గొ .గో ,గో.గోవిందా రామ

బందరులో పోర్టు కోసం గోవిందా రామ

బెజవాడ నుంఛి  బందరు దాకా గోవిందారామ

రోడ్లన్నీతెగ  వెడల్పు  చేస్తూ గోవి౦దారామ

వందల ఏళ్ళ వృక్షాలన్నీ గోవి౦దారామ

కూకటి వేళ్ళతోనూ  గోవిందా రామ

కూల్చి  పారేస్తున్నారంటూ  గోవి౦దారామ

పచ్చదనం ఏమైందని  గోవిందారామ?

నాడు అశోకుడు నాటితే చెట్లు గోవిందారామ

నేటి ఎన్జీవో నేత అశోక్  గోవిందారామ

కళ్ళ ఎదుటే కూలుస్తుంటే గోవిందారామ

చూస్తూ ఊరుకున్నాడని గోవిందారామ

అడ్డమొచ్చాయంటూ గోవి౦దారామ

పక్కా బిల్డింగు లెన్నోను గోవిందారామ

అడ్డంగా పడగొడుతూ గోవిందారామ

కన్నీళ్లు తెప్పిస్తున్నార౦టూ  గోవిందారామ

ప్రోక్లైన్లు, బుల్ డోజర్లు నేడు గోవిందారామ

హీరోలయి పోయాయంటూ  గోవిందారామ

చేతిలో చిల్లిగవ్వ లేకున్నా గోవిందా రామ

ఈ పన్లకు డబ్బెట్లా వస్తోందో గోవిందారామ

 బ్రహ్మ పదార్ధమై ఇదంతా గోవిందారామ

గగ్గోలు గగ్గోలుగా గా ఉందని  గోవిందారామ

ఒక వర్గానికే మేలు అంటూ గోవిందారామ

సన్నాయి నొక్కులు నొక్కేరు గోవిందారామ

గోతిలో అమరావతి కట్టేరు గోవి౦దా రామా

 అంటూ అ౦గలార్చేరు’’  గోవిందా రామా

ఫాను’’ ,’’చేతు’’లోళ్ళు గోవిందారామ  

కృష్ణ ఉవ్వెత్తున పొంగినా  గోవిందారామ

వరదొచ్చి పక్కయేరు పొంగినా గోవిందారామ

స్వర్గమంటీ అమరావతీ గోవిందారామ

మున్నీటిలో  మునిగి గోవిందారామ

నీళ్ళ పాలౌతుందని గోవిందారామ

మొసలి కన్నీరొలికిస్తూ  గోవిందారామ

నూజివీడవతల గోవిందారామ

రాజదానొస్తుందని గోవిందారామ

అప్పనంగా వేలాది ఎకరాలు గోవిందారామ

ముందే కొనుగోలు చేసి  గోవిందా రామ

భ౦గ పడ్దోరి గోవిందారామ  

కాకి గోలా యిది  గోవిందారామ

‘’ఇక్కడో పిచ్చోడు ‘’గోవిందా రామ

 పైన ‘’మరో వెర్రోడు’’ గోవిందారామ  

ఇద్దరికీ కేమిస్ట్రి కుదిరి గోవిందారామ  

బుల్ డోజర్లు లా గోవిందా రామ

తొక్కి పారేస్తున్నారంటూ గోవిందారామ  

మొన్ననే ప్రజలచేత గోవిందా రామ

ఛీ ఛీ కొట్టించుకొన్న గోవిందారామ

చీమలే ఈ పుకార్లు గోవిందారామ

పుట్టిస్తూ  గడిపేరు పబ్బం  గోవిందారామ .

పెద్ద నోట్ల రద్దు గోవిందా రామ

సద్దు మణగ లేదింకా గోవిందారామ

‘’ఊర్జిత పటేలు’’ గోవిందారామ

ఆర్జించి నింపుతాడు గోవిందారామ

బొక్కసం అనుకొంటే గోవిందారామ

ఉన్నదే ఊడ్చుకు గోవిందారామ  

పోయిందని గగ్గోలు  గోవిందారామ

ఈ మార్కెట్ మాయేమోగాని  గోవిందారామ

మనిషి బతుకు మాత్రం గోవిందా రామ

దుర్భరమంటూ గోవిందా రామ

దురపిల్లుతున్నారు గోవిందా రామ

కొను గోలు అమ్మకాలన్నీ గోవిందారామ

‘’గీకుడుతోనే ‘’(స్వైప్)నంట ఇక గోవిందారామ

ఈ సోకు కూడా  చూద్దాము గోవిందారామ .

ట్రంపెట్లు ఘనంగా మోగుతుండగా  గోవిందారామ

‘’ట్రంపు’’ఎక్కాడు నిన్న గద్దె గోవిందా రామ

మిన్ను విరిగి మీద గోవిందా రామ

పడుతుందనే కంగారుగోవి౦దరామ

పక్కనెట్టి మనం గోవిందారామ

మనపని  మనం  గోవిందారామ

చక్క బెట్టు కోవాలి గోవిందారామ

అది చేయకుంటేను మనం గోవిందారామ

మనపని అవుతుంది  గొ.గో.గో,గోవిందారామ .

మీ-గబ్బిట దుర్గాప్రసాద్ -21-1-17 –ఉయ్యూరు

—