పుస్తక మహోత్సవం లో  సరసభారతి పుస్తకాలు

—

—

1-1-2018సోమవారం నూతన ఆంగ్ల సంవత్సరం నాడు ఉయ్యూరు శ్రీ సువర్చలాన్జనేయ స్వామి వారలకు లడ్డూలతో ప్రత్యేక ప్రభాత పూజ

—

— గీర్వాణ కవుల కవితా గీర్వాణం -4 –నాలుగవ భాగం

2-దైవ స్తోత్ర ధురీణ –అప్పాల విశ్వ నాథ శర్మ (1927 -2000)-2 (చివరి భాగం )

అప్పాల వారు ‘’శ్రీ క్రష్ణాద్వైత సిద్ధాంత స్థాపినం యతి శేఖరం –భావనా బలసంపన్నం భావానంద గురుం భజే ‘’అనే శ్లోకం తో తండ్రిగారైన భావానంద భారతీ స్వామిపై స్తోత్రం రాశారు .ఈశ్లోకం ఒక మహా మంత్రం లాంటిది. ఆశ్రమం లో ప్రతి రోజూ ఏకార్యక్రమం జరిగినా ఈ శ్లోకం తోనే ప్రారంభిస్తారు .శివ,కృష్ణ,ఆంజనేయ ,రాజరాజేశ్వరి లపై స్తోత్రాలు అష్టకాలు రాశారు .’’భావ నవనీతం ‘’,’’ప్రపన్న శతకం ‘’’’నమామి మురళీధరం  సంస్కృత శ్లోకాలు రచించారు భావనవనీతాన్ని ప్రశంసిస్తూ శ్రీ సామవేదం షణ్ముఖ శర్మగారు ‘’అక్షరాంజలి ‘’పేరుతో తమ అభిప్రాయం తెలిపారు ‘’అత్యంత గహనమై ,దివ్య మాధుర్య సంభరితమైన రాదా కృష్ణ తత్వాన్ని అనుభూత మొనర్చుకున్న మహాత్ములు అప్పాలవారు .ప్రతి రచనలో మృదు మధుర పదజాలం  భక్తియుత గాంభీర్యం ,భావానుగణమైన నాద లయ త్రివేణులై ప్రవహిస్తాయి .దర్శించిన అనుభవానికి భక్త్యావేశం  తో పెల్లుబికిన అక్షరాకృతి  .ఈ స్తోత్రాలన్నీ మంత్రం స్వరూపాలే. వీటి పఠనం దేవతా తాదాత్మ్యాన్ని ప్రసాదించే అనుభూతి ప్రధాన గీతాలు ‘’అన్నారు .ప్రముఖ సంస్కృత పండితులు శ్రీ దోర్బల ప్రభాకర శర్మగారు ‘’భావనవనీత మిద మాస్వాదమానామ వశ్యమేవ భక్తానాం హృదయం హరి ప్రియం నవనీతం జాయతే ఇత్యత్ర న సందేహ లేశః –తేన తేషా మపి జీవనం భావనవనీత తాదాత్మ్య మనుభవతి –జడమపి సచేతన మనేన భావతీత్యాశానే ‘’అని అమూల్యాభిప్రాయం తెలిపారు

‘’శ్రీ రుక్మిణీ విమల చారు ముఖాబ్జ భ్రుంగ-శ్రీ రాధికా రసిక శేఖర మంగళా౦గ’’అంటూ శ్రీ పాండురంగ సుప్రభాతం రాశారు –‘’స్వామిన్ దయానిధే –భవ సింధు మధ్యే మగ్నం విహాయ  కధమద్య సుఖేన శేషే ?మా ముద్ధరస్వ సమయో న హి దీనబంధో –శ్రీ పాండురంగ భగవం స్తవ సుప్రభాతం ‘’.తండ్రి భావానంద స్వామి పై సుప్రభాతం రాస్తూ ‘’భావానంద యతీంద్ర జాగృహి గురో –భక్తౌఘ చింతామణే’’అని నిద్ర లేపారు .జగద్గురు శ్రీ శంకరాచార్యులవారి శివ పంచాయతనం గురించి స్తోత్రం రాసి –‘’గౌరీ పతే !భవతు తే శివ –సుప్రభాతం ‘’మకుటం తోశివుని ‘’ఉత్తిష్ట హే౦బ లలితే తవ సుప్రభాతం ‘’అని లలితమ్మ వారినీ ,’’లక్ష్మీ పతే భవతు తే శుభ సుప్రభాతం ‘’అంటూ నారాయణమూర్తినీ ,’’శ్రీ విఘ్నవారక –విభో తవ సుప్రభాతం ‘’అని గణపతి ని ,’’చాయా పతే –భవతు తే సుప్రభాతం ‘’అని సూర్యుడిని అలాగే కాలభైరవుడినీ ,వీరభద్రుడినీ చేర్చి శివ పంచాయతన సుప్రభాతం రాశారు .’’భావయామి నిరంతరం మామ మానసే మురళీధరం’’అంటూ మురళీ సప్త వింశతి స్తోత్రం రాశారు .’’ఘనశ్యామః కృష్ణో వసతు మమహృద్ధామ్నిసతతం ‘’అంటూ శ్రీ కృష్ణ ప్రేమాస్టకం’’’’భజే సర్వదా చిన్మయం  రుద్ర దేవం  ‘’అని రుద్ర దేవాస్టకం మహా భక్తి  యుతంగా రచించారు .ఆశ్రమ క్షేత్ర పాలకుడైన ‘’బాలవీర ప్రతాప మారుతి ‘’పై స్తోత్రం మొదలైనవి నిత్య పఠనీయం గా రచించి మధుర భక్తి ప్రవాహాన్ని పారించారు . శ్రీ ఆంజనేయ స్వామికి బెల్లం తో చేసిన ‘’అప్పాలు ‘’నైవేద్యం మహా ఇష్టం . వాటిరుచి దేనికీ రాదు .అప్పాల ఇంటిపేరున్నశర్మగారు తాము రచించిన స్తోత్ర, సుప్రభాతాదులలో ఆ ‘’అప్పాల మాధుర్య రుచి’’చూపించి ఇంటిపేరు సార్ధకం చేసుకున్నారు . పాండు రంగాశ్రమ నినాదం శ్రీ క్రష్ణాద్వైత సిద్ధాంతం ,–‘’నాదం సాధం ‘’అంటే భగవన్నామాన్ని నాదయుత౦ గా  జపించటం ,సాధం అంటే వచ్చినవారికి ఆప్యాయంగా భోజనం పెట్టటం . దీనిని అప్పాల విశ్వనాధ శర్మగారి తండ్రిగారు ,కుమారుడు కూడా శ్రద్ధగా అమలు పరచి నామ గానాన్ని తెలంగాణా ప్రాంతమంతా విస్తరింప జేశారు .పాండురంగ ఆశ్రమం లో భోజనం అంటే ఎంతో పవిత్రమైనదిగా భావించి భక్తజనం వచ్చి ప్రసాదంగా భావించి భుజించి వెళ్ళేవారు .

   సశేషం

  మీ- గబ్బిట దుర్గాప్రసాద్ -31-12-17 –ఉయ్యూరు

— 

మా అబ్బాయి శర్మ గ్రంధ ద్వయ ఆవిష్కరణ సభకు ఉయ్యూరు వస్తూ కెసిఆర్ సభలలో అమ్మకానికి పెట్టిన 15 రూపాయల పుస్తకాలు 5 తెచ్చాడు అందులో సంస్కృత కవుల గురించి ఉన్న పుస్తకాలలో ఇప్పటికి మనం తెచ్చిన మూడు గీర్వాణాల లో లేని కవులు కనిపించారు .నిన్న డా గబ్బిట ఆంజనేయ శాస్త్రి గారు మా ఇంటికి వచ్చినప్పుడు ‘’నేను రాయకుండా వదిలేసినా సంస్కృత కవులు ఎవరైనా ఉంటె చెప్పి వారి వివరాలు ఇవ్వండి ‘’అని అడిగితె ‘’అన్నగారూ !దాదాపు అందర్నీ రాశారు .కాని కొందరికి వాటిలో చోటు దొరకలేదు ‘’అని సుమారు పది మందికవుల పేర్లు చెప్పారు .కాశీ వెళ్ళాక వారి వివరాలు సేకరించి పంపిస్తానన్నారు .ఇలా ఒక సారి వారబ్బాయి ఛి డా జయమానిక్య శాస్త్రి కూడా చెప్పాడు .కాని ఫలితం కనిపించలేదు ఇంతవరకు .సరే ఇవాళ పవిత్రమైన ముక్కోటి ఏకాదశిపర్వదినాన  ముక్కోటి దేవతలా ఆశీస్సులతో మా శర్మ ఇచ్చిన వాటిలో శ్రీ కప్పగంతుల లక్ష్మణ శాస్త్రి గారి గురించి రాస్తూ నాలుగవ గీర్వాణం కు శ్రీకారం చుడుతున్నాను .చూద్దాం ఎంత మంది దీనిలో చోటు చేసుకొంటారో ..మీకు తెలిసిన ,నేను స్పృశించని సంస్కృత కవులు ఎవరైనా మీకు తటస్థ పడితే వారి పేర్లు వివరాలు అందించి సహకరించమని మనవి చేస్తున్నాను .

  గమనిక –అని చెబుతూ నేను గీర్వాణం -1 లోనే శ్రీ కప్పగంతుల లక్ష్మణ శాస్త్రి గారి గురించి ‘’సంస్కృతమే అన్నీ ‘’శీర్షికతో రాశాను అన్నసంగతి విస్మరించి మళ్ళీ శాస్త్రిగారి గురించి నిన్న నాల్గవ గీర్వాణం లో మొదటి కవిగా వారి గురించి రాసి  అందరికీ పంపాను .ఇవాళ నేను చేసిన పొరబాటు గ్రహించాను .అందులో ఉన్నవి ఇందులో లేనివి కలిపి సమగ్ర మైన సరి కొత్త వ్యాసం(రివైజ్డ్ ) రాసి  అందిస్తున్నాను . నాలుగవభాగం కప్పగంతుల వారితోనే ప్రారంభం . మరోపొరబాటు కూడా దొర్లింది .శాస్త్రి గారి బిరుదు ‘’ఆంధ్ర బిల్హణ’’అయితే నిన్నటి వ్యాసం లో ‘’ఆంధ్ర కల్హణ ‘’అని నేను రాశాను .నా కుప్పి గంతులకు ,కప్ప గంతులకు ఈ ‘’కప్పగంతుల ‘’వారి పై ఈ వ్యాసమే సాక్షి –గబ్బిట దుర్గా ప్రసాద్ -30-12-17 –ఉయ్యూరు

1-,ఆంధ్ర-సంస్కృత నిఘంటు కర్త – ‘’ఆంధ్ర బిల్హణ’’- శ్రీ కప్పగంతుల లక్ష్మణ శాస్త్రి (1911 –1981)9( మార్పులు చేర్పులుచేశాక )

             బాల్య విద్యాభ్యాసాలు

  శ్రీ కప్పగంతుల లక్ష్మణ శాస్త్రి వెలనాటి బ్రాహ్మణ శాఖలో కప్పగంతుల శ్రీనివాసులు ,శ్రీమతి పద్మావతి దంపతులకు 2-7-1911 న మెహబూబ్ నగర్ జిల్లా వనపర్తి లో జన్మించారు.తండ్రి ,తల్లి ఉభయ వంశాలు పాండిత్య కవిత్వాలకు ప్రసిద్ధి చెందాయి . ఇరువంశాలవారు  ‘’ శ్రుతి స్మృతి ప్రేస్టాధ్వర ప్రజ్ఞులు’’.శాస్త్రిగారి విద్యాభ్యాసం అనుముల వేంకట సుబ్రహ్మణ్య శాస్త్రి గారి వద్ద జరిగింది .1930 లో తిరుపతి లో ఉన్నత విద్య నేర్చారు .చిన్ననాటనే తండ్రిని కోల్పోయిన శాస్త్రిగారిని  వనపర్తి వాస్తవ్యులు స్వాతంత్ర సమరయోధులు వదాన్యులు అయిన ‘’వామన నాయక్ ‘’ పుత్ర వాత్సల్యం తో ఆదరించి విద్యా బుద్ధులు నేర్పారు .

  లక్ష్మణ శాస్త్రి మురారి వలెనె ‘’గురుకుల క్లిస్టుడు’’.తిరుపతి వెంకటేశ్వర సాస్కృత కళాశాలలో పదేళ్ళు అలంకరణ –వ్యాకరణ శాస్త్రాలు చదివి స్నాతక పరిణతి పొందారు .’’సాహిత్య శిరోమణి ‘’పట్టా పట్టుకొని మద్రాస్ చేరి మైలాపూర్ సంస్కృత కళాశాలలో అద్వైత విద్యలో ఆరితేరి ‘’విద్వత్ శిరోమణి’’ అని పించారు .అన్నామలై విశ్వ విద్యాలయం లో శ్రీ పులిసి కృష్ణమాచార్యులు ,లక్ష్మీ నరసింహ శాస్త్రి ,సేతు  మాధవరావు ,కురు౦గళం కృష్ణ శాస్త్రి ,రామ చంద్ర దీక్షితులు ,వెంకటేశ్వర దీక్షితులు ,చక్రాల నరసింహా చార్యులు ,గిరిధరాచార్యులు వంటి ఉద్దండుల వద్ద  వ్యాకరణ శాస్త్రం నేర్చి వ్యాకరణ ఉద్దండ పండితులయ్యారు . తిరుపతి లో విద్య నేర్చేటప్పుడు ‘’మదూకరం ‘’ఎత్తి అంటే ఇంటింటికి వెళ్లి భిక్ష అడుగుకొని దానిని మిత్రులతోకలిసి భుజిస్తూ అయిదు నెలలు గడిపారని శ్రీ తిరుమల రామ చంద్ర ‘’భవతీ భిక్షాం దేహి ‘’శీర్షిక కింది ‘’హంపీ నుంచి హరప్పా దాకా ‘’పుస్తకం లో రాశారు .అప్పటికి ఆయన వయస్సు 10 లేక 11 సంవత్సరాలు .తిరుమలవారి సహాధ్యాయి శాస్త్రిగారు

   లక్ష్మణ శాస్త్రి పేరు సార్ధకం చేసుకున్నారు .లక్ష్మణుడు ఆది శేషుని అవతారం .విద్యలకు ఆయనే పెద్ద .అందుకే శాస్త్రిగారికి పారశీక ఆంగ్ల  ,ఆంద్ర ,కన్నడ తమిళ  హిందీ మరాటీ భాషలలో గొప్ప పాండిత్యం అబ్బింది .అనర్గళంగా ఆభాషలలో సంభాషించేవారు .వారే ‘’పారశీక మహారాష్ట్ర భవ్య తమిళ –కన్నడాంగ్ల  హిందీ భాష లున్నతముగ-నేర్చి రచనలు సేయగా నేర్చినాడ –నస్మదాచార్య పాద పద్మాషిముల’’అని చెప్పుకున్నారు .  

                      ఉద్యోగ విశేషాలు –రెడ్డి –శాస్త్రీయం

శ్రీ సురవరం ప్రతాపరెడ్డి గారి ఆత్మీయ ఆహ్వాననం అందుకుని హైదరాబాద్ వివేక వర్ధినిఉన్నత పాఠశాలలో తెలుగు పండితులుగా చేరి ,తర్వాత వనపర్తి హైస్కూల్ లో పదేళ్ళు పని చేసి విశేఖ ఖ్యాతి చెందారు. వీరి శిష్యులు గురువు కీర్తిని పెంచి ఘనత వహించారు .వనపర్తి రాజా వారికి కొందరు అసూయా పరులు ‘’మూటలు మోసి ‘’అంటే చాడీలు (తాకట్లు )చెప్పి రాజుగారు వాటిని నమ్మటం తో వనపర్తి వదిలి 1947లో హైదరాబాద్ చేరారు .సిటీ కాలేజిలో కొద్దికాలం ,పనిచేసి 1948 లో ‘’సమాచార పౌర సంబంధ శాఖలో ‘’అసిస్టెంట్ డైరెక్టర్ అయ్యారు .’’ఆంద్ర ప్రదేశ్ ‘’పత్రిక కు ‘’ హైదరాబాద్ టుడే’’ పత్రికకు సంపాదకులుగా ,ప్రచురణ శాఖాధిపతి గా ఉన్నారు .విద్యా శాఖలో డిప్యూటీ డైరెక్టర్ అయి ప్రాచ్యభాషాబి వృద్ధికి ‘’ఓరియెంటల్ కళాశాలల’’ స్థాపనకు కృషి చేశారు .ఈ కళాశాలలో పని చేసే ఉపాధ్యాయులకు  మిగిలిన డిగ్రీ కళాశాలలో ఉపాధ్యాయుల జీతాలతో సమానంగా జీతాలు వచ్చేట్లు చేసి ,భాషా పండితులకు గౌరవప్రదమైన జీతాలు లభించేట్లు కృషి చేసి వారి విశేష మన్ననలు అందుకున్నారు 1970లో పదవీ విరమణ చేశారు .రెడ్డిగారు –శాస్త్రిగారు అనునిత్యం కలుసుకొని సాహితీ చర్చలు చేసేవారు .రెడ్డిగారు తమశబ్ద ‘’రత్నాకరం ‘’శాస్త్రిగారికి కానుకగా అందించారు .ఈ నిఘంటువులో అన్నిపేజీలలోనూ అందులో లేని  శబ్దాలను అర్ధాలను  సురవరం వారు రాసుకున్నారు .ఈ గ్రంధాన్ని శాస్త్రిగారు రెడ్డిగారి స్మృతి చిహ్నంగా పవిత్రంగా దాచుకున్నారు .శాస్త్రిగారిని రెడ్డిగారు నిజంగా నే ‘’సురవరం ‘’అయ్యారు .సంస్కృత భాష ‘’స్పెషల్ ఆఫీసర్ ‘’గా కొనసాగి ,దేశమంతా పర్యటించి ,గీర్వాణభాషావ్యాప్తికి నిరంతర కృషి చేశారు .సమాచార శాఖలో మళ్ళీ డిప్యూటీ డైరెక్టర్ అయి ఆంధ్రప్రదేశ్ మొదలైన ప్రభుత్వ పత్రికలకు సంపాదకులయ్యారు .

  ప్రతాపరెడ్డిగారు హైదరాబాద్ లో తెలుగులో పటిష్టమైన రచయితలను తయారు చేసే ఉద్దేశ్యం తో మిత్రులతో కలిసి ‘’విజ్ఞాన వర్ధిని పరిషత్ ‘’స్థాపింఛి ‘’మృత్యు సిద్ధాంతం ,ఆంద్ర ప్రతాప రుద్ర యశోభూషణం ,అలంకార వసంతం ,,గంగాపుర మహాత్మ్యం ,రామాయణ విశేషాలు మొదలైన చాలాపుస్తకాలు ప్రచురించారు .ఇదంతా గోల్కొండ పత్రిక కార్యాలయం లోనే జరిగేది .దీని సభ్యులలో ముఖ్యులు కప్పగంతులవారు కేశవ పంతుల నరసింహ శాస్త్రి, ఖండవల్లి లక్ష్మీ రంజనం వంటి ప్రముఖ సాహితీ దిగ్గజాలున్నారు .శాస్త్రిగారు ఎన్నో గ్రంధాలను అనువదించారు .

                             కుటుంబం

శాస్త్రిగారి తల్లి పద్మావతి గారు ,భర్త ను కోల్పోయి  కుమారుడిని వనపర్తి నుంచి తిరుపతి తీసుకు వెళ్లి పట్టు బట్టి సంస్కృత౦ నేర్పించిన మాతృమూర్తి  అనేక భాషలలో  రాణించటానికి విద్యలో ఉన్నతస్థానం సాధించటానికి తన మాతృ మూర్తియే కారణం అని శాస్త్రి గారు చెప్పుకున్నారు . ‘’పద్మావతీ పుత్రుండ ,లక్ష్మణ కవీన్ద్రుండ’’అని రాసుకున్నారు ఆమెతో కాశీ మొదలైన క్షేత్ర యాత్ర చేయించి ,భాగవత సప్తాహాలు నిర్వహించి మాతృభక్తిని చాటుకున్నారు .

  శాస్త్రిగారి భార్య అన్నపూర్ణమ్మ గారు అపర అన్నపూర్ణా దేవిగా వ్యవహరించేవారు ‘’అన్నపూర్ణ కు నుద్దియౌ నన్నపూర్ణ ‘’అని చెప్పుకున్నారు .శాస్త్రి గారి మరణా నంతరం ఆమె .ఆయన తెలుగు వచనం లో రాసిన ‘’వ్యాస భారతం ‘’ను తనవద్ద ఉన్న కొద్ది ధనం తో ముద్రించి భర్త కీర్తి వ్యాప్తికి కి కారణభూతులయ్యారు .ఇందులోని ఏడుపర్వాలకు కుమార్తె డా శ్రీమతి కమల సంపాదకత్వం వహించారు .సంస్కృత విద్యలో ఆరితేరిన కమల ఎం ఏ చేసి ‘’సీనియర్ డిప్లొమా ఇన్ జర్మన్ లాంగ్వేజెస్ ‘’పొందింది .ఉస్మానియాలో ‘’లైఫ్ ఇన్ ఎన్శేంట్ ఇండియా యాజ్ డేపిక్టేడ్ఇన్ ప్రాకృత్ లిటరేచర్ ‘’అంశం పై పరిశోధన చేసి పి హెచ్ డిపొందింది . ఉస్మానియాలో సంస్కృత లెక్చరర్ గా ప్రొఫెసర్ ,శాఖాధిపతి గా ఉన్నది. ’’సంస్కృత భాషా సేవ ‘’అవార్డ్ అందుకున్నది .పదవీ విరమణ తర్వాత కూడా భండార్కర్ ఓరియెంటల్ మాన్యు స్క్రిప్ట్ గ్రంధాలయం తో సన్నిహిత సంబంధాలు కలిగి ఉన్నది .’’నేను సంస్కృతం నేర్చింది ఋషులు ,మునులు పుట్టిన భారత దేశం లో ప్రచారం చేయటానికే కాని ,భారతీయ ఆత్మను గ్రహించలేని యూరోపియన్లకు కాదు .భారతీయ సంస్కృతీ ,సంస్కృతం పెనవేసుకొన్నాయి కనుక ఆ భాష ఇక్కడే బాగా రాణిస్తుంది ‘’అని డా కమల దృఢ విశ్వాసం

                            శాస్త్రి గారి జైత్ర యాత్ర

 1944 లో వనపర్తి ప్రభువు ఆస్థానం లో ఆస్థాన విద్వాంసులుగా గౌరవ స్థానం అలంకరించారు శాస్త్రిగారు .మూడవ రామేశ్వరరావు పట్టాభి షేకం జరిగినప్పుడు శాస్త్రిగారు ‘’నవరత్నాలు ‘’రాసి ఉపదగా అందించారు .ఆస్థానం లో జరిగే కవి గాయక  విద్వత్ సభలలో శాస్త్రిగారిదే అగ్ర తాంబూలం .చాలా సంస్థానాలు సందర్శించి కవిత్వ పాండిత్య ప్రకర్ష చేత మెప్పించి ఘన సత్కారాలు అందుకున్నారు.

                లక్ష్మణ రచనా శాస్త్రీయం 

‘’సంస్కృత భాష పాఠమాల’’ను రెండుభాగాలలో శాస్త్రిగారు రచించారు .ఆంద్ర –సంస్కృత నిఘంటువు ను ఆచార్య శ్రీ పుల్లెల రామచంద్రుడుగారితో కలిసి కూర్చారు .మాదిరాజు విశ్వనాధ రావు అనే కవితో కలిసి సంస్కృతం లో బిల్హణకవి రచించిన ‘’విక్రమాంక దేవ చరిత్ర ‘’కావ్యాన్ని ‘’కర్ణ సుందరి నాటకాన్ని ప్రబంధ శైలిలో ఆంధ్రీకరించారు . ‘’విజ్ఞానసర్వస్వం ‘’,’’సంగ్రహాంధ్ర విజ్ఞాన కోశం ‘’లలో నూ వివిధ పత్రికలోనూ లెక్కకు మించిన వ్యాసాలూ రాశారు .మణిమంజూష కధలు రాశారు  ,వ్యాసభారతం ,బదరీశతకం   బౌద్ధ దర్శనం శ్రీ కృష్ణ బ్రహ్మ తంత్ర పరకాల యతీంద్రుల ‘’సూర్యోప రాగ దర్పణం ‘’సంస్కృత రచనకు తెలుగులో తాత్పర్యం  భారతీయసదా చార్ వ్యవహార –హిందీ రచనకు తెలుగు అనువాదం చేశారు .’’శాస్త్రీయ విజ్ఞానం ‘’వ్యాససంపుటికి సంపాదకత్వం వహించారు .అమర సాహిత్యం  తెలంగాణా నాటకాలు  వసంత సేన ,మహాకవి శ్రీ హర్షుడు మొదలైన 8 వ్యాసాలూ రాశారు .లెక్కలేనన్ని రేడియో ప్రసంగాలు చేశారు.శాస్త్రి గారి 101 జయంతినాడు ‘’లక్ష్మణ రేఖలు –భారతీయ సదాచార వ్యవహార దీపిక ‘’ను శాస్త్రి గారి కుమారుడు  డా ప్రభాకర శాస్త్రి వెలువరించారు.సంస్కృత ,కన్నడ తెలుగు మళయాళ మరాటీ ,ఉర్దూ హిందీ ,పారశీక భాషలలో అనర్గళంగా ప్రసంగించే నేర్పున్నవారు .ఏభాష వారు కనిపిస్తే ఆభాష తోనే వారితో మాట్లాడేవారు .ఈ భాష రచనలను తెలుగులోకి అనువదించిన నేర్పరి ..భారత ప్రధమ  రాష్ట్రపతి డా శ్రీ బాబూ రాజేంద్ర ప్రసాద్ గారు హైదరాబాద్ సందర్శించినపుడు లక్ష్మణ శాస్త్రిగారు కావ్య ప్రబంధ ధోరణిలో స్వాగత శ్లోకాలు రాసి ఆహ్వానించారు .ఆ శోభ చూద్దాం –

‘’నిష్ణాతః ప్రాచ్య విద్యా స్వనితర ధిషణే-దుర్గమే రాజ్య తంత్రే –విద్వాన్ పాశ్చాత్య తంత్రేష్వఖిల  భారత భూ –వాసినాంభాగ్య సీమా –రాజ్యానామ్ పాలనే చ ప్రభురతి నిపుణో-ప్యప్రద్రుశ్యొభిగ్యః –జీయాత్ రాజేంద్ర విద్వానతి శత శరద౦ –భారతం సేవమాన ‘’

   పురస్కార బిరుద ప్రదానాలు

 లక్ష్మణ శాస్త్రిగారు కాశీ సంస్కృత విశ్వ విద్యాలయం ,ఆంధ్రా ,ఉస్మానియా విశ్వ విద్యాలయాల బోర్డ్ ఆఫ్ స్టడీస్ సభ్యులుగా గౌరవి౦పబడి  ఎనలేని సేవ లందించారు .హైదరాబాద్ లో ‘’సురభారతి ‘’వ్యవస్థాపక అధ్యక్షులు .’’ఆంద్ర సారస్వత పరిషత్ ‘’స్థాపక అధ్యక్షులు .2-1-1844 న తిరుపతి సంస్కృత కళాశాల పూర్వ విద్యార్ధులు ‘’ఆంద్ర బిల్హణ ‘’బిరుదు ప్రదానం చేశారు  .వారి సన్మాన పత్రం లో మచ్చుకు ఒక  శ్లోకం –‘’ఆంధ్రీ సంస్కృత దేశ వాగ్విలసితా భాషామలారాజతే –శబ్ద ద్వంద్వ మిదం మనోజ్ఞ మధురం ,కర్తుం సుదీర్బిల్హణః-శ్రీమల్లక్ష్మణ-విశ్వనాథ కవి రాడ్రూపేన విద్యోతతే –ఏతావాంధ్ర సరస్వతీ పతివరౌ శ్రీ బిల్హ ణౌ రాజతాం ‘’ .ఇదికాక ‘’విమర్శక శిరోభూషణ ,సుధీంద్ర మౌళి మొదలైన సార్ధక బిరుదులెన్నో శాస్త్రిగారిని  . ఉత్తర ప్రదేసశ్ మదన మోహన మాలవ్యా విద్యా సంస్థాన్ ‘’సుధీంద్ర మౌళి ‘’బిరుదం తో సత్కరించింది .’’బ్రహ్మ భూషణ ‘’వీరి సాహితీ గరిమకు లభించింది .కాశీ విద్వత్ పరిషత్ ‘’మహా మహోపాధ్యాయ ‘’నిచ్చి ఘన సన్మానం చేసింది .తిరువాన్కూర్ ,గ్వాలియర్  సంస్థానాదిపతులు జగద్గురు శంకరాచార్యులవారు శాస్త్రిగారిని ఘనం గా అపూర్వంగా సంమానించారు.విద్యా మంత్రి మండలి వెంకట కృష్ణారావు గారి ఆధ్వర్యం లో ముఖ్యమంత్రి జలగం వెంగళరావు గారి నిర్వహణ లో జరిగిన మొదటి ప్రపంచ తెలుగు మహా సభలలో లక్ష్మణ శాస్త్రిగారికి ప్రత్యేక సన్మానం చేశారు .శాస్త్రిగారిని సన్మానించి వారి ఉపన్యాస లహరిలో తడిసి ముద్దై  గౌరవించని సాహితీ సంస్థ లేదు అంటే అతి శయోక్తి కాదు .లెక్కలేనన్ని పురస్కారాలు అందుకున్నారు .వీలైనప్పుడల్లా వివిధ ప్రదేశాలను సందర్శిస్తూ  ఆప్రాంత భాషలో అనర్గళంగా ప్రసంగించి నివ్వెర పోయేట్లు చేసేవారు .వారి పాండితీ గరిమ అంతటిది . వీరి ఆధ్వర్యం లో ఏర్పడిన ‘’సార్వభౌమ సంస్కృత ప్రచార కార్యాలయం ‘’కు అధ్యక్షులుగా ఉన్నారు శాస్త్రి గారి గీర్వాణ భాషా పాండిత్యానికి ముగ్ధులైన పండిత ద్వివేదీ శాస్త్రి సంస్కృతం లో వీరిని –‘’మూర్తిర్మత్త గజేంద్ర దర్ప దళినీ వాణీ వినోద ప్రియా –వ్యాఖ్యా లేఖ కవిత్వ కౌశల కళా పారంగతా,శేముషీ –శక్తిః సంస్కృత భాషణే ష్యనుపమావిద్వజ్జనే ష్వాదరః –శ్రీమల్లక్ష్మణశాస్త్రిణా౦ గుణ గణాః కేషాంస తోషా సహాః’’అని ప్రస్తుతించారు .  ప్రధాని పివి నరసింహారావు గారి తో చాలా సన్నిహిత సంబంధం శాస్త్రిగారికి ఉన్నది. అనేక కవి  సమ్మేళనాలలో పాల్గొని వన్నె తెచ్చారు

  శాస్త్రిగారు తుది శ్వాస వదిలే వరకు ‘’కాశీ సంపూర్ణానంద సంస్కృత విశ్వ విద్యాలయం ‘’ఎమిరిటిస్ ప్రోఫెసార్ గా (సమ్మాన్య ప్రాచార్యులు )గా ఉన్నారు .శాస్త్రిగారికి అందరూ మిత్రులే .వారికి తర తమ భేదం లేదు .అందరూ ఆయనకు ఆత్మీయులే ,మిత్ర బృందం లోని వారే అంతటి అజాత శత్రువు శాస్త్రిగారు .80 సంవత్సరాల సార్ధక జీవనం గడిపి 10-1-1981 న మహామహోపాధ్యాయ  ఆంద్ర బిల్హణ శ్రీ కప్పగంతుల లక్ష్మణ శాస్త్రి గారు అనే సంస్కృత వాజ్మయ శిఖరం నేల వ్రాలినది .

 ఆధారం—1- ప్రపంచ తెలుగు మహాసభల ప్రచురణగా ‘’తెలంగాణా మహనీయులు’’ పేరుతో శ్రీ సంబరాజు రవి ప్రకాశరావు రచించిన ‘’కప్పగంతుల లక్ష్మణ శాస్త్రి ‘’మోనోగ్రాఫ్

2- నా రచన –గీర్వాణ కవుల కవితా గీర్వాణం -1 మొదటిభాగం .

  ముక్కోటి ఏకాదశి శుభాకాంక్షలతో  

  మీ-గబ్బిట  దుర్గా ప్రసాద్ -29-12-17 –-,30-12-17 ఉయ్యూరు  

గ్రంధ ద్వయ పుస్తక ఆవిష్కరణ న్యూస్ కవరేజ్

 సరసభారతి ఏర్పడి 8 సంవత్సరాలు దాటి 9 వ  సంవత్సరం లో  ప్రవేశించింది .అన్నికార్యక్రమాల విశేషాలూమీకు ఎప్పటికప్పుడు తెలియ జేస్తూనే ఉన్నాం .8 ఏళ్ళకు నెలకొకటి లెక్కేస్తే 96 కార్యక్రమాలు జరగాలి .కాని ఈ ఆవిష్కరణ సభ 116 వ సభకావటం మరింత ఉత్సాహాన్నిస్తోంది .ఇప్పటికి సరసభారతి ,సువర్చలాన్జనేయ  బ్లాగుల వీక్షకుల సంఖ్య 5 లక్షల 30 వేలకు దాటటం మరొక శుభవార్త .ఇప్పుడు నిన్నటి సభా విశేషాలు తెలియ జేస్తాను .

 24-12-17 ఆదివారం మధ్యాహ్నం 1-15 కు నాలుగు కార్లలో మేమందరం  రేపల్లెకు బయల్దేరి  దేవరపల్లి వద్ద కృష్ణ కరకట్ట ఎక్కి పెనుమూడి వంతెన మీదుగా మండలి కృష్ణారావు వంతెన దాటి రేపల్లెలో ప్రవేశించి ఉప్పూడి రోడ్డులో ఉన్న రామకోటయ్య కళ్యాణ మండపానికి మధ్యాహ్నం 2-25 కి అంటే గంట 10 నిమిషాలో చేరాం .సభ రెండవ అంతస్తులో . మా వెంట రెండు గ్రంధాలు చెరొక 200 పుస్తకాలు తీసుకు వెళ్లాం . అతిధులకు ,కవులకు శాలువాలు ,గీర్వాణం -3 లో చోటు చేసుకున్న కవులకు రెండిటినీ సభకు సభకు పరిచయం చేసినవారికీ ,అతిధులకు శాలువాలు జ్ఞాపికలు వెంట తీసుకు వెళ్లి వేదిక వద్దకు చేర్చాం .మాకు మధ్యలో ,పైనా చెరొక గదీ కేటాయించారు . అలసట తీర్చుకోవటానికి ఆడవాళ్ళకు అవకాశం కలిగింది .మాతో మేమిద్దరం కాకుండా ,హైదరాబాద్ నుంచి వచ్చిన మా రెండో అబ్బాయి శర్మ ,మనవడు ఛి హర్ష ,ఉయ్యూరులో ఉన్నమూడవకోడలు రాణి మనవడు చరణ్ మనవరాలు రమ్య ,మా నాలుగోవాడు రమణ  కోడలు మహేశ్వరి ,మా అన్నయ్యగారబ్బాయి రామనాద్ బాబు , మాదిరాజు శివలక్ష్మి, భర్త శర్మగారు ,కుమార్తె బిందు ,శ్రీ బలరాం ,శ్రీ కోనేరు చంద్ర శేఖరరావు  వీడియో గ్రాఫర్ ,అన్నిటికి సహాయానికి ఇద్దరు  మనుషులు మందీ మార్బలం తో మగపెళ్లి వారిలా రాజసంగా,దర్జాగా ‘’శీతల’’ కార్లలో  తరలి వెళ్లాం .డబ్బుమాదికాదుకదా-మైనేని వారిదే కదా అన్న ధీమా .పైగా వారు మేము ఎసి కార్ లలో తప్ప రేపల్లెకు  వెళ్ళ రాదు అనే ఆజ్న ముందేజారీ చేశారు . వారిది మాకు సుగ్రీవాజ్న .

   బానర్ రేపల్లె లోనే ప్రింట్ చేయించాడు రమణ .మధ్యాహ్నం మూడున్నరకు వేదికపై బానర్ రమణ ,శర్మ  వీడియో గ్రాఫర్ లు కస్టపడి కట్టారు అక్కడ ఎవరూ సహాయానికి రానే లేదు .సందట్లో సడేమియా –బానర్ లోని ‘గీర్వాణం -3పుస్తకం  తిరగబడి ప్రింట్ అయింది .అడికవార్ చేయటానికి నానా తంటాలు పడాల్సి వచ్చింది .అల్పాహార విందు 3 గంటలకు .కాని అవీ ఆలస్యంగా నే చేరాయి .కుర్చీలు కూడా మా సహాయకులే వేశారు .అప్పుడు దిగారు’’ మైకాసురులు ‘’.అన్నీ సిద్ధం అయేసరికి సరిగ్గా సాయంత్రం 4 అయింది .ఇక ఆలస్యం చేయకుండా  కార్య క్రమం ప్రారంభించాం . ఉయ్యూరులోనే తయారు చేయించిన కవి సామ్రాట్ నోరి నరసింహ శాస్త్రి గారి రెండు ఫోటోలను వేదికపై ఏర్పాటు చేసి  ,సభకు విచ్చేసిన డా శ్రీ వేదాల వెంకట సీతారామాచార్యులు ,డా శ్రీ మొవ్వ వృషాద్రి పతి గార్లతో  పుష్పహారాలు వేయించి నేను నోరి వారిని సభకు పరిచయం ఇలా చేశాను –

‘’శ్రీ నోరి నరసింహ శాస్త్రి గారు 6-2-1900  న  గుంటూరు లో శ్రీ నోరి హనుమచ్ఛాస్త్రి ,మహా లక్ష్మమ్మ దంపతులకు జన్మించారు .తండ్రి తాతగార్లు గోప్పపండితులేకాక మహా రచయితలుకూడా .శాస్త్రిగారికి బాల్యం లోనే సంప్రదాయ కవిత్వం అబ్బింది .19 వ ఏట ‘’గీత మాలిక ‘’పద్య సంపుటి రాసి ప్రచురించారు 23 వ ఏట ‘’సోమనాధ విజయం ‘’నాటకం రాశారు .గుంటూరు చదువులో శ్రీ తల్లావఝల శివ శంకర శాస్త్రి గారితో పరిచయమేర్పడి ‘’నవ్య కవితా ధోరణి’’  అబ్బింది మద్రాస్ లో బి ఎల్ చదివి ,గుంటూరులో ప్రాక్టీస్ ప్రారంభించారు .

 1928 లో రేపల్లె చేరి న్యాయవాద వృత్తిలో కొనసాగుతూనే ,శాసనోల్లంఘన ఉద్యమం లో పాల్గొన్న దేశభక్తులు నోరివారు ఆంద్ర ,ఆంగ్ల సాహిత్యాల లోతులు తరచారు .కన్నడ భాషలోనూ మంచి ప్రవేశం కలిగింది . నోరి వారంటే ముందుగా అందరికి గుర్తుకు వచ్చేది వారి చారిత్రాత్మక నవలలే చారిత్రాత్మక తెలుగు నవలలు మార్గ దర్శకులు వారే .శాస్త్రి గారు రచించిన ’’రుద్రమ దేవి ,నారాయణ భట్టు ,మల్లారెడ్డి ,ధూర్జటి ,వాఘీరా ,కవి సార్వ భౌముడు ,కవిద్వయం’’ నవలలు ఆ రోజుల్లో విపరీతమైన ఆసక్తి కలిగించి గొప్ప హిట్ అయ్యాయి .’వీరి తర్వాత డా శ్రీ ముదిగొండ శివ ప్రసాద్ గారు లల్లాదేవి వగైరా 11 6 కు పైగా చారిత్రాత్మక నవలలు రాశారు .శాస్త్రి గారి ’నారాయణ భట్టు ‘’నవలకు 1950లో తెలుగు భాషా సమితి పురస్కారం లభించింది .బాలలకోసం ‘’కర్పూర ద్వీప యాత్ర ‘’రాసి మన సంస్కృతీ సంప్రదాయాలపై వారికి గొప్ప ప్రేరణ కలిగించారు .24 వచన గేయ నాటికలు రాశారు .అందులో సోమనాధ విజయం ,భాగవతావతరణం ,తేనే తెట్టే,సర్ప సత్రం ,ఖేమా భిక్షుని ,శబ్ద వేది ,షన్నవతి ముఖ్యమైనవి .

  శాస్త్రిగారి సంస్కృత జ్ఞానమూ గొప్పదే .సంస్కృతం లోని’’దేవీ భాగవతం ‘’లోని రెండు ,మూడు స్కందాలను వెయ్యి పద్యాలలో తెనిగించారు .అంతే కాదు నారాయణ తీర్దులవారి ‘’కృష్ణ లీలాతరంగిణి’’ని దేవ నాగర లిపి లో సంస్కృత ,ఆంగ్ల ,హిందీ భాషలలో సుదీర్ఘ భూమిక రాసి ప్రచురించారు .శాస్త్రి గారు మంచి కథలెన్నొ రాశారు .అందులో ‘’వదూసర ,మరు విషయం ,పరీక్షా ఫలితాలు  గానభంగి ‘’మొదలైనవి .పాశ్చాత్య ,భారతీయ విమర్శనా ధోరణి ని సమన్వయ పరచి ఎన్నో మంచి వ్యాసాలూ రచించారు .శాస్త్రి గారి బహుభాషా పాండిత్యానికి ఆంద్ర ప్రదేశ్ సాహిత్య అకాడెమి గుర్తించి సభ్యులను చేసి గౌరవించింది ఈ పదవిలో 12 ఏళ్ళు న్నారు .

  శాస్త్రి గారికి క్రమంగా లౌకిక విషయాలపై ఆసక్తి తగ్గి ,ఆధ్యాత్మిక తపై దృష్టి నిలిపారు .1941లో పూర్ణ దీక్ష పొంది ‘’విజ్ఞానానంద స్వామి ‘’నామధేయంతో గడిపారు .వారి సాహిత్య తపస్సుకు ‘’కవి సమ్రాట్ ‘’,’’కవి మార్తాండ ‘’బిరుదు గౌరవం పొందారు .1977 లో రేపల్లె వదలి ,హైదరాబాద్ చేరి అక్కడే ఉండిపోయి 80 వ ఏట 1980 లో మరణించారు .

  రేపల్లెలో అర్ద శతాబ్దం సాహిత్య సేవ చేసిన శ్రీ నోరి వారిపేరును ఈ వేదికకు నామకరణం, చేసి ఈ రోజు మొత్తం కార్యక్రమం వారికి అంకితమిస్తున్నాము ‘’అని చెప్పగానే అందరూ హర్ష ధ్వానాలతో ఆమోదం తెలిపారు .మళ్ళీ నేను అందుకుని’’రేపల్లెలో శ్రీ ముళ్ళపూడి నారాయణ శాస్త్రిగారు ‘’సంస్కృత పాఠ శాల స్థాపించి దిగ్విజయంగా నడిపారని ‘’పుత్ర సంజీవనం ‘’అనే సంస్కృత కావ్యం రాశారని ,వారి కుమారులు డా  శ్రీ జయ సీతా రామ శాస్త్రి గారు  హర్ష నైషద సంస్కృత కావ్యం లో దర్శన విభాగం పై పరిశోధన చేసి దిట్ట అనీ ,అలాగే రేపల్లె వాసులు శ్రీ ఇసుకపల్లి నరసింహ శాస్త్రి (ఐ ఎల్ యెన్ శాస్త్రి ),శ్రీ ఇసుకపల్లి దక్షిణామూర్తి శాస్త్రి ,ఇసుకపల్లి కుటుంబ శాస్త్రి గార్లు గొప్ప కధానికలు నవలలు రాసి ప్రసిద్ధి చెందారని తెలియ జేశాను  .

  తర్వాత గీర్వాణం -3 ప్రాయోజకులు ప్రొఫెసర్ శ్రీయల్లాప్రగడ రామ మోహనరావు గారి అన్నగారుచేన్నైలో మరణించటం వలన సభకు రాలేక పోయారని తెలియ జేసి, రావు గారి కుటుంబం తో సంబంధం ఉన్నకార్యక్రామం కనుక రావుగారి దివంగత అన్నగారికి రెండు నిమిషాలు మౌనం పాటించాం .

   సరసభారతి కార్య దర్శి శ్రీమతి మాది రాజు శివ లక్ష్మి ‘’సాహితీ బంధం ‘’కవి సమ్మేళనం లో పాల్గొనే గుంటూరు కృష్ణా కవులను వేదికపైకి ఆహ్వానించగా శ్రీ వృషాద్రిపతి గారిని శుభాశీస్సులు పలుకమని కోరగా చక్కగా మాట్లాడి ఆశీర్వ దించారు .ఇంతటి సాహితీ మూర్తి  సమక్షం లో కవి సమ్మేళనం జరుగు తున్నందుకు అందరూ ఆనందించారు .శ్రీ దండి భొట్ల దత్తాత్రేయ శర్మగారు కార్య క్రమాన్ని చాకచక్యంగా  నిర్వహించారు .కవులు కూడా సూటిగా సుత్తి లేకుండా కవితలు చదివి అభినందనలు పొందారు .శ్రీ వృషాద్రి పతిగారికి పుష్పహారం  శాలువా  జ్ఞాపిక వెయ్యిన్నూట పదహార్లు నగదు ఇచ్చి గంధ తాంబూల౦తో   పన్నీరు ,సెంట్ జల్లి సంప్రదాయ బద్ధంగా నేనూ నా శ్రీమతి సత్కరించాం . పాల్గొన్న కవులందరికీ తలొక 500 రూపాయలు నగదు ,పై విధంగా నే సన్మానం చేశాము .హైదరాబాద్ నుంచి వచ్చిన ఇద్దరికీ ,గుంటూరు నుంచి వచ్చిన మరో ఇద్దరికీ  విజయవాడనుంచి వచ్చిన శ్రీ చావాలి సుబ్రహ్మణ్యం గార్నీ కూడా పై విధంగానే సమ్మాని౦చా౦ .వేదికపైకి ఆహ్వాని౦పబడిన  ప్రతివారికీ కమలాఫల ద్వయం ‘’తో స్వాగతం పలికి ఉయ్యూరు సంప్రదాయాన్ని రేపల్లె లోనూ కొన సాగించాం . కవులు ఎంతో సంతృప్తి చెంది ఆనందం ప్రకటించారు .

 కవి సమ్మేళనానినికి ముందు పదినిమిషాలు ఒక అమ్మాయి చక్కగా స్వాగత నాట్యం చేసింది .ఆమెకూ పై విధంగానే అయిదు వందల నగదు తో సహా సన్మానం చేశాం .

  తర్వాత మహామహోపాధ్యాయ భారత భారతి ప్రవచన సమ్రాట్ ,తర్క వ్యాకరణ శిరోమణి  విశ్రాంత సంస్కృత కళాశాల ప్రిన్సిపాల్  డా శ్రీమాన్ వేదాల వెంకట సీతారామ శాస్త్రి గారిని ‘’ఆశీరనుగ్రహ భాషణం ‘’చేయవలసినదిగా వేదికపైకి ఆహ్వానించి ,ముఖ్య అతిధి ,ఆంధ్రప్రదేశ్ రచయితల సంఘాధ్యక్షులు ,పులిచింతల ప్రాజెక్ట్ స్పెషల్ డిప్యూటి కలెక్టర్ శ్రీ సోమేపల్లి వెంకట సుబ్బయ్య ,వరంగల్ డాక్టర్ ,శతాధిక గ్రంధకర్త ,నాలుగు భాషలో అద్వితీయ పాండిత్యం ఉన్న డా శ్రీ లంకా శివరాం ప్రసాద్  ,నాగార్జున విశ్వ విద్యాలయ మాజీ రిజిస్ట్రార్ డా శ్రీ రావెల సాంబ శివరావు ,కేంద్ర సాహిత్య అకాడెమి బహుమతి గ్రహీత ,కవి విమర్శక విశ్లేషకులు డా శ్రీ పాపినేని శివ శంకర్ ,రేపల్లె మునిసిపల్ చైర్మన్ శ్రీ తాడివాక శ్రీనివాసరావు కమీషనర్ శ్రీ ఏ ఎస్ యెన్ వి ఎం దివాకర రావు ,జి డి సిసి బ్యాంక్ చైర్మన్ శ్రీ ముమ్మలనేని వెంకట సుబ్బయ్య,మాజీ శాసన సభ్యులు శ్రీ దేవినేని మల్లికార్జున రావు ,కొ ఆపరేటివ్ అర్బన్ బ్యాంక్ చైర్మన్ శ్రీ కొర్రపాటి రామ మోహనరావు డా శ్రీగబ్బిట ఆంజనేయ శాస్త్రి ,డా శ్రీ ఇనగంటి ఉమా రామారావు  ,అసమాన అవధాన సార్వభౌమ ,కాశీకవి ప్రాచార్య డా శ్రీ పాలపర్తి శ్యామలానంద ప్రసాద్ ,మచిలీపట్నం హిందూ కాలేజి చరిత్ర శాఖాధిపతి డా.శ్రీ  సవరం వెంకటేశ్వరరావు మున్నగు దిగ్దంతులు వేదికను సుసంపన్నం చేయగా శ్రీ వేదాల వారు తమ అమూల్య భావధారను ప్రవహింప జేసి సభను ధార్మిక ధారతో ఉత్తేజపరచారు .

  తరువాత గంధ ద్వయం ఆవిష్కరణ సభ జరిగింది .శ్రీ సోమేపల్లి ,మునిసిపల్ చైర్మన్ గార్లు ‘’ఆధునిక ప్రపంచ నిర్మాతలు –జీవితాలలో చీకటి వెలుగులు ‘’గ్రంధాన్ని ఆవిష్కరించారు .  గ్రంథ పరిచయం చేశారు శ్రీ సవరం వారు .తర్వాత’’గీర్వాణ కవుల కవితా గీర్వాణం -3 మూడవ భాగం ‘’ను శ్రీ రావెల ,శ్రీపాపినేని ,శ్రీ లంకా ,మునిసిపల్ కమీషనర్ గార్లు ఆవిష్కరించారు .దీనిని సభకు పరిచయంచేశారు శ్రీ పాలపర్తి వారు .ఈ రెండు గ్రంథాల రచన ,ప్రచురణ ,అంకిత ప్రాయోజక, విశేషాలను సరసభారతి ప్రగతినీ ఇవి సరసభారతి 27, 28 పుస్తకాలు ,నేను రాసిన 15, 16 పుస్తకాలని  సంక్షి ప్తంగా వివరించాను .29 వ పుస్తకంగా ‘’వసుధైక కుటుంబం ‘’కవితా సంకలనం జనవరిలో గుడివాడలో శ్రీ వసుధ బసవేశ్వరరావు గారి ఆధ్వర్యం లోనూ సరసభారతి నిర్వహించే శ్రీ విలంబి ఉగాది వేడుకలలో 18-3-18 ఆదివారం నా యాత్రా రచన ‘’షార్లెట్ మైత్రీ బంధం ‘’30 వ పుస్తకం గా ఆవిష్కారం ఉయ్యూరులోను అక్కడ అమెరికాలో షార్లెట్ లోనూ జరుగుతుందని ,దీనిని షార్లెట్ సరసభారతి కి కానుకగా అందిస్తున్నామని తెలియ జేశాను .

  శ్రీ గబ్బిట ,ఇనగంటి ,లంకా ,సవరం ,పాలపర్తిగార్లకు తలొక వెయ్యి నూట పదహార్లు నూతన వస్త్రాలు   నగదు తో , శ్రీ సోమేపల్లి ,శ్రీ పాపినేని ,శ్రీరావెల ,మైనేనిగారి బావమరది శ్రీనాద్ గార్లకు  సంప్రదాయ బద్ధంగాకవులకు చేసినట్లే పుష్పహారం జ్ఞాపిక ,శాలువా చందన తాంబూల పన్నీరు లతో సత్కారం చేశాం  

ఈ సభలో మరొక అమ్మాయి ,నృత్యం చేసి అలరిస్తే ఒక కుర్రాడు మిమిక్రీ చేసి మురిపించాడు .ఇద్దరికీ కవులకిచ్చిన మర్యాద తోనే నగదు తోపాటు మిగిలినవాటితోనూ సత్కరించాం .

 శ్రీ లంకావారు మా దంపతులను కూర్చోబెట్టి శాలువా కప్పిపుష్ప  హారం వగైరాలతో పైవిధంగా నే ‘’సువర్ణ పతకం ‘’తోనూ సత్కరించారు .తర్వాత శ్రీనాద్ గారికీ చేసి ,ఒక పతకం శ్రీ మైనేని గోపాల కృష్ణగారికి అందజేయమని ఆయనకు అందజేశారు .వీడియోగ్రాఫర్ కు, శివలక్ష్మి కుటుంబానికి రామనాద్ ,బలరాం చంద్ర శేఖర రావు గార్లకు కూడా జ్ఞాపికలు అందజేశాం .సభకు వచ్చిన వారందరికీ గ్రంథ ద్వయం అందజేశాం .సుమారుగా 150 సెట్లు రేపల్లె సభ లో ఉచితంగా పంచిపెట్టాం .ఈ టీవీ విలేకరి నన్ను చక్కగా ఇంటర్వ్యు చేశారు .సోమేపల్లిగారినీ చేశారు .బహుశా ప్రసారం చేసి ఉంటారు .ఇవాళ  ఈ టీవీలో అయిదు నిమిషాలకు పైగా ప్రసారం చేశారని మా అబ్బాయి శర్మ ఫోన్ చేశాడు .ఇవాళ అన్ని వార్తాపత్రికలలోనూ మంచి కవరేజ్ వచ్చింది . మీడియా మిత్రుల సహకారం మరువ లేనిది .

.సభ పూర్తయ్యేసరికి రాత్రి 8-30 అయింది .అప్పుడు అందరికీ విందు .శాఖాహారం పై అంతస్తులో ,మాంసాహారం కింది దానిలో ఏర్పాటు చేశారు .రాత్రి 9-45 కు బయల్దేరి అందరం ఉయ్యూరుకు రాత్రి 10-30 కు చేరాం

 ఈ కార్యక్రమం మొత్తం ఇంట్లో కూర్చుని  కంప్యూటర్ లో వీక్షించటానికి మంచి నాణ్యత తో ప్రత్యక్షంగా ప్రసారం చేయించాం . చూసినవారందరూ అద్భుతంగా ఉందని ఫీడ్ బాక్ చేశారు .మంచి సంతృప్తితో ఈ 116 వ కార్యక్రమం గా ;గ్రంథ ద్వయ ఆవిష్కరణ ‘’సభ రేపల్లెలో జరిగింది .ఇప్పటికి కృష్ణా జిల్లాలో వివిధ ప్రదేశాలలో కార్యక్రమాలు చేశాం .ఇప్పుడు జిల్లాదాటి గుంటూరు జిల్లా రేపల్లె లో జరిపాం .ఏప్రిల్ అక్టోబర్ మధ్య ఖండాంతర సభలు నాలుగు  నార్త్ కరోలినా రాష్ట్రం ‘’షార్లెట్ ‘’లో జరిపాం . అక్కడ సరసభారతి  శాఖా కూడా ఏర్పాటు చేశామని హర్ష ద్వానాలమధ్య తెలియ జేశాను .

  మీ- గబ్బిట దుర్గాప్రసాద్ -25-12-17- ఉయ్యూరు

—

సరస భారతి ఆధ్వర్యం లో’’వేద సభలు ‘’?

కాశీలో బెనారస్ హిందూ విశ్వ విద్యాలయం ‘’న్యాయ శాస్త్ర ‘’ప్రొఫెసర్ ,సంస్కృతం లో మహాదిట్ట ,కృష్ణా జిల్లా ఎలమర్రు గ్రామస్తులు ,గీర్వాణం -3 లో చోటు చేసుకొన్న కవి ,గ్రంథద్వయ ఆవిష్కరణ సభకు కాశీ నుంచి శ్రమపడి రేపల్లెకు విచ్చేసిన గీర్వాణ భాషాభిమాని డా . శ్రీ గబ్బిట ఆంజనేయ శాస్త్రిగారు నిన్న మా ఇంటికి వచ్చి తాము ఆదివారం సభలో అందరికీ చెప్పాలనుకొన్న విషయం సభ హడావిడిలో మర్చిపోయానని,దానిని నాకు చెప్పటానికి వచ్చానన్నారు .సంతోషం అన్నాను .

శ్రీ గబ్బిట ఆంజనేయ శాస్త్రి గారి మనసులో ఉయ్యూరులో సరసభారతి ఆధ్వర్యం లో ఘనం గా వేద సభలు నిర్వహించాలని ఉన్నదట .అదేదో సరసభారతి సభల్లా తేలికే అనుకోని ‘’సరే ‘’అన్నా . ‘’అన్నగారూ !సంస్కృత కవుల పై ఇంత విస్తృతంగా వరుసగా మూడు గ్రంధాలు మూడేళ్ళలో రాసి ప్రచురించిన మీరు సరసభారతి ఆధ్వర్యం లో ఉయ్యూరులో వేద సభలు నిర్వహించి వేదమాత సేవ కూడా చేస్తే ,పుణ్యం పురుషార్ధం దక్కటమే కాదు వేద పండితులకు సహకారం చేసి, వేద వ్యాప్తికి దోహదం చేసిన వారవుతారు ‘’అన్నారు .’’బాగానే ఉంది.ఎన్ని రోజులు ,ఎంత మంది వేద పండితులు వస్తారు ,వారికి ఎంత సంభావన ఇవ్వాలి వారి వసతి భోజన భాజనాదుల సంగతి ఏమిటి ?’’అని అడిగాను .దానికి వారు 3 రోజులు జరిపితే బాగుంటుంది .మూడు రోజులూరెండుపూటలా  కాఫీ టిఫిన్లు భోజనాల ఖర్చు అంతా నేను పెట్టుకుంటాను .సంభావన ,దారి ఖర్చులు మీరు ఏర్పాటు చేయాలి ‘’అన్నారు .నేను మనసులో తలా ఒక వెయ్యో రెండు వేలో ఇవ్వచ్చులే అనుకోని వారినిఅడిగా ‘’ఒక్కో వేద పండితునికి 10 వేల రూపాయలు ,వారు వచ్చిన ప్రదేశాన్నుంచి రానూ పోనూ ఖర్చులు ఇవ్వాలి ‘’అన్నారు .లెక్క వేస్తె సుమారు 6 లక్షలకు పైమాటే అయింది .ఒక్కసారి అవాక్కయ్యాను .ఇది మనవల్ల కాదులే అనిపించి వారికి చెప్పేశాను .వారు ‘’పోనీ రెండు రోజులే జరుపుదాం ‘’అన్నారు .’’భోజనం ఖర్చు తగ్గవచ్చుకాని సంభావన ఖర్చు లో మార్పు రాదుకదా’’ అన్నాను .’’అవునని’’ఏకీభవించారు .’’ఇంత భారీగా చేయాలంటే నాకు, సరసభారతికి ఉన్న పరిచయాలు చాలాతక్కువ .అందులో మాకు సభ్యులు అంటూ ఎవరూలేరు.  సభ్యత్వ రుసుమూ ఉండదు .’’అన్నాను .’’దాతలను వెతికి పట్టుకోవాలి ‘’అన్నారు .’’లక్ష రూపాయల చందా ఇచ్చేవారు కనీసం 7 గురు దొరకాలి .లేకపోతె 50 వేలు ఇచ్చేవారు కనీసం 14  మంది , లేకుంటే 25 వేలు ఇచ్చేవారు సుమారు 30 మంది ,దొరకాలి .లేనిచో 11, 116 లు ఇచ్చేవారు 60 మంది ఉండాలి . అంత ఖర్చు పెట్టె వారు దొరకటం కష్టం .మేము ఎవరినీ ఏ కార్యక్రమాలకు డబ్బు అడగము .కార్యక్రమం తెలియ జేస్తాం .ఇచ్చేవారు ముందుకొచ్చి సహకరిస్తారు తప్ప డిమాండ్ చేయం ‘’అన్నాను .వారు ‘’అన్నగారూ !ఎలాగైనా మీ, మా ఆధ్వర్యం లో మనం జరపాలి ‘’అన్నారు .’’నేనేమీ మాట ఇవ్వలేను .నెట్ ద్వారా విషయం అందరికీ తెలియ జేస్తాను .ఇది వేద విధి కనుక దీనికి మాస్వామి శ్రీ సువర్చలాన్జనేయుల అనుగ్రహం కూడా కావాలి కనుక మా గుడిలో కూడా ఈ విషయం ప్రకటిస్తాను . స్పందనను బట్టి ఆలోచన చేద్దాం ‘’అని చెప్పాను .’’సరే’’నన్నారు వారు .

  ఇవాళ మంగళవారం ధనుర్మాస ప్రభాత పూజలో భక్త జనం క్రిక్కిరిసి ఆలయానికి వచ్చారు .మంత్రపుష్పానికి ముందు స్వామి సమక్షం లో పై విషయాలన్నీ తెలియ జేసి ,భారం స్వామిదే నని ఆయనపైనే భారం వేశాను .ఇప్పటిదాకా జరిగిన వన్నీ ఆయన అనుగ్రహం తో జరిగినవే కదా .మేము నిమిత్తమాత్రులం .ఇదీ విషయం . దీనిపై భక్తులు ,సరసభారతి సాహితీ బంధువులు ,వేదాభిమానులు,దాతలు ,వితరణ శీలురు  స్పందించే తీరు ను బట్టి ‘’ముందుకు ‘’అడుగు వేస్తాం .

        మీ- గబ్బిట దుర్గాప్రసాద్ -26-12-17- ఉయ్యూరు

…

…

కేసీఆర్ సభలు

   రాష్ట్రం విడిపోయిన తర్వాత ఏర్పడిన  ఆంధ్ర ప్రదేశ్ రచయితల సంఘం అధ్యక్ష కార్య దర్శులైన శ్రీ సోమేపల్లి వెంకట సుబ్బయ్యగారిని ,శ్రీ చలపాక ప్రకాష్ గారినీ పిలవని సభలు ప్రాంతీయ సభలే కాదా ? మనకు అవమానం జరిగిందని వీరు బాధపడలేదా ?తెలంగాణా వారికి ప్రతినిధి  రుసుము ౩౦౦ రూపాలు ,ఆంధ్రా వారికైతే 500రూపాయలు పెట్టటం లో తెలుగు వారిలో  వివక్షత చూపటం కాదా ?గడువు తేదీకి ముందు రోజు వియవాడలో సామల వారు మీటింగ్ పెట్టటం దేనికి సంకేతమో ?అన్నిటినీ కడిగి పారేసే ఆయన దృష్టికి ఇవన్నీ కనపడలేదా ? వీటన్నిటికీ మించి సాటి తెలుగు ముఖ్య మంత్రిని ఏదో ఎవరో ఎక్కడో తప్పు చేశారని ఆహ్వానించకపోవటం తెలుగు అన్న గుండెపై గుద్దటం కాదా ? ప్రాంతం విడిపోయినంతమాత్రాన భాషా గౌరవం మారుతుందా ? మద్రాసీలు అని పించుకునే తెలుగు వారికి ఆత్మ గౌరవం కలిగించిన శ్రీ నందమూరి పేరు ఎత్తకపోవటం ఏం తెలియ జేస్తుంది ?

     ఇవన్నీ సరే వదిలేద్దాం –మొదటి ప్రపంచ మహాసభల ఆలోచన చేసి ఆచరణలో అద్వితీయంగా నిర్వహించిన శ్రీ మండలి వెంకట కృష్ణారావు గారిని స్మరించకపోవటం తెలుగు సభలకు కీర్తియా ?

ఇదికాక ప్రతి ఏడాది తెలుగు సభలు జరుపుతాననటం విడ్డూరం కాదా? అలా చేస్తే అవే కవి సమ్మేళనాలు ,అవే భువన విజయాలు ,వారే పాత్ర దారులు ,కప్పిన వారికే శాలువాలు కప్పటాలు అవవా ?వైవిధ్యం ,చలన శీలత లేకుంటే సభలు  రాణిస్తాయా?ప్రతిభ గుర్తించి గౌరవించి ,జీవన భ్రుతి లేనివారికి కల్పించటం లో సభలు సార్ధకం అవుతాయి .విశాల దృక్పధం లో జరిగే సభలు మరింత విశాల భావాలకు ఆలవాలౌతాయి .ఇదే సంకుచిత దృష్టిలో ఎన్ని సభలు పెట్టినా వచ్చేది మిగిలేది సంకుచిత తత్వమే .

 మన ముఖ్యమంత్రిని ఆహ్వానించలేదని ,,తనకు ఆహ్వానం వచ్చినా వెళ్ళని శ్రీ గరికపాటిని,తాను తెలంగాణా తెలుగు  గ్రంథాలెన్ని రాసినా  గుర్తి౦చనందుకు పత్రికా ముఖంగా ధైర్యంగా బాధ వ్యక్తం చేసిన శ్రీ జొన్న విత్తుల వారినీ అభినందిస్తునాను .ఇవన్నీ మనకెందుకు ,మనల్ని పిలిచారు ,వెళ్లి శాలువా కప్పుకొందాం అని వెళ్ళిన వారినీ మనసార అభినందిస్తున్నాను .వారు సంకుచిత పరిధి దాటి ఉంటారన్న నమ్మకం తో .

   మీ- గబ్బిట దుర్గా ప్రసాద్ -21-12-17- ఉయ్యూరు   

https://sarasabharathi.blogspot.in/

— మన వాడైన అసమాన విశ్వ విఖ్యాత మహా శాస్త్ర సాంకేతిక వేత్త – తెలుగు తేజం కీ.శే .శ్రీ పుచ్చా వెంకటే శ్వర్లు -14

అద్వితీయ అమోఘ  మహోన్నత వ్యక్తిత్వం

వెంకటేశ్వర్లు గారి గురించి ఎంత చెప్పినా ,ఆయన అమోఘ అద్వితీయ వ్యక్తిత్వం గురించి ఆవిష్కరించకపోతే అది సమగ్రం,పరిపూర్ణం కానేరదు . స్థిరచిత్తం,పట్టిన పట్టు విడవని సామర్ధ్యం ,పని పూర్తయ్యేదాకా అలసట ఎరుగని మహోన్నత వ్యక్తిత్వం వెంకటేశ్వర్లు గారిది .కాని అత్యంత దయార్ద్ర హృదయులు .ఎవరిపై నా కోపం,ద్వేషం లేని జితేంద్రియత్వం ఆయన్ను అందరి వాడిని చేశాయి .ఆయన భావాలను వ్యతిరేకించే వారైనా ,విభేధించేవారైనా ఆయనకు ద్వేషం ఉండేదికాదు .దీనికి ఉదాహరణ-తనబృందం లో చేరటానికి ఆసక్తి కన బరచిన వారెవరైనా ,వారు అంతకు పూర్వం స్వతంత్రంగా ప్రతిభ చూపి రాణించిన వారైనా ఆయన సహృదయత తో ఆహ్వానించేవారు .తాను కష్టపడి పని చేస్తూ మిగిలిన వారికీ స్పూర్తినిచ్చి పని చేసేట్లు చేయించటం  ఆయన నైజం .ప్రేరణకలిగించి ,వారిలో ఆత్మ విశ్వాసం కలిగించి ,వారినుండి తనకు కావలసిన అద్భుత ఫలితాలను రాబట్ట గలిగే నేర్పున్నవారు .దీనికి సాక్ష్యమే ఆయన వద్ద పి.హెచ్. డి .చేసిన 51మంది విద్యార్దులలో  సగం మంది ఇండియా, యు.ఎస్. ఏ. ,కెనడాల లో ప్రొఫెసర్ లు అయ్యారు .మిగిలిన వారిలో చాలామంది జాతీయ లాబ్ ,లేక ఇండస్ట్రి లలో గ్రూప్ మేనేజర్లు అయ్యారు .ఆయనలో ఉన్నఅరుదైన   గొప్ప సుగుణం తన శిష్యులను తన కుటుంబ సభ్యులుగా భావించి గౌరవించటం. అంతే కాదు  వారి కుటుంబాలతోనూ సన్నిహత సంబంధాలు కలిగిఉండి,వారి సంక్షేమకోసం కృషి చేయటం .తన స్వగ్రామం అన్నా అక్కడ తన వ్యవసాయ క్షేత్రం అన్నా ఆయనకు మిక్కిలి మక్కువే కాదు వేసవి సెలవులలో  తన విద్యార్ధులను అక్కడికి తనతోపాటు తీసుకువెళ్ళి చూపిస్తూ అక్కడే వారి థిసీస్ కు సాయం చేసేవారు . చనిపోయే ము౦దుదాకా ,ఈ జన్మభూమి మమకారం ఆయనను వదలలేదు .ఆయన మనసులో ఎప్పుడూ తాను అమెరికా లో  రిటైరయ్యాక తన స్వగ్రామం వచ్చి స్థిరపడాలన్నదే ధ్యేయంగా ఉండేది .అందుకోసమే ఆయన తన భారతీయ పౌరసత్వాన్ని నిలబెట్టు కున్నారు .

   వెంకటేశ్వర్లుగారే తనకు మార్గ దర్శి అని ,కడదాకా తనను ఆయనతోపాటు రిసెర్చ్ వర్క్ లో నడిపించారని ,తమ మధ్య అనుబంధం రెండున్నర దశాబ్దాలకాలం అని, అది చిరస్మరణీయమైనదని  అత్యంత కృతజ్ఞతా భావంతో జార్జి హారిజాన్ స్పెక్ట్రో స్కోపి లాబ్ ఇంచార్జ్(మాసాచూట్స్ ఇన్ స్టిట్యూట్ ఆఫ్ టెక్నాలజీ –కేంబ్రిడ్జ్ –యు .ఎస్. ఏ. )  శ్రీ రామ చంద్ర రావు దాసరి రాశారు .తామిద్దరం వేరు వేరు చోట్ల పని చేస్తున్నా వెంకటేశ్వర్లుగారి స్నేహం ,మార్గదర్శకం తనకు ఎప్పుడూ లభించేవని ,అంతేకాక తనను వారి కుటుంబ సభ్యులలో ఒకరుగా భావించి ఆతిధ్యమిచ్చిన వారి అర్ధాంగి శ్రీమతి సరస్వతిగారికి కూడా జీవితాంతం రుణ పడి ఉన్నానని శ్రీ దాసరి తెలియ జేశారు .తానుఆవిష్కరించిన శ్రీ పుచ్చా వెంకటేశ్వర్లుగారి జీవితం ,పరిశోధనా విశేషాలకు రచనా సహకారం అందజేసిన వివిధ రచయితలకు ,ముఖ్యంగా  ఇందులో ఒక ప్రత్యేక వ్యాసం రాసి , వ్యాస పరంపరలను  ఎడిట్ చేసిన డా.అరవింద్ పరాస్నిస్ కు శ్రీ దాసరి రామ చంద్ర రావు కృతజ్ఞతలు తెలుపు కున్నారు .

       మనవి-  మన వాడైన అసమాన విశ్వ విఖ్యాత మహా శాస్త్ర సాంకేతిక వేత్త – తెలుగు తేజం కీ.శే .శ్రీ పుచ్చా వెంకటే శ్వర్లు  ధారా వాహిక కు ఆధారం –ఆత్మీయులు శ్రీ మైనేని గోపాల కృష్ణ గారు నాకు అభిమానం తో పంపిన –  శ్రీ దాసరి రామ చంద్ర రావు గారి ఆంగ్ల రచన -‘’PUTCHA VENKATESWARLU(1921-1997) Elected Fellow 1970’’.

   ఇంతటి మహోన్నత వ్యక్తిత్వం ఉన్న సైన్స్ ,టెక్నాలజీ మేటి శ్రీ పుచ్చావారిపై ఇలా ధారావాహికం రాయటం నాకు దొరికిన అదృష్టం . నిజంగా చెప్పాలంటే ఆ టెర్మినాలజి , ఆ సైంటిఫిక్ భావాలు నాకు చాలా కొత్త .ఏదో పూర్వం ఫిజికల్ సైన్స్ ‘’మిణికాను’’కనుక నెట్టుకు రాగలిగాను . అదీకాక ఇంతటి మహనీయ మూర్తి అయిన తెలుగు తేజాన్ని తెలుగు వారికి పరిచయం చేస్తున్నానన్న గొప్ప సంతృప్తి నన్ను ముందుకు నడిపిచింది .ఇందులో ఒప్పులన్నీ శ్రీ దాసరి గారివి ,తప్పులన్నీ నావి అని వినమ్రంగా మనవి చేస్తున్నాను .  ఈ పుస్తకాన్ని నాకు పంపి నన్ను రాసేట్లు ప్రేరణ కలిగించిన ఆత్మీయులు శ్రీ మైనేని గోపాల కృష్ణ (అమెరికా)గారికి మరిన్ని కృతజ్ఞతలు .

   శ్రీ మైనేనిగారు శ్రీ పుచ్చావారిపై మరి రెండు ఇంగ్లిష్ ఆర్టికల్స్ నాకు పంపారు .వాటినీ తెనిగించి తెలియ జేస్తాను .

  మీ- గబ్బిట దుర్గా ప్రసాద్ -20-12-17 –ఉయ్యూరు

మన వాడైన అసమాన విశ్వ విఖ్యాత మహా శాస్త్ర సాంకేతిక వేత్త – తెలుగు తేజం కీ.శే .శ్రీ పుచ్చా వెంకటే శ్వర్లు -13

 పరిశోధనలలో వెంకటేశ్వర్లు గారి కృషి ,పాత్ర -7

3-నాన్ లీనియర్ అండ్ ఫైబర్ ఆప్టిక్స్

నేషనల్ ఫౌండేషన్ సెంటర్ ఫర్ నాన్ లీనియర్ ఆప్టిక్స్ అండ్  మెటీరియల్స్ సంస్థ ఇచ్చిన నిధితో ఈ రంగం లో వెంకటేశ్వర్లుగారు రిసెర్చ్ కృషి ప్రారంభించారు .1988- 1999వరకు పదేళ్ళు ఈ సంస్థ ఆప్టిక్ లేబ రేటరీలు ఆర్ట్ లేజర్ సిస్టమ్స్ ,ఆప్టిక్స్ ,మెటీరియల్స్ మొదలైన  సైన్స్ రిసెర్చ్ కు   సంబంధించినవన్నీ చేకూరాయి .ఆకాలం లో ఈయన డైరెక్టర్ గా ఉన్నారు . డై డోప్డ్ గ్లాసెస్ , ద్రవ మాధ్యమం లో నాన్ లీనియర్ ప్రభావాల అన్వేషణ జరిగింది. అల్ట్రా లేజర్ ఉపయోగించి చైనీస్ టీ లో ధర్డ్ ఆర్డర్ నాన్ లీనియర్  ససెప్టబిలిటిలో ట్రాన్సెంట్ మల్టిపుల్ డిఫ్రాక్షన్ రింగ్స్ శోధన జరిగింది .సింగిల్ మోడ్ ,ఫ్యు మోడ్ ఆప్టికల్ ఫైబర్స్ లో ఫోర్ వేవ్ మిక్సింగ్ ,స్టిమ్యు లేటేడ్ రామన్ స్కాటరింగ్ లను అన్వేషించారు .నాన్ లీనియర్ పదార్ధాలలో ఆర్గానిక్ పదార్ధా   లవాడకం బాగా ప్రోత్సాహాన్నిచ్చింది .కారణం ఇవి ఎక్కువగా నాన్ లీనియారిటీలను ఇవ్వడమే . పలుచని ఆర్గానిక్ ఫిలిం ల నాన్ లీనియర్ ఆప్టికల్ లక్షణాల కోసం డార్క్ లైన్ స్పెక్ట్రో స్కోపి టెక్నిక్ కూడా విని యోగించారు .ట్రా న్సెంట్ నాన్ లీనియర్ ప్రభావం ఆర్గానిక్ ఫిలిం లపై అధ్యయనానికి పీకో సెకండ్ లేజర్స్ నుకూడా ప్రయోగించారు  .థాలో సియానైన్ డోప్డ్ పోలి మీరిక్ ఫిలిం ల నాన్ లీనియర్ గుణాలను తెలుసుకోవటానికి డీ జెనరేట్ ఫోర్ వే మిక్సింగ్ పధ్ధతి వాడారు .థిన్ ఫిలిమ్స్ లో థర్డ్ ఆర్డర్ నాన్ లీనియర్ ఎఫెక్ట్స్ తెలుసుకునేందుకు Z స్కాన్ టెక్నిక్ ఉపయోగించారు .నాన్ లీనియర్ ఆప్టిక్స్ రిసెర్చ్ లో ముగ్గురు విద్యార్ధులకు వెంకటేశ్వర్లుగారు మార్గ దర్శనం చేశారు .

4-మైక్రో స్పెరికల్ లేజర్స్ ,పౌడర్ లేజర్స్ ,ప్లానార్ వేవ్ గైడ్ లలో కృషి

  జీవిత చరమాంకం లో వీటిపై ఎక్కువ కృషి చేశారు వెంకటేశ్వర్లుగారు.నాసా అందించిన రిసెర్చ్ ఫండ్ తో  అనేక లేజర్ డైస్ తో పోలిస్టేరీన్ మైక్రో స్పియర్ లు మార్ఫాలజీ డిఫెండెంట్ రెసోనెన్స్(MDR) ఫ్లోరసేంట్ స్పెక్ట్రా లో చూపాయి .ఇవే స్టిమ్యులేటేడ్ ఎమిషన్ లేక లేజింగ్ . ఈ రెజోనేన్స్ లేక అనునాదాలను అంతరిక్షం లో మైక్రో గ్రావిటి స్థితి లో ఫాబ్రికేట్ చేయబడిన మైక్రో స్పియర్ల లక్షణాలను తెలుసుకోవటానికి ఉపయోగించవచ్చు.Nd Al3 (B o 3 )4 ,Nd Sc 3 (Bo 3 )4, Nd S r5 (.P O 4 )3Fల లేజర్ క్రిస్టల్స్ పౌడర్ లలో షార్ట్ పల్స్ స్టి మ్యులేటేడ్ ఎమిషన్ (ఉద్గారం )లను గమనించారు .అనేక ఇనార్గానిక్ క్రిస్టల్స్ అయిన Li N b O 3,మరియు  ఫ్తాలో సేనైన్ తో డోప్ చేయబడిన  ఆర్గానిక్ పదార్ధాలైన పోలీ మెరిక్ ఫిలిమ్స్ లలో నాన్ లీనియర్ కారక్ట రిస్టిక్స్ కోసం అనేక ప్లానార్ వేవ్ గైడ్ లను తయారు చేశారు . ఈ వేవ్ గైడ్ లు కెమికల్ సెన్సింగ్ అధ్యయనానికీ ఉపయోగించారు .

  సశేషం

   మీ –గబ్బిట దుర్గా ప్రసాద్ -19-12-17- ఉయ్యూరు  

— మనిషిలో మనిషి

‘’ కాంగ్రెస్ ను ‘’ మోదీ ‘’చావుదెబ్బలతో మోది మోది

బిజెపి ని గుజరాత్ లో గెలిపించాడు

పటేల్ కుంపటి పెట్టినా ,దానికి కాంగీ అంటకాగినా

ఓట్ల నిప్పు కమలానికే రాజుకొని హస్తాన్ని ఆర్పేసింది

‘’యువ రాజు ‘’పట్టాభి షేకమైన రెండో రోజే

గుజరాత్ ఎన్నిక చావు కబురు చల్లగా తెలిసింది

నాడు తమిళ నాట’’ బయటి ఎన్నికలు’’(ఎక్సిట్ పోల్స్ )

జయ ఓడిపోతుందని  కోళ్లై కూసినా ,

రెండాకులు విస్తరించి జయ గెలిచింది కదా

అన్న ఆశ పెట్టుకున్న ‘’కాంగిరేసు ‘’

ఈ ఎన్నిక రేసులో ఆశ’’ నీఱై’’  ఆరిపోయింది

‘’మోడీ సింహ బలుని’’ముందు చిట్టెలుకల ఆట సాగునా ?

19 రాష్ట్రాల బలసంపన్నం తో కమల వికాసం’’ మోడీ చందమామ’’ వల్లనే

ఎదురు లేదు ఎవరూ ఆపలేరు ,

మోడీజగన్నాధ రధ చక్రాలను  

అడ్డుకుంటే చక్రోపహతులే ‘’ అని పొంగి పోతూ ఒక మనిషి .

‘’ఇరవై ఏళ్ళు పాలించి ,’’పైన ప్రభుత్వం’’ లో ఉంటే

ఈ మాత్రం గెలుపు కే విర్ర వీగక్కర్లేదు

‘’చావుతప్పి కన్ను లోట్టై’’ గెలిచిన దానికి వీరంగం అక్కర్లేదు

చెమటలు పట్టించి ,’’కారేట్లు ‘’చేశాడు యువ కిశోరం

పోటాపోటీ గా డీ అంటే డీ గా ఎదురు నిల్చి

అనుక్షణం గుండెల్లో నిద్రపోయాడు

నిద్ర పట్టకుండా చేశాడు కదా

 ‘’మెషీన్లనూ’’మాయ చేసినా

బొటాబొటి మెజారిటి –ఇదో  గోప్పేంటి?

కల్లబొల్లి కబుర్లు ,’’సరిహద్దు ‘’దాటిన ఆరోపణలు  

‘’గోబెల్ ప్రచారాలు’’ ,ప్రసారాలు తో

ఓటర్లను మభ్య పెట్టి, సాధించిన

 అత్తెసరు మార్కులివి.

నగరాల గెలుపు నాగారాలే  కానీ 

పల్లెసీమల్లో ఓట్ల మతాబాలేవి ?

‘’మా వంశ పాలన’’ కు

వచ్చిన సరికొత్త  మారాజు

రారాజు ఇక దులుపుతాడు

 రోజూ మీ బూజు .’’అంటూ

  ఆ మనిషిలోమరో  మనిషి గోల .

 మీ- గబ్బిట దుర్గాప్రసాద్ -19-12-17- ఉయ్యూరు   

మనవాడైన అసమాన విశ్వ విఖ్యాత మహా శాస్త్ర సాంకేతిక వేత్త – తెలుగువిద్యా  తేజం కీ.శే .శ్రీ పుచ్చా వెంకటేశ్వర్లు-12

            పరిశోధనలలో వెంకటేశ్వర్లు గారి కృషి ,పాత్ర -7

7-నాన్ లీనియర్ ఆప్టిక్స్ లో సేవలు

అలబామా అగ్రి మెకానికల్ సంస్థలో 1992 లో చేరి 15 ఏళ్ళు సేవ చేసి 1997  లో  చనిపోయే దాకా వెంకటేశ్వర్లు గారు ఆప్టిక్స్ లో అనేక రంగాలలో చాలా ప్రాముఖ్యమైన కృషి చేశారు .వీటిని 5 విభాగాలుగా వివరంగా తెలుసుకొందాం .1-స్పెక్ట్రో స్కోపి మరియు అప్ కన్వర్షన్ అధ్యయనం 2-ఇంటర్ ఫేరో మెట్రి 3-ఆప్టికల్ ఫేజ్ కాంజు గేషన్ అండ్ హోలోగ్రాఫింగ్ గ్రేటింగ్స్4-నాన్ లీనియర్ అండ్ ఫైబర్ ఆప్టిక్స్ 4-మైక్రో స్పెరికల్ లేజర్స్ ,పౌడర్ లేజర్స్ ,ప్లానార్ వేవ్ గైడ్స్

1-       ఇంటర్ ఫేరో మెట్రి-

ఈ రిసెర్చ్ రంగం వెంకటేశ్వర్లుగారి ఆధ్వర్యం లో హ౦ట్స్ విల్ లోని నాసా మార్షల్ స్పేస్ ఫ్లైట్ సెంటర్ నుంచి నిధులు ప్రాధమికంగా పొంది రిసెర్చ్ పని ప్రారంభించారు .అనేక ఇంటర్ ఫేరో మెట్రిక్ టెక్నిక్ లను లెన్సులు ,మిర్రర్ గ్లాస్ లఉపరితల నాణ్యత పెంచే ఏర్పాటు చేశారు .ట్విమాన్ –గ్రీన్ ఇంటర్ ఫేరో మీటర్ ను అభి వృద్ధి  చేసి స్పెరికల్ సర్ఫేసేస్ ,లెన్సేస్ ను పరీక్షించి ద్రవ ఘన పదార్ధ మాధ్యమాల   రిఫ్రాక్టివ్ ఇండిసేస్ లను  గణించారు .ఆప్టికల్ పదార్ధాల బైర్ ఫ్రింజెన్స్ ను  గణించ టానికి  వెద్జేడ్  ఇంటర్ ఫెరోమీటర్ ను ఉపయోగించారు .నాన్ కాంటాక్ట్ ప్రాఫిలో మీటర్ ను వృద్ధి చెందించి ఆప్టికల్ సాంపిల్స్ లో సర్ఫేస్ రఫ్ నెస్,ఆప్టికల్ సాంపిల్స్ లో జారుడు (టిల్త్ట్స్ )ను నిర్దుష్టం చేయటానికి ప్రయోగించారు .లేజర్ బీం కొల్లి మేషన్ టెక్నిక్ లను వృద్ధి చేశారు .దీనికోసం  ఫేజ్ కాన్జుగేట్ ట్విమాన్ –గ్రీన్ ఇంటర్ ఫెరోమీటర్ ,టాల్బాట్ ఇంటర్ ఫేరో మీటర్ లను తయారు చేశారు .

2-ఆప్టికల్ ఫేజ్ కాంజు గేషన్ అండ్ హోలోగ్రాఫిక్ గ్రేటింగ్స్

అలబామా లో చేరిన దగ్గరనుంచి జీవితాంతం వెంకటేశ్వర్లు గారు దీనిపైనే రిసెర్చ్ సాగించారు.మొదటి రోజులలో అధ్యయనం అంతా  Ba Ti O 3   స్పటికం లో వాల్యూం హోలోగ్రాఫిక్ గ్రేటింగ్స్ మరియు ఆప్టికల్ ఫేజ్ కా౦జు గేషన్ లపై ఉండేది .రిఫ్లెక్షన్ ,ట్రాన్స్ మిషన్ లలో బీం కప్లింగ్స్ ,ఫేజ్ కాంజుగేట్ ప్రభావాలు ,కౌంటర్ ప్రాపగేటింగ్ బీమ్స్ లో బీం ప్లానింగ్ ,ఆప్టికల్ బై స్టేబిలిటి,సెల్ఫ్ పల్సేషన్స్ ,ఎనర్జీ ట్రాన్స్ ఫర్,ఫేజ్ షిఫ్ట్ మెజర్ మెంట్స్ లను ఈ క్రిస్టల్స్ లో  ప్రదర్శించ గలిగారు .డబుల్ ఫేజ్ కాంజుగేట్ మిర్రర్ లో ఎక్స్టర్నల్ సీడింగ్ ను కనిపెట్టారు .ఫేజ్ కాంజుగేట్ అధ్యయనం , ఆర్గానిక్ డైస్ డోపేడ్ ఇన్ బొరిక్  యాసిడ్ గ్లాసెస్ హోలోగ్రాఫిక్ గ్రేటింగ్స్  వలన  వచ్చిన ఇమేజ్ ప్రాసెసింగ్ ,కూడా తెలుసుకొన్నారు . రియల్ టైం ఇంఫెరో మెట్రి లోBi 12, Ti O 20 లలో హోలోగ్రాఫిక్ గ్రేటింగ్ లను  కనుక్కున్నారు .Y 3 Sc 2Ga3O12 లేజర్ క్రిస్టల్ కనిపెట్టి ఎక్సై టేషన్ డిఫ్ఫ్యూజన్  ను ట్రాన్సెంట్ లైట్ ఇండ్యూ సేడ్ గ్రేటింగ్ ను వాడారు .Er ,Tm Ho డోప్ద్Y SG G  లేజర్ క్రిస్టల్స్ లో లైట్ ఇన్ డ్యూ స్డ్ గ్రేటింగ్ కనిపెట్టారు .ఫోటో రిఫ్రాక్టివ్  పదార్ధాలలో గ్రేటింగ్ ఫార్మేషన్ స్టడీ చేయటానికి EPRస్పెక్ట్రో మీటర్ వాడారు .దీనికి ఉదాహరణ –BSOలో Fe 3నుండి ఫోటో ఇంద్యూస్ద్ చార్జి ట్రాన్స్ ఫర్ .దీనిని హీలియం నియాన్ లేజర్ ఇల్ల్యూమి నేషన్ లో చేశారు . డై డోప్డ్ బొరిక్ యాసిడ్ ,పోలి కార్బోనేట్ హోస్ట్ లలో   ఆప్టికల్ ఫేజ్ కాంజుగేట్ స్టడీ చేశారు .ధర్డ్ ఆర్డర్ ససెప్టబిలిటి మెజర్ మెంట్స్ కూడా చేశారు .

    సశేషం  

   మీ-గబ్బిట దుర్గాప్రసాద్ -18-12-17 –ఉయ్యూరు

– మనవాడైన అసమాన విశ్వ విఖ్యాత మహా శాస్త్ర సాంకేతిక వేత్త – తెలుగువిద్యా  తేజం కీ.శే .శ్రీ పుచ్చా వెంకటేశ్వర్లు-11

            పరిశోధనలలో వెంకటేశ్వర్లు గారి కృషి ,పాత్ర -6

6-సాలిడ్ స్టేట్ స్పెక్ట్రో స్కోపి లో కృషి -2

సమయాధార అధ్యయనం స్థానికంగా తయారు చేసిన నైట్రోజెన్ లేజర్ ,క్షీణ వక్రతల ఫోటోగ్రాఫింగ్ లను స్టోరేజ్ ఆసిలో  స్కోప్  తో చేయగలిగారు .ఈ టెక్నిక్ చాలా మొరటు విధానమే అయినా ,ఉత్తేజిత౦ ,ఫ్లారసేన్స్ మార్గాలను ఖచ్చితమైన  లైఫ్ టైం గుర్తించటానికి సరిపోయింది.

  దీనితర్వాత ఉత్తేజిత మూలాల తో వాణిజ్య పరమైన ట్యూ నబుల్  పల్స్ డై లేజర్ వైపు అడుగులేయటం తో మరో దశ ప్రారంభమైంది .నైట్రోజెన్ లేజర్ తో చేసిన బ్రూట్ ఫోర్స్ ఎక్సై టేషన్ కంటే ఇది నిర్దుష్టంగా ఉన్నది .పిమ్మట బాక్స్ కార్ యావరేజర్ కూడా కాన్పూర్ సంస్థలో అందుబాటులోకి వచ్చింది .అద్భుతమైన ఈ యావరేజర్ తో డీకే ప్రోఫైల్స్ ను అత్యంత నిర్దుష్టంగా రికార్డ్ చేయగలిగారు .CROతో చేసిన దానికంటే దీనితో వచ్చిన ఫలితాలు చాలా ఖచ్చితంగా, అత్యంత సంతృప్తిగా ఉన్నాయి .అందువలన రేడియేషన్ ట్రాన్సిషన్ రేట్స్ డేటా ,అయాన్ పైర్ రిలాక్సేషన్ ప్రాసేసేస్ ,అన్ కన్వర్షన్ ఫినామినా మొదలైన వాటిపై  , చాలా ఎక్కువగా సమాచారం దొరికింది . ఈ ఫలితాలు సైట్ సెలెక్టివ్ స్పెక్ట్రో స్కోపి అన్వేషణకు చక్కని రాజమార్గాన్ని ఏర్పరచాయి .

   మొత్తం మీద కాన్పూర్ ఐ ఐ టిలో ఆప్టి కల్ స్పెక్ట్రో స్కోపి  పరిశీలనలు రేర్ ఎర్త్ అయాన్ డోపేడ్ ఫ్లొరసైడ్ క్రిస్టల్స్ ల దీప్తి అధ్యనానికి మార్గం సుగమమం చేశాయి .ఇందులో అబ్సార్ప్షన్,లేజర్ ఇండ్యూసేడ్ ఫ్లారసేన్స్ ,లైఫ్ టైం మెజర్ మెంట్స్ కూడా ఉన్నాయి .వెంకటేశ్వర్లుగారికి  అత్యంత సునిసిత దూర దృష్టి ఉంది.కాన్పూర్ ఐ . ఐ .టి.లో చేసిన అప్ కన్వర్షన్ స్పెక్ట్రో స్కోపి ఆ కాలానికి సమయానికి తగిన అభిరుచి .ఇక్కడ చేసిన ఎనర్జి అప్ కన్వర్షన్ స్పెక్ట్రో స్కోపి పని ఆధారం గా ఐబి ఎం సైంటిస్ట్ లు La F3,Nd +3లను ఉపయోగించి వయొలెట్ అప్ కన్వేర్షన్ లేజర్ ను అభి వృద్ధి చేశారు .తర్వాత 15 ఏళ్ళవరకు అప్ కన్వర్షన్ స్పెక్ట్రో స్కోపి /లేజర్ వర్క్   లకు ఇదే అందరికీ సిద్దాన్తమైంది .

  అందుకనే అలబామాలో అప్ కన్వర్షన్ స్పెక్ట్రో స్కోపి పరిశోధన కొనసాగించారు .ఆప్టికల్ ఫిజిక్స్ లో ప్రయోగాత్మక పరిశోధనకు వెంకటేశ్వర్లు గారే శ్రీకారం చుట్టారు .ఆయనద్వారానే అనేక ప్రభుత్వ సంస్థలనుంచి విరాళాలు వెల్లువగా ప్రవహించాయి .ఆప్టో గాల్వనిక్ స్పెక్త్రో  స్కోపి ,ఇంటర్ ఫేరో మెట్రి ,ఆర్గానిక్ మీడియా నాన్ లీనియర్ స్పెక్ట్రో స్కోపి ,నాన్ లీనియర్ ఆప్టిక్స్ ఆఫ్ సాలిడ్స్ ,ఫైబర్ ఆప్టిక్స్ ,ఆప్టికల్ స్పెక్ట్రా ఆఫ్ క్రిస్టల్స్ పై ప్రయోగాలు చేశారు .అలబామాలో  Er3+,HO 3+,N d 3+మొదలైనవి ,డోపేడ్ ఫ్లూరైడ్స్ గార్నేట్స్ ,గ్లాసెస్ ల పై  ముఖ్యంగా దృష్టి పెట్టారు .చాలాకాలం ఆప్టికల్ గ్లాసులు అప్ కన్వర్షన్ లో అంతగా ప్రాచుర్యం పొందలేదు .కారణం వాటికి ఉన్నఫోనన్ ఫ్రీక్వెన్సీ యే.హయ్యర్ రేడియేషన్ లెవెల్స్ ను అణచటానికి మల్టి ఫోనాన్ రిలాక్సేషన్స్ ఉపయోగించారు .టేల్ల్యురియం ఆక్సైడ్ కలిగి ఉన్న Er3+ మల్టి ఎలిమెంటల్  ఆక్సైడ్ గ్లాస్ ను అలబామా సంస్థలో  ఇన్ఫ్రా రెడ్ రేడియేషన్ కు  సమీపం లో  తయారు చేస్తే కాంతివంతమైన అప్ కన్వర్షన్ ఏర్పరచింది .అదే సమయం లో చాలా ప్రయోగశాలల్లో ఇలాంటి పనే జరిగింది .ఈ కాలం లోజపాన్ లో తయారయ్యే  రేర్ ఎర్త్ ఆయాన్ డోపేడ్ టేల్యు రైడ్ ఫైబర్ లు మార్కెట్ లో అందుబాటులో ఉన్నాయి .దీనిని బట్టి వెంకటేశ్వర్లు గారి బృందం అలబామా సంస్థలో చేసిన కృషి ఎంతటి  విశిస్ట మైనదో అర్ధమవుతోంది .ఇవన్నీ జర్నల్స్ లో చోటు చేసుకొని చారిత్రాత్మక విజయాలుగా పరిగణింప బడ్డాయి .ఈ సంస్థ లో  విజిబుల్ కన్వర్షన్ ఫినామినా లో నియర్ ఇన్ఫ్రా రెడ్ పై కేంద్రీకరణ జరిగింది .HO 3+,డోపేడ్ Ca F2  ల సైట్ సెలెక్టివ్ అప్ కన్వర్షన్ స్పెక్ట్రో స్కోపి లు అనూహ్య ఆసక్తికర ఫలితాలనిచ్చాయి .హాట్స్ ఆఫ్ టు వెంకటేశ్వర్లు గారు .

   సశేషం

  మీ –గబ్బిట దుర్గా ప్రసాద్ -17-12-17 – ఉయ్యూరు  

ధనుర్మాసం మొదటి రోజు 17-12-17 ఆదివారం ఉయ్యూరు శ్రీ సువర్చలాన్జనేయ స్వామి దేవాలయం లో ప్రభాత పూజ

మనవాడైన అసమాన విశ్వ విఖ్యాత మహా శాస్త్ర సాంకేతిక వేత్త – తెలుగువిద్యా  తేజం కీ.శే .శ్రీ పుచ్చా వెంకటేశ్వర్లు-10

            పరిశోధనలలో వెంకటేశ్వర్లు గారి కృషి ,పాత్ర -5

6-సాలిడ్ స్టేట్ స్పెక్ట్రో స్కోపి లో కృషి

నలుగురు నడిచే నలిగిన దారిలో నడిచే అలవాటు లేని వెంకటేశ్వర్లుగారు చేసినపనే చేస్తూ కూర్చోవటం లో సంతృప్తి పడేవారు కాదు .1964 లో కాన్పూర్ ఐ ఐ టిలో ప్రయోగాత్మక పరిశోధన చేస్తున్నప్పుడు ,చాలాకాలం గా పని చేస్తున్న మాలిక్యులర్ స్పెక్ట్రో గ్రఫి  కి మాత్రమె పరిమితం అవకుండా ,సాలిడ్ స్టేట్ స్పెక్ట్రో స్కోపి పై కూడా దృష్టి సారించి దానికవసరమైన వేరియర్ EPR మెషీన్ ,కెరీ 14ఆప్టికల్ స్పెక్ట్రో మీటర్లను కూడా డిపార్ట్ మెంట్ లో  నిర్మించే లాబరేటరీ తోపాటు నెలకొల్పారు .సింగిల్ క్రిస్టల్స్ లోయిపిఆర్ పరివర్తన లోహ అయాన్ లపై గొప్ప కృషి చేశారు .ఈ అయాన్ ల ఆప్టికల్ స్పెక్ట్రో స్కోపి తాను పూర్వం చేసినదానికి కొనసాగింపు మాత్రమె .

  Rb Mn F3 ఎలక్ట్రాన్  అబ్సార్ప్షన్ కృషి ఫలితంగా ఉత్తేజిత  Mn 2+ లో స్పిన్ ఆర్బిట్ కప్లింగ్ ను మొట్టమొదటిసారిగా నిర్ణయించ గలిగారు .క్రిస్టల్ ఫీల్డ్ ,రికా పారామీటర్స్ దృష్టిలో  స్పెక్ట్రం యొక్క సంపూర్ణ  విశ్లేషణ సాధ్యమైంది .ఈ ఫలితాలన్నీ ఫిజికల్ రివ్యు లెటర్స్ లో ప్రచురించారు  .వెంకటేశ్వర్లు శిష్య బృందం కలిసి  అమోనియం క్లోరైడ్ సింగిల్ క్రిస్టల్స్ లోడైవలేంట్  కాపర్ ,నికెల్ ఎలెక్ట్రానిక్ అబ్సార్ప్షన్ స్పెక్ట్రా ను ఆర్దర్డ్ ,డిసార్దర్డ్ స్థాయిలలో డోపైన్ అయాన్స్  ఎలక్ట్రా నిక్ సైట్స్ , లామ్డా ట్రాన్సిషన్ ల ప్రభావాలపై అన్వేషణ చేశారు .

  1973  లో ఆయన దృష్టి, అభిరుచి రేర్ ఎర్త్ మెటల్ అయాన్స్  పై కేంద్రీకరించి లాంథనం ఫ్లోరైడ్ ,కాల్షియం ఫ్లోరైడ్ మొదలైన క్రిస్టల్స్ పై  అన్వేషణ చేశారు .12 ఏళ్ళలోఈ రంగం లో గణనీయమైన అభి వృద్ధి సాధించారు .Nd 3+,Dy 3+,Eu3+,Pr 3+లపై కూడా పరిశోధించారు . ఆకాలం అంతా గొప్ప ఉత్తేజం అభిరుచి లతో చాలామంది విద్యార్ధులు ఇలాంటి వాటిపైనే కృషి చేసి వాటి స్పెక్ట్రా  లపై అసక్తికరమైన విషయాలు కనుగొన్నారు .ఈ అయాన్స్ ల అబ్సార్ప్షన్ స్పెక్ట్రా లను ఫోటోలు తీసి ,స్థానికంగా తయారు చేసిన నైట్రోజెన్ లేజర్ ద్వారా ఫ్లారసేన్స్ ను గుర్తించారు .స్పెక్ట్రో గ్రాఫ్ ను తర్వాత లాబ్ లో రికార్డింగ్ స్పెక్ట్రో ఫోటోమీటర్ గా పరి వర్తన చెందించారు .వాణిజ్య పరమైన ఉత్తేజిత CW ఆర్గాన్ అయాన్ లేజర్ ద్వారా వెలువడిన ఫ్లారసేన్స్ ను రికార్డ్ చేశారు .క్రిస్టల్స్ ను  పోలరైజేడ్ లైట్ ద్వారా అనేక కోణాలో ఉత్తేజిత పరచి 77 K  ఉష్ణోగ్రత ,ఆ పై  ఉష్ణోగ్రత ల వద్ద ఫ్లారసేన్స్ లను రికార్డ్ చేశారు .

  శక్తి స్థాయిలను  సైట్ సిమ్మెట్రి  గుర్తింపు కోసం  స్టేడీ స్టేట్ స్పెక్ట్రా ను వాడారు .కాల్షియం ఫ్లోరైడ్ లో అనేక క్రియాశీలక క్షేత్రాలను గమనించారు .గమనించిన మరి కొన్ని ఆసక్తికర విషయాలలో సెల్ఫ్ అబ్సార్ప్షన్ ,యాంటి స్టోక్స్ ఫ్లారసేన్స్ తర్వాత వరుసగా జరిగే రెండు ఫోటాన్ ల శోషణ,అయాన్ జంటల మార్పు లను ఈ పదార్ధాల స్పెక్ట్రా ఆధారం గా కనిపెట్ట  గలిగారు .

   సశేషం

   మీ-గబ్బిట దుర్గా ప్రసాద్ -16-12-17 –ఉయ్యూరు

—

మనవాడైన అసమాన విశ్వ విఖ్యాత మహా శాస్త్ర సాంకేతిక వేత్త – తెలుగువిద్యా  తేజం కీ.శే .శ్రీ పుచ్చా వెంకటేశ్వర్లు-8

            పరిశోధనలలో వెంకటేశ్వర్లు గారి కృషి ,పాత్ర -3

           అయస్కాంత అనునాదం (మాగ్నెటిక్ రేజో నెన్స్)లో అద్వితీయ కృషి

1-       ఎలక్ట్రానిక్ పారమాగ్నేటిక్ రిజోనెన్స్

1960 ప్రధమార్ధం లో ఘనీకృత పదార్ధాలపై న్యూక్లియర్ మరియు స్పెక్ట్రో స్కోపిక్ టెక్నిక్ ల అను వర్తనం  (అప్లికేషన్ ) విషయం లో  పరిశోధన కొంత అభి వృద్ధి సాధించింది .ఘన పదార్ధాలలో స్థానిక ఆకృతి ,బాండింగ్ ప్రోబ్ అయాన్ ఖచ్చితమైన సమాచారం ఎలక్ట్రానిక్ లెవెల్స్ పై  హైపర్ ఫైన్ ఇంటరాక్షన్స్ , ఎలక్ట్రిక్ ఫీల్డ్ గ్రేడి ఎంట్స్ ప్రభావం కోసం ఈ టెక్నిక్ లనుచక్కగా ఉపయోగించారు .ఈ పరిశోధనా ఫలితాలు 3d,4f అయాన్ ల అయానిక్ స్పెక్ట్రాలపై నూతన సమాచారం అందించింది. అంతేకాదు ఘనీ కృతాలలో లాపోర్డ్ నిషేధాలను అధిగమించటానికి అవకాశాలు మెరుగైనాయి .1962 లోనే వెంకటేశ్వర్లుగారు అత్యంత వేగంగా దీని ప్రాముఖ్యాన్ని గుర్తించారు .ఆలస్యం చేయకుండా,ఘన  3d,4f అయాన్ ల క్రిస్టల్ స్పెక్ట్రా ,పారా మాగ్నెటిక్ రేజో నెన్స్(EPR)లను క్రయోజెనిక్  ఉష్ణోగ్రత ల వద్ద అధ్యాయనానికి నిర్దుష్ట ప్రణాళికలను  సిద్ధం చేసుకున్నారు .అంతటి వేగ వంతమైనది ఆయన ఆలోచనా సరణి .

           అన్వేషణ రంగాలు

వెంకటేశ్వర్లు గారి బృందం అనేక   పారా మాగ్నెటిక్ ఘన పదార్ధాల సింగిల్ క్రిస్టల్స్ నిర్మాణం ,బాండింగ్ లపై ఎన్నో ఆసక్తికర విషయాలను ఆవిష్కరించింది .ముఖ్యంగా పూర్తిగా అయానిక్ క్రిస్టల్స్ అయిన సోడియం క్లోరైడ్ ,పొటాషియం క్లోరైడ్ ,హైడ్రోజెన్ బాండ్ ఉన్నKDPవంటి ఫెర్రో ఎలక్ట్రిక్స్,హైడ్రోజెన్ బాండింగ్ ఉన్నవి ,లేనివీ అయిన  అనేక  సల్ఫేట్స్,సాలినేట్స్.మాలిక్యులర్ ఘనాలైన ఆలమ్స్ ,అమ్మోనియం సల్ఫేట్స్,,హాలైడ్స్ ,అనేక పరి వర్తక లోహాలు ,అల్కలిన్ ఎర్త్ పెర్క్లో రేట్స్ పై నూతన విషయాలను కనిపెట్టారు .పారామాగ్నేటిక్ సంక్లిస్టాల నిర్మాణం పై కొత్త సమాచారం  రాబట్టటమే కాకుండా ,ఈ బృందం మొట్టమొదటి సారిగా EPR టెక్నిక్ ను ఘనాల సంక్లిష్ట ధర్మాలను అర్ధం చేసుకోవటానికి,పారామాగ్నేటిక్ అయాన్స్ లను గుర్తించటానికి  ప్రయోగించారు . హైడ్రోజెన్ బాండ్ ఉన్న KDP లో నిర్మాణ దశా  పరివర్తనం,అమోనియం హాలైడ్స్ లోలామ్డా పరివర్తనకు దగ్గరలో ఉన్న మాలిక్యులర్ డైనమిక్స్ లపై అద్భుత అన్వేషణ చేశారు . ఆల్కలైన్ నైట్రేట్స్, ట్రాన్సిషన్ లోహాలు ,ఆల్కలైన్ యెర్త్ లోహాల ఆల్కలైన్ నైట్రేట్స్,పెర్ క్లోరేట్స్ పై  పరిశోధన చేసి ,విలువైన సమాచారం అందించారు .

   సశేషం

   మీ-గబ్బిట దుర్గా ప్రసాద్- 13-12-17- ఉయ్యూరు

       తిట్లు కన్నీటి బొట్లు ఓట్లు 

మనవాడైన అసమాన విశ్వ విఖ్యాత మహా శాస్త్ర సాంకేతిక వేత్త – తెలుగువిద్యా  తేజం కీ.శే .శ్రీ పుచ్చా వెంకటేశ్వర్లు-7

            పరిశోధనలలో వెంకటేశ్వర్లు గారి కృషి ,పాత్ర -2

2-మైక్రో వేవ్ స్పెక్ట్రో స్కోపి లో

డ్యూక్ యూని వర్సిటీలో ఉండగా వెంకటేశ్వర్లుగారు మైక్రో వేవ్ స్పెక్ట్రో స్కోపి పరిశోధన ప్రారంభించారు .1953-54 కాలం లో రెండేళ్ళు ఆ పనిలోనే ఉన్నారు .ఆ సమయం లో వాయువుల మైక్రో వేవ్ స్పెక్ట్రో స్కోపి  ప్రారంభ దశ లోనే ఉన్నది ఆ యూని వర్సిటి లో గార్డీ,ఆయన అనుచరులు మార్గ గాములుగా ఉన్నారు .వెంకటేశ్వర్లుగారు సహచరులు మిధైల్ ఆల్కహాల్ మైక్రో వేవ్ స్పెక్ట్రం ను అధ్యయనం చేశారు .మిధైల్ ఆల్కహాల్ కొద్దిగా అసౌస్టవ మాలిక్యూల్ గుప్తంగా అంతరిక భ్రమణాలు (హిండర్డ్ ఇంటర్నల్ రొటే షన్స్) కలిగి ఉంటుంది .అందులోని ప్రాధమిక కంపనాలు ( ఫండ మెంటల్ వైబ్రేషన్స్  హైడ్రాక్సిల్ గ్రూప్ )పురి(టార్సనల్ )తో మిధైల్ గ్రూప్ కు అనుబంధంగా ఉంటాయి .ఈ కదలిక నే హిండర్డ్ అంటే గుప్త భ్రమణాలు అంటారు .ఇవి మాలిక్యూల్ స్పెక్ట్రం యొక్క భ్రమణాలను క్లిష్ట తరం చేస్తాయి .వీటిపై ప్రాధమిక పరిశోధన ,విచారణలను డేన్నిసన్ ,అతని అనుచరులు చేశారు .1953 లో దీనిపై పరిశోధనా పత్రం రాసి ప్రచురించగానే వెంకటేశ్వర్లుగారు ఆయన సహచరులు మిధైల్ ఆల్కహాల్ మైక్రో వేవ్ స్పెక్ట్రం ను పరిశోధించారు .దీనిపై మొదట గా  ఈ మాలిక్యూల్ యొక్క రోటేషనల్ స్పెక్ట్రం మొదటి  ప్రాధమిక  అధ్యయన విషయాలను రెండు పేపర్లుగా ప్రచురించారు .ఈ మాలిక్యూల్ యొక్క మైక్రోవేవ్ ,మిల్లి మీటర్ వేవ్ స్పెక్ట్రం లను మైక్రో వేవ్ ఆస్ట్రనాట్స్ దట్టమైన మాలిక్యులర్ క్లౌడ్స్ లో మైక్రో వేవ్ ఉద్గారం (ఎమిషన్ ) వలన గుర్తుపట్ట గలరు .అప్పటి నుంచి ఓరియన్ మాలిక్యులర్ క్లౌడ్స్ లో అనేక చోట్ల అత్యధికంగా ఉన్నట్లు గుర్తించారు .మైక్రో వేవ్ ఆస్ట్ర నామర్స్ కు ఈ మాలిక్యూల్ ను గుర్తించటానికి ఈ ఊహలు పరిశోధనాలయం లో గమనించిన విషయాలు బాగా తోడ్పడ్డాయి .అంతరిక్ష భౌతిక శాస్త్రం లో అత్యధిక ప్రాముఖ్యం కల ఈ మాలిక్యూల్ యొక్క మైక్రో వేవ్ స్పెక్ట్రం ను అధ్యయనం చేసిన మొట్ట మొదటి శాస్త్ర వేత్తలుగా శ్రీ వెంకటేశ్వర్లు గారి బృందం  చరిత్ర ప్రసిద్ధులయ్యారు .

  డ్యూక్ యూని వర్సిటి లో మిజు షీమా,  వెంకటేశ్వర్లు గారు కలిసి గ్రూప్Vd,Td మాలిక్యూల్స్ లో మైక్రో వేవ్ శోషణ (అబ్సార్ప్షన్)పై అన్వేషణ చేశారు .వీటికి శాశ్వత డైపోల్ గమనం ఆధార స్థితి లో లేదని ,కనుక ఆ స్థితిలో మైక్రోవేవ్ శోషణ లేదని కనిపెట్టారు .ఈ శాస్త్ర ద్వయం ఈ మాలిక్యూల్స్ యొక్క ఉత్తేజిత  క్షీణ కంపన స్థితిలో పూర్తిగా రోటేషనల్ అబ్సార్ప్షన్ కనపరుస్తాయని చెప్పారు ..ఇలాగే మిదేన్ మాలిక్యూల్ విషయం లో ఒజీర్ ,అయన అనుచరులు1973 లో  పరిశోధించి చెప్పారు . ఇవన్నీ వెంకటేశ్వర్లుగారి అంతర్ దృష్టి (ఇంట్యూషన్ ),శాస్త్రీయ అవగాహనలకు ప్రతిబింబాలు .

  1954 లో ఇండియా కు  తిరిగి వచ్చిన .వెంకటేశ్వర్లు గారు వెంటనే  ఆలీగర్ ముస్లిం యూని వర్సిటి ఫాకల్టీ లో  చేరారు .చేరిన ఏడాదికే యూని వర్సిటి గ్రాంట్స్ కమీషన్ మైక్రో వేవ్  స్పెక్ట్రో  స్కోపి లాబరేటరి నిర్మించటానికి గ్రాంట్ మంజూరు చేసింది .అప్పటికి భారత దేశం సాంకేతిక ,పారిశ్రామిక అభి వృద్ధిలో కాలు మోపి నెమ్మదిగా అడుగులు కదుల్చుతోంది .మైక్రో వేవ్ స్పెక్ట్రా మీటర్ నిర్మాణానికి కావలసిన విడిభాగాలన్నీ ఇతర దేశాలనుంచి దిగుమతి చేసుకోవాలి .ఆప్టికల్ ,ఇన్ఫ్రా రెడ్ పరికరాలు  లాగా మైక్రో వేవ్ స్పెక్ట్రా  మీటర్లు మనకు కావలసినన్ని  దొరకవు .విడిభాగాలు తెప్పించి సమకూర్చుకుని లాబరేటరి లో నిర్మించు కోవాల్సిందే  .వీరు ఎక్కువ భాగం డ్యూక్ యూని వర్సిటీ నుంచి తెప్పించుకున్నారు .వేవ్ గైడ్ కంపో నెంట్స్ వంటికి ఇండియాలోనే సమకూర్చుకున్నారు .ఒక్క ఏడాదిలోనే భారత దేశం లో మొట్టమొదటి మైక్రో వేవ్ స్పెక్ట్రో స్కోపి లాబ రేటరి సిద్ధం చేసే శారు .ఇండియాలో ఇది అపూర్వ కార్య సిద్ధి ,సాఫల్య విజయం గా చరిత్ర పుటల్లో నిలిచింది .వెంకటేశ్వర్లు గారి ముందు చూపు ,దీక్ష ,తపన ,పట్టుదలతోనే ఈ అపూర్వ సృష్టి జరిగింది .ఆలీగర్ ముస్లిం యూని వర్సిటి లో వెంకటేశ్వర్లు బృందం మిధైల్ ఆల్కహాల్ ,మిధైల్ ఎమైన్ వంటి ముఖ్య మైన మాలిక్యూల్స్ ల మైక్రో వేవ్ స్పెక్ట్రా లను   అన్వేషింఛి ,విజయ వంతంగా ఆవిష్కరించారు .ఇది’’ వన్ మోర్ ఫెదర్ ఇన్ హిజ్  కాప్’’  .

  సశేషం

  మీ-గబ్బిట దుర్గా ప్రసాద్ -8-12-17 –ఉయ్యూరు

—

మనవాడైన అసమాన విశ్వ విఖ్యాత మహా శాస్త్ర సాంకేతిక వేత్త – తెలుగువిద్యా  తేజం కీ.శే .శ్రీ పుచ్చా వెంకటేశ్వర్లు-5

అలబామా అగ్రికల్చరల్ అండ్ మెకానికల్ యూని వర్సిటీ లో అందించిన సేవలు -2

1992లో ప్రొఫెసర్ పుచ్చా వెంకటేశ్వర్లు అలబామా అగ్రికల్చరల్ అండ్ మెకానికల్ యూని వర్సిటీ లో ఫిజిక్స్ ప్రొఫెసర్ గా చేరారు .దురదృష్ట వశాత్తు 76 ఏళ్ళ వయసులో 1997 ఆగస్ట్ 8 న చేరిన అయదేళ్ళకే అకస్మాత్తుగా జబ్బు చేసి చనిపోయారు .ఎప్పటిలాగానే అంకిత భావం తో తుది శ్వాస వరకు  కృషి చేస్తూ సేవలందించారు .ఆ రోజు కూడా సాయంత్రం 6 గంటలవరకు పని చేసి ,ఇంటికి వెళ్లి  ఆ రాత్రే చనిపోయారు .

  ప్రయోగాత్మక ఆప్టిక్స్ /లేజర్ పరిశోధనలు చేస్తూ దీనికోసం యు ఎస్ .ఆర్మీ మిసైల్ కమాండ్ సంస్థ నుంచి మొదటి సారిగా రిసెర్చ్ గ్రాంట్ పొందారు .ఇదే ఈసంస్థలో ఆప్టిక్స్ /లేజర్ పరిశోధనకు నాంది అయింది .ఇది కాక నాన్ లీనియర్ ఆప్టిక్స్ ,ఆప్టికల్ మెటీరియల్స్ రిసెర్చ్ కోసం   మరొక 10 మిలియన్ డాలర్ల గ్రాంట్ ను పదేళ్లకు గాను నేషనల్ సైన్స్ ఫౌండేషన్ నుంచి అందుకున్నారు .ఇలా 12 రిసెర్చ్ గ్రాంట్ లను NSF,DOE,NASA AIR FORCE ARMY RESEARCH OFFICE వంటి  , అనేక ఫెడరల్ ఏజేన్సీలనుండి సాధించిన ఘనత  ఆయనది .చారిత్రాత్మక బ్లాక్ కాలేజీలు యూని వర్సిటీలలో AAMU అగ్రశ్రేణి ప్రగతి పధ గామి విద్యా సంస్థగా పేరెన్నిక గన్నది .అమెరికాలో ఆప్టిక్స్ /లేజర్ కోర్సు లో పి .హెచ్. డి.. చేసే అవకాశమున్న అతి కొద్ది సంస్థలలో ఒకటిగా నిలిచింది .ఫిజిక్స్ డిపార్ట్ మెంట్ లో ఇప్పుడున్న ఫాకల్టి సభ్యులు ఆయన రిసెర్చ్ గ్రాంట్ లవలన పోస్ట్ డాక్టోరల్ అసోసియేట్స్ లనుండి నియామకం పొందినవారే .

  అలబామా సంస్థ మొదటి పిహెచ్ డి విద్యార్ధి హోసేన్ అబ్దిల్ డయెం వెంకటేశ్వర్లుగారి పర్య వేక్షణలో 1991 లో డాక్టరేట్ డిగ్రీ పొందాడు .ఇప్పుడు అతను నాసా /మేరీ లాండ్ లోని గొడ్దార్డ్ స్పేస్ ఫ్లైట్ సెంటర్ లో పని చేస్తున్నాడు .తరువాత సంవత్సరాలలో చాలామంది పిహెచ్ డి ,,ఎం .ఎస్ .విద్యార్ధులకు మార్గ దర్శనం చేశారు .1991 -97 కాలం లో 10 మందికి రిసెర్చ్ గైడ్ గా ఉన్నారు .ఆయన నిరంతర కృషి ఫలితంగా  ఆ నాటికి 47 మంది డాక్టరేట్ లు అయ్యారు .ఇది ఆసంస్థ ఫిజిక్స్ డిపార్ట్ మెంట్ కు అత్యంత గర్వకారణమైంది .వెంకటేశ్వర్లుగారి అమెరికా అసోసియేట్ లందరూ కలిసి  ఆయన సాధించిన విజయాలపై ఒక  సింపోజియం 1997అక్టోబర్ లో నిర్వహించి ఘన సన్మానం    చేయాలని సంకల్పించారు . కాని ఆగస్ట్ లోనే ఆయన మృతి చెందటం వలన ఆ సమావేశం స్మ్రుతి నివాళిగా నిర్వహించాల్సి వచ్చింది .

  వెంకటేశ్వర్ల గారి సేవానిరతి కి గుర్తుగా ఈ అలబామా సంస్థ ప్రెసిడెంట్ జాన్ గిబ్సన్ నాయకత్వం లో వార్షిక స్మారక  ప్రసంగాలను నిర్వ హించటానికి గ్రాంట్ మంజూరు చేసింది .మొదటి మెమోరియల్ లెక్చర్ అక్టోబర్ 1998 లో రైస్ యూని వర్సిటి కిచెండిన నోబెల్ బహుమతి గ్రహీత రాబర్ట్ కర్ల్ చేశాడు .మరుసటి ఏడాది  నేషనల్ ఇన్ స్టి ట్యూట్ స్టాండర్డ్స్ అండ్ టెక్నాలజీ కి చెందిన  మరొక నోబెల్ లారియేట్ విలియం ఫిలిప్స్ , 2000లో కొలంబియాకు చెందిన నోబెల్ గ్రహీత హార్స్ట్ స్టార్మర్,20 01 లో నోబెల్ లారియేట్ నికొలాస్ బ్లోమేర్జెన్ ,2002 లో నోబెల్ గ్రహీత డగ్లాస్ ఒషేరాఫ్ ,2003లో నోబెల్ గ్రహీత ఎరిక్ కార్నెల్ ,2004 లో నోబెల్ లారియేట్ అలాన్ ఈగర్ లు స్మారక ప్రసంగాలు చేసి వెంకటేశ్వర్లుగారికి ఘనం గా నీరాజనాలు అందజేశారు .ప్రతి సంవత్సరం వెంకటేశ్వర్లుగారి స్మారక ప్రసంగాలను  నోబెల్ బహుమతి పొందిన వారితోనే చేయించాలని నిర్ణయింఛి చేస్తున్నారు  .అలబామా మరియు A and M యూని వర్సిటీల సభ్యులు శ్రీ పుచ్చా వెంకటేశ్వర్లు గారిని ‘’ఫాదర్ ఆఫ్ ఎక్స్పరిమెంటల్  ఆప్టిక్స్ రిసెర్చ్ యట్ అలబామా అగ్రికల్చరల్ అండ్ మెకానికల్ యూని వర్సిటి’’గా మనసులలో భద్రం గా పదిల పరచుకున్నారు . .ఇలా శ్రీ పుచ్చావెంకటేశ్వర్లు  గారు ‘’అలబామా ప్రయోగాత్మక  కాంతి శాస్త్ర పరిశోధన పిత ‘’ అయ్యారు .

   సశేషం

   మీ –గబ్బిట దుర్గా ప్రసాద్ -5-12-17 –ఉయ్యూరు

భారత తొలి మహిళా మంత్రి –రాజకుమారి అమృత కౌర్ – గబ్బిట దుర్గాప్రసాద్

 17/11/2017 గబ్బిట దుర్గాప్రసాద్

వ్యాసాలు75, అమృత కౌర్, గబ్బిట దుర్గాప్రసాద్, విహంగ, వ్యాసంPer

—

 మనవాడైన అసమాన విశ్వ విఖ్యాత మహా శాస్త్ర సాంకేతిక  వేత్త – తెలుగువిద్యా  తేజం కీ.శే .శ్రీ పుచ్చా వెంకటేశ్వర్లు-2

                                 బోధన పరిశోధన

శాస్త్రీయ రంగం లో శ్రీ వెంకటేశ్వర్లు గారి అమూల్య సేవ1954 -1997 కాలం లో  మూడు గొప్ప విద్యాకేంద్రాలు1- ఆలిఘర్ ముస్లిం యూని వర్సిటి 2-,కాన్పూర్ ఇండియన్ ఇన్ స్టిట్యూట్ ఆఫ్ టెక్నాలజీ , 3-అమెరికాలో  హ౦ట్స్ విల్ లోఉన్న అలబామా  అగ్రికల్చర్ అండ్ మెకానికల్ యూని వర్సిటీ ల ఏర్పాటు తో   విస్త్రుతమై ,విశ్వవ్యాప్తమై ,చిరస్మరణీయమైంది .ఈ మూడిటిలో 50 మందికి పైగా  పి .హెచ్ .డి.లకు అత్యున్నత శిక్షణ నిచ్చారు .జీవితమంతా ఏదో ఒక వినూత్న ప్రయోగ ,పరిశోధన లతో గడిపిన ఆలోచనాపర మైన మేధస్సు ఆయనది .ఇదివరకు చేసిన ఆప్టికల్ ,ఇన్ఫ్రా రెడ్ ,మైక్రో వేవ్  స్పెక్ట్రో స్కోపి పై పరిశోధనలతో పాటు పూర్తిగా  నూతన రంగాలైన  న్యూక్లియర్ మాగ్నెటిక్ రెసొనెన్స్ ,సాలిడ్ స్టేట్  స్పెక్ట్రో స్కోపి ,లేజర్స్ ,లేజర్ ఇంఫ్యూజ్డ్ ఫ్లోరొసెన్స్ స్పెక్ట్రో స్కోపి ,అన్ కన్వర్షన్ స్టడీస్ ,ఇంటర్ ఫెరోమెట్రి ,ఆప్టికల్ ఫేజ్ కా౦జుగేషన్,హోలోగ్రాఫిక్ గ్రేటింగ్స్,నాన్ లీనియర్ అండ్ ఫైబర్ ఆప్టిక్స్ ,మైక్రో స్పెరికల్ లేజర్స్ ,పౌడర్ లేజర్స్ మరియు ప్లానార్ వేవ్ గైడ్స్ లోను విస్తృత పరిశోధనలు జరిపిన నిత్యాన్వేషి శ్రీ వెంకటేశ్వర్లు .అన్ని సైంటిఫిక్ జర్నల్స్ లో ఆయన రాసిన 200 కు పైగా వ్యాసాలు  ప్రచురితమై ,ఆయన కీర్తి ఖండాంతర వ్యాప్తి చెందింది .పైన పేర్కొనబడిన మూడు విద్యాకేంద్రాలలో ఆయన మార్గదర్శక మహత్తర సేవ ,తోడ్పాటు లను సంక్షిప్తంగా తెలుసుకొందాం .ఆయన ప్రతిభకు గుర్తుగా ఇండియన్ అకాడెమీ ఆఫ్ సైన్సెస్ ,ఇండియన్ నేషనల్ సైన్స్ అకాడెమీలకు   ఫెలో గా ఎన్నుకోబడ్డారు .రామన్  సెంటినరి అవార్డ్ అందుకున్నారు.అమెరికన్ ఫిజికల్ సొసైటీ ,ఆప్టికల్ సొసైటీ ఆఫ్ అమెరికా లలో ఆయన కు సభ్యత్వ మిచ్చి గౌరవించారు .

1-      ఆలిఘర్ ముస్లిం యూని వర్సిటీ లో సేవ

విద్యారంగం లోమొట్ట మొదటి సారిగా  శ్రీ వెంకటేశ్వర్లు గారు  ఆలిఘర్ ముస్లిం యూని వర్సిటీ రీడర్ గా 1954 లో నియామకం పొందారు .ఒకప్పుడు ఇది ప్రొఫెసర్స్ ఆర్.శామ్యూల్ ,ఆర్. కె.అసుంది ఆధ్వర్యం లో స్పెక్ట్రో స్కోపిక్ రిసెర్చ్ కు ముఖ్య కేంద్రంగా విలసిల్లింది.రెండవ ప్రపంచ యుద్ధకాలం లో శామ్యూల్ జర్మనీకి ,అసుంది బెనారస్ కు వెళ్లి పోవటం తో లాబరేటరి దాదాపు మూత పడి,20 ఏళ్ళు పరికరాలన్నీ తాళాలు పడి నిరుపయోగ౦గా ఉండి పోయాయి .వెంకటేశ్వర్లు గారు ఇక్కడ చేరిన మరుక్షణం నుంచి కార్య రంగం లోకి దూకి ఎలక్ట్రానిక్ స్పెక్ట్రా ఆఫ్ డైయటామిక్ మాలిక్యూల్స్  పరిశోధన క్షేత్రం లో మహత్తర చైతన్యం తెచ్చారు .ప్రొఫెసర్లు శామ్యూల్ ,అసుంది లు 1930 కాలం లో ఉపయోగించిన లో రిజల్యూషన్ స్పెక్ట్రో గ్రాఫ్ లనే వాడుతూ ,విద్యార్ధులకు ఎలక్ట్రానిక్ స్పెక్ట్రా ఆఫ్ హాలోజెన్స్ పై మార్గ దర్శనం చేశారు .వెంకటేశ్వర్లుగారి బెనారస్  డిగ్రీ చదువు నుండి అత్యంత  అభిమానమైన విషయం ఎలక్ట్రానిక్ స్పెక్ట్రా ఆఫ్ హాలోజెన్స్అని మనకు తెలుసు . దీనినే ఆయన కొనసాగించి జీవితం తుది ఘట్టం వరకు వదిలి పెట్టకపోవటం విశేషం .స్పెక్ట్రో స్కోపి లోపరిశోధనకోసం  పరికరాన్ని కొనటానికి కావలసిన భారీ మొత్తం లో చాలాభాగం వెంకటేశ్వర్లు గారికి మొదటి సారిగా కౌన్సిల్ ఆఫ్ సైంటిఫిక్ అండ్ ఇండస్ట్రియల్ సంస్థ కానుకగా అందజేసింది. తాను ఇదివరకెన్నడూ పరిశోధించని కొత్త విభాగం లో ఆయన కొన్న మొట్టమొదటి పరికరం యెన్.ఎం. ఆర్. స్పెక్ట్రో మీటర్ .ఇండియాలో నే మొట్టమొదటి మైక్రో వేవ్ స్పెక్ట్రో మీటర్ ను  విడి భాగాలన్నీ కూర్చి తయారు చేసి,ముగ్గురు పిహెచ్ డి విద్యార్ధులకు శిక్షణ నిచ్చారు పుచ్చావారు .ఇదేకాక వాక్యూం అల్ట్రా వయొలెట్ స్పెక్ట్రోస్కోపిని కూడా మొదటిసారిగా ప్రారంభించిన ఘనత   శ్రీ వెంకటేశ్వర్లు గారిదే అని తెలిస్తే అవాక్కై పోతాం .ఆలిఘర్ యూని వర్సిటి లో 9 మంది విద్యార్దులకు ఇందులో శిక్షణ నివ్వగా ,అందులో ఏడుగురు ఇండియా ,అమెరికా ,కెనడా లలో ప్రొఫెసర్ లుగా రాణిస్తున్నారు .

    సశేషం

   మీ-గబ్బిట దుర్గా ప్రసాద్ -2-12-17 –ఉయ్యూరు         

మనవాడైన అసమాన విశ్వ విఖ్యాత మహా శాస్త్ర సాంకేతిక వేత్త – తెలుగు తేజం కీ.శే .శ్రీ పుచ్చా వెంకటేశ్వర్లు -1

                    కుటుంబ నేపధ్యం

శ్రీ పుచ్చా వెంకటేశ్వర్లు 25-10-1921న ఆంధ్రప్రదేశ్ లోని గుంటూరు జిల్లా దంతలూరు గ్రామం లో జన్మించారు .తలిదండ్రులు శ్రీ పుచ్చా చంద్ర మౌళి శాస్త్రి ,శ్రీమతి బాలా త్రిపుర సుందరి .అయిదుగురు సంతానం లో కడగొట్టు ఏకైక మగ పిల్లాడు .ఆయన వంశ పూర్వీకులందరూ వేద శాస్త్ర పారంగతులైన విద్యా వేత్తలైనందుకు శ్రీ వెంకటేశ్వర్లు గారు గర్వపడే వారు  .పదేళ్ళ బాల్యం లోనే తల్లిని పోగొట్టుకున్నఅభాగ్యుడు . బి ఎస్ సి డిగ్రీ వరకు గుంటూరు లోనే చదివి,తరువాత బెనారస్ హిందూ విశ్వ  విద్యాలయం లో చేరి 1944లో ఎం. ఎస్. సి.డిగ్రీ   ,1947  లో డి .ఎస్. సి .సాధింఛి ప్రొఫెసర్ అయ్యారు . . శ్రీమతి ఈమని సరస్వతి గారిని వివాహమాడి ఒక కుమార్తెకు  నలుగురు కుమారులకు  జన్మ నిచ్చారు .ఇద్దరు కుమారులు అమెరికాలో ప్రొఫెసర్లు.మిగిలిన ముగ్గురు అక్కడే కన్సల్టింగ్ ఫర్మ్ లకు అధినేతలు .  

           విద్య శాస్త్ర  సేవలు

ప్రొఫెసర్ వెంకటేశ్వర్లు బెనారస్ హిందూ యూని వర్సిటి లో స్వర్గీయ ఆర్. కె. అసుంది తో కలిసి రిసెర్చ్ చేసి 1947లో డి.ఎస్. సి .డిగ్రీ పొంది , రిఫెర్రేడ్ పేపర్లను డిగ్రీ లో నేచర్ పై రాసినది  ,హాలోజెన్స్ ల ఎలక్ట్రానిక్ స్పెక్ట్రాపై రాసినది కాక  ,మరొక 9 తను ప్రత్యేకంగా వ్రాసిన వాటిని కలిపి మొత్తం 11 రిఫెర్రేడ్ పేపర్లు రాసి ప్రచురించారు .వీటిలో దాదాపు సగం ఆయన వ్యక్తిగతమైనవి గానే ఉన్నట్లు ,తరువాత జీవితం లో యూరప్ ,అమెరికా ,కెనడా లలో ప్రముఖ లాబరేటరీలలో పోస్ట్ –గ్రాడ్యుయేట్ అసోసియేట్ గా ఉన్నప్పుడు కూడా   ఇలాగే కొనసాగించారు  .యవ్వనం నుంచే ధైర్య సాహసాలతో తాను వినూత్న ,విశిష్ట ,సాహసోపేత కార్యాలను చేయగలననే ఆత్మస్థైర్యం ఉన్నవారు .దీనికి గొప్ప ఉదాహరణే ఆయన బెనారస్ లో డిగ్రీ పొందిన వెంటనే  నీల్స్ బోర్ లాబరేటరి న్యూక్లియర్ ఫిజిక్స్ లో పనిచేయటానికి తీసుకొన్న సాహసోపేత నిర్ణయం .ఇక్కడ’’ లో రిజల్యూషన్ ప్రిజం  స్పెక్ట్రోగ్రాఫ్’’ లను మాత్రమే ఉపయోగించి మాలిక్యులర్ స్పెక్ట్రో స్కోపి పరిశోధన చేశారు .నిజంగా ఈ రెండిటికి సంబంధమేలేదు ,పోలికాలేదు ,ప్రయోగ సా౦కేతికతలో ,సైద్ధాంతిక పరంగా కూడాఇవి పూర్తిగా భిన్న స్వభావం కలవి కూడా .తర్వాత తన బుద్ధి సూక్ష్మతను ఉపయోగించి మైక్రో వేవ్ స్పెక్ట్రో స్కోపి  పోస్ట్ గ్రాడ్యుయేషన్  కు సర్వ సర్ధమైన అత్యంత నాణ్యమైన కెనడాలోని  యెన్ .ఆర్ .సి .లో ఉన్న గెర్హార్డ్ హెర్జ్ బెర్గ్,చికాగో యూని వర్సిటి లోని రాబర్ట్ మల్లికేన్ ,డ్యూక్ యూని వర్సిటి లోని వాల్టర్ గార్డి  కేంద్రాలను,ఇన్ఫ్రా రెడ్  స్పెక్ట్రో స్కోపి కి ఎం. ఐ. టి.లోని రిచార్డ్ లార్డ్ విద్యా కేంద్రాలను ఎంపిక చేసుకున్నారు . నోబెల్ బహుమతి గ్రహీతలైన ముగ్గురి పేరిట ఉన్న ఈ విద్యాలయాలలో విద్య కొనసాగించటం వలన వెంకటేశ్వర్లు గారికి ,వారిలోని పట్టుదల ,కృషి ,ముందుచూపు ,నిరంతర శ్రమ ప్రేరణగా నిలిచి జీవితాంతం ముందుకు నడిపించాయి .

   సశేషం

  మీ –గబ్బిట దుర్గా ప్రసాద్ -2-12-17 –ఉయ్యూరు  

 పుచ్చావారి ఫోటో జత చేశాను చూడ0డి  dr.puccha venkateshvarlu (1)

“29-11-17బుధవారం ఉదయం ఉయ్యూరు శ్రీ సువర్చలాంజ నేయ దేవాలయం లో శ్రీ హనుంద్వ్రతం సందర్భంగా మొదటి రోజు చేమంతి పూజ -2

“29-11-17బుధవారం ఉదయం ఉయ్యూరు శ్రీ సువర్చలాంజ నేయ దేవాలయం లో శ్రీ హనుంద్వ్రతం సందర్భంగా మొదటి రోజు చేమంతి పూజ ”

మా ఇంట్లో 23-11-17 గురువారం శ్రీ విష్ణుభొట్ల అవధాని గారి దంపతులు ,24-11-17 శుక్రవారం ఆత్మీయులు శ్రీ తుమ్మోజు రామ లక్ష్మణాచార్యులు గారు

అక్షరం లోక రక్షకం

సరస భారతి సాహిత్య సాంస్కృతిక సంస్థ –ఉయ్యూరు

సరసభారతి ఆధ్వర్యం లో  రేపల్లె వాస్తవ్యులు  డా .శ్రీ యల్లాప్రగడ రామ మోహనరావు ,శ్రీ పరుచూరి శ్రీనాథ్ గార్ల సౌజన్య సహకారాలతో సంయుక్తంగా గుంటూరు జిల్లా రేపల్లె లో నిర్వహిస్తున్న

సరసభారతి ప్రచురించిన రెండు గ్రంథాల ఆవిష్కరణ సభ
సాహితీ బంధువులకు శుభకామనలు – సరసభారతి అధ్యక్షులు శ్రీ గబ్బిట దుర్గాప్రసాద్ రచించి ,సరసభారతి ముద్రిస్తున్న రెండు అమూల్య గ్రంథాల ఆవిష్కరణ సభ గుంటూరు జిల్లా రేపల్లె(పరుచూరి ,ఎల్లా ప్రగఢ వారి స్వగ్రామం )  లో 24-12-17 ఆదివారం మధ్యాహ్నం 3 గంటలకు జరుగుతుంది . దీనితోపాటు

గుంటూరు ,కృష్ణా జిల్లాల లో ప్రసిద్ధ  కవులచే

‘’సాహితీ బంధం ‘’అంశం పై  కవి సమ్మేళనం కూడా నిర్వహింపబడుతుంది .

పాల్గొన నున్న ప్రముఖ అతిథులు

శ్రీ సోమేపల్లి వెంకట సుబ్బయ్యగారు (స్పెషల్ డిప్యూటీ కలెక్టర్- పులిచింతల మరియు ఆంధ్ర ప్రదేశ్ రచయితల సంఘం అధ్యక్షులు)   డా .శ్రీ వెంపటి కుటుంబ శాస్త్రి (ప్రెసిడెంట్ ఇంటర్నేషనల్ అసోసియేషన్ ఆఫ్ సాంస్క్రిట్ స్టడీస్ ,పారిస్ ),శ్రీమాన్ వేదాల వెంకట సీతారామాచార్యులు (రిటైర్డ్ ప్రిన్సిపాల్ సంస్కృత కళాశాల ,పొన్నూరు ) ,అవధాన సరస్వతి డా. పాలపర్తి శ్యామలానంద ప్రసాద్ ,డా సవరం వెంకటేశ్వరరావు(చరిత్ర శాఖాధిపతి హిందూ కాలేజి ,మచిలీపట్నం ) ,డా. శ్రీతూములూరు శ్రీ దక్షిణా మూర్తి శాస్త్రి (రిటైర్డ్ ప్రిన్సిపాల్ సంస్కృత కళాశాల ,పొన్నూరు )డా శ్రీ నిష్ఠల సుబ్రహ్మణ్య శాస్త్రి(రిటైర్డ్ సంస్కృత అధ్యాపకులు ,శ్రీ పరశు రామాయణాది గీర్వాణగ్రంథకర్త )  డా.శ్రీ రామడుగు వేంకటేశ్వర శర్మ ,(ప్రముఖ కవి) డా శ్రీ గబ్బిట ఆంజనేయ శాస్త్రి(న్యాయ శాఖాధ్యక్షులు బెనారస్ హిందూ  విశ్వ విద్యాలయం  –వారణాసి ) , డా శ్రీ గబ్బిట జయమాణిక్య శాస్త్రి(న్యాయ శాఖాధ్యక్షులు  శ్రీ జగన్నాధ సంస్కృత విశ్వ విద్యాలయం –పూరీ ) – డా శ్రీ గబ్బిట శ్రీనివాస శాస్త్రి ( ప్రాచ్య సాఖ్యాన వివరణ కర్త –వారణాసి ) — డా రేమెళ్ళఅవధానులు(వేద గణిత నిధి,శ్రీ వేద భారతి నిర్వాహకులు ) )   శ్రీపరాశరం భావనారాయణా చార్యులు(వనౌషధి నిఘంటు కర్త )  –డా శ్రీమతి అయ్యగారి ప్రభావతీదేవి(విశ్వనాథ ‘’వేయి పడగలు’’ నవల కు సంస్కృతానువాదకర్త )  -డా శ్రీ ఇనగంటి ఉమారావు(తత్వ చింతామణి సిద్దా౦జన కర్త ) – శ్రీ చలపాక ప్రకాష్ (రమ్యభారతి సంపాదకులు ,ఆంధ్రప్రదేశ్ రచయితల సంఘ ప్రధాన కార్య దర్శి )  మొదలగు విశిష్ట అతిథులతో పాటు-

రేపల్లె పుర ప్రముఖులు ఆత్మీయ అతిథులుగా  పాల్గొనే ఈ కార్యక్రమానికి సాహిత్య ,సంగీత ప్రియులందరికీ ఆహ్వానం . పాల్గొని జయ ప్రదం చేయ ప్రార్ధన .

ఆవిష్కరింపబడే గ్రంథాలు

1-ఆధునిక ప్రపంచ నిర్మాతలు -జీవితాలలో చీకటి వెలుగులు

తమ సృజనాత్మక ప్రతిభతో ప్రపంచ ప్రగతిని మార్చి  మలుపు త్రిప్పి ,ఆధునిక ప్రపంచానికి దారులు వేసిన  వేదాంతం,  తత్వశాస్త్రం ,కవిత్వం ,నాటకం నవల  సంగీతం,నాట్యం, సినిమా ,శిల్పం, చిత్రకళ మొదలైన  రంగాలలో  లబ్ధ ప్రతిష్టు లైన 91 మంది మహానుభావుల జీవిత చిత్రణ .

అంకితం – రేపల్లె లో జన్మించి స్టాటిస్టిక్స్ లో ప్రపంచ ప్రఖ్యాతులైన గణిత శాస్త్ర వేత్త కీ శే . డా శ్రీ పరుచూరి రామకృష్ణయ్య (అమెరికా )గారికి

ప్రాయోజకులు -సరసభారతి ఆప్తులు  శ్రీ మైనేని గోపాలకృష్ణ(రేపల్లె అల్లుడుగారు )  శ్రీమతి సత్యవతి(రేపల్లె ఆడపడుచు ) దంపతులు -అమెరికా  (పరుచూరి వారికి బావగారు ,సోదరి

—

ముందు మాటలు -డా .శ్రీ సవరం వెంకటేశ్వర రావు –  చరిత్ర శాఖాధిపతి  -హిందూకాలేజి -మచిలీ పట్నం

2- గీర్వాణ కవుల కవితా గీర్వాణం -3 -మూడవ భాగం

భారత దేశం లోని అన్ని రాష్ట్రాలకు,అన్నికాలాలకు  చెందిన 462 మంది సంస్కృత కవుల జీవితాలు, ,దర్శనం ,కావ్యం ,నాటకం ,కధ నవల ,చరిత్ర ,సాహిత్యం ,వ్యాఖ్యానం మొదలైన ప్రక్రియలలో వారి రచనా  విశేషాలపై    వెలువడిన ముచ్చటైన మూడవ గ్రంథం .

అంకితం – దయార్ద్ర హృదయులైన హృద్రోగ నిపుణులు శ్రీ డా .బండారు రాధా కృష్ణ మూర్తి(రేపల్లె అల్లుడుగారు )  ,శ్రీమతి డా  సులోచన –రేపల్లె ఆడపడుచు- (అమెరికా ) దంపతులకు

ప్రాయోజకులు –రేపల్లె లో జన్మించిన  విద్యాసంపన్నులు , వితరణ శీలి ,దేశభక్తి పరాయణులు,

ప్రొఫెసర్ యల్లాప్రగడ రామమోహన రావు గారు(అమెరికా )

(మూర్తిగారి   బావమరిది ,సులోచనగారి అన్నగారు )

ముందుమాటలు -అవధాన సరస్వతి డా శ్రీ పాపపర్తి శ్యామలానంద ప్రసాద్ గారు

— వేదిక తో సహా అన్ని వివరాలతో కూడిన ఆహ్వాన పత్రం డిసెంబర్ మొదటి వారం లో అంద జేస్తాం

గబ్బిట దుర్గాప్రసాద్ –సరసభారతి అధ్యక్షులు –

డా .ఎల్లాప్రగడ రామమోహనరావు-రేపల్లె

పరుచూరి శ్రీనాథ్(కీ శే .డా పరుచూరి రామ కృష్ణయ్య గారి సోదరుడు )-రేపల్లె

23-11-17

—

—

20-11-17 సోమవారం మా ఇంట్లో అమెరికా నుంచి వచ్చినపెద్దమనవడు సంకల్ప్ తో మేము 

గీర్వాణ కవుల కవితా గీర్వాణం -3

462-21 వ శతాబ్దం లో గీర్వాణ భాషాభ్యసనం లో నవీన విధానాలు – బి .యెన్ .శశికిరణ్ ,హరి రవికుమార్ (జూన్ 2017 )  (చివరి ఆర్టికల్ )

చిన్మయ అంతర్జాతీయ సంస్థ ఆధ్వర్యం లో ‘’సంస్కృతం లో నూతన ఎల్లలు ,భారతీయ విజ్ఞానం ‘’పై 2017 జూన్ లో జరిగిన అంతర్జాతీయ సదస్సులో శ్రీ బి .యెన్ .శశికిరణ్ ,శ్రీ హరి రవికుమార్ లు సంయుక్తంగా ఒక పరి శోధనా పత్రాన్ని సమర్పించారు .అందులోని ముఖ్య విషయాలు మీ ముందు ఉంచుతున్నాను ..

‘’ ప్రపంచం లో భారత దేశానికి సంస్కృతభాష దైవమిచ్చిన విశేష వరం . అనేక విధాలుగా దాని ప్రత్యేకత ఉంది . వ్యాకరణం లో పాణిని పధ్ధతి  ఉత్కృష్ట మైనది  . భాషకు అది గొప్ప శక్తి సామర్ధ్యాలను చేకూర్చింది . శబ్దోత్పత్తికి దాని తోడ్పాటు చిరస్మరణీయ౦ .  . ఇతర భాషా బోధనా  విధానాలు సంస్కృతానికి నప్పవని ,శ్రీ సచ్చిదానందేంద్ర సరస్వతి ,శ్రీ ఆర్ జి భండార్కర్ ,ఎ.ఎ.మాగ్డోనెల్ ,డి .యెన్. షాన్ బాగ్ మొదలైన ప్రముఖులు ,సంస్కృత భారతి ,బెనారస్ హిందూ యూనివర్సిటి ,రాష్ట్రీయ సాంస్క్రిట్ సంస్థాన్ ,సుర సరస్వతి సభ ,కర్నాటక స్టేట్ ఓపెన్ యూని వర్సిటి ప్రసిద్ధ సంస్థలు ఆధునిక కాలం లో వారి వారి విధానాలలో సంస్కృతం నేర్పుతున్నారు .ఇందులో కొన్ని సత్ఫలితాలనిస్తే ,మరికొన్ని  అంతగా ప్రయోజనం చేకూర్చలేదు .కనుక ప్రాక్ ,పశ్చిమ దేశాలలో సంస్కృత బోధనకు ‘’కావ్య ఆధార విధానం ‘’(కావ్య సెంట్రిక్ అప్రోచ్ )చాలాబాగా ప్రయోజనాన్ని కలిగిస్తుందిఅని అధ్యయనం లో తేలింది .ఇది  సంప్రదాయ విధానం ఆధారంగా ఉన్నప్పటికీ ,ఆధునిక సాంకేతికను సమకూర్చటం తో విశేష ఫలితాలు వస్తున్నాయి .వ్యక్తి  విధానానికి అనుకూలంగా ఉంటూ , నేర్చేవారిని 1-సంస్కృతం తో ఏమాత్రం పరిచయం లేనివారు 2-భారతీయ సంస్కృతి పై అవగాహన ఉన్నా ,ప్రాంతీయ భాషపై అవగాహన లేనివారు 3-భారతీయ భాషా సంస్కృతి ,పరంపరాగత భాష లో  అవగాహనఉండి ఏదోఒక భాష బాగా తెలిసినవారు  4- ఒకప్పుడు సంప్రదాయ పద్ధతిలోనో వేరొక విధానం లోనో నేర్చి ,మరలా దానిపై అభిమానం తో నేర్వాలనుకోనేవారు గా విభజన చేశారు . పైన చెప్పిన  ద్వయం  వీరందరికోసం ఎనిమిదిరకాల భాషాభ్యసన పరికరాలను(లెర్నింగ్ టూల్స్ ) తయారు చేశారు .ఇవి రెడీ మేడ్ దుస్తులు లాగా ఎవరికి ఏది కావాలంటే వారికి అది సరిపోయేటట్లుగా  ఉంటాయన్నమాట .అవేమిటో ఇప్పుడు చూద్దాం –

1-సంప్రదాయ భారతీయ కళా సంస్కృతులపై అవగాహన 2-వివిధ రకాల సంస్కృత శ్లోకాలు వినటం ధారణ చేయటం 3-దేవనాగరి లిపి వర్ణక్రమం తెలుసుకొని రాయటం 4-సంస్కృత కవిత్వం కథలు,నాటికలు వినటం ,తెలుసుకొని అభిరుచి పొందటం  5-వ్యాకరణం ,నిఘంటువుల ను ఉపయోగించి భాషాభివృద్ధి సాధించటం 6-సాంప్రదాయ శిక్షణను ఈ క్రింది 8 విధానాలలోపొందటం –

1-    వాదనం –గురువు చెప్పిన ఒక శ్లోక ధారణ  2-అనువాదనం –అదే శ్లోకాన్నిరెండు సార్లు ధారణ చేయటం .3-పదచ్చేదం –పదాలను విడదీయటం 4-ఆకాంక్ష –శ్లోక భావం అర్ధం చేసుకోవటం 5-అన్వయం –పదాలను వరుసక్రమం లో పేర్చటం 6-వ్యాకరణ విశేషః –శ్లోకం లోని వ్యాకరణ సూత్రాలను గ్రహించి అర్ధం చేసుకోవటం 7-అన్య విశేషః –అలంకారాలు ,ఛందస్సు వగైరా విషయాలు తెలుసుకోవటం 8-భావార్ధం –శ్లోక సారాన్ని గ్రహించి అనుభవింఛి ఆనందించటం . ఇలా 8 పద్ధతులలో  6 వ దైన ‘’సాంప్రదాయ శిక్షణ’’ పొందాలన్నమాట .

7-భాషాభ్యసన పరి పుష్టి కోసం పదాలతో సరదాగా ఆటలాడుకోవటం 8-భాషలో అదనపు బలసామర్ధ్యాలు పొందటానికి శ్రేణీయ సాధనాలు (గ్రేడెడ్ ఎక్సర్ సైజెస్ )  చేయటం.

విద్య ర్చేటప్పుడు అన్ని స్థాయిలలోనూ సంస్కృతం మాత్రమే ఉపయోగించాలి .

సంస్కృతం అంటే బాగా పరిశుద్ధం చేయబడిన భాష అని ,చక్కగా కలిపి ఉంచేది అని అర్ధం .అనేక వేల సంవత్సరాలుగా అభి వృద్ధి చెందిన భాష సంస్కృతం .

మీ-గబ్బిట దుర్గాప్రసాద్ -17-11-17 -ఉయ్యూరు

సమాప్తం -17-11-17 –ఉయ్యూరు

— 

విన్నపం -గీర్వాణ కవుల కవితా గీర్వాణం -3 మూడవభాగం పై తాజా ఆర్టికల్ తో 462 మంది కవులతో వెలువడుతోంది అని తెలియ జేయటానికి సంతోషంగా ఉంది -దుర్గాప్రసాద్

16-11-17 కార్తీక బహుళ త్రయోదశి గురువారం మా పెరటి ఉసిరి చెట్టుక్రింద ,రంభావనం (అరటి తోట ),నాగవల్లి (తమలపాకు )పందిరి సమీపం లో ఉదయం 9 నుండి 11 వరకు మహన్యాస పూర్వక రుద్రాభిషేకం ,11 నుండి మద్యాహ్నం 1-15 వరకు శ్రీ రమాసహిత సత్యనారాయణ వ్రతం ,అనంతరం అరడజను బంధుమిత్రులతో కార్తీక వన భోజనం చిత్ర మాల

50 వ గ్రంథాలయ వారోత్సవాలలో విజయవాడ ఠాగూర్ లైబ్రరీలో 15-11-17 బుధవారం సాయంత్రం రమ్యభారతి సంపాదకులు శ్రీ చలపాక ప్రకాష్ ఆధ్వర్యం లో ప్రముఖ కధానిక రచయిత్రి ,కవి శ్రీమతి కోపూరి పుష్పాదేవి నానీల సంకలనం ”పూలతోట ”ను డా శ్రీ గుమ్మా సాంబశివరావు ఆవిష్కరణ  ,అనంతరంకవి విశ్లేషకుడు శ్రీ వడ్డేపల్లి కృష్ణ సారధ్యం లో ;;కృష్ణాజిల్లా వైభవం ”కవి సమ్మేళనం జరిగింది .కవి సమ్మేళనం లో  నాకవిత ”మాధుర్య పాత్ర ”చదవండి –