యాజ్ఞ వల్క్య మహర్షి చరిత్ర -16

మహారాజు కోరికకు  మహర్షి యాజ్ఞవల్క్యుడు ‘’సార్వభౌమా !లోకం లో ఒకరిని మించినవారొకరుంటారు అన్ని విధాలా అధికుడైనవాడినే గురువుగా చేసుకొని బ్రహ్మ విద్య నేర్వాలి. కురు ,పాంచాల దేశాలలో ఎందరో అలాంటి మహానుభావులున్నారు .వారిని పిలిపించి ఎంచుకొంటే గొప్ప గురువు లభించకపోడు ‘’అనగా ‘’లోకమంతా ఆరాధించే మీరు తప్ప అన్యగురువులెవరు ‘’?అనగా ‘’ఏదైనా నిండు సభలోనే తేలాలి ‘’అన్నాడు మహర్షి .అలా అయితే అందరూ  వచ్చే మార్గం తెలియజేయమని అడుగగా ‘’సార్వ భౌముడు చేయాల్సిన బహు దక్షిణ యాగం చేయి .చక్రవర్తి తలపెట్టి యాగం చేస్తుంటే అందరూ తమంతకు తామే వస్తారు ‘’అన్నాడు .సరే అన్నాడు జనకుడు .

యాగ సంభారమంతా సిద్ధం చేసుకొని మంత్రి మిత్రయుని కురు,పా౦చాల దేశాలలోని విప్రులనందర్నీ సగౌరవంగా ఆహ్వానించామని చెప్పాడు ,.అలాగే ఆహ్వానించాడు మంత్రి .మైత్రేయుని కుమార్తె బుద్దిమతి అయిన మైత్రేయి ఉంది .ఆమె పెదతల్లి  గార్గి ఆమెకు విద్యాబుద్ధులు నేర్పించి బ్రహ్మవాదిని ని చేసింది . బ్రహ్మ వేత్తలంతా సమావేశమయ్యారు .అందులో అశ్వలాయనుడు ‘’మా అందరిలో నువ్వే బ్రహ్మ వేత్తవా ?’’అని అడిగాడు దానికి యాజ్ఞవల్క్యుడు ‘’నేను బ్రహ్మ వేత్తనుకాను . హౌత్రార్ధం గోవులు కావాలనే వచ్చివాటిని తోలుకుపోతున్నాను .అంతేకాని బ్రహ్మిస్టఅనుకొనినికాదు అన్నట్లుగా చెప్పగా ఆశ్వలాయనునికి ధైర్యం వచ్చి వాదానికి దిగాడు .

అశ్వలాయనుడు ‘’యాజ్ఞావల్క్యా !యజ్ఞం అంతా మృత్యువుతో వ్యాప్తి చెందింది .యజమాని దాని వ్యాప్తిని ఎలా అధిగమిస్తాడు ?’’అని ప్రశ్నించాడు .మహర్షి ‘’యజమాని వాక్కే హోత .,అగ్నికూడా .అగ్నినే హోతగా భావించి కర్మ సాధనాలన్నీ హోతాగ్నులకు అది దేవత అయిన అగ్ని రూపం తో చూడటమే అతి  ముక్తి ‘’అన్నాడు .అశ్వలాయనుడు ‘’యజమాని అహోరాత్ర వ్యాప్తిని ఎలా అదిగమించగలడుడు?’’అనగా ‘’అధ్వర్యుడు అనే నేత్ర రూపుడైన సూర్యుని మృత్యువు అతిక్రమిస్తాడు కనుక ఆదిత్యుడే ముక్తి అతిముక్తీ కూడా.ఆధ్వర్య ఆదిత్యుల నిద్దర్నీ ఆదిత్యునిగా చూడటమే మృత్యువును అతిక్రమించటం .అధ్వర్యుడు అంటే యజుర్వేదం బాగా తెలిసిన ఋత్విజుడు ‘’అన్నాడు .అశ్వలాయనుడు ‘’అంతా శుక్ల కృష్ణ పక్షాలచేత స్వాధీనమై ఉన్నాయికదా ,దాని వ్యాప్తిని ఎలా అతిక్రమించాలి ?’’అన్న ప్రశ్నకు మహర్షి ‘’యజమాని అయిన ఉద్గాత ,ఋత్విజుడు వాయు రూప ప్రాణం చేత మృత్యువును అతిక్రమించి ప్రకాశిస్తారు .యజమాని ప్రాణమే ఉద్గాత .అదే వాయువు .అదేఉద్గాత .అదే ముక్తి అదే అతిముక్తి ‘’అన్నాడు .

‘’ ఆకాశానికి ఆధారం లేదుకదా ,యజమాని దేని నాధారంగా స్వర్గాన్ని అతిక్రమిస్తాడు ‘’అడిగాడు అశ్వలాయనుడు .’’బ్రహ్మ ఋత్విజుడు ,మనసు అయిన చంద్రుని చేత స్వర్గాన్ని అతిక్రమించి ముక్తుడౌతాడు .యజమాని మనస్సు బ్రహ్మ అనే ఋత్విక్కు .ఆ మనస్సు చంద్రుడు .ఆ చంద్రుడే బ్రాహ్మణే ఋత్విజుడు అతడేముక్తి అతిముక్తి ‘’అన్నాడు .’’ఇప్పు’’డీ యజ్ఞం లో హోత ఎన్ని రుగ్మంత్రాలతో హోత్రం చేస్తాడు ?’’అనగా ‘’మూడిటితో’’అనగా అవేవో చెప్పమంటే ‘’మొదటిది పురోను వాక్యం అంటే యాగం కంటే ముందు చెప్పే రుగ్వేదమంత్రాలు.రెండోది యాజ్య అంటే యాగం లో ప్రయోగం కోసం చెప్పేఋగ్వేద మంత్రాలు ,మూడవది శన్య  అంటే యాగం లో శస్త్రం కోసం చెప్పే మంత్రాలు’’అని బదులిచ్చాడు.ఈ మూడిటితో దేన్ని  జయిస్తాడు అనిఅడుగాగా సకల ప్రాణి సముదాయాన్నీ జయిస్తాడు ‘’అనగా ‘’ఇప్పుడీ యాగం లో ఎన్ని హుతులను వ్రేలుస్తారు ‘’అని ప్రశ్నిస్తే ‘’మూడు అనగా అవేమిటి అంటే ‘’బాగాప్రకాశించే సమిధాహుతులు ,బాగా శబ్దం చేసే మాంసం మొదలైనవి ,భూమికి౦దికి  పోయే పయస్సు సోమాహుతులు ‘’అన్నాడు .వీటితో దేన్ని  జయిస్తాడు అనే ప్రశ్నకు ‘’మొదటి ఆహుతులతో దేవలోకాన్నీ ,రెండవదానితో పితృలోకాన్నీ ,మూడవదానితో మనుష్య లోకాన్నీ జయిస్తాడు ‘’అని చక్కని సమాధానాలు చెప్పాడు .ఇంతలో కురుపా౦చా ల దేశాలలోని బ్రాహ్మణ్య  గణ౦  యాగం ఆహ్వానం తో  గుంపులు గుంపులుగా యాగ శాలకు చేరుకొనగా  ,యాజ్ఞావల్క్యుని మేనమామ శాకల్యుడు,ఆయన  ముఠావాళ్ళు యాజ్ఞవల్క్యుని ఎలాగైనా ఓడించి పరాభవించాలని అత్యుత్సాహం తో చేరారు .తరవాత ఏమి జరిగిందో తర్వాత తెలియ జేస్తాను .

సశేషం

రేపు మహా శివరాత్రి శుభాకాంక్షలతో

మీ-గబ్బిట దుర్గాప్రసాద్ -3-3-19-ఉయ్యూరు

.

.

.

.

—

—

—

గబ్బిట దుర్గా ప్రసాద్

యాజ్ఞ వల్క్య మహర్షి చరిత్ర -15

చనిపోయినవాడు పొందే స్థానాల గూర్చి వివరించమని యాజ్ఞవల్క్యమహర్షినిజనకమహారాజు  అడిగాడు .ఆయన ‘’ఆత్మ-పాదాలనుంచి నిష్క్రమిస్తే విష్ణువు యొక్కయు ,పిక్కలనుండి పొతే వసువుల యొక్క,మొకాలినుంచి అయితే మహా సాధ్యులయొక్క,గుదం నుండి అయితే మిత్రునియొక్క,జఘనం నుంచి అయితే భూమి యొక్క ,పార్శ్వాలనుండి అయితే మరుత్తులయొక్క,నాశిక నుండి అయితే చంద్రుని యొక్క,వక్షం నుంచి అయితే రుద్రుని యొక్క ,మెడనుంచి అయితే రుషి శ్రేష్టుడైన నరుని యొక్క ,ముఖం నుంచి అయితే విశ్వే దేవతలయొక్క ,చెవులనుంచి అయితే దిక్కులయొక్క ,ముక్కునుంచి అయితే వాయువు యొక్క ,కళ్ళనుంచి అయితే సూర్యుని యొక్క ,కనుబొమలనుండి అయితే అశ్వినీ దేవతల యొక్క ,లలాటం నుంచి అయితే పితృ దేవతల యొక్క,మూర్ధం నుండి అయితే బ్రహ్మయొక్క స్థానాలను పొందుతారు ‘’అన్నాడు .

‘’మనీషులు విధించిన అరిస్టాలేవి?’’వివరించండి ‘’అని రాజు ప్రశ్నిస్తే మహర్షి ‘’కనిపించే అరుంధతి నక్షత్రాన్ని ధ్రువ నక్షత్రాన్ని చూడలేకపోతే ,దీపకాంతులు కుడిప్రక్కకు చీలినట్లు కనిపిస్తే మనిషి ఆయుర్దాయం ఒక సంవత్సరం మాత్రమె .తన ప్రతిబింబాన్ని ఇతరుల కళ్ళల్లో చూడలేకపోయినా ఏడాది లోపు బాల్చీ తన్నేస్తాడు .తనలోని కాంతిని, అతి ప్రజ్ఞను ,తనస్వభావం లోపలాబయటా మారితే, అరునెలలే బతుకుతాడు .దేవతలను పూజించక బ్రాహ్మణులతో వైరం పెట్టుకొంటే ,నల్లని రంగు తెల్లబడితే బతుకుఇక ఆరునెలలే .చంద్ర బి౦బ౦ లోకాని, సూర్య బింబం లోకాని సాలెపురుగు అల్లికలో లాగా రంద్రాలున్నట్లు కనిపిస్తే వారంకంటే బతకడు .దేవాలయం లో సుగంధం శవగంధంగా అనిపిస్తే వారంలో ఖాళీ .చెవులు ముక్కు వాలిపోయి ,పండ్లు చూపులు వసివాడితే ,సంఖ్యజ్ఞానం మర్చిపోతే ,లోపలి వేడి చల్లారిపోతే వెంటనే చావు ఖాయం .అకస్మాత్తుగా ఎడమకంటి నుంచి నీరు ధారగా కారటం ,తలనుండి పొగవచ్చినవాడు ఆరోజే టపాకడతాడు. కనుక పగలు రాత్రి తన ఆత్మను పరమాత్మలో అనుసంధానం చేసుకోవాలి .అప్పుడే  మృత్యుంజయుడు అవుతాడు  .ఆత్మజ్ఞానమున్నవాడు సాంఖ్యుల పధ్ధతి ప్రకారం ఆత్మను పరమాత్మతో యోచన చేసి చావును జయిస్తాడు .చివరికి అక్షయ అవ్యయ శాశ్వత స్థానం పొందుతాడు ‘’అని వివరించాడు ‘ జనకుడు అవ్యక్త పరబ్రహ్మ గురించి వివరించమని కోరగా యాజ్ఞవల్క్యుడు –‘’నేను సూర్యుని ఆరాధించి శుక్ల యజుర్వేదాన్ని పొంది శిష్యులకు బోధించి,బ్రహ్మ ను గూర్చి చి౦తిస్తుంటే విశ్వావశువు వచ్చి ప్రశ్నించగా ,ఆయనకు చెప్పినదంతా నీకు బోధిస్తాను అని చెప్పిబోధించి  ద్విజాదులవలననే మోక్షసాధన జ్ఞానం పొందవచ్చు ‘’అన్నాడు .

 ఒక రోజు జనకుడు గౌతమ రాహూ గణుడు ‘’వేదాంగాలు బాగా తెలిసి ఎవరు ఇష్టి చేసి దాని ఫలితం పొందారో తెలుసుకొని .వాళ్లకు వెయ్యి బంగారునాణాలు ఇస్తాను ‘’అని అంతటి విశిష్ట వ్యక్తీ యాజ్ఞావల్క్యుడే అని గ్రహించి తాను  అన్నధనాన్ని ఆ మహర్షికిచ్చి సంతృప్తి చెందాడు .ఆయనతో ఆయన బహుముఖ ప్రజ్ఞాపాటవాలను ఋషులవలన విని కొంత తాను ఆయనతో చర్చి౦చి కొంతా తెలుసుకొన్నానని, కర్మ బ్రహ్మలను గురించి పూర్తిగా తెలిసినవాడు ఆయనే అని .లోకోద్ధరణకు ఉద్భవించిన అవతార పురుషునిగా తాను  ఆయనను భావిస్తానని వినయంగా చెప్పి తనను శిష్యునిగా స్వీకరింఛి మోక్షమార్గం ప్రసాదించమని  యాజ్ఞవల్యుని ప్రార్ధించాడు .దీనికి ఆయనేమన్నాడో ,ఆతర్వాత ఏమి జరిగిందో తర్వాత తెలుసుకొందాం .

   సశేషం

 రేపు 4-3-19 సోమవారం మాఘబహుళ  చతుర్దశి ’’ మహా శివరాత్రి ‘’శుభాకాంక్షలు

  మీ –గబ్బిట దుర్గాప్రసాద్ -3-3-19-ఉయ్యూరు

.

గౌతమీ మాహాత్మ్యం -51

69-భాను వాది సహస్ర తీర్ధం

శర్యాతి అనే రాజు ధార్మికుడు .భార్య స్థవిష్ట.విశ్వామిత్ర గోత్రజుడు ,’’మధుచ్చందుడు ‘’అనే పేరున్న బ్రహ్మర్షి పురోహితుడు .ఇద్దరూ కలిసి ఒకసారి దిగ్విజయ యాత్ర చేశారు .ఒక చోట విడిది చేసి పురోహితుడు అన్యమనస్కంగా ఉండటం గ్రహించి రాజు కారణమేమిటి అని అడిగాడు .భార్య తనకై ఎదురు చూస్తూ ఉంటుందనే దిగులుతో ఉన్నానని చెప్పాడు .అనిత్య సుఖాలపై ఆరాటం పనికి రాదని రాజు హితవు చెప్పాడు .మధుచ్చందుడు’’రాజా !దంపతులు అనుకూలంగా ఉంటె ధర్మార్ధకామాలు వృద్ధి చెందుతాయి .సుఖం దూషణంకాదు  మాన్యమైనదే ‘’అన్నాడు . మళ్ళీ ఇద్దరూ  రాజ్యానికి తిరిగివచ్చి ,పురోహితునిప్రేమను పరీక్షించాలనుకొని వార్తాహరునిద్వారా’’ రాజు ,మంత్రిని  ఒక రాక్షసుడు అపహరించి పాతాళానికి తీసుకు వెళ్ళాడు’’ అని వార్తా పంపాడు .రాజుభార్య ఆ వార్తలోని నిజం తెలుసుకోవటానికి ప్రయత్నిస్తే, ఆవార్తవిన్న పురోహితుడి భార్య ప్రాణాలు విడిచింది .ఈ వార్తను వార్తాహరుడు రాజుకు చెప్పాడు .

  పురోహితుని భార్య శవాన్ని కాపాడమని తానూ పురోహితుడు అక్కడికి వస్తున్నామని చెప్పిపంపాడు .విచారం లో ఉన్నరాజుకు ఆశరీరవాణి’’ సకలపాపాలు ,దుఖాలు పోగొట్టుతుంది  గంగానది’’ అని పలికింది  .రాజు గౌతమీ నదిని చేరి స్నానించి బ్రాహ్మణులకు దానాలిచ్చి ‘’నేనేదైనా పుణ్యం చేసినా దానం చేసినా సత్యం పాటించినా నా ఆయుస్సు పోసుకొని మధుచ్చ౦ద పురోహితుని సాధ్వీ సతీమణి జీవి౦చు గాక ‘’అని సిద్ధం చేయబడిన అగ్నిలో దేహత్యాగం చేయటానికి అగ్ని ప్రవేశం చేయగానే  ,అక్కడ పురోహితునిభార్య బ్రతికి అందరికి ఆశ్చర్య౦ కలిగించింది  .తనభార్యకోసం రాజు ప్రాణత్యాగంచేయటం జీర్ణించుకోలేని పురోహితుడు ముందుగా రాజును బ్రతికించి తర్వాతే తన ధర్మపత్ని దగ్గరకు వెళ్లాలని నిశ్చయించుకొని సూర్యుని –‘’నమోస్తు తస్మై సూర్యాయ ముక్తయే  అమిత తేజసే -ఛందోమయాయ  దేవాయ  ఓం కారార్దాయ తేనమః ‘’-‘’విరూపాయ సురూపాయ త్రిగుణాయ త్రిమూర్తయే –స్థిత్యుత్పత్తి నాశానాం  హేతవే ప్రభవిష్ణవే ‘’అంటూ  స్తుతించాడు .

  ప్రీతి చెంది భానుడు ప్రత్యక్షమై వరం కోరుకోమంటే రాజును తన ప్రియభార్యను బ్రతికించ మని కోరాడు .వెంటనే సూర్యుడు శర్యాతి రాజును ,పురోహితునిభార్య ను బ్రతికించి ఇచ్చాడు .రాజు,  రాణి, పురోహితుడు, భార్య అందరూ నగరానికి చేరి సుఖ సంతోషాలతో వర్దిల్లారు. ఇదే భాను తీర్దమని , మృత సంజీవినీ తీర్ధమని ,శర్యాత తీర్ధమని మధుచ్చంద తీర్ధమని  పేరుపొంది మూడు వేల తీర్దాలతో విరాజిల్లుతోందని బ్రహ్మ నారదునికి చెప్పాడు .

  సశేషం

  మీ –గబ్బిట దుర్గాప్రసాద్ -3-3-19-ఉయ్యూరు

గుడ్లవల్లేరు ఇంగ్లీష్ మీడియం హైస్కూల్’’సాహితీ దినోత్సవం ‘’లో  లో నేను మాట్లాడాలని  తయారు చేసుకొన్నప్రసంగం

28-2-19 గురువారం ఉదయం గుడ్లవల్లేరు A.A.N.M.And V.V.R.S.R. ఇంగ్లీష్ మీడియం హైస్కూల్ 31వ వార్షికోత్సవ సందర్భంగా ఏర్పాటు చేసిన ‘’సాహితీ దినోత్సవం  ‘’లో ముఖ్య అతిధిగా ఆహ్వాని౦పబడి నేను మాట్లాడదామనుకొన్న ప్రసంగం  -పిల్లల సాంస్కృతిక కార్యక్రమాల సాగుదల, ‘’మైకాసురుని ‘’ భీభత్సం,  షామియానాల క్రింద ఏర్పాటు చేయబడిన సభ కావటం తో పైన ఉరుముతూ చినుకుతూన్న ఆకాశం  తో, సింహభాగం కాలం హరించుకు పోగా ,నాకు మిగిలిన ‘’పావుగంట’’ లో నాలుగు ముక్కలు మాట్లాడాను.కాని దీనికి ప్రిపరేషన్ బాగా చేసుకొని సిద్ధపడ్డాను .నాకూ వాళ్ళకూ దక్కింది అదే .ఆ కాసేపట్లోనే ఆప్రాంతపు 172 ఏళ్ళ క్రిందటి మహాకవి బహుశా ఈతరం పెద్దవారికికూడా  గుర్తు ఉండని శ్రీ దాసు శ్రీరాముల గారి గురించి మాట్లాడి అందరినీ ఆశ్చర్య చకితుల్ని చేశాను .ఇప్పుడు మీకు నాప్రసంగ౦ వివరాలు తెలియ జేస్తున్నాను .సాహితీ ప్రియులుగా మనమందరం  గ్రహించాల్సిన విషయాలివి . –

   ‘’మహాకవి శ్రీ దాసు శ్రీరాములు గారు 8-4-1846 న కృష్ణాజిల్లా కూరాడ గ్రామంలో శ్రీ దాసు  కన్నయ్య శ్రీమతి కామమ్మ దంపతులకు జన్మించారు .ఆయన వాగ్గేయకారులు ,ప్రతిభకల ఉపాధ్యాయులు ,ప్రముఖ న్యాయవాది ,సంఘ సంస్కర్త ,పత్రికా నిర్వాహకుడు ,ధర్మ శాస్త్ర ,జ్యోతిశ్శాస్త్ర ,నాట్యశాస్త్ర విద్వాంసుడు ,ఆయుర్వేద శాస్త్ర పరిశోధకుడు .సంఘ సంస్కర్తలు వీరేశలింగం ,గురజాడ లకు సమకాలీనుడు .దాసుగారి బహుముఖ ప్రజ్ఞాపాటవాలకు పొంగిపోయిన శ్రీ చెళ్ళపిళ్ళ వెంకట శాస్త్రి ‘’శ్రీరాములుగారు మనకు దక్కిన రెండవ శ్రీనాథుడు ‘’అంటే ,శ్రీ విశ్వనాథ ‘’ఆయన లోకానుభావం బహు దొడ్డది ‘’అనగా ,శ్రీ విశ్వనాథ వెంకటేశ్వర్లు ‘’ఎ వర్సటైల్ జీనియస్ ‘’అని అంటే ‘’అద్యతన ఆంధ్రవాజ్మయ నిర్మాత ‘’అని శ్రీ నిడదవోలు వెంకటరావు ,’’అభినవ భాసుడు ‘’అని డా .శ్రీ జి.వి సుబ్రహ్మణ్యం  ,’’రామ నీ సమాన మెవరు ‘’అన్న కీర్తనకు అన్నివిధాలా పాత్రుడు ‘’అని శ్రీ దాసు వామన రావు గార్ల చే  ప్రశంసలు పొందిన ప్రతిభా మూర్తి .

  కృష్ణాజిల్లా ముదినేపల్లి మండలం ‘’అల్లూరు ‘’అగ్రహారీకులైన దాసువారు తండ్రి వద్ద ,శ్రీ అడవి సుబ్బారాయుడు గార్లవద్ద ప్రాధమిక విద్య నేర్చారు . బాల మేధావి అయిన శ్రీరాములుగారు 12వ ఏటనే ‘’సోమలింగేశ్వర శతకం ‘’ను ప్రౌఢం గా రచించిన సాహసమూర్తి .13వ ఏట శ్రీమతి జానకమ్మగారిని శ్రీరాములు గారు పరిణయమాడి ఆదర్శ ‘’జానకీ రాములయ్యారు ‘’.14వ ఏట ‘’సాత్రాజితీ విజయం ‘’అనే యక్షగానం రాసిన సంగీత సాహిత్య శిరోమణి .సంస్కృత వ్యాకరణం నేర్వాలనే కోరిక విపరీతమై ,ఇంట్లో చెప్పకుండా ఆగిరిపల్లి వెళ్లి సంస్కృత పాఠశాలలో చేరి,  సంస్కృత వ్యాకరణం నేర్చారు .వారు అందుకొన్న స్కాలర్షిప్ ఆరోజుల్లో అర్ధరూపాయిమాత్రమే .

  గుడివాడలో ఇంగ్లిష్ హైస్కూల్ లో తెలుగు పండిట్ గా    ఉద్యోగం ప్రారంభించి ,ఉద్యోగ ధర్మం నిర్వహిస్తూనే స్వయంగా ఇంగ్లీష్ నేర్చుకొన్న సమర్ధులు .తర్వాత కౌతవరం లో ఉపాధ్యాయుడుగా పని చేశారు .దీనికి దగ్గరలోనే ఉన్న డోకిపర్రు గ్రామస్తులు దాసుగారి వద్దకు తమ గ్రామం లో పిల్లలు చదువుకోవటానికి బడి లేదని చెబితే స్వంతఖర్చులతో హైస్కూల్ ఏర్పాటు చేసి ,అక్కడే టీచర్ గా పని చేశారు .స్వయంగా చదివి ఇంగ్లీష్ పరీక్షలు ,ప్లీడరీ పరీక్షలు రాసి పాసయ్యారు .1878లో డోకిపర్రు వదిలి బందరులో న్యాయవాది గా ఉండటానికి వెడుతుంటే శ్రీరాములుగారు తమ గ్రామానికి చేసిన అమూల్య సేవలకు  కృతజ్ఞతగా గ్రామ స్తులు బంగారు పూలతో పాద పూజ ,శిరస్సుపై పూజ చేసి తమ భక్తి ప్రపత్తులు చాటుకొన్నారు .అంతే కాదు పూలపల్లకీ లో శ్రీరాములుగారిని గౌరవంగా ఆశీనులను చేసి గ్రామపెద్దలు ఆపల్లకీని మోసి ఊరేగించి చరిత్ర సృష్టించారు .ఇంతటి ఘనమైన వీడ్కోలు   మాజీ రాష్ట్రపతి శ్రీ సర్వేపల్లి  రాధాకృష్ణన్ గారికి ఆయన విద్యార్ధులు  చేశారని మనం చదువుకొన్నాం .

  1878లో బందరులో ప్లీడరీ గా ప్రాక్టీసు మొదలు పెట్టారు  .అయిదేళ్ళ తర్వాత  1883లో బందరు వదిలి పశ్చిమ గోదావరి జిల్లా ఏలూరు లో స్థిరపడి ఫస్ట్ గ్రేడ్ ప్లీడర్ గా 1907వరకు 24ఏళ్ళు పేరు పొందారు .ఏలూరులోని దాసు గారి సువిశాలమైన స్వగృహం ఆతర్వాత ‘’గాంధీ ఆంధ్రరాష్ట్ర జాతీయ విద్యాలయం ‘’అయింది .ఆకాలంలోనే ఒక ఇంగ్లీష్ ఉపాధ్యాయుడుశ్రీ బసవరాల రామబ్రహ్మం గారిని  మేనేజిమెంట్ అక్రమంగా తొలగించేస్తే ,ఆయనవచ్చి శ్రీరాములుగారితో మొరపెట్టుకోగా ,వెంటనే ‘’హిందూ పేట్రియాటిక్ స్కూల్ ‘’ను స్వయంగా స్థాపించి ఆ మా స్టారినే హెడ్ మాస్టర్ ను చేసిన ఉదార శీలి కార్య నిర్వహణ దక్షులు శ్రీరాములుగారు .సమాజ అభి వృద్ధికి స్త్రీలు దోహదపడాలని వా౦ఛి౦చారు .అందుకే స్త్రీ విద్యా, స్త్రీ స్వాతంత్ర్యం లపై అనేక చోట్ల ప్రసంగించి చైతన్య పరచారు .దీనిప్రభావం వలన పల్లెలలో కూడా బాలికా పాఠశాలలేర్పడ్డాయి .

  వీరేశలింగం గారి లాగానే వితంతువుల పట్ల కూడా సానుభూతి ఉండేది .వితంతు పునర్వివాహాన్ని సమర్ధిస్తూ ప్రచారం చేశారు .అంతే కాదు వితంతువుల కు శిరోముండనం చేయించటం పై తీవ్ర అభ్యంతరం చెప్పారు .దీనికోసం ‘’రండాముండన ఖండం ‘’అనే అద్భుతమైన వ్యాసం రాసి ,కనువిప్పు కల్గించారు .బాల్య వివాహాలపై కూడా శ్రీరాములు గారు విరుచుకు పడ్డారు .ఇలా సంఘ సంస్కణోద్యమ౦ లో కూడా తనదైన ప్రత్యేక పాత్ర పోషించారు .  వాగ్గేయ కారులుగా దాసువారి ప్రతిభను చూద్దాం .ఉయ్యూరుదగ్గర ,కృష్ణా నదీ తీరం లో ఉన్న తొట్లవల్లూరు సంస్థాన రాజధాని  తోట్లవల్లూరు లోని శ్రీ వేణు గోపాల స్వామి కి అంకితమిస్తూ ‘’కృతులు ,పదాలు ,జావళీలు ‘’రాసి వాగ్గేయకారుల సరసన స్థానం సంపాదించుకొన్నారు శ్రీరాములుగారు ‘’అభినయ దర్పణం ‘’అనే నాట్య శాస్త్ర గ్రంథం రాసి నాట్యం లో తనకున్న ప్రావీణ్యతను తెలియజేశారు .ఏలూరులో స్వయంగా ‘’సంగీత పాఠశాల ‘’స్థాపించి,సమర్ధులైన శ్రీ నల్లాన్ చక్రవర్తుల తిరు వేంగడా చారి  గారిని ప్రధానోపాధ్యాయులను చేశారు .ఎందరో విద్యార్ధులు ఇక్కడ సంగీతం అభ్యసించి గొప్పవారయ్యారు .ఎంతోమంది  సంగీత విద్వాంసులను పోషించారు .శ్రీఆదిభట్ల నారాయణ దాసు, శ్రీ  చెళ్ళపిళ్ళ వెంకటశాస్త్రి వంటి ఉద్దండులను ఆ పాఠ శాలకు ఆహ్వానించి ,విద్యార్ధులకు ప్రబోధాత్మకమైన ప్రసంగాలు చేయించి సత్కరించారు .

   శ్రీరాములుగారు అనేక ప్రక్రియలలో 30దాకా రచనలు చేశారు .వారి శతకాలలో మయూర మహాకవి సంస్కృతంలో రాసిన ‘’సూర్యశతక౦ ను  అనువదించిన  ‘’సూర్యశతకం ‘’,తెలుగు నాడు’’ఉన్నాయి .అచ్చ తెలుగు శతకం ‘’చక్కట్ల దండ ‘’రాశారు .చక్కట్లు అంటే సామాజిక నీతులు అని అర్ధం .దండ అంటే హారం, మాల .ఇందులో సమాజం లోని ఎన్నో అంశాలపై ఘాటైన  విమర్శ చేసి నీతులు బోధించారు .హాస్యం మేళవించి  పసందు చేశారు .సంస్కృత’’ దేవీభాగవత౦ ‘’ను మృదు  మధురమయిన  తెలుగు భాషలోకి అనువదించి దేవీ భక్తుడనిపించారు ‘’వైశ్య ధర్మ ప్రదీపిక ‘’’’విగ్రహారాధన ‘’రాశారు .’’తారామణి’’ అనే ధర్మ శాస్త్ర గ్రంథం రచించారు .ఆయుర్వేద వైద్య విధానం లో తమకున్న మక్కువను ప్రదర్శిస్తూ ,పరిశోధనాత్మకమైన రచన ‘’   భ్రు౦గ రాజ మహిమ ‘’రాశారు .  

  శ్రీరాములుగారు తాను  చిన్నతనం గడిపిన అల్లూరు అగ్రహారం గురించి దేవీ భాగవతం కృతి మొదట్లో ‘’నా బాల్యంబు న నాకు నానావిధ సౌఖ్యంబులకు నాట పట్టై,నన్నలరించిన ‘’అల్లూరు ‘’అగ్రహారంబునభి వర్ణించెద’’అనే భాగాన్ని ఒక ఖండ కావ్యంగా రాశారు .’’గ్రామ ప్రకృతినే వర్ణనగా  రాస్తే దాన్ని ‘’పాస్టోరల్ పోయెట్రి ‘’అంటారని , ఇంగ్లీష్ లో స్పెన్సర్ ,మాధ్యూ ఆర్నోల్డ్ ,మిల్టన్ వంటి కవులు ఇలాంటి కవిత్వం రాశారని దాసుగారిపై ఆప్రభావం ఉందని అందుకే అంతగొప్పగా తమ అగ్రహారం అల్లూరును వర్ణించారు ‘’అని శ్రీరాములుగారి రచనలపై పరిశోధన చేసి ‘’మహాకవి దాసు శ్రీరాములు గారి కృతులు –సమీక్ష ‘’అనే పరిశోధన గ్రంథం రచించి పిహెచ్ డి అందుకొన్న ఆయన మనవరాలు శ్రీమతి వెలగపూడి వైదేహి తెలియ జేశారు.

  శ్రీరాములుగారి కవిత్వ సౌందర్యం కొంత చూద్దాం .సూర్య శతకం లో ఒక పద్యం –

‘’ముల్లోకమ్ముల జ్ఞానదీపములు  తమ్ముల్ జిమ్ము నూత్నారుణో-త్ఫుల్ల శ్రీలకు నంగ రక్షకములున్ ,పూర్వాద్రి దాతుద్రవా –

భ్యుర్లాసమ్ముల తోడు నీడ లును ,వేల్పుం దంతి సింధూర దీ-వ్యల్లీలా కృతులైన భాను ,రుచులైశ్వర్యమ్ము మీకిచ్చుతన్ ‘’.

  పెళ్ళిలో మగపెళ్ళివారు ‘’సదస్యం ‘’నిర్వహిస్తున్నారు .అది అతి బాల్యవివాహం .పెళ్ళికూతురు పెళ్ళికొడుకు లను చూసి అక్కడి సంప్రదాయ శ్రోత్రియ బ్రాహ్మణ స్త్రీలు చెవులు కొరుక్కుంటూ బుగ్గలు నొక్కు కొంటూ మాట్లాడుకోవటం ను అక్షర రమ్యం  చేశారు ‘’షభాష’’ లో –‘’అస్సే ,చూస్సిషి వషే,నోసే చెవుడషే,అష్లాగషే,ఏమిషే ,-విస్సావఝలవారి ‘’బుర్రి నష’’,యా విస్సాయి కిస్సారుషే’’ ఇందులో హాస్యం వ్యంగ్యం ఎత్తిపొడుపు ,బాల్యవివాహ నిరసన త్రివేణీ సంగమమై శ్రీరాములుగారి కవిత్వం లో ప్రవహించింది  .

మరో పరభాషా ప్రయోగం –‘’గూస్సు ,నాన్సేన్సు యూ గో అవే ,ఖబడ్దార్ ,బాత్ నఖో ,కౌన్ పకడా –మొద్దొక పల్లె కు మున్సఫీ చేయుచు గాడ్దె కొడుకు పన్ను కట్టమనగా ‘’ .

  ఇలా ఎంతో వైవిధ్యమైన రచనలు చేసిన మహాకవి దాసు శ్రీరాములుగారు 16-5-1908న 62ఏళ్ళ వయసులోనే ‘’దివిజకవి వరుల గుండియల్ దిగ్గురనగ’’అన్నట్లు శ్రీనాధ మహా కవి సార్వభౌముడిలాగా  అమరపురికి అరిగారు .

  హైదరాబాద్ లోని వారి మునిమనవలు శ్రీ దాసు అచ్యుతరావు సోదరులు ‘’మహాకవి దాసు శ్రీరాములు స్మారక సమితి ‘’ఏర్పాటు చేసి ,ముత్తాతగారి అరుదైన గ్రంథాలను వెలువరించారు .ఫిబ్రవరి 6వ తేదీ శ్రీ దాసు అచ్యుతరావు గారు నాకు ఫోన్ చేసి ,పరిచయం చేసుకొని ,శ్రీరాములుగారి పుస్తకాలు 6 సెట్లు నాకు పంపుతామని చెప్పి వెంటనే కొరియర్ లో పంపారు .వారి కోరికపై ఒకటి ఉయ్యూరు లైబ్రరీకి ,మరొకటి అమరవాణి హైస్కూల్ లైబ్రరీకి ,ఇంకొకటి సాహితీ ప్రియులు శ్రీ కట్టు కోలు సుబ్బారెడ్డిగారికి అందించి ,ఒక్క పుస్తకం మాత్రం గుడ్లవల్లేరు ఇంగ్లీష్ మీడియం హైస్కూల్ లైబ్రరీకి ప్రిన్సిపాల్ శ్రీ మూర్తి  గారి రిద్వారా నిన్న వేదికపై అందజేశాను .

  శ్రీ దాసు శ్రీరాములుగారిపై ఈ వ్యాసానికి ఆధారం ఆ గ్రంథాలే . శ్రీ అచ్యుతరావు గారికి ధన్యవాదాలు

  మీ-గబ్బిట దుర్గాప్రసాద్ -1-3-19-ఉయ్యూరు  .

.

గౌతమీ మాహాత్మ్యం -50

67-విష్ణు తీర్ధం

ముద్గాలమహర్షి కుమారుడు మౌద్గల్య మహర్షి ఒకభార్య జాబాలి. మరొక ఆమె భాగీరధి .ప్రతిరోజూ గౌతమీతీరం లో  శమీ పుష్పాలు ,కుశలు తో  విష్ణుపూజ చేసేవాడు .ఆయన ఆహ్వానం అందుకొని గరుత్మంతుని ఎక్కి అక్కడికి వచ్చి దర్శనమిచ్చేవాడు .విష్ణువు మౌద్గల్యునికి అనేక చిత్రకథలు చెప్పేవాడు .మధ్యాహ్నం కాగానే ముని అలసిపోయినట్లు భావించి ఆశ్రమానికి వెళ్ళమని తనూ వెళ్ళిపోయేవాడు వెన్నుడు .తనకు వచ్చిన డబ్బును విష్ణు పాదార్పితం చేసి భార్యకిచ్చేవాడు .ఆమె పతికి ఆశ్రమవాసులకు అతిధి అభ్యాగతుల భోజనాలకు దాన్ని వినియోగించేది .అందరి భోజనాలైనతర్వాత ఆమె భోజనం చేసేది. రాత్రివేళ మౌద్గల్యుడు భార్యకు తనకు విష్ణువు చెప్పిన కథలన్నీ వినిపించేవాడు .

ఒక రోజు ఏకాంతం లో భర్తతో భార్య జాబాల ‘’నిత్యం విష్ణువు మీదగ్గరకు వస్తున్నాడు కానీ మనకస్టాలు తీరటం లేదు కారణం అడగండి ‘’అన్నది .ఒక రోజు ధైర్యం చేసి విష్ణువుతో ‘’స్మరణ మాత్రం చేత అన్నీ ఇచ్చే నువ్వు ,రోజూ నాకు కనిపిస్తున్నా నా విపత్తు తొలగక పోవటానికి కారణమేమిటి ?’’అని అడిగాడు .దానికి విష్ణువు ‘’ఎవరైనా కర్మఫలం అనుభవించాల్సిందే .విత్తును బట్టి ఫలమొస్తుంది .గోదావరి ప్రక్కనే ఉంటున్నా నువ్వు గంగ పూజ చేయటం లేదు .భక్తితోనే ముక్తి వస్తుంది ‘’అనగా ముని భక్తితో ముక్తికలిగితే తనకు ముక్తి కావాలని చెప్పాడు .

విష్ణువు ‘’నన్ను స్మరిస్తూ యాచకుడికి ఇచ్చింది అక్షయమౌతుంది ‘’అని చెప్పి గరుత్మంతుని ధాన్యపు గింజలు  తెమ్మనగా ఆతడు వెళ్లి తేగా వాటిని విష్ణువు చేతిలో దానం చేశాడు .అతన్ని   ఇంటికి  వెళ్ళమనిచేప్పాడు .ఆశ్రమం చేరగానే ధనకనక వస్తువాహనాలు అతని దృష్టిలో పడి అదంతా దానఫలం విష్ణు కటాక్షం గంగ అనుగ్రహం గా భావించాడు .చాలా కాలం తలిదండ్రులతో భార్యాపిల్లలతో ఐశ్వర్యం అనుభవిస్తూ విష్ణు పూజ క్రమం తప్పక చేస్తూ ముక్తినిపొందాడు .ఇదే మౌద్గల్య లేక విష్ణు తీర్ధం గా ప్రసిద్ధమైందని నారదునికి  బ్రహ్మ ఉవాచ . .

68-లక్ష్మీ తీర్ధం

సిరి సంపదలు పెంచేది లక్ష్మీ తీర్ధం .పూర్వం లక్ష్మీ దేవికి దరిద్రదేవతకు వివాదం వచ్చి ,విరోధం పెరిగి ఇద్దరూ భూలోకం చేరారు .ఈ ఇద్దరు ఎవరికివారే తనదే ఆధిక్యం అని పోటీ పడుతున్నారు .నేనే ము౦దు పుట్టానని దారిద్ర దేవత అంటే, నేను లేకపోతె ప్రాణులు జీవించలేరని లక్ష్మీ దేవి అన్నది .దరిద్రదేవత ‘’ముల్లోకాలు నా అధీనం లో ఉన్నాయి .నేనున్నచోట కామక్రోధాలు భయం ఈర్శ్యా  ఈర్ష్యాదులు  ఉండవు ‘’అన్నది. లక్ష్మీ దేవి ‘’అందరికి గౌరవం కలిగించేది నేనే .నిర్ధనుడు లోకంలో చులకన అవుతాడు .దేహి అనే మాటద్వారా బుద్ధి సంపద వినయం శాంతి కీర్తి అనే అయిదుగురు దేవతలు నిష్క్రమిస్తారు .యాచనలేని  వాడి గుణం గౌరవి౦పబడుతుంది.ఉత్తముడు  సర్వలోక పూజ్యుడు అనిపించుకొంటాడు.కనుక నేనే అధికురాలను ‘’అన్నది .దీనికి దరిద్రదేవత ‘’నువ్వు ఎక్కడపడితే అక్కడ వాలిపోతావు ఉచ్చనీచాలు పాటించవు .వినాశం చేసేవారికి వత్తాసు పలుకుతావు ‘’అని దెప్పగా ,తగాదా తీరక ఇద్దరూ బ్రహ్మ దగ్గర ఫిర్యాదు చేశారు .

ఇద్దరి వాదనలు విన్న బ్రహ్మ ‘’నాకంటే పురాతనమైనది భూమి .దానికంటే నీరు ప్రాచీనం ఇలాంటి తగాదాలు స్త్రీలలోనే వస్తాయి .నీటికంటే బ్రహ్మకమండలం లోని గంగాజలం ప్రాచీనమైనది .ఆ గోదావరి నది అన్ని కోరికలు తీరుస్తుంది ,సందేహ నివృత్తి చేస్తుంది’’అన్నాడు  .భూమి జలం లతోకలిసి వారిద్దరూ గంగా తీరం చేరి తమ అభియోగాలను వినిపించగా గౌతమీనది ‘’సృష్టిలో శ్రేష్టమైన ప్రతిదీ లక్ష్మీ దేవికే చెందుతుంది .ఆమె లేకపోతె ఏమీ ఉండదు .అలాంటి లక్ష్మీ దేవితో కలహించటం అవివేకం ‘’అని దరిద్రదేవతను తరిమేసింది .అప్పటినుంచి గంగ దరిద్రానికి శత్రువు అయింది .గౌతమిని సేవి౦చి పూజించకపోతే అలక్ష్మీ ఆవహించి బాధిస్తుంది .పూజిస్తే దరిద్రం తొలగించి సంపదలతోపాటు ముక్తినీ ఇస్తుంది .అదే లక్ష్మీ తీర్ధం అని బ్రహ్మనారడుడికి చెప్పాడు .

సశేషం

మీ-గబ్బిట దుర్గాప్రసాద్ -2-3-19-ఉయ్యూరు

.

—

గబ్బిట దుర్గా ప్రసాద్
https://sarasabharati.wordpress.com
http://sarasabharativuyyuru.wordpress.com
http://suvarchalaanjaneyaswami.wordpress.com

గౌతమీ మాహాత్మ్యం -49

65-చక్రతీర్ధం

స్మరణం చేతనే పుణ్యం ముక్తికలిగించేది చక్రతీర్ధం .వసిస్టాది మునులు ఒకప్పుడు గౌతేమీ తీరం లో ఆశ్రమం నిర్మించుకొని సత్ర యజ్ఞం చేశారు .దానవులు దారుణంగా విఘ్న ధ్వంసం చేస్తుంటే బ్రహ్మ దగ్గర మొరపెట్టుకోగా దానవ వినాశనం కోసం ఒక స్త్రీని సృష్టింఛి మునులకు అందజేశాడు .జన్మరాహిత్యం కలిగి కృష్ణవర్ణం రక్తవర్ణం కలిసిన రంగుతో ఉన్న ఆస్త్రీ ముల్లోకాలను సంమోహితపరచే మాయా రూపిణి.మునులు స్వస్తమనస్కులై యజ్ఞ దీక్ష చేబట్టారు .రాక్షసులు యధాప్రకారం విఘ్న ధ్వంసానికి వచ్చారు .అక్కడున్న అతిలోక సౌందర్యవతి అయిన మాయా రూపిణిని చూసి ,అతిగర్వం తో నాట్యం చేశారు ,ఆడారు ,పాడారు నవ్వారు ఏడ్చారు .అందులో శంబరుడు అనే రాక్షసరాజు  ఆమెను అమాంతం తినేశాడు .మళ్ళీ యజ్ఞ విధ్వం జరిగినందున మునులు విష్ణువుకు చెప్పుకొన్నారు .ఆయన సుదర్శన చక్రప్రయోగం చేసి ,దనుజ రాక్షస సంహారం చేశాడు .మునుల యజ్ఞ౦ పరిసమాప్తమైంది .విష్ణువు తన సుదర్శన చక్రాన్ని గంగానదిలో కడిగాడు .అదే చక్రతీర్ధం .ఇక్కడ స్నానం  సత్రయాగ ఫలితమిస్తుంది అని బ్రహ్మనారడుడికి చెప్పాడు .

66-వాణీ సంగమ తీర్ధం

హరుడు వాగీశ్వరుడైన తీర్ధమే వాణీ సంగమ తీర్ధం .ఒకప్పుడు బ్రహ్మా  విష్ణువుల మధ్యఆధిపత్యం కోసం  తీవ్ర వాదోపవాదాలు జరుగగా శివుడు జ్యోతిస్వరూపుడుగా అవతరించాడు  .అప్పుడొక ఆశరీరవాక్కు ‘’ఎవరు ఆక్కడున్న జ్యోతిస్వరూపం యొక్క అంతాన్ని చూస్తారో అతడే గొప్పవాడు’’అని వినిపించింది .బ్రహ్మపైభాగానికి విష్ణువు కి౦దిభాగానికి వెళ్ళారు . .విష్ణువు అతిత్వరగా తిరిగి వచ్చిజ్యోతి దగ్గర కూర్చున్నాడు .బ్రహ్మ ఎంతదూరం వెళ్ళినా అంతం దొరకక అలసిపోయి ,చూడలేదని అంటే తనకు జ్యే స్టత్వం దక్కదేమో నని ,మరీ అబద్దం  ఆడటానికి సాహసించలేక అయిదవముఖమైన గార్ధభ ముఖం పొంది అక్కడే కూర్చున్న విష్ణువుతో అంతాన్ని చూశానని,కనుక  జ్యేస్టత్వం తనదే అని  చెప్పించాడు  .అప్పుడు హరిహరులిద్దరూ ఒకే దివ్య  తేజస్సు తో ఉండటం చూసి విస్మితుడై వారిద్దరిని స్తుతి చేశాడు .

కాని వారు శాంతించక కృద్ధులై గార్ధభ వాక్కుతో ‘’పాపాత్మురాలా అసత్యం కంటే దోషం లేదు .నువ్వు నదిగా మారిపో ‘’అనగా బ్రహ్మ తప్పు తెలుసుకొని ఆమెను అదృశ్యం కమ్మన్నాడు .ఆమె వారిద్దరిని ప్రార్ధిస్తే  గంగానదితో సంగమం పొందినప్పుడు మళ్ళీ పవిత్ర శరీరం పొండుతావని అభయమిచ్చారు .ఆనదినే వాణీ లేక సరస్వతి నది అంటారు .గంగా వాణీ సంగమం ముక్తి హేతువు అని నారదునికి బ్రహ్మ చెప్పాడు .

సశేషం

మీ-గబ్బిట దుర్గాప్రసాద్ -1-3-19-ఉయ్యూరు

.

—

గబ్బిట దుర్గా ప్రసాద్

యాజ్ఞ వల్క్య మహర్షి చరిత్ర -14

యాజ్ఞవల్క్యుడు ‘’జనకరాజా !ముండ్ల దుబ్బు ,ముండ్ల గడ్డి వేరు వేరు అయినట్లే ,పురుషుడు ,ప్రకృతి వేరు వేరు .వీరి పరస్పర సంయోగం వలన వేరు అనిపిస్తారు .మేడిపండుపై ఉన్న దోమ ఆపండు లో భాగం కాదు .నీటిలోని చేప నీటికంటే వేరు .కుంపటి అందులోని అగ్ని వేరువేరు అని  సాంఖ్యులలభావన .ప్రకృతి,పురుషుడు భిన్నంకాదు .యోగులు ఎలా దీన్ని భావిస్తారని రాజు అడగగా మహర్షి ‘’సాంఖ్యానికి యోగానికున్న బలం లేదు .కానీ రెండూ ముక్తికి మార్గాలే .ఈ రెండు భిన్నం కాదు ఒక్కటేఅని నేనుభావిస్తాను .యోగులు దేన్ని  దర్శిస్తారో సాంఖ్యులు కూడా దాన్నే దర్శిస్తారు .ఈ రెండిటిని ఒక్కటిగా చూసేవాడే నిజమైన తత్వ వేత్త .యోగం లో ప్రాణవాయువుకేకాక ఇంద్రియాలు ప్రధాన్యముంది .ఈ రెండిటిని అణగించుకొనియోగులుఅంతటా స్వేచ్చగా సంచారం చేస్తారు .స్థూల దేహాన్ని నశి౦ప జేసు కొని అణిమాది సిద్దులతో సూక్ష్మ దేహం పొంది ,ఆ దేహం లోనే అన్ని సుఖాలుపొండుతూ అన్నిటా సంచరిస్తారు .యోగం లో ఎనిమిది గుణాలున్నాయి ,ఎనిమిది అ౦గాలున్నాయి .

  ‘’ఉత్తమ యోగుల తీరు సగుణ ,నిర్గుణ అని  రెండురకాలు .మనసుని పదహారింటి లో ధారణ చేయాటమే  మొదటిదైన సగుణయోగం  .రెండవదైన నిర్గుణం లో  ప్రాణాయామాన్నీ చిత్తాన్నీ ధ్యాత ధ్యేయం  భేదం నశి౦చేట్లు ఏకాగ్రత్వం పొంది ఇంద్రియ నిగ్రహత్వం తో ఉండటం .మొదట సగుణాన్నీ తర్వాత నిర్గుణాన్నీ అభ్యాసం చేయాలి .రాత్రి మొదటి యామం లో 12 ప్రాణాయామాలు ,నిద్రించాక చివరియాములో 12ప్రాణాయామాలు ఉన్నట్లు చెప్పారు .దాంతుడు, శాంతుడు ఈ 24విధాల ప్రాణాయామాలను నిరోధిస్తాడు .అప్పుడుపరమాత్మలో ఆత్మను విలీనం చేయగ లుగుతాడు .ఇంకా చాలా వివరాలున్నాయి మళ్ళీ  చెబుతా  ‘’అన్నాడు యాజ్ఞవల్క్యుడు .

 సశేషం

  మీ-గబ్బిట దుర్గాప్రసాద్ -1-3-19-ఉయ్యూరు

AANM And VVR SR ఇంగిలీషు మీడియం గుడ్లవల్లేరు హైస్కూల్ ప్రిన్సిపాల్  ఆత్మీయులు శ్రీ నారాయణం శ్రీనివాసమూర్తిగారికి  నమస్సులు .నన్ను మీ సాహితీ దినోత్సవ సభ కు ముఖ్య అతిధిగా   ఈ రోజు 28-2-19 గురువారం ఆహ్వానించి ,నాతొ మీ బాలబాలికలకు నాలుగు మంచిమాటలు అందునా ఆ ప్రాంతపు కవి మహాకవి శ్రీ దాసు శ్రీరాములు  గారిపై నాకు మాట్లాడే అవకాశమిచ్చినందుకు ,మీ విద్యా కుటుంబాన్ని పరిచయం చేసినందుకు ,గౌరవించి నందుకు  ధన్యావాదాలు  .వారందరి సౌజన్యానికి  అభినందనలు ..

యాజ్ఞ వల్క్య మహర్షి చరిత్ర -13

  అవ్యక్తం లో ఉన్న పరమ పురుషుని స్వభావం వర్ణించి  చెప్పమని జనకుడు అడిగాడు .యాజ్ఞవల్క్యుడు ‘’పరముడు ప్రకృతిలో ఉన్నా ,దాని స్వభావం పొందకుండా తన స్వభావం తోనే ఉంటాడు .సాధారణంగా అచేతనంగా ఉండే ప్రకృతి అతడు అధిస్టించినపుడు అది సృస్టించటానికి  సంహరించటానికి శక్తి కలిగిఉంటుంది ‘’అన్నాడు .జనకుడు ‘’ఆ ఇద్దరిలో ఒకరు అచేతనం గా ఎందుకు ఉంటారు .మరొకరు చేతనకల్గి క్షేత్రజ్ఞుడు అని ఎలా పిలువబడుతాడు ?వివరించు ‘’అనగా మహర్షి ‘’జపాకుసుమం దగ్గరున్న స్పటికం దాని రంగులు పొందినట్లు గుణాలు పొంది గుణవంతుడు అవుతాడు .ఆ పుష్పం దగ్గర లేకపోతె శుద్ధ స్పటికంగా నిర్గుణుడై నిజ స్వభావం తో ఉంటాడు .అవ్యక్త ప్రకృతికి ఏమీ తెలియదు .స్వాభావికంగా పురుషుడికే అన్నీ తెలుసు .అజ్ఞానం చేత పురుషుడు మళ్ళీ మళ్ళీ గుణాలతో కలిసిఉంటాడు .కనుక నిజ స్వరూపం తెలియక ముక్తిపొండలేడు .ప్రకృతి యొక్క కర్తృత్వం కలవాడై ప్రకృతి ధర్మ కలవాడౌతాడు .గుణాలను ప్రసవి౦చేవాడుకనుక ప్రసవ ధర్ముడు అనీ ,ప్రళయం కలిగించేవాడు కనుక ప్రళయ ధర్ముడు అనీ అంటారు .అన్నిటికీ తానె సాక్షి తనకంటే వేరేది లేనందువలన ,తానె ప్రకృతి అనుకోవటం వలన ఆధ్యాత్మ విదులు అతడిని అద్వయుడు నిత్యుడు అంటారు .కారణ రూపం చేత అవ్యక్తుడు ఆస్థిరుడు కార్య రూపం లో వ్యక్తుడు .సాంఖ్యులు మోక్షానికి జ్ఞానాన్నీ, భూతదయను అవలంబిస్తారు .వారు వారు ప్రకృతికి ఏకత్వం ,పురుషుడికి నానాత్వం చెపుతారు  అంటే ప్రకృతి ఒక్కటే కాని పురుషుడు అనేకం అని  వాళ్ళభావం .కాని ప్రకృతికంటే పురుషుడు వేరే .ప్రకృతి అధ్రువం అయినా ద్రువమైన దాని లాగా కనిపిస్తుంది .దీన్ని వివరంగా వివరిస్తాను .’’అన్నాడు .

సశేషం

  మీ-గబ్బిట దుర్గాప్రసాద్ -26-2-19-ఉయ్యూరు

గౌతమీ మాహాత్మ్యం -48

64- శుక్ల తీర్ధం

భరద్వాజముని భార్య’’ పైఠీనసి’’ఒకరోజు  యజ్ఞానికి పురోడాశం తయారు చేస్తుండగా ,ఆపోగానుంచి మూడులోకాలను భయపెట్టే రాక్షసుడు ఏర్పడి పురోడాశం తినేశాడు .కోపించినముని అతడిని ప్రశ్నిస్తే తను సంధ్యా  ,ప్రాచీన బర్హి లకుమారుడనని ,స్వేచ్చగా యజ్ఞాన్ని భుజి౦చమని బ్రహ్మవరమిచ్చాడని చెప్పగా తన యజ్ఞాన్ని రక్షించమని ముని కోరగా ‘’పూర్వం బ్రహ్మనన్నునల్లగా మారిపోతావని  శపిస్తే ,నేను ప్రాధేయపడగా మునులు నన్ను అమృతదారతో అభిషేకిస్తే శాపవిమోచనం కలుగుతుందన్నాడు ‘’అని వివరించాడు భారద్వాజముని ‘’నువ్వు నా మిత్రుడవు యజ్ఞ సంరక్షణం ఎలా జరుగుతుందో చెప్పు .లేక సులభోపాయం ఉంటె  తెలియజేయి ‘’అని ప్రాధేయపడ్డాడు ..వాడు తనను అమృతప్రాయమైన బంగారం ,ఆవునెయ్యి ,సోమరసం లలో ఒకదానితో  అభిషే కి౦చ మన్నాడు .కుదరకపోతే గోదావరి జలమే అమృతం కనుక దానితో అభిషేకి౦చ మని ఉపాయం చెప్పాడు .

 భరద్వాజ మహర్షి గంగాతీరం చేరి గంగాజలం చేతిలోకి తీసుకొని యజ్ఞం లో ఆ రాక్షసునికి అభిషేకం చేశాడు .యజ్ఞం లోని యూపస్తంభం యజ్ఞ  పశువు, రుత్విక్కులపైనా ఆజలాన్ని చల్లాడు .నల్లని వాడైన ఆ రాక్షసుడు తెల్లనివాడుగా మారిపోయాడు .యజ్ఞం నిర్విఘ్నంగా సమాప్త  మైంది .అందర్నీ సత్కరించి పంపేసి ముని యూప స్తంభాన్ని గోదావరిలో పడేశాడు .ఇప్పటికీ అది కనిపిస్తుంది .రాక్షసుడు భారద్వాజునితో ‘’మహర్షీ !నల్లని నన్ను తెల్లనివాడిగా చేశావు .ఈ శుక్ల తీర్ధం లో స్నాని౦చిన వారి అభీష్టాలు సిద్ధిస్తాయి ‘’అని చెప్పి వెళ్ళిపోయాడు ఇక్కడ 7వేల తీర్దాలేర్పడినాయని బ్రహ్మ నారదునికి చెప్పాడు .

 సశేషం

 మీ- గబ్బిట దుర్గాప్రసాద్ -26-2-19-ఉయ్యూరు

యాజ్ఞ వల్క్య మహర్షి చరిత్ర -12

‘’ఆధ్యాత్మ ,అధిభూత అది దైవతాల గురించి చెప్పండి ‘’అడిగాడు జనకుడు .దీనికి యాజ్ఞవల్క్యుడు ‘’పాదాలు అధ్యాత్మ,గమనం అది భూతం విష్ణువు అది దైవతం .పాయువు ఆధ్యాత్మ మల విసర్జన అధిభూతం సూర్యుడు అది దైవతం .ఉపస్థ అధ్యాత్మం ,దాని ఆనందం అధిభూతం ,ప్రజాపతి అధి దైవం .చేతులు అధ్యాత్మ అవి చేసే పనులు అధిభూతం ,ఇంద్రుడు అధిదైవం .వాక్కు ఆధ్యాత్మ .మాట్లాడటం అదిభూతం అగ్ని అధి దైవం .కన్ను అధ్యాత్మ రూపం అదిభూతం సూర్యుడు అధి దైవం .చెవి అధ్యాత్మం ,శబ్దం అధిభూతం దిక్కులు అధిదిదైవాలు .జిహ్వ అధ్యాత్మ రసం అధిభూతం జాలం అది దైవతం .ఘ్రాణం అధ్యాత్మ గంధం అది భూతం ,పృథ్వి అధిదైవతం .చర్మం అధ్యాత్మ స్పర్శ అదిభూతం ,వాయువు అది దైవం మనస్సు అధ్యాత్మ ,మంతవ్య౦ అది భూతం చంద్రుడు అదధి దైవం .ఆహ౦ కారం అధ్యాత్మ  అభిమానం అదిభూతం ,బుద్ధి అధిదైవం .బుద్ధి అధ్యాత్మ బోద్ధవ్యం అధిభూతం క్షేత్రజ్ఞుడు అధి దైవం .రాజా !భగవానుడిని ఆది మధ్యాన్తాలలో చూపిస్తూ విభూతులన్నిటినీ యధాక్రమ౦గా చెప్పాను .

  ‘’ప్రకృతి తనంత తాను  కోరికతో అనేక   వేల గుణ వికారాలు కలిగిస్తుంది.అది దాని సహజ లక్షణం  .ప్రకృతి పురుషుని యొక్క సత్వ రజస్ తమో గుణాలకు అనేక వికృతులు కలిగిస్తుంది .సత్వం ఆనందం ఉద్రేకం ,ప్రీతి ఆరోగ్యం సంతోషం శ్రద్ధ క్షమా కార్పణ్యం సమత్వం,నిర్దయ ,దానహీనబుద్ధి హింస వైరం ,ధర్మ ద్వేషం మొదలైనవన్నీ కలిగించి మనిషిని చికాకు కలిగిస్తుంది ‘’అని చెప్పాడు .

  జనకుడు సాత్వికాది గుణాలో తేడాల విషయం స్పస్టపరచమని అడిగాడు .మహర్షి ‘’ సత్వ రజస్తమోగుణాలు ప్రకృతి గుణాలు .అవి విడిచిపెట్టకుండా లోకం లో ఉంటూనే ఉంటాయి .అవ్యక్త రూప భగవానుడు ఈ గుణాలవలననే కోటానుకోట్ల జీవ రాశులలో ఉంటున్నాడు .వీటిలో సాత్వికం ఉత్తమ౦  రాజసం మధ్యమం, తామసం అధమం .మనిషికి పుణ్యం చేత ఊర్ధ్వగతి, పాపం చేత అధోగతి కలుగుతాయి .రజస్సు సత్వం తో ,తమస్సు రజస్సుతో సత్వం తమస్సు తో కలిస్తే ,లేక మూడూ సమానంగా కలిస్తే కానీ అవ్యక్తమైన ప్రకృతికూడా కలుస్తుంది .అవ్యక్త పురుషుడు సత్వం తో ఉంటె దేవలోకం లోనూ ,రజస్సు తమస్సు కలిగి ఉంటె మనుష్యలోకం లోనూ ,రజస్సు తమస్సులతో కలిస్తే పశు పక్ష్యాదులలోను పుడతాడు .మూడిటిలోనూ కలిసి ఉంటె మనుష్యత్వం కలుగుతుంది .పుణ్య పాపాలు లేని మహాత్ములు శాశ్వత అవ్యక్త అక్షయ స్థానం పొందుతారు .జ్ఞానులు ఉత్కృష్ట జన్మ పొందుతారు .అపుడు అచ్యుత అతీంద్రియ అజ్ఞానరహిత ,జన్మ మృత్యు తమోరహితం గా ఉంటారు ..’’అని వివరించాడు .

   సశేషం

మీ- గబ్బిట దుర్గాప్రసాద్ -25-2-19-ఉయ్యూరు

.

గౌతమీ మాహాత్మ్యం -47

62- యమతీర్ధం

పితృదేవతలకు ప్రీతికరమైన యమ తీర్ధం గురించి బ్రహ్మ నారదుడికి చెప్పాడు .పూర్వం ‘’సరమ ‘’అనే దేవ శునక స్త్రీ ఉండేది .ఆమెకు శ్రేష్టమైన రెండు మగ శునకాలు పుట్టాయి .వాటికి నాలుగు కళ్ళు ఉండటం చేత వాయు భక్షణకోసం రోజూ దేవతలవెంట వెళ్ళేవి .వీటిపై యముడికి ప్రీతి ఎక్కువ .దేవతల యజ్ఞాలకు పోషి౦పబడే పశువులను సురమ కాపలా కాసేది .యజ్ఞ పశువులను రాక్షసులు ఆమెను మోసగించి దొంగిలించారు .సరమ దేవతలకు విషయం విన్నవించింది .బృహస్పతి ఆమెదే దోషమన్నాడు .నిజమని నమ్మి ఇంద్రుడు ఆమెను పాదం తో తన్నాడు .ఆ ఘాతానికి సరమ శునక ముఖం నుంచి పాలు కారాయి .రాక్షసులు అపహరించిన ఆవుపాలు ఆమె తాగిందికనుక ,వాటిని తీసుకొచ్చే బాధ్యతా ఆమెదే అన్నాడు .దానికి ఆమె  ఇందులో తనది కాని ఇతరులదికాని తప్పు లేదని తాను  కాపలా లో నిర్లక్ష్యం చూపలేదనీ బలవంతులైన రాక్షసులు తనను బంధించి గోవులను ఎత్తుకు పోయారని చెప్పింది .దేవగురుడు ధ్యానించి ఆమె నిజంగా దుస్టురాలని ,శత్రు పక్షం లో చేరిందనిఅనగా ఇంద్రుడు ఆమెను   మానవ లోకం లో ఆడకుక్కగా పుట్టమని శపించాడు .అలాగే ఆడకుక్కగా భయంకరమైనదిగా పుట్టింది .

  యజ్ఞ గోవుఅలను తెచ్చే ప్రయత్నం చేస్తూ ఇంద్రుడు విష్ణువును దర్శించి నివేదించాడు .ఆయన దోషులైన దైత్య దనుజ ,రాక్షసులను సంహరించటానికి  శార్ ఙ్గ ధన్సుస్సుతో  బయల్దేరి దండకారణ్యం లోఉన్న దేవ దనుజ రాక్ష సంహారం చేశాడు .అప్పటినుంచి విష్ణువుకు శార్ ఙ్గపాణి అనే పేరొచ్చింది .విష్ణువుకు భయపడ్డ రాక్షసులు దక్షిణ దిక్కుకు పారిపోయారు .గరుడవాహనమెక్కి  విష్ణువు వారిని వెంబడించి గంగ ఉత్తర  తీరం లో తన ధనుర్బాణాలతో చంపేశాడు  .అపహరింపబడిన గోవులను దేవతలకు ఇచ్చాడు .ఇదే గో తీర్ధం లేక బాణ తీర్ధం .గ౦గ దక్షిణ తీరం లో గోవులు యజ్ఞ పశువులయ్యాయి .దేవతలంతా ఇక్కడే గంగలో మునిగి మధ్యభాగం లో ఒక ద్వీపాన్ని ఏర్పాటు చేసి దేవతాయజ్ఞం చేశారు .ఇదే యజ్ఞ తీర్ధం ,గోరక్షక తీర్ధం అయింది .

  నాలుగు కన్నులున్న సరమ కొడుకులు యముడికి జరిగినదంతా చెప్పారు .యముడు వారిద్దరినీ తీసుకొని తన  తండ్రి  సూర్యుడి దగ్గరకు వెళ్ళాడు .ఆయన గంగా తీరం చేరి పవిత్ర స్నానం చేసి బ్రహ్మా విష్ణు మహేశ్వరుల ధ్యానం చేయమన్నాడు .అలాగే చేశాడు శునకాలతో సహా .సరమ శాప విమోచనమై సుఖ శాంతులు పొందింది .

  63-యక్షిణీ సంగమం

  యక్షిణీ సంగమ౦లో స్నాదోషనివారణం సకల అభీస్ట  దాయకం .పూర్వం విశ్వావశువుకు పిప్పలా అనే సోదరి ఉండేది .ఆమెకు బిగ్గరగా నవ్వటం అలవాటు .ఒకసారి ఆమె గంగా తీరం లో ఋషులు చేస్తున్న యజ్ఞాన్ని చూడటానికి వెళ్లి వాళ్ళను పరిహాసం చేస్తూ ‘’నౌ షడ్, శ్రౌ షడ్’’అంటూ బిగ్గరగా అపస్వరం తో పలికింది .కోపించిన ఋషులు ఆమెను నదిగా మారమని శపించారు .నదిగా మారి యక్షిణి పేరుతొ పిలువబడింది .ఇది తెలిసిన ఆమె సోదరుడు విశ్వావశువు ఋషులను, ముక్కంటిని పూజించి  యక్షిణి నదిని గంగలో కలిపేసి శాపవిమోచనం కావించాడు .ఇక్కడే విశ్వావశువుకు ఉమామహేశ్వరుడు సాక్షాత్కరించాడుకనుక ఇది శైవ తీర్ధం, దుర్గా తీర్ధంగా పిలువబడింది .సమస్త దుర్గతులు పోగొట్టే ఈ తీర్ధం ముఖ్య తీర్ధమైనదని బ్రహ్మ నారదుడికి చెప్పాడు  .

   సశేషం

మీ-గబ్బిట దుర్గా ప్రసాద్ -25-2-19-ఉయ్యూరు

యాజ్ఞ వల్క్య మహర్షి చరిత్ర -11

సరే అని ‘’బ్రహ్మం ‘’విషయం పై చర్చిద్దామన్నాడు జనకుడు .అప్పుడు జనకుడు బ్రహ్మ అంటే  వసిస్టుడయ్యాడు .మరో సారి జనక యాజ్ఞావల్క్యులు అగ్నిహోత్రం  గురించి చర్చించారు..అగ్ని హోత్ర ద్రవ్యం గురించి తెలుసా అని రాజు అడిగాడు .తెలుసు అనగా చెప్పమంటే పాలు అన్నాడు .అవిలేకపోతే దేనితో హోమం చేస్తావని అడిగితె వ్రీహి తో అనగా ,అదీ లేకపోతె అంటే ఓషదులతో  అనగా అవీ లేకపోతె అంటే నీళ్ళతో అంటే అవీ లేకపోతె ఏం చేస్తావు అని అడిగితె యాజ్ఞవల్క్యుడు ‘’సత్యాన్ని శ్రద్ధలో హోమం చేస్తాను ‘’అన్నాడు .

  ప్రకృతి మొదలైనవాటి గురించి చెప్పమని రాజు అడిగితె మహర్షి ‘’అవ్యక్తం మహస్సు ,అహంకారం ,పృథ్వి ,నీరు ,తేజము వాయువు ఆకాశం అనే ఎనిమిది ప్రకృతులు అంటారని చెవి చర్మం ,జిహ్వ ,ముక్కు శబ్దం స్పర్శ రూపం రసం గంధం ,వాక్కు హస్తాలు పాదాలు పాయువు మేఢ్ర౦ లను వికృతుల౦టారని ,వీటిలో   శబ్దము మొదలైన పంచ భూతాల వలన పుట్టినవి విశేషాలు అంటారని జ్ఞానేంద్రియాలు అవిశేషాలనీ ,మనసు పదహారవదిగాఆధ్యాత్మ చింతనాపరులు భావిస్తారని ,ఈ మొత్తం 24లను తత్వాలు అంటారని శ్రుతులు చెప్పాయన్నాడు  .

   జనకుడు నవవిధ సృస్టుల గురించి చెప్పమని అడగగా మహర్షి ‘’అవ్యక్తం అంటే మూల ప్రకృతి నుంచి మహాదాత్మ పుట్టింది .ఇదే మొదటి సృష్టి .మహత్తు నుంచి అహంకారం పుట్టి బుధాత్మకమైన ద్వితీయ సృష్టి అయింది .అహంకారంనుంచి ఆకాశం మొదలైన భూతాత్మక

మనస్సు  పుట్టి అహంకారిక తృతీయ సృష్టి అయింది .మనసు నుండి మహాభూతాలు అయిదు పుట్టి మానసిక నాల్గవ సృష్టి అయింది .శబ్ద స్పర్శ రస గంధ రూప మైన భౌతిక పంచమ సృష్టి ఏర్పడింది. శ్రోత్వ చక్షు త్వక్ జిహ్వ ఘ్రాణం అనే చి౦తాత్మక ఆరవ సృష్టి జరిగింది .కర్మేంద్రియాలు పుట్టి ఐంద్రియ సప్తమ సృష్టి అయింది .ఊర్ధ్వంగా పుట్టే వాయువు అంటే ప్రాణం  అడ్డంగా పుట్టే వాయువులు అంటే అపాన ఉదాన వ్యానాలు పుట్టి ఆవర్జక ఎనిమిదవ సృష్టి అయింది .తర్వాత అడ్డం గా పోయే వాయువులు అనగా సమానం దానం వ్యానం ,క్రిందుగా పోయే అపానం వాయువులు పుట్టి అనార్జవం అనే తొమ్మిదవ సృష్టి అయింది ‘’ అని వివరించాడు .

  సంతృప్తి చెందిన జనకరాజు గుణాలు కాలం గురించి వివరించమని కోరాడు .యాజ్ఞవల్క్యుడు ‘’పది వేల కల్పాలు అవ్యక్త పురుషుడికి ఒక పగలు ,రాత్రి కూడా అంతేపరిమాణం కలది .రాత్రి గడవగానే అతడు సకలప్రాణులకు జీవాధారమైన ఓషధులను సృష్టిస్తాడు .తర్వాత హిరణ్మయమైన అండం నుండి బ్రహ్మ౦ ను సృష్టిస్తాడు. ఇతడే సర్వభూతాలకు మూర్తి .ఒక సంవత్సరకాలం ఆ అండంలోనే ఉండి,తర్వాత బయటికి వచ్చి ఆ అండంలో సగం స్వర్గం గా సగం భూమిగా చేశాడు అని వేదాలే చెప్పాయి .ఈ  రెండిటికి  మధ్య ఆకాశం ఏర్పరచాడు .ఏడు వేల ఏనూరు కల్పాలు బ్రహ్మకు ఒకపగలు అంతేకాలం రాత్రి .మహత్తు అనబడే బ్రహ్మం  అహంకారం ,తర్వాత తన శరీరం నుండి నలుగురుపుత్రులు అంటే మన పితరులకు పితరులను పుట్టించాడు .జ్ఞానేంద్రియాలు అంతఃకరణ ఈ పితరులనుండే పుట్టినట్లు ,చరాచర జగత్తు అంతా ఆ మహా భూతాలచేత నిండింప బడినట్లుగావింటున్నాము .అహంకారం అయిన పరమేస్టి పంచభూతాలను సృజించాడు. ఆ అహంకారం కు అయిదు వేలకల్పాలు పగలు అయిదు వేలకల్పాలు రాత్రి అవుతాయి .శబ్ద స్పర్శాదులు  పంచమహాభూతాలతోచేరుతాయి .ఈ అయిదు ప్రాణులలో చేరి స్నేహం అతిక్రమణ మాత్సర్యం కలిగిస్తాయి .ఇవి అవ్యయాలను హరిస్తాయి ,గుణాల చేత పురిగొల్పబడి,ఒకదాన్ని ఒకటి చంపుతూ తిర్యక్ వ్యోమాలలో ప్రవేశించి ,ఈలోకం చుట్టూ తిరుగుతాయి .వీటికి మూడువేలకల్పాలు పగలు మరో మూడు వేలకల్పాలు రాత్రి అవుతాయి .ఇంద్రియాలను పురికొల్పినప్పుడు మనస్సు అన్ని వస్తువులపైకిపోతుంది .ఇంద్రియాలు ఒకదానినొకటి కనుక్కోలేవు. మనస్సు మాత్రమే వాటిమూలంగా విషయాలు తెలుసుకొ౦టుంది.కన్ను మనసు సాయం తో రూపాన్ని చూస్తుంది .మనసు పని అయిపోతే ఇంద్రియాలపనీ ఆఖరు .కనుక ఇంద్రియాలు మనసుకు లోబడే ఉంటాయి .మనసే ఇంద్రియాలకు ఈశ్వరుడు .జగత్తులో ఉన్న 20భూతాలూ ఇవే ‘’అని చెప్పాడు .

  గంభీర విషయాలను కూడా సునాయాసంగా అరటిపండు వొలిచి చేటిలో పెట్టినట్లు చెప్పిన యాజ్ఞావల్క్యుని జ్ఞానానికి   అబ్బురపడి జనక మహారాజు భూత సృజన ,సంహారం అనాదినాధుడు బ్రహ్మ ఎలా చేస్తాడని ప్రశ్నించాడు .యాజ్ఞవల్క్యుడు ‘’ రాత్రి కాగానే బ్రహ్మ నిద్రపోతాడు .భూత సంహారం కోసం ఒక రుద్ర రూపుడిని ఏర్పాటు చేస్తాడు .ఆ మహారుద్రుడు వందలకొద్దీ సూర్యులై జ్వలించే 12అగ్నులరూపం గా  మారుతాడు .తన తేజస్సుచే జరాయుజాలు  అండజాలు స్వేదజాలు ఉద్భిజాలనే నాలుగు రకాల జంతువులను దహిస్తాడు ఒక రెప్పపాటుకాలంలో స్థావర జ౦గమాలన్నీ నశిస్తాయి. అప్పుడు భూమి నాలుగు ప్రక్కలకు తాబేటి చిప్పలాగా మారుతుంది .భూమిపై నాలుగు వైపులా నీటిని ప్రవహి౦ప జేస్తాడు .తర్వాత ప్రళయ కాలాగ్ని పుట్టించి భూమిని ముంచేసి ,నీటిని ఇగురి౦ప జేస్తుంది .జలాలు లేకపోవటం తో ఆమహాగ్ని అంతటా ప్రజ్వరిల్లుతుంది .సప్తాగ్ని జ్వాలలను ఎనిమిది మూర్తులతో వాయువు భక్షి౦చి కిందకు మీదికి అడ్డంగా నాలుగు ప్రక్కలకు పరుగులు తీస్తుంది .అతి విస్తృతి చెందిన వాయువును ఆకాశం మింగేస్తుంది .మనసు ఉల్లాసం తో ఆకాశాన్నే మింగేస్తుంది .ప్రజాపతి మనస్సును మింగితే ,అహంకారం మనస్సును మింగగా మహదాత్మ  అహంకారాన్ని మింగేస్తుంది .అప్పుడు  ప్రజాపతి ,అణి మహిమాది  విభూతి సంపన్నుడైన శంభుడు మహదాత్మను మింగేస్తాడు . అతడి చేతులు ,పాదాలు నేత్రాలు శిరస్సు ముఖం  చెవులుకలిగి అన్నిట్లో వ్యాపిస్తాడు .అన్ని భూతాలకు హృదయమై అంగుస్టమాత్ర పరిమితమై ఉంటాడు .అన౦తుడు మహాత్ముడు ఐన ఈశ్వరుడు ఈ విధంగా జగత్తు నంతా మింగుతున్నాడు .చివరికి అక్షయం ,అవ్యయం అప్రణవం, భూత భవిష్యత్తులను సృష్టించే అనఘుడైన పరబ్రహ్మం ఒక్కటే మిగిలి ఉంటుంది ‘’అని సవిస్తరంగా సృష్టి ప్రయోగ ఉపసంహారాలను వివరించాడు .

  సశేషం

  మీ-గబ్బిట దుర్గాప్రసాద్ -24-2-19-ఉయ్యూరు .      .

.

గౌతమీ మాహాత్మ్యం -46

61- ఆపస్తంభ తీర్ధం

స్మరణ మాత్రాన పాపక్షయం చేసేది ఆపస్తంభ తీర్ధం . ఆపస్తంభముని భార్య’’అక్షసూత్ర’’పతి భక్తీ పరాయరాలు వీరి కొడుకు ‘’కర్మి’’ గొప్ప తత్వ వేత్త .ముని ఆశ్రమానికి ఒకసారి అగస్త్యమహర్షి రాగా శ్రద్ధగా ఐది సత్కారాలతో పూజించాడు .ఆపస్తంభుడు అగస్త్యుని దేవతలకు కూడా పూజింపదగిన వాడేవ్వరో తెలియజేయమని కోరాడు  .అగస్త్యుడు ‘’సర్వ వేదాలు  ఎవరిని కీర్తిస్తాయో ,జన్మమృత్యువులు లేనివాదడేవరో అతడే ‘’పరుడు ‘’అంటే పరబ్రహ్మ .ఆతడే సృష్టి స్థితి లయాలకోసం బ్రహ్మ  విష్ణు మహేశ్వర రూపం పొందుతాడు .వీరికి ఆకృతిలో మాత్రమె భేదం .ముగ్గురూ ఒక్కరే .అలాంటి పరబ్రహ్మనే పూజించాలి ‘’అన్నాడు .తనకు సరిగా అవగాహన కాలేదని పూర్తిగా వివరించమని ఆపస్తంభుడు కోరాడు .దీనికి అగస్త్యముని ‘’త్రిమూర్తులలో తేడా లేకపోయినా ఆనంద స్వరూపుడైన శివుని వలననే సర్వ సిద్ధి కలుగుతుంది కనుక శివధ్యానం అన్నిటికీ ఉత్తమం .గంగా తీరం లో ఆయనకోసం తపస్సు చేస్తే అన్నీ సిద్ధిస్తాయి ‘’అన్నాడు .

  తన అనుమానాన్ని  తీర్చిన  అగస్తునికి ఆపస్తంభుడు కృతజ్ఞత చెప్పి గంగా తీరం చేరి పవిత్ర స్నానం చేరి శివధ్యానం లో మునిగిపోయి –

‘’కాస్టేషు వహ్నిః   కుసుమేషు గంధో-బీజేషు వృక్షాది దృషత్సుహేమః –భూతేషు సర్వేషు తదాస్తి యావైః-తమ్ సోమనాథం  శరణం వ్రజామి —‘’నిత్యం శరణ్యం సకలస్య పూజ్యో –నిత్యం ప్రియో యః శరణాగతస్య –నిత్యం శివో యః సకలస్య రూపం –సోమేశ్వరం తమ్ శ  రణం వ్రజామి –‘’మొదలైన స్తోత్రాలతో సంతృప్తి పరచాడు .శివుడు ప్రత్యక్షమై వరం కోరుకోమన్నాడు .ఆపస్తంభుడు ‘’ఈ తీర్ధం లో స్నానం చేసి శివధ్యానం చేసే  వారి అభీస్టాలన్నీ పొందేట్లు వరం ప్రసాదించు శివా ‘’అని వేడుకొన్నాడు .అప్పటినుంచి అనాది అజ్ఞాన రూప అంధకార సమూహాన్ని నిర్మూలించటం లో సమర్ధమైన ఆపస్తంభ తీర్ధంగా ఇది విరాజిల్లింది అని బ్రహ్మ నారడుడికి తెలియ జేశాడు .

   సశేషం

మీ-గబ్బిట దుర్గాప్రసాద్ -24-2-19-ఉయ్యూరు

ఐస్ లాండ్ దేశం ధృవ ప్రాంత దేశం యూరప్ లో ఉంటుంది .నిత్యం మంచు కరిగి ,ఇవాళ ఉన్న ప్రదేశం రేపు కనిపించదు .అంటే నిత్య అభద్రతా పరిస్థితి అన్నమాట .క్రీ.శ.874లో నార్వీజియన్ చీఫ్ ఇంగోల్ అమర్సన్ లో మొదటి పర్మనెంట్ సెట్లర్ .తర్వాత నార్వీజియన్ లు ఇక్కడ ఆవాసం ఏర్పాటు చేసుకొన్నారు .తమతో త్రాల్స్ అనే బానిసలనూ తెచ్చుకొన్నారు .నార్వేజియన్ లది  గాలిక్ మూలం .13వ శతాబ్దం లోఇండిపెండెంట్ కామన్ వెల్త్ నార్వీజియన్ ప్రభుత్వమేర్పడింది 1397లో నార్వే స్వీడెన్ డెన్మార్క్ ఐస్ లాండ్ లు కలిసి సంయుక్త ప్రభుత్వ మేర్పడింది .ఫ్రెంచ్ విప్లవం నెపోలియన్ యుద్ధాలలో ఐస్లాండ్ బాగా దెబ్బతిని ,1918లో స్వాతంత్ర్యం ప్రకటించుకొని 1944లో రిపబ్లిక్ అయింది .20వ శతాబ్దం వరకు చేపలు ,వ్యవసాయం వీరికి ముఖ్య వృత్తి.రెండవ ప్రపంచయుద్ధం తర్వాత ప్రపంచం లోనే అత్యంత సంపన్న దేశంగా ఎదిగి యూరోపియన్ ఎకనామిక్ ఏరియా లో భాగమైంది .వీరిది స్కాండినేవియన్ సంస్కృతి.

అయితే ఈ దేశ ప్రజలున్నంత ఆనందంగా ప్రపంచం లో ఏ దేశం వారూ ఉండరని అనేక సర్వేలు తెలియజేశాయి .దీనికి కారణం ‘’Language is an immense source of joy ‘’అని ఆదేశ౦వారి నమ్మకం .’’The part of the brain that controls language is ,like the part that controls  happiness ,relatively new in evolutionary terms ‘’అని అమెరికాలోని విస్కాన్సిన్ యూని వర్సిటి వాళ్ళు పరిశోధించి చెప్పారు ..వారానికి కనీసం 50గంటలు పని చేసే కస్టజీవులే వారంతా .ఉష్ణోగ్రత సాధారణం గా -10డిగ్రీలసేంటి గ్రేడ్ ఉంటుంది .సున్నా డిగ్రీలకే నీరు గడ్డ కడుతుందని మనకు తెలుసు .ఇక్కడి వర్షం కూడా బలే సరదాగా సమాంతరం గా( హారిజాంటల్ )గా పడుతుంది .

  ఐస్  లాండ్ దేశం లో కుటుంబ వ్యవస్థ చాలా పటిష్టంగా ఉండటం మరో ప్రత్యేకత .ఈ దేశభాష ‘’వైకింగ్ భాష ‘’.వైకింగులుఒకప్పుడు  గొప్ప సామ్రాజ్యాన్ని ఏర్పాటు చేసి పాలించి యూరప్ దేశాలను గజగజ వణికించిన  సముద్ర జీవులైన గొప్ప పోరాట యోధులు .వైకింగ్ సామ్రాజ్య పతనం తర్వాత ఈ దేశం బ్రిటిష్ వారి పాలనలోకి వెళ్ళింది .వీరికి తమభాష అంటే మహా ప్రాణం .దేశం కంటే భాషకే అధిక ప్రాధాన్యమిస్తారు . ఈ దేశం లో ఒక సామెత ఉంది .’’Better to go barefoot than without a book ‘’ అంతటి పుస్తక ప్రియులన్నమాట .ఇంగ్లీష్ కు చాలాతక్కువ ప్రాధాన్యమిస్తారు .

  మామూలుగా వాడుకొనే వస్తువుల కు ఇంగ్లిష్ పేర్లు వాడనే వాడరు .తమమాతృ భాషలోనే ఆ పేరును సృష్టించుకొని వాడుకొంటారు .ఉదాహరణకు సినిమా ,హెలికాప్టర్ టెలివిజన్ ,కంప్యూటర్  ఫోన్ లకు ఇంగ్లీష్ మాటలు వాడరు .అవి చేసే పనిని బట్టి తమభాషలో పేరు పెట్టుకొంటారు .ఇందువలన మాతృభాషా పరి రక్షణలో వీరు ప్రపంచానికే ఆదర్శ ప్రాయులయ్యారు .కంప్యూటర్ ను వీరు’’ VOLVA ‘’అంటారు వారి వైకింగ్ భాషలో .అంటే అర్ధం Prophet of numbers ‘’అనగా సంఖ్యా దర్శిని .టెలిఫోన్ ను వైర్ అంటే దారం అనే అర్ధం వచ్చేట్లు ‘’SIMI ‘’అంటారు .

  వీరి మరో ప్రత్యేకత పుస్తక ప్రచురణ .ప్రపంచం లోనే సంవత్సరానికి ఎక్కువ పుస్తకాలు ప్రచురించే దేశం ఐస్ లాండ్.కుటుంబం లో ఆడవాళ్లే మార్గదర్శకులుగా ఉంటారు .ఇందులోనూ ప్రపంచం లో ఆ దేశం ప్రత్యేకత పొంది ఆదర్శవంతమైంది. అక్కడి కవులదీ ప్రత్యేకతే –‘Land Nation .Language is the only Trinity ‘’అని అక్కడికవుల నమ్మకం .అందరూ తమ  భాషను ప్రాణప్రదంగా,పవిత్రంగా  కాపాడుకొంటారు .భాష పలచన పడటానికి అంగీకరించరు .తమ భాషా పదాల సృష్టి కోసం ,అర్ధవంతమైన మాటలకోసం అకాడెమిక్ కమిటీ లను ఏర్పాటు చేసుకొంటారు .దీనివలన సరైన ఐస్లాండిక్ పదాలు భాషలోకి వచ్చి చేరుతాయి .తమభాష అంటే అంతటి తపన వారికి ఉంది .

  ఐస్ లాండ్ లో భాష ఒక మాధ్యమం (మీడియా )మాత్రమే కాదు ,భావ నినిమయం –The essence of Culture ‘’అంటే సాంస్కృతిక సారం కూడా .ప్రజలకు ఒక గొప్ప అభి ప్రాయం ఉంటుంది –‘’Icelandic Language is more noble ,than that of any other language ‘’అని వారి ప్రగాఢ విశ్వాసం .ఈ దేశంలో నోబెల్ పురస్కారం పొందిన కవి ‘’Holdar King Zan Laxness ‘’ఉన్నాడు.

    21-2-2011 న మాతృభాషా దినోత్సవం నాడు ప్రనగం కోసం రాసుకొన్న వ్యాసం మళ్ళీ మీకోసం –

  మీ- గబ్బిట దుర్గాప్రసాద్ -23-2-19-ఉయ్యూరు

‘’–

గోల్కొండ సింహం బద్దం బాల్ రెడ్డి కన్నుమూత

బీజేపీ సీనియర్ నేత బద్దం బాల్ రెడ్డి కన్నుమూశారు. కొంత కాలంగా క్యాన్సర్‌తో బాధ పడుతున్న ఆయన ఆరోగ్యం విషమించడంతో తుది శ్వాస విడిచారు.

గౌతమీ మాహాత్మ్యం -45

60-ఇంద్ర తీర్ధం

ఇంద్ర తీర్ధంలో వృషా కపము ,ఫేన్యాది సంగమం హనూమత తీర్దాలున్నాయి .నముచి ఇంద్ర శత్రువు. నముచి తలను నురుగును వజ్రాయుధం చేసి  ఛేదించాడు ఇంద్రుడు .ఆతల గంగ దక్షిణ తీరం నేలపై పడి,భూమిని చీల్చుకొని పాతాళం చేరింది .అఫేనం అంటే నురుగే ఫేనానది గా ప్రవహించింది .ఫేనా గంగా సంగమం పవిత్రమైనది .హనుమంతుని దాది(ఉపమాత )ఇక్కడ స్నానం చేయటం వలన విష్ణు గంగల ప్రసాద ఫలితంగా ఆమె పిల్లి రూపం పోయింది .దీనిని మార్జర లేకమర్జాల తీర్ధమంటారు .దీనికే హనుమత్ తీర్ధమనే పేరుకూదావచ్చింది .దైత్యులకు పూర్వజుడు బలవంతుడైన హిరణ్యుడు .దేవతలు వీడిని జయి౦చ లేక పోయారు.వీడికొడుకు ‘’మహా శని’’ నీ దేవతలు గెలవలేకపోయారు  .వీడి భార్య పరాజిత .ఎన్ని సార్లు యద్ధానికి వచ్చినా ఇంద్రుడు వీడిన జయి౦చ న్చాలేకపోగా వాడే  ఇంద్రుడిని ఐరావతం తో సహా బంధించి  ఇంద్రుని భార్య ఇంద్రాణి ని చూసి క్రూరత్వం వదిలి తండ్రికి చెప్పాడు .తండ్రి ఇంద్రుడిని పాతాళం లోపెట్టి గట్టికాపలా ఏర్పాటు చేశాడు .

  ఇంద్రుని జయించిన మహాశని వరణుడిపై దాడి చేశాడు .తెలివిగా తనకూతురు వారుణి నిచ్చి పెళ్లి చేసి అల్లుడిని చేసుకొన్నాడు .తానుడే సముద్రాన్ని కూడా అల్లుడికిచ్చేశాడు ..వరుణుడి సహకారం తో మహాశని మహా పరాక్రమశాలి ఎదురులేని వాడయ్యాడు.ఇంద్రుడు లేని దేవలోకం లో ఉండలేక దేవతలు సమాలోచన చేసి విష్ణువును సందర్శించి,మహా శని ని జయించటం తమకు అసాధ్యంగా ఉందని మొరపెట్టుకొన్నారు .శ్రీహరి వరుణుడి దగ్గరకు వెళ్లి ఇంద్ర విముక్తి తక్షణ కర్తవ్యమన్నాడు .చేసేది లేక ఆయన అల్లుడి దగ్గరకు వెళ్లి ,సన్మానింప బడి,రాక కు కారణం అడుగగా అన్నీ వివరింఛి ఇంద్రుడిని వదిలేయమని కోరాడు .ఐరావతం తో సహా ఇంద్రుని విడుదల చేశాడు అల్లుడు మహాశని .విడిచిపెడుతూ ‘’  ఇంద్రా !అన్నీ ఉన్నా కూడా నువ్వు కేవలం వరుణుడి దయతో బందీ గా విడుదలయ్యావు .నీకు సిగ్గు అనిపించటం లేదా ?పౌరుషహీనమైన బతుకూ ఒక బతుకేనా ? నిన్ను విడిపించిన నా మామ వరుణుడు ఈ రోజు నుంచీ నీకు గురువు .ఆయనకు ఎప్పుడూ అణగి బతుకు .లేకపోతె మళ్ళీ బంధించి పాతాళం లో పడేస్తా ‘’అని దులిపేసి వదిలేశాడు .

  సిగ్గుపడుతూ వంగి వంగి దొంగ నమస్కారాలు చేస్తూ ఇంద్రలోకం చేరి జరిగింది పూసగుచ్చినట్లు శచీదేవికి చెప్పాడు ఇంద్రుడు .తనపరాభవానికి ప్రతి క్రియ ఏమిటో  ఆమెనే చెప్పమన్నాడు .ఆమె ‘’నీ శత్రువు మా పెదన్న హిరణ్యుడి కొడుకు .తపోబలంతో బలగర్వితుడయ్యాడు .కంగారు పడకు .నీకూ తపస్సే తరుణోపాయం.దండకారణ్యం దగ్గర గంగానది కి వెళ్లి శివుని కోసం తీవ్ర తపస్సు చెయ్యి అన్నీ తీరుతాయి ‘’అని  సలహా చెప్పింది  ఇంద్రాణి .ఇంద్రుడు దేవగురుడు ,భార్య లతోకలిసి గౌతమీ తీరం చేరి పుణ్య స్నానాలు చేసి శివునికై తపస్సు చేశాడు . . స్తోత్రానికి శివుడు పరవశించి వరం కోరుకోమన్నాడు .తన శత్రువు మహాశనిని జయి౦చేఉపాయ౦  చెప్పమని అడిగాడు ఇంద్రుడు .శివుడు ఈ పని తనొక్కడితో జరగదని విష్ణువు సహకారం కూడా కావాలికనుక ఆయన్ను ప్రసన్నం చేసుకోమన్నాడు .

 ఇంద్ర ద౦పతులు ఆపస్త౦భ మహర్షితో కలిసి గంగ దక్షిణ తీరం లో శ్రీహరి కోసం తీవ్ర తపస్సు చేశాడు .హరి ప్రత్యక్షమై ఏం కావాలని అడిగితె దానవ  సంహారానికి ఉపాయం అడిగాడు .ఇచ్చాను అన్నాడు. అప్పుడే గంగా శివ విష్ణు అనుగ్రహం తో గంగనుంచి ఒక పురుషుడు ఉద్భవించి చక్ర శూలాలు ధరించి రసాతలం చేరి మహాశని సంహారం చేసి ఇంద్రునికి స్నేహితుడయ్యాడు .ఈయనే వృషాకపి .ఈ దోస్తీ మైక౦లొ  ఇంద్రుడు శచీదేవినే మరచిపోగా ,ఆమెకు కోపం రాగా ఇంద్రుడు ‘’వృషాకపి ని వదిలి ఉండలేను .ఇప్పటినుంచి నేను అచ్యుతుడనైన ఇంద్రుడిని .వృషాకపి దయవల్లే మళ్ళీ ఇంద్రపదవి దక్కింది .ఇకనుంచి ఈ  ఇంద్రేశ్వరం అబ్జకం తీర్దాలు సర్వ సిద్ధిదాయకాలౌతాయి ‘’అనగానే దేవతలుకూడా తధాస్తు అన్నారు అని బ్రహ్మ నారదునికి తెలిపాడు .

 సశేషం

మీ-గబ్బిట దుర్గా ప్రసాద్ -23-2-19-ఉయ్యూరు

A.A.N.M.AndV.V.R.S..Rగుడ్ల వల్లేరు ఇంగ్లిష్ మీడియం హైస్కూల్ కు పుస్తకాలు

A.A.N.M.AndV.V.R.S..Rగుడ్ల వల్లేరు ఇంగ్లిష్ మీడియం హైస్కూల్ లైబ్రరీకి సరసభారతి పుస్తకాలు ఆ స్కూల్ లెక్కలమాస్టారు ద్వారా 21వ తేదీ సాయంత్రం ఉయ్యూరులో అందజేసిన ఫోటో

గౌతమీ మాహాత్మ్యం -44

59-తపో వనాది తీర్ధం

గోదావరి  దక్షిణ  తీరం లో నందినీ సంగమస్థానాన్ని తపోవన తీర్ధం ,సిద్దేశ్వర తీర్ధం శార్దూల తీర్ధం అంటారు .పూర్వం దేవతల హవ్యాన్ని ధరించే అగ్ని హోతగా ఉండేవాడు.అతనిభార్య దక్షుని కూతురు స్వాహాదేవి .సంతానం కోసం తీవ్ర తపస్సు చేస్తే భర్త సంతోషించి త్వరలోనే కొడుకులు పుడతారని చెప్పగా తపస్సు చాలించింది .తారకా  సురుడు లోకాన్ని గగ్గోలు పరుస్తున్నాడు. శివపార్వతులకు చాలాకాలం  ఏకాంతం లో గడుపుతున్నారు .సంతానం కలగలేదు .దేవతలు కార్యసిద్ధికోసం అగ్ని దగ్గరకొచ్చి మహేశ్వరుడికి తారకాసురిని చేష్టలు తెలియ జేయమన్నారు .శివ మిధునం ఏకాంతం లో ఉండగా వారికి ఇబ్బందికలిగితే శివుడి మూడోకన్నుకు ఆహుతి కావాల్సిందే అన్నాడు .దేవతలు తారకుడే భయంకరుడైతే ఇక అసలు భయం దేనికి?మారు రూపం లో  వెళ్లి దేవకార్యం తెలియ జేయమన్నారు .

   అగ్ని శుక రూపం లో వెళ్లి ,లోపలి వెళ్ళే సాహసం లేక కిటికీదగ్గరే ఆగిపోయాడు .శివుడు చూసి పార్వతితో నవ్వుతూ ‘’దేవతాకార్యం కోసం అగ్ని చిలుక రూపం లో వచ్చాడు చూడు ‘’అన్నాడు .పార్వతి సిగ్గుపడింది .అగ్నిని పిలిచి శివుడు తనకు అన్ని విషయాలు తెలుసునని అధిక మొత్తం లోతన  రేతస్సును అగ్ని ముఖం లో వేశాడు .ఆ  భారం భరించలేక ,గంగా తీరం చేరి అందులో కొంతభాగాన్ని  కృత్తికలలో ఉంచాడు .దీనివల్ల పుట్టినవాడు కార్తికేయుడు అయ్యాడు .మిగిలిన దాన్ని రెండుభాగాలు చేసి  సంతానార్ది ఐన తనభార్య స్వాహా కుఇచ్చాడు శివ తేజం వలన ఆమెకు సువర్ణుడు అనే బాలుడు, సువర్ణ అనే బాలిక కవలలుగా జన్మించారు .అగ్ని దేవుడు తనకూతురు సువర్ణ ను ప్రజ్ఞావంతుడైన ధర్ముడు అనే వాడికిచ్చి పెళ్లి చేశాడు  సువర్ణుడికి   సంకల్ప అనే కన్యతో వివాహం చేశాడు .ఈ కొడుకు వీర్య సమ్మిశ్ర దోషం వలన కామరూపం తో  కనిపించిన స్త్రీనల్లా అనుభవించేవాడు .పతివ్రతల దగ్గరకు కూడా వారి భర్తల రూపాలలో వెళ్లి స్వేచ్చగా రతి క్రియ చేసేవాడు . సువర్ణ కూ  ఈ లక్షణాలే వచ్చి కనిపించినవాడినల్లా కామించి రమించేది . వీరిద్దరి  చేష్టలకు  దేవతలు  క్రోధం పొంది ఇద్దర్నీ  వ్యభిచారులవ్వమని శపించారు . ,

  కొడుకు కూతురుకు కలిగిన శాపం తెలిసి తండ్రి అగ్ని బాధపడి బ్రహ్మకు నివేదించాడు  .బ్రహ్మ అగ్నిని గౌతమీ తీరం చేరి శివుని పూజించమన్నాడు  .గౌతమీ స్నానం చేసి అగ్ని శివుని –‘’విశ్వస్య జగతో ధాతా,విశ్వ మూర్తి ర్నిరంజనః-ఆదికర్తా స్వయంభూ శ్చత౦నమామి జగత్పతిం ‘’-‘’యోగ్నిర్భూత్వా సంహారతి స్రస్తా వై జలరూపతః –సూర్య రూపేణయః పాతిత౦ నమామి చ త్రయంబకం ‘’అని స్తుతించాడు .శివుడు ప్రత్యక్షమై తే ‘’నీ తేజస్సు నాలో ఉంచావు .దానివలన నాకు కొడుకు కూతురుపుట్టి  వ్యభిచారం తో దేవతలా శాపం పొందారు .వారికి శాపవిముక్తి కలిగించు ‘’అని వేడాడు .

  శివుడు లింగ రూప లో ప్రత్యక్షమై అగ్ని కోరిక తీర్చాడు  .సువర్ణ భర్త ధర్మువుతో ఆన౦ద౦ గానూ సువర్ణుడు భార్య సంకల్ప తో సుఖంగా ఉన్నారు .ధర్ముడిని శార్దూలుడు అనే రాక్షసరాజు జయించి సువర్ణ  ను పాతాళానికి తీసుకువెడితే ,మామా అల్లుడు విష్ణువును ప్రార్ధిస్తే ,హరి శార్దూలుని శిరస్సు చక్రాయుధం తో ఖండించి సువర్ణ  ను శంకరుడికి అప్పగించాడు  చక్రం కడగబడిన చోటు చక్రతీర్ధ౦ శార్దూల తీర్ధమైంది .విష్ణువు  సువర్ణ  ను శంకరుని దగ్గరకు తీసుకు వెళ్ళిన చోటు శంకర ,వైష్ణవ తీర్ధమయింది .కూతురు లభించిన సంతోషం తో అగ్ని కార్చిన ఆన౦దాశ్రువులు పారి ఆనంద నది ,నందిని అయింది .నందినీ గంగా సంగమం లో శివుడుంటాడు.సువర్ణ కూడా ఉంటుంది ఆమెయే దాక్షాయణి శివా ఆనేయ ,అంబిక జగదాధారా ,కాత్యాయని ,ఈశ్వరి మంగళప్రద అనే పేర్లతో పిలువబడ్డది .ఉత్తర తటం లో 14వేలు ,దక్షిణ తీరం లో 16వేలు తీర్దాలేర్పడ్డాయి .వీటిలో చేసిన ఏపని అయినా సకల పుణ్యప్రదం ముక్తిదాయకం అని బ్రహ్మ నారదునికి ఉవాచ .

  సశేషం

  మీ-గబ్బిట దుర్గా ప్రసాద్ -22-2-19-ఉయ్యూరు

యాజ్ఞ వల్క్య మహర్షి చరిత్ర -10

      గ౦ధర్వ రాజు విశ్వావసువు యాజ్ఞవల్క్యుడు చెప్పినదానికి సంతృప్తిపడి,ఆయన మనసు ఎప్పుడూ బుద్ధి తో కూడి ఉండాలని చెప్పి ఆయన చుట్టూ ప్రదక్షిణ చేసి దేవలోకానికి వెళ్ళాడు .దేవలోకం లోనూ ,భూలోక ,అధోలోక వాసులకూ విశ్వావసువు యాజ్ఞవల్క్య దర్శనాన్ని బోధించినట్లు మహా భారతం లో ఉంది.

  మిధిలా నగర రాజు జనకుడు  దేశాంతరం నుంచి వచ్చిన ఆరుణి కొడుకు శ్వేత కేతుడు ,సత్యయజ్ఞుడికొడుకు సోమ శుష్ముడు ,యాజ్ఞవల్క్యులను తన ఆస్థానానికి పిలిపించి అగ్ని హోత్ర విషయాన్ని చర్చించాడు .ముందుగా వారిని తాము అగ్ని హోత్రం ఎలాచేస్తారో చెప్పమని అడిగాడు జనకుడు .శ్వేతకేతువు తాను  అగ్న్యాదిత్యులలోనే హోమం చేస్తానని చెప్పాడు .అదెలాగా అని అడిగాడు రాజు .అతడు ‘’ఆదిత్యుడే తేజము .సాయం వేళ ఆదిత్యునికే అగ్నిలో హోమం చేస్తాను .అగ్నికూడా తేజస్సు కనుక ఆ అగ్నికోసం ఉదయం సూర్య ఘర్మం అంటే తేజస్సులో హోమం చేస్తాను .అంటే హవిస్సుచేత అగ్నిని తృప్తి చెందిస్తాను ‘’అన్నాడు .ఇలా చేస్తే ఏమిటి ఫలమని ప్రశ్నించాడు జనకుడు .శ్వేతకేతువు ‘’ఎప్పుడూ లక్ష్మి కీర్తితో కలిసిఉ౦డటమేకాక అగ్ని, ఆదిత్యుల సాయుజ్యం సమానమవుతుంది .అంటే ఐహిక ఆముష్మిక ఫలం కలవాడు అవుతాడు ‘’అని చెప్పాడు .

   సోమ శుష్ముడు ‘’తేజాన్నే తేజం లో హోమం చేస్తాను ‘’అనగా అదేట్లాని ప్రశ్నిస్తే ‘’ఆదిత్యుడే తేజం. అందుకే సాయంకాలం అగ్నిలో హవిస్సులు వేసి తృప్తికలిగిస్తా .అగ్ని తేజస్సు కనుక ప్రాతః కాలం లో అగ్ని తృప్తికిసూర్యుని యందు హోమం చేస్తాను ‘’అనగా దీనివల్లకలిగే ఫలితమేమిటి అని అడగ్గా ‘’శ్రీమంతుడు కీర్తిమంతుడు అయి వారి సాయుజ్యాన్నిఅలోకత్వాన్నీ పొందుతాడు ‘’అన్నాడు .

   యాజ్ఞవల్క్యుడు ‘’నేను ఆహవనీయాగ్నిని గార్హత్యాగ్ని నుంచి తీస్తాను .అ౦గోపాంగ సహిత అగ్నినే ఉద్దరిస్తా .అప్పుడు ఆదిత్యుడు అస్తమించటం చూసి దేవతలంతా అతని వెంట పోతారు .మళ్ళీ వారంతా నేను ఉద్ధరించిన అగ్నిని చూసి తిరిగి వస్తారు .అప్పుడు సృవాది పాత్రలు కడిగి వేదిపైఉంచుతాను ‘.అగ్ని హోత్రి అయిన ధేనువు పాలు పితికి  దేవతలను చూసే నేను ,నా వంక చూసే దేవతలను హవిస్సు తో తృప్తి చెందిస్తాను ‘’ ’అని చెప్పాడు .దీనికి జనకుడు సంతోషించి అతడు అగ్ని హోత్ర స్వరూపాన్ని బాగా నే అవగాహన  చేసుకొన్నాడని మెచ్చాడు .అతనికి వంద ఆవులనిస్తాను అని చెప్పి ,’’అగ్ని హోత్ర ఆహూతుల ఉత్క్రమణ కాని ,ప్రతి స్టకాని ,తృప్తినీ ,పునరావృత్తి ,ప్రతిపక్ష లోకం కాని నీకు తెలియదు ‘’అంటూ రధం ఎక్కి వెళ్ళిపోయాడు జనకమహారాజు .రాజు తమల్ని అతిక్రమించి  అవమానపరచాడని   భావించి శ్వేతకేతువు ,సోమశుష్ముడు రాజును  తమతో బ్రహ్మవాదానికి రమ్మని సవాలు చేద్దా౦ అందులో రాజు తమముందు ఓడిపోతాడు అన్నారు .దీనికి యాజ్ఞవల్క్యుడు ‘’మనం బ్రాహ్మణుల౦  .అతడు రాజు .మనమే జయిస్తే జాతి తక్కువవాడిని జయించిన వాళ్ళం అవుతాం. అతడే జయిస్తే బాపలను రాజు జయించాడని లోకమంతామనల్నే  గేలి చేస్తుంది.కనుక ఆమాట తలపెట్టవద్దు ‘’అని సలహా ఇచ్చాడు .తర్వాత యాజ్ఞవల్క్యుడు రధమెక్కి జనకుడి దగ్గరకు వెళ్ళాడు .

 ఎందుకు వచ్చావంటే అగ్ని హోత్రం గురించి తెలుసుకోవటానికే వచ్చానన్నాడు యాజ్ఞవల్క్యుడు .జనకుడు చెప్పటం ప్రారంభించాడు ‘’మహర్షీ !ఉదయం చేసే అగ్ని హోతాహూతులు అంతరిక్షానికి పోయి ఆహవనీయం చేస్తాయి .వాయువును సమిధలుగా మరీచులను ఆహూతులుగా చేసి అంతరిక్షాన్ని తృప్తి చెందించి స్వర్గానికి పోతాయి .అక్కడే ఆహవనీయంగా ఆదిత్యుని సమిధగా చంద్రుని శుద్ధ ఆహూతిగా చేసి దివాన్ని తృప్తి చెందిస్తాయి .దివి నుండి భువికి  వచ్చి భూమినే ఆహవనీయాగ్నిగా ,అగ్నిని సమిధగా ఓషధులను శుద్ధ ఆహూతులుగా చేసి భూమిని తృప్తి చెందిస్తాయి .భూమినుండి పురుషుని చేరి ,అతని నోటిని ఆహవనీయంగా నాలుకను సమిధగా ,అతడు తిన్న ఆహారాన్ని శుద్ధ ఆహూతిగా చేస్తాయి .ఈ విధంగా ముఖం మొదలైనవి ఆహవనీయ ఆదిత్య రూపం అని తెలిసిన పురుషునికి అగ్నిహోత్రం హుతమౌతుంది .అక్కడినుంచి స్త్రీలో ప్రవేశించి ,ఆమె ఉపస్థను ఆహవనీయంగా,దారకాలను సమిధలుగా ,శుక్రాన్ని ఆహతిగా చేసి స్త్రీని తృప్తి చెందిస్తాయి .కారణం ప్రజాపతి వీటి చేతనే ప్రజలను భరిస్తాడుకనుక .ఇది తెలిసిన విద్వాంసుడు మిధునాన్ని పొందుతాడు అంటే ప్రియను కలుస్తాడు .అతడి అగ్నిహోత్రం హుతం అవుతుంది .అప్పుడు స్త్రీలో పుత్రుడు పుడతాడు  .ఈ పుట్టినవాడే మళ్ళీ పుట్టే లోకం .అగ్ని హోత్రం అంటే ఇదీ .ఇంతకంటే ఏమీ లేదు ‘’అని చెప్పగా యాజ్ఞవల్క్యుడు మిక్కిలి సంతోషించి జనకుని అభినందించి వరం అడగమని రాజునే కోరాడు .

  సశేషం

  మీ-గబ్బిట దుర్గాప్రసాద్ -22-2-19-ఉయ్యూరు

యాజ్ఞ వల్క్య మహర్షి చరిత్ర -9

యాజ్ఞవల్క్యుడు ఆదిత్యుని నుండి పొందిన యజుస్సులను ఇతరులకోసం సంస్థాపించి ,బ్రహ్మం గురించి చింతనలో పడ్డాడు .అప్పుడు విశ్వా వసువు అనే గ౦ధర్వరాజు  ఆయన వద్దకు వచ్చి ‘’వేదాంత శాస్త్రం లో బ్రాహ్మణోక్తమైనది,సత్యమైనది ఉత్తమమైనది ఏదో తెలియజేయండి ‘’అని అడిగాడు .ఇదేకాక వేదాలను గురించి 24ప్రశ్నలు ,అన్వీక్షకి గురించి మరొక ప్రశ్న ఆడిగాడు  .దానికి కాసేపు మనసులో సరస్వతీ దేవిని ధ్యానించి యాజ్ఞవల్క్యుడు చెప్పటం ప్రారంభించాడు .

‘’ముముక్షువులకు భయం కలిగించేది ,జననమరణాలు కలిగిస్తూ అవ్యక్తమైనదే విశ్వం .దానికి సత్వ రజస్ తమోగుణాలు  మహత్తు మొదలైన గుణాలు కలిగిస్తుంది .అవిశ్వం అంటే నిర్గుణ పురుషుడు  .అశ్వ అంటే స్త్రీ .అశ్వం పురుషుడు .అంటే ప్రకృతి పురుషులన్నమాట .ప్రకృతి అవ్యక్తం .పురుషుడు నిర్గుణుడు .మిత్రుడు పురుషుడు .వరుణుడు ప్రకృతి .జ్ఞానం ప్రకృతి .జ్ఞేయం పురుషుడు.పురుషుడు జీవుడైఅజ్ఞుడు అవుతాడు నిర్గుణుడై’’ జ్ఞుడు ‘’అవుతాడు .క  అంటే పురుషుడు .తప అంటే  ప్రకృతి.అవేద్యం ప్రకృతి. వేద్యం పురుషుడు .చలం ప్రకృతి .అది వికారం పొంది సృష్టి స్థితి లయాలకు కారణమౌతోంది .అచలం పురుషుడు .అతడు  వికారాలకు లోనుకాడు .సర్గ ,ప్రళయాలకు తోడ్పడతాడు .కొందరి దృష్టిలో వేద్యం ప్రకృతి అవిద్య పురుషుడు .ప్రకృతి ,పురుషులు ఇద్దరూ అజ్ఞులు ,ద్రువులు ,అక్షయులు ,అజులు ,  నిత్యులు అని ఆధ్యాత్మ గతిలో  నిశ్చయం ఉన్న వారు అంటారు .సృష్టి విషయం లో అక్షయం అనేదాన్ని బట్టి అజం అయిన ప్రకృతి అవ్యయం అంటారు .పురుషుడు అక్షయుడు .కారణం క్షయం లేకపోవటమే .ప్రకృతిలోని గుణాలే క్షయమౌతాయి కాని ప్రకృతి క్షయించదు కనుక అక్షయమన్నారు విద్వాంసులు .ప్రకృతి వికారం పొంది సృష్టికి కారణమౌతోంది ,మరుగు పడుతూ ఉంటు౦ది .ప్రకృతి అలాకాక పోవటం చేత అదీ అక్షయమే అనబడుతుంది ‘

  ‘’అన్వీక్షకి వలన ,గురు సుశ్రూషవలన  వేదాలను పొంది ,విధులు అనుస్టిస్తూ వేదాధ్యయనం చేయాలి .వేదాలను సాంగోపాంగంగా చదివి సకల జీవరాశికి పుట్టే చోటు,,ప్రళయం లో లయించే చోటు ,వేదాలన్నీ ఒక్కటై వేద్యమైన పరమాత్మను తెలుసుకోన్నవారి ,వేదం ప్రతిపాది౦చ బూనినవాని ఎరుగక పొతే వారి వేద పఠనం నిరర్ధకం .అలాంటి వారు వేదాల బరువు మోసే  వాళ్ళుగానే మిగిలిపోతారు .వెన్నకావల్సినవాడు గాడిదపాలను మధిస్తే వచ్చేది కంపుమాత్రమే కానీ మీగడా వెన్న రావు .వేదాలన్నీ చదివి ప్రకృతి ,పురుషుడు అంటే తెలియని వాడు మూఢమతి అనిపించుకొంటాడు .ప్రకృతి పురుషులను గూర్చి ఊరికే చింతిస్తూ ఉంటె పుట్టటం గిట్టటం మళ్ళీ పుట్టటం చావటమే జరుగుతుంది .కనుక అక్షయం అయిన యోగధర్మం అవలంబించాలి .జీవాత్మ ,దానికి పరమాత్మతో సంబంధం పై ఆలోచించేవాడు నిర్గుణ పరమాత్మ దర్శనం పొందుతాడు .ష డ్వింశకుడు ,పంచ వి౦శకుడు వేరు అని భావించే వారు మూఢులు .జనన మరణాలకు భయపడి ,జీవాత్మ పరమాత్మలకు భేదం లేదని సాంఖ్యులు ,యోగులు భావిస్తారు ‘’అని సవిస్తరంగా అన్ని ప్రశ్నలకు సమాధానం చెప్పాడు యాజ్ఞవల్క్యుడు .

  అప్పుడు విశ్వావసువు ‘’జీవాత్మ అక్షయం ,పరమాత్మకంటే వేరుకాదు అన్నారుమీరు .దీన్ని స్పష్ట పరచండి .నేను జైగీష వ్యాధుడు,మా తండ్రి కాశ్యపులవలన ఈ విషయం విన్నాను .రుద్రాదులు చెప్పిందీ విన్నాను .వారంతా నిత్యమైన వేద్యాన్ని మాత్రమె చెబుతారు .నువ్వు మతిమంతుడవు .శాస్త్రాలలో దిట్టవు. సకల శ్రుతులకు నిధివి .నిన్ను దేవలోకం పితృలోకం శ్లాఘిస్తున్నాయి .బ్రహ్మలోక మహర్షులు ,జ్యోతులకు పతి అయిన ఆదిత్యుడు  నీకు ఈ జ్ఞానం బోధించారని అంటారు .నువ్వు సాంఖ్యం ,యోగ శాస్త్రాల  లోనూ ప్రవీణుడవే.చరాచరాలు తెలిసిన నువ్వే ఈ జ్ఞానాన్ని విస్పష్టంగా చెప్పగలవు .కనుక చెప్పవలసింది ‘’అని అడిగాడు ,

  యాజ్న్య వల్క్యుడు ‘’నీకు అన్నీ తెలుసు .కానీ తెలియనివాడివిగా ఉన్నావు .నేను విన్నది విన్నట్లు గా చెబుతాను .పంచ వి౦శకుడు అంటే జీవాత్మ అప్రబుద్ధ అయిన ప్రకృతిని తెలుసుకొంటాడు .కాని ప్రకృతి జీవుని తెలుసుకోలేదు .జీవుడు ప్రకృతిలో ప్రతిబి౦బిస్తాడు కనుక సాంఖ్యులు, యోగులు వేదం నిదర్శనంగా దీన్ని ప్రధానం అంటారు .జీవుడు  చతుర్వి౦శాన్ని అంటే ప్రకృతిని చూడ దలచి ,పంచ వి౦శను అంటే ఆత్మను చూస్తున్నాడు .చూడాలనే ఉద్దేశ్యం లేకుండా షడ్వింశకుని చూస్తున్నాడు .జీవుడు తనకంటే అధికుడు లేడని పొరబాటు పడుతున్నాడు .నిజంగా వాడు చూస్తున్నా కూడా షడ్వింశకుడిని చూడడు.జ్ఞానులైన మానవులు ప్రకృతిని జీవుని గా భావించ కూడదు .నీటిలోని చేప నీటికంటే భిన్నమైనట్లే ,ఆత్మ దానికంటే భిన్నుడు .పరమాత్మతో తనకున్న ఐక్యం తెలియక ,ప్రకృతి సంసర్గం తో సహవాసం ,స్నేహం ,అభిమానాలతో సంసారం లో మునిగిపోతాడు .మమకారం వదిలేస్తే మునగకుండా పైకి తేల్తాడు .తాను  ఉండే ప్రకృతి వేరు,  తాను  వేరు అనే జ్ఞానం కలిగితే పరమాత్మ దర్శనం పొందుతాడు .ఇక పునర్జన్మ ఉండదు .

‘’  రాజా !జీవాత్మ వేరు పరమాత్మ వేరు .పరముడు జీవుడిలో అంతర్యామిగా ఉండటం వలన జీవాత్మ ,పరమాత్మ ఒకటే అని సాధువులు భావిస్తారు .అందుకే యోగులు సాంఖ్యులు చావు పుట్టుకలకు భయపడి శుచులై ,పరమాత్మ పరాయణులై జీవుని చ్యుతి లేనివానిగా భావిస్తారు .జీవుడు కేవలుడై ,పరమాత్మను చూసినప్పుడే సర్వ వేత్త , విద్వాంసుడు అయి పునర్జన్మ పొందడు .ద్రస్ట కు ,దృశ్యానికి దృష్టికి దృశ్యానికి భేదం ఎంచనివాడే కేవలుడు ,అకేవలుడు అయి పంచ వి౦శకుడు అవుతున్నాడు .ఇవన్నీ నేను విన్నవీ , కన్నవీ . నీకు అన్నీ  చెప్పాను ‘’అన్నాడు యాజ్ఞవల్క్యుడు .

   సశేషం

  మీ-గబ్బిట దుర్గాప్రసాద్ -21-2-19-ఉయ్యూరు

New Doc 2019-02-21 10.50.09

గౌతమీ మాహాత్మ్యం -43

57-తపస్తీర్ధం

  తపస్సును వృద్ధి చెందించేది తపస్తీర్ధం .ఒకప్పుడు రుషులమధ్య జలం అగ్ని ల విషయం లో సంవాదం జరిగింది .కొందరు అగ్ని గొప్ప అంటే, మరికొందరు నీరు గప్ప అన్నారు.తగాదా తీరక బ్రహ్మ దగ్గరకు వెళ్లి అడిగారు .బ్రహ్మ ‘’అగ్ని,  జలం ఇద్దరూ పూజనీయులే .వారివల్లనే జగత్తు ,హవ్యకవ్యాలు అమృతం కలుగుతున్నాయి .ఇద్దరూ సమానమే ‘’అని చెప్పగా సంతృప్తిపడక వాయువును అడగగా అగ్ని యే జ్యేస్టుడు,సర్వం అగ్నిలోనే ఉన్నాయన్నాడు .సంతృప్తి చెందక భూమాతను అడుగగా ‘’సనాతనమైన నీరే నాకూ ఆధారం .అన్నీ నీటిలోనుంచే వస్తాయి కనక నీరే శ్రేష్టం ‘’అన్నది .ఇదీ నచ్చక విష్ణువును అడిగారు .అప్పుడు అశరీర దేవీవాక్కు ‘’తపో  భక్తీ నియమాలతో జలాగ్నులను ఆరాధించండి .ఎవరి సిద్ధి మొదట జరిగితే ఆ మహాభూతమే సర్వ శ్రేష్టం అని గ్రహించండి ‘’అన్నది .సరే అని వెళ్ళిపోయారు .

   ఋషులంతా గంగా తీరం చేరి జలదేవతాభక్తులు, అగ్ని దేవతాభాక్తులు తమ తమ దేవతా పూజలో యజ్ఞం లో  కూర్చున్నారు .అప్పుడు వేదమాత వాగ్దేవి సరస్వతి వారితో ‘’అగ్నికి జలం స్థానం .జలం చేతనే పవిత్రత కలుగుతుంది .నీరు ఉంటేనే కర్మలు చేయగలరు .జలాలు మాతృ భూతాలని శాస్త్రాలు చెబుతున్నాయి కనుక నీరే శ్రేష్టం ‘’అన్నది .వేద మాత వాక్కు వేదవాక్కు గా భావించి అందరూ నీటికే శ్రేస్ట త్వమిచ్చారు .మహర్షులు యజ్ఞం చేసిన ఈ తీర్ధమే తపస్తీర్ధం .తపస్సును పెంచి మోక్షాన్నిస్తుంది అని నారదునికి బ్రహ్మ చెప్పాడు .

58-దేవ తీర్ధం

గంగానదికి ఉత్తరాన దేవతీర్ధమున్నది .గుణ శ్రేష్టుడైన ‘’ఆర్ష్ట షేణుడు’’అనే రాజు  భార్య జయ .కొడుకు ‘’భరుడు వేద,ధనుర్వేదాలలో  నిష్ణాతుడు .భార్య సుప్రభ .రాజ్యం కొడుక్కు అప్పగించి రాజు ప్రదానపురోహితుని ఆధ్వర్యం లో యజ్ఞానికి పూనుకొన్నాడు .’’మిధువు ‘’అనే రాక్షసుడు యాగ ధ్వంస౦చెసి ,అందరినీ బాధించి రాజును రసాతలానికి ఎత్తుకు పోయాడు .పురోహితుడి కొడుకు ‘’దేవాపి ‘’తండ్రికోసం బెంగ పెట్టుకొని ఏడవటం మొదలు పెట్టి తల్లిని అడిగాడు .రాజుతోపాటు అతని తండ్రినీ రాక్షసుడు పాతాళానికి తీసుకు వెళ్ళాడని చెప్పింది .

   అతడు రాజకుమారుడైన భరుడు తో ఆలోచించి తాను యజ్ఞం చేసి  ఎలాగైనా రాజునూ తనతండ్రినీ తీసుకొని వస్తానని ,రాజ్యాన్నీ ,తన తల్లినీ జాగ్రత్త గ చూడమని చెప్పి ,అనుజ్ఞ పొంది ,మంచి రుత్విక్కులను ఎన్నుకొని ,వారు చెప్పినట్లు అగ్నిని పూజించి తనకోరిక తెలియజేశాడు .అగ్ని తానూ కూడా దేవతలపరి చారకుడను మాత్రమే నని ,దేవతల హవ్యాన్ని భరించేవాడినే అనీ, హవ్య భోక్తలు దేవతలే అనీ చెప్పాడు .దేవాపి దేవతలదగ్గరకు వెళ్లి జరిగింది అంతా చెప్పాడు .దేవతలు తాము  వైదిక మంత్రాల ద్వారా ఆహ్వాని౦పబడి వచ్చే వాళ్ళమే కాని స్వతంత్రులంకామనీ ,వేదాలనే అడగమని చెప్పారు .వేదాలను ప్రసన్నం చేసుకొని అడిగాడు .వేదాలు ‘’మేము ఈశ్వర వశం లో ఉంటామేకానీ స్వతంత్రులం కాదు .మహేశ్వరుడే జగత్కర్త భర్త హర్త ‘’అన్నాయి .

  దేవాపి దేవదేవుడైన మహేశ్వరుని మెప్పించి  ప్రత్యక్షమై వరం కోరుకోమనగా ‘’నా తండ్రినీ నా రాజునూ యాగం నుండి బలాత్కారంగా ఎత్తుకు పోయి పాతాళం లో దాచిన మిధు దైత్య సంహారం చేయాలని ఉందని చెప్పగా తధాస్తు అని నందిని  తన శూలాన్నీఇచ్చి   పంపాడు  శివుడు.పాతాళం చేరి నంది రాక్షస సంహారం చేసి రాజును దేవాపి తండ్రినీ సురక్షితంగా భూమి పైకి తెచ్చి అప్పగించాడు .రాజు  ’ఆర్ష్ట షేణుడు’’ గౌతమీ తీరం లోనే అశ్వమేధ యాగం చేసి ,దేవతల౦దర్నీ మెప్పించాడు .శివుడు ప్రత్యక్షమైన ఈ తీర్ధమే దేవతాతీర్ధం .ఇక్కడ పదిహేను వేల వంద తీర్దాలు వెలశాయి .ఇక్కడ ఏది చేసిన  ఉత్కృష్ట ఫలితం  కలుగుతుందని బ్రహ్మ నారదుడికి చెప్పాడు .

  సశేషం

  మీ –గబ్బిట దుర్గా ప్రసాద్ -21-2-19-ఉయ్యూరు

20-2-19బుధవారం సాయంత్రం ఉయ్యూరు వీరమ్మతల్లి తిరుణాల లో తాతా ,మామ్మ, మనవరాలు రమ్య

https://plus.google.com/photos/115752370674452071762/album/6660102266475163921/6660102267411701074?authkey=CILHy6rJ1p3AwQE

ఇవాళ 21-2-19గురువారం  మా దంపతుల 55వ వివాహ వార్షికోత్సవం సందర్భంగా బంధు మిత్రులకు సాహితీ బంధువులకు అభిమానులకు శుభ కామనలు -దుర్గాప్రసాద్, ప్రభావతి

యాజ్ఞ వల్క్య మహర్షి చరిత్ర -8

ఇందులోని 7వ భాగాన్ని 25-9-18న రాశాను . యాజ్ఞ వల్క్య మహర్షి మేనమామ శాకల్యుడు మేనల్లుడిపై అభాండాలు వేయటం బహిష్కరించటం ఆయన సంతరించిన స్మృతి పనికి రాదనటం ,దానిపై శాకల్యునితో వచ్చిన ఋషులు  తమలో తాము చాలా సేపు వితర్కి౦చు కొని యాజ్ఞ వల్క్యుని పక్షాన నిలవటం ఇప్పటి వరకూ జరిగిన కథ.ఇక తర్వాత ఏమి జరిగిందో తెలుసుకొందాం .

అందులో చూడభాగుడు ‘’ఐతే ఆయనతో కలిసి ఉండాల్సి౦దేనా ?ఆయనకు శాపం ఉందని కల్పించితే ఏమౌతుంది ?’’అని ప్రశ్నించాడు .దానికి ఋషులు ‘’అది తుచ్చ మైన పని అవుతుంది .ఆ శాపం శ్రుతి రూపమైనదా,స్మృతి రూపమైనదా లేక పురాణ రూపమైందా?అని ఆయన శిష్యులు మనల్ని ప్రశ్నిస్తే మనదగ్గర సమాధానం లేక దిక్కులు చూడాల్సి వస్తుంది .వాళ్ళ చెవిన ఈ మాట పడితే మన నోళ్ళు మూయి౦చేవారు .అప్పుడు మేము అంగీకరించవలసి వచ్చేదికదా.అయినా అద్దం చేతిలో నే ఉంటె దిక్కులు చూడటం దేనికి ?ఆయన్నే ప్రశ్నించి విషయం సాకల్యంగా తెలుసుకొందాం ‘’అన్నారు .

రుషులంతా యాజ్న వల్క్యుని చేరి ‘’ఆశన ,అనశన వ్రతం గురించిమాట్లాడుకొందాం ‘’అనగా   ‘’సానయసుడాషా హ్లూడుడు’’ అనశనుడై  వ్రతం చేయాలి .కారణం దేవతలు మానవ హృదయాన్ని గ్రహించగల నేర్పరులు .అనశన వ్రతం ఆచరించే వాడు తమను యజి౦పగలడని వాడి ఇంటికి వస్తారు .అప్పుడు వాడి ఇల్లు ‘’ఉపవసధం ‘’అవుతుంది .కనుక ఇంటికి అతిధులుగా వచ్చిన దేవతలకు పెట్టకుండా భోజనం చేయటం పాపమే అవుతుంది .కనుక వాడు రాత్రి భుజి౦పకూడదు .’’అన్నాడు .దీనికి యాజ్ఞవల్క్యుడు ‘’అది సరికాదు .భోజనం చేయకపోతే పితృ కార్యం చేసే అర్హత కలవాడౌతాడు .తింటే ఉపవాసమున్న దేవతలకు పెట్టకుండా తిన్నవాడౌతాడు .కనుక దీవతలకు నివేది౦చాల్సిన పని లేకుండా తినదగిన పదార్ధాలు తింటే దోషం రాదు .అంటే వృక్షాల ఫలాలు తింటే ఏ దోషం అంటదు .పితరులను యజించేటప్పుడు ఫలాలూ తినరాదు .’’అన్నాడు .వార్ష్ణు డు,బర్కువు ‘’మినపరొట్టె (గారెలు )వండి తినచ్చు ‘’అన్నారు .మహర్షి ‘’తినకూడదు మినప రొట్టెలో  కలిపే బియ్యం పిండి మూడు నాలుగు యామాలలో అధికమౌతుంది కనుక తిల ,మాషాదులతో (గారెలు )కలిసిన వ్రీహి (బియ్యం పిండి )అసలు తినకూడదు .అలాతింటే వాడు ఇచ్చే హవిస్సులు దేవతలు గ్రహించరు ‘’అన్నాడు .

ఋషులు అగ్రాయణ ఇష్టి గురించి మాట్లాడుదామన్నారు .కహోళ కౌషీతకి’’ఓషధుల రసం భూమ్యాకాశాలకు చెందినవే .కనుక ఈ రసాన్ని దేవతలకిచ్చి ఆగ్రయణత్వం చేత  భోజనం చేయచ్చు’’అన్నాడు .దీనికి యాజ్ఞవల్క్యుడు ‘’ఆగ్రయణం చేయటం గురించి ఒక ఆఖ్యాయిక ఉంది .ఒకప్పుడు ఆధిక్యం కోసం దేవ రాక్షస యుద్ధం జరిగింది. రాక్షసులు మనుషులకు మృగాలకు ఆహారమైన ఓషధులను విషతుల్యం చేస్తే తిండి లేక మాడిపోతారు .అప్పుడు దేవతలకు మించిన వాళ్ళమౌతాము అనుకొని అలాగే చేశారు  .పశువులు మానవులు ఆహారం లేక కుంగి కృశించారు .అప్పుడు దేవతలు యజ్ఞ౦  చేసి రాక్షసకృత్యాన్ని తొలగించారు .అప్పుడే ఋషులు కూడా యజ్ఞం చేశారు .ఆయజ్ఞ౦ ఎవరిది ఔతుందని  దేవతలు తగూలాడి పందెం వేసుకొని పరిగెత్తారు .చివరికి గెలుపు అగ్ని ఇంద్రులదే అయింది . కనుక ఆగ్రయణం ఇంద్రాగ్ని సంబంధమైనది .వారికి ద్వాదశ కపాలము పురోడాశం ఇవ్వాలి .ఆగ్రయణ ఇష్టి చేతనే దేవతలు రాక్షస కృత్యాలను మాన్పగాలిగారు .దీనికి పూర్వం దర్శ పూర్ణ  మాసలు చేయకపోయి ఉంటె ,వాటిని చేశాకే ఆగ్రయణ౦ చేయాలి  .కుదరకపోతే ’’జాతుస్ట్రాశ్యౌదనం ‘’(అంటే నలుగురు బ్రాహ్మణులు భుజించటానికి తగిన వంట ) వండి బ్రాహ్మణులకు పెట్టాలి .దీనికి కారణం ఉంది .దేవతలు మనుష్య దేవతలని ,దేవతలని రెండు రకాలు .వేదాదులుచదివి చదివించే బ్రాహ్మణులు మనుష్య  దేవులు . అగ్ని మొదలైనవారు దేవతలు .’’అని వివరించాడు .

కొందరు ఋషులు అధ్వర్యుడే యాజ్యాన్ని చూడాలి అంటే  మరికొందరు ఋషులు యజమానే చూడాలి అన్నారు .దీనికి ‘’యజమాని అధ్వర్యుడుగా ఎందుకు ఉండరాదు ?గొప్ప వరాలు పొందాలనుకొనే యజమాని మంత్రాలను ఎందుకు చదువకూడదు ?.అధ్వర్యుడు ఏది కోరితే అది యజమానికోసమే అవుతుంది అందుకని అధ్వర్యుడికి శ్రద్ధ కలుగకపోవచ్చు .కనుక యజమాని అధ్వర్యుడై చూడాలి ‘’అన్నాడు యాజ్ఞ్య వల్క్యుడు .

ఋషులు ‘’అంతర్వేది లో హవిస్సు ఉంచితే దేవులను,  దేవ భార్యలను విడదీసి నట్లు ఔతుంది . వారికి యజమానిపై ప్రీతి ఉండదు .కనుక అంతర్వేదిలో హవిస్సు ఉంచరాదు’’అన్నారు .దీనికి సమాధానంగా యాజ్ఞవల్క్యుడు ‘’యజమాని భార్య తన విధి తానూ చేయాలి .అంతర్వేదిలో హవిస్సు ఉంచినంత మాత్రాన తనభార్య అన్య పురుషునితో కలిసింది అనే మాట ఎవరూ ఆదరించరు.ఇలాంటి పిచ్చి పిచ్చి అభిప్రాయాలు వదిలిపెట్టి యజ్ఞమే వేది గా ,యజ్ఞమే యాజ్యంగా భావించి యజ్ఞాన్ని చేస్తున్నాను అంటూ అంతర్వేది లో హవిస్సు ఉంచాలి ‘’అన్నాడు

.ప్రవీణుడైన యాజ్ఞికుడు అయిన౦దువలననే  ఋషులు చాలామంది ఉన్నా వ్యాసుడు బ్రహ్మిష్టి ఐన యాజ్ఞావల్క్యుడి నే ధర్మరాజు చేసే రాజసూయయాగానికి అధ్వర్యుడిగా నియమించాడు .ఆయనే చేసిన అశ్వమేధ యాగం లో అశ్వం వెంట అర్జునునితో పాటు యజ్ఞ కర్మ కుశలుడైన యాజ్ఞవల్క్య శిష్యుని శాంత్యర్ధం పంపబడ్డాడు .జనకమహారాజు తండ్రి చేసిన యాగం లో కూడా వేద దక్షిణకోసం యాజ్ఞవల్క్యుడు మేనమామ వైశంపాయనునితో తగాదా పడి దేవలుని సమక్షం లో సగం దక్షిణ పొందాడని మహాభారతం లో ఉన్నది . జనమేజయుడు దర్శ  పూర్ణిమాసేస్టి చేయ సంకల్పి౦చి బ్రాహ్మణులను చేయించమంటే వారంతా తిరస్కరించారు .అప్పుడు యాజ్ఞవల్క్యడు నిలబడి చేయి౦చా డని మత్స్య పురాణం లో ఉన్నది .కనుక యాజ్ఞవల్క్య మహర్షి ఉత్తమోత్తమ ఆధ్వర్యుడు అని మనకు తెలుస్తోంది.

సశేషం

మీ- గబ్బిట దుర్గాప్రసాద్ -20-2-19-ఉయ్యూరు  .

.

.

—

—

—

గబ్బిట దుర్గా ప్రసాద్
https://sarasabharati.wordpress.com
http://sarasabharativuyyuru.wordpress.com
http://suvarchalaanjaneyaswami.wordpress.com

గౌతమీ మాహాత్మ్యం -42

56-యమ తీర్ధం

పితరులకు ప్రీతి ,దృస్ట,అదృష్ట,ఇష్టఫలితాలనిచ్చేది యమ తీర్ధం .పూర్వం ‘’అనుహ్లాదుడు ‘’అనే మగ పావురం ఉండేది .భార్య ‘’హేతి ‘’.అనుహ్లాడుడు మృతువు కొడుకు కొడుకు .  .హేతి మృత్యువు కూతురి కూతురు .వీరిద్దరికీ కొడుకులు మనుమలు పుట్టారు .ఉలూకుడు అనే పక్షిరాజు అనుహ్లాదుని శత్రువు .గ౦గానది ఉత్తరా తీరాన  కపోతజంట ఉంటె ,దక్షిణ తీరం లో ఉలూకుడు పుత్ర పౌత్రులతో ఉన్నాడు .వీరిద్దరికి చాలాకాలం యుద్ధాలు జరిగాయి .ఎవరికీ జయం కలగలేదు .అనుహ్లాడుడు తన తాత మృత్యు స్వరూపుడైన యమ ధర్మరాజు నాశ్రయించి ‘’యామాస్త్రం ‘’పొంది విశేష బలసంపన్ను డైనాడు .ఉలూకుడు అగ్ని దేవుని అనుగ్రహం తో ఆగ్నేయాస్త్రం పొంది మంచి బలం పొందాడు .మళ్ళీ ఇద్దరి మధ్యా యుద్ధం భయంకరంగా జరిగింది .

ఉలూకుడు పావురం పై ఆగ్నేయాస్త్రం వేస్తె ,కపోతం యామాస్త్రం వేశాడు .హేతి భయ విహ్వాలయై  అగ్నిని-‘’తమ్ దేవం శరణం యామి ఆది దేవం విభావసుం –అంతస్ధిత ప్రాణ రూపో బహిశ్చాన్న ప్రదో హాయ్ యః –యో యజ్ఞ సాధనం యామి  శరణం  త౦ ధనున్జయం ‘’     అని స్తుతించి మెప్పించింది  .అగ్ని ప్రత్యక్షమై తన అస్త్రాన్ని ఉపసంహరిస్తానని ,కాని దాన్ని ఎక్కడ వేయాలో చెప్పమని ఆమెను కోరాడు  .ఆమె ఏమాత్రం ఆలోచించకుండా భర్త సంతానం క్షేమమే ఆలోచించి ఆ అస్త్రాన్ని తన మీదే  వేయమని కోరింది .ఆమె పతిభక్తికి మెచ్చి వీతి హోత్రుడు  ఆమె భర్త సంతానానికి కూడా క్షేమం ప్రసాదించాడు .

యమపాశాలకు చిక్కుకున్న ఉలూకుని భార్య ఉలూకి సరాసరి యముడి దగ్గరకు వెళ్లి స్తోత్రం చేసి మెప్పించి తనబాధ చెప్పుకొన్నది .సంతృప్తి చెందిన యముడు ఆమె భర్తకు ప్రాణహాని తప్పిస్తాను కాని అస్త్రాన్ని ఎక్కడ విసర్జి౦చాలో చెప్పమన్నాడు .ఆమె క్షణం కూడా ఆలో చి౦చ కుండా భర్త క్షేమం  కోసం ఆ యమ దండాన్ని తనపైనే వదలమని కోరింది .యముడు ఆమెకూ భర్తకు సంతానానికీ క్షేమం కలిగించాడు .యముడు యమపాశాన్నీ అగ్ని ఆగ్నేయాస్త్రాన్నీ ఉపసంహరించగా  ఉలూక కపోతాదులు దేవతలా కరుణకు కృతజ్ఞతలు చెప్పారు .

వరాలు కోరుకోమనగా పక్షులు ‘’పాపాత్ములమైన మాకు మా ఇద్దరి మధ్యా ఉన్న వైరం వలన మీదర్శనం లభించింది .గంగానది రెండు వైపులా ఉన్న ఆశ్రమాలలోలోక క్షేమం కోసం  మీ రిద్దరూ ఉండి పోవాలి ‘’అనికోరాయి అలాగే అన్నారు  అగ్ని యమ దేవతలు .యముడు గౌతమీ ఉత్తర తీరం లో యమ స్తోత్రం పఠించినవారికి అకాల మృత్యువు కలుగదని,ఈతీర్ధం లో స్నానం చేసిన స్త్రీ మూడు నెలలో గర్భవతి అవుతుందని ,వీరుడైన పుత్రునికి జన్మ నిస్తుందని ,వాడు శతాయుష్కుడౌతాడనీ  పుత్రపౌత్రాభి వృద్ధితో వర్దిల్లుతాడనీ  వరమిచ్చాడు .అగ్ని దేవుడు గౌతమి దక్షిణ తీరం లో తన స్తోత్రాన్ని పఠించే వారు  ఆయురారోగ్య ఐశ్వర్యాలతో వర్ధిల్లుతూ ,పవిత్రులై స్వర్గ ప్రాప్తి పొందుతారని వరం అనుగ్రహించాడు .

సశేషం

మీ –గబ్బిట దుర్గా ప్రసాద్ -20-2-19-ఉయ్యూరు

.

—

గౌతమీ మాహాత్మ్యం -41

55-పుత్ర తీర్ధం

దితి పుత్రులు దనుజులు క్రమ౦గా నశిస్తూ ఉంటె అదితి పుత్రులు దేవతలు వృద్ధి పొందుతున్నారు .పుత్ర శోకం భరించలేక దితి తనభర్త దనువు ను చేరి గోడు వెళ్ళబోసి అదితి అంటే తనకున్న ద్వేషాన్ని ప్రకటించగా దనువు ఆమెను ఓదార్చి ఆమె భర్త కశ్యపునికి నివేది౦చ మన్నాడు .వెళ్లి కశ్యపప్రజాప్రతికి చెప్పగా ,సమస్త లోక విజేతను కొడుకుగా ఇమ్మని కోరింది .ఆయన 12ఏళ్ళు చేసే వ్రతాన్ని ఆచరించమని చెప్పగా భర్తనుద్దేశించి వ్రతం చక్కగా ఆచరించగా కశ్యపునివలన ఆమె గర్భం దాల్చగా ఆయన కొన్ని నియమాలు పాటించమని బోధించాడు –ఇరు సంధ్యలలో నిందనీయమైన పనులు చేయరాదు, నిద్రపోకూడదు ,వెంట్రుకలు విరబోసుకోరాదు భోజనం చేయరాదు ,నోటికి ఏదైనా అడ్డం పెట్టుకొని నవ్వాలి ,ఇంటి మధ్యప్రదేశం లో ఉండరాదు ,తుమ్మటం ఆవలించటం చేయరాదు .రోలు ,రోకలి ,చీపురు చేటలను ఎప్పుడూ దాటి  వెళ్ళరాదు.ఉత్తరం వైపు తలపెట్టి నిద్రపోకూడదు ,అసత్యమాడరాదు,ఇతరుల ఇంటికి పెత్తనాలు పనికి రాదు ,పరపురుషుని చూడకూడదు .మొదలైన నియమాలను పాటిస్తే త్రిలోకాలలో పెరుపొందే కొడుకు పుడతాడు ‘’అని చెప్పి దేవతల నివాసానికి వెళ్ళిపోయాడు .

   దితి గర్భం బాగా వృద్ధి చెందింది .ఈ విషయం మయుడు గ్రహించి మిత్రుడైన ఇంద్రుని చేరాడు .నముచి హంతకుడైనఇంద్రునితో  మయుని స్నేహం విచిత్రమైంది .ఒకప్పుడు నముచి దైత్య సేనాపతి .అప్పుడు ఇంద్రునితో భయంకర యుద్ధం జరిగింది .యుద్ధం లో ఇంద్రుని బలం తగ్గి వెళ్లిపోతుంటే నముచి అతడిని వెంబడించాడు .భయపడి సురపతి ఐరావతం వదిలేసి నురుగులో దాక్కున్నాడు .అదే నురుగుతో నముచిని సంహరించాడు ఇంద్రుడు .నముచి తమ్ముడే మయుడు .అన్న హంతక చావుకోసం విష్ణువుకై ఘోర తపస్సు చేసి వరాలతోపాటు దేవతలకు అతి భీషణమైన మాయ ను కూడా పొందాడు  .త్రేతాగ్నులను బ్రాహ్మణులను పూజిస్తూ ఇంద్రునిపై విజయం కోసం ఎదురు చూస్తున్నాడు .వాయువు ద్వారా ఈ విషయం తెలుసుకొన్న ఇంద్రుడు  బ్రాహ్మణ రూపంతో శత్రువైన మయుడి దగ్గరకు వచ్చాడు .బ్రాహ్మణుడే అని భావించి చాలా దానాలిచ్చాడు .సంతోషపదకుండా ఒక వరం ఇమ్మని అడిగాడు .ఏ వరం కావాలని మయుడు అడిగితే మయుడితో స్నేహం కావాలని కోరాడు దేవేంద్రుడు .తమ మధ్య వైరమే లేదుకదా స్నేహం కావాలని ఎందుకు కోరావని అడిగాడు మయుడు .అప్పుడు ఇంద్రుడు నిజరూపం చూపించి అసలు విషయం చెప్పగా ఇచ్చిన మాటప్రకారం వారిద్దరి మధ్య స్నేహమేర్పడింది .

  ఈ స్నేహంతోనే ఇంద్రుడికి మాయా విద్య నేర్పాడు మయుడు .దీనికి ప్రత్యుపకారంగా ఏం కావాలో కోరుకోమన్నాడు ఇంద్రుడు .అప్పుడు మయుడు’’ అగస్త్యాశ్రమానికి వెళ్ళు .అక్కడ దితి గర్భిణిగా ఉన్నది .ఆమెకు  సేవ చేస్తూ అక్కడ ఉండు .సమయం చూసి ఆమె గర్భం లో ప్రవేశించి పిండాన్ని వజ్రాయుధం తో  చేదించు  .ఇక నీకు శత్రువులు ఉండరు ‘’అని చెప్పాడు .దితిని చేరి సేవ చేస్తూ సమయం కోసం ఎదురు చూస్తున్నాడు .దితి కి ఈ వంచన విషయం తెలియదు .

  ఒక రోజు సంధ్యాకాలం లో దితి ఉత్తరం వైపు తలపెట్టి నిద్రపోతుండగా అదే అదను అనుకోని ,ఆమె గర్భం లో ప్రవేశించి గర్భస్త శిశువును సంహరించే ప్రయత్నం చేశాడు. ఆ శిశువు ఇంద్రునితో ‘’సోదరా !నన్ను చంపుతావా ?ఇది మహాపాపం కాదా .నేను శత్రువును అనిభావిస్తే మాతల్లి గర్భం లో నుంచి నేను బయట పడే మార్గం చెప్పి నేను బయటకు రాగానే యుద్ధం చేసి చంపి పౌరుషవంతుడవని  చాటుకో’’అని పరిపరి విధాల చెప్పాడు .దయా దాక్షిణ్యాలు లేకుండా గర్భస్త పిండాన్ని ఇంద్రుడు వజ్రాయుధం తో ఖండించాడు .ఖండి౦చిన 7ముక్కలను ను మళ్ళీ మళ్ళీ ఖండించగా 49పిండాలేర్పడ్డాయి .అవిశరీరభాగాలేర్పడి  రోదించటం ప్రారంభించగా ఇంద్రుడు ‘’మా రుత ‘’అంటే రోదించ వద్దు అన్నాడు .వారందరూ తేజో బలవంతులైన’’ మరుత్తు’’లయ్యారు.జరిగిన దాన్ని అగస్త్యమహర్షికి విన్నవించారు .ఆయనకు విపరీతమైన కోపమొచ్చి ‘’ఇంద్రా !ఎప్పుడూ నీ శత్రువులు నీ పృష్ట భాగాన్నే చూస్తారు ‘’అని శపించాడు .దితి కూడా ఇంద్రుని స్త్రీవలన అవమానం పొంది రాజ్య భ్రస్టత కలుగుతుందని శపించింది   .

  కశ్యపప్రజాపతి అక్కడికి వచ్చి దితి గర్భం లో ఉన్న ఇంద్రుని చేస్ట  అతనికి తగిలిన శాపాలూ తెలిసి  బయటికి రావటానికి భయాపడుతుంటే ధైర్యం చెప్పి రమ్మన్నాడు .తలదించుకొని నిలబడ్డాడు .కశ్యపుడు లోకపాలకులతో పాటు బ్రహ్మ లోకం వెళ్లి ఆయనను ప్రార్దిచారు .ఆయన ఇంద్రునితో సహా కశ్యపుని గంగా నదీ తీరం చేరి స్నానం చేసి శివుని ఆరాధించ మనగా అలాగే చేశాడు .మహేశ్వరుడు ప్రత్యక్షమై  ‘’మరుత్తులు మహా సౌభాగ్యం కలవారై ,యజ్ఞభాగులై ,ఇంద్రునితో కలిసి నిత్య సంతోషంగా ఉంటారు .ఇంద్రునికంటే ముందే యజ్ఞ హవిర్భాగం దక్కుతుంది .మరుత్తులతో కలిసిఉన్న ఇంద్రుని జయించటం అసాధ్యం .ఇకపై సోదర వంశ నాశనానికి ప్రయత్నించే   వారు వంశనాశనం పొందుతారు .మరుత్తులు అమరుఅలయ్యారు ‘’అనీ ,.దితి తో ‘’నువ్వుకోరినట్లే ధీర శూర పుత్రులు నీకు జన్మించారు నీ కోరిక తీరింది ‘’  అన్నాడు .దితి కృతజ్ఞతలు చెప్పింది .శివుడు ఈ తీర్ధం లో చేసినస్నానాదులు గొప్పఫలితాలనిస్తాయని ,పుత్ర తీర్ధంగా ప్రసిద్ధి పొందుతుందని చెప్పాడని నారదునికి బ్రహ్మ వివరించాడు .

   సశేషం

  మీ-గబ్బిట దుర్గాప్రసాద్ -19-2-19-ఉయ్యూరు     .

గౌతమీ మాహాత్మ్యం -40

54-రామ తీర్ధం -2(చివరిభాగం )

యమలోకం లో దశరదునితో యమదూత ‘’మీ కుమారుడు శ్రీరాముడు గౌతమీ తీరం లో ఉండటంవలన  ఆ పుణ్య ఫలితంగా నువ్వు  నరకం నుండి ఉద్ధరి౦ప  బడ్డావు .అతను లక్ష్మణ సమేతంగా గంగాస్నానం చేసి  నీకు పిండ ప్రదానం చేస్తే నీ సమస్తపాపాలు హరి౦చి స్వర్గ లోక ప్రాప్తి కలుగుతుంది ‘’అన్నాడు రాజు ‘’నేనే వెళ్లి వారిద్దరికీ ఆ మాట చెబుతాను అనుజ్న ఇవ్వండి ‘’అని వేడుకొన్నాడు .వారు అనుమతించగా  గంగాతీరం చేరి సీతా రామలక్ష్మణులను చూడ గలిగాడు..రామాదులు పవిత్ర స్నానం చేశారు కాని అక్కడ తినటానికి ఏమీ దొరకలేదు .బాధతో రామునితో తమ్ముడు ‘’ బలపరాక్రమాలున్న మనకు అందులో దశరధ పుత్రులకే తినటానికి ఏమీ లేదు ‘’అనగా అన్న ‘’మనం బ్రాహ్మణుడికి భోజనం పెట్టలేదు .భూసుర తృప్తి చేయని వారికి అన్నం దొరకదు ‘’అన్నాడు .

   అదే సమయం లో దశరధుడు అక్కడికి చేరాడు .అతడు రాక్షసుడో భూతప్రేతమో అనుకోని విల్లు ఎక్కు పెట్టిబాణం వదిలాడు లక్ష్మణుడు   .రాజు దుఖంతో తన తీరుకు విలపిస్తూ ఆ ముగ్గురితో ‘’నేను దశరధ మహారాజును .బ్రహ్మ హత్యా దోషం వలన నరకం లో యమ యాతనలు అనుభవించాను ‘’అనగా నిట్టూరుస్తూ రాముడు ‘’ఎందుకు అలా జరిగింది ?’’అని ప్రశ్నించగా తాను  చేసిన మూడు బ్రహ్మ హత్యా పాతకాలవలను  సవివరంగా చెప్పాడు .విన్న ముగ్గురూ మూర్చ పోయారు .కాసేపటికి తేరుకొన్న సీతాదేవి ‘’దుఖిస్తే ప్రయోజనం లేదు .ఒక దోషాన్ని మీరూ మరో దాన్ని లక్ష్మణుడు పంచుకోండి ‘’అనగా సోదరులు ఆనందంగా అంగీకరించారు .కోడలు సీత మాటలకు మామగారు పొంగిపోయి’’బ్రహ్మజ్నుడైన జనకమహారాజు కుమార్తెవు   కనుక నీ నోటి నుండి ఇంత మంచి మాట వచ్చింది ‘’అని మెచ్చి ఎవరూ తన దోషాలను పంచుకోవలసిన అవసరం లేదనీ గంగలో స్నానించి పిండ ప్రదానం చేస్తే ,తన దోష నివృత్తి అవుతుందన్నాడు .

  సరే అని అందరూ పవిత్ర గంగా స్నానం చేసి ,పిండప్రదాన౦ కోసం ప్రయత్నిస్తే ఏదీ దొరక్కపోతే ,లక్ష్మణుడు ఇంగుదీ మొదలైన పళ్ళు తెచ్చి వాటిని పిండి చేసి పిండాలు చేసే ఏర్పాటు చేశాడు .అంతటి దశరధ మహారాజుకు ఇంతటి  అల్ప పిండాలా అని దుఖం ముంచుకొచ్చింది రాముడికి .ఆశరీరవాణి’’యదన్నః పురుషో రాజ౦ స్తదన్నాస్తస్య దేవతాః ‘’అన్నది అంటే మానవుడు దేన్నీ ఆహారంగా తింటాడో  అతని దేవతలుకూడా అదే ఆహారాన్ని తింటారు ‘’.అత్యంత శ్రద్ధాభక్తులతో రాముడు తండ్రికి ఇందుగ పిండి పిండాలను సమర్పించాడు .ఆ క్షణం లో దశరధుడు కనిపించలేదు అతని శవం మాత్రం భూమిపై పడి ఉంది .ఈ ప్రదేశం ‘’శవ తీర్ధం ‘’గా ప్రసిద్ధి పొందింది . లోక పాలకులంతా అక్కడికి విచ్చేశారు .వారిని తన తండ్రి ఎక్కడ అని అడిగాడు రాముడు ‘’ఆయన బ్రహ్మహత్యా దోషాలు పోయాయి .స్వర్గ లోకం చేరాడు చూడు ‘’అనగా దివ్య తేజస్సుతో దశరధుడు వారికి దర్శనమిచ్చాడు .’’కుమారా !నాకు ఉత్తమ లోకాలు కలిగింఛి నన్ను తరి౦పజేశావు .పితృ దేవతలను  తరి౦పజేసిన పుత్రుడు ధన్యుడు’’అని ప్రశంసించి దివ్య రధమెక్కిస్వర్గం చేరాడు

  అక్కడున్న దేవతలతో రాముడు తన తండ్రి కి  నిర్వర్తి౦చా ల్సినవి ఇంకా ఏమైనా ఉంటె చెప్పమని అడిగాడు .అప్పుడు వారు –

‘’నదీ న గంగయా తుల్యా న త్వయా సదృశః సుతం –న శివేన సమో దేవో న తారేణ సమో మంత్రః ‘’-గంగతో సమానమైనది ఏదీ లేదు .నీతో సమానమైన పుత్రుడు లేడు.శివునితో సమానమైన  దేవుడు లేడు.ఓంకార  మంత్రం తో సమానమైన మంత్రం లేదు ‘’అన్నారు.రాముడు చేసిన పితృకర్మవలన అతని పిత్రుదేవతలంతా తరించారనీ ఇంకా ఏమీ చెయ్యక్కరలేదని యధేచ్చగా తన వన ప్రయాణం సాగించమని ఆనతిచ్చారు .రాముడు అక్కడే శివలింగం ప్రతిష్టించి ,పూజించి అభిషేకించి ,స్తుతించాడు –‘

‘’నమామి శంభుం పురుషం పురాణం ,నమామి సర్వజ్ఞ మపర భవం –నమామి రుద్రం ,ప్రభు మక్షయం తమ్,నమామి శర్వం శిరసా నమామి ‘’రామ స్తుతికి పరమేశ్వరుడు పరమ సంతోషించి ప్రత్యక్షమై వరం కోరుకోమనగా ‘’నేను చేసిన స్తోత్రం తో నిన్ను తృప్తి పరచే భక్తులకు కార్య సిద్ధి కలిగించు .పితరులకు కొడుకు పిందప్రదానామ్ చేస్తే  వారు పవిత్రులై స్వర్గం చేరాలి .ఈ తీర్ధం లో చేసిన స్నానాదులన్నీశారీరక మానసిక పాపాలు తొలగించాలి .ఇక్కడ చేసిన స్వల్పదానమైనా అక్షయ దానం కావాలి ‘’అనికోరాడు .శివుడు రాముని మనసు గ్రహించి ‘’ఏవమస్తు ‘’అన్నాడు .ఇదే రామ తీర్ధం .లక్షణుడు వదిలిన బాణం పడిన చోటు  బాణ తీర్ధం ‘’.సీతా స్నానఘట్టం ‘’సీతా తీర్ధం ‘’అయ్యాయి అని బ్రహ్మ నారదుడికి వివరించాడు .

  సశేషం

  మీ –గబ్బిట దుర్గాప్రసాద్ -18-2-19-ఉయ్యూరు

17-2-19ఆదివారం ఉదయం విజయవాడ మొగల్రాజపురం మధుమాలక్ష్మి ఫంక్షన్ హాల్ లో శ్రీ అడిగోపుల వెంకటరత్నం గారి 24వ కవితా సంపుటి ”పదండి ముందుకు ”ఆవిష్కరణ

సరసభారతి సాహిత్య సాంస్కృతిక సంస్థ ఉయ్యూరు ,మరియు స్థానిక రోటరీ క్లబ్ వారి సహాయ సహకారాలతో  సంయుక్తంగా శ్రీ వికారి నామసంవత్సర ఉగాది వేడుకలను ఉగాదికి ముందువచ్చే ఆదివారం 31-3-19 సాయంత్రం 3గంటలకు కే.సి .పి.షుగర్ ఫాక్టరీ దగ్గరున్న  రోటరీక్లబ్ ఆడిటోరియం నందు నిర్వహిస్తున్నాము .సాహిత్యాభిమానులూ, కవిమిత్రులు విశేషంగా పాల్గొని జయప్రదం చేయ వలసినదిగా ఉగాది శుభాకాంక్షలతో ఆహ్వానిస్తున్నాము .

              కార్యక్రమము

మధ్యాహ్నం -3-30గం-లకు అల్పాహారం

సభాధ్యక్షులు –శ్రీ గబ్బిట దుర్గాప్రసాద్ –సరసభారతి అధ్యక్షులు

సభ ప్రారంభకులు –శ్రీమతి జోశ్యుల  శ్యామలాదేవి-సరసభారతి గౌరవాధ్యక్షులు

సభ నిర్వహణ –శ్రీమతి మాది రాజు శివ లక్ష్మి –సరసభారతి కార్యదర్శి

ముఖ్య అతిధి –శ్రీ యలమంచిలి వెంకటబాబూ రాజేంద్ర ప్రసాద్ –శాసనమండలి సభ్యులు

గౌరవ అతిధి-శ్రీ సోమేపల్లి వెంకట సుబ్బయ్య –ఆంద్ర ప్రదేశ్ రచయితల సంఘ౦ అధ్యక్షులు

ఆత్మీయ అతిధులు  – శ్రీమతి గుళ్ళపల్లి రామమూర్తి రాధిక –ప్రముఖ పర్వతారోహకురాలు ,ఆంధ్రప్రదేశ్ సూపరి౦టె౦డ్ ఆఫ్ పోలిస్ ,ఆక్టోపస్  -విజయవాడ

 శ్రీ విద్యానంద ,శ్రీ చక్రార్చన పరాయణ ,ఆధ్యాత్మిక గ్రంథకర్త , నోరి నరసింహ శాస్త్రి చారిటబుల్ ట్రస్ట్ వ్యవస్థాపక అధ్యక్షులు బ్రహ్మశ్రీ నోరి సుబ్రహ్మణ్య శాస్త్రి M.E..(హైదరాబాద్ )

శ్రీ ప్రాస మణి-కావలి

  డా.ఉప్పలధడియం వెంకటేశ్వర- తెలుగు ,హిందీ భాషాకవి ,గ్రంథకర్త ,జనని సాహిత్య సంస్థ నిర్వాహకులు –చె న్నై

 –శ్రీ జి.వెంకటేశ్వరరావు –సియివో- .కె.సి.పి .

                        శ్రీ కొలుసు పార్ధసారధి –మాజీ మంత్రి వరేణ్యులు

                        శ్రీ పులి శ్రీనివాసరావు –రోటరీ క్లబ్ అధ్యక్షులు

శ్రీచలపాక ప్రకాష్ –రమ్యభారతి సంపాదకులు ,ఆంధ్రప్రదేశ్ రచయితల సంఘం కార్యదర్శి

శ్రీ అల్లూరు శివ కోటేశ్వరరావు –వ్యాస బృందం –ఆధ్యాత్మిక మాసపత్రిక సంపాదకులు –కారం చేడు

ప్రత్యేక ఆహ్వానితులు –శ్రీమతి వేగరాజు సీత –డా.రామయ్యగారి సోదరి (హైదరాబాద్ )

-‘’ శ్రీమతి గోవి౦దరాజు ఇందుమతి    –అమెరికా లోని నాష్ విల్ లో 40ఏళ్ళక్రితం  డా రామయ్య గారి  కుటుంబ ఆత్మీయురాలు –విజయవాడ

    ఆహ్వాని౦చు వారు

శ్రేమతి జోశ్యుల శ్యామలాదేవి –గౌరవాధ్యక్షులు శ్రీ గబ్బిట దుర్గా ప్రసాద్ –అధ్యక్షులు శ్రీమతి మాదిరాజు శివ లక్ష్మి –కార్య దర్శి శ్రీ గబ్బిట వెంకటరమణ –కోశాధికారి ,శ్రీ విబిజి రావు –సాంకేతిక నిపుణులు

మరియు రోటరీ క్లబ్  –ఉయ్యూరు

సాయంత్రం -4గంనుండి -5-30గం వరకు కవి సమ్మేళనం

అంశం –‘’స్త్రీ శక్తి ‘’(ప్రబోదాత్మక , ,ప్రమోద ,ప్రణయాత్మక  ,ప్రమాదా౦తక స్త్రీశక్తి )

 కవి సమ్మేళన నిర్వహణ –శ్రీమతి కోనేరు కల్పన,శ్రీమతిపద్మావతి శర్మ (విజయవాడ )

  శ్రీమతి కె .కనక దుర్గా మహలక్ష్మి,శ్రీమతి గుడిపూడి రాధికారాణి –మచిలీపట్నం

సాయంత్రం -5-30 గం .నుండి 5-45గం.వరకు  పుస్తకావిష్కరణ

4.శ్రీ గబ్బిట దుర్గా ప్రసాద్ రచించి(19,20,21 ) ,సరసభారతి ప్రచురించిన (31,32,33)మూడు పుస్తకాలు 1- ‘’అణు శాస్త్ర వేత్త డా.ఆకునూరి వెంకటరామయ్య’’( 117వ మూలకం ‘’టెన్నిస్సిన్’’కనిపెట్టిన ఆంధ్ర శాస్త్రవేత్త –అమెరికా )-స్పాన్సర్ శ్రీ మైనేని గోపాలకృష్ణ ,శ్రీమతి సత్యవతి దంపతులు –అమెరికా ‘’

  ఆవిష్కరణ –శ్రీ వై వి బి రాజేంద్ర ప్రసాద్  , శ్రీ జి. వెంకటేశ్వరరావు 

2 –‘’ప్రయోగాత్మక కాంతి శాస్త్ర పిత కీ.శే.డా.పుచ్చా వెంకటేశ్వర్లు’’ ( లేజర్ కిరణాలపై నూతన ఆవిష్కరణలు చేసి  ఆలిఘర్ ముస్లిం యూని వర్సిటి ,కాన్పూర్ ఐ .ఐ .టి .,,అలబామా అగ్రికల్చరల్ అండ్ మెకానికల్ యూని వర్సిటి ల నిర్మాణానికి కారకులైన తెలుగు శాస్త్ర వేత్త )-అంకితం –అణుశాస్త్రవేత్త డా ఆకునూరి వెంకటరామయ్య గారికి (అమెరికా )

  ఆవిష్కరణ –శ్రీ సోమేపల్లి వెంకట సుబ్బయ్య- ,డా.ఉప్పలధడియం వెంకటేశ్వర

 3-దర్శనీయ ఆంజనేయ దేవాలయాలు -2 –రెండవభాగం (254 శ్రీ ఆంజనేయ దేవాలయ విశేషాలు )

ఆవిష్కరణ –బ్రహ్మశ్రీ నోరి సుబ్రహ్మణ్య శాస్త్రి ,శ్రీమతి గుళ్ళపల్లి రామమూర్తి రాధిక

సాయంత్రం -5-45గం.నుండి 6-45గం .వరకు శ్రీ వికారి ఉగాది పురస్కార ప్రదానం,స్వీకర్తల స్పందన

1-కీ.శే.గబ్బిట మృత్యుంజయ  శాస్త్రి  శ్రీమతి భవానమ్మ గారల స్మారక ఉగాది పురస్కారం

ప్రదాతలు –శ్రీ గబ్బిట దుర్గా ప్రసాద్ శ్రీమతి ప్రభావతి దంపతులు

స్వీకర్తలు – 1-  బ్రహ్మశ్రీ. నోరి సుబ్రహ్మణ్య శాస్త్రి

2- డా ఉప్పలధడియం వెంకటేశ్వర –

3-శ్రీప్రాసమణి-

4- శ్రీ గీతా సుబ్బారావు –ప్రముఖ కార్టూనిస్ట్ ,కవి ,హాస్య రచయిత-హైదరాబాద్

5- శ్రీ మల్లంపల్లి విజయనీ మహా కాళేశ్వరావు- రిటైర్డ్ జూనియర్ తెలుగు  లెక్చరర్ – కాకినాడ

2- ‘’స్వయం సిద్ధ ఉగాది పురస్కారం ‘’

ప్రదాతలు –శ్రీ గబ్బిట దుర్గాప్రసాద్ ,శ్రీమతి ప్రభావతి

స్వీకర్తలు -1-శ్రీమతి గుళ్ళపల్లి రామమూర్తి రాధిక –

 2- శ్రీమతి కమలాకర్ భారతి –కమలాకర్ మెమోరియల్ చారిటబుల్ ట్రస్ట్ వ్యవస్థాపక అధ్యక్షురాలు ,శ్రీ వికాస భారతి స్కూల్ ,,ఓల్డేజి హోమ్ స్థాపక నిర్వాహకురాలు ,ప్రముఖ సామాజిక  సేవా కర్త  –హైదరాబాద్

3- డా.కోనేరు లక్ష్మీ ప్రమీల –‘’పేరంటాలు ‘’పరిశోధక గ్రంథ రచయిత్రి –విజయవాడ

4-కుమారి చలమల శెట్టి నిఖిల –మహిళా వ్యక్తిత్వ వికాస రచయత్రి –విజయవాడ

5-–శ్రీ దాసు అచ్యుతరావు -మహాకవి దాసు శ్రీరాములుగారి మునిమనవడు,దాసు   శ్రీరాములుస్మారక సమితి నిర్వాహకులు  -హైదరాబాద్

6- శ్రీ కొల్లూరి వెంకట  రమణ –తెలుగు విద్యార్ధి మాసపత్రిక నిర్వాహకులు –హైదరాబాద్

7- శ్రీ కడలి వెంకట రమణా రావు –విజయలక్ష్మీ ప్రెస్ –ఉయ్యూరు

8-శ్రీ  ప్రకాష్ –జర్నలిస్ట్ –ఉయ్యూరు

సాయంత్రం 6-45నుండి రాత్రి 7-30 వరకు – శ్రీ ‘’ప్రాస మణి’’ గారి ప్రత్యేక ప్రసంగం

సభ నిర్వహణ సహకారం –డా.. గుంటక వేణు గోపాలరెడ్డి ,,డా దీవి చిన్మయ ,,గబ్బిట రామనాథబాబు ,శ్రీ కోనేరు చంద్ర శేఖరరావు ,శ్రీమతి సీతంరాజు మల్లిక ,శ్రీ మాదిరాజు శ్రీనివాస శర్మ,,చౌడాడ అప్పలనాయుడు

 కవి సమ్మేళనం లో పాల్గొను కవి మిత్రులు –శ్రీ చలపాక ప్రకాష్ , శ్రీ బండా వెంకటరామారావు ,శ్రీ కందికొండ రవి కిరణ్ ,శ్రీ మునగంటి వేంకట రామాచార్యులు శ్రీ పంతుల వెంకటేశ్వరరావు,శ్రీ దండిభొట్ల దత్తాత్రేయ శర్మ  శ్రీ పొన్నాడ సత్య ప్రకాష్ , శ్రీటేకుమళ్ళ వెంకటప్పయ్య, శ్రీ విష్ణుభొట్ల రామకృష్ణ ,శ్రీమతి మందరపు హైమవతి ,,శ్రీమతి కోపూరి పుష్పాదేవి ,శ్రీమతి వి. ఉమామహేశ్వరి , ,శ్రీ మతి లక్కరాజు వాణీ సరోజినీ  ,శ్రీమతి వడ్డాది లక్ష్మీ సుభద్ర ,శ్రీమతి సింహాద్రి వాణి ,శ్రీమతి ఎస్.అన్నపూర్ణ  .శ్రీమతి కొమాండూరికృష్ణ , శ్రీమతి మద్దాళి నిర్మల,శ్రీమతి సామినేని శైలజ , ,శ్రీమతి డి.స్వాతి ,శ్రీమతి వి.విజయశ్రీ దుర్గ   (విజయవాడ ) శ్రీ జి విజయకుమార్ (నందిగామ ) ,, శ్రీ వసుధ బసవేశ్వరరావు ,శ్రీ వి.రాఘవాచారి ,శ్రీమతి పుట్టి నాగ లక్ష్మి (గుడివాడ) శ్రీమతి పి శేషుకుమారి (నెప్పల్లె ) ,శ్రీ మైనేపల్లి సుబ్రహ్మణ్యం(ఆకునూరు)శ్రీమతి వారణాసి సూర్యకుమారి ,శ్రీమతి గురజాడ రాజ రాజేశ్వరి ,శ్రీమతి జి మేరీ కృపాబాయి,శ్రీమతి చిల్లరిగె ప్రమీల , ,శ్రీమతి కందాళ జానకి  శ్రీ మహమ్మద్ సిలార్ , (మచిలీ పట్నం), మాదిరాజు శ్రీనివాసశర్మ ,శ్రీ గబ్బిట దుర్గాప్రసాద్, శ్రీమతి మాది రాజు శివ లక్ష్మి , కుమారి మాదిరాజు బిందు దత్తశ్రీ (ఉయ్యూరు)

సభ నిర్వహణ సహకారం –డా.. గుంటక వేణు గోపాలరెడ్డి ,,డా దీవి చిన్మయ ,,గబ్బిట రామనాథబాబు ,శ్రీ కోనేరు చంద్ర శేఖరరావు ,శ్రీమతి సీతంరాజు మల్లిక ,శ్రీ మాదిరాజు శ్రీనివాస శర్మ,,చౌడాడ అప్పలనాయుడు

అన్ని వివరాలతో ముద్రించిన ఆహ్వానం  మార్చి  రెండవవారం లో అందజేస్తాం .  

తెలుగులో మాట్లాడటం మన జన్మ హక్కు

                                      శ్రీ వికారి నామ సంవత్సర ఉగాది శుభాకాంక్షలతో                                 

                          గబ్బిట దుర్గా ప్రసాద్ –సరసభారతి అధ్యక్షులు -17-2-19-ఉయ్యూరు 

గౌతమీ మాహాత్మ్యం -39

54-రామ తీర్ధం -1

భ్రూణ హత్యా పాతక౦  నుండి విముక్తి చేసే రామ తీర్ధం గురించి నలువ నారదునికి తెలియజేశాడు .ఇక్ష్వాకు వంశరాజు దశరధమహారాజు శౌర్య బల వంతుడు వివేకి .అతని రాణులు కౌసల్య సుమిత్ర కైకేయి .వసిస్ట  మహర్షి వంశపారంపర్య పురోహితుడు .ప్రజలను కన్నతండ్రిలాగా ధర్మ రక్షణగా పాలించాడు .కానీ దేవదానవులకు తరచుగా యుద్ధాలు జరిగేవి .విజయం ఇద్దరివైపు దోబూచులాడేది .ఒక సారి దేవతలతో బ్రహ్మ యుద్ధం మానమని బోధించాడు .ఆయన మాట వినకుండా మళ్ళీ దైత్యులతో భీకర యుద్ధం చేశారు .తర్వాత దేవతలు రాక్షసులు  విష్ణు మూర్తిని, శివునిచేరి యుద్ధ విషయం చెప్పారు .ఆ ఇద్దరూ దేవదానవులు ముందుగా తపస్సులో బలవంతులైనతర్వాత యుద్ధం చేయమని చెప్పారు .

  దేవాసురులు తపస్సు ప్రారంభించారు .కాని మనసులో ద్వేషాగ్ని రగులుతూనే ఉంది .తపస్సు మానేసి మళ్ళీ  ఘోరంగా యుద్ధం చేశారు  .దేవతలు అపజయం పాలయ్యారు.అప్పుడు ఆకాశవాణి ‘’ఎవరి పక్షాన దశరధ మహారాజు ఉంటాడో వారికే విజయం కలుగుతుంది ‘’అని చెప్పింది .వాయుదేవుడు ము౦దుగా దశరధుని దగ్గరకు వెళ్లి జరిగిన విషయం చెవిలో వేసి ఆయనను తమపక్షాన ఉండమని వేడుకొన్నాడు .సరేనని ఒప్పుకొన్నాడు .వాయువు వెళ్ళగానే రాక్షసులు కూడా వచ్చి తమపక్షాన నిలిచి విజయం అందించమని వేడుకొన్నారు .

  దశరధుడు రాక్షసులతో అంతకు ముందే వాయువు వచ్చి తన సాయం దేవతలకు కావాలని కోరగా సరే అని ప్రతిజ్ఞ చేశానని చెప్పాడు .ఇచ్చిన మాట ప్రకారం స్వర్గానికి వెళ్లి దేవతలా తరఫున నిలిచి ,రాక్షసులతో యుద్ధం చేశాడు .ఆ యుద్ధం లో నముచి సోదరులైన రాక్షసులు ఆయన రధ చక్ర సీలను తీక్ష్ణ బాణాలతో విరగ్గొట్టారు .యుద్ధ తీవ్రతత లో ఉన్న రాజు దీన్ని గమనించలేదు. కాని ఆయనతో యుద్ధానికి వచ్చిన రాణి కైక గమనించి ,రధ గమనం ఆగకుండా చేయటానికి తన వ్రేలు సీలగా పెట్టింది ..దశరధుడు భీకర సంగ్రామం చేసి దైత్యులను ఓడించి సురలకు విజయం చేకూర్చి పెట్టాడు .తమకు చేసిన సాయానికి మిక్కిలి సంతసించి దేవతలు ఆయనకు అనేక వరాలు ప్రసాదించారు .విజయం తో అయోధ్యకు తిరిగి వస్తున్న రాజు కైక చేసిన సాహసాన్ని , త్యాగాన్నివిస్మయంతో మెచ్చుకొని మూడు వరాలు ఇస్తానని వాగ్దానం చేశాడు .ఆమె’’ మీవరాలు మీదగ్గరే ఉండనివ్వండి ‘’  అని వినయం గా చెప్పింది .అనేక ధనకనక వస్తు వాహనాలతో ఆమెకు సంతోషం కలిగించాడు .

  ఒకసారి దశరధుడు వేటకు వెళ్లి ,పల్లపు ప్రాంతాలలో దాక్కొని  నీళ్ళు తాగే మృగాలను వేటాడాడు .అదే సమయం లో అక్కడున్న  గ్రుడ్డి వాడు చెవిటి వాడు అతి వృద్ధుడు  వైశ్రవణుడు ,భార్య తమ ఒక్కగానొక్క కొడుకుతో దాహంగా ఉంది నీళ్ళు తెచ్చిపెట్టమని అడిగారు .తలిదండ్రులపై అత్యంత భక్తీ శ్రద్ధలతో సేవిస్తున్న ఆకొడుకు వారిద్దరినీ చెట్టుకొమ్మ మీదకు జాగ్రత్తగా ఎక్కించి ,నీళ్ళు తీసుకు రావటానికి వెళ్ళాడు .నీటి మడుగులో కలశం ముంచి నీరు తీసుకొంటుండగా వచ్చిన శబ్దం యేనుగుది అనుకోని రాజు నిశిత బాణాలు వేశాడు .వనగజాలు సంహార యోగ్యాలుకావని తెలిసినా ఆపని చేశాడు విధి వక్రించి .ఆ కుర్రాడు  గాయం తో ‘’సద్బ్రాహ్మణుడైన నన్ను అనవసరంగా నా దోషం ఏమీ లేకుండా గాయపరచినవారేవ్వరు ‘’అన్నాడు బాధతో .రాజు నిస్చేస్టుడై ఆ శబ్దం వచ్చిన చోటుకు వెళ్లి చూసి ,పశ్చాత్తాపం తో కూలిపోయాడు  .నెమ్మదిగా తేరుకొని అతని గురించి వివరాలు అడిగి తెలుసుకొని ,ఆతడు కోరినట్లుగా కలశం లోని మంచి నీటిని తీసుకొని అతని తలిదంద్రులదగ్గరకు వచ్చాడు .ఆ కుర్రాడి ప్రాణం పోయింది ..

  కొడుకు యెంత సేపటికీ రానందున వృద్ధ దంపతులు ఎదురు చూస్తూ దుఖిస్తున్నారు .రాజు నీళ్ళు అందించాడు .వచ్చింది తమ కుమారుడు కాదని గ్రహించి అతడేవ్వరో చెప్పమన్నారు .విషయమంతా వివరించగా తమ కొడుకు దగ్గరకు తీసుకు వెళ్ళమని కోరగా తీసుకు వెళ్ళాడు .కొడుకు శవం పై పడి విపరీతంగా దుఃఖించి ,దశ రదునికి కూడా వార్ధక్యం లో పుత్ర వియోగం కలిగి ఆబాధతో మరణిస్తాడని శాపం పెట్టి ,చనిపోయారు .

   రాజు దుఖభారం తో అయోధ్యకు వెళ్లి వసిష్ట మహర్షికి సర్వం నివేదించాడు .ఆయన ఆలోచించి అశ్వమేధ యాగం చేయమని చెప్పాడు. గాలవ ,జాబాలి ,వామదేవ, కశ్యపాది మునిశ్రేస్టుల  సాయంతో అశ్వమేధ యాగం చేశాడు .యాగం సమాప్తమవుతున్న సమయం లో ఆశరీరవాణి రాజుకు పుత్రులు కలుగుతారని,  జ్యేష్ట పుత్రుని పుణ్య ప్రభావం తో  రాజు నిష్పాపుడు అవుతాడని ప్రకటించింది .దశరధుని రాణులు కౌసల్యకు రాముడు సుమిత్రకు లక్ష్మణ శత్రుఘ్నులు కైకకు భరతుడు పుత్రులుగా జన్మించారు .ఈనలుగురుకుమారులు విద్యా వినయ సంపన్నులైనారు .ఒకరోజు విశ్వామిత్ర మహర్షి తన యాగ రక్షణకు రాముని పంపమని రాజునుకోరగా ,కుదరదనగా వసిస్టుడు నచ్చ చెప్పగా రామ  లక్ష్మణులను పంపాడు .వారిద్దరికీ మహర్షి మహేశ్వర సంబంధమహా విద్య ,ధనుర్విద్య మొదలైన శస్త్రాస్త్ర విద్యనూ ,లౌకిక విద్య ,రధ గజ  తురగ గదాది   విద్యలనన్నిటినీ ప్రయోగ ఉపసంహారాలతో సహా ఉపదేశించాడు .తాపసుల రక్షణార్ధం రాముడు తాటక రాక్షసిని చంపాడు .అహల్య శాప విమోచనం చేశాడు .యాజ్ఞాన్ని ధ్వంసం చేయటానికి వచ్చిన రాక్షసులను సంహరించారు సోదరులు .విశ్వామిత్ర యాగ సంరక్షణ చేసి ముని ప్రశంసలు పొందారు .

  విశ్వామిత్ర మహర్షి శిష్యులను మిధిలకు తీసుకు వెళ్లగా  సీతా స్వయం వరం లోరాముడు  శివ చాపం ఎక్కుపెట్టగాఅది విరిగి పోయింది దశరధాదులను సగౌరవ౦గా ఆహ్వాని౦చి   కూతురు సీతను రామునికిచ్చి వివాహం చేశాడు  మిగిలిన సోదరులకు తన తమ్ముల కూతుర్లనిచ్చి వైభవంగా వివాహం జరిపించారు .రాజు రామునికి పట్టాభిషేకం చేసి విశ్రాంతి తీసుకోనాలని భావించగా కైక దాసీ మంధర రాజు  పూర్వమిచ్చిన వరాలు జ్ఞాపకం చేయగా ఆమె రామ వనవాసం కోరగా తట్టుకోలేక పోయాడు .తండ్రికిచ్చిన మాటనిలబెట్టుకోవటానికి రాముడు సీతతో  లక్ష్మణుడితో వనవాసానికి వెళ్ళాడు  .రాజు రామ వియోగంతో చనిపోయాడు భరతుడు వచ్చి బాధపడ్డాడు  . ,

  దాశరధ మహారాజును యమభటులు యమలోకానికి తీసుకు వెళ్లి అనేక నరకాలలో అనేక శిక్షలు వేశారు –శరీరాన్ని వండారు ,ముక్కలుగా కోశారు ,ముద్ద చేశారు,ఎండగట్టారు .పాములతోకాటు వేయించారు ,దాహం ఇవ్వకుండా బాధించారు  .రాముడు చిత్రకూటం చేరి మూడేళ్ళు ఉండి,దండకారణ్యం ప్రవేశించి ,అక్కడ మునులను బాధపెడుతూ యజ్ఞయాగాదులను పాడు చేస్తున్న రాక్ష సమూహాలను మునులకోరికపై సంహరించాడు .అక్కడి నుండి గంగా తీరం చేరుకొన్నాడు భార్యా సోదరు లతో .రాముడు గౌతమీ తీరం చేరాడని తెలుసుకొన్న యముడు దశరధునికి నరకం నుండి విముక్తి కలిగించమని ,గౌతమీ నదికి అయిదు యోజనాల పర్యంతం రాముడున్నంత వరకు అతని తండ్రికి నరకబాధ ఉండరాదని   ఆదేశించాడు .

  సశేషం

  మీ –గబ్బిట దుర్గా ప్రసాద్ -16-2-19-ఉయ్యూరు

దక్షిణ భారత దేశం లోనవ దంపతులకు  అరుంధతీ నక్షత్ర దర్శనం చేయించటం లో అంతరార్ధం –

–డా,ఏ.వి రామయ్య మరియు షెర్రీ థాంప్సన్–డిపార్ట్ మెంట్ ఆఫ్ ఫిజిక్స్ అండ్ ఆస్ట్రానమీ -వాండర్ బిల్ట్ యూని వర్సిటీ  -నాష్ విల్ -టెన్నెస్సీ -యు ఎస్ ఏ .

దక్షిణ భారత దేశం లో కొత్తగా పెళ్ళైన దంపతులకు పురోహితుడు దగ్గరుండి రాత్రివేళ అరుంధతీ నక్షత్రాన్ని చూపించటం అనూచానంగా వస్తున్న సంప్రదాయం .మినుకు మంటున్న ఈ తార ను దర్శిస్తూ ,కొత్త పెళ్లి కూతురూ పెళ్ళికొడుకు తాము అరుంధతీ వసిష్ట దంపతులలాగా అన్యోన్యంగా కలకాలం జీవిస్తామని ప్రమాణం   చేస్తారు .ఈనాటికీ వివాహాలలో పాటిస్తున్న ఈ పురాతన సాంప్రదాయానికి ఉన్న ప్రాముఖ్యత, అంతరార్ధం ఏమిటి ?.ఖగోళ విషయంగా అరుంధతీ నక్షత్ర  అవగాహన కలగటం ఉపయోగకరమైన విషయం .

రాత్రి వేళ ఆకాశం లో సప్తరుషి నక్షత్రాల ఆకారం  స్పష్టంగా గుర్తింపుగా కనిపిస్తుంది .  వివిధ సంస్కృతులు ఈ ఆకారాన్ని పొట్టి తోక ఉన్న పాడే పిట్ట డిప్పర్ గా ,గరిటె గా ,నాగలిగా ,పొడవైన పార గా గుర్తిస్తే ,ఈజిప్ట్ దేశంవారు హిప్పో పొటామస్ జంతువుగా ,ఎద్దు  వెనుక కాళ్ళు గా భావించారు .

నక్షత్ర సముదాయాలు  ,నక్షత్ర రాశులకంటే కంటే భిన్నమైనవి .ఆకాశం 88అధీకృత రాశులుగా విభజింపబడింది .అలాగే భారత దేశమూ 29 రాష్ట్రాలుగా విభజింపబడింది .నక్షత్ర సముదాయాలు కొన్ని నక్షత్రాలకూడలిగా మనకు బాగా తెలిసిన ఆకారాలుగా అంటే కుండ ఆకారం గా  ధనుస్సు ఆకారంగా కనిపిస్తాయి .నక్షత్ర సముదాయాలు ఒక్కోసారి నక్షత్ర రాశుల అంచులను  కూడా  దాటిపోవచ్చు .కానీ సప్తర్షి మండలం మాత్రం ఉర్సా మేజర్ నక్షత్ర రాశి పరిధిలోనే ఉంది .నక్షత్రాలు  హైడ్రోజెన్ హీలియం వాయువుల ,మరికొన్ని తక్కువ ప్రమాణమున్న మూలకాల  సమాహారంగా గురుత్వాకర్షణతో కలిసి ఉంటాయి .వీటి లోతైన మధ్యభాగం కోర్ లోహైడ్రోజెన్ న్యుక్లియస్ ల ఘర్షణ వలన  నక్షత్రాలు హీలియం ,రేడియేషన్ ల ఉత్పత్తి చేసి శక్తిజనకాలౌతాయి .మన సూర్య నక్షత్రం లోని కోర్ లో     ఈ రేడియేషన్ ఏర్పడి కోర్ పరిధి దాటితప్పించుకొని   ,అంచులకు చేరటానికి అనేక మిలియన్ సంవత్సరాల కాలం పడుతుంది .ఇలా తప్పించుకొన్న  రేడియేషన్ 8 నిమిషాలకాలం లో భూమిని చేరి వెలుతురూ వేడిఅందిస్తుంది .సూర్య నక్షత్రం లో జరిగే ఈ న్యూక్లియర్ చర్యలు  అనేక వందల బిలియన్ల నక్షత్ర సముదాయాలున్న పాలపుంత లలో లోనూజరిగి , మనకు కనిపించే  వందల బిలియన్ల గెలాక్సీ లలోనూ  నిరంతరం జరుగుతూనే ఉంటుంది .

ఒకప్పుడు సూర్య నక్షత్రాన్ని 109భూగోళాలు పట్టేఆకారం ,మన సౌర వ్యవస్థ ద్రవ్యరాశిలో 99.86 శాతం ద్రవ్య రాశి ,ఉపరితల ఉష్ణోగ్రత 5,500 డిగ్రీల సెంటిగ్రేడ్ ఉన్న సరాసరి నక్షత్రంగా భావించారు .కాని ఇటీవలికాలం లో చిన్నా చితకా పేలవంగా ఉన్న  వస్తువులను కూడా గుర్తించ గలిగిన సామర్ధ్యం  ఖగోళ శాస్త్ర వేత్తల కు కలిగింది .ఇప్పుడు  సూర్యనక్షత్రం  అక్కడున్న నక్షత్రాల  కంటే కనీసం  ముప్పాతిక ఎక్కువ ప్రకాశవంతం వంతమైనదని  తేల్చారు  .రాత్రివేళ ఆకాశం లో కనిపించే చిన్నగా ,పేలవంగా కనిపించే  నక్షత్రాలు ,సప్తర్షి మండల నక్షత్రాలు సూర్యునికన్నా చాలా పెద్దవి ,ఎక్కువ ప్రకాశం కలవి అని తెలియ జేశారు .

సప్తర్షి మండల నక్షత్రాలను భారతీయులు ప్రత్యేక పేర్లతోనూ ,పాశ్చాత్యులు వేరొక పేర్లతోనూ పిలిచారు కానీ ఖగోళ వేత్తలు  మాత్రం ఈ నక్షత్రాలకు ‘’బేయర్’’పేర్లు పెట్టారు .బేయర్ పేరు లేక హోదా ఉన్న నక్షత్రం గ్రీకు అక్షరం తోనూ దానితర్వాత దాని మాతృకూటమి పేరున్న లాటిన్ అక్షరం తోనూ  గుర్తింపు పొందుతుంది .ఉదాహరణకు ‘’ఉర్సే  మేజర్ ‘’లోని అత్యంత ప్రకాశవంతమైన నక్షత్రం ‘’క్రతు ’’ .దీన్ని ‘’ఉర్సే మేజారిస్ ‘’(Uma)గా గుర్తిస్తారు .ఆ నక్షత్ర కూటమిలో అత్యంత ప్రకాశవంతమైన నక్షత్రాన్ని ఆల్ఫా ,అంతకంటే తక్కువ కాంతి కలదాన్నిబీటా అనీ అలాగే మిగిలినవి కూడా .గ్రీకు అక్షరాలు పైనుంచి కిందకు వచ్చేకొద్దీ నక్షత్ర కాంతి తగ్గిపోతుందని భావం .

భారతీయ పురాణాలలో ఉన్న సప్త ఋషుల  పేర్లలో  కొన్ని మార్పులు కనిపిస్తాయి .అత్రి ,వసిష్ట పేర్లు అందరిజాబితాలలో ఉన్నాయి .కాలక్రమ౦లో మిగిలిన అయిదుగురి పేర్లు మారాయి .మధ్యయుగం లో కలికాల మహాత్మ్యం వలన అసలైన జాబితా కనుమరుగైంది .ఇప్పుడు మనం సప్త రుషులపేర్లు, వాటి బేయర్ పేర్లూ  తెలుసుకొందాం .

మానవ జాతి చరిత్రలో సప్తర్షి మండల ఆకారం  దాదాపు ఒకే రకంగా ఉంది .అయితే అత్యంత దీర్ఘకాలాలలో మార్పులు పొందుతుంది .సప్తరుషి నక్షత్రాలలో అయిదు నక్షత్రాలు ‘’ఉర్సే మేజర్  మూవింగ్ క్లస్టర్ ‘’  కు సన్నిహితమైన నక్షత్ర సంబంధమైన వాటిలో సభ్యత్వమున్నవే .ఇవన్నీకలిసే విశ్వమంతా ప్రయాణం చేస్తాయి .ఈ అయిదు నక్షత్రాలు సప్తర్షి మండల ఆకారానికి దోహదంచేస్తాయి .

క్రతు, భ్రుగు నక్షత్రాలు డిప్పర్  ఆకార వినాశానికి ఎక్కువ దోహదం  చేస్తాయి .ఈ రెండు నక్షత్రాలు ఆకూటమికి  ఎదురెదురు దిశలలో ఉంటాయి .కానీ రెండూకలిసి   ఉర్సా మేజర్ మూవింగ్ క్లస్టర్  ప్రయాణ దిశకు వ్యతిరేక దిశలో అంతరిక్షం లో కదుల్తాయి .అదే పరిధిలో ఉన్నట్లు కనిపించినా క్రతు ,భ్రుగు నక్షత్రాలు అంతరిక్షం లో భూమికి  చాలా దూరం లో ఉంటాయి .కాని అత్యంత ప్రకాశ వంతమైన నక్షత్రాలుకనుక ఆకాశం లో మిగిలిన అయిదు నక్షత్రాల కు దగ్గర గా ఉన్నట్లు కనిపిస్తాయి .

 క్రతు,భ్రుగు లమధ్య ఉన్న భేదాన్ని మిగిలిన అయిదు నక్షత్రాల విషయాలను  కాలమే తెలియజేయాలి .అంతరిక్షం లో నక్షత్రాల గమనాన్ని ‘’ప్రాపర్ మోషన్ ‘’అంటారు .ఒక స్థిర నక్షత్రం అంతరిక్షం లో సూర్యుని అసలు గమనానికి సంబంధమైన స్పష్టమైన గమనం లో కొంతభాగాన్నేప్రాపర్ మోషన్ అంటారు .ఎట్టకేలకు క్రతు భ్రుగు ల ప్రాపర్ మోషన్ సప్ర ఋషుల కాలమానాన్నీ ,ఆకారాన్నీసాగదీస్తాయి .ఈవిషయం క్రీ పూ.లక్ష సంవత్సరాలనుంచి క్రీ.శ లక్ష సంవత్సరాలవరకు ఉన్న రెండు లక్షల  సంవత్సరాలకాలం లో ఆ నక్షత్రాల స్థానాలను ఈ క్రింది చిత్రం చక్కగా తెలియ జేస్తుంది .
సంవత్సరాలకాలం లో ఆ నక్షత్రాల స్థానాలను ఈ క్రింది చిత్రం చక్కగా తెలియ జేస్తుంది .

కాని   నూతన వధూవరులు ఆకాశం లో  సప్తర్షి మండలం లోని ప్రాపర్ మోషన్ ను చూడటానికి ఉద్దేశించరు.1869లో ఆంగ్ల ఖగోళ వేత్త ఆర్ .ఏ. ప్రోక్టార్ సప్త ఋషుల ప్రాపర్ మోషన్ ను కనిపెట్టటానికి  ,చాలాకాలానికిపూర్వమే ఈ ఆచారం అమలులో ఉంది .  కాని నక్షత్రాల దూరంగా వెడలె నడక సామాన్య మానవ కంటికి గుర్తించటం అసాధ్యం ,సప్తర్షులలో మరో రహస్యం దాగి ఉంది .జపనీయులలాగే ప్రాచీన ఆరబ్బులూ ఈ రహస్యాన్ని కనిపెట్టారు .అందుకే దక్షిణ భారత వివాహాలలో లాగే వారూ అరుంధతీ నక్షత్రం చూపించటం ఆచారంగా పెట్టుకొన్నారు .రాత్రి వేళ నిర్మలాకాశం లో సప్తర్షి మండలం లో ఒక జంట నక్షత్రాలు కనిపిస్తాయి .వసిష్ట నక్షత్రానికి తోడుగా తక్కువ కాంతి కల నక్షత్రం అరుంధతి  కనిపిస్తుంది.ఈ జంట నక్షత్రాలలో ఒకటి అశ్వ రూపం లో ఉన్న వసిష్ట ,రౌతు రూపం లో ఉన్న అరుంధతి నక్షత్రాలు .

నక్షత్రాల లో సూర్యుడు చాలా అల్పసంఖ్యాకవర్గం అంటే మైనారిటీ వాడు .ఒంటరిగా అత్యంత వేగం గా సూర్య నక్షత్రం ప్రయాణిస్తుంది .మిగిలిన మెజారిటీ నక్షత్రాలు జంటగానో ఇంకా ఎక్కువ వాటితోనో కలిసి ప్రయాణిస్తాయి.  ఇవి అతిదగ్గరగా కదలటం,అతి కాంతి హీనంగా ఉండటం  వలన సామాన్య మానవ నేత్రం వీటిని  స్పష్టంగా చూడలేదు .

అరుంధతి ,వసిష్ట నక్షత్రాలు ఉర్సే మేజర్ మూవింగ్ క్లస్టర్ లో సభ్యులే కనుక అంతరిక్షం లో ఈ రెండూ కలిసే ప్రయాణిస్తాయి .ఈ అద్వితీయ జంట నక్షత్రాలు పూర్వకాలం వారికి ఆప్టికల్ డబుల్ స్టార్స్ అంటే దృశ్య సంబంధమైన జంట నక్షత్రాలుగా కనిపించాయి .చూసేవారికి   ఆ రెండూ ఒకే దృష్టి మార్గం లోఉన్నట్లు కనిపించటం వలన కలిసి ఉన్నట్లు అనిపిస్తాయి .సుదూరం లో ఉన్న ఇద్దరు  వ్యక్తులు  మనవైపుకు వస్తున్నప్పుడు వారు ఒకరికొకరు దూరం లో ఉన్నా ,ఇద్దరూ అతి దగ్గరగా ఉన్నట్లే అనిపిస్తారు .

ఖగోళ శాస్త్ర వేత్తలు ఇటీవలికాలం లో అరుంధతి వసిష్ట నక్షత్రాలు గురుత్వాకర్షణ  వలన ఒకరితో ఒకరు కలిసి బైనరి స్టార్ సిస్టం గా ఉన్నట్లు గుర్తించారు .కాని ఇదిపూర్తిగా నిర్డుస్టమైనదని  చెప్పలేము .బైనరి స్టార్స్ అంటే జంట నక్షత్రాలు ,ఆప్టికల్ డబుల్ స్టార్స్ అంటే దృశ్య సంబంధమైన ద్వంద్వ నక్షత్రాలకంటే భిన్నమైనవి .మొదటివి గురుత్వాకర్షణ శక్తితో కలిసిపోయినవి .రెండోవి అయిన దృశ్య సంబంద ద్వంద్వ నక్షత్రాలమధ్య బాంధవ్యమే లేదు .ఇదేకాక ఉల్సామేజర్ మువింగ్  క్లస్టర్ తో కలిసే ప్రయాణిస్తాయి .అంతేకాదు వసిష్ట ,అరుంధతీ నక్షత్రాలు  ఒకదాని వెంబడి జంట నక్షత్రాలుగా వాటి మధ్య ఉన్న కేంద్రం ఆధారంగా తిరుగాయి .

నక్షత్రాలు గురుత్వాకర్షణ శక్తితో కలిసి ఉన్నట్లు కనిపించినా అవి ఒకదానికొకటి చాలా దూరం లో ఉంటాయి .వీటి మధ్య దూరాన్నిసెకనుకు 300,000,000 మీటర్ల వేగం ఉన్న   కాంతి తో కొలుస్తారు . మనకు అతి దగ్గర గా ఉన్న నక్షత్ర౦ ‘’ప్రాక్సిమా సెంచురీ ‘’నుంచి భూమికి కాంతి ప్రయాణం చేయటానికి 4.2సంవత్సరాలు పడుతుంది .అరుంధతి నక్షత్రం నుంచి వసిష్ట నక్షత్రానికి కాంతి ప్రయాణం చేయటానికి 3 సంవత్సరాలు పడుతుంది .వసిష్ట నక్షత్రం నుంచి భూమికి కాంతి చేరటానికి 78 ఏళ్ళు పడుతుంది .అరుంధతి నక్షత్రం నుంచి భూమికి కాంతి చేరటానికి 81సంవత్సరాలు పడుతుంది .వసిష్ట ,అరుంధతి నక్షత్రాలు ఒకదాని చుట్టూ ఒకటి తిరగటానికి ఎంతకాలం పడుతుందో ఇంకా తెలియదు .కొన్ని జంట నక్షత్ర కూటములు ఒకదాని చుట్టూ ఒకటి తిరగటానికి కొన్ని రోజులు మాత్రమె పడితే ,మరికొన్నిటికి లక్షలాది సంవత్సరాల కాలం పడుతుంది .ఒక్క వసిష్ట ,అరుంధతీ నక్షత్రాలకే సరైన పెర్లున్నాయికాని మిగిలిన జంట నక్షత్రాలకు పేర్లు లేనేలేవు .

అరుంధతి వసిష్ట నక్షత్రాల గురించి మరిన్ని రహస్యాలున్నాయి .చాలాకాలగా వసిష్ట నక్షత్రం ఒకే ఒక నక్షత్రం అని భావించబడింది .కాని ఆధునిక టెలిస్కోప్ లు వసిష్ట నక్షత్రం రెండు  జంట నక్షత్ర సముదాయమని అంటే నాలుగు నక్షత్రాలు ఒకదాని చుట్ట్టూ ఒకటి పరిభ్రమిస్తాయనితెలియ జేశాయి .ఈ నక్షత్రాలు అతి సమీపంగా ఉంటాయి ,స్పెక్ట్రో  స్కోప్ తోనే వాటిని వేరు చేయగలం .ఇటీవలి పరిశోధనలలో అరుంధతి కూడా రెండు నక్షత్రాల సముదాయమని తెలిసింది .కనుక వసిష్ట అరుంధతి నక్షత్రాలు కేవలం రెండు నక్షత్రాలు కాదు .ఆరు నక్షత్రాల సముదాయం అని తేలింది . కాలగమనం లో వసిష్ట ఒకే ఒక ప్రకశమానమైన సామాన్య నేత్రానికి కనిపించే నక్షత్రం అనే భావననుంచి పూర్వ ఖగోళ వేత్తలు దర్శించిన  ,అసాధారణ దృశ్యమానమైన జంట నక్షత్ర౦ అనే ప్రాచీనమైన భావన నుంచి ,కలిసిఉన్న సంక్లిష్ట నక్షత్ర కుటుంబం  అనే ఆధునిక భావానికి ,వచ్చాం .

వసిష్ఠ ,అరుంధతి నక్షత్రాలు జంట నక్షత్ర సముదాయం .. మన విశ్వం లో అనేక జంట నక్షత్ర సముదాయాలు ఉన్నా కూడా ,ఈ జంట నక్షత్రాలు అనంత  కాలం నుండీ విడిపోకుండా కలిసే ఉండటమే కాక, .సామాన్య మానవ నేత్రాలకు చూడటానికి కనిపిస్తు0డటం విశేషం .అందుకే వివాహాలలో నవ దంపతులకు అరుంధతీ వసిష్ఠ నక్షత్ర దర్శనం చేయించి ,ఆ  అన్యోన్య దాంపత్య  స్ఫూర్తిని కలిగిస్తారు ”.

అనువాదం –గబ్బిట దుర్గా ప్రసాద్ -14-2-19-ఉయ్యూరు

గౌతమీ మాహాత్మ్యం -38

53-పూర్ణాది తీర్ధం

గంగకు ఉత్తరాన పూర్ణ తీర్ధముంది .దీనిలో హరి హరులుంటారు .పూర్వం కల్పం మొదట్లో ఆయువు కుమారుడు ధన్వంతరి ఉండేవాడు .ఆశ్వమేధాది అనేక యజ్ఞాలు చేసి ,ఎన్నో దానాలు ఇచ్చి పుష్కలంగా భోగభాగ్యాలతో వర్ధిల్లి ,చివరికి వైరాగ్యం కలిగి ,గంగా తీరం చేరి తీవ్ర తపస్సు చేశాడు .ఒకప్పుడు ధన్వంతరి రాజు చే ఓడి౦ప బడిన’’ తమాసురుడు’’ అనే రాక్షసుడు భయం తో వెయ్యేళ్ళు సముద్రం లో దాక్కొన్నాడు .ధన్వనతరి వైరాగ్యం ,అతనికొడుకు రాజ్యానికి రావటం తెలిసి వాడు సముద్రం నుంచి బయటికి వచ్చి, తపస్సులో ఉన్న ధన్వంతరిని చంపాలనుకొన్నాడు .

  తమాసురుడు స్త్రీ వేషం లో ,రాజు దగ్గరకొచ్చి వివిధ భంగిమలతో ,గాన నాట్యాలతో ఆకర్షించే ప్రయత్నం చేసింది .చాలాకాలం గమనించి ఆమెపై దయకలిగి,ఆమె ఎవరో ఎందుకు ఒంటరిగా అడవిలో ఆనందంగా ఎవరికోసం ఎదురు చూస్తున్నదో అడిగాడు .ఆమె తెలివిగాఅతనికోసమే తన తపన అంతా అన్నది .కరిగిపోయి రాజు ఆమెకు వశమయ్యాడు .అదే అదను అనుకోని తమాసురుడు ధన్వంతరి తపస్సు నాశనం చేసి వెళ్ళిపోగా, బ్రహ్మ తపో భ్రస్టు డైన  అతన్ని చేరి ,మనస్తాపం పోగొట్టే మాటలతో ఓదార్చి ,ఇంతటి పనికి పూనుకొన్నవాడు అతని పూర్వ శత్రువైన తముడు అనీ ,అతని దుఖం తీరాలంటే విష్ణు మూర్తి గురించి  తపస్సు చేయమని బోధించాడు .

  ధన్వంతరి విష్ణుమూర్తి ని ‘’జయ భూతపతే నాద ,జయ పన్నగ శాయినే ,-జయ సర్వగ ,గోవింద జయ విశ్వ కృతేనమః ‘’ ,’’జయ జన్మద జన్మిస్థపరమాత్మన్నమో స్తుతే –జయ ముక్తిద ముక్తిస్త్వం ,జయ భుక్తిజ కేశవ’’-త్వమేవ లోక త్రయ వర్తి జీవన నికాయ సంక్లేశ వినాశన దక్ష –శ్రీ పుండరీకాక్ష కృపానిధే త్వం ,నిధేహి ,పాణిం మమ మూర్ధ్ని విష్ణో’’అంటూ స్తుతించాడు .మెచ్చిన విష్ణుమూర్తి ప్రత్యక్షమై ఏమికావాలని అడిగాడు .’’నాకు స్వర్గ రాజ్యం కావాలి ‘’అన్నాడు .తధాస్తు అని విష్ణువు అంతర్ధానమయ్యాడు .ధన్వ౦తరి  స్వర్గ లోకాధిపతి అయ్యాడు .ఇంద్రుడు అప్పటికే మూడు సార్లు పదవి కోల్పోయాడు .మొదటి సారి వృత్రాసుర సంహారం లో నహుషుని చేత ,రెండవసారి సింధు సేనుని వధ కారణంగా  ,మూడో సారి అహల్యా జారత్వం వల్ల ఇంద్రపదవి పోగొట్టుకొన్నాడు ..

 పదవిలేక ,వ్యాపకం లేక దిగులుతోదేవ గురువు బృహస్పతిని చేరి మొర పెట్టుకొన్నాడు.బ్రహ్మ దగ్గరకు వెళ్ళమని సలహా ఇచ్చాడు ఆయన .ఇద్దరూకలిసి బ్రహ్మ దగ్గరకు వెళ్లి ప్రార్ధింఛి,బ్రహ్మను ఎందుకు శచీపతికి ఇలా జరుగుతోందని ప్రశ్నించాడు .బ్రహ్మ అంతర్ దృష్టితో చూసి ఇంద్రుడు ‘’ఖండ ధర్మం ‘’అనే దోషం తో పదవి పోగొట్టుకొన్నాడు అన్నాడు .నివారణ ఉపాయం అడిగారు .అన్నిటినీ పరిష్కరించేది గంగానది కనుక అక్కడికి వెళ్లి హరి,హర ధ్యానం చేయమని చెప్పాడు .  అల్లాగే చేశారు –

‘’నమో మత్చ్యాయ కూర్మాయ వరాహాయ నమో నమః –నారసింహాయ దేవాయ వామనాయ నమోనమః-నమోస్తు హరరూపాయ ,త్రివిక్రమ నమోస్తుతే –నమోస్తు బుద్ధరూపాయ ,రామ రూపాయ కల్కినే –తావన్నిః శ్రీకతా పుంసాం మాలిన్య౦ దైన్య మేవమే –యాపన్న యాన్తిశరణం హరే త్వాం కరుణార్ణవం’’అని ఇంద్రుడూ –

‘’సూక్ష్మం పరంజ్యోతి రన౦త రూప మోంకార మాత్ర౦ ప్రకృతేఃపరం యత్ –చిద్రూప మానంద మయం సమస్త మేవ౦ వదంతీశ ముముక్ష్వవస్త్వాం –ఆరాధ యంత్యత్ర భవంత మీశం ,మహా మఖైః పంచభి రప్య కామాః-సంసార సింధోః పరమాప్త కామా ,విశన్తి దివ్యం భువనం వపుస్తే ‘’

‘’స్థూలం చ సూక్షం త్వమనాది నిత్యం ,పితా చ మాతా యదసచ్చ సచ్చ-ఏవం స్త్వతో యః శ్రుతిభిః పురాణై ర్నమామి సోమేశ్వర మీశితారం ‘’అంటూ బృహస్పతీ ఇద్దరూ ఒకరి తర్వాత గుక్క తిప్పుకోకుండా స్తుతించారు.ప్రసన్నులైన హరి హరులు  వరం కోరుకోమన్నారు .ఇంద్రుడు ‘’శివా !నా రాజ్యం మాటిమాటికీ వస్తో౦ది ,పోతోంది .దీనికి నేను చేసిన పాపం ఏదైనా ఉంటె ఉపశమింప జేసి ,నా సంపద రాజ్యం సుస్థిరంగా ఉండేట్లు అనుగ్రహించు .సరే నని వారిద్దరూ ముగ్గురు దేవతలుకల గౌతమీనది వా౦ఛితాలు తీర్చటానికి సమర్ధురాలు .అందులో

‘’త్రి దైవత్యం మహా తీర్ధం గౌతమీ వాంచిత ప్రదా-తస్యామనేన మంత్రేణ కురుతాం స్నాన మాదరాత్ ‘’-‘’అభిషేకం మహేన్ద్రస్య మంగళాయ బృహస్పతిః –కరోతు సంస్మరన్నాహం సంపదాం స్థైర్య సిద్ధయే ‘’-‘’ఇహ జన్మని పూర్వస్మిన్ యత్కించి త్సు కృతం కృతం –తత్సర్వం పూర్ణతా మేతు గోదావరి నమోస్తుతే ‘’అనే మంత్రాలు చదువుతూ పవిత్ర స్నానాలు చేయామని చెప్పగా వాళ్ళిద్దరూ అలాగే చేశారు .

  దేవ గురుడైన బృహస్పతి ఇంద్రునికి మహాభి షేకం చేశాడు .ఇంద్రుని అభిషేక జలం తో పుట్టిన నది ‘’మంగళా ‘’అనే పేరుతొ పిలువబడింది .దానితో కలిసిన గంగా సంగమం పవిత్రమైనది .ఇంద్రుని స్తోత్రానికి శ్రీహరి ప్రత్యక్షమై ఇంద్రుని కోరిక తీర్చగా  త్రిలోక సంమితమైన భూమిని పొందాడు .ఈ తీర్ధమే ‘’గోవింద తీర్ధం ‘’.దేవేంద్రుడు సుస్థిరమైన ఇంద్ర పదవికోసం మహేశ్వరుని స్తుతించి ఒక శివ లింగాన్ని ప్రతిష్టించి అభిషేకించాడు  .దీన్ని దేవతలంతా పూజించి అభిషేకించారు  .ఇదే పూర్ణ తీర్ధం గా ప్రసిద్ధి చెందింది అని నారదునికి బ్రహ్మ వివరించాడు .

  సశేషం

  ఉయ్యూరు వీరమ్మతల్లి -తిరునాళ ప్రారంభ శుభాకాంక్షలతో

 మీ –గబ్బిట దుర్గా ప్రసాద్ -15-2-19-ఉయ్యూరు

13-2-19బుధవారం సాయంత్రం అణుశాస్త్ర వేత్త డా ఆకునూరి వెంకటరామయ్య గారి తరఫున మా ఇంటికి వచ్చిన 40ఏళ్ళక్రితం అమెరికాలో రామయ్యగారి నాష్ విల్ లో వారికుటుంబం తో ముఖ్యంగా రామయ్యగారి అర్ధాంగి శ్రీమతి కృష్ణ మయి గారితో అత్యంత సాన్నిహిత్యం తో కుటుంబ స్నేహితురాలుగా ఉన్న మా మేనకోడలు శ్రీమతి ఇందుమతి అంటే మా కజిన్ సిస్టర్ శ్రీమతి శారదక్కయ్య కుమార్తె  మరియు ఆమె వదిన  (ఛి లక్షణ భార్య )మా దంపతులకు నూతన వస్త్రాలు ,సరసభారతికి 116 డాలర్ల నగదు కానుక అందజేసిన చిత్రాలు

This slideshow requires JavaScript.

మహాకవి స్వర్గీయ దాసు శ్రీరాములు గారి మునిమనవడు శ్రీ దాసు అచ్యుతరావు గారు దాసుగారి సాహిత్యగ్రంథాలు కొన్ని నాకు పంపగా వాటిని ఉయ్యూరు  శాఖాగ్రంథాలయానికి  అధికారిణి శ్రీమతి స్రవంతికి  13-2-19 బుధ వారం సాయంత్రం అందజేసిన చిత్రాలు -దుర్గాప్రసాద్ 

నేను రాసిన ”సిద్ధ యోగిపుంగవులు ”పుస్తకం లోని” అవధూత చక్రవర్తి -కురుమద్దాలి పిచ్చమ్మ”వ్యాసం ఫిబ్రవరి ”గురు సాయి స్థాన్ ”లో పునర్ముద్రితం

గౌతమీ మాహాత్మ్యం -37

51-ధాన్య  తీర్ధం

ఓషధులు సోమరాజు చంద్రుని పతిగా పొంది లోకాలకు,  గంగకు ఇష్టమైన మాటలు పలుకుతూ ఇలా చెప్పాయి –‘’వేదవేత్తలకు  తెలిసిన  పురాగాథ ఒకటి ఉంది .మాతృసమానమైన ,సస్య సంపన్న మైన భూమాతను గంగా తీరం లో దానమిస్తే సకల కోరికలు నెరవేరుతాయి .భూమి, గోవు ,ఓషధులను దానం చేస్తే సకలకార్య సిద్ధి కలుగుతుంది .ఆ దానం అక్షయమవుతుంది .ఓషధులకు సోముడు పతి అనితెలిసి దానం చేసిన బ్రహ్మవేత్త బ్రహ్మలోకం లో గౌరవం పొందుతాడు .గంగలో మా ఓషధులను దానం చేస్తే సంసార సాగరం తరిస్తాడు .మేము బ్రహ్మ స్వరూపులం ,ప్రాణ రూపిణులం.మమ్మల్ని జితవ్రతుడు దానం చేస్తే తరిస్తాడు .మేము జగత్తు అంతా వ్యాపించి ఉన్నాం .హవ్య ,కవ్య రూపమైన అమృతం ,సర్వ శ్రేష్ట భోజన పదార్ధం దానం చేస్తే వారిని మేము తరి౦ప జేస్తాం .ఈ వైదిక గాథ విన్నవాడు కూడా తరింప బడుతాడు .’’ఈ ధాన్య తీర్ధ స్నాన జప దానాలు సర్వ స౦పదలనిస్తాయని బ్రహ్మ నారదుడికి చెప్పాడు .

51-విదర్భా సంగమ రేవతీ సంగమాది తీర్ధం

    భారద్వాజమహర్షి సోదరి రేవతి కురూపి .ఈమెను చూస్తూ కలతమనస్సుతో మాహర్షి గంగాతీరం లో విచార గ్రస్తుడై ఉన్నాడు .ఆపిల్లను ఎవరు పెళ్లి చేసుకొంటారనే దుగ్ధ ఆయన్ను బాధించింది .ఒక రోజు ఒక ముని ఆయన సందర్శనం కోసం వచ్చాడు .ఆయన అందమైన వాడు .వయసు 16.శాంత దా౦తాలలో మేటి .పేరు ‘’కఠుడు’’.ఆ ముని కుమారుని భరద్వాజమహర్షి ఆహ్వానించి ,పూజించి ,ఆతిధ్యమిచ్చాడు .

  వచ్చినవాడిని అతని రాకకు కారణం అడిగాడు మహర్షి .విద్య నేర్వటానికి వచ్చిన విద్యార్ధిని అని పరిచయం చేసుకొన్నాడు .కులీనుడు,సత్యవాది అయిన తనకు విద్య నేర్పమని ప్రార్ధించాడు .భరద్వాజుడు అతడిని శిష్యునిగా స్వీకరించి సకల విద్యలు నేర్పాడు .శిష్యుని విద్యాభ్యాసం పూర్తవగానే గురువు ను ‘’ఇచ్ఛేయం  దక్షిణా౦ దాత౦ గురో తవ మనః ప్రియాం –వదస్వ దుర్లభం వాపి గురో తుభ్యం నమోస్తుతే-విద్యా ప్రాప్యాపి యే మోహాత్స్వగురోః పారితోషికం –న ప్రయచ్ఛంతి నిరయం తేయంత్యాచంద్ర తారకం ‘’అన్నాడు అంటే –మనస్సుకు  ప్రియమైన దక్షిణ ఇవ్వాలను కొంటున్నాను .దుర్లభమైనదైనా సంకోచం వద్దు .విద్య నేర్పిన గురువుకు తగిన పారితోషికం ఇవ్వని వాడు ఆచంద్ర తారార్కంగా నరకం పొందుతాడు’’ .

 భరద్వాజుడు తన సోదరి రేవతిని వివాహమాడి సుఖంగా అన్యోన్యంగా దాంపత్యం చేయటమే తను కోరే గురు దక్షిణ అన్నాడు. శిష్యుడు గురువు తండ్రి వంటివాడు కదా అలాంటప్పుడు ఈ సంబంధం ఏవిధంగా ధర్మం అవుతుంది అని అడిగాడు .దానికి మహర్షి –

‘’మద్వాక్యం కురు సత్యం త్వం మమాజ్ఞా తవ దక్షిణా –సర్వం స్మృత్వా కఠాద్యత్వం రేవతీం భర తన్మనాః’’-నామాట నిజం చేయి నా ఆజ్ఞాపాలన మే నీ గురు దక్షిణ .అన్నీ స్మరించుకో .రేవతిపై ప్రేమ చూపి భార్యగా గ్రహించు .అన్నాడు .గుర్వాజ్ఞ శిరసావహించి కఠుడు రేవతిని పెళ్ళాడి  ,పరమేశ్వరుని పూజించి అభిషేకించాడు .వెంటనే రేవతి సర్వాంగ సుందరిగా మారిపోయింది.అభిషేక జలం  ప్రవహించి గంగానదిలో కలిసింది .రేవతికి పుణ్య రూపం కోసం భర్త అనేక రకాల పవిత్ర  దర్భలతో  అభిషేకించాడు .అది విడర్భా నది అయింది .రేవతీ –గంగా సంగమం, విదర్భా –గౌతమీ సంగమం లలో స్నానిస్తే భుక్తి ,ముక్తి పొందుతారని బ్రహ్మ నారదునికి తెలిపాడు .

   సశేషం

మీ-గబ్బిట దుర్గాప్రసాద్ -13-2-19-ఉయ్యూరు