సరసభారతి ఉయ్యూరు

—

 

 

 

భాషా సంక్షోభం -ప్రపంచీకరణ ,ఇంటింటికీ ఇంటర్ నెట్

—

సరసభారతి -సాహిత్య సాంస్కృతిక సంస్థ  -ఉయ్యూరు

— సరసభారతి ఆధ్వర్యం లో  నేను రాసిన ”కెమో టాలజి పిత కొలచల సీతారామయ్య (పుల్లేరు నుండి ఓల్గా దాక )పుస్తకాన్ని శాసన మండలి సభ్యులు శ్రీ వై వి బి రాజేంద్ర  ప్రసాద్ సౌజన్య సహకారాలతో ముద్రించి,జనవరి చివరి వారం లో ఆవిష్కరిస్తున్నామని తెలియ జేస్స్తున్నాను .

దైవ చిత్తం -14

శ్రీ ఏ సి పి శాస్త్రిగారి (The mind of God )కు నా స్వేచ్చాను వాదం

పేజి -136,పేరా 2

యూక్లిడియన్ స్పేస్ టైం,అనంత ఊహాత్మక టైం కు పాకితే ,లేక ఎక్కడో సింగ్యులారిటీ(ఏకత్వం ) లో ఇమాజినరి కాలం లో మొదలైతే , విశ్వావిర్భ కాలాన్ని చెప్పే సంప్రదాయ సిద్ధాంతం ఉన్న సమస్యలే మళ్ళీ ఎదురౌతాయి .దేవుడికి విశ్వం ఎలా ప్రారంభమైందో తెలుసు ,మనం అది ఎలా పురుడు పోసుకోన్నదో వివరించే ఏ ఒక్క కారణాన్నిచెప్పలేం .పైగా  క్వాంటం దీరీ ఆఫ్ గ్రావిటికొత్త అవకాశాన్ని ఆవిష్కరించింది. దాని ప్రకారం స్పేస్ టైంకు సరిహద్దు లేదు ,అందుకని సరిగాద్దు వద్ద ప్రవర్తన ఎలా ఉన్నదో ప్రత్యేకించి చెప్పాల్సిన అవసరం లేదు .సైన్సు సూత్రాలు విచ్చిన్నమయ్యే సిన్గ్యులారిటీలు లేవు . దేవుడిని  ప్రార్ధించ టానికి ఉండే సరిహద్దు అంచు లేదు   లేక స్పేస్ టైం కు కొత్త సరిహద్దు నిబంధనలు ఏర్పాటు చేయమనటానికీ వీలు లేదు .’’విశ్వానికి సరిహద్దు నియమం అంటే దానికి బౌండరీయే లేదు ‘’అన్న ఒక్క సత్యాన్ని మాత్రం  నిశ్చయం గా చెప్ప గలం .విశ్వం పూర్తిగా స్వయం సమృద్ధం,స్వయం నియంత్రణం  (సెల్ఫ్ కం టైండ్).దానిని బయటి విషయం ఏదీ ప్రభావితం చేయలేదు .విశ్వం సృజింప బడదు ,నశింప బడదు ,ఎప్పుడూ ఉంటూనే ఉంటుంది (బి ).

శాస్త్రి గారి భాష్యం –హాకింగ్ శాస్త్ర వేత్త గారి సైన్సు ఈ రకమైన నిర్ణయాలకు  వచ్చినందుకు అభినందించాలి .ఇది ఉపనిషత్,,బ్రహ్మ సూత్రాల  భావాలనే ప్రతి బింబిస్తోంది .వేదాంతం ప్రకారం ఆత్మ అనేది అనంత మైనది .’’సత్యం జ్ఞానం అనంతం బ్రహ్మ ‘’అనేది ఉపనిషద్వాక్యం .సృష్టికి కారణం అనేది శాశ్వతమైనది (ఎటర్నల్ ),సర్వజ్ఞమైనది(ఆమ్ని సెంట్ ) ,అనంతమైనది (ఇంఫినిట్ ).చూసేది అదే కనుక ఎప్పుడూ సృష్టింప బడదు .

వేరొకటి ఏదీ దాన్ని చూడలేదు .అందుకే అది’’ ద్రష్ట ‘’అయింది .అంటే చూసేదేకాని చూడ బడేది కాదు ‘’నతు దృశ్యతే ‘’.అది చూడబడదు ,తెలియ బడదు ,దాన్నిఆత్మ జ్ఞానం వలన  అనుభవించటం ద్వారా నే  తెలియ బడుతుంది .అంటే చూసేవాడు చూడబడే వాడితో ఐక్యమైనప్పుడే ఇది సాధ్యమౌతుంది .అంటే ఆత్మ పరమాత్మ లో చేరినప్పుడే .అదే మొత్తుకొన్నాడు హాకింగ్ శాస్త్ర వేత్త –‘’it would just Be ‘’అంటూ .ఈ విషయాన్ని అద్వైత సిద్ధాంత వ్యాపకులు శంకరాచార్య స్వామి బాగా ప్రచారం చేశారు .ఇదే  ఏకత్వం లేక అద్వైతం .దానిప్రకారం సృష్టి కర్త బ్రహ్మం ఒక్కడే .రెండో వాడు లేడు.దీని ప్రాతిపదికమీద సిద్ధాంతాన్ని వ్యాప్తి చేస్తూ ఆత్మ అనేది ఎప్పుడూ ఉంటుంది అంటే’’ నిత్యం ‘’అని ముగించారు .ఆత్మ సృష్టింప బడదు , నశింపబడదు .కారణం అదెప్పుడూ సృష్టింప బడలేదు కాబట్టి .  దృశ్య ప్రపంచామంతా భౌతిక దృష్టికి చెందినదే .హాకింగ్ చెప్పిన ఏకత్వ సిద్ధాంతం కూడాఇదే  ‘’విశ్వం స్వయం సృష్టి (సెల్ఫ్ కన్తైండ్),దీనిని బయటి శక్తులేవీప్రభావితం చేయలేవు .అది ఎప్పటికీ సృష్టింప బడదు .నశించదు ఎప్పుడూ ఉంటూనే ఉంది ‘’.

మన మహర్షులు ఆత్మను యెంత స్పష్టంగా దర్శించి వివరించారో తెలుస్తోంది  విశ్వం అంటే  స్వయం నియంత్రణ కలది  .ఆత్మను శంకరులు గొప్ప పోలిక తో చెప్పారు .అదే రజ్జు సర్ప భ్రాంతి .తాడును చూసి పాము అనుకోవటం దీని గురించి ఇది వరకే చెప్పుకొన్నాం .దేవుడు మానవులకు ఈ విశ్వ రూపం లో కనిపిస్తాడు .ఇంద్రియ నిగ్రహంతో స్థిరమైన మనసుతో ఉంటె మనకు కనిపించేది వస్తు సముదాయం కాదు పరమాత్మయే .,అంటే సృష్టి కారణ భూతుడే ,కాని అప్పుడుసృష్టి కనిపించదు అంటే ప్రభావం (ఎఫెక్ట్ ) కనిపించదు అన్న మాట .ప్రపంచం సృష్టింప బడినట్లు  నాశనమైనట్లు  భ్రాంతి పొందుతాం .వాస్తవానికి సృష్టీ లేదు వినాశానమూ లేదు .కనుక విశ్వావిర్భావమూ లేదు ,అంతమూ లేదు .అది ఎల్లప్పుడూ ఉంటూనే ఉంది ,ఉంటుంది .స్టీఫెన్ హాకింగ్ దృష్టిలో అదే ‘’ఇట్ జస్ట్ వుడ్ బి’’.

అందుకే మన ఉపనిషత్తులు’’ సృష్టికర్త ‘’అనే మాట వాడకుండా  చాలా జాగ్రత్త పడ్డాయి .అవి ఎప్పుడు చెప్పినా ‘’సృష్టికి కారణం ‘’అనే చెప్పాయి . మనకు సృష్టికారణం భ్రాంతిగా భాసిస్తుంది .అంటే మనమనసులలోనే ఏర్పడుతుంది దైవం ఎప్పుడూ సృష్టి చేయాలని సంకల్పించడు దీనికి కారణం అయన సంకల్ప ,వికల్పాలకు అతీతుడు .అయన నిర్వి కల్పుడు .ఇదే హాకింగ్ మాటలలో ‘’సెల్ఫ్ కంటైండ్అండ్ నాట్ ఎఫెక్తేడ్ బై ఎని థింగ్ అవుట్ సైడ్ ఇట్ ‘’.మన పురాణాలు కూడా దీనిని బాగానే వివరించాయి .వేద,ఉపనిషత్ ల ను అర్ధం చేసుకోవటానికే పురాణాలు తోడ్పడుతాయి సృష్టి కర్తలలో ఒకరైన శివుని గురించి పురాణం చెప్పింది .ఆయనవస్తుతహా ’’ అభవుడు ‘’అంటే పుట్టుక లేనివాడు లేక పుట్టని వాడు ఆయనకు చావులేదు కనుక ‘’మృత్యుంజయుడు ‘’.పుట్టనివాడికి చావు లేదు కదా .పుట్టుక ,నాశనం లేని దానికి ‘’స్వభావం ‘’(నేచర్ ) ఏమిటి ?ఎప్పుడూ ఉండటమే –అదే హాకింగ్ గారి మంత్రం –‘’ఇట్ వుడ్ జస్ట్ బి ‘’.

పేజి -139,పేరా-2

అందుకని మనంఅనుకొనే  ఇమాజినరి టైం(ఊహా కాలం )నిజంగా ఎక్కువ ఆధార పడేదిగా కనిపిస్తోంది .మనం అనుకొనే వాస్తవం అనుకొన్న విశ్వాన్ని వివరించటానికిమనం సృష్టించుకొన్న అయిడియా అది .నేను మొదటి అధ్యాయం లో చెప్పినట్లు శాస్త్రీయ సిద్ధాంతం అనేది ఒక గణిత ప్రతిరూపమే (మోడల్ ).ఈ మోడల్ తో మన పరిశీలనలను వివరిస్తాం .ఇది మన మనసులలో మాత్రమె ఉంటుంది .కనుక వాస్తవ ,ఊహాత్మక కాలం ఏది అని ప్రశ్నించటం అర్ధ రహితం .కనుక అదే పనికొచ్చే వర్ణన చేయటానికి సహాయ పడే విషయం .

శాస్త్రి గారి కామెంట్ –సైంటిస్ట్ లు నిజాయితీగా ఆలోచించేవారు .వారు ఒకసారి సైన్స్ అనేది మనసు లేక మెదడు (మైండ్ )లోనే ఉంటుంది అంటారు .కనుక అది సత్యానికి బద్ధం కాదు .స్వతంత్రమైనది శాస్త్రమే అయిన పదాలు ,భాష మానవుడు తయారు చేసిందే .అవి సంఘటనలను మాత్రమె వర్ణించ గలవు .అవి కాలం నిజమైనదా  ఊహా జనితమా  అనేది చెప్పలేవు .కాలం భగవత్ సృష్టిలో మొదటిది కనుక మాటలు దైవాన్ని  వర్ణించ లేవు  .’’మాటలు మనసుతో కలిసి దేవుని సమీపానికి చేరి ,తిరి గోస్తాయి కాని దేవుని వర్ణించ లేవు ‘’ అని ఉపనిషద్వాక్యం .దీనికి సంబంధించిన శ్లోకం –

‘’యతో వాచో నివర్తం తే  అప్రాప్య మనసా సహా ‘’.

పేజి -140,లో  చివరి వాక్యం, 141పేజీ లో వాక్యాలు

సృష్టికి ఆరంభం ఉంది అనుకొంటే ,దాన్ని సృష్టి చేసిన వాడు ఒకరు ఉండాలి .కాని విశ్వం స్వీయ నియంత్రమైతే (సెల్ఫ్ కంటైండ్ ),సరిహద్దే లేక పొతే ,అంచు ఉండకపోతే ,దానికి ఆది అంతం ఉండదు .అది అలా ఉంటూనే ఉంటుంది .అప్పుడు సృష్టి కర్త కు స్థానం ఉండదు కదా .

శాస్త్రి గారి వ్యాఖ్యానం-ఉపనిషద్వేదాంతం ఈ సమస్యను  సృష్టి కర్త ను సృష్టి తో గుర్తించి (ఐడెంటి ఫై )పరిష్కరించింది .అదే సెల్ఫ్ లేకఆత్మ.మనం ప్రపంచాన్ని చూస్తున్నా ప్రపంచం లో ఒకరం అయిన  ,మనల్ని మనమే చూసు కొంటున్నామనం చూస్తున్నది ఆత్మనే .ఈ విషయం లో సైంటిస్ట్ హాకింగ్ ఒక  అడుగు ముందుకు వేసి సృష్టి, సృష్టి కర్త ఒకరే అనేశాడు .అలా చెప్పి ఉండకపోతే సైన్సు ,,ఆధ్యాత్మికత వేరు వేరే అనేది రుజువు చేసినట్లు అయ్యది . ఆ సందేహం రాకుండా స్పష్టంగా చెప్ప్పాడు ధైర్యంగా .మతపరమైన అనుభవాలు  సైంటిఫిక్  వాదాల జోలికి వెళ్ళ కుండా నిషేధానికి గురి అయ్యేవి .సాధారణంగా సైంటిస్ట్ లకు మత దృక్పధం ఉండదు .కాని నా ద్రుష్టి లో హాకింగ్ సైంటిస్ట్ దేవుడు ఉన్నాడని నమ్ముతాడు అని పిస్తుంది .ఆయన రాస్సిన ఈ పుస్తకం ఎక్కడ చెప్పినా భగవంతుడు ఉన్నాడు అన్న భావమే గోచరిస్తుంది .అది ‘’టేకెన్ ఫర్  గ్రా౦ టెడ్’’’’అనుకోవచ్చు మనం .అంటే మనం అనుకోన్నది ఆయనకు అంగీకారమే నని అర్ధం . తన నిజాయితీ అనుమానాన్ని ప్రశ్నించాడు .

భారతీయ తర్క శాస్త్రం కూడా దేవుడు ఉన్నాడనే అన్నది. కాని ఆయన ఉనికి ని రుజువు చేసే జోలికి పోలేదు. అదే తెలివైన పని

లాజిక్ అంటే తర్కం ‘’ఏ సంఘటన జరగాలన్నా నాలుగు ముఖ్య కారణాలు ఉంటాయని చెప్పింది .అవి -1-ఈశ్వరుడు  2-అదృష్ట౦ 3-దేశ౦  4-కాలం .ఇందులో మొదటిదే దైవం .

సశేషం

2016 నూతన సంవత్సర శుభా కాంక్షలతో

మీ-గబ్బిట దుర్గా ప్రసాద్ -1-1-2016-ఉయ్యూరు

.

2016నూతన సంవత్సర శుభా కాంక్షలు

శ్రీ వెంకటేశ్వర శర్మగారికి ఈ ఉదయం ఫోన్ చేసి కొత్త సంవత్సరం పై కొత్త పద్యం ఏదైనా ఉంటె చెప్పమని అడిగితె వెంటనే ఫోన్ లోనే 8 పంక్తుల తేట గీతి పద్యాన్ని చెప్పారు .మీకోసం వారి పద్యాన్ని అందిస్తున్నాను –  నూతన సంవత్సర శుభా కాంక్షలతో –దుర్గా ప్రసాద్

-తే .గీ -”రెండు వేల పదారును నిండు గాను

  డా .శ్రీ రామడుగు వేంకటేశ్వర శర్మ -గుంటూరు -9866944287

దైవ చిత్తం -13

శ్రీ ఏ సి పి శాస్త్రిగారి (The mind of God )కు నా స్వేచ్చాను వాదం

పేజి -123 ,124 చివరి వాక్యం తరువాత

మృదువైన  ప్రదేశాలలోనే నక్షత్రాలు గేలాక్సీలు ఏర్పడ్డాయని అనుకొంటే,,మనలాంటి స్వయం ప్రత్యుత్పత్తి చేయగల జీవుల అభి వృద్ధికి తగిన  పరిస్థితులు ఉన్నాయనుకొంటే ,వారికి ప్రశ్నించటం వస్తే’’ఎందుకు ఈ విశ్వం మృదువుగా ఉందని అడిగితె ?ఇదే  సంబంధ సిద్ధాంతం (యాన్త్రోపిక్ ప్రిన్సిపల్)కు ఉదాహరణ గా నిలుస్తుంది .దీనికి వివరణ ఇలా ఉంటుంది –‘’ఈ విశ్వాన్ని అది ఉన్న స్థితిలో చూస్తున్నాము అంటే మాకు ఉనికి(ఎక్సిస్ట్ )   ఉన్నట్లే ‘’.

శాస్త్రి గారి వ్యాఖ్యానం –ఇక్కడ మృదువుగా (స్మూత్ ) అనే మాటను  జాగ్రత్త గా అర్ధం చేసుకోవాలి .అంటే శత్రు సంబంధమైనదికాదు(నాట్ హోస్టైల్ల్).దీనికే వేదం ‘’శం ‘’అనే మాటను ఉపయోగించింది .శివుని శరీరమే విశ్వం కనుక ఆయనను ‘’శంకరుడు ‘’అన్నారు .శం కరోతి అంటే శాంతినిచ్చేవాడు లేక శాంతియే తానూ అయినవాడు .దేవుడు వస్తుతహా క్రూరుడు అంటే రుద్రుడుఅంటే అతి శక్తి మంతుడు . ,కాని ఆయనను ప్రార్ధిస్తే శంకరుడు గా మారుతాడు –అంటే తనలోని ఉష్ణాన్నితగ్గించుకొంటాడు –ఎలా అంటే కణాలు మిగిలిన కణాల ఆకర్షణలోకి  పోకుండా ఉండటం .ఈ విశ్వం లో  అత్యుష్ణ పరిస్తితులు  అంటే ఎక్కువ వేడి ,ఎక్కువ కణాలు ఉన్నప్పుడు ,అవి ఒకదానికొకటి దూరంగా పరిగెత్తుతున్నప్పుడు ,చల్లబడి ఉష్ణోగ్రత క్రమంగా తగ్గిపోతుంది .అప్పుడు నీరు ఏర్పడి స్వయం పునరుత్పత్తి చేయగల జీవ రాసి సృష్టింప బడుతుంది .హైడ్రోజెన్ హీలియం గా మారి ,కార్బన్ ,ఆక్సిజన్ మూలకాలుగా  విచ్చేదం చెందుతుంది .హైడ్రోజెన్ ఆక్సిజన్ లుకలిసి నీరుగా మారుతాయి .గడ్డిలో మొక్కలు ,వృక్షాలలో  ముఖ్య భాగం గా కార్బన్ మారిపోతుంది .శివుని మొదటి రూపం వృక్ష౦ ,గడ్డి యే(సస్పింజర ).దీనికి ఉదాహరణ యజుర్వేదం లోని నాలుగవ కాండ మంత్రం –

‘’నమో వృక్షేభ్యో హరి కేషేభ్యో పశూనాం పతయే నమః –సస్పింజిరాయ త్విషీమతయే పతీనాం పతయేనమః ‘’ఈ విషయాన్ని ఇదివరకే ఒక సారి చెప్పుకొన్నాం .హాకింగ్ వంటి గొప్ప శాస్త్రజ్ఞుడు ‘’స్మూత్ ‘’అనే మాటను ఉపయోగించటం ,వేదం చెప్పిన ‘’శం (శాంతి )‘’పదానికి సరిపోతోంది .అంకిత భావం తో శాస్త్రజ్ఞులు చేసిన కృషిని తక్కువ గా అంచనా వేయ కూడదు .

పేజి 129,పేరా 1

కాని ,దీనికి కావాల్సిన శక్తి ఎక్కడి నుంచి వచ్చింది ?అనే ప్రశ్న వస్తుంది .

వ్యాఖ్య –వేద ఋషులు దీనికి సమాధానం చెప్పారు .వేదం ఎందరో దేవతల గురించి చెప్పింది .వీరికి శక్తి అంతా ‘’అమ్మవారి ‘’(మదర్ గాడెస్ ) ‘’నుంచే లభిస్తుందని చెప్పింది.శ్రీ లక్ష్మీ దేవిని స్తుతించే స్తోత్రం లో మంత్రం దీనికి సమాధానం –

‘’లక్ష్మీం క్షీర సముద్ర రాజ తనయాం –శ్రీ రంగ దామేశ్వరీం దాసీ భూత –సమస్త దేవా వనితాంలోకైక దీపాంకురాం –శ్రీ మన్మంద కటాక్ష లబ్ధ విభవత్  బ్రహ్మేంద్ర గంగాధరాం ‘’

భావం –బ్రహ్మ ,విష్ణు ,మహేశ్వర మొదలైన దేవతలు తమ శక్తులను శ్రీ లేక లక్ష్మీ దేవి నుండి పొందుతారు .సంస్కృతం లో శ్రీ అంటే ఆమె అని అర్ధం .ఆమెయే అందరికి శరణ్యం .

పేజి 129,పేరా 2

‘’గుత్ ‘’శాస్త్ర వేత్త’’ఉచిత భోజనం అనేదిలేదు .కాని ఈ విశ్వం అంతిమ భోజనం ‘’అని   చెప్పినట్లు –

శాస్త్రి గారి భాష్యం –ఉపనిషత్తులు ‘’ఆత్మ విశ్వంగా కనిపిస్తుందిఅన్నాయి . .అది 1-ఉపాదాన కారణం గా 2-నిమిత్త కారణంగా రెండు విధాల కనిపిస్తుంది .ఆత్మ అనేది ఒకప్పుడువిశ్వానికి  మూలంగా,తయారు చేసేదిగా , ఆకారం ఏర్పరచేదిగా ఉండేది . సైంటిస్ట్ లు తీవ్రంగా సమర్పణ భావం తో  తమ తార్కిక శాస్త్రీయ విధానం లో కృషి చేసి ,మన వేద ఋషులు వేలాది సంవత్సరాల క్రితం

చెప్పిన సత్యాలనే  తేల్చి చెప్పటం అత్యంత  మనోహరంగా ఉంది.

పేజి -129-చివరి పేరా

విశ్వం ద్రవ్యోల్బణం లాగా విస్తరించలేదు .దీనికేదో  విధానం  ఉండి ఉండాలి .ఆవిధానం అతి పెద్ద ప్రభావశీల విశ్వోద్భవ స్థిర గుణకాన్ని తొలగించటానికి సాయ పడి  ఉండాలి.అందుకని విస్తరణ రేట్ ను,వేగవంతమైన స్తితినుండి ,గురుత్వ బలం వలన  నిదానం గా మారేట్లు చేసి   ,ఇప్పుడు మనం చూస్తున్న స్థితిలోకి తెచ్చి ఉంటుంది  .

శాస్త్రి గారి వ్యాఖ్యానం-  సృష్టి రహస్యం అంటే ఇదే .వేదం దీన్ని గమనించింది .ఈ నెమ్మది తనాన్ని ఛందస్ అంది .దీన్నే ఇగ్లీష్ లో సమానార్ధకంగా ‘’ప్రాసడి’’అన్నారు .ఇదే పద్యానికి జీవం .ఇదంతా ఒక రకమైన గణనం .ఆ గణాల ప్రకారమే పద్యాలలో  పంక్తులు మళ్ళీ మళ్ళీ వస్తాయి .ముక్త పద్యం(బ్లాంక్ వెర్స్ ) దీనికి ఉదాహరణ .కదలిక సృష్టికి కారణభూతం .విశ్వ వ్యాప్తికూడా కదలికయే కదా .కవిత్వం లోని లయ వంటిది ఇది ..ఇలాంటి వివిధమైన 7రకాల  ఛందస్సు లు విశ్వం లో ఉన్నాయని వేదం చెప్పింది.ప్రతి ఛందస్సు కు  అధి దేవత ఉంటుంది .దానికి పేరు ఉంటుంది .ఆ దేవత ఒకానొక రకమైన సృష్టికి కారణ భూతమవుతుంది .ఉదాహరణకు ‘’శక్వరి ఛందస్సు ‘’ను తీసుకొందాం .ఈ ఛందస్సు ఆహారం ,జంతువులు ,మానవుల సృష్టికి కారణం అవుతుంది .’’పంక్తి ‘’అనే ఛందస్సు జంతు సృష్టికి కారణమౌతుంది .ప్రసిద్ధమైన ‘’గాయత్రి ఛందస్సు’’ అన్ని రకాల గోవులను సృష్టిస్తుంది .ఇది చాలా విస్తృతమైన విషయం .దీన్ని విడిగా తెలుసుకోవాల్సిందే .

సశేషం

2016 నూతన సంవత్సర శుభా కాంక్షలతో

మీ –గబ్బిట దుర్గా ప్రసాద్ -31-12-15-ఉయ్యూరు

దైవ చిత్తం -12

శ్రీ ఏ సి పి శాస్త్రిగారి (The mind of God )కు నా స్వేచ్చాను వాదం

పేజి -119,పేరా -2

అధిక ద్రవ్య రాసి గల తారలు  గురుత్వాకర్షణ లను  సమతుల్యం చేయటానికి  ఎక్కువ వేడిగా ఉండాల్సిన అవసరం ఉంది .అప్పుడే న్యూక్లియర్ చర్యలు అధిక వేగంగా కొనసాగి తమలోని హైడ్రోజెన్ ను  వంద మిలియన్ సంవత్సరాలలో నశింప జేసుకొంటాయి.అప్పుడు కొద్దిగా సంకోచం చెంది ,ఇంకా వేడిని గ్రహిస్తే హీలియం ను భారమైనకార్బన్ లేక ఆక్సిజన్  మూలకాలుగా  మార్పు చెందిస్తూ ఉంటుంది .

శాస్త్రి గారి వ్యాఖ్యానం –మొదటిసారిగా  సృష్టి పొందిన వి  హైడ్రోజెన్ ,కార్బన్ ,ఆక్సిజన్  లు అయితే విశ్వ స్వరూపం ను తెలియ జేస్తాయి .రుద్రాధ్యాయం లో  కర్బనాధారంగా  గడ్డి మొక్క మొట్టమొదట సృష్టి చేయ బడింది .అందులోనే రెండవ అనువాకం  సృష్టి ప్రారంభ దృగ్విషయాన్ని తెలియ  జేసింది  ఆమంత్రాలు –‘’నమో వృక్షేభ్యో హరి కేశేభ్యో –పశూనాం పతయే నమో నమో సస్పింజరాయ త్విషీ మతేపతీనాం పతయే నమో ‘’-దీని భావం – వృక్ష రూపం లో ,వాటి ఆకులు జటలుగాఉన్న  రుద్రులకు నమస్కారం  .గడ్డి రూపం లోపసుపు ఎరుపులలో  ప్రకాశించే రుద్రులకు నమస్కారం .

పేజి -122,పేరా -3

‘’అన్ సర్టేనిటిసూత్రం’’ చెప్పిన సూత్రాల   పరిమిత కి లోబడి సైన్సు కొన్ని సూత్రాలను  చెప్పింది .ఏదో ఒక కాలం లో దాని స్థితి తెలిస్తే వీటి ప్రకారం విశ్వం ఎలా కాలం తో అభి వృద్ధి చెందుతుందో చెప్పగలం. ఈ సూత్రాలను అసలు దేవుడే నిర్దేశించాడు .తరువాత విశ్వానికి ఆ సూత్రాలపై పరిణామం   చెందే స్వేచ్చనిచ్చాడు .తాను  మళ్ళీ ఇందులో జోక్యం కల్పించుకో లేదు .ఆయన ఎలావిశ్వం యొక్క  ప్రారంభ స్థితిలేక ఆకృతిని  ఎంచుకోన్నాడో ? కాల ప్రారంభం లో సరిహద్దు నియమాలేమిటి ?ఈ ప్రశ్నలకు సమాధానాలు కావాలి .సాధ్యమైన ఒక సమాధానం ఏమిటీ అంటే మనకు అంతుబట్టని ,అర్ధం చేసు కోలేని కారణాలతో  విశ్వ ప్రారంభాక్రుతిని దేవుడు ఎంచు కొన్నాడు అని .

శాస్త్రీజీ కామెంట్ –ఇంత  గొప్ప పుస్తకం లో అంత పెద్ద  సైంటిస్ట్ అయిన స్టీఫెన్ హాకింగ్ నిర్ణయానికి రాగలడు అని మనం ఊహించలేము .ఉన్న వాస్తవ పరిస్థితిని ఆయన నిర్మోహ మాటం గా అత్యంత వినయంగా ఒప్పుకొని చెప్పాడు .ఇది దేవుడికి లొంగి పోవటమా?కాదు కానే కాదు .అది యదార్ధ సత్యాన్ని  గ్రహించటమే .  ‘’ భగ వంతుని ఎవరు తాము చూడ లేమని చెబుతారో వారికే తెలియ బడతాడు ‘’అని కేనోపనిషత్ చెప్పింది (విజ్ఞాతం అవిజ్ఞానతాం ).జ్ఞానానికి ఒక సరిహద్దు రేఖ ఉంటుంది .దీన్ని దాటి సైన్సు వెళ్ళలేదు .కానివేదంఎప్పుడో చెప్పింది –‘’విశ్వ జీవితం యొక్క ప్రతి క్షణం దేవుని ఆజ్ఞకు లోబడే  ఉంటుంది ‘’అన్నది .మరొక రకం గా దేవుడు ఈ క్షణం లో లేక పొతేఅన్నది అన్ని సిద్ధాంతాలకు అనుభవాలకు వ్యతిరేకం .వేద విధిలో మొదట్లోనే ‘’మహా విష్ణో రాజ్ఞయా ప్రవర్త మానస్య ‘’అని మంత్రం చెప్పుకొంటాం .దాని అర్ధం ఇదే .-అంటే విష్ణుమూర్తి ఆనతి ప్రకారం ఈ విశ్వం కదులుతోంది .దేవుడు విశ్వాన్ని వదిలి పెట్టలేదు .ఆయన కారణ ప్రభావాలలో (కాజ్ అండ్ ఎఫెక్ట్ ) తో కనిపిస్తున్నాడు .విశ్వం కారణ,ప్రభావాల  చేత పరిపాలింప బడాలని భావించాడు భగవాన్ . కాని ఆయన ఉపాదాన కారణం అవటం వలన –అంటే ప్రపంచానికి ఆయన పదార్ధ ప్రదాత .కనుక ఆయనే కారణం ప్రభావం కూడా .ఈ సూత్రాల గురించే హాకింగ్ శాస్త్ర వేత్త మాట్లాడుతున్నాడు

పేజి 123,పేరా -2

ఒక అవకాశం ఏమిటంటే అస్తవ్యస్తమైన (కయాటిక్ ).సరిహద్దు నియమాలు .వీటివలన విశ్వం అనంతం గా నైనా ఉండాలి లేక అనంతమైన విశ్వాలు ఉండి  ఉండాలి .

వ్యాఖ్య –భారతీయ వేద,పురాణాలు ఒకే ఒకఅనంతమైన  విశ్వం ‘’బ్రహ్మాండం ‘’ఉన్నదని చెప్పాయి .అది గుడ్డు ఆకారం లో ఉంటుంది కనుక బ్రహ్మాండం అన్నారు .ఈ గుడ్డు ఆకారమే దాని సరి హద్దును చూచిస్తుంది .ఒక కల్పం లో బ్రహ్మాండానికి ఒక సరిహద్దు పరిమితమై ఉంటుంది .విశ్వానికి కాదు .ఎందుకంటె విశ్వం అంటే ఆత్మయే.మొత్తం మీద తేలింది ఏమిటి అంటే విశ్వం దేశాకాలలలో అనంతమైనది అని .కాని ప్రపంచాలు లేక సప్త  లోకాలు సృష్టి చెంది నశిస్తాయి ,మళ్ళీ జన్మిస్తాయి లయం చెందుతాయి ఇది అంతా ఒక అంతులేని అనంత ప్రక్రియ .

సశేషం

మీ –గబ్బిట దుర్గా ప్రసాద్-30-12-15-ఉయ్యూరు

—    దైవ చిత్తం -11

శ్రీ ఏ సి పి శాస్త్రిగారి (The mind of God )కు నా స్వేచ్చాను వాదం

పేజి-116,పేరా -2

ఈ భావాలను వివరించటానికి ఇతరులు క్వాంటం మెకానిక్స్ఏ విధంగా  విశ్వ ఆవిర్భావ ,భవిష్యత్ లపై ప్రభావితం చేస్తాయో  తెలియాలి.ముందుగా అందరూ విశ్వాన్ని గురించిన చరిత్ర , దానిపై ఉన్న  సాధారణ సిద్ధాంతాన్ని అర్ధం చేసుకోవాలి . ఇదే ‘’హాట్ బిగ్ బాంగ్ మోడల్ ‘’ఇది ఫ్రీడ్ మాన్ సైంటిస్ట్ వర్ణించిన మోడల్ ను బిగ్ బాంగ్ దీరీకి ముందే ఊహించింది .ఈ మోడల్స్ లో ఈ విశ్వ వ్యాపన లో అందులోని ద్రవ్య రాశి ,లేక రేడియేషన్ చల్ల బడుతుంది .విశ్వం రెట్టింపు అయితే ,దాని ఉష్ణోగ్రత సగానికి పడి  పోతుంది .ఉష్ణోగ్రత కణాల సగటు శక్తి  లేక వేగాన్ని  కొలిచేదేఅయినప్పుడు ఈ చల్లదనం విశ్వం లోని పదార్ధం పై పెద్ద ప్రభావాన్నే కలుగ జేస్తుంది .ప్రతి అధిక ఉష్ణోగ్రత వద్ద ,కణాలు న్యూక్లియర్ లేక ఎలక్ట్రో మాగ్నెటిక్ శక్తుల వలన ,పరస్పర  ఆకర్షణకు లోను కానంత వేగంగా, భ్రమణం చెందు తాయి .ఒక వేళ అవి బాగా చల్లబడి పొతే ,ఆకర్షించుకొనే కణాలు ముద్దలా (క్లంప్ )అయి పోతాయి .ఇదే కాక విశ్వం లో ఉండే కణాలు ఉష్ణోగ్రత పైనే ఆధార పడి ఉంటాయి .అవసరమైన అత్యుష్నోగ్రతల వద్ద కణాలు అధిక శక్తిని కలిగి , ఢీకోన్నప్పుడు అనేక రకమైన కణాలు ,వ్యతిరేక కణాల జంటలేర్పడి ,అందులోకొన్ని యాంటి పారికల్స్ ను తగిలినపుడు కొన్ని అంతమొందినా ,మళ్ళీఅంత మొందిన వేగం కంటే  మరింత  వేగంగా మళ్ళీ ఏర్పడుతూ ఉంటాయి .  తక్కువ  ఉష్ణోగ్రత ల వద్ద ఈ డీ కొనే కణాలు తక్కువ శక్తిని కలిగి ఉంటాయి. కణ జంటలు (కణాలు ,యాంటి కణాల జంటలు  )  తక్కువ వేగం లో ఏర్పడి ,పుట్టిన0త వేగం కంటే అత్యంత వేగం గా అంతమొందు తాయి .

శాస్త్రి గారి భాష్యం –యజుర్వేదం లోని రుద్రాధ్యాయం లో నాలుగవ ఖండం లో సృష్టి కర్తను ‘’మహాగ్ని ‘’గా అంటే ‘’రుద్రుడు ‘’గా చెప్ప బడినాడు .మంత్రాలు స్తోత్రాలు ఈ రుద్రునికే చేస్తూ చల్లబడి విశ్వ సృష్టిని చేయమని ప్రార్ధిస్తారు .కోపంగా ఉండ వద్దని అర్దిస్తారు .తర్వాత సృష్టి మొత్తాన్ని వర్ణించారు .భక్తుడు రుద్రుని తను కావించిన ఈ విశ్వాన్ని సర్వతో భద్రం గా ,సంక్షేమ సౌభాగ్యాలతో వర్ధిల్ల జేయ వలసినదిగా  వేడుకొంటారు.కనుక వేదం లో అగ్నికి గొప్ప ప్రాధాన్యం ఉంది .పాశ్చాత్యులు ,భారతీయులుకాని చరిత్రకారులు వేద సంస్కృతిని అర్ధం చేసుకోకుండా మనది ఆటవికమని ,సంచార సంస్కృతీ అని ఈస డించారు .వ్యతిరేక కణాలను మించి కణాల ఉత్పత్తి జరగాలంటే ఒక క్రిటికల్ టే0ప రేచర్(క్లిష్ట ఉష్ణోగ్రత )అవసరం .కనుక వ్యతిరేక కణాల ను జయించటానికి కణాలకు అగ్ని సాయం కావాలి . అందుకే పురాణాలలో దేవతలు ఏ ఆపద వచ్చినా శివుడు,కుమారస్వామి ,విష్ణువు మొదలైన వారి  దగ్గరకు పరిగెత్తి కాపాడమని మొరపెట్టుకొని రాక్షస సంహారం చేసి తమను రక్షించమని ,యుద్ధం లో విజయం ప్రసాదించమని కోరుకొంటారు  ..శివుడు రుద్రుడే అని ముందే తెలుసుకొన్నాం .కుమారస్వామి అగ్ని తేజస్సు .  .విష్ణువు అంటే ‘’ఆహవనీయాగ్నిఅంటే సూర్యుడు  ‘’.అంటే ఈ ముగ్గురూ అగ్నికి ప్రతి రూపాలే .

ఈ సందర్భం లోనే వేదం ఈ ప్రపంచం యజ్ఞం వలన సృష్టింప బడింది అని చెప్పింది .అంటే సంఘటీకరణం వలన ఏర్పడింది అని భావం .ఖచ్చితమైన వర్ణన కల  శ్లోక తాత్పర్యం –ఒక దాని నొకటి ఆకర్షించే కణాలు ముద్ద గా మారిపోతాయి ‘’.అదే దేవతల కార్యం .అందుకనే దేవతలను కణాలుగా వర్ణిస్తారు .వాళ్ళు అందరూకలిసి సృష్టి చేస్తారు .వ్యతిరేక కణాలు –యాంటి పార్టికల్స్ అంటే రాక్షసులు కణాలను విధ్వంసం చేస్తాయి అంటే సృష్టిని ధ్వంసం చేస్తారు .పార్టికల్స్ సంఖ్య కంటే యాంటి పార్టికల్స్ సంఖ్య  చాలా ఎక్కువ కనుక సృష్టి నిరాఘాటం గా కొన సాగుతుంది .నిజానికి రాక్షసుల సంఖ్య దేవతల సంఖ్య కంటే ఎక్కువే. అందుకే ఎప్పుడూ అసురులు సురులపై దాడి చేస్తూ  ఓడించే ప్రయత్నాలు చేస్తూ ఉంటారు .సురులు భరించలేక అగ్ని ప్రతీకాత్మమైన శివుడి నో విష్ణువు నో రక్షించమని  యుద్ధం లో గెలిపించమని పరిగెత్తు తారు .ఇది ప్రతీకాత్మకంగా అన్యాపదేశం గావేద పురాణాలు  ఇచ్చిన విజ్ఞాన సందేశం .

సశేషం

మీ-గబ్బిట దుర్గా ప్రసాద్ -27-12-15-కాంప్-మల్లాపూర్ –హైదరాబాద్

దైవ చిత్తం -10

శ్రీ ఏ సి పి శాస్త్రిగారి (The mind of God )కు నా స్వేచ్చాను వాదం

ఏడవ అధ్యాయం –  బ్లాక్ హోల్స్ (కృష్ణ బిలాలు )అంత నల్లగా ఉండవు

పేజి -105,పేరా -2

మనం అనుకొనే ఖాళీ జాగా (ఎంప్టి స్పేస్ )పూర్తిగా ఖాళీ ది కానక్కర లేదు .అలాఉంటే గురుత్వాకర్షణ ,విద్యుదయస్కాంత క్షేత్రాలు మొదలైనవన్నీ శూన్యం అయి పోవాలి .

పేజి -106,పేరా -2

శూన్యం నుంచి శక్తి ణి ఉత్పత్తి చేయలేము .కణం లో  మరో వ్యతిరేక కణం (యాంటి పార్టికల్ )ఉంటుందని తెలుసు .మొదటి దానిపై ధనాత్మక శక్తి , రెండవ దానిపై ఋణాత్మక శక్తి  ఉంటాయి.

శాస్త్రీ జీ వ్యాఖ్య –ఈ అత్యంత ఉత్కృష్ట సాంకేతిక చర్చలు రేడియేషన్ ఉద్గారానికి దారి తీసింది .ఖాళీ గా కనిపించే ది  నిజమైన  ఖాళీ ప్రదేశం కాదు .అది కంటికి కనిపించని  రుణ లేక ధనాత్మక శక్తి మాత్రమె .ప్రతి అవతార పురుషుడు ,లేక మహా సన్యాసి సమాధి అవటం ,వారు మహా శక్తిలో సంలీనం కావటం మనకు తెలుసు జగద్గురువు శ్రీ ఆది శంకరాచార్య చివరకు శక్తి స్వరూపమైన పరమేశ్వరి సాన్నిధ్యం చేరారని మనకు తెలిసిన సంగతే .కారణం ఏ ద్రవ్య రాశి కూడా శక్తి లేక ప్రభవించదు . ద్రవ్య రాశి శక్తి పరస్పర వినిమయం అవుతాయి అనటానికి  ఉదాహరణ .ద్రవ్య రాశి సృష్టి అంటే దేవుని కార్యమైన సృష్టి మాత్రమె .దీనికి సృస్తికర్తకైనా శక్తి అవసరమే .శంకరుల శివానంద ,సౌందర్య లహరి లలో ఈ శక్తిని ‘’చిచ్చక్తి ‘’అన్నారు .అంటే స్పేస్ మరియు శక్తి అంటే జ్ఞానం శక్తి అని భావం .జగద్గురువులు యెంత దాకా వెళ్ళారంటే –శివుడు శక్తి సహకారం లేకుండా ఒక్కడుగు కూడా ముందుకు వేయ లేడు.-‘’శివ శక్త్యో యది భవతి ‘’.శక్తి అనేది ద్వంద్వా తీతమైనది .అంటే ద్వంద్వానికి ఆవలిది .భౌతిక పరిభాషలో ధన ,రుణ శక్తులకు అతీతమైనది .ఇవి తెలివైన వారికే కాక సామాన్యులకు కూడా అర్ధమయే విశేషాలే .

పేజి-107,పేరా 2

బ్లాక్ హోల్ అతి చిన్నదైనప్పుడు ,(ఇది ఇంకా పూర్తిగా తెలియని విషయమే )అనుభవమైన ఊహ ప్రకారం  మిలియన్ల సంఖ్యా లో ఉన్న హైడ్రోజెన్ బాంబుల విస్ఫోటనం తోసమానమైన ఒక బ్రహ్మాండమైన అంతిమ ప్రేలుడులో అది పూర్తిగా అదృశ్యమై పోతుంది .

శాస్త్రి గారి వ్యాఖ్యానం –దీనినే మనం  పరంపరా గతం గా  వస్తున్న ‘’భస్మాసుర కద ‘’తో పోల్చవచ్చు .విష్ణు మూర్తి మోహిని అవతారం దాల్చి భస్మాసురుడిని మొహించినట్లు నటించి వాడి చేతుల తోనే వాడి నెత్తి మీద చేతులు పెట్టుకొని భస్మమైపోయేట్లు చేసింది   .రాక్షసులు బ్లాక్ హోల్స్ వంటివారు .వీటి  స్పైరల్ కదలిక వలననే నక్షత్రాలు కదులుతాయి .గజా సురుడిని పెద్ద బ్లాక్ హోల్ గా భావించి ఇది వరకే చెప్పాను .ఈ రాక్షసులు సృష్టికి ఆటంకం కలిగిస్తారు .రాక్షసులను వ్యతిరేక అయస్కాంత శక్తులుగా భావించాలి .కారణం వారు ఎప్పుడూ సమీకృత దేవ కార్యాలైన యజ్ఞాలకు  విఘ్నాలు కలిగించటమే .పదోత్పత్తి శాస్త్రాన్ని (ఎటిమలాజికల్ )బట్టి యజ్ఞం అంటే దేవ పూజ ,దానం ,సంఘటీకరణం .ఇదిసృష్టి కోసం  అన్నిటినీ కలిపేది ,ఏకీకృతం చేసేది ,ఉండలు ఉండలుగా మార్చేది అని భావం .  సంకర్షణం అంటే అయస్కాంత శక్తి .

ఎనిమిదవ అధ్యాయం –విశ్వానికి ఆరంభం ,దాని భవిష్యత్తు

పేజి -115,పేరా -1

అయిన్ స్టీన్ శాస్త్ర వేత్త దీరీ ఆఫ్ రిలేటివిటి ప్రకారం స్పేస్ టైం –బిగ్ బాంగ్ ఏకత్వం ( సింగ్యులారిటి )తోప్రారంభమైంది .అది అతిపెద్ద ఏకీకృత  ప్రేలుడు(బిగ్ క్రంచ్ సింగ్యు లారిటి) తో అంతమౌతుంది .విశ్వం అంతా మళ్ళీ వినాశన మవటం  లేక ఒకే సారి బ్లాక్ హోల్ లో ద్వంసమైపోవటం జరుగు తుంది .ఈ బిలం లో పడిన ప్రతి వస్తువుఒకే సారి  నాశనమై పోతుంది. కాని గ్రావిటేషనల్ ప్రభావం బయట ఉంటుంది .ఇలాకాక క్వాంటం ప్రభావాన్ననుసరిస్తే పదార్ధ ద్రవ్య రాశి లేక శక్తి మళ్ళీ మిగిలిన విశ్వం లోకి ప్రవేశిస్తుంది .ఇది రాక్షసుల పునర్జన్మ లాంటిదే .బ్లాక్ హోల్ ఒకే సారి ఆవిరి యై అదృశ్యమై పోతుంది .క్వాంటం మెకానిక్స్ ఇలాంటి నాటకీయ ప్రభావం బిగ్ బాంగ్ క్రంచ్ సింగ్యులారిటిచూపగలదా?విశ్వావిర్భ తొలికాలం లో ను ఆ తర్వాత,గ్రావిటేషనల్ క్షేత్రాలు బాగా బలీయంగా ఉన్నప్పుడు ,క్వాంటం ప్రభావాలను విస్మరించ లేనపుడు  అసలేమి జరిగింది ?అసలు ఈ విశ్వానికి మొదలు ,తుది ఉందా ?ఒక వేళ ఉంటె అవి ఎలా ఉన్నాయి ?

శాస్త్రీజీ భాష్యం –వీటినే పురాణాలు వేదాలు చెప్పాయి .సృష్టి జీవితాన్ని కల్పం (సృష్టి)అంటారు .దీన్ని మహా యుగాలుగా విభ జించారు .వాటిని యుగాలుగా ,వీటిని మళ్ళీ లక్షలాది సంవత్సరాలుగా సూక్ష్మ విభజన చేశారు .ఇప్పుడు మనం ఉన్న కల్పం (acon )శ్వేత వరాహ కల్పం .ఇది భూమికి సంబంధించినంతవరకు చాలా దూరం శ్వేత వరాహ కల్పం ప్రారంభం లోనే భూమి కన్యా రాశి లో లేక వరాహ  నక్షత్ర కూటమి లో సృష్టింప బడింది అని ఇదివరకే తెలుసుకొన్నాం .అంటే మన భూమి ,వరాహ నక్షత్ర కూటమి ఒకే సారి సృష్టింప బడినాయి .ఇది ముందే నిర్దేశింప బడిన కాలం వరకు ఉండి,గ్రహ నక్షత్రాలతో మళ్ళీ అంతమౌతుంది .

మన పురాణాలు ఈ కూటమిని  పరిమితమైన కోణం లోనే చెప్పాయి .మిగిలిన గెలాక్సీల విషయం లోనూ ఇదే విధానం .అవికూడా ఇలాగే పరిణామం చెంది శక్తిలో లయం పొంది నిద్రాణ స్థితిలో (డార్మంట్ )కనిపించకుండా స్పష్టమైన  శూన్యం (అపరెంట్ ఎంప్టి నెస్)అనబడే ఆకాశం లో ఉండి,మళ్ళీ ప్రారంభ విధానం లో పాల్గొంటాయి .కనుక సృష్టి అనేది ఒకే సారి (వన్ టైం )జరిగింది కాదని స్పష్ట మౌతోంది .ఇది టైం ,స్పేస్ లో అంతు ,లేనిదని ,అనంతమైనదని స్పష్టం .ఇదే విషయాన్ని హాకింగ్ శాస్త్రజ్ఞుడు 116వ పేరాలో స్పష్టంగా చెప్పాడు . క్రిస్టియన్ మత గురువు పోప్ గారు ఏర్పరచిన సైంటిస్ట్ ల సమావేశం లో –‘’సైంటిస్ట్ ల సిద్ధాంతాలు బైబిల్ సిద్ధాంతాలతో ఘర్షణ పడుతున్నాయా ‘’?అని అడిగినప్పుడు   హాకింగ్ తెలియ బరచాడు .

పేజి 116,పేరా -1

మనం మాట్లాడుకొనే సబ్జక్ట్ విషయం ఆయనకు తెలియదని సంతోషించాను .కాన్ఫరెన్స్ లో నేనిలా చెప్పాను –స్పేస్ టైం సంభావ్యత స్పస్ట మనిపరిమితమైనదని(ఫైనిట్ )దానికి  సరిహద్దు (బౌడరి )  రెండూ లేవని  అంటే దానికి ప్రారంభం ,అంతమూ లేదని సంపూర్ణం (ఆబ్సల్యూట్ )కాదని భావం .స్పేస్ ,టైం లకు సరిహద్దు లేదు.సృష్టి ఏర్పడిన క్షణం (మూమెంట్ ఆఫ్ క్రియేషన్ )కూడా లేదు .

శాస్త్రిగారి వ్యాఖ్య –ఇది అచ్చంగా మన భావనలనే ప్రతి బిమ్బిస్తున్నాయి .సృష్టి ఒకే కాలం లో జరిగిన తంతు కాదు .అది పరిపూర్ణమూ (ఆబ్సల్యూట్ )కాదు .స్పేస్ ,టైం లకు సరిహద్దు లేదు . అవి సరళ రేఖాత్మకం(లీనియర్ ) కాదు ,.అవిస్వభావ రీత్యా  చక్రీయమైనవి (సైక్లిక్ )  ,అంటే అవి ఎప్పుడూ కనిపిస్తూ మళ్ళీ ప్రత్యక్ష మౌతూ  ఉంటాయని అర్ధం .

సశేషం

మీ –గబ్బిట దుర్గా ప్రసాద్ -27 12-15- కాంప్ –మల్లాపూర్ =హైదాబాద్

కోటప్ప కొండ 

మా మనవడు ఛి సంకల్ప్ 26-12-15 న అమెరికా ప్రయాణం

—

దైవ చిత్తం -8

శ్రీ ఏ సి పి శాస్త్రిగారి (The mind of God )కు నా స్వేచ్చాను వాదం

కృష్ణ బిలాలు (బ్లాక్ హోల్స్ )

పేజి -82,పేరా 3

చాలా విపరీత0 గా ఉన్న వాయువు ,ముఖ్యం గా హైడ్రోజెన్ వలన నక్షత్రం ఏర్పడుతుంది .నక్షత్రం దాని భారానికి అదే గురుత్వాకర్షణ వలన కూలి పోతుంది .

శాస్త్రిగారి కామెంట్ –హైడ్రోజెన్ అంటే నీటిని ఏర్పరచే ఒక మూలకం . వేదవిజ్ఞానం ఉన్న  వారందరికీ ప్రపంచం నీటి తో ఏర్పడిందన్న విషయం తెలుసు .వేదమంత్రాలలో ఈ విషయం చాలా సార్లు చెప్ప బడింది .’’ఆపోవా ఇదగం సర్వం ,సర్వా భూతా న్యాపహః ‘’భావం –విశ్వం అంతా నీరే .ప్రాణులన్నీ నీరే .ప్రపంచం లోని లయ లన్నీ జలమే ..ప్రపంచం లోని కాంతి అంతా  నీరే .ప్రపంచం లోని ప్రతిదీ నీరే .అందుకే సృష్టి నీటి తో ఉన్న నక్షత్రాలనుండే ప్రారంభ మైంది .విశ్వం అంతా తారా సముదాయమే అంటే నీటి సముదాయమే .మహా విష్ణువు అన్నిటా పరి వ్యాపకమై ఉంటాడు కనుక ,అన్నీ తానె కనుక ,విశ్వం తానె అయి ఉన్నాడు కనుక ‘’నారాయణుడు ‘’అయ్యాడు సంస్కృతం లో నార అంటే నీరు అని అర్ధం .అయన అంటే సన్నిధి .ఇదే విషయాన్ని మిగిలిన వారు ,గణేశాది దేవతలందరికీ వర్తిస్తుంది .వేద,పురాణాలలో నీటిని ,దాని ప్రాముఖ్యాన్ని గూర్చి ఎన్నో ఆసక్తికర కధలున్నాయి .ఋగ్వేదం లో వరుణ దేవత అంటే కోరికలు తీర్చే వాడు అని ఉంది .అన్నిటినీ తీర్చేది,ఇచ్చేది  నీరు అనే విషయం మనకు తెలిసిందే .చెట్లు ,జంతువులూ ,,మానవులు పెరగటానికి నీరే ముఖ్య పదార్ధం అనే ఈ మహా విజ్ఞానాన్ని  దార్శనికులైన మన మహర్షులు  ఎప్పుడో మనకు అందజేసినందుకు మనం ఏమిచ్చి వారి ఋణం తీర్చుకోగలం ?సర్వదా వినయం తో కృతజ్ఞతతో ఉండటం తప్ప .  పేజి 87 పేరా -2..

ఒక నక్షత్రం కూలి పోయి బ్లాక్ హోల్ గా మారటం చూస్తె ,రిలేటివిటి దీరీ ప్రకారం ఆబ్సల్యూట్ టైం అనేది లేదని తెలుస్తోంది .అయితే ప్రతి పరిశోధకుడికి అతనికి సంబంధించిన కాలం ఉంటుంది .

శాస్త్రిగారి వివరణ –పూర్వపు భారతీయ తార్కికులు దీన్ని ఎప్పుడో గుర్తించారు .వాళ్ళు కాలాన్ని ‘’విభు ‘’అన్నారు అది నేచర్ సూత్రాలకు బద్ధం కాదు .కారణం అదే ప్రకృతిని సృష్టిస్తుంది కనుక .కనుక ఆబ్సాల్యూట్ టైం అనేది ఉండదు .మనం చేయాల్సింది ఏమిటంటే ఒక ఏక పక్ష (ఆర్బిట్రరి ) బి౦దువునుండి సాపేక్షం గా మాత్రమె గణించ గలం  .అందుకే ఇండియాలో మనకు నాలుగైదు రకాల పంచా౦గా లున్నాయి ..ఇందులో ఒకటి చంద్ర గమనం పైనా(చాంద్రమానం ) ,మరొకటి సూర్య గమనం ఆధారంగా (సూర్య మానం )మరొకటి గురు సంచారం ఆధారంగా (బార్హస్పత్య మానం )పంచాం గాలున్నాయి .యజ్న యాగాదు లకు చా0ద్రమానాన్నే పరి గణన లోకి తీసుకొని ముహూర్త నిర్ణయం చేస్తారు . వేదం లో చంద్రుని ప్రాముఖ్యత ఏమిటో మనకు తెలుస్తుంది .భూమిపై  సృష్టి చంద్రుని నుంచి అంటే చంద్రోదయం నుండి ప్రారంభమైనదని వేదం గుర్తించింది. భూమిపైన ఏర్పడిన నీరు చంద్రుడు కనపడిన తర్వాతే ఏర్పడింది .అందుకే కృష్ణ పక్షం లో అమావాస్య  ,శుక్ల పక్షం లో పౌర్ణమి ఈ రెండూ వేద కర్మలకు ముఖ్యమైనవి .

పేజి 89,పేరా -3

తప్పించుకోవటానికి అసాధ్యమైన   దిక్చక్ర సంఘటన (ఈవెంట్ హోరైజన్ ),స్పేస్ టైం  సరిహద్దు ఒక రకం గా బ్లాక్ హోల్ చుట్టూ  పొరలా వ్యాపించి ఉంటుంది .అజాగ్రత గా ఉంటె అంత రిక్ష యాత్రికుడుబ్లాక్ హోల్ లోని  ఈవెంట్ హోరైజన్ లోకి పడిపోయి ,మళ్ళీ బయటికి రాలేడు.

శాస్త్రి గారి వ్యాఖ్యానం –ఇక్కడ ఒక ముఖ్యమైన విషయాన్ని చెప్పాలి .అదే గణేశ విషయం.మానవ లోకం లో  ప్రక్రుతి సూత్రాలకు లొంగని చాలా బలమైన శత్రు బలం ఉన్నదని ,ఈవెంట్ హోరైజన్ అనేది మన వాళ్ళు అన్యార్ధం (ఎలిగరి ) గా చెప్పారని అనిపిస్తోంది .వినాయక చవితినాడు ఈ కధను చదివి చెప్పుకొంటాం .దీన్ని మరికొంచెం వివరంగా తరచి చూద్దాం –

గజాసురుడు అనే రాక్షసుడు ఉండే వాడు .తపస్సు చేశాడు .తపస్సులో ఉష్ణం ఉత్పత్తి అవుతుంది .ఇదే ఇంద్రియాలను జయించటం .నిరాహారం గా ఎన్నో ఏళ్ళు తపస్సు చేసి మనసును సృష్టి కర్తపై లగ్నం చేసి  శివుడిని మెప్పించి సాక్షాత్కారం పొందాడు .వరం కోరుకోమనగా తన కడుపులో శివుడు ఉండిపోయే వరం కోరాడు .టైం స్పేస్ సరిహద్దు ఒక రకంగా పొర.అందుకేవిశ్వం లో  బయట ప్రపంచానికి శివుడు కనిపించ లేదు .ఇది వరకే చెప్పినట్లు వేద విజ్ఞానం అయస్కాంత బలాన్ని గజ బలం తో పోల్చింది .అదొక ప్రతీకాత్మక విషయం .దీనికి కారణం ఏనుగు తనబలీయమైన  తొండం తోఅన్ని శక్తులను పరాస్తం చేసి విజయం సాధిస్తుంది .ఇదే పదార్ధాలను ఆకర్షించే అయస్కాంత శక్తి .మహా శివుడే  నక్షత్రాలు గేలాక్సీలు ,గ్రహాలూ ఉన్న విశ్వం .శివుడు గజాసురుడికి ఇచ్చిన వరం ప్రకారం గజాసుర గర్భాస్తమయ్యాడు .అంటే సకల విశ్వం గజాసురుని గర్భం లో ఉండి పోయింది .ఏనుగు  ఒకే ఒక రంగు ఉంటుంది .అది నల్లగా ఉండి,అయస్కాంత క్షేత్రంగా ఉంటుంది .

సశేషం

మీ-గబ్బిట దుర్గా ప్రసాద్ -26-12-15-కాంప్-మల్లాపూర్ –హైదరాబాద్

.

దైవ చిత్తం -7

శ్రీ ఎ.సి .పి.శాస్త్రి గారి (The mind of God)కు కు నా స్వేచ్చానువాదం

పేజి -69,పేరా -2od)

‘’చివరగా భౌతిక శాస్త్ర వేత్తలలో ఎక్కువ మంది ఒక ఏకీకృత సూత్రం ఏర్పడుతుందని ఆశగా ఎదురు చూస్తున్నారు .ఆ సూత్రం ఆ నాలుగు సూత్రాలు ఒకే శక్తికి ఉన్న నాలుగు విభిన్న అంశాలుగా వివరించవచ్చని అనుకొన్నారు .ఇదే ఈ నాటి భౌతిక శాస్త్ర లక్ష్యం గా కని పిస్తోంది .ఇటీవలే మూడు రకాల శక్తుల ఏకీకరణ విజయ వంతమైంది .ఈ విషయాన్ని ఈ అధ్యాయం లోనే వివరిస్తాను. మిగిలిన దాని విషయమై తర్వాత ఆలోచిద్దాం ‘’అన్నాడు సైంటిస్ట్ స్టీఫెన్ హాక్ .

వివరణ –వేదం ఈ సూత్రాలను ఎప్పుడో ఏకీకృతం చేసింది .ఇవే గురుత్వాకర్షణ ,విద్యుదయస్కాంత శక్తి ,బలహీన న్యూక్లియర్ శక్తి ,శక్తి వంతమైన న్యూక్లియర్ శక్తి .వీటిని దైవీ శక్తులుగా పేర్కొన్నది అందుకే ప్రతి శక్తినీ దేవతా స్వరూపంగా భావించి చెప్పింది.  ప్రతి వస్తువు లేక దైవ శక్తి వీటిని కలిగి ఉన్నట్లు చెప్పి ,ఆహ్వానించి పూజించేట్లు చేసింది .ఈ సంయుక్త శక్తిని  అది దేవతగా చెప్పింది .ఉదాహరణకు రవి చంద్ర భూమీ మొదలైనవి .ఇందులో ప్రతిదీ ఒక దేవతయే .కారణం ఈ దేవత నాలుగు శక్తులను ఏకీకృతం చేసి తనలో ఉంచుకొని ,వాటితో విభిన్న కార్యాలను చేయిస్తుంది .గ్రావిటి,విద్యుదయస్కాంతం ,పదార్ధాన్ని బంధించి ఉంచే న్యూక్లియర్ ఫోర్స్,రేడియో యాక్టివిటి ,అనేవి ఇవే .వీటినే తర్వాత శక్తి కి ప్రతీకగా ఒకోసారి పరస్పర ఖండన ,వ్యతిరేకతలున్నా భావించారు .

ఒక ఋగ్వేద సూక్తం ‘’ఇంద్రం మిత్రం వరుణం అగ్ని మాహు హు ఔతో దివ్యహ –సుపర్ణో గరుత్మాన్ ఏకం –సత్ విప్రా బహుదా వదంతి అగ్నిం –యమాన్ మాత రిష్వాన  మాహుహు ‘’

ఈ సత్యాన్ని ఇంద్ర ,మిత్ర ,వరుణ ,అగ్ని ,సుపర్ణ ,యమ ,మాత రిశ్వ అంటే వాయువు గా పిలుస్తారు. కాని  సత్యం ఒకటే .వివిధ నామాలతో పిలువ బడుతోంది .ఈ ఏకీకృత శక్తి నే వేదం ‘’సత్ ‘’అన్నది .అందుకే వేదం ‘’ఏక మేవా ద్వితీయం బ్రహ్మ ‘’అంటే సృష్టి కర్త ఒక్కడే .రెండవదైన వేరొక శక్తి అంటూ ఏదీ లేదు  అని అర్ధం .

పేజి 70,పేరా-1

సూర్యునికి భూమికి మధ్య ఉన్న  ఆకర్షణ శక్తి –ఈ రెండు పదార్ధాల మధ్య గురుత్వాకర్షణ పరస్పర మార్పు వలన ఎర్పడేదిగా  పరిగణింప బడుతుంది .ఈ మార్పు చెందిన కణాలు వర్చువల్ పార్టికల్స్.అవి తప్పని సరిగా గణింప దగిన ప్రభావాన్ని కలిగిస్తాయి .ఇవే భూమిని సూర్యుని చుట్టూ తిరిగేట్లు చేస్తాయి .వాస్తవ గురుత్వాకర్షణలు క్లాసికల్ ఫిజిసిస్ట్ ల దృష్టిలో గురుత్వాకర్షణ తరంగాలు .ఇవి బలహీనం గా  ఉండి,కని పించ నంత ,లేక గుర్తింప బడ నంత గా ,ఇంత వరకు గమనింప బడనివిగా ఉన్నాయి .

శాస్త్రి గారి కామెంట్ –కనుక చివరికి సైన్సు వర్చువల్ పార్టికల్స్ ఉన్నాయనే నిర్ణయానికి వచ్చింది .గెలాక్సీల కదలికలు ఈ కణాల పరస్పర మార్పు వలన జరుగుతాయని నిర్ణయానికొచ్చారు .దీనివలన దేవతలు అంటే శక్తులు కంటికి కనిపించవని తేలింది. ఇది భౌతిక వాదుల పిడి వాదానికి సరైన సమాధానం .చూడబడని వాటిని ఎవరు ఎలా చూడ గలరు ?ఇవి అనుభవైక వేద్యాలే .దీనికి సమాధానంగా యజుర్వేద మంత్రం ఉండనే ఉంది యజుర్వేదం లో ఒకటవ అనువాకం లో ఆరవ కాండలో యజ్ఞం చేసే యజమాని ఒక దీక్ష తీసుకోవాలని ,దీక్షా వస్త్రం గా అతి స్వచ్చమైన తెల్లనివి ధరించాలని ,ధరించే ముందు ఆ వస్త్రానికి వేద మంత్రాలతో నమస్కరించాలని ఉంది –

‘’సోమస్య తనురసి ,తనువం మే పాహి –నక్షత్రాణాం అతీక సాత్ పాహి ‘’—దీని అర్ధం –ఓ!స్వచ్చ వస్త్రమా !నువ్వే సోమ అనగా చంద్ర రూపానివి .నా శరీరాన్ని రక్షించు .నన్ను నక్షత్రాల మహా కాంతి శత్రువు నుండి కాపాడు .

అంత రిక్ష పదార్ధాల అదృశ్య శక్తుల ఆకర్షణ  బలాలను వేదం ఎప్పుడో గుర్తించి చెప్పింది .భౌతిక వాదులు వేదాలను నమ్మక పొతే సైన్సును నమ్మినా ఇదే అభిప్రాయానికి రావటం ఖాయం .

పేజి 75,పేరా -3

యాదృచ్చిక (స్పాంటేనియస్ )ప్రోటాన్ శిదిలత ను ఇంతవరకు ఎవరూ ప్రయోగాలలో  పరిశీలించలేక పోయినా ,ప్రోటాన్ జీవితకాలాన్ని ఉజ్జాయింపుగా పది మిలియన్ మిలియన్ మిలియన్ మిలియన్ మిలియన్ సంవత్సరాలుగా ఊహించారు .అంటే ఒకటి తర్వాత ౩1 సున్నాలున్నమాట .ఇది సరళ ఏకీకృత సిద్ధాంతం చెప్పిన కాలం కంటే ఎక్కువ .ఇంకా ఎన్నో పరిశోధనలలో ఈ కాలం పెరిగిందేకాని తగ్గ లేదు .ఇంకా సున్నితమైన ప్రయోగాలు మహా  పదార్ధాలున్న వాటిపై జరిపి  నిగ్గు తేల్చాలి .

శాస్త్రి గారి వ్యాఖ్యానం –ప్రధానం గా పంచ భూతాత్మక దేవతలు ,సాపేక్షంగా అమర్త్యులు .హాకింగ్ చెప్పిన కాలం అంటే ఒకటి తర్వాత 31సున్నాలున్న సంవత్సరాలు దేవతలా జీవిత కాలం .అందుకే వేదం దేవతల జీవిత కాలం కల్పాలతోఅంతమౌతుంది అని చెప్పింది .కనుక వారిని ‘’త్రిదశులు ‘’అన్నది అంటే –వారెప్పుడూ ౩౦ ఏళ్ళ వయసున్న వారుగానే బలీయంగా  కనిపిస్తారు . కారణం ప్రళయం దాకా పంచ మూలకాలు మొదట్లో యెంత శక్తి వంతంగా బలం గా ఉంటాయో చివర్లోనూ అలాగే ఉండటం .ప్రోటాన్ శిధిలం కావటానికి పట్టే కాలాన్ని దీనితో పోల్చి చెప్పచ్చు .ఇదే అనంతకాలం లో తుది సమయం .ప్రోటాన్ శిధిలం అవటం అనే సంఘటన అని అర్ధం చేసుకోవాలి .

పేజి 78,పేరా 3

పదార్ధ కణాలు ,గురుత్వాకర్షణ బలాలు మిగిలిన వాటిపై పెత్తనం చేస్తాయి .అందుకే గురుత్వాకర్షణవిశ్వ  పరిణామాన్ని నిర్ణ యించేదిగా  ఉంది .

శాస్త్రీ జీ భాష్యం –ఇదంతా విష్ణుమూర్తి దశావ తారాలలో ఒకటైన  వరాహావతారాన్ని గుర్తుకు తెస్తుంది .వేద ఖగోళం లో ద్వాదశ రాశులలో ఒకటి అయిన కన్యా రాశి లో జరిగింది  వరాహవాతారం .ఇదే ఆధునికులు చెప్పే వరాహ నక్షత్ర కూటమి (బోర్ కాన్ష్టి లేషన్ ).విష్ణువు ఆదివరాహ రూపం లో హిరణ్యాక్ష రాక్షసుడిని వదించటానికి ముందు ,భూమికి ఆకారమే లేదు .ఈ మహా కూటమి గురుత్వాకర్షణ బలం వలన భూమికి గోళాకార ఆకృతి ఏర్పడింది .వరాహవతార విగ్రహాన్ని చూస్తె వరాహం కోరపై పై వర్తులాకార విశ్వం కనిపిస్తుంది .దీని వలన అంతకు ముందు భూమికి ఆకారం లేదని ,అందుకే పరిణామం  జరగటం ఆలస్యమైందని సూచిస్తోంది .అప్పుడు దేవుడు లేక సృష్టి కర్త భూమి రూపం దాల్చాలని ,అప్పుడే దానిపై జీవావిర్భావం జరగాలని నిర్ణయించాడు .

అందుకే ఆయన ఈ కూటమిని సృష్టించి అయస్కాంత క్షేత్రం ఎర్పడేట్లు చేశాడు .హిందువులకు శ్వేత వరాహ కల్పం ను గుర్తించగలరు .దీని అర్ధం తెల్ల వరాహం నుండి ప్రారంభమైన సృష్టి అని భావం .

సశేషం

క్రిస్మస్ శుభా కాంక్షలతో

మీ-గబ్బిట దుర్గా ప్రసాద్ -25 -12-15-కాంప్-మల్లాపూర్ –హైదరాబాద్

.

–