సరసభారతి ఉయ్యూరు

02_11_2011_004

       బౌద్ధం లో వచ్చిన పరిణామాలు —-1
                        ఏ  మతమైనా ,సమాజం లో వచ్చిన మార్పులకు ,వత్తిళ్ళకు ,ఇతర మతాల ప్రభావాలకు , ,అవసరాలకు మార్పు పొందుతూనే వుంటుంది .ఈ మార్పులు ఆ మతానికి కొన్ని సార్లు లాభదాయకం గా ,కొన్ని సార్లు కష్టం  కలిగించేవిగా వుంటాయి .లాభం వుంటే మతం పుంజుకుంటుంది .నష్టం కలిగితే కుంగి పోతుంది ఒక్కో సారి స్వార్ధ శక్తుల ప్రభావం వల్లచీలికలు ,పేలికలు అయి అసలు స్వరూపమే మారి పోతుంది  .దీనికి ఏ మతము అతీతం కాదు .బౌద్ధం కూడ ఎంతో ఆదర్శ ప్రాయంగా వచ్చింది కాలక్రమం లో అనేక మార్పులు పొందింది .చివరికి గుర్తు పట్టటానికి వీలు లేని రూపం గా మారింది .ఆ పరిణామాలను పరా మర్శించ టమే  ఈ వ్యాసం ధ్యేయం .
                                                 ఆదర్శ బౌద్ధం
                       ప్రాణులను చంపరాదని ,అన్ని జీవాలపై జాలి చూపించటం ముఖ్యమని బోధిసత్వుడైన బుద్ధుడు బోధించాడు .ధనం కోసం వంచన వద్దన్నాడు ,.పరస్పర ప్రేమ ఇచ్చి పుచ్చుకోవటం తో వృద్ధి చెందుతుంది .కూట సాక్ష్యం,నిందా ,అసత్యాలను దగ్గరకు చేర నీయ రాదు .సత్వ సంశుద్ధికి సత్యమే సరైన భాష .మోహ పరవశత్వం లో పరభార్యలను చేరితే శీలమే కాదు ,ధర్మ త్చ్యుతి కలిగి సమాజ వినాశన హేతువు అవుతుందని బుద్ధ భగ వానుని వాణి .బుద్ధుని విధానం వైరాగ్యం కాదు .ఆయన యోగ విధానానికి ఆధారం కరుణ .లోకం పట్ల జాలి కరుణ ,అనుకంప ఆయన్ను ఒక మహా శక్తి సంపన్నుని గా చేశాయి .అందుకే సంసారాన్ని త్యజించి ,జ్ఞాన సాధనకుఅడవులు   పట్టాడు .విశ్వ వ్యాపితమైన జాలితోనే బంధువు లందర్నీ వదులు కున్నాడు .మనశ్శాంతి కోసం తపస్సు చేశాడు .చివరకు నిర్వాణం పొందాడు .ఆ నిర్వాణం ఒట్టి కాంతి మాత్రమే కాదు .అది కరుణ రస సాక్షాత్కారం .మనిషి మనుగడ అర్ధవంతం కావ టానికి గౌతముడు ”పంచ శీల ”ను బోధించాడు .దాన్ని సమష్టి పరం చేయ గలిగితే లోక కళ్యాణమే .అసుర స్వభావం అయిన విరోధాన్ని పూర్తిగా వద లాలి .మానవ స్వభావ మైన స్నేహాన్ని సాధించాలి .భగవద్గీతలో భగవానుడు కృష్ణుడు చెప్పిందీ ఇదే కదా .సర్వభూతాల మీద ఎవరికి వైరం ఉండడో ,వారే తనను t పొందుతారు అని చెప్పాడు అదే గీతా సారం .కృష్ణుని సర్వ భూత ప్రేమ ,గౌతముని అహింస అన్ని కాలాలకు శ్రేయో దాయకమే .సంక్షుభిత స్థితి లో సమాజం వునప్పుడు   వీటికి ప్రత్యెక అవసరం వుంటుంది .
                                             ” అర్హతునికి ”అర్హతలు
               బౌద్ధ మతం లో సాధకులు” అర్హతులు ”అవుతారు .అన్నిటి లోను వున్న ”అతి ”ని విసర్జించి ,మధ్యమ మార్గం గా నడిస్తే నే అర్హతుడవు తాడు .దీనికి బుద్ధుడే ఆదర్శం .బుద్ధుడు జితేంద్రియుడు,గొప్ప ఆధ్యాత్మిక అనుభవం వున్న వాడు .ఆయనకు మంచి శరీర సౌష్టవం వుంది .అధిక క్రియా,శక్తి సంపన్నత కూడా వుంది .మంచి భోజనం చేసే వాడు .మంచి దుస్తులూ ధరించే వాడు .మధ్యమ మార్గం లో నడ వాలంటే ”అష్టాంగ సాధన ”చేయాలి .మానవుల్ని బంధించే దశ బంధాల నుంచి విముక్తి చెందాలి .అంటే వాటిని చేదించు కోవాలి .”నేను ”అన్న భ్రాంతి అందులో మొదటిది .సందేహం రెండోది .బాహ్యం గా చేసే మంచికర్మలె ప్రయోజనం అనే భావం ,విషయ వాంచ ,దుస్చింత ,ఐహిక సుఖం పై మమకారం ,ఈ శరీరం వదిలి స్వర్గసుఖాలు అనుభవించాలన్న ఆరాటం ,స్వాతిశయం ,దురహంకారం ,అవిద్యఅనే వాటినన్నిటినీ వదులు కోవాలి .అప్పుడే మార్గం తేలిక అవుతుంది .అష్టాంగ విధానాలతో సాధన చేశ్తే గమ్యం చేర గలరు .అవి సమ్యక్ దృక్పధం ,సమ్యక్ ఆశయం ,సమ్యక్ భాషణం ,సమ్యక్ప్రవర్తన    ,సమ్యక్ జీవనం ,సమ్యక్ కృషి ,సమ్యక్ భావం ,సమ్యక్ అను భూతి ఇవే అష్టాంగాలు .ఇంతకు ముందు చెప్పిన పది బంధనాలలో మొదటి మూడింటినీ వదిలేస్తే ,అతని లో గొప్ప శక్తి ఏర్పడి ,”అర్హతుడు ”ఆవ టానికి దారి సుగమం అవుతుంది .సత్వ గుణం తో ,తామసిక ,రాజ సిక  ,గుణాలను జయించి ముందుకు అడుగు వేయాలి .అప్పుడు ఏర్పడే ప్రత్యెక వ్యక్తిత్వాన్ని ప్రశాంతత లో లీనం చేసి,నిర్వాణం పొందటమే ఈ సాధన పరమార్ధం .
               ఆధునిక భారత దేశం లో అహింసా మార్గం లో ,సత్య భాషణం లో జీవితాన్ని పునీతం చేసుకున్న జాతి పిత మహాత్మా గాంధి గారు బుద్ధుని జీవితాన్ని బాగా అధ్యయనం చేశారు .”బుద్ధుడు నాస్తికుడు కాదని నేను చెప్పటానికి సాహశిస్తున్నాను .తోటి వారి కోసం హృదయం గాయ పడక పోతే ,హృదయం లోంచి రక్తం ధారాళంగా ప్రవహించక పోతే ,అతనిని బుద్ధ భగ వానుడు తన వాడి గా గుర్తించడు .గర్వం లేని ప్రజలు నమ్రత తో ,దేవుని చేరు తారు .ఇదే బౌద్ధ మతం ముఖ్య ధర్మం అని నా అభిప్రాయం”ఆన్నారు గాంధిజీ .శ్రీ అరవింద మహర్షి కూడా ”కర్మ బంధనం నుంచి,వ్యక్తిత్వం నుంచి దుఖం నుంచి ,విముక్తి చెందటమే బుద్ధుని లక్ష్యం .అప్పుడే నిత్యమూ ,సత్యము అయిన స్థితి పొంది బంధ విమోచనం కలుగు తుంది ”అన్నారు .వ్యక్తిత్వాన్ని దాటి ,అంతరంగం లో ప్రశాంత స్థితిని అనుభ విస్తు ,శాశ్వతమైన సత్యం ,ధర్మం ,ప్రేమ లకు సంబంధించిన కర్మల్ని బాహ్యం గా చేయటమే  బుద్ధుని సందేశం అని శ్రీ అరవిందుల భావం .దీనినే కవి ,సిని రచయిత ,నాటక రచయిత పింగళి నాగేంద్ర రావు ”కామాగ్ని జరిగేటి కామ దహనమురా –ఆనంద భోగమే అపరామ్రుతమురా —భువన భువనాలకు బుద్ధ గతి ఇదిరా ”అని చక్క గా వివరించారు .కక్షలు ,కార్పణ్యాలు అనంత మైన బాధకే దారి తీస్తాయి అందుకని మైత్రీ దీపమే రక్ష .అందుకే దీన్ని ఆవిష్కరిస్తూ కరుణశ్రీ జంధ్యాల పాపయ్య శాస్త్రి గారు బుద్ధుని హృదయ రాణి ”యశోధరా ”హృదయాన్ని గొప్పగా ఆవిష్కరించారు  కమ్మని పద్యంలో .
                ”లోకాలు వెలిగించురాకాసుదాకరు –నింటిలో బంధింప జేయుటేట్లు !
                 జగతికిఅత్యుజ్వల   ప్రగతి జూపెడి ధ్రువ –జ్యోతి ని దాచుకో చూచు తేటలు !
                 విశ్వ జనీనమౌ నైశ్వర్యమును మేడ –గోడలలో నిల్పు కొనుట యెట్లు !
                 సర్వం కషంబైన  జ్ఞాన వారాసిని –పైట కొంగున మాటు పరుచుటేట్లు !
                 భ్హువన బంధుని మణిమయ భవన మందు –పవలు రాత్రులు నిర్బంధ పరచుటేట్లు !
                 ప్రేమ మయు నిన్ను నా బాహు సీమల –పట్టు కోని చుట్టు కొని నిల బెట్టు టెట్లు !”
                                      అని ఆ కరుణా మయుని విశ్వవ్యాప్తిత్వాన్ని ,ఆ ప్రేమ మూర్తి అనంతత్వాన్నిచక్కగా  అర్ధం చేసుకోంది యశోధర .తన పేరు సార్ధకం చేసు కోని తన యశస్సు ధరామండలం అంతా వ్యాపింప జేసి ధన్యురాలైంది .
                                              సశేషం
                                   మీ —గబ్బిట దుర్గా ప్రసాద్ —-02 -11 -౧౧.

శ్రీ సదశివ బ్రహ్మేంద్ర కీర్తనల లో అద్వైతా మృతం ——9
బ్రహ్మా నందం
శ్రీ సదాశివ బ్రహ్మేంద్ర కీర్తనల లో ఇప్పటి వరకు ”రామ రసం ”,”కృష్ణా మృతం ”ఆత్మ బోధ ”శీర్షికల లో వున్న కీర్తన లను గురించి తెలుసు కున్నాం .ఇప్పుడు ”బ్రహ్మా నందం ”లోకి చేరి అందులోని కీర్తన వైభవాలను అర్ధం చేసు కుందాం.
పల్లవి —–             —నహిరే నహి శంకా చిత్ –నహిరే నహి శంకా ||
చరణాలు ———-01 –అజమక్షర మద్వైత మనంతం –ధ్యాయంతి బ్రహ్మ వరం శాంతం ||
02 —ఏ త్యజ్ఞాతి బహుకర పరితాపం –ఏ భజన్తి సత్చిత్చుఖ రూపం ||
03 —పరమ హంస గురు భనితం గీతం —ఏ పథంతి నిగమార్ధ సమేతం ||
భావం ——–”ఎవరు అనేక లౌకిక దుఖాలను వాది లేస్తారో ,సచ్చిదానంద రూపానీ సేవిద్తారో ,పరమ హంస గురువు లైన వారిచే స్తోత్రం చేయబడిన గీతాలను ,వేదార్దాల సాయం తో అధ్యయనం చేస్తారో ,వారంతా ,ఆది అంతం లేని ఏకమైన ,పరమ శాంత స్వరూపమైన బ్రహ్మాన్నే ధ్యానిస్తారు ,ఇందులో అనుమానం లేదు ,శంక కూడా లేదు ”
విశేషాలు —–స్థూల సూక్ష్మ శరీరాలను సాధన ద్వారా స్వాదీనక్మ్ చేసు కోవాలి .వాటి దుఖాలను వదిలి నప్పుడు ,వాటి లోని సత ,చిత్ ,సుఖం స్పష్టమవుతై .ఆ సుఖం పరమాత్మ స్వ రూపమే కాని వేరే కాదు .పరితాపాలు అనేవి శరీరం నుంచి ,మనసు నుంచి ,బయటికి తొంగి చూసి పొందేవి .ఇవి స్వతహాగా జీవుడికి వుండవు .మనసు వాటిని వదిలేస్తే ,మనసు అనేదే వుండదు .మనసుకు ఆధార మైన పరమ శాంతమైన బ్రహ్మమే దర్శనం అవుతుంది .మోక్షానికి కారణమైన ప్రతిదీ గురు కృప వల్లనే సాధ్యం .ఆ గురువు పరమ గురువు అయి వుండాలి .పరమ హంస లా వుండాలి .అప్పుడే తరుణోపాయం లభిస్తుంది .తాను పరమ హంస కనుక అందరు ,పరమ హంస స్థితి ని పొందాలని ప్రతి కీర్తన లోను ఎరుక గా తెలిపారు పరమ హంస అయిన సదాశివ బ్రహ్మేంద్ర యతీశ్వరులు .
రెండవ కీర్తన ——–
o2 —–పల్లవి —–ఖేలతి పిండాందే భగవాన్ –ఖేలతి పిండా న్డే ||
చరణాలు —01 —-హంసః సోహం హంస సోహం –హంస సోహం సోహమితి –పరమాత్మాహం పరిపూర్నోహం —బ్రహ్మివాహం బ్రహ్మేతి ||
02 –త్వక్చాక్షు శృతి జిహ్వ ఘ్రానే –పంచ విధ ప్రానోప స్థానే –శబ్ద స్పర్శ రసాదిక మాత్రే —సాత్విక రాజస తామస మిశ్రే ||
03 –బుద్ధి మనస్చిట్టా హన్కారే –భూజస తేజో గగన సమీరే –పరమ హంస రూపేన విహార్తా –బ్రహ్మ విష్ణు రుద్రాది క కర్తా ||
భావం ——–”శరీరం లోనే భగవంతుడు ఆడుతున్నాడు .హంసను నేనే .నేనే హంసను .పరమాత్మను .పరిపూర్ణ బ్రహ్మం నేనే .పంచేంద్రియ గోళాలలో ,పంచ ప్రాణ స్థానాలలో ,శబ్ద ,స్పర్శ తన్మాత్రలలో ,త్రిగుణాల కలయిక లో ,శరీరం లో క్రీడా ఖేలనం చేస్తున్నారు పరమాత్మ.నాలుగు అంతః కరనలలో ,పంచ భూతాలలో ,పరమ హంస లా విహరిస్తూ ,త్రిమూర్తుల సృష్టి కర్త గా శరీరం లో ఆడి ,పాడి ,రమిస్తున్నాడు ”
విశేషం —ప్రపంచం అనేది దేశ ,కాలాలో కదుల్తుంది .ఇది పరమాత్మ పరిపాలన వల్లనే సాధ్యం .ప్రపంచాన్ని చూసే పరికరాలు అన్నీ ఆయన స్వరూపాలే .వేరు కాదు .సృష్టి ,స్థితి ,లయలుజీవుని అనుభవాలే .వాటిని అనుభవానికి తెచ్చేదీ పరమాత్మ ఏ .
మూడవ కీర్తన లోకి చేరు కుందాం
03 —పల్లవి —-ఆనంద పూర్ణ బోదోహం—సతత మానంద పూర్ణ బోదోహం ||
చరణాలు —-01 —ప్రత్యగద్వైత సారోహం –సకల శ్రుత్యంత తలత్ర విదితోహం,అమ్రుతోహం ||
మత్యనంతర భావితోహం –విదిత నిత్య నిష్కల రూప నిర్గుణ పదోహం ||
02 —సాక్షి చిన్మాత్ర గాత్రోహం -పరమ మోక్ష సామ్రాజ్యాదిపోహం
పక్ష పాతాతి దూరోహం -అనవధిక సుఖ సాగరోహం ||
03 —స్వప్రకాశైక సారోహం –సదహమప్రపంచాత్మ భావోహం అభయోహం
చిదహమప్రమెయాఅఖ్య మూర్తి రేవాహం |\
భావం ——ఈ కీర్తన కూడా ఆత్మాను భూతి పొందిన ఒక సిద్ధ పురుషుని ఆనంద మయ ,చిన్మయ ,చిద్రూప అద్భుత వర్ణన .ప్రాపంచిక కొలతలకు పరిమానాలకు అందని ఉన్నతోన్నత ,ఉత్తమోత్తమ స్థితి అది .వేదం చదవక్కర లేదు .ఉపనిషత్తులు అధ్యనం చెయ్యక్కర లేదు ,శాస్త్రాల సారం పిండ నక్కర లేదు .ఈ కీర్తన చదివినా ,విన్నా ,అర్ధం చేసు కున్నా అంతా బ్రహ్మ జ్ఞానమే .హాయిగా సంగీతం తో మేళవించి ,అన్నీ రంగరించి అందించిన రస గుళిక .
నాక్ల్గవ కీర్తన లోకి చేరుకుందాం
04 —పల్లవి —-ఆనంద పూర్ణ బోదోహం –సచ్చిదానంద పూర్ణ బోదోహం ||
చరణాలు —-01 –సర్వాత్మ చరోహం –పరి నిర్వాన నిర్గుణ నిఖిలాత్మ కోహం —
గీర్వాణ వర్యానతోహం –కామ గర్వ నిర్వాపణ ధీరతోహం ||
02 –సత్య స్వరూప పరోహం –వర శ్రుత్యంత బోధిత సుఖ సాగరోహం
ప్రత్యగాభిన్న పరోహం –శుద్ధ మంతు రహిత మాయా తీతోహం |\
03 –అవబోధ రస సాగరోహం –వ్యోమ పవనాది పంచాభూతాతి దూరోహం
కవి వర సంసేవ్యోహం -ఘోర భవ సింధు తారక పరమసూక్ష్మొహం ||
04 –బాధిత గుణ కలనోహం –బుద్ధ శోదిత సమరస పరమాత్మాహం
సాధన జాతాతీతోహం –నిరుపాధిక నిస్శీమ భూమానందోహం ||
05 –నిరవయవోహం అజోహం –నిరుపమ మహిమని నిహిత మహితోహం
నిరవధి సత్త్వఘనోహం –ధీర పరమ శివేంద్ర శ్రీ గురు బోధి తోహం ||
భావం —–నేను ఎవర్ని ?అన్న దానికి సమాధానమే ఈ కీర్తన .”సచ్చిదానంద పూర్ణ చైతన్యాన్ని నేను .అందరి లోని ఆత్మ మూర్తిని నేను .మోక్ష స్వరూపుడైన నిర్గునున్ని .దేవతలు నన్ను అర్చిస్తారు .కామ గర్వాప హారిని .సత్య సుఖ స్వరూపుడిని .శాస్త్రాల చేత బోధింప బడిన వాడిని .భేదాలు లేని ప్రత్యక రూప మాయా తీతున్ని .జ్ఞానంద స్వరూపున్ని .పంచ భూతాలకు అతీతున్ని .రుషి గణ పూజితున్ని .ఘోర భవ సముద్రాన్ని దాటించే పరమాత్మను .గుణ క్రీడా లో ప్రబోధం చేత శుద్ధీ చేయబడిన సమ రస పరమాత్మను .సాధనాతీత మైన ,ఉపాధి పరిధికి అతీత మైన పరమానందాన్ని నేను .అవయవ రహితున్ని .పుట్టుక లేని వాడిని .నిరుపమ మహిమ లో నిలిచి న గొప్పదనాన్ని నేనే .నిరవధిక శుద్ధ సత్యాన్ని .శ్రీ గురు పరమ శివేంద్ర స్వామి చేత బోధితున్ని అయిన వాడిని నేనే ”
వేదాలలోనిరుక్కులు చదువుతున్న    అనుభూతి లభిస్తుంది ఈ కీర్తనలో అంతా బ్రహ్మ మయమే .నేనే బ్రహ్మని”అహమాత్మా పరబ్రహ్మ ”సోహం ”బ్రహ్మ ఇవాహం ”అనే మహా వాక్య రహస్యాలన్నీ గుది గుచ్చి ,హాయిగా పాడుకుంటూ మనసారా అనుభవిస్తూ,ఆనంద పారవశ్యం కలిగించే రచన బ్రహ్మేన్ద్రులది .మాటల లో వర్ణించటం కష్టం .అనుభవించాలి తరించాలి ఆత్మాను భూతి పొందిన మహాత్ముని అనుభవమే ఈ కీర్తన .ఈ అనుభూతికి కారణమయిన శ్రీ గురువు పరమశివేంద్ర స్వామిని రెండో సారి స్మరించి సంప్రదాయాన్ని అవిచ్చిన్నం గా కాపాడారు శిష్యులైన సదా శివ  బ్రహ్మేన్ద్రులు
ఇప్పటికి ”బ్రహ్మానందం ”పూర్తిగా అనుభవిన్చాము .
బ్రహ్మేన్డ్రుల కీర్తనల లో ఇరవై నాల్గవది ,చివరిది అయిన ది ”గంగా నది పైకీర్తన  .ఆ పవిత్ర నదీమ తల్లి పావన తోయాన్ని తాగి మొక్షానందాన్ని పొందుదాం
24 —పల్లవి —–జయ తుంగ తరంగే గంగే –జయ తుంగ తరంగే ||
చరణాలు —01 –కమల భవాండ కరండ పవిత్రే —బహు విధ బంధచ్చేద లవిత్రే ||
02 –దూరీకృత జన పాప సమూహే –పూరిత కచ్చ స గుచ్చ గ్రాహే ||
03 –పరమ హంస గురు భణిత చరిత్రే –బ్రహ్మ విష్ణు శంకర నుతి పాత్రే ||
భావం ——-”ఉత్తుంగ తరంగ విరాజిత గంగా మాతా !నీకు జయం .బ్రహ్మాండాన్ని పవిత్రం చేస్తూ ,అనేక బంధనాలను విచ్చేదం చేస్తూ ,వుండే నీకు జయమగు గాక .ప్రజల పాపాలను ప్రక్షాళన చేస్తూ ,తాబెళ్ళను (కచ్ఛప ),మొసళ్ళను (గుచ్చ )నిండుగా కలిగిన వో నదీమ తల్లీ నీకు జయం .పరమ హంస పరివ్రాజక గురు పరంపర చేత కీర్తింప బడిన గంగా మాయీ నీకు జయం .త్రిమూర్తుల స్తుతికి పాత్రమైన పవిత్ర గంగా దేవీ !నీకు సర్వదా జయము ”
విశేషం —-భారతీయ సాహిత్యం లో గంగానదికి ప్రత్యెక స్థానం వుంది .ఆ నదీమ తల్లి త్రిపద గామి అంటే స్వర్గ మర్త్య ,పాతాళాలలో ప్రవహిస్తుంది .భూలోకాన్ని పవిత్రం చేయ టానికి దివి నుండి భువికి దిగిన భాగీరధి ఆమె .ఆమె పవిత్ర తీరాలలో నాగరకత విస్తరించింది .భూములను సస్య శ్యామలం చేసి ,బంగారు పంటలు పండించే అమృత జలాలను అందించే నదీ మాత .గంగా స్నానం పవిత్రం .మోక్ష ప్రదం .అంతటి శుద్ధ జలం ప్రపంచం లో లేనే లేదు .ఎన్నో పరీక్షలకు తట్టు కుంది .ఆమె తో సంబంధం లేకుండా రామాయణ ,భరత ,భాగవత కధ లేదు .ఆ పవిత్ర జలం స్వచ్చం ,పవిత్రం ,నిర్మలం .గంగా మాయి లేక పోతే భారతీయ లౌకిక ,ఆధ్యాత్మిక జీవనమే లేదని అందరి భావన .ఆ గంగా మాతను స్తుతిస్తూ అందుకే సదాశివ బ్రహ్మేన్ద్రులు జయ గానాన్ని వినిపించారు .ఆ జయం ఆమెకే కాదు లోకాలన్నిటికీ .ఇదీ ఉదాత్త భారతీయభావన .జయ మంగళం నిత్య శుభ మంగళం .
”   శ్రీ సదాశివ బ్రహ్మేంద్ర కీర్తనల లో అద్వైతా మృతం ”అనే ఈ నవరత్నాల వ్యాసపరంపరకు  ప్రేరణ ,పూర్తి ఆధారం ”స్వామిని శారదా ప్రియానంద ”గారు రచించిన గ్రంధం ”సంగీత వేదాంతం ”.ఆ స్వామినికి మనసులో సాష్టాంగ ప్రమాణాలు చేస్తూ నా కృతజ్ఞతలను తెలుపు కుంటున్నాను .ఇందులోని విషయ వివరణ అంతా శారదా ప్రియానంద స్వామినిదే నని సవినయం గామనవి చేస్తున్నాను .   నన్ను .ఎంతో ప్రభావితం చేసిన రచన ఇది .దీని ని మీకూ అందించాలనే తపన తో ఈ ప్రయత్నం చేశాను .                        సంపూర్ణం
నమస్తే
మీ –గబ్బిట దుర్గా ప్రసాద్ —30 -10 -11 .

గబ్బిట దుర్గా ప్రసాద్

గబ్బిట దుర్గా ప్రసాద్
https://sarasabharati.wordpress.com

•  ఓకె పుస్తకం రెండు కోన్నా వెందుకు ?—ఈ పుస్తకం కొంటె సగం మార్కులు వచ్చినట్లే అని రాసి వుంది పూర్తి  . మార్కులు రావాలని రెండు కోన్నా
• విస్కీ తో పాటు స్ట్రా క్కూడా తీసుకు రా —-స్ట్రాఎందుకు   సార్ —మందు ముట్టుకోనని మా ఆవిడకు ఒట్టేసి చెప్పా అందుకు
• ఏమండీ కాస్త మా ఆయన్ను పిలుస్తారా ?—నంబెర్ ప్లీజ్ —-నీ బొంద –నాకేమైనా పది మంది మోగుల్లున్నారను కున్నారా ?
• మీరు చూస్తె చిన్న లాయర్లా వున్నారు .నా కేసు ని వాదించ గలరా ?—–కంగారు పడ కండి మీ కేసు పూర్తి అయేసరికి పెద్ద లాయరునవుతాను .
• సిస్టర్ ఒక బాటిల్ రక్తం ఇవ్వండి —ఏ గ్రూపు రక్తం ?–ఏ గ్రూపుది అయినా పరవా లేదు .నా గర్ల్ ఫ్రెండ్ కు లవ్ లెటర్ రాయ టానికి
• పెళ్ళికి ముందు డబ్బు నీళ్ళ లాగా ఖర్చు పెడతానని బడాయిలు పోయారు .ఇప్పుడు మరీ ఏదడిగినా వెనకా ముందు చూస్తున్నా రేమిటి ?—అవును నీళ్ళను కూడా చాలా పొడుపు గా వాడుతాను నేను
• ఒక బకరా గాడికి దారిలో వెయ్యి రూపాయిల నోట్ కనిపించింది .దాని మీద ”హాపీ న్యూ య్వర్ ”అని రాసి వుంది .వీడు నోట్ ని జేబులో పెట్టు కోని ,పర్స్ లోంచి తన  దగ్గరున్న ఇంకో వెయ్యి రూపాయిల నోట్ తీసి దాని మీద ”same  to you  ”  అని రాసి దారిలో వదిలేసి వెళ్ళాడు వెంగళప్ప
• మహేష్ బాబు సినిమా పది సార్లు చూస్తాను —-నేను ఒక్క సారి చూస్తేనే నాకు అర్ధమై పోతుంది
• బైకు  కాస్త    నెమ్మది గా   నడ  పండి   కళ్ళు  తిరుగు  తున్నాయి  —- పిరికి దాని లా మాట్లాడకు నేను మూసుకున్నట్లు కళ్ళు గట్టి గా మూసుకో
•  2012  లో ప్రళయంవస్తుందట   ప్రపంచం మునిగి పోతుందట —-నమ్మకు .నేను వాషింగ్ మెషిన్ మొన్ననే కొన్నాను దాని మీద 2014 వరకు    గారంటీ అని వుంది
• అర్ధ రాత్రి ఎంత ఆలస్యం గా ఇంటికి వెళ్ళినా మా ఆవిడ ఏమీ అనదు వేడి నీళ్ళు కాచి రెడీ గా ఉంచుతుంది —ఎంత అదృష్ట వంతుడివి రా ?—-చలికాలం కదా చన్నీటితో గిన్నెలు తోమటం కష్టమని నాకోసం వేన్నీళ్ళుకాస్తుందిరా   తోమ టానికి
• మీ తాత గారు కనిపించగానే అందరు ”విరోధి,విరోధి ”అని పిలుస్తా రెందుకు ?—ఆయన విరోధి సంవత్చరం లో పుట్టినందుకు —–ఇంకా నయం” రాక్షసనామ సంవత్చరం లో పుట్టలేదాయన
•  పెళ్ళికి ముందు మీ ఇంట్లో కుక్క ఉండాలిగా? అవును వుండేది మా ఆవిడ దానికి మొరిగే అవకాశం ఇవ్వట్లేదు అందుకని పారిపోయింది –
• డాక్టర్ గారూ మళ్ళీ నన్ను ఎప్పుడురమ్మంటారు ? ?–ఆర్ధికం గా బాగా కోలుకున్న తర్వాత
• మమ్మీ డాడీలతో చాలా ఇబ్బంది గా వుందిరా __ఏమైంది ?—రాత్రి చదువు కొంటుంటే నిద్రపొమ్మని తిడ తారు .పొద్దుట పడుకుంటే లేపి చదువు కోమని వాయిస్తారు
• మిడత ,ఉడత ,పిడత ,మడత ,చిడత ఇవేమీ టైటిల్స్ అయ్యా ?—-అవన్నీ ప్రముఖ హీరో ల పుత్రరత్నాలు             నటించ బోయే సినిమాలు  .”.చిరుత ”హిట్అయింతర్వాత   రిజిస్ట్రేషన్కోసం వచ్చిన పేర్లు అవి  .

  కాసేపైనా నవ్వు కోటానికి మీ కోసం సేకరించిన నవ్వుల పువ్వులు ఇవి .అనుభవించి ఆనందించండి దీపావళి రోజున  .
గబ్బిట దుర్గా ప్రసాద్                                                                                                              దీపావళి శుభా కాంక్షలతో —మీ –గబ్బిట దుర్గా ప్రసాద్ –26 -10 -11 .

  దీపావళి టపాసులు 
                      మనవళ్ళ కోసం చిచ్చుబుడ్లు   కూరుతున్నాను .మతాబాలు, అవ్వయిలు కట్టటం అయిపొయింది . saample గా కాల్చి చూశాను .బానే కాలాయి .ఇంతలో మా బామ్మర్ది బ్రహ్మం ఆదరాబాదరా రొ ప్పుకుంటూ వచ్చాడు .ఎక్కడి నుంచి రాక ? .ఏమిటా రొప్పుల మోత ?అన్నాను .చొక్కాతో చెమట తుడుచు కొంటు ”నీకేం బావ!! తాపీగా చిచ్చుబుడ్లు కూరుకుంటూ కూర్చున్నావు. అక్కడ  కొంపలంటు కుంటుంటే “”అన్నాడు .”అసలు విషయం చెప్పకుండా ఈ సుత్తేమిటి రా బాబూ ?”అన్నా..”.అదికాదుబావా -నిన్న ఒక చానెల్ లో నారదుడు రాజకీయ నాయకుల్ని ఇంటర్వ్యూ చేస్తూ ఎవరెవరు దీపావళి నాడు ఏమి కాలుస్తారు ?అని అడిగాడు .ఒక్కొక్కరు భలే తమాషా గా జవాబులు చెప్పారు .నువ్వు చూడ లేదా ?”అన్నాడు .”ఎన్నని చూడను ?దేన్ని చూడను  ?  బోరు కొడుతున్నాయి .నాకా ఓపిక లేదు ”అంటూ ఇంతకీ వాళ్ల సమాధానాలు ఏమి చెప్పారో చెప్పనే లేదు  ”అన్నాను .” ” సరే వినుబావా .ముందుగా కిరణ్ కుమార్ ను అడిగితే –”నేను రచ్చబండ లలో వచ్చిన ఆర్జీలను తీర్చలేక పోతున్నాను .చూసే టైంకూడా   లేదు . అందుకని దీపావళి నాడు వాటినన్నీ కాల్చేసి పండగ చేసుకుంటాను ”అన్నాడు .చంద్రబాబు ను అడిగితే ”విజయమ్మ నా మీద మూడు వేల పేజీల అభియోగాలు మోపింది .హాయిగా వాటిని కాల్చుకుంటూ ఎంజాయ్ చేస్తాను ”అన్నాడు .చిరంజీవిని అడిగితే ”ప్రజా రాజ్యం మాని ఫెస్టోలు,  బానర్లు ,రసీదు పుస్తకాలు ఇక పనికి రావు కనుక వాటిని కాల్చుకొని ఆనందం అనుభవిస్తాను ”అన్నాడు .కే.సి.ఆర్ ను అడిగితే ”ఏముంది అన్నా ! పనికి రాని శ్రీ కృష్ణ కమిటీ రిపోర్ట్ వున్నది కదా, దాన్ని బొందపెట్టి కాల్చి నుసి చేసి పండగ జేసుకునేది ”అన్నాడట .,
                   ”  ఇంతకీ మనం పండగ యెట్లా చేసుకుందాం బావా ?”అని అడిగాడు బామ్మర్ది బ్రహ్మం ”ఒరే –ఇంకా కాల్చటానికి ఏముందిరా .నలభై రోజులనుంచి పరువు కాల్చారు .ప్రతిష్ట మంటగలిపారు ,నీతి కి నిప్పు పెట్టారు .నిజాయితీని నిలువునా దహనం చేశారు .కుంభకోణాలతో దేశ గౌరవాన్నే తగలేశారు .గనుల్లో అవినీతి ఘనులు దేశ సంపదనే మసి చేసారు .సెజ్ ల పేర రైతుల వెన్నెముకలనే నుసి చేశారు .ఆందోళన పేరుతో ,సమ్మె ల పేరుతో జన జీవితాన్ని ప్రాణాలను కాల్చి బుగ్గి చేశారు .పంటకు తగిన ప్రతిఫలం ఇవ్వకుండా ,చాలినంత కరెంట్ ఇవ్వకుండా రైతుల్ని క్రాప్ హాలిడే లోకి నెట్టి ,పంటలను మసి చేస్తుంటే గుడ్లప్పగించి చూస్తున్న ప్రభుత్వానికి ,సంజాయిషీ చెప్పుకోలేని కేంద్రానికీ ,తెలంగాణా వస్తుందని ,ఇచ్చేస్తునామని ,వాళ్ళతో ,అబ్బే అదేమీ లేదు అని వీళ్ళతో గోడమీది పిల్లి వాటం గా ఏళ్ళకు ఏళ్ళు గడుపుతూ ప్రాణాల్ని బుగ్గి చేస్తున్నారు .అవును ఇంకా ఏమి మిగిలింది ?కాల్చు కోవటానికి ? సిగ్గు, శరం తప్ప ” ఆన్నాను .మా వాడికి బుర్ర తిరిగింది ‘.”బావా!!  బుద్ధి గడ్డి తిని నీ దగ్గర కొచ్చినందుకు చె౦పలేసుకొంటున్నాను . ఏదో సరదాగా నవ్వించి పండగ పూటా కాలక్షేపం చేద్దామని వస్తే ,నీ అక్కస్సంతా తీర్చుకున్నావు ””ఇక చాలు బాబూ .”అంటూ అసలు ఏం కాల్చుకు౦దామంటే సమాధానం చెప్పలేదు ”అన్నాడు .”మనం ఇప్పటికే ఒళ్లంతా కాల్చుకున్నాం రాష్ట్రం పేరుతో ”ఇంకేమీ కాల్చుకో నక్కర లేదు ”అన్నాను .బావా topik మారుద్దాం ఆనాడు వాడు .సరే అన్నా.  బజారులో కొత్త టపాసులు ఏమి ఉన్నాయిరా ”అని అడిగాను .బావా చెబితే నమ్మవు కాని చాలా వారైటీ లు వచ్చాయి ”అన్నాడు ”పేర్లు చెప్పి ఏడు ”అంటే మొదలు పెట్టాడు ”హర్షద్ ఔట్లు !!   రాజా  బా౦బులు !!  కని అవ్వాయిలు ,గాలి తూటాలు ,జగ్గు fighterlu ,ఎడ్డి కడ్డీలు ,అమర్ నోట్ల అవుట్లు ,గడాఫీ బంగారు బిస్కట్లు ,మరాండీ మతాబాలు ,లాడెన్ లౌడ్ బ్రేకర్స్ ”అన్నాడు .”హాయిగా అవి కోనికాల్చు కొక   పొద్దున్నే ఈ కూరుడేమిటి బావా .నీ చాదస్తం తో అందర్నీ బాదిస్తున్నావ్ ”అని సలహా పారేశాడు .”ఒరే .-కొనటానికి వెళ్ళా .కాని అవ్వాయి రేట్లు ఆకాశాన్ని చూస్తున్నాయి మతాబాలు తబలా దెబ్బల్ల ఉన్నాయి .చిచ్చు బుడ్ల రేట్లు చెలరేగుతున్నాయి ..నేలటపాకాయలు నేలలోనే వున్నాయి బయటికి రావటం లేదు చాలా కాలంగా .జిల్లీలు జెల్లీ చేపల రేట్లను తలపిస్తున్నాయి .పాము  బిళ్ళల రేట్లు అందకుండా పారి పోతున్నాయి .కాకర పువ్వొత్తులు కోర కోరా చూస్తున్నాయి .రోలు రోకలి మందు లేనేలేదు .దివిటీలు లేవు .భూచక్రాల రేట్లు కళ్ళు తిరిగే లా వున్నాయి .విష్ణు చక్రాలు తల తిరిగే రేట్లలో  వున్నాయి ”అ౦దుకే  కొన కుండా తిరిగి వచ్చి ఈ పనిలో పడ్డా .”అన్నాను” బ్రహ్మం !అవేవో హస్బండ్ వాలాలు ట ఏమిటిరా అవి !! “?అని అడిగాను .వాడు మతాబా నవ్వు నవ్వి ”అవి థౌసంద్ వాలా బావా హస్బండ్ వాలా కాదు ”అన్నాడు .”ఇదివరకు టెలిఫోన్ లని వచ్చేవి ఇప్పుడు లేవా ?”అడిగాను .”ఇంకేం ఫోన్ లు బావా అంతా సెల్ లేగా -కొన్ని సెల్లులు పేలుతున్నాయిగా ఇంకా  బా౦బు లె౦దుకు “‘అన్నాడు .”ఏరా !! తెలంగాణా   ,ఆంధ్రా ,విశాలాంధ్ర ,సమైక్యాంధ్ర ,సీమాంధ్ర,రాయల  తెలంగాణా   బాంబులు రాలేదా “‘?అని అడిగితే వాడు ‘అవి రోజూ పెలుస్తూనే ఉన్నారుగా బావా!! పేపర్ వాళ్ళు, చాన్నేల్ వాళ్ళు, రాజకీయులు అన్నాడు .ఒరే నీకూ జోకుల డోకులు  బానే వస్తున్నాయిరా ”అన్నాను .నవ్వాడు వాడు .”సరే బావా వెళ్ళొస్త.ఇంటి దగ్గర మీ చెల్లెలు ఎదురు చూస్తు౦టుంది.ఆలస్యమైతే మాటల బాంబులు పేలుస్తుంది ”అంటూ జారుకున్నాడు .
                        దీపావళి శుభా కాంక్షలతో —మీ –దుర్గా   ప్రసాద్  —25 -10 -11 .
—

03.రఘువంశ సుధాంబుధి చంద్ర శ్రీ అర్థ విశేషాలు ((25-10-2011 తేదీన  మరికొంత విషయం కలుపబడింది.)

తిరుమల గర్భగుడి లోని శ్రీ రాముడు ఫట్నం సుబ్రమణ్య అయ్యర్

(చాయా చిత్రాలు:గూగుల్ సౌజన్యం)

తమిళనాడు తంజావూరు జిల్లాలో తిరువాయూర్ లో జన్మించిన   ఫట్నం  సుబ్రమణ్య అయ్యర్ (1845 – జూలై 31, 1902)  చక్కటి  స్వరకర్త. త్యాగరాజ ప్రభావితులు. వారి ప్రసిద్ధ కృతి “రఘువంశ సుధాంబుధి”. ఈ కీర్తన అర్థాన్ని, అంతరార్థాన్ని తెలుసుకొందాం.

పల్లవి:

1.రఘువంశ సుధాంబుధి చంద్ర శ్రీ

రామ రామ రాజేశ్వర

అనుపల్లవి:

2.అఘ మేఘ మారుత శ్రీకర

అసురేంద్ర మృగేంద్ర వర జగన్నాథ

చరణం1:

3.జమదగ్నిజ గర్వ ఖండన జయ రుద్రాది విస్మిత భండన

కమలాప్తాన్వయ మండన అగణిత అ ద్భు త శౌర్య శ్రీ వేంకటేశ్వర

చరణం2:

4.భృగునందనా కవిభంజనా బృందారక బృందహితా

నిగమాంతవ సుబుధావనా నీరజాక్ష శ్రీ వేంకటేశ్వర

భావం

1.శ్రీరామా! రఘువంశము అనే అమృతసాగరమును వృద్ధి పొందించు చంద్రుడా! రాజులకు అధిపతీ   !

2. పాపమనే మేఘాలను తరిమికొట్టే  పెనుగాలివంటి వాడా! శుభాన్ని ఇచ్చేవాడా! , రాక్షస శ్రేష్ఠులకు సింహములాంటి వాడా! శ్రేష్ఠుడా ! జగత్ప్రభూ!

3.జమదగ్నికి జన్మించిన పరశురాముని గర్వము పోగొట్టిన  వాడా! శివుడు మొదలైన వారికి  యుద్ధంలో  ఆశ్చర్యం కలిగించి విస్మయము కలిగించిన వాడా ! కమలాలకు ఇష్టుడైన సూర్యుని వంశంలో జన్మించి, ఆ వంశానికి అలంకారమైన వాడా ! లెక్కపెట్టడానికి వీలులేని అద్భుతమైన పరాక్రమము కలిగిన వాడా! , శ్రీ వేంకటేశా!

4. భార్గవరామా! , శుక్రునిజయించిన  వాడా!,  దేవతల బృందానికి రక్షకుడా!  వేదాంతమునుచదువుకొనే  గొప్ప గొప్ప పండితులనురక్షించే వాడా, కమలముల వంటి కన్నులు కలవాడా!  శ్రీ వేంకటేశా!

అంతరార్థం

రఘువంశ సుధాంబుధి చంద్ర శ్రీ

ఇక్ష్వాకు వంశంలో రఘువు అనే  మహారాజు జన్మించి అత్యద్భుతమైన దాన పరాక్రమ విశేషాలు ప్రదర్శించాడు కనుక అతని పేరు మీదుగ ఇక్ష్వాకు వంశానికి రఘువంశమనే పేరు వచ్చింది.

పౌర్ణమినాడు చంద్రుని చూస్తే సముద్రం పొంగుతుంది. దీనిని వర్ణించటం మన కవులకు చాలా ఇష్టం.

రఘు మహారాజు పుట్టినప్పుడు , దిలీప మహారాజు   మొట్ట మొదటిసారి చూసాడు. చంద్రోదయ కాలంలో సముద్రం అనందం పొంది ఒడ్డులని ఒరుసుకొన్నట్లు , పుత్రున్ని చూసిన ఆనందం దిలీప మహారాజులో ఇమడలేక బయటికి వచ్చిందని కాళిదాసు మనోహర వర్ణన. (రఘు వంశం-03-17 శ్లో)

శ్రీరాఘవం ధశరధాత్మజమప్రమేయం

సీతాపతిం రఘుకులాన్వయ రత్నదీపం

ఆజానుభాహుం అరవిందదళాయతాక్షం

రామం నిశాచర వినాశకరం.. నమామి…

అనే శ్లోకం మనందరికీ తెలిసిందే. ఇందులో రఘుకులాన్వయ రత్నదీపం  అనే సమాసానికి రాముడు రఘుకులమనే  సముద్రానికి చంద్రుడిలాంటి వాడని పెద్దలు అర్థం చెబుతారు.  ప్రాచీన కవులందరికీ   ఇష్టమైన ఈ “సముద్ర చంద్ర” సమాసానికి “సుధ” అనే విశేషణం అదనంగా చేర్చి పట్నం వారు ఈ కీర్తనలో రాముని సంబోధించారు.

అఘ మేఘ మారుత శ్రీకర

పాపానికి ఇంకోపేరు అఘం.   కర్తని  పొందేది, దుఃఖాన్ని   విడువనిది అఘం.  ఈ అఘం మేఘంలాంటిదట. “మేహతీతి మేఘః”  తడుపుతుంది కాబట్టి మబ్బుని మేఘమన్నారు.

పుణ్యపు వెలుగుకి అడ్డువచ్చి , బతుకును చీకటి చేసేది మేఘం. ఈ  మేఘం- గాలివల్ల  తొలిగితే మళ్ళీపుణ్యాల వెలుతురు. రామచంద్రమూర్తి మన పాపాల మేఘాలను  తొలగించే శీతల స్పర్శ ..

అసురేంద్ర మృగేంద్ర వర జగన్నాథ

అసురులంటే రాక్షసులని సామాన్యార్థం.అసురులనే పేరు వాళ్ళకి మూడు కారణాల వల్ల వచ్చింది.

1.సుర(అమృతము ) లేనివారు కాబట్టి అసురులు.

2.దేవతలు (సురులు)కానివారు కనుక అసురులు.

3.అసువులంటే ప్రాణాలు. వీటిని గ్రహించేవారు కనుక అసురులు.

ఇటువంటి రాక్షసులలో మహా భయంకరులైన వారి పాలిటి సింహంగా రాముడిని పట్నం వారి వర్ణించారు.

అసురేంద్రుడంటే హిరణ్య కశిపునిగా , మృగేంద్ర అంటే నరసింహావతారంగా కూడా స్వీకరించవచ్చు.

“వర” శబ్దాన్ని కవులు శ్రేష్ఠమైన అనే అర్థంలో తరచుగా వాడుతుంటారు. ఉదాహరణకి త్యాగరాజ స్వామి వారు   “మానస వనచర వర సంచారము నిలిపి మూర్తి బాగుగ పొడగనే వారు’ (ఎందరో మహానుభావులు) ప్రయోగించారు. చిన్న త్యాగరాజుగా ప్రసిద్ధి పొందిన పట్నం వారు కూడా “‘శ్రేష్ఠుడైన జగన్నాథుడా'” అనే అర్థంలో రాముడిని “వరజగన్నాథా ”   శబ్దంతో  సంబోధించారు.

జమదగ్నిజ గర్వ ఖండన

ఋచీకుడు అనేవాని  కుమారుడు జమదగ్ని. ఆ

ఆ జమదగ్ని కొడుకు  పరశురాముడు. (జమదగ్నిజ) .ఆయన  భార్య పేరు  రేణుకాదేవి. జమదగ్ని, రేణుకల చిన్న కొడుకు పేరు పరశురాముడు.

పరశురాముడు  .కూడా తక్కువ వాడు కాదు. దశావతారాలలో ఒకడు.

ఇరువదియొక్క మాఱు ధరణీశులనెల్ల వధించి తత్కళే

బర రుధిర ప్రవాహమున బైతృక తర్పణమొప్పజేసి భూ

సురవరకోటికిన్ ముదము సొప్పడ భార్గవరామమూర్తివై

ధరణినొసంగితీవు కద దాశరధీ కరుణా పయోనిధీ.(రామదాసు)

క్షత్రియ రుధిర మయే జగదపగతపాపమ్

స్నపయసి పయసి శమిత భవ తాపమ్

కేశవ! ధృత భృగుపతి రూప!

జయ జగదీశ ! హరే! (జయదేవుడు)

ఇలా మహాకవుల చేత స్తుతి పొందిన వాడు పరశురాముడు.

“పరాన్ శృణాతీతి పరశుః” శత్రువులను హింసించునది అనే అర్థంలో గండ గొడ్డలిని పరశువు అన్నారు. దానిని ధరించిన వాడు పరశురాముడు.

పరశురామునిది ఆవేశావతారం. ఒక పనికోసం జీవునిలో భగవంతుని తేజస్సు ఆవేశిస్తే దానిని ఆవేశావతారం అంటారు. ఇటువంటి ఆవేశావతారాలు పూజించదగినవి కావని పద్మ పురాణంలో ఉంది. (నోపాస్యహి భవేత్తస్మాత్ భక్త్యావేశాత్మహాత్మనః )పూర్ణావతారం,(రాముడు)  ఆవేశావతారం(పరశురాముడు)  రెండు కలుసుకొన్నప్పుడు  పూర్ణావతారంలో  ఆవేశావతారం కలుస్తుంది. పరశురాముని విషయంలో ఇదే జరిగింది.  దీనినే గర్వ భంగం  జరిగినట్లుగా పట్నం వారు పేర్కొన్నారు.

పరశురాముడు రామునితో అన్న మాటలు:

“ఓ రామా! నీకు శక్తి ఉంటే  శత్రు  పురాలను జయించే బాణాన్ని ఈ వైష్ణ వ ధనుస్సుకు సంధించు. అప్పుడు నాతో ద్వంద్వ యుద్ధం చేయటానికి నిన్ను అనుమతిస్తాను. (వాల్మీకి రామాయణం- 75వ సర్గ 28-29 శ్లోకాలు) శక్తి ఉంటే ( యది శక్నోషి ) అనే మాట గర్వంతో కూడుకొన్నది. ఆధునిక కాలంలో కూడా “నీకు దమ్ముంటే రా రా! చూసుకొందాం ! “అనే మాటలు వింటుంటాం కదా! ఇటువంటి గర్వోక్తులనే పరశురాముడు పలికాడు. “నాతో యుద్ధం చేయాలంటే ఒక అర్హత కావాలి.ఈ వైష్ణవ ధనుస్సు సంధిస్తే నాతో యుద్ధం చేసే అర్హత నీకు కల్పిస్తాను” అనే  మాటలు  కూడా ఇంకా గర్వంతో కూడుకొన్నవి. శ్రీ రాముడు ఆ వైష్ణవ    ధనుస్సును ఎక్కు పెట్టగానే  భార్గవ రాముడు తేజస్సు  కోల్పోయాడు. (76వ సర్గ-11వశ్లోకం) ఇదే గర్వ భంగం .

(25-10-2011 సశేషం )

నాకు నచ్చినది – మీకోసం

http://tadepallipatanjali.hpage.in/

IMG

Aavaranam

Telugu peetamu 1

Prapancha Telugu

Gaddafi

ఆంధ్రజ్యోతి లో వచ్చిన 24.10.2011. నాకు నచ్చిన కవిత

http://64kalalu.com/samskruthi

64 కళలు లో

విశ్వకవి రవీంద్ర, మహాకవి గురజాడ (150)  వ జయంతి ఉత్సవ సభలు ఉయ్యూరు లో 22.10.2011 AG & SG కాలేజీ లో జరిగాయి

సాహితీ బంధువులకు –దీపావళి శుభా కాంక్షలు .ఇవాళ సరసభారతి ,కృష్ణా జిల్లా రచయితల సంఘం ,ఉయ్యూరు డిగ్రీ కాలేజి సంయుక్తం గా నిర్వహించిన టాగూర్ ,గురజాడ ల 150  జయంతి ఉత్చావ సభలు అద్భుతం గా జరిగాయి .విద్యార్ధులు బాగా స్పందించారు .ఉదయం పది నుంచి సాయంత్రం నాలుగు వరకు మధ్యలో ఒక గంట విరామం తో జరిగాయి అందరు బాగా మాట్లాడి విద్యార్ధులను ఆకర్షించారు .ఇద్దరు విద్యార్ధులతో రవీంద్రుని ,గురజాడ వేషాలు వేయించి స్టేజి మీద మీటింగ్ అయేవరకు కూర్చో పెట్టాం .అంటే వారిద్దరి సమక్షం లో సభ జరిగిన అనుభూతి కల్గిన్చాము .ఆలోచన నాది ఆచరణ ఫ్లోరా హై స్చ్ల్ ప్రిన్సిపాల్ అయిన శ్యామలా దేవి గారికిది .చాలా అద్భుతం అని అందరు అభినందించారు .ఇలా ఇద్దరి జయంతి ఒకే వేదిక మీద ఎవరు ఇంతవరకు చెయ్యలేదు .ఈ వేషాలు అదనపు ఆకర్షణ .వారిద్దరికీ మండలి బుధ ప్రసాద్ గారి తో జ్ఞాపికలు అంద జేయిన్చాము .చాలాగొప్పగా   జరిపించినందుకు అందరు మమ్మల్ని  అభినందించారు .అతిదులందరికి ,వచ్చిన సాహితీ ప్రియులకు ఉదయం టిఫిన్ ,మధ్యాహ్నం భోజనం ,సాఉయన్త్రమ్ టిఫిన్ టీ ,మధ్యాహ్నం పదకొండు గంటలకు టీ ఇచ్చారు clollege వాళ్ళు .ఆ సభలో రచయితల సంఘం సరసభారతి కలిసి ప్రిన్సిపాల్ శ్రీ రాయుడు గారికి surprise గా సన్మానం చేశాం .ఆనందం తో ఆయనకు నోట మాట రాలేదు .విద్యార్ధులతో వారి స్పందనను తెలియజేయిన్చాము .ఉదయం ఇద్దరు శ్రీ మాదిరాజు రామలింగేస్వర రావు గారు ,ద్వా.నా. శాస్త్రి ,గారు సాయంత్రం శ్రీ ఎస్.వి రావు ,శ్రీమతి కే.లావణ్య ,శ్రీ గుమ్మా సాంబశివ రావు లు వరుసగా గీతాంజలి ,కన్యాశుల్కం ,టాగూర్ జీవితం ,టాగూర్ ఇతర రచనలు ,గురజాడ ,రచనలు జీవితం పై అద్భుత ప్రసంగాలు చేశారు .శ్రీ మండలి బుద్ధ ప్రసాద్ ముఖ్య అతిధి గా విచ్చేసి స్ఫోర్తి కలగే టట్లు మాట్లాడారు .కే సి పీ .జెనెరల్ మేనేజర్ శ్రీ వెంకటేశ్వర రావు ,కృష్ణా జిల్లా రచయితల సంఘం అధ్యక్షా కార్యదర్శులు శ్రీ సుబ్బా రావు .శ్రీ పూర్ణచంద్ సభాధ్యక్షత ,లక్ష్య ప్రస్తావన చేశారు .విద్యార్ధులకు గురజాడ టాగూర్ లపై వ్యాస రచన ,వక్తృత్వం లో పోటీలు నిర్వైంచి విజేతలకు బుద్ధ ప్రసాద్ గారిచే బహుమతులు అంద జేశాము .అందరికి గొప్ప సంతృప్తిని కల్గించిన సభ గా మన్ననలు   అందుకొన్నాము .—మీ దుర్గా ప్రసాద్