బీహార్ నితీష్ లాలూ లకు ముందే వచ్చిన దీపావళి
మోడీ అమిత్ షా జోడీ ని ముందే ముంచేసిన తిమిరావళి
మాటల మంత్రాలతో ఓట్ల చింతకాయలు రాలవు బాసూ
అందర్నీ కలుపుకు పోయే ప్రయత్నం చెయ్యాలి షురూ
వీర గెలుపు ఒక ఏడాదిన్నర కితం
నేడు పరువు అయి పోయింది హతం
వాగ్దానాలు అర్జంట్ గా అమలు చేస్తేనే నమ్ముతారు
లేకుంటే ఇక బీహార్లో లావెంటబడి జనం కుమ్ముతారు
ప్రపంచ భ్రమణం లో గడిచాయి నెలలు పద్దెనిమిది
ఒక్క అభివృద్ధి పని జరిగిందా ఇక్కడ ఏంది భాయీ ఇది ?
ముసలాళ్ళని మూల కూర్చో బెడితే ఆద్వానీ లాంటి పెద్దల్ని
సహకారం ఎలా వస్తుంది పార్టీలో పెడితే ప్రచారానికి గద్దల్ని?
అయినా ఒక రాష్ట్రం పై అంతఎన్నిక పగ దేనికి ?
పదహారుగురు మంత్రుల్ని మొహరించినా కోల్పోయావు ఉనికి
ప్రధాని పదవికే ఏర్పడింది ఇప్పుడు పెద్ద మచ్చ
హుందాగా ఉండాలి కాని ఎందుకీ రచ్చ రచ్చ ?
నాడు ఘనం గా వెలిగి పేలిన ” మోడీటపాసులు”
నేడు బీహార్ లో అయ్యో పాపం అయ్యాయి తుస్సు తుస్సులు
అమరావతి శంకుస్థాపన కొచ్చిడబ్బివ్వకుండా తెస్తావా మట్టీ నీరూ
అందుకే డబ్బుపాకేజీలు ప్రకటించినా బీహారీలు నమ్మ లేదు గురూ
మట్టీ మశానం కమలానికేసి ఓట్లు మాత్రం అటుకుమ్మరించారు
భూస్థాపితం అవుతు౦దను కొన్న కాంగ్రెస్ కు
నువ్వే బీహార్ తులసి తీర్ధం పోసి బతికి౦చావ్ కైకూ ?
మొన్న కళ్యాణ్ మున్సిపాలిటీ కొట్టిన చెంపదెబ్బ
ముందే పసిగట్టి చెప్పారు తగలబోయే బీహార్ దెబ్బ
దేశమంటే గుజరాత్ కాదని గ్రహించు గాంధీ పటేల్ వారసుడా
సర్దుకోవాలి సర్దుకు పోవాలని తెలుసుకో అటల్జీ ప్రేమికుడా
ఇప్పటికే రెండు రాష్ట్రాలలో చేతులు కాలి ఎక్కాయి బొబ్బలు
సరి చేసుకోకుంటే నీకూ కమలానికి తగిలేదిఖాయం ఎదురు దెబ్బలు
ఇల్లలుకగానే పండగ కాదని తెలుసు కోవాలి
ఇంటిలోని పెను పోరు తీర్చి రచ్చ గెలవాలి
పెద్దల పెద్దరికాన్ని వినియోగించుకో కుంటే
ఇప్పటిలా మెడలో పడుతుంది ఇబ్బందుల ఇనప కంటే
చరిత్రహీనుడై పోతాడనుకొన్నకుర్ర కాంగీ నాయకుడికి
నీ అస్తవ్యస్త ఆలోచనలతో తెచ్చి పెట్టావు అనవసర గిరాకీ
ప్రజా నాడిని పసిగట్టలేని నీ” అమితాశల ”షా బృందం
ఇక పని చేయలేదని గ్రహించి ఏర్పరచు మేల్కలయికల కొత్తబృందం
నిన్ను మోసిన నాకే ఇంత కంపరంగా ఉంటె
మిగిలిన వాళ్ళ సంగతేంది? అవ్వా సిగ్గు1 చెప్పు కొంటె .
వెలుగుల దీపావళి నాడు ఇలా రాయాల్సి వస్తుందనుకోలేదు
కడుపులో బాధ కక్కుకుంటే పోతుందో లేదో తెలీదు
మీ -గబ్బిట దుర్గాప్రసాద్ -9-11-15-ఉయ్యూరు .
సరసభారతి ఉయ్యూరు 