రా’’చ’’ కీయ ద్విప్లేట్స్ –12(‘’దాదా ‘పాలన ప్రకటన తర్వాత)

1-తల్లి ఉసురు తీసి తెలంగాణా బిడ్డకు జన్మ

 అన్న మోడీ మాట వినకుంటే తప్పదు మన ఖర్మ .

2-‘’దేశం ‘’లోకి  ‘’బుద్ధుడు ,సారధి’’ మిగిలిన నిరాశా జనం దూకుతారట

  బుద్ధుడు ‘’వాకే’’ సారధి’’ నాట్ ఒకే’’  బలుపు కాక వాపు అవుతుందేమో ఈ గెంతులాట.

3- వలసదారుల వల్ల తెలుగు దేశం అవు తుంది ‘’మరో కాంగ్రెస్ ‘’

    హెచ్చరించిన ‘’కోడెల ‘’మాట వినకుంటే అవుతుంది  టి.డి.పి.బెలూన్’’ తుస్’’.

4-వంట గాసుకు  నిన్నటిదాకా మొండికేసి ముడి పెట్టి ‘’ఆధార్ ‘’

  చేతులు కాలి ,బుద్ధి తెచ్చుకొని  చేశారిప్పుడు ‘’నిరాదార్ ‘’ .

5-నిలువెత్తు సాహిత్య శిఖరం స్వర్గీయ జాను మద్ది హనుమచ్చాస్త్రి

  బ్రౌన్ కు సాహిత్య గుడి కట్టిన ‘’బ్రౌన్ శాస్త్రి’’  అందరి వాడై  అయ్యారు ‘’జాన్ అహ్మద్ శాస్త్రి ‘’.

6-‘’తెలంగాణా రావటం నాకూ సంబరం లేదు’’ అన్నసాంఘిక  మేధావి  ఐలయ్య కంచే

   అక్కడ చైతన్యం ,సంస్కరణ సమైక్యాంధ్ర వల్లనే సాధ్యమయిందని చిత్రించింది  ఆయన ‘’కలం కుంచె’’.

7- గవర్నర్ ‘’నరసింహం ‘’వీరాంగానికి ,ఇన్నేళ్ళుగా  గా ఎదురు చూసిన దానికి  తెర లేచింది

 ‘’శబ్ద సభను’’   సుప్త చేతనం లో ఉంచి  ‘’శవ చేతనం’’ కాకుండా,బూడిద లో నుంచి లేచే ‘’ఫీనిక్స్’’ లా చెయ్యాలని         తెర దించింది .

8-‘’మోడీ యే మొగాడు’’ అని కితాబిచ్చిన కళ్ళ జోడు ‘’కరుణా నిధి’’

  ‘’జంపింగ్ ఫ్రాగ్’’ అవబోతున్నాడా అవినీతి ‘’కనిమొలి ‘’తండ్రి హత విధీ! .    

9-లోక సభకు పోటీ చేస్తానన్న మహాశయుడు ఆద్వాణి

  పెద్ద ముత్తైదు లా మళ్ళీ కుచ్చేళ్ళూ చీరా సవరించి చేయబోతున్నాడా బోణి ?

10-సూత్రధారి ,వ్యాపారీ సంపన్నుడు ,సుబ్రతా రాయ్ చేస్తాడా స్వంత  సంస్థ  ‘’సహారా ‘’

  చిక్కడూ దొరకడూ లా దోబూచులాడి జైలు పాలై  ఏమీ లేని  ‘’ఎడారి సహారా ‘’?

11-‘’లగడ పాటి ‘’ ఆవేశం లో  కాడీ మేడీ పారేసి చేశాడు ‘’ అస్త్ర సన్యాసం ‘’

  అనుచరులకు నచ్చక, దీక్ష చేసి చేయిం చేట్లున్నారు మళ్ళీ  ‘’అస్త్ర విన్యాసం ‘’.

12-‘’ అందర్నీ పిలిచి హైదరా బాద్ లో అందరి మాటలూ విన్న’’ దాదా ‘’

    పెద్దమనిషివని నమ్మిన  ఆశలన్నీ ‘’తూ నా  బొడ్డూ ‘’ అని నిరాశ పరచావేం’’ ప్రణ(వ) య దాదా ‘’? .

   మీ –గబ్బిట దుర్గా ప్రసాద్ -1-3-14-ఉయ్యూరు

.