కస్టాలు -కన్నీళ్లు
బాధలు -వ్యధలు
ఆప్యాయతలు -అనురాగాలు
స్నేహాలు -చుట్టరికాలు
జీతం- నాతం
కధలు -కవిత్వాలు
బాధ్యతలు -బరువులు
ఆకలీ -దప్పులు
గుండె చప్పుళ్ళు-గుండె కోతలు
గోదారీ జలాలు -మూసీ తీరాలు
నచ్చటా లు -మెచ్చటాలు
ఆత్మ గౌరవాలు -అహంభావం కాని ఆత్మాభిమానాలు
ఆపేక్షలు – ఆత్మీయతలు
చిత్రాలు -జీవిత విచిత్రాలు
ఊహించని గౌరవాలు -ఊరించిన మెచ్చికోళ్ళు
ప్రైజులు -పారితోషికాలు
కుందుర్తి ,శ్రీవాత్సవలు -శివారెడ్డి గోపాల చక్రవర్తులు
మేనమామలు -పెద నాన్నలు
ఊపిరి తిత్తులు తొలిచే పురుగులు -ఊరడించే సింగులు
క్రిష్ణాపత్రికలు -సమాచార శాఖలూ
అహంభావం తో కొట్టిన దెబ్బలు -మర్యాదగా తిరస్కరించిన తీరులూ
ఉత్తరాలు -పరిచయాలు
ఉత్తర పరిచయం తో -చేరువైన ఇల్లాలు
ఇవన్నీ పడుగూ -పేకల్లా
అల్లిన మీ జీవితం -ఒక చిక్కని గీతం
వచన సంగీతం -కవిత్వ వచనం
ప్రతి పదం లోపలి పొరలు చీల్చుకోచ్చినదే
ప్రతిభావం నవ పరిమళ భరితమే
చిత్రానికి సంగీతం అద్ది -కవిత్వానికి చిత్ర సొగసులు కూర్చి
మీ జీవితాన్ని -జీవన గమనాన్ని
ఆవిష్కరించిన తీరు -అమోఘం అత్యద్భుతం
వీర్రాజు గారూ -అక్ష రాలను శోభావిలసిత శిల్పాలుగా
చెక్కిన మీ ఓర్పూ -నేర్పూ నాన్యతో దర్శనం అనిపించింది
అదొక ప్రవాహం -సుడిగుండం
శక్తి జలపాతం -సంగమ క్షేత్రం
భేషజం లేని -నిరాడంబర ఉత్కృష్ట గమనం
నిసర్గ రమణీ యానికి నిలువెత్తు దర్పణ మే
శ్రీ వీర్రాజుదంపతులకు నమస్కారాలు మూడు నెలల క్రితం పరిచయమైనా మీరు ఆప్యాయం గా నాకు అందజేసిన ”పడుగు పెకల మధ్య జీవితం ” పుస్తకం నిన్నా ఇవాళ చదివే అవకాశం కలిగింది దాదాపుగా నాన్ స్టాప్ గా చదివా ముగ్దుడిని చేసింది . ఉండ బట్ట లేక చేతకాని కవిత్వం షో కులకు పోయి పైన ఏదో గిలికాను . నిజం చెప్పాలంటే మాటలు చాలవు చదివి అనుభవించాల్సిందే
ఇద్దరి ఆరోగ్యాలు బాగా ఉన్నాయని తలుస్తూ -దుర్గాప్రసాద్
సరసభారతి ఉయ్యూరు 