రా’’చ’’కీయ ద్విప్లేట్స్-16(తాట,తోలు సీను )

1-సీమాంధ్ర కు బిజెపి అధ్యక్షుడు హరిబాబు’’ కంభం పాటి ‘’

 ‘’ప్రొఫెసర్’’ గారు చూపిస్తారా తనకున్న   సత్తా’’ ఏపాటి ?’’.

2-ఆగ్రహం ,ఆవేశం ఆవేదనా అవమానం ,ఆక్రోశం తో వచ్చిన ‘’పవనిజం ‘’

 అన్నీ నిజాలే చెప్పి దిశా నిర్దేశం చేయక పోయినా, వద్దన్నాడు ‘’పవరిజం ‘’.

3-‘’డిగ్గీ’’ ని డిక్కీ లో పెట్టి హస్తినకు పంపిన’’ కే.సి ఆర్.’’

  నీకు నీ అయ్యకూ’’ ఆ అమ్మకూ’’ బెబ్బే బెబ్బే అని కరిచి’’ అరిచార్ ‘’.

4- అమ్మ టికేటిస్తే ‘’చంద్ర శేఖరు’’ ని పై పోటీ

  ‘’ విజిగి శాంతి ‘’మాట నిజమా ?లేక తింటుందా దెబ్బ ‘’పీటీ ‘’.

5- ,మీకూ మాకు రాం రాం   కలవం పోత్తే లేదు’’ హస్తం తో ‘’

  తెగేసి చెప్పి గులాబీ నేత డిగ్గీ ని డిల్లీ తోలేశాడు’రిక్త హస్తం తో’’ .

6-కాంగ్రెస్  నాయకుల కు ‘’ పవన్’’ తాట’’ ఒలుస్తాడట.

‘’ పొన్నాల’’ పవన్ ,పవనిజం’’తోలు తీస్తాడట’’.

7-పొన్నాల ,పవన్ లు  చే పట్టారేమో ‘’చర్మ కార వ్రుత్తి ‘’!

  అసలైన ఆ వ్రుత్తి వారి కడుపు కొట్టటం ‘’ఇదేం ప్రవ్రుత్తి ?’’.

8-దేశానికి’’ మోడీ’’ ,రాష్ట్రానికి’’ బాబు’’ అవసరం అన్న’’ యెర్ర బెల్లి’’

 ఊగిసలాటలో స్తిరత్వం ఇచ్చిన  మాటలా?లేక ‘’గోడమీది పిల్లి ? .

9-ఈ ఎన్నికల్లోనే నచ్చని వాడి ని వద్దనే ’’ తిరస్కార బాణం ‘’

 ప్రజాస్వామ్య విలువల్ని తెలియజెప్పి అవుతుంది  అసమర్దుల పాలిట’’వ్రణం’’.

10-‘’మమత ‘’పాలిటి ఆశా దీపం అనుకొన్న ‘’అన్నా హజారే ‘’

 గైర్హాజరై నిరాశ పుట్టించి ‘’కోల్కొత్తా దీదీ’’ని చేశాడు’’ బేజారే.’’

  మీ –గబ్బిట దుర్గా ప్రసాద్ -15-3-14-ఉయ్యూరు