలు  తెలియ జేశారు ఈ కార్య క్రమం నిర్వహించటానికి బ్రహ్మ శ్రీ చాగంటి కోటేశ్వర రావు గారు టి.వి.లో ఆమె ను గుర్తు చేసుకోవాల్సిన అవసరం ఈ తరం విద్యార్ధులకు యువతకు ఉందని తెలియ జేయతమే నని సభా ముఖం గా కోటేశ్వర రావు గారికి ధన్య వాదాలు తెలిపారు

    కార్య దర్శి శివలక్ష్మి పోటీలు నిర్వహించిన స్కూల్ ప్రదానో పాధ్యయులకు అపాల్గొన్న విద్యార్ధులకు ప్రోత్సహించిన తలి దండ్రులకు కృతజ్ఞతలు తెలియ జేస్తూ వందన సమర్పణ చేశారు   

                       బహుమతులు పొందిన వారి వివరాలు

 వ్యాస రచన =అమరావాణి విద్యార్ధులు –మొదటి బహుమతి –వి.యెన్ వరలక్ష్మి

                                              ద్వితీయ బహుమతి –ఏం జాన్ జ్ఞాన్ ప్రకాశ

                                              తృతీయ ————-ఎస్.కే.జుబేర్

  వక్తృత్వ పోటీలు –ఫ్లోరా స్కూల్ –మొదటి బహుమతి –టి సౌమ్య

                                       రెండవ ————- ప్రభాత్

                                      మూడవ ———మోహన

  కవితల పోటీలు –వి.ఆర్.కే.ఏం స్కూల్ –మొదటి బహుమతి — ఏం జానకి

                                                 రెండవ ———–బి .గాయత్రి

                                              మూడవ ———డి.వీరమ్మ  

                మీ –గబ్బిట దుర్గా ప్రసాద్ -18-9-13- ఉయ్యూరు 

            ఆ నాటి యాంగ్ టర్క్స్ లాంటి వాళ్ళే ఈ నాటి కాంగ్రెస్ ను కాపాడగలరు

ఇందిరా గాంధి చుట్టూ ఒక ‘’కొటరి ఏర్పడి’’ ప్రజా నాడిని పసి గట్ట లేకుండా ఆనాడు చేసి కాంగ్రెస్ ను భ్రస్టు పట్టించారు .రాజ భరణాల రద్దు బ్యాంకుల జాతీయీ కరణ మొదలైన మంచి పనులు చేసిన ఆమె ను అప్పుడు  యంగ్గ్ టర్క్స్ అనే బడే వెన్నెముక గల నాయకులు అయిన మాజీ ప్రధాని చంద్ర శేఖర్ ,మోహన్ దారియా ,మాజీ ఉప రాష్ట్ర పతి కృష్ణ కాంత్ మొదలైన వే లి మీద లెక్క పెట్ట గలిగిన వారు ఆమె చర్యలను మనస్పూర్తి గా సమర్ధించారు ప్రజల్లోకి వెళ్లి చాటి చెప్పి ఆమె కీర్తి ప్రతిష్టలను పెంచారు .అది తన గొప్ప అనే అహంభావం పెరగటం చిన్న కొడుకు సంజయ్ ను అందలం ఎక్కించటానికి దేశమంతా ‘’రెడ్ కార్పెట్లు పరిపించటం’’ ,ప్రజాస్వామిక విలువలను నాశనం చేసే ప్రయత్నాలు చేయటం ,రెండో అభిప్రాయానికి విలువ నివ్వక పోవటం, విషయం పై సమగ్ర చర్చ లేకుండా’’ హై హాన్దేడ్ గా’’ ప్రవర్తిమ్చటం,పార్టీని పార్ల మెంటరీ బోర్డ్ ను వర్కింగ్ కమిటీని భజన పరులతో నింపటం ఆమె చేసిన గొప్ప పోర బాటు ..అప్పటి దాకా వీర విధేయులైన ఈ యాంగ్ టర్క్స్ ఖూనీ అయి పోతున్న ప్రజా స్వామ్య విలువల పట్ల ఉన్న విశ్వాసం వాటిని కాపాడుకొనే ప్రయత్నం లో ఆమెకు ఎన్నో సార్లుముందుగా  నెమ్మదిగా, తర్వాత ఘాటుగా,చివరికి మొండిగా ఎదిరించి  చెప్పారు .తాను పట్టిన కుందేలుకు మూడే కాళ్ళు అన్న చందం గా వ్యవహరించిన ఆమె కు ప్రజాస్వామ్యం ప్రజలమనో భావం, విలువల ఆవశ్యకత ,న్యాయస్తానాల పట్ల గౌరవం కాపాడక పోతే దేశం అధః పాతాలకు ఆమె చేతిలో పడి పోతుందని అన్ని ప్రయత్నాలు చేసి ,విసుగు పుట్టి నేరుగా ప్రజలకే చెప్పి ఆమె కుటిల నీతి ని బయట పెట్టి ప్రజాస్వామ్య వ్యవస్థను కాపాడి ప్రజా స్పందనకు విలువ తెచ్చారు

పార్టీ లోంచి బయటికి వచ్చి ,లోక నాయక జయ ప్రకాష్ నాయకత్వం లో గొప్ప సంచలం సృష్టించి జనతా పార్టీ ని మొరార్జీ భాయ్ ని ప్రధాని చేసి ప్రజా స్వామ్యానికి యాంగ్ టర్క్స్ మళ్ళీ పట్టాభి షేకం చేశారు  .ఇవాళ దేశం లో ఆ నాటి ఇందిర ప్రవర్తించిన తీరే కానీ పిస్తోంది .సోనియా చుట్టూ భజన పరులు చేరి ఆమె ద్రుష్టి దేని పైనా పడకుండా తమ పబ్బం గడుపు కొంటున్నారు .మళ్ళీ ప్రజాస్వామ్యానికి, మాన వీయ విలువలకు ప్రాణం పోయాల్సిన అవసరం వచ్చింది .ఉన్న ప్రధాని మౌన ముద్రా లంకారుడు .ఏ శాఖ లో చూసినా అవినీతి ,కుంభ కొణాలేసమర్ధుడని పించుకొన్న కేంద్ర మంత్రి లేడు ఉన్న ప్రణబ్ అడ్డు రాకుండా రాష్ట్ర పతి ని చేసింది ..ప్రజలకు రోల్ మోడల్ ప్రధాని కాని ,కేంద్ర మంత్రులు కాని ముఖ్య మంత్రులు కాని రాష్ట్ర మంత్రులు కాని లేక పోవటం దురదృష్టం, శోచనీయం .ఈ గండం నుంచి గట్టెక్కించే కొద్ది మంది ఆలోచనా పరుల కోసం దేశం కాంగ్రెస్ పార్టీ ఎదురు చూస్తోంది .  స్వప్రయోజనాలకోసం  జాతినీ ,రాష్ట్రాన్ని పణం గా పెట్టె నీచ ఆలోచన నుండి బయట పడి  నూరేళ్ళ కు పైగా చరిత్ర ఉన్న ఆ పార్టీ ‘’నూరేళ్ళు నిండి పోయినట్లు’’ గా వ్యవహరిస్తే అంతటా అంధకారమే .అందుకే మళ్ళీ మరో యాంగ్ టర్క్స్ నాయకులు రావాలని  కాంగ్రెస్ అభిమానులు కోరుకొంటున్నారు .ఈ సంక్షోభ స్తితి నుంచి ఆ పార్టీ బయట పడాలంటే ‘’షాక్ ట్రీట్మెంట్ ‘’ అవసరమే లేక పోతే పార్టీకి’’పెరాలిసిస్ వచ్చి’’చచ్చు బడి పోతుంది .లాంగ్ లివ్ ఇండియా ,లాంగ్ లివ్ కాంగ్రెస్

మీ –గబ్బిట దుర్గా ప్రసాద్ -16-9-13- ఉయ్యూరు