నా దారి తీరు -104

వ్యాఖ్యాన చక్రవర్తి మల్లినాథ సూరి మనీష -42

నా దారి తీరు -103

వ్యాఖ్యాన చక్రవర్తి మల్లినాథ సూరి మనీష -41

షార్లెట్ యూనివర్సిటీలో బంగారు గణికార్మికుని శిలా విగ్రహం ,యుని వర్సిటీకి పునర్జీవనం తెచ్చిన కోన్

  

49 NERS                                       BONNIE E CONE

వీక్లీ  అమెరికా -6-మనవడు సంకల్ప్ ఏం ఎస్ గ్రాడ్యుయేషన్  వారం

వ్యాఖ్యాన చక్రవర్తి మల్లినాథ సూరి మనీష -40

గొల్లపూడి

తత్ఫల త్వాత్ -తస్యాపి కదా సాధ్యత్వే వాదస్య -తత్వ నిర్ణేయ ఫాలేత్వాత్ ”(తార్కిక రక్ష కారిక పై సూరి వ్యాఖ్య )

షార్లెట్ లో 55 వ శ్రీ సుందరకాండ పారాయణ ,శ్రీ హనుమజ్జయంతి

  

వ్యాఖ్యాన చక్రవర్తి మల్లినాథ సూరి మనీష -38

నా  దారి తీరు -102

వ్యాఖ్యాన చక్రవర్తి మల్లినాథ సూరి మనీష -36

నా దారి తీరు -101   మేడూరులో ఉద్యోగం -2

వ్యాఖ్యాన చక్రవర్తి మల్లినాథ సూరి మనీష -35

  ఏకావలి లో అలంకార చర్చ(చివరిభాగం )  

పర్క్యాయోక్తి  అలంకారం-పర్యాయోక్తి అలంకార నిర్వచనం లో విద్యాధరుడు పూర్తిగా అలంకార సర్వస్వాన్నే  అనుసరించాడు  -”గమ్యత్సా పి భంగ  గ్య0త రేణాభి  దానం పర్యోక్తం ”

  ఈ అలంకారం తెలియాల్సిన దాన్ని ఏదో ఒక విధానం లో తెలియ జేస్తే పర్యాయోక్తి .అంటే ఫలం ,ప్రభావం ,ప్రయోజనం  మొదలైనవి తెలియాల్సిన లేక గమ్యం కు కారణాలు అవుతాయి. దీనిపై మల్లినాథుని  వ్యాఖ్యానం చాలా స్పష్టంగా ఉంది .-”యత్ర ప్రస్తుత కార్య కధనాత్ ప్రస్తుతమేవ కారణం గమ్యతే -తత్ర కార్యద్వారా కారణ  స్యేవ పర్యాయేణ భంగ యంత రేణోక్త త్వాత్ పర్యాయోక్త  మిత్యర్ధహ్ ”అన్నాడు

  ఇక్కడ ఒక ప్రశ్న వస్తుంది -ఒకే వస్తువు వివరణగా సూచనగా ఎలా ఉంటుంది?కారణాన్ని సూచిస్తే ఫలిత0 ద్వారా తెలియ జేయవచ్చు కారణం కూడా సంబద్ధమైనదే అప్పుడు అది అప్రస్తుత ప్రశంస తో భేదిస్తుంది ..ఇక్కడ విద్యాధరుడు సూచింపబడిన అర్ధం లేక భావం బలవత్తరమైతే అప్పుడు అది ఒకరకమైన ధ్వని అని పిస్తుంది ”యత్ పునరిహకార్యస్యేవ వర్ణనం తత్కారణా పేక్ష యస్య చమత్కారాతిశయ కారిత్వాత్ ”(ధ్వన్యాలోక0 )    ఇక్కడ అతని వ్యాఖ్య ధ్వన్యాలోకం లోని వ్యాఖ్యను పోలి ఉంది కనుక మల్లినాథుడు ఈ విషయాన్ని మరింత స్పష్టంగా చెప్పాడు .సంబద్ధమైన కారణం సంబద్ధమైన ఫలితాన్ని సూచిస్తే అది పర్యాయోక్తి అవుతుందన్నారు .అంటే ఫలితం కారణాన్ని మరొక విధంగా తెలియ జేస్తుంది .ఫలితం ద్వారా చెప్పబడే కారణం యొక్క వర్ణన  ,సూటిగా వర్ణించినదానికంటే మరింత రమ్యంగా ఉంటుంది .

  మల్లి నాధుడు కొన్ని అలంకారాలతో పోలికలు భేదాలు చర్చించి ఇదే విధంగా స్పష్టం చేశాడు .కొన్ని ఉదాహరణలు చూద్దాం –

విరోధ ,విశేషోక్తి అలంకారాల మధ్య తేడాలను వివరిస్తూ రెండు వస్తువులు ఒకే సమాన బలం తో  ఒకదానికొకటి వ్యతిరేకంగా చెప్పబడితే అది విరోధా భాస  అన్నాడు .విశేషోక్తి లో ఫలితం దాగి ఉండి కారణం లేకుండా అంగీకరింపబడకుండా ఉంటె విశేషోక్తి అవుతుంది .కానీ కారణం లేకుండా ఫలితం అంగీకరింపబడదు -”అతః ప్రతినియత్ బాధ్య బాధ్యక భావాపన్నో విరోధో విశేషోక్త్యో -విరోధాలంకారే తు విశేష భావాదుభయొహ్  పరస్పర బాధ క భావాపన్న ఇత్యనయోరపి భిన్న విషయత్వ మేవేత్యర్ధహ్ ”

 ఇలాగే రూపకాన్ని ఉత్రేక్ష ,అతిశయోక్తి ల మధ్య భేదాన్ని కూడా ఇంత స్పష్టంగానూ వివరించాడు .ఈ రెండు బృందాలలో ఉన్న భేదం ఆరోప ,అధ్యారోపాల  ఆధారంగా ఏర్పడినవే అన్నాడు .భేదం లేనిది వస్తువును మింగేసి అనుభవానికి వస్తే అధ్యవాస్యా అవుతుంది అలాంటి మింగుడు లేకపోతె ఆరోపణ అవుతుంది -”ఆరోపాన్యత్రాన్యస్యా వాపః -యధా ముఖం ఇత్యాన్న ముఖే చంద్రత్వస్య  ఏతే నాద్యావశ్య మూలో త్ప్రేక్షా తిశయోక్తి భ్యాం భేదః -విషయని గరణేనా భేద-ప్రతిపత్తి రధ్యావసాయః -విషయాని ఘరానా మంత రేణా  భేద ప్రతి పత్తి  రారోప  ఇత్యన్యో  భేదాదితి”

   ”ఏకాదశ వివర్త రూపకాల”కు సమాసోక్తికి మధ్య ఉన్న ముఖ్య విలక్షణతనుమల్లినాథ సూరి వివరించిన విధానాన్ని డా త్రివేది ఎలా తెలియజేశాడా లాల్యే పండితుడు చెప్పాడు -”మొదటి దానిలో పోలిక చెప్పే విషయి  విషయ0  పై ఆరోపింపబడి ఒక చోట చెప్పి వేరొక చోట సూచనగా ఉంటుంది అప్రస్తుతమైన విషయి  ప్రస్తుతమైన విషయాన్ని తన ధై న రూపం లో రంగుల్లో తెలియ జేస్తుంది .రెండవదానిలో అప్రస్తుతం సామాన్య గుణం తో సూచింపబడి ప్రస్తుతాన్ని బలీయం చేయదు కానీ దాని వేరే మాటలతో ఆవిష్కరిస్తుంది .మరో రకంగా రూపకం లో విషయి  ప్రస్తుతం పై ఆరోపించబడుతుంది .సమాసోక్తి లో అప్రస్తుతం యొక్క  ప్రవర్తన ప్రస్తుతం పై ఆరోపింపబడి  ”వ్యంజనమ్ ”కు కారణమవుతుంది .

  మల్లినాథుడు ఆపహ్నుతి ,వ్యాజోక్తి లమధ్య విలక్షణాలనూ క్షుణ్ణంగా పరిశీలించి చెప్పాడు ..పోలిక దాగి ఉంటె ఆపహ్నుతి . దాగి ఉన్నదాన్ని పోలికతో చెబితే వ్యాజోక్తి .-”యత్రాహ్నవ  ముఖేన సాదృశ్యం ప్రతిపాద్యతే తత్రాపహ్నవః -యాత్ర సాదృస్యోప జీవనే నాపహ్నవః క్రియతే తత్ర వ్యా జోక్తిః ”(ఏకావాలి ).తుల్య యోగితా విషయం లో మల్లినాథుని వివరణ సూటిగా సుత్తి లేకుండా ఉంది .దీన్ని పట్టికలో ఇలా చూఅచ్చు

  ఔ పమ్య  గర్భాలంకారః

|

పదార్ధ గతః                 వాక్యార్ధ గతః ,

–     |

సమాసపూర్వకం            వ్యాస పూర్వకం

దీపకః                                    తుల్య యోగితా

పోలిక దాగ్గిఉన్నా  ధ్వనికి అవకాశం లేదు సూచింపబడిన భావం  సూటిగా అర్ధాన్ని బలీయం చేసి అది ప్రాధాన్యం కోల్పోయి అపరాఅంగికమై గూనీ భూత వ్యంగ్యం లో ఒక అరకం అవుతుంది మరో చోట దీపకం తుల్య యోగితాల ప్రధాన లక్షణ భేదం వివరణ ఉంది సమాన లక్షణం ప్రాకృతానికి కానీ అప్రకృతానికి కానీ సమీపం లో ఉంటుంది  . 

  సూరి దృష్టాంత ,నిదర్శనాలంకారాలమధ్య భేద లక్షణాలన్నీ అదే స్ఫూర్తి తో చెప్పాడు  .రెండు వాక్యాలు రెండు విభిన్న భావాలను సంబంధం లేనివాటిని చెబితే దృష్టాంతం .రెండువాక్యాలు ఒకే  భావాన్ని విధి మొదలైన ఆదేశాలతో చెబితే అర్థవాదం తో ఉంటె నిదర్శనాలంకారం -”యత్ర పరస్పర నిరపేక్షా ర్ధ త్వేన  వాక్యార్ధ భేదస్తత్ర దృష్టాంత -యాత్ర సాపేక్షార్ధత్వే న విద్యర్ధ వాదయోరివ వాక్యయో  రేఖ వాక్యతా తత్ర నిదర్శనేతి  భేదః

    అలంకారాలతో సూక్షం భేదాలను మల్లినాథుడు గమనించాడు -”ప్రత్యాయ్యప్రత్యాయక భావోనుమానం -సమర్ధ సమర్ధకా భావే నిరపేక్ష యో తతస్టే  న హేతుర్వేర్యార్దంతరన్యాసః -కేవలం సామాన్యయోహ్ కేవలావ శేష యోర్వా నిరపేక్షయోరేవ హేతు త్వే దృష్టాంత -కార్యకారణా రూపవాక్యార్ధ యోస్తు సాపేక్షార్హే తుత్వే  వాక్యార్ధ హేతుకం కావ్యలింగమితి ”అని స్పష్టపరచాడు

 నిరూపించింది ,నిరూపించబడినదానిమధ్య సంబంధం ఉంటె అనుమానాలంకారం .కారణం ఒక సామాన్యం తో విశేషం విశేషం తో సామాన్యం సమర్ధిస్తే అర్ధాంతరన్యాసం .సామాన్య విశేష వాక్యాలు భావాలు వేరుగా స్వతంత్రంగా ఉంటె దృష్టాంతాలంకారం .రెండువాక్యాలలోని భావం కార్య కారణాలు గా ఉంటె కావ్యలింగాలంకారం అవుతుంది అని సందేహ రహితంగా ఏకావాలి లోని అలంకార చర్చలో వ్యాఖ్యాన చక్రవర్తి మల్లినాథ సూరి వివరించాడని  త్రివేదీ తెలియజేసినట్లుడా  పి .జి .లాల్యే పండితుడు మనకు చెప్పాడు . ఇంతటితో అలంకార చందన చర్చ కు సమాప్తి పలికి  ఏకావాలి పై మల్లినాథుని వ్యాఖ్యానం లోని ముఖ్య విషయాలను తరువాత తెలుసుకొందాం .

     అన్నమయ్య   జయంతి శుభాకంక్షలతో

   సశేషం

 మీ-గబ్బిట దుర్గాప్రసాద్ -10-5-17 -కాంప్-షార్లెట్ -అమెరికా

వ్యాఖ్యాన చక్రవర్తి మల్లినాథ సూరి మనీష -34

టు కిల్ ఏ మేకింగ్ బర్ద్ నవలలో విఖ్యాతమైన -హార్పర్ లీ

సాహితీ బంధువులకు – ఈ వ్యాసం రాసి సుమారు 9 నెలలయింది .కంటిన్యుటీ తెలియాలని దీన్ని మళ్ళీ పంపిస్తున్నాను .ఈ రోజు నుంచి దీని తర్వాతి విషయాలు రాస్తాను -దుర్గాప్రసాద్ -8-5-17 -కాంప్-షార్లెట్ -అమెరికా

వ్యాఖ్యాన చక్రవర్తి మల్లినాథ సూరి మనీష -33

— ఏకావాలి లో  అలంకార  చర్చ

వీక్లీ  అమెరికా -5 -2 చివరిభాగం (1-5-17 నుండి 7-5-17 వరకు )

1-5-17 సోమవారం ఉదయం నిద్ర మంచం మీద నించి ఇంకా కేవకుండానే ఉయ్యూరు నుంచి మా మనవడు చరణ్ ఫోన్ చేసి”తాతా ! ఉయ్యూరు ను ,మమ్మల్ని మర్చిపోయావు ఫోన్ చేయటం లేదు ”అని నేరం వేశాడు నవ్వుతూ .మధ్యాహ్నం అడ్డాడ శిష్యుడు భూషణం ఫోన్ చేసి అక్కడ నేను పని చేసినప్పుడు దివాకర్లవారు రాసిన ”భారతావతరణం ”పద్యనాటిక నేను వేయించటం అందులో తానూ నన్నయ పాత్ర వేయటం జ్ఞాపకం చేశాడు .నిజమే అక్కడ ఎక్కువ మంది విద్యార్థులు ఎస్ సి వాళ్ళు .వాళ్లకు మాటలు పలకటమే రాదు కానీ సాహసంగా తీసుకొని వాళ్ళతో పద్యాలు ప్రాక్టీస్  చేయించి వేయించాను చాలా చక్కగా చెప్పారు .అదొక సాహసం . మల్లినాథ సూరి 29 వ ఎపిసోడ్ రాసి  సుమారు 5 నెలలయింది .మళ్ళీ ఇవాళ మొదలుపెట్టి 30 వ ఎపిసోడ్ రాశాను .

ఘోరకలి -5(చివరిభాగం )

ఘోరకలి -4

  క్రిస్టియానిటీ  జ్యుల మతమార్పిడిని సమర్ధించింది కానీ నాజీలు వ్యతిరేకించారు .ఇంతటి జాతి వ్యతిరేకతను నాజీలు కలిగించటానికి క్రైస్తవం కూడా బాగా దోహదం చేసింది .జ్యులనూ  జ్యుయిజాన్ని అగ్నికి ఆహుతి చేయాలన్నది హిట్లర్ సంకల్పం .వీళ్లకు ఈ భావం యూరోపియన్ కాలనీల నుండి వచ్చింది లక్షలాది ఇతరులను చంపి బ్రిటిష్ ఫ్రెంచ్ డచ్ బెల్జియం రాజ్యాలను ఏర్పరచుకున్నారు 1904 -1907 మధ్యఆగ్నేయ ఆఫ్రికాలో(నాంబియా )   హెరెరో ,నామాక్వా లను జర్మన్లు తుడిచిపెట్టేశారు కనుక ఇప్పుడు కూడా అలాంటిది సాధ్యమని కలలు కన్నారు .జ్యులకు మూలాలు బలంగా ఉన్నాయని ,బైబిల్ ,క్రిస్టియానిటీ ,లకు కారణం భూతులని కనుక కొత్త పరభుత్వానికి పాత వాళ్ళు అడ్డు అని భావించారు నాజీలు జ్యులు అంటే టెర్రర్ ..కనుక ఎన్ని లక్షలమంది అయినా సరే జర్మనీ యూరప్ దేశాలలోని జ్యులను అంతం చేయాలనే నిశ్చయించాడు హిట్లర్ .. 919-33 వరకు జర్మనీలో న్యాయం చట్టం ప్రజాస్వామ్యం చక్కగా వర్ధిల్లాయి.  జ్యులకు వ్యతిరేకంగా ఏదైనా జరిగితే పోలీస్ న్యాయస్థానం వారి హక్కులను కాపాడాయి . థర్డ్ రీచ్ పాలనవచ్చాక జ్యులకు హింస ప్రజ్వరిల్లింది .రౌడీలు వీధిమూకలు మిలిటరీలో ఎస్ ఏ రూపం లో దూరిపోయారు .వీళ్ళు సైన్యానికి అనుబంధ సంస్థ అయ్యారు  జ్యులకు అన్యాయం జరిగి ఫిర్యాదు చేస్తే ”జ్యులను రక్షించటం పోలీసుల ద్యూటీ కాదు ”అనే స్థితికి వచ్చింది .ధనికులైన జ్యులు అనేక వర్తక వాణిజ్య సంస్థలను  కంపెనీలను స్థాపించి నిర్వహించేవారు .వేలాది ఉద్యోగస్తులు పని చేసేవారు .అనేక యూనివర్సిటీలలో న్యాయస్థానాలలో సంస్థలలో విద్యాలయాలలో జ్యులు ఉన్నతపదవుల్లో ఉండేవారు ఇప్పడు దీన్ని సహించలేక నాజీలు ”యాంటీ కే పటలిస్ట్ ”విధానం అవలంబించారు .హిట్లర్ కు జ్యుల వల్లనే ఫ్రెంచ్ విప్లవం ,సమాన హక్కులు ,కమ్యూనిజం కేపటలిజం వచ్చాయని భ్రమ ఉండేది .ఇదంతా కూలదోసి నవ జర్మనీ ఏర్పరచాలనుకొన్నాడు ఆ విషయం స్పష్టంగామీన్ కాంప్ అనే 

తన చరిత్రలో చెప్పాడు -”సృష్టికర్త దేవుని ఆజ్ఞప్రకారం నేను జ్యులను వ్యతిరేకిస్తూ ,దేవునిపనిలో నడుస్తున్నాననుకొంటున్నా”అన్నాడు  .కేపిటలిజం కన్జర్వేటిజం కమ్యూనిజం బోల్షివిజం మార్క్సిజం ,సోషలిజం .లిబరలిజం ,పసిఫిజం ,కాస్మోపాలిటనిజం  మెటీరియలిజం  నాస్తికత, ప్రజాస్వామ్యం లు ఏర్పడ్డాయని తానునమ్మి ప్రజలచేత నమ్మించాడు హిట్లర్ .నిజానికి వీమర్ రిపబ్లిక్ లో సాహిత్య సంస్కృతులు మూడు పూలు ఆరుకాయలుగా వర్ధిల్లాయి .వినోదం కేబరే క్లబ్ డాన్స్ లైంగిక స్వాతంత్రం ,సైకో అనాలసిస్ , ఫెమినిజం ,హోమో సెక్సుయాలిటీ  అబార్షన్ జాజ్ సంగీతం బాహాస్ ఆర్కి టెక్చర్  ఆబ్స్ట్రాక్ట్ పెయింటింగ్  ఇంప్రెషనిజం ,క్యూబిజం డాడాయిజం ఎక్స్ప్రెషనిజం లు వర్ధిల్లాయి అందుకే హిట్లర్ కు ”ఎక్కడో ”కాలింది .. 1933 వరకు నాజీలకు జీనోసైడ్ (జాతి విధ్వంసం ),ఎక్స్టెర్మి నేషన్(దుంపనాశనం )ఆలోచన రాలేదు . కొత్త జర్మన్ జాతిని జ్యుల  రక్త రహితంగా ఏర్పరచాలని ఆతర్వాత వచ్చింది అందుకే ఆ మారణ హోమాలు .దానికోసమే ప్రజాస్వామ్యాన్ని బలపరచిన వీమర్ డెమాక్రసి చట్ట న్యాయ వ్యవస్థ ,జర్మన్ ఉదారవాదం కమ్యూనిజం  విధ్వంస నిర్ణయం  హిట్లర్ ఛాన్సలర్ అయినా కొత్తలో ”ఆ వీడెన్ని  రోజులుంటా డు రెండునెలల్లో మూలకు తోసిపారెయ్యమా స్ప్రింగ్ దాకా ఉంటె గొప్పే ”అని ప్రగల్భాలు  పలికారు డెమొక్రాట్లు .అప్పటికి హిట్లర్ అధికారాలు పరిమితమే .క్రమంగా బలపడి ప్రెసిడెంట్ అయి సైన్యాధికారి అయి సర్వాధికారాలున్న ఫ్యురేర్ చక్రవర్తి అయి డెమొక్రసీని డిక్టేటర్షిప్ తో శాసించాడు ఏకు మేకయ్యాడు . .

   ఏది చేసినా హిట్లర్ పెద్ద ఆర్భాటం గా చేసేవాడు” లో కీ ”ఉండేదికాదు .బంద్ మేళాలు మార్చింగ్ లు హెయిల్ హిట్లర్ నినాదాలు దీపాలతో హోరెత్తించేవాడు సెబాస్టియన్ హాఫ్నర్ హిట్లర్ గురించి రాస్తూ ”అతడిదగ్గర మనిషి రక్తం మాంసం వాసన వచ్చేది .మనుషుల్ని తినే జంతువు. అతడి చూపు భయంకరం ”అన్నాడు ..బలపడిన హిట్లర్ స్వతంత్రముగా ఉన్న రాజకీయ ,సాంఘిక ,సాంస్కృతిక ,సంస్థల అధికారాలను రద్దు చేసిపారేశాడు దీన్ని సింక్రనైజేషన్ ;;అన్నాడు ..ట్రేడ్ యూనియన్ లను రద్దుచేసి జర్మన్ లేబర్ ఫ్ర0ట్ఏర్పరచి  కమ్యూనిస్ట్ సోషలిస్టు పార్టీ ఆఫీసులని కూలగొట్టి  ఏక పార్టీ నాజీ ఏకవ్యక్తి హిట్లర్ పాలన ప్రారంభించాడు  ఫ్రాన్స్  లో బాస్టిల్లే పతనం 1789 లో జరిగిన జులై 14 నుంచి అమలు చేశాడు ..నాజీలు అంటే టెర్రర్ అనుకున్న హిట్లర్ ఇప్పుడు అందరికీ టెర్రర్ అయ్యాడు ప్రజాస్వామ్య మూలాలన్నీ విధ్వంసం చేశాడు .ఆటలు సంగీతం డాన్స్ లలో జ్యులు లేకుండాచేసి నాజీ లతో ఆలోచనలతో నింపాడు .జర్మన్ ఆర్ట్ లో విదేశీయులు దూరారని భావించి ఇప్పుడు జర్మన్ ఆర్ట్ కు ప్రాణం పోశాడు .జర్మన్ ఆర్ట్ సోల్ అండ్ స్పిరిట్ అనేది హిట్లర్ నినాదం   దీనికోసమే పుస్తక దహన కార్యక్రమం .చేబట్టాడు .టౌన్హాల్ ముందు రాత్రి 9-30 కి విద్యార్థులతో టార్చ్ పెరేడ్ జరిపించి ఊరేగింపు జరిపి స్వస్తిక్ జెండాలతో ,రైట్ వింగ్ పారామిలిటరీ దళాలు నడుస్తుంటే ఎస్ ఎస్ ఎస్ ఏ వాళ్ళ కేరింతలతో అరుపులు ఆర్భాటాలతో ప్రొఫెసర్లు లెక్చరర్లు విద్యార్థులు కదం తొక్కుతూ నడిచి ,అప్పటికే మధ్యాహ్నం పెద్ద పెద్ద దుంగలతో 12అడుగుల ఎత్తు  ,6 అడుగుల వెడల్పుగ తయారై  కణకణ మండుతున్న అగ్ని వేదిక  భగభగ భోగి మంటలను  వెదజల్లుతుండగా వామపక్ష జర్నల్స్ ,న్యూస్  పేపర్లు ,కమ్యూనిస్ట్ సోషలిస్టు గ్రంధాలు పోస్టర్లు కరపత్రాలు జెండాలు మంటల్లో కేరింతలతో వేసి మండుతుండగా చూసి చప్పటలతో హర్షధ్వానాలు చేస్తూ ఆపైన సోషలిస్టు టోపీలను విసిరేసి మండుతుండగా ఆనందించి వీమర్ రిపబ్లిక్ బ్యానర్లనూ తగలెట్టి రాక్షసానందాన్ని సామూహికంగా అనుభవించారు .ఇదే  బర్ణింగ్  బుక్స్ బోన్ ఫైర్ .కు నాంది .తర్వాత ఎక్కడెక్కడ ఎలా మండించారో చూద్దాం

.

   సశేషం

  మీ-గబ్బిట దుర్గాప్రసాద్ -6-5-17 -కాంప్-షార్లెట్ -అమెరికా

ఘోరకలి -3

”Power tends to corrupt and absolute power corrupts absolutely ”అన్నాడు లార్డ్ జాన్ యాక్షన్ 18 87 లోనే .హిట్లర్ ఈ మాటలను రుజువు చేద్దామని కంకణం కట్టుకున్నాడు . దీనికి ఎన్నో మాయోపాయాలు నక్కజిత్తులు ,కపట నాటకాలు తడిగుడ్డతో గొంతులు కోయటాలు చేసిపారేశాడు పావులు చకచకా కదిపాడు అవతలి వాళ్ళను చిత్తైపోయేట్లు దిగ్భ్రము లోనయ్యేట్లు  నటుడు మహేష్ పోకిరిలో చెప్పిన మైండ్  బ్లాకయ్యేట్లు   చేశాడు శకునికి మించిన రాచకీయ జూదం ఆడాడు గోకర్ణ గజకర్ణ మాయల మరాఠీ విద్యలన్నీ ప్రదర్శించాడు .అదృష్టవంతులకే కాదు దురదృష్టవంతులకూ కాలం కలిసి వస్తుంది .జర్మన్ బజారులో పెయింటింగులు అమ్ముకుంటూ చింపి గుడ్డలు  కట్టుకొని నిలువ నీడ లేక  తిరిగినవాడికి అదృష్టం వరించి అందలమెక్కించింది . నహుషుడి లా కళ్ళు నెత్తికెక్కవా  ?గర్వం తో కళ్ళు మూసుకుపోవా.  ఉచ్ఛనీచాలు మర్చిపోయి పిచ్చ పిచ్చగా ప్రవర్తించి జర్మనీ ప్రజాస్వామిక పార్లమెంట్  మూడవ రీచ్ ను  ను చిదిపి ఛిద్రం చేసి వాళ్ళతోనే రాజాధి రాజమార్తా0డ,   చక్రవరి ఫురేర్   డిక్టేటర్  అనిపించుకున్నాడు దేనికీ ఎదురు లేకుండా సర్వాధికారాలు వారితోనే కట్ట బెట్టించుకొని థర్డ్ రీచ్  కి దిశా నిర్దేశం చేశాడు .ఎదురొస్తే ఖతం .దీనికి వంటపాడిన వాళ్ళు ఎస్ఎస్  దళం  ప్రచార సార్వ భౌమ గోబెల్స్ వగైరా .

  ఎర్నెస్ట్ రోహం ఎస్ ఎ.  ను బలమైన జర్మనీ సాధారణ సైన్యం ను  గడ గడ లాడించి ,హిట్లర్ అధికార ఆరోహణకు వీధి రౌడీలను  రివాల్యూషన ర్ల ను  అందించింది .వీళ్ళు  వ్యతిరేకుల  గొంతు  నొక్కేశారు . హిట్లర్ ఛాన్సలర్ అవగానే వీళ్ళను కరేపాకు ఏరేసినట్లు ఏరేశాడు . ఇది రోహీమ్ కు నచ్చలేదు .అతడు జర్మనీ అంతా ఎస్ ఎస్ఏ  చేతిలోకి వచ్చి జర్మన్ ఆర్మీని కంట్రోల్ చేయాలనుకున్నాడు .ఘటికుడైన హిట్లర్  వ్యాపార  మిలిటరీ సంస్థల తోడ్పాటు లేనిదే చక్రవర్తి కాలేనని గృహహించాడు .వాళ్ళతో మాట్లాడి ఎస్ ఏ వాళ్ళ పవర్ తగ్గించేశాడు .రోహీమ్ ను వదిలించుకోవడానికి రీన్ హార్డ్ హెడ్రిచ్ ని ఉసిగొల్పాడు .ఎస్ ఏ బలపడితే తమ ఉనికికి ప్రమాదమని గ్రహించాడు రోహీమ్ ను బలహీనపరిచే చర్యలన్నీ చేశాడు నాజీపార్టీలో ఒక సీక్రెట్ సెల్ ఏర్పాటు చేశాడు .వీళ్ళు సహజం గా హోమో సెక్సువల్స్ అన్నవిషయం అందరికీ తెలుసు .ఇదేదో తామే కనిపెట్టినట్లు పెద్ద బిల్డప్ ఇచ్చారు వ్యతిరేకులు .

   19 34 జూన్ 30 న వీళ్ళ భరతం పట్టటానికి మాస్టర్ ప్లాం వేశాడు హిట్లర్ అదే ”నైట్ ఆఫ్ ది లాంగ్ నైవ్స్ ”హిట్లర్ అనుచరులు బ్రయోన్ షార్ట్ ఎస్ ఏ లను చుట్టుముట్టి బజారులో కాల్చి చంపించాడు కొందరు ఇళ్లల్లోనే కైమా అయ్యారు మిగిలిన వాళ్ళు జైలుపాలయ్యారు రోహిన్ ను తెల్లవారుజామున హిట్లర్ ఆర్డర్ పై కస్టడీ లోకి తీసుకొని ఎక్సిక్యూట్ చేశారు .ఈ ఆకస్మిక హననం లో ఎంతమంది చచ్చారో తెలియదు కనీసం వందమందిని లేపేసి ఉంటారు .వీళ్ళ చావుపై విచారణ లేదు కారణం వీరంతా దేశ ద్రోహులని ముద్ర వేయటమే ..హిట్లర్ అండ్ కో కు ఆ రాత్రి శుభ రా త్రి .ఎస్ ఏ  లకు కాళరాత్రి .ఈ హత్యలు ఆగిపోక ముందే జనరల్ వీల్ హెల్మ్ వాన్ బ్లూమ్ బెర్గ్ సైన్యం పూర్తిగా ఫ్యుహెర్ హిట్లర్ ను సమర్ధిస్తున్నట్లు ప్రకటించాడు హీంలర్ కు ఘెట్టో ఆపరేషన్ అధికారం కట్టబెట్టాడు హెడ్రిచ్ కి రోజువారీ కార్యక్రమాలకు -హత్యలకు అధికారం వచ్చింది గోరింగ్ విమాన దళం అనబడే లూప్త్వాఫీ కి అధికారిఅయ్యాడు హిడేన్ బర్గ్ చనిపోయాక హిట్లర్ ప్రెసిడెంట్ ఛాన్సలర్ అయ్యాడు .అంటే సైన్యం కూడా హిట్లర్ చేతిలోకి వచ్చి సర్వ సత్తాక నియంత అయ్యాడు ఒకే దెబ్బకు ఎన్ని పిట్టాల్నో రాల్చేశాడు హిట్లర్ ..

               శుద్ధ జర్మనీ

  అధికారాలన్నీ హస్తగతమయ్యాక హిట్లర్ అనవసరమైన వాళ్ళను ఏరిపారెయ్యాలని జర్మన్ల శుద్ధ రక్తం కలుషితం కాకూడదని భావించాడు .హోమో సెక్సువల్స్ ను ముందు అరెస్ట్ చేయించి బహిష్కరణ (డిపోర్టేషన్)కాంప్ లకు తరలించాడు దీన్ని మతగురువులు సమర్ధించారు వీళ్ళవలన పబ్లిక్ హెల్త్ దెబ్బ తింటుందని గగ్గోలు పెట్టించాడు జర్మనీ అంతా గాలించి హోమోలను హోమో అని అనుమానమొచ్చింది వాళ్ళనూ అరెస్ట్ చేశారు .. తర్వాత చర్య ”జెహోవాస్ విట్నెస్ ”అంటే నాజీ పతాకమైన స్వస్తిక్ పతాకానికి సెల్యూట్  చేయనివారిని అగౌరవ పరచినవారినీ  హిట్లర్ కు విధేయత ప్రకటించనివారినీ  ,ఆర్మీలో  చేరనివారినీ ”రాజ ద్రోహులు ”(treasons) గా ముద్రవేసి బొక్కలో పెట్టారు .మతాన్నివదిలేసి రీచ్ కి కొందరు సాల్యూట్ కొడితే కొందరు వ్యతిరేకించి చువ్వలు లెక్కబెట్టారు .

           జిప్సీ ల హననం

 తరువాత ఘనమైన హిట్లర్ గారి ద్రుష్టి జిప్సీ లపై ప్రసరించింది .ఈ సంచార జాతికి థర్డ్ రీచ్ లో స్థానమే లేకుండా పోయింది .వాళ్ళు నల్లగా ఉండే సంచారులు వాళ్లకు స్వతంత్రం కావాలి ఎవరి కంట్రోల్ లోనూ ఉండని జాతి .వాళ్ళు సోషల్ ఆర్డర్ ను భంగపరచి ఆర్య రక్తాన్ని కలుషితం చేస్తున్నారని హిట్లర్ ఉవాచ . అందుకని 1930 లో నాజీలు జిప్సీ  సమస్యకు పరిష్కారం ఆలోచించింది స్థానిక పోలీసులు వారిపై దొంగతనం దోపిడీ ,సోమరితనం  అభియోగాలు మోపి అరెస్ట్ చేసే అధికారం ఇచ్చాడు .సహజం గా వాళ్ళకు జర్మనీ పౌరసత్వం ఉండదు కనుక వాళ్ళను దేశ బహిష్కరణ చేయటం తేలిక యింది .

           జ్యుల ఏరివేత

1935 లో నాజీ నేషనల్ కాన్ఫరెన్స్ నూరేం బెర్గ్ లో జరిగి మొదటిసారిగా జ్యుల కు వ్యతిరేకంగా స్టేట్మెంట్ ఇచ్చి ఇక వరుస స్టేట్ మెంట్లు షురూ చేశారు .జర్మనీ వాళ్ళు కానీ జర్మన్ రక్తమున్నవారుకాని  జ్యుల తో వివాహ మాడటాన్ని  15-9-1935 న చట్టం ద్వారా రద్దు చేశారు పిల్లలు పుట్టే వయసున్న జ్యులు కాని   ఆడపిల్లలు   జ్యుల ఇళ్లల్లో పనిమనిషులుగా ఉండరాదని శాసించారు .చివరికి జ్యులు జర్మనీ జాతీయ జెండా ఎగుర వేయటాన్ని నిషేదించారు ..నవంబర్ 14 న జ్యుల పౌరసత్వాన్ని ఓటుహక్కును లాక్కుని   ప్రభుత్వ సంస్థలలో ఉద్యోగాలనుంచి ఊడబెరికారు  .

                      వెర్రి వెయ్యి విధాలు

స్వచ్ఛ రక్త నినాదం జ్యులు జిప్సీలు ,ఇతర తక్కువ స్థాయి మనుషుల విషయంలోనే కాక రీచ్ పౌరుల విషయం లోనూ అవలంబించారు ..దీనికోసం దేశవ్యాప్తం గా  ”జాతి ఆరోగ్యం ”(రేషియల్ హైజీన్ )ప్రోగ్రామ్ అమలు జరిపారు .ఉత్తమ మానవ జాతిని సృష్టించటం ”అనే యుజెనిక్స్ ”ను అమలు చేశారు దీనికోసము వంశ చరిత్రలను త్రవ్వి తీశారు .జీన్ ఆధారంగా మానవ స్వభావాలుంటాయని ఈ శాస్త్రం చెబుతోంది .ఉదాహరణకు ”దాలా సోఫీల్లా ”అనే జీన్ ఉన్న వారి వంశం అంతా నౌకా రంగం లో రాణిస్తారు ”నోమాధిజం ”జీన్స్ ఉంటె ఇంటిపట్టున ఉండకుండా ఎప్పుడూ తిరుగుతూ ఉంటారు ఇది వారసత్వ లక్షణమై జిప్సీలు ,కోమాంఛెస్ తెగలు సంచార జాతులయ్యాయి ..ఇవాళ ఈ విషయాలు నవ్వు పుట్టిస్తాయికానీ హిట్లర్ కాలం లో ఇదేంటి అని ఎవరూ ప్రశ్నించలేదు .యుజెనిక్స్ అప్పుడు ఒక గొప్ప శాస్త్రమై నాజీకాలం లో విజృంభించింది  ..దీన్ని అడ్డం పెట్టుకొని నాజీలు  బలవంతపు  స్ట్రెయిలైజేషన్ అమలు చేసి అంటేలోపమున్న వ్యక్తులకు బలవంతంగా  సంతానోత్పత్తి లేకుండా చేసి జాతిని శుద్ధి చేసే ప్రయత్నం చేశారు .దీనికి అనుగుణంగా చట్టాన్ని 1933 జులై 14 న తెచ్చి అనువంశిక లోపాలు లేకుండా జాతి శుద్ధ రక్తం  కలుషితం కాకుండా చేస్తున్నట్లు ప్రకటించి ఇందిరా గాంధీ కాలం లో కొడుకు సంజయ గాంధీ ప్రవర్తించినట్లు బలవంతపు కుటుంబ నియంత్రణ చేసిపారేశారు .మానసిక బలహీనులు మానసిక రోగులు ,కొన్ని రకాల నరాల  జబ్బువాళ్ళు ,గుడ్డి  కుంటి క్రానిక్ ఆల్కహాలికులు అందరూ దీని బారిన పడ్డారు ..ఆతర్వాత తెలివిమీరిన ప్రభుత్వం వ్యక్తులకు అనుమతి లేకుండానే ,వాళ్ళకసలు తెలియ కుండానే స్టెరిలైజేషన్లు శత సహస్రాలుగా చేశారు .ఎలా చేశారో జర్మన్ చరిత్రకారుడు అలెక్సా0డర్ మిత్స్ రిలీచ్ ”వ్యక్తులు డాక్టర్ ఎదురుగా కుర్చీలలో కూర్చుని ఫారాలు ఫిలిప్ చేస్తుంటారు వారికి తెలియ కుండానే ఎక్స్ రే పరికరాలు వాళ్ళ కుర్చీలకిందనే పెట్టి వాళ్ళ జనానావయవాలపై మూడే మూడు నిమిషాలు కిరణ ప్రసారం చేయించి స్టెరిలైజేషన్ చేశారు ”అని రాశాడు . ఇంతకంటే ఘోరం -మాస్ స్టెరిలైజేషన్ కోసం ఒక ఇర్రిటేటింగ్ పదార్ధాన్ని స్త్రీల  గర్భాశయం లోకి   పంపి  అండ ఉత్పత్తి ని నాశనం చేసి పిల్లలు పుట్టకుండా చేయటం .ఈ పని నమ్మకమైన చెకప్ పేరిట డాక్టర్ల చేత ఇంజెక్షన్లు చేయించటం .ఇలా జరిగిందని పేషేంట్ కు అసలు తెలియని తెలియదు నమ్మక ద్రోహం అంటే ఇదే .ఇదేమీ కాకమ్మకబుర్లుకావు స్టెరిలైజేషన్ ప్రాజెక్ట్ లో పాల్గొన్న కార్ల్ బ్రాన్డ్ట్ చెప్పిందే -”పెద్దగా డబ్బు ఖర్చుకాని అతి తేలికైన ,త్వరగా జరిగే స్టెరిలైజేషన్ ను జర్మన్ రీచ్ కు వ్యతిరేకులైన రష్యన్లు ,పోల్స్ జ్యుల పై ప్రయోగించారు.ఇది శత్రు వులను ఓడించటమే కాక సంపూర్ణ శత్రు సంహారం చేస్తుంది ”అని నమ్మకంగా చెప్పాడు

             అర్ధ రాత్రి అంకమ్మ శివాలు

  1938 అక్టోబర్ 27 న హిట్లర్ జ్యులకు వ్యతిరేకంగా ఒక చట్టం తెచ్చి 18 వేలమంది జ్యులను జర్మనీ నుంచి బహిష్కరించాడు వీళ్ళు పోలాండ్ ,రష్యాలలో పుట్టినవాళ్ళు కనుక వాళ్ళు జర్మన్ పౌరులు కాదుఅన్నాడు .వాళ్ళ ఆస్తులన్నీ ప్రభుత్వం స్వాధీనం చేసుకొని కుక్కలని పిల్లుల్ని కుక్కినట్లు వాన్ లలో కుక్కి పశువులను సంతకు తోలుకు వెళ్లినట్లు సరిహద్దులలదాకా తీసుకొని వెళ్లి వాళ్ళమానాన వాళ్ళను వదిలేశారు .ఇందులో ఒక బాధితుడు జిండెల్ గ్రీన్ స్పీజిన్ ”ఎవరిదగ్గరా చిల్లిగవ్వ కూడా లేదు పదిమార్కులడబ్బుదాటి ఉంటె లాగేసుకున్నారు .ఇదేమిటి అంటే ఇదే  జర్మన్ చట్టం అన్నారు .ఎస్ ఎస్ మనుష్యులు మమ్మల్ని కొరడాలతో కొట్టారు  రక్తం కారిపోతున్నా  కనికరించలేదు మా సామాన్లన్నీ లాగేసుకున్నారు .అత్యంత ఆటవికంగా పాశవికం గా మా జీవితాలతో ఆటలాడారు ..జర్మనీలో ఇదే నేను చూసిన మొట్టమొదటి అమానుష చర్య ”అని  ఆతర్వాత గుర్తు చేసుకున్నాడు . అయ్యా అదీ హిట్లరయ్య నాజీ నియంత పాలన .

  జ్యుల నివాసాలపై పడి  దోచుకుని తగలబెట్టి భయపెట్టి చంపి విధ్వసం సృష్టించారు ఫైరింజన్ వాళ్ళు గుడ్లప్పగించి చూస్తూనే ఉన్నారు. వేలకొద్దీ జ్యుల ఆరాధనా స్థలానను ,7500 వ్యాపార సంస్థలను నాశనం చేశారు  లక్షలాది జ్యులను చంపారు .ఇంత  చేసిన హిట్లర్ ఆల్కల్ తాగేవాడుకాదు సిగరెట్ అలవాటులేదు పూర్తి శాకాహారి ,పెళ్లి పెటాకులు సంసారం చట్టబండలు లేనివాడు .మానవ సంబంధాలు తెలియనివాడు ప్రేమ  స్నేహం అంటే ఏమిటో తెలీనివాడు అంటే నమ్మగలమా నమ్మాలి ఇది నిజమే ..గోముఖ వ్యాఘ్రం సరైన పదమా ?ఇతని కేరక్టర్ ను చార్లీ చాప్లిన్ ”డి గ్రేట్ డిక్టేటర్ ”మూకీ చిత్రం లో అద్భుతంగా ఫన్నీగా పోషించి చూపాడు .

 

   సశేషం

  మీ-గబ్బిట దుర్గా ప్రసాద్ -5-5-17 కాంప్-షార్లెట్ -అమెరికా

—

ఘోరకలి  -2

ఘోరకలి -1         ,

  హిట్లర్  స్టూడెంట్ లాండ్ ను వశ పరచుకున్నాక జెకోస్లో వేకియాపై ద్రుష్టి లేదన్నాడు.దాని సరిహద్దుల జోలికి రానని అగ్రిమెంట్ కూడా రాసిచ్చాడు  ఆత ను చెప్పేది ఒకటి చేసేది మరొకటి అబద్ధాలాడటం ఆయనకు వెన్నతో పెట్టిన విద్య -కాదుకాదు వెన్నుతో పుట్టిన విద్య . 1939 మార్చ్ 15 ఉదయం 6 గంటలకే జర్మనీ సైన్యం జెకోస్లోవేకియాపై దాడి చేశాయి .తమాషా ఏమిటంటే అక్కడ వారిని ఎదిరించినవారే లేరు . ముసలివాడైనా జేక్ ప్రెసిడెంట్ ఈమైల్హాచా ను బెదిరించి లొంగిపోయినట్లు సంతకం పెట్టించాడు హిట్లర్ . ఒక వేళ కాదని ఎదురు తిరిగితే జేక్ ప్రజల్ని చంపి ,నగరాలను విధ్వంసం  చేసి బూడిద కుప్ప చేస్తానని బెదిరించాడు ఇది హిట్లర్ సిగ్గులేని చేస్ట కు నిదర్శనం ..ఇలా జర్మన్ల రక్తపు బొట్టు చిందకుండా విజయం సాధించి మూడవ రీచ్ అనే జర్మనీ సామ్రాజ్యం లో కొత్త దేశాన్ని కలిపేశాడు 

దాస్టికం బుకాయింపు ,ఆగ్రహం బెదిరింపు లతో పొందిన విజయం అందుకే అతనిని ”బ్లఫ్ బ్లస్టర్ మాస్టర్ ”అంటారు . . 1939 ఆగస్టు 23న రష్యా నియంత స్టాలిన్ తో దాడి రహిత సంధి కుదుర్చుకొని రష్యాను తటస్థంగా ఉండేట్లు చేశాడు .ఫ్యూరర్ అని పిలువ బడే హిట్లర్ ..అందుకే అతనిని ‘ . ఇంతటి తో ఆగక చూపు పోలాండ్ పై పడింది .సైన్యాధికారులు సమయం కాదని వారిస్తున్నా ఉక్కు ,ఆయిల్ ,సరఫరాలు చాలా తక్కువగా ఉన్నాయని  ఉన్న ఆయుధ సామాగ్రి 6 వారాలకు మాత్రమే సరిపోతుందని చెప్పినా  పెడ  చెవిని పెట్టి ఆకస్మిక దాడులతో భయ భ్రా0తులను  చేసి చరిత్రలో పేరు పొందాలని భావించి సాధించిన ప్రతి విజయం మరోదానికి దారి చూపిస్తుందని కావలసినవన్నీ త్వరలోనే సమకూరుతాయని నచ్చ చెప్పి 1939 సెప్టెంబర్ 1 న పోలాండ్ పై 10 లక్షల సైన్యం తో విరుచుకు పడ్డాడు యుద్ధ టాంకులు  కాల్బలం లూప్త్ వాఫ్ అనే వైమానిక రక్షణ పై నుంచి ఇచ్చింది వణకిపోయిన పోలాండ్ లొంగిపోయింది .దీనితో తటస్థంగా ఇప్పటిదాకా ఉన్న బ్రిటన్ ఫ్రాన్స్ లు జర్మనీ పై యుద్ధ ప్రకటన చేసి ”అనుబంధ కూటమి ”గా మారాయి తర్వాత రష్యా అమెరికాలు దీనిలో చేరాయి ఇటలీ  జపాన్ లు జర్మనీ వైపు నిలబడి ”అక్ష కూటమి ”గా మారాయి .  .మళ్ళీ మామూలే హిట్లరయ్యకు మాట తప్పటం .చేసిన ఒప్పందాన్ని తూనా బొడ్డు  అని ఒట్టు తీసి గట్టున పెట్టి 1941 జూన్ 22 న హిట్లర్ రష్యాపై దాడి చేశాడు .జపాన్ అమెరికా వాళ్ళ పెరల్ హార్బర్ పై దాడి చేసింది .మొదట్లో దూకుడుగా దూసుకు పోయి,అజేయమగా ఉన్న  జర్మనీ పడమటి యూరప్ దేశాలను వరుసగా స్వాధీనం చేసుకొంటూ అప్రతిహతంగా ముందుకు పోతోంది డెన్మార్క్ నార్వే ,లక్సమ్  బర్గ్ బెల్జియం నెదర్లాన్డ్స్ చివరికి ఫ్రాన్స్ లు దాసోహమన్నాయి

       స్వచ్ఛ జర్మన్ రక్తం కోసం దారుణాలు

జర్మనీని స్వచ్ఛ జర్మన్ రక్తం తో నింపాలన్న హిట్లర్ ఆశయం ఎన్నడూ వదిలి పెట్టలేదు  కనుక ముందు ఎధునాసియా అంటే ” మెర్సీ  కిల్లింగ్”ను అమలుపరచాడు .అవయవ లోపంఉన్నవారు వికృతంగా ఉన్నవారు , మతి స్థిమితంలేనివారు పిచ్చివాళ్ళు వీరందరూ  మెర్సీ కిల్లింగ్ కు  బలయ్యారు   వీళ్ళతో ఆగలేదు పుట్టిన పసిపిల్లలమీదా దృష్టి పడింది ”సైన్టిఫిక్ రిజి స్ట్రే షన్ ఆఫ్ సివియర్ హెరెడిటరీ ఎయి ల్మెంట్స్ ”అనే సంస్థ రీసెర్చ్ నెపం తో తీవ్రం గా బాధపడుతున్న పిల్లకు మంచి మందు ఇచ్చి నయం చేస్తామని నమ్మబలికి ఈ రీసెర్చ్ కి సహాయంగా ప్రసూతి హాస్పత్రులు ,మిడ్ వైఫ్  లు ,లను సరైన పుట్టుక లేని బేబీలను గుర్తించి రిపోర్ట్ చేయమని చెప్పి జాబితాలు తయారు చేయించింది .వాళ్ళు చాంతాడంత లిస్ట్ లు తయారు చేసిచ్చారు . అవయవ లోపం  నరాల బలహీనత మానసికంగా కుంగిపోయిన వారూ ఉన్నారు .ఈ లిస్ట్ రీచ్ కమిటీకి చేరాక చూపు పెద్ద పిల్లలపై  పడివారి లిస్ట్ లు తయారు చేయించారు . ఈ రిపోర్ట్ లను ముగ్గురు పీనల్ డాక్టర్లు పరిశీలించి ఇందులో ఎవరు చావాలో ఎవరు బతకాలో నిర్ణయం చేసేవారు .కానీ చివరికి వాళ్లకు మందులు ఇచ్చిబాగు చేసినట్లుకాని అందులో బతికి బట్టకట్టిన వారు కానీ కలికానికి కూడా కనిపించేలేదని ఇదంతా నయవంచన అని తేలింది ఎవరూ మాట్లాడే వీలు లేదు మూ సుక్కొచోవటమే  ,

  పిల్లలనుంచి తలిదండ్రులను వేరు చేసి ”మీ పిల్లాడు కొత్త ట్రీట్ మెంట్ ప్రోగ్రామ్ ”లో ఉన్నాడు మంచి గట్టి మందులిచ్చి మీ వాడిని ఆరోగ్య వంతుడిని చేస్తారు ,,మంచి గొప్ప జీవితం లభిస్తుంది ”అని బ్లఫ్ మాస్టర్స్ పలికి వేరు చేసేవారు ఒక వేళ ఎవరైనా  తలిదండ్రులు  మేము ఇవ్వం మాపిల్లల్ని అన్నా ,అనుమానం తో ప్రశ్నలు వేసినా వారిని నయానా భయానా చెప్పి చివరికి ఒప్పుకునేదాకా బెదిరించేవారు .దీనిపై నిర్ణయం బాధ్యత పేరెంట్ లకు లేదు అదీ బ్లఫ్ మాస్టర్స్ చేతుల్లోనే ఉండేది .నిర్ణయాధికారం ఉందని మాత్రం పో జు కొట్టేవారు . సర్వం దైవా దీనం -సారీ నారీ అధీనం మరోసారి సారీ నాజీ అధీనం .అయ్యా ఈ ఇన్టేక్  ట్రీట్ మెంట్ సెంటర్లు నగరం నడి  బొడ్డున ఉన్నాయని కొంటె” తప్పులో”కాలేసినట్లే ఎక్కడో చాలా దూరం లోనిర్మాణుష్యప్రదేశం లో పల్లెల్లో ఉండేవి అంటే నమ్ముతారా ?అబద్ధాలమీద బతికింది నాజీ రెజీమ్ .

  కొన్ని వారాలతర్వాత పేరెంట్స్ కు వాళ్ళ పిల్లాడో పిల్లో చచ్చి పోయిందని నోటీస్ వచ్చేది .చావుకు కారణం న్యుమోనియా ,అపెండిక్స్ బద్దలవటం అని మాత్రమే తెలియ జేసేవాడు .అసలు కారణాలు వేరు బాబూ . వాళ్ళ డాక్టర్లే వాళ్ళని మర్డర్ చేశారు .రీచ్ కమిటీ పిల్లలు  ప్రాణాంతక  ఇంజెక్షన్లు ,విషవాయువు  ఆకలి , మూలం గానే చనిపోయారు .స్వయానా ఈ భయానక మరణాలను చూసిన డాక్టర్ హెర్మన్ ఫానిమిల్లర్ ”ఓక్ అనే ఆరోగ్య జర్మన్ ప్రజలకు  ఈ అభాగ్యులు  భారమని భావించాం .మేం  పిల్లల్ని చంపం ఇంజెక్షన్లతో విషంతో .మాది ఇంకా తేలికపద్ధతి చాలా సహజంగా ఉంటుంది ”అని  చెప్పి బెడ్ మీద ఉన్న పిల్లాడిని చచ్చిన ఎలుకను పట్టుకున్నట్లు పట్టుకుని విషపు నవ్వు నవ్వుతూ  ఈ వెధవ  చావుకు ఇంకా మూడునాలుగు రోజుల టైమ్ ఉంది ”అని ఒక డాక్టర్ స్వయానా చెప్పాడని రాశాడు ..ఇలాంటి చోట్ల వేలకొద్దీ జర్మన్ పిల్లలు ఈ డాక్టర్లనబడే కిరాతకులు చేతుల్లో అసువులు బాశారు .దీనికి కారణం ఒక్కటే ”రీచ్(హిట్లర్ జర్మనీ ) కు ఇలాంటి వాళ్ళు బతకటానికి అనర్హులన్న భావమే ఇక్కడ హీలర్స్ కిల్లర్స్ గా మారారు  ఆస్పత్రులలో చికిత్స పొందుతున్న మెంటల్ పేషేంట్ లను ముందే హతమార్చారు ఈ హత ప్రక్రియకు ఒక కోడ్  ”ఆపరేషన్ T4”అని పేరుపెట్టారు .ఇది బెర్లిన్ హెడ్ క్వార్ట్రర్స్ –”టీర్ గార్టన్ స్ట్రాస్సీ -4 ”పేరు

  ఇక యువకులను చంపే ప్రోగ్రామ్ అమలుకు t 4 కిల్లింగ్ కేంద్రాలు 6 సెంటర్  లలో పెట్టారు . వాటిలో గాస్ చేంబర్లు షవర్ బాత్ ల రూపం లోనూ అనుబంధంగా   కళేబర దహన  వాటికలు ఉండేవి . ఒక క్రమపద్ధతిలో చంపటం అంతే  వేగంగా కాల్చిపారేయటం క్షణాలమీద జరిగిపోయేవి . 1941 ఆగస్టు లో ఈ హనన దహన ప్రోగ్రామ్ అంతమైంది .అప్పటిదాకా నిరంతరాయంగా 24 గంటలు ఏడు రోజు లూ జరిగింది .దాదాపు 80 వేల ప్రాణాలు వీరి ఆపరేషన్ 4 లో గాస్ కు మంటలకు ఆహుతయ్యాయి . కాదేదీ కవితకనర్హం ”అన్నాడు ఆతర్వాతెప్పుడో శ్రీ శ్రీ కానీ నాజీలు ”కాదేదీ చావుకనర్హం ”అని నమ్మారు ,రుజువు చేశారు ..నిజానికి ఈ నిరంతర హనన ప్రక్రియ ఆగిపోలేదు రెండవ ప్రపంచ యుద్ధకాలం లోను ఆ తర్వాతా కూడా జరిగింది ఈ కాలాన్ని ”వైల్డ్ ఎధునేషియా ”అన్నారు అంటే” ఆటవిక కారుణ్య హత్య ‘-వైల్డ్ మెర్సీ కిల్లింగ్ . కారణం ఇది అనధికారిక ,అవ్యవస్థిత మానవ మారణ హోమం .జర్మన్ కిల్లింగ్ సెంటర్ లలో ఈ మెర్సీ  కిల్లింగ్ సెంటర్ లలో ఎధు  నేషియా  ప్రోగ్రామ్  అధికారికంగా సమాప్తమయిన తర్వాత  ఎన్ని వేలమందిని చంపారో  లెక్కా డొక్కా లేదు

  .

   సశేషం

  మీ-గబ్బిట దుర్గా ప్రసాద్ -4-5-17 -కాంప్ -షార్లెట్ -అమెరికా

—

వ్యాఖ్యాన చక్రవర్తి,  మల్లినాథ సూరి మనీష -32

వైకింగ్ శకం -3

1014 లో శ్వీన్ ఫోర్క్ బియర్డ్ లంకా షైర్ లోని  గెయిన్స్ బర్గ్ లో ఫిబ్రవరి 3 చనిపోయాడు  డెన్మార్క్ లో ఖననం చేశారు . ఏదెల్  రెడ్ నురాజుగా  పిలవగాశ్వీన్ కొడుకు  క్నాట్   ది  గ్రేట్ ను  తరిమికొట్టి సోదరుడు హరాల్డ్ -2 ను డెన్మార్క్ రాజును చేశాడు క్లాన్  టార్ఫ్  బ్రియాన్ బోరు ,హై కింగ్ ఆఫ్ ఐర్లాండ్ యుద్ధాలలో లీన్ స్టర్  రాజును  డబ్లిన్ రాజు సిల్క్ బియర్డ్  ఎరల్  ఆఫ్ ఆర్కెని ఐలాండ్స్ లాడ్  వేసేం ల సాయం తో ఓడించి చివరికి తానె చనిపోయాడు . 1015  లో క్నాట్  ఇంగ్లాన్డ్ కు 200 షిప్పులతో 10 వేల  సైన్యం తో  తిరిగివచ్చాడు . 1016   ఆషింగ్టన్ యుద్ధం లో ఏదెలా రెడ్ సాయాన్ని దుంప నాశనం చేసి థేమ్స్ నదికి ఉత్తరాన ఉన్న ఇంగ్లాన్డ్ ను స్వాధీనం చేసుకొని దేనిలా వెళ్ళాడు .ఏదేరాల్డ్ చనిపోగా పాత సెయింట్ పీటర్ పాల్ కాధెడ్రల్ లో  ఉంచారు . 1017లో క్నాట్   ది  గ్రేట్ ఇంగ్లాన్డ్ రాజుగా పట్టాభి షిక్తుడయ్యాడు .తర్వాత డెన్మార్క్ రాజు క్నాట్   తమ్ముడు హెరాల్డ్ చనిపోగా డెన్మార్క్ వచ్చేసి  దానికీ రాజయ్యాడు . 1027 లో రోమ్  సందర్శించి రెండవ కాన్రాడ్ కారోనేషన్ కు హాజరయ్యాడు . 1028 లో క్నట్  ఇంగ్లాన్డ్  డెన్మార్క్ నార్వే లకు రాజుగా గుర్తింపు పొందాడు .అంటే విశాల బ్రిటిష్ సామ్రాజ్యానికి వైకింగ్ కింగ్   చక్రవర్తి అనిపించుకున్నాడు . 7ఏళ్ళు పాలించి 1035 లో చనిపోతే వెస్ట్ మినిష్టర్ కెదెడ్రల్ లో అంత్యక్రియలు జరిపారు .కొడుకు హెరాల్డ్ హేర్  ఫుట్ ఇంగ్లాన్డ్ రాజయి 1040లో చనిపోయాడు మూడవ కెనాట్ 10 42 వరకు రాజు నార్వే జార్చుకున్నాడు 1040లో ఆర్దాక్న్తట్  ఇంగ్లాన్డ్ రాజుగా హెరాల్డ్ మరణం తర్వాత అయ్యాడు . 1042 లో హెర్లాడ్ ది కన్ఫెస్సర్ రాజయ్యాడు నార్వే రాజుగా హరాల్డ్ హార్ డ్రాతా ఉన్నాడు ఇతనికజిన్ డెన్మార్క్ రాజై 1066 దాకా ఉన్నాడు డెన్మార్క్ రాజు హరాల్డ్ శ్వీన్ యేస్ట్రర్ సన్ 1074 దాకా రాజ్యమేలాడు . 1066 లో కన్ఫెస్సర్ చనిపోగా ఎడ్వార్డ్ భార్య తమ్ముడు గా డ్ విన్సన్ తాత్కాలిక రాజయ్యాడు .హరాల్డ్ హర్ డ్రాడా ఇంగ్లాన్డ్ పై దాడి చేసి ఓడిపోయాడు  స్టామ్ఫోర్డ్  బ్రిడ్జ్ బాటిల్ లో చనిపోయాడు వైకింగ్ రాజు  రోల్లో మునిముని మనవడు విలియం నార్మాండి ఇంగ్లాన్డ్ ను 7 వేల  మంది సైన్యం తో ముట్టడించి హరాల్డ్ ను ఓడించి చంపి క్రిస్మస్ రోజున వెస్ట్ మినిష్టర్ అబ్బే లో ఇంగ్లాండ్ రాజయ్యాడు . 1069 లోనార్వే రాజు  శ్వీన్ యేస్త్రిడ్సన్  తమ్ముడు ఆస్ బోరన్  ”యార్క్ ”అన్వేషణకు మద్దతిచ్చి విలియం కు వ్యతిరేకంగా పెద్ద సైన్యం తయారు చేయించాడు .కానీ అతని అన్వేషణ పూర్తికాలేదు 1094 లో చివరి  డబ్లిన్ వైకింగ్ కింగ్ గాడ్ఫ్రెడ్  తొలగింపబడ్డాడు 1098లో నార్వే రాజు మాగ్నస్ బేర్ లెగ్స్ ఆర్కనీ  హెబ్రీడ్స్ కు  అన్వేషణకు వెళ్లి స్కాటిష్ రాజుచేత రికగ్నిషన్ పొందాడు . 1263 లో వెస్టర్న్  ఐల్స్ లో వైకింగులపాలనపై  స్కాట్ ల తిరుగుబాటుకు ప్రతిగా వైకింగ్ రాజు నాలుగవ హాక్సన్ లార్గ్స్ లో యుద్ధం చేసి ఓడిపోయాడు .చరిత్రలో వైకింగ్ ల చివరి దండ  యాత్ర ఇదే .దీనితో సుమారు 500 ఏళ్ళ వైకింగ్ శకం సమాప్తమైంది .

వైకింగ్ శకం -2

వైకింగు శకం

 సశేషం 

  మీ-గబ్బిట దుర్గా ప్రసాద్ -2-5-17 -కాంప్- షార్లెట్ -అమెరికా 

వ్యాఖ్యాన చక్రవర్తి మల్లినాథ సూరి మనీష -31

—

వీక్లీ అమెరికా -4 –2 (చివరి భాగం )

24-4-17 నుండి 30-4-17 వరకు

  మూడు విందులు రెండు పూజల వారం .

 శుక్రవారం ఎండబానే ఉంది .రాత్రి కొన్ని చినుకులు మాత్రమే పడ్డాయి ..ఇక్కడ ‘’షవర్స్ ఇన్ ఏప్రిల్ బ్రింగ్ ఫ్లవర్స్ ఇన్ మే ‘’అనే సామెత బాగా ప్రచారం లో ఉంది .ఏప్రిల్ వర్షాలు మేలో పూలు రావటానికి బాగా తోడ్పడతాయని భావం .మా అమ్మాయి విజ్జి ఉదయం 6-30 కే డ్యూటీకి వెళ్లి మధ్యాహ్నం లీవ్ పెట్టి ఒంటిగంటకు వచ్చి మమ్మల్ని గోసుకొండ అరుణ ఇంటికి భోజనానికి తీసుకు వెళ్ళింది వీళ్ళ  కమ్యూనిటీలోనే ఆ చివర ఉంటారు .అప్పటికే ‘’మణిద్వీప’’పూజ పూర్తీ చేసి మా కోసం రెడీ గా ఉంది అరుణ ..మణిద్వీపపూజ  ఇప్పటికి 8 వారాలుగా ప్రతి శుక్రవారంచేస్తూ ఆఖరి9 వ వారం ఇవాళ చేసి మాశ్రీమతికి  వాయనం ఇవ్వాలని ఆమె సంకల్పం .దేవుడిగది చాలా బాగా ఉంది అమ్మవారి అలంకారం పూలతో శోభాయ మానంగా ఉంది .లలితా పరమేశ్వరీ అమ్మవారు మణి ద్వీపం లో ఉంటుందని మనకు తెలుసు .మణి ద్వీపేశ్వరి పై అస్తోత్తరం ఉంది అది ప్రతివారం చదివి పూజ చేస్తారు .32 శ్లోకాల మణి ద్వీప వర్ణన స్తోత్రం,మణిద్వీప స్తోత్రం ,పంచ దశీ మంత్రం 40  చరణాల ‘’లలితా చాలీసా ‘’ నిత్య పారాయణ శ్లోకం ,దీప ప్రార్ధన ,లలితా నవ విధ భక్తిమాలిక  భక్తీ నీరాజనం మంగళ హారతి చదివి పూజ పూర్తీ చేస్తారు .మేము ఈ పూజను వినటం ఇదే మొదటి సారి .ఈ విషయాలన్నీ ఉన్న చిన్నపుస్తకాన్ని పెద్ద బాల శిక్ష సంకలన కర్త శ్రీ గాజుల సత్యనారాయణ ప్రచురించారు  అ పుస్తకం మాకు ఇచ్చింది .దాన్ని బట్టే వివరం తెలిసింది .

‘’పార్వతీ పరమేశ్వరుల వంటి దంపతలు మా ఇంటికి వచ్చారు ‘’అంటూ అరుణ పొంగిపోయింది మా శ్రీమతికి  నాకూ పూజ చేసి నూతన వస్త్రాలు అందజేసి మా శ్రీమతికి వాయనమిచ్చింది . తర్వాత భోజనాలు .మా కోసం కారం ఉప్పు తగ్గించి ప్రత్యేకంగా చేసింది .టమేటా పప్పు వంకాయ కూర ,బీన్స్ కూర కొత్త ఆవకాయ ,చట్నీ పూర్ణపు బూరెలు ,గారెలు పాయసం ,పులిహోర ,కర్నాటక బేడల(పప్పు) చారు అనే రసం పెరుగు మాంగో సలాడ్  లతో కమ్మని భోజనం పెట్టింది .దగ్గర కూర్చుని అన్నీ అడిగి వడ్డించి కొసరి కొసరి తినిపించింది అరుణ    అక్కడ సుమారు 15 మంది ఆడవాళ్ళు కూడా మాతో ఉన్నారు భోజనానికి .గురువారం ఉదయం మా ఇంటికొచ్చిన పద్మ అనే అమ్మాయి  కబుర్లతో జోకులతో మంచి సందడి చేసింది .ఈ బాచ్ ని చూస్తే మా అమ్మాయికి ట్విన్స్ పుట్టినప్పుడు2005 లో  మేము మిచిగాన్ లోని డెట్రాయిట్ దగ్గరున్న ట్రాయ్ కి వెళ్ళినప్పుడు అక్కడున్న జ్యోతి ప్రీతీ బిందు మొదలైన వారంతా గుర్తుకొచ్చారు .అక్కడ వారానికొకరింట్లో భోజనాలు కబుర్లు సరదాలు పుట్టిన రోజు ,సీమంతం వేడుకలతో కాలం యిట్టె గడిచిపోయింది .అందరం అరుణ ఇంట్లో గ్రూప్ ఫోటో దిగాం ..మా అమ్మాయి అరుణకు చీర జాకెట్ పెట్టింది .ఇంటికి వచ్చేసరికి మధ్యాహ్నం 3 -30 అయింది .సాయంత్రం స్వామి బ్రహ్మానంద సరస్వతి పై రాశా .రాత్రి యు ట్యూబ్ లో కామెడీ  చూశాం .

 ఈవారం లో ‘’హ్యూమరిస్త్స్ ‘’,బిగ్ జోక్స్ ,బైజాంటిన్ ఎంపైర్ ,ది నాజిహోలో కాస్ట్,చదివాను .దీనిపై రాయానిపిస్తోంది ఇవికాక ది వైకింగ్స్ ఇంట రెస్ట్ గా  ఉంటె చదువుతున్నా ‘’.28 టు యాక్టర్ ప్లేస్ ‘’ డ్రైవింగ్ త్రూసౌది’’మొదలుపెట్టాకాని రుచించలేదు .

  శనివారం మా ఇంట్లో శ్రీ శంకర జయంతి .మా అల్లుడి సంకల్పం అమ్మాయి సహకారం  .ఉదయం 7 గంటలకే ఆవాహనతో ప్రారంభమైంది .రాంకీ తమ్ముడు ఇంకొక ఆయన వచ్చారు . ఉపనిషత్తులు ఆదిత్య హృదయం అరుణం చదివారు .తర్వాత ఒక 10 మంది వచ్చారు మధ్యాహ్నం 12 30 కు  కేసరి ఉప్మా కాఫీ లతో ఫలహారం . తర్వాత నమక చమకాలు .మధ్యాహ్నం 3 కు ఒక 25 మంది అయ్యారు .అప్పటికే రాంకీ వగైరాలు వచ్చారు .ఒకాయన భజగోవిందం పై పది నిమిషాలు మాట్లాడాడు .తరువాత ఆడవాళ్ళు పాటలు పాడారు .మా అమ్మాయి చెప్పే అపర ఘ౦టసాల గారుపూర్వపు  కాళహస్తీశ్వర మహాత్మ్యం సినిమాలోని భక్తీ గీతం పాడారు .రాంకీ తమ్ముడిభార్య పద్మశ్రీ త్యాగ రాజక్రుతులు బహుకమ్మగా గానం చేసింది .ఇద్దరు పిల్లలూ బాగా పాడారు గాయత్రి అనే అమ్మాయి కూడా చక్కగా స్వర రాగ యుక్తంగా పాడింది ఈమెను  ‘’షార్లెట్ స్కైలార్క్ ‘’అన్నాను ..రాంకీ  తమ్ముడు పంచాంగ శ్రవణం చేశారు సరైన హోమ్ వర్క్ చేయనట్లు అనిపించింది .మధ్యమధ్య నేను కొంత చెప్పా .తర్వాత శ్రీ శంకరాచార్యస్వామికి  అస్టోత్తర పూజ జరిగింది. రాంకీ పురోహితునిగా ఉన్నాడు . చివరికి మధ్యప్రదేశ్ లోపుట్టి బొంబాయిలో పెరిగి అమెరికా చేరిన ఒక యోగా మాస్టర్ తేలికైన ఇంగ్లీష్ ,హిందీలలో యోగా గురించి డిమాన్ స్ట్రేషన్  లెసన్ చెప్పాడు అందరూ మెచ్చారు .కేరళ లోని 92 ఏళ్ళ స్త్రీ యోగాసనాలు చాలా  సునాయాసంగా  చేస్తున్న వీడియో క్లిప్పింగ్ చూపించాడు .అందరూ చప్పట్లు చరిచారు .తర్వాత  మహా నైవేద్యం హారతి ,మంత్రం పుష్పం తో కార్యక్రమం పూర్తి .నాలుగు మాటలు నన్ను మాట్లాడమని రాంకీ అడిగితె ‘’ఇండియాలో మేము మరచిపోతున్న శంకరాచార్య స్వామిని అమెరికాలో గుర్తుంచుకొని మా అమ్మాయి అల్లుడూ శ్రర్దగా ఉదయం 7-30 నుంచి సాయంత్రాం 6-30 వరకు నిర్వహించటం గొప్ప విషయమని వారిద్దరిని అభినందిస్తున్నానని ,కంచి పెద్ద స్వామి శ్రీ చంద్ర శేఖర యతీంద్రులు ‘’మైత్రీ భజతే ‘’అనే సంస్కృత గీతాన్ని రచిస్తే అంతర్జాతీయ సమితి యు యెన్ వో 50 వ వార్షికోత్సవం లో భారత రత్న ఏం ఎస్ సుబ్బు లక్ష్మి గానం చేసిందని దానికి అందరూ లేచి నిలబడి కరతాళ ధ్వనులతో అభినందించారని,సరస భారతి మార్చి 26 ఉగాది వేడుకలో ‘’వసుధైక కుటుంబం ‘’శీర్షికపై కవి సమ్మేళనం నిర్వ హించిందని దాన్ని పుస్తకంగా తెస్తున్నామని  ,అప్పుడు జ్ఞాపికగా వసుధైక కుటుంబం చిత్రం  పరమాచార్య ఫోటో, వారి మైత్రీ గీతం లో చివరిభాగం తో జ్ఞాపిక తయారు చేయించి అందరికీ ఇచ్చామని చెప్పి జ్ఞాపిక చూపించా . పద్మశ్రీ వెంటనే ఆ గీతాన్ని బహు శ్రావ్యంగా పాడింది. అందరూ అభినందించారు .కార్యక్రమం పూర్తి ఆయే సమయానికి 45  మందిఉన్నారు పొద్దున్న కొందరు వచ్చి వెళ్ళారు .’’రాలీ’’లో భగవద్రామానుజ జయంతి చేస్తున్నారని అక్కడ సినీ ,టీవీ గాయని శ్రీమతి ఉష సంగీత విభావరి ఉందని చాలా మంది ఇక్కడికి రాలేదు లేక పోతే మరో 15 మంది వచ్చి ఉండేవాళ్ళు ఉష అమెరికాలోనే ఉండి ప్రోగ్రాములున్నప్పుడు మాత్రమే ఇండియాకు వస్తుంది .ఉష అక్క  ఉదయమే వచ్చి కాసేపు ఉండి వెళ్ళింది .

  తర్వాత మా అమ్మాయి అందరికీ చేసిన  వంట కాలతో  కమ్మని విందు భోజనం-టమేటా పప్పు వంకాయ చిక్కుడు కాయ కూర ,ఆవకాయ  పూరీలు ,బంగాళాదుంప కూరా ,కేసరి ,బూరెలు గారెలు ,పెరుగు పచ్చడి సాంబారు ,పెరుగన్నం .అందరూ సంతృప్తిగా భోజనం చేశారు .5 ఏళ్ళక్రితం పరిచయమైనా మంజుల .ప్రక్కి అరుణ చక్కగా పలకరించారు .

  భోజనాలతర్వాతగాయత్రి తో అందరూ అడిగి పాటలు పాడించాం .ప్రక్కి వాళ్ళమ్మాయి అబ్బాయి కూడా పాడారు . గాయత్రికి ‘’షార్లెట్ కౌమార కోకిల ‘’అని సరదాగా బిరుదు ఇచ్చి ఆ పేరేరే రాసి శతకత్రయం సరసభారతి ఉగాది జ్ఞాపిక అంద జేశాం ..ఆ అమ్మాయి తలిదండ్రులు బాగాశ్రర్ధ తీసుకొని సంగీతం నేర్పిస్తుంటే ఆ అమ్మాయి సార్ధకం చేస్తోంది ఇక్కడ పాడిన వారందరి తలిదండ్రులను అభి నందిస్తున్నాను .సరదాగా నేను  ఇద్దరు అరుణలలో ఒకమ్మాయిని ఇంటిపేరుతో ప్రక్కి అరుణ అని రెండో అమ్మాయి మాటల్లో చాలాసార్లు ‘’కరెక్ట్ అంకుల్ మీరుకరేక్ట్ ఆంటీ ‘’అనటం మూలంగా ఆ అమ్మాయిని ‘’కరెక్ట్ అరుణ ‘’అన్నా.అందరూ పగలబడినవ్వారు అరుణ ‘’కరెక్ట్ అంకుల్ ‘’అంది సరదాగా .ఇదంతా పూర్తి  అయేసరికి రాత్రి 9 అయింది .పవన్ భార్య రాదఉదయం నుంచి విజ్జికి చాలా సహాయంగా ఉంది .చివరికి అన్నీ సర్ది పవన్ దంపతులు మా ఆశీర్వాదాలు తీసుకొని ఇంటికి వెళ్ళారు .

పవన్ రెండో కూతురు మా రెండవ బావ గారు  వేలూరి వివేకానంద్ గారి చెల్లెలు శాంతమ్మగారు లాగా నవ్వుతూ నవ్విస్తూ మూతి ముప్ఫై వంకర్లు తిప్పుతూ అచ్చంగా ఆవిడ పోలికలే వచ్చినట్లు అనిపించింది .ఈ విషయం హైదరాబాద్ వెళ్ళినప్పుడు శాంతమ్మగారితో చెప్పాలని మా ఆవిడ తహ తహ లాడుతోంది .తాత గారి చెల్లెలి అంటే మేనత్త పోలిక  అన్నమాట .

కొస ముక్క -తిరువాయూర్ లో త్యాగరాజ ఆరాధననాడు ఆయనకూ శివునికి అభిషేకం చేస్తారు .శంకర జయంతి నాడు కూడా శంకరా చార్యులు అపర శంకరులే కనుక ఆయనకు మహన్యాసం తో అభిషేకం చేస్తే బాగుంటుంది .వ్యాస మహర్షి వేద వాజ్మయాన్ని పురాణ ఇతిహాసాలను మనకు వరం గా ప్రసాదించారు .శ్రీ శంకర భగవత్పాదులు ప్రస్తానత్రయానికి వ్యాఖ్యానం రాసి జ్ఞానానికి  మార్గ౦ సుగమం చేశారు. ఇది ఒక స్థాయి ఉన్నవారికే పనికొస్తుంది .సామాన్యులు తరించటానికి మార్గం వారు రాసిన స్తోత్రాలు ,శివానంద సౌందర్య లహరి మొదలైనవి అందులో వేద వేదాంత సారం అంతా నిక్షిప్తం చేశారు . సంస్కృతాన్ని సామాన్య జనం స్థాయికి స్తోత్రాల ద్వారాతెచ్చి తరుణోపాయం చూపారు .కనుక జయంతి నాడు కనీసం రెండు గంటలు శివానంద సౌందర్య లహరి ,స్తోత్రాలను విడివిడిగా సామూహికంగా గానం చేస్తేనే ఆయన ఋణం తీరుతుంది .అప్పుడే గొప్ప అనుభూతి కలుగుతుంది. సౌందర్య లహరి అందరికీ అందుబాటు లో ఉండటం కష్టం .శివానంద లహరి చాలా సులభం అందరూ నేర్చుకొని పాడచ్చు అలాగే స్తోత్రాలు కూడా సామూహికంగా పాడాలి .అప్పుడే దాని ఇంపాక్ట్ మనకు తెలుస్తుంది .

   మరో విషయం శంకర జయంతినాడు సంస్కృతం లో కృషి చేసినవారికి కాని ,స్తోత్ర గానం చేసినవారికి కాని సంగీత నృత్యాలలో  రాణించినవారికి కాని ప్రోత్సాహక బహుమతులు అందిస్తే సార్ధకమౌతుంది ..దేశం కాని దేశం లో చేస్తున్నప్పుడు ఈ రెండూ బాగా రాణిస్తాయి .కనుక ఈ సారి శంకర జయంతికి ఈ ఆలోచన చేస్తే బాగుంటుందని నా భావన .ఒడ్డున కూర్చుని ఎన్నైనా చెప్పవచ్చు .దిగితే కానీ లోతు తెలియదని నాకు తెలుసు .అందుకే సరసభారతి గాయత్రికి శ్రీ సువర్చలాన్జనేయ శతక త్రయం, ఉగాది జ్ఞాపిక అందజేసి మార్గం చూపించింది .

  రాత్రి భారవి తీసిన శంకరాచార్య తెలుగు సినిమా చూశాం యు ట్యూబ్ లో .పైత్యం ఎక్కువ శ్రీహరిని మోహన బాబు ను ,సుమన్ ను  భరణి నిఎక్కడపడితే  అక్కడ చూపించి పలచన చేశాడు . హు౦దాతనం  ఉత్క్రు స్టతలోపించి చౌకబారు సినిమాగా గ్రాఫిక్ మయం గా మారింది. నిద్ర పోయే సరికి రాత్రి 12 .

30-4-17 ఆదివారం వైశాఖ శుద్ధ పంచమి శ్రీ శంకర జయంతి .వీలు ప్రకారం శనివారం చేశారు మా వాళ్ళు . నేను ఉదయం 6 -30 కే లేచి కాలకృత్యాలు పూర్తీ చేసి ఉదయం 7-30 కు పూజలో కూర్చున్నా .మామూలు నిత్య పూజ చేసి   శ౦కరా చార్య అస్తోత్తరం  శివ అస్తోత్తరం  సహస్రం ,లలితా సహస్రం దక్షిణా మూర్తి దత్త్రేయ అస్తోత్తరాలతో పూజ చేసి శివానంద లహరి సౌందర్య లహరి చదివి ,మహాన్యాసం తో నమక చమకాలు దశ శాంతి  సామ్రాజ్య పట్టాభి షేకం  తో ఏక రుద్రం చేసి(చదివి) , బిల్వ అష్టోత్తర౦  తో పూర్తీ చేసే సరికి ఉదయం 10-30 అయింది అంటే మూడు  గంటలు  పట్టింది ధన్యుడను అనుకొన్నా ..తర్వాత టిఫిన్ .

               వీక్లీ అమెరికా 4 మొదలు పెట్టి కొంత  రాశా .కాలి ఫోర్నియా నుంచి మేనల్లుడు శాస్త్రి భార్య విజయ లక్ష్మి  కొడుకు కృష్ణ ఫోన్ చేసి మాట్లాడారు . కృష్ణకు  సాన్  ఫ్రాసిస్కో లో మంచి కొత్త ఉద్యోగం వచ్చిందని మే 15 చేరుతాడని ,విజయలక్ష్మి అమ్మగారు మే 7 న కొడుకుతో ఇండియా నుండి అమెరికా వస్తున్నారని ,మమ్మల్ని వాళ్ళ ఇంట్లో కొన్ని రోజులు ఉండేట్లు రమ్మని కోరారు .సరే అన్నాం. మా ప్రయాణం మా చేతుల్లో లేదుకదా .

  ఈ వారమంతా బాహుబలి హడావిడి ఇండియాలో టికెట్ వెయ్యి రూపాయలు అమెరికాలో 42 డాలర్లని అంటున్నారు .అయినా కొని చూస్తూనే ఉన్నారట .80 కోట్లు కూడా ఉండని తెలుగు సినిమా రేంజ్ ని రాజమౌళి 450కోట్ల స్థాయికి తెచ్చి బాలీ వుడ్ ను మించి అతనిపై  నమ్మకం తో నిర్మాతలు అంత డబ్బూ పెట్టు  బడి పెట్టారు . వాళ్ళ పంట పండినదని కాసులవర్షం కురుస్తోందని మీడియా కోడై కూస్తోంది .రాజమౌళి తీసిన్న మగ ధీరకాని బాహు బలి 1 కాని నేను చూడలేదు ఆ సీన్లు ఏదైనా చానల్ లో వచ్చిన స్కిప్ చేస్తా . సినిమా హృదయాన్ని కదిలించాలి కాని గ్రాఫిక్స్ కాదు

  విజ్జి  ఉదయం 9-30 కు తెలుగు క్లాసు నిర్వహించి మధ్యాహ్నం 12 కు ఆఫీస్ కు వెళ్ళింది .రాత్రి 8 కి వచ్చింది .కాసేపు ఫ్యాన్ బకెట్ చూశా .అయ్యర్ సంస్కృత శ౦కరాచార్య కాసేపు చూశా .1970 దశకం లో తమిళ నుంచో మలయాళం నుంచో తెలుగులోకి డబ్బింగ్ అయిన  ఆది శంకరాచార్య సినిమా బాగా ఆడింది అందరికీ నచ్చింది అద్భుతమ నిపించింది అది యెక్కదైనా దొరుకుతుందేమోనని యు ట్యూబ్ లో వెతికితే కనపడలేదు .ఇక ఈ వారానికి స్వస్తి .

               మీ- గబ్బిట దుర్గా ప్రసాద్ -30-4-17 – కాంప్ -షార్లెట్ -అమెరికా

వీక్లీ అమెరికా -4 –1

24-4-17 నుండి 30-4-17 వరకు

  మూడు విందులు రెండు పూజల వారం .

24 వ తేది  సోమవారం  ఇంకా బెడ్ మీద ఉండగానే  సెల్ మోగింది .నిద్రలో ఎత్తా.విశాఖ నుంచి స్వామిగారట మెయిల్ రాశాను జవాబు లేదని ఫిర్యాదు .తెలివి తెచ్చుకొని అమెరికాలో ఉన్నా తడిసి మోపెడవుతుంది అని కట్టేశా అయినా 30 రూపాయలు బొక్క పొద్దున్నే .అలాగే ఇక్కడికి వచ్చిన 7 వ తేది వాషింగ్టన్ నుంచి కారులో వస్తుంటే రావి శాస్త్రిగారి అబ్బాయి ప్రసాద్ గారు ఫోన్ చేశారు .అప్పటికి రోమింగ్ విషయం గుర్తులేక కాసేపు వాయి౦చామ్ .మా అమ్మాయి అరుస్తూనేఉంది. ఉండమని ఆపేశా .90 రూపాయలు తోసింది .అప్పటినుంచి మ్యూట్ లో పెడుతున్నా సెల్ .రెండు రోజులుగా వర్షం పడుతోంది . శ్రీ గండికోట సుబ్బారావు ,సోమలత గుర్తించినవైద్య  భైరవ దత్త లపై నెట్ లో రాశా ..ఇల్లంతా ఇద్దరు ఆడవాళ్ళు బహుశా మెక్సికన్లు అన్నీ సర్ది క్లీన్ చేశారు .

హైదరాబాద్ లో జ్యోతి శ్శాస్త్ర వేత్త ,పంచాంగ కర్త శ్రీ అడుసుమిల్లి (బ్రాహ్మణుల ఇంటిపేరు కమ్మవారింటి పేరుకాదు )లీలాప్రసాద్ గారబ్బాయి రాంకీ ,భార్య ఉష లు అయిదేళ్ళ క్రితం వచ్చినప్పుడే బాగా పరిచయం .వాళ్ళ ఇంట్లో ఇవాళ రాత్రి సాయి భజనకు పిలిస్తే మా అమ్మాయి ఆఫీస్ నుంచి వచ్చాక రాత్రి 7-30 కు బయల్దేరి 8 కి చేరాం .సుమారు 50 మంది వచ్చారు . రాంకీ ఉషా దంపతులకు శతకత్రయం ఇచ్చాము  ఆతను’’ వేద మాల ‘’అనే సంస్కృత శ్లోకాల పుస్తకం ఇచ్చాడు తర్వాత భోజనాలు .మూడు స్వీట్లు రెండుహాట్లు రెండుకూరలు పప్పు అప్పడం సాంబారు ,పెరుగు ,పుచ్చముక్కలు వగైరా లతో భోజనం .అన్నీ బాగానే ఉన్నాయి .రాంకీ తమ్ముడు భార్య ఇక్కడే ఉంటున్నారు .ఆమె పద్మశ్రీ సంగీతం బాగా పాడింది. మా మనవళ్ళు  ఆశుతోష్ ,పీయూష్ లకు సంగీత గురువు .అక్కడ ఒక డాన్స్ టీచర్ పరిచయమైంది .అలాగే పవన్  డోమేనికన్ రిపబ్లిక్ కు చెందిన ఆవిడను  పరిచయం చేశాడు ఆవిడను ఆరాధన రోజూ చూశా .ఇప్పుడు మాట్లాడా .ఆమె అక్కడ దేశానికి ప్రెసిడెంట్ అయ్యే చాన్స్ వచ్చినా వదిలేసి ఇక్కడ కొడుకుతో ఉంటోంది .మన సంప్రదాయాలు తెలుసు .ఉష బొట్టుపెడితే చక్కగా పెట్టి౦చు కోన్నది  .పవన్ చెబితే ఆవిడపై నెట్ లో వ్యాసం రాద్దామని అనుకొన్నాను .ఆవిడకు నా మెయిల్ ఐడి ఇక్కడి ఫోన్ నంబర్ ఇచ్చి ఆమె గురించి విషయాలు మెయిల్ చేయమన్నాను .అందగానే తెలుగులో రాస్తానని చెప్పా. .ఈ రోజు వరకు ఆమె నుండి విషయం రాలేదు .ఇంటికి వచ్చేసరికి రాత్రి పదిఅయింది

 మంగళవారం మధ్యాహ్నం మాంచి నిద్రలో ఉండగా మధ్యాహ్నం 2 గంటలకు విజయ  వాడ నుంచి నేను అడ్డాడ హెడ్ మాస్టర్ గా ఉన్నప్పుడు చదివిన భూషణం బాబు వాట్సాఫ్ లో రెండు సార్లు ప్రయత్నిస్తే నేను ఎత్తలేదు  .మూడో సారీ చేస్తే అప్పుడు మెసేజ్ లో తాను స్టూడెంట్ అని ఉంటె నేనే ఫోన్ చేశా .దర్వాజా అయ్యాడు పాపం ఆనందం పట్టలేక .చాలా విషయాలు మాట్లాడుకున్నాం అతనిప్రక్కనే సురేష్ అనే అదే బాచి కుర్రాడుకూడా మాట్లాడాడు. అడ్డాడ వదిలి సుమారు 20 ఏళ్ళు అయినా ఇంకా గుర్తుపెట్టుకున్నారు ఈ బాచ్ వాల్లందరూ కలిసి అక్టోబర్ లో నేను ఇండియా వచ్చినతర్వాత ఒక గెట్ టు గెదర్ పెట్టాలన్న ప్లాన్ లో ఉన్నట్లు చెప్పారు .వీళ్ళతో పాటే 12 ఏళ్ళుగా ఇక్కడున్న పావని అనే అమ్మాయి దుబాయ్ లో ఉన్న ఆనంద్ కూడా ఇదివరకే మాట్లాడారు .నిద్రపట్టక మైనేనిగారికి వాట్సప్ లో  ప్రయత్నిస్తే దొరక్క పొతే మెయిల్ పెట్టాను .తర్వాత ఆయనే ఫోన్ చేసి మాట్లాడారు .తర్వాత డా. యెన్ ఇన్నయ్యగారు ఫోన్ చేసి మాట్లాడుతూ చిత్రకారులు శ్రీ ఎస్వి రామారావు గారు చికాగో వచ్చి వారమయిందని  తెలుగు విద్యార్ధి పత్రికకు ఆర్టికల్ రాయమంటే రాశానని చెప్పారు ..బైజాంటిన్ సామ్రాజ్యం చదవటం మొదలుపెట్టి దాని నాగరకతపై ఒక వ్యాసం రాశాను  గీర్వాణ౦ లో 12 5 వరకు లాగాను .

కళాతపస్వి  కాశీనాధుని విశ్వనాద్ కు దాదాసాహెబ్ ఫాల్కే అవార్డ్ ఇచ్చారు .విశ్వనాధ ,మొల్ల, వెంగమాంబ పోస్తేజ్ స్టాంపులను కేంద్రం విడుదల చేసింది. రాత్రి 12 వరకు నిద్ర పట్టలేదు

 బుధవారం ఎండ బాగానే వచ్చింది రెండుపూటలా వాకింగ్ కు వెళ్ళా .ఢిల్లీ మునిసిపల్ ఎన్నికలలో బి జెపి ‘’ఆప్’’ను వాళ్ళ ‘’చీపిరి ‘’తోనే తుడిచేసి 18 2 స్థానాలు 3 మునిసిపాల్తీలు గెల్చింది రాత్రి యు ట్యూబ్ లో క్రిష్ సినిమా ‘’కృష్ణం వందే జగద్గురుం ‘’చూశాం .పేరుకీ సినిమాకు లంకె లేదు సీన్లు అన్నీ ఇష్టం వచ్చినట్లు తీసి అతికించినట్లు అనిపించింది నయనతార ఎందుకున్నదో ఎవరికీ తెలీదు .దగ్గుబాటి రాణా బానే చేశాడు  టార్జాన్ సినిమాలకు బ్రహ్మాండంగా పనికోస్తాడని పించింది .మణిశర్మ సంగీతం సిరివెన్నెల పాటలూ వినసొంపు .పిక్చరై జేషన్ బాగుంది  సాయంత్రం ‘’కారీ ‘’లో ఉంటున్న మా అన్నయ్యగారి మనవడు అంటే కూతురు వేదవల్లి కొడుకు వేలూరి హరి ఫోన్ చేశాడు భార్య కూడా మాట్లాడింది .

  గురువారం గీర్వాణం 13 5 వరకు దేకా .రెండుపూటలా నడక .స్వామి రామా పుస్తకం ‘’లివింగ్ విత్ ది హిమాలయన్  మాస్టర్స్ ‘’పూర్తి చేసి హిమాలయ యోగులపై రాశా .విజ్జి వాళ్ళ ఇంటి ప్రక్క రవి గాయత్రి పలకరించి మాట్లాడారు రవి తలిదండ్రులు బుధవారం వస్తారట ఇండియా నుంచి

మధ్యాహ్నం విజ్జి స్నేహితురాలు వీటూరి పద్మ వచ్చి పలకరించింది .తర్వాత గోసుకొండ అరుణ కూడా వచ్చి శుక్రవారం వాళ్ళ ఇంట్లో అమ్మవారి మణి ద్వీప పూజ ఉందని తాంబూలాని భోజనానికి రమ్మని పిలిచింది .నేనెందుకు ‘’పోతు పేరంటాలు ‘’లాగా అనిపించింది కాని అంత ఆప్యాయంగా పిలిస్తే వెళ్ళాలి అనుకొన్నా .రాత్రి ఏమీ తోచక ‘’ఫ్యన్ బకెట్ ‘’చూశా౦ .ఒక జోకు మురికిదే అయినా బాగుంది -అది చెప్పకపోతే నా కడుపుబ్బరం తగ్గదు .ఒక భార్యా భర్తా తగువులాడుకొని విడాకులిప్పించమని పోలీస్ స్టేషన్ కొచ్చి సబిన్స్పెక్టర్ను . అడుగుతారు .సరేనని ఆమె దగ్గర లక్ష రూపాయలు కాష్ ఉందని సగం భర్త కిస్తానని అంది ఒకే ఇంటిలో వంటిల్లు భార్యకు బెడ్ రూమ్ భర్తకు పంచాడు .ముగ్గురు పిల్లల్ని ఏం చేయాలని సమస్య .ఎస్ ఐ నాలుగో సంతానం కన్నాక విడాకుల సంగతి చూద్దామన్నాడు .భార్య ‘’ఈ యనపై నమ్మకం పెట్టుకొంటే ఆ ముగ్గురూ కూడా పుట్టేవాళ్ళు కాదు ‘’అని గబుక్కున నోరు నొక్కు కుంది. అవాక్కవటం భర్త ,ఎస్ ఐ ల వంతు అయింది .పనిలో పని మరోకుళ్ళు జోకూ చెప్పకపోతే ఆగలేదు .బిగ్ జోక్స్ అనే పుస్తకం చదువుతున్నా .అందులో రాజకీయ నాయకుల మీద ఏదో కల్పిత జోకులు చాలా ఉన్నాయి అందులో ఒకటి చదివి నవ్వు ఆపుకోలేక పోయా . అమెరికా ప్రెసిడెంట్ ఒబామా  ఇంగ్లాండ్ వెళ్ళాడట. రాణి ఆరుగుర్రాల బండీలో ఆయన్ను  రాజ సౌధానికి   తీసుకు వస్తోందట .అందులో ఒక గుర్రం కొంత దూరం వెళ్లేసరికిడామ్మని పెద్ద శబ్దం తో పిత్తిందిట .పిచ్చకంపుట .ఇద్దరూ అవాక్కయి ‘’పిత్తినన ముత్తయిదుల్లా ముక్కు మీద కర్చీఫ్ పెట్టుకొని  భరి.స్తున్నారట .కాసేపయ్యాక   రాణి ఇకమర్యాదగా ఉండదని’’మిస్టర్ ప్రెసిడెంట్ ! మహా రాణీ అయినా కొన్ని విషయాలు ఆవిడ చేతుల్లో ఉండవు ‘’అన్నదట .అప్పుడు ఒబామా కూడా నవ్వుతూ ‘’ఇప్పటిదాకా ఆశబ్దం గుర్రానిదనుకోన్నాను  మీదా ?’’అన్నాడట ఆశ్చర్యంగా .ఆ పుస్తకం చదివితే జోకులు ఎలా పుట్టాయో మొదటి అధ్యాయం లో రాస్తూ ఇలాంటి కుళ్ళు జోకులే ముందు పుట్టాయని అన్నాడు రచయిత .కొన్ని జోకులు తరువాత రాస్తా. ఇప్పటికే వాసన భరించ లేక పోతున్నారేమో ?

                  సశేషం

 మీ-గబ్బిట దుర్గా ప్రసాద్ -30-4-17 -కాంప్-షార్లెట్ -అమెరికా

29-4-17 శనివారం షార్లెట్ లో మా అమ్మాయి వాళ్ళ ఇంట్లో  చక్కని సంగీతస్వరాలతో భక్తి కీర్తనలు గానం చేసిన సంగీతం టీచర్ శ్రీమతి పద్మశ్రీ ,గారికి ”షార్లెట్ స్కై లార్క్ ”అనే బిరుదు ను ,కుమారి గాయత్రికి ”షార్లెట్ కౌమార కోకిల ”బిరుదాన్నీ సరదాగా అందరి సమక్షం లో ఇచ్చి గాయత్రికి సరసభారతి పురస్కారం  గా ఉగాది జ్ఞాపిక ,శ్రీ సువర్చలాన్జనేయ స్వామి శతక త్రయం బహూకరించిన ఫోటోలు

షార్లెట్ శంకర జయంతి

—

గీర్వాణ కవుల కవితా గీర్వాణ౦ -3

13 6- అద్వైత బోధ దీపిక కర్త -స్వామి కరపత్ర (19 07-19 8 2 )

19 07లో ఉత్తరప్రదేశ్ ప్రతాపగ్హడ్ దగ్గర భాటిని గ్రామం లో హరినారాయణ ఓజా గా కరపత్రి స్వామి జన్మించాడు .హిమాలయ దశనామి ముని సంప్రదాయానికి చెందినవాడు .జ్యోతిర్మఠ శంకరాచార్య స్వామి బ్రహ్మానంద సరస్వతి కి ముఖ్య శిష్యుడు .వార ణాసి లో ‘’ధర్మ సంఘం ‘’స్థాపించాడు .జీవితం లో ఎక్కువకాలం కాశీ లో నే గడిపాడు .అద్వైత వేదాంతాన్ని బహుళ ప్రచారం చేసిన వారిలో కరపత్రి స్వామి ఒకడు 19 4 8 లో ‘’రామ రాజ్య పరిషత్ ‘’అనే రాజకీయ పార్టీ నెలకొల్పాడు .19 51లో లోక్ సభకు జరిగిన మొదటి ఎన్నికలలో ఈ పార్టీ 3 సీట్లు ఉత్తర ప్రదేశ్ లో గెలిచింది .దీనిద్వారా హిందూ కోడ్ బిల్లును వ్యతిరేకిస్తూ ప్రచారం చేశాడు భారతీయులందరికీ ఒకే సివిల్ కోడ్ ఉండాలని,  అది ధర్మ శాస్త్రాలపై ఆధార పడి ఉండాలని కరపత్రి స్వామి వాదన . కాని ఆపలేక పోయాడు 19 5 8 లో తనపర్తీని జన సంఘ్ పార్టీలో స్వామి విలీనం చేశాడు .19 6 6 లో గో సంరక్షణ ఉద్యమం చేబట్టి ఆవులను చంపరాదని ,గో మాంసాన్ని నిషేధించాలని తీవ్రంగా దేశ వ్యాప్త ఉద్యమం చేశాడు .సనాతన ధర్మాన్ని ప్రచారం చేయటానికి 19 48 ఏప్రిల్ 18 న’’సన్మార్గ్ ‘’అనే దిన పత్రిక పెట్టి నడిపాడు 19 8 2 లో 7 5 వయేట మరణించాడు .

 కరపత్ర స్వామి సంస్కృతం లో ‘’అద్వైత బోధ దీపిక ‘’అనే గ్రంధాన్ని 12 అద్యాయాలతో రాశాడు ఇది తమిళ ఇంగ్లీష్ భాషలలో అనువాదమైంది .’’టాక్స్ విత్ రమణ మహర్షి’’ నిరికార్డ్ చేసిన మునగాల వెంకట రామయ్య 8 అధ్యాయాలను ఇంగ్లీష్ లోకి అనువాదం చేశాడు.అద్వైత బోధ దీపిక శంకరాచార్యులవారి అద్వైతాన్ని అతి సులభంగా తేలికగా అర్ధం చేసుకోవటానికి వీలు కలిగించింది .భగవాన్ రమణ మహర్షి ఎవరికైనా సందేహాలుంటే అద్వైత కర దీపికను చదివి హాయిగా అనుమాన నివృత్తి చేసుకోవచ్చునని దీనిని రికమెండ్ చేసేవారు .’’శ్రీ విద్య -వరివస్య ‘’అనే కరపత్రిస్వామి వ్యాసాలను సంకలనం చేసి స్వామి దత్తాత్రేయానంద అనే సీతారామ కవిరాజ ప్రచురించాడు

.

13 7-చైతన్య  చరితామృత కర్త -కృష్ణ దాస కవిరాజ గోస్వామి (15 20-16 17)

 భాగీరధ ,సునందల కుమారుడైన కృష్ణ దాస బీహార్ లో కత్వా లోని బర్ద్వాన్ జిల్లా  జమాత్ పూర్ దగ్గర సాలారాలో 15 20 లో బ్రాహ్మణ వంశం లో జన్మించాడు మరణం 16 17 . .కలలో చైతన్యుడు దర్శనమిచ్చి బృందావనం వెళ్ళమని బోధించాడు .బృందావనం చేరి తన గత జీవితాన్ని ఎవరికి చెప్పలేదు .హరికధలతో  హరి కీర్తనలతో కాలక్షేపం చేశాడు నిత్యానంద స్వామి ,మణికేతన రామ దాసు లు ఆహ్వానితులు గా వచ్చేవారు .విష్ణు దైవం వైష్ణవ భక్తుల సహకారం లేకుండా చైతన్య చరితామృతం రాయలేనని భావించి ప్రతి అధ్యాయం లో చైతన్య ప్రభుని అద్వైత ప్రచారకర్త నిత్యానంద ప్రభులను స్మరించాడు .వ్యాసమహర్షి భాగవతం లో క్రష్ణలీలను  వర్ణించినట్లే బృందావన గోస్వామి అయిన కృష్ణదాసు చైతన్య లీలా విలాసాలను వర్ణించాడు .దీనిని చైతన్య గౌడీయమతం ప్రచురించింది .మదన మోహనుడు చెబితే నేను ఒక చిలకలాగామళ్ళీ పలికాను అన్నాడు కృష్ణదాస .దీన్ని రాయటానికి స్వరూప దామోదరుని నోట్స్ ను ఆధారంగా చేసుకున్నాడు .కృష్ణదాస్ హృదయం లో చైతన్య నామం భావం మూర్తి బోధనా భక్తీ అన్నీ సంగమించాయి .చైతన్య చరితకు విశ్వనాధ చక్రవర్తి టీక రాశాడు .

 కృష్ణ దాస కవిరాజ స్వగ్రామం జమతాపుర లో ఒక చిన్న గుడిలో స్వామి నిత్యానంద పాద ముద్రలున్నాయి .క్రష్ణదాసుకు నిత్యానందుని అనుగ్రహం పుష్కలంగా ఉన్నదని శ్రీ కృష్ణ మంత్రం ఉపదేశించాడని ని స్థానికులు భావించారు .అందుకనే అదే ప్రదేశం లో నిత్యానంద పాదుకలను ఏర్పాటు చేసి స్మరిస్తారు .కాని కృష్ణదాస రఘునాధ గోస్వామివద్ద దీక్ష తీసుకున్నాడని  ప్రేమ విలాసలో ఉన్నట్లు చెబుతారు .ఇక్కడి దేవాలయం లో క్రష్ణదాసుని కొయ్య పాదుకలుఅంటే పాంకోళ్ళున్నాయి .కృష్ణదాస విగ్రహం, సమాధి రాదా కుండ్ లో ఉన్నాయి .రఘునాధ దాస స్వామి మరణం తరవాత కృష్ణదాస కవిరాజ గోస్వామి అశ్విని మాసం కృష్ణ ద్వాదశినాడు మరణించాడు .

  సశేషం

  మీ-గబ్బిట దుర్గాప్రసాద్ -29-4-17 -కాంప్-షార్లెట్ -అమెరికా