పిబరే కృష్ణ.ర.సం.

మూడేళ్ళ క్రితం నేను హోసూరు వెళ్లి అక్కడి సాహితీమిత్రుల గురువు ,సారధి ,రచయిత కవి విమర్శకుడు అయిన శ్రీ నంద్యాల నారాయణ రెడ్డి గారిని ,యువ కవి రచయిత అవార్డు గ్రహీత డాక్టర్ వసంత గారిని ,కుర్ర కవి ఫోర్సుఫుల్ కదా రచయిత శ్రీ మునిరాజు మొదలైన వారిని కలిసి ,వారి కార్యక్రమాల తీరు తెన్నులను అడిగి తెలుసుకొని ,వారిమాతల్లోనే రికార్డ్ చేసుకొన్నాను .హోసూరు కు ఒక ప్రత్యేకత ఉంది .దాన్ని తమిళం వాళ్ళు కన్నడిగులు పట్టించుకోవటం లేదు .భాషా ప్రయుక్త రాస్త్రల్లు ఎర్పదినప్పుదేర్పడ్డ ఆంద్ర రాష్ట్రం కాని ఇప్పుడు విడి పోయి అప్పుడు కలిసి ఏర్పడ్డ ఆంద్ర ప్రదేశ్ ప్రభుత్వం కాని హోసూరు మొర ఆలకిన్చాలేదని తమల్ని రెంటికి చెడ్డ రేవళ్ళు గా చూస్తున్నారని మనసులోని బాధ నంతా వెల్ల గక్కారు .వీలైనప్పుడల్లా వెల్ల గాక్కుతూనే ఉన్నారు .అయితే ఏ మాత్రం ధైర్యం కోల్పోకుండా అక్కడి మిత్రులందరూ కలిసి తమ తెలుగును కాపాడుకోవాలని కృత నిశ్చయం తో ఉద్యమాలు చేసి తెలుగు బడులను భాషను బతికిన్చుకొంతున్నారు .హోసూరు కృష్ణ గిరి జిల్లాలో తమిళ నాడులో ఉంది .అందుకని కృష్ణ గిరి రచయితల సంఘం గా అంటే ‘’కృష్ణ రసం ‘’గా ఏర్పడి సామూహికం గా పండగలు ,పబ్బాలు ,జాతీయ దినోత్సవాలు అరుపు కొంటున్నారు .హోసూరు తెలుగు మాండలికాన్ని జీవింప జేయటానికి కవితాలు కతలు ఆ యాసలోనే రాసి రూపు కట్టిస్తున్నారు .విడువ కుండా పుస్తక ప్రచురణ చేస్తున్నారు .నాతో మూడేళ్ళ క్రితం ఏర్పడ్డ సన్నిహితత్వాన్ని మర్చిపోకుండా వారి ప్రచురణలు నాకు పంపిస్తూనే ఉన్నారు నేనూ సరసభారతి రచనలను వారికి చేరుస్తూనే ఉన్నాను .ఈ నెల పడవ తేదీన డాక్టర్ వసంత్ గారు ఈ సంవత్సరం మే నెలలో ప్రచురించిన రెండు కదా సంకలనాలు ‘’మోతుకు పూల వాన ‘’,వెండి మొయిళ్ళు  బండ బతుకులు ‘’పుస్తకాలు పంపారు .మా అమ్మాయి వాళ్ళను అమెరికాకు ఫ్లైట్ ఎక్కించటానికి పన్నెండు రాత్రికి హైదరాబాద్  బయల్దేరి వెళ్లాం .పదమూడు ,పద్నాలుగు ,పది హీను తేదీలలో  ఆ పుస్తకాలను ఆబగా చదివేశాను .నిజమైన జీవితం  వాళ్ళు అనుభవిస్తున్న  బాధలు  కస్టాలు సుఖాలు ,ప్రక్రుతి సంపద ,ఆపేక్షలు అనురాగాలు ,ఆత్మీయతలు పరోపకారం మోసం ,దగా,తెలుగు భాషను మనవాళ్ళు పట్టించుకోక పోవటం ,పండగలు ,పబ్బాలు అన్నీ ఈ రెండిటిలో పుష్కలం గా ఉన్నాయి .అన్నిటిలో అంతర్వాహినిగా వారి వేదన ఉంది .వారి హోసూరు మాధ్యమం లో పుట్టిపెరిగిన కతలివి .వారి జీవిత ,జీవన విధానాలకు దర్పణాలివి .వారి ఆవేదనకు గుర్తులివి .ఆ భాషా మాధుర్యం లో అలా కొట్టుకు పోతూనే ఉంటాం. ఆ తీయ తేనియ తెలుగు రసాన్ని తాగుతూనే ఉంటాం మనం మర్చి పోయిన తిక్కన తెలుగును పాదు చేసి చక్కగా పోషిస్తున్నారు .చిక్కగా రాస్తున్నారు మత్తేక్కిస్తున్నారు .వారి నిరంతర సాహితీ కృషికి మనసారా అభినందిస్తున్నాను .ఇంత గొప్ప సేవ చేస్తున్న వారిని  బయట ప్రాంతాలలో ఉన్న ఏ సాహితీ సంస్థా గుర్తించి తగిన ప్రోత్సాహం ఇవ్వటం లేదని బాధగా కూడా ఉంది .అయితే ఎవరి సాయం అక్కరలేని అసహాయ శూరులు కృష్ణ గిరి రచయితల సంఘం సభ్యులు .సూటిగా నడవటమే వారికి తెలిసిన విద్య .అదే వారికి రాచ మార్గం .ఈ సంఘానికి మార్గ దర్షులు శ్రీ సామల రమేష్ బాబు ,శ్రీ సా వేం రమేష్ గార్లు .వారంటే వీరికి అపారమైన గౌరవం . ఆ సాహితీ మూర్తులందించిన కదల గురించే నేను మీకు తెలియ  జేస్తూ ‘’పిబరే కృష్ణ రసం ‘’అంటున్నాను

మోతుకు పూల వాన

ఈ పుస్తకం లో ముందు మాట రాస్తూ కృష్ణ రసం సభ్యులు శ్రీ జి నారాయణ రెడ్డి ‘’తల్లికోసం తల్లి నుదికోసం ,తల్లి నుడి లో మాట కోసం ,పాట కోసం ,చదువుకోసం ,చదువును చెప్పించే బడి కోసం ,తెలుగు ఏలుబడికోసం –ఈ గడ్డ పడుతున్న తపన లో నుంచి పుట్టిందే మా కృష్ణ రసం .సుమారు ఏభై మంది కవులు రచయితల వేదిక ఇది ‘’అని చెప్పారు .ఈ సంస్థ 2010నుంచి ఏడాదికి రెండు ‘’పోత్తాలు ‘’వెలువరిస్తున్నారు .ఇందులో పందొమ్మిది మంది కధకుల కధలున్నాయి .వీరిలో నలుగురు  దేవి శెట్టి పల్లెకు చెందిన వారే కావటం విశేషం .వారి ఆశయాన్ని పద్య రూపం లో నారాయణ రెడ్డి గారు ‘’వత్సరంబున కోక సారి వరుసగాను –వింత వింత గా కతలు విస్తరింప

పుస్తకంబులు ముద్రించి పంచు చుండు –తెలుగు భాషను నిల బెట్టు దీక్ష తోడ ‘’అని చెప్పారు .

..శ్రీ అగరం వసంత్ రాసిన ‘’కొరివి పెట్టె కొడుకు ‘’కద’’ప్రక్రుతి గురించినది .’’బంగారం తింటారా?బదికేకి బోజనము కావాల.’’అని ప్రక్రుతి పిల్లను సోమ్ముగలాడైన సూర్యుడి  కిచ్చి పెళ్లి చేస్తే దాని బతుకు బూడిదే అవుతుందని ఒక నాయనమ్మ కొడుక్కి చెబుతుంది .సూర్యుడిని ‘’పోద్దప్ప ‘’అని చంద్రుడిని’’ వెలుగు నాయాల ‘’అని ఆప్యాయం గా పిల్చుకొంటారు .పెళ్ళికి సూర్యుడి కొడుకు అంగారకుడు మధ్యలో అగ్గి రాజేస్తాడు .అవ్వను తిడతాడు .అవ్వకు వెలుగు నాయాలకిచ్చి పెళ్లి చేస్తే కాపురం బాగుంటుందని చెప్పింది. చివరికి అందరూ ఒప్పుకుని ప్రకృతిని వెలుగు నాయాలకిచ్చి లగ్గం చేస్తారు . పెళ్లి అయిన  ఏడాదికి ప్రక్రుతి ప్రక్రుతమ్మ అయింది . ‘’నేల చరాలు ‘’అనే బిడ్డను కన్నది .కొన్నేళ్ళకు ఉభయ చరాల్ని కని ,పక్షులను ప్రసవించి ఇక చాలనుకొని ‘’మనిషి ‘’ అనే బిడ్డడిని కన్నది .వాడు పెరిగి  తల్లికే కొరివి పెట్టె ప్రక్రుతి వినాశకుడైనాడు .ఈ విషయం ప్రక్రుతమ్మకు  తెలియక కన్నది అని ముగిస్తాడు డాక్టర్ వసంత్ .

శ్రీ అమర నారా బసవ రాజు రాసిన ‘’మా వూరు బతికి పోయే ‘’కదఒక కుక్క ఆంతర్యం .అది విన్న కధలూ కమామీషు .బలే కమ్మగా చెప్పారు రాజు గారు .తన చిన్నతనం లో ఏంతో హాయిగా బతికానని  ఇప్పుడు ముద్దకు దిక్కు లేదని  పెద్దింటి కుక్క బాధ పడుతుంది .ఆ కాలం లో అందరూ హాయిగా వాకిళ్ళలో చేరి రాత్రిపూట పిచ్చా పాటీ కబుర్లు చెప్పుకుని ,’’కుంటి  ముట్టిచ్చే ఆట ‘’,’’ఉప్పడి పట్టు ఆట ‘’,ఆదేవారాని ఆడాళ్ళు  ముసిలోళ్ళు వక్కాకు నములుతూ కాలక్షేపం చేసేవారని జ్ఞాపకాలను నేమరేసుకొంటుంది .,ఇప్పుడు ‘’మాపు’’అయితే చాలు ఊరు ‘’బెకో ‘’అంటూ ఉంటోంది . అంతా  సీరియళ్ళలో మునిగి బయటికే రావటం లేదట .ఆ ఇల్లు ఈ ఇల్లూ తిరిగి అక్కడ దొరికినదేదో తినేది కుక్క బతులని అంటున్నారని ,కాని ఈ కాలం లో ముసిలోళ్ళ బతుకులు కుక్క బతుకుల్ని చేస్తున్నారని వాపోయింది .ఒక ముసలాడు ముసలి భార్యను ఓదారుస్తూ ‘’మనం పండు టాకులం .నీడలో పడితే కుళ్లుతాం .ఎండలో పడితే ఎండుతాం .శివరాత్రికి చివుళ్ళు వస్తాయికదా ,మనకొచ్చిన కాలం ఈ కుర్రనాయాల్లకూ  వస్తుందిలే ‘’అని ఊరడించటం కుక్క వింటుంది .ఈ నాటి పిల్లలకు ఒక్క వేమన పద్యమూ రాదు అని క్షోభ పడతాడు తాత .ఆ కాలం చదువులు పండితునికి పామరునికి తెలిసేట్లు తెలుగు లో ఉండేవని మెచ్చాడు .ఇప్పటి సదువులు ఆళ్ళ అబ్బాలకే తెల్వట్లా ఆల్లకేం తెలుస్తాయని ఆవేదన పడ్డాడు .

పెద్దింట్లో రోజూ నీళ్ళు కాచుకొనే కాగు ను విసిరి బయట పారేస్తే అది కుక్క తో తన గోడు వెల్ల బోసుకోన్నది .ఇప్పుడు హీటర్లు గీజర్లు వచ్చి తనకు పని లేకుండా పోయిందని కాగు ఏడ్చింది .గౌడు ఇంట్లో గౌడు సాని పెత్తనం పోయి కోడలు పెత్తనం వచ్చింది ముసలాళ్ళను లెక్క చేయటం లేదు ‘’వెలక్కాయ కంటే కొంచెం పెద్ద రాగి సంకటి ముద్ద ‘’ను మామకు పెడుతోంది .ఆయన ఇక తనకేం పెడతాడు అని వగచింది .కాని ముసలి ‘’’ఎన్ని పిల్లల్ని పెట్టిం డావో .మనిషికే దిక్కు లేని ఈ కొంపను నమ్ముకోన్నావే .తిను కూతురా ‘’అని ఆప్యాయం గా కొంత కుక్కకు పెట్టాడు .’’జూ రాయే ముండా!ఈ కాడి తిని పో ‘’అని రెండు పిడికిళ్ల చద్ది వేశాడు .అదీ జీవకారుణ్యం .ఇవన్నీ గమనిస్తున్న కుక్క ‘’కరెంటు పోవాల అందరూ ఈదిలోకి రావాల సందడి సేయాల ‘’అను కొంటోంది మనసులో .

తధాస్తు దేవతలు దీవించారు .కరెంటు ఎప్పుడిస్తారో ఎప్పుడు తీసేస్తారో తెలీని పరిస్తితి వచ్చింది .ఇళ్ళల్లో టి విలు  బందు అయ్యాయి. కాగు బయటికి తీసి నీళ్ళు కాస్తున్నారు .నూనె దీపాలు వెలిగించుకొంటున్నారు .పగలూ రాతివీది అరుగుల మీదికి చేరుకొని కబుర్లు చెప్పుకొంటూ ఆటా పాటా పాడుకొంటూ కోళ్ళకూ కుక్కలకీ సంగటి మెతుకులు రాలుస్తున్నారు .ప్రతి శనివారం ఆంజనేయ గుడిలో పూజలు భజనలు హరికధలు చెప్పిస్తున్నారు .మళ్ళీ పూర్వకాలం బతికి వచ్చి ‘’మా వూరు బతికి పోయే ‘’అను కొన్నది గ్రామ సింహం .అద్భుతం గా కధను నడిపించారు రాజు గారు .

సశేషం

దక్షిణాయన పుణ్యకాల ప్రవేశ శుభా కాంక్షలతో

మీ- గబ్బిట దుర్గా ప్రసాద్ -17-7-14-ఉయ్యూరు

మానవత్వానికి ఎత్తిన పతాక – నదీన్  గార్డిమేర్

తొంభై సంవత్సరాల సాఫల్య జీవితం గడిపి ,మహా కావ్యాలన దగిన గొప్ప రచనలు చేసి సాహిత్యం లో నోబెల్ పురస్కారాన్ని పొంది ,మానవ సేవా భాగ్యం లో తనవు ,మనసులను ధన్యం చేసుకొన్న దక్షిణాఫ్రికా మహిళా మాణిక్యం నదీన్ గార్డి మెర్ ఈ నెల పదమూడున పుట్టిన గడ్డ జోహాన్స్ బర్గ్ లో మరణించింది .ఆమె జీవితం అందరికి ఆదర్శ ప్రాయం .

గార్డి మెర్ 1923నవంబర్ ఇరవై న దక్షిణాఫ్రికా లోని జోహేన్స్ బర్గ్ దగ్గర గనులకు నెలవైన స్ప్రింగ్స్ గూటంగ్ లో జన్మించింది .తండ్రి ఇసిడోర్  గార్డి  మెర్ వాచీలను తయారు చేసే యూదు సంతతి వాడు .తల్లి హన్నా లండన్ కు చెందినది .తల్లి పూర్తిగా జ్యూ యిష్ సంప్రదాయం లోను ,తండ్రి దానికి విరుద్ధం గ సెక్యులర్ పద్ధతిలోను ఉన్న కుటుంబాల వారు .నదీన్ ఆ దేశం లోని ఆర్ధిక అసమానత్వాన్ని ,జాతి విద్వేషానికి  వ్యతిరేక భావ వ్యాప్తికి  తలిదండ్రులే కారకులు ,ప్రేరకులయ్యారు .తండ్రి రష్యాలోని జారిస్ట్ రాజుల కబంధ హస్తాల నుండి తప్పించుకు వచ్చినా దక్షిణాఫ్రికాలోని నల్ల జాతి వారి పట్ల సాను భూతి లేని వాడు .తండ్రికి విరుద్ధం గా తల్లి నల్ల జాతీయుల బానిసత్వాన్ని ,పేదరికాన్ని చూసి జాలిపడి సహాయం చేస్తూండేది .నల్ల జాతి పిల్లలకోసం క్రేచీ అనే శరణాలయాన్ని స్థాపించింది .ప్రభుత్వం కూడా నల్ల జాతి వారి పట్ల నిర్దాక్షిణ్యం గా క్రూరంగా అమూనుశం గా వ్యవ హరించేది .ఒక సారి ప్రభుత్వ పోలీసులు వీరింటిపై దాడి చేసి సర్వెంట్ రూమ్ లో ఉన్న డైరీలు,సాహిత్యాన్ని పట్టుకు పోయారు .

గార్డి మెర్ కేధలిక్ కాన్వెంట్ స్కూల్ లో చేరి చదివి నప్పటికీ ఇంటి వద్దే తల్లి ఎక్కువగా నేర్పింది .తల్లికి పిల్లను స్కూల్ కు పంపటం అంతగా నచ్చేదికాదు .ఇంటి దగ్గర ఖాళీ సమయం లో రచన చేస్తూ 1937అంటే పద్నాలుగేళ్ళప్పుడే ‘’ది క్వెస్ట్ ఫర్ సీన్ గోల్డ్ ‘’అనే చిన్న పిల్లల కదా పుస్తకం రాసి ప్రచురించింది .ఈ కధలు చిల్డ్రన్స్ సండే ఎక్స్ప్రెస్స్ పత్రికలో ప్రచురింప బడ్డాయి .రెండవ పుస్తకమూ పిల్లల కోసమే ‘’కం ఎగైన్ టు మారో ‘’రాసింది .పదహారవ ఏట యువ రచయిత్రి గా ప్రఖ్యాతమైంది .విల్ట్ వాటర్ స్త్రాండ్ యూని వర్సిటిలో ఒక ఏడాది చదివి అన్ని జాతుల వారితో కలసి మెలసి తిరిగింది .డిగ్రీ పూర్తీ చేయకుండానే జోహాన్స్ బర్గ్ కు 1948కి చేరింది .బోధనలో గడుపుతూ రచనలు చేస్తూస్థానిక పత్రికలకు రాస్తూ  ప్రచురిస్తూ అక్కడే ఉండేది .తన తోలి రచనలను ‘’ఫేస్ టు ఫేస్ ‘’పేరిట 1949లో ముద్రించింది .

1951లో ‘’ది న్యూ యార్కర్ ‘’పత్రికలో ఆమె కద ‘’ఏ వాచర్ ఆఫ్ ది డేడ్’’ప్రచురణ తో ఆమె కీర్తి విపరీతం గా వ్యాపించింది .తనకాలం లో చిన్న కద గొప్ప ప్రాచుర్యం, ప్రభావం కల్గించిందని గార్డి మెర్ అంటుంది .న్యు యార్కర్ తో పాటు అనేక ప్రముఖ పత్రికలకు ఆమె కధలు రాసింది .అన్నీ గొప్ప విజయాలనే తెచ్చి పెట్టాయి .ఆమె పుస్తకాలను మొదట ప్రచురించిన లులూ  ఫ్రీడ్ మాన్ అనే మహిళ, పార్ల మెంటేరియాన్ అయిన బెర్నార్డ్ ఫ్రీడమన్ భార్య .వాళ్ళ ఇంట్లోనే జాతి వ్యతిరేకతను తిరస్కరించే రచయితలను గార్డి మెర్ కలుసు కొన్నది .డెంటిస్ట్ జేరాల్ద్ గావ్రాన్ ను వివాహం చేసుకొని ఆడపిల్లను కన్నది .’’ది లైయింగ్ దేశ’’అనే మొదటి నవల రాసి 1953లో ప్రచురించింది . మూడేళ్ళ తర్వాత భర్తకు విడాకులిచ్చి రీనోల్ద్ కాషియేర్ అనే గొప్ప కళా పోషకుడిని పెళ్లి చేసుకొన్నది .జీవితాంతం ఈ బంధం కొనసాగింది .కొడుకు సినిమా రంగం లో ఉన్నాడు .

1960 లో జరిగిన హింసాత్మక ఘటనలు ,జాతి వ్యతిరేక పోరాటాల ను చూసి ఆమె ఉద్యమం లో కి అడుగు పెట్టింది .త్వరగా రాజకీయం గా ఎదిగి నెల్సన్ మండేలా  డిఫెన్స్ అటార్నీలలో ఒకరైంది .మండేలా గొప్ప ఉపన్యాసం ‘’ఐ యాం ప్రిపెరేడ్ టు డై ‘’రాసింది గార్దిమేర్ .అది ఒక మంత్రం లా పని చేసి గొప్ప ప్రభావాన్ని కలిగించింది .దేశం తెల్ల జాతి నుండి విముక్తి పొందింది .1990లో మండేలా చెర నుండి విముక్తి పొందినప్పుడు మొదటిగా ఆయన  చూడాలనుకొన్న వ్యక్తీ గార్డి మెర్ నే .అలా నే చూసి పులకిన్చిపోయాడు ఆమె కర్తవ్య దీక్షకు అంకిత భావానికి ఉద్యమ స్పూర్తికీ .1960-70దశకం లో ఎక్కువ కాలం జోహాన్స్ బర్గ్ లోనే గడుపుతూ అమెరికాలోని అనేక యూని వర్సిటీలకు విజిటింగ్ ప్రొఫెసర్ గా వెళ్లి బోధించేది ఉపన్యసిస్తూండేది .దీనితో ఆమె అంతర్జాతీయ వ్యక్తీ అయింది .ఇక్కడే ఆమె కు మొదటి అత్యుత్తమ పురస్కారం లభించింది .అక్కడ ఉండగానే రచనల ద్వారా ప్రసంగాల ద్వారా దక్షిణా ఫ్రికాలోని జాతి విద్వేషాన్ని రూపు మాపాలని డిమాండ్ చేసింది .

ఆమె అమెరికా లో ఉన్నప్పుడే ఆమె రచనలను దక్షిణాఫ్రికా తెల్ల జాతి ప్రభుత్వం చాలా కాలం  నిషేధించింది ..’’ది లెట్ బూర్జువాస్ వరల్డ్ ‘’అనే స్వీయ అనుభవ గ్రంధాన్ని రాసింది .ఆమె రాసిన ‘’ఏ వరల్డ్ ఆఫ్ స్ట్రేంజర్స్ ‘’పుస్తకాన్ని పుష్కరం పాటు తెల్ల ప్రభుత్వం నిషేధించింది .బూర్జువాస్ వరల్డ్ పుస్తకాన్ని ప్రచురణ అంతరం ఒక నెల రోజుల్లో నిషేధించింది ప్రభుత్వం .కాని పబ్లికేషన్స్ కమిటీ ఈ నిషేధాన్ని తిరస్కరించి ఆమెకు న్యాయం చేసింది .ఆరు నెలల తర్వాత ప్రభుత్వం మరో కుంటి సాకుతో నిషేధిస్తే ఆమె జవాబుగా ‘’ఎస్సేన్శియల్ గేస్స్చర్స్ ‘’రాసి,ఇద్దరు నల్ల రచయితల పుస్తకాలను నిషేధించి తన పుస్తకాన్ని ఎందుకు నిషేధించలేదో వివరించమని కమిటీని ప్రశ్నించింది .అలాగే ‘’జులిస్ పీపుల్ ‘’పుస్తకమూ నిషేధానికి గురి అయింది .ప్రాంతీయ విద్యా బోర్డ్ ఈ పుస్తకం తో పాటు మిగిలిన నల్ల వారి పుస్తకాలపై నిషేధపు ఆంక్షలను తాత్కాలికం గా తొలగించింది .’’జులై ‘’పుస్తకం మరే జాతి  విద్వేషానికి ఆజ్యం పోస్తున్నట్లుగా ఉంది అన్న కమిటీ అభిప్రాయాన్ని ఈమె తప్పుపట్టింది .ప్రజలూ ప్రజా సంఘాలు ఆమెనే సమర్ధించాయి .ఇలా  నిరంతరం పోరాటం చేస్తూనే ఉండేది .

దక్షిణాఫ్రికా ప్రభుత్వం నిషేధించిన నెల్సన్ మండేలా పార్టీ ‘’ఆఫ్రికన్ నేషనల్ కాంగ్రెస్ ‘’లో ఆమె మొదటి నుంచి సభ్యురాలు .అదే దక్షిణాఫ్రికా ప్రజలకు విముక్తి సాధనం అని నమ్మి పని చేసింది .ఉద్యమకారులకు తన ఇంటిలో ఆశ్రయమిచ్చి అరెస్ట్ కాకుండా కాపాడింది .1986లో ఇరవై రెండు మంది ఉద్యమ కారుల తరఫున ‘’దేల్మాస్ ట్రేజన్ ట్రయల్ ‘’లో వారికి అనుకూలం గా వాదించటం తన జీవితం లో మరచి పోనీ రోజు అంటుంది .జాతి వ్యతిరేక కార్యక్రమాలలో ప్రదర్శనలో ఉత్సాహం గా పాల్గొనేది .రాజకీయ ,జాత్యహంకార ధోరణి పై ఉపన్యాసాలలో నిప్పులు కురిపించేది .

గార్డి మెర్ లోని సాహితీ మూర్తికి జనం నీరాజనాలన్దించారు .అనేక పురస్కారాలిచ్చి సన్మానించారు .1991లో సాహిత్యం లో అత్యుత్తమ పురస్కారం నోబెల్ బహుమతినిచ్చి అందుకొన్నది .బహుమతి ప్రదానం రోజున ఆమె మానవ జాతి సేవకు సాహిత్యానికి  చేసిన సేవ ,చిరస్మరణీయం అని నోబెల్ కమిటీ ప్రశంసించింది .జాతి వ్యతిరేకతనేకాదు ,పత్రికా హక్కుల నిషేధాన్ని ,ఇన్ఫర్మేషన్ పై సెన్సార్ ను వ్యతిరేకించింది .’’సౌత్ ఆఫ్రికా యాంటి సెన్సార్షిప్ యాక్షన్ గ్రూప్  ‘’స్టీరింగ్ కమిటీ లో పని చేసింది .’’సౌత్ ఆఫ్రికా రైటర్స్ కాంగ్రెస్ ‘’కు వ్యవస్థాపక అధ్యక్షురాలుగా ఉంది .’’సౌత్ ఆఫ్రికా లెటర్స్ అండ్ ఇంటర్నేషనల్ లిటరరీ ఆర్గ నైజేషన్స్’’(PEN)కు వైస్ ప్రెసిడెంట్ గా పని చేసింది .దక్షిణాఫ్రికా ఎయిడ్స్ మహమ్మారి పాలైతే ప్రజలకు అవగాహన కల్పించి ఎందరి ప్రాణా లనో  కాపాడింది .’’ట్రీట్ మెంట్ యాక్షన్ కాంపైన్ ‘’కోసం ఇరవై మంది రచయితల చేత ‘’టేల్లింగ్ టేల్స్ ‘’పేర చిన్న కధలు రాయించింది . ఎయిడ్స్ నివారణ కోసం దాతల నుండి నిధి సేకరించి ప్రభుత్వానికి అంద జేసింది .ప్రెసిడెంట్ టాబూ మోబాకి ఎయిడ్స్ విషయం లో సరైన శ్రద్ధ తీసుకో నందుకు ప్రశ్నించి మిగిలిన అన్ని విధానాలను సమర్ధించింది .

తన దేశం విషయం లోనే కాదు ఏ దేశం లో అన్యాయం జరిగినా నిరసన తెలియ జేసింది .క్యూబా అధ్యక్షుడు ఫిడేల్ కాస్ట్రో తీవ్రం గా జబ్బు పడ్డప్పుడు తన తో బాటు ఆరుగురు నోబెల్ పురస్కార గరహీతల చేత  వ్రాత పూర్వకం గా క్యూబా లో అస్తిరత్వం రెచ్చ గొట్టవద్దని అమెరికాను హెచ్చరించింది .ఆరంజ్ ప్రైజ్ ను మహిళలకే ఇవ్వటాన్ని నిరసించి తనకు ఇవ్వబోయిన ప్రైజ్ ను తిరస్కరించింది .2006 లో ఆమె ఇంట్లో దొంగలు పది భీభత్సం సృష్టించారు .స్నేహితులు కేసు పెట్టమని ప్రోత్సహించినా ఆ పని చేయలేదు .తానూ నాస్తిక వాదిని అని చెప్పుకున్నా దాన్ని ఏ నాడూ ప్రచారం చేయలేదు .ఆమె జీవిత చరిత్రను ‘’నొ కోల్డ్ కిచెన్ ‘’గా రోనాల్డ్ సురేష్ రాబర్ట్ రాసి 2006లో ప్రచురించాడు .ఇద్దరు కూర్చుని చర్చించుకుని ఒక అభిప్రాయానికి వచ్చిన తర్వాత రచన అంతా ముందుగా తనకు చూపించి ఓకే చేసిన తర్వాత ముద్రించాలను కొన్నారు .కాని రచయిత ఆమె కు ఇష్టం లేని విషయాలను అందులో రాసినందుకు నిరసన తెలియ జేసి తన అనుమతి లేదని చెప్పింది .రోనాల్డ్ స్వంతం గా పుస్తకాన్ని రాసి ప్రచురించాడు. దాన్ని ఆమె సమర్ధించ లేదు .

ఆమె రచనలలో ప్రేమ ,రాజకీయమే చోటు చేసుకొంటాయి తన దేశం విదిపోవటాన్ని ఆమె వ్యతిరేకించింది .అధికార అనుబంధాలను సత్యాన్ని శోధించి రాసింది .ఆమె రచనలు సామాన్య ప్రజలకు కధలు చెప్పినట్లుగా రాయటం ప్రత్యేకతను  సంత రించుకోన్నది .ఆమెకు వచ్చిన అవార్డులు రివార్డులు అసంఖ్యాకం .జేమ్స్ టైట్ బ్లాక్ మెమోరియల్ ప్రైజ్ ,బుకర్ ప్రైజ్ ,సి యెన్ ఏ ప్రైజ్ ,స్కాటిష్ ఆర్ట్స్ ప్రైజ్ ,రోమ్ ప్రైజ్ ,బెన్నెట్ అవార్డ్ ,అమెరికన్ అకాడెమి ఆఫ్ ఆర్ట్స్ అండ్ సైన్స్ అవార్డ్ ,ఫెలో రాయల్ సొసైటీ ఆఫ్ లిటరేచర్ ,పాట్రన్  కాంగ్రెస్ ఆఫ్ సౌత్ ఆఫ్రికా అవార్డ్  మొదలైన వాటితో బాటు నోబెల్ ప్రైజ్ ను పొందింది .పది హీను నవలలు ,’’ది ఫస్ట్ సర్కిల్ ‘’అనే నాటకం దాదాపు ఇరవై కదా సంకలనాల పుస్తకాలు ,అయిదు వ్యాససంపుటులను గార్డి మెర్ తన జీవిత కాలం లో రాసింది .తొంభై ఏళ్ళు జీవించి 2014 జులై 13ణ ఆ మహా రచయిత్రి సంఘ సేవకురాలు నదీన్  గార్దిమేర్ జోహాన్స్ బర్గ్ లో తనువు చాలించింది .

మీ- గబ్బిట దుర్గా ప్రసాద్ -16-7-14-ఉయ్యూరు

అలహాబాద్‌గా పేరొందిన ప్రయాగ పవిత్ర పుణ్యక్షేత్రం. గంగ, యమున, సరస్వతి త్రివేణీ సంగమ నిలయం. ఇక్కడ  సాధువులెంతోమంది గంగా నదీ తీరం పొడవునా ఆశ్రమాలేర్పరుచుకుని కనిపిస్తారు. ఆ నివాస ప్రదేశాలే ‘అఖాడా’లు. దేశవ్యాప్తంగా ఉన్న మొత్తం 13 అఖాడాల్లో 4 అలహాబాద్‌ సమీపంలోనే ఉన్నాయి. ఇక్కడి నుంచి ప్రతి పన్నెండేళ్లకోసారి జరిగే కుంభమేళాలో పాల్గొనటం కోసం సాధువులెంతో మంది తరలి వస్తూ ఉంటారు. ఒళ్లంతా బూడిద పూసుకున్న అఘోరాలు, నాగ సాధువులు, లక్షల మంది సన్యాసులు అమావాస్య రోజున గంగానదిలో స్నానాలాచరిస్తూ కనిపిస్తారు. అయితే వారిలో మహిళా సాధ్వీలు చాలా తక్కువ. వారికంటూ ప్రత్యేకంగా అఖాడా కూడా లేదు.  అందుకే  దేశ వ్యాప్తంగా 10 వేలకు పైగా ఉన్న సన్యాసినులందరూ ఒక అఖాడాను ఏర్పాటు చేసుకున్నారు. దీనికి శంకరాచార్య అఖాడా అని పేరు పెట్టుకున్నారు. ఈ అఖాడాకు ప్రధాన సాధ్వి  50 ఏళ్ల ‘మహంత్‌ త్రికాల్‌ భవంత’.
అసలీ అఖాడా పుట్టడం వెనకొక కారణముంది. సాధారణంగా కుంభమేళాలో అఖాడాల కోసం ప్రత్యేకమైన స్థలం కేటాయిస్తారు. 99 శాతం పురుషులు నివసించే ప్రదేశంలో మహిళలు నివసించటం కష్టం కాబట్టి తమకు కూడా ప్రత్యేక ప్రాంతం కావాలని సాధ్వీలు చాలా కాలంగా డిమాండ్‌ చేస్తూ వచ్చారు. అయితే వీరి డిమాండ్‌ను ఎవరూ పట్టించుకోలేదు. తమకు ఒక ప్రత్యేకమైన అఖాడా ఉంటే అక్కడ నివసించటం సులభమవుతుందని భవంత, ఆమె అనుచరులు భావించారు. జగద్గురు శంకరాచార్య పేరిట ఒక అఖాడాను కూడా ఏర్పాటు చేసుకున్నారు. తమకంటూ ఒక ప్రత్యేక అఖాడా ఉండాలని సాధ్వీలు పట్టుపట్టడం, దానిని ఏర్పాటు చేసుకోవటం చరిత్రలో ఇదే ప్రథమం.  ‘‘హిందూ ధర్మంలో పురుషులు, సీ్త్రలు అనే వివక్ష లేదు. ఇద్దరూ సమాన భాగస్వాములే. అంతే కాదు మహిళలు పుట్టుకతోనే పూజ్యులు. వారే భగవంతుడిని శ్రద్ధగా సేవిస్తారు..’’ అంటారు భవంత. ప్రస్తుతం శంకాచార్య అఖాడాలో అనేక మంది సాధ్వీలు నివసిస్తున్నారు. పురుష అఖాడాలలో మాదిరిగానే ఇక్కడ కూడా బాధ్యతలన్నింటినీ స్పష్టంగా విడగొట్టారు. వీటిని అఖాడాలలో నివసించే కొందరికి అప్పచెప్పారు. ప్రస్తుతం అఖాడాలో హిందు సంప్రదాయ పద్ధతులను బోధించటంతో పాటుగా ఆయుధాలను ఉపయోగించటం కూడా నేర్పుతున్నారు. మహిళల స్వీయ రక్షణకు ఇది తప్పవనేది భవంత అభిప్రాయం. వచ్చేసారి జరిగే కుంభమేళాలో తమకు కూడా సముచిత గౌరవం కల్పించాలని లేకపోతే తాము తిరగబడతామని కూడా భవంత హెచ్చరిస్తున్నారు.
ఆధ్యాత్మికతకు అంకితం
మహంతి త్రికాల్‌ భవంత ఉత్తర్‌ప్రదేశ్‌లోని మీర్జాపూర్‌ వాసి. ఈమెకు ఒక తమ్ముడు, ఇద్దరు చెల్లెళ్లు ఉన్నారు. భవంతకు చిన్న వయసులోనే ఆధ్యాత్మికతపై ఆసక్తి ఏర్పడింది. వివాహమంటే విముఖత ఉన్నా తల్లిదండ్రుల ఒత్తిడి మేరకు పెళ్లి చేసుకున్న భవంతకు ఒక కొడుకు, కూతురు జన్మించారు. ఆ తర్వాత భర్త నుంచి విడిపోయిన భవంత ఆధ్యాత్మిక బాట పట్టారు. ఆమె పప్పులు, తృణ ధాన్యాలు ముట్టుకోరు.   పళ్లు, కూరగాయలు మాత్రమే తింటారు.  పొడవాటి దుస్తులు ధరించి, బంతిపూలు పెట్టుకొనే  భవంత అఖాడాలోని  దేవాలయం లోపలి గదిలో గడుపుతారు. ఈమె ఉపయోగించే చేతి సంచులు, ల్యాప్‌టాప్‌ కవర్‌ అన్నీ కాషాయ రంగులోనే ఉండటం విశేషం.

విధులు         – పేర్లు
కొఠారి               – కోశాధికారి
భండారి            –  పాకశాల అధిపతి
కొత్వాల్‌            – కాపలాదారు
రమ్తా పంచ్‌      – దేశంలోని అన్ని శాఖలనూ పర్యవేక్షించే వ్యక్తి
వీటిలోని అన్ని ప్రధాన హోదాలు పూర్తిగా మహిళలకే పరిమితం.

అఖాడాలో ఒక రోజు
ఉదయం 4గం. – నిద్ర మేల్కొనటం.
5 – 6 – మంగళ హారతి
6 – 7-  ధ్యానం, జపం
8-9.30  – టీ, అల్పాహారం
9.30 – 10 – హారతి పూజ
11 గంటలకు  – భోగ ప్రసాదం
మధ్యాహ్నం నుంచి – భక్తుల దర్శనం
సాయంత్రం 5 – దేవాలయం, పరిసరాలు శుభ్రం చేయటం
7 – సంధ్య హారతి
8 – 9 – భజన,  ప్రసాదం
10 – నిద్ర

నా దారి తీరు- 75

బ్రాహ్మణ వ్యవసాయం

మా చిన్నప్పుడు అందరూ ఒక సామెత చెప్పేవారు .ఒకతన్ని ఎవరో ఒకాయన ‘’పల్లకీ ఎక్కుతావా ?బ్రాహ్మాణ వ్యవసాయం చేస్తావా?అని అడిగితే ‘’పల్లకిలో కుదుపులు తట్టుకోలేను బ్రాహ్మణ వ్యవసాయమే చేస్తాను హాయిగా ‘’‘’అన్నాడట .అంటే బ్రాహ్మణుల వ్యవసాయం అంతే ‘’వీజీ ‘’అన్న మాట .అడిగే వాడుండడు ,పట్టించుకొనే వాడుండడు అని భావం. కస్ట పడకుండా ఫలితం వస్తుంది .వాళ్ళని కౌలు పేరుతో మోసం చేయచ్చు అని వ్యంగ్యార్ధం .కారణం వీళ్ళు పొలం వెళ్లరు .ఏ పంట వేస్తున్నారో తెలుసుకోరు .యెంత ఆదాయం వస్తుందో యెంత రేటుకు అమ్మాడో  అక్కర్లేదు .సంవత్సరం అవగానే వాళ్ళ చేతిలో ఏదో కొంత పెడితే చాలు అని అందరూ అనుకోవటమే బ్రాహ్మణ వ్యవసాయం .

కాని మా ఉయ్యూరులో పక్కనున్న సాయిపురం ,కనక వల్లి ,పెనమకూరు పేద వోగిరాలలో  లలో బ్రాహ్మణులు గొప్పగా వ్యవసాయం చేసేవారున్నారు .వీరందర్నీ స్వయం గా నేను చూశానుకూడా .ఉయ్యూరు లో మా మేన మామ గంగయ్య గారు ఆయన తండ్రి శింగిరి శాస్త్రిగారు ,పిన తండ్రి నరసింహం గారు నిత్యం పొలం వెడుతూ పాలేళ్ళతో పని చేయిస్తూ అజమాయిషీ చేస్తూ ,అవసరమైతే దుక్కి దున్నటం , నాట్లు వేయటం, కలుపు తీయటం కొత్త కోయటం   ,కట్టి వెత నూర్పిడి పనుల్లో ఆరి తేరిన వారే .వీరు పొలంలో  కని  పిస్తే చాలు కూలీలకు తమ కంటే ఆసాములకే పనులు బాగా తెలుసునని మరింత కస్టపడి పని చేసేవారు .మా అమామయ్య ధాన్యం బస్తాలు మినుము బస్తాలు కూడా మోసెంత సామర్ధ్యం ఉన్నవాడు .పాలేళ్ళతో కలిసి కట్టెలు కొట్టేవాడు .ఈయన దెబ్బకి వాళ్ళు ఝాడిసే వాళ్ళు .అంత పనిమంతుడు .ఎడ్ల బండీ కట్టటం తోలటం ఆయనకు బాగా అలవాటే . కనుక మా మామయ్య కుటుంబం బ్రాహ్మణ వ్యవసాయం అనేదానికి తగరు అన్నమాట .అలాగే శాయి పురం లో బ్రాహ్మణులంత గొప్ప వ్యవసాయ దారులే .అన్ని పనులూ స్వయం గా చేసుకొనే వారే మంచి పంటలు పండించే వారు కనుక వీరికీ ఈ మాట కుదరదు .

కనకవల్లి ,పెనమకూరు లో ఎక్కువ మంది బ్రాహ్మణులు స్వంత వ్యవసాయం చేసి బాగు పడ్డ వాళ్ళే .కనక వల్లిలో వారిని శ్రీ మంతులు  అంటారు .వారు కూడా గొప్ప వ్యవసాయ దారులు .దగ్గరుండి వ్యవసాయం చేయించేవారు .చెరుకూ బాగా సాగు చేసేవారు . మంచి స్థితిపరులు .దాన గుణ సంపన్నులు .అక్కడి పేద ప్రజలకు తమ భూమి లో కొంత పంచి పెట్టిన వదాన్యులు .కనక వల్లి అగ్రహారం అంతా వారి అధీనం లోనే ఉండేది .వారి అబ్బాయి సోమయాజులు గారు సర్పంచ్ గా చాలా కాలం పని చేశారు .ఇప్పటికీ వారికి అక్కడ భూములున్నాయి .కాని చదువులకోసం కుటుంబం ఉయ్యూరు కు చేరింది .అయిన అజమాయిషీ చేస్తూ పంటలను పండిస్తున్నారు .మిగిలిన వారిలో విష్ణుభొట్ల సోమయాజులు  హైస్కూల్ లో నా క్లాస్ మేట్ .అతనికీ మంచి భూవసతి ఉంది .స్వంత వ్యవసాయం చేసేవాడు .వయసు దృష్ట్యా ఉయ్యూరు లో కాపురం ఉండి యాజమాన్యం చేస్తున్నాడు .అలాగే వెంపటి వారికీ పొలాలున్నాయి వారూ కస్టపడి వ్యవసాయం చేసేవారే .ఇప్పుడు ఆ కుటుంబమూ పట్నాలకు చేరారు .ఇప్పుడు బ్రాహ్మణీకం అక్కడ నామ మాత్రమె .పెనమకూరు లో బ్రాహ్మణులలో మంచి వ్యవసాయ దారులున్నారు .ఇప్పటికీ స్వంత వ్యవసాయం చేస్తూ అనేక రకాల పంటలు పండిస్తున్నారు .అందులో ‘’అనుముల ‘’వారి కుటుంబం వ్యవసాయానికి పెద్ద పేరు .

ఉయ్యూరులో చోడవరపు వారు మంచి  స్థితి పరులు .వ్యవసాయానికి పాలేళ్ళు ,బండీ ఎడ్లు ఉండేవి .ఇది చంద్ర శేఖర రావు గారి కాలం వరకు సాగింది .ఆయన మా నాన్నగారికి సహాధ్యాయి .వారి కుమారుల అజమాయిషీ వచ్చేసరికి వ్యవసాయాన్ని కౌలుకు ఇచ్చి పంట తీసుకొనే వారు .మంత్రాల రాధాకృష్ణ మూర్తి ,ఆయన మామ గారు ఉయ్యూరులో మొదటి ఎరువుల డిపో పెట్టిన యడవల్లి శ్రీరామ మూర్తిగారు శ్రీమంతులే. గొప్ప వ్యవసాయదారులే .వారూ తర్వాత వ్యవసాయాన్ని వదిలేశారు .ఉయ్యూరులో గోవిందరాజు శ్రీరామ మూర్తిగారు ఆయన తమ్ముడు  , నా సహాధ్యాయి అబ్బి అనే పరబ్రహ్మానంద శర్మ లకు గరుగు దగ్గర మెత్త భూమి ఉంది. చెరుకు ,పసుపు కంద మొదలైనవి బాగా పండించేవారు గొప్ప ఫలసాయాన్ని తీసేవారు .మెట్ట వ్యవసాయం లో బాగా లాభ పడ్డారు .వీరందరికీ మించి వ్యవసాయం ఇప్పటికీ చేస్తున్నవారు గరుగు మీద సోమయాజుల కృష్ణ మూర్తి గారి కుటుంబం .కృష్ణ మూర్తిగారు చెరుకు ,మొదలైన  మెట్ట పంటలు బాగా పండించేవారు .పాలేళ్ళు ,బండీ ఎడ్లు ఉన్నాయి  దున్నటం దగ్గరనుండి అన్ని పనులు చేయగల వారు .ఫాక్టరీ కి చేరుకును వారే స్వయం గా తోలే వారు .ఆయన తర్వాత అబ్బాయిలు కూడా ఇప్పటికి శ్రద్ధగా వ్యవసాయం చేస్తూనే ఉన్నారు .అలాగే మా అమామయ్య గారి అబ్బాయి చేస్తూనే ఉన్నాడు .

మా నాన్న గారి కాలం లోను నా టైం లోను మేము గట్టు మీద కూర్చునే వ్యవసాయం చేయించాం .కనుక మాది ‘’బ్రాహ్మణ వ్యవసాయం ‘’అనచ్చు .కాని వ్యవసాయం కోసం ఎప్పుడూ అప్పులు చేయకుండా గడుపుకోచ్చాం .మంచి నిఖామానులైన సీతారామయ్య కాటూరు పొలానికి ,చిన్నబ్బాయి ఉయ్యూరు పొలానికి ఉండి మాకు ఏ ఇబ్బందీ లేకుండా చేశారు ..నేను తప్పకుండా పొలం లో జరిగే అన్ని ముఖ్యమైన పనులు దగ్గరుండే చేయిన్చేవాడిని .కనుక వ్యవ సాయం లో ఎప్పుడూ నష్టం రాలేదు .జాయింటు కౌలుకూ కొంతకాలం చేశాము .పూర్తిగా వాళ్ళ మీద వదిలీ చేశాను .ఎందులోనూ ఇబ్బంది రాలేదు వ్యవసాయం కోసం ఎకరాలు అమ్మక పోవటమే నేను చేసిన మంచిపని అనుకుంటాను .అంతకు మించి ఏమీ లేదు .ఈ వ్యవసాయమే మా కుటుంబానికి ఏడు గడ గా నిల బడింది .దాని వల్లనే అందరం హాయిగా ఉన్నాం .మా తమ్ముడి భాగం అతనికిచ్చి ,ఫలసాయం కూడా అతను అమ్ముకొనే దాకా ప్రతి ఏడాది అప్పగించేవాడిని .మా అన్నయ్య గారి అబ్బాయి రామనాధ బాబు కు కాటూ రులో నాతో పాటు పొలం ఇప్పటికీ ఉంది .పంటలు రాగానే ఫలసాయం అందిస్తాను  .కనుక బ్రాహ్మణ వ్యవసాయమే అని పించినా నేను చేసింది నష్ట వ్యవసాయం కాదు లాభం తోనే చేశాను .దానికి కారణం నమ్మకస్తులైన నిఘా మానులే అని నిక్కచ్చిగా చెప్పగలను .

సశేషం

మీ –గబ్బిట దుర్గా ప్రసాద్ -.12-7-14-ఉయ్యూరు

వ్యాస జయంతి గా గురు పూజ

వ్యాస భగవానుడని బాదరాయణుడని ప్రసిద్ధి చెందిన వ్యాస మహర్షి జన్మదినం ఆషాఢపౌర్ణమి .పద్దెనిమిది పురాణాలను బ్రహ్మ సూత్రాలను రాసి భారతీయ సాహిత్యం లో హిమాలయోన్నతుడైనాడు వ్యాసుడు .వేదం విభజన చేసి అందుబాటులోకి తెచ్చిన లోకజ్నుడాయన .కృష్ణ ద్వైపాయన బిరుదాంకితుడు .యమునా నదీ తీరం లో జన్మించిన వ్యాసుడు మహా భారతంరాయటమే కాక  అందులో లో ముఖ్య పాత్ర దారికూడా .విష్ణు మూర్తి అవతారమే వ్యాసభగవానుడు .సత్యవతీ దాశరాజుల కుమారుడు .సేతి,మాది నదుల సంగమ స్థానం లో జన్మించాడని కూడా అంటారు .ఈ ప్రదేశానికి ఆయన పేరే పెట్టారు .ప్రస్తుతం నేపాల్ లో తనాహు జిల్లాలోని తనౌళి పట్నం లో వ్యాసుడు జన్మించినట్లు భావిస్తారు . .విచిత్ర వీర్యుడు వ్యాసుడి కుమారుడు .విచిత్ర వీర్యుని కుమారులే పాండురాజు ,ద్రుత రాస్త్రుడు .విదురుడు వీరిద్దరికీ సోదరుడు .

ప్రతి ద్వాపర యుగం లోను వ్యాసుడు జన్మించి వేద విభజన చేస్తాడని విష్ణు పురాణం చెబుతోంది .మహా భారత రచనకు రాయసకారుడిగా గణపతిని పెట్టుకొన్నాడు .తన ఘంటానికి ఆప కుండా పని చెప్పితేనే రాస్తానని షరతుపెట్టి రాశాడు .భారతానికి జయ అనే పేరుంది .ఇందులో విష్ణు సహస్రనామం భగవద్ గీతా ఉన్నాయని మనకు తెలుసు .వ్యాసుని చివరి రచనే మహా భారతం .భారతాన్ని ఉగ్ర సేన సౌతి మౌఖికం గా వ్యాపింప జేశాడు .నైమిశారణ్యం లో శౌనకుడనే కులపతి  ,ఆయన  శిష్యులైన మహర్షుల సమక్షం లో దీన్ని వినిపించాడు .

వ్యాసుడు బౌద్ధ వాజ్మయం లోను చోటు చేసుకొన్నాడు . పాళీ భాషలో’’ కన్హ దిపాయన’’ అన్నారు .జాతక కధల్లో బాగా కనిపిస్తాడు .సిక్కుల మత గ్రంధం గురు గ్రంధ సాహెబ్ లోవ్యాసుడు బ్రహ్మ దేవుని కుమారుడు అని ఉంది .గురు గోవింద సింగ్ వ్యాసుడిని వేద నిధి అన్నాడు ,కౌటిల్యుడు రాసిన అర్ధ శాస్త్రం లో వ్యాసుని విషయం తమాషాగా ఉంటుంది . దాండక్య అనే పేరున్న భోజుడనే రాజు ఒక బ్రాహ్మణ స్త్రీని  బలాత్కరించ బోతే రాజ్యం వంశం పూర్తిగా నాశమై పోయాయి .వాతాపి అనే వాడు అహంకారం తో అగస్త్యుని అవమా  నించి నప్పుడు ద్వైపాయనుడిని పైకి వెళ్ళినప్పుడు  నశించి పోయారని చాణక్యుడు వివరించాడు .ఈ కదా బౌద్ధ జాతక కధల్లో వృష్ణి కధను పోలి ఉంటుంది .

వ్యాసుడు బదరీ అంటే రేగు చెట్ల వనం లో జన్మించాడుకనుక బాదరాయణుడు అయ్యాడనే కధనం ఒకటి ఉంది .ఈయనే బ్రహ్మ సూత్రాలు రాసి వేద వేదాంత విశేషాలను అందులో నిక్షిప్తం చేశాడు .బ్రహ్మ సూత్రాలు భగవద్ గీత ఉపనిషత్తులను ప్రస్తాన త్రయం అంటారు .ఈ మూడిటికీ కర్త వ్యాసుడే .పతంజలి యోగ శాస్త్రానికి ఆధారం వ్యాసమహర్షి చెప్పిన సూత్రాలే అని అంటారు .ఇంత విశిష్ట వ్యక్తీ భగవాన్ వేదం వ్యాస మహర్షి జన్మ దినం ఈ రోజు .ఒక్క సారి స్మరించి తరిద్దాం .ఆయన పెట్టిన అక్షర భిక్ష అన్నపూర్ణ గా వెలుగుతోంది .మహర్షి వ్యాసునికి మనః పూర్వకం గా సాష్టాంగ దండ ప్రణామాలు సమర్పిద్దాం .

వ్యాసపౌర్ణమి –గురు పౌర్ణమి –వ్యాస జయంతి శుభా కాంక్షలతో

మీ –గబ్బిట దుర్గా ప్రసాద్ -12-7-14-ఉయ్యూరు

నా దారి తీరు -74

షుగర్ ఫాక్టరీలో చెల్లింపులు

చెరుకు ను ఫాక్టరీ కి తోలిన తర్వాత ,లేక అవసరం అయితే కొంత తోలిన తర్వాత మనం తోలిన చెరుకు తాలూకు ఫాక్టరీ వాళ్ళు నమోదు చేసిన చెరుకు తూకం ఉన్న టికెట్లు ఇస్తారు .వాటిని తేదీ క్రమం లో అమర్చి మొత్తం  మనం ఇచ్చిన టికెట్ల నంబర్ చివరి టికెట్ వెనకాల వేసి ,పాస్ బుక్ లో పెట్టి ,వోచర్ మీద రెవిన్యు స్టాంప్ అంటించి దానిమీద సంతకం పెట్టి ,సాక్షి సంతకం కూడా తెలిసిన రైతు తో చేయించి ఆయన రైతు నంబర్ ను కూడా నమోదు చేయించి ,ఫాక్టరీ లో దీన్నీ చూసే గుమాస్తాకు ఇవ్వాలి .దానికి పెద్ద క్యూ ఉంటుంది .అందులో నిలబడి మన వంతు వచ్చిందాకా ఉండి ఇవ్వాలి. దానిపైన వాళ్ళు ఫలానా రోజుకు ఇస్తామని చెప్పి వాయిదా వేసి ,రాస్తారు .అప్పుడు వెళ్లి తీసుకోవాలి .మా నాన్న గారి చనిపోయిన 1961నుండి నాకు దీని అనుభవం ఉంది .అప్పుడు అంతా మాన్యు వల్ వర్క్ .కనుక తోలిన   చెరకుకు  దానికి తగిన టికెట్లు వచ్చాయో లేదో వాళ్ళు తనిఖీ చేసి ఫాక్టరీ,నుంచి ఏదైనా ధన రూపం లో లేక ఎరువుల రూపం లో లబ్దిపొందారా లేదా అని చెక్ చేసి  లేడ్జేర్లు, ఫైళ్లు తిరగేసి ఒకటికి రెండు సార్లు కౌంటర్ చెక్ చేసుకొని  ముందు ఆ డబ్బు మినహాయించి మిగిలినదాంట్లో దాదాపు ఎనభై శాతం డబ్బు ఇచ్చేవాళ్ళు .వాయిదా వేసిన రోజుకు ,సమయానికీ మళ్ళీ వెళ్ళాలి .అప్పుడూ మనలాంటి వాళ్ళు చాలా మంది ఉంటారుకనుక మళ్ళీ క్యూ ఆ క్యూ అంతా అవటానికి చాలా సమయం పట్టేది .మన వంతు రాగానే యెంత డబ్బు వచ్చేదీ చెప్పి ,మెయిన్ ఆఫీస్ లో ఉన్న కాష్ కౌంటర్ దగ్గరకు పంపిస్తారు .అక్కడా లైన్ ఉంటుంది .డబ్బు ఇచ్చె ఆయ న మన మొహం చూసి మనమే ఆ వోచర్ మీద సంతకం పెట్టామని తేల్చుకొని ,ఆ వోచర్ మనకిచ్చి ,దాని వెనక మళ్ళీ సంతకం చేయించి మన వూరి వారెవరైనా అక్కడ ఉంటె వారి తో సాక్షి సంతకాలు రెండు చేయించి వాళ్ళ రైతు నంబర్లు నాట్ చేయించి  ఆయన కిస్తే అప్పుడు డబ్బు ఇస్తాడు .అప్పుడు బాంకులు లావా దేవీలు లేవు .అంతా స్వయం గా వెళ్లి తెచ్చుకోవాల్సిందే .డబ్బు ఇచ్చే ముందు అక్కడే కూర్చున్న మేనేజర్ చెక్ చేస్తాడు తోలిన  చెరకుకు  ఉన్న రేటు ప్రకారం సరిగ్గా లెక్క వేశారా లేదా చూస్తాడు .

1960-70కాలం లో టికెట్లు తీసుకొనే కౌంటర్ లో అంజయ్య గారు అనే ఆయన ఉండేవాడు ఆయనది గోపువాని పురం అని జ్ఞాపకం .పంచె కట్టి కొంచెం లావు కళ్ళద్దాలతో ఉండేవాడు .జోడు ముక్కు మీదికి జారుతూ ఉండేది సకిల్ మీద వచ్చేవాడు కమ్మ వారు .చాలా మంచి వాడు .లెక్కల్లో దిట్ట .అచ్చం మన అల్లు రామ లింగయ్య లా గా ఉండేవాడు  నేను అన్నా, మా నాన్న గారన్నా చాలా అభిమానం గా ఉండేవాడు ..నాకు తక్కువ రోజుల్లో వాయిదా పడేట్లు చేసేవాడు .ఆమ్యామ్యాలు ఆయనకు తెలియవు .పరిచయమే .ముక్కు సూటి మనిషి అందరికి ఆయన అంటే గౌరవం విసుగు ఉండేదికాదు .ఆ పెద్ద పెద్ద  లేద్జేర్ల పుస్తకాల మధ్య ఆయన  ఒక లిలీ పుట్ లా కని పించేవాడు .చాలా నెమ్మదిగా మాట్లాడేవాడు ఆయన అంటే నాకు విపరీతమైన అభిమానం .అందుకే మరీ గుర్తుంచుకొని ఆయన గురించి రాస్తున్నాను .ఇలా చాలా సంవత్సరాలు నడిచింది .

ఆ తర్వాతా బ్యాంకులు రైతులకు అప్పులివ్వ టానికి ముందుకొచ్చాయి .వాటిల్లో డబ్బు లేని రైతులే కాదు అందరూ అప్పు తీసుకొనే వారు కొంచెం వడ్డీ తక్కువ .యెంత డబ్బు అప్పు తీసుకోన్నామో  బ్యాంకి వాళ్ళు తెలియ జేసేవారు .అగ్రిమెంట్ లో బ్యాంక్  కాగితాలు కూడా చేర్చేవారు .బ్యాంకి అప్పు ,వడ్డీ పోను మిగిలిందే ఫాక్టరీలో చెల్లించే వారు .పనులు కొంత తేలికయ్యాయి .కాష్ ఇచ్చే ఆఫీసులో కలువ పాములకు చెందిన భాస్కర రావు గారు అనే ఆయన ఉండేవాడు .ఎర్రగా పాంట్ షార్ట్ తో ఉండేవాడు .మా బజారు లోనే టాంక్ దగ్గర అద్దేకుండేవాడు,. వాళ్ళబ్బాయి నాదగ్గర ట్యూషన్ కూడా చదివే వాడు .చాలా స్పీడ్ మనిషి .కౌంటర్ చెక్ చేయటానికి ఆయన భలే తమాషాగా స్పీడ్ గా చేసి సంతకం పెట్టె వాడు .నాకు బాగా పరిచయం కనుక ఆ విధానానం నచ్చి అడిగితే చెప్పాడు .పైసా కూడా తేడా  వచ్చేదికాదు. ఇప్పుడది మర్చిపోయాను .తోలిన టన్ను లను టన్నుకు రేట్ తో హెచ్చించి యెంత మొత్తం డబ్బు వస్తుందో చెక్ చేయటం అన్నమాట .గుమాస్తాలు ఓచర్ మీద అవన్నీ వేసి రాసి లేద్జేర్ లో పోస్టింగ్ వేసి ఈయన కు పంపిస్తే అప్పుడు కౌంటర్ చెక్ చేసి డబ్బు ఇవ్వమని సంతకం పెడితే కౌంటర్ లో డబ్బు ఇచ్చేవారు. భాస్కర రావు గారు గలగలా మాట్లాడేవాడు. రాత్రి పూట మా ‘’పార్ధి గారి పార్ల మెంట్ ‘’కు వచ్చి మాతో కూర్చునే వాడు .కమ్మ వారు .మర్యాదున్న పెద్దమనిషి .

వెలగ పూడి రామ కృష్ణ గారి ఇద్దరబ్బాయిలు దత్తు గారు మారుతీ రావు ఇద్దరూ కొంతకాలం ఉయ్యూరు షుగర్  ఫాక్టరీ రీని మేనేజ్ చేశారు .తర్వాత వాటాలు పంచుకొన్నారు వి.ఏం.రావు అనే మారుతీ రావు గారికి ఉయ్యూరు ,చల్ల పల్లి ఫాక్టరీలు వచ్చాయి. దత్తు గారికి మాచెర్ల సిమెంట్ ఫాక్టరీ మద్రాస్ లోని సెంట్రల్  వర్క్ షాప్  వచ్చాయి .దత్తు గారి  కే.సి.పి .పేరు వచ్చింది. రావు గారు కెసీపి తో పాటు ind cor  పేరొచ్చింది .రెండిట్లోనూ నాకు షెర్లున్నాయి .రావు గారు గొప్ప మెకానిక్ .ఫాక్టరీ లో ఏ భాగం లో ఏముందో ఆయనకు  క్షుణ్ణం గా తెలుసు అనుకొనే వారు. ఎక్కడైనా రిపేర్ వస్తే స్పాట్ లోకి వెళ్లి రెండు మూడు నిమిషాలలో దాన్ని  రెక్టిఫై చేసేవారని చెప్పుకొంటారు . మేషిన్రి మీద అంత అవాగాహన ఉన్న వారు .అయన చేతిలోకి ఫాక్టరీ వచ్చిన తర్వాత ఫాక్టరీ సామర్ధ్యాన్ని పెంచారు .పూర్వం కన్నా రెట్టింపు సామర్ధ్యం తో రెట్టింపు చెరుకు ఆడే యంత్రాలను తెప్పించి బిగించారు . కనుక క్రషింగ్ కెపాసిటి పెరిగింది .రైతులకు సబ్సిడీలు బోనస్ లు బాగా ఇచ్చారు .క్షుణ్ణంగా మేనేజ్ మెంట్ అవగాహన ఉన్న వాడు కనుక మెషీన్ పవర్ పెంచి మాన్ పవర్ తగ్గించటం ప్రారంభించారు .రైతులు తాము తోలిన చెరకు డబ్బు కోసం ఫాక్టరీ చుట్టూ తిరిగే పద్ధతికి స్వస్తి చెప్పారు .ప్రతి రైతు తో బ్యాంక్ అకౌంట్ ఓపెన్ చేయించి డబ్బు వారి అకౌంట్ లో సరాసరి పడేట్లు చేసి ఎంతో రిస్క్ నుంచి రైతుల్ని కాపాడారు మారుతీ రావు .అగ్రిమెంట్ ఇవ్వటమే రైతుపని మిగిలిన లావాదేవీలన్నీ బ్యాంక్ ద్వారానే .

రైతు తోలిన చేరుక్కు టన్నుకు ఇంత అని కేంద్ర ప్రభుత్వం కూడా డబ్బు ఇస్తుంది .దానికీ వాయిదాల మీద వాయిదాలు పడేవి .ఖాళీ గా ఉన్న వారికైతే ఫరవాలేదు .ఉద్యోగస్తులకు, ఆడ వాళ్లకు మహా ఇబ్బందిగా ఉండేది.ఒకోసారి సెలవు పెట్టాల్సి వచ్చేది . ఆ నరకం  నుండి కాపాడిన వాడు రావు గారే .ఇప్పుడు ఏంతో హాయిగా ఉంది .యెంత డబ్బు వచ్చినా బ్యాంక్ అకౌంట్ లో పడిపోతుంది .కావాల్సినప్పుడు తీసుకోవటమే .ఇంత గొప్ప సంస్కరణ తెచ్చిన వ్యక్తీ మారుతీరావు .ఫాక్టరీకి ‘’ప్లాంట్ మేనేజర్’’ ఉన్నతాధికారి .దాన్ని తర్వాత  ‘’జెనరల్ మేనేజర్’’ అన్నారు . నాకు తెలిసినప్పటి నుంచి సీతా రామా రావు గారు ఇంజేటి జగన్నాధ రావు గారు ,బసవయ్య గారు ఇలా చాలా మంది పని చేశారు .ఇప్పుడు ఆ పోస్ట్ ను ‘’చీఫ్ ఆపరేటింగ్ ఆఫీసర్ ‘’గా పిలుస్తున్నారు .ఇప్పటి ఆ ఆఫీసర్ శ్రీ జి వెంకటేశ్వర రావు .ఉయ్యూరు ,చల్లపల్లి ఫాక్టరీలు రెండిటికీ కలిపి ఈయనే సి ఇ ఒ.

జగన్నాధ రావు గారు ప్లాంట్ మేనేజర్ గా  ఉన్నప్పుడు మంచి ప్రజా సంబంధాలు కలిగి ఉండేవారు .ఉన్నతమైన ఉదాత్త వ్యక్తీ .ఎత్తుగా  ఎర్రగా కళ్ళద్దాలతో తెల్ల పాంటు షార్ట్ లతో చూస్తూ ఉంటేనే గౌరవం కలిగేది అందరి తో సత్సంబంధాలు నేరపే వారు  . ఎన్నో అభి వృద్ధి కార్యక్రమాలు నిర్వ హించారు .ఫాక్టరీ ఎదురుగా సాయి బాబా ఆలయం ,కార్మిక భవనం కెసీపి స్కూల్ లో బిల్డింగ్ ల నిర్మాణం చుట్టూ ప్రక్క గ్రామాలకు పక్కా రోడ్లు వంతెనలు ,బస్ షెల్టర్లు ఆయనతోనే ప్రారంభమైనాయి .అనేక దేవాలయాల అభి వృద్ధికి తోడ్పడ్డారు .మా శ్రీ సువర్చలాన్జనేయ స్వామి దేవాలయానికి అయిదు వేల రూపాయలు విరాళం ఇవ్వటమే కాదు మేము కోరిన వెంటనే వచ్చి మాతో బాటు స్వామి వారల ప్రతిష్ట ను చేశారు .ఆయన భార్య శ్రీమతి వసుమతి దేవి రామ కృష్ణ మహిళా సమాజం ఏర్పరచి మహిళలకు చేతిపని ,కుట్టుపని మొదలైన వాటిల్లో శిక్షణ నిప్పించి మహిళాభ్యుదయానికి పాటు పడ్డారు. ఆ దంపతులను చూడగానే ఆది దంపతుల్లా అని పించే వారు .రైతులకే కాదు కార్మికులకూ అండగా ఉండేవారు .ఉయ్యూరు చుట్టూ ప్రక్క గ్రామాల హైస్కూళ్లలో భావన నిర్మాణాలు రక్షిత మంచి నీటి సరఫరా ,టిఫిన్ షెడ్ ,సైకిల్ షెడ్ వంటివి ఎన్నో ఆయన పాలన లో  రికార్డ్  బ్రేక్ గా నిలిచాయి .ఉయ్యూరు శివాలయం లో దక్షిణాన ఉన్న  రేకుల షెడ్ నిర్మాణం మా వార్డ్ మెంబర్ కోలచల చలపతి ,గోవింద రాజు శ్రీరామ మూర్తి గారు వంటి పెద్దల సహకారం తో ఫాక్టరీ వారి సాయం తో జరిగిన బృహత్తర కార్య క్రమం. వృద్ధాశ్రమం, కంటి ఆస్పత్రి ,రోటరీ క్లబ్ ఏర్పాటు దాని ద్వారా ప్రజా సేవ ప్లాంట్ మేనేజర్ శ్రీ ఇంజేటి జగన్నాధ రావు గారి చొరవ కృషి ,అవగాహన వల్లనే సాధ్యమైనాయి .కార్మికులు సమ్మే చేయకుండా వారి అన్ని కోర్కెలను ఫాక్టరీ తీర్చేట్లు మేనేజ్ మెంట్ తో చర్చలు జరిపి చొరవ తీసుకొనే వారు .ఆయన  అంటే  మేనేజి మెంట్ కు కూడా అంత గౌరవం . ఫాక్టరీ సంక్షేమం కోసం నెల రోజులు యజ్ఞం చేయించారు .రోజూ సాయంకాలం ప్రవచన సామ్రాట్ శ్రీ మల్లాది చంద్ర శేఖర శాస్త్రి గారి వంటి పెద్దల నాహ్వానించి వేదం శాస్త్రాల పై ప్రసంగాలు చేయించారు .సాయి బాబా ఆలయ నిర్మాణానికి మద్రాస్ నుంచి స్వామి కేశవయ్య గారిని ఆహ్వానించి ఆయనతో సాయి బాబా చిత్రపటాన్ని ఆవిష్కరింప జేశారు .ప్రతి ఏటా శ్రీ రామ నవమి జరిపి,సీతా రామ కల్యాణం చేసేవారు .ఫాక్టరీ ఉద్యోగస్తులతో నాటకాలు వేయించేవారు .వేదాంతం సత్యనారాయణ  శోభానాయుడు లాంటి కళా కారులను పిలిపించి ప్రదర్స్ధనలు ఏర్పాటు చేసి కళలకు ప్రోత్సాహం కల్పించారు .పౌరాణిక నాటకాలు,ఓలేటి వెంకటేశ్వర్లు మల్లాది సూరి బాబు , వంటి సంగీత కళా నిదులచే పాట కచేరీ జరిపించారు .

కార్మిక నాయకుడు చొప్పరపు సుబ్బారావు  గారు ఫాక్టరికి కార్మికులకు మధ్య ఏ సమస్యలు లేకుండా చేసి చనిపోయే వరకు నాయకత్వాన్ని వహించారు ప్రస్తుతం వారి అబ్బాయి శ్రీ కొండలు పలాగే ప్రజా సంబంధాలను కలిగి ఫాక్టరీలో పని చేస్తూ అందరికి తలలో నాలుక లాగా ఉన్నారు .

సశేషం

మీ –గబ్బిట దుర్గా ప్రసాద్ -11-7-14-ఉయ్యూరు

పదాలకు భావాల తళుకులు..

నీటిరంగుల ఛిత్రం
-వాడ్రేవు చినవీరభద్రుడు
వెల: రూ.150
e-book కోసం www.kinige.com

వాఢ్రేవు చిన వీరభద్రుడు వెలువరించిన కవితా సంపుటి ‘నీటి రంగుల చిత్రం’. ఈ సంపుటిలో జీవితానందం సిద్ధించే మెలకువ కోసం కవి నిరంతరంగా అనే్వషించడం కనిపిస్తుంది. వాడ్రేవుగారి నిర్వికల్ప సంగీతం (1986), ఒంటరి చేల మధ్య ఒక్కత్తే అమ్మ (1995), పుర్యానం (2004), కోకిల ప్రవేశించే కాలం (2009) తర్వాత వచ్చిన కవితా సంపుటి ‘నీటి రంగుల చిత్రం’. తన కవిత్వం గురించి, తన మీద ప్రభావం చూపించిన కవుల గురించీ చినవీరభద్రుడు, మరో సాహిత్యాభిమాని ఆదిత్య కొర్రపాటితో చేసిన సంభాషణ ఈ సంపుటిలో ప్రచురించారు. ఇది ఈ పుస్తకానికి అదనపు ఆకర్షణ అనొచ్చు.
కవిత్వం మాటల్నే ఆశ్రయించుకుని ఉన్నప్పటికీ, అది మాటల్లో మాత్రమే లేదనీ, విద్యుచ్ఛక్తి రాగి తీగ లోపలనుంచి కాకుండా రాగి తీగ వెంబడి ప్రసరించినట్లే కవిత్వం కూడా మాటల్లోంచి కాకుండా మాటల చుట్టూ ప్రసరిస్తుందనే గ్రహింపు ఈ కవిత్వం పొడగునా కనిపిస్తుందని వాడ్రేవు అంటారు. నా కవితలో రాగాత్మక ఉంది. పొందిక కూడా ఉంది. ఒక స్వర్ణకారుడు బంగారు నగకి నగిషీ పెట్టడంలో ఉండే పనివాడితనమంతా నా కవితలో ఉంటుందంటాడు వాడ్రేవు.
కవి కేవలం తన భావాలకు మాత్రమే ప్రాధాన్యం ఇవ్వడం తొలిరోజుల్లో జరిగే పని. కవి పరిణతి చెందే కొద్దీ శిల్పం మీద దృష్టిపెట్టక తప్పదు.
మనకి ‘ద్రష్ట’, ‘స్రష్ట’ అనే రెండు పదాలున్నాయి.
శ్రీశ్రీ ‘మహాప్రస్థాన‘ గీతాలనాడు ద్రష్ట, ‘మరో ప్రస్థానం’ నాటికి శ్రీశ్రీ స్రష్టగా మారాడంటారు వాడ్రేవు. కవిత అంటే కేవలం వర్ణన లేదా అభిప్రాయ ప్రకటన కాదు.చిన్ని చిన్ని వివరాల వల్ల కవిత తన అనుభూతిని తన శ్రోత హృదయంలో ఎంతో విశ్వసనీయంగా ముద్రిస్తాడని కూడా మనం గమనించాలంటాడు. ఎంత మేరకు వదిలిపెట్టాలన్నదే కవి శిల్ప పరిణతికి గీటురాయి అంటాడాయన. నా దృష్టిలో కవిత్వం దానికదే అత్యంత శక్తివంతమైన భావ ప్రసార సాధనమంటాడు వాడ్రేవు. నా కవిత్వంలో సాధారణ పత్రికా భాషనీ, సామాజిక రాజకీయ భాషనీ వీలైనంతగా పరిహరించడానికే ప్రయత్నించానంటాడు వాడ్రేవు.
ఈ కవితా సంపుటిలో వాడ్రేవు 182 కవితలు 208 పేజీలలో ప్రచురించాడు.
ముందుగా కాపాడుకోవల్సిన పద్యం అంటూ…
‘‘ఇంధనం అగ్నిగా మారినట్లు, ప్రతిరోజూ ఒక పద్యంగా మారాలని ప్రార్థిస్తున్నానంటాడు‘‘ కవి.
పాలుగారే ప్రపంచంతో-అనే కవితతో ప్రారంభించిన వాడ్రేవు నా ఆరాటమిదే అనే శీర్షికతో బహు చతురతతో ముగించాడు.
ఇటలీలోని ఫ్లోరెన్స్ నగరంలో ప్రముఖ కవి, శిల్పి మైకెలాంజిలోని స్థానికులు అడిగారట.
ఏమని?
మేం రోజూ చూసే శిలనే ప్రవక్తగా నువ్వెట్లా మలిచావని?
ఏది డేవిడ్ కాదో దాన్ని చెక్కేసానని మైకెలాంజి జవాబిచ్చాడు.
చమత్కారుడైన వాడ్రేవు కూడా..
‘‘నాలో ఏది చిన వీరభద్రుడు కాదో దాన్ని తొలగించాలని, నా ఆరాటమిదేనని, కడు రమ్యంగా కవితా సంపుటిని ముగించారు.
ఆ తర్వాత ఓ 10 పేజీలలో యువకవి ఆదిత్యతో కొర్రపాటితో అభయ వచనాలు శీర్షికతో ప్రశ్న-జవాబులో వాడ్రేవు తన మనస్సును పాఠకుల మందుంచాడు.
చక్కని మధుర లలిత పదాలతో పాఠకుల్నీ భావకవులుగా తీర్చేలాగ సాగే ఈ కవితా సంపుటిని ప్రతి ఒక్కరూ తప్పక చదివి తీరాలి. తెలుగు కవిత్వాన్ని అభిమానించే ప్రతి వారింటా తప్పక ఉండవల్సిన పుస్తకం.
నవోదయ బుక్‌హౌస్, కాచిగూడ, హైదరాబాద్ తదితర అన్ని పుస్తకాల షాపుల్లో లభిస్తుంది.

బ్రాహ్మణాల కధా కమా మీషు -19(చివరి భాగం )

గోపధ  బ్రాహ్మణం -2

గోపధం లో కొన్ని పదాల వివరణ అత్యద్భుతం గా ఉంటుంది ఆ వైభవాన్ని తెలుసుకొందాం .

1-స్వేదం –సు వేదమే స్వేదం అని అర్ధం చెప్పింది .అంటీ బాగా వేదం చదవటం .వేదం గట్టిగా చదివి  కంఠస్తం కావాలంటే చమట పట్టేట్లు చదవాలి .కా బట్టే ఈ సువేద పదం స్వేదం గా మారిందని వివరణ ఇచ్చారు ఇందులో .

2-రధం –రస అనే శబ్దం నుంచి వచ్చింది .రస పూర్ణం అంటే ఆనంద పూర్ణం గా ఉండటం .దీని వల్ల రధం అనే సంజ్ఞ రూపొందింది .

3-దీక్షిత –ధీక్షిత పదం నుండి ఇది వచ్చింది .శ్రేష్టమైన బుద్ధిని పొందేవాడు ధీక్షితుడు .అదే దీక్షిత గా మారింది.అందుచేత అతడు పెద్దలచే నమస్కరింప దగిన వాడు అవుతాడు .

4-మఖ –అంటే యజ్ఞం .ఖ అంటే చిద్రాలు దోషాలు .మ అంటే పోగొట్టేది .దోషాలు లేనిదిగా చేసేది .మఖ అంటే యజ్ఞం .దోషాలు లేనిదిగా యజ్ఞం ఉండాలి ..అంటే యజ్న కర్మ లో ఏ విధమైన పోరబాట్లు, దోషాలు ఉండరాదని తెలుస్తోంది .

5-సామ –సా అంటే లక్ష్మి అమ అంటే జ్ఞానం .లక్ష్మీ సంబంధమైన జ్ఞానం అని సామ కు  అర్ధం .

6-కుంతాపసూక్తం – కు అంటే చెడు తాప అంటే తపింప జేయటం .చెడును నశింప చేసే సూక్తమే కుంతాప సూక్తం .అధర్వ వేదం లో దీనికి ప్రసిద్ధి ఎక్కువ .

కొన్ని సుభాషితాలు

1-దేవతలు పరోక్ష ప్రియులు ,ప్రత్యక్ష ద్వేషులు .ఈశ్వరుని అచింత్య శక్తిని వర్ణించే సందర్భం లో నిది .ఈశ్వరుడు పరోక్షం గా ఉన్నా ఇష్టుడు .ఈ భౌతిక జగత్తు ప్రత్యక్షం గా ఉన్నా ద్వేషింప దగినది .ఇది అశాశ్వతం .

2-యజ్ఞాలలో ఋత్విక్కులు అసమర్ధులు గా ,బ్రహ్మ చర్య దీక్ష లేని వారుగా ,రాగ ద్వేషాలున్న వారు గా ఉంటె ఆ యజ్ఞం నాశనమవుతుంది .సదాచారమే యజ్న ఋత్విక్కులకు ముఖ్యం .

3-మట్టి బెడ్డలు కుండలో వేస్తె అవి శౌచ కర్మకు ,దాన్యోత్పత్తికి పనికి రావు .ఉపయోగపడే వాటిని తగని స్థానం లో ఉంచరాదు అని అర్ధం .

4-యాజకుడు తేజస్వి ,సత్య వాది,వ్రత నిస్టూడు గా ఉండాలి .అతడు మంచి వాడు కాక పోతే పచ్చికుండలో నీళ్ళు పోసినప్పుడు విచ్చి నీరు కారిపోయినట్లు యజమాని ప్రయోజాన్ని నాశనం చేస్తాయి .

5-తలిదండ్రులు చిన్న తనం లో కుమారుడిని పోషిస్తే ,వాడు పెద్ద వాడై వారిని పోషించాలి .ఇది తెలిస్తేనే నిజమైన యజ్ఞం .తలిదండ్రుల సేవే నిజమైన శ్రాద్ధం ,తర్పణం కూడా .బతికి ఉండగా పట్టించుకోకుండా చని పోయిన తర్వాత శ్రాద్దాలు చేసినా అది నిష్ప్రయోజనం .

6-జరిగి పోయిన కాలం పరిమితం .రాబోయే కాలం అపరిమితం. గతం లో చెడు చేసినంత మాత్రాన  కుంగి పోనవసరం లేదు .భవిష్యత్తు తరువాత వచ్చేదికనుక మంచి చేసి ఆ దోషాన్ని పోగొట్టుకోవచ్చు .నిరాశ చెందక్కర లేదు .

ఇప్పుడొక్క సారి ఈ బ్రాహ్మణం లో చెప్ప బడిన విషయాలను పునరాలోకిద్దాం .  పూర్వ బ్రాహ్మణం లో సృష్టి విధానం ఓం మహాత్మ్యాన్ని వివరించారు .సృష్టి అంతా ఓం నుండే ఏర్పడింది .ఓం బ్రహ్మ ,విష్ణు, రుద్రాత్మకం .దీన్ని వెయ్యి సార్లు జపిస్తే కోరికలన్నీ సిద్ధిస్తాయి .గాయత్రీ మంత్రోపాసన చేస్తే సంతతి కూడా బలం గా ఉంటుంది. శిష్యుడు గురు శుశ్రూష చేసి పంచాగ్నులను వశం చేసుకోవాలి .గృహిణి అతడికి భిక్ష పెట్టాలి .భిక్ష పెట్టక పోతే పుణ్యాలన్నీ నశిస్తాయి .మాంస భక్షణ నిషిద్ధం .విపాట్ నది ఒడ్డున వసిస్టా శ్రమం ఉన్నది

ఉత్తర బ్రాహ్మణం లో దర్శ పూర్నమాసం నుండి చిన్న యాగాలు ,పెద్ద యాగాల వివరణ ఉంది .ఖగోళ ,జ్యోతిష సంబంధ విషయాలు చెప్ప బడ్డాయి .చిత్త మొదలైన నక్షత్రాలు పౌర్ణమి రోజు చంద్రునితో కలిసే చైత్రం మొదలైన నెలలు ఏర్పడుతాయని చెప్పారు. ఫాల్గుణ పూర్ణమి నుండి సంవత్సరం మొదలైంది అని పేర్కొన బడింది .భూమి గోళాకారామని ,సూర్యుడు ఎప్పుడూ చాటు కాడని వివరించింది .తిరుగుతూ ఉండే భూమి అంచున సూర్య కాంతి పడుతుందని తెలిపారు .

బ్రాహ్మణాల కధా కమా మీషు  సర్వం సంపూర్ణం .

మీ –గబ్బిట దుర్గా ప్రసాద్ -10-7-14-ఉయ్యూరు

బ్రాహ్మణాల కధా కమా మీషు -18

ప్రణవం

పర బ్రహ్మ బ్రహ్మ దేవుడిని ఒక తామరాకు పై సృష్టించాడు .తన కోరికలను ,లోకాలను ,దేవతలను ,వేదాలను ,యజ్ఞాలను ,శబ్దాలను ,భూతాలను స్థావర జంగమాలను ఏ విధం గా ఏకాక్షరం వలన తెలుసుకోవాలి అని ఆలోచించి ,బ్రహ్మ చర్యాన్ని పాటించి చివరకు ‘’ఓం’’అనే ప్రణవాన్ని కనుగొన్నాడు .ఓంకారం లో రెండు వర్ణాలు ,నాలుగు మాత్రలు ఉన్నాయి .ఇది సర్వ వ్యాపి ,మార్పు లేనిది ,బ్రాహ్మీ మాయం .దీని నుంచే కోరిన వస్తువులు ,సమస్త లోకాలు ,దేవతలు ,యజ్ఞాలు ,శబ్దాలు ,స్థావర జన్గమాత్మకమైన భూతాలు పుట్టాయి .

ప్రణవం లోని మొదటి అక్షరం నుండి స్వర్గం ,రెండవ అక్షరం నుంచి తేజస్సు వెలుగు పుట్టాయి .ఓంకారం లోని మొదటి స్వర మాతృక నుంచి భూమి అగ్ని ఓషధులు ,వృక్షాలు ,భూహ్ అనే వ్యాహృతి ,గాయత్రీ ఛందస్సు మూడు విధాలైన స్తామాలు ,తూర్పు దిక్కు ,వసంత రుతువు వాక్కు ,నాలుక సృష్టింప బడ్డాయి .దాని రెండవ స్వర మాత్ర నుంచి అంత రిక్షం ,వాయువు ,యజుర్వేదం ,భువ అనే వ్యాహృతి ,త్రిష్టుప్ ఛందస్సు ,పది హేనురకాల స్తామాలు ,పశ్చిమ దిక్కు ,గ్రీష్మ ఋతువు ఉచ్చ్వాస నిస్శ్వాసాలు చేసే అవయవాలు నిర్మించ బడ్డాయి .మూడవ స్వర మాత్ర నుండి స్వర్గం ,సూర్యుడు ,సామ వేదం ,స్వః అనే వ్యాహృతి ,జగతీ ఛందస్సు ,ఉత్తర దిక్కు ,వర్ష రుతువు ,కళ్ళు మొదలైనవి ఏర్పడ్డాయి .దాని ‘’వ’’కార మాత్ర నుండి నీరు ,చంద్రుడు ,అధర్వ వేదం ,నక్షత్రాలు , అంగీరసులు ,అనుష్టుప్ ఛందస్సు దక్షిణ దిక్కు ,శరదృతువు  మనసు మొదలైనవి జనించాయి .దాని ‘’మ’’కార మాత్ర నుండి ఇతిహాస పురాణాలు ,వాక్కు ,ఛందో యుక్తమైన భాష ,ఉపనిషత్తులు ,వ్రుధాత్ ,కారత్ ,గుహన్ ,మహాత్ ,తత్ ,శం,ఓం అనే వ్యాహృతులు ,నృత్యం ,గానం .చైత్ర రాధా దేవతలు ,తేజస్సు ,తేజస్సు ,వెలుతురూ ,ఊర్ధ్వ దిక్కు ,అదో దిక్కు ,హేమంత ,శిశిర ఋతువులు సృష్టింప బడ్డాయి .

ఓంకార సహాయం తో దేవతలు రాక్షసులని జయించారు ఓంకారమే అన్ని వేదాలకు మూలం .ప్రపంచానికి ఆధారం .ఈ విధం గా దిక్కులు ,ఛందస్సు ,పంచ భూతాలు ,వేదాలు రుతువులు ,సూర్య చంద్రులు ,ఇతిహాస పురాణాలు ,ఓంకారం నుండి పుట్టాయని గోపద  బ్రాహ్మణం  చెప్పింది .

గాయత్రీ మంత్రం

గాయత్రిని మించిన మంత్రం లేదు ‘’ఓం భూర్భువస్సువః త్తత్చావితుర్వ రేణ్యం భర్గో దేవస్య ధీమహి ధియో యోనః ప్రచోదయాత్ ‘’అనేది గాయత్రి మంత్రం .గాయత్రికే సావిత్రి అని పేరు ఈ మంత్రం తత్త్వం గ్లావుడు ,మౌద్గాల్యుడు అనే ఇద్దరు ఋషుల మధ్య జరిగిన సంభాషణ రూపం లో వివరించ బడింది .మైత్రేయ వంశం లో పుట్టిన గ్లావుడు మౌద్గాల్యునికి వేదాలు వాటి అర్ధాలు తెలియవు అని నిందించాడు .అందుకు మౌద్గాల్యుడు ‘’సకల వేదం సారం ,సకల ఆధార మైన గాయత్రీ మంత్రం యొక్క తత్త్వం నీకు తెలుసా?’’అని శిష్యుని ద్వారా ప్రశ్నించాడు .మంత్రం తత్త్వం తనకు తెలియదని ,మౌద్గాల్యుని తూల నాది నందుకు క్షమాపణ చెప్పుకొని గాయత్రీ మంత్రం తత్వాన్ని ఉపదేశించమని వేడుకొన్నాడు .మౌద్గాల్యుడు సాకల్యం గా వివరించి చెప్పాడు .

‘’వేదాలు ఛందస్సు ,సవిత (సూర్యుడు)యొక్క శ్రేష్టమైన భాగాలు .అన్నం ఆయన ప్రకాశం .ధియః అంటే విధులు లేక కర్మలు .వీటి వల్లనే ఆయన లోకమంతా  సంచ రిస్తాడు .మనస్సు సవిత .వాక్కు సావిత్రి .మనసున్న చోట వాక్కు ,వాక్కు ఉన్న చోట  మనస్సు ,ఉంటుంది .అగ్నియె సావిత్రి .పృథ్వి సావిత్రి .అగ్ని ఆదిత్యుడు వేదాలు వేదాలు ఛందస్సులు యజ్ఞం దక్షిణ సమస్తం సావిత్రియే .దీని తత్వాన్ని తెలుసుకొన్న వాడు సర్వ పాప విముక్తుడై సుఖ సంతోషాలను పొందుతాడు .

రుక్ –సామల సంబంధం

ఉత్తర భాగం లోని తృతీయ ప్రపాఠకం లో ఈ రెంటి సంబంధం చెప్ప బడింది .ఆదిలో రుక్ ,సామలు మాత్రమె ఉండేవి .రుక్కు కు ‘’సా’’అని సామకు ‘’ఆమ ‘’అని పేరు .పుల్లింగం లో ఉన్న సా తో స్త్రీలింగం లో ఉన్న’’ ఆమ ‘తో’’సకల జీవరాసులని అభి వృద్ధి చేయతామికి మనం కలుసు కొందాం ‘’అని చెప్పింది .కాని సామ అందుకు ఒప్పుకోలేదు .రుక్ కన్నా తానే గొప్ప అని ప్రగల్భాలు పోయింది .కోపించిన  రుక్ తానె రెండు భాగాలుగా విడిపోయి మొదటి భాగం రెండో భాగం తో మాట్లాడింది .కాని రెండో భాగం పలకనే లేదు .అప్పుడు తాను మూడు భాగాలుగా విడిపోయి సామను మళ్ళీ పలకరించింది .కనుక సామ మూడు రుక్కుల చేత కీర్తింప బడుతోంది .ఈ సంభాషణ అంతా ‘’సా’’,’’మ’’మధ్య జరిగింది .

గమ్ అనే ధాతువుకు డో’’ ప్రత్యయం చేరిస్తే గో’’శబ్దం ఏర్పడుతుంది .గో శబ్దానికి పొందదగిన పదార్ధం అని అర్ధం .పొంద దగింది వేదవాణి ,పృధివీ రాజ్యం ,స్వర్గ సుఖం .వీటిని పొందే మార్గాన్ని తెలిపే బ్రాహ్మణం కాబట్టి గోపధం అయింది .వేదం విజ్ఞానం పొందటం ,రాజ్య వ్యవహారాలూనడపటం ,పరమ సుఖాన్ని పొందటం అనే పురుషార్ధాలు కలుగుతాయి .

పూర్వం వైదిక యుగం లో ‘’పని ‘’అనే కొండ జాతి వాళ్ళు బ్రాహ్మణుల ఆవులను దొంగిలించి కొండ గుహలో దాచారట .’’సరమ ‘’అనే ఇంద్రుని కుక్క ఆ ఆవులకోసం వెతుకుతూ అనేక ప్రదేశాలు తిరిగి కనుక్కోన్నది .ఇంద్రునికి తెలిసింది ఇంద్రుడు దండెత్తి పణి జాతి వారి బలాన్ని చేదించి ఆవులను విడిపించాడు .అన్గిరసులు ఇంద్రునికి సాయం చేశారు .అందుకే గోపద బ్రాహ్మణం   అధర్వాం గీరస బ్రాహ్మణం ఆనే పేరు తెచ్చుకోంది .ఈ నాటి డిటెక్టివ్ పరిశోధనకు ఆ నాడే బీజం పడిందని భావించ వచ్చు .అడుగు జాడలు వేలి ముద్రలు కుక్కల సాయం తో నేరస్తుల ఆచూకీ ఇవన్నిటికీ ఈ బ్రాహ్మణం ఆధారమే .

తొలి ఏకాదశి శుభా కాంక్షలు

సశేషం

మీ-గబ్బిట దుర్గా ప్రసాద్ – . 8-7-14 –ఉయ్యూరు

ప్రజలకోసమే  పని చేసిన సమర్ధ ఐ .ఏ. ఎస్ .అధికారి శ్రీ పి.వి.ఆర్.కే .ప్రసాద్ -1

‘’సమాజ శ్రేయస్సుకోసం పని చేయటం ,సంకల్పం లో స్వార్ధం లేనంత వరకు దైవ బలం తప్పక తోడుగా ఉంటుందని నమ్మి ,నిబ్బరం ,మనో ధైర్యం ,పనిలో విశ్వాసం ,అపారమైన సృజనాత్మకత అద్భుత ప్రజా సంబంధాలు ,ఓర్పు ,లౌక్యం ,తార్కిక వాదన ,కార్య నిర్వాహక సామర్ధ్యం ,ఉన్న ఐ ఏ ఎస్ అధికారి శ్రీ పి.వి.ఆర్.కే ప్రసాద్ .వివిధ విరుద్ధ స్వభావాలున్న ముఖ్యమంత్రుల వద్ద ను ,సాక్షాత్తు శ్రీ వారి ఆలయం తిరుపతి వెంకటేశ్వర స్వామి ఆలయ కార్య నిర్వాహణాదికారిగా ,విశాఖ పోర్ట్ చైర్మన్ గా  ప్రధాన మంత్రి పి.వి గారి దగ్గర ,వివిధ హోదాలలో ప్రసాద్ పని చేశారు .అందరి వాడు అనిపించుకొన్నారు . సమర్ధత కు ప్రతి రూపం .నిస్వార్ధ సేవకు నిలువెత్తు రూపం .తన శ్రీవారి అనుభవాలను ‘’నాహం కర్తా –హరిహ్ కర్తా ‘’అని మొదటి పుస్తకం రాసిన సంగతి అందరికి తెలుసు .రెండేళ్ళ క్రితం ‘’అసలేం జరిగిందంటే –‘’పేరు తో రాసిన పుస్తకం లో ప్రజా సేవలో తన జీవితం ధన్య మైన సంఘటనలు పూస గ్రుచ్చినట్లు ఎక్కడో మొదలు పెట్టి గిరికాలు తిప్పుతూ ,సంఘటన పూర్వా పరాలను స్పృశిస్తూ ,తనకెదురైన సమస్యలను వివరిస్తూ ,వాటిని అధిగమించటానికి నిస్వార్ధం గా ప్రజా సంక్షేమమే ధ్యేయం గా పని చేశారు .నాలుగు వందలకు పైగా పేజీలున్న ఈ పుస్తకాన్ని  అయిదారు  రోజుల్లో ఆమూలాగ్రం చదివాను .అందులోనుంచి సంఘటనలకు మాత్రామే ప్రాధాన్యం ఇచ్చే విషయాలను ,నాకు నచ్చిన విషయాలను మీ అందరికోసం అందిస్తున్నాను .

శ్రీ ప్రసాద్ ఖమ్మం జిల్లా కలెక్టర్  గా జలగం వారు కావాలని వేయిన్చుకొన్నారు . శ్రీ జలగం వెంగళ రావు ముఖ్యమంత్రిగా ఉన్నప్పుడుమూడున్నర ఏళ్ళు పని చేసి ఆ జిల్లా అన్ని రంగాల్లో అభివృద్ధి చెందేట్లు చేశారు .ముఖ్యమంత్రి ఈయనకు కావలసిన అధికారాలు డబ్బు అన్నీ అందించారు .వాటితో జిల్లా రూపురేఖలే మార్చేశారిద్దరూ .ఏ రాజకీయ నాయకుని క్రీనీడ పడకుండా జాగ్రత పడ్డారు .చివరికి వాళ్లకు కోపం వచ్చి ప్రసాద్ గారి దగ్గరకొచ్చి ‘’అయ్యా అన్నీ మీరిద్దరే చేస్తున్నారు  మా రాజకీయ నాయకులం ఎందుకూ పనికి రాకుండా పోతున్నాం .మీరు చేసిన అభివృద్ధి చాలు .ఇక మాకు పెత్తనం రాక పోతే ఓట్లు పడవు కనుక మీరు మీ కు కావాల్సిన చోటుకు బదిలే చేయించుకోండి ‘’అని చెప్పారు .ఇలాంటిస్పందన వస్తుందని ఆయన ఊహించలేక ముఖ్యమంత్రిని తన్ను హైదరాబాద్ ట్రాన్స్ ఫర్ చేయమని కోరారు .ఆయన  అఖండ  మేధావి .’’ప్రసాద్ మా వాళ్ళు ఏమైనా అన్నారా?’’అని కూపీ లాగి విషయం అర్ధమై హైదరబాద్ ఇరిగేషన్ డిపార్ట్ మెంట్ కు బదిలీ చేశారు .

అక్కడ చేరిన మూడు నెలల్లోనే దివి సీమ ఉప్పెన వచ్చింది .వేలాది జనంచనిపోయాయి  ,వేలాది పశువులు చనిపోయాఇ . .నీళ్ళు అన్నీ కలుషితమయ్యాయి .తాగు నీరు లేక,అంటువ్యాధులు పెరిగే ప్రమాదం వచ్చింది . జలగం ఫోన్ చేసి ప్రసాద్ కు పూర్తీ అధికారాలిచ్చి దివి సీమకు పంపి పది రోజుల్లో ఎక్కడ వీలైతే అక్కడ రిగ్గులతో బోరు బావులు తవ్వించి భూ గర్భ జలాలను జనాలకు అంద జేయవలసిందని యెంత డబ్బు ఖర్చైనా పరవా లేదని  ఆర్డర్ జారీ చేశారు . అంతే ఆఘ మేఘాల మీద దివి సీమకు ప్రభుత్వ రిగ్గులు ,ప్రైవేట్ రిగ్గులను తెప్పించి డీజల్  డ్రమ్ములు  గాస్ లైట్లు ఇప్పించి ,స్థానిక ప్రజలను అగ్గి పుల్ల కూడా అడగ కుండా అన్నీ ఏర్పాటు చేసి ,పర్య వేక్షిస్తూ ,అత్యవసర కార్యక్రమంగా  మంచి  నీటి సరఫరాను భావించి అధికారులతో పని చేయించారు .మరమ్మత్తులకు మెకానిక్కులు ,టెంట్ లు వారి భోజన వసతి అన్నీ చూశారు .’’దెబ్బ తిన్న ప్రతి గ్రామానికి తాగునీరు ఇద్దాం .ఆకలి ,నిద్రకోసమే తప్ప మిగిలిన సమయ మంతా ఈ పనికే కేటా ఇంచండి మీ సామర్ధ్యం వలన కొన్ని వేల కుటుంబాలను నిల బెట్ట గలుగుతాం .’’అని కింది అధికారుల్ని ప్రోత్సహించి పంపారు .

ప్రసాద్ గారు అక్కడే ఉండి పర్య వేక్షిస్తూ ,ప్రతి రోజు జీపులో తిను బండారాలు డీజిల్ కాన్లు రిగ్గ్గులు పై చేస్తున్న గ్రామాలకు పంపించారు .ఎన్ని అడుగులు లోతుకు వెళ్ళినా నీరు పడనీ గ్రామాలకు  టాంకర్ల ద్వారా మంచి నీరు సప్ప్లై చేయించారు .రోజూ గ్రామలో నీటి సరఫరా ఆ తటాంకర్ల తోనే చేయించారు .చీకటి రాత్రులలో చుట్టూ శవాలమధ్య  వాటికంపు మధ్య ,చలిగాలిలో ,ఆ సిబ్బంది దాదాపు ఇరవై నాలుగు గంటలూ శ్రమించారు .వారికీ అంటూ రోగాలు సోకాయి ,విరేచనాలు పట్టుకున్నాయి .అయినా మొక్క వోని ధైర్యం తో సిబ్బంది పని చేసి పది రోజుల పనిని ఆరు రోజుల్లోనే సంతృప్తికరం గా పూర్తీ చేశారు .ఆ నాటి కృష్ణా జిల్లా కలెక్టర్ ఏ వి ఎస్ రెడ్డి గారు సిబ్బందిలో ప్రతి ఒక్కరిని  ప్ర శం సించి అభినందించారు .తనకు ముఖ్య మంత్రి ఇచ్చిన పనిని సంతృప్తిగా దిగ్విజయం గా పూర్తీ చేసి ప్రసాద్ గారు ముఖ్యమంత్రిని కలిసి  వివరించారు .జలగం   ఆనందం  పట్టలేక ‘’రాజ కీయ ప్రయోజనాలకోసం నిన్ను ఖమ్మం జిల్లా నుంచి పంపించేశారు .కాని ఇప్పుడు దివి తాలూకాకి  నువ్వే అవసరం అయ్యావు ప్రసాద్ .ఇక్కడ నీ అవసరం ఉందనే నెమో ముందు చూపుగా నిన్ను మా జిల్లా వాళ్ళు వద్దని ఉంటారు ‘’అని మెచ్చుకొన్నారు ..

రేపు తొలి ఏకాదశి –శుభాకాంక్షలు

సశేషం

మీ-గబ్బిట దుర్గా ప్రసాద్ -7-7-14-ఉయ్యూరు

నా ఉద్దేశ్యంలో ప్రేమని గురించిన నవల విప్లవాన్ని గురించిన నవల కంటే తక్కువేం కాదు. రచయితకున్న నిజమైన విప్లవాత్మక బాధ్యత ఏమిటంటే తను రాయాలనుకున్న వస్తువుని మరింత బాగా రాయటం

90ల తర్వాత తెలుగు సాహిత్య ప్రపంచంలో మాజికల్‌ రియలిజానికి మార్క్వెజ్‌ పర్యాయపదం అయ్యాడు. 1982లో నోబెల్‌ ప్రైజ్‌ తెచ్చిపెట్టిన ‘ఒన్‌ హండ్రెడ్‌ ఇయర్స్‌ ఆఫ్‌ సాలిట్యూడ్‌’ నవలలోని యునైటెడ్‌ ఫ్రూట్‌ కంపెనీ గ్లోబలైజేషన్‌కి ఉదాహరణగా మారింది. గ్రామీణ నేపథ్యం గల మన రచయితలు ఎక్కడో ఖండాంతరాల అవతల మకొండోలో తమ ఊరినీ, తమ ఊరిలో ఉర్సులా వంటి తల్లుల్నీ చూడగలిగారు. మొన్న తన మరణం తర్వాత వేలాది సామాన్య పాఠకులు, రచయితలతో పాటు, కొలంబియా అధ్యక్షుడు, అమెరికన్‌ ప్రెసిడెంట్‌ కూడా సంతాపం ప్రకటించారు. ఇంతగా ఖండాంతర నానా జాతుల సాహిత్య హృదయాలనీ ప్రపంచపు నలుమూలలా కొల్లగొట్టిన మార్క్వెజ్‌ దక్షిణ అమెరియా కొలంబియాలోని ఓ మారుమూల అరాచక రచయిత. తన నవయవ్వనంలో ఎలా రాయాలో తెలీక తబ్బిబ్బయిన మన తోటి తెలుగు కుర్ర రచయితలలాంటి వాడే అయినా, రాయటం కోసం బతికేందుకు దుర్భరమైన కష్టాలకు సిద్ధమవటం, తనదైన రచనా శిల్పాన్ని సాధించటం అందుకు దోహదపడ్డాయి. ఓ మామూలు కథ రాయడానికి 500కి పైగా కాగితాలు తగలేస్తాననే మార్క్వెజ్‌ అంటే, మన రచయితలకు షాక్‌ తగలక తప్పదు. 1983లో సహ రచయిత, తన మిత్రుడు కూడా అయిన మెండోజాకి ఇచ్చిన ఈ ఇంటర్వ్యూలో మార్క్వెజ్‌ అనేక విషయాలను ప్రస్తావించాడు. రష్యా, ఫ్రెంచి, చైనాల తర్వాత, ఇప్పుడు లాటిన్‌ అమెరికన్‌ సాహిత్యం మనల్ని వెంటాడబోతోంది గనుక, మార్క్వెజ్‌ మాటలని జాగ్రత్తగా విని వాటిని మనదైన వాస్తవికతలోంచి ఆలోచించటం, చర్చకు పెట్టటం తెలుగు సాహిత్యానికి తప్పనిసరి. అందులో ఇదొక ప్రయత్నం…

 నువ్వు అలా నవు్ముతావా?

– అవును. రచయిత తన జీవిత కాలంలో రాసేది ఒకే ఒక పుస్తకం అని నవు్ముతాను. అదెన్ని పేర్లయినా తగిలించుకోనీ, ఎన్ని సంపుటాల్లో అయినా రానీ. బాల్జాక్‌, కాన్రాడ్‌, మిల్‌విల్లే, కాఫ్కా ఎవర్నయినా తీసుకో. రాసేది ఒకే పుస్తకం. ఒక్కోసారి రాసిన వాటిలో ఒకదానికి బాగా పేరొచ్చిందనుకో, ఇక ఆ రచయిత ‘ఆ ఒకే ఒక పుస్తకం తాలూకూ రచయిత’గా చరిత్రలో మిగిలిపోతాడు. సెర్యాంటిస్‌ డాన్‌క్విక్సోట్‌ రచయిత. ఆయన రాసిన కథలు ఎవరికి గుర్తున్నాయి? గాటివూలా రచయిత మిగ్యుల్‌ ఏంజెల్‌ ఆసి్ట్రయాస్‌కి ‘ది ప్రెసిడెంట్‌’ నవలా రచయితగానే పేరు. కానీ అది అతని ‘లెజెండ్స్‌ ఆఫ్‌ గాటివూలా’ కంటే గొప్పదేం కాదు.

అలా అయితే, రచయిత ఒకే ఒక పుస్తకం కోసం జీవిస్తాడని అనుకుంటే, నీ సంగతేంటి? నీ ఒకే ఒక పుస్తకం ‘వుకోండో’ పుస్తకమేనా?(వూర్క్యెజ్‌ రచనల్లో తరచూ వచ్చే ఊరి పేరు వుకోండో)

– కాదు. నీకూ తెలుసు. Leaf Storm, One Hundered Years of Solitude ఈ రెండు నవలల్లో వూత్రమే వుకోండో వస్తుంది. మిగతా రచనల నేపథ్యం కొలంబియా తీరాన ఉండే ఒక వూరువుూల పట్నం. అక్కడికి రైలూ, రోడ్డూ ఉండవు. లాంచీలో ప్రయాణమే.

ఫ అయితే నీ ఒకే ఒక పుస్తకం…

– నా ఒకే ఒక పుస్తకం ఏకాంతం. ఏకాంత వాసానికి చెందిన వునిషి. Leaf Storm లో వుుఖ్యపాత్ర బతుకూ చావూ అంతా ఏకాంతంలోనే.No one writes to the colonel లో కల్నల్‌ ఎదురుచూస్తూ.. చూస్తూనే ఉంటాడు. ఎప్పటికీ రాని తన పెన్షన్‌ కోసం. In Evil Hour నవలలో మేయర్‌ కూడా ఏకాంత జీవి. అయితే అతనికిది ‘అధికారం వల్ల వచ్చిన ఏకాంతం.’

 ఏకాంతమే నీ అన్ని రచనలకీ వస్తువయితే దాని వుూలాలు ఎక్కడ నుంచీ వచ్చాయి? నీ బాల్యం నుంచా?

– అది నా ఒక్కడికి సంబంధించింది కాదు. అది అందరి సవుస్య. అయితే ఒక్కొక్కరు ఒక్కోలా దాన్ని ప్రకటించవచ్చు. ఏకాంత భావన చాలావుంది రచనలలోకి చొరబడింది. కొంతవుంది రచయితలకి తెలిసీ – ఇంకొందరికి తెలీక. నీ రచనల్లో కూడా. కాదా?

అవును. నేనూ రాశాను. నీ One Hundered Years of Solitude నవలకి బీజ రూపం నువ్వు ఎప్పుడో రాసిన Leaf Storm లో ఉంది. అప్పటి ఆ యువ వూర్క్వెజ్‌ గురించి ఇప్పుడు నువ్వే వునుకుంటున్నావు?

– జాలి పడతాను. ఎందుకంటే అతను నవలని త్వరత్వరగా వుుగించేశాడు. తను మొదటిసారీ చివరిసారీ రాసేది ఆ నవలే అనుకున్నాడు. అప్పటి తన ప్రపంచ జ్ఞానాన్నంతా – వుుఖ్యంగా తను అమెరికన్‌, యూరోపియన్‌ రచయితల నుంచి నేర్చుకున్న అన్ని మెళకువల్నీ, చవుక్కుల్నీ అందులో ప్రదర్శించాడు.

 ఆ నవల రాసినప్పుడు నీకు ఇరవై రెండేళ్లు. బారాంక్విలా లో ఉండి అందరూ వెళ్లిపోయాక పత్రికాఫీసులో తెల్లార్లూ కూర్చుని రాసుకునే వాడివి.

– అవును. నేనక్కడే ఓ హోటల్‌లో ఉండేవాడిని. అదో వేశ్యల అడ్డా. రూం అద్దె ఒకటిన్నర పెసోలు. ఓ కాలవ్‌ు రాస్తే వుూడు పెసోలు వచ్చేవి. సంపాదకీయం రాస్తే ఇంకో వుూడు. రూం అద్దె క్టటలేని రోజు నా Leaf Storm రాత ప్రతిని హోటల్‌ గువుస్తా దగ్గర తనఖా పెట్టేవాడిని. నేను ఆ కాగితాల కోసం తప్పక తిరిగి వస్తానని అతని నవ్ముకం.

 ఆ నవల అచ్చువేయటం కష్టవుయిందా?

– అవును. ప్రచురణకరర్త దొరకటానికే ఐదేళ్లు పట్టింది. ఓ అర్జెంటినా ఎడిటర్‌ అయితే నువ్వు రచనలు వూనేసి చేపలు పట్టుకోటం వుంచిదని పెద్ద ఉత్తరం రాశాడు.No Body Writes to the Colonel ని ఫ్రాన్స్‌లో గాలివూర్డ్‌ వాళ్లకి పంపాను. దాన్ని రెండో రోజే తిరగ్గొట్టారు.

 నీ రచనా పద్ధతిలో వచ్చిన తేడాల గురించి అడగాలి. Leaf Storm నవలకీOne Hundered Years of Solitude నవలకీ మధ్య రాసినWrites to the Colonel, In Evil Hour, Big Mama’s Funerel నవలల్లో నువ్వు హఠాత్తుగా వాస్తవిక పద్ధతిని ఆశ్రయించావు నీ వ్యూజిక్‌ని వదిలేసి. భాష సూటిగా, శిల్పం సాపుగా చాలా పరిమితుల్ని విధించుకున్నట్టు ఉంటుంది. ఎందుకనీ?

– Leaf Storm రాసినప్పటికి వాస్తవికతను కవితాత్మకంగా పాఠకులకి చేర్చేదే వుంచి నవల అనుకునేవాడిని. అది వచ్చిన కాలం- కొలంబియాలో రక్తసిక్త నిర్బంధం, తీవ్రమైన అణచి వేత అవులవుతున్న కాలం. ‘ఆ పాలకుల క్రూరత్వాన్ని నీ నవల బహిర్గతం చేయలేదు. ఖండించలేదు’ అని నా ‘మిలిటెంట్‌ మిత్రులు’ అనటం మొదలుపెట్టారు. దాంతో నేను ఒక అపరాధ భావనకి గురయ్యాను. అలాంటి భావాల్ని ఇవాళ ఒప్పుకోలేను. అవి సాహిత్యాన్ని తేలిక పరిచే పొరపాటు అభిప్రాయాలు. కానీ అప్పుడే వున్పించిందంటే- దేశం ఎదుర్కొంటున్న తక్షణ రాజకీయ సాంఘిక వాస్తవికతను ప్రతిబింబించటం రచయిత బాధ్యత అని. ఆ దశలో రాసినవే అలాంటివి. అయితే అదృష్టవశాత్తూ నేను త్వరలోనే ఆ దశను దాటి సాహిత్యం గురించిన నా పాత భావనలోకి తిరిగి వెళ్లాను. ఆ రచనలు కొలంబియా జీవన వాస్తవికతను యథాతథంగా ప్రతిబింబిస్తాయి. అవి రాయడం పొరపాటు అనీ అనుకోను. అయితే వాటిలో వాస్తవికతకు సంబంధించిన దూరదృష్టి లేకపోవటం కన్పిస్తుంది. అవి సూటిగా బల్ల గుద్ది నట్టు ఉంటాయి. అట్టే పరిపక్వం చెందని దశ అది. ఇంకో టేవుంటే ఆ రచనలన్నీ ‘చివరి పేజీతోనే ఖచ్చితంగా వుుగు స్తాయి.’ ఆ రచనా పద్ధతి ఇప్పుడయితే ఇరుకుగా అన్న్పిస్తుంది. అంతకంటే బాగా రాయగలనని అప్పటికే నాకు తెలుసు.

 నీలో ఆ మార్పుకి కారణం ఏమిటి?

– నా రచనల గురించి విశ్లేషించుకోవటం. చాలా కాలం ఆలోచించాక ఒక నిర్ధారణకి వచ్చాను. నేను చేయాల్సిన పని- ఇంకా పెద్ద పని- మిగిలి ఉందని అర్థమయింది. అదేమంటే నా దేశ రాజకీయ సాంఘిక వాస్తవికతను చెప్పటానికి మాత్ర మే నిబద్ధుడిననటం కాదు. అంతకంటే పెద్దదయిన ఈ ప్రపం చాన్నీ దాని వాస్తవికతనూ చెప్పటం. ఆ చెప్పటంలో కూడా నిస్పక్షపాతంగా ఉండటం, దేనివైపూ మొగ్గు చూపకపోవటం. అలా నా స్వానుభవం ద్వారా లాటిన్‌ అమెరికాలో నిబద్ధ సాహిత్యంగా చెలామణి అవుతున్న దాన్ని నేను అంగీకరించలేకపోయాను. అలాంటి సాహిత్య నిబద్ధతలో చాలా సమస్యలున్నాయి. అయితే వ్యక్తిగతంగా నేను రాజకీయ నిబద్ధుడిని. నా రాజకీయ నిబద్ధత నీకు తెలుసు.

 సోషలిజానికా…?

– అవును. నేను సోషలిస్టు ప్రపంచాన్ని కోరుకుంటున్నాను. ఆ సమసమాజం ఇవాళ కాకపోతే రేపు వస్తుందని నమ్ముతున్నాను. అయితే లాటిన్‌ అమెరికాలో నిబద్ధ సాహిత్యంగా పిలవబడుతున్న దానితో ఇంకా చెప్పాలంటే సామాజిక ప్రతిఘటనా నవలా ప్రక్రియతో నాకు విభేదాలున్నాయి. ఎందుకంటే దాని ప్రాపంచిక దృక్పథానికి పరిమితులున్నాయి. అందువల్ల అది తాను ఆశించిన రాజకీయ చర్యలకు ఉపయోగపడదు. సరికదా! అందుకు వ్యతిరేక ఫలితాన్నే ఇస్తోంది. ఎందుకంటే లాటిన్‌ అమెరికన్‌ ప్రజలు నిర్బంధం మీదా అన్యాయాల మీదా గురిపెట్టే నవలలని మించిన సాహిత్యాన్ని ఆశిస్తున్నారు. సాహిత్యం గురించిన వారి అంచనాలు మరింత పెద్దవి. ఎందుకంటే ఆ సమస్యల గురించి వారికి లోతుగా ముందే తెలుసు కాబట్టి. రచయితలు ఏమి రాయాలో రాయకూడదో నిర్దేశించటం ద్వారా రచయితల సృజనాత్మక శక్తికి బంధనాలు వేయటం అనే తప్పుని నా మిలిటెంట్‌ మిత్రులు తెలిసో తెలియకో చేస్తూ ఒక్కోసారి రియాక్షనరీగా కూడా వ్యవహరిస్తున్నారు. నా ఉద్దేశ్యంలో ప్రేమని గురించిన నవల విప్లవాన్ని గురించిన నవల కంటే తక్కువేం కాదు. రచయితకున్న నిజమైన విప్లవాత్మక బాధ్యత ఏమిటంటే తను రాయాలనుకున్న వస్తువుని ‘మరింత బాగా రాయటం’.

 తక్షణ రాజకీయ అవసరాల కోసం రాయటం ఆపావు. సరే,One Hundered Years of Solitude లాంటి వాటిలో మార్మిక వాస్తవికతా పద్ధతిని ఎలా సాధించావు?

– అలా కథ చెప్పే పద్ధతి మా అమ్మమ్మది. ఓ చిన్న మారుమూల పట్టణంలో ఆమె జీవితం గడిచింది. అక్కడ సమ్మకాలకీ మూఢనమ్మకాలకీ తేడా లేదు. వాళ్ల కథలూ కబుర్లూ ఎంత నమ్మశక్యంగా ఉంటాయంటే అవి వాళ్ల రోజువారీ చర్యల్లో భాగం. నేనా రచనా పద్ధతిని కొత్తగా కనుక్కోలేదు. దెయ్యాలూ, భూతాలూ, కల్పనలూ, చిత్రమయిన జబ్బులూ, మంత్ర వైద్యాలూ, మూఢనమ్మకాలూ మా లాటిన్‌ అమెరికన్‌ సమాజానికే ప్రత్యేకం. వాటినే నేను రచనల్లోకి తీసుకువచ్చాను.

భాష దగ్గరికి వద్దాం.One Hundered Years..నవలలో పదజాలం ఘాటుగా, సారవంతంగా, మెరుపుల్లాంటి విన్యాసాలతో నిండి ఉంటుంది. ఆ భాష నీ ఇతర పుస్తకాల్లో అట్టే కన్పించదు. ఎందుకని?

– ఇలా అంటే స్వాతిశయంగా ఉంటుందేమో కానీ ఆ స్థాయిలో నేనే నవలనయినా రాయగలను. కానీ వాటికి ఆ భాష అవసరం లేదు. అందుకే అవి వేరుగా ఉంటాయి.

 ఇదెలా ఉందంటే రచయిత రోజుకో చొక్కాని మార్చినట్లు, ప్రతి పుస్తకానికీ ఒక్కో రకమైన భాష వాడుకోవచ్చు అన్నట్లుంది. భాష రచయిత అస్తిత్వంలో ఒక భాగం కాదా?

– కాదు. రచయిత కాదు భాషని నిర్దేశించేది. వస్తువు తనకవసరమైన భాషను శిల్పాన్నీ ఎంచుకుంటుంది. అందుకే In EVIL Hourలాంటి నా రచనలు సూటిగా పత్రికా విలేఖరి పద్ధతిలో ఉంటాయి.One Hundered Years నవలకి శైలీ, శిల్పం సంపద్వంతంగా ఉండాల్సిన అవసరం వచ్చింది. ఎందుకంటే అది కల్పనాత్మక ఇంద్రజాలిక వాస్తవికతను చిత్రించాలి కనుక- భాష కూడా అలానే ఉండాలి.

 ప్రపంచ సాహిత్య విమర్శకులంతాOne Hundered Years.. నవలని తిరుగులేని ఉత్తమ రచనగా పరిగణిస్తుంటారు. నువ్వు మాత్రం ఎక్కడా దాని గురించి గొప్పగా చెప్పుకోలేదు. అదంటే నీకంతగా ఇష్టం ఉన్నట్లు లేదు…

– అవును. ఇష్టం లేదు. అది నా జీవితాన్ని నాశనం చేసింది. అది అచ్చయ్యాక అంతకు ముందటి నా జీవితాన్ని కోల్పోయాను.

ఎలా?

– అది తెచ్చిన పేరు ప్రఖ్యాతులు. అవి వచ్చాక వాస్తవికతను గ్రహించే సున్నితత్వం పోతుంది. అధికారం చేజిక్కించుకోవటం వల్ల కూడా అదే జరుగుతుంది. దానికయ్యే ఖర్చు స్వంత జీవితాన్ని పణంగా పెట్టటం. అది అనుభవంలోకి వస్తే కానీ అర్థం కాదు.

 ఆ నవలకి దక్కిన బ్రహ్మాండమయిన విజయం న్యాయం కాదంటావు?

– అవును. న్యాయం కాదు. నా దృష్టిలో అది సాపుగా, సరళంగా, మెరుగులద్ది రాసిన నవల. సంక్లిష్టత లేదు. ఫ ఆ నవలని తిరస్కరిస్తున్నావా? – లేదు. కానీ లోకంలో ఉండే చమక్కులూ, అలంకారాలూ అన్నీ కలగలిపి అది రాస్తున్నప్పుడే నాకు తెలుసు.

ఏమని?

– అంతకంటే బాగా రాయగలనని. దాన్ని మించి రాయగలనని..

బ్రాహ్మణాల కధా కమామీషు -17-

గోపద బ్రాహ్మణం

అధర్వ వేదానికి చెందిన బ్రాహ్మణమే గోపద బ్రాహ్మణం అయినా అధర్వ సంహిత కు సాక్షాత్తుగా సంబంధం లేదు .యజ్న యాగాలతో బాటు ఇతరవిషయాలూ ఉన్నాయి .అధర్వ వేదం లో నిష్ణాతుడైన వాడే యజ్ఞాలలో బ్రహ్మ గా ఉండాలని ఇందులో చెప్ప బడింది .బ్రహ్మ విధులు ,ప్రాముఖ్యాన్ని గూర్చి ఇతర బ్రాహ్మణాలు చెప్పలేదు .కర్మ లోపం వల్లజరిగే పాపాలకు ప్రాయశ్చిత్తం ఉన్నది. రుత్విక్కులలో బ్రహ్మ కున్న ఉన్నత స్థానాన్ని వివ రిం చింది .

‘’ప్రాయశ్చి త్త రాను ధ్యానై రనుజ్ఞానాను మన్త్రనైహ్-హోమైశ్చ యజ్న విభ్రంశం సర్వం బ్రహ్మ ప్రపూరయేత్’’

ఇందులో నూరు ప్రపాఠకాలుఉండేవి అని  తెలుస్తోంది దిరికినవి కేవలం పదకొండే పతంజలి మహర్షి పేర్కొన్న అవయవ లక్షణం దీని లోనిదే .ఓంకార స్వరూపం ,ప్రతి వేదం బ్రహ్మ చర్యం ,గాయత్రీ మంత్రం రహస్యార్ధం తెలుసుకోవటానికి గోపద బ్రాహ్మణం ఏంతో ఉప యోగ పడుతుంది .

ఈ బ్రాహ్మణం  పూర్వభాగం ఉత్తర భాగం అని రెండుగావిభజింప బడింది .పూర్వం లో అయిదు ఉత్తరం లో ఆరు ప్రపాఠకాలున్నాయి .పూర్వ భాగం లో సృష్టి సముద్రాల పుట్టుక ,భ్రుగువు మహర్షి జననం  ,అధర్వ మహర్షి ఉత్పత్తి ,అధర్వ వేదావిర్భావం బ్రహ్మ సృష్టి ,ఓంకారోత్పత్తి ,గాయత్రీ మాహాత్మ్యం ,బ్రహ్మ చారి ధర్మాలు ,యాగాలలో బ్రహ్మ స్థానం ,దేవ యజనం ,బ్రహ్మోదనం ,ఆత్రేయ యజ్ఞం ,ఋత్విక్కుల అర్హత ,స్వాహా శబ్ద ఉత్పత్తి ,యజ్న దీక్ష ,వాటిల్లో వేదం మంత్రం వినిమయం ఉంటాయి .ఉత్తర భాగం లో యజమాని ,అతిధులు ,నక్షత్రోత్పత్తి ,చాతుర్మాస్య యాగాలు  ,,దేవాసుర యుద్ధం ,అగ్నీధ్ర నియమానం ,వషట్కార విశేషాలు ,దక్షిణ ,ఉక్త దేవతలు షోడశి నిర్వచనం ,శర్వం ,వాజపేయ ప్రశంస ,ఆప్తార్యామ ప్రశంస ,సంపాత మంత్రోత్పత్తి ,అహీన యాగ విశిష్టత ,మొదలైనవి చెప్ప బడ్డాయి .ఈ బ్రాహ్మణం గుజరాత్ ప్రాంతం లో ఏర్పడిందని క్రీ పూ అయిదవ శతాబ్ది ది అని తెలుస్తోంది .దీనికెవరూ వ్యాఖ్యానం రాసినట్లు లేదు

యజ్ఞం లో పాల్గొనే రుత్విక్కులలో బ్రహ్మ ప్రధానమైన వాడు .ఆయన అధర్వ వేదాం లో నిష్ణాతుడై ఉండాలి .యజ్న యాగాలలో జరిగేలోపాలకు బ్రహ్మ గారు చేయాల్సిన ప్రాయస్చిత్తాలు  చెప్పారు.ఇందులో యజ్నక్రమ వైశిష్ట్యాన్ని బాగా తెలియ జేశారు .అగ్న్యా దేయం కంటే పూర్ణాహుతి ,దానికన్నా హోమం ,అంతకంటే దర్శ పూర్ణ మాసాలు ,వాటి కంటే ఆ  ఆగ్రయణం  ,దానికంటే చాతుర్మాస్యలు ,వాటికంటే పశు బంధం ,దానికన్నా అగ్ని స్టోమం , అంతకంటే రాజ సూయం ,దానికన్నా వాజ పేయం ,అంతకంటే అశ్వ మేధం ,దానికన్నా పురుష మేధం ,అంతకంటే సర్వ మేధం ,దానికన్నా దక్షిణా వంతాలు ,వాటికంటే దక్షిణలు , అదక్షినలు ,సహస్ర దక్షిణం ఉత్తమ మైనవని తెలియ జేయ బడిందిం . పురుషునికి సంవత్సరానికి పోలికలను మహా ఆశ్చర్యం గా చెప్పారు .దీనితోనే ఈ బ్రాహ్మణానికి ప్రాముఖ్యత పెరిగింది .

ప్రపంచ సృష్టి

ఏ వేదం లోనూ  లేనంత గొప్పగా సృష్టి గురించి గోపధం తెలియ జేసింది .మొదట్లో పరబ్రహ్మ ఒకడే ఉండేవాడు .తనలాంటి మరో దైవాన్ని సృష్టించాలని తపస్సు చేసి తన దేహం లో వేడి పుట్టించి ఫాల భాగం నుండి చెమట కార్చాడు .ఈ స్వేదానికే సువేదం అనీ పేరు .అంటే బాగా జ్ఞానం కలిగింది అని అర్ధం .దీనివల్ల  సమస్తమూ ఆయనకు అవగతమవుతుంది .మరింత తపస్సు చేశాడు .రోమ కూపాలనుంచి స్వేదం ధారలుగా ప్రవహించింది .ఆ దారాలతో ప్రపంచ సృష్టి చేసి ,సృష్టిని ధరించి పాలించాలనుకొన్నాడు .వెంటనే స్వేద ధారలలోకి తొంగి చూశాడు .తన ప్రతి బింబం కనిపించింది .ఆయన రేతస్సు ఆ స్వేదం లో జారి పడింది .స్వేదం లో వేడి పుట్టించి దాన్ని రెండు భాగాలుగా చేశాడు ..అందులో ఒకటి తాగటానికి వీలు లేని ఉప్పు సముద్రం ,మరొకటి తియ్యని నీరు ఏర్పడ్డాయి .ఈ తీయని  నీటిలో వేడి పుట్టించాడు .అంతకు ముందే అందులో పడిన రేతస్సు ఎండిపోయి దాని నుంచి భ్రుగువు అనే రుషి జన్మించాడు .వెంటనే పరబ్రహ్మ అదృశ్యమైనాడు .

భ్రుగువు పరబ్రహ్మను వెతక టానికి అన్ని దిక్కులూ వెతికాడు .తూర్పులో వాయువు ,దక్షిణం లో మాత రిశ్వ ,,పడమర లో పవమానం ,ఉత్తరం లో వాతం అని అశరీర వాణి పలికి కింద నీటిలో చూడమన్నది .చూడగా నోటి నుండి అదర్వుడు అనే రుషి పుట్టాడు .కింద నుంచి పుట్టాడు కనుక అదర్వుడు అనే పేరు .ఆయన దేహం బ్రహ్మ దేహం లాగా తేజో వంతం గా ఉంది .ఆయనే సృష్టికార్యం జరిపే ప్రజా పతి .పర బ్రహ్మ అధర్వుని దేహాన్ని తపింపజేసి  వేడేక్కించటం వలన ఆయన దేహం నుండి  ఏకర్చ ,ద్వార్చ్య ,త్ర్యర్చ,చతుర్చపంచర్చ ,షడర్చ ,సప్తార్చ ,అస్టర్చ ,నవర్చ ,దశర్చ అనే పది మంది ఆదర్వణ ఋషులు జన్మించారు .వీరి నుంచి ఏకాదశర స్చ ,ద్వాదశర్చ ,త్రయోదశర్చ , చతుర్దశర్చ,పంచ దశర్చ ,షోడశార్చ ,సప్త దశర్చ ,త్రయోదశార్చ ,చతుర్ధశార్చ ,పంచాదశార్చ ,షోడశార్చ ,సప్త దశర్చ ,అష్ట దశర్చ ,ఎకోనవవిమ్షర్చ , విమ్శారస్చ  అనే పది మంది అధర్వ ఋషులు తిరిగి పుట్టారు .అధర్వణుడు ,అధర్వ ఋషులు దర్శించిన మంత్రాలకే అధర్వ వ్రేదం అని పేరు .దీని నుండి ఓంకారం పుట్టింది .

పరబ్రహ్మం నుండి భూమి ,అంతరిక్షం ,స్వర్గ అనే మూడు లోకాలు పుట్టాయి .ఆయన పాదం నుండి భూమిని ,ఉదరం నుండి అంతరిక్షాన్ని ,తలనుండి స్వర్గాన్ని సృష్టించాడు .భూమి  నుండి  అగ్ని ,అంతరిక్షం నుండి వాయువు ,స్వర్గం నుండి ఆదిత్యుడు లను సృష్టించాడు .అగ్ని వలన ఋగ్వేదం ,వాయువు నుండి యజుర్వేదం ,ఆదిత్యుని నుండి సామ వేదం ,వెలశాయి .ఋగ్వేదం నుండి    భూహ్ అనే వ్యాహృతి ,యజుస్సు నుండి భువః ,సామం నుండి సవః అనే వ్యాహృతులు పుట్టాయి .

ఉప్పు నీటి నుండి సముద్రం ,అన్ని వైపులకు వ్యాపించి తమకు ఒక దేవు డిని మ్మని ప్రార్ధిస్తే ,వరుణుడు అధి దేవత అయ్యాడు .వరుణుడి నుండి ముచ్యుడు ,పుట్టాడు ఇతనే మృత్యు దేవత .ఇతని దేహం నుండి రసాలు కారాయి.రసాల నుండి పుట్టిన వారే అంగీరస ఋషులు .ఇలా అధర్వాన్గీరసులు భ్రుగ్వాన్గీరస ఋషులు జన్మించారు .అంగీరసులు దర్శించినదే అంగీరస వేదం .దీని నుండి జనత్ అనే వ్యాహృతి పుట్టింది .పరబ్రహ్మ తూర్పు దిక్కు నుంచి సర్ప వేదాన్ని ,దక్షిణ దిక్కు నుండి పిశాచ వేదాన్ని ,పశ్చిమం నుంచి అసుర వేదాన్ని ,ఉత్తరం నుండి ఇతిహాస వేదాన్ని ,ఊర్ధ్వ ,అదో దిక్కుల నుండి పురాణ వేదాన్ని సృష్టించాడు .సర్ప వేదం నుండి ‘’వ్రుధాత్ ‘’,పిశాచ వేదం నుండి కారత్ ,అసుర వేదం నుండి గుహన్ ఇతిహాస వేదం నుండి మహాత్ ,పురాణ వేదం నుండి తత్ అనే వ్యాహృతులను సృష్టించాడు .తర్వాత చంద్రుడు ,గ్రహాలూ ,వృక్షాలు మొదలైనవి సృష్టించాడు .

పిమ్మట పర బ్రహ్మ ఒక యజ్ఞాన్ని చేసి దానిలో అగ్ని ని హోత గా ,వాయువు అధ్వర్యుగా ,సూర్యుని ఉద్గాత గా ,చంద్రున్ని బ్రాహ్మ గా ,పర్జన్యుడిని సదస్యునిగా ,ఓషధులు ,వృక్షాలు  చమస్సులు (గరిట లాంటిది )గాను ,విశ్వేదేవతలను హోత గాను ,అధర్వాన్గీరాసులు గోప్తలుగాను నియమించాడు .గోప్తలు యజ్ఞం లో జరిగే లోపాలను సవరిస్తారు .ఇలా అధర్వ వేదం ,దాని ప్రాముఖ్యత ,అధర్వామ్గీరాసుల ప్రాశస్త్యం విశిష్టం గా గోపద బ్రాహ్మణం లో వివరించ బడింది .

సశేషం

మీ-గబ్బిట దుర్గా ప్రసాద్ -7-7-14 –ఉయ్యూరు

బ్రాహ్మణాల కధా కమామీషు -16

ఉప బ్రాహ్మణాలు -2

తపస్సు అంటే ఇంద్రియాలను అదుపులో పెట్టుకొనే ముఖ్య  సాధనం  అని అందులో మూడు రకాలున్నాయని చెప్పుకొన్నాం .ఇప్పుడు వాటి వివరాలను తెలుసుకొందాం .

క్రుచ్చ్రం

మూడు రోజులు పగటి పూట మాత్రమె సాత్వికాహారం తింటూ ,తరువాత మూడు రోజులు రాత్రిమాత్రమే భోజనం చేస్తూ ,మరో మూడు రోజులు ప్రయత్నం చేయకుండా దొరికిందే తింటూ ,చివరి మూడు రోజులు పూర్తిగా ఉపవాసం చేయాలి .ఇలా పన్నెండు రోజులు దీక్షగా  చేస్తూ , వెంటనే ఫలితం రావాలంటే పగలంతా నిల్చునే ఉండాలి .రాత్రిళ్ళు కూర్చునే ఉండాలి .సత్యం మాత్రమే మాట్లాడాలి .చెడు సాంగత్యం పనికి రాదు .’’రౌరవం ‘’,’’యౌదాజయం ‘’అనే సామలను గానం చేస్తూ ఉండాలి .చివరికి దేవతా తర్పణం మొదలైనవి చేసి ,దేవతలకు నైవేద్యం పెట్టి తినాలి .ఈ పన్నెండు రోజుల తపస్సును ‘’క్రుచ్చ్రం ‘’అంటారు .

అతి క్రుచ్చ్రం

పైన చెప్పిన నియమాలన్నిటిని పాటిస్తూ ,కుడి చేతిలో పట్టినంత అన్నాన్ని మాత్రమె రోజుకు ఒక సారి తినాలి .అదే అతి క్రుచ్చ్రం .

క్రుచ్చ్రాతి క్రుచ్చ్రం

ఈ రెంటికి మించిన ఘోర తపస్సు .పన్నెండు రోజులూ నీటిలోనే ఉండాలి .మిగిలిన నియమాలన్నీ పై మాదిరే .ఈ మూడు తపస్సులు చేస్తే పాపాలు నశిస్తాయి

ప్రాయశ్చిత్తాలు

.శాస్త్రం చెప్పినట్లు చేయక పోవటం ,నిషేధించిన పనులు చేయటం ,సమాజానికి హాని కలిగేవి చేయటం పాపాలు అని పించుకొంటాయి .పాపాలకు చేసే ప్రతీకారమే ప్రాయశ్చిత్తం .అనేక రకాల పాపాలకు వాటికి తగిన ప్రాయశ్చిత్త విధులున్నాయి .ఉదాహరణకు –అశ్లీలం లేక బూతు మాట్లాడితే ‘’దదిక్రా వ్ణో అకార్షం ‘’మొదలైన సామలను గానం చేయాలి .ఎవరినైనా దూషిస్తే ప్రాయశ్చిత్తం గా ‘’ఇదం విశ్నుర్వి చక్రమే ‘’సామను చదవాలి .తలిదండ్రులను గురువును దూషించిన పాపం పోవటానికి ‘’తమాహం సోమ రారణ ‘’సామ చదవాలి .ఇలా ఎన్నో ఉన్నాయి .

కామ్య కర్మలు

ఆయుర్దాయం పెరగటానికి ‘’తు చే తునాయ ‘’మొదలైన సామలతో తెల్ల ఆవాలను మంత్రించి ప్రతి రోజూ తినాలి. చిన్న చిన్న రోగాలకు ‘’శం నొ దేవీ రభీస్టయే ‘’సామతో నేతిని మంత్రించి రోజూ శరీరానికి రాసుకోవాలి .సర్ప భయం లేకుండా చేసుకోవటానికి శంఖ పుష్పి ,సర్ప గంధ లను నూరి గుళిక చేసి దగ్గరుంచుకొని ‘’చర్శానీ ద్రుతం ‘’ సామ తో  మూడు సార్లు అగ్నిలో హోమం చేయాలి .అప్పుడు ఆ  గుళికను మెడలో కట్టుకోవాలి. విషం తిన్నా హాని చేయకుండా ఉండటానికి ‘’త్వమిమీ ఓషధీ ‘’సామను రోజూ గానం చేయాలి .ముసలితనం మృత్యువు రాకుండా దుంపలు పండ్లూ తింటూ ,జింక తోలు ధరించి మౌనం గా నెల రోజులు అడవిలో ఉండి పుష్య పూర్ణిమ నాడు  ‘’ఉద్వయంత మసస్పరి ‘’అనే సామ తో సూర్యుడిని పూజించాలి .ఇలా నాలుగేళ్ళు చేస్తే జరా మ్రుత్యువులు దూరం .

దేవతాధ్యయన బ్రాహ్మణం

అగ్ని ,ఇంద్రుడు ,ప్రజాపతి ,సోముడు ,వరుణుడు ,త్వష్ట ,అంగిరసుడు ,పూషా ,సరస్వతి ,ఇంద్రాగ్నులు కలిసి పది మంది సామ గానానికి అది దేవతలు .కాలేయం రౌరవం మహోత్సవం మొదలైన సామలకు దేవత అగ్ని .వామ దేవ్యం ,సామకు ప్రజాపతి దేవత .ఔశన కావం అనే సామకు సోముడు దేవత .యజ్న యజ్నీయం కు వరుణుడు,వార వంతీయం ,ఆభీవర్తనం సామలకు త్వస్ట దేవతలు .స్వ్హ ప్రుస్టా అనే సామకు అంగిరసుడు ,కౌశీతం ,దైవోదానం మొదలైన వాటికి పూషా దేవతలు .కొన్నిటికి సరస్వతి మరికొన్నిటికి ఇంద్రాగ్నులు దేవతలు .మిగిలిన సామలన్నిటికీ ఇంద్రుడే దేవత .వసువులు ,రుద్రులు ,ఆదిత్యులు విశ్వే దేవులు అనే నలుగురు సామ దేవతలు .ఇంద్రాగ్ని ప్రజాపతులు దేవతలు ఇంకా కుదిస్తే ‘’బ్రహ్మ ‘’ఒక్కడే సామ లన్నిటికీ దేవత

రుక్కు ను తల్లి అని ,గానాన్ని తండ్రి అని ,స్వరాన్ని ప్రజాపతి అంటారు .గాయత్రి అన్నా సావిత్రి అన్నా ఒక్కటే .

సంహితో పనిషత్ బ్రాహ్మణం

సామ గాన రహస్యాలను తెలియ జెప్పేది ఈ బ్రాహ్మణం .అధ్యయనం గురు శిష్య సంబంధం ,ధర్మ శాస్త్ర విషయాలు చెప్ప బడ్డాయి .మందరం మాధ్యమం తార అనే స్థాయీ భేదాన్ని బట్టి గానం మూడు రకాలు .వీటికి దేవ సంహిత ,అసుర సంహిత ,రుషి సంహిత మొదలైన సాంకేతిక పదాలనుప యోగించారు .ఆయా గాన ఫలితాలూ చెప్ప బడ్డాయి .గానం చేసేటప్పుడు మూల మంత్రాలలో వచ్చే మార్పులను అంటే ఉన్న అక్షరాలూ జారిపోవటం కొత్తవి చేరటం ‘’హో ,హోఇ.,తాఇ’’మొదలైన విచిత్ర ధ్వనులు ,ద్రుతం విలంబితం మొదలైన వృత్తులు ,స్వర ప్రస్తార విషయాలు ఉన్నాయి. గాన ప్రభావం వలన మూల సాహిత్యం లో కలిగే అనేక మార్పులను సామ వేదమే నాంది పలికింది

స్వాధ్యయనం ఏరోజు మాన రాదనీ సామ జపం వలన యజ్న యాగాలు చేసిన ఫలితం వస్తుందని ప్రోత్సహించింది .

వంశ బ్రాహ్మణం

సామగాన ఋషుల పరంపర ఇందులో ఉంది .’’బ్రహ్మకు ,ఆచార్యులకు ఋషులకు సకల దేవతలకు నమస్కారం ‘’అనే మాటతో ఇది ప్రారంభ మౌతుంది .మిత్ర వర్చాసుడు ,బ్రహ్మ వృద్ధి ,గిరి శర్మ ,నిగడుడు ,త్రాతుడు ,రుద్ర భూతి మొదలైన అరవై మంది సామ గురువుల గురించి వారి గోత్రాల గురించి పేర్కొన బడింది .అందరికీ మొదటి గురువు ‘’బ్రహ్మ ‘’మాత్రమె అన్నారు .

సశేషం

మీ-గబ్బిట దుర్గా ప్రసాద్ -6-7-14-ఉయ్యూరు

బి యెన్ రెడ్డి లేఖ ,యాభై ఏళ్ళ డాక్టర్ చక్ర వర్తి ,శివా రెడ్డి కవిత

—

—

బ్రాహ్మణాల కధా కమా మీషు-15

ఉప బ్రాహ్మణాలు

సామ వేదానికి ఉన్న తలవ కార ,తాండ్య బ్రాహ్మణాలలో యజ్న యాగాదులను గురించి చెప్పారు .చాన్దోగ్యం వీటి గురించి చెప్పక పోయినా వివాహాది సంస్కారాలగురించి చెప్పింది .మిగిలినవి పేరుకు బ్రాహ్మణాలేకాని అవీ యజ్న యాగాదులను గురించి చెప్పలేదు అందుకని వాటిని ఉప బ్రాహ్మణాలు అన్నారు .అవే సామ విధాన బ్రాహ్మణం ,దేవతాధ్యాయ బ్రాహ్మణం ,సంహితోపషత్  బ్రాహ్మణం ,వంశ బ్రాహ్మణం .మొదటి దానిలో వచ్చే జన్మ లో శాశ్వత సుఖ ప్రాప్తికోసం కృషి చేయాలని ,ఈలోకం లో దుఖాలతో బాధ పడరాదని ధర్మాన్ని అతిక్రమించకుండా ప్రయత్నించాలని ,ఏకోరిక తీరాలో ఆకోరికకు సామలు కూడా చెప్ప బడ్డాయి .

రెండవ దానిలో ఏ సామకు ఎవరు దేవత, అది దేవతలో ,చెప్పారుకనుక ‘’దైవత బ్రాహ్మణం ‘’అయింది .గానం చివర  విని పించే ధ్వనిని బట్టి సామలను కని పెట్టి ,వాటి దేవతలను చెప్పింది .అనేక రాకాల ఛందస్సులు ,రంగులు ,దేవతలు పేర్కొన బడ్డారు .ప్రతీకను ఉపాసించే విధానాలకు బీజం ఇందులో ఏర్పడి నట్లు భావించాలి .మూడవ దాని లో మంత్రం సముదాయాన్ని  సంహిత అంటారని  మనకు తెలుసు .కాని ఇందులో సంహిత అంటే గానం అని అర్ధంఅని గ్రహించాలి సామ వేదం లో రుక్కులే గానం చేయబడి సామలు అని పిలువ  బడ్డాయని మనం చెప్పుకొన్నాం .ఉపనిషత్ అంటే ఇక్కడ ‘’రహస్యం’’ అని అర్ధం .సామ గానం లో ఉండే విశేషాలను రహస్యాలను తెలియ జేసేదికనుక ‘’సంహితోపని షత్ బ్రాహ్మణం అని అన్నారు .నాల్గవ ఉప బ్రాహ్మణమే వంశ బ్రాహ్మణం .వేదాధ్యయనం గురు శిష్య పరంపరగా రావాలని సామల గానం గురువు అనుగ్రహం వలననే పొందాలని ,ఇలా ఈ పరంపరను కాపాడుకొస్తున్న మహర్షుల వివరాలను ఈ బ్రాహ్మణం తెలియ జేసింది .అందుకే వంశ బ్రాహ్మణం అయింది .ఈ నాలుగు ఉప బ్రాహ్మణాలు కురుక్షేత్ర తూర్పు భాగం లో క్రీ పూ అయిదవ శతాబ్ది లో ఏర్పడ్డాయని భావిస్తారు .

మొదటిది అయిన సామ విధాన బ్రాహ్మణానికి సాయనుడు ‘’వేదార్ధ ప్రకాశిక ‘’అనే భాష్యం రాస్తే ‘’పదార్ధ మాత్ర వివ్రుతి’’ అనే భాష్యాన్ని భారత స్వామి చెప్పాడు .ఈయన సామ సంహితకూ భాష్యం రాశాడు .హోసల రాజు రామ నాధుడి పాలనలో శ్రీ రంగం లో సామ సంహితకు భాష్యం రాసి నట్లు తెలుస్తోంది .తరువాతే ఈ బ్రాహ్మణానికి వ్యాఖ్య రాసి ఉంటాడు .రెండవది అయిన దేవతాధ్యాయ బ్రాహ్మణానికి వ్యాఖ్య అవసరమే లేదు .అయినా సాయనుడు భాష్యం రాసినట్లు చెప్తున్నారు .మూడవది అయిన సంహితో పని షత్  బ్రాహ్మణం మొదటిఖండం వరకు సాయణ భాష్యాం తో దొరుకుతోంది .చివరిదైన వంశ  బ్రాహ్మణానికి సాయన భాష్యం దొరుకు తోంది .ఈ నాలుగింటిలోని విశేషాలను ఇప్పుడు తెలుసుకొందాం

ఆడ పిల్లను మనకు నచ్చిన వాడిడికి ఇచ్చి పెళ్లి చేయాలనీ చెప్పింది మొదటి బ్రాహ్మణం .దీనికి ఒక మార్గమూ సూచించింది పిల్ల తండ్రి అమా వాస్య రాత్రి నాలుగు దారుల కూడలి లో అమ్మాయిని కూర్చో బెట్టి ‘’ఏ హ్యూషు బ్రవాణితే ‘’ అనే సామ ను మూడు సార్లు అభిషేకం చేయాలి .ఇలా మూడు అమావాస్యల్లో మూడు సార్లు చేస్తే పిల్లకు ఇష్టమైన వాడితో పెళ్లి అవుతుంది అని కిటుకు చెప్పింది .

రెండవ దానిలో ఛందస్సుకు సంబంధించ ఎన్నో వివరాలున్నాయి .వేదం, సావిత్రీ దేవి, సత్యం నన్ను కాపాడు గాక అని ‘’బ్రహ్మ సత్యం చ పాతు మాం ‘’అనే సామ చాలా ప్రాముఖ్యమైనది .అంటే జ్ఞానం సావిత్రీ దేవి శాశ్వత సత్యం మనల్ని ఎప్పుడూ కాపాడాలని అర్ధం .నాల్గవ బ్రాహ్మణం లో సామ గానం చేసే వాళ్ళకు ,సామగాన విశేషాలు తెలుసుకోవాలను కొనే వారికి చింతామణి లాంటిది .యోగ్యుడైన శిష్యుడు దొరక్క పోతే గురువు విద్యనూ తన దగ్గరే ఉంచుకోవాలని అయోగ్యుని చేతిలో ఉంచరాదని చెప్పింది .నాల్గవ దానిలో సామ గాన మహర్షుల పూర్తీ వివరాల తో బాటు ,వంశ క్రమం ,చెప్పి ఏ సందేహం వచ్చినా తీర్చే విధం గా ఉంది  .

సామం గొప్పతనం

సామ విధాన బ్రాహ్మణం లో సామ యొక్క గొప్ప తనం చెప్ప బడింది .మొదట బ్రహ్మం అనే పదార్ధం మాత్రమె ఉంది .దాని నుంచి హిరణ్య గర్భుడు ఉదయించాడు .ఆయన  మనసు  లో నుంచి ప్రజా పతి ఉద్భ వించాడు .ప్రజాపతి అంటే మనస్సు .అతడు చరాచర సృష్టిని చేశాడు .తన సృష్టికి సామ ను జీవన సారం గా ఇచ్చాడు .సప్త స్వరాలతో కూడిన సామమే  దేవతలకు ,పితరులకు ,మానవ ,పశు పక్ష్యాడులకు జీవనోపాయం కనుక సామను ‘’అన్నం ‘’అని అన్నారు .సామ స్వరూపం వాక్కు .వాక్కు రూపమే రుక్కు .సమానం కనుక సామ అయింది .అంటే అనేక రకాల ఛందస్సులకు ఇది సమానం .సామ తత్వాన్ని తెలుసు కొంటె ఇహ లోకం లో ప్రతిష్ట పెరుగుతుంది .దీని అంతరార్ధం ఏమిటంటే -చక్కని గానమే సామం .దానికి సప్త స్వరాలు మూలం .భావంతో సాహిత్యాన్ని జోడించి గానం చేస్తే అమృతం లాగా ఆప్యాయం అవుతుంది .గానామృతం తో పరవశించని ప్రాణి సృష్టిలో లేదు. లోకానికి గాన ప్రాశస్త్యాన్ని ప్రసాదించింది  భగ వంతుడే కనుక గానం యొక్క గొప్ప తనం ఇందులో తెలుప బడింది .

ఒకప్పుడు దేవతలు ప్రజాపతి చెప్పినట్లు యజ్న యాగాలు చేసి స్వర్గానికి వెళ్ళారు .అయితే దేవతలా కన్నా తక్కువైన అజులు,ప్రుష్ణులు ,మొదలైన ఋషులు ,వైఖానసులు అనే మంత్రం ద్రష్టలు ,మానవులు వెళ్లి తమకు స్వర్గం చేరే మార్గాన్ని చెప్పమని తమ తండ్రి  ప్రజాపతి ని అడిగారు. ‘’స్వాధ్యయనం ‘’అంటే యజ్ఞాలలో విధింప బడ్డ సామలను గానం చేయటం ,తపస్సు వల్లస్వర్గ ప్రాప్తి కలుగుతుందని చెప్పాడు .వీరందరూ సామాధ్యయనం చేసి స్వర్గం పొందారు .

తపస్సు

శరీరాన్ని వేడెక్కించి ఇంద్రియాలను అదుపు లో ఉంచుకోవటానికి చేసే సాధనే తపస్సు .ఇందులో క్రుచ్చ్రం ,అతి క్రుచ్రం ,క్రుచ్చాతి క్రుచ్చ్యం అని మూడు రకాలున్నాయి .వీటిగురించి వివరాలు తరువాత తెలుసుకొందాం

సశేషం –

మీ –గబ్బిట దుర్గా ప్రసాద్ -5-7-14-ఉయ్యూరు

‘’పూర్వాంగ్ల కవుల ముచ్చట్లు ‘’–పుస్తకా విష్కరణ

సాహితీ బంధువులకు శుభ కామనలు- నేను రాసిన ఎనిమిదవ పుస్తకం ,సరస భారతి ప్రచురిస్తున్న పదమూడవ  పుస్తకం  ‘’పూర్వాంగ్ల కవుల ముచ్చట్లు’’పుస్తకం  ,సరస భారతి ,స్థానిక ఏ.జి.అండ్ ఎస్ జి సిద్దార్ధ డిగ్రీ కళాశాల సంయుక్త ఆధ్వర్యం లో డిగ్రీ కళాశాల సెమినార్ హాల్ లో నిర్వహింపబడుతున్న సభలో  ‘’28-8-2014గురు వారం ఉదయం 10గం .లకు ముఖ్య అతిధి ,ఆంద్ర ప్రదేశ్ శాసనసభ  ఉప సభాపతి శ్రీ మండలి బుద్ధ ప్రసాద్ గారి అమృత హస్తాల మీదుగా ఆవిష్కరింప బడుతుందని తెలియ జేయటానికి సంతోషిస్తున్నాను .ఈ సభలో శాసన మండలి మాజీ సభ్యులు శ్రీ యలమంచిలి బాబూ రాజేంద్ర ప్రసాద్ గారు ,కృష్ణా జిల్లా రచయితల సంఘం అధ్యక్షులు శ్రీ గుత్తికొండ సుబ్బారావు గారు ,ముఖ్య కార్య దర్శి డా .జి.వి.పూర్ణ చంద్ గారు ,రమ్య భారతి మాసపత్రిక సంపాదకులు శ్రీ చలపాక ప్రకాష్ గారు ఆత్మీయ అతిధులుగా పాల్గొంటున్నారు .

ఈ పుస్తకానికి స్పాన్సర్ శ్రీ మైనేని గోపాల కృష్ణ గారు (అమెరికా)అని, వారి బావ గారైన డాక్టర్ శ్రీ రాచకొండ నరసింహ శర్మ ఏం డి .గారికి, వారి 90వ జన్మ దినోత్సవం 28-8-14-గురువారం నాడు అంకిత మిస్తున్నామని   ప్రముఖ రచయిత ,ప్రఖ్యాత వరంగల్ డాక్టర్ శ్రీ లంకా శివ  రామ ప్రసాద్ గారు దీనికి సమీక్ష రాస్తున్నారని  మరొక సారి గుర్తు చేస్తున్నాను .

పూర్తీ వివరాలతో  ఆహ్వాన పత్రికను ఆగస్ట్ మొదటి వారం లో అందజేస్తామని తెలియ జేస్తున్నాను .

మీ  –గబ్బిట దుర్గా ప్రసాద్ -5-8-14-ఉయ్యూరు .

ఆంగ్ల కవిత్రయాన్ని అవపోసన పట్టిన కేతలీన్ రైన్

ఆమె బ్రిటన్ దేశపు కవి విమర్శకురాలు ,విద్యావేత్త మీదు మిక్కిలి విలియం బ్లేక్, యేట్స్ ,కాల్ రిడ్జి కవి  త్రయాన్ని   అధ్యయనం చేసి అధారిటీ అనిపించుకొని ,ఆధ్యాత్మక భావనలకు ఆలవాలం గా నిలిచి ముఖ్యం గా ప్లాటోనిజం నియో ప్లాటోనిజం లపై సాధికారమైన అవగాహన కలిగిన మహిళ. ఆమెయే కాతలీన్ రైన్ .

రైన్ 1908 జూన్ పద్నాలుగున బ్రిటన్ లోని ఎసేక్స్ లో ఇల్ ఫోర్డ్ లో జన్మించింది .తల్లి స్కాట్ లాండ్ స్త్రీ .తండ్రి రుర్హాం వాసి .మొదటి ప్రపంచ యుద్ధకాలం లో నార్త్ అంబర్ ల్యాండ్  లో అమ్మ తరఫు బంధువుల   దగ్గర గడిపింది .అక్కడి పరిసరాలు ఆమె లో కవిత్వ ధారకు సహకరించాయి. పులకించిన ప్రకృతిని చూసి కవిత్వం ఉప్పొంగి వచ్చేది .వారి భౌతిక జీవితాలలో కవిత్వానికి స్థానమే లేదని గ్రహించింది .ఈ విషయాలను తన జీవిత చరిత్ర ‘’ఫేర్ వెల్ హాపీ ఫీల్డ్స్ ‘’లో రాసు కొన్నది .ఉదయం సాయంత్రం బైబిల్ ను శ్రద్ధగా చదివి   బట్టీ పట్టి   స్పూర్తి పొందింది .కవిత్వం అంటే జీవిత సారం అని భావించింది .తండ్రి హైస్కూల్ లో ఇంగ్లీష్ మేస్టార్ అవటం తో ధిసీస్ కోసం వర్డ్స్ వర్త్ కవిత్వాన్ని ఎంచుకొన్నాడు  .షేక్స్ పియర్ అన్నా వీరాభి మానం ఉండేది ఆయనకు  .కనుక చిన్న పిల్లగా ఉండగానే తండ్రి తో షేక్స్పియర్ నాటకాలకు వెళ్లి చూసేది . వ్యాకరణం, శబ్ద శాస్త్రం మీద విపరీత మైన అభిమానమేర్పడింది .కవిత్వాన్ని ముఖతా చెప్పటం ఆమెకు ఎంతో ఇష్టం గా ఉండేది .నార్త్ అంబర్ లాండ్ ను ఈడెన్ గా భావించి పులకించేది .తనకు కవిత్వం భగవంతుడిచ్చిన వరం అని అనుకొన్నది .అదేమీతను  కనీ పెట్టిన విద్యకాదన్నది .కవిత్వ వాతావరణం లో పెరగటం వలన కవికావాలనే ద్రుష్టి ఏర్పడిందని చెప్పింది .కవులు ఈ ప్రపంచానికి చెందని వారుగా వేరే స్థాయిలో  ఉండేవారుగా ఆమె తండ్రి భావించేవాడు .అయిదవ  గాస్పెల్  మీద ద్రుష్టి పెట్టమని చెప్పేవాడు. తల్లి ఆమె కవిత్వాన్ని ప్రోత్సహించేది .

ఇల్ ఫోర్డ్ కౌంటి హైస్కూల్ లో  బాటనీ జువాలజీ లైన నేచురల్ సైన్స్ లను చదివింది .1929లో కేం బ్రిడ్జి లో మాస్టర్ దిగ్రీపొందింది .అప్పుడు ఆమెకు జాకబ్  బ్రౌన్స్కి ,విలియం  ఎంప్ సన్ వంటి కవులు రచయితలతో పరిచయ మేర్పడింది .కబ్బాలిష్ రచయిత ఉపాధ్యాయుడు అయిన షిమాన్ హల్వేలి తో జీవితాంతం స్నేహం  నెరపింది.1930 లో హాగ్ డేవిస్ ను పెళ్ళాడి ,వదిలేసి చార్లెస్ మద్గే ను పెళ్లి చేసుకొని ఇద్దరు పిల్లల్ని కనివదిలేసి గావీన్ మాక్స్ వెల్ ను ఆరాధించింది  .అతను ‘’రింగ్ ఆఫ్ బ్రైట్ వాటర్ ‘’నవలా రచయిత . దీన్ని సినిమాగా కూడా తీశారు .,దీనికి ప్రేరణ రైన్ రాసిన కవిత ‘’ది మారేజ్ ఆఫ్ సైక్’’.ఆమె పెంపుడు కుక్క ‘’మిజ్బి ‘’మరణానికి మాక్స్స్ వెల్ బాధ్యుడని ,హోమో సెక్సువల్ అని భావించిశాపనార్ధాలు పెట్టి అతడిని వదిలేసింది . పాపం అతను కొద్ది రోజుల్లోనే కేన్సర్ వచ్చి చనిపోయాడు .ఇలా జరగటానికి  అతని మరణానికి తనే కారకురాలని తెలుసుకొని పశ్చాత్తాప పడింది .భర్త మరణం తర్వాత పిల్లలిద్దరితో పెన్ రిత్ లో కాపురముంది .పిల్లల పెళ్ళిళ్ళు చేసింది .ఒకరికి నియో ప్లాటోనిస్ట్ అయిన టేలర్ వరాసు లతో బాంధవ్యం ఏర్పడింది  . ఇదే  టేలర్ పై  పరిశోధనకు దారి చూపింది .ఒక ప్రమాదం లో రైన్ లండన్ లో 2003 జులై ఆరున 95వ ఏట మరణించింది .

స్టోన్ అండ్ ఫ్లవర్ అనే మొదటి కవితా సంపుటిని 1943లో ప్రచురించింది .తర్వాతా ‘’లివింగ్ ఇన్ టైమ్స్ ,ది పైతోనేసేస్ ,కలేక్తేడ్ పోయెమ్స్ వరుసగా ప్రచురించింది .’’హు ఆర్ వుయ్ ‘’అనే క్లాసిక్ రచన చేసింది .’’బ్లేక్ అండ్ ట్రడి షాన్ ‘’పేరా రెండు భాగాలుగా రాసింది . అమెరికాలోని వాషింగ్ తాన్ లో నేషనల్ గాలేరీ ఆఫ్ ఆర్ట్స్ లో విలియం బ్లేక్ పైన అన్ని విషయాలను సాకల్యం గా చర్చించి అద్భుతమైన ఉపన్యాసాన్ని 1968లో చేసి అందరిని ఆకట్టుకొని బ్లేక్ పై తనకున్న ఆరాధనను ఆయన గొప్పతనాన్ని ఎన్నో ఉదాహరణ లతో అనర్గళం గా మాట్లాడి ఆశ్చర్య పరచింది .సాంప్రదాయ ఫిలాసఫీకి భిన్నం గా బ్లేక్ చేసిన సిద్ధాంతాల పూర్వా పరాలను సమీక్షించింది .

మూడు భాగాలలో వచ్చిన ఆమె స్వీయ జీవిత చరిత్ర ఆమె మన తో మాట్లాడుతూ కబుర్లు చెప్పేంత గొప్పగా ఆకర్షణీయం గా ఉంటుంది .బాల్జాక్ రాసిన ‘’కజిన్ బెట్టె’’ను ‘’లాస్ట్ ఇల్లూజిన్స్ ‘’(lost illusions)ను అద్భుతం గా ఇంగ్లీష్ లోకి అనువదించింది .త్రైమాసిక పత్రిక అయిన ‘’స్టడీస్ ఇన్ కంపారటివ్ రెలిజియన్ ‘’కు వ్యాసాలను రాస్తూనే ఉంది .ఈ పత్రిక రెలిజియస్ సింబాలిజం ట్రాఫిడిషల్ పెర్స్పెక్టివ్ నెస్ అంటే మతాత్మిక ప్రతీకాత్మతకు సాంప్రదాయ దర్శన శాస్త్రానికి ప్రాముఖ్యత నిస్తుంది .’’టేమనాస్ ‘’అనే పత్రికన  మరి ముగ్గురితోకలిసి స్థాపించింది .ఇదే తర్వాత అకాడెమీ గా మారి వివిధ విశ్వ విద్యాలయలాలో జరిగే ఫిలాస ఫి విషయాలను పర్య వేక్షించింది .కవిత్వం లో ప్లాటో నిజాన్న్న్ నియో ప్లాటో నిజాన్ని గూర్చి సమగ్ర చర్చ చేసింది .పద్దేనిమోదో శతాబ్దికి చెందిన ఇంగ్లీష్ ప్లాటోనిస్ట్ అయిన థామస్ టేలర్ పై గొప్ప అధ్యయనం చేసి రాసి  పుస్తక రూపం లోకితెచ్చింది .

గిర్ట న్  కాలేజి లో 1955నుంచి ఆరేళ్ళు రిసెర్చ్ ఫెలో గా ఉంది .మిత్ అండ్ లిటరేచర్ ను హార్వర్డ్ యూని వర్సిటి లో లేక్చరర్ లకు  ప్రొఫెసర్ లకు వేసవి తరగతుల్లో బోధించింది .సిగో లో ఉన్న యేట్స్ స్కూల్ లో బ్లేక్ మీద యేట్స్ మీద ఎన్నో ప్రసంగాలు చేసింది .కేం బ్రిడ్జిలో ప్రొఫెసర్ గా  అనేక విశిస్ట రచనలు చేసిన  కాతేలీన్ రైన్ కాల్ రిడ్జి ,బ్లేక్  యేట్స్ ల  పై పూర్తీ అధారిటీ ఉన్న ఆమె .  ఇంగ్లాండ్ అమెరికా ,ఫ్రాన్స్ దేశాలు రైన్ కు ఎన్నో విశిష్ట గౌరవాలిచ్చి సత్కరించాయి .అమెరికన్ పోయెట్రి అసోసియేషన్ ‘’విన్సెంట్ మిల్లె ప్రైజ్ ‘’నిచ్చి సత్కరించింది .హారియట్ మన్రో అవార్డ్ ,ఆర్ట్స్ కౌన్సిల్ అవార్డ్ ,ఆస్కార్ బ్లూ మెంతల్ అవార్డ్ ,కాల్మొండలీ ఆవార్డ్ ,స్మిత్ లిటరరీ అవార్డ్ ,క్వీన్స్ గోల్డ్ మెడల్ ,ఆర్డర్ ఆఫ్ బ్రిటిష్ ఎంపైర్ ,లి ఆర్డర్ దేశ ఆర్ట్స్ అవార్డుల వంటి ఎన్నో ప్రముఖ పురస్కారాలను అందుకొన్నది .

పది హీను కవితా సంపుటాలను కేతలీన్ వెలువరించింది .పద్నాలుగు వచన గ్రంధాలను రాసి ముద్రించింది .’’ఫేర్ వెల్ హాపీ ‘’,ది లాండ్ అన్ నోన్ ,’’,’’దిలయన్స్ మౌత్ ‘’,ఆటో బయాగ్రఫీస్ ‘’పేరిట స్వీయ జీవిత చిత్రణ చేసుకొన్నది .

మీ-గబ్బిట దుర్గా ప్రసాద్ -4-7-14-ఉయ్యూరు

బ్రాహ్మణాల కదా కమామీషు -14

ఛాందోగ్య  బ్రాహ్మణం

ఛాందోగ్య బ్రాహ్మణం సామ వేదానికి గలకౌదుమ శాఖకు చెందింది .మంత్రం బ్రాహ్మణం అనీ పిలుస్తారు .చతుర్వేదాల్లోను ,బ్రాహ్మణాలలోను ఉన్న మంత్రాలు కొన్ని ఇందులో ఉన్నాయి .ఇందులో యజ్న యాగాది ప్రస్తావనే లేకపోవటం విశేషం .మానవ జీవితం లో ఆచరించాల్సిన సంస్కారాలకు సంబంధిన మంత్రాలు ఉన్నాయి  .గృహ్య సూత్రాలకు ఇది మార్గ దర్శి .ఇందులోని చివరి ఎనిమిది ప్రపాఠకాలను ‘’ఛాందోగ్య ఉపనిషత్ ‘’అంటారు .

ఈ బ్రాహ్మణం లో రెండు ప్రపాఠకాలు ,ఒక్కొక్క టి ఎనిమిది ఖండాలుగా ఉన్నాయి మొదటి దానిలో 136,రెండవ దానిలో 121మంత్రాలున్నాయి .ఎనిమిదవ శాతబ్దికి చెందినది .దీనికి గుణ విష్ణువు ‘’ఛాందోగ్య మంత్రం భాష్యం ‘’,సాయనాచార్యుడు ‘’వేదార్ధ ప్రకాశిక ‘’పేర్ల తో వ్యాఖ్యానాలున్నాయి .ఈ బ్రాహ్మణం వివాహం ,గర్భాదానం ,సీమంతం మొదలైన గృహ కర్మలకు ప్రాధాన్యమిచ్చింది .కనుక మిగిలిన వాటికంటే ప్రత్యేకతను పొందింది .వివాహ సమయం లో వరుడు వధువుతో  ‘’నీ హృదయం అంటే ణనీ అభీష్టం నాది కావాలి .నా హృదయం నీదికావాలి .మనిద్దరి ఆలోచనలు అభిలాషలు ఒకటికావాలి ‘’అని అంటాడు ఇది ఏంతో ఉదాత్త విషయం .వివాహ ప్రయోజనం ,గృహస్తాశ్రమ వాసం బాగా వివరింప బడింది .కుటుంబం లో స్త్రీ మకుటం లేని మహా రాణి కుటుంబ గౌరవ ప్రతిష్టలు ఆమె మూలం గా నే వృద్ధి చెందుతాయి అని చెప్పబడి ఉండటం తో అ నాడు స్త్రీకి ఉన్న అధిక ప్రాధాన్యం తెలుస్తోంది .వరుడు ‘’అత్త వారింట్లో అత్త మామ ఆడ బిడ్డలు  బావలు బావ మరదులు మొదలైన వారందరిని ప్రేమాను బంధాలతో బాగా చూస్తూ ఇంటికి దీపం లాగ యజమానురాలు లాగా ఉండు ‘’అని వధువుతో అంటాడు మహిళామతల్లి బాధ్యతలను బాగా గుర్తు చేసిన బ్రాహ్మణం .సమాజం లో స్త్రీకి అత్యంత ఉన్నత స్తానాన్నిచ్చిన బ్రాహ్మణం ఇది .

దంపతులు కలిసి మెలిసి జీవిస్తే స్వర్గం అని చెప్పింది .ఇంట్లో పశువులు ,బిడ్డలు ,అపారమైన దనం ఉంటె కాపురం పాడి పంటలతో కళకళ లాడుతుందని ,సతీపతుల హృదయాలు ఏకమై అన్యోన్యం గా ఉంటె సంసార రధం చక్కగా సాగుతుందని చెప్ప బడింది .వివాహం తర్వాత వరుడి ఇంట్లో గృహ ప్రవేశం జరిగినప్పుడు ఒకే శయ్యపై నూతన దంపతులను కూర్చోబెట్టినప్పుడు వరుడు వధువుతో ‘’ఈ ఇంట్లో ధైర్య సాహసాలతో ఉండు .ఇక్కడే నాతో సుఖించు .నీకు ,నీ బంధువర్గానికి నాపై ప్రసన్న భావం ఏర్పడేలా ప్రవర్తించు .నాతో అనురాగం తో మెలగు ‘’అంటాడు .మగ పిల్లలే ఎక్కువగా పుట్ట్టాలని కోరుకొంటాడు .

గ్రామాంతరం వెళ్లి వచ్చిన తండ్రి కొడుకు శిరస్సును తాకుతూ ‘’అంగా దంగా త్సం స్రవసి’’ అనే మంత్రం చదివి దీర్ఘాయుస్సు  తో జీవించమని  ఆశీర్వ దిస్తాడు .పుత్రుడు ద్రుఢం గా ,తీక్షణం గా సువర్ణంలా తేజస్విశ గా నూరేండ్లు వర్ధిల్లాలని తండ్రి ఆకాంక్ష .పిల్లాడి మూడో ఏడులో ‘’చూడాకరణం ‘’చేయాలి .దీన్ని చేసే మంగలిని ‘’సావిత్రు దేవత ‘’గా భావించాలి ‘’ఆయమగాత్ సవితా క్షురేణ’’అనే మంత్రం వల్లఇది తెలుస్తోంది అంటే పనిలో దేవుణ్ణి చూసే విధానం ఇందులో కానీ పిస్తుంది ..క్షురకర్మ దీర్ఘాయుష్యానికి దోహాదమని చెప్పింది .ఉపనయనానికి ముందు వటువు అగ్ని వాయు సూర్య ,చంద్ర ఇంద్రులనుద్దేశించి హోమం చేయాలి .ఆ దేవతలను పేరు పేరునా పిలిచి ‘’’’దేవతలారా !ఉపనయనం అనే కర్మను అనుస్టింస్తిచ బోతున్నాను .ఈ సంగతి మీకు మనవి చేస్తున్నాను .మీ అనుజ్న తో దీన్ని సుఖం గా చేయగలను .ఇలా చేసి విద్యాభ్యాసం మొదలైన వాటిల్లో సమృద్ధిని సాధిస్తాను .అసత్యాన్ని వదిలి సత్యాన్ని ఆశ్రయిస్తాను ‘’అని అంటాడు

చదువుల్లో నైపుణ్యం ,సత్య వ్రత పాలన ఉపనయనానికి ముఖ్య ప్రయోజనాలని తెలియ జెప్పింది .బ్రహ్మ చారి అగ్ని కార్యం ,గురు శుశ్రూషస మొదలైనవి చేయాలని,పగలు నిద్ర పోరాదని ఈ బ్రాహ్మణం నిర్దేశిస్తోంది .మేఖలా బంధం (నడుం చుట్టూ త్రాడు )చేస్తారు దీని వలన పవిత్రత ,బల వృద్ధి తపో వృద్ధి శత్రు రక్షణ లభిస్తాయి .దీని తర్వాతా శిష్యుడు ఆచార్యుని దగ్గర కూర్చుని తనకోసం అధ్యయనం ప్రారంభించమని వేడుకొంటాడు .ఇలా అధ్యయనం కోసం గురువు చెంతాకు చేరటమే ఉపనయనానికి అర్ధం .గురువు శిష్యునితో మొదటగా గాయత్రీ మంత్రాన్ని చది  వించటం తో వేదాధ్యయనం ప్రారంభ మౌతుంది .గానం చేసే వాడిని రక్షిస్తుంది కనుక ‘’గాయత్రి ‘’అయింది .

పశు క్షేమం ,స్వేచ్చామరణం ,దారిద్ర్య నిర్మూలనం ,కీర్తి అభి వృద్ధి ,శుభ ప్రాప్తి ,ఈశ్వర ప్రసాదం ,పుణ్య లాభం వృత్తిలో నిరాటంకం ,విష నివారణం ,క్రిమి నాశనం మొదలైన ఎన్నో ప్రయోజనాల గురించి వివరించింది .వంకరగా నడిచేవి ,రెండు తలలున్నవి ,తెల్లవి మొదలైన క్రిముల వర్ణన ఉంది .ఆచార్యుడు ,ఋత్విక్కు ,స్నాతకుడు ,రాజు ,వివాహం చేయ దగిన వాడు ,అతిధి లను సత్కరించాలి .ఈ బ్రాహ్మణం ఆ నాటి సాంఘిక వ్యవస్థకు ప్రతీక మాత్రమె కాదు నేటి సామాజికానికి మార్గ దర్శనం కూడా .స్శ్రౌత ,గృహ్య ,ధర్మ సూత్రాలను సంస్కృత వాజ్మయం లో ‘’కల్ప సూత్రాలు ‘’అని మహర్షులేపేరు పెట్టారు .బ్రాహ్మణాలలో ఉన్న మంత్రాలను గ్రహించి వివాహాది కార్య క్రమాలకు గృహ్య సూత్రాలను ఏర్పాటు చేశారు

స్త్రీ పురుషుల  సంగమమే  వివాహం .సంతానానికి కామ మూలకం .కామం సురా మూలకం ..కనుక పెళ్లి చేసుకొనేకన్యను సుర తో అభిషేకించాలి అని చెప్పారు .ఇదిప్పుడు పాటించటం లేదు .కన్య యొక్క ఉపస్థ ఇంద్రియాన్ని ‘’ఆనందేన్ద్రియం ‘’అని బ్రహ్మ దేవుని రెండవ ముఖమని వర్ణించారు .బ్రహ్మ ఒక ముఖం తో వేదాలు చదువుతూ రెండో ముఖం తో సంతానోత్పత్తి చేస్తాడట .ఈ ఇంద్రియం ద్వారానే స్త్రీలు పురుషుల్ని వశ  పరచుకొంటారు .అందుకే అధికారిణులవుతున్నారని చెప్ప బడింది .పురుషుడు స్త్రీ యోని లో రేతస్సు అనే ఆజ్యాన్ని ఉంచటం వల్లనే సంతానం కలుగుతుంది అని యజ్న భాషలో చెప్పారు .కన్యలు ధరించేనూతన  వస్త్రాలను  స్త్రీలే  నేయాలి .కొత్త బట్టలు కట్టిన వధువును భర్త నూరేళ్ళు కాంతిమంతం గా ,ధనవంతురాలుగా జీవించమని ఆశీర్వ దిస్తాడు .పెళ్ళిలో గుండ్రాయిని తోక్కించటం లో విశేషం ఉంది .ఆ రాయిలాగా వధువు స్తిరం గా ఉండిశత్రు బాధ లేకుండా చేసుకోమని సూచన .వధువు తన జ్ఞాతి వర్గాన్ని వృద్ధి పొందించాలని  భర్త దీర్ఘాయుస్సు తో ఉండాలని పేలాల తో అంటే లాజ లతో హోమం చేస్తుంది .సప్త పది లో అన్యోన్యాను రాగం పెరుగుతుంది బలిని అణచిన  విష్ణువును ప్రార్ధించి అగ్ని హోత్రం చుట్టూ ఏడడుగులు నడిపిస్తారు .అన్న  సమృద్ధికోసం మొదటి అడుగు ,బలం కోసం రెండవది ,యజ్ఞం కోసం మూడోది ,సౌఖ్యం కోసం నాల్గవది,పశు సంపదకోసం అయిదవది ,పుష్టికోసం ఆరవది ,సప్త హోమ సాధ్య సోమ యాగం కోసం ఏడవ అడుగు వేయిస్తారు .

‘’ఏక మిషె విశ్నుస్త్యా నయతుహ్  –ద్వే ఊర్జేస్త్వా నయతు –త్రీణివ్రతాయ విష్ణుస్త్వా నయతు చత్వారి మాయో భవాయ విష్ణుస్త్వా నయతు –పంచ పశుభ్యో విష్ణుస్త్వ్యా నయతు –షడ్ రాయ  స్పోషాయ విష్ణుస్వ్యా నయతు –సప్త సప్తభ్యో హోత్రాభ్యో విష్ణు స్త్వ్యా నయతు ‘’

పెళ్లి లో పాణిగ్రహణం ముఖ్యమైంది .దీనితో వధువుకు అత్తమామలు ఆడ బడుచులు ,మరుదుల మీద అధికారం వస్తుంది .సర్వాధికారి అయి తనకూ బంధువులకూ భర్తకూ సంతృప్తిని ఆనందాన్ని కలిగించాలని భావన .కనుక గృహస్తాశ్రమ ధర్మాలేన్నిటినో ఈ బ్రాహ్మణం తెలియ జేసి మార్గ దర్శనం చేసింది .ఇది సామ వేదానికే చెందినా చాలా సూక్తాలు యజుర్వేదం నుండి గ్రహింప బడ్డాయి .నిత్య కర్మ చేసేవారికి ఇది కరదీపిక .

సశేషం

మీ-గబ్బిట దుర్గా ప్రసాద్ -4-7-14—ఉయ్యూరు .

బ్రాహ్మణాల కదా కమా మీషు -13

తాండ్య బ్రాహ్మణం

సామ వేదం లోని ‘’కౌదుమ శాఖ ‘’కు చెందినదే తాండ్య బ్రాహ్మణం .దీనిలో ఇరవై అయిదు అధ్యాలున్డటం చేత  పంచ వింశ బ్రాహ్మణమనీ పేరుంది .తండి మహర్షి దీనికి ప్రవర్తకుడు కనుక ఆపేరోచ్చింది . చివరి రెండు ఖండికలను ‘’అద్భుత బ్రాహ్మణం ‘’అంటారు .తాండ్యానికి అద్వితీయ స్థానం ఉంది .180యాగాల నిర్వహణ వివారా లిందులో ఉన్నాయి .కురుక్షేత్రానికి దూరం గా ఇది వర్ధిల్లిందని భావన .క్రీ పూ.ఎనిమిదవ శతాబ్దికి చెందినదిగా  భావిస్తున్నారు .యజ్న యాగాది విషయాలు వివరిస్తూనే మధ్యలో అనేక లౌకిక విషయాలను ఈ బ్బ్రాహ్మణం చెప్పింది .విద్యా సంపన్నుడైన అతిధి ఇంటికి వచ్చి భోజనం చేస్తున్నప్పుడు ఎవరూ కూడా మనసు నొప్పించే మాట మాట్లాడకూడదు .అతిధి మనసుకు నొప్పికలిగితే ఆతిధ్యం వ్యర్ధమౌతుందని తెలిపింది .కర్మకాండకు, దార్మికతకు బాగా తోడ్పడింది .

సత్ర యాగాలు రెండు రకాలు .పన్నెండు నుంచి వంద రోజులు చేసేయాగానికి రాత్రి సత్రమని ,వంద రోజులు దాటిన దాన్ని అయన సత్రమనీ అంటారు .గీత బద్ధం గా ఋక్కులను గానం చేస్తే స్తోత్రమని ,గీత రహిత రుక్కుల్ని ‘’శస్త్రమని ‘’అంటారు .సామ వేదాధ్యాయి అయిన ఉద్గాత స్తోత్రం చేస్తాడు .రుగ్వేదాధ్యేత అయిన హోత మంత్రోచ్చారణ చేస్తాడు ,సామ వేదం నేర్చిన ఉద్గాత ఋక్కులను గానం చేస్తే స్తోత్రం అవుతుంది .సామగానానికి ఉద్గాత ,స్తోత ,ప్రతి హర్త ,సుబ్రహ్మణ్యుడు అనే నలుగురు రుత్విక్కులుంటారు .మూడు డరుక్కులకు ఒక సామ గానం చేయాలి .ఇవి ఇరవై ,లేక ఇరవై ఎనిమిది ఆవ్రుత్తులుగా ఉంటాయి .ఈ సంఖ్యలకే స్తోమం అని పేరు .గానం చేయాల్సిన మంత్రాలను క్రమ పద్ధతిలో ఏర్పాటు చేయటాన్ని ‘’విష్టుతి ‘’అంటారు .ఇష్టి ,పశు యాగాలలో సోమ యాగం ఒక భాగం గా ఉంటుంది సోమయాగం రుక్ ,యజు సామ వేదాల ననుసరించే చేయాలి .వసంత రుతువులోనే సామయాగాన్ని నిర్వ హించాలి .పది పదిహేనవ అధ్యాయాల మధ్య పన్నెండు రోజులు చేసే ‘’వ్యూఢ ద్వాదశాహం ‘’అనే యాగం చెప్పా బడింది .కొన్ని యాగాలలో యజమాని మూడు రోజులు అడవిలో నివశించాలి .సర్వ సత్ర యాగం ఏడాది పాటు చేయాలి .

తాండ్య బ్రాహ్మణ శైలి ప్రాచీనమైనది .కల్ప సూత్ర శైలిలో ఇది ఉంటుంది .సామ వేదం బ్రాహ్మణాలు రెండు ఒకటి తాండ్య శాఖ రెండోది తలవర శాఖ .సరస్వతీ, ద్రుషద్వతి నదుల మధ్య ఈ యాగాలు చేశారు వ్రాత్య  సోమాలు అనే యాగాల ద్వారా బ్రాహ్మణులు కాని ఆర్యులు ప్రాయశ్చిత్తం చేసుకొని బ్రాహ్మణ సంఘం లో ప్రవేశించటాన్ని ఈ బ్రాహ్మణం తెల్పింది .నైమిశారణ్యం లో ఋషులు అనేక యాగాలు చేశారు .ఇక్కడ ‘’సుదామ ‘’అనే నది ఉన్నట్లు చెప్ప బడింది .జనకుడి ప్రస్తావన ఇందులో కని  పించదు  .దీని చివరలో ‘’అతి రాత్రం ప్రజా పథెహ్ సహస్ర సంవత్సరః ‘’అంటే వెయ్యేళ్ళు అతి రాత్రం అనే సత్ర యాగాన్ని చేస్తే ప్రజాపతికి మళ్ళీ ప్రజా సృష్టి చేసే శక్తి ఏర్పడుతుంది అని అర్ధం .

సౌమిత్ర సామ గొప్ప తనాన్ని చెప్పే కద ఒకటి ఉంది .దీర్ఘ జిహ్వ అనే రాక్షసి చరువు ,పురోడాశాడులను తన నాలుక తో నాకేస్తూ యజ్ఞాన్ని పాడు చేసింది .ఇంద్రుడు దాన్ని ఏ విధం గానూ చంప లేక పోయాడు .సుమిత్రుడు అనే కుత్స మహర్షి సహకారాన్ని కోరాడు .సంస్కార వంతమైన యాగా శాలలో ఆమెను మాయ చేసి వశం చేసుకొని ఇంద్రుడితో సామసాయం తో ఆ రాక్షసిని చంపించాడు .అందుకే దీనికి ‘’సౌమిత్ర సామ ‘’అనే పేరొచ్చింది .

కాలేయం అని ఇంకొక సామ ఉంది .లోకాధి పత్యం సురాసురులు పోటీ పడ్డారు  దేవతలు తండ్రి ప్రజాపతి తో మొర పెట్టుకొన్నారు .వారికి సామాను ఉపదేశించి అసుర బాధ నుండి విముక్తులవమని ఉపదేశించాడు ‘’ఏతే వైతాన్ కాలయిష్యద్వం ‘’అనటం వలన కాలేయం అనే పేరొచ్చింది .కలి అనే రుషి దర్శించాడుకనుక కాలేయం అనీ అంటారు .శ్వానాశ్వుడు సత్ర యాగం చేస్తుంటే కొందరు యాజ్ఞికులు క్రోధం తో అతడిని నీళ్ళు లేని మరు భూమికి తీసికెళ్ళి వదిలేశారు .అప్పుడు ఆయన వర్షం కోసం ఈ సామాను కను గోన్నాడు .దీన్ని గానం చేయగానే అక్కడ వర్షం పడి పంటలు బాగా పండాయి .మరుభూమిని సస్య శ్యామలం చేసి మళ్ళీ యజ్న భూమికి చేరాడు .దోవ తప్పిన వాడు ఈ సామాన్ని గానం చేస్తే మళ్ళీ గుర్తించగలడు అని సారాంశం .

కవి అంటే శుక్రాచార్యుడు .ఆయన దర్శించిన సామ ను ‘’కావం ‘’అంటారు .ఉశనా అన్నా శుక్రుడే కనుక ఇంకో సామకు ‘’ఔశనం ‘’అని పేరొచ్చింది .బ్రహ్మ అన్ని యజ్ఞాలను ఈ సామ చేత సృష్టించాడట .పూర్వం దేవతలు వేదరాశిని తమలో తాము పంచుకోగా బ్రహ్మ కొచ్చిన భాగమే పెద్దదిగా ఉందట .దీన్ని యజ్ఞా యజ్నీయం అంటారు .ఎద్దు మూత్రం పోసినప్పుడు ఎలా వంకర  టింకర గా పోస్తుందో సామాన్నికూడా అలా మెలికలు గా గానం చేయాలి .దేవతలు అగ్నిని ముందు పెట్టుకొని అశ్వం తో శత్రువులను ముట్టడించేట ప్పుడు చేసిన సామగానాన్ని  ‘’సాకమశ్వం ‘’అన్నారు .సాకం అంటే ‘’కూడా ‘’అని అర్ధం .

చర్మ రోగాలను కూడా సామ గానం వల్లపోగొట్టుకోవచ్చునని ఈ బ్రాహ్మణం తెలియ జేసింది .ఆంగిరస్సు కుమార్తె ‘’ఆకూ పార’’కు చర్మమంతా ఉడుము చర్మం లాగా  గట్టి ఆ మారింది .ఆమె ఇంద్రుని ప్రార్ధించి తే దోషాన్ని పోగొట్టాడు .ఎలాంటి కోరికతో నైనా ఈ సామాన్ని గానం చేస్తే వారికి ఆకోరికలు సిద్ధిస్తాయి అని ‘’ఆకూ పార ‘’అనే సామ బోధిస్తోంది .బ్రాహ్మణులేకాకుండా క్షత్రియులు కూడా కొన్ని సామలను దర్శించారు ..ఆర్శభ సామ ‘అనేది క్షత్రియ సామ .విశ్వామిత్రకుమారుడు ఋషభుడు పుట్టే వరకు మహర్షి క్షత్రియుడుగానే ఉన్నాడు .అందుకే అది క్షాత్ర సామ అయింది ‘’బ్రాహ్మాణా చ్చంసి సామ’’అని అందుకే అన్నారు .

బ్రాహ్మనాలలో విధించ బడిన శస్త్రాలు అంటే స్తోత్రాలు బ్రాహ్మణాలుగానే పిలువ బడుతున్నాయి .వీటిని పఠించే ఋత్విక్కు ‘’బ్రాహ్మనాచ్చంసి ‘’.స్తుతులు రెండు రకాలు ఒకటి స్తోత్రాలు రెండు శస్త్రాలు .గానం తో చేయబడిన మంత్రం స్తోత్రం .గానం లేని మంత్రం శస్త్రం..పురుషులే కాదు స్త్రీలు కూడా మంత్రం ద్రస్టలుగా ఉన్నట్లు ఈ బ్రాహ్మణం తెలిపింది .’’త్వాస్టీసామ ‘’అనేది త్వష్ట కుమార్తెలైన త్వాస్త్రులు ఇంద్రుడికి కంటి రోగం వలన నిద్ర పట్టక పోతే ఈ సామ గానం చేసి చంటి బిడ్డను జోల పాడినట్లు పాడి నిద్ర పుచ్చారట .’’ఔర్నాయణం ‘’అనే సామ లో పూర్వం అంగి రసులు సత్ర యాగం చేస్తే స్వర్గాన్ని పొందినా దేవా యాన మార్గం గోచరించ లేదు .వాళ్ళలో కళ్యాణుడు అనే అంగిరసుడు అంత రిక్షం లోకి వెళ్లి ‘’ఊర్నాయువు ‘’అనే గంధర్వుడిని ప్రార్ధిస్తే ఆయన మార్గాని తెలియ జేసి ‘’ఊర్నాయువు నాకు దాన్ని చెప్పాడు .నేనే తెలుసుకొన్నాను అని అబద్ధం చెప్పద్దు .’’అని చెప్పాడు కాని ఇతడు అబద్ధంఆడి  మాట తప్పిజ్ఞానం నశించి  కుష్టు రోగి అయ్యాడు .ఊర్నాయు సామకు అంతటి శక్తి ఉందని తెలుస్తోంది .ఇక్కడ దర్శనం అంటే కనుక్కోవటమే కాని రాయటం కాదని గ్రహించాలి .

ఋత్విక్కులు మర్చి పొతే ప్రక్క వాడు జ్ఞాపకం చేయ రాదు .ప్రజా పతిని అతిధిగా పిల్చి చరువు,పురోడాశం తో సంతృప్తి పరచేటప్పుడు కూడా మధ్యలో మర్చిపోయిన కర్మ ను గుర్తు చేయ రాదు .

సశేషం

మీ –గబ్బిట దుర్గా ప్రసాద్ -3-7-14-ఉయ్యూరు

వాల్మీకం లో  వర్షర్తు శరదృతు వర్ణన

రామ లక్ష్మణులు కిష్కింద దగ్గర ప్రస్రవణ పర్వతం పై ఉన్నప్పుడే వర్షరుతువు శరదృతువు వచ్చి వెళ్ళిపోయాయి.మహర్షి వాల్మీకి  ఆ రెండిటిని అద్భుథ కవితా శైలిలో వర్ణించాడు .ఆ వైభోగాన్ని దర్శిద్దాం .

వర్షర్తు వర్ణనం

కిష్కింధలో సుగ్రీవుడు అంగదుడు పట్టాభి షేక ఆనందం లో హర్షాన్ని అనుభవిస్తున్నారు .ఇక్కడ ప్రస్రవణ పర్వతం మీద రామ సోదరులిద్దరు వర్షాకాలపు ప్రకృతి సౌందర్యాన్ని అనుభవిస్తున్నారు .శరత్ కాలం ఎప్పుడు వచ్చి సీతాన్వేషణ మొదలౌతుందా అని ఎదురు చూస్తూ చింతా క్రాంతు లైనారు.సింహాలు పులులూ , కొండా, కోనా .చెట్లూ చేమ ,పూలు పండ్లు చూడటానికి మనోహరం గా ఉన్నా ,మనస్సు దేనిమీదో ఉండటం వలన సోదరుల మనస్సును రంజింప లేక పోతున్నాయి .పర్వత శిఖరం ఎక్కి ప్రకృతి పులకిన్తను చూడాలనుకొను  చూశారు మనోహరం గా ఉంది అసలే ప్రకృతి ప్రేమికులు వారి మనసులు పులకింతలై పరవశించిపోయారు .

పర్వత శిలలు అనేక వన్నె చిన్నెలతో భాసిస్తున్నాయి .అందులో అనేక ధాతువులున్నాయి .చాలా రకాల పూలు ,జలజల పారే సెల ఏళ్ళు ,సరోవరాలు నాలుగు దిక్కులా కని పిస్తున్నాయి  .ఈశాన్యానికి దిగువ ,నైరుతికి ఎగువన గా ఉన్నందున రామ లక్ష్మణులుండే గుహ వాస యోగ్యం గా ఉంది .ఒక వైపు మేఘ మాలగా ,మరో వైపు కైలాస శిఖరం లాగా కానీ పించే పర్వత శిఖరం రక రకాల వృక్ష సంతతి తో పట్టు చీరకట్టి ,బంగారు ఆభరణాలతో అలంకరించుకొన్న  అంగన లా ఉంది .ఎటు చూసినా పక్షుల కలకలారావాలు ,హంస సారసల మంద గమనం ,పుష్ప హాసం ,నిర్మల నదీ జలం చందన చెట్ల నుండి వచ్చే సుగంధం ,మనోహరం గా ఉన్నాయి .దగ్గరలోనే ఉన్న కిష్కింద నుండి నృత్య గీత సంరంభం విని పిస్తూనే ఉంది .అక్కడ సుగ్రీవుడు చాలాకాలం తర్వాత స్త్రీ సాంగత్య భోగాలనుభవిస్తుంటే ఇక్కడ రాము డు సీతా వియోగం తో విచారిస్తూంటాడు .రామానుజుడు అన్నకు ధైర్యం చెప్పుతున్నాడు .సకల లోకాలను జయించే కోదండ పాణికి రావణుడు ఒక లెక్క కాదని ధైర్యం చెప్పాడు .శరత్తు రాగానే విజయయాత్ర చేసి రావణ సంహారం చేద్దామంటాడు .

సోదరుల ఆవేదనకు ఉపశమనం గా చల్లని వాతా వరణం సహకరిస్తోంది .కొండల్లాంటి మేఘాలు ఆకాశమంతా నిండి చల్లని గాలితో బాటు రసధారలతో భూదేవి దాహాన్ని తీరుస్తున్నాయి .నవమాసాలు సూర్య కిరణాలతో పీల్చుకొన్న జలం తో గర్భ ధారణ చేసిన ఆకాశం శ్రావణ మాసం రాగానే కమ్మని రాసానయాన్ని కంటోంది .రంగు రంగుల మేఘాలు చూడ ముచ్చటగా ఉన్నాయి .ఎండకు ఎండి ఒత్తుగా కురిసిన వానకు నిట్టూర్పు విడిచే భూమ తల్లి లాగా సీతా మాత కూడా దిగులుతో నిశ్వ సిస్తూ ఉంటుందని రామయ్య భావించాడు . కాదంబినీ కడుపు లో నుంచి వెలువడే కమ్మ తెమ్మేరాలను రెండు చేతులతో తాగేయాలని పిస్తోంది .శత్రు సంహారం జరిగి నిర్భయం గా నిబ్బరం గా పట్టాభి షేకం చేసుకొంటున్న సుగ్రీవుడి లాగా పర్వత రాజం అప్పుడప్పుడు కురిసే వర్ష దారాలతో అభిషేకం చేసుకొంటోంది .మేఘాలను జింక చర్మం లా ధరించి జలదారాలను జందెం లా వేసుకొని గుహ లో నుంచి వెలువడే గాలిని వేద నాదం చేసుకొని గిరి కుమారులు వేదాధ్యయనం చేస్తున్నట్లుంది .కొరడా దెబ్బల లాంటి మెరుపు తీగల తాకిడికి తాళ లేక ఆకాశం  అక్రంది స్తూంది  . మేఘాలను తప్పించు కొని పోవాలని తల్లడిల్లే తటిల్లతలను చూస్తె రావణుడి ఒడిలో గిల గిల కొట్టు కున్న సీత రాముడి ఊహా  ప్రపంచం లో  ఒక్క సారి మెరుస్తుంది .దిక్కులను, కాలాలను మరిపింప జేసే ముసురు ప్రేయసీ ప్రియులకు ఆహ్లాదం గా ఉంది .వర్షం వస్తుందనే హర్షాతి రేకం తో కొండలు పుష్పించాయి .ధూళి అణగి పోయింది .గాలి చల్ల బడి పోయింది .వేసవి వైషమ్యం ఉప శమించింది .రాజులు విజయ యాత్రలు ఆపేసి విశ్రమించారు .హంసలు మానస సరోవరాలను చేరుకొన్నాయి .చక్ర వాకాలు అన్యోన్యం గా మెలగుతున్నాయి.దారులన్నీ ఏకమైనాయి .ఒక చోట వెలుతురు ఇంకో చోటా చీకటి ఉండటం వల్లఆకాశం వెలుగు నీడలతో రమణీయం గా ఉంది .సెలయేళ్ళు అతి వేగం గా ప్రవహిస్తున్నాయి .తుమ్మెదలు నేరేడు పండ్ల రుచి మరిగి ఆప్యాయం గా ఆరగిస్తూ ఉన్నాయి .పండిన మామిడి పళ్ళు రాలి కిందపడ్డాయి .పచ్చిక బయళ్ళు నెమళ్ళతో నిండి పోయాయి .మేఘాలు వర్ష దారాల తో నిర్విరామం గా నడవ లేక కొండ మీద విశ్రాంతి తీసుకొంటూ వెడుతున్నాయి ఇంద్ర గోపపు పురుగులతోబయళ్ళు పట్టు చీరల్లా కని  పిస్తున్నాయి .కేశవ స్వామి నెమ్మదిగా నిద్ర పట్టిస్తుంటే నదులు సముద్రం లో కలిసి పోతున్నాయి .బలాక పక్షులు మేఘాల దగ్గరకు చేర్తున్నాయి .కాంతలు కౌగిట్లో నలిగి పోతుంటారు .నదులు ప్రవహిస్తూంటే మేఘాలు వర్షిస్తున్నాయి .ఏనుగు ఘీన్కారాలతో అడవులు మార్మ్రోగి పోతున్నాయి .అరణ్యాలు రమ్యం గా భాసిస్తున్నాయి .విరహ వేదన చెందే వారు ప్రియులను స్మరించుకొంటూ దిగులు పడుతూ ఉంటారు .నెమళ్ళు నృత్యం చేస్తున్నాయి .ఏనుగులు జల పాతాలాల ధ్వనికి ఉలిక్కి పడి వెనక్కి చూస్తూ నృత్యం చేస్తున్నాయి .తుమ్మెదలు పై నుంచి పడే వాన జల్లుకు చిరాకు పడుతూ ,పూదేనే తాగుతూ తాగుతూ ఆగిపోతాయి .మేఘ గర్జన విన్న మత్తేభాలు తమ తో పోటీకి మరో మత్తేభం గర్జిస్తోంది అని   భ్రమ పడుతున్నాయి .సృష్టిలోని సకల ప్రాణులు సుఖాన్ని అనుభ విస్తూ హాయిగా వర్షాకాలం గడుపుతున్నాయి సీత జాడ తెలియక రామ లక్ష్మణులు మాత్రం బాధ పడుతున్నారు .

శరదృతు  వర్ణనం

వర్షాకాలం పోయి’’  శారదరాత్రు లుజ్వల లసత్తర తారకహార పంక్తులన్ ‘’అని ఎర్రన గారు వర్ణించినట్లు శారదరాత్రులు వెలిగి పోతున్నాయి .ఆకాశం నిర్మలం గా కనిపిస్తోంది సుగ్రీవుడికిచ్చిన గడువు దాటి పోయింది .అన్వేషణ ప్రారంభం కాలేదని పించింది రాముడికి .తన ఆర్తిని తమ్ముడికి రాముడు చెప్పుకొంటాడు .అన్నకు ధైర్యం చెప్పి ,ఆత్మా సంయమనం తో యోగ సమాధి సాధించి దుఖాన్ని జయించమని రామానుజుడు అన్నకు చెప్పాడు .రావణుడు సీతను స్వాధీనం చేసుకోవటం అగ్నిని కౌగిలించుకోవటమే నన్నాడు .శర న్మేఘ సందర్శనం చేయాలని అన్న దమ్ములిద్దరూ ఉవ్విళ్ళూరుతుంటారు .వెన్నెల రాత్రుల వైభవాన్ని దర్శించి పులకించి పోతారు .చక్రవాకాలు హంసలు తుమ్మెదలు మదపు టేనుగులు వృషభ రాజులు ప్రకృతి లావణ్యాన్ని చూసి పరవశించి పోతూంటాయి .ఏనుగులు ప్రణయ లీలలోసర్వం మరచి క్రీడిస్తు రమణీయ వనాంతరాలలో విహరిస్తున్నాయి .హంసలు హర్షాతి రేకం లో జలక్రీడలు చేస్తూ పులకిస్తున్నాయి .నెమళ్లు కొంగలతో పోటీ పడి ఆడుతూ పాడుతూ కాలక్షేపం చేస్తున్నాయి .ఇప్పటిదాకా పుట్టల్లో దాక్కున్న పాములు శరత్తు రాగానే బయటికి వస్తున్నాయి .సంధ్యా దేవి కూడా అనురాగం అతిశయించి చంద్రుని కిరణ  స్పర్శకు పులకరించి తారకలాంటి కళ్ళను తెరచి తనంతట తానే అంబరాన్ని వదిలి వెడుతోంది .తెల్లని వెన్నెల చీర కట్ట్టుకున్న రజనీ కుమారి సౌకుమార్యం ,సౌందర్యం ఎంత చెప్పినా చాలదు .

వెన్నెల రాత్రిలో గగన వీధి లో కలిసి పోయిన జాబిల్లి లాగా నీటి మడుగులో కలువల మధ్య హంస హాయిగా నిద్ర పోతోంది .తెల్ల వారు జామున పల్లెల్లో విని పించే రధి మంధన ఘోష ,ఆబోతు ఆనంద నినాదాలు ఒకదానితో ఒకటి పోటీ పడుతున్నాయి .తుమ్మెదలు కమ్మ తెమ్మరెల వెంట జంటలు జంటలుగా తిరుగుతూ ,మధ్య మధ్య మకరందాన్ని ఆస్వాదిస్తూ తుంటరి చేష్టలు చేస్తున్నాయి .చేపలకు నడుము కట్టు గా ఉన్న నదీ సుందరులు ప్రణయ క్రీడలతో అలసి పోయి మందం గా ముందుకు కదిలి వేడుతున్నాయి  .ఎక్కడ చూసినా పైరు పంటలు కంటికి ఇంపుగా మనసుకు ఆహ్లాదం చేస్తున్నాయి .వసుమతిని రసప్లావితం చేసిన వారి దారలు అంటే మేఘాలు వచ్చిన దారినే తిరిగి వెళ్ళిపోతున్నాయి .వాన నీరు తగ్గి పోతుంటే నదీ తీరం లో నెమ్మదిగా భూమి కని  పిస్తోంది .మొదటి సమాగమం సమయం లో తొడల మీద పట్టుకొని సిగ్గును నటించే సౌభాగ్య వతుల్లా నదీ ప్రవాహం ప్రసన్నం గా కని  పిస్తోంది . వర్షాలు తగ్గ గానే రాజులు శత్రువులపై దాడికి సిద్ధమౌతున్నారు .కాని సుగ్రీవుడు కాంతా సక్తం లో మునిగి తమను పట్టించుకోవటం లేదని రాముడు భావించి సుగ్రీవుడి దయా దాక్షిణ్యాల కోసం ఎదురు చూడాల్సి వచ్చిందని బాధ పడుతాడు .వానర రాజుకు బుద్ధి చెప్పి రమ్మని తమ్ముడు లక్ష్మణుడిని కిష్కింధకు పంపిస్తాడు .

వాల్మీకి మహర్షి చేసిన ఈ రెండు ఋతువుల వర్ణనలు కాళిదాసుకు ,ఆ తర్వాత నన్నయ ,తిక్కన ఎర్రనలకూ ఆదర్శమైంది .

మీ-గబ్బిట దుర్గా ప్రసాద్ -2-7-14-ఉయ్యూరు

బ్రాహ్మణాల కదా కమా మీషు-12

తలవకార బ్రాహ్మణ ఉపాఖ్యాన కధలు

వ్యాసమహర్షి శిష్యుడైన జైమిని శిష్యుడే తలవ కారుడు .జైమిని చేత రచించ బడి తలవకారుని చేత ప్రచారం పొందింది తలవకార బ్రాహ్మణం .రచయితకంటే ప్రచారకునికే అధిక ప్రాధాన్యం కలగటం విశేషం .కొందరు జైమినీయ  బ్రాహ్మణం అనీ పిలవటం కద్దు .సామ వేదానికికున్న అనేక శాఖలలో ఇదొకటి .ఇందులో అయిదు కాండలుంటాయి అవే ఆగ్నేయ ,ఐంద్ర  పవమాన అరుణ ,శుక్రియలు .నాల్గవ దాన్ని ఉపనిషద్ బ్రాహ్మణం  అనీ పిలుస్తారు .చివరి దానికి ఆర్షేయ బ్రాహ్మణం అనే పేరు కూడా ఉంది .సింధు నదీ తీర ప్రాంతం లో ఇది పుట్టిందని భావిస్తారు .సాయనుడు దీనికి భాష్యం రాయ లేదు .భావత్రాతుడు రాసినట్లు తెలుస్తోంది .  సామగాచార్యులలో జైమిని ప్రసిద్ధుడు .కర్నాటక దేశం వాడని ‘’కర్నాటకే జైమినిహ్ ప్రసిద్ధః ‘’అని ‘’చరణ వ్యూహం’’ బట్టి తెలుస్తోంది .యజ్న యాగాదుల విషయాలే ఎక్కువ .జ్యోతి స్తోమం చేస్తే స్వర్గం వస్తుందని చెప్పింది  స్వర్గం  అంటే  సుఖం అనే అర్ధం కూడా ఉంది .

ఇందులో ఋత్విక్కుల విధుల గురించి పూర్తీ సమాచారం ఉంది .యాగం మొదట్లో అధ్వర్యుడు ‘’దీక్షణీయ ‘’అనే ఇష్టి జరిపి యజమానికి అతని భార్యకు దీక్ష నిస్తాడు .దీక్షా కాలం లో యాజమాన దంపతులు వంటికి వెన్న రాసుకొని ,కంటికి కాటుక పెట్టుకొని ఉండాలి .గోళ్ళతో గోక్కో రాదు .జింక కొమ్ముతో గోక్కోవాలి .పాలు ,అత్తిపండ్లు ,పెరుగు ,పేలాలు మాత్రమె ఆహారం గా గ్రహించాలి .కడుపు నిండక పోతే వట్టి అన్నం తినచ్చు .అపశబ్దాలు ,అసత్యాలు పలకరాడు .పళ్ళు కనబడేట్లు నవ్వ రాదు .స్త్రీముఖం చూడరాదు .యజ్న శాల విడిచి వెళ్ళరాదు  .ఋత్విక్కులకు దక్షిణ ఇచ్చేవరకూ తన చేతి తో ఎవరికీ ఏమీ ఇవ్వరాదు .యాగా ద్రవ్య సేకరణకు నాలుగు దిక్కులకు యాచకులను పంపాలి .యాచకులు అంటే అడుక్కొనే వాళ్ళు కాదు హోమ ద్రవ్యాలను  సేకరించేవారు .యెంత ధన వంతుడైనా ఇది తప్పని సరి విధి .దీనితో మొదటి రోజు కార్య క్రమం పూర్తవుతుంది .

రెండవ రోజు ‘’ప్రాయణీయ ‘’ఇష్టి జరిపి వస్త్రాన్నిచ్చి సోమలతను కొనుక్కోవాలి .ఇప్పుడు సోమలత దొరకటం లేదుకనుక ‘’పూతిక ‘’ను ప్రత్యామ్నాయం గా వాడుతున్నారు .ఈ సోమాని కి ‘’రాజు ‘’అని వేదం పేరు పెట్టింది .

రాజు మన ఇంటికి వస్తే ఎలా ఆతిధ్యమిస్తామో సోమానికీ అలానే ఇవ్వాలి .దీన్ని ‘’అతిధ్యేష్టి’’అంటారు .దీని తర్వాత యజమాని ,ఋత్విక్కులు పరస్పరం స్నేహం తో ఉంటామని ప్రతిజ్ఞ చేయాలి .తర్వాత ‘’ప్రవర్గ్య కర్మ ‘’ప్రారంభిస్తారు .మనశరీరం లో శిరస్సుకు యెంత ప్రాధాన్యం ఉందో దీనికీ అంటే ప్రాముఖ్యం ఉంది .దీనికో కద కూడా ఉంది .పూర్వం విష్ణు మూర్తి ధనుర్యుద్ధం లో దేవతలను ఓడించి ,ధనుస్సును గడ్డం కింద పెట్టుకొని విలాసం గా నిల బడి ఉంటె ,ప్రతీకారేచ్చ తో ఇంద్రుడు చెద పురుగులను పంపి అల్లే త్రాటిని కోరికిస్తాడు .బంధం ఊడిపోయి ధనుస్సుకర్ర అతి వేగం తో పైకెగిరి విష్ణువు శిరస్సును శరీరం నుండి వేరు చేస్తుంది .ప్రతిక్రియ జరిగింది కనుక యజ్ఞం విచ్చిన్నమైంది .అశ్వినీ దేవతలు వచ్చి శిరస్సును అతికించిన తర్వాత దేవతలు యజ్ఞాన్ని పూర్తీ చేశారు .దీన్ని అనుకరిస్తూ ‘’మహా వీర’’అనే శిరస్సు లాంటి  కుండ ఒకదాన్ని మంత్రం పూతం గా తయారు చేసి  అందులో  ఆవుపాలను మేక పాలను నేతినీ పోస్తారు .వీటితో హోమం చేస్తారు ఇదే ప్రవర్గ్యం .ఉపసత్ అనే ఇష్టిని చేసి రెండో రోజు పని పూర్తీ చేస్తారు .మూడవ రోజు ‘’సుత్య’’అనే అయిదవ రోజుకుసోమయాగానికి  కావాల్సిన వేదికను తయారు చేస్తారు .నాల్గవ నాడు ‘’అగ్నిస్తోమీయం ‘’అనే పశు యాగం చేస్తారు అ రోజే సోమలతను రాతి మీద ఉంచి ,రాతి తో దంచి రసం తీసి దాన్ని కొయ్య తో తయారైన ‘’గ్రహం ‘’అనే చిన్న పాత్రలో పోసి ఇంద్రాది దేవతల నుద్దేశించి హోమం చేస్తారు .హోమం చేయగా మిగిలిన రసాన్ని యజమానులు తాగుతారు .సోమ లత అనే ఓషధిని రాతి తో కొట్టి రసం తీయటం పీడనమే కనుక పరిహారం కోసం ‘’వసతీరా ‘’అనే పుణ్య జలాన్ని స్పర్శించి దోషాన్ని పోగొట్టుకొంటారు .

ఇందులో ఒక ఉపాఖ్యానం సరదాగా ఉంటుంది .జంటగా ఉండే కొండ గుహల్లాంటి చీకట్లో నివశించే బలుడు అనే రాక్షసుడు దేవతలను విపరీతం గా పీడించేవాడు .వాళ్ళు బృహ స్పతి  తో మొరపెట్టుకొంటే ఆయన ‘’బల  భిత్ ‘’అనే యాగాన్ని చేసి వాడిని  చీక ట్లోంచి వెలుగు లోకి రప్పించి ఆయుధాలతో చీల్చి చంపాడు .అంటే ఈ యాగం శత్రునాశన కారి అని తెలుస్తోంది .అన్న  సమృద్ధి ద్ధికోసం విరాట అనే యాగాన్ని ,స్వారాట్ వల్ల  స్వారాజ్యాన్ని అంటే తనకు తాను ప్రకాశించేలోకంపొందాలి  ,వృషభ యాగం చేసి దేవ శ్రేస్టూడైనాడు ఇంద్రుడు  వృషభం శ్రేస్టత్వానికి సూచిక .పదమూడు నుండి వెయ్యేళ్ళ వరకు చేసే యాగాన్ని సత్రం అంటారు .’’గవా మయనం’’అనేది అయన క్రతువులకు వికృతి .ఏడాదిపాటు చేస్తారు .ఇది చేస్తే స్వర్గం శత్రు విజయం ,వాక్పటుత్వం మొదలైనవి .పరమాత్మ సమర్పణ బుద్ధితో చేస్తే మోక్షం లభిస్తుందని ఈ బ్రాహ్మణం తెలియ జేస్తోంది .

ఇతర సామ వేద బ్రాహ్మణాల కంటే  తలవికారం అతి పెద్దది .కాని ఇది సస్వరం గా లభించలేదు .దీని వ్యాఖ్యానం ,ప్రయోగ పధ్ధతి ,శ్రౌత సూత్రం కాని దొరక్క పోవటం దురదృష్టం .ఉపాఖ్యానాలలో ప్రసిద్ధ రాజుల ,ఆచార్యుల పేర్లు కని పిస్తాయి .జనకుని సమకాలిక రాజు లెందరినో ఇది ప్రస్తావించింది .వీరిలో చితుడు ,దాల్భ్య వంశ మూల పురుషుడు దర్భ్యుడు ,కేశి దార్భ్యుడు ,సుత్వా యాజన సేనుడు ,లుషాకపి ,ఖార్గాలి ,సుదక్షిణ క్లైమి,బ్రహ్మ దత్త ప్రసేన జిత్తులున్నారు .చెట్లు ,చేమలు లేక పొతే ప్రాణి మనుగడ అసాధ్యం అని ఈ బ్రాహ్మణం చెప్పింది .ఓషధులు వనస్పతులు లేక పోతే భూమి ప్రాణ నివాసా యోగ్యం కాదని గరుడుడు స్వర్గం నుంచి సోమలతను తెచ్చి భూమిపై పిండాడు .ఆ రస బిందువులు పడిన చోట్లలో తాబేలు వీపులాగా కఠినం గా ఉన్న బోడి గా ఉన్న భూమి మీద ఓషధ వనస్పతులు పుట్టాయట .వీటివల్లనే భూమి నివాస యోగ్యమైంది .

వాయువు అంతరిక్షం లో ప్రకాశిస్తుందని ,శక్తి వంతమైన అణువులతో నిండిన అయస్కాంత క్షేత్రం చేత ఆకర్షింప బడి అడ్డం గా వీస్తుందని ,ఉత్తరాభిముఖం గానే ఈ వాయువు వీస్తుందని ,తెల్లగా ప్రకాశించే రూపం తో ఉంటుందని ,ఈ వాయువే అంత రిక్షాదిపతి అని ఈ  బ్రాహ్మణం  చెప్పింది . అంతరిక్షం లో శక్తి పూరిత అణువులుంటాయి  ప్రాణం నుంచి జలం నుంచి ,అగ్ని నుంచి ఇవి పుట్టి ప్రకాశిస్తాయని చెప్పింది ఇవే .ఈ బ్రాహ్మణం లో  ‘’పశు ‘’శబ్దం చేత పేర్కొన బడ్డాయి .వర్షం కోసం దుందుభి అనే వాయిద్యాలను  మోగించాలని చెప్పింది. యాజ్ఞిక ,చారిత్రిక ,భాషా ప్రయోగ దృష్టిలో తలవికార బ్రాహ్మణం ఎన్నో విశిష్టతలను ప్రదర్శించింది

‘’ఏష వై శశః య ఏషో న్తశ్చంద్రమసి ‘’అని చెప్పింది అంటే చంద్రునిలో కన బడే మచ్చ కుందేలే అని కవితా పరం గా చెప్పింది .వీణకు ఒకప్పుడు నూరు తీగాలుండేవని  ‘’వాణంశత తంత్రి మాహరాంతి ‘’అనే వాక్యం వలన తెలుస్తోంది ..గర్భస్థ శిశువుకు అడ లేక మగ లక్షణాలు అయిదవ మాసంలో ఏర్పడతాయని ‘’తస్మాత్ పంచమే మాసి గర్భా విక్రియన్తే ‘’అన్నదాని ద్వారా తెలుస్తోంది .

దేవతలకు రాక్షసులకు తాగాదాలు మామూలే కాని ఇందులో దేవతలకు ఋషులకు తగాదాలున్నట్లు చెప్ప బడింది .మనువుపుత్రుడు శార్యావతుడు అనే రుషి యజ్ఞం చేశాడు .భ్రుగు వంశానికి చెందిన చ్యవన మహర్షి సోమ పాత్రను అశ్వినీ దేవతల కోసం హోమం చేయటానికి చేతిలోకి తీసుకొన్నాడు .ఇంద్రుడు మహర్షికి తెలియకుండా ఆ పాత్రను దొంగిలించుకు పారిపోయాడు .ఈ పని చేసింది ఇంద్రుడే అని తెలిసి చ్యవనుడు ఇంద్రుడిని కొట్టాడు .దేవతలకు కోపమొచ్చింది . రుషులకూశువాళ్ళ పై  కోపం ఏర్పడింది .దేవతల యజ్ఞాలను ఋషులు ఋషుల యజ్ఞాలను దేవతలు పాడు చేయటానికి సిద్ధ పడ్డారు .ఋషులు దేవతలను ఎదుర్కొని ఓడించటానికి ‘’మదం ‘’అనే పేరుగల రాక్షసుడిని పుట్టించారని ఈ  బ్రాహ్మణం కొత్త విషయం తెలియ జేసింది .

సశేషం

మీ –గబ్బిట దుర్గా ప్రసాద్ -2-7-14-ఉయ్యూరు

భరత నాట్య గురువు,జంతు ప్రేమి -రుక్మిణీ దేవి అరండేల్

డిం .టిం.ప్ర.జ.-4

డిం –గురూ !ఎండలు పెరుగుతున్నాయేకాని తగ్గటం లేదు ?

టిం –రెండో ఎండాకాలం అంటున్నారందుకనే .బాబు పేరు ఇంగ్లీష్ లో ‘’Chandra babu ‘’అని రాస్తారుకడా .అది ‘’ చండ్ర బాబు ‘’గా కూడా చదువుతాం .కనుక చండ్ర నిప్పులు కక్కుతున్నాడు సూర్యుడు .అందుకే వరుణుడు దగ్గరికొచ్చి కూడా భయం తో పారిపోతున్నాడు .ఇలా ఉంటె ఖరీఫ్ పంటకూడా అనుమానమే .

డిం –నిజమే గురూజీ !

టిం –పాపం బాబు అధికారానికి వచ్చిన ప్రతిసారి ఇలాదురద్రుస్టం వెంటాడటం బాధగానే ఉంది .ఈ సారైనా అన్నీ కలిసోస్తాయనుకొంటే విధి వెక్కి రెక్కిస్తోంది .సమర్ధుడైన నాయకుడికి దేవుడు పరీక్క్షలు పెడుతూ పరిశీలిస్తున్నాడు .లెట్ అస్ హోప్ బెటర్ .

డిం –ఈ మధ్య బాబు మోడీ ఎక్కడికి వెడితే అక్కడికి వెడుతున్నాడు?

టిం –అంటే నక్షత్రకుడిలా వెంట పడుతున్నడనే గా నీ భావం ? తప్పదు నాయనా !రాష్ట్రం బాగు పడాలంటే ఇలా వెంటపడి  కంటపడి పని సాధించుకోవాల్సిందే .రాకెట్ లాంచింగ్ కు ముందు రోజునా ,రాకెట్ ప్రయోగానికి కాసేపు ముందూ మోడీని రెండు సార్లు కలిసి చేయాల్సిన పని లిస్టు తో మోదీ ని బాది పారేశాడు బాబు .

డిం –శ్రీహరి కోట రాకెట్ విజయమైంది కదా గురూ !

టిం –అవున్రా శిష్యా !అక్కడ మోడీ మాట్లాడిన మాటలు ఎంతో స్పూర్తి నిచ్చేవిగా దార్శనికం గా ఉత్సాహాన్నిచ్చేవిగా ఉన్నాయి .అ హాలీ  వుడ్ సినిమా ఆరు వందల కోట్లు ఖర్చు పెడితే చంద్రయాన్ కు మనం నాలుగొందల యాభై కోట్లే ఖర్చు చేశామని గుర్తు చేసి వెన్ను తట్టాడు శాస్త్ర వేత్తలను .అంతేకాదు సార్క్ దేశాల అవసరాలకు తగిన రాకెట్ ప్రయోగం చేయమని గొప్ప సూచనా చేశాడు .బహుశా తోలి ప్రధాని నెహ్రు తర్వాత ఇంత ఆలోచన చూపిన వాడు మోడీ అని పించాడు .జియో పొజిషన్ ఇప్పుడు అమెరికా చేతుల్లో ఉంటె దాన్ని సార్క్ చేతుల్లోకి తీసుకొవాల్సిన అవసరాన్ని చెప్పిన ప్రాజ్నుడని పించాడు .అదే దేశానికి కావాల్సిన నాయకత్వ లక్షణాలు .హాట్స్ ఆఫ్ టు మోడీ .

డిం –గురూజీ ఏదో మూడ్ లోకి వెళ్లి పోయారు ?

టిం –నిజమేరా మంచి చేస్తే మెచ్చాలి .చెడు చేస్తే బుద్ధి చెప్పాలి .అందుకే ముసలాయన ఆద్వాని ‘’మొదటి టెస్ట్ లోనే మోడీ ట్రిపుల్ సెంచరి సాధించాడు ‘’అని మెచ్చాడు .

డిం –నిన్న మమత ఎంపి  ఏదో ప్రేలాడట ?

టిం –అవును .మార్క్సిస్ట్ పార్టీ ఆడవాళ్ళను రేప్ చేయిస్తానన్నాడు తపన్ పాల్ .ఇంకా అలా మాట్లాడిన వాడిపై  చర్య తీసుకోకుండా ఉంచటం మమత కు మంచిది కాదు .చివరికి ఆయన  భార్యే క్షమాపణ చెప్పింది భర్త తరఫున .ఇప్పటికైనా మమత తీవ్ర చర్య తీసుకోక పోతే పరువు కలకత్తా కాళికి బలి అయి పోతుందని గుర్తించాలి .ఇప్పుడే విన్న వార్త .ఏదో మొక్కు బడిగా క్షమాపణ చెప్పాడట ఆ ప్రబుద్ధుడు .

డిం –విప్పుల విషయం లో కొప్పులు పట్టుకొంటున్నారు నాయకులు ?

టిం –అవును .జగన్ పార్టీ వాళ్ళు ధిక్కరించి ఓటేస్తే అనర్హత వేటు పడుతుందని మైసూరా అంటూంటే అదేమీ ఉండదు హాయిగా గోడ దూకేయండి అని తెలుగు సోమిరెడ్డి అభయం  ఇస్తున్నాడు .ఏది ఏమైనా ఈ కప్పల తక్కెడ తూకం కొద్దికాలం తప్పదు .స్వార్ధం యెంత పనైనా చేయిస్తుంది .

డిం –డిగ్గీ ఈ మధ్యేదో వాగి లేమ్పలేసుకొన్నాడు?

టిం –అది ఆయనకు మామూలే .రాహుల్ కు దమ్ములేదని నాయకత్వ లక్షణాలు పూజ్యం అని ,పార్టీ దారుణ వైఫల్యం పొందటానికి అతనే కారణమనీ కూశాడు .కాని వెంటనే ప్లేట్ మార్చేసి తాను అలా అనలేదని పేపర్ వాళ్ళ సృష్టే అని దబాయించాడు .శాంతం పాపం అని లేమ్పలేసుకొన్నాడు .ఏమైనా తాగిన వాడు నిజం బాగా చెబుతాడు అన్నట్లు డిగ్గీ నిజాన్ని నిర్భయం గా బైట పెట్టాడు .

డిం –షార్ లో మోడీ హుషార్ అన్నారు ?

టిం –ఇరవై ఆరుసార్లు విజయవంతం గా ప్రయోగం చేసన సంస్థను చూస్తె ఎవరికైనా అంత హుషార్ వస్తుంది ప్రధాని మంచివిషయానికి సహజ స్పందనే అది .శాస్త్ర సాంకేతిక వేత్తల ఉమ్మడి కృషి ఫలితమే ఇది .అంతా స్వంత పరికరాల విజ్ఞానం తో సాధించిన అద్భుత విజయమే కదా .అందుకే అంత ఆనందపడ్డాడు ప్రధాని మోడీ .అయినా ‘’ఇది నా మనసుకు చాలటం లేదు ‘’అని చెప్పి మార్గ నిర్దేశామూ చేశాడు .ఇన్నాళ్ళకు దేశ భవిష్యత్తు ఒక ప్రాజ్నుడి చేతిలో దూర ద్రుష్టి ఉన్న వాడి చేతిలోకి వచ్చినందుకు మనం గర్వ పడాలి శుభం భూయాత్ .

మీ- గబ్బిట దుర్గా ప్రసాద్ -1-7-14-ఉయ్యూరు