7-3-15 శనివారం ఉదయం తిరుపతిలో రాకేశ్ రిసెప్షన్ ,మధ్యాహ్నం  మదనపల్లి లో శ్రీ రామినేని భాస్కరేంద్ర గారింట్లో మా కు ఆత్మీయ స్వాగతం ఆతిధ్యం ,విందు ,గౌరవ సత్కారాలు -భాస్కర్ గారి ”సరస్వతీ మహల్ ”మరియు భార్య శ్రీదేవిగారి ”పూజా మందిరం ” సుందరకాండ పారాయణం ,ప్రతి అంగుళం లో ”శ్రీ షిర్డీ సాయి ”దివ్య దర్శనం ,సేకరించినభద్రపరచిన  ”కళా నికేతనం ”దృశ్యమాలిక

శ్రీ కళ్యాణ వెంకటేశ్వర దేవాలయం -రాకేశ్ నిఖిల వివాహం ,బాచుపల్లి లో సత్యనారాయణ వ్రతం 10-3-15 మంగళ వారం ఉదయం రాత్రి చట్నీస్ రెస్టారెంట్ లో రిసెప్షన్ దృశ్యాలు

5-3-15 గురువారం రాత్రి శ్రీ చలపాక ప్రకాష్ గారింట్లో మేము మరియు 6-3-15 శుక్రవారం రాత్రి తిరుపతిలో రాకేశ్ వివాహ రిసెప్షన్ లో సంగీత ఝరి

మదనపల్లి లో 7-3-15 శనివారం శ్రీ రామినేని భాస్కరేంద్ర గారి కళ్యాణ మండపం ఇంటి ఎదురుగా ఒరిజినల్ తిరుమల నామాల కొండ ,హార్స్లీ హిల్స్ ,రిషీవాలీ  తరిగొండలో వెంగమాంబ విగ్రహం నరసింహ స్వామి ,తిరుపతిలో కళ్యాణ వెంకటేశ్వరస్వామి

మార్చ్ 16 సోమవారం సా – Copy

ఆధునిక ప్రపంచ నిర్మాతలు –జీవితాలలో చీకటి వెలుగులు -20-

10-ఫియోడర్ డాస్టో విస్కీ –2

సెమి పాలంట్ నిస్కి  లో మిలిటరీకవాతు చేస్తూ ఖాళీ సమయం లో రచనావ్యాసంగం కొన సాగించాడు .అప్పుడే ఒక పిల్లాడి తల్లి అయిన మేరియా డిమిత్రివాన ఇసఎవను ప్రేమించాడు .ఆమె భర్తను వదిలి రావటం కష్టమైంది .భర్త చనిపోయిన తర్వాత ఆమె వేరొకరిని  మనసిచ్చి మనవాడికి నిరాశ కలిగి౦చి౦ది .కాని ఆమె అంటే ఆరాధనమాత్రం తగ్గలేదు .ఆమెనే పెళ్లి చేసుకొని ఆమె కొత్త భర్తను, కొడుకును ,ఆమెను పోషించాడు . ప్రభుత్వం పూర్తిగా క్షమ ప్రసాదించి పీటర్స్ బర్గ్ లో మామూలు జేవితాన్ని గడపటానికి అంగీకరించిం ది.రష్యాలో సంస్కరణ ఉద్యమం ఊపులో ఉంది .సోదరుడు మైకేల్ తో కలిసి దాస్తోవిస్కి ‘’వ్రేమ్యా ‘’(టైం )మేగజైన్ ను నడిపాడు రెండు విలువైన పుస్తకాలు ‘’ది ఇన్ సల్టేడ్ అండ్ ఇంజూరేడ్ ‘’’’ది హౌస్ ఆఫ్ ది డెడ్ ‘’రాశాడు .రెండవ నవలను టాల్ స్టాయ్ బాగా మెచ్చాడు. ఇది ఆయన జైలు జీవితమే జీవిత పోరాటం లోనే జీవిస్తున్నాడు .ఆగిన సృజన ప్రవాహాన్ని కదిలించి వేగవంతం గా రాసేస్తున్నాడు .జర్మని ఫ్రాన్స్ ఇంగ్లాండ్ టూర్ చేశాడు .అక్కడి భౌతిక వ్యామోహం పై ఏవగింపు కలిగి ‘’వింటర్ నోట్స్ ఆన్ సమ్మర్ ఇంప్రె షన్స్ ‘’రాశాడు వాటిపై .మొదట్లో  ఆంక్షలు విధించినా తర్వాత వదిలేశారు అప్పటికే జరగరాని నష్టం జరిగిపోయింది .

40 లో మూర్చ తీవ్రమైనది. జ్ఞాపక శక్తి క్షీణించింది .స్థలమార్పు అవసరమన్న డాక్టర్ సూచన పై విదేశీ యానం చేశాడు .పోలినా సుస్లోవా అనే పిల్లపై పారిస్ లో  వ్యామోహం లో పడ్డాడు .చేతిలో చిల్లిగవ్వ లేని స్తితిలో ఉన్నాడు .జాక్ పాట్ కొట్టి ఏదో లబ్దిపొందాలని జర్మన్  గాంబ్లింగ్ లో దిగాడు .గెలుపు ఓటమిల దోబూచులాటలో పడి అదే వ్యామోహమై తానూ ఎందుకిక్కడికి వచ్చాడో మర్చేపోయాడు .పారిస్ చేరాడు .ప్రేమించిన పోలినా లవర్ ఆమెను మోసం చేసి జంప్ జిలానీ .ఆమె పోషణ కూడా మీదేసుకొన్నాడు మన విశాల హృదయుడు .ఆమెతో వీస్ బెడేన్ వెళ్లి మళ్ళీ వీల్ ఆఫ్ ఫార్చూన్ లో కూరుకుపోయాడు . ఇంటిదగ్గర భార్యకు తీవ్ర అనారోగ్యం గా ఉందని తెలిసి రష్యా చేరాడు .భార్య కు పిచ్చెక్కి చనిపోయింది .కొంతకాలానికి తాను  అధికం గ ప్రేమించిన సోదరుడూ చనిపోయాడు మళ్ళీ డిప్రెషన్ లో పడ్డాడు. మైకేల్ చేసిన విపరీతామైన అప్పులు తీర్చాలనే సంకల్పం తో విపరీతంగా వేగం గా రాశాడు, గాంబ్లింగ్ ఆడాడు .ఉన్నదంతా ఊడ్చుకు పోయింది పోలినాడబ్బును కూడా క్షవరం చేశాడు .కాండిల్స్ కొనే స్తోమతకూడా లేక  రాత్రుళ్ళు  చదవటం రాయటం మానేశాడు .ఒక్క రూబుల్ అప్పుకోసం వీధుల వెంబడి మూడేసి రోజులు తిరిగిన సందర్భాలెన్నో ఉన్నాయి .

అదృష్టం ఒక్క సారిగా తలుపు తట్టింది ‘’ది గాంబ్లర్  ‘’’’క్రైం అండ్ పనిష్మెంట్ (నేరము శిక్ష)నవలలు రాయటానికి పబ్లిషర్ తో ఒప్పందం కుదుర్చుకొని గడువు లోపల పూర్తీ చేయటానికి అన్నా గ్రిగేరేవ్నా ‘’అనే స్టె గ్రాఫర్ ను పెట్టుకొని పూర్తీ చేసి చివరికి ఆమె ప్రేమబంధం లో చిక్కి పెళ్లి చేసుకొన్నాడు .నేరము శిక్ష గొప్ప విజయాన్ని సాధించింది కాసుల వర్షమే కురిపించింది.అప్పులవాళ్ళు మీద పడి ఉన్నదంతా ఊడ్చుకెళ్ళారు.చిప్ప చేతిలో పట్టుకొని కొత్తభార్య తో రాష్యా వదిలి జెర్మని స్విట్జెర్లాండ్ ఇటలీలు తిరిగాడు .సుఖం ఆనందం పొందలేక పోయాడు .స్వంత ఇల్లు ఎర్పరచుకోవాలనే కోరిక కలిగింది .అందులో కూర్చుని హాయిగా స్వేచ్చగా రాసు కోవాలనుకొన్నాడు .రష్యా గాలి అ నీరే తనకు బలవర్ధకం అనుకొన్నాడు ఫిట్లు ,గాంబ్లింగు జోరైనాయి .శక్తి  క్షీణించి పోతోందని సృజన మందగించిందని బాధ పడ్డాడు .సరదా గా మొదలైన జూదం వ్యసనమై పీల్చి పిప్పి చేసింది .ఇడియట్ ,దిపోసేసింగ్ నవలలు రాస్తున్నాడు .జెనీవాలో భార్య గర్భవతి గా ఉన్నప్పుడు చేతిలో 5 ఫ్రాంకులు మాత్రమే ఉన్నాయి .మొదటి బిడ్డ మరణం రెండో బిడ్డ ద్రేస్దేన్ లో జననం .తన దీన స్తితిని తెలియ జేస్తూ స్నేహితునికి ‘’నా భార్య ఒక పిల్లాడిని పోషించాలి .నేను ఎందుకూ పనికి రాని వాడినైపోయాను . ఎప్పుడూ ఆకలి తో ఉంటున్న నేను ఏమి ఎలా రాయగలను .ఆకలి రాక్షసినన్ను కొరికి తినేస్తోంది .చదరంగం ఆడి డబ్బు సాధించటం తప్ప గత్యంతరం లేదు ‘’అని రాశాడు .

వేదనా బాధ దరిద్రం నిర్లక్ష్యం పెనవేసుకు పోయి అతనితో చదరంగం ఆడాయి .ఓడిపోయాడు అన్ని ఆటలలో .విముక్తి భావాలను గాలికి వదిలేశాడు . చాందసం పెరిగింది మతం నరనరానా పాకింది .గురూగారికి 50 ఏళ్ళకు మొకాలిలోని మెదడు అసలు స్థానానికి చేరి చేసిన తప్పులకు చెంపలేసుకొని పశ్చాత్తాపపడి జూదానికి గుడ్ బై చెప్పి మళ్ళీ రష్యాలో అడుగు పెట్టాడు .అప్పులాళ్ళు అతని రచనలకు అడ్డుపడలేదు .స్వేచ్చగా రాయనిచ్చారు .ఊపిరి తీసుకొని మహా రచనలని పించుకొన్న ‘’ది పోసేసేడ్ ‘’’’ది ఎటర్నల్ హస్బండ్ ‘’ది బ్రదర్స్ కర్మ జావ్ ‘’లను క్షణం తీరిక లేకుండా గాంబ్లింగ్ లో వృధా చేసుకొన్న కాలాన్ని సద్వినియోగం చేసుకొని తీక్షణం గా రాశాడు అధిక శ్రమ చేశాడు .చావు మీద పడిన వాడైపోయాడు అలసట తో .

60 మీద కొచ్చాయి .మూడు నెలల తర్వాత మృత్యువు కబళించింది .మనసులో అనుకొన్న పుస్తకాలు రాయటానికి ఇంక ఎక్కువకాలం బతికితే బాగుండును అనుకొన్నాడు .బ్రదర్స్ నవల చివరి భాగం రాస్తూ పెన్ను చేతిలోనుంచి జారిపడి దాస్తోవిస్కి 28-1-1881న మరణించాడు .రష్యా రచయితలూ చాదస్తం గా రాస్తారనే అపప్రధ లోకం లో ఉంది .కాని దాస్తోవిస్కి మనసుపెట్టి రాశాడని ,ప్రతివారితోను మాట్లాడినట్లు రచన చేశాడని మెచ్చుకొంటారు .అతని గొప్ప ఫాన్ అయిన వర్జీనియా ఉల్ఫ్ ‘’his novels are seething whirlpools ,gyrating sand storms ,water spouts which hiss and boil and suck us in .the y are composed purely and wholly of the stuff of the soul .The elements of the soul are seen not separately but streaked ,invoved ,inextricably confused ,a new panorama of the human mind is revealed ‘’అంటూ పరవశం తో చెప్పింది .ఆయన రచనలు పాపులు నేరస్తులు ,ఆత్మ పరాదీనులగురించే రాశాడు .ఒక కొత్త ప్రపంచాన్ని సృస్టించాడు .సెయింట్ అల్యోశా లాంటి పాత్రలు సృష్టించాడని సోమర్సెట్ మాం పొగిడాడు .ప్రపంచం లో జరిగే ప్రతినేరానికి మన బాధ్యతా ఉంది మన ప్రమేయం లేకపోయినా అనుభవించాల్సి వస్తోంది అంటాడు దాస్తోవిస్కి

కదా నవలా రచయితగా ,జర్నలిస్ట్ గా ఫిలాసఫర్ గా  గుర్తింపు పొందాడు .మత ఆధ్యాత్మిక వేదాంత విషయాలను గురించి రాశాడు .ఎపిగ్రామ్స్ కవితలూ రాశాడు .నవలలో జీవిత చరిత్రను జోడించాడు .తాను  ఫిలాసఫీలో బలహీనుడిని  అని చెప్పుకొన్నా డాస్తో విస్కీ రచనలలో ఫిలాసఫీయే ఎక్కువ గా కనిపిస్తుంది .రష్యన్ స్వర్ణ సాహిత్య యుగం లో టాల్ స్టాయ్ ,డాస్తో విస్కీ లే అధిక ప్రాచుర్యం పొందారు .ప్రఖాత గణిత విజ్ఞాన శాస్త్రజ్ఞుడు అయిన్ స్టీన్ అతన్ని ‘’గొప్ప మత రచయితఅని ‘’who explores the mystery of spiritual existence ‘’ అన్నాడు .ఆధునిక వచనానికి ఆద్యుడు దాస్తోవిస్కి అన్నాడు జేమ్స్ జాయిస్ ‘’.ఆతని రచనల్లో నమ్మేవి నమ్మలేనివీ ఉన్నా  చదువుతూ పోతే తను చెప్పినవన్నీ యదార్ధమే అనిపిస్తాయి’’అన్నాడు మరో అమెరికన్ లిజెండ్ హెమింగ్ వే .కాఫ్కా ‘’నాకు రక్త బంధువు దాస్తోవిస్కి ‘’అన్నాడు .ఫ్రాయిడ్ ‘’కర్మజారో నవల ఇంతకు  ముందెన్నడూ రాని మహత్తర నవల ‘’ అని పొంగిపోయాడు .సర్రియలిస్టూలు సింబాలిస్ట్ లు ఎక్సేన్శియలిస్ట్ లు  బీట్ సంగీతం వాళ్ళు తమకు ప్రేరణ దాస్తోవిస్కి అన్నారు

1956లో రష్యా ఆయన పేర పోస్టల్ స్టాంప్ విడుదల చేసింది .ఆయన పేర మ్యూజియం ఏర్పరచారు .బుధ గ్రహం మీద ఒక క్రేటర్ కు ఆయన పేరు పెట్టారు .1991లో కనుగొన్న చిన్న గ్రహాన్ని ఆయన పేరుతొ పిలిచారు .ఆయన పేరుమీద ఎన్నో సంస్థలు ఎన్నో రకాల అవార్డులు అందజేస్తున్నాయి  .170ప్రపంచ భాషలలోకి ఆయన రచనలు అనువాదాలయ్యాయి .ఎన్నో సినిమాలు తీశారు .మొత్తం మీద పదిహేను  నవలలు నవలికలు రాశాడు .,రష్యా విప్లవం లో రెండు మూడు పేరాలు కుదించారు   .17చిన్నకధలు 5 అనువాదాలు చేశాడు .

సశేషం

మరో ప్రముఖ వ్యక్తీ తో మళ్ళీ కలుద్దాం

మీ –గబ్బిట దుర్గాప్రసాద్ -5-3-15- ఉయ్యూరు

03-04-2015_4

http://www.netinizam.com/default.aspx

ఆధునిక ప్రపంచ నిర్మాతలు –జీవితాలలో చీకటి వెలుగులు -19

10-ఫియోడర్ డాస్టో విస్కీ –

జీవితం అంతా యుద్ధ రీతి పోరాటమే బాధలే ,అణచివేతలే,లోపలి పీడన బాహిర వేదన ,ఏదో సుదూర స్వప్నాల తీరాలు అందుకొనే ఆరాటం ఆవేదన పోరాటమే  డాస్తో విస్కీ అని పిలువబడే ఫియోడర్ మిఖైలోవిచ్  డాస్తో విస్కీ జీవితం .పగటికలలు .ఆకలల సాకారానికి ఆరాటం .భరించ లేని వేదన ,దాని సాఫల్యతకు నిరాశా పూరక పోరాటం .పుట్టిన నాటి నుండీ ఇదే తీరు .27 ఏళ్ళ వయసులో ఉరి శిక్ష ఆఖరి క్షణం లో రద్దు అయి మనకోసం బతికాడు .ప్రపంచ ప్రసిద్ధ నవలా రచయితగా మిగిలాడు .

30-10-1821మాస్కోలో మురికి చిన్న పబ్లిక్ హాస్పిటల్ లో తండ్రి స్టాఫ్ ఫిజీషియన్ గ ఉన్న చోట ఏడుగురుసంతానం లో ఒకడుగా పుట్టాడు .బాల్యం లో పేదరికం ,జబ్బులు ,అకస్మాత్తు చావుల వార్తలే ప్రతి రోజూ వినేవాడు .తండ్రి తాగుడుకు విపరీతం గా బానిసై ఉద్యోగాన్ని పోగొట్టుకొంటే ప్రైవేట్ ప్రాక్టీస్ చేసి కొద్దో గొప్పో సంపాదించి కుటుంబాన్ని పోషించాడు ఎనిమిదో ఏటనే దాస్తోవిస్కి కి దుఖం, దౌర్భాగ్యం అంటే ఏమిటో తెలిసింది .ఈ సమస్య బైబిల్ లోని నీతికద అతని జీవితాంతం గుర్తుండిపోయాయి .54 వ ఏట భార్యకు జాబు రాస్తూ ‘’బుక్ ఆఫ్ జాబ్ చదువుతున్నా .అది మళ్ళీ నాలో పాత దుఖం వేదన దుస్తితి జ్ఞప్తికి తెచ్చింది చదవటం ఆపేసి పుస్తకం పక్కన  పారేసి పచార్లు చేశా .నా కన్నీళ్లు ధారాపాతం గా కురుస్తూనే ఉన్నాయి బలవంతం గా ఆపుకోగాలిగాను ఈ పుస్తకమే మొట్ట మొదటి సారిగా నన్ను ఆకర్షించి పట్టేసుకోన్నది ‘’అని రాశాడు .

16 ఏట సోదరుడు మైఖేల్ తో బాటు సెయింట్ పీటర్స్ బర్గ్ లోని మిలిటరీ ఇంజినీరింగ్ స్కూల్ లో చేరాడు నాలుగేళ్ళు చదివాడు. రోజూ కవాతు భరించలేకపోయాడు .ఖాళీ దొరికినప్పుడల్లా దొరికినన పుస్తక౦ చదివాడు పుష్కిన్ కవిత్వం పైనా ,బాల్జాక్ వచన రచన రచన మీదా విపరీత మైన అభిమానమేర్పడింది .బాల్జాక్ రచన ‘’యుజినీ గ్రాన్ డేట్ ‘’ను అనువదించాడు .20 కి ఆర్మీలో   సెలెక్ట్ అయ్యాడు .కాని ఇంకో ఏడాది స్కూల్ లోనే చదివాడు  .తర్వాత రెండేళ్ళు మిలిటరీ ఇంజినీరింగ్ లో తప్పనిసరిగా ఉద్యోగం చేయాల్సి వచ్చి చేశాడు .ఇంతలో తండ్రి హత్యకు గురైనాడు .జాగ్రత్త లేకపోవటం వలన సంపాదించిన డబ్బంతా వృధాగా ఖర్చు చేసేశాడు .బాల్జాక్ ను చదవటం వలన ‘’రష్యన్ హ్యూమన్ కామెడి ‘’రాయాలని కలలు కనేవాడు .ఆరు నెలలు కస్టపడి రాసి ‘’పూర్ ఫోక్ ‘’మొదటి నవల పూర్తిచేసి ప్రచురించాడు ..

మొదటినవలె అయినా అది బాగా అందర్నీ ఆకర్షించి నేక్రసోవ్ అనే విమర్శకుడు గోగోల్ తో సమానంగా రాశాడని కీర్తి౦చి ‘’ఇంతకీ  నువ్వేమి రాశావో నీకైనా తెలుసా?’’అని ప్రశ్నించాడు  .ఈ విషయాన్ని 30 ఏళ్ళ తర్వాత గుర్తుకు తెచ్చుకొని దాస్తోవిస్కి ‘’నా జీవితం లో దీనిని మించిన  గొప్ప ఆనందం ఎప్పుడూ అనుభవించలేదు ‘’అని చెప్పుకొన్నాడు  .పూర్ ఫోక్ లో లో పాత్రలన్నీ ఉత్తరాలద్వారా విషయాలను ఆకలితో అలమటిస్తూ ,కొంచెం పాలు  చిన్న రొట్టెముక్క తింటూ బతుకుతూ  తెలియ జేస్తాయి .ఈ నవల  ఇన్ స్టంట్ట్ సక్సెస్ సాధించటం తో రచయితగా పేరొచ్చింది .అధోజగత్ సహోదరుల జీవితాలే అతని కదా వస్తువులైనాయి .27 వయసులో మెలో డ్రామా జోడించి విషాదపాత్రలతో రెండోనవల మొదలుపెట్టాడు .కొన్నేళ్ళతర్వాత యువ రాడికల్స్ తో పరిచయమేర్పడి ఫోరియర్ రచనలు చదివి సోషలిజం గూర్చి వాళ్ళతో చర్చించాడు .1848 రష్యా విప్లవ కాలం లో ఇలాంటి చర్చలు దేశ ద్రోహ నేరం .దాస్తోవిస్కి తో పాటు అతని స్నేహితులను కూడా అరెస్ట్ చేసి పీటర్ అండ్ పాల్ ఫోర్ట్రెస్ లో బంధించి విచారించారు .ఉరి శిక్ష ఖాయం చేశారు .వద్య స్థలానికి ఒకరోక్కరినే తీసుకోనివేడుతున్నారు .శిక్ష ను చదివి వినిపించి ఒక్కొక్కరినే ఉరి తీస్తున్నారు .అందరిలో నిరాశా నిస్పృహా నిర్వేదం నిండి ఉన్నాయి .ఉరి తీయబదేవారి వరుసలో ఆరో వాడు దాస్తోవిస్కి .కళ్ళు మూసుకొన్నాడు .ఆ సంఘటన గురించి తరవాత రాస్తూ ‘’ఒక్క నిమిషమే నాకు బతికే కాలం మిగిలి ఉంది .ఒక తెల్ల గుడ్డముఖం పై కప్పారు .సైనికులు వెనక్కి వెళ్లి నిలబడ్డారు .ఇంతలో జార్ చక్రవర్తి మా అందరికి ప్రాణ భిక్ష పెట్టినట్లు వార్త చదివారు ‘’.ఉరి శిక్ష నాలుగేళ్ల సైబీరియా  కఠిన జైలు శిక్షగా మార్చారు .ఇది ఒక వ్యక్తీ జీవితం లో అత్యంత ఉత్కంఠ భరిత సన్నివేశం .ఊహించలేనిది రానిది. అలా  మృత్యు ముఖం  నుండి డాస్తో విస్కీ బయటపడి ప్రపంచ ప్రఖ్యాత రచయిత అయ్యాడు  .మనసులో పడిన ఈ మచ్చ జీవితాంతం మరచిపోలేదు ..

ఇరవై ఎనిమిదేళ్ళ వయసులో సైబీరియా లో శిక్ష అనుభవించాడు .38 వయసులో మళ్ళీ సెయింట్ పీటర్స్ బర్గ్ చేరాడు సృజన జీవితం లో మూడవ వంతు ప్రవాసిగా గడిపిన దురదృష్ట వంతుడు దాస్తోవిస్కి .కోటార్గా,ఓంస్ నేర బందికానాలలో ఉండగా రాళ్ళు పగల కొట్టించారు ,రాళ్ళు  మోయించారు .ఏ పుస్తకమూ చదవ నివ్వలేదు ఒక్క అక్షరం కూడా రాయనివ్వలేదు .ఒక్క బైబిల్ చదవటానికి మాత్రమే పర్మిషన్ ఉండేది .ఆ దుర్భర నరక వేదన గురించి ఆయన మాటల్లోనే తెలుసుకొందాం ‘’eternally in chains ,eternally under guard,eternally behind bolts and bars and never alone !Total suppression of the mind –that was life in the fortress ‘’ఎన్నో భావాలు వచ్చేవి ఆవన్నీ వాహిక లేక ఇంకిపోయేవి .ఏదేదో రాయాలనిపించేది కాని రాయటానికి పేపర్ కూడా నిషేధమే .ఆరోగ్యం పూర్తిగా దెబ్బతిని మూర్చ రోగం వచ్చింది .

జైలు నుంచి విడుదల చేశారుకాని సైబీరియన్ టౌన్ సెమి పాలటిన్ స్క్ కు చేరాడు .కొంత ఆరోగ్యం కుదిరింది .నాలుగేళ్ళు జన జీవితానికి దూరమై ఉన్నాడు బైబిల్ ఒక్కటే అతనికి ఊరట గా ఉండి దైవానికి దగ్గర చేసింది .రాడికల్ భావాలు మార్చుకొన్నాడు .ఆస్నేహితులకు దూరమైపోయాడు. ఆలోచనా విధానం లో పెద్ద మార్పు వచ్చింది .ప్రపంచాన్ని సోషలిజం ద్వారా ఉద్ధరిద్దామన్న భావన తొలగి పోయి౦దిమనసునుండి .మతానికి చేరువైపోయాడు .ప్రజలు నమ్మారుకనుక తానూ నమ్మాను  అని చెప్పాడు .

సశేషం

మీ –గబ్బిట దుర్గా ప్రసాద్ -5-2-15- ఉయ్యూరు

నా దారి తీరు -92

చెప్పుల్లో కాళ్ళు–డి.యి.వో. రాక

సాధారణం గా అప్ లాండ్ అనబడే పశ్చిమ కృష్ణాలో పని చేసే మేస్టార్లు ఉద్యోగులు శనివారం నాడు ఒక గంటా అరగంటా ముందే స్వంత ఊళ్లకు వెళ్ళటానికి హెడ్ మాస్తారినో పై అధికారినో పర్మిషన్ అడిగి లేక రాత పూర్వకం గా కాగితం రాసిచ్చి సిద్ధమై లాస్ట్ పీరియడ్ లో ‘’చెక్కేస్తారు ‘’నేనూ అందుకు మినహాయింపు కాదు .గండ్రాయిలో ఉండగా మరీ .మా హెడ్ గారు మా కంటే ఆయనే తొందర పెట్టి ‘’మేస్టారూ !మీరు చాలా దూరం వెళ్ళాలి కదా .చివరిపీరియడ్ లోక్లాసులుంటే ఎవరికో ఒకరికి అడ్జస్ట్ చేస్తా .మీరు వెళ్ళిరండి ‘’అనే వారు అది బాగా అడ్వాంటేజ్ గా తీసుకొని వాడుకోన్నాము నేనూ అక్కడి డ్రాయింగ్ ప్రసాద్ .ఇప్పుడు నేను హెడ్ మాస్టార్ని కదా వత్సవాయిలో .వెళ్ళే టీచర్లకు పర్మిషన్ ఇచ్చి పంపేవాడిని.వాళ్లకు చివరిపిరియాద్ క్లాసులుంటే నేనో లేక ఇంకెవరో తీసుకొనే వాళ్ళం. ఈ వెళ్ళే బాచ్ లో క్రాఫ్ట్ వెంకటేశ్వర రావు ,నేనే ఉండేవాళ్ళం  .అక్కడ నాలుగున్నర దాకా ఉండి బయల్దేరితే ఉయ్యూరు అంచలంచెల మీద చేరే సరికి రాత్రి ఎనిమిది దాటేది అందుకని మూడుమ్ముప్పావు కే బయల్దేరేవాళ్ళం .ఇంచార్జ్ కి స్కూల్ అప్పగించి వెళ్ళేవాడిని .అదీ మొత్తం మీద చాలా కొద్ది సార్లే వాడుకొన్నాను .లారీలమీడా ఎక్స్ప్రెస్ బస్సుల్లో ,చిన్నకార్లలో ఏది దొరికితే వాటిలో ప్రయాణం చేయాల్సి వచ్చేది .కన్నెవీడు హైస్కూల్ కు వెళ్లి వాలీబాల్ బాద్ మింటన్ ఫ్రెండ్లీ మాచేస్ ఆడి వచ్చేవాళ్ళం అక్కడిహేడ్ మాస్టారు కపిలేశ్వర పురం లో పని చేసిన చలపతిరావుగారే మంచివాడు నిదానస్తుడు

ఒక శనివారం క్రాఫ్ట్ మేష్టారు నేనూ చివరి పిరియడ్ లో చేక్కేసే ఏర్పాటులో ఉన్నాం .ఇంతలో  డి ఇ వొ గారు అకస్మాత్తుగా స్కూల్ విజిట్ కు వచ్చారు .గుండేలాగిపోయాయి .గబగబా ఆయనకు స్వాగతం చెప్పి ,అడిగిన రికార్డ్ లన్నీ చూపించాము .అంతాపర్ఫెక్ట్ గా ఉందని సంతోషించి సంతృప్తి చెందారు .ప్రతిక్లాసుకూ తీసుకొని వెళ్లి చూపించాను .అన్నీ బాగా అబ్సర్వ్ చేశారు .స్కూల్ పెర్ఫెక్ట్ లైన్ లోనే నడుస్తోంది అనే ఇంప్రెషన్ వచ్చింది ఆయనకు .మంచి రిమార్క్ విజిట్ బుక్ లో రాసి వెళ్ళారు .ఆయన వెళ్ళేదాకా లాంగ్ బెల్ కొట్టలేదు అయిదింటి దాకా ఉండి వెళ్ళారు అప్పుడు బెల్ కొట్టి పిల్లల్ని పంపాము .చివరి పీరియడ్ కు పది నిమిషాలముందు ప్రతి రోజూలాగే అసెంబ్లీ ఏర్పాటు చేసి ఆయనతో మాట్లాడించి జనగణమన పాడించి పంపాము .మేము ముందే వెళ్లి ఉంటె మా పరిస్తితి ఏమిటో భగవంతుడికే ఎరిక ఇలా మొదటి  హేడ్మాస్టారి అనుభవం రుచి చూశాను .దేవుడు నా యెడల ఉన్నాడనిపించింది లేకపోతె అభాసుపాలయ్యేవాడిని .

పిఆర్.సి-కొత్త స్కేళ్ళలో ఫిక్సేషన్లు

నేను వత్సవాయి హెడ్ మాస్టారుగా ఉండగానే కొత్త వేతన సవరణ సంఘం సిఫార్సులు అమలులోకి వచ్చాయి .అందరికి ఆప్షన్లు కోరుకోవటం దానిప్రకారం స్కెల్ లో ఫిక్సేషన్ చేయటం బకాయీలను తయారు చేయటం చాలా పెద్దపనే .మా గుమాస్తా లగడపాటి కృష్ణ మూర్తి బాగా సర్వీస్ ఉన్నవాడేకాని ఎందుకో ఫిక్సేషన్ చేయటానికి కొంత జంకాడు .దాన్ని పోగొట్టటానికి నేనూ ఆయన గండ్రాయి వెళ్లాం. అక్కడ హేడ్మాస్టార్ శ్రీ పి వి సుబ్రహ్మణ్యం గారికి ఇవన్నీ నల్లేరుపై బండినడక.ఆయన దగ్గర కూర్చుని విధానం అంతా ఇద్దరం తెలుసుకొన్నాం .అప్పుడు కృష్ణమూర్తి ‘’సార్ –ఇంతేనా అయితే ఇంక ఎవరి సహాయం సలహా మనకు వద్దు మనమే చేసేద్దాం ‘’అన్నాడు తిరిగి వత్సవాయి వచ్చి అందరి ఫిక్సేషన్లు పూర్తీ చేసి జిల్లాపరిషత్  కు పంపం వెంటనే సాంక్షన్ అయి వచ్చాయి ఎరియర్ లు కూడా బాగా ముట్టాయి .ఇందులో కొంత వసూలు చేసి జిల్లాపరిషత్ గుమాస్తాలకు ‘,ఆడిట్ వాళ్లకు’’ ఆమ్యామ్యా’’ సమర్పించాలి మేమూ అలానే చేశాం .’’భూత తృప్తి’’ అన్నమాట .నాఫిక్సేషన్ గండ్రాయిలోనే హెడ్ మాస్టారు చేసి పంపారు .మేము ఇక్కడ నాన్ ద్రాయల్ సర్టిఫికేట్ రాసి జిల్లా పరిషద్ కు పంపి సాంక్షన్ చేయిన్చుకోన్నాం .నాకు అనుకోకుండా ఒక స్టేజ్ బెనిఫిట్ వచ్చి జీతం బాగా పెరిగింది .

హాఫ్ పే లీవ్ –బదిలీ

ఉయ్యూరులో శ్రీ ఆంజనేయ స్వామి దేవాలయం పనులకు గాను రెండు సార్లు హాఫ్ పే లీవ్ పెట్టాను. హెడ్ మాస్టారి లీవ్ జిల్లా పరిషత్ పి ఇ వొ గారు సాంక్షన్ చేయాలి .15-6-88నుండి 26-6-88 వరకు సెలవుపెట్టాను మొదటిసారి .ఆలయ పునః ప్రతిష్ట చేశాము .ఇక గండ్రాయి లో ఉండాలని పించలేదు ఇదివరకే రాసినట్లు లాంగ్ లీవ్ పెట్టి ప్రయత్నం చేయాలి అందుకని 5-8-88 నుండి 34 రోజులు 7-9-88 వరకు లీవ్ పెట్టాను .జిల్లా పరిషద్ చైర్మన్ ను వీలైనప్పుడల్లా కలుస్తూనే ఉన్నాను .వత్సవాయి లో అన్ని పోస్ట్ లను నేను చైర్మన్ కోటేశ్వర రావు గారి దృష్టికి తీసుకొని వెళ్లి భర్తీ చేయించాను ఇది ఒక రికార్డ్ .ఎవరూ పట్టించుకోని స్కూల్ ను నేను పట్టించుకోని నేను వచ్చేనాటికి ఒక్క ఖాళీ కూడా లేకుండా ఫిలప్ చేయి౦చ గాలిగాను. నా గొప్పతనం కంటే చైర్మన్ కోటేశ్వర రావు గారి చొరవ బాగా కలిసొచ్చింది .’’మేస్టారూ !మీరక్కడ ఉండాలని లేదంటూనే పోస్ట్ భర్తీ గురించి మీకెందుకు అంట ఆరాటం ?’’అన్నారొకసారి అప్పుడు నేను ‘’సార్ ! అసలే దూరపు ప్రాంతం మన ప్రాంతం నుండి వెళ్ళిన వాళ్ళు అక్కడెవరూ ఉండటం లేదు .పోస్టులు ఉంటె ఉండాలన్న తపన ఉంటుంది ‘’అంటే నవ్వి అన్నీ భర్తీ చేశారు అదినాకు గొప్ప సంతృప్తి నిచ్చింది .

స్పాట్ వాల్యు ఏషన్ కు బందర్ వేస్తె హాయిగా ఉయ్యూరు నుండి వెళ్లి వచ్చేవాడిని .అప్పుడు ఆఫీసులోచైర్మన్  గారుంటే కలిసి అర్జీ ఇచ్చి బదిలీ కోరేవాడిని. ఒక సారి నేనూ అడ్డాడ హెడ్మాస్టారు శ్రీ వై .దేవేంద్ర రావు పెదముత్తేవి హెడ్ శ్రీ కోసూరి ఆదినారాయణ జమ్మవరం హెచ్ ఏం శ్రీ పి ఆంజనేయ శాస్త్రి ,మొదలైన వాళ్ళం చైర్మన్ గారిని కలిశాం నేను నా ట్రాన్స్ ఫర్ సంగతి చెప్పా . ఎక్కడా ఖాళీలు లేవు .మంగళాపురం ఖాళీ అవుతోంది అక్కడికి వెయ్యమంటే వేస్తానన్నారు .సరే దూరం తగ్గుతుంది కదా అని ఓకే చెప్పి గుమాస్తా శేషగిరి రాకు తెలియ జేసి ‘’చేపాల్సింది ‘’చేపి లాంగ్ లీవ్ 13-7-89-1-9-89 వరకు 51 రోజులు పెట్టా .అప్పుడు పి ఇ వొ పరమ హం(హిం)స గారు .పైకి స్ట్రిక్ట్ ,లోన లొటారం .నన్ను చల్లపల్లి దగ్గర మంగళాపురం .హైస్కూల్ కు అక్కడి హెడ్మాస్టారు శ్రీ జోశ్యులు గారు రిటైర్ అయితే అందులో వేశారు .పెనం మీదనుంచి పొయ్యిలోకి కాకపోయినా పొయ్యి రాళ్ళమీద పడినట్లయింది నా పరిస్తితి .ఆర్డర్ వచ్చేదాకా ఎవరికీ చెప్పలేదు .బందరు వెళ్లి తీసుకొని మంగళాపురం హైస్కూల్ లో చేరాను ఈ రికార్డ్ అంతా సర్వీస్ రిజిస్టర్ లో జిల్లాపరిషత్ మెయింటేన్ చేస్తుంది .అందులో నేను వత్సవాయిలో రిలీవ్ అయిన తేది మంగళాపురం లో చేరిన తేదీ వాళ్ళే నమోదు చేస్తారు. నాదగ్గర ఆ వివరాలు లేవు .గుర్తుకూడాలేదు .

సశేషం

మీ –గబ్బిట దుర్గాప్రసాద్ -5-2-15- ఉయ్యూరు

ఆధునిక ప్రపంచ నిర్మాతలు –జీవితాలలో చీకటి వెలుగులు -17

9-క్రిస్టియన్ సైన్స్ ఉద్యమ కారిణి –మేరీ బేకర్ ఎడ్డీ -1

అమెరికాలో న్యు హాంప్ షైర్ లో బౌ అనే చోట 16-7-1821 న జన్మించిన మేరీ బేకర్ ఎడ్డీ జీవితం పై ఎన్నో అభూతకల్పనలు అసంబద్ధ రాతలు వచ్చాయి .అన్నిటిని ధైర్యం గా ఎదుర్కొని తాను నమ్మినదానినే చెప్పి ,రాసి ,ముందుకు సాగిన జీవితం ఆమెది .సత్యాన్వేషణలో మూలాలను  తరచిన సూక్ష్మ బుద్ధి ఆమెది .మార్క్ ట్వేన్ ఆమె పై ఒక పెద్ద పుస్తకమే రాశాడు .ఆమె రాసిన క్రిస్టియన్ సైన్స్ ను హంబగ్ అని ఈసడించి రెచ్చిపోయి రాసిన వారూ ఉన్నారు .నిరు పేద జీవితం గడిపి కానీకి ఠికాణా లేని స్తితిలోంచి ,కోట్లకు పడగలెత్తిన   ఐశ్వర్య  సంపన్నురాలైంది .అదీ క్రిస్టియన్ సైన్స్ అనే వినూత్నవిధానం తో .ఆధునిక ప్రపంచ నిర్మాతలలో తానూ ఒకరి చరిత్ర సృష్టించింది .

ఈమె పూర్వీకులు స్కాట్ లాండ్ ,ఇంగ్లాండ్ దేశీయులు .తల్లి విద్యావంతురాలు .రుజు ప్రవర్తన ఉన్న మహిళ.మగవారి తో సమానం గా కస్టపడి పని చేసే ఓర్పూ నేర్పూ ఉండేది తల్లికి .తండ్రి చాలా పవిత్రుడైన  కాన్గ్రిగేషనలిస్ట్ .అంటే వ్యక్తిగత శుద్ధత  ద్వారానే ఉన్నత స్తితిని ,దైవ సాన్నిధ్యాన్ని పొందవచ్చు అనే మెథడిస్ట్ పద్ధతికి దగ్గర భావాలున్న వాడు .మత ధర్మాలను చాలా నిద్ధతతో పాటించేవాడు .

మేరీ చిన్నతనం నుంచి ఏదో ఒక జబ్బుతో బాధపడేది .మూర్చలు వచ్చేవి అకస్మాత్తుగా .తీవ్ర స్వభావం ఉండటం వలన ఈ ఫిట్స్ ఆమెకు ఒక శాపమే అయింది .బాల్యం నుండి మత విషయాలలో చురుకుగా ఉండేది .’’ఎవరో నన్ను పేరు పెట్టి మూడు సార్లు పిలిచినట్లుఅంతరాత్మలో  అనిపించింది ‘’అని తన అనుభవాన్ని రికార్డ్ చేసింది .తనను ‘’జోన్ ఆఫ్ ఆర్క్’’ గా భావించుకొనేది .ఆమెతో బంధుత్వం ఉన్నట్లు ఊహించుకోనేది .పన్నెండవ ఏట నే బాల యేసు లాగా తానూ చర్చి పెద్దలతో వాదించానని  చెప్పుకొనేది .కాని యవ్వనం వచ్చేసరికి వీటికి విరుద్ధం గా ఆమె సంచరించింది .

పిల్ల ఆరోగ్యం కోసం తండ్రి కుటుంబాన్ని ఈ నాడు సాన్ బారంటన్ బ్రిడ్జ్  అని పిలువబడే టిల్టాన్ కు మార్చాడు .మేరీ ఆరోగ్యం కొంత మెరుగైంది .తానూ ఒకకవిని అని ఊహించుకొని ఏకాంతం లో కవిత్వం రాసేది .అందులో మంత్రాలనూ కలిపి రాసేది .19 వ ఏట సోదరుడు ఆల్బర్ట్ చనిపోవటం తో డిప్రెషన్ కు లోనైంది .రెండేళ్ళ తర్వాత ఆల్బర్ట్ స్నేహితుడు అయిన ఒక తాపీ పని వాడిని పెళ్లి చేసుకొన్నది .భర్త స్టోన్ మేసన్ గా వ్యాపారమూ చేసేవాడు .సౌత్ కరోలినలోని చార్లేస్టన్ కు నవ వధువును తీసుకొని వెళ్లి కాపురం పెట్టాడు  .అతనితో ఎన్నో సార్లు బిజినెస్ ట్రిప్ లలో పాల్గొనేది .భర్తకు ఎల్లో ఫీవర్ వచ్చి అకస్మాత్తుగా చనిపోయాడు .చేతిలో పెన్నీ కూడా లేని గర్భ దరిద్రం లో అప్పుడు మేరీ ఉంది .పుట్టింటికి చేరి ఒక కొడుకును కని తండ్రిపేరు పెట్టుకొన్నది .

చిన్నతనం లోనే గర్భం దాల్చటం వలన పిల్లాడు పుట్టే లోపే ఆమె ఆరోగ్యం మరీ క్షీణించి ఇక బతకదేమో ననిపించింది .అందువల్ల పసిపిల్లాడిని సాకే పని కూడా చేయలేక పోయేది .నరాల బలహీనత ఆమె ఆరోగ్యాన్ని తరచుగా దెబ్బ తీసేది .కుటుంబ సభ్యుల తోడ్పాటు తో ,ఆసరా తో ఆమె బతికింది .ఇలాంటి స్తితిలోకూడా కవిత్వం రాసి౦దివీలైనప్పుడల్లా .పిల్లాడిని పెంచలేననే అధైర్యం  ఆమెను కమ్ముకొంటే  విలేజ్ బ్లాక్ స్మిత్ భార్య చేతిలో కుర్రాడి సంరక్షణ బాధ్యత పెట్టింది .ఇరవై ఏళ్ళకు తల్లి చనిపోయింది .తండ్రి వేరొక అమ్మాయిని పెళ్లి చేసుకొన్నాడు .తండ్రి ఇంట ఇప్పుడుకూడా ఒంటరి జీవి అయిపోయి౦ ది .మగ వారి విషయం లో ఆమె చాలా దురదృష్ట వంతురాలు .బార్లేట్ అనే అతన్ని ప్రేమిస్తే ,అతను కాలిఫోర్నియా కు వెళ్లి చనిపోయాడు .ఆ దుఖమూ కుంగ దీసింది .కొడుకును మారుటి తండ్రి దూర ప్రాచ్యానికి తీసుకెళ్ళిపోయి దూరం చేశాడు పుత్రప్రేమకు .కొడుకు తనకే దక్కాలన్న అరాటమూ ఆమెలో లేదు .కారణం తన పొట్టనే తాను  పోషించుకోలేని దైన్యమే .కొడుక్కి 35 ఏళ్ళు వచ్చి  భార్యా ఇద్దరు పిల్లలతో ఉన్నాడని తెలిసి ‘’మదర్స్ డార్లింగ్ ‘’అనే కవిత రాసింది .’’Thy smile through tears ,as sunshine over the sea –Awoke new beauty in the surge;s roll –Oh !life is dead ,bereft of all,with theee –Star of my earthly hope,babe of my soul ‘’అని తన ఆవేదనను వెళ్ళ గక్కింది .

ముప్ఫైలలో  మళ్ళీ వివాహ సన్నాహాలలో పడింది .డేనియల్ పాటర్సన్ అనే డెంటిస్ట్ ను పెళ్లి చేసుకొన్నది .ఆమె అనారోగ్యం గురించి అతనికి పూర్తిగా తెలుసు ,కానీ అతని అభిరుచులు వేరు .జీవన వైవిధ్యాన్ని ఆమె కోరుకోలేక పోయింది .అతని పాశవిక చేష్టలకు తట్టుకోలేక పోయింది .వైట్ మౌ౦టే న్స్ దగ్గరున్న నార్త్ గ్రాటన్ లో ఉన్నారిద్దరూ .అక్కడా ఒంటరిదైపోయి౦దిమళ్ళీ .నిరంతరం సంచార వైద్యం లో ఉండే ఆతను ఇంటిదగ్గర భార్యను వదిలేసి వెళ్ళిపోయేవాడు .ఆమె ఇతరులేవరితోనూ స్నేహం చేసేదికాదు

నలభై వ ఏట .పోర్ట్ లాండ్ లోని మైమ్ లో ఫినియాస్ పి.క్విమ్బి అనే ఆయన మెస్మరిజం తో వ్యాధులు నయం చేస్తున్నాడని విన్నది .ఆయనే తన వ్యాధికి దిక్కు అని నమ్మి అక్కడికి చేరింది. మొదటి సెషన్ లోనే క్విమ్బి- మేరీ శారీరక ఆరోగ్యాన్నేకాదు  మానసిక ఆరోగ్యాన్నీ బాగు చేశాడు .ఆమెలో ఉన్న అసాధారణ ప్రజ్న ఆసక్తికి ముచ్చటపడి ఆయన తనకు వచ్చిన సర్వ విద్యనూ ఆమెకు నేర్పించాడు .కొద్ది కాలం లోనే ఆయనతో బాటు సమాన మైన విద్య నేర్చి చాంపియన్ అని పించింది .ఆయన రాసిన గ్రంధాలన్నీ చదివింది .ఆయన ప్రతిభావిశేషాలను పత్రికలో వ్యాసాలుగా రాసి ప్రచారం చేసి౦ది మేరీ బేకర్.ఆయన హిప్నటిజం తోకాని లేక ‘’యానిమల్ మాగ్నేటిజం ‘’తో కాని రోగుల వ్యాధులను నయం చేయటం లేదని ఒక శాస్త్రీయ మైన ఎవరికీ తెలియని విధానం లో నయం చేస్తున్నాడని తెలియ జేసింది .శిష్యురాలి అకు౦ఠిట దీక్షకు  మద్దతునిచ్చి ఆమెను తీర్చిదిద్దటం లో క్విన్బీ ఎక్కువ సమయం గడిపాడు .ఆమె రాసిన వాటిని ‘’సైన్స్ అండ్ హెల్త్ ‘’పేరిట ముద్రించింది .

మేరీ ఆరోగ్యం బాగుపడటమేకాదు ,ధైర్యం సాహసం ,ఆలోచన ,మనో నిబ్బరం యేర్పడి మానసిక వ్యాధులను కూడా నయం చేయగలిగే స్తితిలోకి వచ్చింది .వీటిని స్మ్రుతిగీతాలుగా రాసి ‘’lines on the Death of Dr .P .P. Quimby ,who healed with the Truth that Christ Taught in contra distinctions to all Isms ‘’పేర వెలువరించింది .కొంతకాలానికి ఆమె నడుస్తూ పడిపోయి విపరీతంగా గాయాలైనాయి .అప్పుడు జీసస్ చెప్పిన ‘’physician heal thy self !’’వాక్యాలను మననం చేసుకొని రెండు రోజుల్లోనే లేచినిలబడి నడవటం ప్రారంభించింది .దీనినే క్రిస్టియన్ సైన్స్ అన్నది .1866 ఫిబ్రవరిలో తనకు ‘’డివైన్ మెటా ఫిజికల్  హీలింగ్ ‘’అబ్బిందని దీనినే ‘’క్రిస్టియన్ సైన్స్ ‘’అన్నాని రాసి౦దిమేరి .అన్ని శారీరక బాధలకు మనసేకారణం అని అన్నిటికి ప్రధానం మైండ్ అనీ నిర్ణయించింది .ఇక్కడి నుండి ఆమె జీవితం మలుపు తిరిగి ఉచ్చ స్తితికి చేరింది .

ఆధునిక ప్రపంచ నిర్మాతలు –జీవితాలలో చీకటి వెలుగులు -18

9-క్రిస్టియన్ సైన్స్ ఉద్యమ కారిణి –మేరీ బేకర్ ఎడ్డీ -2

తన కొత్త మతాన్ని సంస్థాపించటానికి ముందు మేరి బేకర్ ఎన్నో అవరోధాలను ఎదుర్కొన్నది .డాక్టర్ పాటర్సన్ నుండి ఏడాదికి రెండు వందల డాలర్ల పెన్షన్ తప్ప ఇంకే ఆదాయమూ లేదు .ఉండటానికి స్వంత ఇల్లే లేదు .ఎవరో ఒక ఇల్లాలి మానసిక స్థితిని సరిచేసి వారింట్లో ఆ రోజు ఆతిధ్యం పొందుతూ సంచారి జీవితం గడిపింది .ఇలా ఉంటున్నా క్విమ్బీ జీవిత విశేషాలను రాస్తూనే ఉంది .నాలుగేళ్ళు బాధ దుఖం ,బీదరికం ఒంటరితనం లో జీవించి చివరికి మొదటి డ్రాఫ్ట్ ‘’extracts from doctor P.P.Quimby ;s writings ‘’ పూర్తీ చేసింది .ఇది బాధా నివృత్తి చేసేదేకాక భరించలేని మానసిక సంక్షోభానికి పరిష్కారం గా కూడా ఉన్నది .దీనితో ఆమె అసలైన క్రిస్టియన్ సైన్స్ ఆవిర్భావానికి మార్గం సుగమమైంది .దీనితో బాటు ప్రేమించటం గురించి బోధించేది .

మొదటి సారిగా ఆమె శిష్యులు బాధా నివారణ చేయటం లో ప్రసిద్దులవటం తో ఆమె కీర్తి నెమ్మదిగా ప్రపంచమంతా పాకింది అదే ఆమె విజయానికి తొలి మెట్టు అయింది .వారికి బోధించటానికి ఫీజు వసూలు చేసేది .దీనితో అనేక సంస్థ లేర్పడ్డాయి వారిలో భేదాలు తారా స్థాయికి చేరాయి .57 ఏళ్ళ వయసులో పాటర్సన్ కు విడాకులిచ్చి గిల్బర్ట్ ఎడ్డీ ని పెళ్ళాడింది .456పేజీల ఉద్గ్రంధాన్ని పూర్తీ చేసి 1875 లో విడుదల చేసింది .క్విమ్బీ పద్ధతిని ‘’ది సైన్స్ ఆఫ్ హెల్త్ “’అన్నది దానికి  ‘’విత్ కీ టు స్క్రిప్చర్స్ ‘’ అని జోడించింది .పది హేనేళ్లు దానిని ఎప్పటికప్పుడు కొత్తవి చేస్తూ ఆధునీకరిస్తూనే ఉంది .ఆ పుస్తకం లక్షా యాభై వేల కాపీలు అమ్ముడు పోయి రికార్డ్ సృష్టించింది .తన స్వంత చర్చిలోని ప్రతి వ్యక్తీ ఒక కొత్త కాపీ కోనేట్లు చేసింది.అమ్మకాలపై ప్రతి పుస్తకానికి ఒక డాలర్ రాయల్టీ పొందింది .

పదార్ధం పై మనసు ఆధిక్యతను ఆధారం గా రాసిన పుస్తకం అది .చెడు అనేది లేదని అంటు౦దిమేరి .చెడు అనేది భయం వలన ఏర్పడే ఒక మానసిక స్థితి అన్నది .ఆమె రాసిన పుస్తకం లో విరుద్ధ విషయావులెన్నో ఉన్నాయి .కాని శిష్యులపై ఆమెకు గొప్ప పట్టు ఉండేది .55  వయసులో ‘’క్రిస్టియన్ సైన్స్ అసోసియేషన్ ‘’ఏర్పాటు చేసింది .మూడేళ్ళ తర్వాత ‘’ది చర్చ్ ఆఫ్ క్రైస్ట్ ,సైంటిస్ట్ ‘’ను స్థాపించింది .రెండేళ్ళ తర్వాత ఇందులోని ఎనిమిది మంది చార్టర్ సభ్యులు రాజీనామా చేశారు .61 వయసులో తన చర్చ్  ని బోస్టన్ నగరానికి మార్చింది .ఆమె ప్రతికదలికా ఒక వార్తా సంచలనమే అయింది .దాన్ని బాగా కాష్ చేసుకొందికూడా .తన మాటకు, చేష్టకు ఆమె పురాణ గ్రంధాలనుండి ఆధారాలు చూపి అప్రతిభులను చేసేది .అపోక లిప్స్ చెప్పిన ‘’ and there appeared a great wonder in heaven ,a woman clothed with the sun and the moon under her feet ,and upon head a crown of twelve stars ‘’అనే మాటలను తనకే అన్వయి౦చు కొనేది

క్రిస్టియన్ సైన్స్ కొద్దికాలం లోనే గొప్ప వ్యాప్తి పొందింది .ఈ అతి వ్యాప్తిని చూసి మహా రచయితా మార్క్ ట్వేన్ ‘’ఇలా అయితే క్రిస్టియన్ సైంటిస్టులు 1920కి పది మిలియన్లు ,1930కి వారంతా బలమైన శక్తి గా రూపొంది ప్రతి రాజకీయ నిర్ణయాన్ని ప్రభావితం చేస్తారు .1940 నాటికి రిపబ్లిక్ అధికారాలు చేబట్టి అధికారం లో పాతుకు పోయే అవకాశం ఉంది ‘’అని రాశాడు .ట్వేన్ మాటలు పూర్తిగా ఉత్ప్రేక్షలే  అభూతకల్పనలే  అయ్యాయి .1950 నాటికి మేరీ స్థాపించిన మదర్ చర్చ్ బ్రాంచీల సంఖ్య మూడు వేలు అని ఎన్ సైక్లో  పీడియా బ్రిటానికా తెలియ బర్చింది .అందులో రెండు వేలరెండొందల బ్రాంచీలు అమెరికా ,కెనడాలలో ఉన్నాయి  .

ముసలితనం మీదా పడుతున్నకొద్దీ ఎడ్డీ బలం, అధికారం మరీ పెరిగింది .ఒక యునిటేరియన్ మినిస్టర్ సాయం తో తన పుస్తకానికి తుది మెరుగులు దిద్ది తన అనుచరులకు  బైబిల్ కు ప్రత్యామ్నాయం అయేట్లు చేసింది .దేశం లో  లో సంచారం చేస్తూ ఉపన్యాసాలిస్తూ తన మతం లోకి జనాలను చేర్పిస్తూ మదర్ చర్చ్ ను బలీయం చేసింది .ఒక భారీ సంస్థకు ఆర్గనైజర్ గా ఎదిగిపోయింది అత్యంత సంపన్నుల జాబితాలో చేరిపోయింది .మగ పురుషులతో అంత సఖ్యతగా లేక పోయినా సంస్థా గత విషయాలకు వారిపైనే ఆధార పడాల్సి వచ్చేది ..డెబ్భై వ పడిలో 41ఏళ్ళ ఒక హోమియో పతి డాక్టర్ ను చేర దీసింది అయిదేళ్ళ తర్వాత అతన్ని విసర్జించింది .అల్లాగే ఎవరినో దగ్గరకు తీయటం ,కొద్దికాలానికే వారికి గుడ్ బై చెప్పటం అలవాటైపోయింది ఆమెకు . ఆమె శీలాన్ని శంకించారు .చనిపోయిన వారి మరణానికి ఆమె చికిత్స వికటించే అనే ప్రచారమూ బాగా  బలపడింది .పూర్తిగా ఆమె పై వ్యతి రేకత కాదు  .ఆమె చుట్టూ ఉన్న కోటరీ పై వ్యతిరేకతే అది .సంస్థాగత వ్యవహారాలపై ఆమె పట్టు కోల్పోయిందనే ప్రచారం సాగింది.ఆమె స్వచ్చ ప్రవర్తనపై అపనమ్మకం కలిగింది .ఆమెను ఒంటరి దాన్ని చేసి పిచ్చిదానికిందా కట్టేశారు .86 ఏళ్ళ వయసులో కూడా ఆమె తనసంస్త్ర్హ ను పూర్తీ నియంత్రణలో ఉంచుకో గలిగింది .తొంభై ఏళ్ళు వచ్చాయి వృద్ధాప్యం వలన నే మేరీ బెకర్ ఎడ్డీ 3-12-1910 న తను నమ్మిన క్రీస్త్ ను చేరుకొంది .పేదరికం లో అతి సాధారణ రైతు కుటుంబం లో పుట్టిన ఆమె చనిపోయేసరికి ఒక పెద్ద సువిశాల సంస్థకు అధికారిణిఅయి మూడు మిలియన్ డాలర్ల ఆస్తికి వారసురాలై చరిత్ర సృష్టించింది .ఈ ఆస్తి అంతా ఆమె తను పెంచిపోషించిన చర్చి  కే  దక్కేట్లు చేసి ,భౌతికవాదాన్ని రూపుమాపి ,పదార్ధ వాదాన్ని లేకుండా చేసేందుకే  వినియోగించేట్లు చేసింది మేరీ బేకర్ ఎడ్డీ .

భారతీయ వేదాంతానికి క్రిస్టియన్ సైన్స్ కు అవినాభావ సంబంధం ఉందని మేరీ 33 వ ఎడిషన్ లో చెప్పింది .భగవద్గీతలోని అనేక శ్లోకాలను అందులో చేర్చింది .తర్వాత తీసేశారు .తర్వాత కాలం లో భారతీయ మైన అన్నివిషయాలను ఆ పుస్తకం నుండి తొలగించారు .ఎడ్డీ జీవితాంతం మార్ఫిన్ వాడుతూనే ఉందని ఒక రిసేర్చర్ తెలిపాడు .ఆమె చర్చి  బ్రాంచీలు 76దేశాలలో  వ్యాపించి ఉన్నాయి ఆమె శత జయంతికి ఆమె జన్మించిన బౌ గ్రామం లో 100టన్నుల గ్రానైట్ పిరమిడ్ ను నెలకొల్పి ఘనం గా నివాళులర్పి౦చారు .దాదాపు 16 పుస్తకాలు రాసింది మేరీ .

సశేషం

మీ-గబ్బిట దుర్గాప్రసాద్ -4-3-15- ఉయ్యూరు

మరో ప్రముఖునితో కలుద్దాం

సశేషం

మీ –గబ్బిట దుర్గాప్రసాద్ -4-3-15 ఉయ్యూరు

ఆధునిక ప్రపంచ నిర్మాతలు –జీవితాలలో చీకటి వెలుగులు -18

9-క్రిస్టియన్ సైన్స్ ఉద్యమ కారిణి –మేరీ బేకర్ ఎడ్డీ -2

తన కొత్త మతాన్ని సంస్థాపించటానికి ముందు మేరి బెకర్ ఎన్నో అవరోధాలను ఎదుర్కొన్నది .డాక్టర్ పాటర్సన్ నుండి ఏడాదికి రెండు వందల డాలర్ల పెన్షన్ తప్ప ఇంకే ఆదాయమూ లేదు .ఉండటానికి స్వంత ఇల్లే లేదు .ఎవరో ఒక ఇల్లాలి మానసిక స్థితిని సరిచేసి వారింట్లో ఆ రోజు ఆతిధ్యం పొందుతూ సంచారి జీవితం గడిపింది .ఇలా ఉంటున్నా క్విమ్బీ జీవిత విశేషాలను రాస్తూనే ఉంది .నాలుగేళ్ళు బాధ దుఖం ,బీదరికం ఒంటరితనం లో జీవించి చివరికి మొదటి డ్రాఫ్ట్ ‘’extracts from doctor P.P.Quimby ;s writings ‘’ పూర్తీ చేసింది .ఇది బాధా నివృత్తి చేసేదేకాక భరించలేని మానసిక సంక్షోభానికి పరిష్కారం గా కూడా ఉన్నది .దీనితో ఆమె అసలైన క్రిస్టియన్ సైన్స్ ఆవిర్భావానికి మార్గం సుగమమైంది .దీనితో బాటు ప్రేమించటం గురించి బోధించేది .

మొదటి సారిగా ఆమె శిష్యులు బాధా నివారాన చేయటం లో ప్రసిద్దులవటం తో ఆమె కీర్తి నెమ్మదిగా ప్రపంచమంతా పాకింది అదే ఆమె విజయానికి తోలి మెట్టు అయింది .వారికి బోధించటానికి ఫీజు వసూలు చేసేది .దీనితో అనేక సంస్తలేర్పడ్డాయి వారిలో భేదాలు తారా స్థాయికి చేరాయి .57 ఏళ్ళ వయసులో పాటర్సన్ కు విడాకులిచ్చి గిల్బర్ట్ ఎడ్డీ ని పెళ్ళాడింది .456పేజీల ఉద్గ్రంధాన్ని పూర్తీ చేసి 1875 లో విడుదల చేసింది .క్విమ్బీ పద్ధతిని ‘’ది సైన్స్ ఆఫ్ హెల్త్ “’అన్నది దానికి  ‘’విత్ కీ టు స్క్రిప్చర్స్ ‘’ అని జోడించింది .పది హేనేల్లు దానినేప్కటి క ప్పుడు కొత్తవి చేస్తూ ఆధునీకరిస్తూనే ఉంది .ఆ పుస్తకం లక్షా యాభై వేల కాపీలు అమ్ముడు పోయి రికార్డ్ సృష్టించింది .తన స్వంత చర్చిలోని ప్రతి వ్యక్తీ ఒక కొత్త కాపీ కోనేట్లు చేసిండి అమ్మకాలపై ప్రతి పుస్తకానికి ఒక డాలర్ రాయల్టీ పొందింది .

పదార్ధం పై మనసు ఆధిక్యతను ఆధారం గా రాసిన పుస్తకం అది .చెడు అనేది లేదని అంటు0ది  .చెడు అనేది భయం వలన ఏర్పడే ఒక మానసిక స్థితి అన్నది .ఆమె రాసిన పుస్తకం లో విరుద్ధ విషయాలెన్నో ఉన్నాయి .కాని శిష్యులపై ఆమెకు గొప్ప పట్టు ఉండేది .55  వయసులో ‘’క్రిస్టియన్ సైన్స్ అసోసియేషన్ ‘’ఏర్పాటు చేసింది .మూడేళ్ళ తర్వాత ‘’ది చర్చ ఆఫ్ క్రైస్ట్ ,సైంటిస్ట్ ‘’ను స్థాపించింది .రెండేళ్ళ తర్వాత ఇందులోని ఎనిమిది మంది చార్టర్ సభ్యులు రాజీనామా చేశారు .61 వయసులో తన చర్చ ని బోస్టన్ నగరానికి మార్చింది .ఆమె ప్రతికదలికా ఒక వార్తా సంచలనమే అయింది .దాన్ని బాగా కాష్ చేసుకొందికూడా .తన మాటకు చేష్టకు ఆమె పురాణ గ్రంధాలనుండి ఆధారాలు చూపి అప్రతిభులను చేసేది .అపోకా లిప్స్ చెప్పిన ‘’ and there appeared a great wonder in heaven ,a woman clothed with the sun and the moon under her feet ,and upon head a crown of twelve stars ‘’అనే మాటలను తనకే అన్వయిన్చుకోనేది

క్రిస్టియన్ సైన్స్ కొద్దికావులం లోనే గొప్ప వ్యాప్తి పొందింది .ఈ అతి వ్యాప్తిని చూసి మహా రచయిత మార్క్ ట్వేన్ ‘’ఇలా అయితే క్రిస్టియన్ సైంటిస్టులు 1920కి పది మిలియన్లు ,1930కి వారంతా బలమైన శక్తి గా రూపొంది ప్రతి రాజకీయ నిర్ణయాన్ని ప్రభావితం చేస్తారు .1940 నాటికి రిపబ్లిక్ అధికారాలు చేబట్టి  అధికారం లో పాతుకు పోయే అవకాశం ఉంది ‘’అని రాశాడు .ట్వేన్ మాటలు పూర్తిగా ఉత్ప్రేక్షలె  అభూతకల్పనలే  అయ్యాయి .1950 నాటికి మేరీ స్థాపించిన మదర్ చర్చ్ బ్రాంచీల సంఖ్య మూడు వేలు అని ఎన్ సైక్లో  పీడియా బ్రిటానికా తెలియ బర్చింది .అందులో రెండు వేలరెండొందల బ్రాంచీలు అమెరికా కెనడాలలో ఉన్నాయి  .

ముసలితనం మీదా పడుతున్నకొద్దీ ఎద్దే బలం అధికారం మరీ పెరిగింది .ఒక యునితెరియాన్ మినిస్టర్ సాయం తో తన పుస్తకానికి తుది మెరుగులు దిద్ది తన అనుచరులకు  బైబిల్ కు ప్రత్యామ్నాయం యెట్లు చేసింది .ఎశం లో సంచారం చేస్తూ ఉపన్యాసాలిస్తూ తన మతం లోకి జనాలను చేర్పిస్తూ మదర్ చర్చ్ ను బలీయం చేసింది .ఒక భారీ సంస్థకు ఆర్గనైజర్ గా ఎదిగిపోయింది అత్యంత సంపన్నుల జాబితాలో చేరిపోయింది .మగ పురుషులతో అంత సఖ్యతగా లేక పోయినా సంస్తా గత విషయాలకు వారిపైనే ఆధార పడాల్సి వచ్చేది ..డెబ్భై వ పడిలో 41ఏళ్ళ ఒక హోమియో పతి డాక్టర్ ను చేర దీసింది అయిదేలోల తర్వాత అతన్ని విసర్జించింది .అల్లాగే ఎవరినో దగ్గరకు తీయటం కొద్దికాలానికే వారికి గుడ్ బై చెప్పటం అలవాటైపోయింది ఆమెకు . ఆమె శీలాన్ని శంకించారు .చనిపోయిన వారి మరణానికి ఆమె చికిత్స వికటించే అనే ప్రచారమూ బాగా  బలపడింది .పూర్తిగా ఆమె పై వ్యతి రేకత కాదు  .ఆమె చుట్టూ ఉన్న కోటరీ పై వ్యతిరేకతే అది .సంస్థాగత వ్యవహారాలపై ఆమె పట్టు కోల్పోయిండానే ప్రచారం సాగింది.ఆమె స్వచ్చ ప్రవర్తనపై అపనమ్మకం కలిగింది .ఆమెను ఒంటరి దాన్ని చేసి పిచ్చిదానికిండా కట్టేశారు .86 ఏళ్ళ వయసులో కూడా ఆమె తనసంస్త్ర్హ ను పూర్తీ నియంత్రణలో ఉంచుకో గలిగింది .తొంభై ఎల్లువచ్చాయి వృద్ధాప్యం వలన నే మేరీ బెకర్ ఎడ్డీ 3-12-1910 న తను నమ్మిన క్రీస్త్ ను చేరుకొంది .పేదరికం లో అతి సాధారణ రైతు కుటుంబం లో పుట్టిన ఆమె చనిపోఎసరికి ఒక పెద్ద సువిశాల సంస్థకు అధికారిణిఅయి మూడు మిలియన్ డాలర్ల ఆస్తికి వారసురాలై చరిత్ర సృష్టించింది .ఈ ఆస్తి అంతా ఆమె తను పెంచిపోషించిన చర్చ కే  దక్కేట్లు చేసి ,భౌతికవాదాన్ని రూపుమాపి ,పదార్ధ వాదాన్ని లేకుండా చేసేందుకే  వినియోగించేట్లు చేసింది మేరీ బేకర్ ఎడ్డీ .

భారతీయ వేదాంతానికి క్రిస్టియన్ సైన్స్ కు అవినాభావ సంబంధం ఉందని మేరీ 33 వ ఎడిషన్ లో చెప్పింది .భగవద్గీతలోని అనేక శ్లోకాలను అందులో చేర్చింది .తర్వాత తీసేశారు .తర్వాత కాలం లో భారతీయ మైన అన్నివిష యాలను ఆ పుస్తకం నుండి తొలగించారు .ఎడ్డీ జీవితాంతం మార్ఫిన్ వాడుతూనే ఉందని ఒక రిసేర్చర్ తెలిపాడు .ఆమె  చర్చ్   బ్రాంచీలు 76 దేశాలలో వ్యాపి0చి ఉన్నాయి ఆమె శత జయంతికి ఆమె జన్మించిన బౌ గ్రామం లో 100టన్నుల గ్రానైట్ పిరమిడ్ ను నెలకొల్పి ఘనం గా నివాళు లర్పి0చారు  .దాదాపు 16 పుస్తకాలు రాసింది మేరీ .

మేరీ పుట్టిన ప్రదేశం 

న్యు హాంప్ షైర్-కాంకార్డ్ లో  మేరీ స్తాపించిన  క్రైస్ట్  ఆఫ్ సైన్స్

మరో ప్రముఖునితో కలుద్దాం

సశేషం

మీ –గబ్బిట దుర్గాప్రసాద్ -4-3-15 ఉయ్యూరు

ఆధునిక ప్రపంచ నిర్మాతలు –జీవితాలలో చీకటి వెలుగులు -17

9-క్రిస్టియన్ సైన్స్ ఉద్యమ కారిణి –మేరీ బేకర్ ఎడ్డీ -1

అమెరికాలో న్యు హాంప్ షైర్ లో బౌ అనే చోట 16-7-1821 న జన్మించిన మేరీ బేకర్ ఎడ్డీ జీవితం పై ఎన్నో అభూతకల్పనలు అసంబద్ధ రాతలు వచ్చాయి .అన్నిటిని ధైర్యం గా ఎదుర్కొని తాను నమ్మినదానినే చెప్పి ,రాసి ,ముందుకు సాగిన జీవితం ఆమెది .సత్యాన్వేషణలో మూలాలను  తరచిన సూక్ష్మ బుద్ధి ఆమెది .మార్క్ ట్వేన్ ఆమె పై ఒక పెద్ద పుస్తకమే రాశాడు .ఆమె రాసిన క్రిస్టియన్ సైన్స్ ను హంబగ్ అని ఈసడించి రెచ్చిపోయి రాసిన వారూ ఉన్నారు .నిరు పేద జీవితం గడిపి కానీకి ఠికాణా లేని స్తితిలోంచి ,కోట్లకు పడగలెత్తిన   ఐశ్వర్య  సంపన్నురాలైంది .అదీ క్రిస్టియన్ సైన్స్ అనే వినూత్నవిధానం తో .ఆధునిక ప్రపంచ నిర్మాతలలో తానూ ఒకరి చరిత్ర సృష్టించింది .

ఈమె పూర్వీకులు స్కాట్ లాండ్ ,ఇంగ్లాండ్ దేశీయులు .తల్లి విద్యావంతురాలు .రుజు ప్రవర్తన ఉన్న మహిళ.మగవారి తో సమానం గా కస్టపడి పని చేసే ఓర్పూ నేర్పూ ఉండేది తల్లికి .తండ్రి చాలా పవిత్రుడైన  కాన్గ్రిగేషనలిస్ట్ .అంటే వ్యక్తిగత పైశుధత ద్వారానే ఉన్నత స్తితిని ,దైవ సాన్నిధ్యాన్ని పొందవచ్చు అనే మెథడిస్ట్ పద్ధతికి దగ్గర భావాలున్న వాడు .మత ధర్మాలను చాలా నిద్ధతతో పాటించేవాడు .

మేరీ చిన్నతనం నుంచి ఏదో ఒక జబ్బుతో బాధపడేది .మూర్చలు వచ్చేవి అకస్మాత్తుగా .తీవ్ర స్వభావం ఉండటం వలన ఈ ఫిట్స్ ఆమెకు ఒక శాపమే అయింది .బాల్యం నుండి మత విషయాలలో చురుకుగా ఉండేది .’’ఎవరో నన్ను పేరు పెట్టి మూడు సార్లు పిలిచినట్లుఅంతరాత్మలో  అనిపించింది ‘’అని తన అనుభవాన్ని రికార్డ్ చేసింది .తనను ‘’జోన్ ఆఫ్ ఆర్క్’’ గా భావించుకొనేది ఆమెతో బంధుత్వం ఉన్నట్లు ఊహించుకోనేది .పన్నెండవ ఏట నే బాల యేసు లాగా తానూ చర్చి పెద్దలతో వాదించానని  చెప్పుకొనేది .కాని యవ్వనం వచ్చేసరికి వీటికి విరుద్ధం గా ఆమె సంచరించింది .

పిల్ల ఆరోగ్యం కోసం తండ్రి కుటుంబాన్ని ఈ నాడు సాన్ బారంటన్ బ్రిడ్జ్  అని పిలువబడే టిల్టాన్ కు మార్చాడు .మేరీ ఆరోగ్యం కొంత మెరుగైంది .తానూ ఒకకవిని అని ఊహించుకొని ఏకాంతం లో కవిత్వం రాసేది .అందులో మంత్రాలనూ కలిపి రాసేది .19 వ ఏట సోదరుడు ఆల్బర్ట్ చనిపోవటం తో డిప్రెషన్ కు లోనైంది .రెండేళ్ళ తర్వాత ఆల్బర్ట్ స్నేహితుడు అయిన ఒక తాపీ పని వాడిని పెళ్లి చేసుకొన్నది .భర్త స్టోన్ మేసన్ గా వ్యాపారమూ చేసేవాడు సౌత్ కరోలినలోని చార్లేస్టన్ కు నవ వధువును తీసుకొని వెళ్లి కాపురం పెట్టాడు  .అతనితో ఎన్నో సార్లు బిజినెస్ ట్రిప్ లలో పాల్గొనేది .భర్తకు ఎల్లో ఫీవర్ వచ్చి అకస్మాత్తుగా చనిపోయాడు .చేతిలో పెన్నీ కూడా లేని గర్భ దరిద్రం లో అప్పుడు మేరీ ఉంది .పుట్టింటికి చేరి ఒక కొడుకును కని తండ్రిపేరు పెట్టుకొన్నది .

చిన్నతనం లోనే గర్భం దాల్చటం వలన పిల్లాడు పుట్టే లోపే ఆమె ఆరోగ్యం మరీ క్షీణించి ఇక బతకదేమో ననిపించింది .అందువల్ల పసిపిల్లాడిని సాకే పని కూడా చేయలేక పోయేది .నరాల బలహీనత ఆమె ఆరోగ్యాన్ని తరచుగా దెబ్బ తీసేది .కుటుంబ సభ్యుల తోడ్పాటు తో ,ఆసరా తో ఆమె బతికింది .ఇలాంటి స్తితిలోకూడా కవిత్వం రాసి౦దివీలైనప్పుడల్లా .పిల్లాడిని పెంచలేననే అధైర్యం  ఆమెను కమ్ముకొంటే  విలేజ్ బ్లాక్ స్మిత్ భార్య చేతిలో కుర్రాడి సంరాక్షణ బాధ్యత పెట్టింది .ఇరవై ఏళ్ళకు తల్లి చనిపోయింది .తండ్రి వేరొక అమ్మాయిని పెళ్లి చేసుకొన్నాడు .తండ్రి ఇంట ఇప్పుడుకూడా ఒంటరి జీవి అయిపోయి౦ ది .మగ వారి విషయం లో ఆమె చాలా దురదృష్ట వంతురాలు .బార్లేట్ అనే అతన్ని ప్రేమిస్తే ,అతను కాలిఫోర్నియా కు వెళ్లి చనిపోయాడు .ఆ దుఖమూ కుంగ దీసింది .కొడుకును మారుటి తండ్రి దూర ప్రాచ్యానికి తీసుకెళ్ళిపోయి దూరం చేశాడు పుత్రప్రేమకు .కొడుకు తనకే దక్కాలన్న అరాటమూ ఆమెలో లేదు .కారణం తన పొట్టనే తాను  పోషించుకోలేని దైన్యమే .కొడుక్కి 35 ఏళ్ళు వచ్చి  భార్యా ఇద్దరు పిల్లలతో ఉన్నాడని తెలిసి ‘’మదర్స్ డార్లింగ్ ‘’అనే కవిత రాసింది .’’Thy smile through tears ,as sunshine over the sea –Awoke new beauty in the surge;s roll –Oh !life is dead ,bereft of all,with theee –Star of my earthly hope,babe of my soul ‘’అని తన ఆవేదనను వెళ్ళ గక్కింది .

ముప్ఫైలలో  మళ్ళీ వివాహ సన్నాహాలలో పడింది .డేనియ  ల్ పాటర్సన్ అనే డెంటిస్ట్ ను పెళ్లి చేసుకొన్నది .ఆమె అనారోగ్యం గురించి అతనికి పూర్తిగా తెలుసు ,కానీ అతని అభిరుచులు వేరు .జీవన వైవిధ్యాన్ని ఆమె కోరుకోలేక పోయింది .అతని పాశవిక చేష్టలకు తట్టుకోలేక పోయింది .వైట్ మౌన్తెన్స్ దగ్గరున్న నార్త్ గ్రాటన్ లో ఉన్నారిద్దరూ .అక్కడా ఒంటరిడైపోయిన్దిమళ్ళీ .నిరంతరం సంచార వైద్యం లో ఉండే ఆతను ఇంటిదగ్గర భార్యను వదిలేసి వెళ్ళిపోయేవాడు .ఆమె ఇతరులేవరితోనూ స్నేహం చేసేదికాదు

నలభై వ ఏట .పోర్ట్ లాండ్ లోని మైమ్ లో ఫినియాస్ పి.క్విమ్బి అనే ఆయన మెస్మరిజం తో వ్యాధులు నయం చేస్తున్నాడని విన్నది .ఆయనే తన వ్యాధికి దిక్కు అని నమ్మి అక్కడికి చేరింది. మొదటి సెషన్ లోనే క్విమ్బి- మేరీ శారీరక ఆరోగ్యాన్నేకాదు  మానసిక ఆరోగ్యాన్నీ బాగు చేశాడు .ఆమెలో ఉన్న అసాధారణ ప్రజ్న ఆసక్తికి ముచ్చటపడి ఆయన తనకు వచ్చిన సర్వ విద్యనూ ఆమెకు నేర్పించాడు .కొద్ది కాలం లోనే ఆయనతో బాటు సమాన మైన విద్య నేర్చి చాంపియన్ అని పించింది .ఆయన రాసిన గ్రంధాలన్నీ చదివింది .ఆయన ప్రతిభావిశేషాలను పత్రికలో వ్యాసాలుగా రాసి ప్రచారం చేసి౦ది మేరీ బేకర్.ఆయన హిప్నటిజం తోకాని లేక ‘’యానిమల్ మాగ్నేటిజం ‘’తో కాని రోగుల వ్యాధులను నయం చేయటం లేదని ఒక శాస్త్రీయ మైన ఎవరికీ తెలియని విధానం లో నయం చేస్తున్నాడని తెలియ జేసింది .శిష్యురాలి అకు౦ఠిట దీక్షకు  మద్దతునిచ్చి ఆమెను తీర్చిదిద్దటం లో క్విన్బీ ఎక్కువ సమయం గడిపాడు .ఆమె రాసిన వాటిని ‘’సైన్స్ అండ్ హెల్త్ ‘’పేరిట ముద్రించింది .

మేరీ ఆరోగ్యం బాగుపడటమేకాదు ,ధైర్యం సాహసం ,ఆలోచన ,మనో నిబ్బరం యేర్పడి మానసిక వ్యాధులను కూడా నయం చేయగలిగే స్తితిలోకి వచ్చింది .వీటిని స్మ్రుతిగీతాలుగా రాసి ‘’lines on the Death of Dr .P .P. Quimby ,who healed with the Truth that Christ Taught in contra distinctions to all Isms ‘’పేర వెలువరించింది .కొంతకాలానికి ఆమె నడుస్తూ పడిపోయి విపరీతంగా గాయాలైనాయి .అప్పుడు జీసస్ చెప్పిన ‘’physician heal thy self !’’వాక్యాలను మననం చేసుకొని రెండు రోజుల్లోనే లేచినిలబడి నడవటం ప్రారంభించింది .దీనినే క్రిస్టియన్ సైన్స్ అన్నది .1866 ఫిబ్రవరిలో తనకు ‘’డివైన్ మెటా ఫిజికల్  హీలింగ్ ‘’అబ్బిందని దీనినే ‘’క్రిస్టియన్ సైన్స్ ‘’అన్నాని రాసి౦దిమేరి .అన్ని శారీరక బాధలకు మనసేకారణం అని అన్నిటికి ప్రధానం మైండ్ అనీ నిర్ణయించింది .ఇక్కడి నుండి ఆమె జీవితం మలుపు తిరిగి ఉచ్చ స్తితికి చేరింది .

సశేషం

మీ-గబ్బిట దుర్గాప్రసాద్ -4-3-15- ఉయ్యూరు

తెలుగుకు’’ స్టార్డం ‘’మాత్రమే తెచ్చిన సభలురెండవ రోజు 22-2-15 ఆదివారం దృశ్యమాలిక

కృష్ణాజిల్లా రచయితల  సంఘం ఫిబ్రవరి 21,22 తేదీలలో విజయవాడలో నిర్వహించిన మూడవ ప్రపంచ తెలుగు రచయితల సభలు దిశా నిర్దేశం చేయలేదనే అభిప్రాయం కలిగించింది .సినీ ప్రముఖులు తనికెళ్ళ ,అశోక్ తేజ ,గొల్లపూడి ,బ్రహ్మానందం లు స్టార్ అట్రాక్షన్ మాత్రమే కలిగించారు .దానివలన తెలుగుకు ఒరిగిందేమీలేదు .రెండవ ప్రపంచ సభల చివరి రోజు స్వర్గీయ జాలాది గొప్ప ప్రేరణ స్పూర్తి కలిగిస్తే ,ఈ మూడవ ప్రపంచ సభల మొదటి రోజు రాత్రి సుద్దాల అశోక్ తేజ అదే స్పూర్తిని కలిగించి మనసులో నిలిచిపోయాడు .మిగతా వారి వన్నీ ఊక దంపుడు ఉపన్యాసాలే . శ్రీ కూచి భొట్ల ఆనంద్ బృందం  రెండవ సభలలో  సాంకేతికాంశాన్ని సర్వ సమర్ధం గా చాటి చెప్పిన  దిశా దిర్దేశం చేసిన దృశ్యం ఇంకా కళ్ళ ముందు మెదులుతూనే ఉంది .ఆరోజు సభ అవగానే అందరూలేచినిలబడి ‘’స్టాండింగ్ ఒవేషన్’’తో   హర్షాన్ని ఆన౦ దాన్ని కృతజ్ఞతలను ప్రకటి౦చటం మరువరాని మరువలేని అనుభూతి .అదే తర్వాత యునికోడ్ ప్రాముఖ్యతకు పెద్ద పీట వేసింది.ఈ సభల్లో కూడా శ్రీ ఆన౦ద్ ఉపన్యాసం మనం అందరం ఏం చేయాలో కర్తవ్య నిర్దేశకం గా సాగింది .బహుశా నా దృష్టిలో ఈ సభల్లో ఇది హైలైట్. ఆయన స్పీచ్ ‘’మైడేన్ స్పీచ్ ‘’.సభలు అంటే అలా ఉండాలి ఉపన్యాసం అంటే అ౦త నిబద్ధత తో ఉండాలి .అందులో ప్రపంచ సభలంటే గొప్ప స్పూర్తి తో ప్రతినిధులు ఇంటికి చేరుకోవాలి ఫాలో అప్ యాక్షన్ లో పడాలి .అంతసీను ఈ సభల్లో దృశ్యమానం కాక పోవటం నిరాశ మిగిల్చింది .ఇంకో విషయం శ్రీ బుద్ధ ప్రసాద్ ను శ్రీ గుత్తికొండను ,శ్రీ పూర్ణచంద్ ను పాసివ్ గా కూర్చోబెట్టి,బైపాస్ చేసి  శ్రీ లక్ష్మీ ప్రసాద్ ఏకపాత్రాభినయం చేశారని పిస్తుంది .మొదటి రోజు 21-2-15 శనివారం దృశ్యమాలిక

కుర్రాడైనా సాహిత్య ఆకేడేమీ కార్య దర్శి ఛి .కృత్తి వెంటి శ్రీనివాసరావు ఎన్నో ఆచరించాల్సిన విషయాలను ,కార్య రూపం దాల్చాల్సిన వాటిని అతి సహజం గా సరళం గా చెప్పాడు .అతని చిన్నతనం పేద ప్రోలు లో నా కళ్ళ ముందు గడిచింది .అతని అన్న మాధవ్ నాకు అభిమాన శిష్యుడు అక్కడ .రావు చెప్పిన దానిలో ‘’కుంచేన్ టూర్ ప్రోగ్రాం ‘’తప్పక సాహిత్య సంస్థలు నిర్వహిచి కేరళ తీసుకొని వెళ్లి ఆసభలలో పాల్గొనే అవకాశాన్ని సాహితీప్రియులకు కలగ జేయటం తక్షణ కర్తవ్యమ్ .అది అమలు చేస్తారో లేదో చూద్దాం .సభా వైరాగ్యం లా మర్చేపోతారో?సభలో ఉన్న శ్రీనివాస్ నేను ఫలానా అని పరిచయం చేసుకోగానే లేచి  నిలబడి షేక్ హాండ్ ఇచ్చిన సహృదయుడు .ఈ రెండు రోజుల సభలలో చివరి రోజు మంత్రుల కవాతు బాగుంది.శ్రీ  చంద్రబాబు రాలేక పోయిన దాన్ని వీళ్ళు చక్కగా కవర్ చేశారు .ప్రసిద్ధ రచయితల పేర్లు సభా వేదికలకు పెట్టి  కనీసం వారి చిత్రపటాల బానర్ కూడా కూడా లేక పోవటం మరీ అవమానకరం గా అందరూ భావించటం లో తప్పేమీ లేదు .ఇదివరకెన్నడూ ఇలా జరగలేదు .బహుశా అసలు సభా వేదిక మన రచయితల సంఘం చేతిలో లేకుండా చేశారేమో ననిపిస్తోంది .మేనేజి మెంట్ అధీనం లో ఉందా అని అనుమానం కలిగించింది .

సభలు అంటే షడ్రసోపేత భోజం ఉండాల్సిందే .ఉన్నాయికూడా వెరైటీ బానే చూపారు రెండవ రోజు మధ్యాహ్న భోజనం లోవె రాత్రికి రంగూ హంగూ మార్చి వడ్డించటం కొంచెం తమాషా అనిపించింది .రెండు రోజులూ సాయంత్రాల్లో ‘’మినపసున్ని ఉండలు ‘’వేసి పొద్దున్నుంచీ సభల్లో పాతుకుపోయినందువల్ల వచ్చిన నీరసాన్ని దూరం చేసి ఇన్స్టంట్ బలం ఇచ్చినట్లనిపించింది .అందరికీ ఇబ్బందికలిగించిన మరో ముఖ్యమైన విషయం టాయ్ లేట్ల నిర్వహణ .కంపు భరించలేకపోయారుజనం .ఒక్క కుళాయి నున్చికూడా నీరు రాలేదు .చేతులు కడుక్కోటానికి పాపం బకెట్లతో నీరు తెచ్చి శుభ్రం చేసేవాల్లున్నారుకనుక సరిపోయింది లేకుంటే రోగాలబారిన పడాల్సి వచ్చేది .

సాధారణం గా కృష్ణా జిల్లారచయితలసంఘం చివరిరోజు సభలో తీర్మానాలు రాసి చదివి ఆమోదాన్ని తెలిపేట్లు చేసే ఆనవాయతీ ఉంది .ఈ సారి ఆ దారిలో నడవ లేదు కారణం ఏమిటో ఎవరికీ అంటూ బట్టలేదు .అయితే మంత్రి శ్రీ ఉమా తెలుగు దేశ ప్రభుత్వ ఎన్నిక వాగ్దానాలు ,నిర్ణయాలు చదివి వినిపించారు .బహుశా మనం కోరినా అవే కోరేవారమేమో ఆలోటు తీర్చిన శ్రీ ఉమాకు అభినందనలు .జ్ఞాపికలు ,బ్యాగులు ఘనంగానే ఉన్నాయి .సంఘం తెచ్చిన రెండు పుస్తకాలు ‘’తెలుగు భారతి ‘’,యువ భారతి ‘’గర్వించదగిన గ్రంధాలే సందేహం లేదు  గొప్ప రిఫరెన్స్ పుస్తకాలే .ఈ రెండూ తీసుకురావటం లో శ్రీ పూర్ణ చంద్ కృషి ,ఆలోచన ,అమలు ,అంకిత భావం అనన్య సదృశం,అసాధారణం .ఆరోగ్యం కొంచెం బాగుండక శ్రీ గుత్తికొండ కొంత డల్ గా కనిపించినా నిబద్ధతకు ఏమీ లోపం రాలేదు .శ్రీ తుర్లపాటి  శ్రీ బుద్ధ ,లక్ష్మీ ప్రసాద్ లను ఒకే శాలువాతో బంధించారు కాని దీనికంతటికి ముఖ్య కారకులు శ్రీ సుబ్బారావు శ్రీ పూర్ణ చంద్ ద్వయాన్ని కూడా అలాగే బంధించి ఉంటె చారిత్రాత్మకం గా ఉండేది .రావు గారు ఏది చేసినా ఒక ప్రయోజనం ఉంటుందేమో?

పాపం ధిల్లీ నుంచి పిలిపించి మాట్లాడిస్తే శ్రీ వెంకయ్య అచ్చం గా పుస్తక మహోత్సవం లో జనవరి నాలుగవ తేదీన పుస్తకప్రియుల పాద యాత్ర అయి ఎక్సిబిషన్ గ్రౌండ్ లో ఏమి మాట్లాడాడో ఒక్క అక్షరం బీరు పోకుండా అదే హేళన అదే చీత్కారం అదే ధోరణిలో పాడిందే పాటరా —-పళ్ళ దాసరీ ‘’అన్నట్లు ఎబ్బెట్టు కలిగించింది .మాటల మా౦త్రి కత ఎప్పుడూ చెల్లుబాటుకాదు’’ బోరున్నర ‘’ అనిపించింది .ఇక శ్రీ బుద్ధ ,లక్ష్మీ ప్రసాద్ ల మాటలు కూడా అరిగిపోయిన గ్రామ ఫోన్ రికార్డే .కొత్తవిషయం మచ్చుకైనా లేక పోవటం .ఒకే మూస దారిలో మాట్లాడటం రక్తి కట్టించాల్సినదిపోయి వెగటుపుట్టించాయి ఎప్పుడు మొదలు పెట్టినా అక్కడినుండే ,ఎప్పుడు ఆపేసినా అక్కడే .రొటీన్ ఉపన్యాసాలే ఇద్దరివీ .ధిల్లీ నుంచి అయన వచ్చి ,రెండు రోజులసభల్లో వీళ్ళిద్దరూ మాట్లాడినదేదీ స్పూర్తి దాయకం గా లేకపోవటం మరీ కొట్టవచ్చినట్లనిపించింది .శ్రీ పూర్ణ చంద్ కు అవకాశమిస్తే ఆ లోటు పూడేది .ఎక్కడో ఎవరో సభలను కబ్జా చేసిన భావం కనిపించింది .ఇది మంచిదికాదు .

1300 మంది ప్రతినిధులు ఏంతో దూర తీరాలనుండి వ్యయ ప్రయాసలకోర్చి వచ్చారు .వారి మధ్య ఇంటరాక్షన్ కలిపింఛి ఉంటె ఏంతో బాగుండేది .పొద్దున్నుంచీ సాయంత్రందాకా కూర్చుని కూర్చుని విని విని జనాలకు బోర్ కొట్టదా/
?ఏదైనాతెలుగు పైనో రచయితలపైనో మంచి డాక్యుమెంటరీ లు ప్రదర్శిస్తే ప్రయోజనం బాగుండేది వెరైటీగా ఉండేది మనకున్న ఆధునిక సాంకేతికను ప్రతిబింబించే సభలుగా ఉండేవి ఆ దృష్టిలో ఉండకపోవటం బాధకలిగించింది .అయితే తెలుగు దేశం భౌగోళికం గా విడిపోయినా భాషా పరం గా ,మానసిక పరం గా కలిసే తెలుగుప్రజలున్నారు అనే గొప్ప సంకేతాన్ని ఈసభలు మిగిల్చాయి అనే సంతృప్తి మాత్రం కలిగింది . విదేశాంధ్రులు చాలా ఉత్సాహం గా పాల్గొన్నారు .అందులో ఆచార్య డేనియల్ నిగార్స్ అందరితో రెండు రోజులూ చాలాకలుపుగోలుగా ఉండటం ఇంటరాక్ట్ అవటం ఎందరినో  ఆకర్షించింది .అలాగే యువకుడు డా.శ్రీ జొన్నలగడ్డ మూర్తి కలుపుగోలుతన౦ గా చిలిపి కవితలతో అందర్నీ ఆకట్టుకొన్నారు .మిగిలిన వారు వేదికకే పరిమితమైనారు .

తెలుగు వికాసం ,ప్రాచీనహోదా ,ప్రపచ భాష ,రాస్త్రేతర ,ప్రసార మాధ్యమాలు సాహిత్య సంస్థలపై సదస్సులు రొటీన్ గా ఎప్పుడూ పాల్గొనే వాళ్ళతోనే చర్విత చర్వణం గా సాగాయి .కొత్తదనం లేదు .సభల తర్వాత వీటికి ఫాలోఅప్ యాక్షన్ ఎలాగూ ఉండదని నమ్మకం .కవిసమ్మేళనాలు  ఉత్సాహం గా సా—గాయి .మొదటి రోజు కరెంట్ లేక ‘’కపి మ్మేళనం‘’గా ఉందని కొందరు కామెంట్ చేశారు మర్నాడు ఉదయమ్ .ఈ సమ్మేళనాలకు  నేను లేనుకనుక విన్నదే రాశా .ప్రచార మాధ్యమాలు సభల ప్రారంభానికి చాలా రోజుల ముందునుండే చక్కని ప్రచారం చేశాయి .సభలనూ బాగానే కవర్ చేశాయి .మొత్తం మీద హడావిడి ఆర్భాటమేకాని ప్రయోజనాత్మక సభలు అని అనిపించలదనే అందరి అభిప్రాయం .ఒడ్డున ఉండి రాళ్ళు వేయటం తేలికే .దిగితెకాని లోటు, లోతు  తెలియదు .ఏమైనా .కృష్ణా జిల్లా రచయితల సంఘం అధ్యక్ష కార్య  దర్శులు శ్రీ గుత్తికొండ సుబ్బారావు శ్రీ పూర్ణ చంద్ ల సంయుక్త కృషి ఫలితమే ఈ విజయానికి శ్రీరామ రక్ష .’’వన్ మోర్ ఫెదర్ ఐ న్ దెయిర్ కాప్ ‘’.

మీ –గబ్బిట దుర్గా ప్రసాద్ -4-3-15- ఉయ్యూరు

—

కవయిత్రి రాజేశ్వరికి ఆర్థిక సాయం విడుదల

మాట మరిచావా మోదీ? అన్నను అన్నావు.. అనాథను కానివ్వను అన్నావు ఢిల్లీ చిన్నబోయేలా రాజధాని నిర్మిస్తానన్నావు సీమాంధ్రను నెంబర్‌ వన్‌ చేస్తానన్నావు కానీ అధికారంలోకి వచ్చాక తొండిచేయి 2 బడ్జెట్లలో పైసా కూడా నిధుల్లేవు మరో ‘కర్నూలు’ తప్పదా అన్న ఆందోళన! నాటి మోదీ మాట.. తిరుపతిలో… నా కళ్లముందు వెంకటేశ్వర స్వామిని చేరుకునే కాలిబాట భవ్యంగా కనిపిస్తోంది. సీమాంధ్ర స్వర్ణాంధ్రగా కావాలంటే చెప్పండి. నేను మీతోనే ఉంటాను. మీకోసం ఏమైనా చేస్తాను. ఢిల్లీ చిన్నబోయేలా సీమాంధ్ర రాజధాని నిర్మించుకుందాం!’’ గుంటూరులో… ‘కాంగ్రెస్‌ మిమ్మల్ని అనాథలుగా మార్చిందనే ఆవేదన వద్దు. మీకు అన్నగా, అండగా నేనుంటాను. మీ కలలను నా కలలుగా భావిస్తా. మీ కష్టాలను నా కష్టాలుగా భావిస్తా. అధికారంలోకి రాగానే అండగా ఉంటా!’ ‘ఒక్కడంటే ఒక్కడు కూడా మా మొర ఆలకించలేదు’ అనే ఆక్రోశం! నిరసనలు, ఆందోళనలు ఎన్ని చేసినా కన్నెత్తి కూడా చూడలేదని ఆగ్రహం! రాజధాని లేని రాష్ట్రంగా మార్చారని ఆవేదన! కాంగ్రెస్‌పై అంతులేని కసి! ఈ అనిశ్చితి నుంచి బయటపడేసేదెవరు? మమ్మల్ని ఆదుకునేదెవరు? అనే ప్రశ్నలు! ఈ సమయంలో… మోదీ అనే నాయకుడు వారి కళ్లకు ‘మెసయ్య’ (రక్షకుడు)లాగా కనిపించారు. ఆయన మాటలు సూటిగా వారి హృదయాలను తాకాయి. ‘మీరు అనాథలు కాదు. అన్నలా నేనున్నాను’ అని మోదీ చెప్పగానే భావోద్వేగంతో కళ్లు తడుపుకొన్నారు. ‘ఢిల్లీ చిన్నబోయేలా రాజధాని నిర్మిస్తాం’ అని ప్రకటించగానే… ‘నిజమే కాబోలు’ అని అనుకున్నారు. మోదీ ప్రధాని అయ్యారు. ఒక బడ్జెట్‌ ముగిసింది. ‘ఇది పూర్తిస్థాయి బడ్జెట్‌ కాదులే!’ అని సరిపెట్టుకున్నారు. నిన్నటికి నిన్న మరో బడ్జెట్‌ ప్రవేశపెట్టారు. కానీ… నవ్యాంధ్రకు ఇచ్చింది ఏమీ లేదు. ‘విభజన చట్టంలోని హామీలన్నీ అమలు చేస్తాం’ అంటూ మరో హామీ తప్ప! విభజన చట్టంలో ఏముంది? మోదీ ఏం చెప్పారు? నవ్యాంధ్రకు చేయాల్సింది ఏమిటి? ఇప్పటిదాకా ఏం చేశారు? ఇవీ ప్రశ్నలు! ‘ఆంధ్రజ్యోతి’ అందిస్తున్న వరుస కథనాలు నేటి నుంచి… (హైదరాబాద్‌ – ఆంధ్రజ్యోతి)  అది.. 2014 మే ఒకటో తేదీ! మండే ఎండాకాలం.. ఆపై రోళ్లు పగిలే గుంటూరు.. రాష్ట్ర విభజన నిర్ణయంతో మండిపడుతున్న సీమాంధ్ర ప్రజలను ఉద్దేశించి ఒక గంభీర స్వరం అంతకంటే ఉద్రేకంగా ప్రసంగిస్తోంది. ‘‘ఆంధ్రులని అవమానించడం కాంగ్రెస్‌ పార్టీకి మొదటి నుంచీ ఉన్నదే. అప్పట్లో పార్టీ ప్రధాన కార్యదర్శిగా ఉన్న వ్యక్తి (రాజీవ్‌ గాంధీ) మీ ముఖ్యమంత్రిని ఎయిర్‌పోర్ట్‌లో అవమానించారు. ఇందిరా గాంధీ తెలుగువారైన నీలం సంజీవ రెడ్డిని పోటీకి నిలిపి వెన్నుపోటుతో ఓడించారు. ఇప్పుడేమో అమ్మా కొడుకుల పాలన మిమ్మల్ని అనాథలుగా వదిలేసింది. రాష్ట్ర విభజన జరిగిన తీరు, తల్లీ కొడుకుల (సోనియా – రాహుల్‌) వ్యవహారం మీకు ఆవేదన కలిగించింది. మీరు అనాథలు కాదు. మీ అన్నను నేను, మీకు అండగా ఉంటాను. మిమ్మల్ని ఏనాటికీ అనాథలను చేయను. మీ భవిష్యత్‌కి భరోసా ఇస్తున్నా. మీకు అండగా ఉంటాను. సీమాంధ్ర కోసం పార్లమెంటులో పోరాడి సాధించిన హామీలన్నీ అమలు చేస్తా’’ అంటూ ఆ గంభీర స్వరం మరింత గంభీరంగా ప్రజలకు కొండంత భరోసా ఇచ్చింది. ఆ స్వరం పేరు నరేంద్ర మోదీ. ఒక్కసారి ఎన్డీయే కూటమికి అవకాశం ఇస్తే ఆంధ్రప్రదేశ్‌కు అద్భుత భవిష్యత్‌ ఇస్తామని ఎన్నికల ప్రచార సభల్లో మోదీ స్పష్టమైన హామీ ఇచ్చారు. దేశ రాజధాని ఢిల్లీ సైతం చిన్నబోయేలా సీమాంధ్ర రాజధానిని నిర్మించుకుందామని మోదీ పిలుపునిచ్చారు. ‘‘మీ కలలను నా కలలుగా భావిస్తా. మీ కష్టాలను నా కష్టాలుగా భావిస్తా. మీ కలలని నెరవేరుస్తా. అధికారంలోకి వస్తే అండగా ఉంటా. ఢిల్లీ మీ వెంట ఉంటుంది. మమ్మల్ని అధికారంలోకి తీసుకురండి’’ అని ఆయన విజ్ఞప్తి చేశారు. అంతేనా.. హైదరాబాద్‌ను కోల్పోవడం వల్ల కలిగిన బాధను అర్థం చేసుకోగలనని, హైదరాబాద్‌ నుంచి రావడమంటే తల్లిని వదిలి బిడ్డ రావడమేనని కూడా అన్నారు. సీమాంధ్ర అభివృద్ధికి సంబంధించి తన మస్తిష్కంలో ప్రణాళికలు సిద్ధంగా ఉన్నాయని, సీమాంధ్రలో టీడీపీ-బీజేపీ, ఢిల్లీలో ఎన్డీయే సర్కారు ఏర్పడిన తర్వాత వాటిని అమలు చేస్తామని హామీ ఇచ్చారు. ‘‘ఇవి ముఖ్యమంత్రిని, సర్కారును ఏర్పాటు చేసే ఎన్నికలు కావు. సీమాంధ్రను నిర్మించుకునే ఎన్నికలు. మీరు మంచి నిర్ణయం తీసుకోకుండా… సీమాంధ్రను స్కామాంధ్రగా మార్చే వారి చేతికి ఇస్తే ఢిల్లీ ప్రభుత్వం ఏమీ చేయలేదు. సీమాంధ్ర అసెంబ్లీలో టీడీపీ-బీజేపీ పూర్తి మెజారిటీ ఇవ్వండి. ఎంపీ సీట్లన్నీ గెలిపించండి. సీమాంధ్ర నెంబర్‌ వన్‌ అవుతుందో, లేదో చూడండి!’’ అంటూ నరేంద్ర మోదీ చేసిన విజ్ఞప్తికి ఆంఽధ్రావని స్పందించింది. అప్పటి వరకూ ఆంధ్రప్రదేశ్‌లో బీజేపీకి సరైన పునాది కూడా లేకపోయినా.. ఏకంగా రెండు ఎంపీ, నాలుగు అసెంబ్లీ సీట్లను కట్టబెట్టింది. కేంద్రంలోనూ రాష్ట్రంలోనూ బీజేపీ, టీడీపీ కూటమికి పట్టం కట్టింది. అయితే, ఎన్నికలకు ముందు ఆశల పల్లకిలో ఊరేగించిన ఆ స్వరం ఇప్పుడు మూగవోయింది. ఏ జిల్లాలో అయితే ఆయన ‘మీరు అనాథలు కారు.. అన్నగా అండగా ఉంటా’ అన్నారో అదే జిల్లాలో ఏర్పాటవుతున్న నవ్యాంధ్ర రాజధానికి మాత్రం తొండి చేయి చూపించారు. ఢిల్లీ చిన్నబోయేలా రాజధానిని నిర్మిస్తామని భరోసా ఇచ్చిన ఆయన ఇప్పుడు.. అందుకు కనీసం ఒక్కపైసా నిధులను కూటా బడ్జెట్లో కేటాయించలేదు. విభజన చట్టంలో ఉన్న హామీలన్నిటినీ అమలు చేస్తామని పదే పదే స్పష్టం చేసిన మోదీ ఇప్పుడు చంద్రబాబు పదే పదే కోరుతున్నా పట్టించుకోవడం లేదు. సీమాంధ్రులను కాంగ్రెస్‌ అనాథలను చేసినట్లే.. బీజేపీ కూడా అదే బాటలో పయనించింది. ఆంధ్రప్రదేశ్‌ ఆశల్ని కృష్ణా నదిలో కలిపేసింది. దిక్కూ మొక్కూ లేకుండా విడిపోయిన ఆంధ్రప్రదేశ్‌ మళ్లీ అనాథగా మిగిలింది. ఒకవైపు తెలంగాణ, మరోవైపు కర్ణాటక, ఇంకోవైపు తమిళనాడు రాష్ట్రాల రాజధానులు దేశంలోనే అత్యుత్తమ రాజధానుల్లో ముందు వరుసలో ఉన్నాయి. అదే సమయంలో, ఏపీ రాజధాని మాత్రం ఏమవుతుందో ఎవరికీ అంతుపట్టని పరిస్థితి నెలకొంది. చట్టంలో స్పష్టంగా ఉన్నా… ఆంధ్రప్రదేశ్‌ రాజధానిలో రాజ్‌భవన్‌, హైకోర్టు, సచివాలయం, అసెంబ్లీ, శాసన మండలి, శాఖాధికారుల కార్యాలయాలు, సిబ్బందికి క్వార్టర్లు, ప్రభుత్వ అతిథి గృహాలు తదితరాలను నిర్మించడానికి ఏపీకి కేంద్ర ప్రభుత్వం ప్రత్యేక ఆర్థిక ప్యాకేజీని అందజేస్తుందని విభజన చట్టంలో స్పష్టం చేశారు. ఆ మేరకు నవ్యాంధ్ర రాజధాని కోసం కేంద్రం నిధులు ఇచ్చి తీరాలి. రాజధాని నిర్మాణం అంటే నాలుగు భవన సముదాయాలు కట్టడం కాదు. భవిష్యత్‌ అవసరాలకు సరిపడా మౌలిక సదుపాయాలను కల్పించుకోవాల్సి ఉంటుంది. కానీ, తాజా పరిస్థితిని చూస్తుంటే కర్నూలు చరిత్ర పునరావృతమయ్యే ప్రమాదం కనిపిస్తోందని సీమాంధ్రులు ఆందోళన చెందుతున్నారు. ఆంధ్రులకు రాజధాని లేదని, గుడారాల్లో ఉన్నారంటూ ఉద్యమ సమయంలో కేసీఆర్‌ తదితరులు పదే పదే ఎద్దేవా చేశారని, భవిష్యత్తులోనూ ఇదే పరిస్థితి పునరావృతమయ్యేలా కేంద్రంలోని బీజేపీ ప్రభుత్వ తీరు ఉందని ఆవేదన వ్యక్తం చేస్తున్నారు. వాస్తవానికి, సీమాంధ్రుల్లో ఇటువంటి మనోభావాలను గుర్తించే.. అంతర్జాతీయ స్థాయి రాజధాని నిర్మాణానికి ముఖ్యమంత్రి చంద్రబాబు నడుం బిగించారు. దాదాపు 40 వేల ఎకరాలను సేకరించడమే కాకుండా సింగపూర్‌ సహకారంతో ఆ దేశాన్నే తలదన్నేలా రాజధానిని నిర్మిస్తామని శపథం చేశారు. రైతులను బతిమలాడి, బామాలి, ఒప్పించి భూ సమీకరణను అయితే పూర్తి చేశారు. కానీ, కోట్ల రూపాయల నిధులు ఎక్కడినుంచి తెస్తారన్నది మిలియన్‌ డాలర్ల ప్రశ్న. ఇప్పటికి రెండు బడ్జెట్లను కేంద్రం ప్రవేశపెట్టింది. కానీ, రెండింటిలోనూ పైసా కూడా కేటాయించలేదు. ముఖ్యమంత్రి చంద్రబాబు సహా సీమాంధ్ర నేతల్లోనూ కేంద్ర సాయంపై ఆశలు అడుగంటుతున్నాయి. అదే సమయంలో, ఏపీ ఇప్పటికే రెవెన్యూ లోటుతో సతమతమవుతోంది. రుణ మాఫీని అమలు చేయడానికే తలకిందులవుతోంది. ఈ పరిస్థితుల్లో అత్యుత్తమ సదుపాయాలతో ప్రపంచ శ్రేణి రాజధానిని నిర్మించాలంటే అథమ పక్షం లక్షా పదివేల కోట్ల రూపాయలు ఖర్చవుతాయని అంచనా. ఆంధ్రప్రదేశ్‌ వార్షిక బడ్జెట్‌ కూడా దానికంటే తక్కువే. నాలుగైదేళ్లలో రాజధానిని నిర్మించాలంటే ఏటా కనీసం పాతిక వేల కోట్లను కేటాయించాల్సి ఉంటుంది. వాటిని బడ్జెట్లో కేటాయిస్తే ఉద్యోగులకు జీతాలు, సంక్షేమ పథకాలు కూడా ఉండవు. ఇటువంటి పరిస్థితుల్లో రాజధాని నిర్మాణానికి కేంద్రమే దిక్కు. కానీ, తాజా బడ్జెట్‌తో రాజధాని నిర్మాణానికి కేంద్రం ఒక్క పైసా కూడా విదల్చబోదని స్పష్టం కావడంతో రాష్ట్రం పరిస్థితి అగమ్యగోచరంగా మారింది.

భిన్న ధ్రువాల సంకీర్ణం

కుమార్తె వివాహ శుభలేఖలను అందజేయటానికి స్వయం గా మా ఇంటికి 25-2-15 మధ్యాహ్నం వచ్చిన శ్రీ చలపాక ప్రకాష్ దంపతులు 

దేవులపల్లి కృష్ణ శాస్త్రి గారి 35 వ వర్ధంతి సందర్భం గాఅమరావాని హైస్కూల్ విద్యార్ధులకు అవగాహనా సభ -25-2-15 బుధవారం -నేను ,శ్రీమతి మందరపు హైమవతి ,శివలక్ష్మి గంగాధరరావు శ్రీనివాస మూర్తి ప్రిన్సిపాల్ నాగ రాజు  ఫోటో మాలిక

ఆరుద్ర ,పెండ్యాల కలిసి ఊపిన సంగీత ”ఉయ్యాల జంపాల

స్వచ్చ బాబా

ఆధునిక ప్రపంచ నిర్మాతలు –జీవితాలలో చీకటి వెలుగులు  -16

                     8- ఆధునిక ప్రతీక వాద రచయిత -చార్లెస్ బాడేలేర్-2

ఇరవై ఏడవ ఏట డిప్రెషన్ నుంచి బయట పడ్డాడు బాడలేర్ .తనలాగే జీవితం లో దుఃఖ శోకాలనుభావించిన అమెరికా కవి బహుముఖ ప్రజ్ఞాశాలి ,రచయితా ‘’ఎడ్గార్ అలాన్ పో’’ ను రెండేళ్లక్రితమే చదివి ఆయన రచనలను ఫ్రెంచ్ భాషలోకి తర్జుమా చేయాలనే మంచి కోరిక కలిగింది .’’నేనెందుకు పో ను అనువదిస్తున్నానో తెలుసా?అతని పోలికలు నాలో ఉన్నాయి ,  నామానసిక ఆధ్యాత్మిక బంధువు అనిపిస్తాడు .మొదటి సారి నేను ఆయన పుస్తకం తెరచి చదివి నప్పుడు  దిగ్భ్రాంతికి లోనైనాను .నేను ఏ విషయాల పై రాయాలని కలలు కన్నానో ,ఏ వాక్యాలు ఎలా రాయాలనుకోన్నానో ,అవన్నీ పో మహానుభావుడే రాసేశాడు .’’అని తన ఆరాధనా భావాన్ని తెలియ జేసుకొన్నాడు .కేధలిక్ మత వారసుడిగా బాడేలేర్ కు అసలైన పాపం అంటే ఏమిటో తెలుసు .చెడు మానవ ప్రకృతిలో అంతర్గతమై ఉందని పో గుర్తించినట్లే ఈయనా గుర్తించాడు .ఆరేళ్ళు తీవ్రం గా కస్టపడి  తన సృజనకు పదును పెట్టి పో కధలను  అయిదు  భాగాలుగా  ఫ్రెంచ్ భాషలో కి అనువదించాడు .కాని ఒక్క కవిత జోలికి కూడా పోలేదు .ఒకే ఒక అమెరికన్ కవిత లాంగ్ ఫెలో రాసిన’’హయవాత ‘’మాత్రం ఫ్రెంచ్ లోకి అనువాదం చేశాడు .ఇలా పో కవితో తాదాత్మ్యం చెంది రచనా సృష్టి చేసిన తర్వాత తాను రాయాలను కొన్న విషయాలపై ద్రుష్టి పెట్టాడు .

శైలి మార్చుకొన్నాడు .కామ భావనలు తగ్గి శోక భావాలు పెరిగాయి .ప్రేమ కవిత్వం లో అంతకు ముందు ఎవరూ రాయనంత గొప్ప కవిత ‘’అన్ వాయెజ్ ఏ సైటర్ ‘’ రాశాడు . అందులో పిచ్చి మోహం పెల్లుబికింది .భయంకర భీభత్స భయానక౦ గా దాన్ని సమాప్తి చేశాడు .’’in thine isle O Venus ,I found only upthrust-A calvary symbol whereupon my image hung –Give me Lord God ,to look upon that dung –my body and my heart ,without disgust ‘’దీనిపై మాన్సేల్ జోన్స్ స్పందిస్తూ ‘’సాహిత్య ప్రభావం కోసం కాకుండా పాపం అనేది మానవ అంతరాత్మ  స్వభావం ‘’అన్న విషయాన్ని బాడేలేర్ తెలియ జేశాడన్నాడు .కవితలో విశ్రుం ఖలత క్రమంగా తగ్గి  బాలెన్స్ స్తితిలో ఉంటున్నాడు మనకవి .ఆత్మవిమర్శ చేసుకొని జాగ్రత్తగా అడుగులేస్తున్నాడు .1857లో ‘’లెస్ ఫ్లుఎర్స్ డు మాల్ ‘’రాసి ప్రచురించాడు .దీన్ని అమ్మకానికి పెడితే పబ్లిక్ ప్రాసిక్యూటర్ దీన్ని ఖండించగా ,,కాపీలన్నీ పోలీ సులు స్వాధీనం చేసుకొన్నారు .ఈ విషయం తల్లికి ఉత్తరం ద్వారా తెలిపాడు .ఆ పుస్తకం పై తన స్పందన తెలియ జేస్తూ ‘’I have put all my tenderness ,my hate ,and my religion into the book .Iam proud of having written a book that inspired nothing but fear and horror of evil ‘’అన్నాడు .పుస్తకం లో ఏదో కొద్దిగా చదివి నిర్ణయానికి రాకూడదని మొత్తం చదివి అర్ధం చేసుకోవాలని కోరాడు .కోర్ట్ కు వెళ్ళాడు కోర్టు అతనిపక్షమే తీర్పు చెప్పినా  ఆ పుస్తకం లో దైవ దూషణ లేదని ,కాని బూతు అశ్లీలం ఉన్నాయని బహిరంగ అమ్మకానికి అనుమతించమని అందులోని  లెస్బియన్ పై ఉన్న ఆరు కవితలను తీసేసి ప్రచురిస్తే అనుమతిస్తామని తీర్పు చెప్పారు .దీనికి ఒప్పుకొని అలానే చేసి  మరో 35 కవితలు చేర్చి రెండవ ముద్రణ లో వాటిని తీసేసి ముద్రించాడు .కాని తానూ ఆశించిన పుస్తక శిల్ప నిర్మాణం(ఆర్కి టేక్చర్) దెబ్బ తిన్నాడని తెలుసుకొన్నాడు

బాడేలేర్ భావనలో కవిత్వ పరమార్ధం రెండు రకాలుగా ఉంటాయని ‘’the distinction between good and the beautiful ,the discerning of beauty in evil ‘’చెప్పాడు .’’no where in literature has there been found a more astonishing mixture of radiance and what Baudelaire called ‘’spleen ‘’of the macabre and the magnificent ‘’.కవిత్వం ,విమర్శ  విరుద్ధమైనవికావు అని చాలామంది అన్నదానిని ఒప్పుకోలేదు .కవి గొప్ప విమర్శకుడు అన్నాడు .విమర్శకుడు కాకపొతే సగం కవి మాత్రమె అవుతాడు అన్నాడు . కవి భావాలను ప్రసారం చేసే వాడుమాత్రమేకాదు,అన్ని కళలను సమన్వయము చేసి అతీత శబ్దాలను సృష్టించేవాడు . సాహిత్య ,కళ ,సంగీతం ,సౌందర్యం లపై బాడేలేర్ రాసినవిషయాలన్నీ అతని సృజన శక్తి ,అన్వేషణ ఫలితాలే .అవి   ఆనందాన్ని ఇస్తూనే  జ్ఞానాన్ని పెంచేవే .’’the material objects exist in this world only because they have their origin in the world of spirit .the artist should decipher the hidden writings of nature and to interpret the mysteries of the universe .’’అని హితవు చెప్పాడు .కళ అనేది పరమ ఉత్క్రుస్టమైనది మాత్రమె కాకుండా ప్రపంచం  లో అందాన్ని ప్రభావితం చేసేది .అందం అంటే మానసిక  వాస్తవికత –దీనినే ఆర్టిస్ట్ సృష్టించి దర్శింప జేస్తాడు .ఆర్టిస్ట్ దృష్టిలో అందం వస్తువులోఉండదు ,దానికి ఆర్టిస్ట్ తెచ్చే అందం లోనే ఉంటుంది .

ప్రచురించిన పుస్తకం ఆర్ధికం గా లాభించక పోవటమేకాక ఆరోగ్యం పైనా ప్రభావం చూపి ,రెండో ముద్రణలోనూ ప్రోత్సాహం రాక కున్గిపోయాడు .ప్రచురణ కార్ట్ దివాలా తీసి అప్పుల వాళ్ళ బాధ పడలేక బెల్జియం పారిపోవటం  మరీ బాధించింది .   లెక్చర్లు దంచి డబ్బులు వెనకేసుకొందామని ప్రయత్నిస్తే అదీ దారుణం గా విఫలమైంది .బెల్జియం లో ఉండగా ఆరోగ్యం మరింత క్షీణించి మొదటిసారి ఎటాక్ వచ్చింది .యవ్వనం లో విలాసంగా అన్నిరకాల సుఖాన్ని అనుభవించటం తో సంక్రమించిన సుఖ వ్యాధి పీల్చి పిప్పి చేస్తోంది .శారీరక బాధలను  మానసిక కుంగు బాటును మరిచిపోవటానికి నెమ్మదిగా డ్రగ్స్ కు అలవాటు పడ్డాడు . భరించలేని పరిస్తితులలో ఆత్మహత్యకూ ప్రయత్నించాడు .దీనితో మానసిక స్థితి అదుపు తప్పి ‘’the wind of the wings of madness’’అనుభూతికి లోనయ్యాడు .43 ఏళ్ళ నది వయసులోనే ఈ సుఖాలు దుఖాలు బాధలూ అవమానాలు అన్నిటిని మరిచి పోయే శాశ్వత నిద్ర లోకి జారు కోవటానికి ముందు రెండేళ్ళు బెల్జియం లో దయనీయ స్తితిలో ఉండిపోయి ,నెమ్మదిగా పారిస్ చేరాడు  బాడేలేర్ .ఇక్కడ కొత్తగా కండరాల బలహీనత ,విస్మృతి ఏర్పడ్డాయి .మాట్లాడలేక పోయేవాడు .శరీరభాగాలేవీ పని చేయక పక్షవాత స్తితిలో ఉండిపోయాడు  .కాని మెదడు సురక్షితంగానే ఉంది .చివరికి మృత్యువే జయించి అతని బాధలన్నీ తీర్చి అక్కున చేర్చుకొని31-8-1867 నశాశ్వత విముక్తినిచ్చింది .

అతని అంత్య క్రియలు అత్యంత హీనంగా పదిమండి మాత్రమె హాజరవగా జరిగాయి .సాహిత్య సాంస్కృతిక సంఘాల వారెవరూ హాజరుకాలేదు .బాడేలేర్ పుస్తకాన్ని అంకితం పొందిన మహానుభావుడూ గైర్ హాజరయ్యాడు .సాహిత్య పత్రికలేవోకంటి తుడుపుగా నాలుగు ముక్కలు రాసి దులిపేసుకోన్నాయి .ఆతను జీవంచి ఉండగా వచ్చినమంచి  రివ్యూ మూడుభాగాలు పాల్ వేర్లేన్ అనే 22ఏళ్ళ యువ కవి రాసింది పెద్దగా ప్రాచుర్యం లేని “”L Art’’మేగజైన్ లో వచ్చింది .బతికి ఉండగా పట్టించుకోకుండా వదిలేశారు అతన్ని .కాని చనిపోయాక నాలుగేళ్ళకు బాడేలేర్ కవితలందరి చేతులలో  అలంకారా లైనాయి .ఇష్టపడి చదివి ఆరాధించటం మొదలు పెట్టారు .స్విన్ బరన్ కవి అతనిని ‘’ఫైర్ స్కార్ద్ స్పిరిట్ ‘’అన్నాడు .అతని కవితలు మన హృదయాలను మంటలతో తృప్తి పరుస్తాయన్నాడు .బాడేలేర్ కు స్మృతిగీతం రాస్తూ స్విన్ బరన్ ‘’thou sawest ,in thine own singing season ,brother –secrets and sorrows unbeheld of us –fierce loves ,and lovely leaf-buds poisonous –bare to thy subtler eye but for none other ‘’అంటూ నివాళులర్పించాడు .

సింబాలిక్  అనబడే ప్రతీక వాద కవులు బాడేలేర్ ను తమ మార్గ దర్శిగా భావించారు .కవిత్వాన్ని  సాంకేతి కతతోను ,సంగీతం తోనూ సంపన్నం చేశాడని పరవశిస్తారు . రూపకాలంకారాలు ,భావ చిత్రాలు తో సింబాలిక్ గా విషయాన్ని చెప్పాడని మెచ్చారు .ఆధునికులు అతనిలో సృజన ,విధ్వంసం అనే రెండుకళలున్నాయన్నారు .మతాధికారులు ‘’he transformed a seemingly insatiabe appetite for sin into a hunger for spiritual sustenance ‘’అని విశ్లేషించారు .దాదాపు ఇరవైకి పైగా పుస్తకాలు రాశాడు .

అయితే ఇవాళ బాడేలేర్ ను ఏ భావ జాలం వాళ్ళు తమవాడు ,ప్రేరకుడు  మార్గ దర్శి అని చెప్పటం లేదు .అతని ప్రభావం ,ప్రేరణ ఉత్తేజం అన్ని రకాల భావజాలాలోకి చొచ్చుకుపోయి  కలిసి కరిగి పోయాయి .శృంగార విరాగాలలో కలిసి పోయాయి .బాడేలేర్ చెప్పిన అసలు సూక్తి ఏమిటి అంటే ‘heaven or Hell what does it matter .Let us plunge into the depths .In the very pit of the unknown ,we will find the New ‘’.మార్సెల్ ప్రాస్ట్ ,ఆల్ఫ్రెడ్ డీ విన్జీ మొదలైన ఫ్రెంచ్ కవులు అతని ప్రభావానికి లోనయ్యారు .ఇంగ్లీష్ కవులలో ఎడ్మండ్ విల్సన్ ,ఇలియట్ మొదలైన వాళ్ళు  సింబాలిజాన్ని పోషించారు .సెక్స్ ను చావును గురించే ఎక్కువ చెప్పాడు .అవే ‘’ స్కాండలస్ సాహిత్యం’’ గా ముద్రపడ్డాయి .లెస్బియన్ శృంగారం చాలా పవిత్రమైనది ఆరోగ్యమైనది అని చెప్పాడు .ప్రేమ ఆరాధన గురించి ,రూప పరివర్తన ,శోకం ,నగరాలలో అవినీతి పైకవిత్వం రాశాడు .జీవించలేని దుర్భర పరిస్తితులను చూసి చాలించాడు . .If rape or arson, poison or the knife

Has wove no pleasing patterns in the stuff

Of this drab canvas we accept as life—

It is because we are not bold enough!

(Roy Campbell‘s translation)

మరో ప్రముఖునితో కలుద్దాం

మీ-గబ్బిట దుర్గా ప్రసాద్ -24-2-15- ఉయ్యూరు

ఆధునిక ప్రపంచ నిర్మాతలు –జీవితాలలో చీకటి వెలుగులు  -15

                     8- ఆధునిక ప్రతీక వాద రచయిత -చార్లెస్ బాడేలేర్

ఆధునికత అనే పదానికి సృష్టికర్త ,సింబాలిజం కు ఆద్యుడు ,ది ఫ్లవర్స్ ఆఫ్ ఈవిల్ నవల ద్వారా ప్రపంచ  ద్రుష్టి నాకర్షి౦చిన ఫ్రెంచ్ రచయిత చార్లెస్ పియరీ బాడేలేర్.19 వ శతాబ్దపు ఫ్రెంచ్ రచయితలు కొరడా దెబ్బలు కొట్టుకొని పాఠకులనూ అలానే కొట్టారు .వాళ్ళమనసులోని కోపం ,డిప్రెషన్ ,లను వ్యక్తిగత సెన్సేషనలిజం , ,బాహ్య ప్రదర్శనం గా మార్చుకొన్న విపరీత మనస్కులు .అందులో బార్లీ డీ ఆర్విల్ సముద్రపు ఎండ్రకాయ లాగా జీవిస్తూ అది సముద్రపు రహస్యాలు తెలుసుకోగలదని దాని హ్రుదయ౦  అతి పవిత్రమైనదని  అన్నాడు .బాడేలేర్ వీధుల్లోనే యెర్ర ఈకలతో చేసిన దాన్ని మెడ చుట్టూ కట్టుకొని తిరిగితే ,ఇంకో ఆయన రి౦బాడ్ దైవ దూషణ రాతలను పార్కు బెంచీల మీద పిచ్చ పిచ్చగా వంకర  టింకర గా ‘’షిట్ – గుడ్ బై ‘’( Merde a Dieu) అని రాసేవాడు .బాడేలేర్ చాలాబాధలు అనుభవించాడు .సమకాలీన రచయితల కంటే ఎక్కువగా స్వయంకృత డయాబాలిజంఅంటే  దెయ్యాల భయం తో   ,అపరాధ భావం తో క్షోభ చెందాడు .ఇవే మనసంతా నిండిపోయి ‘’ఫ్లవర్స్ ఆఫ్ ఈవిల్ ‘’అనే ప్రఖ్యాత నవల రాశాడు .దీనిని సమీక్షిస్తూ ప్రముఖ విమర్శకుడు డీ ఆర్విల్ ‘’డాంటే స్వయం గా నరకం సందర్శిస్తే,  బాడేలేర్ ఆ నరకం నుండే వచ్చాడు ‘’అన్నాడు.

 పారిస్ లో 1821ఆగస్ట్ 9 న  బాడేలేర్ పుట్టేనాటికి తండ్రి వయసు 62,తల్లి వయసు 26.అంత వ్యత్యాసం ఉంది .ఒక్కడే పిల్లడుకనుక సంపన్నుడైన తండ్రి తన వెంట మ్యూజియం లకు తిప్పుతూ ఎన్నోకధలను చెబుతూ వాత్సల్యాన్ని కురిపిస్తూ  ,ఉత్సాహం కలిగించాడు .ఈ ఆనందం ఎక్కువ కాలం నిలవలేదు .ఏడవ ఏటనే తండ్రి చనిపోగా తల్లి యువ కమాండర్ ను ప్రేమించి పెళ్ళాడింది .బాడేలేర్ కు ఈ కొత్త తండ్రిపై ద్వేషమే కలిగి హామ్లెట్ లాగా తల్లిమీదా అది ప్రతిఫలించి ఆమె తనకు నమ్మక ద్రోహం చేసిందని నిశ్చయించుకొన్నాడు . మాతృప్రేమను కోల్పోయానని బాధపడ్డాడు .ముప్ఫై  ఏళ్ల తరువాత అమ్మ ఒడిలోని మాధుర్యాన్ని ,ఆమె చూపించిన  శ్రద్ధ ,వాత్సల్యాలను అనుభూతిని  గుర్తుకు తెచ్చుకొని  రాసుకొన్నాడు .

  స్కూల్ లో చదువులో సాధారణం గా ఉండేవాడు .సాహిత్యం తప్ప మిగిలిన విషయాలేవీ అతన్ని ఆకర్షించలేదు .లాటిన్ పద్యాలకు బహుమతి వస్తే ,అవిదేయతకు శిక్ష పొందాడు .మళ్ళీ చేరి పరీక్ష పాసై తోచిందేదో రాస్తూ కాక్షేపం చేశాడు .కుర్రాడు చెడు సావాసాలుప ట్టిపాడి పోతాడేమో అని భావించి మారుటి తండ్రి సుదీర్ఘ ప్రయాణం తో కలకత్తా కు పంపించాడు .నౌక ఒకసారి ఘోర తుఫాను ప్రమాదానికి గురైతే ప్రయాణం విరమించి మారిషస్ లో .అక్కడి ట్రాపికల్ సీనరీ ,రెచ్చగొట్టే అమ్మాయిలూ బాగా నచ్చి , .లోపల దాగి ఉన్న కవిత్వానికి ప్రేరణ లభించ గా కొద్దికాలం ఉండిపోయాడు .మళ్ళీ పారిస్ చేరి కుర్రగాంగ్ తోకలిసి ‘’బోహీమియన్  అరిస్తో క్రసి ‘’అని పేరుపెట్టుకొని జీవించాడు . .నీటైన సోగ్గాడు బాడేలేర్ విలాసంగా వారిమధ్య కాలం గడిపాడు .బార్బీ డీ ఆర్విల్ అనే వాడుతన వింత చేష్టలతో   జతకలిసి ఉన్నాడు .క్రమంగా ఈ బాచీ సంఖ్య పెరిగింది .డబ్బు మదించిన వాళ్ళే వీళ్ళు .దియేటర్ లో చిన్న వేషాలు  వేసే ఒక పిల్లను చూసి  వ్యభిచారిణి కాదని చేరదీసి పెళ్ళాడాడు బాడేలేర్ .ఏ క్షణానికి తోచిన భావాన్ని అప్పటి అప్పుడే కవిత్వీకరించటం ప్రారంభించాడు .కలిగిన ప్రతిమానసిక భావాన్ని అక్షర బద్ధం చేశాడు .అప్పుడప్పుడు వచన రచనా చేశాడు .తటస్థపడిన ప్రతి స్త్రీపైనా కవితలు రాసినా ,జీన్ డవాల్ అనే ఆమె బాగా ప్రేరణ కలిగించింది .ఆమెనే ‘’డార్క్ వీనస్ ‘’అన్నాడు .ఆమె అంగాంగ  సౌందర్యాన్నీ కవిత్వ బద్ధం చేశాడు .యెంత త్వరగా ప్రేమించి దగ్గరికి చేర్చుకొనే వాడో అంతే స్పీడ్ గా వారితో పోట్లాడి దూరం చేసుకొనేవాడు .కాని జీన్ అతని జీన్స్ నే పట్టుకొన్నది . మనవాడి క్షణికోద్రేకాలకు విసిగి వేసారి ఒక సారి ఆమె అతన్నివదిలి  వెళ్లిపోతానన్నది .ఆమె వియోగాన్ని భరించ లేకపోయాడు .14 ఏళ్ళు కలిసి మెలసి ఉన్న ఆమె తనను వదిలి వెడితే జీవించలేనని తల్లికి ఉత్తరం రాశాడు .కానిఎడబాటు జరగ లేదు . ఇరవై ఏళ్ళు జెన్నీ బాడేలేర్ ‘జీవిత ’నాట్య  నాగిని ‘’గా ఉండిపోయింది .’’అందాల రాక్షసిగా’’’’ ,కాంతి దేవతగా ‘’అతనిమనసులో ఉండిపోయింది .ఆమె అందానికి ఆకర్షణ కి ఆరాధనకి కరిగిపోయాడు .అందం స్వర్గం నుండి భూమికి దిగివస్తుందో నరకంకూపం  నుండి వెడలి వస్తుందో  నిర్ణ యించలేకపోయాడు .దీనినే కవితాపరంగా ‘’viens du ciel profound ou sors-tu de l’abime’’అని రాసుకొన్నాడు .

 విపరీతంగా పిచ్చపిచ్చగా ఆడంబరం గా విచ్చల విడిగా డబ్బు ఖర్చుచేస్తున్నాడు బాడేలేర్ .సంక్రమించిన సంపదలో సగం ఖర్చై పోయింది .ఇలా అయితే చేతికి చిప్పెగతి అని మిగిలిన ఐశ్వర్యం ఇలా దుబారాకాకుండా అతనికి ఫైనాన్సియల్ గార్దియన్ గా ఒక నోటరీ ని ఏర్పాటు చేసింది తల్లి .అప్పటి నుంచి ప్రతి రూపాయి ఖర్చుకోసం నోటరీ దయా దాక్షిణ్యం పై ఆధార పడాల్సి వచ్చింది .ఖర్చు అలవాటైన ప్రాణం కదా విలవిల లాడుతోంది .అప్పులు చేస్తున్నాడు విపరీతంగా .అప్పిచ్చే వాళ్లకు ఎర గా మారిపోయాడు .డాబు దర్పం మాయమయ్యాయి .గుండ్రని అందమైన సున్నితమైన ముఖం  గట్టిపడిపోయింది .నవ్వుతూ హాళ్ళూ పెళ్ళూ గా ఉండేవాడు ముభావం గా ఉంటున్నాడు .చెక్కులు చిక్కిపోయాయి .అందమైన ఖరీదైన ధగధగలాడే బట్టలు వదిలేసి నల్ల బట్టలు కడుతున్నాడు .నల్ల బ్రాడ్ క్లాత్ మాత్రమె వేసుకొంటున్నాడు .దావీదు మహిమ కాదు ఇది ధనమహిమ .దనం చేతిలో ఆడక వచ్చిన పరిస్తితి కాదు కాదు సృష్టించుకొన్న స్థితి .దుస్తితి .బోహీమియన్ సంస్కృతీ వదిలి పెట్టేశాడు .బూర్జువా ముఠాకు దూరంగా ఉంటున్నాడు .1848జూన్ రివల్యూషన్ కు సాయం చేశాడు .బారికేడ్ లనిర్మాణం లో ,సాయపడ్డాడు .స్వయం గా ‘’we must shoot General Aupick ‘’అనే బానర్ ‘’నేశాడు ‘’.సాధారణ సైనికుడి స్థాయి నుండి జెనరల్ పదవికి ఆ తర్వాత రాయబారిపదవికి ఎదిగిన వాడిపై ద్వేషం మాత్రం పోలేదు .

     విప్లవ పత్రిక’’సాల్ట్ పబ్లిక్ ‘’ స్థాపించి నడపటం లో రాజీలేని వాస్తవ చిత్రకారుడైన గుస్తేవ్ కూర్బేట్  కు ,హెరాన్ దీమార్ అనే విమర్శకుడికి సహాయపడ్డాడు .విప్లవానికి ఇన్ని రాకాల ఊపిరులు ఊదినా అది విఫలమై చప్పగా చల్లారి పోవటం తో మానసిక క్షోభ చెందాడు బాడేలేర్ .’’సెకండ్ ఎంపైర్ ‘’అధికారానికి వచ్చింది .రాజకీయం అంటే రోతపుట్టింది .వీధుల్లోకొచ్చి విప్లవ నినాదాలిచ్చి ఉద్రేకం తో ఊగి ,ఊగించిన ‘’మాబ్ ‘వింత, విపరీత ప్రవర్తనకు  అసహ్యమేసింది .ఉదాసీనత మనసులో, శరీరం లో ప్రవేశించి నిష్క్రియా పరుడయ్యాడు బ్రాడేలేర్ .

     సశేషం

      మీ-గబ్బిట దుర్గా ప్రసాద్ -23-2-15-ఉయ్యూరు